Padma Purana — Uttara Khanda — Chapter 116
PdP 6 116.1
ऋषय ऊचुः। अस्पृश्यत्वे कथं जातः सूत बोधितरुस्त्वयम् । स्पृश्यत्वं च कथं प्राप्तस्तथा च शनिवासरे । एतद्विस्तरतः सर्वं वक्तुमर्हति नो भवान्
ṛṣaya ūcuḥ| aspṛśyatve kathaṃ jātaḥ sūta bodhitarustvayam | spṛśyatvaṃ ca kathaṃ prāptastathā ca śanivāsare | etadvistarataḥ sarvaṃ vaktumarhati no bhavān
The sages said: How, O Sūta, did this bodhi tree come to be untouchable? And how did it obtain touchability, and that on Saturday? You ought to tell us all this in detail.
AI translation rendered from the Sanskrit, not a published edition
PdP 6 116.2
सूत उवाच। समुद्रमथनाद्यानि रत्नान्यापुः सुरेश्वराः । श्रियं च कौस्तुभं तेषां विष्णवे प्रददुः सुराः
sūta uvāca| samudramathanādyāni ratnānyāpuḥ sureśvarāḥ | śriyaṃ ca kaustubhaṃ teṣāṃ viṣṇave pradaduḥ surāḥ
Sūta said: The lords of the gods obtained the jewels (arising) from the churning of the ocean and so on; and of these the gods gave Śrī and the Kaustubha to Viṣṇu.
AI translation rendered from the Sanskrit, not a published edition
PdP 6 116.3
यावदंगीचकारासौ लक्ष्मीं भार्यार्थमात्मनः । तावद्विज्ञापयामास लक्ष्मीस्तं चक्रपाणिनम्
yāvadaṃgīcakārāsau lakṣmīṃ bhāryārthamātmanaḥ | tāvadvijñāpayāmāsa lakṣmīstaṃ cakrapāṇinam
As soon as he consented to (take) Lakṣmī as a wife for himself, Lakṣmī made a request to him, the bearer of the discus.
AI translation rendered from the Sanskrit, not a published edition
PdP 6 116.4
लक्ष्मीरुवाच। असंस्कृत्य कथं ज्येष्ठां त्वं कनिष्ठां प्रणीयसे । तस्मान्ममाग्रजामेतामलक्ष्मीं मधुसूदन
lakṣmīruvāca| asaṃskṛtya kathaṃ jyeṣṭhāṃ tvaṃ kaniṣṭhāṃ praṇīyase | tasmānmamāgrajāmetāmalakṣmīṃ madhusūdana
Lakṣmī said: How can you marry the younger sister without having given the elder in marriage? Therefore, O Madhusūdana, this Alakṣmī, my elder sister —
AI translation rendered from the Sanskrit, not a published edition
PdP 6 116.5
विवाह्य नय मां पश्चादेष धर्मः सनातनः
vivāhya naya māṃ paścādeṣa dharmaḥ sanātanaḥ
— having given her in marriage, take me afterwards; this is the eternal law.
AI translation rendered from the Sanskrit, not a published edition
PdP 6 116.6
सूत उवाच। इति तद्वचनं श्रुत्वा स विष्णुर्लोकभावनः । उद्दालकाय मुनये सुदीर्घतपसे तदा
sūta uvāca| iti tadvacanaṃ śrutvā sa viṣṇurlokabhāvanaḥ | uddālakāya munaye sudīrghatapase tadā
Sūta said: Having heard that speech of hers, Viṣṇu, the creator of the worlds, then (gave her) to the sage Uddālaka, of very long austerity —
AI translation rendered from the Sanskrit, not a published edition
PdP 6 116.7
आत्मवाक्यानुरोधेन तामलक्ष्मीं ददौ किल । स्थूलास्यां शुभ्रदशनां राजतीं बिभ्रतीं तनुम्
ātmavākyānurodhena tāmalakṣmīṃ dadau kila | sthūlāsyāṃ śubhradaśanāṃ rājatīṃ bibhratīṃ tanum
— in compliance with his own word he gave that Alakṣmī away: thick-mouthed, with white teeth, bearing a body of silver hue,
AI translation rendered from the Sanskrit, not a published edition
PdP 6 116.8
विततां रक्तनयनां रूक्षपिंगशिरोरुहाम् । समुनिर्विष्णुवाक्यात्तामंगीकृत्य स्वमाश्रमम्
vitatāṃ raktanayanāṃ rūkṣapiṃgaśiroruhām | samunirviṣṇuvākyāttāmaṃgīkṛtya svamāśramam
sprawling, red-eyed, with coarse tawny hair. That sage, accepting her at Viṣṇu's word, (brought her) to his own hermitage,
AI translation rendered from the Sanskrit, not a published edition
PdP 6 116.9
वेदध्वनिसमायुक्तमानयामास धर्मवित् । होमधूमसुगंधाढ्यं विद्याघोषविनादितम्
vedadhvanisamāyuktamānayāmāsa dharmavit | homadhūmasugaṃdhāḍhyaṃ vidyāghoṣavināditam
— that (hermitage) filled with the sound of the Vedas the knower of dharma brought (her) to: rich in the fragrance of the smoke of oblations, resounding with the noise of recitation.
AI translation rendered from the Sanskrit, not a published edition
PdP 6 116.10
आश्रमं तं समालोक्य व्यथिता साब्रवीदिदम् । ज्येष्ठोवाच। न हि वासोऽनुरूपोऽयं वेदध्वनियुतो मम । नात्रागमिष्ये भो ब्रह्मन्नयस्वान्यत्र मा चिरम्
āśramaṃ taṃ samālokya vyathitā sābravīdidam | jyeṣṭhovāca| na hi vāso'nurūpo'yaṃ vedadhvaniyuto mama | nātrāgamiṣye bho brahmannayasvānyatra mā ciram
Seeing that hermitage, she, distressed, said this. The elder sister said: This dwelling, joined with the sound of the Vedas, is not suited to me; I will not come here, O brahmin — take me elsewhere without delay.
AI translation rendered from the Sanskrit, not a published edition
PdP 6 116.11
उद्दालक उवाच। कथं नायासि किंवात्र वर्त्तते संमतं तव । तव योग्या च वसतिः का भवेच्च वदस्व तत्
uddālaka uvāca| kathaṃ nāyāsi kiṃvātra varttate saṃmataṃ tava | tava yogyā ca vasatiḥ kā bhavecca vadasva tat
Uddālaka said: Why will you not come, and what is it here that suits you? And what dwelling would be fit for you? Tell me that.
AI translation rendered from the Sanskrit, not a published edition
PdP 6 116.12
ज्येष्ठोवाच। वेदध्वनिर्भवेद्यस्मिन्नतिथीनां च पूजनम् । यज्ञदानादिकं वापि नैव तत्र वसाम्यहम्
jyeṣṭhovāca| vedadhvanirbhavedyasminnatithīnāṃ ca pūjanam | yajñadānādikaṃ vāpi naiva tatra vasāmyaham
Jyeṣṭhā said: Where there is the sound of the Vedas and the honouring of guests, or sacrifice, giving and the like — there I do not dwell at all.
AI translation rendered from the Sanskrit, not a published edition
PdP 6 116.13
परस्परानुरागेण दांपत्यं यत्र वर्तते । पितृदेवार्चनं यत्र नैव तत्र वसाम्यहम्
parasparānurāgeṇa dāṃpatyaṃ yatra vartate | pitṛdevārcanaṃ yatra naiva tatra vasāmyaham
Where wedded life proceeds with mutual affection, and where there is worship of the ancestors and the gods — there I do not dwell at all.
AI translation rendered from the Sanskrit, not a published edition
PdP 6 116.14
दुरोदररता यत्र परद्रव्यापहारिणः । परदाररताश्चापि तत्र स्थाने रतिर्मम
durodararatā yatra paradravyāpahāriṇaḥ | paradāraratāścāpi tatra sthāne ratirmama
Where there are men addicted to gambling, seizers of others' property, and also men attached to others' wives — in that place is my delight.
AI translation rendered from the Sanskrit, not a published edition
PdP 6 116.15
गोवधो मद्यपानं च यत्र संजायतेनिशम् । ब्रह्महत्यादिपापानि तस्मिन्स्थाने रतिर्मम । वृद्धसज्जनविप्राणां यत्र स्यादपमाननम् । निष्ठुरं भाषणं यत्र तत्र नित्यं वसाम्यहम्
govadho madyapānaṃ ca yatra saṃjāyateniśam | brahmahatyādipāpāni tasminsthāne ratirmama | vṛddhasajjanaviprāṇāṃ yatra syādapamānanam | niṣṭhuraṃ bhāṣaṇaṃ yatra tatra nityaṃ vasāmyaham
Where cow-slaughter and the drinking of liquor occur night (and day), and sins such as the killing of a brahmin — in that place is my delight. Where there is dishonouring of elders, good people and brahmins, and where speech is harsh — there I dwell always.
AI translation rendered from the Sanskrit, not a published edition
PdP 6 116.16
सूत उवाच। इति तद्वचनं श्रुत्वा विषण्णवदनोऽभवत् । उद्दालकमुनिर्विष्णोर्वाक्यं स्मृत्वा न चोचिवान्
sūta uvāca| iti tadvacanaṃ śrutvā viṣaṇṇavadano'bhavat | uddālakamunirviṣṇorvākyaṃ smṛtvā na cocivān
Sūta said: Having heard that speech of hers, the sage Uddālaka became downcast of face, and, remembering Viṣṇu's words, said nothing.
AI translation rendered from the Sanskrit, not a published edition
PdP 6 116.17
सोऽगच्छद्यत्र तत्रास्य पूजामालोक्य साब्रवीत् । नायामीति ततः सोऽपि भ्रमादत्यातुरोऽभवत् । उद्दालकस्ततो वाक्यं तामलक्ष्मीमुवाच ह
so'gacchadyatra tatrāsya pūjāmālokya sābravīt | nāyāmīti tataḥ so'pi bhramādatyāturo'bhavat | uddālakastato vākyaṃ tāmalakṣmīmuvāca ha
Wherever he went, seeing worship (being performed) there, she said, "I will not come"; then he too became extremely distressed from wandering. Then Uddālaka spoke these words to that Alakṣmī.
AI translation rendered from the Sanskrit, not a published edition
PdP 6 116.18
उद्दालक उवाच। अश्वत्थवृक्षमूलेऽस्मिन्नलक्ष्मि स्थीयतां क्षणम् । आवासस्थानमालोक्य यावदायाम्यहं पुनः
uddālaka uvāca| aśvatthavṛkṣamūle'sminnalakṣmi sthīyatāṃ kṣaṇam | āvāsasthānamālokya yāvadāyāmyahaṃ punaḥ
Uddālaka said: Alakṣmī, stay for a moment here at the foot of this aśvattha tree, while I look for a dwelling place and come back again.
AI translation rendered from the Sanskrit, not a published edition
PdP 6 116.19
सूत उवाच। इति तत्र स संस्थाप्य जगामोद्दालकस्तदा । प्रतीक्षंती चिरं तत्र यदा तन्न ददर्श सा
sūta uvāca| iti tatra sa saṃsthāpya jagāmoddālakastadā | pratīkṣaṃtī ciraṃ tatra yadā tanna dadarśa sā
Sūta said: Having thus set her there, Uddālaka then went away; waiting there a long while, when she did not see him,
AI translation rendered from the Sanskrit, not a published edition
PdP 6 116.20
तदा रुरोद करुणं भर्तृत्यागेन दुःखिता । तत्रस्थां रुदतीलक्ष्मीर्वैकुंठभुवनेऽशृणोत्
tadā ruroda karuṇaṃ bhartṛtyāgena duḥkhitā | tatrasthāṃ rudatīlakṣmīrvaikuṃṭhabhuvane'śṛṇot
then she wept piteously, grieved by her husband's abandoning her. Lakṣmī, in the world of Vaikuṇṭha, heard her weeping as she stood there.
AI translation rendered from the Sanskrit, not a published edition
PdP 6 116.21
तदा विज्ञापयामास विष्णुमुद्विग्नमानसा
tadā vijñāpayāmāsa viṣṇumudvignamānasā
Then, with an agitated mind, she made (this) known to Viṣṇu.
AI translation rendered from the Sanskrit, not a published edition
PdP 6 116.22
लक्ष्मीरुवाच। स्वामिन्मद्भगिनी ज्येष्ठा भर्तृत्यागेन दुःखिता । तामाश्वासयितुं याहि कृपालो यद्यहं प्रिया
lakṣmīruvāca| svāminmadbhaginī jyeṣṭhā bhartṛtyāgena duḥkhitā | tāmāśvāsayituṃ yāhi kṛpālo yadyahaṃ priyā
Lakṣmī said: Lord, my elder sister is grieved by her husband's abandoning her. Go to console her, O compassionate one, if I am dear (to you).
AI translation rendered from the Sanskrit, not a published edition
PdP 6 116.23
सूत उवाच। लक्ष्म्या सह ततो विष्णुस्तत्रागच्छत्कृपान्वितः । आश्वासयदलक्ष्मीं तामिदं वचनमब्रवीत्
sūta uvāca| lakṣmyā saha tato viṣṇustatrāgacchatkṛpānvitaḥ | āśvāsayadalakṣmīṃ tāmidaṃ vacanamabravīt
Sūta said: Then Viṣṇu, filled with compassion, came there together with Lakṣmī; he consoled that Alakṣmī and spoke these words.
AI translation rendered from the Sanskrit, not a published edition
PdP 6 116.24
श्रीविष्णुरुवाच। अश्वत्थवृक्षमासाद्य सदाऽलक्ष्मि स्थिरा भव । ममांशसंभवो ह्येष आवासस्ते मया कृतः
śrīviṣṇuruvāca| aśvatthavṛkṣamāsādya sadā'lakṣmi sthirā bhava | mamāṃśasaṃbhavo hyeṣa āvāsaste mayā kṛtaḥ
Śrī Viṣṇu said: Alakṣmī, take up the aśvattha tree and abide there permanently; for this (tree) has arisen from a portion of me — a dwelling has been made for you by me.
AI translation rendered from the Sanskrit, not a published edition
PdP 6 116.25
प्रत्यहं येऽर्चयिष्यंति त्वां ज्येष्ठां गृहधर्मिणः । तेष्वियं श्रीः कनिष्ठा ते भगिनी निश्चलास्तु वै
pratyahaṃ ye'rcayiṣyaṃti tvāṃ jyeṣṭhāṃ gṛhadharmiṇaḥ | teṣviyaṃ śrīḥ kaniṣṭhā te bhaginī niścalāstu vai
Those householders who will worship you, Jyeṣṭhā, every day — among them let this Śrī, your younger sister, be unmoving indeed.
AI translation rendered from the Sanskrit, not a published edition
PdP 6 116.26
सूत उवाच। इत्यूर्जस्य च माहात्म्यं ये शृण्वंति पठंति च । तेषां विष्णुपुरे वासो भवेदाभूतसंप्लवम्
sūta uvāca| ityūrjasya ca māhātmyaṃ ye śṛṇvaṃti paṭhaṃti ca | teṣāṃ viṣṇupure vāso bhavedābhūtasaṃplavam
Sūta said: Thus, those who hear and recite the greatness of (the month of) Ūrja — their dwelling shall be in Viṣṇu's city until the dissolution of beings.
AI translation rendered from the Sanskrit, not a published edition
PdP 6 116.27
रोगापहं पातकनाशकृत्परं सुबुद्धिदं पुत्रधनादिसाधनम् । मुक्तेर्निदानं न हि कार्तिकाद्वै विष्णुप्रियादन्यदिहास्ति भूतले
rogāpahaṃ pātakanāśakṛtparaṃ subuddhidaṃ putradhanādisādhanam | mukternidānaṃ na hi kārtikādvai viṣṇupriyādanyadihāsti bhūtale
Removing disease, supremely destroying sins, giving good understanding, a means to sons, wealth and the rest, the ground of liberation — there is indeed nothing else here on earth than Kārtika, dear to Viṣṇu.
AI translation rendered from the Sanskrit, not a published edition
PdP 6 116.28
विष्णुप्रियं सकलकल्मषनाशनं च सत्पुत्रपौत्रधनधान्यसमृद्धिकारि । ऊर्जव्रतं सनियमं कुरुते मनुष्यः किं तस्य तीर्थपरिशीलनसेवया च
viṣṇupriyaṃ sakalakalmaṣanāśanaṃ ca satputrapautradhanadhānyasamṛddhikāri | ūrjavrataṃ saniyamaṃ kurute manuṣyaḥ kiṃ tasya tīrthapariśīlanasevayā ca
If a man performs, with its observances, the Ūrja vow — dear to Viṣṇu, destroying all impurity, bringing about abundance of good sons, grandsons, wealth and grain — what (need) has he of frequenting and attending upon holy places?
AI translation rendered from the Sanskrit, not a published edition