Padma Purana — Uttara Khanda — Chapter 118
PdP 6 118.1
सूत उवाच। पुनः प्रोवाच भगवान्महादेवो वृषध्वजः । श्रोतारमुपसंगम्य भक्तियुक्तं षडाननम्
sūta uvāca| punaḥ provāca bhagavānmahādevo vṛṣadhvajaḥ | śrotāramupasaṃgamya bhaktiyuktaṃ ṣaḍānanam
Sūta said: The blessed Mahādeva, whose banner is the bull, spoke again, approaching his listener, the six-faced one, who was full of devotion.
AI translation rendered from the Sanskrit, not a published edition
PdP 6 118.2
ईश्वर उवाच। कार्तिको वैष्णवो मासः सर्वमासेषु चोत्तमः । अस्मिन्मासे त्रयस्त्रिंशद्देवाः संनिहिताः कलौ
īśvara uvāca| kārtiko vaiṣṇavo māsaḥ sarvamāseṣu cottamaḥ | asminmāse trayastriṃśaddevāḥ saṃnihitāḥ kalau
The Lord said: Kārtika is Viṣṇu's month, and the best among all months; in this month, in the Kali age, the thirty-three gods are present.
AI translation rendered from the Sanskrit, not a published edition
PdP 6 118.3
ऊर्जे मासि महाभागौ भोजनानि द्विजातये । तिलधेनुं हिरण्यं च रजतं भूमिवाससी
ūrje māsi mahābhāgau bhojanāni dvijātaye | tiladhenuṃ hiraṇyaṃ ca rajataṃ bhūmivāsasī
In the month of Ūrja (Kārtika), O greatly fortunate ones, (they will give) meals to the twice-born, a cow (made) of sesame, gold, silver, land and clothes,
AI translation rendered from the Sanskrit, not a published edition — the model flagged this verse as uncertain
PdP 6 118.4
गोप्रदानानि दास्यंति सर्वभावेन सुव्रत । सर्वेषामेव दानानां कन्यादानं विशिष्यते
gopradānāni dāsyaṃti sarvabhāvena suvrata | sarveṣāmeva dānānāṃ kanyādānaṃ viśiṣyate
and gifts of cows they will give with their whole heart, O you of good vows. Among all gifts, the gift of a maiden is the most excellent.
AI translation rendered from the Sanskrit, not a published edition
PdP 6 118.5
ब्राह्मणायात्र ये कन्यां दास्यंति विधिवन्नराः । वैकुंठे वसतिस्तेषां यावदिंद्राश्चतुर्दश
brāhmaṇāyātra ye kanyāṃ dāsyaṃti vidhivannarāḥ | vaikuṃṭhe vasatisteṣāṃ yāvadiṃdrāścaturdaśa
Those men who in this (month) give a maiden to a brahmin according to rule — their dwelling is in Vaikuṇṭha for as long as fourteen Indras (endure).
AI translation rendered from the Sanskrit, not a published edition
PdP 6 118.6
रोमकाले तु संप्राप्ते सोमो भुंक्ते तु कन्यकाम् । ऋतुकाले तु गंधर्वा वह्निस्तु कुचदर्शने
romakāle tu saṃprāpte somo bhuṃkte tu kanyakām | ṛtukāle tu gaṃdharvā vahnistu kucadarśane
When the time of (body) hair arrives, Soma enjoys the maiden; at the time of her menses the gandharvas, and Fire when her breasts appear.
AI translation rendered from the Sanskrit, not a published edition
PdP 6 118.7
तावद्विवाहयेत्कन्यां यावन्नर्तुमती भवेत् । विवाहस्त्वष्टवर्षायाः कन्यायाः शस्यते बुधैः
tāvadvivāhayetkanyāṃ yāvannartumatī bhavet | vivāhastvaṣṭavarṣāyāḥ kanyāyāḥ śasyate budhaiḥ
One should marry off a girl before she becomes possessed of menses; the marriage of a girl of eight years is commended by the wise.
AI translation rendered from the Sanskrit, not a published edition
PdP 6 118.8
दातव्या श्रोत्रियायैव ब्राह्मणाय तपस्विने । साक्षादधीतवेदाय विधिना ब्रह्मचारिणे
dātavyā śrotriyāyaiva brāhmaṇāya tapasvine | sākṣādadhītavedāya vidhinā brahmacāriṇe
She is to be given to a brahmin learned in the Veda, an ascetic, one who has himself studied the Veda, a celibate student, according to the rule.
AI translation rendered from the Sanskrit, not a published edition
PdP 6 118.9
कन्यावरप्रमाणाया एष एव विधिः स्मृतः । यावंति चैव रोमाणि कन्यायाश्च तनौ सुत
kanyāvarapramāṇāyā eṣa eva vidhiḥ smṛtaḥ | yāvaṃti caiva romāṇi kanyāyāśca tanau suta
This same rule is declared regarding the standard of the maiden and the bridegroom. And as many as are the hairs on the maiden's body, my son,
AI translation rendered from the Sanskrit, not a published edition — the model flagged this verse as uncertain
PdP 6 118.10
तावद्वर्षसहस्राणि रुद्रलोके महीयते । सहस्रमेव धेनूनां शतं चानुडुहां समम्
tāvadvarṣasahasrāṇi rudraloke mahīyate | sahasrameva dhenūnāṃ śataṃ cānuḍuhāṃ samam
for so many thousands of years is (the giver) honoured in Rudra's world. A thousand milch cows is equal to a hundred bulls.
AI translation rendered from the Sanskrit, not a published edition — the model flagged this verse as uncertain
PdP 6 118.11
दशानुडुत्समं यानं दशयानसमो हयः । हयदानसहस्रेभ्यो गजदानं विशिष्यते
daśānuḍutsamaṃ yānaṃ daśayānasamo hayaḥ | hayadānasahasrebhyo gajadānaṃ viśiṣyate
A vehicle equals ten bulls, a horse equals ten vehicles; and better than a thousand gifts of horses is the gift of an elephant.
AI translation rendered from the Sanskrit, not a published edition
PdP 6 118.12
गजदानसहस्राणां स्वर्णदानं च तत्समम् । स्वर्णभारसहस्राणां विद्यादानं च तत्समम्
gajadānasahasrāṇāṃ svarṇadānaṃ ca tatsamam | svarṇabhārasahasrāṇāṃ vidyādānaṃ ca tatsamam
The gift of gold equals a thousand gifts of elephants; and the gift of knowledge equals a thousand gold-loads.
AI translation rendered from the Sanskrit, not a published edition
PdP 6 118.13
विद्यादानात्कोटिगुणं भूमिदानं विशिष्यते । भूमिदानसहस्रेभ्यो गोप्रदानं विशिष्यते
vidyādānātkoṭiguṇaṃ bhūmidānaṃ viśiṣyate | bhūmidānasahasrebhyo gopradānaṃ viśiṣyate
A million times greater than the gift of knowledge is the gift of land; and better than a thousand gifts of land is the gift of a cow.
AI translation rendered from the Sanskrit, not a published edition
PdP 6 118.14
गोप्रदानसहस्रेभ्यो ह्यन्नदानं विशिष्यते । अन्नाधारमिदं सर्वं जगत्स्थावरजंगमम्
gopradānasahasrebhyo hyannadānaṃ viśiṣyate | annādhāramidaṃ sarvaṃ jagatsthāvarajaṃgamam
Better indeed than a thousand gifts of cows is the gift of food; for this whole world, moving and unmoving, rests on food.
AI translation rendered from the Sanskrit, not a published edition
PdP 6 118.15
तस्माद्देयं प्रयत्नेन कार्तिके शिखिवाहन । त्रीणि तुल्यप्रदानानि त्रीणि तुल्यफलानि च
tasmāddeyaṃ prayatnena kārtike śikhivāhana | trīṇi tulyapradānāni trīṇi tulyaphalāni ca
Therefore (food) should be given with effort in Kārtika, O peacock-rider: three are the gifts of equal (worth) and three the (deeds of) equal fruit.
AI translation rendered from the Sanskrit, not a published edition — the model flagged this verse as uncertain
PdP 6 118.16
कार्तिकेय उवाच। अन्यानपि महादेव धर्मान्मे वक्तुमर्हसि । यान्कृत्वा सर्वपापानि प्रक्षाल्य त्रिदशो भवेत्
kārtikeya uvāca| anyānapi mahādeva dharmānme vaktumarhasi | yānkṛtvā sarvapāpāni prakṣālya tridaśo bhavet
Kārtikeya said: Great God, you should tell me of still other duties, by doing which one may wash away all sins and become a god.
AI translation rendered from the Sanskrit, not a published edition
PdP 6 118.17
सूत उवाच। इतिपृष्टस्तदा शंभुः पुनर्वक्तुं प्रचक्रमे । यावत्किं बहुधा स्तुत्वात्तच्छृणुध्वं तपोधनाः
sūta uvāca| itipṛṣṭastadā śaṃbhuḥ punarvaktuṃ pracakrame | yāvatkiṃ bahudhā stutvāttacchṛṇudhvaṃ tapodhanāḥ
Sūta said: Thus questioned, Śambhu then began to speak again — hear that, O you rich in austerity, (which he said) after praising (it) in many ways.
AI translation rendered from the Sanskrit, not a published edition — the model flagged this verse as uncertain
PdP 6 118.18
ईश्वर उवाच। परान्नं वर्जयेद्यस्तु कार्तिके नियमे कृते । परान्नवर्जनादेव लभेच्चांद्रायणं फलम्
īśvara uvāca| parānnaṃ varjayedyastu kārtike niyame kṛte | parānnavarjanādeva labheccāṃdrāyaṇaṃ phalam
Īśvara said: He who avoids another's food, when the observance has been undertaken in Kārtika, obtains the fruit of the cāndrāyaṇa fast merely by avoiding another's food.
AI translation rendered from the Sanskrit, not a published edition
PdP 6 118.19
तं प्राप्तं कार्तिकं दृष्ट्वा परान्नं यस्तु वर्जयेत् । दिनेदिने तु कृच्छ्रस्य फलंप्राप्नोति मानवः
taṃ prāptaṃ kārtikaṃ dṛṣṭvā parānnaṃ yastu varjayet | dinedine tu kṛcchrasya phalaṃprāpnoti mānavaḥ
He who, seeing that Kārtika has arrived, avoids another's food — that man obtains, day by day, the fruit of the kṛcchra penance.
AI translation rendered from the Sanskrit, not a published edition
PdP 6 118.20
कार्तिके वर्जयेत्तैलं कार्तिके वर्जयेन्मधु । कार्तिके वर्जयेत्कांस्यं संघान्नं च विशेषतः
kārtike varjayettailaṃ kārtike varjayenmadhu | kārtike varjayetkāṃsyaṃ saṃghānnaṃ ca viśeṣataḥ
In Kārtika one should avoid oil, in Kārtika one should avoid honey, in Kārtika one should avoid bell-metal (vessels), and especially food (cooked) for a crowd.
AI translation rendered from the Sanskrit, not a published edition
PdP 6 118.21
राक्षसीं योनिमाप्नोति सकृन्मांसस्य भक्षणात् । षष्टिवर्षसहस्राणि विष्ठायां परिपच्यते
rākṣasīṃ yonimāpnoti sakṛnmāṃsasya bhakṣaṇāt | ṣaṣṭivarṣasahasrāṇi viṣṭhāyāṃ paripacyate
From eating meat even once one attains a rākṣasa birth, and is cooked in excrement for sixty thousand years.
AI translation rendered from the Sanskrit, not a published edition
PdP 6 118.22
तन्मुक्तो जायते पापो विष्ठाशी ग्रामसूकरः । प्रवृत्तानां तु भक्षाणां कार्तिके नियमे कृते
tanmukto jāyate pāpo viṣṭhāśī grāmasūkaraḥ | pravṛttānāṃ tu bhakṣāṇāṃ kārtike niyame kṛte
Freed from that, the sinner is born a village pig, an eater of excrement. But as for foods (otherwise) permitted, when the observance has been undertaken in Kārtika —
AI translation rendered from the Sanskrit, not a published edition — the model flagged this verse as uncertain
PdP 6 118.23
अवश्यं विष्णुरूपत्वं प्राप्यते मोक्षदं पदम् । न कार्तिकसमो मासो न दैवं केशवात्परम्
avaśyaṃ viṣṇurūpatvaṃ prāpyate mokṣadaṃ padam | na kārtikasamo māso na daivaṃ keśavātparam
— the state of having Viṣṇu's form, the station that grants liberation, is certainly attained. There is no month equal to Kārtika, no deity higher than Keśava,
AI translation rendered from the Sanskrit, not a published edition
PdP 6 118.24
न वेदसदृशं शास्त्रं न तीर्थं गंगया समम् । न सत्यं न समं वृत्तं न कृतेन समं युगम्
na vedasadṛśaṃ śāstraṃ na tīrthaṃ gaṃgayā samam | na satyaṃ na samaṃ vṛttaṃ na kṛtena samaṃ yugam
no scripture like the Veda, no sacred ford equal to the Gaṅgā, no (virtue like) truth, no conduct equal (to it), no age equal to the Kṛta,
AI translation rendered from the Sanskrit, not a published edition
PdP 6 118.25
न तृप्ती रसना तुल्या न दानसदृशं सुखम् । न धर्मसदृशं मित्रं न ज्योतिश्चक्षुषा समम्
na tṛptī rasanā tulyā na dānasadṛśaṃ sukham | na dharmasadṛśaṃ mitraṃ na jyotiścakṣuṣā samam
no satisfaction equal to (that of) the tongue, no happiness like giving, no friend like dharma, no light equal to the eye.
AI translation rendered from the Sanskrit, not a published edition — the model flagged this verse as uncertain
PdP 6 118.26
अव्रतेन क्षिपेद्यस्तु मासं दामोदरप्रियम् । कर्मभ्रष्टः स विज्ञेयो हीनयोनिषु जायते
avratena kṣipedyastu māsaṃ dāmodarapriyam | karmabhraṣṭaḥ sa vijñeyo hīnayoniṣu jāyate
He who lets the month dear to Dāmodara pass without observance is to be known as one fallen from (his) duty; he is born among low births.
AI translation rendered from the Sanskrit, not a published edition
PdP 6 118.27
कार्तिकः प्रवरो मासो वैष्णवानां सदा प्रियः । समुद्रगा नदी पुण्या दुर्लभा स्नानशालिनाम्
kārtikaḥ pravaro māso vaiṣṇavānāṃ sadā priyaḥ | samudragā nadī puṇyā durlabhā snānaśālinām
Kārtika is the foremost month, ever dear to the Vaiṣṇavas; a river flowing to the sea is holy, (yet) hard to obtain for those who delight in bathing.
AI translation rendered from the Sanskrit, not a published edition — the model flagged this verse as uncertain
PdP 6 118.28
कुलशीलवतीकन्या दुर्लभा दंपती नृणाम् । दुर्लभा जननी लोके पिता चैव विशेषतः
kulaśīlavatīkanyā durlabhā daṃpatī nṛṇām | durlabhā jananī loke pitā caiva viśeṣataḥ
A maiden of good family and character is hard to get, (as is) a (worthy) married couple among men; a mother is hard to obtain in this world, and a father especially so.
AI translation rendered from the Sanskrit, not a published edition — the model flagged this verse as uncertain
PdP 6 118.29
दुर्लभं साधुसन्मानं दुर्लभो धार्मिकः सुतः । दुर्लभो द्वारिकावासो दुर्लभं कृष्णदर्शनम्
durlabhaṃ sādhusanmānaṃ durlabho dhārmikaḥ sutaḥ | durlabho dvārikāvāso durlabhaṃ kṛṣṇadarśanam
Honour (paid) to the good is hard to come by, a righteous son is hard to come by, dwelling in Dvārakā is hard to come by, the sight of Kṛṣṇa is hard to come by,
AI translation rendered from the Sanskrit, not a published edition
PdP 6 118.30
दुर्लभं गोमतीस्नानं दुर्लभं कार्तिकव्रतम् । ब्राह्मणेभ्यो महीं दत्त्वा ग्रहणे चंद्रसूर्ययोः
durlabhaṃ gomatīsnānaṃ durlabhaṃ kārtikavratam | brāhmaṇebhyo mahīṃ dattvā grahaṇe caṃdrasūryayoḥ
bathing in the Gomatī is hard to come by, the Kārtika observance is hard to come by. Having given land to brahmins at an eclipse of the moon or the sun —
AI translation rendered from the Sanskrit, not a published edition
PdP 6 118.31
यत्फलं लभते वत्स तत्फलं भूमिशायिनः । भोजनं द्विजदंपत्योः पूजयेच्च विलेपनैः
yatphalaṃ labhate vatsa tatphalaṃ bhūmiśāyinaḥ | bhojanaṃ dvijadaṃpatyoḥ pūjayecca vilepanaiḥ
The fruit that (such a giver) obtains, my child, that same fruit (belongs) to one who sleeps on the ground. (One should give) food to a brahmin couple and honour (them) with fragrant unguents.
AI translation rendered from the Sanskrit, not a published edition
PdP 6 118.32
कंबलानि च रत्नानि वासांसि विविधानि च । तूलिकाश्च प्रदातव्याः प्रच्छादनपटैः सह
kaṃbalāni ca ratnāni vāsāṃsi vividhāni ca | tūlikāśca pradātavyāḥ pracchādanapaṭaiḥ saha
Blankets, jewels, and garments of many kinds, and quilts too, are to be given, along with covering-cloths.
AI translation rendered from the Sanskrit, not a published edition
PdP 6 118.33
उपानहा वातपत्रं कार्तिके देहि पावके । यः करोति नरो नित्यं कार्तिके पत्रभोजनम्
upānahā vātapatraṃ kārtike dehi pāvake | yaḥ karoti naro nityaṃ kārtike patrabhojanam
Give sandals and an umbrella in Kārtika, (and offerings) into the fire. The man who regularly eats from leaves in Kārtika —
AI translation rendered from the Sanskrit, not a published edition — the model flagged this verse as uncertain
PdP 6 118.34
न दुर्गतिमवाप्नोति यावदिंद्राश्चतुर्दश । सर्वकामफलं तस्य सर्वतीर्थफलं लभेत्
na durgatimavāpnoti yāvadiṃdrāścaturdaśa | sarvakāmaphalaṃ tasya sarvatīrthaphalaṃ labhet
— he does not come to an evil destiny for as long as fourteen Indras (endure); his is the fruit of all desires, and he would gain the fruit of all sacred fords.
AI translation rendered from the Sanskrit, not a published edition
PdP 6 118.35
न चापि नरकं पश्येद्ब्रह्मपत्रेषु भोजनात् । ब्रह्मा एष स्मृतः साक्षात्पालाशः सर्वकामदः
na cāpi narakaṃ paśyedbrahmapatreṣu bhojanāt | brahmā eṣa smṛtaḥ sākṣātpālāśaḥ sarvakāmadaḥ
Nor would he see hell, because of eating on Brahmā's leaves; for this palāśa is held to be Brahmā himself, granting all desires.
AI translation rendered from the Sanskrit, not a published edition
PdP 6 118.36
मध्यमं वर्जयेत्पत्रं कार्तिके शिखिवाहन । ब्रह्मा विष्णुश्च रुद्रश्च त्रयो देवास्त्रिपत्रके
madhyamaṃ varjayetpatraṃ kārtike śikhivāhana | brahmā viṣṇuśca rudraśca trayo devāstripatrake
One should avoid the middle leaf in Kārtika, O you who ride the peacock; for Brahmā, Viṣṇu and Rudra, the three gods, (dwell) in the three-fold leaf.
AI translation rendered from the Sanskrit, not a published edition
PdP 6 118.37
ऐश्वरं वर्जयेत्पत्रं ब्रह्माविष्णुरनुत्तमः । सर्वपुण्यमवाप्नोति शेषपत्रेषु भोजनात्
aiśvaraṃ varjayetpatraṃ brahmāviṣṇuranuttamaḥ | sarvapuṇyamavāpnoti śeṣapatreṣu bhojanāt
One should avoid the leaf belonging to Īśvara; (those of) Brahmā and Viṣṇu are unsurpassed. One obtains all merit by eating on the remaining leaves.
AI translation rendered from the Sanskrit, not a published edition
PdP 6 118.38
भोजनान्मध्यपत्रे तु कपिलापयसस्तथा । प्राशनान्मुनिशार्दूल नरो नरकमाप्नुयात्
bhojanānmadhyapatre tu kapilāpayasastathā | prāśanānmuniśārdūla naro narakamāpnuyāt
But by eating on the middle leaf, and likewise by drinking the milk of a tawny cow, O tiger among sages, a man would come to hell.
AI translation rendered from the Sanskrit, not a published edition
PdP 6 118.39
अज्ञानाद्भुंजते यस्तु शूद्रो वा कपिलापयः । कपिलां ब्राह्मणे दत्त्वा शुद्धो भवति कार्तिके
ajñānādbhuṃjate yastu śūdro vā kapilāpayaḥ | kapilāṃ brāhmaṇe dattvā śuddho bhavati kārtike
But he who out of ignorance consumes the tawny cow's milk, or a śūdra (who does so), becomes pure in Kārtika by giving a tawny cow to a brahmin.
AI translation rendered from the Sanskrit, not a published edition
PdP 6 118.40
तिलदानं नदीस्नानं सर्वदा साधुदर्शनम् । भोजनं ब्रह्मपत्रेषु कार्तिके मुक्तिदायकम्
tiladānaṃ nadīsnānaṃ sarvadā sādhudarśanam | bhojanaṃ brahmapatreṣu kārtike muktidāyakam
Giving sesame, bathing in a river, always seeing the good, and eating on Brahmā's leaves — (all this) in Kārtika bestows liberation.
AI translation rendered from the Sanskrit, not a published edition
PdP 6 118.41
मौनी पालाशभोजी च जलस्नायी सदा क्षमी । कार्तिके क्षितिशायी च हन्यात्पापं युगार्जितम्
maunī pālāśabhojī ca jalasnāyī sadā kṣamī | kārtike kṣitiśāyī ca hanyātpāpaṃ yugārjitam
Keeping silence, eating from palāśa leaves, bathing in water, always patient, and sleeping on the ground in Kārtika — (such a man) would destroy sin amassed for an age.
AI translation rendered from the Sanskrit, not a published edition
PdP 6 118.42
जागरं कार्तिके मासि यः करोत्यरुणोदये । दामोदराग्रे सेनानीर्गोसहस्रफलं लभेत्
jāgaraṃ kārtike māsi yaḥ karotyaruṇodaye | dāmodarāgre senānīrgosahasraphalaṃ labhet
He who in the month of Kārtika keeps the vigil at dawn before Dāmodara, O commander of the army, would gain the fruit of a thousand cows.
AI translation rendered from the Sanskrit, not a published edition
PdP 6 118.43
पितृपक्षेऽन्नदानेन ज्येष्ठाषाढे च वारिणा । कार्तिके तत्फलं पुंसां परदीपप्रबोधनात्
pitṛpakṣe'nnadānena jyeṣṭhāṣāḍhe ca vāriṇā | kārtike tatphalaṃ puṃsāṃ paradīpaprabodhanāt
That fruit which (comes) from giving food in the ancestors' fortnight and water in Jyeṣṭha and Āṣāḍha, (comes) to men in Kārtika from rekindling another's lamp.
AI translation rendered from the Sanskrit, not a published edition
PdP 6 118.44
बोधनात्परदीपस्य वैष्णवानां च सेवनात् । कार्तिके फलमाप्नोति राजसूयाश्वमेधयोः
bodhanātparadīpasya vaiṣṇavānāṃ ca sevanāt | kārtike phalamāpnoti rājasūyāśvamedhayoḥ
From kindling another's lamp and from serving Vaiṣṇavas, one obtains in Kārtika the fruit of the Rājasūya and the Aśvamedha.
AI translation rendered from the Sanskrit, not a published edition
PdP 6 118.45
नदीस्नानं कथाविष्णोर्वैष्णवानां च दर्शनम् । न भवेत्कार्तिके यस्य हरेत्पुण्यं दशाब्दिकम्
nadīsnānaṃ kathāviṣṇorvaiṣṇavānāṃ ca darśanam | na bhavetkārtike yasya haretpuṇyaṃ daśābdikam
For whom in Kārtika there is no bathing in a river, no story of Viṣṇu, and no sight of Vaiṣṇavas — that carries off ten years' merit.
AI translation rendered from the Sanskrit, not a published edition
PdP 6 118.46
पुष्करं यः स्मरेत्प्राज्ञः कर्मणा मनसा गिरा । कार्तिके मुनिशार्दूल लक्षकोटिगुणं भवेत्
puṣkaraṃ yaḥ smaretprājñaḥ karmaṇā manasā girā | kārtike muniśārdūla lakṣakoṭiguṇaṃ bhavet
The wise man who remembers Puṣkara by deed, by mind, and by speech in Kārtika, O tiger among sages, (for him the merit) becomes a hundred thousand crore times (greater).
AI translation rendered from the Sanskrit, not a published edition
PdP 6 118.47
प्रयागो माघमासे तु पुष्करं कार्तिके तथा । अवंती माधवे मासि हन्यात्पापं युगार्जितम्
prayāgo māghamāse tu puṣkaraṃ kārtike tathā | avaṃtī mādhave māsi hanyātpāpaṃ yugārjitam
Prayāga in the month of Māgha, likewise Puṣkara in Kārtika, and Avantī in the month of Mādhava, would destroy sin amassed for an age.
AI translation rendered from the Sanskrit, not a published edition
PdP 6 118.48
धन्यास्ते मानवा लोके कलिकाले विशेषतः । कुर्वंति स्कंद नित्यं ये सर्वथा हरिसेवनम्
dhanyāste mānavā loke kalikāle viśeṣataḥ | kurvaṃti skaṃda nityaṃ ye sarvathā harisevanam
Blessed are those men in the world, and especially in the Kali age, who constantly, O Skanda, perform in every way the service of Hari.
AI translation rendered from the Sanskrit, not a published edition
PdP 6 118.49
किं दत्तैर्बहुभिः पिंडैर्गयाश्राद्धादिभिर्मुने । तारितास्तेन पितरो नरकाच्च न संशयः
kiṃ dattairbahubhiḥ piṃḍairgayāśrāddhādibhirmune | tāritāstena pitaro narakācca na saṃśayaḥ
What need, O sage, of many piṇḍas given, of the śrāddha at Gayā and the rest? By such a man the ancestors are carried across from hell — there is no doubt.
AI translation rendered from the Sanskrit, not a published edition
PdP 6 118.50
क्षीरादिस्नपनं विष्णोः क्रियते पितृकारणात् । कल्पकोटिं दिवं प्राप्य वसंति त्रिदशैः सह 6.118.
kṣīrādisnapanaṃ viṣṇoḥ kriyate pitṛkāraṇāt | kalpakoṭiṃ divaṃ prāpya vasaṃti tridaśaiḥ saha 6.118.
(When) the bathing of Viṣṇu with milk and the rest is performed for the sake of the ancestors, they reach heaven and dwell with the thirty gods for a crore of kalpas.
AI translation rendered from the Sanskrit, not a published edition
PdP 6 118.51
कार्तिके नार्चितो यैस्तु कृष्णस्तु कमलेक्षणः । जन्मकोटिषु विप्रेंद्र न तेषां कमला गृहे
kārtike nārcito yaistu kṛṣṇastu kamalekṣaṇaḥ | janmakoṭiṣu vipreṃdra na teṣāṃ kamalā gṛhe
Those by whom Kṛṣṇa, the lotus-eyed, was not worshipped in Kārttika — in their house, O chief of brahmins, Kamalā (Lakṣmī does) not (dwell) for ten million births.
AI translation rendered from the Sanskrit, not a published edition
PdP 6 118.52
दष्टा मुष्टा विनष्टास्ते पतिताः कलिकंदरे । यैर्नार्चितो हरिर्भक्त्या कमलैरसितैः सितैः
daṣṭā muṣṭā vinaṣṭāste patitāḥ kalikaṃdare | yairnārcito harirbhaktyā kamalairasitaiḥ sitaiḥ
Bitten, robbed, ruined, fallen into the cavern of the Kali age are they by whom Hari was not worshipped with devotion with lotuses dark and white.
AI translation rendered from the Sanskrit, not a published edition
PdP 6 118.53
पद्मेनैकेन देवेशं योऽर्चयेत्कमलापतिम् । वर्षायुतसहस्रस्य पापस्य कुरुते क्षयम्
padmenaikena deveśaṃ yo'rcayetkamalāpatim | varṣāyutasahasrasya pāpasya kurute kṣayam
He who worships with a single lotus the lord of gods, the husband of Kamalā, brings about the destruction of the sin of ten million years.
AI translation rendered from the Sanskrit, not a published edition
PdP 6 118.54
अपराधसहस्राणि तथा सप्तशतानि च । पद्मेनैकेन देवेशः क्षमेत प्रणतोऽर्चितः
aparādhasahasrāṇi tathā saptaśatāni ca | padmenaikena deveśaḥ kṣameta praṇato'rcitaḥ
A thousand offences, and seven hundred as well, the lord of gods would forgive when he is bowed to and worshipped with a single lotus.
AI translation rendered from the Sanskrit, not a published edition
PdP 6 118.55
तुलसीपत्रलक्षेण कार्तिके योऽर्चयेद्धरिम् । पत्रेपत्रे मुनिश्रेष्ठ मौक्तिकं लभते फलम्
tulasīpatralakṣeṇa kārtike yo'rcayeddharim | patrepatre muniśreṣṭha mauktikaṃ labhate phalam
He who in Kārttika worships Hari with a hundred thousand tulasī leaves obtains, O best of sages, for each and every leaf the fruit of (giving) a pearl.
AI translation rendered from the Sanskrit, not a published edition
PdP 6 118.56
तुलसीगंधमिश्रं तु यत्किंचित्क्रियते सुत । कल्पकोटिसहस्राणि प्रीतो भवति केशवः
tulasīgaṃdhamiśraṃ tu yatkiṃcitkriyate suta | kalpakoṭisahasrāṇi prīto bhavati keśavaḥ
Whatever little is done mixed with the scent of tulasī, my son, by that Keśava is pleased for a thousand times ten million kalpas.
AI translation rendered from the Sanskrit, not a published edition
PdP 6 118.57
मुखे शिरसि देहे तु कृष्णोत्तीर्णां तु यो वहेत् । तुलसीं षण्मुखप्रीत्या न तस्य स्पृशते कलिः
mukhe śirasi dehe tu kṛṣṇottīrṇāṃ tu yo vahet | tulasīṃ ṣaṇmukhaprītyā na tasya spṛśate kaliḥ
He who bears on his mouth, head and body the tulasī that has passed over (been offered to) Kṛṣṇa — the Kali age does not touch him, O Ṣaṇmukha, out of affection (for you).
AI translation rendered from the Sanskrit, not a published edition — the model flagged this verse as uncertain
PdP 6 118.58
कृष्णोत्तीर्णैस्तु निर्माल्यैर्यो गात्रं परिमार्जयेत् । सर्वरोगैस्तथा पापैर्मुक्तो भवति षण्मुख
kṛṣṇottīrṇaistu nirmālyairyo gātraṃ parimārjayet | sarvarogaistathā pāpairmukto bhavati ṣaṇmukha
He who wipes his limbs with the leavings of offerings that have passed over Kṛṣṇa becomes freed from all diseases and likewise from sins, O Ṣaṇmukha.
AI translation rendered from the Sanskrit, not a published edition
PdP 6 118.59
विष्णोरंगारशेषेण यस्यांगं स्पृशते सुत । दुरितानि विनश्यंति व्याधयो यांति संक्षयम्
viṣṇoraṃgāraśeṣeṇa yasyāṃgaṃ spṛśate suta | duritāni vinaśyaṃti vyādhayo yāṃti saṃkṣayam
He whose body is touched by the remnant of Viṣṇu's (sandal-)embers, my son — his evils perish and his ailments come to an end.
AI translation rendered from the Sanskrit, not a published edition — the model flagged this verse as uncertain
PdP 6 118.60
शंखोदकं हरेर्भक्तिर्निर्माल्यं पादयोर्जलम् । चंदनं धूपशेषं तु ब्रह्महत्यापहारकम्
śaṃkhodakaṃ harerbhaktirnirmālyaṃ pādayorjalam | caṃdanaṃ dhūpaśeṣaṃ tu brahmahatyāpahārakam
Conch-water, devotion to Hari, the leavings of the offering, the water of (his) feet, sandal paste and the remnant of the incense — (these) remove the sin of brahmin-slaying.
AI translation rendered from the Sanskrit, not a published edition