Padma Purana — Uttara Khanda — Chapter 119
PdP 6 119.1
ईश्वर उवाच। माघस्नानस्य माहात्म्यं शृणु भागवतोत्तम । त्वत्समो नास्ति लोकेऽस्मिन्विष्णुभक्तो महामते
īśvara uvāca| māghasnānasya māhātmyaṃ śṛṇu bhāgavatottama | tvatsamo nāsti loke'sminviṣṇubhakto mahāmate
The Lord said: Hear the greatness of bathing in Māgha, O best of the Bhāgavatas; there is no Viṣṇu-devotee in this world equal to you, O greatly wise one.
AI translation rendered from the Sanskrit, not a published edition
PdP 6 119.2
चक्रतीर्थे हरिं दृष्ट्वा मथुरायां च केशवम् । यत्फलं लभते मर्त्यो माघस्नानेन तत्फलम्
cakratīrthe hariṃ dṛṣṭvā mathurāyāṃ ca keśavam | yatphalaṃ labhate martyo māghasnānena tatphalam
The fruit that a mortal obtains by seeing Hari at Cakratīrtha and Keśava at Mathurā — that fruit (he obtains) by bathing in Māgha.
AI translation rendered from the Sanskrit, not a published edition
PdP 6 119.3
जितेंद्रियः शांतमनाः सदाचारेण संयुतः । स्नानं करोति यो माघे संसारी न भवेत्पुनः
jiteṃdriyaḥ śāṃtamanāḥ sadācāreṇa saṃyutaḥ | snānaṃ karoti yo māghe saṃsārī na bhavetpunaḥ
He who, with senses conquered, with a calm mind, endowed with good conduct, performs the bath in Māgha does not become a transmigrator again.
AI translation rendered from the Sanskrit, not a published edition
PdP 6 119.4
श्रीकृष्ण उवाच। शूकरस्य च माहात्म्यं कथयिष्ये तवाग्रतः । यस्य विज्ञानमात्रेण सान्निध्यं मम सर्वदा
śrīkṛṣṇa uvāca| śūkarasya ca māhātmyaṃ kathayiṣye tavāgrataḥ | yasya vijñānamātreṇa sānnidhyaṃ mama sarvadā
Śrī Kṛṣṇa said: And I shall tell before you the greatness of Śūkara, by the mere knowing of which my presence is always (there).
AI translation rendered from the Sanskrit, not a published edition
PdP 6 119.5
सूत उवाच। इत्युक्त्वा भगवान्कृष्णः सत्यायै बहुधा जगौ । तदहं संप्रवक्ष्यामि तच्छृणुध्वं तपोधनाः
sūta uvāca| ityuktvā bhagavānkṛṣṇaḥ satyāyai bahudhā jagau | tadahaṃ saṃpravakṣyāmi tacchṛṇudhvaṃ tapodhanāḥ
Sūta said: Having spoken thus, the Lord Kṛṣṇa recited much to Satyā; that I shall relate fully — hear it, O you rich in austerity.
AI translation rendered from the Sanskrit, not a published edition
PdP 6 119.6
श्रीकृष्ण उवाच। पंचयोजनविस्तीर्णे शूकरे हरिमंदिरे । यस्मिन्वसति यो जीवो गर्दभोऽपि चतुर्भुजः
śrīkṛṣṇa uvāca| paṃcayojanavistīrṇe śūkare harimaṃdire | yasminvasati yo jīvo gardabho'pi caturbhujaḥ
Śrī Kṛṣṇa said: In Śūkara, the temple of Hari, extending five yojanas, whatever living being dwells there — even a donkey — is four-armed.
AI translation rendered from the Sanskrit, not a published edition
PdP 6 119.7
त्रीणि हस्तसहस्राणि त्रीणि हस्तशतानि च । त्रयो हस्ता शूकरस्य परिमाणं विधीयते
trīṇi hastasahasrāṇi trīṇi hastaśatāni ca | trayo hastā śūkarasya parimāṇaṃ vidhīyate
Three thousand cubits and three hundred cubits and three cubits is laid down as the measure of Śūkara.
AI translation rendered from the Sanskrit, not a published edition
PdP 6 119.8
षष्टिवर्षसहस्राणि योऽन्यत्र कुरुते तपः । तत्फलं लभते देवि प्रहरार्द्धेन शूकरे
ṣaṣṭivarṣasahasrāṇi yo'nyatra kurute tapaḥ | tatphalaṃ labhate devi praharārddhena śūkare
The austerity that one performs elsewhere for sixty thousand years — that fruit, O goddess, one obtains in Śūkara in half a prahara.
AI translation rendered from the Sanskrit, not a published edition
PdP 6 119.9
सन्निहत्यां कुरुक्षेत्रे राहुग्रस्ते दिवाकरे । तुलापुरुषदानेन तत्फलं परिकीर्त्तितम्
sannihatyāṃ kurukṣetre rāhugraste divākare | tulāpuruṣadānena tatphalaṃ parikīrttitam
At Sannihatī in Kurukṣetra, when the sun is seized by Rāhu, that same fruit is declared (to come) from the gift of a man's weight (in gold).
AI translation rendered from the Sanskrit, not a published edition
PdP 6 119.10
काश्यां दशगुणं प्रोक्तं वेण्यां शतगुणं भवेत् । सहस्रगुणितं प्रोक्तं गंगासागरसंगमे
kāśyāṃ daśaguṇaṃ proktaṃ veṇyāṃ śataguṇaṃ bhavet | sahasraguṇitaṃ proktaṃ gaṃgāsāgarasaṃgame
At Kāśī it is said to be tenfold, at Veṇī (Prayāga) it would be a hundredfold, and at the confluence of the Ganges and the ocean it is said to be a thousandfold.
AI translation rendered from the Sanskrit, not a published edition
PdP 6 119.11
अनंतं चैव विज्ञेयं शूकरे हरिमंदिरे । अन्यत्र ददते लक्षं संविधानेन कार्तिक
anaṃtaṃ caiva vijñeyaṃ śūkare harimaṃdire | anyatra dadate lakṣaṃ saṃvidhānena kārtika
And at Śūkara, in Hari's temple, it is to be known as endless (in merit); elsewhere they give a hundred thousand by (proper) arrangement, O Kārtika.
AI translation rendered from the Sanskrit, not a published edition — the model flagged this verse as uncertain
PdP 6 119.12
इहैवैकेन दत्तेन शूकरे तत्समं भवेत् । शूकरे च तथा वेण्यां गंगासागरसंगमे
ihaivaikena dattena śūkare tatsamaṃ bhavet | śūkare ca tathā veṇyāṃ gaṃgāsāgarasaṃgame
By a single (gift) given here at Śūkara, it becomes equal to that; and at Śūkara, likewise at the Veṇī, at the confluence of the Ganges and the ocean—
AI translation rendered from the Sanskrit, not a published edition — the model flagged this verse as uncertain
PdP 6 119.13
सकृदेव नरः स्नात्वा ब्रह्महत्यां व्यपोहति । अलर्केण पुरा प्राप्ता सप्तद्वीपा वसुंधरा । शूकरक्षेत्रमाहात्म्यं श्रुत्वा चैव षडानन
sakṛdeva naraḥ snātvā brahmahatyāṃ vyapohati | alarkeṇa purā prāptā saptadvīpā vasuṃdharā | śūkarakṣetramāhātmyaṃ śrutvā caiva ṣaḍānana
—a man, having bathed but once, wipes away (even) the killing of a brahmin. Formerly the earth with its seven continents was obtained by Alarka, just by hearing the glory of the Śūkara field, O six-faced one.
AI translation rendered from the Sanskrit, not a published edition
PdP 6 119.14
मार्गशीर्षस्य द्वादश्यां शुक्लायां व्रज पुत्रक । कार्त्तिकेय उवाच । भगवन्श्रोतुमिच्छामि व्रतानामुत्तमं व्रतम् । विधिं मासोपवासस्य फलं चास्य यथोचितम्
mārgaśīrṣasya dvādaśyāṃ śuklāyāṃ vraja putraka | kārttikeya uvāca | bhagavanśrotumicchāmi vratānāmuttamaṃ vratam | vidhiṃ māsopavāsasya phalaṃ cāsya yathocitam
Go there on the twelfth of the bright fortnight of Mārgaśīrṣa, my son. Kārttikeya said: Lord, I wish to hear of the best of vows among vows, the procedure of the month-long fast and its fruit as is fitting.
AI translation rendered from the Sanskrit, not a published edition
PdP 6 119.15
यथाविधि नरैः कार्या व्रतचर्या यथा भवेत् । आरभ्यते यथापूर्वं समाप्यं हि यथाविधि
yathāvidhi naraiḥ kāryā vratacaryā yathā bhavet | ārabhyate yathāpūrvaṃ samāpyaṃ hi yathāvidhi
How the observance of the vow is to be performed by men according to rule, how it is begun as it was before, and how it is to be completed according to rule;
AI translation rendered from the Sanskrit, not a published edition
PdP 6 119.16
यावत्संख्यं तु कर्त्तव्यं तत्प्रब्रूहि महेश्वर । व्रतमेतत्सुखश्रीदं विस्तरेण ममानघ
yāvatsaṃkhyaṃ tu karttavyaṃ tatprabrūhi maheśvara | vratametatsukhaśrīdaṃ vistareṇa mamānagha
and how many times it is to be done—tell me that, O Maheśvara; (tell) me this vow that gives happiness and prosperity, in detail, O sinless one.
AI translation rendered from the Sanskrit, not a published edition
PdP 6 119.17
श्रीरुद्र उवाच। पावके साधु सर्वं ते यत्पृष्टं प्रब्रुवेऽनघ । भक्त्या मतिमतां श्रेष्ठ शृणुष्व गदतो मम
śrīrudra uvāca| pāvake sādhu sarvaṃ te yatpṛṣṭaṃ prabruve'nagha | bhaktyā matimatāṃ śreṣṭha śṛṇuṣva gadato mama
Rudra said: Good, O Pāvaka; all that you have asked I shall tell you, O sinless one. With devotion, O best of the wise, listen to me as I speak.
AI translation rendered from the Sanskrit, not a published edition
PdP 6 119.18
सुराणां च यथा विष्णुस्तपतां च यथा रविः । मेरुःशिखरिणां यद्वद्वैनतेयश्च पक्षिणाम्
surāṇāṃ ca yathā viṣṇustapatāṃ ca yathā raviḥ | meruḥśikhariṇāṃ yadvadvainateyaśca pakṣiṇām
As Viṣṇu among the gods, as the sun among things that give heat, as Meru among peaks and the son of Vinatā among birds,
AI translation rendered from the Sanskrit, not a published edition
PdP 6 119.19
तीर्थानां तु यथा गंगा प्रजानां तु यथा वणिक् । श्रेष्ठं सर्वव्रतानां तु तद्वन्मासोपवासनम्
tīrthānāṃ tu yathā gaṃgā prajānāṃ tu yathā vaṇik | śreṣṭhaṃ sarvavratānāṃ tu tadvanmāsopavāsanam
and as the Ganges among sacred fords, and as the merchant among people—so the month-long fast is the best of all vows.
AI translation rendered from the Sanskrit, not a published edition
PdP 6 119.20
सर्वव्रतेषु यत्पुण्यं सर्वतीर्थेषु चैव हि । सर्वदानोद्भवं चैव लभेन्मासोपवासकृत्
sarvavrateṣu yatpuṇyaṃ sarvatīrtheṣu caiva hi | sarvadānodbhavaṃ caiva labhenmāsopavāsakṛt
Whatever merit there is in all vows and in all sacred fords, and whatever arises from all gifts, the performer of the month-long fast obtains.
AI translation rendered from the Sanskrit, not a published edition
PdP 6 119.21
अग्निष्टोमादिभिर्यज्ञैर्विविधैर्भूरिदक्षिणैः । न तत्पुण्यमवाप्नोति यन्मासपरिलंघनात्
agniṣṭomādibhiryajñairvividhairbhūridakṣiṇaiḥ | na tatpuṇyamavāpnoti yanmāsaparilaṃghanāt
By sacrifices such as the Agniṣṭoma, of various kinds, with abundant priestly fees, one does not obtain that merit which comes from passing over (i.e. fasting through) a month.
AI translation rendered from the Sanskrit, not a published edition
PdP 6 119.22
तेन जप्तं हुतं दत्तं तपस्तप्तं कृतं स्वधा । यः करोति विधानेन नरो मासमुपोषणम्
tena japtaṃ hutaṃ dattaṃ tapastaptaṃ kṛtaṃ svadhā | yaḥ karoti vidhānena naro māsamupoṣaṇam
By him has muttered prayer been made, oblation offered, gifts given, austerity practised, the svadhā offering performed—the man who according to the prescription carries out the month's fasting.
AI translation rendered from the Sanskrit, not a published edition
PdP 6 119.23
उद्दिश्य वैष्णवं यज्ञं मामभ्यर्च्य जनार्दनम् । गुरोराज्ञां ततो लब्ध्वा कुर्यान्मासोपवासनम्
uddiśya vaiṣṇavaṃ yajñaṃ māmabhyarcya janārdanam | gurorājñāṃ tato labdhvā kuryānmāsopavāsanam
Having designated (it as) a Vaiṣṇava sacrifice, having worshipped me, Janārdana, and then having obtained the teacher's permission, one should perform the month-long fast.
AI translation rendered from the Sanskrit, not a published edition
PdP 6 119.24
वैष्णवानि यथोक्तानि कृत्वा सर्वव्रतानि तु । द्वादश्यादीनि पुण्यानि ततो मासमुपावसेत्
vaiṣṇavāni yathoktāni kṛtvā sarvavratāni tu | dvādaśyādīni puṇyāni tato māsamupāvaset
Having performed all the Vaiṣṇava vows as they have been declared, the meritorious ones beginning with the twelfth-day vows, one should then fast for the month.
AI translation rendered from the Sanskrit, not a published edition
PdP 6 119.25
अतिकृच्छ्रं च पाराकं कृत्वा चांद्रायणं ततः । मासोपवासं कुर्वीत गुरोर्विप्राज्ञया ततः
atikṛcchraṃ ca pārākaṃ kṛtvā cāṃdrāyaṇaṃ tataḥ | māsopavāsaṃ kurvīta gurorviprājñayā tataḥ
Having performed the atikṛcchra and the pārāka penances, and then the cāndrāyaṇa, one should then undertake the month-long fast by the permission of the teacher-brahmin.
AI translation rendered from the Sanskrit, not a published edition
PdP 6 119.26
आश्विनस्यामले पक्षे एकादश्यामुपोषितः । व्रतमेनं तु गृह्णीयाद्यावत्त्रिंशद्दिनानि तु
āśvinasyāmale pakṣe ekādaśyāmupoṣitaḥ | vratamenaṃ tu gṛhṇīyādyāvattriṃśaddināni tu
Having fasted on the eleventh of the bright fortnight of Āśvina, one should take up this vow for a full thirty days.
AI translation rendered from the Sanskrit, not a published edition
PdP 6 119.27
वासुदेवं समभ्यर्च्य कार्तिकं सकलं नरः । मासं चोपवसेद्यस्तु स मुक्तिफलभाग्भवेत्
vāsudevaṃ samabhyarcya kārtikaṃ sakalaṃ naraḥ | māsaṃ copavasedyastu sa muktiphalabhāgbhavet
The man who, having duly worshipped Vāsudeva through the whole of Kārtika, fasts for the month—he becomes a partaker of the fruit of liberation.
AI translation rendered from the Sanskrit, not a published edition
PdP 6 119.28
अच्युतस्यालये भक्त्या त्रिकालं कुमुदैः शुभैः । मालतींदीवर्रैबुध्नैः कमलैश्च सुगंधिभिः
acyutasyālaye bhaktyā trikālaṃ kumudaiḥ śubhaiḥ | mālatīṃdīvarraibudhnaiḥ kamalaiśca sugaṃdhibhiḥ
In Acyuta's temple, with devotion, at the three times (of day), with auspicious white water-lilies, with jasmine, blue lotuses, budhna(-flowers), and fragrant lotuses,
AI translation rendered from the Sanskrit, not a published edition — the model flagged this verse as uncertain
PdP 6 119.29
कुसुमोशीरकर्पूरैर्विलिप्य वरचंदनैः । नैवेद्यापूपदीपाद्यैरर्चयेच्च जनार्दनम्
kusumośīrakarpūrairvilipya varacaṃdanaiḥ | naivedyāpūpadīpādyairarcayecca janārdanam
and having anointed (him) with flowers, uśīra, camphor and fine sandal paste, one should worship Janārdana with food-offerings, cakes, lamps and the rest.
AI translation rendered from the Sanskrit, not a published edition
PdP 6 119.30
मनसा कर्मणा वाचा पूजयेद्गरुडध्वजम् । कुर्वन्नरः स्त्री विधवा बृहद्भक्तिर्जितेंद्रियः
manasā karmaṇā vācā pūjayedgaruḍadhvajam | kurvannaraḥ strī vidhavā bṛhadbhaktirjiteṃdriyaḥ
With mind, with act, with speech one should worship him whose banner is Garuḍa—whether man, woman, or widow—doing so with great devotion and with the senses subdued.
AI translation rendered from the Sanskrit, not a published edition
PdP 6 119.31
नाम्नामेव तथालापं विष्णोः कुर्यादहर्निशम् । भक्त्या विष्णोः स्तुतिर्वाच्या मिथ्यालापविवर्जिता
nāmnāmeva tathālāpaṃ viṣṇoḥ kuryādaharniśam | bhaktyā viṣṇoḥ stutirvācyā mithyālāpavivarjitā
Likewise day and night one should make one's talk consist only of the names of Viṣṇu; praise of Viṣṇu is to be uttered with devotion, free of false speech.
AI translation rendered from the Sanskrit, not a published edition
PdP 6 119.32
सर्वसत्वदयायुक्तः शांतवृत्तिरहिंसकः । सुप्तो बाह्यासनस्थो वा वासुदेवं प्रकीर्तयेत्
sarvasatvadayāyuktaḥ śāṃtavṛttirahiṃsakaḥ | supto bāhyāsanastho vā vāsudevaṃ prakīrtayet
Filled with compassion for all beings, of peaceful conduct, doing no harm, whether asleep or seated on an outside seat, he should proclaim (the name of) Vāsudeva.
AI translation rendered from the Sanskrit, not a published edition
PdP 6 119.33
स्मृत्यालोकनगंधादि स्वादनं परिकीर्त्तनम् । अन्नस्य वर्जयेद्वासं ग्रासानां संप्रमोक्षणम्
smṛtyālokanagaṃdhādi svādanaṃ parikīrttanam | annasya varjayedvāsaṃ grāsānāṃ saṃpramokṣaṇam
Remembering, looking at, smelling and the rest, tasting, and praising aloud — (of these) one should avoid the (mere) smell of food and the spilling of mouthfuls.
AI translation rendered from the Sanskrit, not a published edition — the model flagged this verse as uncertain
PdP 6 119.34
गात्राभ्यंगं शिरोभ्यंगं तांबूलं सविलेपनम् । व्रतस्थो वर्जयेत्सर्वं यच्चान्यच्च निराकृतम्
gātrābhyaṃgaṃ śirobhyaṃgaṃ tāṃbūlaṃ savilepanam | vratastho varjayetsarvaṃ yaccānyacca nirākṛtam
Anointing of the limbs, anointing of the head, betel together with unguent — one who is under the vow should avoid all this, and whatever else has been forbidden.
AI translation rendered from the Sanskrit, not a published edition
PdP 6 119.35
न व्रतस्थः स्पृशेत्किंचिद्विकर्मस्थं न चालयेत् । देवतायतने तिष्ठन्न गृहस्थश्चरेत्ध्रुवम्
na vratasthaḥ spṛśetkiṃcidvikarmasthaṃ na cālayet | devatāyatane tiṣṭhanna gṛhasthaścaretdhruvam
One under the vow should not touch anything, nor should he displace one engaged in a forbidden act; while dwelling in the temple of the deity he should certainly not behave as a householder.
AI translation rendered from the Sanskrit, not a published edition — the model flagged this verse as uncertain
PdP 6 119.36
कृत्वा मासोपवासं तु यथोक्तविधिना नरः । नारी वा विधवा साध्वी वासुदेवं समर्चयेत्
kṛtvā māsopavāsaṃ tu yathoktavidhinā naraḥ | nārī vā vidhavā sādhvī vāsudevaṃ samarcayet
Having performed the month-long fast according to the prescribed rule, a man, or a woman, or a chaste widow, should worship Vāsudeva.
AI translation rendered from the Sanskrit, not a published edition
PdP 6 119.37
अन्यूनाधिकमेवं तु व्रतं त्रिंशद्दिनैरिदम् । कृत्वा मासोपवासं तु संयतात्मा जितेंद्रियः
anyūnādhikamevaṃ tu vrataṃ triṃśaddinairidam | kṛtvā māsopavāsaṃ tu saṃyatātmā jiteṃdriyaḥ
Thus, having performed this vow in thirty days, neither less nor more, and having completed the month-long fast, self-controlled and with senses subdued —
AI translation rendered from the Sanskrit, not a published edition
PdP 6 119.38
ततोऽर्चयेदेव पुण्यं द्वादश्यां गरुडध्वजम् । पूजयेत्पुष्पमालाभिर्गंधधूपविलेपनैः
tato'rcayedeva puṇyaṃ dvādaśyāṃ garuḍadhvajam | pūjayetpuṣpamālābhirgaṃdhadhūpavilepanaiḥ
then indeed he should worship the meritorious (lord) whose banner is Garuḍa on the twelfth day; he should worship (him) with garlands of flowers, with perfumes, incense and unguents.
AI translation rendered from the Sanskrit, not a published edition
PdP 6 119.39
वस्त्रालंकारवाद्यैश्च तोषयेदच्युतं नरः । संस्नापयेद्धरिं भक्त्या तीर्थचंदनवारिभिः
vastrālaṃkāravādyaiśca toṣayedacyutaṃ naraḥ | saṃsnāpayeddhariṃ bhaktyā tīrthacaṃdanavāribhiḥ
And with garments, ornaments and music the man should please Acyuta; with devotion he should bathe Hari with waters from holy fords and with sandal-water.
AI translation rendered from the Sanskrit, not a published edition
PdP 6 119.40
चंदनेनानुलिप्तांगं धूपपुष्पैरलंकृतम् । वस्त्रदानादिभिश्चैव भोजयित्वा द्विजोत्तमान्
caṃdanenānuliptāṃgaṃ dhūpapuṣpairalaṃkṛtam | vastradānādibhiścaiva bhojayitvā dvijottamān
(Hari) with his limbs anointed with sandal, adorned with incense and flowers — and having fed the best of the twice-born with gifts of garments and the like,
AI translation rendered from the Sanskrit, not a published edition
PdP 6 119.41
दद्याच्च दक्षिणां तेभ्यः प्रणिपत्य क्षमापयेत् । एवं मासोपवासाद्धि कृत्वाभ्यर्च्य जनार्दनम्
dadyācca dakṣiṇāṃ tebhyaḥ praṇipatya kṣamāpayet | evaṃ māsopavāsāddhi kṛtvābhyarcya janārdanam
and he should give them a fee, and bowing down should ask their pardon. Thus, by the month-long fast, having worshipped Janārdana,
AI translation rendered from the Sanskrit, not a published edition
PdP 6 119.42
भोजयित्वा द्विजांश्चैव विष्णुलोके महीयते । एवं मासोपवासांते कृत्वा विप्रान्त्रयोदश
bhojayitvā dvijāṃścaiva viṣṇuloke mahīyate | evaṃ māsopavāsāṃte kṛtvā viprāntrayodaśa
and having fed the twice-born, he is honoured in Viṣṇu's world. Thus at the end of the month-long fast, having (invited) thirteen brahmins,
AI translation rendered from the Sanskrit, not a published edition
PdP 6 119.43
निर्यापयेत्ततस्तान्वै विधिना येन तच्छृणु । कारयेद्वैष्णवं यज्ञमेकादश्यामुपोषितः
niryāpayettatastānvai vidhinā yena tacchṛṇu | kārayedvaiṣṇavaṃ yajñamekādaśyāmupoṣitaḥ
he should then send them off by the rule — hear which that is. Fasting on the eleventh, he should have the Vaiṣṇava sacrifice performed.
AI translation rendered from the Sanskrit, not a published edition
PdP 6 119.44
पूजयित्वा तु देवेशमाचार्यानुज्ञया हरिम् । अर्चयित्वा यथाशक्त्या ह्यभिवाद्य गुरुं तथा
pūjayitvā tu deveśamācāryānujñayā harim | arcayitvā yathāśaktyā hyabhivādya guruṃ tathā
Having worshipped Hari, the lord of gods, with the teacher's permission, having honoured (him) according to his ability, and having likewise saluted the guru,
AI translation rendered from the Sanskrit, not a published edition
PdP 6 119.45
ततोनुभोजयेद्विप्रान्नमस्कारपुरःसरम् । विशुद्धकुलचारित्र विष्णुपूजनतत्परान्
tatonubhojayedviprānnamaskārapuraḥsaram | viśuddhakulacāritra viṣṇupūjanatatparān
thereafter he should feed the brahmins, preceded by salutation — (brahmins) of pure family and conduct, devoted to the worship of Viṣṇu.
AI translation rendered from the Sanskrit, not a published edition
PdP 6 119.46
पूजयित्वा तथा सर्वान्भोजयित्वा त्रयोदश । तांबूलवस्त्रयुग्मानि भोजनाच्छादनानि च
pūjayitvā tathā sarvānbhojayitvā trayodaśa | tāṃbūlavastrayugmāni bhojanācchādanāni ca
Having thus honoured and fed all thirteen, (he should give) betel and pairs of garments, and food and coverings,
AI translation rendered from the Sanskrit, not a published edition
PdP 6 119.47
योगपट्टानि सूत्राणि ब्रह्मसूत्राणि चैव हि । दद्याच्चैव द्विजाग्र्येभ्यः पूजयित्वा प्रणम्य च
yogapaṭṭāni sūtrāṇi brahmasūtrāṇi caiva hi | dadyāccaiva dvijāgryebhyaḥ pūjayitvā praṇamya ca
and yoga-bands, threads, and also sacred (brahma) threads — he should give (these) to the foremost of the twice-born, honouring them and bowing down.
AI translation rendered from the Sanskrit, not a published edition
PdP 6 119.48
ततोनुपूजयेच्छक्त्या शय्यां स्तरणसंस्कृताम् । साच्छादनां शुभां श्रेष्ठां सोपधानामलंकृताम्
tatonupūjayecchaktyā śayyāṃ staraṇasaṃskṛtām | sācchādanāṃ śubhāṃ śreṣṭhāṃ sopadhānāmalaṃkṛtām
Then he should according to his means honour a bed made ready with spreads, with a coverlet, auspicious, excellent, with a pillow, adorned.
AI translation rendered from the Sanskrit, not a published edition
PdP 6 119.49
कारयित्वात्मनोमूर्तिं कांचनीं तु स्वशक्तितः । न्यसेत्तस्यां तु शय्यायामर्चयित्वा स्रगादिभिः
kārayitvātmanomūrtiṃ kāṃcanīṃ tu svaśaktitaḥ | nyasettasyāṃ tu śayyāyāmarcayitvā sragādibhiḥ
Having had an image of himself made of gold according to his own means, he should place it on that bed, having worshipped it with garlands and the rest.
AI translation rendered from the Sanskrit, not a published edition
PdP 6 119.50
आसनं पादुकां छत्रं वस्त्रयुग्ममुपानहौ । पवित्राणि च पुष्पाणि शयाय्यामुपकल्पयेत् 6.119.
āsanaṃ pādukāṃ chatraṃ vastrayugmamupānahau | pavitrāṇi ca puṣpāṇi śayāyyāmupakalpayet 6.119.
A seat, sandals, an umbrella, a pair of garments, shoes, and purificatory grass and flowers — he should arrange (these) on the bed.
AI translation rendered from the Sanskrit, not a published edition
PdP 6 119.51
एवं शय्यां तु संकल्प्य प्रणिपत्य च तान्द्विजान् । प्रार्थयेच्चानुमोदार्थं विष्णुलोकं व्रजाम्यहम्
evaṃ śayyāṃ tu saṃkalpya praṇipatya ca tāndvijān | prārthayeccānumodārthaṃ viṣṇulokaṃ vrajāmyaham
Having thus resolved upon (the gift of) the bed and having bowed to those brahmins, he should ask for their assent: "May I go to Viṣṇu's world."
AI translation rendered from the Sanskrit, not a published edition
PdP 6 119.52
ततो व्रजेन्नरश्रेष्ठो विष्णोः स्थानमनामयम् । मंडपस्थां स्तुतान्विप्रानिति वाच्यं मुहुर्मुहुः
tato vrajennaraśreṣṭho viṣṇoḥ sthānamanāmayam | maṃḍapasthāṃ stutānviprāniti vācyaṃ muhurmuhuḥ
Then the best of men should go to Viṣṇu's abode, which is free of affliction. To the brahmins praised (by him) standing in the pavilion this is to be said again and again:
AI translation rendered from the Sanskrit, not a published edition — the model flagged this verse as uncertain
PdP 6 119.53
मंत्रहीनं क्रियाहीनं सर्वहीनं द्विजोत्तमाः । सर्वंसंपूर्णतां यातु भवद्वाक्यप्रसादतः । विधिर्मासोपवासस्य यथावत्परिकीर्तितः
maṃtrahīnaṃ kriyāhīnaṃ sarvahīnaṃ dvijottamāḥ | sarvaṃsaṃpūrṇatāṃ yātu bhavadvākyaprasādataḥ | vidhirmāsopavāsasya yathāvatparikīrtitaḥ
"O best of the twice-born, (this rite of mine), lacking in mantras, lacking in ritual acts, lacking in everything — may it attain complete fullness by the grace of your word." (Thus) the rule of the month-long fast has been proclaimed as it is.
AI translation rendered from the Sanskrit, not a published edition
PdP 6 119.119
मुत्तरखंडे कार्तिकमाहात्म्ये श्रीकृष्णसत्यभामासंवादे मासो।
muttarakhaṃḍe kārtikamāhātmye śrīkṛṣṇasatyabhāmāsaṃvāde māso|
(Thus) in the Uttarakhaṇḍa, in the Kārtika-māhātmya, in the dialogue of Śrī Kṛṣṇa and Satyabhāmā, the (chapter on) the month(-long fast).
AI translation rendered from the Sanskrit, not a published edition — the model flagged this verse as uncertain