Padma Purana — Patala Khanda — Chapter 87
PdP 5 87.1
सूतउवाच- इति तस्य वचः श्रुत्वा नारदस्य स भूपतिः । प्रणम्य विस्मितः प्राह चिन्तयन्मनसा हरिम्
sūtauvāca- iti tasya vacaḥ śrutvā nāradasya sa bhūpatiḥ | praṇamya vismitaḥ prāha cintayanmanasā harim
Sūta said: Having heard that speech of Nārada's, that king bowed and, amazed, spoke, meditating on Hari in his mind.
AI translation rendered from the Sanskrit, not a published edition
PdP 5 87.2
अंबरीष उवाच- कथमेतद्विमुह्यामः स्वल्पायासेन वै मुने । प्राप्यते स्नानमात्रेण फलं चैवातिदुर्ल्लभम्
aṃbarīṣa uvāca- kathametadvimuhyāmaḥ svalpāyāsena vai mune | prāpyate snānamātreṇa phalaṃ caivātidurllabham
Ambarīṣa said: How is this? We are bewildered, O sage — that by very slight effort, by mere bathing, a fruit exceedingly hard to obtain is gained.
AI translation rendered from the Sanskrit, not a published edition
PdP 5 87.3
नारद उवाच- सत्यमुक्तं त्वया राजन्नल्पायासेन यन्महत् । फलं संप्राप्यते तत्र श्रद्धत्स्व विधिभाषितम्
nārada uvāca- satyamuktaṃ tvayā rājannalpāyāsena yanmahat | phalaṃ saṃprāpyate tatra śraddhatsva vidhibhāṣitam
Nārada said: What you have said is true, O king — that great fruit is fully obtained there by little effort. Have faith in what has been declared by the ordinance.
AI translation rendered from the Sanskrit, not a published edition
PdP 5 87.4
धर्मस्य गतयः सूक्ष्मा दुर्ज्ञेया हीश्वरैरपि । मुह्यंते चात्र विद्वांसोऽचिंत्यशक्ति हरेः कृतौ
dharmasya gatayaḥ sūkṣmā durjñeyā hīśvarairapi | muhyaṃte cātra vidvāṃso'ciṃtyaśakti hareḥ kṛtau
The courses of dharma are subtle and hard to know even for lords; and here even the learned are bewildered in the doing of Hari, whose power is unthinkable.
AI translation rendered from the Sanskrit, not a published edition
PdP 5 87.5
विश्वामित्रादयो राजन्धर्माधिक्येन बाहुजाः । ब्राह्मण्यं समुपायाताः सूक्ष्मा धर्मगतिस्त्वतः
viśvāmitrādayo rājandharmādhikyena bāhujāḥ | brāhmaṇyaṃ samupāyātāḥ sūkṣmā dharmagatistvataḥ
Viśvāmitra and others, O king, being born of the (kṣatriya) arm, attained brahminhood through an excess of dharma; hence the course of dharma is subtle.
AI translation rendered from the Sanskrit, not a published edition
PdP 5 87.6
अजामिलोऽपि भूपाल दासीपतिरिति श्रुतः । धर्मपत्नीपरित्यागी नित्यं पापपथिस्थितः
ajāmilo'pi bhūpāla dāsīpatiriti śrutaḥ | dharmapatnīparityāgī nityaṃ pāpapathisthitaḥ
Ajāmila too, O protector of the earth, was known as the husband of a slave woman, one who abandoned his lawful wife and stood constantly on the path of sin;
AI translation rendered from the Sanskrit, not a published edition
PdP 5 87.7
म्रियमाणः सुतस्नेहात्प्रोच्य नारायणेति च । तद्ध्याननामग्रहणात्पदं लेभे सुदुर्ल्लभम्
mriyamāṇaḥ sutasnehātprocya nārāyaṇeti ca | taddhyānanāmagrahaṇātpadaṃ lebhe sudurllabham
(yet) while dying, out of affection for his son, he uttered "Nārāyaṇa," and by that meditation and the taking of the name he obtained a state very hard to reach.
AI translation rendered from the Sanskrit, not a published edition
PdP 5 87.8
अनिच्छयापि दहति स्पृष्टो हुतवहो यथा । तथा दहति गोविंद नामव्याजादपीरितम्
anicchayāpi dahati spṛṣṭo hutavaho yathā | tathā dahati goviṃda nāmavyājādapīritam
As fire, when touched, burns even without one's wishing it, so, O Govinda, the name burns (sin) even when uttered on a mere pretext.
AI translation rendered from the Sanskrit, not a published edition
PdP 5 87.9
कानीनस्य मुनेः पौत्रा भ्रातृजायाभिगामिनः । गोलकस्य च वै पंडोः पुत्राः कुंडाः स्वयं तथा
kānīnasya muneḥ pautrā bhrātṛjāyābhigāminaḥ | golakasya ca vai paṃḍoḥ putrāḥ kuṃḍāḥ svayaṃ tathā
The grandsons of the sage who was a kānīna (born of an unwed maiden), (their fathers being) men who went in to a brother's wife; and the sons of Pāṇḍu, who was a golaka (born of a widow), being themselves kuṇḍas (sons begotten on a wife while her husband lived) —
AI translation rendered from the Sanskrit, not a published edition — the model flagged this verse as uncertain
PdP 5 87.10
ते पंचापि च भूपाल पांडवा द्रौपदीरताः । तेषां च पुण्यश्लोकत्वं सूक्ष्माधर्मगतिस्ततः
te paṃcāpi ca bhūpāla pāṃḍavā draupadīratāḥ | teṣāṃ ca puṇyaślokatvaṃ sūkṣmādharmagatistataḥ
those five, O protector of the earth, are the Pāṇḍavas, devoted to Draupadī; and theirs is the state of being of holy renown — hence the course of dharma is subtle.
AI translation rendered from the Sanskrit, not a published edition
PdP 5 87.11
विचित्राणि च कर्माणि विचित्रा भूतभावनाः । विचित्राणि च भूता निविचित्राः कर्मशक्तयः
vicitrāṇi ca karmāṇi vicitrā bhūtabhāvanāḥ | vicitrāṇi ca bhūtā nivicitrāḥ karmaśaktayaḥ
Deeds are manifold, and the dispositions of beings are manifold; beings too are manifold, and the powers of deeds are manifold.
AI translation rendered from the Sanskrit, not a published edition — the model flagged this verse as uncertain
PdP 5 87.12
कदाचित्सुकृतं कर्म कूटस्थं यदवस्थितम् । केनचित्कर्मणा भूप शुभेन परिवर्धते
kadācitsukṛtaṃ karma kūṭasthaṃ yadavasthitam | kenacitkarmaṇā bhūpa śubhena parivardhate
Sometimes a good deed that stands stored up unmoving, O king, is increased by some other auspicious deed,
AI translation rendered from the Sanskrit, not a published edition
PdP 5 87.13
फलं ददाति सुमहत्कस्मिन्नपि च जन्मनि । सूक्ष्मो धर्मोऽतिगहनो मीयते न यथा तथा
phalaṃ dadāti sumahatkasminnapi ca janmani | sūkṣmo dharmo'tigahano mīyate na yathā tathā
and gives a very great fruit in some birth or other. Dharma is subtle and very deep; it cannot be measured as it (really) is.
AI translation rendered from the Sanskrit, not a published edition
PdP 5 87.14
नैतस्य फलदानस्य श्रूयते भूपनिश्चयः । यत्किंचित्सुकृतं कर्मच्छन्नं पापांतरैरपि
naitasya phaladānasya śrūyate bhūpaniścayaḥ | yatkiṃcitsukṛtaṃ karmacchannaṃ pāpāṃtarairapi
No certainty about this giving of fruit is heard of, O king. Whatever good deed there is, though covered over by intervening sins,
AI translation rendered from the Sanskrit, not a published edition
PdP 5 87.15
तदागत्य कुतः क्वापि स्वं फलं च प्रयच्छति । कृतस्य नेह नाशोऽस्ति पुण्यस्य दुरितस्य च
tadāgatya kutaḥ kvāpi svaṃ phalaṃ ca prayacchati | kṛtasya neha nāśo'sti puṇyasya duritasya ca
that, coming from somewhere, gives its own fruit somewhere; for here there is no destruction of what has been done, whether merit or evil.
AI translation rendered from the Sanskrit, not a published edition
PdP 5 87.16
तथापि बहुभिः पुण्यैर्दुरितं याति दारुणम् । यदुक्तं भवता राजन्नायासाधिक्यतो भवेत्
tathāpi bahubhiḥ puṇyairduritaṃ yāti dāruṇam | yaduktaṃ bhavatā rājannāyāsādhikyato bhavet
Yet by many merits terrible evil is dispelled. As for what was said by you, O king — that (fruit) should come from greater effort —
AI translation rendered from the Sanskrit, not a published edition
PdP 5 87.17
महत्पुण्यं च तत्रापि कारणं मे निशामय । स्वल्पायासमहायासौ यद्यल्पत्व महत्त्वयोः
mahatpuṇyaṃ ca tatrāpi kāraṇaṃ me niśāmaya | svalpāyāsamahāyāsau yadyalpatva mahattvayoḥ
and that great merit is the cause even there: hear me. If slight effort and great effort were (the causes) of smallness and greatness (of fruit),
AI translation rendered from the Sanskrit, not a published edition — the model flagged this verse as uncertain
PdP 5 87.18
महापुण्यास्ततस्ते स्युः संततं कर्षकादयः । मंत्रोच्चारं च सिंहादेरायासं बहुलं त्वतः
mahāpuṇyāstataste syuḥ saṃtataṃ karṣakādayaḥ | maṃtroccāraṃ ca siṃhāderāyāsaṃ bahulaṃ tvataḥ
Then ploughmen and the like would be constantly of great merit; and the utterance of a mantra (would be little), while for a lion and such the exertion is abundant.
AI translation rendered from the Sanskrit, not a published edition — the model flagged this verse as uncertain
PdP 5 87.19
पंचगव्यं प्रशस्तं हि व्रतांगत्वेन नो भवेत् । इति कर्तव्यबाहुल्यं महत्त्वं च तदल्पता
paṃcagavyaṃ praśastaṃ hi vratāṃgatvena no bhavet | iti kartavyabāhulyaṃ mahattvaṃ ca tadalpatā
For the pañcagavya is praised, yet it would not (count) for us as a limb of the vow; thus greatness would consist in a multitude of things to be done, and smallness in their fewness.
AI translation rendered from the Sanskrit, not a published edition — the model flagged this verse as uncertain
PdP 5 87.20
जलाग्न्यादिप्रवेशस्य प्रसज्येत व्रतांतरात् । इदमल्पं महच्चैतदिति नैव नियामकम्
jalāgnyādipraveśasya prasajyeta vratāṃtarāt | idamalpaṃ mahaccaitaditi naiva niyāmakam
(Then) entering water or fire and the like would follow, since (that too is) another vow. "This is small and this is great" — that is by no means a determining rule.
AI translation rendered from the Sanskrit, not a published edition — the model flagged this verse as uncertain
PdP 5 87.21
फलं यच्चोदितं शास्त्रे तदेव स्यान्महन्नृप । यथाल्पनाशो महता महन्नाशस्तथाल्पतः
phalaṃ yaccoditaṃ śāstre tadeva syānmahannṛpa | yathālpanāśo mahatā mahannāśastathālpataḥ
Whatever fruit is declared in scripture, that alone is great, O king; just as (there is) destruction of the small by the great, so (there may be) destruction of the great by the small.
AI translation rendered from the Sanskrit, not a published edition — the model flagged this verse as uncertain
PdP 5 87.22
किं त्वल्पविस्फुलिंगेन तृणराशिः प्रदह्यते
kiṃ tvalpavisphuliṃgena tṛṇarāśiḥ pradahyate
But rather, by a small spark a heap of grass is burnt up.
AI translation rendered from the Sanskrit, not a published edition
PdP 5 87.23
हत्यायुतं पापसहस्रमुग्रं गुर्वंगनाकोटिनिषेवणं च । स्तेयादि पापानि च कृष्णभक्तैरज्ञानजातानि लयं ह्रियंते
hatyāyutaṃ pāpasahasramugraṃ gurvaṃganākoṭiniṣevaṇaṃ ca | steyādi pāpāni ca kṛṣṇabhaktairajñānajātāni layaṃ hriyaṃte
Ten thousand killings, a thousand fierce sins, and the enjoyment of ten million wives of one's guru, and sins such as theft, arisen from ignorance — (all these) are brought to dissolution by Kṛṣṇa's devotees.
AI translation rendered from the Sanskrit, not a published edition
PdP 5 87.24
विष्णुभक्तिमतावीर यत्किंचित्क्रियतेऽल्पकम् । सुकृतं साधुविदुषा तदक्षयफलं लभेत्
viṣṇubhaktimatāvīra yatkiṃcitkriyate'lpakam | sukṛtaṃ sādhuviduṣā tadakṣayaphalaṃ labhet
O hero, whatever little good deed is done by one who has devotion to Viṣṇu, by a good and wise man, that would obtain imperishable fruit.
AI translation rendered from the Sanskrit, not a published edition
PdP 5 87.25
संदेहो नात्र कर्त्तव्यो माधवेमासि माधवम् । समाराध्य नरो भक्त्या तत्तद्वांच्छितमाप्नुयात्
saṃdeho nātra karttavyo mādhavemāsi mādhavam | samārādhya naro bhaktyā tattadvāṃcchitamāpnuyāt
No doubt should be entertained here: having duly worshipped Mādhava with devotion in the month of Mādhava, a man would obtain each thing he wishes.
AI translation rendered from the Sanskrit, not a published edition
PdP 5 87.26
अपत्यं द्रविणं रत्नं दाराहर्म्यं हया गजाः । सुखानि स्वर्गमोक्षौ च न दूरे हरिभक्तितः
apatyaṃ draviṇaṃ ratnaṃ dārāharmyaṃ hayā gajāḥ | sukhāni svargamokṣau ca na dūre haribhaktitaḥ
Offspring, wealth, jewels, wife, a mansion, horses, elephants, pleasures, heaven and liberation — (these) are not far off, through devotion to Hari.
AI translation rendered from the Sanskrit, not a published edition
PdP 5 87.27
एवं शास्त्रोक्तविधिना स्वल्पेनापि न संशयः । पापस्य महतोऽपि स्यात्क्षयो वृद्धिः सुकर्मणः
evaṃ śāstroktavidhinā svalpenāpi na saṃśayaḥ | pāpasya mahato'pi syātkṣayo vṛddhiḥ sukarmaṇaḥ
Thus, by the procedure stated in scripture, even by a very small (act) — there is no doubt — there would be destruction of even great sin, and increase of good action.
AI translation rendered from the Sanskrit, not a published edition
PdP 5 87.28
फलाधिक्यं भवेद्भूप त्वाधिक्याद्भावकर्मणोः । सूक्ष्मा धर्मस्य विज्ञेया गतिस्तु विविधैरपि
phalādhikyaṃ bhavedbhūpa tvādhikyādbhāvakarmaṇoḥ | sūkṣmā dharmasya vijñeyā gatistu vividhairapi
There would be an excess of fruit, O king, from an excess of feeling and of action; but the course of dharma is to be known as subtle, even by (persons of) various kinds.
AI translation rendered from the Sanskrit, not a published edition — the model flagged this verse as uncertain
PdP 5 87.29
प्रियो माधवमासोऽयं माधवस्य महात्मनः । एकोप्यनुष्ठितो लोकैः समग्रेप्सितदायकः
priyo mādhavamāso'yaṃ mādhavasya mahātmanaḥ | ekopyanuṣṭhito lokaiḥ samagrepsitadāyakaḥ
This month of Mādhava is dear to the great-souled Mādhava; observed by people even once, it grants every desired thing.
AI translation rendered from the Sanskrit, not a published edition
PdP 5 87.30
पुण्येन गांगेन जलेन काले देशेऽपि यः स्नानपरोऽपि भूप । आजन्मतो भावहतोऽपि दाता न शुद्धिमेतीति मतं ममैतत्
puṇyena gāṃgena jalena kāle deśe'pi yaḥ snānaparo'pi bhūpa | ājanmato bhāvahato'pi dātā na śuddhimetīti mataṃ mamaitat
Even one who is intent on bathing in the holy water of the Gaṅgā, at the (right) time and in the (right) place, O king, and who gives from birth onward, yet is destitute of feeling, does not attain purity — this is my view.
AI translation rendered from the Sanskrit, not a published edition
PdP 5 87.31
गंगादितीर्थेषु वसंति जीवा देवालये पक्षिगणाश्च नित्यम् । विनाशमायांति कृतोपवासा भावोज्झिता नैव गतिं लभंते
gaṃgāditīrtheṣu vasaṃti jīvā devālaye pakṣigaṇāśca nityam | vināśamāyāṃti kṛtopavāsā bhāvojjhitā naiva gatiṃ labhaṃte
Living beings dwell at holy places such as the Gaṅgā, and flocks of birds always (dwell) in the temple; they come to destruction (though) they have fasted — devoid of feeling, they gain no (good) course at all.
AI translation rendered from the Sanskrit, not a published edition
PdP 5 87.32
भावं ततो हृत्कमले निधाय श्रीमाधवं माधवमासि भक्त्या । यजेत यः स्नानपरो विशुद्धः पुण्यं न शक्ता वयमस्य वक्तुम्
bhāvaṃ tato hṛtkamale nidhāya śrīmādhavaṃ mādhavamāsi bhaktyā | yajeta yaḥ snānaparo viśuddhaḥ puṇyaṃ na śaktā vayamasya vaktum
Therefore, whoever, placing feeling in the lotus of his heart, worships with devotion the glorious Mādhava in the month of Mādhava, intent on bathing and wholly pure — his merit we are not able to tell.
AI translation rendered from the Sanskrit, not a published edition
PdP 5 87.33
प्रज्वाल्य वह्निं घृततैलसिक्तं प्रदक्षिणावर्तशिखं स्वकाले । प्रविश्य दग्धः किल भावदुष्टो न स्वर्गमाप्नोति फलं न चान्यत्
prajvālya vahniṃ ghṛtatailasiktaṃ pradakṣiṇāvartaśikhaṃ svakāle | praviśya dagdhaḥ kila bhāvaduṣṭo na svargamāpnoti phalaṃ na cānyat
Having kindled a fire soaked with ghee and oil, whose flame whirls to the right, at the proper time, and having entered it and been burnt — one corrupt in feeling indeed obtains neither heaven nor any other fruit.
AI translation rendered from the Sanskrit, not a published edition
PdP 5 87.34
श्रद्धत्स्वभूप तस्मात्त्वं माधवस्य फलं प्रति । स्वल्पं चापि शुभं कर्म विकर्मशतनाशनम्
śraddhatsvabhūpa tasmāttvaṃ mādhavasya phalaṃ prati | svalpaṃ cāpi śubhaṃ karma vikarmaśatanāśanam
Therefore, O king, have faith concerning the fruit of (the month of) Mādhava: even a small good act is the destroyer of a hundred evil deeds.
AI translation rendered from the Sanskrit, not a published edition
PdP 5 87.35
यथा हरेर्नामभयेन भूप नश्यंति सर्वे दुरितस्य वृंदाः । नूनं रवौ मेषगते विभाते स्नानेन तीर्थे च हरिस्तवेन
yathā harernāmabhayena bhūpa naśyaṃti sarve duritasya vṛṃdāḥ | nūnaṃ ravau meṣagate vibhāte snānena tīrthe ca haristavena
Just as, O king, through fear of Hari's name all the hosts of sin perish, so surely (they perish) when the sun has entered Aries, at dawn, by bathing at a holy place and by praise of Hari.
AI translation rendered from the Sanskrit, not a published edition
PdP 5 87.36
तेजसा वैनतेयस्य पाप्मानः पन्नगा इव । विद्रवंति च वैशाखस्नानेनोषसि निश्चितम्
tejasā vainateyasya pāpmānaḥ pannagā iva | vidravaṃti ca vaiśākhasnānenoṣasi niścitam
Like snakes before the might of Garuḍa, sins scatter away, certainly, through bathing at dawn in Vaiśākha.
AI translation rendered from the Sanskrit, not a published edition
PdP 5 87.37
गंगायां नर्मदायां वा स्नात्वा मेषगते रवौ । पापप्रशमनस्तोत्रं यः पठेद्भक्तिभावतः
gaṃgāyāṃ narmadāyāṃ vā snātvā meṣagate ravau | pāpapraśamanastotraṃ yaḥ paṭhedbhaktibhāvataḥ
Whoever, having bathed in the Gaṅgā or in the Narmadā when the sun has entered Aries, recites with devout feeling the hymn that quells sin —
AI translation rendered from the Sanskrit, not a published edition
PdP 5 87.38
एककालं द्विकालं वा त्रिसंध्यमपि भूपते । स याति परमं स्थानं सर्वपापविवर्जितः
ekakālaṃ dvikālaṃ vā trisaṃdhyamapi bhūpate | sa yāti paramaṃ sthānaṃ sarvapāpavivarjitaḥ
— once, or twice, or even at the three junctures of the day, O lord of the earth — he goes to the highest station, freed from all sins.
AI translation rendered from the Sanskrit, not a published edition
PdP 5 87.39
अंबरीष महत्पुण्यप्राप्तये कुरु वीक्षणम् । माधवेमासि वै स्नानं प्रातर्नियमसंस्थितः
aṃbarīṣa mahatpuṇyaprāptaye kuru vīkṣaṇam | mādhavemāsi vai snānaṃ prātarniyamasaṃsthitaḥ
Ambarīṣa, direct your attention to the winning of great merit: bathing in the month of Mādhava, in the early morning, established in the observance.
AI translation rendered from the Sanskrit, not a published edition
PdP 5 87.40
यदानर्त्तपुरे प्रोक्तं वसतां वर्षकोटिभिः । तत्प्रातर्माधवे मासि स्नानेनैकेन लभ्यते
yadānarttapure proktaṃ vasatāṃ varṣakoṭibhiḥ | tatprātarmādhave māsi snānenaikena labhyate
That which is declared (as the fruit) of those who dwell in the city of Ānarta for tens of millions of years — that is obtained by a single morning bath in the month of Mādhava.
AI translation rendered from the Sanskrit, not a published edition
PdP 5 87.41
इहार्थे यत्पुरावृत्तं तदाकर्णय भूपते । भार्यया सह संवादं देवशर्मद्विजन्मनः
ihārthe yatpurāvṛttaṃ tadākarṇaya bhūpate | bhāryayā saha saṃvādaṃ devaśarmadvijanmanaḥ
On this matter, hear what happened long ago, O lord of the earth: the conversation of the brahmin Devaśarman with his wife.
AI translation rendered from the Sanskrit, not a published edition
PdP 5 87.42
रेवातीरे सुपुण्ये च तीर्थे चामरकंटके । कौशिकस्य सुतो जातो देवशर्मा द्विजोत्तमः
revātīre supuṇye ca tīrthe cāmarakaṃṭake | kauśikasya suto jāto devaśarmā dvijottamaḥ
On the bank of the Revā, at the very holy sacred place Amarakaṇṭaka, there was born to Kauśika a son, Devaśarman, best of brahmins.
AI translation rendered from the Sanskrit, not a published edition
PdP 5 87.43
धनपुत्रविहीनस्तु बहुदुःखसमन्वितः । दारिद्रेण सुदुःखेन सर्वदैवप्रपीडितः
dhanaputravihīnastu bahuduḥkhasamanvitaḥ | dāridreṇa suduḥkhena sarvadaivaprapīḍitaḥ
But he was without wealth and without a son, beset with much sorrow, sorely afflicted always by poverty and grievous misery.
AI translation rendered from the Sanskrit, not a published edition
PdP 5 87.44
पुत्रोपायं धनस्यापि दिवारात्रौ प्रचिंतयेत् । एकदा तु प्रिया तस्य सुमना नाम सुव्रता
putropāyaṃ dhanasyāpi divārātrau praciṃtayet | ekadā tu priyā tasya sumanā nāma suvratā
Day and night he would ponder a means for a son and for wealth as well. Then one day his beloved wife, named Sumanā, of good vows,
AI translation rendered from the Sanskrit, not a published edition
PdP 5 87.45
भर्तारं चिंतयोपेतमधोमुखमलक्षयत् । समालोक्य तदा कांतं तमुवाच यशस्विनी
bhartāraṃ ciṃtayopetamadhomukhamalakṣayat | samālokya tadā kāṃtaṃ tamuvāca yaśasvinī
noticed her husband sunk in brooding, his face downcast; and seeing her lover so, the illustrious woman said to him:
AI translation rendered from the Sanskrit, not a published edition
PdP 5 87.46
दुःखजालैरसंख्यैस्तु तव चित्तं प्रकर्षितम् । व्यामोहेन प्रमूढोसि त्यज चिंतां महामते
duḥkhajālairasaṃkhyaistu tava cittaṃ prakarṣitam | vyāmohena pramūḍhosi tyaja ciṃtāṃ mahāmate
"Your mind is dragged about by countless nets of sorrow; you are stupefied by bewilderment. Give up brooding, O greatly wise one.
AI translation rendered from the Sanskrit, not a published edition
PdP 5 87.47
मम दुःखं समाचक्ष्व स्वस्थो भव सुखं व्रज । नास्ति चिंतासमं दुःखं कायशोषणमेव हि
mama duḥkhaṃ samācakṣva svastho bhava sukhaṃ vraja | nāsti ciṃtāsamaṃ duḥkhaṃ kāyaśoṣaṇameva hi
Tell me your sorrow; be at ease, go to happiness. There is no sorrow like brooding — it is simply a withering of the body.
AI translation rendered from the Sanskrit, not a published edition
PdP 5 87.48
तां संत्यज्य प्रवर्तेत स सुखेन प्रमोदते । चिंतायाः कारणं विप्र कथयस्व मम प्रभो
tāṃ saṃtyajya pravarteta sa sukhena pramodate | ciṃtāyāḥ kāraṇaṃ vipra kathayasva mama prabho
Having given that up one should act, and one rejoices in happiness. Tell me the cause of your brooding, brahmin, my lord."
AI translation rendered from the Sanskrit, not a published edition
PdP 5 87.49
नारद उवाच-। प्रियावाक्यं स संश्रुत्य देवशर्मा महामतिः । उवाच वचनं प्रीतो दुःखितोऽपि सतीसखः
nārada uvāca-| priyāvākyaṃ sa saṃśrutya devaśarmā mahāmatiḥ | uvāca vacanaṃ prīto duḥkhito'pi satīsakhaḥ
Nārada said: Hearing his beloved's words, Devaśarman of great mind, pleased though sorrowful, the companion of that faithful wife, spoke these words.
AI translation rendered from the Sanskrit, not a published edition
PdP 5 87.50
देवशर्मोवाच-। यत्त्वया चिंतितं भद्रे किंचिद्दुःखस्य कारणम् । तत्सर्वं तु प्रवक्ष्यामि श्रुत्वा चैवावधार्यताम्
devaśarmovāca-| yattvayā ciṃtitaṃ bhadre kiṃcidduḥkhasya kāraṇam | tatsarvaṃ tu pravakṣyāmi śrutvā caivāvadhāryatām
Devaśarman said: What you have pondered, good lady — some cause of sorrow — all that I shall declare; hear it and take it in.
AI translation rendered from the Sanskrit, not a published edition
PdP 5 87.51
न जाने केन पापेन धनहीनोऽस्मि सुव्रते । तथा पुत्रविहीनोऽस्मि एतद्दुःखस्य कारणम्
na jāne kena pāpena dhanahīno'smi suvrate | tathā putravihīno'smi etadduḥkhasya kāraṇam
I do not know by what sin I am without wealth, O you of good vows, and likewise without a son: this is the cause of the sorrow.
AI translation rendered from the Sanskrit, not a published edition
PdP 5 87.52
सुमनोवाच-। श्रूयतामभिधास्यामि सर्वसंदेहनाशनम् । स्वरूपमुपदेशस्य सर्वविज्ञानदर्शनम्
sumanovāca-| śrūyatāmabhidhāsyāmi sarvasaṃdehanāśanam | svarūpamupadeśasya sarvavijñānadarśanam
Sumanā said: Let it be heard — I shall tell what destroys all doubt, the very essence of instruction, the vision of all knowledge.
AI translation rendered from the Sanskrit, not a published edition
PdP 5 87.53
संतोष एव परमं पुण्यं सौख्यादिकारणम् । असंतोषः परं पापमित्याह भगवान्हरिः
saṃtoṣa eva paramaṃ puṇyaṃ saukhyādikāraṇam | asaṃtoṣaḥ paraṃ pāpamityāha bhagavānhariḥ
Contentment alone is the highest merit, the cause of happiness and the rest; discontent is the highest sin — so said the Lord Hari.
AI translation rendered from the Sanskrit, not a published edition
PdP 5 87.54
लोभः पापस्य बीजोऽयं मोहो मूलं च तस्य वै । असत्यं तस्य हि स्कंधो महाशाखा सुविस्तरात्
lobhaḥ pāpasya bījo'yaṃ moho mūlaṃ ca tasya vai | asatyaṃ tasya hi skaṃdho mahāśākhā suvistarāt
Greed is the seed of sin, and delusion is its root; falsehood is indeed its trunk, and its great branch (spreads) very widely.
AI translation rendered from the Sanskrit, not a published edition
PdP 5 87.55
मदकौटिल्य पत्राणि कुबुद्ध्या पुष्पितः सदा । अनृतं तस्य सौगंध्यमज्ञानं फलमेव च
madakauṭilya patrāṇi kubuddhyā puṣpitaḥ sadā | anṛtaṃ tasya saugaṃdhyamajñānaṃ phalameva ca
Intoxication and crookedness are its leaves; by bad thinking it is always in flower; untruth is its fragrance, and ignorance is its fruit.
AI translation rendered from the Sanskrit, not a published edition
PdP 5 87.56
कुड्यं पाषंडचौराश्च क्रूराः कूटाश्च पापिनः । पक्षिणो मोहवृक्षस्य महाशाखासमाश्रिताः
kuḍyaṃ pāṣaṃḍacaurāśca krūrāḥ kūṭāśca pāpinaḥ | pakṣiṇo mohavṛkṣasya mahāśākhāsamāśritāḥ
Fences (?), heretics and thieves, the cruel, the deceitful and the sinful are the birds of the tree of delusion, perched on its great branches.
AI translation rendered from the Sanskrit, not a published edition — the model flagged this verse as uncertain
PdP 5 87.57
अज्ञानं सुफलं तस्य रसो धर्मं फलस्य हि । भावोदकेन संवृद्धिस्तस्य श्रद्धा क्रतु प्रिया
ajñānaṃ suphalaṃ tasya raso dharmaṃ phalasya hi | bhāvodakena saṃvṛddhistasya śraddhā kratu priyā
Ignorance is its fine fruit, and the sap of the fruit is (its) dharma; its growth is by the water of feeling, and faith and sacrifice are dear to it.
AI translation rendered from the Sanskrit, not a published edition — the model flagged this verse as uncertain
PdP 5 87.58
अधर्मेषु रसस्तस्य उत्क्लेदैर्मधुरायते । तादृशैश्च फलैश्चैवसफलो लोभपादपः
adharmeṣu rasastasya utkledairmadhurāyate | tādṛśaiśca phalaiścaivasaphalo lobhapādapaḥ
Its sap lies in unrighteous deeds, and it turns sweet through the moistening (of desire); with fruits of that same kind the tree of greed bears fruit.
AI translation rendered from the Sanskrit, not a published edition — the model flagged this verse as uncertain
PdP 5 87.59
तस्यच्छायां समाश्रित्य यो नरः परिवर्तते । फलानि तस्य सोऽश्नाति स्वपक्वानि दिनेदिने
tasyacchāyāṃ samāśritya yo naraḥ parivartate | phalāni tasya so'śnāti svapakvāni dinedine
The man who resorts to its shade and moves about there eats its fruits, ripe of themselves, day after day.
AI translation rendered from the Sanskrit, not a published edition
PdP 5 87.60
फलानां च रसेनापि अधर्मेण तु पोषितः । स संपुष्टो भवेन्मर्त्यः पतनाय प्रयच्छति
phalānāṃ ca rasenāpi adharmeṇa tu poṣitaḥ | sa saṃpuṣṭo bhavenmartyaḥ patanāya prayacchati
And nourished by the sap of those fruits, that is, by unrighteousness, that mortal, when well fattened, offers himself up for a fall.
AI translation rendered from the Sanskrit, not a published edition
PdP 5 87.61
तस्माच्चिंतां परिश्रित्य स्वामि लोभं न कारयेत् । धनपुत्रकलत्राणां चिंतामेतां न कारयेत्
tasmācciṃtāṃ pariśritya svāmi lobhaṃ na kārayet | dhanaputrakalatrāṇāṃ ciṃtāmetāṃ na kārayet
Therefore, husband, having taken refuge from anxiety, one should not practise greed; one should not entertain this anxiety over wealth, sons and wife.
AI translation rendered from the Sanskrit, not a published edition — the model flagged this verse as uncertain
PdP 5 87.62
यो हि विद्वान्नचेत्कांत मूर्खाणां पथमेव हि । मृषा चिंतयते नित्यं दिवारात्रौ विमोहितः
yo hi vidvānnacetkāṃta mūrkhāṇāṃ pathameva hi | mṛṣā ciṃtayate nityaṃ divārātrau vimohitaḥ
For he who is learned yet does not take heed, beloved, (follows) the very path of fools; deluded, he broods vainly, day and night.
AI translation rendered from the Sanskrit, not a published edition — the model flagged this verse as uncertain
PdP 5 87.63
शुभार्थं च प्रविंदामि कथं पुत्रानहं लभे । एवं चिंतयते नित्यं दिवारात्रौ विमोहितः
śubhārthaṃ ca praviṃdāmi kathaṃ putrānahaṃ labhe | evaṃ ciṃtayate nityaṃ divārātrau vimohitaḥ
"And how shall I gain what is good? how shall I obtain sons?" — thus he broods continually, deluded, day and night.
AI translation rendered from the Sanskrit, not a published edition
PdP 5 87.64
क्षणमेकं प्रपश्येत्स चिंतामध्ये महत्सुखम् । पुनश्चैतन्यमायाति महादुःखेन पीड्यते
kṣaṇamekaṃ prapaśyetsa ciṃtāmadhye mahatsukham | punaścaitanyamāyāti mahāduḥkhena pīḍyate
For a single moment, in the midst of his brooding, he may see great pleasure; then consciousness returns, and he is afflicted with great pain.
AI translation rendered from the Sanskrit, not a published edition
PdP 5 87.65
चिंतामोहौ परित्यज्य अनुवर्तस्व तं द्विज । संसारे नास्ति संबंधः केन सार्धं महामते
ciṃtāmohau parityajya anuvartasva taṃ dvija | saṃsāre nāsti saṃbaṃdhaḥ kena sārdhaṃ mahāmate
Abandoning anxiety and delusion, follow Him, O twice-born; in the round of rebirth there is no kinship — with whom, O wise one?
AI translation rendered from the Sanskrit, not a published edition
PdP 5 87.66
मित्राश्च बांधवाः पुत्राः पितामाता सुतास्तथा । स्वसंबंधा भवंत्येते कलत्रादि तथैव च
mitrāśca bāṃdhavāḥ putrāḥ pitāmātā sutāstathā | svasaṃbaṃdhā bhavaṃtyete kalatrādi tathaiva ca
Friends, kinsmen, sons, father and mother, and children too, and likewise wife and the rest — these come to be one's relations.
AI translation rendered from the Sanskrit, not a published edition
PdP 5 87.67
देवशर्मोवाच-। संबंधः कीदृशो भद्रे तन्मे विस्तरतो वद । येन जायंति ते सर्वे धनपुत्रादि बांधवाः
devaśarmovāca-| saṃbaṃdhaḥ kīdṛśo bhadre tanme vistarato vada | yena jāyaṃti te sarve dhanaputrādi bāṃdhavāḥ
Devaśarman said: What sort of thing is this connection, good lady? Tell me that in detail — the connection by which all those, wealth, sons and kinsmen, come to be.
AI translation rendered from the Sanskrit, not a published edition
PdP 5 87.68
सुमनोवाच-। भर्तः पंचविधाः पुत्रा जायंते तान्वदाम्यहम् । न्यासापहारकं चैकमृणसंबंधिनं परम्
sumanovāca-| bhartaḥ paṃcavidhāḥ putrā jāyaṃte tānvadāmyaham | nyāsāpahārakaṃ caikamṛṇasaṃbaṃdhinaṃ param
Sumanā said: Husband, sons are born of five kinds; I shall tell them to you: one who carries off a deposit, another connected by a debt,
AI translation rendered from the Sanskrit, not a published edition
PdP 5 87.69
रिपुं लभ्यमुदासीनमिति कांत भवंति ते । लक्षणानि प्रवक्ष्यामि तेषामीश पृथक्पृथक्
ripuṃ labhyamudāsīnamiti kāṃta bhavaṃti te | lakṣaṇāni pravakṣyāmi teṣāmīśa pṛthakpṛthak
an enemy, one to be gained, and one indifferent — such, beloved, are they. I shall declare their marks, my lord, one by one.
AI translation rendered from the Sanskrit, not a published edition — the model flagged this verse as uncertain
PdP 5 87.70
पुत्रा मित्राः प्रिया भार्या पिता माता च बांधवाः । स्वेनस्वेन हि जायंते संबंधेन महीतले
putrā mitrāḥ priyā bhāryā pitā mātā ca bāṃdhavāḥ | svenasvena hi jāyaṃte saṃbaṃdhena mahītale
Sons, friends, a dear wife, father, mother and kinsmen are born on this earth each through his own particular connection.
AI translation rendered from the Sanskrit, not a published edition
PdP 5 87.71
न्यासापहारभावेन यस्य येन हृतं भुवि । न्यासस्वामी भवेत्पुत्रो गुणवान्रूपवान्भुवि
nyāsāpahārabhāvena yasya yena hṛtaṃ bhuvi | nyāsasvāmī bhavetputro guṇavānrūpavānbhuvi
By way of the carrying off of a deposit: whatever has been taken from someone by someone on earth, the owner of the deposit becomes his son, endowed with virtues and beauty in the world.
AI translation rendered from the Sanskrit, not a published edition
PdP 5 87.72
येन ह्यपहृतं न्यासं तस्य गेहे न संशयः । न्यासापहारणं दुःखं स दत्त्वा दारुणं गतः
yena hyapahṛtaṃ nyāsaṃ tasya gehe na saṃśayaḥ | nyāsāpahāraṇaṃ duḥkhaṃ sa dattvā dāruṇaṃ gataḥ
He is born, without doubt, in the house of the man by whom the deposit was carried off; for the theft of a deposit is a grief, and he departed after inflicting a cruel (grief).
AI translation rendered from the Sanskrit, not a published edition — the model flagged this verse as uncertain
PdP 5 87.73
न्यासस्वामी सुपुत्रोऽभून्न्यासापहारकस्य च । गुणवान्रूपवांश्चैव सर्वलक्षणसंयुतः
nyāsasvāmī suputro'bhūnnyāsāpahārakasya ca | guṇavānrūpavāṃścaiva sarvalakṣaṇasaṃyutaḥ
The owner of the deposit became the good son of the one who carried off the deposit — virtuous and handsome, endowed with all auspicious marks.
AI translation rendered from the Sanskrit, not a published edition
PdP 5 87.74
भक्तिं च दर्शयेत्तस्य पुत्रो भूत्वा दिनेदिने । प्रियवाङ्मधुरोवाग्मी बहुस्नेहं विदर्शयेत्
bhaktiṃ ca darśayettasya putro bhūtvā dinedine | priyavāṅmadhurovāgmī bahusnehaṃ vidarśayet
And having become his son, he displays devotion to him day after day; sweet-spoken, eloquent, kind in speech, he shows great affection.
AI translation rendered from the Sanskrit, not a published edition
PdP 5 87.75
स्वीयं द्रव्यं समुद्ग्राह्य प्रीतिमुत्पाद्य चातुलाम् । यथा तेन प्रदत्तं तन्न्यासापहरणात्परम्
svīyaṃ dravyaṃ samudgrāhya prītimutpādya cātulām | yathā tena pradattaṃ tannyāsāpaharaṇātparam
Having recovered his own property and having produced immeasurable fondness (in him), just as it was given by him, so beyond the theft of the deposit
AI translation rendered from the Sanskrit, not a published edition — the model flagged this verse as uncertain
PdP 5 87.76
दुःखमेवं महाभाग दारुणं प्राणनाशनम् । तादृशं तस्य सो दद्यात्पुत्रो भूत्वा महागुणः
duḥkhamevaṃ mahābhāga dāruṇaṃ prāṇanāśanam | tādṛśaṃ tasya so dadyātputro bhūtvā mahāguṇaḥ
— such grief, O greatly fortunate one, cruel and life-destroying — the like of that he gives to him, having become his son, one of great virtues.
AI translation rendered from the Sanskrit, not a published edition — the model flagged this verse as uncertain
PdP 5 87.77
अल्पायुषस्तथा भूत्वा मरणं चोपगच्छति । दुःखं दत्वा प्रयात्येवं प्रहृत्यैवं पुनःपुनः
alpāyuṣastathā bhūtvā maraṇaṃ copagacchati | duḥkhaṃ datvā prayātyevaṃ prahṛtyaivaṃ punaḥpunaḥ
And thus, being short-lived, he meets with death; having given grief, he departs, striking (his father) thus again and again.
AI translation rendered from the Sanskrit, not a published edition
PdP 5 87.78
यदाह पुत्रपुत्रेति प्रलापं हि करोति यः । तदा हास्यं करोत्येष कस्तु पुत्रो हि कस्य च
yadāha putraputreti pralāpaṃ hi karoti yaḥ | tadā hāsyaṃ karotyeṣa kastu putro hi kasya ca
When someone cries out "my son, my son!" and raves so, then this (one) laughs (at him): whose son is he, and of whom?
AI translation rendered from the Sanskrit, not a published edition
PdP 5 87.79
अनेनापहृतं न्यासं मदीयं पापचारिणा । द्रव्यापहारणेनापि मम प्राणागताः किल
anenāpahṛtaṃ nyāsaṃ madīyaṃ pāpacāriṇā | dravyāpahāraṇenāpi mama prāṇāgatāḥ kila
"By this evil-doer a deposit of mine was carried off; and by the taking away of my property my very life-breaths went, indeed."
AI translation rendered from the Sanskrit, not a published edition
PdP 5 87.80
दुःखेन महता चैव असह्येन च वै पुरा । तदा दुःखं मया दत्वाद्रव्यमुद्ग्राह्यमुत्तमम्
duḥkhena mahatā caiva asahyena ca vai purā | tadā duḥkhaṃ mayā datvādravyamudgrāhyamuttamam
"Formerly, with great and unbearable suffering—therefore, having inflicted suffering, I must recover (from him) the best of the property."
AI translation rendered from the Sanskrit, not a published edition — the model flagged this verse as uncertain