Padma Purana — Uttara Khanda — Chapter 167
PdP 6 167.1
अत्र तीर्थात्परं तीर्थं चंडेश इति विश्रुतम् । यत्र चंडेश्वरो देवो नित्यं तिष्ठति भूतिदः
atra tīrthātparaṃ tīrthaṃ caṃḍeśa iti viśrutam | yatra caṃḍeśvaro devo nityaṃ tiṣṭhati bhūtidaḥ
Beyond this ford is the ford renowned as Caṇḍeśa, where the god Caṇḍeśvara, giver of prosperity, ever abides,
AI translation rendered from the Sanskrit, not a published edition
PdP 6 167.2
यं दृष्ट्वा मुच्यते पापादज्ञानादथवा कृतात् । सर्वाभिर्देवताभिश्च मिलित्वा नगरं कृतम् । चंडेश इति विख्यातं नाम्ना चैव महेश्वरि
yaṃ dṛṣṭvā mucyate pāpādajñānādathavā kṛtāt | sarvābhirdevatābhiśca militvā nagaraṃ kṛtam | caṃḍeśa iti vikhyātaṃ nāmnā caiva maheśvari
seeing whom one is released from sin, whether done in ignorance (or knowingly). And by all the deities together a city was made, famed by the name Caṇḍeśa, O Maheśvarī.
AI translation rendered from the Sanskrit, not a published edition
PdP 6 167.3
इति चंडेशतीर्थम् । अत्र तीर्थात्परं तीर्थं गाणपत्यं ततो भुवि । साभ्रमत्यां समीपे तु विख्यातं देवि निर्मितम्
iti caṃḍeśatīrtham | atra tīrthātparaṃ tīrthaṃ gāṇapatyaṃ tato bhuvi | sābhramatyāṃ samīpe tu vikhyātaṃ devi nirmitam
Thus the ford of Caṇḍeśa. Beyond this ford, then, is the ford Gāṇapatya on earth; near the Sābhramatī, O Goddess, it was made and is famed.
AI translation rendered from the Sanskrit, not a published edition
PdP 6 167.4
तत्र स्नात्वा नरो देवि मुच्यते नात्र संशयः । मन्ये साभ्रमती तीरे जनानां हितकाम्यया
tatra snātvā naro devi mucyate nātra saṃśayaḥ | manye sābhramatī tīre janānāṃ hitakāmyayā
Bathing there, O Goddess, a man is released — no doubt of this. I consider that on the bank of the Sābhramatī, out of a desire for the welfare of people,
AI translation rendered from the Sanskrit, not a published edition
PdP 6 167.5
पृथिव्यां यानि तीर्थानि सागरांतानि यानि च । तानि सर्वाणि संत्यज्य तीर्थे वै परमाद्भुते
pṛthivyāṃ yāni tīrthāni sāgarāṃtāni yāni ca | tāni sarvāṇi saṃtyajya tīrthe vai paramādbhute
whatever fords there are on earth and whatever ones reach to the ocean — abandoning all of these, at that most wondrous ford —
AI translation rendered from the Sanskrit, not a published edition
PdP 6 167.6
श्राद्धं करोति यस्तत्र रुद्रभक्त्या जितेंद्रियः । फलं प्राप्नोति शुद्धात्मा सर्वयज्ञसमुद्भवम्
śrāddhaṃ karoti yastatra rudrabhaktyā jiteṃdriyaḥ | phalaṃ prāpnoti śuddhātmā sarvayajñasamudbhavam
Whoever, with devotion to Rudra and his senses subdued, performs a śrāddha there, that man, purified in soul, obtains the fruit that arises from all sacrifices.
AI translation rendered from the Sanskrit, not a published edition
PdP 6 167.7
पितॄनुदिश्य यत्किंचिद्गणतीर्थे प्रदीयते । तत्सर्वं जायते क्षिप्रं गणनाथप्रसादतः
pitṝnudiśya yatkiṃcidgaṇatīrthe pradīyate | tatsarvaṃ jāyate kṣipraṃ gaṇanāthaprasādataḥ
Whatever is given at Gaṇatīrtha with the ancestors as its aim, all that quickly comes to be (fruitful) by the grace of Gaṇanātha.
AI translation rendered from the Sanskrit, not a published edition
PdP 6 167.8
तस्मिंस्तीर्थे नरः स्नात्वा वृषं विप्राय दापयेत् । सर्वलोकानतिक्रम्य स गच्छेत्परमां गतिम्
tasmiṃstīrthe naraḥ snātvā vṛṣaṃ viprāya dāpayet | sarvalokānatikramya sa gacchetparamāṃ gatim
Having bathed at that tīrtha, a man should have a bull given to a brahmin; passing beyond all the worlds, he would go to the highest state.
AI translation rendered from the Sanskrit, not a published edition