Padma Purana — Uttara Khanda — Chapter 192
PdP 6 192.1
पावर्त्युवाच- उक्तं सप्तदशाध्यायगौरवं भवता शिव । स त्वमष्टादशाध्यायमहिमानमुदीरय
pāvartyuvāca- uktaṃ saptadaśādhyāyagauravaṃ bhavatā śiva | sa tvamaṣṭādaśādhyāyamahimānamudīraya
Pārvatī said: The greatness of the seventeenth chapter has been told by you, O Śiva; now do you declare the glory of the eighteenth chapter.
AI translation rendered from the Sanskrit, not a published edition
PdP 6 192.2
ईश्वर उवाच-। आकर्णय चिदानंद निष्पादि निगमोत्तरम् । पुण्यमष्टादशाध्यायमाहात्म्यं गिरिनंदिनि
īśvara uvāca-| ākarṇaya cidānaṃda niṣpādi nigamottaram | puṇyamaṣṭādaśādhyāyamāhātmyaṃ girinaṃdini
Īśvara said: Hear, O you whose bliss is consciousness, O daughter of the mountain, the meritorious glory of the eighteenth chapter, which is accomplished and is the best of scripture.
AI translation rendered from the Sanskrit, not a published edition — the model flagged this verse as uncertain
PdP 6 192.3
समस्तशास्त्रसर्वस्वं श्रोत्रप्राप्तं रसायनम् । संसारयातनाजालविदारणपरायणम्
samastaśāstrasarvasvaṃ śrotraprāptaṃ rasāyanam | saṃsārayātanājālavidāraṇaparāyaṇam
(It is) the whole essence of all the scriptures, an elixir attained through the ear, devoted to tearing apart the net of the torments of transmigration;
AI translation rendered from the Sanskrit, not a published edition
PdP 6 192.4
परं रहस्यं सिद्धानामविद्योन्मूलनक्षमम् । चैतन्यं कैटभारातेरग्रगण्यं परं पदम्
paraṃ rahasyaṃ siddhānāmavidyonmūlanakṣamam | caitanyaṃ kaiṭabhārāteragragaṇyaṃ paraṃ padam
the supreme secret of the perfected ones, able to uproot ignorance, the consciousness of the foe of Kaiṭabha, foremost of all, the highest state;
AI translation rendered from the Sanskrit, not a published edition
PdP 6 192.5
विवेकवल्लरीमूलं कामक्रोधमलापहम् । पुरंदरादिगीर्वाणचित्तविश्रामकारकम्
vivekavallarīmūlaṃ kāmakrodhamalāpaham | puraṃdarādigīrvāṇacittaviśrāmakārakam
(It is) the root of the creeper of discrimination, remover of the taint of desire and anger, giver of rest to the minds of the gods beginning with Puraṃdara (Indra);
AI translation rendered from the Sanskrit, not a published edition
PdP 6 192.6
सनकादिमहायोगिमनोरंजनकारणम् । पाठमात्रपराभूतकालकिंकरगर्जितम्
sanakādimahāyogimanoraṃjanakāraṇam | pāṭhamātraparābhūtakālakiṃkaragarjitam
the cause of delight to the minds of the great yogins such as Sanaka, by which, through mere recitation, the roaring of Death's servants is defeated;
AI translation rendered from the Sanskrit, not a published edition
PdP 6 192.7
अष्टोत्तरशतव्याधिमूलोन्मूलनकारकम् । नातः परतरं किंचिद्रहस्यं हंसगामिनि
aṣṭottaraśatavyādhimūlonmūlanakārakam | nātaḥ parataraṃ kiṃcidrahasyaṃ haṃsagāmini
the uprooter of the root of the hundred and eight diseases. There is no secret higher than this, O you of swan-like gait;
AI translation rendered from the Sanskrit, not a published edition
PdP 6 192.8
उपतापत्रयहरं महापातकनाशनम् । यथाकालेष्वहं नित्यो यथा पशुषु कामधुक्
upatāpatrayaharaṃ mahāpātakanāśanam | yathākāleṣvahaṃ nityo yathā paśuṣu kāmadhuk
remover of the three torments, destroyer of the great sins. As I am eternal among the ages, as the wish-milking cow (is best) among cattle,
AI translation rendered from the Sanskrit, not a published edition — the model flagged this verse as uncertain
PdP 6 192.9
यथा व्यासो मुनींद्रेषु व्यासेषु ब्रह्मवित्तमः । यथा दिवौकसां शक्रो गुरुः शक्राद्यथा वरः
yathā vyāso munīṃdreṣu vyāseṣu brahmavittamaḥ | yathā divaukasāṃ śakro guruḥ śakrādyathā varaḥ
as Vyāsa (is best) among the chief sages, and among Vyāsas the greatest knower of brahman, as Śakra (is best) among the dwellers in heaven, and as the guru is superior to Śakra,
AI translation rendered from the Sanskrit, not a published edition
PdP 6 192.10
यथा रसानां पीयूषमुत्तमं विश्वविश्रुतम् । तथा गिरीणां कैलासो यथा चेंद्रो दिवौकसाम्
yathā rasānāṃ pīyūṣamuttamaṃ viśvaviśrutam | tathā girīṇāṃ kailāso yathā ceṃdro divaukasām
as nectar is the best of savours, renowned throughout the universe, so too Kailāsa among mountains, and as Indra among the dwellers in heaven,
AI translation rendered from the Sanskrit, not a published edition
PdP 6 192.11
तीर्थानां पुष्करं तीर्थं यथा पुष्पेषु पंकजम् । पतिव्रतासु नारीषु यथा लोकेष्वरुंधती
tīrthānāṃ puṣkaraṃ tīrthaṃ yathā puṣpeṣu paṃkajam | pativratāsu nārīṣu yathā lokeṣvaruṃdhatī
as Puṣkara is the (best) tīrtha among tīrthas, as the lotus among flowers, as Arundhatī among women devoted to their husbands in the worlds,
AI translation rendered from the Sanskrit, not a published edition
PdP 6 192.12
यथा मखेष्वश्वमेधो यथोद्यानेषु नंदनम् । यथारुद्रेषु सर्वेषु वीरभद्रो ममानुगः
yathā makheṣvaśvamedho yathodyāneṣu naṃdanam | yathārudreṣu sarveṣu vīrabhadro mamānugaḥ
as the horse-sacrifice among sacrifices, as Nandana among gardens, as Vīrabhadra, my follower, among all the Rudras,
AI translation rendered from the Sanskrit, not a published edition
PdP 6 192.13
यथा दानेषु भूदानं यथा सिंधुषु गौतमी । यथा लोके हरिक्षेत्रं प्रशस्तं धर्मकर्मसु
yathā dāneṣu bhūdānaṃ yathā siṃdhuṣu gautamī | yathā loke harikṣetraṃ praśastaṃ dharmakarmasu
as the gift of land among gifts, as the Gautamī among rivers, as Hari's field is praised in the world among acts of dharma,
AI translation rendered from the Sanskrit, not a published edition
PdP 6 192.14
तथैवाष्टादशाध्यायमाहात्म्यं भुवनोत्तरम् । तत्राख्यानमिदं पुण्यं भक्त्याकर्णय पार्वति
tathaivāṣṭādaśādhyāyamāhātmyaṃ bhuvanottaram | tatrākhyānamidaṃ puṇyaṃ bhaktyākarṇaya pārvati
just so the Māhātmya of the eighteen chapters is supreme in the world. Hear with devotion this meritorious narrative (contained) therein, O Pārvatī,
AI translation rendered from the Sanskrit, not a published edition
PdP 6 192.15
यथाकर्णनमात्रेण जंतुः पापैः प्रमुच्यते । अस्ति मेरुगिरेः शृंगे पुरी रम्यामरावती
yathākarṇanamātreṇa jaṃtuḥ pāpaiḥ pramucyate | asti merugireḥ śṛṃge purī ramyāmarāvatī
by the mere hearing of which a creature is released from sins. On the peak of Mount Meru there is the lovely city Amarāvatī,
AI translation rendered from the Sanskrit, not a published edition
PdP 6 192.16
पुरा मम विनोदाय निर्मिता विश्वकर्मणा । निरंतरं गुणयुता कोटिगीर्वाणसेविता
purā mama vinodāya nirmitā viśvakarmaṇā | niraṃtaraṃ guṇayutā koṭigīrvāṇasevitā
fashioned long ago by Viśvakarman for my enjoyment, endowed with unceasing excellences, attended by ten million gods,
AI translation rendered from the Sanskrit, not a published edition
PdP 6 192.17
तेजःपुंजवती साक्षाद्ब्रह्मविद्येव विश्रुता । चिंतामणिशिलाबद्धाः प्रासादा यत्र कामदाः
tejaḥpuṃjavatī sākṣādbrahmavidyeva viśrutā | ciṃtāmaṇiśilābaddhāḥ prāsādā yatra kāmadāḥ
filled with masses of radiance, renowned as though it were the knowledge of brahman itself, where palaces built of cintāmaṇi stone grant wishes.
AI translation rendered from the Sanskrit, not a published edition
PdP 6 192.18
जयंति मेरुशिखरे चतुर्मुखपुरावधि । यत्र कल्पद्रुमच्छाया सुखासीना पुलोमजा
jayaṃti meruśikhare caturmukhapurāvadhi | yatra kalpadrumacchāyā sukhāsīnā pulomajā
They shine on Meru's peak, extending as far as the city of the Four-faced One; where, seated at ease in the shade of a wish-granting tree, Pulomā's daughter,
AI translation rendered from the Sanskrit, not a published edition
PdP 6 192.19
शृणोति श्यामला गीर्भिर्गीतं गंधर्वयोषिताम् । यत्रास्ते सबलारातिर्देवैश्च दलितायुषाम्
śṛṇoti śyāmalā gīrbhirgītaṃ gaṃdharvayoṣitām | yatrāste sabalārātirdevaiśca dalitāyuṣām
dark-hued, listens to the song (sung) with the voices of the gandharva women; where the foe of Bala (Indra) abides together with the gods, (the foe) of those whose lifespans have been crushed,
AI translation rendered from the Sanskrit, not a published edition — the model flagged this verse as uncertain
PdP 6 192.20
दैत्यानां रक्तकल्लोलैः स्वर्धुनी शोणतां गता । पुरातनसुधास्वादु स्मारं स्मारं दिवौकसः
daityānāṃ raktakallolaiḥ svardhunī śoṇatāṃ gatā | purātanasudhāsvādu smāraṃ smāraṃ divaukasaḥ
the heavenly river turned red with the surging blood of the daityas; the dwellers in heaven, remembering again and again the sweetness of the ancient nectar,
AI translation rendered from the Sanskrit, not a published edition
PdP 6 192.21
धयंति यत्र क्षुत्क्षामा कलां प्रत्यहमैंदवीम् । तस्यां कैवल्यकल्पायामासीत्पूर्वं शतक्रतुः
dhayaṃti yatra kṣutkṣāmā kalāṃ pratyahamaiṃdavīm | tasyāṃ kaivalyakalpāyāmāsītpūrvaṃ śatakratuḥ
gaunt with hunger, there drink each day a portion of the moon. In that (city), like liberation itself, there dwelt of old Śatakratu (Indra),
AI translation rendered from the Sanskrit, not a published edition
PdP 6 192.22
शची समन्वितः श्रीमान्सर्वगीर्वाणसेवितः । स कदाचित्सुखासीनो विष्णुदूतैरधिश्रितम्
śacī samanvitaḥ śrīmānsarvagīrvāṇasevitaḥ | sa kadācitsukhāsīno viṣṇudūtairadhiśritam
accompanied by Śacī, glorious, attended by all the gods. Once, as he sat at ease, (he saw) him who was surrounded by Viṣṇu's messengers—
AI translation rendered from the Sanskrit, not a published edition
PdP 6 192.23
सहस्रनेत्रमायांतमपश्यत्पुरुषं परम् । ततस्तदीय तेजोभिरभिभूतः पुरंदरः
sahasranetramāyāṃtamapaśyatpuruṣaṃ param | tatastadīya tejobhirabhibhūtaḥ puraṃdaraḥ
the thousand-eyed one saw the supreme Person coming; then Puraṃdara, overwhelmed by his splendours,
AI translation rendered from the Sanskrit, not a published edition
PdP 6 192.24
मणिसिंहासनात्तूर्णं पतितः स्थानमंडपे । सिंहासनात्प्रयातस्य ततस्तस्य हरेर्भटाः
maṇisiṃhāsanāttūrṇaṃ patitaḥ sthānamaṃḍape | siṃhāsanātprayātasya tatastasya harerbhaṭāḥ
fell at once from the jewelled lion-throne onto the floor of the pavilion; then, when he had left the throne, Hari's attendants
AI translation rendered from the Sanskrit, not a published edition
PdP 6 192.25
गीर्वाणगणसाम्राज्य पट्टबंधं वितेनिरे । अथ तस्याभिषिक्तस्य महेंद्रस्य पुलोमजा
gīrvāṇagaṇasāmrājya paṭṭabaṃdhaṃ vitenire | atha tasyābhiṣiktasya maheṃdrasya pulomajā
they carried out the binding of the fillet (of investiture) for sovereignty over the host of gods. Then, when he, the great Indra, had been consecrated, Pulomā's daughter (Śacī)
AI translation rendered from the Sanskrit, not a published edition
PdP 6 192.26
वामांकमारुरोहाशु दिव्यदुंदुंभिनिःस्वनैः । अथ त्रिदिवसंगीत गीर्वाणाः प्रमदान्विताः
vāmāṃkamārurohāśu divyaduṃduṃbhiniḥsvanaiḥ | atha tridivasaṃgīta gīrvāṇāḥ pramadānvitāḥ
swiftly mounted his left lap, amid the sounds of divine drums. Then the gods, sung of in heaven, filled with delight,
AI translation rendered from the Sanskrit, not a published edition — the model flagged this verse as uncertain
PdP 6 192.27
सुरा नीराजयामासुर्दिव्यरत्नैः सुरस्त्रियः । ततो वै ऋषयो वेदैराशीर्वादास्तदा ददुः
surā nīrājayāmāsurdivyaratnaiḥ surastriyaḥ | tato vai ṛṣayo vedairāśīrvādāstadā daduḥ
performed the waving of lights, and the women of the gods (did so) with divine jewels. Then indeed the seers gave blessings with Vedic (verses).
AI translation rendered from the Sanskrit, not a published edition
PdP 6 192.28
रंभाद्या ननृतुस्तस्य पुरस्तादप्सरोगणाः । गंधर्वा ललितालापाञ्जगुर्मंगलकौतुकम्
raṃbhādyā nanṛtustasya purastādapsarogaṇāḥ | gaṃdharvā lalitālāpāñjagurmaṃgalakautukam
Rambhā and the other troops of apsarases danced before him; the gandharvas, with sweet singing, sang the auspicious festive (song).
AI translation rendered from the Sanskrit, not a published edition
PdP 6 192.29
एवं नूतनमिंद्रं तु जुष्टं बहुभिरुत्सवैः । विना शतक्रतुं दृष्ट्वा शक्रो विस्मयमाययौ
evaṃ nūtanamiṃdraṃ tu juṣṭaṃ bahubhirutsavaiḥ | vinā śatakratuṃ dṛṣṭvā śakro vismayamāyayau
Seeing the new Indra thus honoured with many festivities—(all this) without the Performer of a Hundred Sacrifices—Śakra was filled with amazement.
AI translation rendered from the Sanskrit, not a published edition — the model flagged this verse as uncertain
PdP 6 192.30
न मया विहिता मार्गे तडागा न विनिर्मिताः । न रोपिता महावृक्षाः पांथविश्रांतिकारकः
na mayā vihitā mārge taḍāgā na vinirmitāḥ | na ropitā mahāvṛkṣāḥ pāṃthaviśrāṃtikārakaḥ
"By me no ponds were made along the road, none were constructed; no great trees were planted to give rest to travellers;
AI translation rendered from the Sanskrit, not a published edition
PdP 6 192.31
न कदाचिदहो दृष्टो देवस्त्रिपुरभैरवः । निधिवासे स्थिता देवी पूजिता न मदालसा
na kadācidaho dṛṣṭo devastripurabhairavaḥ | nidhivāse sthitā devī pūjitā na madālasā
never, alas, was the god Tripurabhairava beheld; the goddess Madālasā who dwells in Nidhivāsa was not worshipped;
AI translation rendered from the Sanskrit, not a published edition
PdP 6 192.32
मेघंकरस्थितः शार्ङ्गधरो नैव निरीक्षितः । न कृतं विरजे स्नानं नैवं काशीं पुरीं गतः
meghaṃkarasthitaḥ śārṅgadharo naiva nirīkṣitaḥ | na kṛtaṃ viraje snānaṃ naivaṃ kāśīṃ purīṃ gataḥ
the Bearer of the Śārṅga bow who abides at Meghaṃkara was not looked upon; no bathing was done in the Virajā, nor did (I) go to the city of Kāśī;
AI translation rendered from the Sanskrit, not a published edition
PdP 6 192.33
न देववाटिकावासी दृष्टो नरहरिः स्वयम् । एरंडविष्णुर्हेरंबो न जातु परिशीलितः
na devavāṭikāvāsī dṛṣṭo narahariḥ svayam | eraṃḍaviṣṇurheraṃbo na jātu pariśīlitaḥ
Narahari himself, who dwells in Devavāṭikā, was not seen; Eraṇḍaviṣṇu and Heraṃba were never attended upon;
AI translation rendered from the Sanskrit, not a published edition — the model flagged this verse as uncertain
PdP 6 192.34
रेणुकानेक्षिता जातु माता पुरनिवासिनी । न भक्त्या पूजिता देवी दाना पुरनिवासिनी
reṇukānekṣitā jātu mātā puranivāsinī | na bhaktyā pūjitā devī dānā puranivāsinī
Reṇukā, the mother who dwells in the city, was never looked upon; the goddess Dānā who dwells in the city was not worshipped with devotion;
AI translation rendered from the Sanskrit, not a published edition — the model flagged this verse as uncertain
PdP 6 192.35
न भक्त्या त्रिपुरे दृष्टस्त्रिलिंगस्त्र्यंबकः स्वयम् । न शार्दूलतडागस्थो वीक्षितः सोमनाथकः
na bhaktyā tripure dṛṣṭastriliṃgastryaṃbakaḥ svayam | na śārdūlataḍāgastho vīkṣitaḥ somanāthakaḥ
Tryambaka himself, the Triliṅga, was not seen with devotion at Tripura; Somanātha who abides at Śārdūla pond was not beheld;
AI translation rendered from the Sanskrit, not a published edition
PdP 6 192.36
रेवापुरस्थितो देवो घुसृणेशो न वीक्षितः । नागदंतपुरे ख्यातो नागनाथो न वेक्षितः
revāpurasthito devo ghusṛṇeśo na vīkṣitaḥ | nāgadaṃtapure khyāto nāganātho na vekṣitaḥ
the god Ghusṛṇeśa who stands in Revāpura was not beheld; Nāganātha, famed in Nāgadantapura, was not looked upon;
AI translation rendered from the Sanskrit, not a published edition
PdP 6 192.37
पर्णग्रामस्थितो दृष्टो न महानमृतेश्वरः । न तुंगभद्रा तीरस्थो दृष्टो हरिहरः स्वयम्
parṇagrāmasthito dṛṣṭo na mahānamṛteśvaraḥ | na tuṃgabhadrā tīrastho dṛṣṭo hariharaḥ svayam
the great Amṛteśvara who abides at Parṇagrāma was not seen; Harihara himself, who stands on the bank of the Tuṅgabhadrā, was not seen;
AI translation rendered from the Sanskrit, not a published edition
PdP 6 192.38
न वेंकटाद्रिनिलयः श्रीनिवासः सुलक्षितः । कावेरी कर्णिकातीरे श्रीरंगो नैव वीक्षितः
na veṃkaṭādrinilayaḥ śrīnivāsaḥ sulakṣitaḥ | kāverī karṇikātīre śrīraṃgo naiva vīkṣitaḥ
Śrīnivāsa whose abode is Veṅkaṭādri was not well perceived; Śrīraṅga on the Karṇikā bank of the Kāverī was not beheld at all;
AI translation rendered from the Sanskrit, not a published edition
PdP 6 192.39
दीनास्त्वनाथाः क्रोशंतः कारागारान्न मोचिताः । अन्नदानेन दौर्भिक्षे प्राणिनो नैव पूजिताः
dīnāstvanāthāḥ krośaṃtaḥ kārāgārānna mocitāḥ | annadānena daurbhikṣe prāṇino naiva pūjitāḥ
the wretched and helpless, crying out, were not released from prison; living beings were not honoured with gifts of food in time of famine;
AI translation rendered from the Sanskrit, not a published edition
PdP 6 192.40
रात्रौ रात्रौ कृता क्वापिनिर्जले नोदकप्रभा
rātrau rātrau kṛtā kvāpinirjale nodakaprabhā
night after night, nowhere was a lamp-light over water made where there was no water.
AI translation rendered from the Sanskrit, not a published edition — the model flagged this verse as uncertain
PdP 6 192.41
न गौतम्यां कृतं स्नानं न दृष्टो हरिणेश्वरः । कृष्णवेण्यां च न कृतं स्नानं कन्यागते गुरौ
na gautamyāṃ kṛtaṃ snānaṃ na dṛṣṭo hariṇeśvaraḥ | kṛṣṇaveṇyāṃ ca na kṛtaṃ snānaṃ kanyāgate gurau
no bathing was done in the Gautamī, Hariṇeśvara was not seen; and no bathing was done in the Kṛṣṇaveṇī when Jupiter stood in Virgo;
AI translation rendered from the Sanskrit, not a published edition
PdP 6 192.42
दत्तं नो भूखंडमपि कवयो नैव पूजिताः । न तीर्थेषु कृतं सत्रं न ग्रामेषु कृता मखाः
dattaṃ no bhūkhaṃḍamapi kavayo naiva pūjitāḥ | na tīrtheṣu kṛtaṃ satraṃ na grāmeṣu kṛtā makhāḥ
not even a plot of land was given, nor were poets honoured; no almshouse was established at holy places, no sacrifices performed in the villages;
AI translation rendered from the Sanskrit, not a published edition
PdP 6 192.43
पुष्करिण्यो न विहिता मध्ये मार्गं बहूदकाः । न प्रासादाः कृताः क्वापि ब्रह्मविष्णुपिनाकिनाम्
puṣkariṇyo na vihitā madhye mārgaṃ bahūdakāḥ | na prāsādāḥ kṛtāḥ kvāpi brahmaviṣṇupinākinām
no lotus-pools with abundant water were made along the middle of the road; nowhere were temples built for Brahmā, Viṣṇu and the Bearer of the Pināka;
AI translation rendered from the Sanskrit, not a published edition
PdP 6 192.44
न जातुचिद्भयाक्रांता रक्षिताः शरणागताः । कथमेकेन पुण्येन देवदत्तमिहार्जितम्
na jātucidbhayākrāṃtā rakṣitāḥ śaraṇāgatāḥ | kathamekena puṇyena devadattamihārjitam
never were those overcome by fear who came for refuge protected. How then has Devadatta earned (all this) here by a single meritorious act?"
AI translation rendered from the Sanskrit, not a published edition
PdP 6 192.45
इति चिंताकुलो भूत्वा हरिं प्रष्टुं पुरंदरः । ययौ सरभसंखिन्नः क्षीरकूपारगह्वरम्
iti ciṃtākulo bhūtvā hariṃ praṣṭuṃ puraṃdaraḥ | yayau sarabhasaṃkhinnaḥ kṣīrakūpāragahvaram
Thus becoming troubled in mind, Purandara, to ask Hari, went in great haste and distress to the cavern-recess of the ocean of milk.
AI translation rendered from the Sanskrit, not a published edition
PdP 6 192.46
तत्र प्रविश्य गोविंदं कृतनिद्रं नवैस्तवैः । अकस्मान्निजसाम्राज्यभ्रंशदुःखमुवाच ह
tatra praviśya goviṃdaṃ kṛtanidraṃ navaistavaiḥ | akasmānnijasāmrājyabhraṃśaduḥkhamuvāca ha
Entering there, (he addressed) Govinda, who was asleep, with new hymns of praise, and told of his sorrow at the sudden loss of his own sovereignty.
AI translation rendered from the Sanskrit, not a published edition
PdP 6 192.47
इंद्र उवाच-। रमाकांत भवत्प्रीत्यै कृतं क्रतुशतं पुरा । तेन पुण्येन संप्राप्तं मया पौरंदरं पदम्
iṃdra uvāca-| ramākāṃta bhavatprītyai kṛtaṃ kratuśataṃ purā | tena puṇyena saṃprāptaṃ mayā pauraṃdaraṃ padam
Indra said: O beloved of Ramā, formerly a hundred sacrifices were performed by me for your pleasure; by that merit I obtained the station of Purandara.
AI translation rendered from the Sanskrit, not a published edition
PdP 6 192.48
इदानीं नूतनः कोऽपि जातो दिवि पुरंदरः । न तेन धर्मो विहितो न तेन क्रतवः कृताः
idānīṃ nūtanaḥ ko'pi jāto divi puraṃdaraḥ | na tena dharmo vihito na tena kratavaḥ kṛtāḥ
Now some new Purandara has arisen in heaven; no religious duty was performed by him, no sacrifices were offered by him.
AI translation rendered from the Sanskrit, not a published edition
PdP 6 192.49
मम सिंहासनं दिव्यं कथमाक्रांतमच्युत
mama siṃhāsanaṃ divyaṃ kathamākrāṃtamacyuta
How has my divine throne been usurped, O Acyuta?
AI translation rendered from the Sanskrit, not a published edition
PdP 6 192.50
महादेव उवाच-। इत्येवं वदतस्तस्य श्रुत्वा वाचं रमापतिः । उन्मीलितस्मिताक्षो सावुवाच मधुरं वचः 6.192.
mahādeva uvāca-| ityevaṃ vadatastasya śrutvā vācaṃ ramāpatiḥ | unmīlitasmitākṣo sāvuvāca madhuraṃ vacaḥ 6.192.
Mahādeva said: Hearing the speech of him who spoke thus, the lord of Ramā, opening his smiling eyes, spoke to him sweet words.
AI translation rendered from the Sanskrit, not a published edition
PdP 6 192.51
श्रीभगवानुवाच-। किं दानैरल्पफलदैः किं तपोभिः किमध्वरैः । वर्त्तमानः क्षितितले सत्वं प्रीणितवान्पुरा
śrībhagavānuvāca-| kiṃ dānairalpaphaladaiḥ kiṃ tapobhiḥ kimadhvaraiḥ | varttamānaḥ kṣititale satvaṃ prīṇitavānpurā
The Blessed Lord said: What of gifts that yield little fruit, what of austerities, what of sacrifices? While dwelling on the surface of the earth, he formerly gratified me.
AI translation rendered from the Sanskrit, not a published edition
PdP 6 192.52
इन्द्र उवाच-। भगवन्कर्मणा केन स त्वां प्रीणितवान्द्विजः । यत्प्रीत्या भगवान्प्रादात्तस्मै पौरंदरं पदम्
indra uvāca-| bhagavankarmaṇā kena sa tvāṃ prīṇitavāndvijaḥ | yatprītyā bhagavānprādāttasmai pauraṃdaraṃ padam
Indra said: O Lord, by what act did that brahmin gratify you, out of pleasure at which the Lord granted him the station of Purandara?
AI translation rendered from the Sanskrit, not a published edition
PdP 6 192.53
श्रीभगवानुवाच । जपत्यष्टादशाध्याये गीतानां श्लोकपंचकम् । यत्पुण्येन च संप्राप्तं तव साम्राज्यमुत्तमम्
śrībhagavānuvāca | japatyaṣṭādaśādhyāye gītānāṃ ślokapaṃcakam | yatpuṇyena ca saṃprāptaṃ tava sāmrājyamuttamam
The Blessed Lord said: He recites five verses of the Gītā in the eighteenth chapter, and by that merit your excellent sovereignty was obtained.
AI translation rendered from the Sanskrit, not a published edition
PdP 6 192.54
सर्वपुण्यशिरोरत्न भूतेन त्वं स्थिरो भव । इति विष्णोर्वचः श्रुत्वा ज्ञातोपायं पुरंदरः
sarvapuṇyaśiroratna bhūtena tvaṃ sthiro bhava | iti viṣṇorvacaḥ śrutvā jñātopāyaṃ puraṃdaraḥ
Be steady by means of that which is the crest-jewel of all merits. Hearing this speech of Viṣṇu, Purandara, having learned the means,
AI translation rendered from the Sanskrit, not a published edition
PdP 6 192.55
विप्रवेषधरो भूत्वा गतो गोदावरीतटम् । तत्रापश्यत्पुरं पुण्यं कालिकाग्राममुत्तमम्
vipraveṣadharo bhūtvā gato godāvarītaṭam | tatrāpaśyatpuraṃ puṇyaṃ kālikāgrāmamuttamam
having taken on the guise of a brahmin, went to the bank of the Godāvarī. There he saw a holy town, the excellent village of Kālikā,
AI translation rendered from the Sanskrit, not a published edition
PdP 6 192.56
यत्र कालेश्वरो देवो वर्त्तते कालमर्दनः । तत्र गोदावरी तीरे स्थितं परमधार्मिकम्
yatra kāleśvaro devo varttate kālamardanaḥ | tatra godāvarī tīre sthitaṃ paramadhārmikam
where dwells the god Kāleśvara, the crusher of Time. There, on the bank of the Godāvarī, (he saw) one supremely devoted to dharma,
AI translation rendered from the Sanskrit, not a published edition
PdP 6 192.57
अपश्यत्करुणावंतं ब्राह्मणं वेदपारगम् । नित्यमष्टादशाध्यायं जपंतं दांतचेतसम्
apaśyatkaruṇāvaṃtaṃ brāhmaṇaṃ vedapāragam | nityamaṣṭādaśādhyāyaṃ japaṃtaṃ dāṃtacetasam
he saw a compassionate brahmin, one who had gone to the far shore of the Vedas, daily reciting the eighteenth chapter, with his mind subdued.
AI translation rendered from the Sanskrit, not a published edition
PdP 6 192.58
ततस्तच्चरणद्वंद्वे लुठित्वा परया मुदा । सत्वमष्टादशाध्यायमपठत्तेन शिक्षितम्
tatastaccaraṇadvaṃdve luṭhitvā parayā mudā | satvamaṣṭādaśādhyāyamapaṭhattena śikṣitam
Then, rolling at his two feet with the highest joy, he, taught by him, recited the eighteenth chapter.
AI translation rendered from the Sanskrit, not a published edition
PdP 6 192.59
अथ पुण्येन तेनाऽसौ विष्णोः सायुज्यमाययौ । हित्वा पुरंदरादीनां देवानां पदमल्पकम्
atha puṇyena tenā'sau viṣṇoḥ sāyujyamāyayau | hitvā puraṃdarādīnāṃ devānāṃ padamalpakam
Then by that merit he attained union with Viṣṇu, abandoning the paltry station of Purandara and the other gods.
AI translation rendered from the Sanskrit, not a published edition
PdP 6 192.60
ज्ञात्वातीव मुदायुक्तो वैकुंठमगमत्पुरम् । अतएव परं तत्वं मुनीनामिदमुत्तमम्
jñātvātīva mudāyukto vaikuṃṭhamagamatpuram | ataeva paraṃ tatvaṃ munīnāmidamuttamam
Knowing (this), filled with exceeding joy, he went to the city of Vaikuṇṭha. For this very reason this is the supreme truth, the highest for sages.
AI translation rendered from the Sanskrit, not a published edition
PdP 6 192.61
दिव्यमष्टादशाध्यायमाहात्म्यं कथितं मया । यस्य श्रवणमात्रेण सर्वपापैः प्रमुच्यते
divyamaṣṭādaśādhyāyamāhātmyaṃ kathitaṃ mayā | yasya śravaṇamātreṇa sarvapāpaiḥ pramucyate
The divine glory of the eighteenth chapter has been told by me, by the mere hearing of which one is released from all sins.
AI translation rendered from the Sanskrit, not a published edition
PdP 6 192.62
इत्येवं गीतामाहात्म्यं कथितं पापनाशनम् । पुण्यं पवित्रमायुष्यं स्वर्ग्यं स्वस्त्ययनं महत्
ityevaṃ gītāmāhātmyaṃ kathitaṃ pāpanāśanam | puṇyaṃ pavitramāyuṣyaṃ svargyaṃ svastyayanaṃ mahat
Thus the glory of the Gītā has been told, destroyer of sin, meritorious, purifying, life-giving, leading to heaven, a great means of well-being.
AI translation rendered from the Sanskrit, not a published edition
PdP 6 192.63
यः शृणोति महाभागे श्रद्धया संयुतः पुमान् । सर्वयज्ञफलं प्राप्य विष्णोः सायुज्यमाप्नुयात्
yaḥ śṛṇoti mahābhāge śraddhayā saṃyutaḥ pumān | sarvayajñaphalaṃ prāpya viṣṇoḥ sāyujyamāpnuyāt
O greatly fortunate one, the man who hears it endowed with faith, having obtained the fruit of all sacrifices, would attain union with Viṣṇu.
AI translation rendered from the Sanskrit, not a published edition