Padma Purana — Patala Khanda — Chapter 85
PdP 5 85.1
अंबरीष उवाच- साधुसाधु मुनिश्रेष्ठ लोकानुग्रहकारक । विष्णोर्ध्यानं त्वया प्रोक्तं सगुणं निर्गुणं च यत्
aṃbarīṣa uvāca- sādhusādhu muniśreṣṭha lokānugrahakāraka | viṣṇordhyānaṃ tvayā proktaṃ saguṇaṃ nirguṇaṃ ca yat
Ambarīṣa said: Excellent, excellent, best of sages, doer of favour to the worlds! The meditation on Viṣṇu, both with qualities and without qualities, has been declared by you.
AI translation rendered from the Sanskrit, not a published edition
PdP 5 85.2
अधुना लक्षणं ब्रूहि भक्तेः साधु कृपाकर । यादृशी क्रियते येन यथा यत्र यदा तथा
adhunā lakṣaṇaṃ brūhi bhakteḥ sādhu kṛpākara | yādṛśī kriyate yena yathā yatra yadā tathā
Now tell (me) well the mark of devotion, O storehouse of compassion: of what sort it is, by whom it is performed, how, where and when.
AI translation rendered from the Sanskrit, not a published edition
PdP 5 85.3
सूत उवाच- इत्युक्तमाकर्ण्य नृपोत्तमस्य मुनिः प्रहृष्टो निजगाद भूपम् । शृणुष्व राजन्निखिलाघहारिणीं भक्तिं हरेस्ते प्रवदामि सम्यक्
sūta uvāca- ityuktamākarṇya nṛpottamasya muniḥ prahṛṣṭo nijagāda bhūpam | śṛṇuṣva rājannikhilāghahāriṇīṃ bhaktiṃ hareste pravadāmi samyak
Sūta said: Having heard this said by the best of kings, the sage, delighted, spoke to the ruler: "Hear, O king; I shall declare to you fully the devotion to Hari that removes all sin."
AI translation rendered from the Sanskrit, not a published edition
PdP 5 85.4
अथ भक्तिं प्रवक्ष्यामि विविधां पापनाशिनीम् । विविधा भक्तिरुद्दिष्टा मनोवाक्कायसंभवा
atha bhaktiṃ pravakṣyāmi vividhāṃ pāpanāśinīm | vividhā bhaktiruddiṣṭā manovākkāyasaṃbhavā
Now I shall expound devotion, which is of many kinds and destroys sin. Devotion is declared to be of many kinds, arising from mind, speech and body.
AI translation rendered from the Sanskrit, not a published edition
PdP 5 85.5
लौकिकी वैदिकी चापि भवेदाध्यात्मिकी तथा । ध्यानधारणया बुद्ध्या वेदानां स्मरणं हि यत्
laukikī vaidikī cāpi bhavedādhyātmikī tathā | dhyānadhāraṇayā buddhyā vedānāṃ smaraṇaṃ hi yat
And it may be worldly, Vedic, and likewise pertaining to the self. That remembering of the Vedas which is done by the intellect through meditation and concentration—
AI translation rendered from the Sanskrit, not a published edition
PdP 5 85.6
विष्णुप्रीतिकरी चैषा मानसी भक्तिरुच्यते । मंत्रवेदसमुच्चारैरविश्रांतविचिंतनैः
viṣṇuprītikarī caiṣā mānasī bhaktirucyate | maṃtravedasamuccārairaviśrāṃtaviciṃtanaiḥ
—and this, which produces the pleasure of Viṣṇu, is called mental devotion. By utterances of mantras and Vedas, by unwearied reflection,
AI translation rendered from the Sanskrit, not a published edition
PdP 5 85.7
जाप्यैश्चारण्यकैश्चैव वाचिकी भक्तिरुच्यते । व्रतोपवासनियमैः पञ्चेंद्रियजयेन च
jāpyaiścāraṇyakaiścaiva vācikī bhaktirucyate | vratopavāsaniyamaiḥ pañceṃdriyajayena ca
by recitations and by the Āraṇyaka texts—(this) is called verbal devotion. By vows, fasts and restraints, and by the conquest of the five senses,
AI translation rendered from the Sanskrit, not a published edition
PdP 5 85.8
कायिकी सैव निर्दिष्टा भक्तिः सर्वार्थसाधिनी । भूषणैर्हेमरत्नांकैश्चित्राभिर्वाग्भिरेव च
kāyikī saiva nirdiṣṭā bhaktiḥ sarvārthasādhinī | bhūṣaṇairhemaratnāṃkaiścitrābhirvāgbhireva ca
that same is declared bodily devotion, which accomplishes every aim. With ornaments marked with gold and jewels, and with varied words,
AI translation rendered from the Sanskrit, not a published edition
PdP 5 85.9
वासः प्रतिसरैः सूत्रैः पावकव्यजनोच्छ्रितैः । नृत्यवादित्रगीतैश्च सर्वबल्युपहारकैः
vāsaḥ pratisaraiḥ sūtraiḥ pāvakavyajanocchritaiḥ | nṛtyavāditragītaiśca sarvabalyupahārakaiḥ
with garments, amulet-threads and cords, with fire and raised fans, with dance, instrumental music and song, and with all offerings of oblation,
AI translation rendered from the Sanskrit, not a published edition — the model flagged this verse as uncertain
PdP 5 85.10
भक्ष्यभोज्यान्नपानैश्च या पूजा क्रियते नरैः । नारायणं समुद्दिश्य भक्तिः सा लौकिकी मता
bhakṣyabhojyānnapānaiśca yā pūjā kriyate naraiḥ | nārāyaṇaṃ samuddiśya bhaktiḥ sā laukikī matā
and with foods hard and soft, with grain and drink—the worship that is performed by men with Nārāyaṇa as its object: that devotion is held to be worldly.
AI translation rendered from the Sanskrit, not a published edition
PdP 5 85.11
कायिकी सैव निर्दिष्टा भक्तिः सर्वार्थसाधिकी । ऋग्यजुःसामजाप्यानि संहिताध्ययनानि च
kāyikī saiva nirdiṣṭā bhaktiḥ sarvārthasādhikī | ṛgyajuḥsāmajāpyāni saṃhitādhyayanāni ca
That same is declared bodily devotion, which accomplishes every aim. Recitations of the Ṛg, Yajus and Sāman, and studies of the Saṃhitās—
AI translation rendered from the Sanskrit, not a published edition
PdP 5 85.12
क्रियंते विष्णुमुद्दिश्य सा भक्तिर्वैदिकोच्यते । वेदमंत्रहविर्यागैः क्रियाया वैदिकी मता
kriyaṃte viṣṇumuddiśya sā bhaktirvaidikocyate | vedamaṃtrahaviryāgaiḥ kriyāyā vaidikī matā
when these are performed with Viṣṇu as their object, that devotion is called Vedic. By Vedic mantras, oblations and sacrifices, (devotion) of action is held to be Vedic.
AI translation rendered from the Sanskrit, not a published edition
PdP 5 85.13
दर्शे च पौर्णमास्यां च कर्त्तव्यं चाग्निहोत्रकम् । प्राशनं दक्षिणादानं पुरोडाशं चरु क्रिया
darśe ca paurṇamāsyāṃ ca karttavyaṃ cāgnihotrakam | prāśanaṃ dakṣiṇādānaṃ puroḍāśaṃ caru kriyā
On the new moon and on the full moon the agnihotra is to be performed: the eating (of the oblation), the giving of the priestly fee, the puroḍāśa cake, the caru offering, the rite;
AI translation rendered from the Sanskrit, not a published edition
PdP 5 85.14
इष्टिर्धृतिः सोमपानं याज्ञियं कर्म सर्वशः । अग्निभूम्यनिलाकाश द्युति शंकर भास्करम्
iṣṭirdhṛtiḥ somapānaṃ yājñiyaṃ karma sarvaśaḥ | agnibhūmyanilākāśa dyuti śaṃkara bhāskaram
the iṣṭi, the (ritual) steadfastness, the drinking of soma, sacrificial action in every form; fire, earth, wind, ether, light, Śaṃkara, the sun—
AI translation rendered from the Sanskrit, not a published edition — the model flagged this verse as uncertain
PdP 5 85.15
तमुद्दिश्यकृतं कर्म तत्सर्वं विष्णुदैवतम् । आध्यात्मिकीति विविधा ब्रह्मभक्तिस्थिता नृप
tamuddiśyakṛtaṃ karma tatsarvaṃ viṣṇudaivatam | ādhyātmikīti vividhā brahmabhaktisthitā nṛpa
the act done with reference to him—all that has Viṣṇu for its deity. Thus, O king, the devotion pertaining to the self is manifold, resting on devotion to Brahman.
AI translation rendered from the Sanskrit, not a published edition
PdP 5 85.16
सांख्याख्यां योगसंजातां शृणु भूप यथोदिताम् । चतुर्विंशति तत्त्वानि प्रधानादीनि संख्यया
sāṃkhyākhyāṃ yogasaṃjātāṃ śṛṇu bhūpa yathoditām | caturviṃśati tattvāni pradhānādīni saṃkhyayā
Hear, O king, as it has been declared, (the devotion) called Sāṃkhya, born of yoga. The principles are twenty-four in number, beginning with pradhāna;
AI translation rendered from the Sanskrit, not a published edition
PdP 5 85.17
अचेतनानि भोग्यानि पुरुषः पंचविंशकः । चेतनः स समुद्दिष्टो कर्ता भोक्ता च कर्मणाम्
acetanāni bhogyāni puruṣaḥ paṃcaviṃśakaḥ | cetanaḥ sa samuddiṣṭo kartā bhoktā ca karmaṇām
they are unconscious and objects of enjoyment, while puruṣa is the twenty-fifth. He is declared to be conscious, the doer and the enjoyer of actions.
AI translation rendered from the Sanskrit, not a published edition
PdP 5 85.18
आत्मा नित्योव्ययश्चैव अधिष्ठाता प्रयोजकः । पुरुषोऽव्यक्त नित्यः स्यात्कारणं च महेश्वरः
ātmā nityovyayaścaiva adhiṣṭhātā prayojakaḥ | puruṣo'vyakta nityaḥ syātkāraṇaṃ ca maheśvaraḥ
The self is eternal and imperishable, the overseer and the impeller. The puruṣa is unmanifest and eternal, and the cause is the Great Lord.
AI translation rendered from the Sanskrit, not a published edition
PdP 5 85.19
तत्त्वसर्गो भावसर्गो भूतसर्गश्च तत्त्वतः । संख्यायाः परिसंख्यायाः प्रधानं च गुणात्मकम्
tattvasargo bhāvasargo bhūtasargaśca tattvataḥ | saṃkhyāyāḥ parisaṃkhyāyāḥ pradhānaṃ ca guṇātmakam
In truth (there is) the creation of principles, the creation of dispositions, and the creation of beings; and of the enumeration, the full enumeration, pradhāna too consists of the guṇas.
AI translation rendered from the Sanskrit, not a published edition — the model flagged this verse as uncertain
PdP 5 85.20
ज्ञात्वा साधर्म्यवैधर्म्यं प्रधानं च विधर्मि च । कारणं ब्रह्मणश्चैव कामित्वमिदमुच्यते
jñātvā sādharmyavaidharmyaṃ pradhānaṃ ca vidharmi ca | kāraṇaṃ brahmaṇaścaiva kāmitvamidamucyate
Having known the likeness and unlikeness (of the two), and that pradhāna is of opposite nature—and that Brahman is the cause—this is called (its) being possessed of desire.
AI translation rendered from the Sanskrit, not a published edition — the model flagged this verse as uncertain
PdP 5 85.21
प्रयोज्यत्वं प्रधानस्य वैधर्म्यमिदमुच्यते । सर्वत्र कर्तृता ब्रह्म पुरुषस्याप्यकर्तृता
prayojyatvaṃ pradhānasya vaidharmyamidamucyate | sarvatra kartṛtā brahma puruṣasyāpyakartṛtā
The being employed (as instrument) that belongs to pradhāna—this is called (its) unlikeness. Everywhere Brahman is the agent, while the puruṣa is a non-agent.
AI translation rendered from the Sanskrit, not a published edition — the model flagged this verse as uncertain
PdP 5 85.22
अचेतनप्रधानेन समत्वमिदमुच्यते । तत्त्वांतरं च तत्त्वानां कार्यकारणमेव च
acetanapradhānena samatvamidamucyate | tattvāṃtaraṃ ca tattvānāṃ kāryakāraṇameva ca
This is called (its) equality with the unconscious pradhāna; and (there is) a distinctness of the principles among the principles, and indeed effect and cause.
AI translation rendered from the Sanskrit, not a published edition — the model flagged this verse as uncertain
PdP 5 85.23
प्रयोजनं प्रयोज्यत्वं ज्ञात्वा तत्त्वप्रसंख्यया । संख्यातमुच्यते प्राज्ञैर्विजयार्थविचिंतकैः
prayojanaṃ prayojyatvaṃ jñātvā tattvaprasaṃkhyayā | saṃkhyātamucyate prājñairvijayārthaviciṃtakaiḥ
Having known the purpose and the state of being employed through the full enumeration of the principles, it is called 'that which has been counted' by the wise who reflect on the aim of victory.
AI translation rendered from the Sanskrit, not a published edition — the model flagged this verse as uncertain
PdP 5 85.24
इति मत्वास्य सद्भावं तत्त्वं संख्यां च तत्त्वतः । ब्रह्मतत्त्वाधिकं चापि भूततत्त्वं विदुर्बुधाः
iti matvāsya sadbhāvaṃ tattvaṃ saṃkhyāṃ ca tattvataḥ | brahmatattvādhikaṃ cāpi bhūtatattvaṃ vidurbudhāḥ
Thus, having considered its real existence, its essence and its number in truth, the wise know that the elemental principle is even greater than the brahman-principle.
AI translation rendered from the Sanskrit, not a published edition — the model flagged this verse as uncertain
PdP 5 85.25
सांख्यैः कृता भक्तिरेषा भक्तिराध्यात्मिकी स्मृता । योगजामपि ते भूप शृणु भक्तिं वदाम्यहम्
sāṃkhyaiḥ kṛtā bhaktireṣā bhaktirādhyātmikī smṛtā | yogajāmapi te bhūpa śṛṇu bhaktiṃ vadāmyaham
This devotion practised by the Sāṃkhyas is called the devotion pertaining to the self; hear also, O king, the devotion born of yoga — I shall tell it to you.
AI translation rendered from the Sanskrit, not a published edition
PdP 5 85.26
प्राणायामपरो नित्यं ध्यानवान्नियतेंद्रियः । भैक्ष्यभक्षव्रती चापि सर्वप्रत्याहृतेन्द्रियः
prāṇāyāmaparo nityaṃ dhyānavānniyateṃdriyaḥ | bhaikṣyabhakṣavratī cāpi sarvapratyāhṛtendriyaḥ
Constantly intent on breath-control, given to meditation, with senses restrained, keeping the vow of eating only begged food, and with all the senses withdrawn,
AI translation rendered from the Sanskrit, not a published edition
PdP 5 85.27
धारणं हृदये कृत्वा ध्यायमानो महेश्वरम् । हृत्पद्मकर्णिकासीनं पीतवस्त्रं सुलोचनम्
dhāraṇaṃ hṛdaye kṛtvā dhyāyamāno maheśvaram | hṛtpadmakarṇikāsīnaṃ pītavastraṃ sulocanam
having made his fixing (of the mind) in the heart, meditating on Maheśvara, seated on the pericarp of the heart-lotus, yellow-robed, fair-eyed,
AI translation rendered from the Sanskrit, not a published edition
PdP 5 85.28
पश्यन्नुद्योतितमुखं ब्रह्मसूत्रकटीतटम् । श्वेतवर्णं चतुर्बाहुं वरदाभयहस्तकम्
paśyannudyotitamukhaṃ brahmasūtrakaṭītaṭam | śvetavarṇaṃ caturbāhuṃ varadābhayahastakam
beholding (him) with radiant face, with the sacred thread (reaching) to the slope of his hips, white in colour, four-armed, with hands (granting) boons and fearlessness —
AI translation rendered from the Sanskrit, not a published edition
PdP 5 85.29
योगजा मानसीसिद्धिर्विष्णुभक्तिः परा स्मृता । य एवं भक्तिमान्देवं विष्णुभक्तिः स उच्यते
yogajā mānasīsiddhirviṣṇubhaktiḥ parā smṛtā | ya evaṃ bhaktimāndevaṃ viṣṇubhaktiḥ sa ucyate
this mental attainment born of yoga is held to be the supreme devotion to Viṣṇu; whoever is thus devoted to the god, he is called a devotee of Viṣṇu.
AI translation rendered from the Sanskrit, not a published edition
PdP 5 85.30
एवं भक्तिः समुद्दिष्टा विविधा नृपनंदन । सात्विकी राजसी चैव तामसीभेदतस्त्विमाः
evaṃ bhaktiḥ samuddiṣṭā vividhā nṛpanaṃdana | sātvikī rājasī caiva tāmasībhedatastvimāḥ
Thus devotion of many kinds has been set forth, O son of a king; these (kinds) are by the division into sāttvika, rājasa and tāmasa.
AI translation rendered from the Sanskrit, not a published edition
PdP 5 85.31
नानाप्रकारा विज्ञेया विष्णोरमिततेजसः । यथाग्निः सुसमृद्धार्च्चिः करोत्येधांसि भस्मसात्
nānāprakārā vijñeyā viṣṇoramitatejasaḥ | yathāgniḥ susamṛddhārcciḥ karotyedhāṃsi bhasmasāt
(Devotion) to Viṣṇu of measureless splendour is to be known as being of many kinds. As fire with its flame well grown reduces the fuel to ashes,
AI translation rendered from the Sanskrit, not a published edition
PdP 5 85.32
पापानि भगवद्भक्तिस्तथा दहति तत्क्षणात्
pāpāni bhagavadbhaktistathā dahati tatkṣaṇāt
so devotion to the Lord burns up sins in that very instant.
AI translation rendered from the Sanskrit, not a published edition
PdP 5 85.33
यावज्जनो न शृणुते भुवि विष्णुभक्तिं साक्षात्सुधारसमशेषरसैकसारम् । तावज्जरामरणजन्मशताभिघातदुःखानि तानि लभते बहुदेहजानि
yāvajjano na śṛṇute bhuvi viṣṇubhaktiṃ sākṣātsudhārasamaśeṣarasaikasāram | tāvajjarāmaraṇajanmaśatābhighātaduḥkhāni tāni labhate bahudehajāni
So long as a man on earth does not hear of devotion to Viṣṇu — which is directly the taste of nectar, the single essence of all remaining tastes — so long does he obtain those sufferings, born of many bodies, from the blows of a hundred (rounds of) old age, death and birth.
AI translation rendered from the Sanskrit, not a published edition
PdP 5 85.34
संकीर्तितश्चिंतितकीर्तिरंतः श्रुतानुभावो भगवाननंतः । समंततोऽघविनिहंति मेघं वायुर्यथाभानुरिवांधकारम्
saṃkīrtitaściṃtitakīrtiraṃtaḥ śrutānubhāvo bhagavānanaṃtaḥ | samaṃtato'ghavinihaṃti meghaṃ vāyuryathābhānurivāṃdhakāram
When praised, when his renown is inwardly contemplated, when his power is heard of, the infinite Lord destroys sin on all sides, as the wind (destroys) a cloud, as the sun (destroys) darkness.
AI translation rendered from the Sanskrit, not a published edition
PdP 5 85.35
न दान देवार्चन याग तीर्थ स्नान श्रुताचार तपः क्रियाभिः । तथा विशुद्धिं लभतेंऽतरात्मा यथा हृदिस्थे भगवत्यनंते
na dāna devārcana yāga tīrtha snāna śrutācāra tapaḥ kriyābhiḥ | tathā viśuddhiṃ labhateṃ'tarātmā yathā hṛdisthe bhagavatyanaṃte
Not by gifts, worship of gods, sacrifices, pilgrimage-places, bathings, scriptural conduct, austerities and rites does the inner self attain such purity as when the infinite Lord dwells in the heart.
AI translation rendered from the Sanskrit, not a published edition
PdP 5 85.36
कथा विशुद्धा नरनाथ तथ्यास्ता एव पथ्या हरिनाथ तथ्याः । संकीर्तिता यत्र पवित्रमूर्तेः संश्रूयते च श्रुतसाधुकीर्तिः
kathā viśuddhā naranātha tathyāstā eva pathyā harinātha tathyāḥ | saṃkīrtitā yatra pavitramūrteḥ saṃśrūyate ca śrutasādhukīrtiḥ
Those tales, O lord of men, are pure and true — those alone are wholesome and true, O lord (devoted to) Hari — wherein (the glory) of him of holy form is proclaimed and the good renown that has been heard is heard again.
AI translation rendered from the Sanskrit, not a published edition — the model flagged this verse as uncertain
PdP 5 85.37
धन्योसि धीरधरणीधर धर्मधुर्य्य ध्यानैकतान हृदयः पुरुषोत्तमस्य । यन्नैष्ठिकीमतिरसौ तव सौभगश्रीः श्रीकृष्णनाथसुकृतः श्रवणे प्रवृत्ता
dhanyosi dhīradharaṇīdhara dharmadhuryya dhyānaikatāna hṛdayaḥ puruṣottamasya | yannaiṣṭhikīmatirasau tava saubhagaśrīḥ śrīkṛṣṇanāthasukṛtaḥ śravaṇe pravṛttā
Blessed are you, O steadfast upholder of the earth, foremost in dharma, whose heart is single-pointed in meditation on the Supreme Person — since this fortunate splendour of yours, a resolute mind, made meritorious by Śrī Kṛṣṇa the Lord, has turned to listening.
AI translation rendered from the Sanskrit, not a published edition — the model flagged this verse as uncertain
PdP 5 85.38
अनाराध्य हरिं भक्त्या वरदं विष्णुमव्ययम् । कुतः श्रेयो भवेद्भूप पुरुषस्यात्ममानिनः
anārādhya hariṃ bhaktyā varadaṃ viṣṇumavyayam | kutaḥ śreyo bhavedbhūpa puruṣasyātmamāninaḥ
Without worshipping with devotion Hari, the boon-giving, imperishable Viṣṇu, how, O king, could there be good for a man who thinks (only) of himself?
AI translation rendered from the Sanskrit, not a published edition
PdP 5 85.39
मायाजनिरमायोऽसौ भक्त्या राजन्नमायया । साध्यते साधुपुरुषः स्वयं जानाति तद्भवान्
māyājaniramāyo'sau bhaktyā rājannamāyayā | sādhyate sādhupuruṣaḥ svayaṃ jānāti tadbhavān
He, free of illusion, is the begetter of illusion, O king; he is won by devotion that is without guile. A good man knows this of himself — and you (are such).
AI translation rendered from the Sanskrit, not a published edition — the model flagged this verse as uncertain
PdP 5 85.40
न विद्यते ते नृप धर्मतत्त्वमज्ञातमेतद्विमलं पुनर्माम् । त्वं पृच्छसे तीर्थपदं प्रसंगात्कथारसं वैष्णव गौरवेण
na vidyate te nṛpa dharmatattvamajñātametadvimalaṃ punarmām | tvaṃ pṛcchase tīrthapadaṃ prasaṃgātkathārasaṃ vaiṣṇava gauraveṇa
There is no truth of dharma unknown to you, O king; yet you ask me again about this pure matter, about him whose feet are the holy place, out of (mere) occasion, (asking) for the savour of the tale, O Vaiṣṇava, out of respect.
AI translation rendered from the Sanskrit, not a published edition — the model flagged this verse as uncertain
PdP 5 85.41
नातः परं परमतोषविशेषपोषं पश्यामि पुण्यमुचितं च परस्परेण । संतः प्रसह्य यदनंतगुणाननंतश्रेयोनिधीनधिकभावभुजो भुजंति
nātaḥ paraṃ paramatoṣaviśeṣapoṣaṃ paśyāmi puṇyamucitaṃ ca paraspareṇa | saṃtaḥ prasahya yadanaṃtaguṇānanaṃtaśreyonidhīnadhikabhāvabhujo bhujaṃti
I see nothing higher than this, nothing that so nourishes the special supreme delight, nothing so fittingly meritorious for one another, as when the good, taking it by force, enjoy — enjoying with surpassing feeling — those treasuries of endless good that are his endless qualities.
AI translation rendered from the Sanskrit, not a published edition — the model flagged this verse as uncertain
PdP 5 85.42
ब्राह्मणाः सुरभी सत्य श्रद्धा याग तपांसि च । श्रुति स्मृति दया दीक्षा शांतयस्तनवो हरेः
brāhmaṇāḥ surabhī satya śraddhā yāga tapāṃsi ca | śruti smṛti dayā dīkṣā śāṃtayastanavo hareḥ
Brahmins, the cow, truth, faith, sacrifice and austerities; śruti and smṛti, compassion, initiation, and (states of) calm — (these) are the bodies of Hari.
AI translation rendered from the Sanskrit, not a published edition
PdP 5 85.43
आदित्यश्चंद्रमा वायुर्भूमिरापोंऽबरं दिशः । ब्रह्माविष्णुश्च रुद्रश्च सर्वभूतमयो विभुः
ādityaścaṃdramā vāyurbhūmirāpoṃ'baraṃ diśaḥ | brahmāviṣṇuśca rudraśca sarvabhūtamayo vibhuḥ
The sun, the moon, the wind, the earth, the waters, the sky, the directions, Brahmā and Viṣṇu and Rudra — the Lord, consisting of all beings,
AI translation rendered from the Sanskrit, not a published edition
PdP 5 85.44
विश्वरूपः स्वयं चक्रे जगदेतच्चराचरम् । स्वयं ब्राह्मणमाविश्य सदान्नमुपभुंजते
viśvarūpaḥ svayaṃ cakre jagadetaccarācaram | svayaṃ brāhmaṇamāviśya sadānnamupabhuṃjate
Having all forms, he himself made this world with its moving and unmoving (creatures); entering a brahmin himself, he ever eats the food (offered).
AI translation rendered from the Sanskrit, not a published edition
PdP 5 85.45
ततस्तु तीर्थास्पदपादरेणून्धराधरात्मालय भूमिदेवान् । परात्मनः पूजय पुण्यलक्ष्मी सर्वस्वभूतानखिलात्मभूतान्
tatastu tīrthāspadapādareṇūndharādharātmālaya bhūmidevān | parātmanaḥ pūjaya puṇyalakṣmī sarvasvabhūtānakhilātmabhūtān
Therefore, O you whose self's abode is the mountain, worship the gods on earth (the brahmins), the dust of whose feet is the seat of holy places, who are the whole wealth of the Supreme Self and who are the self of all — (worship them) for the sake of the fortune of merit.
AI translation rendered from the Sanskrit, not a published edition — the model flagged this verse as uncertain
PdP 5 85.46
ब्राह्मणं विष्णुबुद्ध्य्या यो विद्वांसं साधु पश्यति । स एव वैष्णवो यश्च स्वस्वकर्मैकनिष्ठितः
brāhmaṇaṃ viṣṇubuddhyyā yo vidvāṃsaṃ sādhu paśyati | sa eva vaiṣṇavo yaśca svasvakarmaikaniṣṭhitaḥ
He who rightly looks upon a learned brahmin with the awareness that he is Viṣṇu, he alone is a Vaiṣṇava, as is he who is single-mindedly fixed in his own duty.
AI translation rendered from the Sanskrit, not a published edition
PdP 5 85.47
किंचिदेतन्मयाप्रोक्तं रहस्यं समयो हि मे । स्नातुं गंतुं च गंगायां न कथावसरोऽधिकः
kiṃcidetanmayāproktaṃ rahasyaṃ samayo hi me | snātuṃ gaṃtuṃ ca gaṃgāyāṃ na kathāvasaro'dhikaḥ
This much of the secret has been told by me, for it is (now) my time to go and bathe in the Gaṅgā; there is no further occasion for talk.
AI translation rendered from the Sanskrit, not a published edition
PdP 5 85.48
प्राप्तोऽयं माधवो मासः पुण्यो माधववल्लभः । तस्यापि सप्तमी शुक्ला गंगायामतिदुर्ल्लभा
prāpto'yaṃ mādhavo māsaḥ puṇyo mādhavavallabhaḥ | tasyāpi saptamī śuklā gaṃgāyāmatidurllabhā
This holy month of Mādhava (Vaiśākha), dear to Mādhava, has arrived; and in it the bright-fortnight seventh day is exceedingly hard to obtain on the Gaṅgā.
AI translation rendered from the Sanskrit, not a published edition
PdP 5 85.49
वैशाख शुक्ल सप्तम्यां जाह्नवी जह्नुना पुरा । क्रोधात्पीता पुनस्त्यक्ता कर्णरंध्रात्तु दक्षिणात्
vaiśākha śukla saptamyāṃ jāhnavī jahnunā purā | krodhātpītā punastyaktā karṇaraṃdhrāttu dakṣiṇāt
On the seventh of the bright fortnight of Vaiśākha, long ago, the Jāhnavī was drunk in anger by Jahnu and then released again through his right ear-opening.
AI translation rendered from the Sanskrit, not a published edition
PdP 5 85.50
तस्यां समर्चयेद्देवीं गंगां गगनमेखलाम् । स्नात्वा सम्यग्विधानेन स धन्यः सुकृती नरः
tasyāṃ samarcayeddevīṃ gaṃgāṃ gaganamekhalām | snātvā samyagvidhānena sa dhanyaḥ sukṛtī naraḥ
On that (day) one should duly worship the goddess Gaṅgā, whose girdle is the sky; the man who bathes properly according to the rule is blessed and of good merit.
AI translation rendered from the Sanskrit, not a published edition
PdP 5 85.51
तस्यां यस्तर्पयेद्देवान्पितॄन्मर्त्यो यथाविधि । साक्षात्पश्यति तं गंगा स्नातकं गतपापकम्
tasyāṃ yastarpayeddevānpitṝnmartyo yathāvidhi | sākṣātpaśyati taṃ gaṃgā snātakaṃ gatapāpakam
The mortal who on that (day) offers libations to the gods and the ancestors according to rule — Gaṅgā sees him directly, the bather whose sin is gone.
AI translation rendered from the Sanskrit, not a published edition
PdP 5 85.52
न माधव समो मासो न गंगा सदृशी नदी । दुर्ल्लभः खलु योगोऽयं हरिभक्त्यैव लभ्यते
na mādhava samo māso na gaṃgā sadṛśī nadī | durllabhaḥ khalu yogo'yaṃ haribhaktyaiva labhyate
There is no month equal to Mādhava, no river like the Gaṅgā; this conjunction is truly hard to get — it is obtained only through devotion to Hari.
AI translation rendered from the Sanskrit, not a published edition
PdP 5 85.53
विष्णुपादोदकोद्भूता ब्रह्मलोकादुपागता । त्रिभिः स्रोतोभिरश्रांता या पुनाति जगत्त्रयम्
viṣṇupādodakodbhūtā brahmalokādupāgatā | tribhiḥ srotobhiraśrāṃtā yā punāti jagattrayam
Arisen from the water (that washed) Viṣṇu's feet, come down from Brahmā's world, she who with three streams, untiring, purifies the three worlds;
AI translation rendered from the Sanskrit, not a published edition
PdP 5 85.54
स्वर्गारोहणनिःश्रेणी सततानंदकारिणी । अनेकदुरितोद्गारहारिणी दुर्गतारिणी
svargārohaṇaniḥśreṇī satatānaṃdakāriṇī | anekaduritodgārahāriṇī durgatāriṇī
the ladder for ascending to heaven, giver of unceasing bliss, remover of the eruption of manifold sins, ferrying (one) across hardship;
AI translation rendered from the Sanskrit, not a published edition
PdP 5 85.55
श्रीमहेशजटाजूटवासिनी दुःखनाशिनी । भजमानजनस्वांतकान्तकेलि विनाशिनी
śrīmaheśajaṭājūṭavāsinī duḥkhanāśinī | bhajamānajanasvāṃtakāntakeli vināśinī
dwelling in the matted locks of blessed Maheśa, destroyer of sorrow, destroying the pleasant play (of desire) in the hearts of the people who worship her;
AI translation rendered from the Sanskrit, not a published edition — the model flagged this verse as uncertain
PdP 5 85.56
सगरान्वयनिर्वाणकारिणी धर्मधारिणी । त्रिमार्गचारिणी देवी लोकालंकृतिकारिणी
sagarānvayanirvāṇakāriṇī dharmadhāriṇī | trimārgacāriṇī devī lokālaṃkṛtikāriṇī
bringing about the liberation of Sagara's lineage, upholder of dharma, the goddess who runs in three courses, who makes the ornament of the worlds;
AI translation rendered from the Sanskrit, not a published edition
PdP 5 85.57
दर्शन स्पर्शन स्नान कीर्त्तन ध्यान सेवनैः । पुण्यानपुण्यान्पुरुषान्पावयंती सहस्रशः
darśana sparśana snāna kīrttana dhyāna sevanaiḥ | puṇyānapuṇyānpuruṣānpāvayaṃtī sahasraśaḥ
purifying by the thousands, through being seen, touched, bathed in, praised, meditated upon and served, men both meritorious and without merit;
AI translation rendered from the Sanskrit, not a published edition
PdP 5 85.58
गंगा गंगेति गंगेति यैस्त्रिसंध्यमितीरितम् । सुदूरस्थैश्च तत्पापं हंति जन्मत्रयार्जितम्
gaṃgā gaṃgeti gaṃgeti yaistrisaṃdhyamitīritam | sudūrasthaiśca tatpāpaṃ haṃti janmatrayārjitam
by whomever, even those standing very far away, it is uttered thus at the three junctures of the day — 'Gaṅgā, Gaṅgā, Gaṅgā' — it destroys that sin amassed in three births.
AI translation rendered from the Sanskrit, not a published edition
PdP 5 85.59
योजनानां सहस्रेषु गंगां यः स्मरते नरः । अपि दुष्कृतकर्मासौ लभते परमां गतिम्
yojanānāṃ sahasreṣu gaṃgāṃ yaḥ smarate naraḥ | api duṣkṛtakarmāsau labhate paramāṃ gatim
The man who remembers the Gaṅgā (even) from a thousand leagues away — though he be a doer of evil deeds, he attains the highest goal.
AI translation rendered from the Sanskrit, not a published edition
PdP 5 85.60
वैशाखे शुक्ल सप्तम्यां दुर्ल्लभा सा विशेषतः । प्राप्यते जगतीपाल हरि विप्र प्रसादतः
vaiśākhe śukla saptamyāṃ durllabhā sā viśeṣataḥ | prāpyate jagatīpāla hari vipra prasādataḥ
On the seventh of the bright fortnight in Vaiśākha she is especially hard to obtain; she is gained, O protector of the earth, by the grace of Hari and of brahmins.
AI translation rendered from the Sanskrit, not a published edition
PdP 5 85.61
न माधवसमो मासो न माधवसमो विभुः । गतोहि दुरितांभोधौ मज्जमानजनस्य यः
na mādhavasamo māso na mādhavasamo vibhuḥ | gatohi duritāṃbhodhau majjamānajanasya yaḥ
There is no month equal to Mādhava, no lord equal to Mādhava, who has become (the refuge) of the people sinking in the ocean of sin.
AI translation rendered from the Sanskrit, not a published edition — the model flagged this verse as uncertain
PdP 5 85.62
दत्तं जप्तं हुतं स्नातं यद्भक्त्या मासि माधवे । तदक्षयं भवेद्भूप पुण्यं कोटिशताधिकम्
dattaṃ japtaṃ hutaṃ snātaṃ yadbhaktyā māsi mādhave | tadakṣayaṃ bhavedbhūpa puṇyaṃ koṭiśatādhikam
What is given, muttered (in recitation), offered in fire, (and) bathed with devotion in the month of Mādhava (Vaiśākha) — that merit becomes imperishable, O king, exceeding a hundred crores.
AI translation rendered from the Sanskrit, not a published edition
PdP 5 85.63
यथा देवेषु विश्वात्मा देवो नारायणो हरिः । यथा जप्येषु गायत्री सरितां जाह्नवी तथा
yathā deveṣu viśvātmā devo nārāyaṇo hariḥ | yathā japyeṣu gāyatrī saritāṃ jāhnavī tathā
As among the gods (is) the Soul of all, the god Nārāyaṇa Hari, as among recitations (is) the Gāyatrī, so among rivers (is) the Jāhnavī (Ganges),
AI translation rendered from the Sanskrit, not a published edition
PdP 5 85.64
यथोमा सर्वनारीणां तपतां भास्करो यथा । आरोग्यलाभो लाभानां द्विपदां ब्राह्मणो यथा
yathomā sarvanārīṇāṃ tapatāṃ bhāskaro yathā | ārogyalābho lābhānāṃ dvipadāṃ brāhmaṇo yathā
as Umā (is) among all women, as the sun (is) among things that give heat, as the gaining of health (is) among gains, as the brahmin (is) among two-footed beings,
AI translation rendered from the Sanskrit, not a published edition
PdP 5 85.65
परोपकारः पुण्यानां विद्यानां निगमो यथा । मंत्राणां प्रणवो यद्वद्ध्यानानामात्मचिंतनम्
paropakāraḥ puṇyānāṃ vidyānāṃ nigamo yathā | maṃtrāṇāṃ praṇavo yadvaddhyānānāmātmaciṃtanam
as helping others (is) among meritorious acts, as the Veda (is) among branches of knowledge, as the praṇava (Om) (is) among mantras, as meditation on the Self (is) among meditations,
AI translation rendered from the Sanskrit, not a published edition
PdP 5 85.66
सत्यं स्वधर्मवर्तित्वं तपसां च यथा वरम् । शौचानामर्थशौचं च दानानामभयं यथा
satyaṃ svadharmavartitvaṃ tapasāṃ ca yathā varam | śaucānāmarthaśaucaṃ ca dānānāmabhayaṃ yathā
as truth (and) abiding in one's own duty (are) the best among austerities, as purity concerning wealth (is) among purities, as (the gift of) freedom from fear (is) among gifts,
AI translation rendered from the Sanskrit, not a published edition
PdP 5 85.67
गुणानां च यथा लोभक्षयो मुख्यो गुणः स्मृतः । मासानां प्रवरो मासस्तथासौ माधवो मतः
guṇānāṃ ca yathā lobhakṣayo mukhyo guṇaḥ smṛtaḥ | māsānāṃ pravaro māsastathāsau mādhavo mataḥ
and as the destruction of greed is held to be the chief among virtues — so this month Mādhava is considered the foremost of months.
AI translation rendered from the Sanskrit, not a published edition
PdP 5 85.68
तत्र यत्क्रियते श्राद्धं यज्ञ दानमुपोषणम् । तपोऽध्ययनपूजादि तदक्षयफलं स्मृतम्
tatra yatkriyate śrāddhaṃ yajña dānamupoṣaṇam | tapo'dhyayanapūjādi tadakṣayaphalaṃ smṛtam
Whatever śrāddha, sacrifice, gift, fasting, austerity, study, worship and the like is performed in it, that is declared to have imperishable fruit.
AI translation rendered from the Sanskrit, not a published edition
PdP 5 85.69
वैशाखांतानि पापानि सूर्यांतानि तमांसि च । परापकारपैशुन्य प्रांतानि सुकृतानि च
vaiśākhāṃtāni pāpāni sūryāṃtāni tamāṃsi ca | parāpakārapaiśunya prāṃtāni sukṛtāni ca
Sins end with Vaiśākha, as darknesses end with the sun; and good deeds come to an end through harming others and slander.
AI translation rendered from the Sanskrit, not a published edition
PdP 5 85.70
कार्तिके मासि यत्किंचित्तुलासंस्थे दिवाकरे । स्नानदानादिकं राजंस्तत्परार्धगुणं भवेत्
kārtike māsi yatkiṃcittulāsaṃsthe divākare | snānadānādikaṃ rājaṃstatparārdhaguṇaṃ bhavet
Whatever bathing, giving and the rest (is done) in the month of Kārttika, when the sun stands in Libra, O king, that becomes multiplied by a half of a parārdha.
AI translation rendered from the Sanskrit, not a published edition — the model flagged this verse as uncertain
PdP 5 85.71
तस्मात्सहस्रगुणितं माघे मकरगे रवौ । ततोऽपि शतसंख्यातं वैशाखेमेषगे रवौ
tasmātsahasraguṇitaṃ māghe makarage ravau | tato'pi śatasaṃkhyātaṃ vaiśākhemeṣage ravau
A thousand times more than that (is it) in Māgha, when the sun is in Capricorn; and a hundred times more even than that in Vaiśākha, when the sun is in Aries.
AI translation rendered from the Sanskrit, not a published edition
PdP 5 85.72
ते धन्यास्ते सुकृतिनो नरा वैशाख मासि ये । प्रातः स्नात्वा विधानेन पूजयंति मधुद्विषम्
te dhanyāste sukṛtino narā vaiśākha māsi ye | prātaḥ snātvā vidhānena pūjayaṃti madhudviṣam
Blessed and meritorious are those men who, in the month of Vaiśākha, bathe at dawn and worship the foe of Madhu according to the rule.
AI translation rendered from the Sanskrit, not a published edition
PdP 5 85.73
प्रातःस्नानं च वैशाखे यज्ञदानमुपोषणम् । हविष्यं ब्रह्मचर्यं च महापातकनाशनम्
prātaḥsnānaṃ ca vaiśākhe yajñadānamupoṣaṇam | haviṣyaṃ brahmacaryaṃ ca mahāpātakanāśanam
And in Vaiśākha, bathing at dawn, sacrifice, giving, fasting, (eating) sacrificial food and chastity destroy the great sins.
AI translation rendered from the Sanskrit, not a published edition
PdP 5 85.74
पुनः कलियुगे राजन्नेतद्गोप्यं भविष्यति । अश्वमेधादिकं यस्मान्माहात्म्यं माधवस्य यत्
punaḥ kaliyuge rājannetadgopyaṃ bhaviṣyati | aśvamedhādikaṃ yasmānmāhātmyaṃ mādhavasya yat
Yet again, O king, in the Kali age this will become hidden — namely the greatness of Mādhava (the month), which (yields) the horse-sacrifice and the rest.
AI translation rendered from the Sanskrit, not a published edition
PdP 5 85.75
अश्वमेधमखः पुण्यः कलौ नैव प्रवर्तते । एष माधवमासस्य हयमेध समो विधिः
aśvamedhamakhaḥ puṇyaḥ kalau naiva pravartate | eṣa mādhavamāsasya hayamedha samo vidhiḥ
The meritorious horse-sacrifice rite does not take place at all in the Kali age; (but) this observance of the month of Mādhava is equal to the horse-sacrifice.
AI translation rendered from the Sanskrit, not a published edition
PdP 5 85.76
अश्वमेधस्य यत्पुण्यं स्वर्गमोक्षफलप्रदम् । न वेत्स्यंति कलौ पापा जना दुरितबुद्धयः
aśvamedhasya yatpuṇyaṃ svargamokṣaphalapradam | na vetsyaṃti kalau pāpā janā duritabuddhayaḥ
The merit of the horse-sacrifice, which bestows the fruits of heaven and liberation — sinful people of wicked mind will not know it in the Kali age.
AI translation rendered from the Sanskrit, not a published edition
PdP 5 85.77
तस्मिन्भवैर्नरैः पापैर्गंतव्यं नरकार्णवे । अतस्तु विरलस्तस्य प्रचारो येन निर्मितः
tasminbhavairnaraiḥ pāpairgaṃtavyaṃ narakārṇave | atastu viralastasya pracāro yena nirmitaḥ
In it (that age) sinful men who come into being must go to the ocean of hell; hence its (this observance's) circulation, established by whom (it was), is rare.
AI translation rendered from the Sanskrit, not a published edition — the model flagged this verse as uncertain