Padma Purana — Uttara Khanda — Chapter 134
PdP 6 134.1
महादेव उवाच। वेत्रवत्यास्तु माहात्म्यं वक्ष्यामि शृणु सुंदरि । यत्र स्नात्वा विमुच्यंते यावदाभूतसंप्लवम्
mahādeva uvāca| vetravatyāstu māhātmyaṃ vakṣyāmi śṛṇu suṃdari | yatra snātvā vimucyaṃte yāvadābhūtasaṃplavam
Mahādeva said: I shall declare the greatness of the Vetravatī; hear, fair lady. Bathing there, (people) are released (from sin) until the dissolution of beings.
AI translation rendered from the Sanskrit, not a published edition
PdP 6 134.2
वृत्रेण च कृतः कूपो महागंभीरसंज्ञकः । कूपात्सा निःसृता देवी महापापौघनाशिनी
vṛtreṇa ca kṛtaḥ kūpo mahāgaṃbhīrasaṃjñakaḥ | kūpātsā niḥsṛtā devī mahāpāpaughanāśinī
And a well was made by Vṛtra, called Mahāgambhīra; from that well issued forth the goddess (river) who destroys great floods of sin.
AI translation rendered from the Sanskrit, not a published edition
PdP 6 134.3
यथा गंगा तथेयं च सरिच्छ्रेष्ठा सुरोत्तमे । अस्या दर्शनमात्रेण पापौघाः शमयंति च
yathā gaṃgā tatheyaṃ ca saricchreṣṭhā surottame | asyā darśanamātreṇa pāpaughāḥ śamayaṃti ca
As the Gaṅgā is, so is this one too, the best of rivers, O finest of the gods' (consorts); by the mere sight of her the floods of sin are quelled.
AI translation rendered from the Sanskrit, not a published edition — the model flagged this verse as uncertain
PdP 6 134.4
शृणु देवि प्रवक्ष्यामि इतिहासं पुरातनम् । यच्छ्रुत्वा पापिनो दोषैर्विमुक्ताः कर्मबंधनात्
śṛṇu devi pravakṣyāmi itihāsaṃ purātanam | yacchrutvā pāpino doṣairvimuktāḥ karmabaṃdhanāt
Listen, goddess, I shall tell an ancient tale, hearing which sinners are freed from their faults and from the bondage of karma.
AI translation rendered from the Sanskrit, not a published edition
PdP 6 134.5
चंपके नगरे चैव राजा राज्यं करोति सः । सदा दुष्टो दुष्टरूपो जनानां स प्रपीडकः
caṃpake nagare caiva rājā rājyaṃ karoti saḥ | sadā duṣṭo duṣṭarūpo janānāṃ sa prapīḍakaḥ
In the city of Campaka a certain king ruled the kingdom; he was always wicked, of wicked form, an oppressor of the people.
AI translation rendered from the Sanskrit, not a published edition
PdP 6 134.6
अधर्मो धर्मरूपश्च विष्णुनिंदापरायणः । देव द्विज निहंता च आश्रमाणां विदूषकः
adharmo dharmarūpaśca viṣṇuniṃdāparāyaṇaḥ | deva dvija nihaṃtā ca āśramāṇāṃ vidūṣakaḥ
Unrighteous though righteous in appearance, devoted to reviling Viṣṇu, a slayer of gods and brahmins, and a defiler of hermitages;
AI translation rendered from the Sanskrit, not a published edition
PdP 6 134.7
वेदनिंदापरः श्रीमान्मूर्खो वा निर्घृणः शठः । असच्छास्त्रेषु निरतः परदाराभिमर्शकः
vedaniṃdāparaḥ śrīmānmūrkho vā nirghṛṇaḥ śaṭhaḥ | asacchāstreṣu nirataḥ paradārābhimarśakaḥ
bent on reviling the Vedas, wealthy, a fool, pitiless, a cheat, given to false doctrines, one who lays hands on others' wives.
AI translation rendered from the Sanskrit, not a published edition
PdP 6 134.8
विदारुणेति नामा च संजातो मूर्ख एव च । कदाचिद्दैवयोगेन आगतस्तां नदीं प्रति
vidāruṇeti nāmā ca saṃjāto mūrkha eva ca | kadāciddaivayogena āgatastāṃ nadīṃ prati
Vidāruṇa by name, and born a very fool. Once, by the working of fate, he came to that river,
AI translation rendered from the Sanskrit, not a published edition
PdP 6 134.9
आखेटकसमायुक्तः स्वयं कुष्ठी सुरेश्वरि । महापापादयं जातो ब्राह्मणानां च निंदनात्
ākheṭakasamāyuktaḥ svayaṃ kuṣṭhī sureśvari | mahāpāpādayaṃ jāto brāhmaṇānāṃ ca niṃdanāt
engaged in hunting, himself a leper, O queen of the gods; he had become so from great sin and from reviling brahmins.
AI translation rendered from the Sanskrit, not a published edition
PdP 6 134.10
वृथावादी दुरात्मा च शठो वै निर्घृणः पशुः । वेदनिंदारतो नित्यं गोशास्त्राणां प्रदूषकः
vṛthāvādī durātmā ca śaṭho vai nirghṛṇaḥ paśuḥ | vedaniṃdārato nityaṃ gośāstrāṇāṃ pradūṣakaḥ
A speaker of idle words, evil-souled, a cheat indeed, pitiless, a beast, ever bent on reviling the Vedas, a defiler of the cow-scriptures.
AI translation rendered from the Sanskrit, not a published edition
PdP 6 134.11
एवंविधो वने भ्राम्यंस्तृषार्तः स सुहृद्वृतः । अश्वादुत्तीर्य राजाऽसौ जलं पीत्वा गृहं गतः
evaṃvidho vane bhrāmyaṃstṛṣārtaḥ sa suhṛdvṛtaḥ | aśvāduttīrya rājā'sau jalaṃ pītvā gṛhaṃ gataḥ
Such a one, wandering in the forest, tormented by thirst and surrounded by his companions — that king dismounted from his horse, drank the water, and went home.
AI translation rendered from the Sanskrit, not a published edition
PdP 6 134.12
तेनैवोदकपानेन गतं कुष्ठं न संशयः । बुद्धिस्तु निर्मला जाता तस्य राज्ञो विशेषतः
tenaivodakapānena gataṃ kuṣṭhaṃ na saṃśayaḥ | buddhistu nirmalā jātā tasya rājño viśeṣataḥ
By that very drinking of the water his leprosy went away, no doubt of it; and that king's mind became especially pure.
AI translation rendered from the Sanskrit, not a published edition
PdP 6 134.13
विष्णौ भक्तिः समुत्पन्ना तदा तस्य सुरेश्वरि । ततः प्रभृति कालेन स्नानं वै कृतवान्सदा
viṣṇau bhaktiḥ samutpannā tadā tasya sureśvari | tataḥ prabhṛti kālena snānaṃ vai kṛtavānsadā
Then devotion to Viṣṇu arose in him, O queen of the gods, and from that time on he always bathed (there) in due season.
AI translation rendered from the Sanskrit, not a published edition
PdP 6 134.14
निर्मलो बहुरूपाढ्यो जातस्तत्र सुरेश्वरि । इहलोके सुखं भुक्त्वा कृत्वा यज्ञाननेकशः
nirmalo bahurūpāḍhyo jātastatra sureśvari | ihaloke sukhaṃ bhuktvā kṛtvā yajñānanekaśaḥ
He became pure and endowed with many forms there, O queen of the gods; having enjoyed happiness in this world and performed many sacrifices,
AI translation rendered from the Sanskrit, not a published edition
PdP 6 134.15
विप्रेभ्यो दक्षिणां दत्वा स गतो वैष्णवं पदम् । इति ज्ञात्वा तु भो देवि वेत्रवत्यां विशेषतः
viprebhyo dakṣiṇāṃ datvā sa gato vaiṣṇavaṃ padam | iti jñātvā tu bho devi vetravatyāṃ viśeṣataḥ
and having given gifts to the brahmins, he went to Viṣṇu's abode. Knowing this, O goddess, especially at the Vetravatī,
AI translation rendered from the Sanskrit, not a published edition
PdP 6 134.16
स्नानं कुर्वंति ये विप्रास्ते मुक्ता नगनंदिनि । राजन्यो वाथ वैश्यो वा शूद्रो वा सुरसत्तमे
snānaṃ kurvaṃti ye viprāste muktā naganaṃdini | rājanyo vātha vaiśyo vā śūdro vā surasattame
those brahmins who bathe are liberated, O daughter of the mountain; or a kṣatriya, or a vaiśya, or a śūdra, O best of the gods,
AI translation rendered from the Sanskrit, not a published edition
PdP 6 134.17
यत्र स्नानं प्रकुर्वंति ते मुक्ताः पापबंधनात् । कार्तिके वाऽथ माघे वा बाह्यो वा वेदनिंदकः
yatra snānaṃ prakurvaṃti te muktāḥ pāpabaṃdhanāt | kārtike vā'tha māghe vā bāhyo vā vedaniṃdakaḥ
wherever they bathe, they are freed from the bondage of sin — in Kārttika or in Māgha — even an outcaste or a reviler of the Vedas.
AI translation rendered from the Sanskrit, not a published edition
PdP 6 134.18
सरितां संगमे स्नात्वा मुच्यते देवि किल्बिषात् । साभ्रमत्याः समं यत्र तस्याः संगः प्रदृश्यते
saritāṃ saṃgame snātvā mucyate devi kilbiṣāt | sābhramatyāḥ samaṃ yatra tasyāḥ saṃgaḥ pradṛśyate
Bathing at the confluence of the rivers one is freed from guilt, O goddess; where its junction with the Sābhramatī is seen,
AI translation rendered from the Sanskrit, not a published edition
PdP 6 134.19
तत्र स्नात्वा विशेषेण मुच्यते ब्रह्महा सदा । खेटकं नगरं दिव्यं स्वर्गरूपं तु वाऽनघे
tatra snātvā viśeṣeṇa mucyate brahmahā sadā | kheṭakaṃ nagaraṃ divyaṃ svargarūpaṃ tu vā'naghe
bathing there, even a brahmin-slayer is always especially freed. The city of Kheṭaka is divine, indeed of the form of heaven, O sinless one.
AI translation rendered from the Sanskrit, not a published edition
PdP 6 134.20
ब्रह्मणा तत्र वै देवि योगाश्च बहवः कृताः । तत्र स्नात्वा च भुक्त्वा च पुनर्जन्म न विद्यते
brahmaṇā tatra vai devi yogāśca bahavaḥ kṛtāḥ | tatra snātvā ca bhuktvā ca punarjanma na vidyate
There, O goddess, many yogas were performed by Brahmā; bathing there and eating there, no rebirth occurs.
AI translation rendered from the Sanskrit, not a published edition
PdP 6 134.21
सा द्वितीया स्मृता गंगा कलौ देवि विशेषतः । ये नराः सुखमिच्छंति धनमिच्छंति ये नराः
sā dvitīyā smṛtā gaṃgā kalau devi viśeṣataḥ | ye narāḥ sukhamicchaṃti dhanamicchaṃti ye narāḥ
She is reckoned the second Gaṅgā, especially in the Kali age, O goddess. Those men who desire happiness, those men who desire wealth,
AI translation rendered from the Sanskrit, not a published edition
PdP 6 134.22
स्वर्गमिच्छंति ये लोकास्ते वै स्नात्वा पुनःपुनः । इहलोके सुखं भुक्त्वा यांति विष्णोः सनातनम्
svargamicchaṃti ye lokāste vai snātvā punaḥpunaḥ | ihaloke sukhaṃ bhuktvā yāṃti viṣṇoḥ sanātanam
those people who desire heaven — they, bathing again and again, having enjoyed happiness in this world, go to the eternal (abode) of Viṣṇu.
AI translation rendered from the Sanskrit, not a published edition
PdP 6 134.23
सूर्यवंशे च ये जाताः सोमवंशे तथैव च । आगता वेत्रवत्यां तु स्नात्वा निर्वृतिमागताः
sūryavaṃśe ca ye jātāḥ somavaṃśe tathaiva ca | āgatā vetravatyāṃ tu snātvā nirvṛtimāgatāḥ
Those born in the solar line and likewise in the lunar line, having come to the Vetravatī and bathed, attained final peace.
AI translation rendered from the Sanskrit, not a published edition
PdP 6 134.24
दर्शनाद्धरते दुःखं स्पर्शनान्मानसं ह्यघम् । स्नात्वा भुक्त्वा तथा देवि मुक्तिभागी न संशयः
darśanāddharate duḥkhaṃ sparśanānmānasaṃ hyagham | snātvā bhuktvā tathā devi muktibhāgī na saṃśayaḥ
By the sight (of it) it takes away suffering, by the touch (of it) the sin of the mind; and having bathed and eaten (there), O Goddess, one has a share in liberation — there is no doubt.
AI translation rendered from the Sanskrit, not a published edition
PdP 6 134.25
स्नानाज्जपात्तथाहोमादनंतं फलमश्नुते । गत्वा वाराणसीतीर्थं भक्त्या चांद्रायणं चरेत्
snānājjapāttathāhomādanaṃtaṃ phalamaśnute | gatvā vārāṇasītīrthaṃ bhaktyā cāṃdrāyaṇaṃ caret
By bathing, by muttered prayer, and by oblation one obtains endless fruit; having gone to the Vārāṇasī shrine one should perform the cāndrāyaṇa (fast) with devotion.
AI translation rendered from the Sanskrit, not a published edition
PdP 6 134.26
तत्र गत्वा महत्पुण्यं तत्पुण्यं सुरसत्तमे । वेत्रवत्यां विशेषेण पंचत्वं यदि गच्छति
tatra gatvā mahatpuṇyaṃ tatpuṇyaṃ surasattame | vetravatyāṃ viśeṣeṇa paṃcatvaṃ yadi gacchati
Great is the merit of going there, that merit, O best of the gods' (consorts) — especially if one meets death on the Vetravatī.
AI translation rendered from the Sanskrit, not a published edition
PdP 6 134.27
स वै चतुर्भुजो भूत्वा याति विष्णोः परं पदम् । पृथिव्यां यानि तीर्थानि ये देवाः पितरस्तथा
sa vai caturbhujo bhūtvā yāti viṣṇoḥ paraṃ padam | pṛthivyāṃ yāni tīrthāni ye devāḥ pitarastathā
He indeed, becoming four-armed, goes to the highest station of Viṣṇu. Whatever holy places are on the earth, and whichever gods and ancestors (there are) —
AI translation rendered from the Sanskrit, not a published edition
PdP 6 134.28
ते सर्वे च वसंतीह वेत्रवत्यां सुरेश्वरि । किमन्यद्बहुनोक्तेन भूयो भूयो वरानने
te sarve ca vasaṃtīha vetravatyāṃ sureśvari | kimanyadbahunoktena bhūyo bhūyo varānane
all of them dwell here on the Vetravatī, O mistress of the gods. What else (is to be said) by speaking much, again and again, O fair-faced one?
AI translation rendered from the Sanskrit, not a published edition
PdP 6 134.29
वेत्रवत्याः समं तीर्थं पृथिव्यां न सनातनि । अहं विष्णुस्तथा ब्रह्मा देवाश्च परमर्षयः
vetravatyāḥ samaṃ tīrthaṃ pṛthivyāṃ na sanātani | ahaṃ viṣṇustathā brahmā devāśca paramarṣayaḥ
There is no holy place on earth equal to the Vetravatī, O eternal one. I, Viṣṇu, and Brahmā, and the gods and the highest sages —
AI translation rendered from the Sanskrit, not a published edition
PdP 6 134.30
तिष्ठंति देवताः सर्वे वेत्रवत्यां महेश्वरि । एककालं द्विकालं वा त्रिकालं च विशेषतः
tiṣṭhaṃti devatāḥ sarve vetravatyāṃ maheśvari | ekakālaṃ dvikālaṃ vā trikālaṃ ca viśeṣataḥ
all the deities abide on the Vetravatī, O Maheśvarī. (Those who) at one time, or at two times, or especially at the three times (of day) —
AI translation rendered from the Sanskrit, not a published edition
PdP 6 134.31
स्नानं कुर्वंति ये तत्र ते वै मुक्ता न संशयः
snānaṃ kurvaṃti ye tatra te vai muktā na saṃśayaḥ
those who perform bathing there, they indeed are liberated — there is no doubt.
AI translation rendered from the Sanskrit, not a published edition