Padma Purana — Uttara Khanda — Chapter 162
PdP 6 162.1
महादेव उवाच। ततो गच्छेत्तथा देवि तीर्थं कापोतिकं पुनः । यत्र साभ्रमती तोयं प्राचीनं संप्रवर्त्तते
mahādeva uvāca| tato gacchettathā devi tīrthaṃ kāpotikaṃ punaḥ | yatra sābhramatī toyaṃ prācīnaṃ saṃpravarttate
Mahādeva said: Then, O goddess, one should go on further to the Kāpotika tīrtha, where the water of the Sābhramatī flows eastward.
AI translation rendered from the Sanskrit, not a published edition
PdP 6 162.2
पिंडं ददाति यस्तत्र पितृतर्पणपूर्वकम् । वन्यैः फलैस्तथा पुष्पैः सदा पर्वणि पर्वणि
piṃḍaṃ dadāti yastatra pitṛtarpaṇapūrvakam | vanyaiḥ phalaistathā puṣpaiḥ sadā parvaṇi parvaṇi
He who there gives a piṇḍa, preceded by the libation to the ancestors, with wild fruits and with flowers, always at each parvan day—
AI translation rendered from the Sanskrit, not a published edition
PdP 6 162.3
काकादिभ्यश्च श्वादिभ्यो बलिं संददते तु यः । यमस्य पंथानं सोऽपि ससुखं निस्तरेन्नरः
kākādibhyaśca śvādibhyo baliṃ saṃdadate tu yaḥ | yamasya paṃthānaṃ so'pi sasukhaṃ nistarennaraḥ
—and he who offers an oblation to crows and the rest and to dogs and the rest, that man too crosses Yama's path with ease.
AI translation rendered from the Sanskrit, not a published edition
PdP 6 162.4
तत्र तीर्थे नरः स्नात्वा वैशाख्यां गौरसर्षपैः । पूजयेद्देवमीशानं प्राचीनेश्वरमुत्तमम्
tatra tīrthe naraḥ snātvā vaiśākhyāṃ gaurasarṣapaiḥ | pūjayeddevamīśānaṃ prācīneśvaramuttamam
A man, having bathed at that tīrtha on the full moon of Vaiśākha, should worship with white mustard seeds the god Īśāna, the excellent Prācīneśvara.
AI translation rendered from the Sanskrit, not a published edition
PdP 6 162.5
आत्मानं तारयेत्सोऽथ पितॄनथ पितामहान् । कपोतो यत्र चात्मानं दत्त्वा चातिथये मुदा
ātmānaṃ tārayetso'tha pitṝnatha pitāmahān | kapoto yatra cātmānaṃ dattvā cātithaye mudā
He then would ferry across himself, and his fathers, and his grandfathers—(there) where a dove, having gladly given his own body to a guest,
AI translation rendered from the Sanskrit, not a published edition
PdP 6 162.6
स्तुतो देवगणैः सर्वैर्विमानेन दिवं गतैः । तदा प्रभृति तत्तीर्थं कापोतमिति विश्रुतम्
stuto devagaṇaiḥ sarvairvimānena divaṃ gataiḥ | tadā prabhṛti tattīrthaṃ kāpotamiti viśrutam
was praised by all the hosts of gods who had gone to heaven by celestial car; from then on that tīrtha has been famed as Kāpota.
AI translation rendered from the Sanskrit, not a published edition
PdP 6 162.7
तत्र स्नात्वा नरः पीत्वा ब्रह्महत्यां व्यपोहति । पार्वत्युवाच। कपोतेन कथं दत्तं शरीरं च वद प्रभो । निमित्तं किं तथा देव नाहं वेद्मि सुरेश्वर
tatra snātvā naraḥ pītvā brahmahatyāṃ vyapohati | pārvatyuvāca| kapotena kathaṃ dattaṃ śarīraṃ ca vada prabho | nimittaṃ kiṃ tathā deva nāhaṃ vedmi sureśvara
Having bathed and drunk there, a man dispels (the guilt of) brahmin-murder. Pārvatī said: Tell me, O lord, how the dove gave up its body, and what the occasion was, O god; I do not know it, O lord of the gods.
AI translation rendered from the Sanskrit, not a published edition
PdP 6 162.8
महादेव उवाच। अत्र तीर्थेति देवेशि वटो वै परमो महान् । तस्य शाखा ह्यनंताश्च दृश्यंते विपुला भुवि
mahādeva uvāca| atra tīrtheti deveśi vaṭo vai paramo mahān | tasya śākhā hyanaṃtāśca dṛśyaṃte vipulā bhuvi
Mahādeva said: Here at the tīrtha, O mistress of the gods, there is indeed a supreme, mighty banyan tree; its branches are endless and are seen spread wide over the earth.
AI translation rendered from the Sanskrit, not a published edition
PdP 6 162.9
तत्र जीवा वसंतीह पक्षिणो बहवस्तथा । कपोतेन गृहं तत्र कारितं तु सुरेश्वरि
tatra jīvā vasaṃtīha pakṣiṇo bahavastathā | kapotena gṛhaṃ tatra kāritaṃ tu sureśvari
There living creatures dwell here, and many birds as well; and there a nest was made by a dove, O mistress of the gods.
AI translation rendered from the Sanskrit, not a published edition
PdP 6 162.10
तत्र तिष्ठति पक्षीशो नित्यं विष्णुपरायणः । कुटुंबेन समायुक्तो शाखायां वसति ध्रुवम्
tatra tiṣṭhati pakṣīśo nityaṃ viṣṇuparāyaṇaḥ | kuṭuṃbena samāyukto śākhāyāṃ vasati dhruvam
There dwells that lord of birds, ever devoted to Viṣṇu; joined with his family he lives steadily on a branch.
AI translation rendered from the Sanskrit, not a published edition
PdP 6 162.11
एकस्मिन्वासरे देवि द्वादश्यां विष्णुवासरे । श्येनस्तत्र समायातो ह्यतिथित्वेन भामिनि
ekasminvāsare devi dvādaśyāṃ viṣṇuvāsare | śyenastatra samāyāto hyatithitvena bhāmini
On one day, O goddess, on a twelfth, the day of Viṣṇu, a hawk came there as a guest, O lovely one.
AI translation rendered from the Sanskrit, not a published edition
PdP 6 162.12
कपोत भो देहि मांसं तव शारीरकं मम । नोचेच्छापं प्रदास्यामि इत्युक्तं नगनंदिनि
kapota bho dehi māṃsaṃ tava śārīrakaṃ mama | nocecchāpaṃ pradāsyāmi ityuktaṃ naganaṃdini
"O dove, give me flesh, that of your own body; if not, I shall lay a curse (on you)"—thus it was said, O daughter of the mountain.
AI translation rendered from the Sanskrit, not a published edition
PdP 6 162.13
अद्य वै वासरे विष्णोः क्षुधार्तोऽहं समागतः । तस्माद्देयं हि मांसं तत्क्षुधार्ताय मम प्रभो
adya vai vāsare viṣṇoḥ kṣudhārto'haṃ samāgataḥ | tasmāddeyaṃ hi māṃsaṃ tatkṣudhārtāya mama prabho
"Today, on Viṣṇu's day, I have come afflicted with hunger; therefore flesh must be given to me who am tormented by hunger, O lord."
AI translation rendered from the Sanskrit, not a published edition
PdP 6 162.14
श्येनोक्तं तत्तु वै श्रुत्वा कपोतो वैष्णवो महान् । तेन दत्तं तदा देवि शरीरं नात्र संशयः
śyenoktaṃ tattu vai śrutvā kapoto vaiṣṇavo mahān | tena dattaṃ tadā devi śarīraṃ nātra saṃśayaḥ
Having heard that speech of the hawk, the dove, a great Vaiṣṇava, then gave his body, O goddess—there is no doubt of it.
AI translation rendered from the Sanskrit, not a published edition
PdP 6 162.15
तेन दानप्रभावेन तीर्थं जातं सुरोत्तमे । कापोतकं महत्तीर्थं पावनानां च पावनम्
tena dānaprabhāvena tīrthaṃ jātaṃ surottame | kāpotakaṃ mahattīrthaṃ pāvanānāṃ ca pāvanam
By the power of that gift a tīrtha came into being, O best of the gods: the great tīrtha Kāpotaka, purifier of purifiers.
AI translation rendered from the Sanskrit, not a published edition
PdP 6 162.16
अत्र तीर्थे नरः स्नात्वा कृत्वा वै शिवपूजनम् । ददाति चातिथिभ्यश्च मिष्टमन्नं सुरोत्तमे
atra tīrthe naraḥ snātvā kṛtvā vai śivapūjanam | dadāti cātithibhyaśca miṣṭamannaṃ surottame
A man who, having bathed at this tīrtha and performed the worship of Śiva, gives sweet food to guests, O best of the gods—
AI translation rendered from the Sanskrit, not a published edition
PdP 6 162.17
इहलोके सुखं भुक्त्वा याति विष्णोः सनातनम् । दत्त्वा वै स्वशरीरं तु कपोतोऽथ महात्मने
ihaloke sukhaṃ bhuktvā yāti viṣṇoḥ sanātanam | dattvā vai svaśarīraṃ tu kapoto'tha mahātmane
Having enjoyed happiness in this world, he goes to the eternal (abode) of Viṣṇu; and the dove, having given its own body to the great soul,
AI translation rendered from the Sanskrit, not a published edition
PdP 6 162.18
स गतो वैष्णवं तत्र यावच्चंद्र दिवाकरौ । अतो गत्वा तु भो देवि अतिथिं पूजयेत्सदा । पूजिते चातिथौ तत्र सर्वं च लभते ध्रुवम्
sa gato vaiṣṇavaṃ tatra yāvaccaṃdra divākarau | ato gatvā tu bho devi atithiṃ pūjayetsadā | pūjite cātithau tatra sarvaṃ ca labhate dhruvam
went there to the Vaiṣṇava (world), (to remain) as long as moon and sun (endure). Therefore, O goddess, having gone (there), one should always honour a guest; when a guest is honoured there, one surely obtains everything.
AI translation rendered from the Sanskrit, not a published edition