Padma Purana — Uttara Khanda — Chapter 153
PdP 6 153.1
महादेव उवाच। अन्यत्तीर्थं प्रवक्ष्यामि दुर्द्धर्षेश्वरमुत्तमम् । यस्य स्मरणमात्रेण पापोऽपि पुण्यवान्भवेत्
mahādeva uvāca| anyattīrthaṃ pravakṣyāmi durddharṣeśvaramuttamam | yasya smaraṇamātreṇa pāpo'pi puṇyavānbhavet
Mahādeva said: I shall proclaim another tīrtha, the excellent Durdharṣeśvara, by the mere remembering of which even a sinner becomes possessed of merit.
AI translation rendered from the Sanskrit, not a published edition
PdP 6 153.2
वृत्ते देवासुरे युद्धे दैत्ये च निधनं गते । दुर्धर्षं च व्रतं कृत्वा यत्र भार्गवनंदनः
vṛtte devāsure yuddhe daitye ca nidhanaṃ gate | durdharṣaṃ ca vrataṃ kṛtvā yatra bhārgavanaṃdanaḥ
When the battle between the gods and the asuras had taken place and the daitya had met his death, (this is the place) where the son of Bhārgava, having performed the Durdharṣa vow,
AI translation rendered from the Sanskrit, not a published edition
PdP 6 153.3
समाराध्य महादेवं दुर्द्धर्षं लोककारणम् । मृतसंजीवनीमाप यत्र विद्यां हि त्र्यंबकात्
samārādhya mahādevaṃ durddharṣaṃ lokakāraṇam | mṛtasaṃjīvanīmāpa yatra vidyāṃ hi tryaṃbakāt
and having propitiated Mahādeva, Durdharṣa, the cause of the worlds, obtained there from Tryambaka the science that revives the dead.
AI translation rendered from the Sanskrit, not a published edition
PdP 6 153.4
दैत्यार्थमुशनस्तीर्थं विख्यातं जगतीतले । काव्यतीर्थे कृतस्नानः पूज्य देवं महेश्वरम्
daityārthamuśanastīrthaṃ vikhyātaṃ jagatītale | kāvyatīrthe kṛtasnānaḥ pūjya devaṃ maheśvaram
For the sake of the daityas, Uśanas' tīrtha (came to be) renowned upon the face of the earth. One who has bathed at Kāvya's tīrtha and worshipped the god Maheśvara,
AI translation rendered from the Sanskrit, not a published edition
PdP 6 153.5
दुर्द्धर्षेश्वरसंज्ञं वै सर्वपापैः प्रमुच्यते । अत्र वृत्तं तु श्रोतव्यं त्वया च नगनंदिनि
durddharṣeśvarasaṃjñaṃ vai sarvapāpaiḥ pramucyate | atra vṛttaṃ tu śrotavyaṃ tvayā ca naganaṃdini
named Durdharṣeśvara, is wholly freed from all sins. And what happened here is to be heard by you, O daughter of the mountain.
AI translation rendered from the Sanskrit, not a published edition
PdP 6 153.6
पुरा यदाभवद्युद्धं वृत्रवासवयोरिह । तदासुरैर्जिता देवा मघवान्वै सुरेश्वरः । किं कर्त्तव्यमिति ध्यात्वा गतोऽसौ तं गुरुं प्रति
purā yadābhavadyuddhaṃ vṛtravāsavayoriha | tadāsurairjitā devā maghavānvai sureśvaraḥ | kiṃ karttavyamiti dhyātvā gato'sau taṃ guruṃ prati
Long ago, when the battle between Vṛtra and Vāsava took place here, then the gods were conquered by the asuras; and Maghavan, the lord of the gods, pondering "what is to be done?", went to his teacher.
AI translation rendered from the Sanskrit, not a published edition
PdP 6 153.7
इंद्र उवाच। अस्माकं त्वं गुरुः साक्षाद्देवानां पालकः सदा । ऋषीणां त्वं वरः श्रीमान्कृपां कुरु दयानिधे
iṃdra uvāca| asmākaṃ tvaṃ guruḥ sākṣāddevānāṃ pālakaḥ sadā | ṛṣīṇāṃ tvaṃ varaḥ śrīmānkṛpāṃ kuru dayānidhe
Indra said: You are our teacher in person, always the protector of the gods; you are the best of seers, glorious one — show mercy, O treasury of compassion.
AI translation rendered from the Sanskrit, not a published edition
PdP 6 153.8
वृत्रेण निर्जितोऽहं च क्व गच्छामि च सुव्रत
vṛtreṇa nirjito'haṃ ca kva gacchāmi ca suvrata
I have been utterly defeated by Vṛtra; where am I to go, O you of good vows?
AI translation rendered from the Sanskrit, not a published edition
PdP 6 153.9
बृहस्पतिरुवाच। शृणु देवेंद्र वक्ष्यामि येन त्वं हि सदा सुखी । मम वाक्यं कुरुष्वैव यदीच्छेच्छुभमात्मनः
bṛhaspatiruvāca| śṛṇu deveṃdra vakṣyāmi yena tvaṃ hi sadā sukhī | mama vākyaṃ kuruṣvaiva yadīcchecchubhamātmanaḥ
Bṛhaspati said: Listen, lord of the gods, I will tell (you) that by which you will be happy forever. Just do what I say, if you wish your own welfare.
AI translation rendered from the Sanskrit, not a published edition
PdP 6 153.10
साभ्रमत्यां तदा गच्छ तत्र गत्वा सुखी भव । दुर्द्धराख्यो यत्र देवो नित्यं तिष्ठति भूतिदः
sābhramatyāṃ tadā gaccha tatra gatvā sukhī bhava | durddharākhyo yatra devo nityaṃ tiṣṭhati bhūtidaḥ
Go then to the Sābhramatī; having gone there, be happy — where the god named Durdhara, the giver of prosperity, dwells forever.
AI translation rendered from the Sanskrit, not a published edition
PdP 6 153.11
ददाति वांछितान्कामान्सत्यं सत्यं सुरेश्वर । गुरोर्वचनमाकर्ण्य स गतस्तां नदीं प्रति
dadāti vāṃchitānkāmānsatyaṃ satyaṃ sureśvara | gurorvacanamākarṇya sa gatastāṃ nadīṃ prati
He grants the desires one wishes for — truly, truly, O lord of the gods. Having heard the teacher's words, he went to that river.
AI translation rendered from the Sanskrit, not a published edition
PdP 6 153.12
तत्र स्नात्वा तु देवेशो महेशं तमपूजयत् । स्नानाच्च पूजनादेव संतुष्टः श्रीमहेश्वरः
tatra snātvā tu deveśo maheśaṃ tamapūjayat | snānācca pūjanādeva saṃtuṣṭaḥ śrīmaheśvaraḥ
There the lord of the gods bathed and worshipped that Maheśa; and by the bathing and the worship alone the glorious Maheśvara was pleased.
AI translation rendered from the Sanskrit, not a published edition
PdP 6 153.13
महादेव उवाच। यं यं प्रार्थयसे नित्यं तत्सर्वं हि ददाम्यहम् । श्रुत्वा वाक्यं तु देवेशो ह्युवाच परमं वचः
mahādeva uvāca| yaṃ yaṃ prārthayase nityaṃ tatsarvaṃ hi dadāmyaham | śrutvā vākyaṃ tu deveśo hyuvāca paramaṃ vacaḥ
Mahādeva said: Whatever you ask for constantly, all that indeed I give. Hearing (this) speech, the lord of the gods spoke a supreme word.
AI translation rendered from the Sanskrit, not a published edition
PdP 6 153.14
इंद्र उवाच। त्वं नाथः सर्वलोकानां त्वमेव कारणं पदम् । त्वं हि विश्वेश्वरो देवो सर्वदा लक्ष्यसे मया
iṃdra uvāca| tvaṃ nāthaḥ sarvalokānāṃ tvameva kāraṇaṃ padam | tvaṃ hi viśveśvaro devo sarvadā lakṣyase mayā
Indra said: You are the lord of all the worlds; you alone are the cause and the (final) abode. You indeed are the god Viśveśvara — you are always beheld by me.
AI translation rendered from the Sanskrit, not a published edition
PdP 6 153.15
यदि त्वं मे प्रसन्नोऽसि विश्वेश्वर सुरेश्वर । वृत्रं हन महादेव एष कामो महान्मम
yadi tvaṃ me prasanno'si viśveśvara sureśvara | vṛtraṃ hana mahādeva eṣa kāmo mahānmama
If you are pleased with me, O lord of the universe, lord of the gods, slay Vṛtra, Mahādeva: this is my great desire.
AI translation rendered from the Sanskrit, not a published edition
PdP 6 153.16
महादेव उवाच। तव वाक्यात्तु देवेश वृत्रोऽसौ निहतो मया । मया यद्दीयते शस्त्रं तद्गृह्णीष्व सुरेश्वर
mahādeva uvāca| tava vākyāttu deveśa vṛtro'sau nihato mayā | mayā yaddīyate śastraṃ tadgṛhṇīṣva sureśvara
Mahādeva said: By your word, O lord of the gods, that Vṛtra is (as good as) slain by me. Take the weapon that is given by me, O lord of the gods.
AI translation rendered from the Sanskrit, not a published edition
PdP 6 153.17
तेनैव चासुयोगेन हनिष्यसि न संशयः
tenaiva cāsuyogena haniṣyasi na saṃśayaḥ
And by that very (weapon), with the proper application, you will slay (him) — there is no doubt.
AI translation rendered from the Sanskrit, not a published edition — the model flagged this verse as uncertain
PdP 6 153.18
इंद्र उवाच। किमस्त्रं वद विश्वेश येन वृत्रं हि हन्म्यहम् । वज्रादप्यधिकं किं त्तन्निर्मितं तु त्वया कदा
iṃdra uvāca| kimastraṃ vada viśveśa yena vṛtraṃ hi hanmyaham | vajrādapyadhikaṃ kiṃ ttannirmitaṃ tu tvayā kadā
Indra said: Tell (me), lord of the universe, what weapon it is by which I shall slay Vṛtra. What is it that surpasses even the thunderbolt, and when was it fashioned by you?
AI translation rendered from the Sanskrit, not a published edition
PdP 6 153.19
महादेव उवाच। इदं पाशुपतं ह्यस्त्रं निर्मितं तु मया पुरा । न दत्तं कस्यचिच्छक्र तवार्थे रक्षितं मया
mahādeva uvāca| idaṃ pāśupataṃ hyastraṃ nirmitaṃ tu mayā purā | na dattaṃ kasyacicchakra tavārthe rakṣitaṃ mayā
Mahādeva said: This is the Pāśupata weapon, fashioned by me long ago. It was given to no one, Śakra; it was kept by me for your sake.
AI translation rendered from the Sanskrit, not a published edition
PdP 6 153.20
अत्र स्नातं त्वया देव पूजनं वै त्वया कृतम् । अतस्त्वं गृह्ण मे शस्त्रं येन वृत्रं हनिष्यसि
atra snātaṃ tvayā deva pūjanaṃ vai tvayā kṛtam | atastvaṃ gṛhṇa me śastraṃ yena vṛtraṃ haniṣyasi
Here you have bathed, O god, and worship has been performed by you; therefore take my weapon, by which you will slay Vṛtra.
AI translation rendered from the Sanskrit, not a published edition
PdP 6 153.21
श्रीमहेशप्रसादाच्च प्राप्तं मघवता ततः । तेन पाशुपतास्त्रेण हतो वृत्रो महाबलः
śrīmaheśaprasādācca prāptaṃ maghavatā tataḥ | tena pāśupatāstreṇa hato vṛtro mahābalaḥ
And so by the favour of the glorious Maheśa it was obtained by Maghavan; by that Pāśupata weapon the mighty Vṛtra was slain.
AI translation rendered from the Sanskrit, not a published edition
PdP 6 153.22
तत्सर्वमत्र संजातं दुर्द्धर्षेश प्रसादतः । स्नानमात्रात्तु देवेशि पूजनादेव सांप्रतम्
tatsarvamatra saṃjātaṃ durddharṣeśa prasādataḥ | snānamātrāttu deveśi pūjanādeva sāṃpratam
All that came about here by the favour of the lord Durdharṣa; merely by bathing, O queen of the gods, and by worship alone, now —
AI translation rendered from the Sanskrit, not a published edition
PdP 6 153.23
तीर्थप्रभावात्संप्राप्तं सत्यं सत्यं वरानने । एवं ज्ञात्वा तु देवेशि तत्र वै स्नानमाचरेत् । दर्शनं तु महेशस्य सर्वपापप्रणाशनम्
tīrthaprabhāvātsaṃprāptaṃ satyaṃ satyaṃ varānane | evaṃ jñātvā tu deveśi tatra vai snānamācaret | darśanaṃ tu maheśasya sarvapāpapraṇāśanam
— it was obtained through the power of the sacred ford; truly, truly, O fair-faced one. Knowing this, O queen of the gods, one should bathe there; and the sight of Maheśa destroys all sins.
AI translation rendered from the Sanskrit, not a published edition