Padma Purana — Uttara Khanda — Chapter 15
PdP 6 15.1
नारदउवाच- नारायणस्तदा देवो जटावल्कलधार्यथ । द्वितीयोऽनुचरस्तस्य ह्याययौ फलहस्तवान्
nāradauvāca- nārāyaṇastadā devo jaṭāvalkaladhāryatha | dvitīyo'nucarastasya hyāyayau phalahastavān
Nārada said: Then the god Nārāyaṇa, wearing matted hair and bark garments, came, and with him a second one, an attendant, with fruit in his hand.
AI translation rendered from the Sanskrit, not a published edition
PdP 6 15.2
तौ दृष्ट्वा स्मरदूती सा विललाप मृगेक्षणा । तच्छ्रुत्वा वचनं तस्याः प्रोचतुस्तां च तावुभौ
tau dṛṣṭvā smaradūtī sā vilalāpa mṛgekṣaṇā | tacchrutvā vacanaṃ tasyāḥ procatustāṃ ca tāvubhau
Seeing those two, she, the doe-eyed Smaradūtī, lamented. Hearing that speech of hers, both of them spoke to her.
AI translation rendered from the Sanskrit, not a published edition
PdP 6 15.3
भयं मा गच्छ कल्याणि त्वामावां त्रातुमागतौ । वने घोरे प्रविष्टासि कथं दुष्टनिषेविते
bhayaṃ mā gaccha kalyāṇi tvāmāvāṃ trātumāgatau | vane ghore praviṣṭāsi kathaṃ duṣṭaniṣevite
"Do not be afraid, good lady; we two have come to save you. How have you entered this dreadful forest, frequented by evil ones?"
AI translation rendered from the Sanskrit, not a published edition
PdP 6 15.4
एवमाश्वास्य तां तन्वीं राक्षसं प्राह माधवः । मुंचेमामधमाचार मृद्वंगीं चारुहासिनीम्
evamāśvāsya tāṃ tanvīṃ rākṣasaṃ prāha mādhavaḥ | muṃcemāmadhamācāra mṛdvaṃgīṃ cāruhāsinīm
Having thus reassured that slender woman, Mādhava said to the demon: "Release her, O you of base conduct — this soft-limbed woman of lovely smile!"
AI translation rendered from the Sanskrit, not a published edition
PdP 6 15.5
रेरे मूर्ख दुराचार किं कर्तुं त्वं व्यवस्थितः । सर्वस्वं लोकनेत्राणामाहारं कर्तुमुद्यतः
rere mūrkha durācāra kiṃ kartuṃ tvaṃ vyavasthitaḥ | sarvasvaṃ lokanetrāṇāmāhāraṃ kartumudyataḥ
"Hey, you fool, evil-doer! What are you set on doing? You are prepared to make into food the very all-in-all of the eyes of the world!"
AI translation rendered from the Sanskrit, not a published edition
PdP 6 15.6
भव पुण्यप्रभावेयं हंस्येतां मंडनं भुवः । अद्यलोकं निरालोकं कंदर्पं दर्पवर्जितम्
bhava puṇyaprabhāveyaṃ haṃsyetāṃ maṃḍanaṃ bhuvaḥ | adyalokaṃ nirālokaṃ kaṃdarpaṃ darpavarjitam
"...if you kill her, the ornament of the earth, (you will make) the world today without light and Kāmadeva stripped of his pride."
AI translation rendered from the Sanskrit, not a published edition — the model flagged this verse as uncertain
PdP 6 15.7
करिष्यस्यधुना त्वं च हत्वा वृंदारिकां वने । तस्मादिमां विमुंचाशु सुखप्रासाददेवताम्
kariṣyasyadhunā tvaṃ ca hatvā vṛṃdārikāṃ vane | tasmādimāṃ vimuṃcāśu sukhaprāsādadevatām
"And you will now do this by killing this heavenly woman in the forest; therefore quickly release her, the deity of the palace of pleasure."
AI translation rendered from the Sanskrit, not a published edition — the model flagged this verse as uncertain
PdP 6 15.8
इति श्रुत्वा हरेर्वाक्यं राक्षसः कुपितोऽब्रवीत् । समर्थस्त्वं यदि तदा मोचयाद्यैव मत्करात्
iti śrutvā harervākyaṃ rākṣasaḥ kupito'bravīt | samarthastvaṃ yadi tadā mocayādyaiva matkarāt
Hearing these words of Hari, the demon said angrily: "If you are able, then free her from my hand this very moment."
AI translation rendered from the Sanskrit, not a published edition
PdP 6 15.9
इत्युक्तमात्रे वचने माधवेन क्रुधेक्षितः । पपात भस्मसाद्भूतस्त्यक्त्वा वृंदां सुदूरतः
ityuktamātre vacane mādhavena krudhekṣitaḥ | papāta bhasmasādbhūtastyaktvā vṛṃdāṃ sudūrataḥ
The moment those words were spoken, he, being looked at in anger by Mādhava, fell reduced to ashes, having let go of Vṛndā far away.
AI translation rendered from the Sanskrit, not a published edition
PdP 6 15.10
अथोवाच प्रमुग्धा सा मायया जगदीशितुः । कस्त्वं कारुण्यजलधिर्येनाहमिह रक्षिता
athovāca pramugdhā sā māyayā jagadīśituḥ | kastvaṃ kāruṇyajaladhiryenāhamiha rakṣitā
Then she, bewildered by the illusion of the Lord of the world, said: "Who are you, an ocean of compassion, by whom I have been protected here?"
AI translation rendered from the Sanskrit, not a published edition
PdP 6 15.11
शारीरं मानसं दुःखं सतापं तपसां निधे । त्वया मधुरया वाचा हृतं राक्षसनाशनात्
śārīraṃ mānasaṃ duḥkhaṃ satāpaṃ tapasāṃ nidhe | tvayā madhurayā vācā hṛtaṃ rākṣasanāśanāt
"O treasury of austerities, my bodily and mental suffering with its burning has been taken away by you with your sweet speech, and by the destruction of the demon."
AI translation rendered from the Sanskrit, not a published edition
PdP 6 15.12
तवाश्रमे तपः सौम्य करिष्यामि तपोधन
tavāśrame tapaḥ saumya kariṣyāmi tapodhana
"O gentle one, rich in austerity, I shall perform austerity in your hermitage."
AI translation rendered from the Sanskrit, not a published edition
PdP 6 15.13
तापस उवाच- भरद्वाजात्मजश्चाहं देवशर्मेति विश्रुतः । विहाय भोगानखिलान्वनं घोरमुपागतः
tāpasa uvāca- bharadvājātmajaścāhaṃ devaśarmeti viśrutaḥ | vihāya bhogānakhilānvanaṃ ghoramupāgataḥ
The ascetic said: I am the son of Bharadvāja, known as Devaśarman; having abandoned all enjoyments, I have come to this dreadful forest.
AI translation rendered from the Sanskrit, not a published edition
PdP 6 15.14
अनेन बटुनासार्धं मम शिष्येण कामगाः । बहुशः संति चान्येऽपि मच्छिष्याः कामरूपिणः
anena baṭunāsārdhaṃ mama śiṣyeṇa kāmagāḥ | bahuśaḥ saṃti cānye'pi macchiṣyāḥ kāmarūpiṇaḥ
Together with this boy, my pupil, who goes where he wishes — and there are many other pupils of mine too, who can take any form at will.
AI translation rendered from the Sanskrit, not a published edition
PdP 6 15.15
त्वं चेन्ममाश्रमे स्थित्वा चिकीर्षसि तपः शुभे । एहि राज्ञ्यपरं यामो वनं दूरस्थितं यतः
tvaṃ cenmamāśrame sthitvā cikīrṣasi tapaḥ śubhe | ehi rājñyaparaṃ yāmo vanaṃ dūrasthitaṃ yataḥ
And if you wish to perform austerity, fair lady, staying in my hermitage, come, O queen; let us go on further, since the forest (where it lies) is far away.
AI translation rendered from the Sanskrit, not a published edition
PdP 6 15.16
इत्युक्त्वा राजपत्नीं तां ययौ प्राचीं दिशं हरिः । वनं प्रेतपिशाचाढ्यं मंदगत्या नराधिप
ityuktvā rājapatnīṃ tāṃ yayau prācīṃ diśaṃ hariḥ | vanaṃ pretapiśācāḍhyaṃ maṃdagatyā narādhipa
Having said this to that wife of the king, Hari went toward the eastern direction, O lord of men, at a slow pace, to a forest thick with ghosts and goblins.
AI translation rendered from the Sanskrit, not a published edition
PdP 6 15.17
वृंदारिकाश्रुपूर्णाक्षी तस्य पृष्ठानुगा ययौ । स्मरदूती च तत्पृष्ठे मां प्रतीक्षेति वादिनी
vṛṃdārikāśrupūrṇākṣī tasya pṛṣṭhānugā yayau | smaradūtī ca tatpṛṣṭhe māṃ pratīkṣeti vādinī
Vṛndārikā, her eyes filled with tears, went following behind him; and Smaradūtī (went) behind him, saying "Wait for me!"
AI translation rendered from the Sanskrit, not a published edition — the model flagged this verse as uncertain
PdP 6 15.18
अत्रांतरे दुराचारः कोपि पापाकृतिर्वने । जालं प्रसारयामास तद्यदा जीवपूरितम्
atrāṃtare durācāraḥ kopi pāpākṛtirvane | jālaṃ prasārayāmāsa tadyadā jīvapūritam
Meanwhile some ill-behaved fellow of sinful appearance spread out a net in the forest, and when it had been filled with living creatures —
AI translation rendered from the Sanskrit, not a published edition
PdP 6 15.19
ततः संकोचयामास तज्जालं पापनायकः । जालस्थांस्तु तदा जीवानुपाहृत्य मुमोच ह
tataḥ saṃkocayāmāsa tajjālaṃ pāpanāyakaḥ | jālasthāṃstu tadā jīvānupāhṛtya mumoca ha
then that chief of sinners drew that net together; and taking away the creatures that were in the net, he released (it).
AI translation rendered from the Sanskrit, not a published edition
PdP 6 15.20
स च व्याधः स्त्रियौ दृष्ट्वा स्मरदूती जगाद ताम् । देवि मामत्तुमायाति करे गृह्णातु मां सखी
sa ca vyādhaḥ striyau dṛṣṭvā smaradūtī jagāda tām | devi māmattumāyāti kare gṛhṇātu māṃ sakhī
And when the two women saw that hunter, Smaradūtī said to her: "Goddess, he is coming to eat me; let my friend take me by the hand!"
AI translation rendered from the Sanskrit, not a published edition
PdP 6 15.21
वृंदा तयोक्तं श्रुत्वैनं विकृतास्यं व्यलोकयत् । वीक्ष्यतं भयवातेन निर्धूता सिंधुजप्रिया
vṛṃdā tayoktaṃ śrutvainaṃ vikṛtāsyaṃ vyalokayat | vīkṣyataṃ bhayavātena nirdhūtā siṃdhujapriyā
Vṛndā, hearing what was said by her, looked at him with his misshapen face; and on seeing (him), the beloved of the ocean-born was shaken by the wind of fear.
AI translation rendered from the Sanskrit, not a published edition
PdP 6 15.22
दुद्राव विकलं शुभ्रं स्मरदूत्या समं वने । विद्रवंती समं सख्या तापसाश्रममागता
dudrāva vikalaṃ śubhraṃ smaradūtyā samaṃ vane | vidravaṃtī samaṃ sakhyā tāpasāśramamāgatā
Distraught, she ran off in the forest together with Smaradūtī; fleeing along with her friend, she came to an ascetic's hermitage.
AI translation rendered from the Sanskrit, not a published edition — the model flagged this verse as uncertain
PdP 6 15.23
सा तापसवने तस्मिन्ददर्शात्यंतमद्भुतम् । पक्षिणः कांचनीयांगान्नानाशब्दसमाकुलान्
sā tāpasavane tasmindadarśātyaṃtamadbhutam | pakṣiṇaḥ kāṃcanīyāṃgānnānāśabdasamākulān
In that ascetics' grove she saw something exceedingly marvellous: birds with golden bodies, teeming with manifold cries;
AI translation rendered from the Sanskrit, not a published edition
PdP 6 15.24
सापश्यद्धेमपद्माढ्यां वापीं तु स्वर्णभूमिकाम् । क्षीरं वहंति सरितः स्रवंति मधु भूरुहः
sāpaśyaddhemapadmāḍhyāṃ vāpīṃ tu svarṇabhūmikām | kṣīraṃ vahaṃti saritaḥ sravaṃti madhu bhūruhaḥ
she saw a stepped pool rich in golden lotuses, with a floor of gold; the rivers carry milk, the trees ooze honey.
AI translation rendered from the Sanskrit, not a published edition
PdP 6 15.25
शर्कराराशयस्तत्र मोदकानां च संचयाः । भक्ष्याणि स्वादुसर्वाणि बहून्याभरणानि च
śarkarārāśayastatra modakānāṃ ca saṃcayāḥ | bhakṣyāṇi svādusarvāṇi bahūnyābharaṇāni ca
There were heaps of sugar and piles of sweetmeats, all kinds of tasty foods, and many ornaments;
AI translation rendered from the Sanskrit, not a published edition
PdP 6 15.26
बहुशस्त्राणि दिव्यानि नभसः संपतंति च । क्रीडंति हरयस्तृप्ता उत्पतंति पतंति च
bahuśastrāṇi divyāni nabhasaḥ saṃpataṃti ca | krīḍaṃti harayastṛptā utpataṃti pataṃti ca
and many divine weapons come flying down from the sky; sated lions frolic, leaping up and dropping down.
AI translation rendered from the Sanskrit, not a published edition
PdP 6 15.27
मठेति सुंदरं वृंदा तं ददर्श तपस्विनम् । व्याघ्रचर्मासनगतं भासयंतं जगत्त्रयम्
maṭheti suṃdaraṃ vṛṃdā taṃ dadarśa tapasvinam | vyāghracarmāsanagataṃ bhāsayaṃtaṃ jagattrayam
In the monastery Vṛndā saw that handsome ascetic, seated on a tiger-skin seat, illuminating the three worlds.
AI translation rendered from the Sanskrit, not a published edition
PdP 6 15.28
तमुवाच विभो पाहि पाहि पापर्द्धिकादथ । तपसा किं च धर्मेण मौनेन च जपेन च
tamuvāca vibho pāhi pāhi pāparddhikādatha | tapasā kiṃ ca dharmeṇa maunena ca japena ca
She said to him: "O mighty one, save (me), save (me) from the wicked hunter! What is the use of austerity, of dharma, of silence and of muttered prayer?
AI translation rendered from the Sanskrit, not a published edition
PdP 6 15.29
भीतत्राणात्परं नान्यत्पुण्यमस्ति तपोधन । एवमुक्तवती भीता सालसांगी तपस्विनम्
bhītatrāṇātparaṃ nānyatpuṇyamasti tapodhana | evamuktavatī bhītā sālasāṃgī tapasvinam
There is no merit higher than the protection of the frightened, O you whose wealth is penance." Having spoken thus in fear, with her limbs languid, (she stood before) the ascetic.
AI translation rendered from the Sanskrit, not a published edition
PdP 6 15.30
तावत्प्राप्तः सदुष्टात्मा सर्वजीवप्रबंधकः । वृंदादेवी भयत्रस्ता हरिकंठे समाश्लिषत्
tāvatprāptaḥ saduṣṭātmā sarvajīvaprabaṃdhakaḥ | vṛṃdādevī bhayatrastā harikaṃṭhe samāśliṣat
Just then that evil-souled snarer of all creatures arrived; and the lady Vṛndā, terrified with fear, clasped Hari by the neck.
AI translation rendered from the Sanskrit, not a published edition
PdP 6 15.31
सुखस्पर्शं भुजाभ्यां सा शोकवल्लीव लिंगिता । तवालिंगनभावेन पुनरेव भविष्यति
sukhasparśaṃ bhujābhyāṃ sā śokavallīva liṃgitā | tavāliṃganabhāvena punareva bhaviṣyati
She, like a creeper of sorrow, was clasped by (his) two arms, pleasant to the touch. "Through the state of embracing you it will come to be once again —
AI translation rendered from the Sanskrit, not a published edition — the model flagged this verse as uncertain
PdP 6 15.32
शिरः सर्वांगसंपन्नं त्वद्भर्तुरधिकं गुणैः । अथ त्वं प्रमदे गच्छ पत्यर्थे चित्रशालिकाम्
śiraḥ sarvāṃgasaṃpannaṃ tvadbharturadhikaṃ guṇaiḥ | atha tvaṃ pramade gaccha patyarthe citraśālikām
the head of your husband, complete with all its limbs, surpassing in its qualities. Now you, O charming woman, go to the painted chamber for your husband's sake."
AI translation rendered from the Sanskrit, not a published edition
PdP 6 15.33
सा चित्रशालामित्युक्ता विवेश मुनिना तदा । दिव्यपर्यंकमारूढा गृह्य कांतस्य तच्छिरः
sā citraśālāmityuktā viveśa muninā tadā | divyaparyaṃkamārūḍhā gṛhya kāṃtasya tacchiraḥ
Thus addressed by the sage, she then entered the painted chamber and, taking that head of her beloved, climbed onto the divine couch.
AI translation rendered from the Sanskrit, not a published edition
PdP 6 15.34
चकाराधरपानं सा मीलिताक्ष्यतिलोलुपा । यावत्तावदभूद्राजन्रूपं जालंधराकृति
cakārādharapānaṃ sā mīlitākṣyatilolupā | yāvattāvadabhūdrājanrūpaṃ jālaṃdharākṛti
With her eyes closed, greedy for it, she drank from his lower lip; and thereupon, O king, the form took on Jālandhara's shape.
AI translation rendered from the Sanskrit, not a published edition
PdP 6 15.35
तत्कांतसदृशाकारस्तद्वक्षस्तद्वदुन्नतिः । तद्वाक्यस्तन्मनोभावस्तदासीज्जगदीश्वरः
tatkāṃtasadṛśākārastadvakṣastadvadunnatiḥ | tadvākyastanmanobhāvastadāsījjagadīśvaraḥ
Of a form resembling her beloved, that chest, that same broadness, that same speech, that same disposition of mind — such did the Lord of the world become.
AI translation rendered from the Sanskrit, not a published edition
PdP 6 15.36
अथ संपूर्णकायं तं प्रियं वीक्ष्य जगाद सा । तव कुर्वे प्रियं स्वामिन्ब्रूहि त्वं स्वरणं च मे
atha saṃpūrṇakāyaṃ taṃ priyaṃ vīkṣya jagāda sā | tava kurve priyaṃ svāminbrūhi tvaṃ svaraṇaṃ ca me
Then, seeing him, her beloved, with his body complete, she said: "I will do what pleases you, my lord; and tell me your own account."
AI translation rendered from the Sanskrit, not a published edition — the model flagged this verse as uncertain
PdP 6 15.37
वृंदावचनमाकर्ण्य प्राह मायासमुद्रजः । शृणु देवि यथा युद्धं वृत्तं शंभोर्मया सह
vṛṃdāvacanamākarṇya prāha māyāsamudrajaḥ | śṛṇu devi yathā yuddhaṃ vṛttaṃ śaṃbhormayā saha
Hearing Vṛndā's words, the illusory ocean-born one said: "Listen, goddess, how the battle between Śambhu and me came about.
AI translation rendered from the Sanskrit, not a published edition
PdP 6 15.38
प्रिये रुद्रेण रौद्रेण छिन्नं चक्रेण मे शिरः । तावत्वत्सिद्धियोगाच्च त्वद्गतेन ममात्मना
priye rudreṇa raudreṇa chinnaṃ cakreṇa me śiraḥ | tāvatvatsiddhiyogācca tvadgatena mamātmanā
"Beloved, my head was severed by the fierce Rudra with his discus; yet by the power of your vow, and by my soul that had gone to you,"
AI translation rendered from the Sanskrit, not a published edition — the model flagged this verse as uncertain
PdP 6 15.39
छिन्नं तदत्र चानीतं जीवितं तेंगसंगतः । प्रिये त्वं मद्वियोगेन बाले जातासि दुःखिता
chinnaṃ tadatra cānītaṃ jīvitaṃ teṃgasaṃgataḥ | priye tvaṃ madviyogena bāle jātāsi duḥkhitā
"that severed (head) was brought here, and life (returned) through its joining with the body. Beloved, you, poor girl, have become miserable through separation from me."
AI translation rendered from the Sanskrit, not a published edition — the model flagged this verse as uncertain
PdP 6 15.40
क्षंतव्यं विप्रियं मह्यं यत्त्वां त्यक्त्वा रणं गतः । इत्यादि वचनैस्तेन वृंदा संस्मारिता तदा
kṣaṃtavyaṃ vipriyaṃ mahyaṃ yattvāṃ tyaktvā raṇaṃ gataḥ | ityādi vacanaistena vṛṃdā saṃsmāritā tadā
"The offence of mine must be forgiven, that I went to battle leaving you." With such words Vṛndā was then brought to remembrance (of herself),
AI translation rendered from the Sanskrit, not a published edition
PdP 6 15.41
तांबूलैश्च विनोदैश्च वस्त्रालंकरणैः शुभैः । अथ वृंदारिका देवी सर्वभोगसमन्विता
tāṃbūlaiśca vinodaiśca vastrālaṃkaraṇaiḥ śubhaiḥ | atha vṛṃdārikā devī sarvabhogasamanvitā
and with betel, with amusements, and with garments and fine ornaments. Then the goddess Vṛndārikā, provided with every enjoyment,
AI translation rendered from the Sanskrit, not a published edition
PdP 6 15.42
प्रियं गाढं समालिंग्य चुचुंब रतिलोलुपा । मोक्षादप्यधिकं सौख्यं वृंदा मोहनसंभवम्
priyaṃ gāḍhaṃ samāliṃgya cucuṃba ratilolupā | mokṣādapyadhikaṃ saukhyaṃ vṛṃdā mohanasaṃbhavam
greedy for love-play, embraced her beloved close and kissed him. The bliss arising from the Enchanter, greater even than liberation,
AI translation rendered from the Sanskrit, not a published edition
PdP 6 15.43
मेने नारायणो देवो लक्ष्मीप्रेमरसाधिकम् । वृंदां वियोगजं दुःखं विनोदयति माधवे
mene nārāyaṇo devo lakṣmīpremarasādhikam | vṛṃdāṃ viyogajaṃ duḥkhaṃ vinodayati mādhave
the god Nārāyaṇa reckoned greater than the savour of Lakṣmī's love. While Mādhava was dispelling Vṛndā's sorrow born of separation,
AI translation rendered from the Sanskrit, not a published edition
PdP 6 15.44
तत्क्रीडाचारुविलसद्वापिका राजहंसके । तद्रूपभावात्कृष्णोऽसौ पद्मायां विगतस्पृहः
tatkrīḍācāruvilasadvāpikā rājahaṃsake | tadrūpabhāvātkṛṣṇo'sau padmāyāṃ vigataspṛhaḥ
in the pond charmingly glittering for that sport of theirs, with its royal geese — from (dwelling on) the beauty of that form, this Kṛṣṇa lost his longing for Padmā.
AI translation rendered from the Sanskrit, not a published edition — the model flagged this verse as uncertain
PdP 6 15.45
अभूद्वृंदावने तस्मिंस्तुलसीरूप धारिणी । वृंदांगस्वेदतो भूम्यां प्रादुर्भूताति पावनी
abhūdvṛṃdāvane tasmiṃstulasīrūpa dhāriṇī | vṛṃdāṃgasvedato bhūmyāṃ prādurbhūtāti pāvanī
In that Vṛndāvana there came to be one bearing the form of tulasī, arisen on the ground from the sweat of Vṛndā's body, exceedingly purifying.
AI translation rendered from the Sanskrit, not a published edition
PdP 6 15.46
वृंदांग संगजं चेदमनुभूय सुंखं हरिः । दिनानि कतिचिन्मेने शिवकार्यं जगत्पतिः
vṛṃdāṃga saṃgajaṃ cedamanubhūya suṃkhaṃ hariḥ | dināni katicinmene śivakāryaṃ jagatpatiḥ
And having enjoyed this pleasure born of contact with Vṛndā's body, Hari, the lord of the world, reflected for some days on Śiva's business.
AI translation rendered from the Sanskrit, not a published edition — the model flagged this verse as uncertain
PdP 6 15.47
एकदा सुरतस्यांते सा स्वकंठे तपस्विनम् । वृंदा ददर्श संलग्नं द्विभुजं पुरुषोत्तमम्
ekadā suratasyāṃte sā svakaṃṭhe tapasvinam | vṛṃdā dadarśa saṃlagnaṃ dvibhujaṃ puruṣottamam
Once, at the end of lovemaking, Vṛndā saw clinging to her neck an ascetic, two-armed, the Supreme Person.
AI translation rendered from the Sanskrit, not a published edition
PdP 6 15.48
तं दृष्ट्वा प्राह सा कंठाद्विमुच्य भुजबंधनम् । कथं तापसरूपेण त्वं मां मोहितुमागतः
taṃ dṛṣṭvā prāha sā kaṃṭhādvimucya bhujabaṃdhanam | kathaṃ tāpasarūpeṇa tvaṃ māṃ mohitumāgataḥ
Seeing him, she loosed the clasp of her arms from his neck and said: "How is it that you have come in the guise of an ascetic to delude me?"
AI translation rendered from the Sanskrit, not a published edition
PdP 6 15.49
निशम्य वचनं तस्याः सांत्वयन्प्राह तां हरिः । शृणु वृंदारिके त्वं मां विद्धि लक्ष्मीमनोहरम्
niśamya vacanaṃ tasyāḥ sāṃtvayanprāha tāṃ hariḥ | śṛṇu vṛṃdārike tvaṃ māṃ viddhi lakṣmīmanoharam
Hearing her words, Hari, consoling her, said to her: "Listen, Vṛndārikā, know me to be the one who charms Lakṣmī's heart."
AI translation rendered from the Sanskrit, not a published edition
PdP 6 15.50
तव भर्ता हरं जेतुं गौरीमानयितुं गतः । अहं शिवः शिवश्चाहं पृथक्त्वे न व्यवस्थितौ 6.15.
tava bhartā haraṃ jetuṃ gaurīmānayituṃ gataḥ | ahaṃ śivaḥ śivaścāhaṃ pṛthaktve na vyavasthitau 6.15.
"Your husband went to conquer Hara and to carry off Gaurī. I am Śiva and Śiva is I; the two of us do not stand apart."
AI translation rendered from the Sanskrit, not a published edition
PdP 6 15.51
जालंधरो हतः संख्ये भज मामधुनानघे । नारद उवाच- इति विष्णोर्वचः श्रुत्वा विषण्णवदनाभवत् । ततो वृंदारिका राजन्कुपिता प्रत्युवाच ह
jālaṃdharo hataḥ saṃkhye bhaja māmadhunānaghe | nārada uvāca- iti viṣṇorvacaḥ śrutvā viṣaṇṇavadanābhavat | tato vṛṃdārikā rājankupitā pratyuvāca ha
"Jālandhara has been slain in battle; now, sinless one, love me." Nārada said: Hearing these words of Viṣṇu, her face grew downcast; then, O king, Vṛndārikā, enraged, replied:
AI translation rendered from the Sanskrit, not a published edition
PdP 6 15.52
रणे बद्धोऽसि येन त्वं जीवन्मुक्तः पितुर्गिरा । विविधैः सत्कृतो रत्नैर्युक्तं तस्य हृता वधूः
raṇe baddho'si yena tvaṃ jīvanmuktaḥ piturgirā | vividhaiḥ satkṛto ratnairyuktaṃ tasya hṛtā vadhūḥ
"By him you were bound in battle, and by his father's word you were released alive; you were honoured with jewels of many kinds — fitting indeed, that his wife has been stolen!"
AI translation rendered from the Sanskrit, not a published edition — the model flagged this verse as uncertain
PdP 6 15.53
पतिर्धर्मस्य यो नित्यं परदाररतः कथम् । ईश्वरोऽपि कृतं भुंक्ते कर्मेत्याहुर्मनीषिणः
patirdharmasya yo nityaṃ paradārarataḥ katham | īśvaro'pi kṛtaṃ bhuṃkte karmetyāhurmanīṣiṇaḥ
"He who is the lord of dharma — how is he forever bent on others' wives? Even the Lord undergoes the deed he has done: so the wise declare."
AI translation rendered from the Sanskrit, not a published edition
PdP 6 15.54
अहं मोहं यथानीता त्वया माया तपस्विना । तथा तव वधूं माया तपस्वीकोऽपि नेष्यति
ahaṃ mohaṃ yathānītā tvayā māyā tapasvinā | tathā tava vadhūṃ māyā tapasvīko'pi neṣyati
"As I was brought to delusion by you, an ascetic by illusion, so too shall an ascetic by illusion carry off your wife."
AI translation rendered from the Sanskrit, not a published edition
PdP 6 15.55
इति शप्तस्तथा विष्णुर्जगामादृश्यतां क्षणात् । सा चित्रशालापर्यंकः स च तेऽथप्लवंगमाः
iti śaptastathā viṣṇurjagāmādṛśyatāṃ kṣaṇāt | sā citraśālāparyaṃkaḥ sa ca te'thaplavaṃgamāḥ
Cursed thus, Viṣṇu at once passed out of sight; that painted hall, the couch, and he, and then those monkeys —
AI translation rendered from the Sanskrit, not a published edition
PdP 6 15.56
नष्टं सर्वं हरौ याते वनं शून्यं विलोक्य सा । वृंदा प्राह सखीं प्राप्य जिह्मं तद्विष्णुना कृतम्
naṣṭaṃ sarvaṃ harau yāte vanaṃ śūnyaṃ vilokya sā | vṛṃdā prāha sakhīṃ prāpya jihmaṃ tadviṣṇunā kṛtam
all of it vanished when Hari had gone. Seeing the forest empty, Vṛndā, finding a friend, told of that trickery done by Viṣṇu.
AI translation rendered from the Sanskrit, not a published edition
PdP 6 15.57
त्यक्तं पुरं गतं राज्यं कांतः संदेहतां गतः । अहं वने विदित्वैतत्क्व यामि विधिनिर्मिता
tyaktaṃ puraṃ gataṃ rājyaṃ kāṃtaḥ saṃdehatāṃ gataḥ | ahaṃ vane viditvaitatkva yāmi vidhinirmitā
"The city forsaken, the kingdom gone, my beloved reduced to doubt — knowing this, where am I, fashioned by fate, to go in the forest?"
AI translation rendered from the Sanskrit, not a published edition — the model flagged this verse as uncertain
PdP 6 15.58
मनोरथानां विषयमभून्मे प्रियदर्शनम् । प्राह निःश्वस्य चैवोष्णं राज्ञी वृंदातिदुःखिता
manorathānāṃ viṣayamabhūnme priyadarśanam | prāha niḥśvasya caivoṣṇaṃ rājñī vṛṃdātiduḥkhitā
"The sight of my beloved has become (merely) an object of my longings" — so spoke Queen Vṛndā, exceedingly grief-stricken, sighing hotly.
AI translation rendered from the Sanskrit, not a published edition
PdP 6 15.59
मम प्राप्तं हि मरणं त्वया हि स्मरदूतिके । इत्युक्ता सा तया प्राह मम त्वं प्राणरूपिणी
mama prāptaṃ hi maraṇaṃ tvayā hi smaradūtike | ityuktā sā tayā prāha mama tvaṃ prāṇarūpiṇī
"Indeed my death has come, and by you, O Smaradūtī (messenger of love)." Addressed thus by her, she replied, "You are my very life."
AI translation rendered from the Sanskrit, not a published edition — the model flagged this verse as uncertain
PdP 6 15.60
तस्यास्तथोक्तमाकर्ण्य इतिकर्त्तव्यतां ततः । वने निश्चित्य सा वृंदा गत्वा तत्र महत्सरः
tasyāstathoktamākarṇya itikarttavyatāṃ tataḥ | vane niścitya sā vṛṃdā gatvā tatra mahatsaraḥ
Hearing her speak thus, that Vṛndā then determined in the forest what ought to be done, and went there to a great lake.
AI translation rendered from the Sanskrit, not a published edition
PdP 6 15.61
विहाय दुःखमकरोद्गात्रक्षालनमंबुना । तीरे पद्मासनं बद्ध्वा कृत्वा निर्विषयं मनः
vihāya duḥkhamakarodgātrakṣālanamaṃbunā | tīre padmāsanaṃ baddhvā kṛtvā nirviṣayaṃ manaḥ
Setting grief aside, she washed her limbs with the water; on the bank she assumed the lotus posture and made her mind free of objects (of sense).
AI translation rendered from the Sanskrit, not a published edition
PdP 6 15.62
शोषयामास देहं स्वं विष्णुसंगेन दूषितम् । तपश्चचारसात्युग्रं निराहारा सखीसमम्
śoṣayāmāsa dehaṃ svaṃ viṣṇusaṃgena dūṣitam | tapaścacārasātyugraṃ nirāhārā sakhīsamam
She dried up her own body, defiled by contact with Viṣṇu, and, taking no food, performed exceedingly fierce austerity together with her friend.
AI translation rendered from the Sanskrit, not a published edition
PdP 6 15.63
गंधर्वलोकतो वृंदामथागत्याप्सरोगणः । प्राह याहीति कल्याणि स्वर्गं मा त्यज विग्रहम्
gaṃdharvalokato vṛṃdāmathāgatyāpsarogaṇaḥ | prāha yāhīti kalyāṇi svargaṃ mā tyaja vigraham
Then a troop of apsarases, coming from the world of the gandharvas to Vṛndā, said: "Go, O auspicious one, to heaven; do not abandon your body."
AI translation rendered from the Sanskrit, not a published edition
PdP 6 15.64
गांधर्वं शस्त्रमेतत्त्रिभुवनविजयं श्रीपतिस्तोषमग्र्यं। नीतो येनेह वृंदे त्यजसि कथमिदं तद्वपुः प्राप्तकामम् । कांतं ते विद्धि शूलिप्रवरशरहतं पुण्यलाभस्य भूषास्वर्गस्य त्वं। भवाद्य द्रुतममरवनं चंडिभद्रे भज त्वम्
gāṃdharvaṃ śastrametattribhuvanavijayaṃ śrīpatistoṣamagryaṃ| nīto yeneha vṛṃde tyajasi kathamidaṃ tadvapuḥ prāptakāmam | kāṃtaṃ te viddhi śūlipravaraśarahataṃ puṇyalābhasya bhūṣāsvargasya tvaṃ| bhavādya drutamamaravanaṃ caṃḍibhadre bhaja tvam
"This gāndharva weapon, victorious over the three worlds, the foremost delight of Śrī's lord — by which he was brought here, O Vṛndā — why do you abandon this body of his, which has attained its desire? Know that your husband was struck down by the surpassing arrow of the trident-bearer; you are the ornament of the winning of merit. Become (a dweller) of heaven today: quickly resort, O fierce and gracious lady, to the grove of the immortals."
AI translation rendered from the Sanskrit, not a published edition — the model flagged this verse as uncertain
PdP 6 15.65
श्रुत्वा शास्त्रं वधूनां जलधिजदयिता वाक्यमाह प्रहस्य । स्वर्गादाहृत्य मुक्तात्रिदशपति वधूश्चातिवीरेण पत्या । आदौ पात्रं सुखानामहममरजिता प्रेयसा तद्वियुक्तानिर्दुष्टा तद्य। तिष्ये प्रियममृतगतं प्राप्नुयां येन चैव
śrutvā śāstraṃ vadhūnāṃ jaladhijadayitā vākyamāha prahasya | svargādāhṛtya muktātridaśapati vadhūścātivīreṇa patyā | ādau pātraṃ sukhānāmahamamarajitā preyasā tadviyuktānirduṣṭā tadya| tiṣye priyamamṛtagataṃ prāpnuyāṃ yena caiva
Hearing the instruction of the (celestial) women, the beloved of the ocean-born one laughed and spoke these words: "By my most heroic husband the wives of the lord of the thirty were carried off from heaven and (then) released. I was formerly the vessel of all pleasures, with my beloved the conqueror of the immortals; separated from him, yet undefiled, I shall practise (austerity), by which I may attain my beloved who has gone to immortality."
AI translation rendered from the Sanskrit, not a published edition — the model flagged this verse as uncertain
PdP 6 15.66
इत्युक्त्वा ससखी वृंदा विससर्जाप्सरोगणान् । तत्प्रीतिपाशबद्धास्ता नित्यमायांति यांति च
ityuktvā sasakhī vṛṃdā visasarjāpsarogaṇān | tatprītipāśabaddhāstā nityamāyāṃti yāṃti ca
Having spoken thus, Vṛndā with her friend dismissed the troops of apsarases; but they, bound by the cord of affection for her, keep coming and going constantly.
AI translation rendered from the Sanskrit, not a published edition
PdP 6 15.67
योगाभ्यासेन वृंदाथ दग्ध्वा ज्ञानाग्निना गुणान् । विषयेभ्यः समाहृत्य मनः प्राप ततः परम्
yogābhyāsena vṛṃdātha dagdhvā jñānāgninā guṇān | viṣayebhyaḥ samāhṛtya manaḥ prāpa tataḥ param
Then Vṛndā, by the practice of yoga, burnt up the (three) qualities with the fire of knowledge, and drawing her mind back from the objects of sense, attained the supreme beyond that.
AI translation rendered from the Sanskrit, not a published edition
PdP 6 15.68
दृष्ट्वा वृंदारिकां तत्र महांतश्चाप्सरोगणाः । तुष्टुवुर्नभसस्तुष्टा ववृषुः पुष्पवृष्टिभिः
dṛṣṭvā vṛṃdārikāṃ tatra mahāṃtaścāpsarogaṇāḥ | tuṣṭuvurnabhasastuṣṭā vavṛṣuḥ puṣpavṛṣṭibhiḥ
Seeing Vṛndā there, the great ones and the troops of apsarases praised her, and, pleased, rained down showers of flowers from the sky.
AI translation rendered from the Sanskrit, not a published edition
PdP 6 15.69
शुष्ककाष्ठचयं कृत्वा तत्र वृंदाकलेवरम् । निधायाग्निं च प्रज्वाल्य स्मरदूती विवेश तम्
śuṣkakāṣṭhacayaṃ kṛtvā tatra vṛṃdākalevaram | nidhāyāgniṃ ca prajvālya smaradūtī viveśa tam
Having made a heap of dry wood and placed Vṛndā's body upon it there, and kindled the fire, Smaradūtī entered it.
AI translation rendered from the Sanskrit, not a published edition
PdP 6 15.70
दग्धं वृंदांगरजसां बिंबं तद्गोलकात्मकम् । कृत्वा तद्भस्मनः शेषं मंदाकिन्यां विचिक्षिपुः
dagdhaṃ vṛṃdāṃgarajasāṃ biṃbaṃ tadgolakātmakam | kṛtvā tadbhasmanaḥ śeṣaṃ maṃdākinyāṃ vicikṣipuḥ
Having made of the ashes of Vṛndā's burnt limbs an image in the form of a ball, they cast the remainder of that ash into the Mandākinī.
AI translation rendered from the Sanskrit, not a published edition — the model flagged this verse as uncertain
PdP 6 15.71
यत्र वृंदा परित्यज्य देहं ब्रह्मपथं गता । आसीद्वृंदावनं तत्र गोवर्द्धनसमीपतः
yatra vṛṃdā parityajya dehaṃ brahmapathaṃ gatā | āsīdvṛṃdāvanaṃ tatra govarddhanasamīpataḥ
There, where Vṛndā abandoned her body and went upon the path of Brahman, there arose the Vṛndāvana, near Govardhana.
AI translation rendered from the Sanskrit, not a published edition
PdP 6 15.72
देव्योऽथ स्वर्गमेत्य त्रिदशपतिवधूसत्त्वसंपत्तिमाहुर्देवीभ्यस्तन्निशम्य प्रमुदितमनसो निर्जराद्याश्च सर्वे । शत्रोर्दैत्यस्य हित्वा प्रबलतरभयं भीमभेर्यो निजघ्नुः श्रुत्वा तत्रासनस्थः । परिजननिवहोवापशोभां शुभस्य
devyo'tha svargametya tridaśapativadhūsattvasaṃpattimāhurdevībhyastanniśamya pramuditamanaso nirjarādyāśca sarve | śatrordaityasya hitvā prabalatarabhayaṃ bhīmabheryo nijaghnuḥ śrutvā tatrāsanasthaḥ | parijananivahovāpaśobhāṃ śubhasya
Then the goddesses, having reached heaven, told the (other) goddesses of the virtue and excellence of the wife of the lord of the daityas; hearing that from the goddesses, all the gods and the rest were delighted in mind. Having cast off the very great fear of their enemy the daitya, they beat the fearsome drums; hearing this, he who was seated there upon his throne, with his crowd of attendants, (rejoiced in) the splendour of the auspicious one.
AI translation rendered from the Sanskrit, not a published edition — the model flagged this verse as uncertain