Padma Purana — Uttara Khanda — Chapter 126
PdP 6 126.1
वसिष्ठ उवाच। अधुना माघमाहात्म्यं प्रवक्ष्यामि नृपोत्तम । पृच्छते कार्तवीर्याय दत्तात्रेयेण भाषितम्
vasiṣṭha uvāca| adhunā māghamāhātmyaṃ pravakṣyāmi nṛpottama | pṛcchate kārtavīryāya dattātreyeṇa bhāṣitam
Vasiṣṭha said: Now, best of kings, I shall proclaim the greatness of Māgha, as it was told by Dattātreya to Kārtavīrya when he asked.
AI translation rendered from the Sanskrit, not a published edition
PdP 6 126.2
दत्तात्रेयं हरिं साक्षाद्वसंतं सह्य पर्वते । पप्रच्छ तं द्विजं गत्वा राजा माहिष्मतीपतिः
dattātreyaṃ hariṃ sākṣādvasaṃtaṃ sahya parvate | papraccha taṃ dvijaṃ gatvā rājā māhiṣmatīpatiḥ
The king, lord of Māhiṣmatī, went and questioned that twice-born Dattātreya, Hari in visible form, dwelling on the Sahya mountain.
AI translation rendered from the Sanskrit, not a published edition
PdP 6 126.3
सहस्रार्जुन उवाच। भगवन्योगिनां श्रेष्ठ सर्वे धर्माः श्रुता मया । माघस्नानफलं ब्रूहि कृपया मम सुव्रत
sahasrārjuna uvāca| bhagavanyogināṃ śreṣṭha sarve dharmāḥ śrutā mayā | māghasnānaphalaṃ brūhi kṛpayā mama suvrata
Sahasrārjuna said: Lord, best of yogins, all the duties have been heard by me; tell me, O you of good vows, out of compassion for me, the fruit of bathing in Māgha.
AI translation rendered from the Sanskrit, not a published edition
PdP 6 126.4
दत्तात्रेय उवाच। श्रूयतां नृपशार्दूल एतत्प्रश्नोत्तरं शुभम् । ब्रह्मणोक्तं पुरा ह्येतन्नारदाय महात्मने
dattātreya uvāca| śrūyatāṃ nṛpaśārdūla etatpraśnottaraṃ śubham | brahmaṇoktaṃ purā hyetannāradāya mahātmane
Dattātreya said: Hear, tiger among kings, this auspicious answer to the question; for this was spoken long ago by Brahmā to the great-souled Nārada.
AI translation rendered from the Sanskrit, not a published edition
PdP 6 126.5
तत्सर्वं कथयिष्यामि माघस्नानफलं महत् । यथादेशं यथातीर्थं यथाविधि यथाक्रियम्
tatsarvaṃ kathayiṣyāmi māghasnānaphalaṃ mahat | yathādeśaṃ yathātīrthaṃ yathāvidhi yathākriyam
All that I shall relate, the great fruit of bathing in Māgha — according to place, according to sacred ford, according to rule, according to procedure.
AI translation rendered from the Sanskrit, not a published edition
PdP 6 126.6
अस्मिन्वै भारते वर्षे कर्मभूमौ विशेषतः । अमाघस्नायिनां नॄणां निष्फलं जन्मकीर्तितम्
asminvai bhārate varṣe karmabhūmau viśeṣataḥ | amāghasnāyināṃ nṝṇāṃ niṣphalaṃ janmakīrtitam
Here in this Bhārata land, and especially in the land of (ritual) action, the birth of men who do not bathe in Māgha is declared to be fruitless.
AI translation rendered from the Sanskrit, not a published edition
PdP 6 126.7
असूर्यं गगनं यद्वदचन्द्रमुडुमंडलम् । तद्वन्नाभाति सत्कर्म माघस्नानं विना नृप
asūryaṃ gaganaṃ yadvadacandramuḍumaṃḍalam | tadvannābhāti satkarma māghasnānaṃ vinā nṛpa
As the sky is without the sun, as the circle of stars is without the moon, so, O king, good works do not shine without the Māgha bath.
AI translation rendered from the Sanskrit, not a published edition
PdP 6 126.8
व्रतैर्दानैस्तपोभिश्च न तथा प्रीयते हरिः । माघमज्जनमात्रेण यथा प्रीणाति केशवः
vratairdānaistapobhiśca na tathā prīyate hariḥ | māghamajjanamātreṇa yathā prīṇāti keśavaḥ
Hari is not so pleased by vows, by gifts, and by austerities as Keśava is gratified by the mere immersion in Māgha.
AI translation rendered from the Sanskrit, not a published edition
PdP 6 126.9
न समं विद्यते किंचित्तेजः सौरेण तेजसा । तद्वत्स्नानेन माघस्य न समाः क्रतुजाः क्रियाः
na samaṃ vidyate kiṃcittejaḥ saureṇa tejasā | tadvatsnānena māghasya na samāḥ kratujāḥ kriyāḥ
There exists no radiance equal to the radiance of the sun; so too the rites born of sacrifices are not equal to the bath of Māgha.
AI translation rendered from the Sanskrit, not a published edition
PdP 6 126.10
प्रीतये वासुदेवस्य सर्वपापापनुत्तये । माघस्नानं प्रकुर्वीत स्वर्गलाभाय मानवः
prītaye vāsudevasya sarvapāpāpanuttaye | māghasnānaṃ prakurvīta svargalābhāya mānavaḥ
For the pleasing of Vāsudeva, for the removal of all sins, for the gaining of heaven, a man should perform the Māgha bath.
AI translation rendered from the Sanskrit, not a published edition
PdP 6 126.11
किं रक्षितेन देहेन सुपुष्टेन बलीयसा । अध्रुवेणाप्यशुचिना माघस्नानं विना भवेत्
kiṃ rakṣitena dehena supuṣṭena balīyasā | adhruveṇāpyaśucinā māghasnānaṃ vinā bhavet
What is (the use) of a body that is guarded, well nourished and strong, yet impermanent and impure, without the Māgha bath?
AI translation rendered from the Sanskrit, not a published edition
PdP 6 126.12
अस्थिस्तंभं स्नायुबद्धं मांसक्षतज लेपनम् । चर्मावनद्धं दुर्गंधं पात्रं मूत्रपुरीषयोः
asthistaṃbhaṃ snāyubaddhaṃ māṃsakṣataja lepanam | carmāvanaddhaṃ durgaṃdhaṃ pātraṃ mūtrapurīṣayoḥ
(This body is) a pillar of bones, bound by sinews, plastered with flesh and blood, wrapped in skin, foul-smelling, a vessel of urine and excrement,
AI translation rendered from the Sanskrit, not a published edition
PdP 6 126.13
जराशोकविपद्व्याप्तं रोगमंदिरमातुरम् । रजस्वलमनित्यं च सर्वदोषसमाश्रयम्
jarāśokavipadvyāptaṃ rogamaṃdiramāturam | rajasvalamanityaṃ ca sarvadoṣasamāśrayam
pervaded by old age, grief and calamity, a house of disease, sickly, subject to (menstrual) impurity, impermanent, the seat of all defects,
AI translation rendered from the Sanskrit, not a published edition
PdP 6 126.14
परोपतापितापार्तं परद्रोहि परं विषम् । लोलुपं पिशुनं क्रूरं कृतघ्नं क्षणिकं तथा
paropatāpitāpārtaṃ paradrohi paraṃ viṣam | lolupaṃ piśunaṃ krūraṃ kṛtaghnaṃ kṣaṇikaṃ tathā
afflicted with the pain inflicted by others, harmful to others, an utter poison, greedy, slanderous, cruel, ungrateful, and momentary,
AI translation rendered from the Sanskrit, not a published edition — the model flagged this verse as uncertain
PdP 6 126.15
दुष्पूरं दुर्धरं दुष्टं दोषत्रयसमन्वितम् । अशुचिस्रावि सच्छिद्रं तापत्रयविमोहितम्
duṣpūraṃ durdharaṃ duṣṭaṃ doṣatrayasamanvitam | aśucisrāvi sacchidraṃ tāpatrayavimohitam
hard to fill, hard to hold, corrupt, possessed of the three humours, oozing impurity, full of holes, bewildered by the three torments,
AI translation rendered from the Sanskrit, not a published edition
PdP 6 126.16
निसर्गतोऽधर्मरतं तृष्णाशत समाकुलम् । कामक्रोध महालोभ नरकद्वार संस्थितम्
nisargato'dharmarataṃ tṛṣṇāśata samākulam | kāmakrodha mahālobha narakadvāra saṃsthitam
by nature devoted to unrighteousness, beset with a hundred cravings, standing at the gate of hell through desire, anger and great greed.
AI translation rendered from the Sanskrit, not a published edition
PdP 6 126.17
क्रिमिविड्भस्मभवति परिणामे शुनां हविः । ईदृक्शरीरं व्यर्थं हि माघस्नानविवर्जितम्
krimiviḍbhasmabhavati pariṇāme śunāṃ haviḥ | īdṛkśarīraṃ vyarthaṃ hi māghasnānavivarjitam
In the end it becomes worms, excrement and ash, an oblation for dogs. Such a body is indeed useless if it is deprived of the Māgha bath.
AI translation rendered from the Sanskrit, not a published edition
PdP 6 126.18
बुद्बुदाइव तोयेषु पूतिका इव जंतुषु । जायंते मरणायैव माघस्नानविवर्जिताः
budbudāiva toyeṣu pūtikā iva jaṃtuṣu | jāyaṃte maraṇāyaiva māghasnānavivarjitāḥ
Like bubbles in the waters, like maggots among creatures, those who lack the Māgha bath are born only in order to die.
AI translation rendered from the Sanskrit, not a published edition
PdP 6 126.19
अवैष्णवो हतो विप्रो हतं श्राद्धमयोगि च । अब्रह्मण्यं हतं क्षेत्रमनाचारं हतं कुलम्
avaiṣṇavo hato vipro hataṃ śrāddhamayogi ca | abrahmaṇyaṃ hataṃ kṣetramanācāraṃ hataṃ kulam
A brahmin who is not a Vaiṣṇava is ruined; a śrāddha (performed) without proper practice is ruined; a land without brahminical observance is ruined; a family without good conduct is ruined.
AI translation rendered from the Sanskrit, not a published edition — the model flagged this verse as uncertain
PdP 6 126.20
सदंभश्च हतो धर्मः क्रोधेनैव हतं तपः । अदृढं च हतं ज्ञानं प्रमादेन हतं श्रुतम्
sadaṃbhaśca hato dharmaḥ krodhenaiva hataṃ tapaḥ | adṛḍhaṃ ca hataṃ jñānaṃ pramādena hataṃ śrutam
Dharma together with hypocrisy is ruined; austerity is ruined by anger; unfirm knowledge is ruined; what is learned is ruined by heedlessness.
AI translation rendered from the Sanskrit, not a published edition
PdP 6 126.21
गुर्वभक्ता हता नारी ब्रह्मचारी तया हतः । अदीप्तेऽग्नौ हतो होमो हता भुंक्तिरसाक्षिका
gurvabhaktā hatā nārī brahmacārī tayā hataḥ | adīpte'gnau hato homo hatā bhuṃktirasākṣikā
A woman not devoted to her elder (husband/teacher) is ruined, and by her the celibate student is ruined; an oblation in a fire that is not kindled is ruined; a meal eaten without a witness is ruined.
AI translation rendered from the Sanskrit, not a published edition — the model flagged this verse as uncertain
PdP 6 126.22
उपजीव्या हता कन्या स्वार्थे पाकक्रिया हता । शूद्रभिक्षो हतो यागः कृपणस्य हतं धनम्
upajīvyā hatā kanyā svārthe pākakriyā hatā | śūdrabhikṣo hato yāgaḥ kṛpaṇasya hataṃ dhanam
A daughter who is used as a means of livelihood is ruined; cooking done for one's own sake is ruined; a sacrifice (made) with alms from a śūdra is ruined; the wealth of a miser is ruined.
AI translation rendered from the Sanskrit, not a published edition — the model flagged this verse as uncertain
PdP 6 126.23
अनभ्यासा हता विद्या हतो राजा विरोधकृत् । जीवनार्थं हतं तीर्थं जीवनार्थं हतं व्रतम्
anabhyāsā hatā vidyā hato rājā virodhakṛt | jīvanārthaṃ hataṃ tīrthaṃ jīvanārthaṃ hataṃ vratam
Learning without repeated practice is ruined; a king who acts in opposition (to dharma) is ruined; a pilgrimage undertaken for a living is ruined; a vow undertaken for a living is ruined.
AI translation rendered from the Sanskrit, not a published edition
PdP 6 126.24
असत्या च हता वाणी तथा पैशुन्यवादिनी । संदिग्धश्च हतो मंत्रो व्यग्रचित्तो हतो जपः
asatyā ca hatā vāṇī tathā paiśunyavādinī | saṃdigdhaśca hato maṃtro vyagracitto hato japaḥ
Speech that is untrue is ruined, and likewise speech that utters slander; a mantra recited with doubt is ruined; muttered prayer with a distracted mind is ruined.
AI translation rendered from the Sanskrit, not a published edition
PdP 6 126.25
हतमश्रोत्रिये दानं हतो लोकश्च नास्तिकः । अश्रद्धया हतं सर्वं कृतं यत्पारलौकिकम्
hatamaśrotriye dānaṃ hato lokaśca nāstikaḥ | aśraddhayā hataṃ sarvaṃ kṛtaṃ yatpāralaukikam
A gift to one who is not learned in the Veda is ruined, and an unbeliever's world is ruined; everything done for the sake of the next world is ruined by lack of faith.
AI translation rendered from the Sanskrit, not a published edition
PdP 6 126.26
इहलोको हतो नॄणां दरिद्राणां यथा नृप । मनुष्याणां तथा जन्म माघस्नानं विना हतम्
ihaloko hato nṝṇāṃ daridrāṇāṃ yathā nṛpa | manuṣyāṇāṃ tathā janma māghasnānaṃ vinā hatam
Just as this world is ruined for men who are poor, O king, so is the birth of men ruined without the Māgha bath.
AI translation rendered from the Sanskrit, not a published edition
PdP 6 126.27
मकरस्थे रवौ यो हि न स्नात्यनुदिते रवौ । कथं पापैः प्रमुच्येत कथं स त्रिदिवं व्रजेत्
makarasthe ravau yo hi na snātyanudite ravau | kathaṃ pāpaiḥ pramucyeta kathaṃ sa tridivaṃ vrajet
For one who, when the sun stands in Capricorn, does not bathe before the sun has risen — how could he be freed from his sins, how could he go to the third heaven?
AI translation rendered from the Sanskrit, not a published edition
PdP 6 126.28
ब्रह्महा हेमहारी च सुरापो गुरुतल्पगः । माघस्नायी विपापः स्यात्तत्संसर्गी च पंचमः
brahmahā hemahārī ca surāpo gurutalpagaḥ | māghasnāyī vipāpaḥ syāttatsaṃsargī ca paṃcamaḥ
A slayer of a brahmin, a stealer of gold, a drinker of liquor, one who violates his teacher's bed, and the fifth who associates with them — the Māgha bather would be free of (such) sin.
AI translation rendered from the Sanskrit, not a published edition
PdP 6 126.29
माघमासे रटंत्यापः किंचिदभ्युदिते रवौ । ब्रह्मघ्नं वा सुरापं वा कंपंतं तं पुनीमहे
māghamāse raṭaṃtyāpaḥ kiṃcidabhyudite ravau | brahmaghnaṃ vā surāpaṃ vā kaṃpaṃtaṃ taṃ punīmahe
In the month of Māgha the waters cry out, when the sun has risen a little: "Whether a brahmin-slayer or a liquor-drinker, we purify him who stands shivering (in us)."
AI translation rendered from the Sanskrit, not a published edition
PdP 6 126.30
उपपापानि सर्वाणि पातकानि महांत्यपि । भस्मीभवंति सर्वाणि माघस्नानोद्यतं नरम्
upapāpāni sarvāṇi pātakāni mahāṃtyapi | bhasmībhavaṃti sarvāṇi māghasnānodyataṃ naram
All the lesser sins and even the great transgressions — all of them turn to ash for the man who is intent upon the Māgha bath.
AI translation rendered from the Sanskrit, not a published edition
PdP 6 126.31
कंपंति सर्वपापानि माघस्नानसमागमे । नाशकालोऽयमस्माकं यदि स्नास्यति वारिणि
kaṃpaṃti sarvapāpāni māghasnānasamāgame | nāśakālo'yamasmākaṃ yadi snāsyati vāriṇi
All sins tremble at the approach of the Māgha bath: "If he bathes in the water, this is the time of our destruction!"
AI translation rendered from the Sanskrit, not a published edition
PdP 6 126.32
एवं क्रोशंति पापानि दृष्ट्वा स्नानोद्यतं नरम् । पावका इव दीप्यंते माघस्नानैर्नरोत्तमाः
evaṃ krośaṃti pāpāni dṛṣṭvā snānodyataṃ naram | pāvakā iva dīpyaṃte māghasnānairnarottamāḥ
Thus the sins cry out when they see a man intent on bathing; the best of men blaze like fires through the Māgha baths.
AI translation rendered from the Sanskrit, not a published edition
PdP 6 126.33
विमुक्ताः सर्वपापेभ्यो मेघेभ्य इव चंद्रमाः । आर्द्रशुष्कं लघुस्थूलं वाङ्मनः कर्मभिः कृतम्
vimuktāḥ sarvapāpebhyo meghebhya iva caṃdramāḥ | ārdraśuṣkaṃ laghusthūlaṃ vāṅmanaḥ karmabhiḥ kṛtam
They are freed from all sins, like moons freed from clouds. Whatever is wet or dry, light or heavy, done by speech, mind and deeds —
AI translation rendered from the Sanskrit, not a published edition
PdP 6 126.34
माघस्नानं दहेत्पापं पावकः समिधो यथा । प्रामादिकं च यत्पापं ज्ञानाज्ञानकृतं च यत्
māghasnānaṃ dahetpāpaṃ pāvakaḥ samidho yathā | prāmādikaṃ ca yatpāpaṃ jñānājñānakṛtaṃ ca yat
the Māgha bath would burn up that sin as fire burns the kindling sticks; and whatever sin is done through carelessness, and whatever is done knowingly or unknowingly —
AI translation rendered from the Sanskrit, not a published edition
PdP 6 126.35
स्नानमात्रेण तन्नश्येन्मकरस्थे दिवाकरे । निष्पापास्त्रिदिवं यांति पापिष्ठा यांति शुद्धताम्
snānamātreṇa tannaśyenmakarasthe divākare | niṣpāpāstridivaṃ yāṃti pāpiṣṭhā yāṃti śuddhatām
that perishes by the mere bath when the sun stands in Capricorn; the sinless go to the third heaven, and the worst sinners attain purity.
AI translation rendered from the Sanskrit, not a published edition
PdP 6 126.36
संदेहो नात्र कर्तव्यो माघस्नाने नराधिप । सर्वेऽधिकारिणो माघे विष्णुभक्तौ यथा नृप
saṃdeho nātra kartavyo māghasnāne narādhipa | sarve'dhikāriṇo māghe viṣṇubhaktau yathā nṛpa
No doubt is to be entertained in this matter of the Māgha bath, O lord of men; all are entitled to (bathing in) Māgha, just as (all are entitled) to devotion to Viṣṇu, O king.
AI translation rendered from the Sanskrit, not a published edition
PdP 6 126.37
सर्वेषां स्वर्गदो माघः सर्वेषां पापनाशनः । एष एव परो मंत्रो ह्येतदेव परं तपः
sarveṣāṃ svargado māghaḥ sarveṣāṃ pāpanāśanaḥ | eṣa eva paro maṃtro hyetadeva paraṃ tapaḥ
Māgha is a giver of heaven to all, a destroyer of the sins of all; this alone is the supreme mantra, and this alone the supreme austerity.
AI translation rendered from the Sanskrit, not a published edition
PdP 6 126.38
प्रायश्चित्तं परं चैतन्माघस्नानमनुत्तमम् । नृणां जन्मांतराभ्यासान्माघस्नाने मतिर्भवेत्
prāyaścittaṃ paraṃ caitanmāghasnānamanuttamam | nṛṇāṃ janmāṃtarābhyāsānmāghasnāne matirbhavet
And this bathing in Māgha, which is unsurpassed, is the highest expiation; through practice in former births men's mind turns to bathing in Māgha.
AI translation rendered from the Sanskrit, not a published edition
PdP 6 126.39
अध्यात्मज्ञानकौशल्यं जन्माभ्यासाद्यथा नृप । संसारकर्दमालेप प्रक्षालन विशारदम्
adhyātmajñānakauśalyaṃ janmābhyāsādyathā nṛpa | saṃsārakardamālepa prakṣālana viśāradam
As skill in the knowledge of the self (comes) from practice in (former) births, O king, (so this bathing is) expert at washing off the smear of the mud of saṃsāra.
AI translation rendered from the Sanskrit, not a published edition — the model flagged this verse as uncertain
PdP 6 126.40
पावनं पावनानां च माघस्नानपरं नृप । स्नांति माघे न ये राजन्सर्वकामफलप्रदे
pāvanaṃ pāvanānāṃ ca māghasnānaparaṃ nṛpa | snāṃti māghe na ye rājansarvakāmaphalaprade
And devotion to bathing in Māgha is the purifier of purifiers, O king; those who do not bathe in Māgha, O king, which bestows the fruit of every desire—
AI translation rendered from the Sanskrit, not a published edition
PdP 6 126.41
कथं ते भुंजते भोगांश्चंद्रसूर्यग्रहोपमान् । शृणु राजन्महाश्चर्यं माघस्नानप्रभावजम्
kathaṃ te bhuṃjate bhogāṃścaṃdrasūryagrahopamān | śṛṇu rājanmahāścaryaṃ māghasnānaprabhāvajam
how do they enjoy pleasures resembling the moon, the sun and the planets? Hear, O king, a great marvel born of the power of bathing in Māgha.
AI translation rendered from the Sanskrit, not a published edition
PdP 6 126.42
कुब्जिका नाम कल्याणी ब्राह्मणी भृगुवंशजा । बालवैधव्यदुःखार्ता तपस्तेपे सुदुस्तरम्
kubjikā nāma kalyāṇī brāhmaṇī bhṛguvaṃśajā | bālavaidhavyaduḥkhārtā tapastepe sudustaram
A blessed brahmin woman named Kubjikā, born in the lineage of Bhṛgu, pained by the sorrow of widowhood in girlhood, performed austerity very hard to carry through.
AI translation rendered from the Sanskrit, not a published edition
PdP 6 126.43
विंध्यपादे महाक्षेत्रे रेवाकपिलसंगमे । तत्र सा व्रतिनी भूत्वा नारायणपरायणा
viṃdhyapāde mahākṣetre revākapilasaṃgame | tatra sā vratinī bhūtvā nārāyaṇaparāyaṇā
At the foot of the Vindhya, in a great holy place, at the confluence of the Revā and the Kapilā—there she, having become a keeper of vows, devoted wholly to Nārāyaṇa,
AI translation rendered from the Sanskrit, not a published edition
PdP 6 126.44
सदाचारवती नित्यं नित्यं संगविवर्जिता । जितेंद्रिया जितक्रोधा सत्यवागल्पभाषिणी
sadācāravatī nityaṃ nityaṃ saṃgavivarjitā | jiteṃdriyā jitakrodhā satyavāgalpabhāṣiṇī
constantly of good conduct, constantly free of company, her senses subdued, her anger subdued, truthful in speech, speaking little,
AI translation rendered from the Sanskrit, not a published edition
PdP 6 126.45
सुशीला दानशीला च देहशोषणशालिनी । पितृदेवद्विजेभ्यश्च दत्वा हुत्त्वा तथानले
suśīlā dānaśīlā ca dehaśoṣaṇaśālinī | pitṛdevadvijebhyaśca datvā huttvā tathānale
of good character and given to giving, given to the wasting of her body, and having given to the ancestors, the gods and the twice-born, and having made offerings into the fire—
AI translation rendered from the Sanskrit, not a published edition
PdP 6 126.46
षष्ठे काले च सा भुङ्क्ते ह्युंच्छवृत्तिः सदा नृप । कृच्छ्रातिकृच्छ्र पाराक तप्तकृच्छ्रादिभिर्व्रतैः
ṣaṣṭhe kāle ca sā bhuṅkte hyuṃcchavṛttiḥ sadā nṛpa | kṛcchrātikṛcchra pārāka taptakṛcchrādibhirvrataiḥ
and she eats at the sixth mealtime, always living by gleaning, O king; with the vows kṛcchra, atikṛcchra, pārāka, taptakṛcchra and the rest
AI translation rendered from the Sanskrit, not a published edition
PdP 6 126.47
पुण्यान्नयति सा मासान्नर्मदायाश्च रोधसि । एवं तया तपस्विन्या वल्कलिन्या सुशीलया
puṇyānnayati sā māsānnarmadāyāśca rodhasi | evaṃ tayā tapasvinyā valkalinyā suśīlayā
she passes the holy months on the bank of the Narmadā. Thus by her, the ascetic woman, clad in bark, of good character,
AI translation rendered from the Sanskrit, not a published edition
PdP 6 126.48
सुमहासत्त्वशालिन्या धृति संतोषयुक्तया । षष्टिर्माघास्तया स्नाता रेवाकपिलसंगमे
sumahāsattvaśālinyā dhṛti saṃtoṣayuktayā | ṣaṣṭirmāghāstayā snātā revākapilasaṃgame
endowed with very great strength of character, possessed of firmness and contentment—by her sixty Māghas were bathed through at the confluence of the Revā and the Kapilā.
AI translation rendered from the Sanskrit, not a published edition
PdP 6 126.49
ततः सा तपसा क्षीणा तस्मिंस्तीर्थे मृता नृप । माघस्नानजपुण्येन तेन सा वैष्णवे पुरे
tataḥ sā tapasā kṣīṇā tasmiṃstīrthe mṛtā nṛpa | māghasnānajapuṇyena tena sā vaiṣṇave pure
Then she, wasted away by austerity, died at that tīrtha, O king; and by that merit produced from bathing in Māgha she, in the city of Viṣṇu,
AI translation rendered from the Sanskrit, not a published edition
PdP 6 126.50
उवास प्रमुदा युक्ता चतुर्युगसहस्रकम् । सुंदोपसुंदनाशाय पश्चात्पद्मभवात्पुनः 6.126.
uvāsa pramudā yuktā caturyugasahasrakam | suṃdopasuṃdanāśāya paścātpadmabhavātpunaḥ 6.126.
dwelt filled with great delight for a thousand sets of four yugas; afterwards, for the destruction of Sunda and Upasunda, again from the lotus-born (Brahmā)
AI translation rendered from the Sanskrit, not a published edition
PdP 6 126.51
तिलोत्तमेति नाम्ना सा ब्रह्मलोकेऽवतारिता । तेन पुण्यस्यशेषेण रूपस्यैकायनं ययौ
tilottameti nāmnā sā brahmaloke'vatāritā | tena puṇyasyaśeṣeṇa rūpasyaikāyanaṃ yayau
she was brought down into Brahmā's world under the name Tilottamā; by that remainder of merit she became the one abode of beauty.
AI translation rendered from the Sanskrit, not a published edition
PdP 6 126.52
अयोनिजाबलारत्नं देवानामपि मोहिनी । लावण्यहृदनी तन्वी साभूदप्सरसां वरा
ayonijābalāratnaṃ devānāmapi mohinī | lāvaṇyahṛdanī tanvī sābhūdapsarasāṃ varā
Not born from a womb, a jewel among women, bewildering even to the gods, stealing hearts by her loveliness, slender—she became the foremost of the apsarases.
AI translation rendered from the Sanskrit, not a published edition
PdP 6 126.53
निपुणस्य विधेः स्रष्टुर्नूनमाश्चर्यकारिणी । तामुत्पाद्य विधाता वै तुष्टोऽनुज्ञां तदा ददौ
nipuṇasya vidheḥ sraṣṭurnūnamāścaryakāriṇī | tāmutpādya vidhātā vai tuṣṭo'nujñāṃ tadā dadau
Surely she was a worker of wonders (produced) by the skilled Brahmā, the creator; having brought her forth, the ordainer, pleased, then gave her his charge:
AI translation rendered from the Sanskrit, not a published edition — the model flagged this verse as uncertain
PdP 6 126.54
एणशावाक्षि गच्छ त्वं दैत्यनाशाय सत्वरम् । ततः सा ब्रह्मणो लोकाद्वीणामादाय भामिनी
eṇaśāvākṣi gaccha tvaṃ daityanāśāya satvaram | tataḥ sā brahmaṇo lokādvīṇāmādāya bhāminī
"O fawn-eyed one, go swiftly for the destruction of the daityas." Then that lovely woman, taking up a vīṇā, from Brahmā's world
AI translation rendered from the Sanskrit, not a published edition
PdP 6 126.55
गता पुष्करमार्गेण यत्र तौ देववैरिणौ । तत्र स्नात्वा तु रेवायाः पवित्रे निर्मले जले
gatā puṣkaramārgeṇa yatra tau devavairiṇau | tatra snātvā tu revāyāḥ pavitre nirmale jale
went by the road of Puṣkara to where those two foes of the gods were; and there, having bathed in the pure, clear water of the Revā,
AI translation rendered from the Sanskrit, not a published edition
PdP 6 126.56
परिधायांबरं रक्तं बंधूककुसुमप्रभम् । रणद्वलयिनीचारु सिंजन्मेखलनूपुरा
paridhāyāṃbaraṃ raktaṃ baṃdhūkakusumaprabham | raṇadvalayinīcāru siṃjanmekhalanūpurā
having put on a red garment with the sheen of the bandhūka flower, lovely with tinkling bracelets, her girdle and anklets jingling,
AI translation rendered from the Sanskrit, not a published edition
PdP 6 126.57
लोलमुक्तावलीकंठी चलत्कुंडलशोभना । माधवी कुसुमापीडा कंकेली विटपे स्थिता
lolamuktāvalīkaṃṭhī calatkuṃḍalaśobhanā | mādhavī kusumāpīḍā kaṃkelī viṭape sthitā
With a swaying string of pearls at her throat, lovely with quivering earrings, wearing a crest-garland of mādhavī blossoms, she stood upon a branch of the kaṅkelī tree.
AI translation rendered from the Sanskrit, not a published edition
PdP 6 126.58
गायंती सुस्वरं सापि पीडयंती तु वल्लकीम् । मूर्च्छयंती स्वरषट्कं सुस्निग्धं कोमलं कलम्
gāyaṃtī susvaraṃ sāpi pīḍayaṃtī tu vallakīm | mūrcchayaṃtī svaraṣaṭkaṃ susnigdhaṃ komalaṃ kalam
And she, singing in sweet tones and pressing (the strings of) the lute, drawing out the six notes, very smooth, soft and sweet.
AI translation rendered from the Sanskrit, not a published edition
PdP 6 126.60
इत्थं तिलोत्तमा बाला तिष्ठंत्यशोककानने । दृष्ट्वा दैत्यभटैरिंदोः कलेव सुखदा हृदि ५९पु। तां दृष्ट्वा विस्मितै राजन्सानंदैः सैनिकैर्भृशम् । त्वरमाणैरदृष्ट्वैव गत्वा सुंदोपसुंदयोः
itthaṃ tilottamā bālā tiṣṭhaṃtyaśokakānane | dṛṣṭvā daityabhaṭairiṃdoḥ kaleva sukhadā hṛdi 59pu| tāṃ dṛṣṭvā vismitai rājansānaṃdaiḥ sainikairbhṛśam | tvaramāṇairadṛṣṭvaiva gatvā suṃdopasuṃdayoḥ
Thus the girl Tilottamā, as she stood in the aśoka grove, was seen by the demons' soldiers, like a digit of the moon giving delight to the heart. Seeing her, O king, the soldiers, amazed and exceedingly full of joy, in haste, without even looking (at anything else), went to Sunda and Upasunda.
AI translation rendered from the Sanskrit, not a published edition — the model flagged this verse as uncertain
PdP 6 126.61
कथिता संभ्रमेणैव वर्णयित्वा पुनः पुनः । हे दैत्यौ न विजानीमो देवी वा दानवी नु किम्
kathitā saṃbhrameṇaiva varṇayitvā punaḥ punaḥ | he daityau na vijānīmo devī vā dānavī nu kim
She was reported with excitement, and described again and again: "O you two daityas, we do not know — is she a goddess, or a dānava woman?"
AI translation rendered from the Sanskrit, not a published edition
PdP 6 126.62
नागांगनाथ वा यक्षी स्त्रीरत्नं सर्वथा तु सा । युवां रत्नभुजौ लोके रत्नभूता हि साबला
nāgāṃganātha vā yakṣī strīratnaṃ sarvathā tu sā | yuvāṃ ratnabhujau loke ratnabhūtā hi sābalā
"Or a nāga's wife, or a yakṣī — in any case she is a jewel among women. You two are jewel-armed in the world, and that girl is a very jewel."
AI translation rendered from the Sanskrit, not a published edition
PdP 6 126.63
वर्तते नाति दूरेऽग्रे अशोके शोकहारिणी । गत्वा तां पश्यतं शीघ्रं मन्मथस्यापि मोहिनीम्
vartate nāti dūre'gre aśoke śokahāriṇī | gatvā tāṃ paśyataṃ śīghraṃ manmathasyāpi mohinīm
"She is not far ahead, in the aśoka (grove), that remover of sorrow. Go quickly and behold her, who bewilders even Manmatha."
AI translation rendered from the Sanskrit, not a published edition
PdP 6 126.64
इति सेनापतीनां तौ श्रुत्वा वाचं मनोहराम् । चषकं सीधुनस्त्यक्त्वा विहाय जलसेचनम्
iti senāpatīnāṃ tau śrutvā vācaṃ manoharām | caṣakaṃ sīdhunastyaktvā vihāya jalasecanam
Hearing thus the alluring words of the army-commanders, the two abandoned the cup of liquor and left off their water-sporting,
AI translation rendered from the Sanskrit, not a published edition
PdP 6 126.65
उत्तमस्त्रीसहस्राणि त्यक्त्वा तस्माज्जलाशयात् । शतभारायसीं क्रूरां कालदंडोपमां गदाम्
uttamastrīsahasrāṇi tyaktvā tasmājjalāśayāt | śatabhārāyasīṃ krūrāṃ kāladaṃḍopamāṃ gadām
and, abandoning the thousands of excellent women, (rising) from that pool, (they took up) a cruel iron mace of a hundred bhāras, like the rod of Death,
AI translation rendered from the Sanskrit, not a published edition
PdP 6 126.66
भिन्नाभिन्नां गृहीत्वा तु जवेनाभिप्लुतं गतौ । यत्र शृंगारसज्जा सा हंतुं चंडीव संस्थिता
bhinnābhinnāṃ gṛhītvā tu javenābhiplutaṃ gatau | yatra śṛṃgārasajjā sā haṃtuṃ caṃḍīva saṃsthitā
and, having grasped (it), notched and unnotched, the two went rushing with speed to where she stood, arrayed for love, like Caṇḍī (bent) on slaying.
AI translation rendered from the Sanskrit, not a published edition — the model flagged this verse as uncertain
PdP 6 126.67
राजन्संधुक्षयंतीव दैत्ययोर्मन्मथानलम् । स्थित्वा तस्याः पुरो जाल्मौ तद्रूपेणविमोहितौ
rājansaṃdhukṣayaṃtīva daityayormanmathānalam | sthitvā tasyāḥ puro jālmau tadrūpeṇavimohitau
O king, as if fanning the fire of love in the two daityas, she (stood); and the two wretches stood before her, wholly bewildered by her beauty,
AI translation rendered from the Sanskrit, not a published edition
PdP 6 126.68
विशेषान्मधुनामत्तावूचतुस्तौपरस्परम् । भ्रातर्विरम भार्येयं ममास्तु वरवर्णिनी
viśeṣānmadhunāmattāvūcatustauparasparam | bhrātarvirama bhāryeyaṃ mamāstu varavarṇinī
and, being especially drunk with wine, the two said to each other: "Brother, desist; let this fair-complexioned woman be my wife."
AI translation rendered from the Sanskrit, not a published edition
PdP 6 126.69
त्वमेवार्य त्यजैतां मे भार्यां तु मदिरेक्षणाम् । इत्याग्रहेण संरब्धौ मातंगाविव सोन्मदौ
tvamevārya tyajaitāṃ me bhāryāṃ tu madirekṣaṇām | ityāgraheṇa saṃrabdhau mātaṃgāviva sonmadau
"No, you, sir, give her up — this wine-eyed one is my wife!" Thus, furious with insistence, like two elephants in rut,
AI translation rendered from the Sanskrit, not a published edition
PdP 6 126.70
अन्योन्यं कालनिर्दिष्टौ गदया जघ्नतुस्तदा । परस्परप्रहारेण गतासू पतितौ भुवि
anyonyaṃ kālanirdiṣṭau gadayā jaghnatustadā | parasparaprahāreṇa gatāsū patitau bhuvi
marked out (for death) by Time, they then struck each other with the mace, and by their mutual blows both fell lifeless on the ground.
AI translation rendered from the Sanskrit, not a published edition
PdP 6 126.71
तौ मृतौ सैनिकैर्दृष्ट्वा कृतः कोलाहलो महान् । कालरात्रिसमा केयं हा किमेतदुपस्थितम्
tau mṛtau sainikairdṛṣṭvā kṛtaḥ kolāhalo mahān | kālarātrisamā keyaṃ hā kimetadupasthitam
When the soldiers saw the two of them dead, a great outcry arose: "Who is this woman, like the Night of Doom? Alas, what has come upon us?"
AI translation rendered from the Sanskrit, not a published edition
PdP 6 126.72
एवं वदत्सु सैन्येषु दैत्यौ सुंदोपसुंदकौ । पातयित्वा गिरेः शृंगे ह्रादिनीव त्तिलोत्तमा
evaṃ vadatsu sainyeṣu daityau suṃdopasuṃdakau | pātayitvā gireḥ śṛṃge hrādinīva ttilottamā
While the troops were speaking thus, Tilottamā, having felled the two daityas Sunda and Upasunda — like a thunderbolt upon a mountain peak —
AI translation rendered from the Sanskrit, not a published edition
PdP 6 126.73
प्रस्थिता गगनं शीघ्रं द्योतयंती दिशो दश । देवकार्यं ततः कृत्वा आगता ब्रह्मणः पुरः
prasthitā gaganaṃ śīghraṃ dyotayaṃtī diśo daśa | devakāryaṃ tataḥ kṛtvā āgatā brahmaṇaḥ puraḥ
set out swiftly for the sky, illuminating the ten directions; then, having accomplished the gods' business, she came before Brahmā.
AI translation rendered from the Sanskrit, not a published edition
PdP 6 126.74
ततस्तुष्टेन देवेन विधिना सानुमोदिता । स्थानं सूर्यरथे दत्तं तव चंद्रानने मया
tatastuṣṭena devena vidhinā sānumoditā | sthānaṃ sūryarathe dattaṃ tava caṃdrānane mayā
Then she was congratulated by the pleased god, the Ordainer: "A place on the sun's chariot has been granted to you by me, O moon-faced one."
AI translation rendered from the Sanskrit, not a published edition
PdP 6 126.75
भुंक्ष्व भोगाननेकांस्त्वं यावत्सूर्योंबरे स्थितः । इत्थं सा ब्राह्मणी राजन्भूत्वा चाप्सरसां वरा
bhuṃkṣva bhogānanekāṃstvaṃ yāvatsūryoṃbare sthitaḥ | itthaṃ sā brāhmaṇī rājanbhūtvā cāpsarasāṃ varā
"Enjoy manifold pleasures for as long as the sun stands in the sky." Thus, O king, that brahmin woman became the foremost of apsarases,
AI translation rendered from the Sanskrit, not a published edition
PdP 6 126.76
भुंक्तेद्यापि रवेर्लोके माघस्नानफलं महत् । तस्मात्प्रयत्नतो राजन्श्रद्दधानैः सदा नरैः
bhuṃktedyāpi raverloke māghasnānaphalaṃ mahat | tasmātprayatnato rājanśraddadhānaiḥ sadā naraiḥ
and even today she enjoys in the sun's world the great fruit of bathing in Māgha. Therefore, O king, with effort, by faithful men always
AI translation rendered from the Sanskrit, not a published edition
PdP 6 126.77
स्नातव्यं मकरादित्ये वांच्छद्भिः परमां गतिम् । नानवाप्तोऽत्र तस्यास्ति पुरुषार्थो हि कश्चन
snātavyaṃ makarāditye vāṃcchadbhiḥ paramāṃ gatim | nānavāpto'tra tasyāsti puruṣārtho hi kaścana
the bath should be taken when the sun is in Makara, by those who desire the highest goal; for there is not any human aim of his that is left unattained here.
AI translation rendered from the Sanskrit, not a published edition
PdP 6 126.78
नाक्षीणं पातकं कंचिन्माघे मज्जति यो नरः । तुलयंति न तेनात्र यज्ञाः सर्वे सदक्षिणाः
nākṣīṇaṃ pātakaṃ kaṃcinmāghe majjati yo naraḥ | tulayaṃti na tenātra yajñāḥ sarve sadakṣiṇāḥ
For the man who bathes in (the month of) Māgha there remains no sin undestroyed; all sacrifices, together with their priestly fees, do not here weigh equal to it.
AI translation rendered from the Sanskrit, not a published edition
PdP 6 126.79
माघस्नानेन राजेंद्र तीर्थे चैव विशेषतः । न चान्यत्स्वर्गदं कर्म न चान्यत्पापनाशनम्
māghasnānena rājeṃdra tīrthe caiva viśeṣataḥ | na cānyatsvargadaṃ karma na cānyatpāpanāśanam
O best of kings, (compared) with bathing in Māgha, and especially at a sacred ford, there is no other act that gives heaven, and no other that destroys sin,
AI translation rendered from the Sanskrit, not a published edition
PdP 6 126.80
न चान्यन्मोक्षदं यस्मान्माघस्नानसमं भुवि
na cānyanmokṣadaṃ yasmānmāghasnānasamaṃ bhuvi
and no other on earth that gives liberation, equal to bathing in Māgha.
AI translation rendered from the Sanskrit, not a published edition