Padma Purana — Patala Khanda — Chapter 9
PdP 5 9.1
श्रीराम उवाच। कीदृशोऽश्वस्तत्र भाव्यः को विधिस्तत्र पूजने । कथं वा शक्यते कर्तुं के जेयास्तत्र वैरिणः
śrīrāma uvāca| kīdṛśo'śvastatra bhāvyaḥ ko vidhistatra pūjane | kathaṃ vā śakyate kartuṃ ke jeyāstatra vairiṇaḥ
Śrī Rāma said: What sort of horse is required there? What is the procedure for its worship? And how can it be carried out? Which enemies are to be conquered there?
AI translation rendered from the Sanskrit, not a published edition
PdP 5 9.2
अगस्त्य उवाच। गंगाजलसमानेन वर्णेन वपुषा शुभः । कर्णे श्यामो मुखे रक्तः पीतः पुच्छे सुलक्षितः
agastya uvāca| gaṃgājalasamānena varṇena vapuṣā śubhaḥ | karṇe śyāmo mukhe raktaḥ pītaḥ pucche sulakṣitaḥ
Agastya said: Auspicious with a body whose colour is like the water of the Gaṅgā, dark at the ear, red at the face, and clearly marked with yellow on the tail;
AI translation rendered from the Sanskrit, not a published edition
PdP 5 9.3
मनोवेगः सर्वगतिरुच्चैःश्रवस्समप्रभः । वाजिमेधे हयः प्रोक्तः शुभलक्षणलक्षितः
manovegaḥ sarvagatiruccaiḥśravassamaprabhaḥ | vājimedhe hayaḥ proktaḥ śubhalakṣaṇalakṣitaḥ
swift as thought, going everywhere, of splendour equal to Uccaiḥśravas — such a horse, marked with auspicious signs, is prescribed for the horse-sacrifice.
AI translation rendered from the Sanskrit, not a published edition
PdP 5 9.4
वैशाखपूर्णमास्यां तु पूजयित्वा यथाविधि । पत्रं लिखित्वा भाले तु स्वनामबलचिह्नितम्
vaiśākhapūrṇamāsyāṃ tu pūjayitvā yathāvidhi | patraṃ likhitvā bhāle tu svanāmabalacihnitam
And on the full-moon day of Vaiśākha, having worshipped (it) according to the rule, and having written on its forehead a leaf marked with one's own name and strength,
AI translation rendered from the Sanskrit, not a published edition
PdP 5 9.5
मोचनीयः प्रयत्नेन रक्षकैः परिरक्षितः । यत्र गच्छति यज्ञाश्वस्तत्र गच्छेत्सुरक्षकः
mocanīyaḥ prayatnena rakṣakaiḥ parirakṣitaḥ | yatra gacchati yajñāśvastatra gacchetsurakṣakaḥ
it is to be released with care, guarded round about by protectors; wherever the sacrificial horse goes, there the good guard should go.
AI translation rendered from the Sanskrit, not a published edition
PdP 5 9.6
यस्तंबलान्निबध्नाति स्ववीर्यबलदर्पितः । तस्मात्प्रसभमानेयः परिरक्षाकरैर्हयः
yastaṃbalānnibadhnāti svavīryabaladarpitaḥ | tasmātprasabhamāneyaḥ parirakṣākarairhayaḥ
Whoever, proud of the strength of his own valour, binds it by force — from him the horse must be brought back forcibly by those who do the guarding.
AI translation rendered from the Sanskrit, not a published edition
PdP 5 9.7
कर्त्रा तावत्सुविधिना स्थातव्यं नियमादिह । मृगशृंगधरो भूत्वा ब्रह्मचर्यसमन्वितः
kartrā tāvatsuvidhinā sthātavyaṃ niyamādiha | mṛgaśṛṃgadharo bhūtvā brahmacaryasamanvitaḥ
Meanwhile the performer must remain here under observance, by the proper rule, becoming a bearer of a deer's horn and given to chastity.
AI translation rendered from the Sanskrit, not a published edition
PdP 5 9.8
व्रतं पालयमानस्य यावद्वर्षमतिक्रमेत् । तावद्दीनांधकृपणाः परितोष्या धनादिभिः
vrataṃ pālayamānasya yāvadvarṣamatikramet | tāvaddīnāṃdhakṛpaṇāḥ paritoṣyā dhanādibhiḥ
For him who maintains the vow, until a year has passed, so long the wretched, the blind and the poor are to be fully satisfied with wealth and the like.
AI translation rendered from the Sanskrit, not a published edition
PdP 5 9.9
अन्नं तु बहुशो देयं धनं वा भूरि मारिष । यद्यत्प्रार्थयते धीमांस्तत्तदेव ददाति हि
annaṃ tu bahuśo deyaṃ dhanaṃ vā bhūri māriṣa | yadyatprārthayate dhīmāṃstattadeva dadāti hi
And food is to be given abundantly, or much wealth, O honoured one; whatever the wise man is asked for, that very thing he indeed gives.
AI translation rendered from the Sanskrit, not a published edition
PdP 5 9.10
एवं प्रकुर्वतः कर्म यज्ञः संपूर्णतां गतः । करोति सर्वपापानां नाशनं रिपुनाशन
evaṃ prakurvataḥ karma yajñaḥ saṃpūrṇatāṃ gataḥ | karoti sarvapāpānāṃ nāśanaṃ ripunāśana
For one who performs the rite thus, the sacrifice, having reached completion, effects the destruction of all sins, O destroyer of foes.
AI translation rendered from the Sanskrit, not a published edition
PdP 5 9.11
तस्माद्भवान्समर्थोऽस्ति करणे पालनेऽर्चने । कृत्वा कीर्तिं सुविमलां पावयान्याञ्जनान्नृप
tasmādbhavānsamartho'sti karaṇe pālane'rcane | kṛtvā kīrtiṃ suvimalāṃ pāvayānyāñjanānnṛpa
Therefore you are capable in the performing, the guarding and the worshipping. Having made your fame quite spotless, purify other people also, O king.
AI translation rendered from the Sanskrit, not a published edition
PdP 5 9.12
श्रीराम उवाच। विलोकय द्विजश्रेष्ठ वाजिशालां ममाधुना । तादृशाः संति नो वाश्वाः शुभलक्षणलक्षिताः
śrīrāma uvāca| vilokaya dvijaśreṣṭha vājiśālāṃ mamādhunā | tādṛśāḥ saṃti no vāśvāḥ śubhalakṣaṇalakṣitāḥ
Śrī Rāma said: Look now, best of the twice-born, at my horse-stable: are there or are there not such horses, marked with auspicious signs?
AI translation rendered from the Sanskrit, not a published edition
PdP 5 9.13
इति श्रुत्वा तु तद्वाक्यमगस्त्यः करुणाकरः । उत्तस्थौ वीक्षमाणोऽयं यागार्हान्वाजिनः शुभान्
iti śrutvā tu tadvākyamagastyaḥ karuṇākaraḥ | uttasthau vīkṣamāṇo'yaṃ yāgārhānvājinaḥ śubhān
Having heard that speech of his, Agastya, a mine of compassion, rose up, intending to inspect auspicious horses fit for the sacrifice.
AI translation rendered from the Sanskrit, not a published edition
PdP 5 9.14
गत्वाथ तत्र शालायां रामचंद्रसमन्वितः । ददर्शाश्वान्विचित्रांगान्मनोवेगान्महाबलान्
gatvātha tatra śālāyāṃ rāmacaṃdrasamanvitaḥ | dadarśāśvānvicitrāṃgānmanovegānmahābalān
Then, going there into the stable together with Rāmacandra, he saw horses of wondrous limbs, swift as thought, of great strength.
AI translation rendered from the Sanskrit, not a published edition
PdP 5 9.15
अवनितलगताः किं वाजिराजस्य वंश्याः किमथ रघुपतीनामेकतः कीर्तिपिंडाः । किमिदममृतराशिर्वाहरूपेण सिंधोर्मुनिरिति मनसोंतर्विस्मयं प्राप पश्यन्
avanitalagatāḥ kiṃ vājirājasya vaṃśyāḥ kimatha raghupatīnāmekataḥ kīrtipiṃḍāḥ | kimidamamṛtarāśirvāharūpeṇa siṃdhormuniriti manasoṃtarvismayaṃ prāpa paśyan
"Are these the lineage of the king of horses come down to earth's surface, or are they the massed glory of the Raghu lords gathered in one place? Or is this a heap of nectar (come) in the form of the ocean's steeds?" — thus, as he looked, the sage felt astonishment within his mind.
AI translation rendered from the Sanskrit, not a published edition
PdP 5 9.16
एकतः शोणदेहानां वाजिनां पंक्तिरुत्तमा । एकतः श्यामकर्णाश्च कस्तूरीकांतिसप्रभाः
ekataḥ śoṇadehānāṃ vājināṃ paṃktiruttamā | ekataḥ śyāmakarṇāśca kastūrīkāṃtisaprabhāḥ
On one side (was) an excellent row of horses with ruddy bodies; on one side (horses) with dark ears, shining with the sheen of musk.
AI translation rendered from the Sanskrit, not a published edition
PdP 5 9.17
एकतः कनकाभाश्च त्वन्यतो नीलवर्णिनः । एकतः शबलैर्वर्णैर्विशिष्टैर्वाजिभिर्वृताः
ekataḥ kanakābhāśca tvanyato nīlavarṇinaḥ | ekataḥ śabalairvarṇairviśiṣṭairvājibhirvṛtāḥ
On one side (were) those of golden hue, and on the other those of dark-blue colour; on one side (they were) surrounded by choice horses of dappled colours.
AI translation rendered from the Sanskrit, not a published edition
PdP 5 9.18
एवं पश्यन्मुनिः सर्वान्कौतुकाविष्टमानसः । ययावन्यत्र तान्द्रष्टुं यागयोग्यान्हयान्मुनिः
evaṃ paśyanmuniḥ sarvānkautukāviṣṭamānasaḥ | yayāvanyatra tāndraṣṭuṃ yāgayogyānhayānmuniḥ
Thus the sage, his mind filled with wonder, looking at them all, went elsewhere, the sage, to see those horses fit for the sacrifice.
AI translation rendered from the Sanskrit, not a published edition
PdP 5 9.19
ददर्श तत्र शतशो बद्धांस्तादृशवर्णकान् । दृष्ट्वा विस्मयमापेदे स मुनिर्हर्षितांगकः
dadarśa tatra śataśo baddhāṃstādṛśavarṇakān | dṛṣṭvā vismayamāpede sa munirharṣitāṃgakaḥ
There he saw, by the hundreds, (horses) tethered, of just such colours; on seeing (them) that sage felt amazement, his limbs thrilled with joy.
AI translation rendered from the Sanskrit, not a published edition
PdP 5 9.20
एकतः श्यामकर्णांश्च सर्वांगैः क्षीरसन्निभान् । पीतपुच्छान्मुखे रक्ताञ्छुभलक्षणलक्षितान्
ekataḥ śyāmakarṇāṃśca sarvāṃgaiḥ kṣīrasannibhān | pītapucchānmukhe raktāñchubhalakṣaṇalakṣitān
And on one side (he saw horses) with dark ears, in all their limbs resembling milk, with yellow tails, red at the mouth, marked with auspicious marks.
AI translation rendered from the Sanskrit, not a published edition
PdP 5 9.21
निरीक्ष्य परितोऽनघान्विमलनीरधारानिभान्मनोजवनशोभितान्विमलकीर्तिपुंजप्रभान् । पयोनिधिविशोषको मुनिरुवाचसीतापतिं विचित्रहयदर्शनाद्धृषितनेत्रवक्त्रप्रभः
nirīkṣya parito'naghānvimalanīradhārānibhānmanojavanaśobhitānvimalakīrtipuṃjaprabhān | payonidhiviśoṣako muniruvācasītāpatiṃ vicitrahayadarśanāddhṛṣitanetravaktraprabhaḥ
Having looked all around at those faultless ones, like streams of clear water, adorned with the swiftness of thought, shining with a mass of spotless glory, the sage who dried up the ocean spoke to Sītā's husband, the light of his eyes and face gladdened by the sight of the wondrous horses.
AI translation rendered from the Sanskrit, not a published edition
PdP 5 9.22
अगस्त्य उवाच। हयमेधक्रतौ योग्यान्वाहांस्ते बहुशः शुभान् । पश्यतो नेत्रयोर्मेऽद्य तृप्तिर्नास्ति रघूत्तम
agastya uvāca| hayamedhakratau yogyānvāhāṃste bahuśaḥ śubhān | paśyato netrayorme'dya tṛptirnāsti raghūttama
Agastya said: These many auspicious mounts of yours, fit for the horse-sacrifice rite — today my two eyes have no satiety in beholding (them), O best of the Raghus.
AI translation rendered from the Sanskrit, not a published edition
PdP 5 9.23
रामचंद्र महाभाग सुरासुरनमस्कृत । यज्ञं कुरु महाराज हयमेधं सुविस्तरम्
rāmacaṃdra mahābhāga surāsuranamaskṛta | yajñaṃ kuru mahārāja hayamedhaṃ suvistaram
O Rāmacandra, greatly blessed one, saluted by gods and demons, perform the sacrifice, O great king — the horse-sacrifice, on a vast scale.
AI translation rendered from the Sanskrit, not a published edition
PdP 5 9.24
सुरपतिरिव सर्वान्यज्ञसंघान्करिष्यंस्तपन इव सुपर्वारातितोयं विशोष्यन् । हतरिपुगणमुख्यं सांपरायं विजित्य क्षितितलसुखभोगं कुर्विदं भूरिभाग
surapatiriva sarvānyajñasaṃghānkariṣyaṃstapana iva suparvārātitoyaṃ viśoṣyan | hataripugaṇamukhyaṃ sāṃparāyaṃ vijitya kṣititalasukhabhogaṃ kurvidaṃ bhūribhāga
Like the lord of the gods, about to perform all the collections of sacrifices; like the sun, drying up the water of the enemies of the gods; having conquered in battle (the foe) whose chief troop of enemies is slain — make this enjoyment of happiness upon the earth's surface, O greatly fortunate one.
AI translation rendered from the Sanskrit, not a published edition — the model flagged this verse as uncertain
PdP 5 9.25
इत्येवं वाक्यवादेन परितुष्टाखिलेंद्रियः । सर्वान्वै यज्ञसंभारानाजहार मनोहरान्
ityevaṃ vākyavādena parituṣṭākhileṃdriyaḥ | sarvānvai yajñasaṃbhārānājahāra manoharān
Thus, by the utterance of (that) speech all his senses being wholly gratified, he indeed had brought (together) all the delightful requisites of the sacrifice.
AI translation rendered from the Sanskrit, not a published edition
PdP 5 9.26
मुन्यन्वितो महाराजः सरयूतीरमागतः । सुवर्णलांगलैर्भूमिं विचकर्ष महीयसीम्
munyanvito mahārājaḥ sarayūtīramāgataḥ | suvarṇalāṃgalairbhūmiṃ vicakarṣa mahīyasīm
The great king, accompanied by the sage, came to the bank of the Sarayū and ploughed up the vast ground with golden ploughs.
AI translation rendered from the Sanskrit, not a published edition
PdP 5 9.27
विलिख्य भूमिं बहुशश्चतुर्योजनसंमिताम् । मंडपान्रचयामास यज्ञार्थं स नरोत्तमः
vilikhya bhūmiṃ bahuśaścaturyojanasaṃmitām | maṃḍapānracayāmāsa yajñārthaṃ sa narottamaḥ
Having furrowed the ground many times over, an area measuring four yojanas, that best of men had pavilions constructed for the sacrifice.
AI translation rendered from the Sanskrit, not a published edition
PdP 5 9.28
कुंडं तु विधिवत्कृत्वा योनिमेखलयान्वितम् । अनेकरत्नरचितं सर्वशोभासमन्वितम्
kuṃḍaṃ tu vidhivatkṛtvā yonimekhalayānvitam | anekaratnaracitaṃ sarvaśobhāsamanvitam
And having made the fire-pit according to rule, furnished with a womb(-shaped hollow) and a girdle-ridge, wrought with many jewels, endowed with every splendour —
AI translation rendered from the Sanskrit, not a published edition
PdP 5 9.29
मुनीश्वरो महाभागो वसिष्ठः सुमहातपाः । सर्वं तत्कारयामास वेदशास्त्रविधिश्रितम्
munīśvaro mahābhāgo vasiṣṭhaḥ sumahātapāḥ | sarvaṃ tatkārayāmāsa vedaśāstravidhiśritam
That lord of sages, the greatly blessed Vasiṣṭha of mighty austerity, had all that carried out in accordance with the injunctions of the Vedas and the treatises.
AI translation rendered from the Sanskrit, not a published edition
PdP 5 9.30
प्रेषितास्तेन मुनिना शिष्या मुनिवराश्रमान् । कथयामासुरुद्युक्तं हयमेधे रघूत्तमम्
preṣitāstena muninā śiṣyā munivarāśramān | kathayāmāsurudyuktaṃ hayamedhe raghūttamam
Sent by that sage, the pupils (went) to the hermitages of the foremost sages and told (them) that the best of the Raghus was engaged upon a horse-sacrifice.
AI translation rendered from the Sanskrit, not a published edition
PdP 5 9.31
आकारितास्तदा सर्वे ऋषयस्तपतां वराः । आजग्मुः परमेशस्य दर्शने त्वतिलालसाः
ākāritāstadā sarve ṛṣayastapatāṃ varāḥ | ājagmuḥ parameśasya darśane tvatilālasāḥ
Then all the seers, the best of the ascetics, being summoned, came, exceedingly eager for the sight of the Supreme Lord.
AI translation rendered from the Sanskrit, not a published edition
PdP 5 9.32
नारदोसितनामा च पर्वतः कपिलो मुनिः । जातूकर्ण्योंऽगिरा व्यास आर्ष्टिषेणोऽत्रिरासुरिः
nāradositanāmā ca parvataḥ kapilo muniḥ | jātūkarṇyoṃ'girā vyāsa ārṣṭiṣeṇo'trirāsuriḥ
Nārada and the one named Asita, Parvata, the sage Kapila, Jātūkarṇya, Aṅgirā, Vyāsa, Ārṣṭiṣeṇa, Atri, Āsuri,
AI translation rendered from the Sanskrit, not a published edition
PdP 5 9.33
हारीतो याज्ञवल्क्यश्च संवर्तः शुकसंज्ञितः । इत्येवमादयो राम हयमेधवरं ययुः
hārīto yājñavalkyaśca saṃvartaḥ śukasaṃjñitaḥ | ityevamādayo rāma hayamedhavaraṃ yayuḥ
Hārīta and Yājñavalkya, Saṃvarta, the one named Śuka — these and such others, O Rāma, went to the excellent horse-sacrifice.
AI translation rendered from the Sanskrit, not a published edition
PdP 5 9.34
तान्सर्वान्पूजयामास रघुराजो महामनाः । प्रत्युत्थानाभिवादाभ्यामर्घ्यविष्टरकादिभिः
tānsarvānpūjayāmāsa raghurājo mahāmanāḥ | pratyutthānābhivādābhyāmarghyaviṣṭarakādibhiḥ
The high-minded king of the Raghus honoured them all with rising to meet (them) and with salutations, with water for the guest, with seats, and so forth.
AI translation rendered from the Sanskrit, not a published edition
PdP 5 9.35
गां हिरण्यं ददौ तेभ्यः प्रायशो दृष्टविक्रमः । महद्भाग्यं त्वद्यमेऽस्ति यद्यूयं दर्शनं गताः
gāṃ hiraṇyaṃ dadau tebhyaḥ prāyaśo dṛṣṭavikramaḥ | mahadbhāgyaṃ tvadyame'sti yadyūyaṃ darśanaṃ gatāḥ
(The king,) whose valour was proven, gave them cows and gold in abundance: "Great good fortune is mine today, in that you have come into my sight."
AI translation rendered from the Sanskrit, not a published edition
PdP 5 9.36
शेष उवाच। एवं समाकुले ब्रह्मन्नृषिवर्य समागमे । धर्मवार्ता बभूवाहो वर्णाश्रमसुसंमता
śeṣa uvāca| evaṃ samākule brahmannṛṣivarya samāgame | dharmavārtā babhūvāho varṇāśramasusaṃmatā
Śeṣa said: Thus, O brahman, O best of sages, in that thronged gathering there arose talk of dharma, well approved by (all) the classes and stages of life.
AI translation rendered from the Sanskrit, not a published edition
PdP 5 9.37
वात्स्यायन उवाच। का धर्मवार्ता तत्रासीत्किं वा कथितमद्भुतम् । साधवः सर्वलोकानां कारुण्यात्किमुताब्रुवन्
vātsyāyana uvāca| kā dharmavārtā tatrāsītkiṃ vā kathitamadbhutam | sādhavaḥ sarvalokānāṃ kāruṇyātkimutābruvan
Vātsyāyana said: What talk of dharma took place there, or what marvel was related? What did those good men say, out of compassion for all the worlds?
AI translation rendered from the Sanskrit, not a published edition
PdP 5 9.38
शेष उवाच। तान्समेतान्मुनीन्दृष्ट्वा रामो दाशरथिर्महान् । पप्रच्छ सर्वधर्मांश्च सर्ववर्णाश्रमोचितान्
śeṣa uvāca| tānsametānmunīndṛṣṭvā rāmo dāśarathirmahān | papraccha sarvadharmāṃśca sarvavarṇāśramocitān
Śeṣa said: Seeing those sages assembled, the great Rāma, son of Daśaratha, asked about all the dharmas proper to all the classes and stages of life.
AI translation rendered from the Sanskrit, not a published edition
PdP 5 9.39
ते तु पृष्टा हि रामेण धर्मान्प्रोचुर्महागुणान् । तान्प्रवक्ष्यामि ते सर्वान्यथाविधि शृणुष्व तान्
te tu pṛṣṭā hi rāmeṇa dharmānprocurmahāguṇān | tānpravakṣyāmi te sarvānyathāvidhi śṛṇuṣva tān
And they, being asked by Rāma, declared the dharmas of great excellence. I shall set forth all of them to you as ordained; hear them.
AI translation rendered from the Sanskrit, not a published edition
PdP 5 9.40
ऋषय ऊचुः। ब्राह्मणेन सदा कार्यं यजनाध्ययनादिकम् । वेदान्पठित्वा विरजो नैव गार्हस्थ्यमाविशेत्
ṛṣaya ūcuḥ| brāhmaṇena sadā kāryaṃ yajanādhyayanādikam | vedānpaṭhitvā virajo naiva gārhasthyamāviśet
The sages said: By a brahmin, sacrificing, study (of the Veda) and the like are always to be done. Having recited the Vedas, free of impurity, he should not (at once) enter the householder's state.
AI translation rendered from the Sanskrit, not a published edition — the model flagged this verse as uncertain
PdP 5 9.41
ब्राह्मणेन सदा त्याज्यं नीचसेवानुजीवनम् । आपद्गतोऽपि जीवेत न श्ववृत्त्या कदाचन
brāhmaṇena sadā tyājyaṃ nīcasevānujīvanam | āpadgato'pi jīveta na śvavṛttyā kadācana
By a brahmin, living by the service of low people is always to be shunned; even fallen into distress he should live, but never by a dog's way of life.
AI translation rendered from the Sanskrit, not a published edition
PdP 5 9.42
ऋतुकालाभिगमनं धर्मोऽयं गृहिणः परः । स्त्रीणां वरमनुस्मृत्याऽपत्यकामोथवा भवेत्
ṛtukālābhigamanaṃ dharmo'yaṃ gṛhiṇaḥ paraḥ | strīṇāṃ varamanusmṛtyā'patyakāmothavā bhavet
Approaching (his wife) at the fertile season—this is the highest dharma of a householder; or, recalling the boon of women, he may become desirous of offspring.
AI translation rendered from the Sanskrit, not a published edition — the model flagged this verse as uncertain
PdP 5 9.43
दिवाभिगमनं पुंसामनायुष्यकरं मतम् । श्राद्धाहः सर्वपर्वाणि यतस्त्याज्यानि धीमता
divābhigamanaṃ puṃsāmanāyuṣyakaraṃ matam | śrāddhāhaḥ sarvaparvāṇi yatastyājyāni dhīmatā
Intercourse by day is held to shorten men's lives; therefore days of śrāddha and all the parvan days are to be avoided by a wise man.
AI translation rendered from the Sanskrit, not a published edition
PdP 5 9.44
तत्र गच्छेत्स्त्रियं मोहाद्धर्मात्प्रच्यवते परात् । ऋतुकालाभिगामी यः स्वदारनिरतश्च यः
tatra gacchetstriyaṃ mohāddharmātpracyavate parāt | ṛtukālābhigāmī yaḥ svadāranirataśca yaḥ
If out of delusion he should go to a woman then, he falls away from the highest dharma. He who approaches (his wife) at the fertile season and who is devoted to his own wife—
AI translation rendered from the Sanskrit, not a published edition
PdP 5 9.45
सर्वदा ब्रह्मचारी ह विज्ञेयः स गृहाश्रमी । ऋतुः षोडशयामिन्यश्चतस्रस्ता सुगर्हिताः
sarvadā brahmacārī ha vijñeyaḥ sa gṛhāśramī | ṛtuḥ ṣoḍaśayāminyaścatasrastā sugarhitāḥ
—that householder is to be known as one who is always chaste. The fertile season is sixteen nights, (of which) four are much censured.
AI translation rendered from the Sanskrit, not a published edition
PdP 5 9.46
पुत्रदास्तासु या युग्मा अयुग्माः कन्यकाप्रदाः । त्यक्त्वा चंद्रमसं दुष्टं मघां मूलं विहाय च
putradāstāsu yā yugmā ayugmāḥ kanyakāpradāḥ | tyaktvā caṃdramasaṃ duṣṭaṃ maghāṃ mūlaṃ vihāya ca
Among those (nights), the even ones give sons, the odd ones give daughters. Avoiding a moon that is ill-placed, and leaving aside Maghā and Mūla,
AI translation rendered from the Sanskrit, not a published edition
PdP 5 9.47
शुचिः सन्निर्विशेत्पत्नीं पुंनामर्क्षे विशेषतः । शुचिं पुत्रं प्रसूयेत पुरुषार्थप्रसाधनम्
śuciḥ sannirviśetpatnīṃ puṃnāmarkṣe viśeṣataḥ | śuciṃ putraṃ prasūyeta puruṣārthaprasādhanam
being pure, he should go in to his wife, especially under an asterism of masculine name; she would bring forth a pure son, an accomplisher of the aims of man.
AI translation rendered from the Sanskrit, not a published edition
PdP 5 9.48
आर्षे विवाहे गोद्वंद्वं यदुक्तं तत्प्रशस्यते । शुल्कमण्वपि कन्यायाः कन्याक्रेतुस्तु पापकृत्
ārṣe vivāhe godvaṃdvaṃ yaduktaṃ tatpraśasyate | śulkamaṇvapi kanyāyāḥ kanyākretustu pāpakṛt
In the ārṣa marriage, the pair of cows that is prescribed—that is commended; but (in taking) even a small bride-price for a girl, the purchaser of the girl is a doer of evil.
AI translation rendered from the Sanskrit, not a published edition
PdP 5 9.49
वाणिज्यं नृपतेः सेवा वेदानध्ययनं तथा । कुविवाहः क्रियालोपः कुलपातनहेतवः
vāṇijyaṃ nṛpateḥ sevā vedānadhyayanaṃ tathā | kuvivāhaḥ kriyālopaḥ kulapātanahetavaḥ
Trade, the service of a king, and likewise the neglect of Vedic study, a bad marriage, the lapse of rites—(these) are causes of a family's downfall.
AI translation rendered from the Sanskrit, not a published edition
PdP 5 9.50
अन्नोदक पयो मूलफलैर्वापि गृहाश्रमी । गोदानेन तु यत्पुण्यं पात्राय विधिपूर्वकम्
annodaka payo mūlaphalairvāpi gṛhāśramī | godānena tu yatpuṇyaṃ pātrāya vidhipūrvakam
The householder (should honour a guest) with food, water, milk, or else with roots and fruits; but the merit that (comes) from the gift of a cow, made to a worthy recipient according to rule—
AI translation rendered from the Sanskrit, not a published edition — the model flagged this verse as uncertain
PdP 5 9.51
अनर्चितोऽतिथिर्गेहाद्भग्नाशो यस्य गच्छति । आजन्मसंचितात्पुण्यात्क्षणात्स हि बहिर्भवेत्
anarcito'tithirgehādbhagnāśo yasya gacchati | ājanmasaṃcitātpuṇyātkṣaṇātsa hi bahirbhavet
He from whose house a guest goes away unhonoured, his hopes broken—that man in an instant falls outside the merit accumulated since his birth.
AI translation rendered from the Sanskrit, not a published edition
PdP 5 9.52
पितृदेवमनुष्येभ्यो दत्त्वाश्नीतामृतं गृही । स्वार्थं पचत्यघं भुंक्ते केवलं स्वोदरंभरिः
pitṛdevamanuṣyebhyo dattvāśnītāmṛtaṃ gṛhī | svārthaṃ pacatyaghaṃ bhuṃkte kevalaṃ svodaraṃbhariḥ
Having given to the fathers, the gods and to men, let the householder eat: (that food) is nectar. He who cooks for his own sake eats sin, merely a filler of his own belly.
AI translation rendered from the Sanskrit, not a published edition
PdP 5 9.53
षष्ठ्यष्टम्योर्विशेत्पापं तैले मांसे सदैव हि । चतुर्दश्यां तथामायां त्यजेत क्षुरमंगनाम्
ṣaṣṭhyaṣṭamyorviśetpāpaṃ taile māṃse sadaiva hi | caturdaśyāṃ tathāmāyāṃ tyajeta kṣuramaṃganām
On the sixth and eighth (lunar days) sin enters into oil and into meat—always so; on the fourteenth and on the new-moon day one should avoid the razor and a woman.
AI translation rendered from the Sanskrit, not a published edition
PdP 5 9.54
रजस्वलां न सेवेत नाश्नीयात्सह भार्यया । एकवासा न भुंजीत न भुंजीतोत्कटासने
rajasvalāṃ na seveta nāśnīyātsaha bhāryayā | ekavāsā na bhuṃjīta na bhuṃjītotkaṭāsane
He should not resort to a menstruating woman, nor eat together with his wife; he should not eat wearing a single garment, nor eat squatting on his haunches.
AI translation rendered from the Sanskrit, not a published edition
PdP 5 9.55
नाश्नंतीं स्त्रियमीक्षेत तेजःकामो नरोत्तमः । मुखेनोपधमेन्नाग्निं नग्नां नेक्षेत योषितम्
nāśnaṃtīṃ striyamīkṣeta tejaḥkāmo narottamaḥ | mukhenopadhamennāgniṃ nagnāṃ nekṣeta yoṣitam
The best of men who desires vital splendor should not look at a woman while she is eating; he should not blow on the fire with his mouth, nor should he look at a naked woman.
AI translation rendered from the Sanskrit, not a published edition
PdP 5 9.56
नांघ्री प्रतापयेदग्नौ न वस्त्वशुचि निक्षिपेत् । प्राणिहिंसां न कुर्वीत नाश्नीयात्संध्ययोर्द्वयोः
nāṃghrī pratāpayedagnau na vastvaśuci nikṣipet | prāṇihiṃsāṃ na kurvīta nāśnīyātsaṃdhyayordvayoḥ
He should not heat his two feet in the fire, nor cast an impure thing (into it); he should not do injury to living creatures, nor should he eat at the two twilights.
AI translation rendered from the Sanskrit, not a published edition
PdP 5 9.57
नाचक्षीत धयंतीं गां नेंद्रचापं प्रदर्शयेत् । न दिवोद्गतसारं च भक्षयेद्दधिनो निशि
nācakṣīta dhayaṃtīṃ gāṃ neṃdracāpaṃ pradarśayet | na divodgatasāraṃ ca bhakṣayeddadhino niśi
One should not look at a cow while she is being suckled, nor point out the rainbow; and one should not eat by day (curds) whose cream has been drawn off, nor curds at night.
AI translation rendered from the Sanskrit, not a published edition — the model flagged this verse as uncertain
PdP 5 9.58
स्त्रीं धर्मिणीं नाभिवादेन्नाद्यादातृप्ति रात्रिषु । तौर्यत्रिकप्रियो न स्यात्कांस्ये पादौ न धावयेत्
strīṃ dharmiṇīṃ nābhivādennādyādātṛpti rātriṣu | tauryatrikapriyo na syātkāṃsye pādau na dhāvayet
One should not salute a menstruating woman; one should not eat to full satiety at night; one should not be fond of the three arts (song, instrumental music, and dance); one should not wash (one's) feet in a bronze vessel.
AI translation rendered from the Sanskrit, not a published edition
PdP 5 9.59
न धारयेदन्यभुक्तं वासश्चोपानहावपि । न भिन्नभाजनेऽश्नीयान्नाश्नीतान्नं विदूषितम्
na dhārayedanyabhuktaṃ vāsaścopānahāvapi | na bhinnabhājane'śnīyānnāśnītānnaṃ vidūṣitam
One should not wear a garment already used by another, nor sandals either; one should not eat from a broken vessel, nor eat food that has been defiled.
AI translation rendered from the Sanskrit, not a published edition
PdP 5 9.60
संविशेन्नार्द्रचरणो नोच्छिष्टः क्वचिदाव्रजेत् । शयानो वा न चाश्नीयान्नोच्छिष्टः संस्पृशेच्छिरः
saṃviśennārdracaraṇo nocchiṣṭaḥ kvacidāvrajet | śayāno vā na cāśnīyānnocchiṣṭaḥ saṃspṛśecchiraḥ
One should not lie down with wet feet, nor go anywhere while (still) impure with food-remnants; nor should one eat while lying down, nor touch the head while impure with food-remnants.
AI translation rendered from the Sanskrit, not a published edition
PdP 5 9.61
न मनुष्यस्तुतिं कुर्यान्नात्मानमवमानयेत् । अभ्युद्यतं न प्रणमेत्परमर्माणि नो वदेत्
na manuṣyastutiṃ kuryānnātmānamavamānayet | abhyudyataṃ na praṇametparamarmāṇi no vadet
One should not utter praise of (mere) men, nor should one demean oneself; one should not bow down when (something) is held raised up, nor should one speak of others' weak points.
AI translation rendered from the Sanskrit, not a published edition — the model flagged this verse as uncertain
PdP 5 9.62
एवं गार्हस्थ्यमाश्रित्य वानप्रस्थाश्रमं व्रजेत् । सस्त्रीको वा गतस्त्रीको विरज्येत ततः परम्
evaṃ gārhasthyamāśritya vānaprasthāśramaṃ vrajet | sastrīko vā gatastrīko virajyeta tataḥ param
Thus, having lived the householder's life, one should go to the forest-dweller's stage — either with his wife or having left his wife behind — and after that he should become detached.
AI translation rendered from the Sanskrit, not a published edition
PdP 5 9.63
इत्येवमादयो धर्मा गदिता ऋषिभिस्तदा । श्रुता रामेण महता सर्वलोकहितैषिणा
ityevamādayo dharmā gaditā ṛṣibhistadā | śrutā rāmeṇa mahatā sarvalokahitaiṣiṇā
Such duties as these, and others beginning with them, were then declared by the sages, and were heard by the great Rāma, who sought the welfare of all the world.
AI translation rendered from the Sanskrit, not a published edition