Padma Purana — Uttara Khanda — Chapter 177
PdP 6 177.1
श्रीभगवानुवाच। जनस्थाने जडो नाम द्विजन्मा कौशिकान्वयी । हित्वा जात्युचितं धर्मं वणिग्वृत्त्यां मनो दधे
śrībhagavānuvāca| janasthāne jaḍo nāma dvijanmā kauśikānvayī | hitvā jātyucitaṃ dharmaṃ vaṇigvṛttyāṃ mano dadhe
The Blessed Lord said: In Janasthāna there was a twice-born man named Jaḍa, of the lineage of Kauśika, who, abandoning the duty proper to his caste, set his mind on the trade of a merchant.
AI translation rendered from the Sanskrit, not a published edition
PdP 6 177.2
व्यसनी परदारेषु दीव्यन्नक्षैः पिबन्मधु । मृगया निरतो नित्यं कालमेवं निनाय सः
vyasanī paradāreṣu dīvyannakṣaiḥ pibanmadhu | mṛgayā nirato nityaṃ kālamevaṃ nināya saḥ
Addicted to other men's wives, gambling with dice, drinking liquor, and constantly devoted to hunting—thus did he pass his time.
AI translation rendered from the Sanskrit, not a published edition
PdP 6 177.3
क्षीणे वित्ते ततो रात्रौ चौर्यामारब्धवांस्ततः । प्रतिपेदे धनं तेन यज्वनां यष्टुमर्थिनाम्
kṣīṇe vitte tato rātrau cauryāmārabdhavāṃstataḥ | pratipede dhanaṃ tena yajvanāṃ yaṣṭumarthinām
Then, when his wealth was exhausted, he took up thieving by night; by that means he acquired the money of sacrificers who sought to perform sacrifices.
AI translation rendered from the Sanskrit, not a published edition
PdP 6 177.4
स दूरमगमत्तेन वाणिज्यायोत्तरां दिशम् । कस्तूरिमगुरुं कृष्णं चामरांश्चंद्रिकोज्ज्वलान्
sa dūramagamattena vāṇijyāyottarāṃ diśam | kastūrimaguruṃ kṛṣṇaṃ cāmarāṃścaṃdrikojjvalān
With that (wealth) he travelled far, to the northern quarter, for trade: musk, black aloe-wood, and yak-tail whisks bright as moonlight—
AI translation rendered from the Sanskrit, not a published edition
PdP 6 177.5
गृहीत्वा वृत्य चानिन्ये पंचषादध्वयोजनात् । अथापरस्मिन्नहनि प्रियादर्शनदोहनि
gṛhītvā vṛtya cāninye paṃcaṣādadhvayojanāt | athāparasminnahani priyādarśanadohani
having taken these and traded, he brought (them) back from a distance of five or six leagues of road. Then on another day, one that milked the sight of his beloved (i.e. brought the joy of seeing her),
AI translation rendered from the Sanskrit, not a published edition — the model flagged this verse as uncertain
PdP 6 177.6
दूरमध्वानमुल्लंघ्य रवावस्तमिते सति । ध्वांते प्रसर्पति स्वैरं दिशो दश तरोस्तले
dūramadhvānamullaṃghya ravāvastamite sati | dhvāṃte prasarpati svairaṃ diśo daśa tarostale
having covered a long stretch of road, when the sun had set and darkness was freely creeping over the ten directions, at the foot of a tree—
AI translation rendered from the Sanskrit, not a published edition
PdP 6 177.7
गतो वशं सदस्यूनां निजघ्ने तैश्च सत्वरम् । धर्मलोपादसौ जज्ञे घोरश्चोग्रतरो ग्रहः
gato vaśaṃ sadasyūnāṃ nijaghne taiśca satvaram | dharmalopādasau jajñe ghoraścogrataro grahaḥ
he fell into the power of robbers, and was quickly slain by them; through his lapse from dharma he became a dreadful and most fierce grasping spirit.
AI translation rendered from the Sanskrit, not a published edition
PdP 6 177.8
पिपासितो बुभुक्षार्तो लेलिहानश्च सृक्किणी । उर्ध्वकेशोऽतिजंघालुः पृष्टलग्नोदरो महत्
pipāsito bubhukṣārto lelihānaśca sṛkkiṇī | urdhvakeśo'tijaṃghāluḥ pṛṣṭalagnodaro mahat
Thirsty, tormented by hunger, licking the corners of his mouth, his hair standing upright, with very long shanks, his belly stuck to his back,
AI translation rendered from the Sanskrit, not a published edition
PdP 6 177.9
अस्थिमात्रशरीरोऽभूद्दुर्वृत्तनयनो भृशम् । अत्रांतरे सुतस्तस्य धर्मात्मा वेदकोविदः
asthimātraśarīro'bhūddurvṛttanayano bhṛśam | atrāṃtare sutastasya dharmātmā vedakovidaḥ
his body nothing but bones, his eyes rolling grievously. Meanwhile his son, righteous in soul and well versed in the Vedas,
AI translation rendered from the Sanskrit, not a published edition
PdP 6 177.10
पर्यपालयदत्यर्थं दिदृक्षुस्तं तदागमत् । नित्यमन्वेषयन्वार्त्तां पांथेभ्यो नोपलब्धवान्
paryapālayadatyarthaṃ didṛkṣustaṃ tadāgamat | nityamanveṣayanvārttāṃ pāṃthebhyo nopalabdhavān
waited very long (for him); wishing to see him he then set out, constantly seeking news from travellers, but he obtained none.
AI translation rendered from the Sanskrit, not a published edition
PdP 6 177.11
ततः कदाचिदायाते सहायिनि च मानवे । तस्माद्विदितवृत्तांतः शुशोच पितरं बहु
tataḥ kadācidāyāte sahāyini ca mānave | tasmādviditavṛttāṃtaḥ śuśoca pitaraṃ bahu
Then, when at some time a man who had been (his father's) companion arrived, he learned the whole story from him and greatly mourned his father.
AI translation rendered from the Sanskrit, not a published edition
PdP 6 177.12
ततो विमृश्य मेधावी चिकीर्षुः पारलौकिकम् । वाराणसीं ससंभारः स गंतुमुपचक्रमे
tato vimṛśya medhāvī cikīrṣuḥ pāralaukikam | vārāṇasīṃ sasaṃbhāraḥ sa gaṃtumupacakrame
Then the wise man, having reflected, wishing to do what pertains to the next world, set out with his provisions to go to Vārāṇasī.
AI translation rendered from the Sanskrit, not a published edition
PdP 6 177.13
मार्गे निवासान्सप्ताष्टौ नीत्वा तस्य तरोस्तले । संध्यां प्रचक्रमे कर्तुं यत्रास्य निहतः पिता
mārge nivāsānsaptāṣṭau nītvā tasya tarostale | saṃdhyāṃ pracakrame kartuṃ yatrāsya nihataḥ pitā
Having spent seven or eight nights' lodgings on the road, at the foot of that tree where his father had been slain he began to perform the twilight rite.
AI translation rendered from the Sanskrit, not a published edition
PdP 6 177.14
तत्राध्यायं स गीतानां तृतीयं संजजाप ह । ततो घोरस्वरस्तत्र व्योममध्ये परामृशत्
tatrādhyāyaṃ sa gītānāṃ tṛtīyaṃ saṃjajāpa ha | tato ghorasvarastatra vyomamadhye parāmṛśat
There he recited the third chapter of the Gītā. Then a dreadful voice there in the middle of the sky touched (his ears).
AI translation rendered from the Sanskrit, not a published edition
PdP 6 177.15
ददर्श घोरमाकाशात्पतंतं पितरं ततः । विस्मयेन भयेनापि विकलीकृतचेतनः
dadarśa ghoramākāśātpataṃtaṃ pitaraṃ tataḥ | vismayena bhayenāpi vikalīkṛtacetanaḥ
Then he saw his father, dreadful, falling from the sky; his awareness disordered by both amazement and fear,
AI translation rendered from the Sanskrit, not a published edition
PdP 6 177.16
तेजसा भूयसा व्याप्तमालुलोके पुरोऽम्बरे । किंकिणीकोटिसंकीर्णं तेजसा व्याप्तदिङ्मुखम्
tejasā bhūyasā vyāptamāluloke puro'mbare | kiṃkiṇīkoṭisaṃkīrṇaṃ tejasā vyāptadiṅmukham
he beheld in the sky before him (something) filled with abundant radiance, thick with ten million little bells, its brilliance pervading the quarters—
AI translation rendered from the Sanskrit, not a published edition
PdP 6 177.17
विमानमग्रतोऽपश्यद्दिव्यमध्यग्रचेतनः । तत्रापश्यत्समारूढं दिव्याभिः स्त्रीभिरावृतम्
vimānamagrato'paśyaddivyamadhyagracetanaḥ | tatrāpaśyatsamārūḍhaṃ divyābhiḥ strībhirāvṛtam
he saw before him a divine celestial car, his awareness (fixed) in front; and there he saw (his father) mounted upon it, surrounded by divine women,
AI translation rendered from the Sanskrit, not a published edition
PdP 6 177.18
संस्तूयमानं मुनिभिः पितरं पीतवाससम् । प्रणतस्तं समालोक्य युयुजे तेन चाशिषा
saṃstūyamānaṃ munibhiḥ pitaraṃ pītavāsasam | praṇatastaṃ samālokya yuyuje tena cāśiṣā
his father praised by sages and clad in yellow garments. Bowing as he looked upon him, he was joined by him with a blessing.
AI translation rendered from the Sanskrit, not a published edition
PdP 6 177.19
ततोऽपृच्छदिदं वृत्तं स च तस्मै न्यवेदयत् । दुस्त्यजात्कर्मणो वत्स वपुषो पुण्यकारणात्
tato'pṛcchadidaṃ vṛttaṃ sa ca tasmai nyavedayat | dustyajātkarmaṇo vatsa vapuṣo puṇyakāraṇāt
Then he asked about this happening, and (the father) reported it to him: "Child, from a deed hard to shake off and from a body (of that kind), by the cause of merit
AI translation rendered from the Sanskrit, not a published edition — the model flagged this verse as uncertain
PdP 6 177.20
मोचितोऽस्मि त्वया दैवादध्यायं जपतांतिके । तन्निवर्त्तस्व जपतः सांप्रतं त्वामुपस्थितम्
mocito'smi tvayā daivādadhyāyaṃ japatāṃtike | tannivarttasva japataḥ sāṃprataṃ tvāmupasthitam
I have been released by you, by fate, as you recited the chapter nearby. So turn back, since now, while you recited, (what you sought) has come to you.
AI translation rendered from the Sanskrit, not a published edition — the model flagged this verse as uncertain
PdP 6 177.21
वाराणसीं यदर्थं यत्तदनुष्ठितमात्मनः । श्रीभगवानुवाच। एवमुक्तः स च प्राह पितरं दीप्ततेजसम्
vārāṇasīṃ yadarthaṃ yattadanuṣṭhitamātmanaḥ | śrībhagavānuvāca| evamuktaḥ sa ca prāha pitaraṃ dīptatejasam
"...Vārāṇasī, for whose sake that was performed by me for my own (benefit)." The Blessed Lord said: Thus addressed, he too spoke to his father of blazing splendour:
AI translation rendered from the Sanskrit, not a published edition — the model flagged this verse as uncertain
PdP 6 177.22
सुत उवाच। हितं ममानुशाधि त्वं कार्यमन्यन्मयानु किम् । श्रीभगवानुवाच। ततः प्राह पिता पुत्रं कार्यमेतत्त्वयानघ
suta uvāca| hitaṃ mamānuśādhi tvaṃ kāryamanyanmayānu kim | śrībhagavānuvāca| tataḥ prāha pitā putraṃ kāryametattvayānagha
The son said: Instruct me as to my welfare — what other task (is to be done) by me? The Blessed Lord said: Then the father said to his son: This task (is) to be (done) by you, O sinless one:
AI translation rendered from the Sanskrit, not a published edition
PdP 6 177.23
यन्मयाचरितं कर्म भ्रात्रा मम तु तत्कृतम् । स यातो नरकं घोरं तं मोचयितुमर्हसि
yanmayācaritaṃ karma bhrātrā mama tu tatkṛtam | sa yāto narakaṃ ghoraṃ taṃ mocayitumarhasi
The deed that was performed by me — that was done by my brother (too). He has gone to a terrible hell; him you ought to release.
AI translation rendered from the Sanskrit, not a published edition — the model flagged this verse as uncertain
PdP 6 177.24
अन्ये मदन्वये ये वै निरयं प्रतिपेदिरे । ते च मोचयितव्यास्ते इति मेऽस्ति मनोरथः
anye madanvaye ye vai nirayaṃ pratipedire | te ca mocayitavyāste iti me'sti manorathaḥ
And the others in my lineage who have attained hell — they too are to be released: such is my wish.
AI translation rendered from the Sanskrit, not a published edition
PdP 6 177.25
इत्येवमुक्तः पुत्रस्तं पुनः प्राह कृतांजलि । कर्मणा केन तान्सर्वान्मोचयामि तदादिश
ityevamuktaḥ putrastaṃ punaḥ prāha kṛtāṃjali | karmaṇā kena tānsarvānmocayāmi tadādiśa
Thus addressed, the son, with joined palms, spoke to him again: By what act shall I release them all? Direct me in that.
AI translation rendered from the Sanskrit, not a published edition
PdP 6 177.26
एवं निवेदितो वाक्यं पिता सुतमुवाच ह । पितोवाच। येनाहं मोचितो वत्स तदनुष्ठातुमर्हसि
evaṃ nivedito vākyaṃ pitā sutamuvāca ha | pitovāca| yenāhaṃ mocito vatsa tadanuṣṭhātumarhasi
Being thus informed of the matter, the father spoke to his son. The father said: That by which I was released, my child, that you ought to perform.
AI translation rendered from the Sanskrit, not a published edition
PdP 6 177.27
अनुष्ठाय तदुत्पन्नं तेभ्यः पुण्यं समुत्सृज । ततोऽहमिव ते सर्वे पूर्वे संत्यज्य यातनाम्
anuṣṭhāya tadutpannaṃ tebhyaḥ puṇyaṃ samutsṛja | tato'hamiva te sarve pūrve saṃtyajya yātanām
Having performed it, release toward them the merit that arises from it. Then all those ancestors, like me, abandoning their torment,
AI translation rendered from the Sanskrit, not a published edition
PdP 6 177.28
गमिष्यंत्यचिरेणैव तद्विष्णोः परमं पदम् । स संदिष्टोवदत्पुत्रो यद्येवं तात नारकान्
gamiṣyaṃtyacireṇaiva tadviṣṇoḥ paramaṃ padam | sa saṃdiṣṭovadatputro yadyevaṃ tāta nārakān
will go before long to that supreme abode of Viṣṇu. So instructed, the son said: If it be so, father, then all the hell-dwellers
AI translation rendered from the Sanskrit, not a published edition
PdP 6 177.29
सर्वानपि विमोक्ष्यामि यदि ते रोचते वचः । एवमस्तु शिवं भूयादुपपन्नं महत्प्रियम्
sarvānapi vimokṣyāmi yadi te rocate vacaḥ | evamastu śivaṃ bhūyādupapannaṃ mahatpriyam
I shall release, if this speech pleases you. — So be it; may there be good fortune; this that has come about is a great delight.
AI translation rendered from the Sanskrit, not a published edition
PdP 6 177.30
इत्यादिश्य पिता पुत्रं ययौ विष्णोः परं पदम् । सोऽपि तस्मात्परावृत्त्य जनस्थानं प्रपद्य च
ityādiśya pitā putraṃ yayau viṣṇoḥ paraṃ padam | so'pi tasmātparāvṛttya janasthānaṃ prapadya ca
Having thus instructed his son, the father went to the supreme abode of Viṣṇu. And he too, turning back from there and reaching the abode of men,
AI translation rendered from the Sanskrit, not a published edition
PdP 6 177.31
सुंदरस्य पुरः शौरेश्चालये कालमभ्यगात् । स कुर्वाणोःसमादीनि पित्रा च यदुदीरितम्
suṃdarasya puraḥ śaureścālaye kālamabhyagāt | sa kurvāṇoḥsamādīni pitrā ca yadudīritam
passed the time before the beautiful Śauri (Viṣṇu) in his temple. Performing the (fasts?) and the rest, and what had been enjoined by his father,
AI translation rendered from the Sanskrit, not a published edition — the model flagged this verse as uncertain
PdP 6 177.32
उत्ससर्ज कृतं पुण्यं मोचयिष्यन्स नारकान् । अत्रांतरे पदे विष्णोर्यातनापदमीयुषः
utsasarja kṛtaṃ puṇyaṃ mocayiṣyansa nārakān | atrāṃtare pade viṣṇoryātanāpadamīyuṣaḥ
he released the merit he had made, intending to free the hell-dwellers. Meanwhile, in the abode of Viṣṇu, (with regard to) those who had come to the state of torment,
AI translation rendered from the Sanskrit, not a published edition — the model flagged this verse as uncertain
PdP 6 177.33
नारकान्मोचयिष्यंतः किंकरा यममभ्ययुः । तेन ते पूजिताः सर्वे सत्क्रियाभिरनेकधा
nārakānmocayiṣyaṃtaḥ kiṃkarā yamamabhyayuḥ | tena te pūjitāḥ sarve satkriyābhiranekadhā
the servants, about to release the hell-dwellers, went to Yama. They were all honoured by him with courtesies in many ways;
AI translation rendered from the Sanskrit, not a published edition
PdP 6 177.34
कुशलं परिपृष्टास्ते सर्वतः सुखमूचिरे । एमं सत्कृत्य मेधावी पितृलोक महेश्वरः
kuśalaṃ paripṛṣṭāste sarvataḥ sukhamūcire | emaṃ satkṛtya medhāvī pitṛloka maheśvaraḥ
asked after their well-being, they said that all was well on every side. Having honoured them, the wise great lord of the world of the fathers (Yama),
AI translation rendered from the Sanskrit, not a published edition
PdP 6 177.35
हेतुमागमने पृच्छत्ते च तस्मै न्यवेदयन् । विद्धि कीनाशनाथ त्वं शेषपर्यंकशायिना
hetumāgamane pṛcchatte ca tasmai nyavedayan | viddhi kīnāśanātha tvaṃ śeṣaparyaṃkaśāyinā
asked the reason for their coming, and they announced it to him: "Know, O lord of the misers (Yama), that we were sent by him who lies on the couch of Śeṣa,
AI translation rendered from the Sanskrit, not a published edition — the model flagged this verse as uncertain
PdP 6 177.36
शौरिणा प्रहितानस्मान्समादेष्टुं त्वदंतिके । अस्मन्मुखेन देवस्त्वां कुशलं परिपृच्छति
śauriṇā prahitānasmānsamādeṣṭuṃ tvadaṃtike | asmanmukhena devastvāṃ kuśalaṃ paripṛcchati
by Śauri, to convey a command in your presence. Through our mouth the god asks after your well-being,
AI translation rendered from the Sanskrit, not a published edition
PdP 6 177.37
नारकान्प्राणिनः सर्वान्विमोक्तुं च नियच्छति । इत्याकर्ण्य समादिष्टं विष्णोरमिततेजसः
nārakānprāṇinaḥ sarvānvimoktuṃ ca niyacchati | ityākarṇya samādiṣṭaṃ viṣṇoramitatejasaḥ
and enjoins that all the hell-dwelling creatures be released." Having heard this command of Viṣṇu of measureless splendour,
AI translation rendered from the Sanskrit, not a published edition
PdP 6 177.38
न तेन मूर्ध्ना संभाव्य दध्यौ किंचन चेतसा । विमुक्तान्निरयात्सर्वांस्तान्विलोक्य मदोत्कटान्
na tena mūrdhnā saṃbhāvya dadhyau kiṃcana cetasā | vimuktānnirayātsarvāṃstānvilokya madotkaṭān
he honoured it with his head and pondered nothing in his mind. Seeing all those released from hell, exuberant with joy,
AI translation rendered from the Sanskrit, not a published edition — the model flagged this verse as uncertain
PdP 6 177.39
स तैरनुगतः सर्वैर्विष्णोरायतनं ततः । ययौ स वरयानेन यत्रास्ते दुग्धवारिधिः
sa tairanugataḥ sarvairviṣṇorāyatanaṃ tataḥ | yayau sa varayānena yatrāste dugdhavāridhiḥ
followed by all of them he then went by an excellent conveyance to the sanctuary of Viṣṇu, where the ocean of milk lies.
AI translation rendered from the Sanskrit, not a published edition
PdP 6 177.40
तदंत उदितानेकसूर्यकोटिसमप्रभम् । इंदीवरदलश्याममालुलोक जगद्गुरुम्
tadaṃta uditānekasūryakoṭisamaprabham | iṃdīvaradalaśyāmamāluloka jagadgurum
At the end of it he beheld the teacher of the world, dark as a blue-lotus petal, with a radiance equal to many crores of risen suns,
AI translation rendered from the Sanskrit, not a published edition
PdP 6 177.41
शय्याफणिफणारत्नमरीच्यामिश्रतेजसम् । विलोक्यमानमानंदनिर्भरं प्रीतमानसम्
śayyāphaṇiphaṇāratnamarīcyāmiśratejasam | vilokyamānamānaṃdanirbharaṃ prītamānasam
(He beheld him,) whose radiance was mingled with the rays of the jewels on the hoods of the serpent that was his couch, who was being gazed upon, brimming with bliss, his mind delighted;
AI translation rendered from the Sanskrit, not a published edition
PdP 6 177.42
भावानुगैर्दृगालीकैः श्रिया प्रेम्णेक्षितं मुहुः । योगिभिः परितो जुष्टं ध्याननिष्पंदतारकैः
bhāvānugairdṛgālīkaiḥ śriyā premṇekṣitaṃ muhuḥ | yogibhiḥ parito juṣṭaṃ dhyānaniṣpaṃdatārakaiḥ
gazed at again and again with love by Śrī, with sidelong glances that followed her feeling; attended on every side by yogins whose eyeballs were motionless in meditation;
AI translation rendered from the Sanskrit, not a published edition
PdP 6 177.43
स्तूयमानं महेंद्रेण पराजेतुं विरोधिनः। आम्नायवचसामंते ब्रह्मणो निःसृतैर्मुखात्
stūyamānaṃ maheṃdreṇa parājetuṃ virodhinaḥ| āmnāyavacasāmaṃte brahmaṇo niḥsṛtairmukhāt
being praised by great Indra, so as to overcome his adversaries, and, at the close of the Vedic utterances that issued from Brahmā's mouth,
AI translation rendered from the Sanskrit, not a published edition — the model flagged this verse as uncertain
PdP 6 177.44
मूर्तिमद्भिर्वचोभिश्च गीयमानं गुणोत्करम् । संप्रीतं चाप्युदासीनमपि सर्वासु योनिषु
mūrtimadbhirvacobhiśca gīyamānaṃ guṇotkaram | saṃprītaṃ cāpyudāsīnamapi sarvāsu yoniṣu
being hymned by words that had taken bodily form — (him) of abundant excellences, who is at once well pleased with and yet indifferent to all classes of birth;
AI translation rendered from the Sanskrit, not a published edition — the model flagged this verse as uncertain
PdP 6 177.45
योगसंचितपुण्यानां यौगपद्येन जंतुषु । विलोकमानमात्मानमखिलं सचराचरम्
yogasaṃcitapuṇyānāṃ yaugapadyena jaṃtuṣu | vilokamānamātmānamakhilaṃ sacarācaram
(him who,) among creatures, looks simultaneously upon those whose merit has been amassed by yoga, (and who) sees himself as the whole (world) with its moving and unmoving (beings);
AI translation rendered from the Sanskrit, not a published edition — the model flagged this verse as uncertain
PdP 6 177.46
आमोद्यन्नमालोकैरात्मानं दीप्तिपूरितैः । आबिभ्राणं वपुर्व्यापि द्योतितं भोगिनस्विषा
āmodyannamālokairātmānaṃ dīptipūritaiḥ | ābibhrāṇaṃ vapurvyāpi dyotitaṃ bhoginasviṣā
gladdening himself with glances filled with brilliance, bearing a pervasive body lit up by the serpent's lustre.
AI translation rendered from the Sanskrit, not a published edition — the model flagged this verse as uncertain
PdP 6 177.47
इंदीवरदलश्यामं ज्योत्स्नयेव नभस्तलम् । विलोक्य तं स तुष्टाव धिया बहुलयानतः
iṃdīvaradalaśyāmaṃ jyotsnayeva nabhastalam | vilokya taṃ sa tuṣṭāva dhiyā bahulayānataḥ
Seeing him, dark as the petal of a blue lotus, like the vault of heaven (dark) with moonlight, he praised him with a mind deeply bowed down.
AI translation rendered from the Sanskrit, not a published edition
PdP 6 177.48
यम उवाच। नमः समस्तनिर्माणनिर्मलीभूतचेतसे । वद नोद्गीर्णवेदाय विश्वरूपाय वेधसे
yama uvāca| namaḥ samastanirmāṇanirmalībhūtacetase | vada nodgīrṇavedāya viśvarūpāya vedhase
Yama said: Homage to him whose consciousness has become spotless through (or: in) the whole creation; to him from whose mouth the Vedas were uttered forth, to the universal-formed creator.
AI translation rendered from the Sanskrit, not a published edition — the model flagged this verse as uncertain
PdP 6 177.49
बलवेगसुदुर्द्धर्ष दानवेंद्र मदद्रुहे । नमः स्थितौ च सत्वाय विश्वाधाराय विष्णवे
balavegasudurddharṣa dānaveṃdra madadruhe | namaḥ sthitau ca satvāya viśvādhārāya viṣṇave
O you who are so hard to assail in strength and speed, who are hostile to the pride of the lord of the Dānavas — homage to Viṣṇu, who is sattva in (the work of) preservation, the support of the universe.
AI translation rendered from the Sanskrit, not a published edition — the model flagged this verse as uncertain
PdP 6 177.50
नमः पातकसंघात जिष्णवेऽखिलदेहिनाम् । ईषदुन्मीलल्लालाटनेत्राग्निप्रभवार्चिषे 6.177.
namaḥ pātakasaṃghāta jiṣṇave'khiladehinām | īṣadunmīlallālāṭanetrāgniprabhavārciṣe 6.177.
Homage to him who conquers the accumulated mass of sins of all embodied beings, whose flame springs from the fire of the forehead-eye when it opens but a little. (6.177.)
AI translation rendered from the Sanskrit, not a published edition — the model flagged this verse as uncertain
PdP 6 177.51
त्वं हि सर्वस्य लोकस्य गुरुरात्मा महेश्वरः । विसृज्य वैष्णवान्सर्वानतस्त्वमनुकंपसे
tvaṃ hi sarvasya lokasya gururātmā maheśvaraḥ | visṛjya vaiṣṇavānsarvānatastvamanukaṃpase
For you are the teacher, the self, the great lord of all the world; therefore, setting aside all the Vaiṣṇavas, you show compassion (even to others).
AI translation rendered from the Sanskrit, not a published edition — the model flagged this verse as uncertain
PdP 6 177.52
व्यापयन्नखिलं लोकं मायया परिबृंहितम् । न तया परिभूतोऽसि न च तत्प्रभवैर्गुणैः
vyāpayannakhilaṃ lokaṃ māyayā paribṛṃhitam | na tayā paribhūto'si na ca tatprabhavairguṇaiḥ
Though you pervade the whole world that is swollen out by māyā, you are not overcome by her, nor by the qualities that arise from her.
AI translation rendered from the Sanskrit, not a published edition
PdP 6 177.53
अंतरावर्तमानोऽपि न ताभ्यामभिभूयसे । दृशा विषयवर्तिन्या निग्रहीतमना अपि
aṃtarāvartamāno'pi na tābhyāmabhibhūyase | dṛśā viṣayavartinyā nigrahītamanā api
Though you turn about within (the two), you are not overpowered by them; and though your mind be gripped by the sight that moves among sense-objects,
AI translation rendered from the Sanskrit, not a published edition — the model flagged this verse as uncertain
PdP 6 177.54
तया फलाभिगामिन्या आत्मन्येवाभिलीयसे । न तवास्ति महिम्नोंतो यथा निरवधिः स्वयम्
tayā phalābhigāminyā ātmanyevābhilīyase | na tavāsti mahimnoṃto yathā niravadhiḥ svayam
by that (sight) which goes after its fruit, you dissolve into your own self alone. There is no end to your greatness, just as you yourself are without limit.
AI translation rendered from the Sanskrit, not a published edition — the model flagged this verse as uncertain
PdP 6 177.55
मौनमेवात्रयुक्तं मे विषयोऽसि कथं गिराम् । इति स्तुत्वा ततो वाक्यमिदमाह कृतांजलि
maunamevātrayuktaṃ me viṣayo'si kathaṃ girām | iti stutvā tato vākyamidamāha kṛtāṃjali
Silence alone is fitting for me here: how can you be an object of words? Having praised (him) thus, he then, with palms joined, spoke this speech.
AI translation rendered from the Sanskrit, not a published edition
PdP 6 177.56
विनियोगादमी युक्ता देहिनो निर्गुणा मया । समादिश यदन्यन्मे कार्यमस्ति जगद्गुरो
viniyogādamī yuktā dehino nirguṇā mayā | samādiśa yadanyanme kāryamasti jagadguro
By (their) allotment these embodied beings have been made free of qualities by me. Command what other task of mine there is, O teacher of the world.
AI translation rendered from the Sanskrit, not a published edition — the model flagged this verse as uncertain
PdP 6 177.57
इति विज्ञापितस्तेन तमाह मधुसूदनः । मेघगंभीरया वाचा सिंचन्निव सुधारसैः
iti vijñāpitastena tamāha madhusūdanaḥ | meghagaṃbhīrayā vācā siṃcanniva sudhārasaiḥ
Thus informed by him, the slayer of Madhu said to him, in a voice deep as a cloud, as though sprinkling him with draughts of nectar:
AI translation rendered from the Sanskrit, not a published edition
PdP 6 177.58
पापादुद्धार्य ते लोको मया समयवर्तिना । त्वयि विन्यस्तभारोऽहं नानुशोचामि देहिनः
pāpāduddhārya te loko mayā samayavartinā | tvayi vinyastabhāro'haṃ nānuśocāmi dehinaḥ
Your world has been raised up out of sin by me, who abide by the compact; having laid the burden upon you, I no longer grieve for embodied beings.
AI translation rendered from the Sanskrit, not a published edition
PdP 6 177.59
तदाचर निजं कर्म प्रयाहि स्वं निकेतनम् । श्रीभगवानुवाच। इत्युक्त्वांतर्दधे देवः सोऽपि स्वपुरमाययौ
tadācara nijaṃ karma prayāhi svaṃ niketanam | śrībhagavānuvāca| ityuktvāṃtardadhe devaḥ so'pi svapuramāyayau
So do your own work; go to your own abode. The Blessed Lord said: Having said this the god vanished, and he too went to his own city.
AI translation rendered from the Sanskrit, not a published edition
PdP 6 177.60
सोऽपि स्वजातिजान्सर्वान्निरयस्थाननेकशः । उद्धृत्य वरयानेन विष्णुलोकं ययौ स्वयम्
so'pi svajātijānsarvānnirayasthānanekaśaḥ | uddhṛtya varayānena viṣṇulokaṃ yayau svayam
And he too, having lifted up all those born of his own caste, many times over, from the places of hell, went himself to Viṣṇu's world by an excellent vehicle.
AI translation rendered from the Sanskrit, not a published edition