Padma Purana — Uttara Khanda — Chapter 151
PdP 6 151.1
महादेव उवाच । अस्मात्तीर्थात्परं तीर्थं इंद्रग्राममिति स्मृतम् । यत्र स्नात्वा पुरा शक्रो विमुक्तो घोरकिल्बिषात्
mahādeva uvāca | asmāttīrthātparaṃ tīrthaṃ iṃdragrāmamiti smṛtam | yatra snātvā purā śakro vimukto ghorakilbiṣāt
Mahādeva said: Beyond this sacred place is another sacred place, remembered as Indragrāma, where formerly Śakra, having bathed, was freed from a dreadful sin.
AI translation rendered from the Sanskrit, not a published edition
PdP 6 151.2
पार्वत्युवाच। केनेह कर्मणा शक्रः प्राप्तवान्घोरकिल्बिषम् । विपाप्मा च कथं सोऽभूदिति विस्तरतो वद
pārvatyuvāca| keneha karmaṇā śakraḥ prāptavānghorakilbiṣam | vipāpmā ca kathaṃ so'bhūditi vistarato vada
Pārvatī said: By what deed did Śakra here incur a dreadful sin, and how did he become free of evil? Tell (it) in detail.
AI translation rendered from the Sanskrit, not a published edition
PdP 6 151.3
महादेव उवाच। इंद्रः सुरेश्वरः पूर्वं नमुचिश्चासुरेश्वरः । अशस्त्रवधमन्योऽन्य समयं तौ प्रचक्रतुः
mahādeva uvāca| iṃdraḥ sureśvaraḥ pūrvaṃ namuciścāsureśvaraḥ | aśastravadhamanyo'nya samayaṃ tau pracakratuḥ
Mahādeva said: Formerly Indra was lord of the gods, and Namuci lord of the asuras; the two made a mutual agreement of (no) killing with weapons.
AI translation rendered from the Sanskrit, not a published edition
PdP 6 151.4
अथेंद्रस्तु नभोवाणीनिर्देशान्नमुचिं तदा । जघान फेनमादाय ब्रह्महत्या तदाऽभवत्
atheṃdrastu nabhovāṇīnirdeśānnamuciṃ tadā | jaghāna phenamādāya brahmahatyā tadā'bhavat
Then Indra, at the direction of a voice from the sky, killed Namuci by taking up foam; then (the guilt of) brahmin-slaying came about.
AI translation rendered from the Sanskrit, not a published edition
PdP 6 151.5
पप्रच्छ च गुरुं शक्रः पापनिर्नाशकारणम् । बृहस्पतेरथादेशात्साभ्रामत्युत्तरे तटे
papraccha ca guruṃ śakraḥ pāpanirnāśakāraṇam | bṛhaspaterathādeśātsābhrāmatyuttare taṭe
And Śakra asked his teacher the means of destroying the sin; then, by Bṛhaspati's instruction, he wandered on the northern bank.
AI translation rendered from the Sanskrit, not a published edition
PdP 6 151.6
अस्मिन्स्थाने समागत्य स्थानं चक्रे सुरेश्वरः । तस्येह स्नानमात्रेण गतपापस्य तत्क्षणात्
asminsthāne samāgatya sthānaṃ cakre sureśvaraḥ | tasyeha snānamātreṇa gatapāpasya tatkṣaṇāt
Having come to this place, the lord of the gods made (his) abode; when his sin had gone the very instant, merely by bathing here,
AI translation rendered from the Sanskrit, not a published edition
PdP 6 151.7
पूर्णेंदुधवलाकांतिः शरीरे समजायत । धवलेश्वरमीशानं स्थापयामास वृत्रहा
pūrṇeṃdudhavalākāṃtiḥ śarīre samajāyata | dhavaleśvaramīśānaṃ sthāpayāmāsa vṛtrahā
a radiance white as the full moon arose in his body; and the slayer of Vṛtra installed Īśāna as Dhavaleśvara.
AI translation rendered from the Sanskrit, not a published edition
PdP 6 151.8
इंद्र नाम्ना च तल्लिंगं विश्रुतं पृथिवीतले । पूर्णिमास्यां तथा दर्शे संक्रांतौ ग्रहणे तथा
iṃdra nāmnā ca talliṃgaṃ viśrutaṃ pṛthivītale | pūrṇimāsyāṃ tathā darśe saṃkrāṃtau grahaṇe tathā
And that liṅga is famed on the surface of the earth by the name of Indra. On the full moon and likewise on the new moon, at a solstitial transit and at an eclipse—
AI translation rendered from the Sanskrit, not a published edition
PdP 6 151.9
श्राद्धे कृते पितॄणां तु तृप्तिर्द्वादशवार्षिकी । धवलेश्वरमासाद्य यः कुर्याद्विप्रभोजनम्
śrāddhe kṛte pitṝṇāṃ tu tṛptirdvādaśavārṣikī | dhavaleśvaramāsādya yaḥ kuryādviprabhojanam
when a śrāddha is performed, the satisfaction of the ancestors lasts twelve years. Whoever, having reached Dhavaleśvara, would provide a feeding of brahmins—
AI translation rendered from the Sanskrit, not a published edition
PdP 6 151.10
एकस्मिन्भोजिते विप्रे सहस्रं भोजितं भवेत् । हिरण्यभूमिवासांसि दातव्यानि स्वशक्तितः
ekasminbhojite vipre sahasraṃ bhojitaṃ bhavet | hiraṇyabhūmivāsāṃsi dātavyāni svaśaktitaḥ
when one brahmin is fed, it becomes as if a thousand were fed. Gold, land and garments are to be given according to one's ability.
AI translation rendered from the Sanskrit, not a published edition
PdP 6 151.11
शुक्ला गौ ब्राह्मणे देया सवत्सा च पयस्विनी । अत्रागत्य तु यो विप्रो रुद्रजाप्यादिकं चरेत्
śuklā gau brāhmaṇe deyā savatsā ca payasvinī | atrāgatya tu yo vipro rudrajāpyādikaṃ caret
A white cow, with a calf and yielding milk, is to be given to a brahmin. And whatever brahmin, having come here, would perform the recitation of the Rudra (hymn) and the rest—
AI translation rendered from the Sanskrit, not a published edition
PdP 6 151.12
तत्कृतं कोटिगुणितं श्रीमहेशप्रसादतः । अत्र तीर्थे नरो यस्तु उपवासादिकं चरेत्
tatkṛtaṃ koṭiguṇitaṃ śrīmaheśaprasādataḥ | atra tīrthe naro yastu upavāsādikaṃ caret
What he does (there) is multiplied a crore-fold, by the grace of the glorious Great Lord. And whatever man performs fasting and the rest at this holy place—
AI translation rendered from the Sanskrit, not a published edition
PdP 6 151.13
स एव सर्वकामाढ्यो भवत्येव न संशयः । बिल्वपत्रं समानीय यः पूजयति तं प्रभुम्
sa eva sarvakāmāḍhyo bhavatyeva na saṃśayaḥ | bilvapatraṃ samānīya yaḥ pūjayati taṃ prabhum
—he indeed becomes filled with all his desires, there is no doubt. And whoever, bringing a bilva leaf, worships that Lord,
AI translation rendered from the Sanskrit, not a published edition
PdP 6 151.14
धर्ममर्थं च कामं च लभते मानवो भुवि । सोमवारे विशेषेण ये गच्छंति नरोत्तमाः
dharmamarthaṃ ca kāmaṃ ca labhate mānavo bhuvi | somavāre viśeṣeṇa ye gacchaṃti narottamāḥ
that man obtains dharma, wealth, and pleasure on earth. Those best of men who go (there) especially on a Monday—
AI translation rendered from the Sanskrit, not a published edition
PdP 6 151.15
तेषां रोगं तथा दोषं शमयेद्धवलेश्वरः । रवौ वाऽथ विशेषेण अर्चनं कुरुते यदा
teṣāṃ rogaṃ tathā doṣaṃ śamayeddhavaleśvaraḥ | ravau vā'tha viśeṣeṇa arcanaṃ kurute yadā
—their disease and their fault Dhavaleśvara will quell. And when one performs the worship especially on a Sunday,
AI translation rendered from the Sanskrit, not a published edition
PdP 6 151.16
तेषां महिमा तु भो देवि न ज्ञातः कर्हिचिन्मया । दूर्वया चार्कपुष्पैर्वा कल्हारैः कमलैर्दलैः
teṣāṃ mahimā tu bho devi na jñātaḥ karhicinmayā | dūrvayā cārkapuṣpairvā kalhāraiḥ kamalairdalaiḥ
their greatness, O goddess, has never been known by me. With dūrvā grass, or with arka flowers, with white water-lilies, with lotuses, with (their) petals—
AI translation rendered from the Sanskrit, not a published edition
PdP 6 151.17
पूजनं कुर्वते येऽत्र ते नराः पुण्यभागिनः । श्वेतार्कपुष्पमानीय धवलेशं प्रपूज्य तु
pūjanaṃ kurvate ye'tra te narāḥ puṇyabhāginaḥ | śvetārkapuṣpamānīya dhavaleśaṃ prapūjya tu
—those men who perform worship here are partakers of merit. And having brought a white arka flower and worshipped Dhavaleśa,
AI translation rendered from the Sanskrit, not a published edition
PdP 6 151.18
वांच्छितं लभते नित्यं धवलेशप्रसादतः । कृते वै नीलकंठस्तु सर्वेषां शंकरः सदा
vāṃcchitaṃ labhate nityaṃ dhavaleśaprasādataḥ | kṛte vai nīlakaṃṭhastu sarveṣāṃ śaṃkaraḥ sadā
one always obtains what one wishes, by the grace of Dhavaleśa. In the Kṛta age he is Nīlakaṇṭha, ever Śaṃkara for all;
AI translation rendered from the Sanskrit, not a published edition
PdP 6 151.19
त्रेतायुगे स विख्यातो हरो वै भगवान्प्रभुः । द्वापरे शर्वसंज्ञस्तु कलौ वै धवलेश्वरः
tretāyuge sa vikhyāto haro vai bhagavānprabhuḥ | dvāpare śarvasaṃjñastu kalau vai dhavaleśvaraḥ
in the Tretā age he is renowned as Hara, the blessed Lord; in the Dvāpara his name is Śarva; and in the Kali age, Dhavaleśvara.
AI translation rendered from the Sanskrit, not a published edition
PdP 6 151.20
अत्रार्थे यत्पुरावृत्तं तच्छृणुष्व सुरेश्वरि । नंदिर्नाम पुरा वैश्य इंद्रग्रामे समावसत्
atrārthe yatpurāvṛttaṃ tacchṛṇuṣva sureśvari | naṃdirnāma purā vaiśya iṃdragrāme samāvasat
Hear what happened long ago in this matter, O mistress of the gods: formerly a merchant named Nandi dwelt in Indragrāma.
AI translation rendered from the Sanskrit, not a published edition
PdP 6 151.21
शिवध्यानपरो भूत्वा शिवपूजां चकार सः । नित्यं तपोवनस्थं हि लिंगं धवलसंज्ञकम्
śivadhyānaparo bhūtvā śivapūjāṃ cakāra saḥ | nityaṃ tapovanasthaṃ hi liṃgaṃ dhavalasaṃjñakam
Devoted to meditation on Śiva, he performed the worship of Śiva—daily the liṅga named Dhavala that stands in the penance-grove.
AI translation rendered from the Sanskrit, not a published edition
PdP 6 151.22
उषस्युषसि चोत्थाय प्रत्यहं शिववल्लभः । नंदी लिंगार्चनरतो बभूवातिशयेन हि
uṣasyuṣasi cotthāya pratyahaṃ śivavallabhaḥ | naṃdī liṃgārcanarato babhūvātiśayena hi
Rising at each dawn, day after day, that beloved of Śiva, Nandi, became exceedingly devoted to the worship of the liṅga.
AI translation rendered from the Sanskrit, not a published edition
PdP 6 151.23
यथाशास्त्रेण विधिना पुष्पार्चनपरोऽभवत् । एकदा मृगयालुब्धः किरातो भूतहिंसकः
yathāśāstreṇa vidhinā puṣpārcanaparo'bhavat | ekadā mṛgayālubdhaḥ kirāto bhūtahiṃsakaḥ
According to the rule laid down in scripture he was intent on flower-worship. Once a hunter, greedy for game, a killer of creatures,
AI translation rendered from the Sanskrit, not a published edition
PdP 6 151.24
पापी पापसमाचारश्चरन्साभ्रमती तटे । अनेक श्वापदाकीर्णे हन्यमानो मृगान्शरैः
pāpī pāpasamācāraścaransābhramatī taṭe | aneka śvāpadākīrṇe hanyamāno mṛgānśaraiḥ
a sinner of sinful conduct, roaming on the bank of the Sābhramatī, teeming with many beasts of prey, killing deer with arrows—
AI translation rendered from the Sanskrit, not a published edition
PdP 6 151.25
एवं विचरमाणोऽसौ किरातो भूतहिंसकः । यदृच्छयागतस्तत्र यत्र लिंगं सुपूजितम्
evaṃ vicaramāṇo'sau kirāto bhūtahiṃsakaḥ | yadṛcchayāgatastatra yatra liṃgaṃ supūjitam
—thus roaming about, that hunter, killer of creatures, came by chance to the place where the well-worshipped liṅga was,
AI translation rendered from the Sanskrit, not a published edition
PdP 6 151.26
धवलेश्वरविख्यातं अनेकाश्चर्यमंडितम् । दृष्टं सुपूजितं लिंगं नानापुष्पैः फलैस्तथा
dhavaleśvaravikhyātaṃ anekāścaryamaṃḍitam | dṛṣṭaṃ supūjitaṃ liṃgaṃ nānāpuṣpaiḥ phalaistathā
renowned as Dhavaleśvara, adorned with many marvels. He saw the liṅga well worshipped with various flowers and fruits.
AI translation rendered from the Sanskrit, not a published edition
PdP 6 151.27
एवं लिंगं समालिंग्य गतः साभ्रमतीतटे । तत्र पीत्वा पयः सोऽथ मुखं गंडूषपूरितम्
evaṃ liṃgaṃ samāliṃgya gataḥ sābhramatītaṭe | tatra pītvā payaḥ so'tha mukhaṃ gaṃḍūṣapūritam
Having thus embraced the liṅga, he went to the bank of the Sābhramatī. There, having drunk water, he then filled his mouth with a mouthful,
AI translation rendered from the Sanskrit, not a published edition
PdP 6 151.28
कृत्वा चैकेनहस्तेन मृगमांसं समुद्वहन् । करेणैकेन पूजार्थं बिल्वपत्राणि वै दधत्
kṛtvā caikenahastena mṛgamāṃsaṃ samudvahan | kareṇaikena pūjārthaṃ bilvapatrāṇi vai dadhat
and having done so, carrying the deer-flesh with one hand, with the other hand he held bilva leaves for worship.
AI translation rendered from the Sanskrit, not a published edition
PdP 6 151.29
शीघ्रमागत्य लिंगांते पदा पूजां समाहनत् । पुष्पाणि तानि सर्वाणि विधूतानि इतस्ततः
śīghramāgatya liṃgāṃte padā pūjāṃ samāhanat | puṣpāṇi tāni sarvāṇi vidhūtāni itastataḥ
Coming quickly, he struck away the offerings at the liṅga with his foot; all those flowers were scattered this way and that.
AI translation rendered from the Sanskrit, not a published edition
PdP 6 151.30
स्नापनं तस्य लिंगस्य कृतं गंडूषवारिणा । करेणैकेन पूजार्थं बिल्वपत्राणि सोऽर्पयत्
snāpanaṃ tasya liṃgasya kṛtaṃ gaṃḍūṣavāriṇā | kareṇaikena pūjārthaṃ bilvapatrāṇi so'rpayat
The bathing of that liṅga was done with the water of his mouthful; with one hand he offered bilva leaves for worship,
AI translation rendered from the Sanskrit, not a published edition
PdP 6 151.31
द्वितीयेन करेणैव मृगमांसं समर्पयत् । दंडप्रणामसंयुक्तः संकल्पं मनसाऽकरोत्
dvitīyena kareṇaiva mṛgamāṃsaṃ samarpayat | daṃḍapraṇāmasaṃyuktaḥ saṃkalpaṃ manasā'karot
and with the second hand he offered the deer-flesh. Prostrating himself full-length, he made a resolve in his mind:
AI translation rendered from the Sanskrit, not a published edition
PdP 6 151.32
अद्यप्रभृति पूजां वै करिष्यामि प्रयत्नतः । त्वं मे स्वामी च भक्तोऽहं अद्यप्रभृति शंकर
adyaprabhṛti pūjāṃ vai kariṣyāmi prayatnataḥ | tvaṃ me svāmī ca bhakto'haṃ adyaprabhṛti śaṃkara
"From today on I shall indeed perform worship diligently. You are my lord and I am your devotee from today on, O Śaṃkara."
AI translation rendered from the Sanskrit, not a published edition
PdP 6 151.33
एवं नियमवान्भूत्वा किरातो गृहमागमत् । तथा प्रभातसमये देवायतनमागतः
evaṃ niyamavānbhūtvā kirāto gṛhamāgamat | tathā prabhātasamaye devāyatanamāgataḥ
Having thus taken a vow, the Kirāta went home; and likewise at daybreak (Nandī) came to the god's temple.
AI translation rendered from the Sanskrit, not a published edition
PdP 6 151.34
नंदी ददर्श तं सर्वं किरातेन च यत्कृतम् । अव्यवस्थं च तं दृंष्ट्वा अमेध्यं शिवसन्निधौ
naṃdī dadarśa taṃ sarvaṃ kirātena ca yatkṛtam | avyavasthaṃ ca taṃ dṛṃṣṭvā amedhyaṃ śivasannidhau
Nandī saw all that, and what had been done by the Kirāta; and seeing it disordered and impure in the presence of Śiva—
AI translation rendered from the Sanskrit, not a published edition
PdP 6 151.35
विधूतानि च सर्वाणि हिंसकेन दुरात्मना । चिंतायुक्तोभवन्नंदी जातं किं चित्रमद्य मे
vidhūtāni ca sarvāṇi hiṃsakena durātmanā | ciṃtāyuktobhavannaṃdī jātaṃ kiṃ citramadya me
and everything scattered about by the evil-souled killer—Nandī became filled with worry: "What strange thing has happened to me today?"
AI translation rendered from the Sanskrit, not a published edition
PdP 6 151.36
कथितानि च विघ्नानि शिवपूजारतस्य हि । उपस्थितानि तान्येव मम भाग्यविपर्ययात्
kathitāni ca vighnāni śivapūjāratasya hi | upasthitāni tānyeva mama bhāgyaviparyayāt
"And the obstacles that are spoken of for one devoted to the worship of Śiva—those very ones have come upon me through the reversal of my fortune."
AI translation rendered from the Sanskrit, not a published edition
PdP 6 151.37
एवं विमृश्य सुचिरं प्रक्षाल्य शिवमंदिरम् । यथागतेन मार्गेण नंदी स्वगृहमागमत्
evaṃ vimṛśya suciraṃ prakṣālya śivamaṃdiram | yathāgatena mārgeṇa naṃdī svagṛhamāgamat
Having reflected thus for a long while, and having washed Śiva's temple, Nandī went to his own house by the road by which he had come.
AI translation rendered from the Sanskrit, not a published edition
PdP 6 151.38
ततो नंदिनमालक्ष्य पुरोधा गतमानसम् । अब्रवीद्वचनं तं तु कस्मात्त्वं गतमानसः
tato naṃdinamālakṣya purodhā gatamānasam | abravīdvacanaṃ taṃ tu kasmāttvaṃ gatamānasaḥ
Then the household priest, noticing that Nandī was distracted in mind, spoke this word to him: "Why are you distracted in mind?"
AI translation rendered from the Sanskrit, not a published edition
PdP 6 151.39
पुरोहितं प्रति तदा नंदी वचनमब्रवीत् । अद्य दृष्टं मया विप्र अमेध्यं शिवसन्निधौ
purohitaṃ prati tadā naṃdī vacanamabravīt | adya dṛṣṭaṃ mayā vipra amedhyaṃ śivasannidhau
Then Nandī spoke a word to the priest: "Today, O brahmin, I saw something impure in the presence of Śiva."
AI translation rendered from the Sanskrit, not a published edition
PdP 6 151.40
केनेदं कारितं तत्र न जानामीह किंचन । ततः पुरोधा वचनं नंदिनं चाब्रवीत्तथा
kenedaṃ kāritaṃ tatra na jānāmīha kiṃcana | tataḥ purodhā vacanaṃ naṃdinaṃ cābravīttathā
"By whom this was done there I do not know at all." Then the priest spoke a word to Nandī thus:
AI translation rendered from the Sanskrit, not a published edition
PdP 6 151.41
येन विस्खलितं तत्र पुष्पादीनां प्रपूजनम् । सोऽपि मूढो न संदेहः कार्याकार्येषु मंदधीः
yena viskhalitaṃ tatra puṣpādīnāṃ prapūjanam | so'pi mūḍho na saṃdehaḥ kāryākāryeṣu maṃdadhīḥ
"He by whom the worship with flowers and the rest was disarranged there is surely a fool—there is no doubt—dull-witted in matters of what should and should not be done."
AI translation rendered from the Sanskrit, not a published edition
PdP 6 151.42
तस्माच्चिंता न कर्तव्या त्वया पुनरपि प्रभो । प्रभाते च मया सार्द्धं गम्यतां तच्छिवालयम्
tasmācciṃtā na kartavyā tvayā punarapi prabho | prabhāte ca mayā sārddhaṃ gamyatāṃ tacchivālayam
"Therefore you should not worry any further, my lord. At dawn let that temple of Śiva be gone to together with me,"
AI translation rendered from the Sanskrit, not a published edition
PdP 6 151.43
निरीक्षणार्थं दुष्टस्य तस्य दंडंकरोम्यहम् । एतच्छ्रुत्वा तु वचनं नंदी तस्य पुरोधसः
nirīkṣaṇārthaṃ duṣṭasya tasya daṃḍaṃkaromyaham | etacchrutvā tu vacanaṃ naṃdī tasya purodhasaḥ
"in order to keep watch; and I shall punish that wicked man." But hearing this word of that household priest, Nandī
AI translation rendered from the Sanskrit, not a published edition
PdP 6 151.44
आस्थितः स्वगृहे नक्तं दूयमानेन चेतसा । तस्यां रात्र्यां व्यतीतायां आहूय च पुरोधसम्
āsthitaḥ svagṛhe naktaṃ dūyamānena cetasā | tasyāṃ rātryāṃ vyatītāyāṃ āhūya ca purodhasam
remained in his own house through the night with an aching heart. When that night had passed, having summoned the household priest,
AI translation rendered from the Sanskrit, not a published edition
PdP 6 151.45
गतः शिवालयं नंदी समंतेन महात्मना । प्रक्षाल्य पूजनं कृत्वा नानारत्नपरिच्छदम्
gataḥ śivālayaṃ naṃdī samaṃtena mahātmanā | prakṣālya pūjanaṃ kṛtvā nānāratnaparicchadam
Nandī went to Śiva's temple with that great-souled one; having washed (it) and performed the worship, with its various jewelled coverings,
AI translation rendered from the Sanskrit, not a published edition
PdP 6 151.46
पंचोपचारसंयुक्तं कृत्वा वै ब्राह्मणैः सह । एवं यामद्वयं जातं स्तूयमानस्य नंदिनः
paṃcopacārasaṃyuktaṃ kṛtvā vai brāhmaṇaiḥ saha | evaṃ yāmadvayaṃ jātaṃ stūyamānasya naṃdinaḥ
having made it complete with the five services, together with the brahmins—thus two watches passed while Nandī was uttering praises.
AI translation rendered from the Sanskrit, not a published edition
PdP 6 151.47
आयातोऽसौ महाकालस्तथारूपो महाबलः । कालरूपो महारौद्रो धनुष्पाणिः प्रतापवान्
āyāto'sau mahākālastathārūpo mahābalaḥ | kālarūpo mahāraudro dhanuṣpāṇiḥ pratāpavān
That Mahākāla came, of that (same) form, of great strength, in the form of Kāla, exceedingly terrible, bow in hand, full of might.
AI translation rendered from the Sanskrit, not a published edition
PdP 6 151.48
तं दृष्ट्वा भयसंत्रस्तो नंदी तत्र न्यलीयत । पुरोधाश्चैव सहसा भयभीतस्तदाभवत्
taṃ dṛṣṭvā bhayasaṃtrasto naṃdī tatra nyalīyata | purodhāścaiva sahasā bhayabhītastadābhavat
Seeing him, Nandī, terrified with fear, hid himself there; and the household priest too at once became stricken with fear.
AI translation rendered from the Sanskrit, not a published edition
PdP 6 151.49
किरातेन कृतं तत्र यथापूर्वमविस्खलन् । तां पूजां स पदाहृत्य बिल्वपत्रं समर्पयत्
kirātena kṛtaṃ tatra yathāpūrvamaviskhalan | tāṃ pūjāṃ sa padāhṛtya bilvapatraṃ samarpayat
What was done there by the Kirāta was just as before, without deviation: pushing that (formal) worship aside with his foot, he offered a bilva leaf.
AI translation rendered from the Sanskrit, not a published edition
PdP 6 151.50
नैवेद्येन पलेनैव किरातः शिवमार्चयत् । दंडवत्पतितो भूमौ उत्थाय स्वगृहं गतः 6.151.
naivedyena palenaiva kirātaḥ śivamārcayat | daṃḍavatpatito bhūmau utthāya svagṛhaṃ gataḥ 6.151.
With a food-offering, indeed with meat, the Kirāta worshipped Śiva; he fell to the ground like a staff, and rising, went to his own house.
AI translation rendered from the Sanskrit, not a published edition
PdP 6 151.51
तं दृष्ट्वा महदाश्चर्यं चिंतयामास वै चिरम् । पुरोधसा तदा नंदी सह व्याकुलचेतसा
taṃ dṛṣṭvā mahadāścaryaṃ ciṃtayāmāsa vai ciram | purodhasā tadā naṃdī saha vyākulacetasā
Seeing that great marvel, Nandī, together with the household priest, then pondered for a long time with an agitated mind.
AI translation rendered from the Sanskrit, not a published edition
PdP 6 151.52
तेन पृष्टास्तदा विप्राः कथ्यतां च यथातथम् । संप्रधार्य ततः सर्वे मिलित्वा धर्मशास्त्रतः
tena pṛṣṭāstadā viprāḥ kathyatāṃ ca yathātatham | saṃpradhārya tataḥ sarve militvā dharmaśāstrataḥ
Then the brahmins were asked by him: "Let it be told just as it is." Then all of them, having met together, having determined (the matter) from the books of dharma —
AI translation rendered from the Sanskrit, not a published edition
PdP 6 151.53
ऊचुः सर्वे तदा विप्रा नंदिनं जातशंकितम् । ईशविघ्नं समुत्पन्नं दुर्निवार्यं सुरैरपि
ūcuḥ sarve tadā viprā naṃdinaṃ jātaśaṃkitam | īśavighnaṃ samutpannaṃ durnivāryaṃ surairapi
— then all the brahmins spoke to Nandin, in whom doubt had arisen: "An obstacle (created) by Īśa has arisen, hard to avert even by the gods.
AI translation rendered from the Sanskrit, not a published edition
PdP 6 151.54
तस्मादानय लिंगं त्वं स्वगृहे वैश्यसत्तम । तथेति मत्वाऽसौ नंदी शिवस्योत्पाटनं महत्
tasmādānaya liṃgaṃ tvaṃ svagṛhe vaiśyasattama | tatheti matvā'sau naṃdī śivasyotpāṭanaṃ mahat
Therefore bring the liṅga into your own house, O best of merchants." Agreeing, "So be it," that Nandin (performed) the great uprooting of Śiva,
AI translation rendered from the Sanskrit, not a published edition
PdP 6 151.55
कृत्वा स्वगृहमानीय प्रतिष्ठाप्य यथाविधि । सुवर्णपीठिकां कृत्वा नवरंभासुशोभिताम्
kṛtvā svagṛhamānīya pratiṣṭhāpya yathāvidhi | suvarṇapīṭhikāṃ kṛtvā navaraṃbhāsuśobhitām
and having done (so), having brought (it) to his own house and installed (it) according to rule, having made a golden pedestal beautifully adorned with nine plantain trees,
AI translation rendered from the Sanskrit, not a published edition
PdP 6 151.56
उपाहारैरनेकैश्च पूजयामास वै तदा । अथापरेद्युरायातः किरातः शिवमंदिरम्
upāhārairanekaiśca pūjayāmāsa vai tadā | athāparedyurāyātaḥ kirātaḥ śivamaṃdiram
he then worshipped (it) with many offerings. Then on the next day the Kirāta came to Śiva's temple.
AI translation rendered from the Sanskrit, not a published edition
PdP 6 151.57
यावद्विलोकयामास लिंगमैशं न दृष्टवान् । मौनं विहाय सहसा साक्रोशमिदमब्रवीत्
yāvadvilokayāmāsa liṃgamaiśaṃ na dṛṣṭavān | maunaṃ vihāya sahasā sākrośamidamabravīt
When he looked, he did not see Īśa's liṅga; abandoning his silence, at once he said this with a cry:
AI translation rendered from the Sanskrit, not a published edition
PdP 6 151.58
हे शंभो क्व गतोऽसि त्वं दर्शयात्मानमद्य वै । यदि नो दर्शनं हेयं त्यक्ष्याम्यद्य कलेवरम्
he śaṃbho kva gato'si tvaṃ darśayātmānamadya vai | yadi no darśanaṃ heyaṃ tyakṣyāmyadya kalevaram
"O Śambhu, where have you gone? Show yourself this very day! If (I get) no sight (of you), today I shall abandon this body.
AI translation rendered from the Sanskrit, not a published edition
PdP 6 151.59
हे शंभो हे जगन्नाथ त्रिपुरांतक शंकर । हेरुद्र हे महादेव दर्शयात्मानमात्मना
he śaṃbho he jagannātha tripurāṃtaka śaṃkara | herudra he mahādeva darśayātmānamātmanā
O Śambhu, O Lord of the world, ender of Tripura, Śaṅkara! O Rudra, O Mahādeva, show yourself by your own (will)!"
AI translation rendered from the Sanskrit, not a published edition
PdP 6 151.60
एवं साक्षेपमधुरैर्वाक्यैः क्षिप्त्वा सदाशिवम् । किरातोऽसौ क्षुरिकया धीरो वै जठरं स्वकम्
evaṃ sākṣepamadhurairvākyaiḥ kṣiptvā sadāśivam | kirāto'sau kṣurikayā dhīro vai jaṭharaṃ svakam
Thus having reproached Sadāśiva with words at once reproachful and sweet, that Kirāta, resolute, (cut open) his own belly with a knife;
AI translation rendered from the Sanskrit, not a published edition
PdP 6 151.61
बिभेद्याशु ततो बाहुमासाद्योच्चै रुषाब्रवीत् । हे शंभो दर्शयात्मानं कुतो मां त्यज्य यास्यसि
bibhedyāśu tato bāhumāsādyoccai ruṣābravīt | he śaṃbho darśayātmānaṃ kuto māṃ tyajya yāsyasi
he split (it) quickly, then, striking his arm, he spoke loudly in anger: "O Śambhu, show yourself! Where will you go, leaving me?"
AI translation rendered from the Sanskrit, not a published edition
PdP 6 151.62
इति क्षिप्त्वा ततोंत्राणि मांसमुद्धृत्य सर्वतः । तस्मिन्गर्ते करेणैव किरातः सहसाक्षिपत्
iti kṣiptvā tatoṃtrāṇi māṃsamuddhṛtya sarvataḥ | tasmingarte kareṇaiva kirātaḥ sahasākṣipat
Having thus reproached (him), then, pulling out his entrails and flesh from all over, the Kirāta at once flung (them) with his very hand into that hollow.
AI translation rendered from the Sanskrit, not a published edition
PdP 6 151.63
स्वच्छं च हृदयं कृत्वा साभ्रमत्यां निमज्जतु । तथैव जलमानीय बिल्वपत्रं त्वरान्वितः
svacchaṃ ca hṛdayaṃ kṛtvā sābhramatyāṃ nimajjatu | tathaiva jalamānīya bilvapatraṃ tvarānvitaḥ
"And having made my heart pure, let it be immersed in the Sābhramatī." In just that way, bringing water and a bilva leaf in haste,
AI translation rendered from the Sanskrit, not a published edition — the model flagged this verse as uncertain
PdP 6 151.64
पूजयित्वा यथान्यायं दंडवत्पतितो भुवि । यदा ध्यानस्थितस्तत्र किरातः शिवसन्निधौ
pūjayitvā yathānyāyaṃ daṃḍavatpatito bhuvi | yadā dhyānasthitastatra kirātaḥ śivasannidhau
having worshipped according to rule, he fell to the ground like a staff; when the Kirāta stood there in meditation in Śiva's presence,
AI translation rendered from the Sanskrit, not a published edition
PdP 6 151.65
प्रादुर्भूतस्तदा रुद्रः प्रमथैः परिवारितः । कर्पूरगौरो द्युतिमान्कपर्दी चंद्रशेखरः
prādurbhūtastadā rudraḥ pramathaiḥ parivāritaḥ | karpūragauro dyutimānkapardī caṃdraśekharaḥ
then Rudra appeared, surrounded by his Pramathas — camphor-white, radiant, with matted hair, moon-crested.
AI translation rendered from the Sanskrit, not a published edition
PdP 6 151.66
तं गृहीत्वा करे रुद्रः उवाच परिसांत्वयन् । भो भो वीर महाप्राज्ञ मद्भक्तोऽसि महामते
taṃ gṛhītvā kare rudraḥ uvāca parisāṃtvayan | bho bho vīra mahāprājña madbhakto'si mahāmate
Taking him by the hand, Rudra spoke, consoling him: "Ho, ho, hero, greatly wise one, you are my devotee, O great-minded one.
AI translation rendered from the Sanskrit, not a published edition
PdP 6 151.67
वरं वृणीष्व भो भक्त यत्ते मनसि वर्त्तते । एवमुक्तः स रुद्रेण महाकालो मुदान्वितः
varaṃ vṛṇīṣva bho bhakta yatte manasi varttate | evamuktaḥ sa rudreṇa mahākālo mudānvitaḥ
Choose a boon, O devotee, whatever is in your mind." Thus addressed by Rudra, that Mahākāla, filled with joy,
AI translation rendered from the Sanskrit, not a published edition
PdP 6 151.68
पपात दंडवद्भूमौ भक्त्या परमया युतः । ततो रुद्रं बभाषेदं न वरं प्रार्थयाम्यहम्
papāta daṃḍavadbhūmau bhaktyā paramayā yutaḥ | tato rudraṃ babhāṣedaṃ na varaṃ prārthayāmyaham
fell to the ground like a staff, possessed of supreme devotion; then he said this to Rudra: "I ask for no boon.
AI translation rendered from the Sanskrit, not a published edition
PdP 6 151.69
अहं दासोऽस्मि ते रुद्र त्वं मे स्वामी न संशयः । एतत्श्लाघ्यतमं लोके देहि जन्मनि जन्मनि
ahaṃ dāso'smi te rudra tvaṃ me svāmī na saṃśayaḥ | etatślāghyatamaṃ loke dehi janmani janmani
I am your servant, Rudra; you are my master, there is no doubt. Grant me this most praiseworthy thing in the world, birth after birth.
AI translation rendered from the Sanskrit, not a published edition
PdP 6 151.70
त्वं माता च पिता त्वं च त्वं बंधुश्च सखा च मे । त्वं गुरुस्त्वं महामंत्रो मंत्रैर्वेद्योऽसि सर्वदा
tvaṃ mātā ca pitā tvaṃ ca tvaṃ baṃdhuśca sakhā ca me | tvaṃ gurustvaṃ mahāmaṃtro maṃtrairvedyo'si sarvadā
You are my mother and you are my father; you are my kinsman and my friend. You are the teacher, you are the great mantra, you are ever to be known through the mantras."
AI translation rendered from the Sanskrit, not a published edition
PdP 6 151.71
निष्कामं वाक्यमाकर्ण्य किरातस्य तदा भवः । ददौ पार्षदमुख्यत्वं द्वारपालत्वमेव च
niṣkāmaṃ vākyamākarṇya kirātasya tadā bhavaḥ | dadau pārṣadamukhyatvaṃ dvārapālatvameva ca
Hearing the Kirāta's desireless speech, Bhava then gave (him) the chieftainship of his attendants and the office of doorkeeper as well.
AI translation rendered from the Sanskrit, not a published edition
PdP 6 151.72
तदा डमरुनादेन नादितं भुवनत्रयम् । भेरीभांकारशब्देन शंखानां निनदेन च
tadā ḍamarunādena nāditaṃ bhuvanatrayam | bherībhāṃkāraśabdena śaṃkhānāṃ ninadena ca
Then the three worlds were made to resound with the sound of the ḍamaru, with the booming noise of kettledrums and with the blowing of conches.
AI translation rendered from the Sanskrit, not a published edition
PdP 6 151.73
तदा दुंदुभयो नेदुः पटहाश्च सहस्रशः । नंदी तं नादमाकर्ण्य विस्मयात्त्वरितो ययौ
tadā duṃdubhayo neduḥ paṭahāśca sahasraśaḥ | naṃdī taṃ nādamākarṇya vismayāttvarito yayau
Then the drums roared and the war-drums by the thousand; and Nandin, hearing that sound, went in haste out of astonishment.
AI translation rendered from the Sanskrit, not a published edition
PdP 6 151.74
तपोवनं यत्र शिवः स्थितः प्रमथसंवृतः । किरातो हि तथा दृष्टो नंदिना च तदा भृशम्
tapovanaṃ yatra śivaḥ sthitaḥ pramathasaṃvṛtaḥ | kirāto hi tathā dṛṣṭo naṃdinā ca tadā bhṛśam
(He went) to the penance-grove where Śiva was seated, surrounded by his Pramathas; and the Kirāta too was then seen by Nandin, exceedingly (so).
AI translation rendered from the Sanskrit, not a published edition
PdP 6 151.75
उवाच प्रसृतो वाक्यं स नंदी विस्मयान्वितः । किरातं स्तोतुकामोऽसौ परमेन समाधिना
uvāca prasṛto vākyaṃ sa naṃdī vismayānvitaḥ | kirātaṃ stotukāmo'sau paramena samādhinā
That Nandin, filled with wonder, came forward and spoke a speech, wishing to praise the Kirāta with the highest concentration.
AI translation rendered from the Sanskrit, not a published edition
PdP 6 151.76
इहानीतस्त्वया शंभुस्त्वं भक्तोऽसि परंतपः । त्वद्भक्तोऽहमिह प्राप्तो मां निवेदय शंकरे
ihānītastvayā śaṃbhustvaṃ bhakto'si paraṃtapaḥ | tvadbhakto'hamiha prāpto māṃ nivedaya śaṃkare
"Śambhu has been brought here by you; you are a devotee, O scorcher of foes. I have come here as your devotee: announce me to Śaṅkara."
AI translation rendered from the Sanskrit, not a published edition
PdP 6 151.77
तच्छ्रुत्वा वचनं तस्य किरातस्त्वरयान्वितः । नंदिनं च करे गृह्य शंकरं समुपागतः
tacchrutvā vacanaṃ tasya kirātastvarayānvitaḥ | naṃdinaṃ ca kare gṛhya śaṃkaraṃ samupāgataḥ
Hearing that speech of his, the Kirāta, filled with haste, took Nandin by the hand and came up to Śaṅkara.
AI translation rendered from the Sanskrit, not a published edition
PdP 6 151.78
प्रहस्य भगवान्रुद्रः किरातं वाक्यमब्रवीत् । ब्रूहि कोऽसौ त्वयानीतो गणानामिह सन्निधौ
prahasya bhagavānrudraḥ kirātaṃ vākyamabravīt | brūhi ko'sau tvayānīto gaṇānāmiha sannidhau
Laughing, the lord Rudra spoke a word to the Kirāta: "Tell (me), who is this who has been brought by you here into the presence of the Gaṇas?"
AI translation rendered from the Sanskrit, not a published edition
PdP 6 151.79
किरात उवाच। त्वद्भक्तोऽसौ तदा देव तव पूजारतो ह्यसौ । प्रत्यहं रत्नमाणिक्यपुष्पैश्चौच्चावचैरिह
kirāta uvāca| tvadbhakto'sau tadā deva tava pūjārato hyasau | pratyahaṃ ratnamāṇikyapuṣpaiścauccāvacairiha
The Kirāta said: "He is your devotee, O God, for he is devoted to your worship, every day here with jewels, rubies and flowers of every sort, high and low."
AI translation rendered from the Sanskrit, not a published edition
PdP 6 151.80
जीवितेन धनेनापि पूजितोऽसि न संशयः । तस्माच्चानीहि भो स्वामिन्नंदिनं भक्तवत्सल
jīvitena dhanenāpi pūjito'si na saṃśayaḥ | tasmāccānīhi bho svāminnaṃdinaṃ bhaktavatsala
"With his life and with his wealth too you have been worshipped—there is no doubt. Therefore bring Nandin (near), O Lord, O you who are fond of your devotees."
AI translation rendered from the Sanskrit, not a published edition
PdP 6 151.81
महादेव उवाच। जानाम्यहं महाभाग नंदिनं वैश्यवर्त्तनम् । त्वं मे भक्तः सखा चेति महाकाल महामते
mahādeva uvāca| jānāmyahaṃ mahābhāga naṃdinaṃ vaiśyavarttanam | tvaṃ me bhaktaḥ sakhā ceti mahākāla mahāmate
Mahādeva said: "I know Nandin, O greatly fortunate one, whose livelihood is that of a vaiśya. And you are my devotee and my friend, O Mahākāla of great mind."
AI translation rendered from the Sanskrit, not a published edition
PdP 6 151.82
उपाधिरहिता ये च ये निष्कपटमानसाः । ते प्रियास्ते च मे भक्तास्ते विशिष्टा नरोत्तमाः । तावुभौ स्वीकृतौ तेन पार्षदत्वेन शंभुना
upādhirahitā ye ca ye niṣkapaṭamānasāḥ | te priyāste ca me bhaktāste viśiṣṭā narottamāḥ | tāvubhau svīkṛtau tena pārṣadatvena śaṃbhunā
"Those who are without pretence and those whose minds are free of guile—they are dear (to me), they are my devotees, they are the distinguished ones, the best of men." Both of those two were accepted by Śambhu as his attendants.
AI translation rendered from the Sanskrit, not a published edition
PdP 6 151.83
ततो विमानानि बहुनि तत्र समागतान्येव महाप्रभाणि । किरातवर्येण स वैश्यवर्य उद्धारितस्तेन महाप्रभेण
tato vimānāni bahuni tatra samāgatānyeva mahāprabhāṇi | kirātavaryeṇa sa vaiśyavarya uddhāritastena mahāprabheṇa
Then many celestial cars of great radiance came there; and by that greatly radiant best of Kirātas that best of vaiśyas was raised up.
AI translation rendered from the Sanskrit, not a published edition
PdP 6 151.84
कैलासलोकमापन्नौ विमानैर्वेगवत्तरैः । सारूप्यमेव संप्राप्तो ईश्वरस्य महात्मनः
kailāsalokamāpannau vimānairvegavattaraiḥ | sārūpyameva saṃprāpto īśvarasya mahātmanaḥ
The two, having reached the world of Kailāsa by exceedingly swift celestial cars, attained the very likeness of form of the great-souled Lord.
AI translation rendered from the Sanskrit, not a published edition
PdP 6 151.85
नीराजितौ गिरिजया पुत्रवत्तौ गणावुभौ
nīrājitau girijayā putravattau gaṇāvubhau
Both the Gaṇas were greeted with the waving of lights by Girijā, as if they were her sons.
AI translation rendered from the Sanskrit, not a published edition
PdP 6 151.86
उवाचेदं ततो देवी प्रहस्य गजगामिनी । यथा त्वं हि महादेव तथा चेतौ न संशयः
uvācedaṃ tato devī prahasya gajagāminī | yathā tvaṃ hi mahādeva tathā cetau na saṃśayaḥ
Then the Goddess, whose gait is that of an elephant, laughed and said this: "Just as you are, O Mahādeva, so are these two—there is no doubt,
AI translation rendered from the Sanskrit, not a published edition
PdP 6 151.87
सारूप्येण च गत्या च हास्यभावैः सुपूजितैः । देव्यास्तद्वचनं श्रुत्वा किरातो वैश्य एव च
sārūpyeṇa ca gatyā ca hāsyabhāvaiḥ supūjitaiḥ | devyāstadvacanaṃ śrutvā kirāto vaiśya eva ca
in likeness of form, in gait, and in laughing manners, (being) well honoured." Hearing that speech of the Goddess, the Kirāta and the vaiśya as well,
AI translation rendered from the Sanskrit, not a published edition — the model flagged this verse as uncertain
PdP 6 151.88
सद्यः पराङ्मुखौ भूत्वा शंकरस्य च पश्यतः । ऊचतुस्त्वरया युक्तौ गणौ रुद्रस्य पश्यतः
sadyaḥ parāṅmukhau bhūtvā śaṃkarasya ca paśyataḥ | ūcatustvarayā yuktau gaṇau rudrasya paśyataḥ
at once turning their faces away, while Śaṅkara looked on—the two Gaṇas spoke in haste, as Rudra looked on:
AI translation rendered from the Sanskrit, not a published edition — the model flagged this verse as uncertain
PdP 6 151.89
उभावप्यनुकंप्यौ च भवता हि त्रिलोचन । तव द्वारिस्थितौ नित्यं भवावस्ते नमो नमः
ubhāvapyanukaṃpyau ca bhavatā hi trilocana | tava dvāristhitau nityaṃ bhavāvaste namo namaḥ
"We two are both to be pitied by you, O three-eyed one. May we ever stand at your door: homage, homage to you!"
AI translation rendered from the Sanskrit, not a published edition
PdP 6 151.90
तयोर्भावं स भगवान्विदित्वा प्रहसन्भवः । उवाच परया भक्त्या भवतोरस्तु वांछितम्
tayorbhāvaṃ sa bhagavānviditvā prahasanbhavaḥ | uvāca parayā bhaktyā bhavatorastu vāṃchitam
That lord Bhava, knowing their intent, laughed and said: "By reason of (your) supreme devotion, let what you two desire come to be."
AI translation rendered from the Sanskrit, not a published edition
PdP 6 151.91
ततः प्रभृति द्वावेतौ द्वारपालौ बभूवतुः । शिवद्वारि स्थितौ देवि मध्याह्ने शिवदर्शिनौ
tataḥ prabhṛti dvāvetau dvārapālau babhūvatuḥ | śivadvāri sthitau devi madhyāhne śivadarśinau
From then on these two became doorkeepers, standing at Śiva's door, O Goddess, beholding Śiva at midday.
AI translation rendered from the Sanskrit, not a published edition
PdP 6 151.92
एको नंदी महाकालो द्वावेतौ शिववल्लभौ । ये पापिनोप्यधर्मिष्ठा अंधा मूकाश्च पंगवाः
eko naṃdī mahākālo dvāvetau śivavallabhau | ye pāpinopyadharmiṣṭhā aṃdhā mūkāśca paṃgavāḥ
One is Nandī, (the other) Mahākāla — these two are dear to Śiva. Those who, though sinners and utterly unrighteous, blind, mute and lame,
AI translation rendered from the Sanskrit, not a published edition
PdP 6 151.93
कुलहीना दुरात्मानः श्वपचाद्या हि मानवाः । यादृशास्तादृशाश्चान्ये आराध्य धवलेश्वरम्
kulahīnā durātmānaḥ śvapacādyā hi mānavāḥ | yādṛśāstādṛśāścānye ārādhya dhavaleśvaram
of no family, evil-natured — men such as dog-cookers and the like — and others of whatever sort, having worshipped Dhavaleśvara,
AI translation rendered from the Sanskrit, not a published edition
PdP 6 151.94
गतास्तेऽपि गमिष्यंति नात्र कार्या विचराणा । अत्र स्नानं च दानं च सांनिध्यं शंकरस्य च
gatāste'pi gamiṣyaṃti nātra kāryā vicarāṇā | atra snānaṃ ca dānaṃ ca sāṃnidhyaṃ śaṃkarasya ca
they too have gone (there) and will go; no doubt is to be entertained about this. Here (there is) bathing and giving, and the presence of Śaṃkara.
AI translation rendered from the Sanskrit, not a published edition
PdP 6 151.95
साभ्रमत्यां कृतस्नाना धवलेश्वरपूजकाः । ते रुद्रलोकं गच्छंति नात्र कार्या विचारणा
sābhramatyāṃ kṛtasnānā dhavaleśvarapūjakāḥ | te rudralokaṃ gacchaṃti nātra kāryā vicāraṇā
Those who have bathed in the Sābhramatī and who worship Dhavaleśvara go to the world of Rudra; no doubt is to be entertained about this.
AI translation rendered from the Sanskrit, not a published edition
PdP 6 151.96
अत्र स्नानं च दानं च ये कुर्वंति नरोत्तमाः । धर्मार्थकामभोगाश्च भुक्त्वा यांति हरालयम्
atra snānaṃ ca dānaṃ ca ye kurvaṃti narottamāḥ | dharmārthakāmabhogāśca bhuktvā yāṃti harālayam
Those best of men who perform bathing and giving here, having enjoyed dharma, wealth, pleasure and (all) enjoyments, go to the abode of Hara.
AI translation rendered from the Sanskrit, not a published edition
PdP 6 151.97
चंद्र सर्योपरागे च पितुः सांवत्सरे दिने । यत्फलं लभते मर्त्यस्तत्फलं प्राप्नुयाद्ध्रुवम्
caṃdra saryoparāge ca pituḥ sāṃvatsare dine | yatphalaṃ labhate martyastatphalaṃ prāpnuyāddhruvam
Whatever fruit a mortal obtains at an eclipse of the moon or the sun, and on the annual day (of the death rite) of his father, that fruit he assuredly gains (here).
AI translation rendered from the Sanskrit, not a published edition
PdP 6 151.98
स्वर्गात्कामदुघा देवि नित्यमायाति सर्वथा । आगत्य तं शिवं देवं समभ्यर्च्य यथा तथा
svargātkāmadughā devi nityamāyāti sarvathā | āgatya taṃ śivaṃ devaṃ samabhyarcya yathā tathā
O Goddess, the wish-granting cow comes daily from heaven, in every way; and having come and worshipped that god Śiva in due manner,
AI translation rendered from the Sanskrit, not a published edition
PdP 6 151.99
सा गच्छति सुरश्रेष्ठे स्वर्गं प्रति न संशयः । तेन दुग्धाभियोगेन लिंगं तद्धवलीकृतम्
sā gacchati suraśreṣṭhe svargaṃ prati na saṃśayaḥ | tena dugdhābhiyogena liṃgaṃ taddhavalīkṛtam
she goes back to heaven, O best of the gods — there is no doubt of it. By that application of milk that liṅga was made white (dhavala).
AI translation rendered from the Sanskrit, not a published edition
PdP 6 151.100
धवलेश्वरं नाम ततः संजातं भुवि सर्वदा । जंतवोऽत्र सदा देवि म्रियंते कालनोदिताः । ते ते शिवपदं यांति यावच्चंद्रदिवाकरौ 6.151.
dhavaleśvaraṃ nāma tataḥ saṃjātaṃ bhuvi sarvadā | jaṃtavo'tra sadā devi mriyaṃte kālanoditāḥ | te te śivapadaṃ yāṃti yāvaccaṃdradivākarau 6.151.
Hence (the liṅga) named Dhavaleśvara arose on earth for all time. O Goddess, creatures here, driven on by Time, always die; and they all go to Śiva's state, for as long as the moon and the sun (endure).
AI translation rendered from the Sanskrit, not a published edition