Padma Purana — Uttara Khanda — Chapter 110
PdP 6 110.1
धर्मदत्त उवाच। जयश्च विजयश्चैव विष्णोर्द्वास्थौ मया श्रुतौ । किंतु ताभ्यां पुरा चीर्णं यस्मात्तद्रूपधारिणौ
dharmadatta uvāca| jayaśca vijayaścaiva viṣṇordvāsthau mayā śrutau | kiṃtu tābhyāṃ purā cīrṇaṃ yasmāttadrūpadhāriṇau
Dharmadatta said: I have heard that Jaya and Vijaya are Viṣṇu's two doorkeepers. But what was formerly performed by those two, by reason of which they bear his form?
AI translation rendered from the Sanskrit, not a published edition
PdP 6 110.2
गणावूचतुः। तृणबिंदोस्तु कन्यायां देवहूत्यां पुरा द्विज । कर्दमस्य तु दृष्ट्यैव पुत्रौ द्वौ संबभूवतुः
gaṇāvūcatuḥ| tṛṇabiṃdostu kanyāyāṃ devahūtyāṃ purā dvija | kardamasya tu dṛṣṭyaiva putrau dvau saṃbabhūvatuḥ
The two attendants said: Formerly, O twice-born one, upon Devahūti, the daughter of Tṛṇabindu, two sons were begotten by Kardama by his mere glance.
AI translation rendered from the Sanskrit, not a published edition
PdP 6 110.3
ज्येष्ठो जयः कनिष्ठोऽभूद्विजयश्चेति नामतः । अन्यस्यामभवत्पश्चात्कपिलो योगधर्मवित्
jyeṣṭho jayaḥ kaniṣṭho'bhūdvijayaśceti nāmataḥ | anyasyāmabhavatpaścātkapilo yogadharmavit
By name, the elder was Jaya and the younger was Vijaya; afterwards, from another (wife), Kapila was born, the knower of the yoga-dharma.
AI translation rendered from the Sanskrit, not a published edition
PdP 6 110.4
जयश्च विजयश्चैव विष्णुभक्तिरतौ सदा । संनियम्येंद्रियग्रामं धर्मशीलौ बभूवतुः
jayaśca vijayaścaiva viṣṇubhaktiratau sadā | saṃniyamyeṃdriyagrāmaṃ dharmaśīlau babhūvatuḥ
Jaya and Vijaya were always devoted to devotion to Viṣṇu; restraining the whole host of the senses, the two became righteous in conduct.
AI translation rendered from the Sanskrit, not a published edition
PdP 6 110.5
नित्यमष्टाक्षरी जाप्यौ विष्णुव्रतकरावुभौ । साक्षात्कारं ददौ विष्णुस्तयोर्नित्यार्चने सदा
nityamaṣṭākṣarī jāpyau viṣṇuvratakarāvubhau | sākṣātkāraṃ dadau viṣṇustayornityārcane sadā
Both were constant murmurers of the eight-syllabled (mantra) and performers of Viṣṇu's vows; Viṣṇu always granted them his direct presence at their daily worship.
AI translation rendered from the Sanskrit, not a published edition
PdP 6 110.6
मरुत्तेन कदाचित्तावाहूतौ यज्ञकर्मणि । जग्मतुर्यज्ञकुशलौ देवर्षिगणसेवितौ
maruttena kadācittāvāhūtau yajñakarmaṇi | jagmaturyajñakuśalau devarṣigaṇasevitau
Once the two were invited by Marutta to a sacrificial rite; skilled in sacrifice and attended by the hosts of gods and sages, they went.
AI translation rendered from the Sanskrit, not a published edition
PdP 6 110.7
जयस्तत्राभवद्ब्रह्मा याजको विजयोऽभवत् । ततो यज्ञविधिं कृत्स्नं परिपूर्णं च चक्रतुः
jayastatrābhavadbrahmā yājako vijayo'bhavat | tato yajñavidhiṃ kṛtsnaṃ paripūrṇaṃ ca cakratuḥ
There Jaya became the Brahman priest and Vijaya became the officiating priest; then the two carried out the whole sacrificial procedure and completed it.
AI translation rendered from the Sanskrit, not a published edition
PdP 6 110.8
मरुतोऽवभृथस्नातस्ताभ्यां वित्तं ददौ बहु । तत्समादाय तौ वित्तं जग्मतुः स्वाश्रमं प्रति
maruto'vabhṛthasnātastābhyāṃ vittaṃ dadau bahu | tatsamādāya tau vittaṃ jagmatuḥ svāśramaṃ prati
Marutta, having taken the concluding (avabhṛtha) bath, gave them much wealth; taking that wealth, the two set out for their own hermitage.
AI translation rendered from the Sanskrit, not a published edition
PdP 6 110.9
यजनाय तदा विष्णोस्तुष्ट्यर्थं तौ तदा मुने । तद्धनं विभजंतो वै पस्पर्द्धाते परस्परम्
yajanāya tadā viṣṇostuṣṭyarthaṃ tau tadā mune | taddhanaṃ vibhajaṃto vai pasparddhāte parasparam
Then, O sage, while dividing that wealth for sacrificing, for the sake of pleasing Viṣṇu, the two quarrelled with each other.
AI translation rendered from the Sanskrit, not a published edition
PdP 6 110.10
जयोऽब्रवीत्समो भागः क्रियतामिति तत्र सः । विजयश्चाब्रवीत्तत्र यल्लब्धं येन तस्य तत्
jayo'bravītsamo bhāgaḥ kriyatāmiti tatra saḥ | vijayaścābravīttatra yallabdhaṃ yena tasya tat
Jaya said there, "Let the share be made equal"; and Vijaya said there, "Whatever was obtained by whom, that is his."
AI translation rendered from the Sanskrit, not a published edition
PdP 6 110.11
ततो जयोऽशपत्क्रोधाद्विजयं क्षुब्धमानसः । गृहीत्वा न ददास्येतत्तस्माद्ग्राहो भवेति तम्
tato jayo'śapatkrodhādvijayaṃ kṣubdhamānasaḥ | gṛhītvā na dadāsyetattasmādgrāho bhaveti tam
Then Jaya, his mind agitated, cursed Vijaya in anger: "Having taken this, you do not give it; therefore become a crocodile."
AI translation rendered from the Sanskrit, not a published edition
PdP 6 110.12
विजयस्तस्य तं शापं श्रुत्वा सोऽप्यशपच्च तम् । मदभ्रांतोशपद्यस्मात्तस्मान्मातंगतां व्रज
vijayastasya taṃ śāpaṃ śrutvā so'pyaśapacca tam | madabhrāṃtośapadyasmāttasmānmātaṃgatāṃ vraja
Vijaya, hearing that curse of his, cursed him in turn: "Since, deluded by pride, you have cursed, therefore go to the condition of an elephant."
AI translation rendered from the Sanskrit, not a published edition
PdP 6 110.13
तौ तथा चख्यतुर्विष्णुं दृष्ट्वा नित्यार्चने विभुम् । शापयोस्तुनिवृत्तिं तौ ययाचाते रमापतिम्
tau tathā cakhyaturviṣṇuṃ dṛṣṭvā nityārcane vibhum | śāpayostunivṛttiṃ tau yayācāte ramāpatim
The two related this to Viṣṇu when they saw the Lord at their daily worship, and they entreated the husband of Ramā for the undoing of the two curses.
AI translation rendered from the Sanskrit, not a published edition
PdP 6 110.14
भक्तावावां कथं देव ग्राहमांतगयोनिगौ । भविष्यावः कृपासिंधो तच्छापो विनिवर्त्यताम्
bhaktāvāvāṃ kathaṃ deva grāhamāṃtagayonigau | bhaviṣyāvaḥ kṛpāsiṃdho tacchāpo vinivartyatām
"We two are devotees, O God—how shall we come to be born in the wombs of a crocodile and an elephant? O ocean of compassion, let that curse be turned back."
AI translation rendered from the Sanskrit, not a published edition
PdP 6 110.15
श्रीभगवानुवाच। मद्भक्तयोर्वचोऽसत्यं न कदाचिद्भविष्यति । मयापि नान्यथा कर्तुं शक्यते तत्कदाचन
śrībhagavānuvāca| madbhaktayorvaco'satyaṃ na kadācidbhaviṣyati | mayāpi nānyathā kartuṃ śakyate tatkadācana
The Blessed Lord said: The word of two devotees of mine shall never become untrue; not even by me can it ever be made otherwise.
AI translation rendered from the Sanskrit, not a published edition
PdP 6 110.16
प्रह्लादवचनात्स्तंभऽप्याविर्भूतो ह्यहं पुरा । तथांबरीषवाक्येन जातो मार्गे स्वयं किल
prahlādavacanātstaṃbha'pyāvirbhūto hyahaṃ purā | tathāṃbarīṣavākyena jāto mārge svayaṃ kila
By Prahlāda's word I formerly appeared even out of a pillar; so too, by Ambarīṣa's word, I was myself born on the road.
AI translation rendered from the Sanskrit, not a published edition — the model flagged this verse as uncertain
PdP 6 110.17
तस्माद्ध्रुवमिमौ शापावनुभूय स्वयंकृतौ । लभेतां मत्पदं नित्यमित्युक्त्वांतर्दधे हरिः
tasmāddhruvamimau śāpāvanubhūya svayaṃkṛtau | labhetāṃ matpadaṃ nityamityuktvāṃtardadhe hariḥ
"Therefore these two shall surely, after undergoing the curses they themselves brought about, attain my eternal state" — having said this, Hari vanished.
AI translation rendered from the Sanskrit, not a published edition
PdP 6 110.18
गणावूचतुः । ततस्तौ ग्राहमातंगा बभूतां गंडकी तटे । जातिस्मरौ च तद्योन्यामपि विष्णुव्रते स्थितौ
gaṇāvūcatuḥ | tatastau grāhamātaṃgā babhūtāṃ gaṃḍakī taṭe | jātismarau ca tadyonyāmapi viṣṇuvrate sthitau
The two attendants said: Then those two became a crocodile and an elephant on the bank of the Gaṇḍakī, and even in that birth they remembered their former lives and remained in the observance of Viṣṇu.
AI translation rendered from the Sanskrit, not a published edition
PdP 6 110.19
कदाचित्स गजः स्नातुं कार्तिके गंडकीं गतः । तावज्जग्राह च ग्राहः संस्मरञ्छापकारणम्
kadācitsa gajaḥ snātuṃ kārtike gaṃḍakīṃ gataḥ | tāvajjagrāha ca grāhaḥ saṃsmarañchāpakāraṇam
Once that elephant went to the Gaṇḍakī in the month of Kārttika to bathe; thereupon the crocodile seized him, recalling the cause of the curse.
AI translation rendered from the Sanskrit, not a published edition
PdP 6 110.20
ग्राहगृहीतोऽसौ नागः संस्मार श्रीपतिं तदा । तावदाविरभूद्विष्णुः शंखचक्रगदाधरः
grāhagṛhīto'sau nāgaḥ saṃsmāra śrīpatiṃ tadā | tāvadāvirabhūdviṣṇuḥ śaṃkhacakragadādharaḥ
That elephant, seized by the crocodile, then remembered the Lord of Śrī; and at once Viṣṇu appeared, bearing conch, discus, and mace.
AI translation rendered from the Sanskrit, not a published edition
PdP 6 110.21
तॄतस्तौ ग्राहमातंगौ चक्रं क्षिप्त्वा समुद्धृतौ । दत्त्वा च निजसारूप्यं वैकुंठमनयद्विभुः
tṝtastau grāhamātaṃgau cakraṃ kṣiptvā samuddhṛtau | dattvā ca nijasārūpyaṃ vaikuṃṭhamanayadvibhuḥ
Then, hurling his discus, he raised up both the crocodile and the elephant, and giving them his own form, the Lord led them to Vaikuṇṭha.
AI translation rendered from the Sanskrit, not a published edition
PdP 6 110.22
तदाप्रभृति तत्स्थानं हरिक्षेत्रमिति श्रुतम् । चक्रसंघर्षणाद्यस्मिन्पाषाणोऽपि हि लांछितः
tadāprabhṛti tatsthānaṃ harikṣetramiti śrutam | cakrasaṃgharṣaṇādyasminpāṣāṇo'pi hi lāṃchitaḥ
From that time on that place has been known as Harikṣetra; there, from the grinding of the discus, even the stone bears the mark (of the discus).
AI translation rendered from the Sanskrit, not a published edition
PdP 6 110.23
ताविमौ विश्रुतौ लोके जयश्च विजयश्च ह । नित्यं विष्णुप्रियौ द्वाःस्थौ पृष्टौ यौ हि त्वया द्विज
tāvimau viśrutau loke jayaśca vijayaśca ha | nityaṃ viṣṇupriyau dvāḥsthau pṛṣṭau yau hi tvayā dvija
These two are famed in the world as Jaya and Vijaya, ever dear to Viṣṇu, standing at his door — the two about whom you asked, O brahmin.
AI translation rendered from the Sanskrit, not a published edition
PdP 6 110.24
अतस्त्वमपि धर्मज्ञ नित्यं विष्णुव्रते स्थितः । त्यक्तमात्सर्यदंभो हि भव स्वसमदर्शनः
atastvamapi dharmajña nityaṃ viṣṇuvrate sthitaḥ | tyaktamātsaryadaṃbho hi bhava svasamadarśanaḥ
Therefore you too, O knower of dharma, remaining always in the observance of Viṣṇu, abandoning envy and hypocrisy, be one who sees (all) as equal to himself.
AI translation rendered from the Sanskrit, not a published edition
PdP 6 110.25
तुलामकरमेषेषु प्रातःस्नायी सदा भव । एकादशीव्रते तिष्ठ तुलसीवनपालकः
tulāmakarameṣeṣu prātaḥsnāyī sadā bhava | ekādaśīvrate tiṣṭha tulasīvanapālakaḥ
In (the sun's passage through) Libra, Capricorn, and Aries, be always one who bathes at dawn; abide in the vow of the eleventh day, and be a tender of the tulasī grove.
AI translation rendered from the Sanskrit, not a published edition
PdP 6 110.26
ब्राह्मणानपि गाश्चापि वैष्णवांश्च सदा भज । मसूराश्चारनालाश्च वृंताकानपि खाद मा
brāhmaṇānapi gāścāpi vaiṣṇavāṃśca sadā bhaja | masūrāścāranālāśca vṛṃtākānapi khāda mā
Honor always brahmins, cows, and Vaiṣṇavas; and do not eat lentils, sour gruel, or eggplants.
AI translation rendered from the Sanskrit, not a published edition
PdP 6 110.27
एवं त्वमपि देहांते तद्विष्णोः परमं पदम् । प्राप्नोषि धर्मदत्त त्वं तद्भक्त्यैव यथा वयम्
evaṃ tvamapi dehāṃte tadviṣṇoḥ paramaṃ padam | prāpnoṣi dharmadatta tvaṃ tadbhaktyaiva yathā vayam
Thus you too, Dharmadatta, at the end of your body will reach that highest state of Viṣṇu, by devotion to him alone, just as we have.
AI translation rendered from the Sanskrit, not a published edition
PdP 6 110.28
तवाजन्मव्रतात्तस्माद्विष्णुसंतुष्टिकारकात् । न यज्ञा न च दानानि न तीर्थान्यधिकानि वै
tavājanmavratāttasmādviṣṇusaṃtuṣṭikārakāt | na yajñā na ca dānāni na tīrthānyadhikāni vai
Therefore, (compared) with your lifelong vow, which brings about Viṣṇu's satisfaction, neither sacrifices nor gifts nor pilgrimage places are superior.
AI translation rendered from the Sanskrit, not a published edition
PdP 6 110.29
धन्योऽसि विप्राग्र्य यतस्त्वयैतद्व्रतं कृतं तुष्टिकरं जगद्गुरोः । यत्पुण्यभागाप्तफलं मुरारेः प्रणीयतेस्माभिरियं सलोकताम्
dhanyo'si viprāgrya yatastvayaitadvrataṃ kṛtaṃ tuṣṭikaraṃ jagadguroḥ | yatpuṇyabhāgāptaphalaṃ murāreḥ praṇīyatesmābhiriyaṃ salokatām
You are blessed, O foremost of brahmins, since this vow, which gives satisfaction to the teacher of the world, has been performed by you; for by the fruit obtained from a share of that merit of (devotion to) Murāri, this woman is being led by us to dwell in his world.
AI translation rendered from the Sanskrit, not a published edition — the model flagged this verse as uncertain
PdP 6 110.30
नारद उवाच। इत्थं तौ धर्मदत्तं तमुपदिश्य विमानगौ । तया कलहया सार्द्धं वैकुंठभवनं गतौ
nārada uvāca| itthaṃ tau dharmadattaṃ tamupadiśya vimānagau | tayā kalahayā sārddhaṃ vaikuṃṭhabhavanaṃ gatau
Nārada said: Having thus instructed that Dharmadatta, the two mounted their celestial car and went to the abode of Vaikuṇṭha together with that Kalahā.
AI translation rendered from the Sanskrit, not a published edition
PdP 6 110.31
धर्मदत्तोप्यसौ जातप्रत्ययस्तद्व्रते स्थितः । देहांते तद्विभोः स्थानं भार्याभ्यामन्वितोऽभ्यगात्
dharmadattopyasau jātapratyayastadvrate sthitaḥ | dehāṃte tadvibhoḥ sthānaṃ bhāryābhyāmanvito'bhyagāt
And that Dharmadatta too, his faith now arisen, abided in that vow, and at the end of his body went, accompanied by his two wives, to the abode of that Lord.
AI translation rendered from the Sanskrit, not a published edition
PdP 6 110.32
इतिहासमिमं पुराभवं शृणुते यश्च पुमान्यथाविधि । हरिसंनिधिकारिणीं मतिं लभतेऽसौ कृपया जगद्गुरोः
itihāsamimaṃ purābhavaṃ śṛṇute yaśca pumānyathāvidhi | harisaṃnidhikāriṇīṃ matiṃ labhate'sau kṛpayā jagadguroḥ
And whatever man listens duly to this ancient tale, he obtains, by the grace of the teacher of the world, a mind that brings him into the presence of Hari.
AI translation rendered from the Sanskrit, not a published edition
PdP 6 110.110
खण्डे कार्तिकमाहात्म्ये श्रीकृष्णसत्यभामासंवादे कलहोपाख्याने गणपूर्वपुण्यवर्णनोनाम दशाधिशततमोऽध्यायः
khaṇḍe kārtikamāhātmye śrīkṛṣṇasatyabhāmāsaṃvāde kalahopākhyāne gaṇapūrvapuṇyavarṇanonāma daśādhiśatatamo'dhyāyaḥ
In the (Uttara) Khaṇḍa, in the Glorification of Kārttika, in the dialogue of Śrī Kṛṣṇa and Satyabhāmā, in the tale of Kalahā, the one hundred and tenth chapter, called "The Description of the Former Merit of the Attendants."
AI translation rendered from the Sanskrit, not a published edition