Padma Purana — Uttara Khanda — Chapter 2
PdP 6 2.1
महेश उवाच- एकलक्षं पंचविंशत्सहस्रा पर्वतास्तथा । तेषां मध्ये महत्पुण्यं बद्रिकाश्रममुत्तमम्
maheśa uvāca- ekalakṣaṃ paṃcaviṃśatsahasrā parvatāstathā | teṣāṃ madhye mahatpuṇyaṃ badrikāśramamuttamam
Maheśa said: The mountains are one hundred twenty-five thousand; among them the highest, of great merit, is Badrikāśrama,
AI translation rendered from the Sanskrit, not a published edition
PdP 6 2.2
नरनारायणो देवो यत्र तिष्ठति नारद । तस्य स्वरूपं तेजश्च वक्ष्यामीह च सांप्रतम्
naranārāyaṇo devo yatra tiṣṭhati nārada | tasya svarūpaṃ tejaśca vakṣyāmīha ca sāṃpratam
where the god Nara-Nārāyaṇa abides, O Nārada; and I shall now tell here his form and his splendour.
AI translation rendered from the Sanskrit, not a published edition
PdP 6 2.3
हिमपर्वतशृंगे च कृष्णाकारतया द्विज । द्वौ पुरुषौ तत्र वर्तेते नरनारायणावुभौ
himaparvataśṛṃge ca kṛṣṇākāratayā dvija | dvau puruṣau tatra vartete naranārāyaṇāvubhau
And on the peak of the Himālaya, in dark form, O twice-born, there dwell two men, both Nara and Nārāyaṇa.
AI translation rendered from the Sanskrit, not a published edition
PdP 6 2.4
श्वेत एकस्तु पुरुषः कृष्णो ह्येकतमः पुनः । तेन मार्गेण ये यांति हिमाचलकृतोद्यमाः
śveta ekastu puruṣaḥ kṛṣṇo hyekatamaḥ punaḥ | tena mārgeṇa ye yāṃti himācalakṛtodyamāḥ
One man is white, and one again is dark. Those who go by that road, having undertaken (the climb of) the Himālaya —
AI translation rendered from the Sanskrit, not a published edition
PdP 6 2.5
पिंगलश्वेतवर्णश्च जटाधारी महाप्रभुः । कृष्णो नारायणो ह्येष जगदादिर्महाप्रभुः
piṃgalaśvetavarṇaśca jaṭādhārī mahāprabhuḥ | kṛṣṇo nārāyaṇo hyeṣa jagadādirmahāprabhuḥ
(one is) tawny-and-white in colour, wearing matted hair, the great lord; and this dark one is Nārāyaṇa, the great lord, the origin of the world,
AI translation rendered from the Sanskrit, not a published edition
PdP 6 2.6
चतुर्बाहुर्महान्श्रीमान्व्यक्तोऽव्यक्तः सनातनः । उत्तरायणे महापूजा जायते तत्र सुव्रत
caturbāhurmahānśrīmānvyakto'vyaktaḥ sanātanaḥ | uttarāyaṇe mahāpūjā jāyate tatra suvrata
four-armed, great, glorious, manifest and unmanifest, eternal. In the northern course of the sun the great worship takes place there, O you of good vows.
AI translation rendered from the Sanskrit, not a published edition
PdP 6 2.7
षण्मासादिकपर्यंतं पूजा नैव च जायते । हिमव्याप्तं तदा जातं यावद्वै दक्षिणं भवेत्
ṣaṇmāsādikaparyaṃtaṃ pūjā naiva ca jāyate | himavyāptaṃ tadā jātaṃ yāvadvai dakṣiṇaṃ bhavet
For a period of some six months no worship at all takes place; for then (the place) becomes covered with snow, as long as the (sun's) southern course lasts.
AI translation rendered from the Sanskrit, not a published edition
PdP 6 2.8
अत एतादृशो देवो न भूतो न भविष्यति । तत्र देवा वसंतीह ऋषीणां चाश्रमास्तथा
ata etādṛśo devo na bhūto na bhaviṣyati | tatra devā vasaṃtīha ṛṣīṇāṃ cāśramāstathā
Hence such a god has not been, nor will be. There the gods dwell, and there are the hermitages of the sages,
AI translation rendered from the Sanskrit, not a published edition
PdP 6 2.9
अग्निहोत्राणि वेदाश्च ध्वनिः प्रश्रूयते सदा । तस्य वै दर्शनं कार्यं कोटिहत्याविनाशनम्
agnihotrāṇi vedāśca dhvaniḥ praśrūyate sadā | tasya vai darśanaṃ kāryaṃ koṭihatyāvināśanam
the fire-oblations and the sound of the Vedas is always heard there. One should indeed have sight of him: it destroys the killing of ten million.
AI translation rendered from the Sanskrit, not a published edition
PdP 6 2.10
अलकनंदा यत्र गंगा तत्र स्नानं समाचरेत् । कृत्वा स्नानं तु वै तत्र महापापात्प्रमुच्यते
alakanaṃdā yatra gaṃgā tatra snānaṃ samācaret | kṛtvā snānaṃ tu vai tatra mahāpāpātpramucyate
Where the Gaṅgā is (called) Alakanandā, there one should perform the bath; and having bathed there one is released from great sin.
AI translation rendered from the Sanskrit, not a published edition
PdP 6 2.11
यत्र विश्वेश्वरो देवस्तिष्ठत्येव न संशयः । एकस्मिन्नवसरे ब्रह्मन्सुतपस्तप्तवानहम्
yatra viśveśvaro devastiṣṭhatyeva na saṃśayaḥ | ekasminnavasare brahmansutapastaptavānaham
Where the god Viśveśvara dwells—of this there is no doubt. On one occasion, O brahman, I performed severe austerity (there).
AI translation rendered from the Sanskrit, not a published edition
PdP 6 2.12
तदा नारायणो देवो भक्तानां हि कृपाकरः । अव्ययः पुरुषः साक्षादीश्वरो गरुडध्वजः । सुप्रसन्नोऽब्रवीन्मां वै वरं वरय सुव्रत
tadā nārāyaṇo devo bhaktānāṃ hi kṛpākaraḥ | avyayaḥ puruṣaḥ sākṣādīśvaro garuḍadhvajaḥ | suprasanno'bravīnmāṃ vai varaṃ varaya suvrata
Then the god Nārāyaṇa, who shows compassion to the devoted, the imperishable Person, the Lord himself, whose banner is Garuḍa, being well pleased, said to me: "Choose a boon, O you of good vows."
AI translation rendered from the Sanskrit, not a published edition
PdP 6 2.13
श्रीनारायण उवाच-। यद्यदीप्ससि देव त्वं तं तं कामं ददाम्यहम् । त्वं कैलासविभुः साक्षाद्रुद्रो वै विश्वपालकः
śrīnārāyaṇa uvāca-| yadyadīpsasi deva tvaṃ taṃ taṃ kāmaṃ dadāmyaham | tvaṃ kailāsavibhuḥ sākṣādrudro vai viśvapālakaḥ
Śrī Nārāyaṇa said: Whatever you desire, O god, that very wish I grant you; you are the lord of Kailāsa, Rudra himself, the protector of the universe.
AI translation rendered from the Sanskrit, not a published edition
PdP 6 2.14
रुद्र उवाच-। अलं गृह्णामि भो देव सुप्रसन्नो जनार्दन । द्वौ वरौ मम दीयेतां यदि दातुं त्वमिच्छसि
rudra uvāca-| alaṃ gṛhṇāmi bho deva suprasanno janārdana | dvau varau mama dīyetāṃ yadi dātuṃ tvamicchasi
Rudra said: It is enough—I accept, O god, O Janārdana, since you are well pleased. Let two boons be given to me, if you wish to give.
AI translation rendered from the Sanskrit, not a published edition
PdP 6 2.15
तव भक्तिः सदैवास्तु भक्तराजो भवाम्यहम् । सर्वे लोका ब्रुवंत्वेवमयं भक्तः सदैव हि
tava bhaktiḥ sadaivāstu bhaktarājo bhavāmyaham | sarve lokā bruvaṃtvevamayaṃ bhaktaḥ sadaiva hi
May devotion to you be mine always, and may I become the king of devotees; may all the worlds say thus: "This one is forever a devotee."
AI translation rendered from the Sanskrit, not a published edition
PdP 6 2.16
तव प्रसादाद्देवेश मुक्तिदाता भवाम्यहम् । ये लोका मां भजिष्यंति तेषां दाता न संशयः
tava prasādāddeveśa muktidātā bhavāmyaham | ye lokā māṃ bhajiṣyaṃti teṣāṃ dātā na saṃśayaḥ
By your grace, O lord of gods, may I become a giver of liberation; for those people who will worship me, I shall be the giver (of it)—there is no doubt.
AI translation rendered from the Sanskrit, not a published edition
PdP 6 2.17
विष्णुभक्त इति ख्यातो लोके चैव भवाम्यहम् । यस्याहं वरदाता तु तस्य मुक्तिर्भवेत्प्रभो
viṣṇubhakta iti khyāto loke caiva bhavāmyaham | yasyāhaṃ varadātā tu tasya muktirbhavetprabho
And may I become renowned in the world as "the devotee of Viṣṇu"; and to whomever I am a giver of boons, may there be liberation for him, O Lord.
AI translation rendered from the Sanskrit, not a published edition
PdP 6 2.18
जटिलो भस्मलिप्तांगो ह्यहं वै तव संनिधौ । तव चरणप्रसादेन लोके ख्यातो भवाम्यहम्
jaṭilo bhasmaliptāṃgo hyahaṃ vai tava saṃnidhau | tava caraṇaprasādena loke khyāto bhavāmyaham
With matted hair, my limbs smeared with ashes, I stand indeed in your presence; by the grace of your feet may I become renowned in the world.
AI translation rendered from the Sanskrit, not a published edition