Padma Purana — Uttara Khanda — Chapter 14
PdP 6 14.1
युधिष्ठिर उवाच- इति मायामहेशेन मोहिता गिरिजा यदा । अतः किं समभूद्ब्रह्मन्तन्ममाख्यातुमर्हसि
yudhiṣṭhira uvāca- iti māyāmaheśena mohitā girijā yadā | ataḥ kiṃ samabhūdbrahmantanmamākhyātumarhasi
Yudhiṣṭhira said: When Girijā had thus been deluded by the illusory Maheśa, what happened after that, O Brahman? Please tell me that.
AI translation rendered from the Sanskrit, not a published edition
PdP 6 14.2
नारद उवाच- क्षीराब्धौ तु शयानस्य चुक्षोभ हृदयं हरेः । अकस्मादेव राजेंद्र नयनेऽश्रुपरिप्लुते
nārada uvāca- kṣīrābdhau tu śayānasya cukṣobha hṛdayaṃ hareḥ | akasmādeva rājeṃdra nayane'śrupariplute
Nārada said: As Hari lay upon the Ocean of Milk, his heart was agitated, and all at once, O lord of kings, his eyes were flooded with tears.
AI translation rendered from the Sanskrit, not a published edition
PdP 6 14.3
दृष्ट्वा तन्महदुत्पातलक्षणं भगवांस्ततः । उत्थाय शेषपर्यंकान्मां च वायुं विलोक्य च
dṛṣṭvā tanmahadutpātalakṣaṇaṃ bhagavāṃstataḥ | utthāya śeṣaparyaṃkānmāṃ ca vāyuṃ vilokya ca
Then the Lord, seeing that great sign of calamity, rose from the couch of Śeṣa, and looked upon me and upon Vāyu,
AI translation rendered from the Sanskrit, not a published edition
PdP 6 14.4
किं कार्यमिति गोविंदस्तन्नागारिमथास्मरत् । स चाग्रे स्मृतिमात्रेण तस्थौ बद्धांजलिः प्रभो
kiṃ kāryamiti goviṃdastannāgārimathāsmarat | sa cāgre smṛtimātreṇa tasthau baddhāṃjaliḥ prabho
and (asking) "What is to be done?", Govinda then called to mind that enemy of serpents (Garuḍa); and he, by the mere act of remembrance, stood before (him) with folded hands, O lord.
AI translation rendered from the Sanskrit, not a published edition
PdP 6 14.5
विनतानंदनं दृष्ट्वा पुरतः प्राह केशवः । सुपर्ण तत्र गच्छ त्वं यत्र युद्धं प्रवर्तते
vinatānaṃdanaṃ dṛṣṭvā purataḥ prāha keśavaḥ | suparṇa tatra gaccha tvaṃ yatra yuddhaṃ pravartate
Seeing the son of Vinatā before him, Keśava said: "Suparṇa, go there, where the battle is going on.
AI translation rendered from the Sanskrit, not a published edition
PdP 6 14.6
हतो जालंधरो वीरो हरो वा तेन मोहितः । दृष्ट्वा तं शीघ्रमागत्य कथयस्व ममाखिलम्
hato jālaṃdharo vīro haro vā tena mohitaḥ | dṛṣṭvā taṃ śīghramāgatya kathayasva mamākhilam
(See whether) the hero Jālandhara has been slain, or Hara has been deluded by him; having seen that, come back quickly and tell me everything.
AI translation rendered from the Sanskrit, not a published edition
PdP 6 14.7
जालंधरेशयोर्युद्धं द्रष्टुं शक्तस्त्वमेव हि । कोऽन्यो महाहवे तस्मिन्ज्ञात्वा याति शरीरवान्
jālaṃdhareśayoryuddhaṃ draṣṭuṃ śaktastvameva hi | ko'nyo mahāhave tasminjñātvā yāti śarīravān
For you alone are able to witness the battle of Jālandhara and the Lord. What other embodied being, knowing (of it), would go into that great fray?
AI translation rendered from the Sanskrit, not a published edition
PdP 6 14.8
कदाचिद्दुर्गमं तत्र युद्धं शस्त्रास्त्रवृष्टिभिः । अथ त्वं बाणसंचारं गत्वापि हितविग्रहः
kadāciddurgamaṃ tatra yuddhaṃ śastrāstravṛṣṭibhiḥ | atha tvaṃ bāṇasaṃcāraṃ gatvāpi hitavigrahaḥ
Perhaps the battle there is impassable with showers of weapons and missiles; yet you, going even through the flight of arrows, your body unharmed,
AI translation rendered from the Sanskrit, not a published edition — the model flagged this verse as uncertain
PdP 6 14.9
संदृष्ट्वा पार्वतीवृत्तिं शीघ्रमायातुमर्हसि । दैत्यमायानिरासार्थं विचिंत्य भगवांस्त्वरन्
saṃdṛṣṭvā pārvatīvṛttiṃ śīghramāyātumarhasi | daityamāyānirāsārthaṃ viciṃtya bhagavāṃstvaran
"Having observed Pārvatī's condition, you should return quickly." Then the Lord, in haste, reflecting on the means of dispelling the demon's magic,
AI translation rendered from the Sanskrit, not a published edition
PdP 6 14.10
गुटिकां सर्वसिद्धां च गरुडाय ददौ हरिः । अनया न भ्रमो वीर तथेत्युक्त्वा मुखेक्षिपत्
guṭikāṃ sarvasiddhāṃ ca garuḍāya dadau hariḥ | anayā na bhramo vīra tathetyuktvā mukhekṣipat
Hari gave to Garuḍa a pill possessed of all powers: "By this, O hero, there will be no delusion." Saying "So be it," (Garuḍa) put it into his mouth.
AI translation rendered from the Sanskrit, not a published edition
PdP 6 14.11
एवं संप्रेरितः पत्री हरिं कृत्वा प्रदक्षिणम् । निश्चक्राम खमाविश्य जगामाद्भुतवेगवान्
evaṃ saṃpreritaḥ patrī hariṃ kṛtvā pradakṣiṇam | niścakrāma khamāviśya jagāmādbhutavegavān
Dispatched in this way, the bird, having circled Hari to the right, set out, entered the sky, and went off with wondrous speed.
AI translation rendered from the Sanskrit, not a published edition
PdP 6 14.12
तत्र गत्वा रणं घोरं दैत्यसंघैः स दुःसहम् । दृष्टवानखिलेनासौ न किंचिज्ज्ञातवान्किल
tatra gatvā raṇaṃ ghoraṃ daityasaṃghaiḥ sa duḥsaham | dṛṣṭavānakhilenāsau na kiṃcijjñātavānkila
Having gone there, he saw in its entirety the dreadful battle with the hosts of demons, hard to endure — yet he learned nothing at all.
AI translation rendered from the Sanskrit, not a published edition
PdP 6 14.13
तस्मादुत्पत्य वेगेन गतोऽसौ मानसोत्तरम् । शैलं तुंगतरं दुर्गमगम्यं मरुतामपि
tasmādutpatya vegena gato'sau mānasottaram | śailaṃ tuṃgataraṃ durgamagamyaṃ marutāmapi
Flying up from there with speed, he went to the Mānasottara mountain, exceedingly lofty, hard of access, unreachable even for the winds.
AI translation rendered from the Sanskrit, not a published edition
PdP 6 14.14
विलोकयन्न ददृशे गौरीस्थानं पतंगराट् । तत्रागत्य भुजंगारिर्ध्वनिं संश्रुतवान्किल
vilokayanna dadṛśe gaurīsthānaṃ pataṃgarāṭ | tatrāgatya bhujaṃgārirdhvaniṃ saṃśrutavānkila
Though he looked about, the king of birds did not see Gaurī's abode; but arriving there the enemy of serpents did hear a sound.
AI translation rendered from the Sanskrit, not a published edition
PdP 6 14.15
गत्वा समीपे ददृशे मायापशुपतिं ततः । गरुडो गुटिकां क्षिप्य मुखेन भ्रममाप सः
gatvā samīpe dadṛśe māyāpaśupatiṃ tataḥ | garuḍo guṭikāṃ kṣipya mukhena bhramamāpa saḥ
Going near, he then saw the illusory Lord of Beasts (Śiva); Garuḍa, having (already) thrown the pill out of his mouth, fell into delusion.
AI translation rendered from the Sanskrit, not a published edition
PdP 6 14.16
ज्ञात्वा बुद्ध्वाथ दैत्योऽयमिति नायं वृषध्वजः । हा कष्टमिति चोक्त्वा च रुदन्नागत्य चार्णवम्
jñātvā buddhvātha daityo'yamiti nāyaṃ vṛṣadhvajaḥ | hā kaṣṭamiti coktvā ca rudannāgatya cārṇavam
Then, having realized and understood "this is a demon, this is not the bull-bannered one," and crying "Alas, what a calamity!", weeping, he came to the ocean,
AI translation rendered from the Sanskrit, not a published edition
PdP 6 14.17
कथयामास वृत्तांतं पुरतः कैटभद्विषः । देव जालंधरेणायं हरो देवो विडंबितः
kathayāmāsa vṛttāṃtaṃ purataḥ kaiṭabhadviṣaḥ | deva jālaṃdhareṇāyaṃ haro devo viḍaṃbitaḥ
and he related the whole matter before the foe of Kaiṭabha: "O God, by Jālandhara the god Hara has been mimicked;
AI translation rendered from the Sanskrit, not a published edition
PdP 6 14.18
उमा प्रतारिता तेन पापेन छद्मरूपिणा । सुरस्त्वं यदि गोविंद समरं प्रतियाह्यतः
umā pratāritā tena pāpena chadmarūpiṇā | surastvaṃ yadi goviṃda samaraṃ pratiyāhyataḥ
Umā has been deceived by that wicked one who wears a disguise. If you are a god, O Govinda, then go forth to battle;
AI translation rendered from the Sanskrit, not a published edition
PdP 6 14.19
मायायुद्धं तु देवेश कुरु जालंधरं प्रति । तस्य राज्ञी मया दृष्टा पीठे जालंधरे शुभे
māyāyuddhaṃ tu deveśa kuru jālaṃdharaṃ prati | tasya rājñī mayā dṛṣṭā pīṭhe jālaṃdhare śubhe
but wage a battle of magic, O lord of gods, against Jālandhara. His queen was seen by me at the auspicious seat (city) of Jālandhara,
AI translation rendered from the Sanskrit, not a published edition
PdP 6 14.20
प्रासादभूम्यां क्रीडंती वाद्यगीतादिवर्त्तनैः । सा सुंदरतरा गौर्या रंभोर्वश्योः शतादपि
prāsādabhūmyāṃ krīḍaṃtī vādyagītādivarttanaiḥ | sā suṃdaratarā gauryā raṃbhorvaśyoḥ śatādapi
playing on the palace floor with performances of music, song and the like. She is lovelier than Gaurī, and than even a hundred Rambhās and Urvaśīs.
AI translation rendered from the Sanskrit, not a published edition
PdP 6 14.21
नेदानीं मानुषे लोके न पातालेषु तत्समा । भार्या तेन समा वेश्या नारीणां का कथा हरे
nedānīṃ mānuṣe loke na pātāleṣu tatsamā | bhāryā tena samā veśyā nārīṇāṃ kā kathā hare
There is now none equal to her in the world of men nor in the nether regions. Compared with her, a wife is (but) a harlot — what then to say of (ordinary) women, O Hari?
AI translation rendered from the Sanskrit, not a published edition — the model flagged this verse as uncertain
PdP 6 14.22
यस्तां स्पृशति देहेन सकृतार्थः पुमान्भवेत् । तव श्यालकपत्नी च हर त्वं तां रम प्रियाम् । शंकरस्योपकारं च कुरु चैवात्मनः सुखम्
yastāṃ spṛśati dehena sakṛtārthaḥ pumānbhavet | tava śyālakapatnī ca hara tvaṃ tāṃ rama priyām | śaṃkarasyopakāraṃ ca kuru caivātmanaḥ sukham
Whatever man touches her with his body would become fulfilled at once. And she is your brother-in-law's wife: carry her off, enjoy that beloved one; do a service to Śaṃkara and also (procure) your own pleasure."
AI translation rendered from the Sanskrit, not a published edition
PdP 6 14.23
नारद उवाच- श्रुत्वा तार्क्ष्यस्य वचनं तं निर्भर्त्स्य रमाप्रियः । सम्यग्व्यवस्य चोपायं विससर्ज द्रुतं द्विजम्
nārada uvāca- śrutvā tārkṣyasya vacanaṃ taṃ nirbhartsya ramāpriyaḥ | samyagvyavasya copāyaṃ visasarja drutaṃ dvijam
Nārada said: Hearing Tārkṣya's (Garuḍa's) words, the beloved of Ramā rebuked him, and having well determined upon a plan, quickly dismissed the twice-born one.
AI translation rendered from the Sanskrit, not a published edition
PdP 6 14.24
श्रियंपतार्य्य संछाद्य मंचके पीतवाससा । निर्गतोऽन्येन रूपेण योगि मायाबलेन च
śriyaṃpatāryya saṃchādya maṃcake pītavāsasā | nirgato'nyena rūpeṇa yogi māyābalena ca
Having laid Śrī down and covered her on the couch with his yellow garment, the yogin went out in another form, by the power of his magic,
AI translation rendered from the Sanskrit, not a published edition — the model flagged this verse as uncertain
PdP 6 14.25
वृंदारिकानुरागेण मोहितो मधुसूदनः । दृष्ट्वा हरिं तु गच्छंतं प्रतिछन्नं युधिष्ठिर
vṛṃdārikānurāgeṇa mohito madhusūdanaḥ | dṛṣṭvā hariṃ tu gacchaṃtaṃ pratichannaṃ yudhiṣṭhira
Madhusūdana being infatuated with desire for Vṛndā. But seeing Hari going in disguise, O Yudhiṣṭhira,
AI translation rendered from the Sanskrit, not a published edition
PdP 6 14.26
शेषोप्यन्यतमेनासौ रूपेणागत्य केशवम् । जगाद भक्त्या त्वं तिष्ठ ममानुज्ञातुमर्हसि
śeṣopyanyatamenāsau rūpeṇāgatya keśavam | jagāda bhaktyā tvaṃ tiṣṭha mamānujñātumarhasi
Śeṣa too came in some other form and spoke to Keśava with devotion: "Stay — you ought to grant me leave.
AI translation rendered from the Sanskrit, not a published edition
PdP 6 14.27
किं करोमि क्व गच्छामि ब्रूहि कार्यं जनार्दन । सदा तव मुखं दृष्ट्वा भोक्ष्यामीति भवेत्सुखम्
kiṃ karomi kva gacchāmi brūhi kāryaṃ janārdana | sadā tava mukhaṃ dṛṣṭvā bhokṣyāmīti bhavetsukham
What am I to do? Where shall I go? Tell me the task, O Janārdana. If I might always eat after beholding your face, that would be happiness."
AI translation rendered from the Sanskrit, not a published edition
PdP 6 14.28
श्रीभगवानुवाच- जालंधरस्त्रियं रम्यां हरिष्ये हरकारणात् । पार्वत्याश्चोपकाराय संछाद्य स्वात्मनस्तनुम्
śrībhagavānuvāca- jālaṃdharastriyaṃ ramyāṃ hariṣye harakāraṇāt | pārvatyāścopakārāya saṃchādya svātmanastanum
The Blessed Lord said: I shall carry off Jālandhara's lovely wife for Hara's sake and to do a service to Pārvatī, concealing my own body.
AI translation rendered from the Sanskrit, not a published edition
PdP 6 14.29
एहि यामो वयं बंधो कांतारं दुरतिक्रमम् । वृंदाकर्षणसिद्ध्यर्थमित्युक्त्वा तौ वनं गतौ
ehi yāmo vayaṃ baṃdho kāṃtāraṃ duratikramam | vṛṃdākarṣaṇasiddhyarthamityuktvā tau vanaṃ gatau
"Come, brother, let us go to the wilderness that is hard to cross" — having said this for the sake of accomplishing the abduction of Vṛndā, the two went to the forest.
AI translation rendered from the Sanskrit, not a published edition
PdP 6 14.30
ततो विष्णुश्च शेषश्च जटावल्कलधारिणौ । आश्रमं चक्रतुः पुण्यं सर्वकामफलप्रदम्
tato viṣṇuśca śeṣaśca jaṭāvalkaladhāriṇau | āśramaṃ cakratuḥ puṇyaṃ sarvakāmaphalapradam
Then Viṣṇu and Śeṣa, wearing matted hair and bark garments, made a holy hermitage that granted the fruit of all desires.
AI translation rendered from the Sanskrit, not a published edition
PdP 6 14.31
तयोः शिष्याः प्रशिष्याश्च बभूवुः कामरूपिणः । सिंहव्याघ्रवराहाश्च ऋक्षवानरमर्कटाः
tayoḥ śiṣyāḥ praśiṣyāśca babhūvuḥ kāmarūpiṇaḥ | siṃhavyāghravarāhāśca ṛkṣavānaramarkaṭāḥ
And there came to be disciples and disciples' disciples of those two, able to take any form at will: lions, tigers, boars, bears, monkeys and apes.
AI translation rendered from the Sanskrit, not a published edition
PdP 6 14.32
अथ तस्मिन्वने वृंदां मंत्रेणाकर्षयद्धरिः । तस्या हृदयसंतापं चकार मधुसूदनः
atha tasminvane vṛṃdāṃ maṃtreṇākarṣayaddhariḥ | tasyā hṛdayasaṃtāpaṃ cakāra madhusūdanaḥ
Then in that forest Hari drew Vṛndā (to him) by a spell; the slayer of Madhu produced a burning in her heart.
AI translation rendered from the Sanskrit, not a published edition
PdP 6 14.33
एतस्मिन्नंतरे राज्ञी तापमुग्रमुपागता । चामरांश्चालयामास दिव्यस्त्रीकरचालितान्
etasminnaṃtare rājñī tāpamugramupāgatā | cāmarāṃścālayāmāsa divyastrīkaracālitān
Meanwhile the queen, overcome by a fierce fever, had the yak-tail fans waved, moved by the hands of divine women.
AI translation rendered from the Sanskrit, not a published edition
PdP 6 14.34
प्रियस्यागमनं तन्वीं चिंतयंती मुहुर्मुहुः । चंदनागुरुलिप्तांगी मूर्च्छां याति हि सत्वरम्
priyasyāgamanaṃ tanvīṃ ciṃtayaṃtī muhurmuhuḥ | caṃdanāguruliptāṃgī mūrcchāṃ yāti hi satvaram
Thinking again and again of her beloved's coming, the slender woman, her limbs smeared with sandal and aloe, quickly falls into a swoon.
AI translation rendered from the Sanskrit, not a published edition
PdP 6 14.35
तुर्ययामे विभावर्याश्चतुर्दश्यां नृपांगना । स्वप्नं ददर्श भयदं वैधव्यभयसूचकम्
turyayāme vibhāvaryāścaturdaśyāṃ nṛpāṃganā | svapnaṃ dadarśa bhayadaṃ vaidhavyabhayasūcakam
In the fourth watch of the night, on the fourteenth (day), the king's wife saw a frightening dream that foretold the danger of widowhood.
AI translation rendered from the Sanskrit, not a published edition
PdP 6 14.36
जालंधरशिरः शुष्कं मर्दितं पांडुभस्मना । गृध्रेण कृष्टनयनं छिन्नकर्णाग्रनासिकम्
jālaṃdharaśiraḥ śuṣkaṃ marditaṃ pāṃḍubhasmanā | gṛdhreṇa kṛṣṭanayanaṃ chinnakarṇāgranāsikam
Jālandhara's head, dried up, ground with pale ash, its eyes torn out by a vulture, its ears, nose-tip cut off —
AI translation rendered from the Sanskrit, not a published edition
PdP 6 14.37
मुक्तकेशी करालास्या कृष्णवर्णारुणांबरा । चखाद काली रक्तास्या हस्ते विधृतखर्परा
muktakeśī karālāsyā kṛṣṇavarṇāruṇāṃbarā | cakhāda kālī raktāsyā haste vidhṛtakharparā
Kālī, with loosened hair, a gaping mouth, black in colour and clad in red, red-mouthed, holding a skull-bowl in her hand, devoured it.
AI translation rendered from the Sanskrit, not a published edition
PdP 6 14.38
ईदृशं ददृशे स्वप्नं तथात्मानं विडंबितम् । दैत्यक्षयगुणोपेतं सा ददर्श नृपांगना
īdṛśaṃ dadṛśe svapnaṃ tathātmānaṃ viḍaṃbitam | daityakṣayaguṇopetaṃ sā dadarśa nṛpāṃganā
Such a dream she saw, and herself mocked; the king's wife saw (a dream) marked by the sign of the demon's destruction.
AI translation rendered from the Sanskrit, not a published edition
PdP 6 14.39
ततः प्रबुद्धाऽसुरराजपत्नी गीतेन वाद्येन च मागधानाम् । गेयप्रबंधैः स्तवनैर्व चोभिर्वं शस्तवैः किंपुरुषप्रपाठितैः
tataḥ prabuddhā'surarājapatnī gītena vādyena ca māgadhānām | geyaprabaṃdhaiḥ stavanairva cobhirvaṃ śastavaiḥ kiṃpuruṣaprapāṭhitaiḥ
Then the wife of the demon king was awakened by the singing and playing of the bards, by sung compositions, by praises and by words, and by lineage-eulogies recited by kiṃpuruṣas.
AI translation rendered from the Sanskrit, not a published edition — the model flagged this verse as uncertain
PdP 6 14.40
ततस्तान्सकलान्श्रांतान्धनं दत्वा प्रसादजम् । निवार्य विप्रानाहूय स्वप्नं दृष्टं न्यवेदयत् । तं स्वप्नं ब्राह्मणाः श्रुत्वा तामूचुः शास्त्रपारगाः
tatastānsakalānśrāṃtāndhanaṃ datvā prasādajam | nivārya viprānāhūya svapnaṃ dṛṣṭaṃ nyavedayat | taṃ svapnaṃ brāhmaṇāḥ śrutvā tāmūcuḥ śāstrapāragāḥ
Then, having given to all those weary ones wealth born of (her) favour, she dismissed them, and calling the brahmins she reported the dream she had seen. Having heard that dream, the brahmins, masters of the scriptures, said to her:
AI translation rendered from the Sanskrit, not a published edition
PdP 6 14.41
द्विजा ऊचुः - देवि दुःस्वप्नमत्युग्रमचिंत्यं भयदायकम् । देहि दानं द्विजातिभ्यो ह्यचिंत्य भयनाशकम्
dvijā ūcuḥ - devi duḥsvapnamatyugramaciṃtyaṃ bhayadāyakam | dehi dānaṃ dvijātibhyo hyaciṃtya bhayanāśakam
The twice-born said: "Lady, the evil dream is exceedingly fierce, unthinkable, giving fear. Give a gift to the twice-born, which destroys unimaginable fear."
AI translation rendered from the Sanskrit, not a published edition
PdP 6 14.42
धेनुर्वासांसि रत्नानि गजांश्चाभरणानि च । ब्राह्मणाः परिसंतुष्टाः सिषिचुस्तां नृपस्त्रियम्
dhenurvāsāṃsi ratnāni gajāṃścābharaṇāni ca | brāhmaṇāḥ parisaṃtuṣṭāḥ siṣicustāṃ nṛpastriyam
A cow, garments, jewels, elephants and ornaments (she gave); the brahmins, well pleased, sprinkled that king's wife (with consecrated water).
AI translation rendered from the Sanskrit, not a published edition
PdP 6 14.43
अभिषिक्तापि सा वृंदा ज्वरेण परितप्यते । विसृज्य विप्रप्रवरान्प्रासादमगमत्तदा
abhiṣiktāpi sā vṛṃdā jvareṇa paritapyate | visṛjya viprapravarānprāsādamagamattadā
Though consecrated, that Vṛndā was consumed by fever; dismissing the chief brahmins, she then went to the palace.
AI translation rendered from the Sanskrit, not a published edition
PdP 6 14.44
तत्र स्थितापि स्वपुरं ददृशे दीप्तमंगला । ततः स्वकर्मणा राजन्नाकृष्टा हरिणा तु सा
tatra sthitāpi svapuraṃ dadṛśe dīptamaṃgalā | tataḥ svakarmaṇā rājannākṛṣṭā hariṇā tu sā
Even staying there she saw her own city, its auspicious things ablaze; then, O king, by her own past deeds she was drawn by Hari.
AI translation rendered from the Sanskrit, not a published edition
PdP 6 14.45
न शशाक गृहे स्थातुं ततो राज्ञी वनं ययौ । रथमश्वतरीयुक्तं स्मरदूतीसखीवहम्
na śaśāka gṛhe sthātuṃ tato rājñī vanaṃ yayau | rathamaśvatarīyuktaṃ smaradūtīsakhīvaham
She could not remain in the house, so the queen went to the forest — a chariot yoked with mules, carrying her companion, the messenger of love.
AI translation rendered from the Sanskrit, not a published edition
PdP 6 14.46
समारुह्य क्षणात्तन्वी प्राप्ता सौभाग्यकाननम् । नानावृक्षसमायुक्तं नानापक्षिगणान्वितम्
samāruhya kṣaṇāttanvī prāptā saubhāgyakānanam | nānāvṛkṣasamāyuktaṃ nānāpakṣigaṇānvitam
Having mounted (it), the slender one in a moment reached the Grove of Good Fortune, filled with many kinds of trees and frequented by many flocks of birds,
AI translation rendered from the Sanskrit, not a published edition
PdP 6 14.47
पुष्पप्रस्रवणोपेतं स्वर्गनारीविभूषितम् । मंदानिलप्रवेशोऽस्ति यत्र नान्यस्य कस्यचित्
puṣpaprasravaṇopetaṃ svarganārīvibhūṣitam | maṃdānilapraveśo'sti yatra nānyasya kasyacit
provided with flowing streams of blossoms, adorned by the women of heaven, where only the soft breeze may enter and no one else at all.
AI translation rendered from the Sanskrit, not a published edition
PdP 6 14.48
वनं वृंदारिका दृष्ट्वा सस्मार पतिमात्मनः । कथं जालंधरं वीरं द्रक्ष्यामि प्राप्तमग्रतः
vanaṃ vṛṃdārikā dṛṣṭvā sasmāra patimātmanaḥ | kathaṃ jālaṃdharaṃ vīraṃ drakṣyāmi prāptamagrataḥ
Seeing the forest, Vṛndārikā remembered her own husband: "How shall I see the hero Jālandhara arrived before me?"
AI translation rendered from the Sanskrit, not a published edition
PdP 6 14.49
सा तत्र न सुखं लेभे विवेशान्यतमं वनम् । सखीरथसमायुक्ता विष्णुमायाविमोहिता
sā tatra na sukhaṃ lebhe viveśānyatamaṃ vanam | sakhīrathasamāyuktā viṣṇumāyāvimohitā
She found no comfort there and entered yet another forest, accompanied by her friends and her chariot, bewildered by Viṣṇu's māyā.
AI translation rendered from the Sanskrit, not a published edition
PdP 6 14.50
ततो विलोकयामास विपिनं तरुसंकुलम् । उरुपाषाणसंरुद्धं कुरंगाक्षी भयावहम् 6.14.
tato vilokayāmāsa vipinaṃ tarusaṃkulam | urupāṣāṇasaṃruddhaṃ kuraṃgākṣī bhayāvaham 6.14.
Then the doe-eyed one beheld a wood dense with trees, blocked by huge boulders, terrifying.
AI translation rendered from the Sanskrit, not a published edition
PdP 6 14.51
सिंहव्याघ्रभयाकीर्णंशृगालव्यालसेवितम् । द्रुमैः स्पृशच्छिखाकाशैर्गुहासु ध्वांतपूरितम्
siṃhavyāghrabhayākīrṇaṃśṛgālavyālasevitam | drumaiḥ spṛśacchikhākāśairguhāsu dhvāṃtapūritam
(It was) filled with the terror of lions and tigers, haunted by jackals and snakes, (its) trees with crests touching the sky, its caves filled with darkness.
AI translation rendered from the Sanskrit, not a published edition
PdP 6 14.52
वनं विलोक्य सा भीमं चकिता चपलेक्षणा । स्मरदूतीं सखीं वृंदा जगाद रथवाहिनीम् । रथं प्रेषय मे शीघ्रं स्मरदूति गृहं प्रति
vanaṃ vilokya sā bhīmaṃ cakitā capalekṣaṇā | smaradūtīṃ sakhīṃ vṛṃdā jagāda rathavāhinīm | rathaṃ preṣaya me śīghraṃ smaradūti gṛhaṃ prati
Seeing that fearful forest, Vṛndā, startled, her eyes darting, said to her friend Smaradūtī, the driver of the chariot: "Send my chariot back home quickly, Smaradūtī!"
AI translation rendered from the Sanskrit, not a published edition
PdP 6 14.53
स्मरदूतिरुवाच- नाहं जानामि दिग्भागं न यामि क्व रथं सखि । श्रांता अश्व्यः प्रवर्तंते मार्गश्चात्र न विद्यते
smaradūtiruvāca- nāhaṃ jānāmi digbhāgaṃ na yāmi kva rathaṃ sakhi | śrāṃtā aśvyaḥ pravartaṃte mārgaścātra na vidyate
Smaradūtī said: "I do not know the direction, friend; I cannot take the chariot anywhere. The mares are exhausted as they go on, and there is no road here."
AI translation rendered from the Sanskrit, not a published edition
PdP 6 14.54
प्रेरितो दैवकेनापि स्यंदनो यातु यत्र च । अत्र कोपि च मांसादो भक्षयिष्यति नान्यथा
prerito daivakenāpi syaṃdano yātu yatra ca | atra kopi ca māṃsādo bhakṣayiṣyati nānyathā
"Let the chariot, driven on by fate, go wherever (it will); here some flesh-eater will devour (us)—it cannot be otherwise."
AI translation rendered from the Sanskrit, not a published edition
PdP 6 14.55
इत्युक्ता सा द्रुततरा रथं शीघ्रमवाहयत् । स रथो वेगतः प्राप्तो यत्र सिद्धा मुदान्विताः
ityuktā sā drutatarā rathaṃ śīghramavāhayat | sa ratho vegataḥ prāpto yatra siddhā mudānvitāḥ
Thus addressed, she drove the chariot on very swiftly; that chariot, by its speed, arrived where siddhas were, filled with joy.
AI translation rendered from the Sanskrit, not a published edition
PdP 6 14.56
तत्र सिद्धाश्च दृश्यंते काननं च भयावहम् । न यत्र प्रबलो वायुर्न शब्दः पक्षिणामपि
tatra siddhāśca dṛśyaṃte kānanaṃ ca bhayāvaham | na yatra prabalo vāyurna śabdaḥ pakṣiṇāmapi
There siddhas were seen, and a terrifying forest, where there was no strong wind, nor even the sound of birds.
AI translation rendered from the Sanskrit, not a published edition
PdP 6 14.57
न च तेजः प्रकाशोऽस्ति न जलं प्रदिशो दिशः । तत्र प्राप्तरथस्यापि लक्षणेऽभूद्विपर्ययः
na ca tejaḥ prakāśo'sti na jalaṃ pradiśo diśaḥ | tatra prāptarathasyāpi lakṣaṇe'bhūdviparyayaḥ
And there was no radiance, no light, no water, no directions or intermediate directions; there, even for the chariot that had arrived, its marks were reversed.
AI translation rendered from the Sanskrit, not a published edition — the model flagged this verse as uncertain
PdP 6 14.58
अश्वतर्यो न हेषंते न च शब्दश्च नेमिजः । न चलंति पताकास्ता घंटिका न क्वणंति च
aśvataryo na heṣaṃte na ca śabdaśca nemijaḥ | na calaṃti patākāstā ghaṃṭikā na kvaṇaṃti ca
The mules do not neigh, nor is there any sound from the wheel-rims; those banners do not stir, and the little bells do not tinkle.
AI translation rendered from the Sanskrit, not a published edition
PdP 6 14.59
न स्वनंति महाघंटा ध्वजस्तंभे निवेशिताः । विलोक्यैवंविधं प्राह तत्र वृंदा सखीं प्रति
na svanaṃti mahāghaṃṭā dhvajastaṃbhe niveśitāḥ | vilokyaivaṃvidhaṃ prāha tatra vṛṃdā sakhīṃ prati
The great bells fixed on the flagstaff make no sound. Seeing such a state, Vṛndā spoke there to her friend:
AI translation rendered from the Sanskrit, not a published edition
PdP 6 14.60
स्मरदूति क्व यास्यामो व्याघ्रसिंहभयं वनम् । न गृहे न सुखं राज्ये मम जातं वने सखि
smaradūti kva yāsyāmo vyāghrasiṃhabhayaṃ vanam | na gṛhe na sukhaṃ rājye mama jātaṃ vane sakhi
"Smaradūtī, where shall we go? The forest holds the danger of tigers and lions. Neither at home nor in the kingdom was there happiness for me, and none has come in the forest, friend."
AI translation rendered from the Sanskrit, not a published edition
PdP 6 14.61
स्मरदूतिरुवाच- शृणुष्व देवि पश्य त्वं पुरः शैलोऽतिदारुणः । दृष्ट्वाग्रतो न गच्छंति तुरंग्यो भयविह्वलाः
smaradūtiruvāca- śṛṇuṣva devi paśya tvaṃ puraḥ śailo'tidāruṇaḥ | dṛṣṭvāgrato na gacchaṃti turaṃgyo bhayavihvalāḥ
Smaradūtī said: "Listen, lady, and look: ahead is a most dreadful mountain; seeing it in front of them the mares do not go on, overwhelmed with fear."
AI translation rendered from the Sanskrit, not a published edition
PdP 6 14.62
तस्यास्तद्वचनं श्रुत्वा संत्रस्ता सा नृपांगना । दृष्ट्वा हारं स्वकंठस्थं स्यंदनाच्छीघ्रमुत्थिता
tasyāstadvacanaṃ śrutvā saṃtrastā sā nṛpāṃganā | dṛṣṭvā hāraṃ svakaṃṭhasthaṃ syaṃdanācchīghramutthitā
Hearing that speech of hers, the king's wife was terrified, and looking at the necklace on her own throat she quickly rose from the chariot.
AI translation rendered from the Sanskrit, not a published edition
PdP 6 14.63
एतस्मिन्नंतरे प्राप्तो राक्षसो भीषणाकृतिः । त्रिपादः पंचहस्तश्च सप्तनेत्रोऽतिदारुणः
etasminnaṃtare prāpto rākṣaso bhīṣaṇākṛtiḥ | tripādaḥ paṃcahastaśca saptanetro'tidāruṇaḥ
At that moment a rākṣasa of frightful form arrived: three-footed, five-handed, seven-eyed, exceedingly dreadful,
AI translation rendered from the Sanskrit, not a published edition
PdP 6 14.64
पिंगलो व्याघ्रकर्णश्च सिंहस्कंधस्तथाननः । विहंगेशसमाः केशा लंबंते रुधिरारुणाः
piṃgalo vyāghrakarṇaśca siṃhaskaṃdhastathānanaḥ | vihaṃgeśasamāḥ keśā laṃbaṃte rudhirāruṇāḥ
tawny, with tiger's ears, with a lion's shoulders and likewise (a lion's) face; his hairs, like (the feathers of) the king of birds, hung down red as blood.
AI translation rendered from the Sanskrit, not a published edition
PdP 6 14.65
तं दृष्ट्वा पद्मकोशांगी सहसा सभयाभवत् । नेत्रे कराभ्यामाच्छाद्य चकंपे कदलीव सा
taṃ dṛṣṭvā padmakośāṃgī sahasā sabhayābhavat | netre karābhyāmācchādya cakaṃpe kadalīva sā
Seeing him, she whose limbs were like a lotus-bud was at once seized with fear; covering her eyes with her hands, she trembled like a plantain tree.
AI translation rendered from the Sanskrit, not a published edition
PdP 6 14.66
प्रतिहारी प्रतोदं तु त्यक्त्वा राज्ञीमभाषत । भीतां मां त्राहि देवि त्वमयं धावति भक्षितुम्
pratihārī pratodaṃ tu tyaktvā rājñīmabhāṣata | bhītāṃ māṃ trāhi devi tvamayaṃ dhāvati bhakṣitum
The doorkeeper-woman, letting go of the goad, said to the queen: "Save me, lady, I am afraid—he is running up to devour (us)!"
AI translation rendered from the Sanskrit, not a published edition
PdP 6 14.67
एतस्मिन्नंतरे प्राप्तो राक्षसो रथसंनिधौ । रथमुत्क्षिप्य हस्तेन भ्रामयंश्चाश्विनीयुतम्
etasminnaṃtare prāpto rākṣaso rathasaṃnidhau | rathamutkṣipya hastena bhrāmayaṃścāśvinīyutam
At that moment the rākṣasa reached the vicinity of the chariot, and lifting the chariot with his hand, together with the mares, he whirled it about.
AI translation rendered from the Sanskrit, not a published edition
PdP 6 14.68
सा राज्ञी पतिता भूमौ मृगी व्याघ्रभयादिव । स्मरदूती तरोर्मूले छिन्नाशोकलता यथा
sā rājñī patitā bhūmau mṛgī vyāghrabhayādiva | smaradūtī tarormūle chinnāśokalatā yathā
That queen fell to the ground like a doe from fear of a tiger, and Smaradūtī (fell) at the foot of a tree like a severed aśoka creeper.
AI translation rendered from the Sanskrit, not a published edition
PdP 6 14.69
ततस्ताश्चाश्विनीः सर्वाः भक्षयामास राक्षसः । तेन राज्ञी धृता हस्ते सिंहेनैणवधूरिव
tatastāścāśvinīḥ sarvāḥ bhakṣayāmāsa rākṣasaḥ | tena rājñī dhṛtā haste siṃhenaiṇavadhūriva
Then the demon devoured all those mares, and the queen was seized in his hand, like a doe by a lion.
AI translation rendered from the Sanskrit, not a published edition
PdP 6 14.70
तामुवाच ततो रक्षः प्राणैस्ते कारणं यदि । तव भर्ता हतः संख्ये हरेणेति श्रुतं मया
tāmuvāca tato rakṣaḥ prāṇaiste kāraṇaṃ yadi | tava bhartā hataḥ saṃkhye hareṇeti śrutaṃ mayā
Then the demon said to her: "If your life has a reason (to be spared), (know that) I have heard that your husband was slain in battle by Hari."
AI translation rendered from the Sanskrit, not a published edition — the model flagged this verse as uncertain
PdP 6 14.71
मामासाद्याद्य भर्तारं चिरंजीवाकुतोभया । पिबाथ वारुणीं स्वाद्वीं महामांससमन्विताम् । शृण्वंतीति वचो राज्ञी गतसत्वा इवाभवत्
māmāsādyādya bhartāraṃ ciraṃjīvākutobhayā | pibātha vāruṇīṃ svādvīṃ mahāmāṃsasamanvitām | śṛṇvaṃtīti vaco rājñī gatasatvā ivābhavat
"Having obtained me today as your husband, live long, free from all fear; drink sweet liquor together with great flesh." Hearing such words, the queen became as though lifeless.
AI translation rendered from the Sanskrit, not a published edition