Padma Purana — Uttara Khanda — Chapter 194
PdP 6 194.1
सूत उवाच- एवं संप्रार्थितो विप्रास्तया भक्त्यातिदीनया। यतश्चाकथयं तद्वै तच्छृणुध्वं दयालवः
sūta uvāca- evaṃ saṃprārthito viprāstayā bhaktyātidīnayā| yataścākathayaṃ tadvai tacchṛṇudhvaṃ dayālavaḥ
Sūta said: Thus entreated, O brahmins, by that Bhakti, who was utterly wretched, what I then told her — hear that, O compassionate ones.
AI translation rendered from the Sanskrit, not a published edition
PdP 6 194.2
नारद उवाच- मा खिदस्त्वं वृथा बाले समाधाय मनो हृदि । श्रीकृष्णचरणांभोजं स्मर सौख्यं लभिष्यसि
nārada uvāca- mā khidastvaṃ vṛthā bāle samādhāya mano hṛdi | śrīkṛṣṇacaraṇāṃbhojaṃ smara saukhyaṃ labhiṣyasi
Nārada said: Do not grieve in vain, young woman; fixing your mind in your heart, remember the lotus feet of Śrī Kṛṣṇa — you will obtain happiness.
AI translation rendered from the Sanskrit, not a published edition
PdP 6 194.3
द्रौपदी च परित्राता येन कौरवकश्मलात् । पालिता गोपसुंदर्यः स कृष्णः क्वापि नो गतः
draupadī ca paritrātā yena kauravakaśmalāt | pālitā gopasuṃdaryaḥ sa kṛṣṇaḥ kvāpi no gataḥ
That Kṛṣṇa by whom Draupadī was rescued from the foulness of the Kauravas, and by whom the beautiful cowherd women were protected, has not gone anywhere at all.
AI translation rendered from the Sanskrit, not a published edition
PdP 6 194.4
त्वं तु भक्तिः प्रिया तस्य सततं प्राणतोऽधिका । त्वयाहूतस्तु भगवान्याति नीचगृहेष्वपि
tvaṃ tu bhaktiḥ priyā tasya satataṃ prāṇato'dhikā | tvayāhūtastu bhagavānyāti nīcagṛheṣvapi
But you are Bhakti, ever dear to him, dearer than life; when called by you the Lord goes even to the houses of the low.
AI translation rendered from the Sanskrit, not a published edition
PdP 6 194.5
सत्यादि त्रियुगे बोधो विरागो मुक्तिसाधकौ । कलौ तु केवला भक्तिर्ब्रह्मसायुज्यकारिणी
satyādi triyuge bodho virāgo muktisādhakau | kalau tu kevalā bhaktirbrahmasāyujyakāriṇī
In the three ages beginning with Satya, knowledge and detachment were the two means to liberation; but in Kali it is devotion alone that brings about union with Brahman.
AI translation rendered from the Sanskrit, not a published edition
PdP 6 194.6
इति निश्चित्य विद्रूपी स्वकां गात्त्वां ससर्ज ह । परमानंदचिन्मूर्तिः स्वप्रियां प्रीतमानसः
iti niścitya vidrūpī svakāṃ gāttvāṃ sasarja ha | paramānaṃdacinmūrtiḥ svapriyāṃ prītamānasaḥ
Having so determined, he of ... form created you from his own limb — he whose form is supreme bliss and consciousness, his mind pleased, (creating) his own beloved.
AI translation rendered from the Sanskrit, not a published edition — the model flagged this verse as uncertain
PdP 6 194.7
बध्वांजलि त्वया पृष्टः किं करोमीति वै हरिः । त्वां तदाज्ञापयत्कृष्णो मद्भक्तान्पोषयेति च
badhvāṃjali tvayā pṛṣṭaḥ kiṃ karomīti vai hariḥ | tvāṃ tadājñāpayatkṛṣṇo madbhaktānpoṣayeti ca
With palms joined you asked Hari, "What shall I do?"; then Kṛṣṇa commanded you: "Nourish my devotees."
AI translation rendered from the Sanskrit, not a published edition
PdP 6 194.8
अंगीकृतं त्वया तद्वै प्रसन्नोऽभूद्धरिस्तदा । मुक्तिदासीं ददौ तुभ्यं ज्ञानवैराग्य आत्मजौ
aṃgīkṛtaṃ tvayā tadvai prasanno'bhūddharistadā | muktidāsīṃ dadau tubhyaṃ jñānavairāgya ātmajau
That was accepted by you, and Hari was then pleased; he gave you Mukti (Liberation) as a maidservant, and Jñāna and Vairāgya as your two sons.
AI translation rendered from the Sanskrit, not a published edition
PdP 6 194.9
भक्तानां पोषणं नित्यं वैकुंठस्था करोषि च । भूमौ च भक्तपोषाय छायारूपं समाश्रिता
bhaktānāṃ poṣaṇaṃ nityaṃ vaikuṃṭhasthā karoṣi ca | bhūmau ca bhaktapoṣāya chāyārūpaṃ samāśritā
Dwelling in Vaikuṇṭha you constantly nourish the devotees, and on earth, for the nourishing of devotees, you have resorted to a shadow-form.
AI translation rendered from the Sanskrit, not a published edition
PdP 6 194.10
विमुक्ति ज्ञानवैराग्यैः सह चैवागतात्र हि । कृतादिद्वापरांते हि काले मुक्ति मुदास्थिता
vimukti jñānavairāgyaiḥ saha caivāgatātra hi | kṛtādidvāparāṃte hi kāle mukti mudāsthitā
Liberation too came here together with Knowledge and Detachment; and through the time from Kṛta down to the end of Dvāpara, Mukti remained here gladly.
AI translation rendered from the Sanskrit, not a published edition
PdP 6 194.11
कलौ तु संक्षयं प्राप्ता पाषंडामयपीडिता । त्वदाज्ञया गता शीघ्रं वैकुंठे पुनरेव सा । स्मृतमात्रा त्वयाद्यापि मुक्तिरायाति सत्वरम्
kalau tu saṃkṣayaṃ prāptā pāṣaṃḍāmayapīḍitā | tvadājñayā gatā śīghraṃ vaikuṃṭhe punareva sā | smṛtamātrā tvayādyāpi muktirāyāti satvaram
But in Kali she wasted away, afflicted by the disease of heresy; by your command she went swiftly back again to Vaikuṇṭha. Yet even today, the moment she is called to mind by you, Liberation comes at once.
AI translation rendered from the Sanskrit, not a published edition
PdP 6 194.12
पुत्रीकृत्य त्वयैमौ च स्वपार्श्वे परिरक्षितौ । उपेक्षातः कलौ मंदौ वृद्धौ जातौ सुतौ तव
putrīkṛtya tvayaimau ca svapārśve parirakṣitau | upekṣātaḥ kalau maṃdau vṛddhau jātau sutau tava
And these two you made your sons and kept at your side, protected; through neglect in Kali your two sons have become dull and old.
AI translation rendered from the Sanskrit, not a published edition
PdP 6 194.13
तथापि चिंतां मुंचत्वमुपायं चिंतयाम्यहम् । कलिना सदृशः कोऽपि युगो नास्ति वरानने
tathāpi ciṃtāṃ muṃcatvamupāyaṃ ciṃtayāmyaham | kalinā sadṛśaḥ ko'pi yugo nāsti varānane
Even so, do you give up worry; I shall think of a means. There is no age at all comparable to Kali, O fair-faced one.
AI translation rendered from the Sanskrit, not a published edition
PdP 6 194.14
तस्मिंस्त्वां ख्यापयिष्यामि गेहे गेहे जने जने । अन्यधर्मांस्तिरस्कृत्य पुरस्कृत्य महोत्सवान्
tasmiṃstvāṃ khyāpayiṣyāmi gehe gehe jane jane | anyadharmāṃstiraskṛtya puraskṛtya mahotsavān
In it I shall make you renowned, in house after house, among person after person, setting aside other religious duties and putting great festivals to the fore.
AI translation rendered from the Sanskrit, not a published edition
PdP 6 194.15
यदि प्रवर्त्तये न त्वां तदा दासो हरेर्नहि । त्वदन्विताश्च ये जीवा भविष्यंति कलाविह
yadi pravarttaye na tvāṃ tadā dāso harernahi | tvadanvitāśca ye jīvā bhaviṣyaṃti kalāviha
If I do not set you going, then I am no servant of Hari. And those living beings here in Kali who are attended by you —
AI translation rendered from the Sanskrit, not a published edition
PdP 6 194.16
पापिनोऽपि गमिष्यंति निर्भया हरिमंदिरम् । येषां चित्ते भवेद्भक्तिः सर्वदा प्रेमरूपिणी
pāpino'pi gamiṣyaṃti nirbhayā harimaṃdiram | yeṣāṃ citte bhavedbhaktiḥ sarvadā premarūpiṇī
even sinners will go without fear to the temple of Hari — those in whose mind there is devotion, always taking the form of love.
AI translation rendered from the Sanskrit, not a published edition
PdP 6 194.17
न ते पश्यंति कीनाशं स्वप्नेऽप्यमलमूर्त्तयः । न प्रेतो न पिशाचो वा राक्षसो वासुरोपि च
na te paśyaṃti kīnāśaṃ svapne'pyamalamūrttayaḥ | na preto na piśāco vā rākṣaso vāsuropi ca
Those of spotless form do not see Yama even in a dream; nor a ghost, nor a piśāca, nor a rākṣasa, nor even a demon.
AI translation rendered from the Sanskrit, not a published edition
PdP 6 194.18
भक्तियुक्तमनस्कानां स्पर्शने दर्शने प्रभुः । न तपोभिर्न वेदैश्च न ज्ञानेनापि कर्मणा
bhaktiyuktamanaskānāṃ sparśane darśane prabhuḥ | na tapobhirna vedaiśca na jñānenāpi karmaṇā
For those whose minds are joined with devotion, the Lord (is available) to touch and to see; not by austerities, nor by the Vedas, nor by knowledge, nor by ritual action (is he attained).
AI translation rendered from the Sanskrit, not a published edition
PdP 6 194.19
हरिर्हि साध्यते भक्त्या प्रमाणं तत्र गोपिकाः । नृणां जन्मसहस्रेण भक्तिः सुकृतिनां भवेत्
harirhi sādhyate bhaktyā pramāṇaṃ tatra gopikāḥ | nṛṇāṃ janmasahasreṇa bhaktiḥ sukṛtināṃ bhavet
Hari indeed is attained by devotion; the cowherd women are the proof of that. For men, devotion arises after a thousand births, (and only) for those of good deeds.
AI translation rendered from the Sanskrit, not a published edition
PdP 6 194.20
कलौ भक्तिः कलौ भक्तिर्भक्त्याकृष्णः पुरः स्थितः । भक्तिद्रोहकरा ये च ते सीदंति जगत्त्रये
kalau bhaktiḥ kalau bhaktirbhaktyākṛṣṇaḥ puraḥ sthitaḥ | bhaktidrohakarā ye ca te sīdaṃti jagattraye
In the Kali age devotion, in the Kali age devotion — through devotion Kṛṣṇa stands before (one). And those who do injury to devotion sink down in the three worlds.
AI translation rendered from the Sanskrit, not a published edition
PdP 6 194.21
दुर्वासा दुःखमापन्नः पुरा भक्तिविनिंदकः । अलं वृत्तैरलंतीर्थैरलं योगैरलं मखैः
durvāsā duḥkhamāpannaḥ purā bhaktiviniṃdakaḥ | alaṃ vṛttairalaṃtīrthairalaṃ yogairalaṃ makhaiḥ
Durvāsas, formerly a reviler of devotion, came to grief. Enough of observances, enough of pilgrimage places, enough of yogas, enough of sacrifices!
AI translation rendered from the Sanskrit, not a published edition
PdP 6 194.22
अलं ज्ञानकथालापैर्भक्तिरेकैव मुक्तिदा । एवमुक्तं मया सा तु स्वमाहात्म्यं निशम्य वै
alaṃ jñānakathālāpairbhaktirekaiva muktidā | evamuktaṃ mayā sā tu svamāhātmyaṃ niśamya vai
Enough of talk and discourse about knowledge — devotion alone is the giver of liberation. When this had been said by me, she, having heard her own greatness (praised),
AI translation rendered from the Sanskrit, not a published edition
PdP 6 194.23
सर्वांगहर्षसंयुक्ता मां पुनर्वाक्यमब्रवीत् । अहो नारद धन्योऽसि प्रीतिस्ते मयि निश्चला
sarvāṃgaharṣasaṃyuktā māṃ punarvākyamabravīt | aho nārada dhanyo'si prītiste mayi niścalā
filled with a thrill in every limb, spoke to me again these words: "Ah, Nārada, you are blessed; your love for me is unwavering.
AI translation rendered from the Sanskrit, not a published edition
PdP 6 194.24
न कदाचिन्विमुंचामि चित्तं ते मयि संगतम् । कृपालुना त्वया साधो मद्बाधा ध्वंसिता क्षणात्
na kadācinvimuṃcāmi cittaṃ te mayi saṃgatam | kṛpālunā tvayā sādho madbādhā dhvaṃsitā kṣaṇāt
I shall never release your mind that is joined to me. By you, compassionate one, O good man, my affliction has been destroyed in an instant.
AI translation rendered from the Sanskrit, not a published edition
PdP 6 194.25
पुत्रयोश्चेतना नास्ति ममेमौ प्रतिबोधय । तस्यास्तद्वचनं श्रुत्वा कारुण्येनान्वितो ह्यहम्
putrayoścetanā nāsti mamemau pratibodhaya | tasyāstadvacanaṃ śrutvā kāruṇyenānvito hyaham
My two sons have no consciousness; awaken these two of mine." Having heard those words of hers, filled with compassion,
AI translation rendered from the Sanskrit, not a published edition
PdP 6 194.26
तयोः प्रबोधनं कर्तुं प्रवृत्तः पाणिना स्पृशन् । मुखं संसृज्य कर्णांते शब्दमुच्चैः समुच्चरन्
tayoḥ prabodhanaṃ kartuṃ pravṛttaḥ pāṇinā spṛśan | mukhaṃ saṃsṛjya karṇāṃte śabdamuccaiḥ samuccaran
I set about to awaken those two, touching (them) with my hand, bringing my mouth close and uttering a loud sound at (their) ears' end,
AI translation rendered from the Sanskrit, not a published edition
PdP 6 194.27
ज्ञान प्रबुद्ध्य्तां शीघ्रं वैराग्यप्रतिबुध्यताम् । वेदवेदांतघोषैश्च गीता पाठैर्मुहुर्मुहुः
jñāna prabuddhytāṃ śīghraṃ vairāgyapratibudhyatām | vedavedāṃtaghoṣaiśca gītā pāṭhairmuhurmuhuḥ
"O Knowledge, wake up quickly! O Renunciation, awake!" — and with recitations of the Veda and Vedānta and readings of the Gītā, again and again.
AI translation rendered from the Sanskrit, not a published edition
PdP 6 194.28
बोध्यमानौ तदा तेन कथंचिद्बोधमागतौ । नेत्रैरनवलोकंतौ जृंभंतौ सालसावुभौ
bodhyamānau tadā tena kathaṃcidbodhamāgatau | netrairanavalokaṃtau jṛṃbhaṃtau sālasāvubhau
Then, being awakened by him, the two somehow came to consciousness, not looking with their eyes, yawning, both of them listless,
AI translation rendered from the Sanskrit, not a published edition
PdP 6 194.29
बकवत्पलितौ प्रायः शुष्ककाष्ठसमांगकौ । क्षुत्क्षामौ तौ निरीक्ष्यैव पुनः स्वापमुपागतौ
bakavatpalitau prāyaḥ śuṣkakāṣṭhasamāṃgakau | kṣutkṣāmau tau nirīkṣyaiva punaḥ svāpamupāgatau
grey-haired almost like herons, their limbs like dry sticks — and (she), seeing those two emaciated with hunger, (found that) they had again fallen asleep.
AI translation rendered from the Sanskrit, not a published edition — the model flagged this verse as uncertain
PdP 6 194.30
तदा चिंतापरोऽभूवं किं विधेयं मयेति च । अहो निद्रा कथं याति वृद्धत्वं चानयोः परम्
tadā ciṃtāparo'bhūvaṃ kiṃ vidheyaṃ mayeti ca | aho nidrā kathaṃ yāti vṛddhatvaṃ cānayoḥ param
Then I became absorbed in worry: "What is to be done by me? Alas, how will (their) sleep depart, and their extreme old age?"
AI translation rendered from the Sanskrit, not a published edition
PdP 6 194.31
चिंतयन्नित गोविंदं स्मरन्नासं द्विजोत्तमाः । व्योमवाणी तदैवाभून्मा ऋषे खिद्यतामिति
ciṃtayannita goviṃdaṃ smarannāsaṃ dvijottamāḥ | vyomavāṇī tadaivābhūnmā ṛṣe khidyatāmiti
Thus thinking, O best of the twice-born, I remained remembering Govinda; and just then there was a voice from the sky: "Do not grieve, O sage.
AI translation rendered from the Sanskrit, not a published edition
PdP 6 194.32
उद्यमस्सफलस्ते तु भविष्यति न संशयः । एतदर्थं तु सत्कर्म सुरर्षे त्वं समाचर
udyamassaphalaste tu bhaviṣyati na saṃśayaḥ | etadarthaṃ tu satkarma surarṣe tvaṃ samācara
Your effort will bear fruit, there is no doubt. But for this purpose, O divine sage, perform a good work.
AI translation rendered from the Sanskrit, not a published edition
PdP 6 194.33
तत्कर्मतेऽभिधास्यंति साधवः साधुभूषणाः । सत्कर्मणि कृते तस्मिन्स्वपनं वृद्धतानयोः
tatkarmate'bhidhāsyaṃti sādhavaḥ sādhubhūṣaṇāḥ | satkarmaṇi kṛte tasminsvapanaṃ vṛddhatānayoḥ
That work the good men, the ornaments of the good, will declare to you. When that good work has been done, the sleep and the old age of these two
AI translation rendered from the Sanskrit, not a published edition
PdP 6 194.34
गमिष्यति क्षणाद्भक्तिः सर्वतः प्रसरिष्यति । इत्याकाशवचः स्पष्टं निशम्यापि मया द्विजाः
gamiṣyati kṣaṇādbhaktiḥ sarvataḥ prasariṣyati | ityākāśavacaḥ spaṣṭaṃ niśamyāpi mayā dvijāḥ
will go in an instant, and devotion will spread everywhere." Though I heard this speech from the sky clearly, O twice-born ones,
AI translation rendered from the Sanskrit, not a published edition
PdP 6 194.35
न ज्ञातं यन्नभोवाण्या गोप्यत्वेन निरूपितं । किं तत्कर्म च येनैतौ भवतो ज्ञानसंयुतौ
na jñātaṃ yannabhovāṇyā gopyatvena nirūpitaṃ | kiṃ tatkarma ca yenaitau bhavato jñānasaṃyutau
it was not understood (by me), since it was set forth by the heavenly voice in a concealed manner: what is that work by which these two become endowed with knowledge?
AI translation rendered from the Sanskrit, not a published edition
PdP 6 194.36
क्व भविष्यंति ते संतः कथं वक्ष्यंति कर्म सत् । मयात्र किं प्रकर्त्तव्यं यदुक्तं व्योमभाषया
kva bhaviṣyaṃti te saṃtaḥ kathaṃ vakṣyaṃti karma sat | mayātra kiṃ prakarttavyaṃ yaduktaṃ vyomabhāṣayā
Where will those good men be? How will they tell the good work? What is to be done by me here, as was spoken by the voice from the sky?
AI translation rendered from the Sanskrit, not a published edition
PdP 6 194.37
अथ तौ तत्र संस्थाप्य निर्गतोऽहं बहिर्द्विजाः । वृंदारण्यादपृच्छं च यत्र तत्र द्विजोत्तमान्
atha tau tatra saṃsthāpya nirgato'haṃ bahirdvijāḥ | vṛṃdāraṇyādapṛcchaṃ ca yatra tatra dvijottamān
Then, having placed those two there, I went out, O twice-born ones, and from the Vṛndā forest onward I asked the best of the twice-born here and there.
AI translation rendered from the Sanskrit, not a published edition
PdP 6 194.38
वृत्तांतं सर्व एवाथ श्रुत्वा विस्मितमानसाः । नैवोत्तरं प्रयच्छंति ह्यनभिज्ञानभोगिरः
vṛttāṃtaṃ sarva evātha śrutvā vismitamānasāḥ | naivottaraṃ prayacchaṃti hyanabhijñānabhogiraḥ
Then, having heard the whole account, they were all astonished in mind, and gave no answer at all, being unacquainted with (the meaning of) the bodiless voice.
AI translation rendered from the Sanskrit, not a published edition — the model flagged this verse as uncertain
PdP 6 194.39
असाध्यं केचन प्रोचुराविज्ञेयमथापरे । मूकी बभूवुरन्ये तु चिंतयानाः पुनः पुनः
asādhyaṃ kecana procurāvijñeyamathāpare | mūkī babhūvuranye tu ciṃtayānāḥ punaḥ punaḥ
Some said it was impossible; others, again, that it was unknowable; while still others fell silent, pondering it over and over.
AI translation rendered from the Sanskrit, not a published edition
PdP 6 194.40
वेदवेदांतघोषैश्च गीतापाठैर्मुहुर्मुहुः । बोध्यमानं त्रिकं तत्तु नोदतिष्ठदहो विधिः
vedavedāṃtaghoṣaiśca gītāpāṭhairmuhurmuhuḥ | bodhyamānaṃ trikaṃ tattu nodatiṣṭhadaho vidhiḥ
Though awakened again and again with recitations of the Veda and the Vedānta and with readings of the Gītā, that triad did not rise up — alas, such is fate!
AI translation rendered from the Sanskrit, not a published edition
PdP 6 194.41
योगिना नारदेनापि स्वयं न ज्ञायते तु यत् । तत्कथं शक्यते कर्तुमितरैरिह मानुषैः । ततश्चिंतातुरश्चाहं बदरीवनमागतः
yoginā nāradenāpi svayaṃ na jñāyate tu yat | tatkathaṃ śakyate kartumitarairiha mānuṣaiḥ | tataściṃtāturaścāhaṃ badarīvanamāgataḥ
That which even the yogin Nārada himself does not know — how could it be accomplished here by other men? Then, tormented with worry, I came to the Badarī forest.
AI translation rendered from the Sanskrit, not a published edition
PdP 6 194.42
तपश्चरामि चात्रैव तदर्थं कृतनिश्चयः । तावद्ददर्श पुरतः सनकाद्यान्मुनीश्वरान् । कोटिसूर्यसमाभासानुवाच मुनिसत्तमान्
tapaścarāmi cātraiva tadarthaṃ kṛtaniścayaḥ | tāvaddadarśa purataḥ sanakādyānmunīśvarān | koṭisūryasamābhāsānuvāca munisattamān
"And here itself I shall practise austerity for that purpose," (thinking thus) resolved, I then saw before me the great sages Sanaka and the others, shining like ten million suns, and I said to those best of sages:
AI translation rendered from the Sanskrit, not a published edition
PdP 6 194.43
इदानीं भूरिभागेन भवतां दर्शनं ह्यभूत् । तदुपायं महाभागा वदंतु प्रीतमानसाः
idānīṃ bhūribhāgena bhavatāṃ darśanaṃ hyabhūt | tadupāyaṃ mahābhāgā vadaṃtu prītamānasāḥ
"Now, by great good fortune, the sight of you has come to me. So let the greatly blessed ones, with pleased minds, tell (me) the means for that.
AI translation rendered from the Sanskrit, not a published edition
PdP 6 194.44
भवंतो योगिनां श्रेष्ठा बुद्धिमंतो बहुश्रुताः । कुमारा एवपंचाब्दाः पूर्वेषामपिपूर्वजाः
bhavaṃto yogināṃ śreṣṭhā buddhimaṃto bahuśrutāḥ | kumārā evapaṃcābdāḥ pūrveṣāmapipūrvajāḥ
You are the best of yogins, intelligent and widely learned; boys of but five years, yet born before even the ancients.
AI translation rendered from the Sanskrit, not a published edition
PdP 6 194.45
सदा वैकुंठनिलया हरिकीर्त्तनतत्पराः । लीलामृतकथोन्मत्ता हरिस्मरणतत्पराः
sadā vaikuṃṭhanilayā harikīrttanatatparāḥ | līlāmṛtakathonmattā harismaraṇatatparāḥ
Ever dwelling in Vaikuṇṭha, devoted to the praise of Hari, intoxicated with the nectar-tales of his play, intent upon the remembrance of Hari.
AI translation rendered from the Sanskrit, not a published edition
PdP 6 194.46
अतो हि कालदुहिता युष्मान्नैव प्रबाधते । येषां भ्रूभंगमात्रेण द्वारपालौ हरेः पुरा
ato hi kāladuhitā yuṣmānnaiva prabādhate | yeṣāṃ bhrūbhaṃgamātreṇa dvārapālau hareḥ purā
Therefore indeed the daughter of Time does not afflict you — you, by the mere knitting of whose brows the two gatekeepers of Hari long ago,
AI translation rendered from the Sanskrit, not a published edition
PdP 6 194.47
दैत्यौ भूत्वा त्रिजन्मानि पुनस्तत्स्थानमास्थितौ । अशरीरगिरोक्तं यत्किंतत्साधनमुच्यताम्
daityau bhūtvā trijanmāni punastatsthānamāsthitau | aśarīragiroktaṃ yatkiṃtatsādhanamucyatām
having become demons for three births, again took up that station (of theirs). Whatever means was spoken of by the bodiless voice, let that be told.
AI translation rendered from the Sanskrit, not a published edition
PdP 6 194.48
अनुष्ठेयं यथा यत्र प्रब्रुवंतु कृपालवः । भक्तिज्ञानविरागाणांसुखमुत्पद्यतेयथा । ख्यातिर्वः सर्वलोकेषु तथा साधूच्यतां बुधाः
anuṣṭheyaṃ yathā yatra prabruvaṃtu kṛpālavaḥ | bhaktijñānavirāgāṇāṃsukhamutpadyateyathā | khyātirvaḥ sarvalokeṣu tathā sādhūcyatāṃ budhāḥ
Let the compassionate ones declare how and where it is to be performed, so that the happiness of Bhakti, Jñāna and Virāga may arise, and so that your fame (may spread) in all the worlds — tell it well, O wise ones.
AI translation rendered from the Sanskrit, not a published edition
PdP 6 194.49
कुमारा ऊचुः- मा चिंतां कुरु देवर्षे स्वचित्ते हर्षमावह । उपायः सुखासाध्योऽत्र विद्यते विश्वसौख्यदः
kumārā ūcuḥ- mā ciṃtāṃ kuru devarṣe svacitte harṣamāvaha | upāyaḥ sukhāsādhyo'tra vidyate viśvasaukhyadaḥ
The Kumāras said: Do not worry, O divine sage; bring joy into your own heart. There is here a means, easily accomplished, that gives happiness to the universe.
AI translation rendered from the Sanskrit, not a published edition
PdP 6 194.50
अहो नारद धन्योऽसि विरक्तानां शिरोमणिः । श्रीकृष्णप्रेमपात्राणामग्रणीर्वदतां वरः 6.194.
aho nārada dhanyo'si viraktānāṃ śiromaṇiḥ | śrīkṛṣṇapremapātrāṇāmagraṇīrvadatāṃ varaḥ 6.194.
Ah, Nārada, you are blessed, the crest-jewel of the detached, the foremost among the vessels of love for Śrī Kṛṣṇa, the best of speakers.
AI translation rendered from the Sanskrit, not a published edition
PdP 6 194.51
त्वयि चित्रं न देवर्षे भक्तिसाधनतत्परे । उचितं कृष्णदासानां भक्तेः संचारणं भुवि
tvayi citraṃ na devarṣe bhaktisādhanatatpare | ucitaṃ kṛṣṇadāsānāṃ bhakteḥ saṃcāraṇaṃ bhuvi
In you, O divine sage, intent on the practice of devotion, this is no wonder; it is fitting for the servants of Kṛṣṇa to spread devotion upon the earth.
AI translation rendered from the Sanskrit, not a published edition
PdP 6 194.52
ऋषिभिर्बहुधा लोके उपायाः सिद्धये कृताः । श्रमसाध्याश्च ते सर्वे प्रायः स्वर्गफलप्रदाः
ṛṣibhirbahudhā loke upāyāḥ siddhaye kṛtāḥ | śramasādhyāśca te sarve prāyaḥ svargaphalapradāḥ
Many means for attainment have been made in the world by the sages, and all of them are accomplished by toil and mostly yield heaven as their fruit.
AI translation rendered from the Sanskrit, not a published edition
PdP 6 194.53
वैकुंठसाधकः पंथा गुप्तो लोकेषु वर्त्तते । तस्योपदेशकः साधुः प्रायो भाग्येन लभ्यते
vaikuṃṭhasādhakaḥ paṃthā gupto lokeṣu varttate | tasyopadeśakaḥ sādhuḥ prāyo bhāgyena labhyate
The path that brings about Vaikuṇṭha remains hidden among the worlds; a good man who teaches it is generally obtained (only) by good fortune.
AI translation rendered from the Sanskrit, not a published edition
PdP 6 194.54
यत्ते सत्कर्म निर्दिष्टं व्योमवाचा मुनीश्वर । तज्ज्ञेयमिह सर्वज्ञैर्ज्ञानयज्ञः पुरातनैः
yatte satkarma nirdiṣṭaṃ vyomavācā munīśvara | tajjñeyamiha sarvajñairjñānayajñaḥ purātanaiḥ
That good rite which was indicated to you by the voice from the sky, O lord of sages — that is to be known here, by the omniscient ancients, as the sacrifice of knowledge.
AI translation rendered from the Sanskrit, not a published edition
PdP 6 194.55
श्रीमद्भागवतालापो ज्ञानयज्ञः शुकोदितः । भक्तिज्ञानविरागाणां सुखदः प्रतिभाति नः
śrīmadbhāgavatālāpo jñānayajñaḥ śukoditaḥ | bhaktijñānavirāgāṇāṃ sukhadaḥ pratibhāti naḥ
The recitation of the Śrīmad Bhāgavata is the sacrifice of knowledge declared by Śuka; it appears to us as the giver of happiness to Bhakti, Jñāna and Virāga.
AI translation rendered from the Sanskrit, not a published edition
PdP 6 194.56
कलिदोषा इमे सर्वे श्रीमद्भागवत ध्वनेः । प्रभीताः प्रलयायंते सिंहशब्दाद्वृका इव
kalidoṣā ime sarve śrīmadbhāgavata dhvaneḥ | prabhītāḥ pralayāyaṃte siṃhaśabdādvṛkā iva
All these faults of the Kali age, terrified at the sound of the Śrīmad Bhāgavata, go to their dissolution, like wolves at the roar of a lion.
AI translation rendered from the Sanskrit, not a published edition
PdP 6 194.57
ज्ञानवैराग्यसंयुक्ता भक्तिः प्रेमरसावहा । प्रतिगेहं प्रतिजनं सुखक्रीडां करिष्यति
jñānavairāgyasaṃyuktā bhaktiḥ premarasāvahā | pratigehaṃ pratijanaṃ sukhakrīḍāṃ kariṣyati
Devotion, joined with knowledge and detachment, bringing the savour of love, will make its happy play in every house and in every person.
AI translation rendered from the Sanskrit, not a published edition
PdP 6 194.58
सूत उवाच- कुमारोक्तं समाकर्ण्य नारदः प्रीतमानसः । पुनः प्रोवाच भगवांस्तदुत्कर्षं विभावयन्
sūta uvāca- kumāroktaṃ samākarṇya nāradaḥ prītamānasaḥ | punaḥ provāca bhagavāṃstadutkarṣaṃ vibhāvayan
Sūta said: Having heard what the Kumāras said, Nārada, his mind pleased, the venerable one spoke again, reflecting on its excellence.
AI translation rendered from the Sanskrit, not a published edition
PdP 6 194.59
नारद उवाच- वेदवेदांतघोषैश्च गीतापाठैः प्रबोधितम् । नोदतिष्ठत्त्रिकं तत्तु कलिदोषतिरस्कृतम्
nārada uvāca- vedavedāṃtaghoṣaiśca gītāpāṭhaiḥ prabodhitam | nodatiṣṭhattrikaṃ tattu kalidoṣatiraskṛtam
Nārada said: That triad, though awakened by the sounds of the Vedas and Vedānta and by recitations of the Gītā, did not rise up, being thrust away by the faults of the Kali age.
AI translation rendered from the Sanskrit, not a published edition
PdP 6 194.60
कथं भागवतालापात्तद्विबोधमिहैष्यति । छिंदंतु संशयं ह्येनं भवंतोऽमोघदर्शनाः
kathaṃ bhāgavatālāpāttadvibodhamihaiṣyati | chiṃdaṃtu saṃśayaṃ hyenaṃ bhavaṃto'moghadarśanāḥ
How then will it come to be awakened here by the recitation of the Bhāgavata? Let your honours, whose insight is unfailing, cut off this doubt.
AI translation rendered from the Sanskrit, not a published edition
PdP 6 194.61
विलंबो नात्र कर्त्तव्यः शरणागतवत्सलाः । ततस्ते सनकाद्यास्तु विरक्ता ह्यूर्द्ध्वरेतसः
vilaṃbo nātra karttavyaḥ śaraṇāgatavatsalāḥ | tataste sanakādyāstu viraktā hyūrddhvaretasaḥ
No delay should be made in this, O you who are tender toward those who come for refuge! Then those sons of Sanaka and the rest, dispassionate and holding their seed upward,
AI translation rendered from the Sanskrit, not a published edition
PdP 6 194.62
सिद्धाः सनातना विप्रा नारदं प्रोचुरादरात्
siddhāḥ sanātanā viprā nāradaṃ procurādarāt
perfected, eternal brahmins, spoke to Nārada with respect.
AI translation rendered from the Sanskrit, not a published edition
PdP 6 194.63
कुमारा ऊचुः । वेदोपनिषदां साराज्जाता भागवती कथा । अत्युत्तमा ततो भाति पृथग्भूता फलोन्नतिः
kumārā ūcuḥ | vedopaniṣadāṃ sārājjātā bhāgavatī kathā | atyuttamā tato bhāti pṛthagbhūtā phalonnatiḥ
The Kumāras said: The Bhāgavata narrative arose from the essence of the Vedas and Upaniṣads; hence it is supremely excellent, and set apart (from them) its abundance of fruit shines forth.
AI translation rendered from the Sanskrit, not a published edition — the model flagged this verse as uncertain
PdP 6 194.64
आमूलाग्रं रसोस्त्येव रसालस्य यथा फले । पृथग्भूतं तु पानेन यथा विश्वमनोहरः
āmūlāgraṃ rasostyeva rasālasya yathā phale | pṛthagbhūtaṃ tu pānena yathā viśvamanoharaḥ
Just as in the fruit of the mango the juice is present from root to tip, yet when separated out, by drinking it, it delights all the world—
AI translation rendered from the Sanskrit, not a published edition
PdP 6 194.65
यथा दुग्धेस्थितं सर्पिर्न च स्वादूपकल्प्यते । पृथग्भूतं तु तद्दिव्यं देवानां प्रीतिवर्द्धनम्
yathā dugdhesthitaṃ sarpirna ca svādūpakalpyate | pṛthagbhūtaṃ tu taddivyaṃ devānāṃ prītivarddhanam
just as the butter that resides in milk is not reckoned as sweet-tasting, but when separated out it is divine and increases the delight of the gods—
AI translation rendered from the Sanskrit, not a published edition
PdP 6 194.66
इक्षुष्विवादिमध्यांतं शर्करा व्याप्य तिष्ठति । पृथग्भूता तु सा मिष्टा तथा भागवती कथा
ikṣuṣvivādimadhyāṃtaṃ śarkarā vyāpya tiṣṭhati | pṛthagbhūtā tu sā miṣṭā tathā bhāgavatī kathā
just as in sugarcane the sugar pervades beginning, middle and end, yet only when separated out is it sweet—so too is the Bhāgavata narrative.
AI translation rendered from the Sanskrit, not a published edition
PdP 6 194.67
श्रीमद्भागवतं नाम पुराणं रसमेव हि । भक्तिज्ञानविरागाणां सौख्यायैव प्रकाशितम्
śrīmadbhāgavataṃ nāma purāṇaṃ rasameva hi | bhaktijñānavirāgāṇāṃ saukhyāyaiva prakāśitam
The Purāṇa called the Śrīmad Bhāgavata is indeed the very essence (rasa); it was revealed precisely for the happiness of Bhakti, Jñāna and Virāga.
AI translation rendered from the Sanskrit, not a published edition
PdP 6 194.68
कृष्णेन ब्रह्मणे नाभिकंजस्थाय हृदैव हि । तच्चतुःश्लोकमखिलं ब्रह्मैव प्रतिभासते
kṛṣṇena brahmaṇe nābhikaṃjasthāya hṛdaiva hi | taccatuḥślokamakhilaṃ brahmaiva pratibhāsate
It was told by Kṛṣṇa to Brahmā, seated on the lotus of his navel, by the heart alone; that whole four-verse (teaching) shines forth as Brahman itself.
AI translation rendered from the Sanskrit, not a published edition
PdP 6 194.69
तुभ्यं च ब्रह्मणा प्रोक्तं तच्चरित्रनिदर्शनम् । त्वयापि व्यासदेवाय प्रोक्तं तत्तापहानये
tubhyaṃ ca brahmaṇā proktaṃ taccaritranidarśanam | tvayāpi vyāsadevāya proktaṃ tattāpahānaye
And by Brahmā it was told to you, that display of His deeds; and by you too it was told to Vyāsadeva, for the removal of his distress.
AI translation rendered from the Sanskrit, not a published edition
PdP 6 194.70
यदीयस्मरणात्सद्यो निर्विण्णो बादरायणः । चकार महदाख्यातुमात्माराम मनोहरम्
yadīyasmaraṇātsadyo nirviṇṇo bādarāyaṇaḥ | cakāra mahadākhyātumātmārāma manoharam
By remembering which Bādarāyaṇa at once became disgusted (with the world) and composed the great (work) to proclaim it—charming even to those who delight in the Self.
AI translation rendered from the Sanskrit, not a published edition — the model flagged this verse as uncertain
PdP 6 194.71
अत्र ते विस्मयः केन येन पृच्छेः पुनः पुनः । श्रीमद्भागवतं शास्त्रं क्षमं कृष्णानुकर्षणे
atra te vismayaḥ kena yena pṛccheḥ punaḥ punaḥ | śrīmadbhāgavataṃ śāstraṃ kṣamaṃ kṛṣṇānukarṣaṇe
What astonishment have you in this, that you ask again and again? The scripture Śrīmad Bhāgavata is competent to draw Kṛṣṇa near.
AI translation rendered from the Sanskrit, not a published edition
PdP 6 194.72
सूत उवाच- एतन्निशम्य वचनं समुदाहृतं तु योगीश्वरैः सनकमुख्यतमैरभीष्टम् । भक्त्या विधृत्य चरणं च प्रणम्य मूर्ध्ना हृष्टो जगाद जगदाधिनिवर्त्तकांस्तान्
sūta uvāca- etanniśamya vacanaṃ samudāhṛtaṃ tu yogīśvaraiḥ sanakamukhyatamairabhīṣṭam | bhaktyā vidhṛtya caraṇaṃ ca praṇamya mūrdhnā hṛṣṭo jagāda jagadādhinivarttakāṃstān
Sūta said: Having heard this speech, so desirable, uttered by those lords of yoga headed by Sanaka, he grasped their feet with devotion and bowed with his head, and delighted, he spoke to those who turn away the world's affliction.
AI translation rendered from the Sanskrit, not a published edition
PdP 6 194.73
नारद उवाच-। संदर्शनं च भवतां विनिहंत्यघौघं श्रेयस्तनोति भवदुःखदवार्दितानाम् । निःशेषशेषमुखगीतकथैकपानात्प्रेमप्रकाशनकृते शरणं गतो वः
nārada uvāca-| saṃdarśanaṃ ca bhavatāṃ vinihaṃtyaghaughaṃ śreyastanoti bhavaduḥkhadavārditānām | niḥśeṣaśeṣamukhagītakathaikapānātpremaprakāśanakṛte śaraṇaṃ gato vaḥ
Nārada said: The very sight of you destroys the mass of sins and bestows welfare on those scorched by the forest-fire of worldly sorrow. For the manifesting of love (born) solely from drinking the whole narrative sung by the mouth of Śeṣa, I have come to you for refuge.
AI translation rendered from the Sanskrit, not a published edition — the model flagged this verse as uncertain
PdP 6 194.74
पुण्योदयेन बहुजन्मसमर्जितेन सत्संगमो यदि भवेत्कृतिनो जनस्य । अज्ञानहेतुकृतमोहमहांधकारो नश्येत्तदा ह्युदयमेति महान्विवेकः
puṇyodayena bahujanmasamarjitena satsaṃgamo yadi bhavetkṛtino janasya | ajñānahetukṛtamohamahāṃdhakāro naśyettadā hyudayameti mahānvivekaḥ
If, by the rising of merit accumulated over many births, a fortunate person obtains the company of the good, then the great darkness of delusion caused by ignorance perishes, and great discernment arises.
AI translation rendered from the Sanskrit, not a published edition
PdP 6 194.194
श्रीभागवतमाहात्म्ये चतुर्नवत्यधिकशततमोऽध्यायः
śrībhāgavatamāhātmye caturnavatyadhikaśatatamo'dhyāyaḥ
(Thus) the one hundred and ninety-fourth chapter in the Glorification of the Śrī Bhāgavata.
AI translation rendered from the Sanskrit, not a published edition