Padma Purana — Uttara Khanda — Chapter 180

PdP 6 180.1

श्रीभगवानुवाच। षष्ठाध्यायस्य माहात्म्यं प्रवक्ष्यामि वरानने । यदाकर्णयतां नॄणां मुक्तिः करतले स्थिता

śrībhagavānuvāca| ṣaṣṭhādhyāyasya māhātmyaṃ pravakṣyāmi varānane | yadākarṇayatāṃ nṝṇāṃ muktiḥ karatale sthitā

The Blessed Lord said: I shall declare the greatness of the sixth chapter, O fair-faced one — hearing which, liberation lies in the palm of men's hands.

AI translation rendered from the Sanskrit, not a published edition

PdP 6 180.2

अस्ति गोदावरी तीरे प्रतिष्ठानं पुरं महत् । पिप्पलेशाभिधानोऽहं यत्रास्मि स्मेरलोचने

asti godāvarī tīre pratiṣṭhānaṃ puraṃ mahat | pippaleśābhidhāno'haṃ yatrāsmi smeralocane

On the bank of the Godāvarī there is a great city, Pratiṣṭhāna, where I abide under the name Pippaleśa, O you of smiling eyes.

AI translation rendered from the Sanskrit, not a published edition

PdP 6 180.3

यत्र गोदावरी तीर शीकरैरवशीतलैः । हंसाः पक्षपुटैः कीर्णैर्हरंति यमिनां श्रमम्

yatra godāvarī tīra śīkarairavaśītalaiḥ | haṃsāḥ pakṣapuṭaiḥ kīrṇairharaṃti yamināṃ śramam

Where geese, with their scattering wing-cups and the very cool spray of the Godāvarī's bank, take away the weariness of ascetics.

AI translation rendered from the Sanskrit, not a published edition

PdP 6 180.4

स्फुरत्पद्मावलीकोशपरागसुरभीकृतम् । श्लाघ्यं गोदावरीतोयं येन ते निर्जरा नराः

sphuratpadmāvalīkośaparāgasurabhīkṛtam | ślāghyaṃ godāvarītoyaṃ yena te nirjarā narāḥ

Praiseworthy is the water of the Godāvarī, made fragrant by the pollen of the calyxes of rows of opening lotuses — by which those men (become) immortals.

AI translation rendered from the Sanskrit, not a published edition

PdP 6 180.5

धिक्सुधामौषधीशस्य विकृत्क्षयविधायिनीम् । महाराष्ट्रवधूकानां मज्जंतीनां मुनीश्वराः

dhiksudhāmauṣadhīśasya vikṛtkṣayavidhāyinīm | mahārāṣṭravadhūkānāṃ majjaṃtīnāṃ munīśvarāḥ

Fie on the nectar of the lord of herbs (the moon), which brings about distortion and waning! — of the Maharashtrian young wives who are bathing there, the great sages…

AI translation rendered from the Sanskrit, not a published edition — the model flagged this verse as uncertain

PdP 6 180.6

स्पृशंति यत्र वक्त्राणि फुल्लपंकजशंकया । यत्रखेलन्महाराष्ट्राः क्वणत्कंकणसुंदराः

spṛśaṃti yatra vaktrāṇi phullapaṃkajaśaṃkayā | yatrakhelanmahārāṣṭrāḥ kvaṇatkaṃkaṇasuṃdarāḥ

…touch their faces, taking them for blossoming lotuses; where the Maharashtrian women at play are lovely with their tinkling bracelets,

AI translation rendered from the Sanskrit, not a published edition

PdP 6 180.7

हरंति ध्वनयो लीनां मनांस्यपि तपस्विनाम् । अत्युच्चसौधशिखरविहारि वनितामुखम्

haraṃti dhvanayo līnāṃ manāṃsyapi tapasvinām | atyuccasaudhaśikharavihāri vanitāmukham

and the sounds (of them) carry away even the minds of ascetics absorbed (in meditation). The face of a woman moving about on the top of a very lofty mansion —

AI translation rendered from the Sanskrit, not a published edition

PdP 6 180.8

पश्यन्ननुदिनं यत्र क्षीयते मृगलांच्छनः । अत्युच्चसौधवलभी महामणिमरीचिभिः

paśyannanudinaṃ yatra kṣīyate mṛgalāṃcchanaḥ | atyuccasaudhavalabhī mahāmaṇimarīcibhiḥ

seeing it there day after day, the deer-marked moon wastes away. The eaves of the very lofty mansions, with the rays of their great jewels,

AI translation rendered from the Sanskrit, not a published edition

PdP 6 180.9

चुंब्यंते मुनिगंधर्वैर्दूर्वाचंदनचंचलैः । यस्मिन्नाधूयमानानां पताकानां समीरणैः

cuṃbyaṃte munigaṃdharvairdūrvācaṃdanacaṃcalaiḥ | yasminnādhūyamānānāṃ patākānāṃ samīraṇaiḥ

are kissed by sages and gandharvas, who waver (in flight) amid dūrvā grass and sandal-paste; in which (city), by the breezes of the banners being shaken,

AI translation rendered from the Sanskrit, not a published edition — the model flagged this verse as uncertain

PdP 6 180.10

गतश्रमा रवेर्याने भवंति रथवाजिनः । राशीकृतैर्मलयजैरसंख्यातैर्वणिग्गणैः

gataśramā raveryāne bhavaṃti rathavājinaḥ | rāśīkṛtairmalayajairasaṃkhyātairvaṇiggaṇaiḥ

the chariot-horses in the sun's course become freed of fatigue. With sandalwood heaped up by countless companies of merchants,

AI translation rendered from the Sanskrit, not a published edition

PdP 6 180.11

यस्मिन्नुपलशेषोऽसौ लक्ष्यते मलयाचलः । पुंजीकृतानि दृश्यंते यत्र मुक्ताफलान्यपि

yasminnupalaśeṣo'sau lakṣyate malayācalaḥ | puṃjīkṛtāni dṛśyaṃte yatra muktāphalānyapi

in it the Malaya mountain is observed as left with nothing but stones; there too pearls are seen piled in heaps,

AI translation rendered from the Sanskrit, not a published edition

PdP 6 180.12

नगरीदेवता हास्य स्तबका इव सर्वतः । तत्र ज्ञानश्रुतिर्नाम्ना मेदिनीवल्लभोऽभवत्

nagarīdevatā hāsya stabakā iva sarvataḥ | tatra jñānaśrutirnāmnā medinīvallabho'bhavat

like clusters (of blossoms) — the laughter, as it were, of the city's deity — on every side. There a lord of the earth named Jñānaśruti came to be,

AI translation rendered from the Sanskrit, not a published edition — the model flagged this verse as uncertain

PdP 6 180.13

यस्मिन्नुद्धरति क्षोणीं शेषोऽयं मणिसंनिभां । अपि प्रतापमार्तंडमंडली तीव्रतेजसि

yasminnuddharati kṣoṇīṃ śeṣo'yaṃ maṇisaṃnibhāṃ | api pratāpamārtaṃḍamaṃḍalī tīvratejasi

while he was upholding the earth, this Śeṣa (upheld it) resembling a gem; even the orb of the sun of (his) valour, in its fierce blaze…

AI translation rendered from the Sanskrit, not a published edition — the model flagged this verse as uncertain

PdP 6 180.14

नित्यमध्वरधूमेन श्यामलाः कल्पशाखिनः । असाधारणदातृत्वं पश्यंत इव लज्जया

nityamadhvaradhūmena śyāmalāḥ kalpaśākhinaḥ | asādhāraṇadātṛtvaṃ paśyaṃta iva lajjayā

Perpetually dark with the smoke of sacrifice were the wish-granting trees, as if from shame at beholding (his) unparalleled giving.

AI translation rendered from the Sanskrit, not a published edition

PdP 6 180.15

यदध्वरपुरोडाश चर्वणास्वादलंपटाः । न तत्यजुः सुपर्वाणः प्रतिष्ठानपुरं मनाक्

yadadhvarapuroḍāśa carvaṇāsvādalaṃpaṭāḥ | na tatyajuḥ suparvāṇaḥ pratiṣṭhānapuraṃ manāk

The gods, greedy for the taste of chewing the sacrificial cake of his rites, did not leave the city of Pratiṣṭhāna even a little.

AI translation rendered from the Sanskrit, not a published edition

PdP 6 180.16

यस्यदानांबुधाराभिः प्रतापज्योत्स्नयानिशम् । मखधूमैश्च संपुष्टा ववृषुः समये घनाः

yasyadānāṃbudhārābhiḥ pratāpajyotsnayāniśam | makhadhūmaiśca saṃpuṣṭā vavṛṣuḥ samaye ghanāḥ

Nourished by the water-streams of his giving, by the moonlight of his valour ceaselessly, and by the smoke of his sacrifices, the clouds rained in due season.

AI translation rendered from the Sanskrit, not a published edition

PdP 6 180.17

स्वल्पमात्रमपि क्वापि न पदं प्रापुरीतयः । नीतयः प्रसरंति स्म यस्मिन्शासति मेदिनीम्

svalpamātramapi kvāpi na padaṃ prāpurītayaḥ | nītayaḥ prasaraṃti sma yasminśāsati medinīm

Not even the smallest foothold anywhere did calamities obtain; good policies spread abroad while he ruled the earth.

AI translation rendered from the Sanskrit, not a published edition

PdP 6 180.18

वापिकूपतडागानां च्छद्मना योऽनुवासरम् । हृदयस्थानि मेदिन्या निधानानि व्यलोकयत्

vāpikūpataḍāgānāṃ cchadmanā yo'nuvāsaram | hṛdayasthāni medinyā nidhānāni vyalokayat

Under the pretext of (digging) step-wells, wells and tanks, he day after day inspected the treasures lying in the earth's heart.

AI translation rendered from the Sanskrit, not a published edition

PdP 6 180.19

पांडुराभिः पताकाभिः प्रासादो यस्य राजते । वियद्गंगातरंगोघैर्हिमाद्रिरिव सानुमान्

pāṃḍurābhiḥ patākābhiḥ prāsādo yasya rājate | viyadgaṃgātaraṃgoghairhimādririva sānumān

His palace gleams with pale-white banners, like the snow-mountain with its peaks amid the flood of waves of the sky-Ganges.

AI translation rendered from the Sanskrit, not a published edition

PdP 6 180.20

दानैस्तपोभिर्यज्ञैश्च प्रजानां पालनेन च । तुष्टाः स्वर्गौकसस्तस्मै वरं दातुं समागमन्

dānaistapobhiryajñaiśca prajānāṃ pālanena ca | tuṣṭāḥ svargaukasastasmai varaṃ dātuṃ samāgaman

Pleased by his gifts, austerities and sacrifices, and by his protection of the people, the dwellers in heaven came together to grant him a boon.

AI translation rendered from the Sanskrit, not a published edition

PdP 6 180.21

ततोंतरिक्षमार्गेण धुन्वानाः पक्षसंहतीः । मृणालधवला देवी देवहंसा विनिर्गताः

tatoṃtarikṣamārgeṇa dhunvānāḥ pakṣasaṃhatīḥ | mṛṇāladhavalā devī devahaṃsā vinirgatāḥ

Then, by the path of the middle air, beating their massed wings, white as lotus-stalks, the divine geese set forth.

AI translation rendered from the Sanskrit, not a published edition — the model flagged this verse as uncertain

PdP 6 180.22

त्वरया गच्छतां तेषामन्योन्यं तत्र भाषिणाम् । भद्राश्वप्रमुखा द्वित्राः पुरस्तान्निर्ययुर्जवात्

tvarayā gacchatāṃ teṣāmanyonyaṃ tatra bhāṣiṇām | bhadrāśvapramukhā dvitrāḥ purastānniryayurjavāt

Of those going in haste and talking to one another there, two or three, headed by Bhadrāśva, sped out in front.

AI translation rendered from the Sanskrit, not a published edition

PdP 6 180.23

सर्वैर्मिलद्भिरूचुस्ते पुरस्ताद्गच्छतो जवात् । कथं वेगेन निर्याता भवंतः पुरतः स्थिताः

sarvairmiladbhirūcuste purastādgacchato javāt | kathaṃ vegena niryātā bhavaṃtaḥ purataḥ sthitāḥ

All those who were joining up said to those going swiftly in front: "How is it that you have rushed out at speed and taken your place ahead?"

AI translation rendered from the Sanskrit, not a published edition

PdP 6 180.24

सर्वैर्मिलित्वा गंतव्यमस्मिन्नध्वनि दुर्गमे । प्रकाशमानं पुरतस्तेजःपुंजं न पश्यथ

sarvairmilitvā gaṃtavyamasminnadhvani durgame | prakāśamānaṃ puratastejaḥpuṃjaṃ na paśyatha

"All must go together on this hard road. Do you not see, shining out in front, the mass of splendour

AI translation rendered from the Sanskrit, not a published edition

PdP 6 180.25

ज्ञानश्रुतेर्महीभर्तुः पुण्यमूर्त्तेरतिस्फुटम् । निशम्येति वचः सम्यक्पाश्चात्याना पुरः स्थिताः

jñānaśrutermahībhartuḥ puṇyamūrtteratisphuṭam | niśamyeti vacaḥ samyakpāścātyānā puraḥ sthitāḥ

of Jñānaśruti, lord of the earth, whose form is meritorious — quite unmistakable?" Hearing this speech rightly, those standing ahead of the hindmost ones,

AI translation rendered from the Sanskrit, not a published edition — the model flagged this verse as uncertain

PdP 6 180.26

हंसा हसित्वा सावज्ञमूचुर्वचनमुच्चकैः । रैक्याभिधस्य दुर्द्धर्ष तेजसो ब्रह्मवादिनः

haṃsā hasitvā sāvajñamūcurvacanamuccakaiḥ | raikyābhidhasya durddharṣa tejaso brahmavādinaḥ

the geese, laughing contemptuously, spoke their words loudly: "Than the splendour of the unassailable expounder of brahman named Raikva,

AI translation rendered from the Sanskrit, not a published edition

PdP 6 180.27

किं नु ज्ञानश्रुतेरस्य राज्ञस्तीव्रतरं महः । इति शुश्राव हंसानां गिरो ज्ञानश्रुतिर्नृपः

kiṃ nu jñānaśruterasya rājñastīvrataraṃ mahaḥ | iti śuśrāva haṃsānāṃ giro jñānaśrutirnṛpaḥ

is the glory of this king Jñānaśruti sharper?" Thus king Jñānaśruti heard the words of the geese.

AI translation rendered from the Sanskrit, not a published edition

PdP 6 180.28

अत्युच्चसौधभवनमारुह्य च सुखं स्थितः । ततः सारथिमाहूय भूपालो विस्मयान्वितः

atyuccasaudhabhavanamāruhya ca sukhaṃ sthitaḥ | tataḥ sārathimāhūya bhūpālo vismayānvitaḥ

And having climbed up to a very lofty mansion he sat at ease; then the king, filled with astonishment, summoned the charioteer

AI translation rendered from the Sanskrit, not a published edition

PdP 6 180.29

संदिदेश महात्माऽसौ रैक्य आनीयतामिति । ततोऽवधार्य भूपालवचः पीयूषगर्भितम्

saṃdideśa mahātmā'sau raikya ānīyatāmiti | tato'vadhārya bhūpālavacaḥ pīyūṣagarbhitam

and that great-souled one gave the order: "Let Raikva be brought." Then, having taken in the king's words that were laden with nectar,

AI translation rendered from the Sanskrit, not a published edition

PdP 6 180.30

निर्जगाममहो नाम्ना सारथिः प्रथयन्मुदम् । यत्र वाराणसीनाम नगरी मुक्तिदायिनी

nirjagāmamaho nāmnā sārathiḥ prathayanmudam | yatra vārāṇasīnāma nagarī muktidāyinī

The charioteer, by name Maha, set out, spreading joy — (to the place) where there is the city called Vārāṇasī, the giver of liberation,

AI translation rendered from the Sanskrit, not a published edition — the model flagged this verse as uncertain

PdP 6 180.31

यत्र विश्वेश्वरो नाम ह्युपदेष्टा जगत्पतिः । ततो गयाभिधे क्षेत्रे यत्र देवो गदाधरः

yatra viśveśvaro nāma hyupadeṣṭā jagatpatiḥ | tato gayābhidhe kṣetre yatra devo gadādharaḥ

where (dwells) the Lord of the universe, the instructor named Viśveśvara; then (he went) to the field called Gayā, where the god Gadādhara,

AI translation rendered from the Sanskrit, not a published edition

PdP 6 180.32

उद्धर्तुमखिलान्लोकान्वसत्युत्फुल्ललोचनः । ततो गौरीगुरोः पार्श्वे सर्वैस्तीर्थैरनेकधा

uddhartumakhilānlokānvasatyutphullalocanaḥ | tato gaurīguroḥ pārśve sarvaistīrthairanekadhā

in order to rescue all the worlds, dwells with wide-open eyes; then, to the side of Gaurī's father (the Himālaya), (a place endowed) manifoldly with all the sacred fords,

AI translation rendered from the Sanskrit, not a published edition

PdP 6 180.33

पर्यटन्गतवान्यत्र केदारः पापदारणः । यमालोक्य सकृन्मर्त्या मुक्ताः स्युर्नात्र संशयः

paryaṭangatavānyatra kedāraḥ pāpadāraṇaḥ | yamālokya sakṛnmartyā muktāḥ syurnātra saṃśayaḥ

wandering about, he went where Kedāra is, the render of sins, beholding whom but once mortals become liberated — of this there is no doubt —

AI translation rendered from the Sanskrit, not a published edition

PdP 6 180.34

महापापविर्निमुक्ता भुक्त्वा भोगान्यथेप्सितान् । ततो गौडेषु निर्यातो यत्रास्ते पुरुषोत्तमः

mahāpāpavirnimuktā bhuktvā bhogānyathepsitān | tato gauḍeṣu niryāto yatrāste puruṣottamaḥ

freed from great sins, having enjoyed pleasures as desired. Then he went out to the Gauḍa country, where Puruṣottama abides,

AI translation rendered from the Sanskrit, not a published edition

PdP 6 180.35

यस्यावलोकनादेव नराः स्वर्लोकगामिनः । ततो द्वारावतीं प्रागान्नगरीं मुक्तिदायिनीम्

yasyāvalokanādeva narāḥ svarlokagāminaḥ | tato dvārāvatīṃ prāgānnagarīṃ muktidāyinīm

from the mere sight of whom men go to the world of heaven; then he came to Dvāravatī, the city that grants liberation,

AI translation rendered from the Sanskrit, not a published edition

PdP 6 180.36

यत्रास्ते गोमती तीरे रुक्मिणीवल्लभो हरिः । स्नात्वा च गोमतीतीर्थे पंचकृष्णान्विलोक्य च

yatrāste gomatī tīre rukmiṇīvallabho hariḥ | snātvā ca gomatītīrthe paṃcakṛṣṇānvilokya ca

where Hari, the beloved of Rukmiṇī, abides on the bank of the Gomatī; and having bathed in the Gomatī ford and beheld the five Kṛṣṇas,

AI translation rendered from the Sanskrit, not a published edition

PdP 6 180.37

मर्त्यो मुक्तिमवाप्नोति भुक्त्वा भोगान्यथेप्सितान् । ततः समुद्रमासाद्य सोमनाथं विलोक्य च

martyo muktimavāpnoti bhuktvā bhogānyathepsitān | tataḥ samudramāsādya somanāthaṃ vilokya ca

a mortal attains liberation, having enjoyed pleasures as desired. Then, having reached the ocean and beheld Somanātha,

AI translation rendered from the Sanskrit, not a published edition

PdP 6 180.38

भुक्तिमुक्तिप्रदं देवं ततो निरगमन्सुधीः । अवंतिकां पुरीं प्राप्तो भुक्तिमुक्तिप्रदायिनीम्

bhuktimuktipradaṃ devaṃ tato niragamansudhīḥ | avaṃtikāṃ purīṃ prāpto bhuktimuktipradāyinīm

the god who grants enjoyment and liberation, the wise one departed from there; (and) he arrived at the city Avantikā, which bestows enjoyment and liberation,

AI translation rendered from the Sanskrit, not a published edition

PdP 6 180.39

यत्रोमया सुखं क्रीडन्महाकालोस्ति शंकरः । अथोंकारं समासाद्य शर्मदं नर्मदातटे । भुक्तिमुक्तिप्रदातारं त्वरया निर्गतस्ततः

yatromayā sukhaṃ krīḍanmahākālosti śaṃkaraḥ | athoṃkāraṃ samāsādya śarmadaṃ narmadātaṭe | bhuktimuktipradātāraṃ tvarayā nirgatastataḥ

— where Śaṃkara, the Great Kāla (Mahākāla), dwells, playing happily with Umā. Then, having reached Oṃkāra on the bank of the Narmadā, the giver of welfare, the bestower of enjoyment and liberation, he departed from there in haste.

AI translation rendered from the Sanskrit, not a published edition

PdP 6 180.40

अश्वमेधकरं नाम्ना नगरं पर्यटंस्ततः । यत्र शार्ङ्गधरः साक्षादास्ते लक्ष्मीपतिः स्वयम्

aśvamedhakaraṃ nāmnā nagaraṃ paryaṭaṃstataḥ | yatra śārṅgadharaḥ sākṣādāste lakṣmīpatiḥ svayam

Then, wandering on, (he came to) the city named Aśvamedhakara, where Śārṅgadhara, the Lord of Lakṣmī himself, dwells in visible form.

AI translation rendered from the Sanskrit, not a published edition

PdP 6 180.41

ततो विष्णुगयां प्राप्तः कुण्डं लोणारसंज्ञितम् । यत्र स्नात्वा च पीत्वा च मुच्यते बन्धनान्नरः

tato viṣṇugayāṃ prāptaḥ kuṇḍaṃ loṇārasaṃjñitam | yatra snātvā ca pītvā ca mucyate bandhanānnaraḥ

Then he reached Viṣṇugayā, the pool called Loṇāra, where, by bathing and drinking, a man is freed from bondage.

AI translation rendered from the Sanskrit, not a published edition

PdP 6 180.42

ततः कोल्हापुरं नाम गतो रुद्रगयां प्रति । आस्ते भगवती यत्र लक्ष्मीर्भक्तिप्रदायिनी

tataḥ kolhāpuraṃ nāma gato rudragayāṃ prati | āste bhagavatī yatra lakṣmīrbhaktipradāyinī

Then he went to the place named Kolhāpura, toward Rudragayā, where the blessed goddess Lakṣmī, the giver of devotion, abides.

AI translation rendered from the Sanskrit, not a published edition

PdP 6 180.43

पञ्चनद्यां नरः स्नात्वा महालक्ष्मीं विलोक्य च । भुक्त्वा भोगान्यथाकामं भक्तिं च प्रतिपद्यते

pañcanadyāṃ naraḥ snātvā mahālakṣmīṃ vilokya ca | bhuktvā bhogānyathākāmaṃ bhaktiṃ ca pratipadyate

A man who bathes in the Pañcanadī (confluence of five rivers) and beholds Mahālakṣmī, having enjoyed pleasures as he wishes, also attains devotion.

AI translation rendered from the Sanskrit, not a published edition

PdP 6 180.44

ततोऽमलगिरिं नाम नगरीं प्रतिपद्य च । नन्दिकेश्वरमारुह्य सोमनाथोऽस्ति यत्र तु

tato'malagiriṃ nāma nagarīṃ pratipadya ca | nandikeśvaramāruhya somanātho'sti yatra tu

Then, having gone on to the city named Amalagiri, and having climbed Nandikeśvara, where Somanātha is —

AI translation rendered from the Sanskrit, not a published edition

PdP 6 180.45

दृष्ट्वा चतुर्भुजं देवं वरदानोद्यतं शिवम् । सोमनाथं नृणां मुक्तिर्भवत्येव न संशयः

dṛṣṭvā caturbhujaṃ devaṃ varadānodyataṃ śivam | somanāthaṃ nṛṇāṃ muktirbhavatyeva na saṃśayaḥ

— having seen the four-armed god Śiva, ready to grant boons, Somanātha, liberation certainly comes to men; there is no doubt.

AI translation rendered from the Sanskrit, not a published edition

PdP 6 180.46

तुङ्गभद्रानदी तीरे दृष्ट्वा हरिहरं ततः । युगेयुगे भुजा यस्य पतन्त्यवनिमण्डले

tuṅgabhadrānadī tīre dṛṣṭvā hariharaṃ tataḥ | yugeyuge bhujā yasya patantyavanimaṇḍale

Then, having seen Harihara on the bank of the river Tuṅgabhadrā, whose arms fall upon the circle of the earth age after age —

AI translation rendered from the Sanskrit, not a published edition

PdP 6 180.47

यद्विलोक्य नराः सर्वे रम्यं हरिहरं वपुः । भुक्त्वा भोगान्यथाकामं मुच्यन्ते बन्धनान्नराः

yadvilokya narāḥ sarve ramyaṃ hariharaṃ vapuḥ | bhuktvā bhogānyathākāmaṃ mucyante bandhanānnarāḥ

— seeing which lovely form of Harihara, all men, having enjoyed pleasures as they wish, are freed from bondage.

AI translation rendered from the Sanskrit, not a published edition

PdP 6 180.48

स्वर्गे कल्पशतं स्थित्वा मुक्तसंसारबन्धनाः । ततः स्वामिनमालोक्य लोकानां स्वामिनं विभुम्

svarge kalpaśataṃ sthitvā muktasaṃsārabandhanāḥ | tataḥ svāminamālokya lokānāṃ svāminaṃ vibhum

Having dwelt in heaven for a hundred kalpas, freed from the bonds of saṃsāra — then, having beheld the Lord, the mighty Lord of the worlds,

AI translation rendered from the Sanskrit, not a published edition

PdP 6 180.49

यमालोक्य न पश्यन्ति निरयं जातुचिन्नराः । स्वर्गे कल्पशतं स्थित्वा मुक्तसंसारवासनाः

yamālokya na paśyanti nirayaṃ jātucinnarāḥ | svarge kalpaśataṃ sthitvā muktasaṃsāravāsanāḥ

— beholding whom, men never see hell; having dwelt in heaven for a hundred kalpas, with the impressions of saṃsāra dissolved,

AI translation rendered from the Sanskrit, not a published edition

PdP 6 180.50

मुक्तिं च प्रतिदद्यन्ते नात्र कार्या विचारणा । ततः श्रीशैलमासाद्य सिद्धगन्धर्वसेवितम् 6.180.

muktiṃ ca pratidadyante nātra kāryā vicāraṇā | tataḥ śrīśailamāsādya siddhagandharvasevitam 6.180.

— they also attain liberation; no reflection is to be made about this. Then, having reached Śrīśaila, frequented by Siddhas and Gandharvas,

AI translation rendered from the Sanskrit, not a published edition

PdP 6 180.51

गिरिजावल्लभो यत्र मल्लिनाथोऽभिधानतः । उद्धर्तुमखिलाँल्लोकान्संसाराम्भोधिमध्यतः

girijāvallabho yatra mallinātho'bhidhānataḥ | uddhartumakhilā~llokānsaṃsārāmbhodhimadhyataḥ

— where the beloved of Girijā, Mallinātha by name, (dwells), in order to raise up all the worlds out of the midst of the ocean of saṃsāra,

AI translation rendered from the Sanskrit, not a published edition

PdP 6 180.52

स्वर्गे कल्पशतं स्थित्वा मुक्तसंसारबंधनाः । मुक्तिं च प्रतिपद्यंते नात्र कार्या विचारणा

svarge kalpaśataṃ sthitvā muktasaṃsārabaṃdhanāḥ | muktiṃ ca pratipadyaṃte nātra kāryā vicāraṇā

having dwelt in heaven for a hundred kalpas, freed from the bonds of saṃsāra, they also attain liberation; no reflection is to be made about this.

AI translation rendered from the Sanskrit, not a published edition

PdP 6 180.53

ततः श्रीशैलमासाद्य सिद्धगंधर्वसेवितम् । गिरिजावल्लभो यत्र मल्लिनाथोऽभिधानतः

tataḥ śrīśailamāsādya siddhagaṃdharvasevitam | girijāvallabho yatra mallinātho'bhidhānataḥ

Then, having reached Śrīśaila, frequented by Siddhas and Gandharvas, where the beloved of Girijā, Mallinātha by name, (dwells),

AI translation rendered from the Sanskrit, not a published edition

PdP 6 180.54

उद्धर्तुमखिलाँल्लोकान्संसारांबुधिमध्यतः । कालेकाले परं ज्योतिर्यः संदर्शयते स्वयम्

uddhartumakhilā~llokānsaṃsārāṃbudhimadhyataḥ | kālekāle paraṃ jyotiryaḥ saṃdarśayate svayam

in order to raise up all the worlds out of the midst of the ocean of saṃsāra, who from time to time himself shows forth the supreme light —

AI translation rendered from the Sanskrit, not a published edition

PdP 6 180.55

अवलोकयतां नॄणां यमनुस्मरतामपि । दूरे तिष्ठंति संत्रस्ता दूरं निरययातनाः

avalokayatāṃ nṝṇāṃ yamanusmaratāmapi | dūre tiṣṭhaṃti saṃtrastā dūraṃ nirayayātanāḥ

of men who behold him, and even of those who call him to mind, the torments of hell stand far off, terrified, at a great distance.

AI translation rendered from the Sanskrit, not a published edition

PdP 6 180.56

स्वर्गे लोके सुखं भुक्त्वा मुक्तसंसारबंधनाः । मुक्तिं च प्रतिपद्यंते मानवा नात्र संशयः

svarge loke sukhaṃ bhuktvā muktasaṃsārabaṃdhanāḥ | muktiṃ ca pratipadyaṃte mānavā nātra saṃśayaḥ

Having enjoyed happiness in the world of heaven, freed from the bonds of saṃsāra, men also attain liberation; there is no doubt about this.

AI translation rendered from the Sanskrit, not a published edition

PdP 6 180.57

रामोस्ति सानुजः सार्द्धं जानक्यापि ततो गतः । तत्र स्नात्वा च पीत्वा च मुच्यते नरकाद्ध्रुवम्

rāmosti sānujaḥ sārddhaṃ jānakyāpi tato gataḥ | tatra snātvā ca pītvā ca mucyate narakāddhruvam

Rāma is there with his younger brother, together with Jānakī too; he went there. Bathing and drinking there, one is surely freed from hell.

AI translation rendered from the Sanskrit, not a published edition

PdP 6 180.58

कल्पकोटिशतं भुक्त्वा स्वर्गलोकसुखं नराः । मुक्तसंसारवर्त्मानो मुक्तिं यांति न संशयः

kalpakoṭiśataṃ bhuktvā svargalokasukhaṃ narāḥ | muktasaṃsāravartmāno muktiṃ yāṃti na saṃśayaḥ

Having enjoyed the happiness of the heavenly world for a hundred crores of kalpas, men, with the path of saṃsāra abandoned, go to liberation; there is no doubt.

AI translation rendered from the Sanskrit, not a published edition

PdP 6 180.59

ततो निवृत्य आयातः पश्यन्भीमरथी तटे । द्विभुजं विठ्ठलं देवं भुक्तिमुक्तिप्रदायकम्

tato nivṛtya āyātaḥ paśyanbhīmarathī taṭe | dvibhujaṃ viṭhṭhalaṃ devaṃ bhuktimuktipradāyakam

Then, turning back, he came along, beholding on the bank of the Bhīmarathī the two-armed god Viṭhṭhala, bestower of enjoyment and of liberation.

AI translation rendered from the Sanskrit, not a published edition

PdP 6 180.60

यत्र गोदावरीजन्मस्थानं ब्रह्मगिरिर्महान् । गौतमालयमासाद्य यत्रास्ते त्र्यंबको हरः

yatra godāvarījanmasthānaṃ brahmagirirmahān | gautamālayamāsādya yatrāste tryaṃbako haraḥ

Where is the birthplace of the Godāvarī, the great Brahmagiri — having reached Gautama's dwelling, where Tryambaka Hara abides.

AI translation rendered from the Sanskrit, not a published edition

PdP 6 180.61

अरुणावरुणयोर्मध्ये यत्र गोदावरी नदी । तत्र स्नात्वा च पीत्वा च ब्रह्महत्या विलीयते

aruṇāvaruṇayormadhye yatra godāvarī nadī | tatra snātvā ca pītvā ca brahmahatyā vilīyate

Where the river Godāvarī (flows) between the Aruṇā and the Varuṇā — bathing there and drinking (of it), the killing of a brahmin is dissolved.

AI translation rendered from the Sanskrit, not a published edition

PdP 6 180.62

असंख्यतीर्थसंपन्नं दृष्ट्वा ब्रह्मगिरिं नराः । मुक्तिमेव प्रपद्यंते मुक्ताः संसारदुःखतः

asaṃkhyatīrthasaṃpannaṃ dṛṣṭvā brahmagiriṃ narāḥ | muktimeva prapadyaṃte muktāḥ saṃsāraduḥkhataḥ

Having seen Brahmagiri, endowed with countless holy places, men attain liberation itself, freed from the suffering of transmigration.

AI translation rendered from the Sanskrit, not a published edition

PdP 6 180.63

गौतम्युभयतीरस्थ तीर्थान्वेषणकौतुकी । ततो जगाम सूतस्तु मथुरां पापनाशिनीम्

gautamyubhayatīrastha tīrthānveṣaṇakautukī | tato jagāma sūtastu mathurāṃ pāpanāśinīm

Eager to search out the holy places situated on both banks of the Gautamī, the Sūta then went to Mathurā, destroyer of sins.

AI translation rendered from the Sanskrit, not a published edition

PdP 6 180.64

यत्र स्वायंभुवं देवं भजंति सुरमानवाः । आद्यं भगवतः स्थानं महन्मुक्तिप्रदायकम्

yatra svāyaṃbhuvaṃ devaṃ bhajaṃti suramānavāḥ | ādyaṃ bhagavataḥ sthānaṃ mahanmuktipradāyakam

Where gods and men worship the self-existent god — the primordial seat of the Lord, great, bestowing liberation.

AI translation rendered from the Sanskrit, not a published edition

PdP 6 180.65

त्रैलोक्येश जनिस्थानं विख्यातं वेदशास्त्रयोः । नानादेवगणैर्जुष्टं द्विजर्षिगणसेवितम्

trailokyeśa janisthānaṃ vikhyātaṃ vedaśāstrayoḥ | nānādevagaṇairjuṣṭaṃ dvijarṣigaṇasevitam

The birthplace of the lord of the three worlds, celebrated in the Vedas and the treatises, frequented by the various hosts of gods, attended by the throngs of brahmin sages;

AI translation rendered from the Sanskrit, not a published edition

PdP 6 180.66

कालिंदीकूलसंशोभि ह्यर्द्धचंद्र प्रभाकृति । सर्वतीर्थनिवासैक पूर्णमानंदसुंदरम्

kāliṃdīkūlasaṃśobhi hyarddhacaṃdra prabhākṛti | sarvatīrthanivāsaika pūrṇamānaṃdasuṃdaram

Adorning the bank of the Kālindī, shaped like the radiance of a half-moon, the sole abode of all holy places, beautiful with full bliss;

AI translation rendered from the Sanskrit, not a published edition

PdP 6 180.67

गोवर्द्धनगिरिप्रख्यं पुण्यद्रुमलतावृतम् । द्विषड्वनं महापुण्यं विश्रांति श्रुतिसारभृत्

govarddhanagiriprakhyaṃ puṇyadrumalatāvṛtam | dviṣaḍvanaṃ mahāpuṇyaṃ viśrāṃti śrutisārabhṛt

Renowned by the mountain Govardhana, covered with holy trees and creepers, the twice-six (twelve) groves, greatly meritorious, (and) Viśrānti, which holds the essence of scripture.

AI translation rendered from the Sanskrit, not a published edition — the model flagged this verse as uncertain

PdP 6 180.68

ततः काश्मीरनगरमपश्यत्प्रत्यगुत्तरम् । दृष्ट्वा धर्मधुरं क्षेत्रं कुरुक्षेत्रं समंततः

tataḥ kāśmīranagaramapaśyatpratyaguttaram | dṛṣṭvā dharmadhuraṃ kṣetraṃ kurukṣetraṃ samaṃtataḥ

Then he saw the city of Kashmir to the north-west, having seen on all sides the field that bears the burden of dharma, Kurukṣetra.

AI translation rendered from the Sanskrit, not a published edition

PdP 6 180.69

यत्राभ्रंलिहगेहानां पंक्तयः शंखपाण्डुराः । ता जाता धूर्जटेः स्पष्ट अट्टहासदशा इव

yatrābhraṃlihagehānāṃ paṃktayaḥ śaṃkhapāṇḍurāḥ | tā jātā dhūrjaṭeḥ spaṣṭa aṭṭahāsadaśā iva

Where the rows of cloud-licking houses, pale as conches — they have become, clearly, as it were the states of the loud laughter of Dhūrjaṭi (Śiva).

AI translation rendered from the Sanskrit, not a published edition

PdP 6 180.70

भक्तिप्रसादमालानां सुवर्णकलशैर्वृतम् । स्वः सिंधोः पतितानीव हेमपद्मानि मारुतैः

bhaktiprasādamālānāṃ suvarṇakalaśairvṛtam | svaḥ siṃdhoḥ patitānīva hemapadmāni mārutaiḥ

(The city is) encircled by the golden finial-pots of the rows of mansions of devotion, like golden lotuses fallen by the winds from the heavenly river.

AI translation rendered from the Sanskrit, not a published edition — the model flagged this verse as uncertain

PdP 6 180.71

यत्र प्रासादशिखरे नीलपट्टपताकिकाः । शैवालवलयाभांति स्वः सिंधोर्लतिका इव

yatra prāsādaśikhare nīlapaṭṭapatākikāḥ | śaivālavalayābhāṃti svaḥ siṃdhorlatikā iva

Where on the summit of the temple the little banners of blue cloth shine like garlands of moss, like the tendrils of the heavenly river.

AI translation rendered from the Sanskrit, not a published edition — the model flagged this verse as uncertain

PdP 6 180.72

यत्र काश्मीरमाश्रित्य नित्यं वसति भारती । नौचेद्युगपदेवेदं कथं लिखति वाङ्मयम्

yatra kāśmīramāśritya nityaṃ vasati bhāratī | naucedyugapadevedaṃ kathaṃ likhati vāṅmayam

Where Bhāratī (Speech) dwells always, having resorted to Kashmir; else how would she write this body of language all at once?

AI translation rendered from the Sanskrit, not a published edition

PdP 6 180.73

विश्रामंत्याः सरस्वत्याश्चिरं यत्र मदालसाः । मृणालचंचवो हंसा वाहनानि चरंत्यमी

viśrāmaṃtyāḥ sarasvatyāściraṃ yatra madālasāḥ | mṛṇālacaṃcavo haṃsā vāhanāni caraṃtyamī

Where these geese, the vehicles of Sarasvatī as she rests long, languid with intoxication, their beaks (full) of lotus-stalks, roam about.

AI translation rendered from the Sanskrit, not a published edition

PdP 6 180.74

कलाविशेषं प्रहिता यत्र बोद्धुं विरंचिना । तारा इव विराजंते हंसा याताः समंततः

kalāviśeṣaṃ prahitā yatra boddhuṃ viraṃcinā | tārā iva virājaṃte haṃsā yātāḥ samaṃtataḥ

Where the geese, sent by Viraṃci (Brahmā) to learn a particular art, having gone in all directions, shine like stars.

AI translation rendered from the Sanskrit, not a published edition

PdP 6 180.75

स्थलपद्मानि दृश्यंते करस्पर्शसुखानि च । शयनाय नितंबिन्या यस्मिन्दानववैरिणा

sthalapadmāni dṛśyaṃte karasparśasukhāni ca | śayanāya nitaṃbinyā yasmindānavavairiṇā

Where land-lotuses are seen, pleasant to the touch of the hand, (made) by the foe of the Dānavas for the couch of the fair-hipped one.

AI translation rendered from the Sanskrit, not a published edition — the model flagged this verse as uncertain

PdP 6 180.76

उपन्यासैर्द्विजातीनां यत्र न श्रूयते स्फुटम् । मूकोऽपि निर्जरो वाचा पदकल्लोलडंबरः

upanyāsairdvijātīnāṃ yatra na śrūyate sphuṭam | mūko'pi nirjaro vācā padakallolaḍaṃbaraḥ

Where, amid the expositions of the twice-born, nothing is distinctly heard; even a mute (becomes) undecaying in speech, with a pomp of waves of words.

AI translation rendered from the Sanskrit, not a published edition — the model flagged this verse as uncertain

PdP 6 180.77

यस्मिन्नध्वरधूमेन व्याप्तं गगनमंडलम् । अपि च क्षालितं मेघैः कालिमानं न मुंचति

yasminnadhvaradhūmena vyāptaṃ gaganamaṃḍalam | api ca kṣālitaṃ meghaiḥ kālimānaṃ na muṃcati

In which the circle of the sky, pervaded by the smoke of the sacrifice, does not let go its blackness even though washed by the clouds.

AI translation rendered from the Sanskrit, not a published edition

PdP 6 180.78

गलितायाः सुधायास्तु यत्राध्वरमहार्चिषा । लांछितं छद्मनास्थानं दृश्यते तुहिनत्विषि

galitāyāḥ sudhāyāstu yatrādhvaramahārciṣā | lāṃchitaṃ chadmanāsthānaṃ dṛśyate tuhinatviṣi

Where, of the nectar melted away by the great flame of the sacrifice, the place is seen marked, as if by a pretext, upon the frost-rayed one (the moon).

AI translation rendered from the Sanskrit, not a published edition — the model flagged this verse as uncertain

PdP 6 180.79

जन्माभ्यासवशादेव पठंति बटवः स्वयम् । यत्रोपाध्यायसान्निध्यमाश्रित्य सकलाः कलाः

janmābhyāsavaśādeva paṭhaṃti baṭavaḥ svayam | yatropādhyāyasānnidhyamāśritya sakalāḥ kalāḥ

(A place) where, by the mere force of practice from birth, the young brahmin students recite of themselves, resorting to the presence of a teacher, all the arts;

AI translation rendered from the Sanskrit, not a published edition — the model flagged this verse as uncertain

PdP 6 180.80

यत्र ब्राह्मणपत्नीनां कंकणध्वनि हुंकृतिः । लुंपत्यनुदिनं भ्राम्यद्भ्रमराणां च गर्जितम्

yatra brāhmaṇapatnīnāṃ kaṃkaṇadhvani huṃkṛtiḥ | luṃpatyanudinaṃ bhrāmyadbhramarāṇāṃ ca garjitam

where, day after day, the jingling of the brahmins' wives' bangles drowns out the humming and the droning of the bees that circle about;

AI translation rendered from the Sanskrit, not a published edition — the model flagged this verse as uncertain

PdP 6 180.81

यत्र ब्राह्मणपत्नीनां कपोलफलकं मुहुः । स्पृशन्समीरणो मंदं वाति शापभयादिव

yatra brāhmaṇapatnīnāṃ kapolaphalakaṃ muhuḥ | spṛśansamīraṇo maṃdaṃ vāti śāpabhayādiva

where the breeze, touching again and again the flat of the cheeks of the brahmins' wives, blows gently, as if from fear of a curse;

AI translation rendered from the Sanskrit, not a published edition

PdP 6 180.82

माणिक्येश्वरनामासौ यत्र शीतांशुशेखरः । वसत्यनुदिनं देवो वरदानाय देहिनाम्

māṇikyeśvaranāmāsau yatra śītāṃśuśekharaḥ | vasatyanudinaṃ devo varadānāya dehinām

where that god named Māṇikyeśvara, who wears the cool-rayed (moon) on his crest, dwells day after day, to grant boons to embodied beings;

AI translation rendered from the Sanskrit, not a published edition

PdP 6 180.83

अर्चितो भूपतीन्जित्वा मणिकेशेन चादृतः । माणिक्येश्वर इत्याख्यां तदाप्रभृति यो दधौ

arcito bhūpatīnjitvā maṇikeśena cādṛtaḥ | māṇikyeśvara ityākhyāṃ tadāprabhṛti yo dadhau

who, worshipped after (Maṇikeśa) had conquered the kings, and honoured by Maṇikeśa, from that time on bore the name "Māṇikyeśvara";

AI translation rendered from the Sanskrit, not a published edition — the model flagged this verse as uncertain

PdP 6 180.84

राज्ञा काश्मीरदेवेश दिग्जयोत्सवकारिणा । असौ सुपूजितो यस्मान्माणिक्यैर्भूरिभूतिभिः

rājñā kāśmīradeveśa digjayotsavakāriṇā | asau supūjito yasmānmāṇikyairbhūribhūtibhiḥ

since, O lord of the gods of Kashmir, he was well worshipped by the king who was holding a festival for his conquest of the directions, with rubies (māṇikya) and with abundant riches.

AI translation rendered from the Sanskrit, not a published edition — the model flagged this verse as uncertain

PdP 6 180.85

संसेवमानं तद्वारि छायां शकटिकोपरि । कंडूयमानमंगानि यंता रैक्यमपश्यत

saṃsevamānaṃ tadvāri chāyāṃ śakaṭikopari | kaṃḍūyamānamaṃgāni yaṃtā raikyamapaśyata

The driver saw Raikya upon a little cart, in the shade, enjoying that water and scratching his limbs.

AI translation rendered from the Sanskrit, not a published edition — the model flagged this verse as uncertain

PdP 6 180.86

राज्ञापि कथितैस्तैस्तैश्चिह्नैः परिचितं जवात् । प्रणतः सारथी रैक्यं प्रणम्य तमभाषत

rājñāpi kathitaistaistaiścihnaiḥ paricitaṃ javāt | praṇataḥ sārathī raikyaṃ praṇamya tamabhāṣata

And the charioteer, recognizing (him) at once by those various marks that the king had described, bowed, and having saluted Raikya, spoke to him.

AI translation rendered from the Sanskrit, not a published edition

PdP 6 180.87

सारथिरुवाच। कस्मिन्ब्रह्मन्किन्नामासि स्वछंदोऽसि निरंतरम् । किमर्थमत्र विश्रांतः किं च कर्तुं चिकीर्षसि

sārathiruvāca| kasminbrahmankinnāmāsi svachaṃdo'si niraṃtaram | kimarthamatra viśrāṃtaḥ kiṃ ca kartuṃ cikīrṣasi

The charioteer said: In what (family) are you, brahmin, and what is your name? You are constantly self-willed. Why do you rest here, and what do you intend to do?

AI translation rendered from the Sanskrit, not a published edition

PdP 6 180.88

इत्याकर्ण्य च तद्वाक्यं परमानंदनिर्भरः । स्मृत्वा सारथिमित्यूचे वयं पूर्णमनोरथाः

ityākarṇya ca tadvākyaṃ paramānaṃdanirbharaḥ | smṛtvā sārathimityūce vayaṃ pūrṇamanorathāḥ

And hearing that speech of his, filled with the highest bliss, and recollecting (himself), he said this to the charioteer: "Our wish is fulfilled."

AI translation rendered from the Sanskrit, not a published edition

PdP 6 180.89

परं केनापि बहुना परिचर्याविधायिना । भवितव्यं मनोवृत्तिं जानतास्माकमेव हि

paraṃ kenāpi bahunā paricaryāvidhāyinā | bhavitavyaṃ manovṛttiṃ jānatāsmākameva hi

"But surely there must be someone doing much service, who knows the very working of our mind."

AI translation rendered from the Sanskrit, not a published edition — the model flagged this verse as uncertain

PdP 6 180.90

हृदयस्थितमादाय रैक्याभिप्रायमादरात् । शनैर्निरगमद्यंता यत्रास्ते वसुधाधिपः

hṛdayasthitamādāya raikyābhiprāyamādarāt | śanairniragamadyaṃtā yatrāste vasudhādhipaḥ

Taking up respectfully Raikya's intention as it stood in his heart, the driver went slowly out to where the lord of the earth was.

AI translation rendered from the Sanskrit, not a published edition

PdP 6 180.91

ततः प्रणम्य भूपालं यथावृत्तं न्यवेदयत् । बद्धांजलिपुटो हृष्टः सारथिः स्वामिदर्शनात्

tataḥ praṇamya bhūpālaṃ yathāvṛttaṃ nyavedayat | baddhāṃjalipuṭo hṛṣṭaḥ sārathiḥ svāmidarśanāt

Then, bowing to the king, the charioteer, his palms joined and delighted at the sight of his master, reported what had happened.

AI translation rendered from the Sanskrit, not a published edition

PdP 6 180.92

ततो निशम्य तद्वाक्यं विस्मयस्मेरलोचनः । श्रद्धालुरभवद्भूपो रैक्यसंभावनाविधौ

tato niśamya tadvākyaṃ vismayasmeralocanaḥ | śraddhālurabhavadbhūpo raikyasaṃbhāvanāvidhau

Then, hearing his words, his eyes smiling with wonder, the king became full of faith concerning the honouring of Raikya.

AI translation rendered from the Sanskrit, not a published edition

PdP 6 180.93

आदायाश्वतरीयुग्मयुक्तां शकटिकामगात् । मुक्ताहारदुकूलानि सहस्रं च गवां नृपः

ādāyāśvatarīyugmayuktāṃ śakaṭikāmagāt | muktāhāradukūlāni sahasraṃ ca gavāṃ nṛpaḥ

Taking a little cart yoked with a pair of she-mules, the king set out, with pearl necklaces, fine cloths, and a thousand cows.

AI translation rendered from the Sanskrit, not a published edition

PdP 6 180.94

गतोऽसौ तत्र यत्रास्ते योगी काश्मीरमंडले । तन्निवेद्य पुरो राजा दंडवत्पतितो भुवि

gato'sau tatra yatrāste yogī kāśmīramaṃḍale | tannivedya puro rājā daṃḍavatpatito bhuvi

He went to that place in the Kashmir region where the yogi was; and having presented that (gift) before him, the king fell to the ground like a rod.

AI translation rendered from the Sanskrit, not a published edition

PdP 6 180.95

आनम्य परया भक्त्या रैक्यो राज्ञे चुकोप ह । रे शूद्र मामकं वृत्तं न जानासि दुरीश्वर

ānamya parayā bhaktyā raikyo rājñe cukopa ha | re śūdra māmakaṃ vṛttaṃ na jānāsi durīśvara

Having bowed with the highest devotion — but Raikya grew angry at the king: "Hey, Śūdra! You do not know my way of life, you wicked lord!"

AI translation rendered from the Sanskrit, not a published edition

PdP 6 180.96

गृहाण शकटीमेतामुत्थाप्याश्वतरी युताम् । वस्त्राणि मुक्ताहारांश्च गाश्च दोग्ध्रीरपि स्वयम्

gṛhāṇa śakaṭīmetāmutthāpyāśvatarī yutām | vastrāṇi muktāhārāṃśca gāśca dogdhrīrapi svayam

"Take back this cart together with the she-mules, raising it up, and the garments and the pearl necklaces and the milch cows as well, yourself."

AI translation rendered from the Sanskrit, not a published edition

PdP 6 180.97

इत्थमाज्ञतवान्भूपो रैक्यस्य भयमादधे । ततः शापभयाद्राजा तत्पदांभोरुहद्वयम्

itthamājñatavānbhūpo raikyasya bhayamādadhe | tataḥ śāpabhayādrājā tatpadāṃbhoruhadvayam

Thus commanded, the king conceived a fear of Raikya; then, out of fear of a curse, the king (took hold of) that pair of lotus-feet of his,

AI translation rendered from the Sanskrit, not a published edition

PdP 6 180.98

गृह्णन्भक्त्या प्रसीदेति ब्रह्मन्नित्यूचिवान्स्वयम्

gṛhṇanbhaktyā prasīdeti brahmannityūcivānsvayam

and, grasping (them) with devotion, he himself said: "Be gracious, O brahmin."

AI translation rendered from the Sanskrit, not a published edition

PdP 6 180.99

राजोवाच। भगवंस्तव माहात्म्यमेतदत्युद्भुतं कुतः । प्रसन्नीभूय भगवन्नाख्याहि मम तत्त्वतः

rājovāca| bhagavaṃstava māhātmyametadatyudbhutaṃ kutaḥ | prasannībhūya bhagavannākhyāhi mama tattvataḥ

The king said: "Lord, this greatness of yours is most astonishing—whence (does it come)? Be gracious, O lord, and tell me truly."

AI translation rendered from the Sanskrit, not a published edition

PdP 6 180.100

रैक्य उवाच। गीतानां षष्ठमध्यायं जपामि प्रत्यहं नृप । तेनैव तेजोराशिर्मे सुराणामपि दुःसहः 6.180.

raikya uvāca| gītānāṃ ṣaṣṭhamadhyāyaṃ japāmi pratyahaṃ nṛpa | tenaiva tejorāśirme surāṇāmapi duḥsahaḥ 6.180.

Raikya said: "O king, every day I recite the sixth chapter of the Gītā; by that alone my mass of splendour is hard to bear even for the gods."

AI translation rendered from the Sanskrit, not a published edition

PdP 6 180.101

गीतानां षष्ठमध्यायं रैक्यादभ्यस्य यत्नतः । ज्ञानश्रुतिर्महीपालो मुक्तिमाप ततः सुधीः

gītānāṃ ṣaṣṭhamadhyāyaṃ raikyādabhyasya yatnataḥ | jñānaśrutirmahīpālo muktimāpa tataḥ sudhīḥ

Having diligently studied the sixth chapter of the Gītā from Raikya, the king Jñānaśruti, wise of mind, thereupon attained liberation.

AI translation rendered from the Sanskrit, not a published edition

PdP 6 180.102

रैक्योऽपि सुखमालेभे माणिक्येश्वरसन्निधौ । गीतानां षष्ठमध्यायं जपन्मोक्षप्रदायकम्

raikyo'pi sukhamālebhe māṇikyeśvarasannidhau | gītānāṃ ṣaṣṭhamadhyāyaṃ japanmokṣapradāyakam

Raikya too obtained happiness in the presence of Māṇikyeśvara, reciting the sixth chapter of the Gītā, which bestows release.

AI translation rendered from the Sanskrit, not a published edition

PdP 6 180.103

मरालवेषमास्थाय वरदानार्थमागताः । दिवौकसोऽपि निर्जग्मुः स्वैरं विस्मयकारिताः

marālaveṣamāsthāya varadānārthamāgatāḥ | divaukaso'pi nirjagmuḥ svairaṃ vismayakāritāḥ

Even the dwellers of heaven, who had come in the guise of geese to grant a boon, went away at will, filled with amazement.

AI translation rendered from the Sanskrit, not a published edition

PdP 6 180.104

इममध्यायमप्येकं यो जपेत्सततं नरः । सोऽपि तत्पदवीमेति विष्णोरेव न संशयः

imamadhyāyamapyekaṃ yo japetsatataṃ naraḥ | so'pi tatpadavīmeti viṣṇoreva na saṃśayaḥ

The man who constantly recites even this single chapter—he too goes to that state of Viṣṇu; there is no doubt.

AI translation rendered from the Sanskrit, not a published edition

PdP 6 180.180

माहात्म्ये अशीत्यधिकशततमोऽध्यायः

māhātmye aśītyadhikaśatatamo'dhyāyaḥ

In the Māhātmya, the one hundred eightieth chapter.

AI translation rendered from the Sanskrit, not a published edition