Padma Purana — Patala Khanda — Chapter 97
PdP 5 97.1
ब्राह्मण उवाच- एतन्मूर्खोऽपि जानाति शुभकर्मकरः पुमान् । न याति नरकं स्वर्गं तथा पापक्रिया रतः
brāhmaṇa uvāca- etanmūrkho'pi jānāti śubhakarmakaraḥ pumān | na yāti narakaṃ svargaṃ tathā pāpakriyā rataḥ
The brahmin said: Even a fool knows this — that a man who performs good deeds does not go to hell, and likewise (that) one addicted to evil acts (does not go) to heaven.
AI translation rendered from the Sanskrit, not a published edition
PdP 5 97.2
क्रतुभिर्विविधैरिष्टैर्व्रत दान जपादिभिः । सत्येनाचारकुशलैः स्वर्गसौख्यमवाप्यते
kratubhirvividhairiṣṭairvrata dāna japādibhiḥ | satyenācārakuśalaiḥ svargasaukhyamavāpyate
By various sacrifices offered, by vows, gifts, recitations and the like, by truthfulness, (and) by those skilled in right conduct, the happiness of heaven is obtained.
AI translation rendered from the Sanskrit, not a published edition
PdP 5 97.3
विद्याचारधनोपेतैर्ऋषिभिर्वेदपारगैः । प्राप्यते पुण्ययोगेन यज्ञैर्नाकस्ततः क्वचित्
vidyācāradhanopetairṛṣibhirvedapāragaiḥ | prāpyate puṇyayogena yajñairnākastataḥ kvacit
By seers endowed with learning, conduct and wealth, who have gone to the far shore of the Vedas, heaven is attained through the conjunction of merit — by sacrifices; other than that, hardly (at all).
AI translation rendered from the Sanskrit, not a published edition — the model flagged this verse as uncertain
PdP 5 97.4
वित्तेन च विना दानं बहुदातुं न शक्यते । विद्यमान धनेनापि कुटुंबासक्तचेतसा
vittena ca vinā dānaṃ bahudātuṃ na śakyate | vidyamāna dhanenāpi kuṭuṃbāsaktacetasā
And without wealth one is not able to give much in charity; nor even when wealth is present, by a man whose mind is attached to his family.
AI translation rendered from the Sanskrit, not a published edition
PdP 5 97.5
अग्निहोत्रादयो धर्मा विशेषेण कलौ युगे । दुष्करा दानधर्मोऽपि दुष्करो भगवन्मतः
agnihotrādayo dharmā viśeṣeṇa kalau yuge | duṣkarā dānadharmo'pi duṣkaro bhagavanmataḥ
The duties beginning with the fire-offering are especially hard to perform in the Kali age; and the duty of giving too is held to be hard, O lord.
AI translation rendered from the Sanskrit, not a published edition
PdP 5 97.6
अल्पायासेन धर्मेण लभ्यते धर्मसंचयः । तन्मे विशेषतो ब्रूहि धर्माधर्मप्रदर्शक
alpāyāsena dharmeṇa labhyate dharmasaṃcayaḥ | tanme viśeṣato brūhi dharmādharmapradarśaka
(If) an accumulation of merit can be gained by a religious act of little exertion, tell me that in particular, O revealer of dharma and non-dharma.
AI translation rendered from the Sanskrit, not a published edition
PdP 5 97.7
तदेकं कथ्यतां धर्मं सर्वधर्मोत्तमोत्तमम् । कृतेनैकेन येनेह सर्वपापक्षयो भवेत्
tadekaṃ kathyatāṃ dharmaṃ sarvadharmottamottamam | kṛtenaikena yeneha sarvapāpakṣayo bhavet
Let that one duty be told, the highest of all the highest duties, by performing which alone the destruction of all sins may here come about;
AI translation rendered from the Sanskrit, not a published edition
PdP 5 97.8
धनं धान्यं यशो धर्ममायुर्येनाभि वर्त्तते । मर्त्यलोकेऽपि सख्यं स्यात्स्वर्गो येनाक्षयो भवेत्
dhanaṃ dhānyaṃ yaśo dharmamāyuryenābhi varttate | martyaloke'pi sakhyaṃ syātsvargo yenākṣayo bhavet
by which wealth, grain, fame, dharma and long life increase, by which even in the world of mortals there would be friendship, and by which heaven would become imperishable;
AI translation rendered from the Sanskrit, not a published edition
PdP 5 97.9
साक्षान्नारायणो येन भक्तानामभयप्रदः । तुष्येदस्यप्रसादेन कामः करतले स्थितः
sākṣānnārāyaṇo yena bhaktānāmabhayapradaḥ | tuṣyedasyaprasādena kāmaḥ karatale sthitaḥ
by which Nārāyaṇa himself, the giver of fearlessness to his devotees, would be pleased — by his grace (every) desire lies in the palm of one's hand.
AI translation rendered from the Sanskrit, not a published edition
PdP 5 97.10
सर्वयज्ञ तपोदानतीर्थसेवाधिकं फलम् । लभ्यते येन यद्यस्ति वैवस्वत तदादिश
sarvayajña tapodānatīrthasevādhikaṃ phalam | labhyate yena yadyasti vaivasvata tadādiśa
If there is anything by which a fruit greater than all sacrifices, austerities, gifts and visits to holy places is obtained, then declare it, O son of Vivasvat.
AI translation rendered from the Sanskrit, not a published edition
PdP 5 97.11
अनुग्राह्यो ह्यहं देव यदि धर्मोपदेशतः । सर्वधर्मक्रियासारं तदेकं कृपया वद
anugrāhyo hyahaṃ deva yadi dharmopadeśataḥ | sarvadharmakriyāsāraṃ tadekaṃ kṛpayā vada
If indeed I am one to be favoured, O god, by the teaching of dharma, then out of compassion tell that one thing which is the essence of all religious acts.
AI translation rendered from the Sanskrit, not a published edition
PdP 5 97.12
पापानामनुरूपाणि प्रायश्चित्तानि यद्यथा । तथा तथैव संस्मृत्य कथितानि मनीषिभिः
pāpānāmanurūpāṇi prāyaścittāni yadyathā | tathā tathaiva saṃsmṛtya kathitāni manīṣibhiḥ
The expiations that correspond to each of the sins, in whatever manner they are, have been recounted just so, one by one, by the wise, calling them to mind.
AI translation rendered from the Sanskrit, not a published edition
PdP 5 97.13
कर्तुं तानि न शक्यंते देव प्रत्येकशो नरैः । सर्वपापहरं पुण्यमेकं चेदस्ति तद्वद
kartuṃ tāni na śakyaṃte deva pratyekaśo naraiḥ | sarvapāpaharaṃ puṇyamekaṃ cedasti tadvada
Those cannot be performed by men each separately, O god; if there is one meritorious act that removes all sins, tell that.
AI translation rendered from the Sanskrit, not a published edition
PdP 5 97.14
सूत उवाच-। इत्युक्त्वा ब्राह्मणश्रेष्ठो यमं धर्मस्वरूपिणम् । तुष्टाव प्रयतो भूत्वा सूक्ष्मधर्माभिकामुकः
sūta uvāca-| ityuktvā brāhmaṇaśreṣṭho yamaṃ dharmasvarūpiṇam | tuṣṭāva prayato bhūtvā sūkṣmadharmābhikāmukaḥ
Sūta said: Having spoken thus, the best of brahmins, become self-restrained and eager for the subtle dharma, praised Yama, who is dharma embodied.
AI translation rendered from the Sanskrit, not a published edition
PdP 5 97.15
ब्राह्मण उवाच- नमस्ते सर्वशमन नमस्ते जगतांपते । नमोऽस्तु देवरूपाय स्वर्गमार्गप्रदायिने
brāhmaṇa uvāca- namaste sarvaśamana namaste jagatāṃpate | namo'stu devarūpāya svargamārgapradāyine
The brahmin said: Homage to you, subduer of all; homage to you, lord of the worlds; homage be to him whose form is divine, who bestows the path to heaven.
AI translation rendered from the Sanskrit, not a published edition
PdP 5 97.16
धर्मशास्त्रस्वरूपाय धर्मराज नमोस्तुते । त्वया भूः पाल्यते देवाप्यंतरिक्षं च द्यौर्महः
dharmaśāstrasvarūpāya dharmarāja namostute | tvayā bhūḥ pālyate devāpyaṃtarikṣaṃ ca dyaurmahaḥ
To him whose very form is the treatise on dharma, to you, King of Dharma, be homage. By you the earth is protected, O god, and the middle region, and heaven, and Mahas.
AI translation rendered from the Sanskrit, not a published edition
PdP 5 97.17
जनस्तपस्तथासत्यं सर्वस्वं पाल्यते त्वया । न त्वया रहितं किंचिज्जगत्स्थावर जंगमम्
janastapastathāsatyaṃ sarvasvaṃ pālyate tvayā | na tvayā rahitaṃ kiṃcijjagatsthāvara jaṃgamam
Janas, Tapas and likewise Satya — everything is protected by you. There is nothing in the world, moving or unmoving, that is devoid of you;
AI translation rendered from the Sanskrit, not a published edition
PdP 5 97.18
विद्यते त्वद्गृहीतं तु सद्यो नश्यति वै जगत् । त्वमात्मा सर्वभूतानां सतां सत्वस्वरूपवान्
vidyate tvadgṛhītaṃ tu sadyo naśyati vai jagat | tvamātmā sarvabhūtānāṃ satāṃ satvasvarūpavān
(all) exists (through you), but when it is seized by you the world perishes at once. You are the self of all beings, having the nature of sattva among the good;
AI translation rendered from the Sanskrit, not a published edition — the model flagged this verse as uncertain
PdP 5 97.19
राजसानां रजस्त्वं च तामसानां तमस्तथा । चतुष्पदां भवान्देव चतुःशृंगस्त्रिलोचनः
rājasānāṃ rajastvaṃ ca tāmasānāṃ tamastathā | catuṣpadāṃ bhavāndeva catuḥśṛṃgastrilocanaḥ
And you are the rajas of the passionate and likewise the tamas of the dark ones; you, O god, are of the four-footed, four-horned, three-eyed (form).
AI translation rendered from the Sanskrit, not a published edition
PdP 5 97.20
सप्तहस्तस्त्रिधा बद्धो वृषरूप नमोस्तु ते । सर्वयज्ञमयो धर्मस्त्वयि विग्रहविग्रहः
saptahastastridhā baddho vṛṣarūpa namostu te | sarvayajñamayo dharmastvayi vigrahavigrahaḥ
Seven-handed, bound in three ways—O you of bull form, homage be to you! You are Dharma, consisting of all sacrifices, and in you the embodiment takes body.
AI translation rendered from the Sanskrit, not a published edition — the model flagged this verse as uncertain
PdP 5 97.21
साक्षाद्दृष्टोसि लोकेश देव तुभ्यं नमोनमः । हृदिस्थः सर्वभूतानां पुण्यपापेक्षिता भवान्
sākṣāddṛṣṭosi lokeśa deva tubhyaṃ namonamaḥ | hṛdisthaḥ sarvabhūtānāṃ puṇyapāpekṣitā bhavān
You have been seen directly, O lord of the world; homage, homage to you, O god! You dwell in the heart of all beings, the overseer of merit and sin.
AI translation rendered from the Sanskrit, not a published edition
PdP 5 97.22
तेन शास्ता च भूतानां दाता देव प्रशासिता । प्रवर्त्तको हि धर्मस्य देवदंडधरो भुवि
tena śāstā ca bhūtānāṃ dātā deva praśāsitā | pravarttako hi dharmasya devadaṃḍadharo bhuvi
Therefore you are the chastiser of beings, the giver, O god, the ruler, indeed the promoter of dharma, the god who bears the rod on earth.
AI translation rendered from the Sanskrit, not a published edition
PdP 5 97.23
सर्वधर्ममयं सारमेकं वद सुनिश्चितम् । यम उवाच- परितुष्टोऽस्मि ते विप्र स्तोत्रेण च विशेषतः
sarvadharmamayaṃ sāramekaṃ vada suniścitam | yama uvāca- parituṣṭo'smi te vipra stotreṇa ca viśeṣataḥ
Tell (me) the one well-ascertained essence that comprises all dharma. Yama said: I am well pleased with you, brahmin, and especially by (your) hymn.
AI translation rendered from the Sanskrit, not a published edition
PdP 5 97.24
तथाप्यागम धर्मेण मान्योसि मम सत्तम । यन्न कस्यचिदाख्यातं तद्गोप्यं परमं मम
tathāpyāgama dharmeṇa mānyosi mama sattama | yanna kasyacidākhyātaṃ tadgopyaṃ paramaṃ mama
And besides, by the dharma of tradition you are worthy of my honour, O best of the good. What has been told to no one, that is my supreme secret.
AI translation rendered from the Sanskrit, not a published edition
PdP 5 97.25
सारमुद्धृत्य सर्वेषां यदेकं निश्चितं मया । महानिरयसंघातान्निर्वासनकरं परम्
sāramuddhṛtya sarveṣāṃ yadekaṃ niścitaṃ mayā | mahānirayasaṃghātānnirvāsanakaraṃ param
Having extracted the essence of all (teachings), the one thing that has been settled by me, supreme, causing expulsion from the mass of the great hells—
AI translation rendered from the Sanskrit, not a published edition
PdP 5 97.26
अनाख्येयमपि ब्रह्मन्वक्ष्ये विनयतोषितः
anākhyeyamapi brahmanvakṣye vinayatoṣitaḥ
—though it is not to be told, brahmin, I shall speak it, being pleased by (your) humility.
AI translation rendered from the Sanskrit, not a published edition
PdP 5 97.27
स्युर्मोहाय चराचरस्य जगतस्ते ते पुराणागमास्तां तामेव हि देवतां परमिकां जल्पंतु कल्पे विधौ । सिद्धांते पुनरेक एव भगवान्विष्णुः समस्तागम-व्यापारेषु विवेकिनां व्यतिकरं नीतेषु निश्चीयते
syurmohāya carācarasya jagataste te purāṇāgamāstāṃ tāmeva hi devatāṃ paramikāṃ jalpaṃtu kalpe vidhau | siddhāṃte punareka eva bhagavānviṣṇuḥ samastāgama-vyāpāreṣu vivekināṃ vyatikaraṃ nīteṣu niścīyate
Those various Purāṇas and Āgamas may serve to bewilder the world of moving and unmoving things; let them, in (their own) rule and ritual, proclaim this or that deity as the highest. But in the final conclusion, when all the operations of the scriptures are brought into confusion, for the discerning it is ascertained that the Lord Viṣṇu alone is one.
AI translation rendered from the Sanskrit, not a published edition — the model flagged this verse as uncertain
PdP 5 97.28
भवो ब्रह्मा च विष्णुश्च त्रयमेव त्रयी मता । दीपोऽग्निर्वर्तिस्नेहैस्तु यथा विप्र तथा हरिः
bhavo brahmā ca viṣṇuśca trayameva trayī matā | dīpo'gnirvartisnehaistu yathā vipra tathā hariḥ
Bhava, Brahmā and Viṣṇu—just these three are held to be the triad; as a lamp is fire together with wick and oil, brahmin, so is Hari.
AI translation rendered from the Sanskrit, not a published edition
PdP 5 97.29
समाराध्य हरिं भक्त्या गोलोकान्प्राप्नुयाच्छुभान् । आराधिते हरौ कामाः सर्वे करतले स्थिताः
samārādhya hariṃ bhaktyā golokānprāpnuyācchubhān | ārādhite harau kāmāḥ sarve karatale sthitāḥ
Having worshipped Hari with devotion one would attain the auspicious Golokas; when Hari is worshipped, all desires lie in the palm of one's hand.
AI translation rendered from the Sanskrit, not a published edition
PdP 5 97.30
दानमेव परं श्रेष्ठं सर्वपुण्येषु वै द्विज । दानेन नश्यते पापं सर्वं दानेन लभ्यते
dānameva paraṃ śreṣṭhaṃ sarvapuṇyeṣu vai dvija | dānena naśyate pāpaṃ sarvaṃ dānena labhyate
Giving alone is the highest and best among all meritorious acts, O twice-born; by giving sin is destroyed, by giving everything is obtained.
AI translation rendered from the Sanskrit, not a published edition
PdP 5 97.31
नित्यं नैमित्तिकं काम्यमन्यदभ्युदयात्मकम् । अन्यं च परमं दानमिति पंचविधं स्मृतम्
nityaṃ naimittikaṃ kāmyamanyadabhyudayātmakam | anyaṃ ca paramaṃ dānamiti paṃcavidhaṃ smṛtam
Regular, occasional, desire-prompted, another kind aimed at prosperity, and another, the supreme gift—thus giving is remembered as fivefold.
AI translation rendered from the Sanskrit, not a published edition
PdP 5 97.32
प्रातर्मध्यापराह्णेषु त्रिषु कालेषु यत्नतः । यत्किंचिदपि दातव्यं नित्यमेव प्रकीर्तितम्
prātarmadhyāparāhṇeṣu triṣu kāleṣu yatnataḥ | yatkiṃcidapi dātavyaṃ nityameva prakīrtitam
At the three times—morning, midday and afternoon—whatever little should be given with effort, that is declared to be precisely the 'regular' (gift).
AI translation rendered from the Sanskrit, not a published edition
PdP 5 97.33
शून्यं दिनं न कर्तव्यमात्मार्थं हितमिच्छताम् । यस्मिन्कुले तु दत्तं यत्तत्रतत्रोपतिष्ठति
śūnyaṃ dinaṃ na kartavyamātmārthaṃ hitamicchatām | yasminkule tu dattaṃ yattatratatropatiṣṭhati
No day should be made empty by those who wish their own good; for in whichever family something has been given, there it presents itself (again).
AI translation rendered from the Sanskrit, not a published edition
PdP 5 97.34
यः स्वयं भक्षयेन्मोहाददत्वा बुद्धिवर्जितः । उत्पादयाम्यहं रोगं तस्य भोगनिवारणम्
yaḥ svayaṃ bhakṣayenmohādadatvā buddhivarjitaḥ | utpādayāmyahaṃ rogaṃ tasya bhoganivāraṇam
He who, devoid of understanding, out of delusion eats by himself without giving—for him I produce disease that prevents his enjoyment.
AI translation rendered from the Sanskrit, not a published edition
PdP 5 97.35
तेषु कार्येषु संतुष्टं बहुपीडाप्रदायकम् । मंदानलेन संयुक्तं द्वारं संतापकारकम्
teṣu kāryeṣu saṃtuṣṭaṃ bahupīḍāpradāyakam | maṃdānalena saṃyuktaṃ dvāraṃ saṃtāpakārakam
(A disease) satisfied in those functions, giving much pain, joined with weak digestive fire, an opening that causes burning distress.
AI translation rendered from the Sanskrit, not a published edition — the model flagged this verse as uncertain
PdP 5 97.36
त्रिषु कालेषु नो दत्तं ब्राह्मणेषु सुरेषु यैः । स्वयं तु भुंजते मिष्टं पापं तैस्तु महत्कृतम्
triṣu kāleṣu no dattaṃ brāhmaṇeṣu sureṣu yaiḥ | svayaṃ tu bhuṃjate miṣṭaṃ pāpaṃ taistu mahatkṛtam
Those by whom nothing has been given at the three times to brahmins and to the gods, but who themselves eat sweet food—by them a great sin has been committed.
AI translation rendered from the Sanskrit, not a published edition
PdP 5 97.37
प्रायश्चित्तेन रौद्रेण तानहं परिशोधये । उपवासैर्महीदेव कायशोषकरादिकैः
prāyaścittena raudreṇa tānahaṃ pariśodhaye | upavāsairmahīdeva kāyaśoṣakarādikaiḥ
Those I thoroughly purify with a terrible penance, O god of the earth, with fasts and the like that dry up the body.
AI translation rendered from the Sanskrit, not a published edition
PdP 5 97.38
चर्मकारो यथा चर्मकुंडस्योपरि निर्घृणे । शोधयेच्च कशाद्यैश्च कुद्रव्यं स्फोटयेद्यथा
carmakāro yathā carmakuṃḍasyopari nirghṛṇe | śodhayecca kaśādyaiśca kudravyaṃ sphoṭayedyathā
Just as a tanner, pitiless, over the tanning vat cleans (the hide) with whips and the like, and beats out the bad matter,
AI translation rendered from the Sanskrit, not a published edition — the model flagged this verse as uncertain
PdP 5 97.39
तथाहं पापकर्तारं शोधयामि न संशयः । औषधीनां सुयोगैश्च कषायैः कटुकैर्ध्रुवम्
tathāhaṃ pāpakartāraṃ śodhayāmi na saṃśayaḥ | auṣadhīnāṃ suyogaiśca kaṣāyaiḥ kaṭukairdhruvam
so I purify the doer of sin, there is no doubt — surely by well-composed applications of herbs, by bitter decoctions,
AI translation rendered from the Sanskrit, not a published edition
PdP 5 97.40
उष्णोदकैश्च संतापैर्वैद्यरूपेण नान्यथा । अन्ये भुंजंति तस्याग्रे भोगानन्यान्मनोगतान्
uṣṇodakaiśca saṃtāpairvaidyarūpeṇa nānyathā | anye bhuṃjaṃti tasyāgre bhogānanyānmanogatān
by hot waters and by fevers, in the form of a physician, and not otherwise. Others enjoy in his presence the other pleasures that his mind desires.
AI translation rendered from the Sanskrit, not a published edition
PdP 5 97.41
किं करोमि समर्थश्च न दत्तं दानमुत्तमम् । महता रोगरूपेण तमेनं परिवारयेत्
kiṃ karomi samarthaśca na dattaṃ dānamuttamam | mahatā rogarūpeṇa tamenaṃ parivārayet
"What am I to do? Though able, I gave no excellent gift" — (thinking thus) he should surround this man with a great disease-form.
AI translation rendered from the Sanskrit, not a published edition — the model flagged this verse as uncertain
PdP 5 97.42
नित्यकालस्य यद्दानमात्मानं पापिभिर्यथा । न दत्तं च महीदेव श्रद्धया निजशक्तितः
nityakālasya yaddānamātmānaṃ pāpibhiryathā | na dattaṃ ca mahīdeva śraddhayā nijaśaktitaḥ
Whatever gift belongs to the fixed (daily) times — as sinners (do) to themselves — and was not given, O god-on-earth, with faith according to one's own capacity,
AI translation rendered from the Sanskrit, not a published edition — the model flagged this verse as uncertain
PdP 5 97.43
तथायातान्प्रधक्ष्येतानुपायैर्दारुणैः किल । नैमित्तिकं प्रवक्ष्यामि दानकालं तवाग्रतः
tathāyātānpradhakṣyetānupāyairdāruṇaiḥ kila | naimittikaṃ pravakṣyāmi dānakālaṃ tavāgrataḥ
such (persons), when they arrive, he burns up indeed by terrible means. I shall next declare to you the occasional (naimittika) time of giving.
AI translation rendered from the Sanskrit, not a published edition — the model flagged this verse as uncertain
PdP 5 97.44
महापर्वणि संप्राप्ते तीर्थप्राप्तौ तथैव च । पितुः क्षयाहदिवसे वैशाखादिषु यत्नतः
mahāparvaṇi saṃprāpte tīrthaprāptau tathaiva ca | pituḥ kṣayāhadivase vaiśākhādiṣu yatnataḥ
When a great festival day has come, and likewise on reaching a sacred ford, on the anniversary of a father's death, in (the months) Vaiśākha and the rest, diligently —
AI translation rendered from the Sanskrit, not a published edition
PdP 5 97.45
मासेषु पुण्यकालेषु दानं नैमित्तिकं स्मृतम् । काम्यकालं प्रवक्ष्यामि यद्दानं फलदायकम्
māseṣu puṇyakāleṣu dānaṃ naimittikaṃ smṛtam | kāmyakālaṃ pravakṣyāmi yaddānaṃ phaladāyakam
giving in (those) months, at the holy times, is remembered as occasional. I shall declare the optional (kāmya) time, the giving that yields a desired fruit.
AI translation rendered from the Sanskrit, not a published edition
PdP 5 97.46
व्रतादिकं समुद्दिश्य कामनाफलकल्पितम् । यत्कामं कथितं सम्यक्सर्वांगैरेव संगतम्
vratādikaṃ samuddiśya kāmanāphalakalpitam | yatkāmaṃ kathitaṃ samyaksarvāṃgaireva saṃgatam
Having in view a vow or the like, framed with a desired fruit in mind — whatever is desired is duly declared as joined with all its parts.
AI translation rendered from the Sanskrit, not a published edition — the model flagged this verse as uncertain
PdP 5 97.47
तस्य दानप्रभावेण भावनापरिभावितः । तादृक्फलं समश्नाति मानुषस्तत्प्रसादनात्
tasya dānaprabhāveṇa bhāvanāparibhāvitaḥ | tādṛkphalaṃ samaśnāti mānuṣastatprasādanāt
By the power of that giving, being permeated by (his) intention, a man obtains just such a fruit, through the propitiation of that (deity).
AI translation rendered from the Sanskrit, not a published edition
PdP 5 97.48
आभ्युदयं प्रवक्ष्यामि यच्च यज्ञादिषु स्मृतम् । जातकर्मादिकार्येषु मौञ्ज्याद्युद्वाहकर्मसु
ābhyudayaṃ pravakṣyāmi yacca yajñādiṣu smṛtam | jātakarmādikāryeṣu mauñjyādyudvāhakarmasu
I shall declare the prosperity-giving (ābhyudayika) kind, which is remembered at sacrifices and the like: at rites such as the birth-ceremony, at the girdling and marriage rites,
AI translation rendered from the Sanskrit, not a published edition
PdP 5 97.49
प्रासादध्वजदेवानां प्रतिष्ठासु प्रयत्नतः । इत्यादिकं महीदेव दानमभ्युदयात्मकम्
prāsādadhvajadevānāṃ pratiṣṭhāsu prayatnataḥ | ityādikaṃ mahīdeva dānamabhyudayātmakam
and diligently at the consecrations of temples, banners, and images of gods — such giving, O god-on-earth, is of the nature of prosperity,
AI translation rendered from the Sanskrit, not a published edition
PdP 5 97.50
प्रजावृद्धिकरं भोगयशःस्वर्गसुखप्रदम् । अंत्यं चैव प्रवक्ष्यामि शृणु दानं द्विजोत्तम
prajāvṛddhikaraṃ bhogayaśaḥsvargasukhapradam | aṃtyaṃ caiva pravakṣyāmi śṛṇu dānaṃ dvijottama
causing increase of offspring, bestowing enjoyment, fame, heaven and happiness. And I shall declare the final (kind) — hear of that giving, O best of the twice-born.
AI translation rendered from the Sanskrit, not a published edition
PdP 5 97.51
कामस्य संक्षयं ज्ञात्वा जरया परिपीडितः । दद्याद्दानानि यत्नेन कुर्यादाशां न कस्यचित्
kāmasya saṃkṣayaṃ jñātvā jarayā paripīḍitaḥ | dadyāddānāni yatnena kuryādāśāṃ na kasyacit
Knowing that desire has wasted away, sorely afflicted by old age, one should carefully give gifts, and should set no hope on anyone.
AI translation rendered from the Sanskrit, not a published edition
PdP 5 97.52
मृते च मयि मे पुत्रा जायाबांधवसोदराः । कथमेते भविष्यंति मां विना सुहृदो मम
mṛte ca mayi me putrā jāyābāṃdhavasodarāḥ | kathamete bhaviṣyaṃti māṃ vinā suhṛdo mama
"When I am dead, how will these be — my sons, wife, kinsmen, brothers, my friends — without me?
AI translation rendered from the Sanskrit, not a published edition
PdP 5 97.53
अहं वित्तविहीनो वा कथं जीवन्पुनस्तथा । भविष्यामीति विज्ञाय न ददाति हि किंचन
ahaṃ vittavihīno vā kathaṃ jīvanpunastathā | bhaviṣyāmīti vijñāya na dadāti hi kiṃcana
and how shall I, deprived of wealth, go on living thus?" — thinking so, he gives nothing at all.
AI translation rendered from the Sanskrit, not a published edition
PdP 5 97.54
आशापाशशतैर्बद्धो भाग्यादेव कुमायया । मृत्युं प्रयाति मूढात्मा रुदंति च ततः सुताः
āśāpāśaśatairbaddho bhāgyādeva kumāyayā | mṛtyuṃ prayāti mūḍhātmā rudaṃti ca tataḥ sutāḥ
Bound by hundreds of nooses of hope, by fate alone, through an evil delusion, the deluded soul goes to death; and then the sons weep,
AI translation rendered from the Sanskrit, not a published edition — the model flagged this verse as uncertain
PdP 5 97.55
दुःखेन पीडिताः किचिंन्मोहेनाकुलचेतसः । स्वल्पमल्पं च वा दानं कथंचित्कल्पयंति ते
duḥkhena pīḍitāḥ kiciṃnmohenākulacetasaḥ | svalpamalpaṃ ca vā dānaṃ kathaṃcitkalpayaṃti te
pained with grief, their minds somewhat confused by bewilderment; and they somehow arrange a very small or trifling gift.
AI translation rendered from the Sanskrit, not a published edition
PdP 5 97.56
न तत्रास्मिन्गते काले महादुःखगते सति । विस्मरंति तदा दानं लोभाद्वा न ददत्यपि
na tatrāsmingate kāle mahāduḥkhagate sati | vismaraṃti tadā dānaṃ lobhādvā na dadatyapi
But when that time has passed for this (dead man), when great suffering has come, then they forget the gift, or out of greed do not give it.
AI translation rendered from the Sanskrit, not a published edition
PdP 5 97.57
मृतोऽयं च पिता ज्ञात्वा स्नेहपाशो निवर्त्तते । योऽसौ मृतो महीदेव मम पाशैर्नियंत्रितः
mṛto'yaṃ ca pitā jñātvā snehapāśo nivarttate | yo'sau mṛto mahīdeva mama pāśairniyaṃtritaḥ
And when they know "this father is dead," the bond of affection ceases. He who has died, O god-on-earth, restrained by my nooses,
AI translation rendered from the Sanskrit, not a published edition
PdP 5 97.58
तृष्णा क्षुधा समाक्रांतो बहुदुःखैः प्रपीडितः । पच्यते नरके घोरे चिरकालं न संशयः
tṛṣṇā kṣudhā samākrāṃto bahuduḥkhaiḥ prapīḍitaḥ | pacyate narake ghore cirakālaṃ na saṃśayaḥ
overcome by thirst and hunger, sorely afflicted by many sufferings, is cooked in a dreadful hell for a long time — there is no doubt.
AI translation rendered from the Sanskrit, not a published edition
PdP 5 97.59
तस्माद्दानं प्रदातव्यं स्वयमेव न संशयः । कस्य पुत्राश्च पौत्राश्च कस्य भार्या धनं च वा
tasmāddānaṃ pradātavyaṃ svayameva na saṃśayaḥ | kasya putrāśca pautrāśca kasya bhāryā dhanaṃ ca vā
Therefore a gift should be given by oneself — no doubt of it. Whose are sons and grandsons, whose the wife or the wealth?
AI translation rendered from the Sanskrit, not a published edition
PdP 5 97.60
संसारे नास्तिकः कस्य स्वयं तस्मात्प्रदीयते । पानमन्नं च तांबूलमुदकं कांचनं तथा
saṃsāre nāstikaḥ kasya svayaṃ tasmātpradīyate | pānamannaṃ ca tāṃbūlamudakaṃ kāṃcanaṃ tathā
In the round of existence, whose is the denier (nāstika)? Therefore let (one) give of oneself: drink, food, betel, water, and gold as well.
AI translation rendered from the Sanskrit, not a published edition — the model flagged this verse as uncertain
PdP 5 97.61
वसनं गां च भूमिं च च्छत्रपात्राण्यनेकधा । फलानि भूमिदानानि विविधानि स्वशक्तितः
vasanaṃ gāṃ ca bhūmiṃ ca cchatrapātrāṇyanekadhā | phalāni bhūmidānāni vividhāni svaśaktitaḥ
Clothing, a cow, and land, umbrellas and vessels of many kinds, fruits, gifts of land of various sorts, according to one's own capacity —
AI translation rendered from the Sanskrit, not a published edition
PdP 5 97.62
दातव्यानि महीदेव नात्र कार्या विचारणा । तीर्थानां लक्षणं विप्र प्रवक्ष्यामि तवाग्रतः
dātavyāni mahīdeva nātra kāryā vicāraṇā | tīrthānāṃ lakṣaṇaṃ vipra pravakṣyāmi tavāgrataḥ
these are to be given, O god-on-earth; no deliberation should be made about it. O brahmin, I shall declare before you the marks of the sacred fords.
AI translation rendered from the Sanskrit, not a published edition
PdP 5 97.63
सुतीर्थानि इयं गंगा भाति पुण्या सरस्वती । रेवा च यमुना तापी नदी चर्मण्वती तथा
sutīrthāni iyaṃ gaṃgā bhāti puṇyā sarasvatī | revā ca yamunā tāpī nadī carmaṇvatī tathā
Good fords: this Gaṅgā shines, the holy Sarasvatī, and the Revā, the Yamunā, the Tāpī, and likewise the river Carmaṇvatī,
AI translation rendered from the Sanskrit, not a published edition
PdP 5 97.64
सरयू च वरा वेणी पूर्णा पापप्रणाशिनी । कावेरी कपिला चान्या विशल्या विश्वतारिणी
sarayū ca varā veṇī pūrṇā pāpapraṇāśinī | kāverī kapilā cānyā viśalyā viśvatāriṇī
and the Sarayū, the excellent Veṇī, the Pūrṇā that destroys sins, the Kāverī, the Kapilā, and another, the Viśalyā, the Viśvatāriṇī,
AI translation rendered from the Sanskrit, not a published edition
PdP 5 97.65
गोदावरी समाख्याता तुंगभद्रा च गंडकी । पापानां भीतिदा नित्यं नदी भीमरथी स्मृता
godāvarī samākhyātā tuṃgabhadrā ca gaṃḍakī | pāpānāṃ bhītidā nityaṃ nadī bhīmarathī smṛtā
the Godāvarī is renowned, and the Tuṅgabhadrā and the Gaṇḍakī; the river Bhīmarathī is remembered as ever striking fear into sins.
AI translation rendered from the Sanskrit, not a published edition
PdP 5 97.66
देविका कृष्णगंगा च अन्या याः सरितांवराः । एतास्तु पुण्यकालेषु संति तीर्थान्यनेकशः
devikā kṛṣṇagaṃgā ca anyā yāḥ saritāṃvarāḥ | etāstu puṇyakāleṣu saṃti tīrthānyanekaśaḥ
The Devikā and the Kṛṣṇagaṅgā, and the other best of rivers — these, at holy times, are sacred fords in many places.
AI translation rendered from the Sanskrit, not a published edition
PdP 5 97.67
ग्रामे वा यदि वारण्ये नद्यः सर्वत्र पावनाः । तत्र तत्रैव कर्त्तव्याः स्नानदानादिकाः क्रियाः
grāme vā yadi vāraṇye nadyaḥ sarvatra pāvanāḥ | tatra tatraiva karttavyāḥ snānadānādikāḥ kriyāḥ
Whether in a village or in the forest, rivers are purifying everywhere; in each such place the rites of bathing, giving and the rest are to be performed.
AI translation rendered from the Sanskrit, not a published edition
PdP 5 97.68
यदा न ज्ञायते नाम तस्य तीर्थस्य भो द्विज । तत्रेत्युच्चारणं कार्यं विष्णुतीर्थमिदं महत्
yadā na jñāyate nāma tasya tīrthasya bho dvija | tatretyuccāraṇaṃ kāryaṃ viṣṇutīrthamidaṃ mahat
When the name of that ford is not known, O twice-born, then this utterance should be made there: "This is the great Viṣṇu-ford."
AI translation rendered from the Sanskrit, not a published edition
PdP 5 97.69
तीर्थस्य देवता विष्णुःस र्वत्रापि न संशयः । नारायणेति यन्नाम स्मरेत्तीर्थेषु साधकः
tīrthasya devatā viṣṇuḥsa rvatrāpi na saṃśayaḥ | nārāyaṇeti yannāma smarettīrtheṣu sādhakaḥ
The deity of a ford is Viṣṇu everywhere, without doubt. Whatever name — "Nārāyaṇa" — the practitioner remembers at the fords,
AI translation rendered from the Sanskrit, not a published edition
PdP 5 97.70
तस्य तीर्थफलं सम्यग्विष्णुनाम्नैव जायते । अज्ञातानां च तीर्थानां देवतानां न संशयः
tasya tīrthaphalaṃ samyagviṣṇunāmnaiva jāyate | ajñātānāṃ ca tīrthānāṃ devatānāṃ na saṃśayaḥ
for him the fruit of the ford arises fully by Viṣṇu's name alone; and (so too) of unknown fords and of (their) deities, no doubt.
AI translation rendered from the Sanskrit, not a published edition
PdP 5 97.71
विष्णुनाम्नैव नामानि मानवः परिकीर्तयेत् । सर्वास्तु सिद्धयः पुण्यास्तीर्थभूतास्तु सागरः
viṣṇunāmnaiva nāmāni mānavaḥ parikīrtayet | sarvāstu siddhayaḥ puṇyāstīrthabhūtāstu sāgaraḥ
A man should proclaim (their) names with Viṣṇu's name alone. All attainments are holy; the ocean too has become a ford.
AI translation rendered from the Sanskrit, not a published edition — the model flagged this verse as uncertain
PdP 5 97.72
सरांसि मानसादीनि निर्झराः पल्वलादयः । स्वल्पा नद्योऽपि सर्वास्तास्तीर्थानि हरिनामतः
sarāṃsi mānasādīni nirjharāḥ palvalādayaḥ | svalpā nadyo'pi sarvāstāstīrthāni harināmataḥ
Lakes such as the Mānasa, waterfalls, ponds and the like, and even all the small rivers — these are fords through Hari's name.
AI translation rendered from the Sanskrit, not a published edition
PdP 5 97.73
पर्वतास्तीर्थरूपाश्च यज्ञो यज्ञमही तथा । ब्राह्मणा यत्र विद्वांसः कौतुकेनाप्यवस्थिताः
parvatāstīrtharūpāśca yajño yajñamahī tathā | brāhmaṇā yatra vidvāṃsaḥ kautukenāpyavasthitāḥ
Mountains too have the form of fords, and so a sacrifice and the ground of a sacrifice; where learned brahmins are present, even out of curiosity —
AI translation rendered from the Sanskrit, not a published edition
PdP 5 97.74
तदेव तीर्थं सुमहत्सर्वपापहरं स्मृतम् । श्राद्धं च श्राद्धभूमिश्च देवशाला च होमभूः
tadeva tīrthaṃ sumahatsarvapāpaharaṃ smṛtam | śrāddhaṃ ca śrāddhabhūmiśca devaśālā ca homabhūḥ
that very place is remembered as a very great ford removing all sins; and a śrāddha and the ground of a śrāddha, a temple hall and a place of oblation;
AI translation rendered from the Sanskrit, not a published edition
PdP 5 97.75
यत्र वेदध्वनिः सम्यग्यत्र विष्णुकथाः शुभाः । स्वगृहं पुण्यसंयुक्तं गोस्थानमपि पावनम्
yatra vedadhvaniḥ samyagyatra viṣṇukathāḥ śubhāḥ | svagṛhaṃ puṇyasaṃyuktaṃ gosthānamapi pāvanam
where there is the proper sound of the Veda, where there are the auspicious stories of Viṣṇu; one's own house joined with merit, and a cow-stall too, are purifying;
AI translation rendered from the Sanskrit, not a published edition
PdP 5 97.76
यत्राश्वत्थ तरु वने यत्रागारोपि पावनः । एवमादीनि तीर्थानि पिता माता तथैव च
yatrāśvattha taru vane yatrāgāropi pāvanaḥ | evamādīni tīrthāni pitā mātā tathaiva ca
where there is an aśvattha tree in a wood, where even a house is purifying — such and the like are fords, and likewise father and mother.
AI translation rendered from the Sanskrit, not a published edition
PdP 5 97.77
पच्यते यत्र धर्मार्थं स्वयं तत्र गुरुः स्थितः । साध्वी यत्रास्ति वै भार्या तत्र तीर्थं न संशयः
pacyate yatra dharmārthaṃ svayaṃ tatra guruḥ sthitaḥ | sādhvī yatrāsti vai bhāryā tatra tīrthaṃ na saṃśayaḥ
Where (food) is cooked for the sake of dharma, there the guru himself is present; where there is a virtuous wife, there is a ford, no doubt.
AI translation rendered from the Sanskrit, not a published edition
PdP 5 97.78
यत्र धर्मरतिर्नित्यं विद्वान्पुत्रः प्रवर्तते । तत्र तस्य हि तत्तीर्थं तारणाय प्रतिष्ठितम्
yatra dharmaratirnityaṃ vidvānputraḥ pravartate | tatra tasya hi tattīrthaṃ tāraṇāya pratiṣṭhitam
Where a learned son, ever delighting in dharma, is active — there for him that ford is established for (his) crossing over.
AI translation rendered from the Sanskrit, not a published edition
PdP 5 97.79
इत्येवमादि तीर्थानि राजवेश्म तथैव च । एवमादिषु तीर्थेषु पर्वयोगाद्विशेषतः
ityevamādi tīrthāni rājaveśma tathaiva ca | evamādiṣu tīrtheṣu parvayogādviśeṣataḥ
Such and such are the sacred fords, and likewise the king's dwelling; and at such fords, especially by conjunction with a holy day (parvan) —
AI translation rendered from the Sanskrit, not a published edition — the model flagged this verse as uncertain
PdP 5 97.80
अनाराध्य हृषीकेशं सर्वदं सर्वदेहिनाम् । कोपि क्वापि किमप्यत्र न लभेतेति निश्चितम्
anārādhya hṛṣīkeśaṃ sarvadaṃ sarvadehinām | kopi kvāpi kimapyatra na labheteti niścitam
— without worshipping Hṛṣīkeśa, the giver of all to all embodied beings, no one anywhere can obtain anything here: this is certain.
AI translation rendered from the Sanskrit, not a published edition
PdP 5 97.81
अपत्यं द्रविणं दारास्तारहर्म्यं हया गजाः । सुखानि स्वर्गमोक्षौ च न दूरे हरिभक्तितः
apatyaṃ draviṇaṃ dārāstāraharmyaṃ hayā gajāḥ | sukhāni svargamokṣau ca na dūre haribhaktitaḥ
Offspring, wealth, wives, mansions with upper storeys, horses, elephants, pleasures, and heaven and liberation — these are not far off, through devotion to Hari.
AI translation rendered from the Sanskrit, not a published edition
PdP 5 97.82
नारायणः परो देवः सत्यरूपो जनार्दनः । त्रिधात्मानंसभगवान्ससर्जपरमेश्वरः
nārāyaṇaḥ paro devaḥ satyarūpo janārdanaḥ | tridhātmānaṃsabhagavānsasarjaparameśvaraḥ
Nārāyaṇa is the supreme god, Janārdana, whose form is truth; that Lord, the supreme ruler, emitted himself in three ways.
AI translation rendered from the Sanskrit, not a published edition
PdP 5 97.83
रजस्तमोभ्यांयुक्तोऽभूद्रजःसत्वाधिकंविभुः । ससर्जनाभिकमलेब्रह्माणंकमलासनम्
rajastamobhyāṃyukto'bhūdrajaḥsatvādhikaṃvibhuḥ | sasarjanābhikamalebrahmāṇaṃkamalāsanam
The mighty one became joined with rajas and tamas; (then) the Lord, in whom rajas and sattva predominated, created Brahmā, seated on a lotus, in the lotus of his navel.
AI translation rendered from the Sanskrit, not a published edition — the model flagged this verse as uncertain
PdP 5 97.84
रजसा तमसा जुष्टं स रुद्रमसृजद्विभुः । सत्वं रजस्तमश्चैव त्रितयं चैतदुच्यते
rajasā tamasā juṣṭaṃ sa rudramasṛjadvibhuḥ | satvaṃ rajastamaścaiva tritayaṃ caitaducyate
The mighty one created Rudra, endowed with rajas and tamas. And this triad is spoken of as sattva, rajas, and tamas.
AI translation rendered from the Sanskrit, not a published edition
PdP 5 97.85
सत्वेन मुच्यते जंतुः सत्वं नारायणात्मकम् । रजसा सत्वयुक्तेन भवेच्छ्रीमान्यशोधिकः
satvena mucyate jaṃtuḥ satvaṃ nārāyaṇātmakam | rajasā satvayuktena bhavecchrīmānyaśodhikaḥ
By sattva a creature is liberated; sattva has the nature of Nārāyaṇa. By rajas joined with sattva one becomes prosperous and abounding in fame.
AI translation rendered from the Sanskrit, not a published edition
PdP 5 97.86
यद्वेदवाक्यं धर्मस्य समुद्दिश्योपसेवते । तद्रुद्रमिति विख्यातं विशिष्टं गदितं नृणाम्
yadvedavākyaṃ dharmasya samuddiśyopasevate | tadrudramiti vikhyātaṃ viśiṣṭaṃ gaditaṃ nṛṇām
That Vedic injunction which one follows with reference to dharma — that is famed as 'Rudra', and is declared to be the distinguished (dharma) of men.
AI translation rendered from the Sanskrit, not a published edition — the model flagged this verse as uncertain
PdP 5 97.87
तेन राजा भवेल्लोके रजसा तमसा पुनः । यद्धीनं रजसा धर्मं केवलं तामसं च यत्
tena rājā bhavelloke rajasā tamasā punaḥ | yaddhīnaṃ rajasā dharmaṃ kevalaṃ tāmasaṃ ca yat
By that (dharma) one becomes a king in the world, through rajas and again through tamas; but that dharma which is deficient in rajas and is purely of tamas —
AI translation rendered from the Sanskrit, not a published edition — the model flagged this verse as uncertain
PdP 5 97.88
तच्च दुर्गतिदं नॄणामिहलोके परत्र च । यो विष्णुः स स्वयं ब्रह्मा यो ब्रह्मा स स्वयं हरः
tacca durgatidaṃ nṝṇāmihaloke paratra ca | yo viṣṇuḥ sa svayaṃ brahmā yo brahmā sa svayaṃ haraḥ
— that brings men to an evil course, in this world and the next. He who is Viṣṇu is himself Brahmā; he who is Brahmā is himself Hara.
AI translation rendered from the Sanskrit, not a published edition
PdP 5 97.89
देवास्त्रयोपि यज्ञेऽस्मिन्निज्या देवेषु नित्यशः । यो भेदं कुरुते तेषां त्रयाणां द्विजसत्तमः
devāstrayopi yajñe'sminnijyā deveṣu nityaśaḥ | yo bhedaṃ kurute teṣāṃ trayāṇāṃ dvijasattamaḥ
All three gods are to be worshipped in this sacrifice, constantly among the gods; whoever makes a distinction among those three, O best of the twice-born,
AI translation rendered from the Sanskrit, not a published edition
PdP 5 97.90
स पापकारी पापात्मा अनिष्टां गतिमाप्नुयात् । विष्णुरेव परं ब्रह्म विष्णुरेव जगद्द्विज
sa pāpakārī pāpātmā aniṣṭāṃ gatimāpnuyāt | viṣṇureva paraṃ brahma viṣṇureva jagaddvija
he is a doer of evil, evil-souled, and would reach an undesired destination. Viṣṇu alone is the supreme brahman; Viṣṇu alone is the world, O twice-born one.
AI translation rendered from the Sanskrit, not a published edition
PdP 5 97.91
तस्यायं माधवो मासः प्रियः सर्वेषु कर्मसु । कीर्त्यते हयमेधादि महाक्रतुफलप्रदः
tasyāyaṃ mādhavo māsaḥ priyaḥ sarveṣu karmasu | kīrtyate hayamedhādi mahākratuphalapradaḥ
This month of Mādhava (Vaiśākha) is dear to him in all rites; it is proclaimed as bestowing the fruit of the great sacrifices such as the horse sacrifice,
AI translation rendered from the Sanskrit, not a published edition
PdP 5 97.92
तीर्थस्नान तपो दान जप यज्ञफलाधिकः
tīrthasnāna tapo dāna japa yajñaphalādhikaḥ
— exceeding the fruit of bathing at sacred fords, austerity, giving, recitation, and sacrifice.
AI translation rendered from the Sanskrit, not a published edition
PdP 5 97.93
स्नानं विभाते नियमेन नद्यामनारतं मेषगते रवौ ये । कुर्वंति येऽस्मिन्नपि विप्रपूजां मद्दंडभाजो न हि ते भवंति
snānaṃ vibhāte niyamena nadyāmanārataṃ meṣagate ravau ye | kurvaṃti ye'sminnapi viprapūjāṃ maddaṃḍabhājo na hi te bhavaṃti
Those who, when the sun stands in Aries, bathe at daybreak in a river regularly and without interruption, and those who in this (month) also perform worship of brahmins — they do not become liable to my rod (of punishment).
AI translation rendered from the Sanskrit, not a published edition
PdP 5 97.94
हत्वा हत्वा किंकरौघं पुरो मे लुप्त्वा लुप्त्वा चित्रगुप्तस्य लेख्यम् । स्नात्वा स्नात्वा माधवे मासि तीर्थे पूर्वान्पूर्वानुद्धरंतीह पापात्
hatvā hatvā kiṃkaraughaṃ puro me luptvā luptvā citraguptasya lekhyam | snātvā snātvā mādhave māsi tīrthe pūrvānpūrvānuddharaṃtīha pāpāt
Slaying and slaying the host of my servants before me, erasing and erasing the record of Citragupta, bathing and bathing at a sacred ford in the month of Mādhava, they here lift up ancestor after ancestor out of sin.
AI translation rendered from the Sanskrit, not a published edition
PdP 5 97.95
इदं भयच्छेदकरं न तस्मात्प्रकाशनीयं परमं रहस्यम् । निर्वासहेतुर्नरकालयस्य ममाधिकारक्षयकारणं तत्
idaṃ bhayacchedakaraṃ na tasmātprakāśanīyaṃ paramaṃ rahasyam | nirvāsaheturnarakālayasya mamādhikārakṣayakāraṇaṃ tat
Therefore this supreme secret, which cuts off fear, is not to be revealed: it is the cause of the depopulating of the abode of hell, the cause of the destruction of my authority.
AI translation rendered from the Sanskrit, not a published edition
PdP 5 97.96
भागीरथीनर्मदा च यमुना च सरस्वती । विशोका च वितस्ता च विंध्यस्योत्तरतः स्थिताः
bhāgīrathīnarmadā ca yamunā ca sarasvatī | viśokā ca vitastā ca viṃdhyasyottarataḥ sthitāḥ
Bhāgīrathī, Narmadā, Yamunā, Sarasvatī, Viśokā, and Vitastā are situated to the north of the Vindhya.
AI translation rendered from the Sanskrit, not a published edition
PdP 5 97.97
गोदावरी भीमरथी तुंगभद्रा च देविका । तापी पयोष्णी विंध्यस्य दक्षिणास्तु प्रकीर्तिताः
godāvarī bhīmarathī tuṃgabhadrā ca devikā | tāpī payoṣṇī viṃdhyasya dakṣiṇāstu prakīrtitāḥ
Godāvarī, Bhīmarathī, Tuṅgabhadrā, Devikā, Tāpī, and Payoṣṇī are proclaimed as the southern ones of the Vindhya.
AI translation rendered from the Sanskrit, not a published edition
PdP 5 97.98
द्वादशैता महानद्यो नित्यं तेनावगाहिताः । वैशाखे विधिना स्नानं नद्यां यः प्रातराचरेत्
dvādaśaitā mahānadyo nityaṃ tenāvagāhitāḥ | vaiśākhe vidhinā snānaṃ nadyāṃ yaḥ prātarācaret
These twelve great rivers are constantly bathed in by him who, in Vaiśākha, performs the bath in a river at dawn according to the rule.
AI translation rendered from the Sanskrit, not a published edition
PdP 5 97.99
सर्वाः समुद्रगाः पुण्याः सर्वे पुण्या नगोत्तमाः । सर्वे चायतनाः पुण्याः सर्वे पुण्या वनाश्रयाः
sarvāḥ samudragāḥ puṇyāḥ sarve puṇyā nagottamāḥ | sarve cāyatanāḥ puṇyāḥ sarve puṇyā vanāśrayāḥ
All (streams) that flow to the sea are holy, all the loftiest mountains are holy, all shrines are holy, all forest retreats are holy.
AI translation rendered from the Sanskrit, not a published edition
PdP 5 97.100
तेनावगाहिता दृष्टाः प्रणता बहुसेविताः । स्नानमर्द्धोदिते सूर्ये वैशाखे नियतश्चरेत्
tenāvagāhitā dṛṣṭāḥ praṇatā bahusevitāḥ | snānamarddhodite sūrye vaiśākhe niyataścaret
By him they have been bathed in, seen, bowed to, and much resorted to, (who) in Vaiśākha, self-restrained, performs the bath when the sun has half risen.
AI translation rendered from the Sanskrit, not a published edition
PdP 5 97.101
तस्य पुण्यं महीदेव कश्चिद्वक्तुं न शक्यते । यदि वक्त्रसहस्राणां सहस्राणि भवंति हि
tasya puṇyaṃ mahīdeva kaścidvaktuṃ na śakyate | yadi vaktrasahasrāṇāṃ sahasrāṇi bhavaṃti hi
His merit, O god-on-earth (brahmin), no one is able to tell — even if there were thousands upon thousands of mouths,
AI translation rendered from the Sanskrit, not a published edition
PdP 5 97.102
आयुश्च ब्रह्मणा स्वल्पं यदि स्याद्द्विजसत्तम । तदा माधवमासस्य फलं कथयितुं भवेत्
āyuśca brahmaṇā svalpaṃ yadi syāddvijasattama | tadā mādhavamāsasya phalaṃ kathayituṃ bhavet
and if the lifespan (allotted) by Brahmā were (but) short, O best of the twice-born — then (only) would it be possible to relate the fruit of the month Mādhava.
AI translation rendered from the Sanskrit, not a published edition — the model flagged this verse as uncertain
PdP 5 97.103
महानिरयकर्षाग्नि माधवो माधवो यथा । ब्रह्महत्यादिकं पापमगम्यागमनादिकम्
mahānirayakarṣāgni mādhavo mādhavo yathā | brahmahatyādikaṃ pāpamagamyāgamanādikam
Mādhava (the month) is like Mādhava (Viṣṇu), a fire that consumes (what leads to) the great hell: the sin of brahmin-murder and the rest, approaching (women) not to be approached and the rest,
AI translation rendered from the Sanskrit, not a published edition — the model flagged this verse as uncertain
PdP 5 97.104
कामाकामकृतं पापमेति पातकमेव च । उपपापरहस्यं च संकरीकरणं परम्
kāmākāmakṛtaṃ pāpameti pātakameva ca | upapāparahasyaṃ ca saṃkarīkaraṇaṃ param
sin done with desire and without desire, and mortal sin (pātaka), and secret minor sin (upapāpa), and further what causes confusion (of castes),
AI translation rendered from the Sanskrit, not a published edition — the model flagged this verse as uncertain
PdP 5 97.105
जातिभ्रंशकरं घोरमपात्रीकरणं तथा । मलावहं प्रकीर्णं च वाङ्मनः काय संभवम्
jātibhraṃśakaraṃ ghoramapātrīkaraṇaṃ tathā | malāvahaṃ prakīrṇaṃ ca vāṅmanaḥ kāya saṃbhavam
and the dreadful (sin) causing loss of caste, and likewise what makes one unfit (to receive gifts), and what brings defilement, and the miscellaneous (sins), arising from speech, mind, and body —
AI translation rendered from the Sanskrit, not a published edition
PdP 5 97.106
माधवो निर्दहेन्मासो विधिना समुपासितः । कल्पकोटिसहस्राणि कल्पकोटि शतानि च
mādhavo nirdahenmāso vidhinā samupāsitaḥ | kalpakoṭisahasrāṇi kalpakoṭi śatāni ca
the month Mādhava, when duly honoured, burns (all) that away. For thousands of crores of kalpas and hundreds of crores of kalpas
AI translation rendered from the Sanskrit, not a published edition
PdP 5 97.107
वसेद्विष्णुपुरे श्रीमान्माधवे योऽर्चयेद्धरिम्
vasedviṣṇupure śrīmānmādhave yo'rcayeddharim
the glorious man who worships Hari in (the month) Mādhava dwells in the city of Viṣṇu.
AI translation rendered from the Sanskrit, not a published edition