Padma Purana — Patala Khanda — Chapter 84
PdP 5 84.1
ऋषय ऊचुः - सूतसूत महाभाग रोमहर्षणनंदन । कथा रम्या त्वया प्रोक्ता लोकस्यानंददायिनी
ṛṣaya ūcuḥ - sūtasūta mahābhāga romaharṣaṇanaṃdana | kathā ramyā tvayā proktā lokasyānaṃdadāyinī
The sages said: Sūta, O Sūta, greatly fortunate one, son of Romaharṣaṇa, a delightful tale has been told by you, one that gives joy to the world.
AI translation rendered from the Sanskrit, not a published edition
PdP 5 84.2
श्रीकृष्णस्य महाभाग चरितं महदद्भुतम् । श्रुतं सर्वं त्वया प्रोक्तं निर्वृतिस्तेन चाभवत्
śrīkṛṣṇasya mahābhāga caritaṃ mahadadbhutam | śrutaṃ sarvaṃ tvayā proktaṃ nirvṛtistena cābhavat
O greatly fortunate one, the great and wondrous deeds of Śrī Kṛṣṇa, all told by you, have been heard, and by that there came contentment.
AI translation rendered from the Sanskrit, not a published edition
PdP 5 84.3
अहो श्रीकृष्णमाहात्म्यं भक्तानां गतिदायकम् । यतस्तेन महाभाग निर्वृतिं को न चाप्नुयात्
aho śrīkṛṣṇamāhātmyaṃ bhaktānāṃ gatidāyakam | yatastena mahābhāga nirvṛtiṃ ko na cāpnuyāt
Ah, the greatness of Śrī Kṛṣṇa, which grants (the highest) goal to devotees! Who indeed, O greatly fortunate one, would not obtain contentment from it?
AI translation rendered from the Sanskrit, not a published edition
PdP 5 84.4
अतः पुनरपि श्रीमत्कृष्णस्य चरितं महत् । श्रोतुमिच्छामहे चान्यद्व्रतदानार्हणादिकम्
ataḥ punarapi śrīmatkṛṣṇasya caritaṃ mahat | śrotumicchāmahe cānyadvratadānārhaṇādikam
Therefore we wish to hear again the great deeds of glorious Kṛṣṇa, and also other matters — vows, gifts, worship, and the rest,
AI translation rendered from the Sanskrit, not a published edition
PdP 5 84.5
स्नानं वापि महाभाग यथा येन कृतं पुरा । तत्सर्वं विस्तराद्ब्रूहि यथा नो निर्वृतिर्भवेत्
snānaṃ vāpi mahābhāga yathā yena kṛtaṃ purā | tatsarvaṃ vistarādbrūhi yathā no nirvṛtirbhavet
and bathing too, O greatly fortunate one — how and by whom it was done of old. Tell all that in detail, so that contentment may come to us.
AI translation rendered from the Sanskrit, not a published edition
PdP 5 84.6
सूत उवाच- साधु पृष्टं द्विजश्रेष्ठा लोकानां तारणं परम् । यूयं कृतार्थाः कृष्णस्य भक्त्या संपूर्णमानसाः
sūta uvāca- sādhu pṛṣṭaṃ dvijaśreṣṭhā lokānāṃ tāraṇaṃ param | yūyaṃ kṛtārthāḥ kṛṣṇasya bhaktyā saṃpūrṇamānasāḥ
Sūta said: Well asked, O best of the twice-born — (this is) the supreme means of deliverance for the worlds. You have accomplished your aim, your minds being filled with devotion to Kṛṣṇa.
AI translation rendered from the Sanskrit, not a published edition
PdP 5 84.7
श्रीकृष्णचरितं पुण्यं साधूनां हर्षदं परम् । प्रवक्ष्यामि द्विजश्रेष्ठा महदाख्यानमुत्तमम्
śrīkṛṣṇacaritaṃ puṇyaṃ sādhūnāṃ harṣadaṃ param | pravakṣyāmi dvijaśreṣṭhā mahadākhyānamuttamam
I shall relate, O best of the twice-born, the meritorious deeds of Śrī Kṛṣṇa, supremely joy-giving to the good, a great and excellent narrative.
AI translation rendered from the Sanskrit, not a published edition
PdP 5 84.8
एकदा नारदो लोकान्पर्यटन्भगवत्प्रियः । मथुरायामंबरीषं कृष्णाराधनतत्परम्
ekadā nārado lokānparyaṭanbhagavatpriyaḥ | mathurāyāmaṃbarīṣaṃ kṛṣṇārādhanatatparam
Once Nārada, dear to the Lord, wandering through the worlds, (saw) in Mathurā Ambarīṣa, who was devoted to the worship of Kṛṣṇa,
AI translation rendered from the Sanskrit, not a published edition
PdP 5 84.9
महाभागं व्रतपरं ददर्श मुनिसत्तमः । स आगतं मुनिवरं सत्कृत्य मुनिसत्तमः
mahābhāgaṃ vrataparaṃ dadarśa munisattamaḥ | sa āgataṃ munivaraṃ satkṛtya munisattamaḥ
greatly fortunate and intent on his vow — (thus) the best of sages saw him. He, honouring the excellent sage who had come, (that) best of sages,
AI translation rendered from the Sanskrit, not a published edition
PdP 5 84.10
भवंत इव पप्रच्छ श्रद्धया हृष्टमानसः । अंबरीष उवाच-। यन्मुने परमं ब्रह्म वेदवादिभिरुच्यते
bhavaṃta iva papraccha śraddhayā hṛṣṭamānasaḥ | aṃbarīṣa uvāca-| yanmune paramaṃ brahma vedavādibhirucyate
asked, like you, with faith and a delighted mind. Ambarīṣa said: That which, O sage, is called the supreme Brahman by the speakers of the Vedas —
AI translation rendered from the Sanskrit, not a published edition
PdP 5 84.11
स देवः पुंडरीकाक्षः स्वयं नारायणः परः । योऽमूर्तो मूर्तिमानीशो व्यक्तोऽव्यक्तः सनातनः
sa devaḥ puṃḍarīkākṣaḥ svayaṃ nārāyaṇaḥ paraḥ | yo'mūrto mūrtimānīśo vyakto'vyaktaḥ sanātanaḥ
That god, the lotus-eyed one, is himself Nārāyaṇa, the supreme, who is formless yet possessed of form, the Lord, manifest and unmanifest, everlasting;
AI translation rendered from the Sanskrit, not a published edition
PdP 5 84.12
सर्वभूतमयोऽचिंत्यो ध्यातव्यः स कथं हरिः । यस्मिन्सर्वमिदं विश्वमोतं प्रोतं प्रतिष्ठितम्
sarvabhūtamayo'ciṃtyo dhyātavyaḥ sa kathaṃ hariḥ | yasminsarvamidaṃ viśvamotaṃ protaṃ pratiṣṭhitam
consisting of all beings, inconceivable — how is that Hari to be meditated upon, in whom all this universe is woven and threaded through and established?
AI translation rendered from the Sanskrit, not a published edition
PdP 5 84.13
अव्यक्तमेकं परमं परमात्मेति विश्रुतम् । यतो जन्मादि जगतो यो निर्माय स्वयं भुवम्
avyaktamekaṃ paramaṃ paramātmeti viśrutam | yato janmādi jagato yo nirmāya svayaṃ bhuvam
The unmanifest, one, supreme, renowned as the Supreme Self, from whom is the birth and the rest of the world, who himself having fashioned the Self-born (Brahmā)
AI translation rendered from the Sanskrit, not a published edition
PdP 5 84.14
ददौ तस्मै च निगमानात्मन्येव व्यवस्थितान् । कथमाराध्यते सोऽयं समग्रपुरुषार्थदः
dadau tasmai ca nigamānātmanyeva vyavasthitān | kathamārādhyate so'yaṃ samagrapuruṣārthadaḥ
gave to him the scriptures, which were established in himself — how is this one worshipped, the giver of the whole fourfold aim of man?
AI translation rendered from the Sanskrit, not a published edition
PdP 5 84.15
योगिनामपि दुर्गम्यस्तदेतत्कृपया वद । अनाराधित गोविंदा न विदंति हितोदयम्
yogināmapi durgamyastadetatkṛpayā vada | anārādhita goviṃdā na vidaṃti hitodayam
He is hard to reach even for yogins; tell me this out of your grace. Those who have not worshipped Govinda do not know the arising of what is beneficial.
AI translation rendered from the Sanskrit, not a published edition
PdP 5 84.16
न तपो यज्ञदानानां लभते फलमुत्तमम् । अनास्वादितगोविंदपदांबुजरसश्च यः
na tapo yajñadānānāṃ labhate phalamuttamam | anāsvāditagoviṃdapadāṃbujarasaśca yaḥ
(Such a one) does not obtain the highest fruit of austerity, sacrifices and gifts; and he who has not tasted the nectar of Govinda's lotus feet
AI translation rendered from the Sanskrit, not a published edition
PdP 5 84.17
मनोरथपथातीतं स्फीतं नाकलयेत्फलम् । हरेराराधनं हित्वा दुरितौघ निवारणम्
manorathapathātītaṃ sphītaṃ nākalayetphalam | harerārādhanaṃ hitvā duritaugha nivāraṇam
would not reckon the abundant fruit that lies beyond the path of thought — (namely) leaving aside the worship of Hari, which wards off the flood of sins.
AI translation rendered from the Sanskrit, not a published edition — the model flagged this verse as uncertain
PdP 5 84.18
नान्यत्पश्यामि जंतूनां प्रायश्चित्तं परं मुने । यद्भ्रूनर्तनवर्तिन्यः श्रूयंते सिद्धयोऽखिलाः
nānyatpaśyāmi jaṃtūnāṃ prāyaścittaṃ paraṃ mune | yadbhrūnartanavartinyaḥ śrūyaṃte siddhayo'khilāḥ
I see no other, no higher expiation for living beings, O sage, since all the perfections are said to abide in the dance of his brows.
AI translation rendered from the Sanskrit, not a published edition
PdP 5 84.19
कथमाराध्यतेसोऽयं केशवः क्लेशनाशनः । उपास्यते स भगवान्कथं नारायणो नरैः
kathamārādhyateso'yaṃ keśavaḥ kleśanāśanaḥ | upāsyate sa bhagavānkathaṃ nārāyaṇo naraiḥ
How is this Keśava, the destroyer of afflictions, worshipped? How is that Lord Nārāyaṇa served by men?
AI translation rendered from the Sanskrit, not a published edition
PdP 5 84.20
प्रीतश्च सर्वमेतन्मे हिताय जगतो वद । भक्तिप्रियोऽसौ भगवान्कया भक्त्या प्रसीदति
prītaśca sarvametanme hitāya jagato vada | bhaktipriyo'sau bhagavānkayā bhaktyā prasīdati
And, being pleased, tell me all this for the welfare of the world. That Lord is fond of devotion — by what kind of devotion is he gratified?
AI translation rendered from the Sanskrit, not a published edition
PdP 5 84.21
कथं तस्मिन्भवेद्भक्तिः सर्वैराराध्यते कथम् । वैष्णवोसि हरेस्तस्य प्रियोऽसि परमार्थवित्
kathaṃ tasminbhavedbhaktiḥ sarvairārādhyate katham | vaiṣṇavosi harestasya priyo'si paramārthavit
How may devotion to him arise, how is he worshipped by all? You are a Vaiṣṇava, you are dear to that Hari, you know the highest truth.
AI translation rendered from the Sanskrit, not a published edition
PdP 5 84.22
तेन त्वामेव पृच्छामि ब्रह्मन्ब्रह्मविदुत्तम । श्रोतारमथ वक्तारं प्रष्टारं पुरुषं हरेः
tena tvāmeva pṛcchāmi brahmanbrahmaviduttama | śrotāramatha vaktāraṃ praṣṭāraṃ puruṣaṃ hareḥ
Therefore I ask you alone, O brahmin, best of the knowers of brahman: a question about Hari purifies the man who hears, who speaks, and who asks,
AI translation rendered from the Sanskrit, not a published edition
PdP 5 84.23
प्रश्नः पुनाति कृष्णस्य तदंघ्रिसलिलं यथा । दुर्ल्लभो मानुषो देहो देहिनां क्षणभंगुरः
praśnaḥ punāti kṛṣṇasya tadaṃghrisalilaṃ yathā | durllabho mānuṣo deho dehināṃ kṣaṇabhaṃguraḥ
a question about Kṛṣṇa purifies, as does the water of his feet. Hard to obtain is a human body for embodied beings, and it breaks in a moment.
AI translation rendered from the Sanskrit, not a published edition
PdP 5 84.24
तत्रापि दुर्ल्लभं मन्ये वैकुंठप्रियदर्शनम् । संसारेस्मिन्क्षणार्धोऽपि सत्संगः शेवधिर्नृणाम्
tatrāpi durllabhaṃ manye vaikuṃṭhapriyadarśanam | saṃsāresminkṣaṇārdho'pi satsaṃgaḥ śevadhirnṛṇām
And even in that (state) I consider the sight of one dear to Vaikuṇṭha hard to obtain; in this round of existence the company of the good, even for half an instant, is a treasure for men,
AI translation rendered from the Sanskrit, not a published edition
PdP 5 84.25
यस्मादवाप्यते सर्वं पुरुषार्थचतुष्टयम् । भगवन्भवतो यात्रा स्वस्तये सर्वदेहिनाम्
yasmādavāpyate sarvaṃ puruṣārthacatuṣṭayam | bhagavanbhavato yātrā svastaye sarvadehinām
since from it the whole fourfold aim of man is attained. Lord, your journeying is for the well-being of all embodied beings.
AI translation rendered from the Sanskrit, not a published edition
PdP 5 84.26
बालानां तु यथा पित्रोरुत्तमश्लोकवर्त्मनाम् । भूतानां देवचरितं दुःखाय च सुखाय च
bālānāṃ tu yathā pitroruttamaślokavartmanām | bhūtānāṃ devacaritaṃ duḥkhāya ca sukhāya ca
But as for children (the conduct) of their parents, (so) for beings the conduct of the gods, those who follow the path of the one of highest praise, is both for sorrow and for joy;
AI translation rendered from the Sanskrit, not a published edition — the model flagged this verse as uncertain
PdP 5 84.27
सुखायैव हि साधूनां त्वादृशामच्युतात्मनाम् । भजंति ये यथा देवान्देवा अपि तथैव तान्
sukhāyaiva hi sādhūnāṃ tvādṛśāmacyutātmanām | bhajaṃti ye yathā devāndevā api tathaiva tān
but for the good, for such as you whose selves are (fixed) on Acyuta, it is only for joy. As men worship the gods, so too do the gods (deal) with them.
AI translation rendered from the Sanskrit, not a published edition
PdP 5 84.28
छायेव कर्मसचिवाः साधवो दीनवत्सलाः । तस्मात्त्वं भगवन्मह्यं वैष्णवं धर्ममादिश
chāyeva karmasacivāḥ sādhavo dīnavatsalāḥ | tasmāttvaṃ bhagavanmahyaṃ vaiṣṇavaṃ dharmamādiśa
The good, tender toward the wretched, are companions to (one's) deeds like a shadow. Therefore, Lord, teach me the Vaiṣṇava law,
AI translation rendered from the Sanskrit, not a published edition
PdP 5 84.29
यस्योपदेशदानेन लभते वेदजं फलम् । नारद उवाच- साधु पृष्टं महीपाल विष्णुभक्तिमता त्वया
yasyopadeśadānena labhate vedajaṃ phalam | nārada uvāca- sādhu pṛṣṭaṃ mahīpāla viṣṇubhaktimatā tvayā
by the giving of instruction in which one obtains the fruit born of the Vedas. Nārada said: Well have you asked, O king, you who have devotion to Viṣṇu,
AI translation rendered from the Sanskrit, not a published edition
PdP 5 84.30
जानता परमं धर्ममेकं माधवसेवनम् । यस्मिन्नाराधिते विष्णौ विश्वमाराधितं भवेत्
jānatā paramaṃ dharmamekaṃ mādhavasevanam | yasminnārādhite viṣṇau viśvamārādhitaṃ bhavet
knowing that the one supreme law is the service of Mādhava — when that Viṣṇu is worshipped, the universe becomes worshipped;
AI translation rendered from the Sanskrit, not a published edition
PdP 5 84.31
तुष्टे चराचरं तुष्टं सर्वदेवमये हरौ । यस्य स्मरणमात्रेण महापातकसंहतिः
tuṣṭe carācaraṃ tuṣṭaṃ sarvadevamaye harau | yasya smaraṇamātreṇa mahāpātakasaṃhatiḥ
When Hari, in whom all the gods consist, is pleased, all that moves and does not move is pleased — he by the mere remembrance of whom the whole mass of great sins
AI translation rendered from the Sanskrit, not a published edition
PdP 5 84.32
तत्क्षणान्नाशमायाति स सेव्यो हरिरेव हि । कोऽनु राजन्निंद्रियवान्मुकुंदचरणांबुजम्
tatkṣaṇānnāśamāyāti sa sevyo harireva hi | ko'nu rājanniṃdriyavānmukuṃdacaraṇāṃbujam
perishes that very instant: he, Hari alone, is the one to be served. And who, O king, possessing senses, would (not) resort to the lotus feet of Mukunda,
AI translation rendered from the Sanskrit, not a published edition
PdP 5 84.33
न भजेत्सर्वतो मृत्युरुपास्यमृषिदैवतैः । श्रुतोऽनु पठितो ध्यात आदृतश्चानुमोदितः
na bhajetsarvato mṛtyurupāsyamṛṣidaivataiḥ | śruto'nu paṭhito dhyāta ādṛtaścānumoditaḥ
— death is on every side — (him) who is to be worshipped by sages and gods? Heard, or recited, meditated upon, honoured, and assented to,
AI translation rendered from the Sanskrit, not a published edition — the model flagged this verse as uncertain
PdP 5 84.34
सद्यः पुनाति सद्धर्मो वीरो विश्वद्रुहोऽपि हि । योयं कारणकार्यादि कारणस्यापि कारणम्
sadyaḥ punāti saddharmo vīro viśvadruho'pi hi | yoyaṃ kāraṇakāryādi kāraṇasyāpi kāraṇam
the true dharma at once purifies, potent (as it is), even one who is hostile to the whole world. He who is cause and effect and the rest, the cause even of the cause,
AI translation rendered from the Sanskrit, not a published edition — the model flagged this verse as uncertain
PdP 5 84.35
अनन्यकारणं योगी जगज्जीवो जगन्मयः । अणुर्बृहत्कृशः स्थूलो निर्गुणो गुणभृन्महान्
ananyakāraṇaṃ yogī jagajjīvo jaganmayaḥ | aṇurbṛhatkṛśaḥ sthūlo nirguṇo guṇabhṛnmahān
who has no other cause, the yogin, the life of the world, consisting of the world; minute, vast, lean, gross, without qualities, bearing qualities, great,
AI translation rendered from the Sanskrit, not a published edition
PdP 5 84.36
अजो जन्मलयातीतो ध्यातव्यः स हरिः सदा । सम्यगेतद्व्यवसितं भवता पुरुषर्षभ
ajo janmalayātīto dhyātavyaḥ sa hariḥ sadā | samyagetadvyavasitaṃ bhavatā puruṣarṣabha
unborn, beyond birth and dissolution — that Hari is always to be meditated upon. This has been rightly resolved by you, O bull among men,
AI translation rendered from the Sanskrit, not a published edition
PdP 5 84.37
यत्पृच्छसे भागवतान्धर्मांस्त्वं विश्वभावनान् । प्रसंगेन सतामात्ममनः श्रुति रसायनाः
yatpṛcchase bhāgavatāndharmāṃstvaṃ viśvabhāvanān | prasaṃgena satāmātmamanaḥ śruti rasāyanāḥ
in that you ask about the dharmas of the Bhāgavatas, which sustain the universe — and these are, by their very touch, an elixir for the self, the mind and the hearing of the good.
AI translation rendered from the Sanskrit, not a published edition
PdP 5 84.38
भवंति कीर्तनीयस्य कथाः कृष्णस्य निर्मलाः । भावसाध्योह्ययं देवः स्वयं जानाति तद्भवान्
bhavaṃti kīrtanīyasya kathāḥ kṛṣṇasya nirmalāḥ | bhāvasādhyohyayaṃ devaḥ svayaṃ jānāti tadbhavān
Stainless are the tales of Kṛṣṇa, who is to be sung of. This god is to be attained through inner feeling — that you know yourself.
AI translation rendered from the Sanskrit, not a published edition
PdP 5 84.39
तथापि वक्ष्ये जगतो हिताय तव गौरवात् । यदाहुः परमं ब्रह्म प्रधानपुरुषात्परम्
tathāpi vakṣye jagato hitāya tava gauravāt | yadāhuḥ paramaṃ brahma pradhānapuruṣātparam
Even so I shall speak, for the good of the world and out of regard for you, of that which they call the supreme Brahman, higher than pradhāna and puruṣa,
AI translation rendered from the Sanskrit, not a published edition
PdP 5 84.40
यन्मायया ततं सर्वं सर्वं यच्छति सोऽच्युतः । पुत्रान्कलत्रं दीर्घायू राज्यं स्वर्गापवर्गकम्
yanmāyayā tataṃ sarvaṃ sarvaṃ yacchati so'cyutaḥ | putrānkalatraṃ dīrghāyū rājyaṃ svargāpavargakam
by whose māyā all this is spread out. He, Acyuta, grants everything: sons, a wife, long life, a kingdom, heaven and release.
AI translation rendered from the Sanskrit, not a published edition
PdP 5 84.41
स दद्यादीप्सितं सर्वं भक्त्या संपूजितोऽजितः । कर्मणा मनसा वाचा तत्परा ये हि मानवाः
sa dadyādīpsitaṃ sarvaṃ bhaktyā saṃpūjito'jitaḥ | karmaṇā manasā vācā tatparā ye hi mānavāḥ
That unconquered one, well worshipped with devotion, would give all that is desired. Those men who are intent upon him with deed, mind and speech —
AI translation rendered from the Sanskrit, not a published edition
PdP 5 84.42
तेषां व्रतानि वक्ष्यामि प्रीतये भूपसत्तम । अहिंसासत्यमस्तेयं ब्रह्मचर्यमकल्पता
teṣāṃ vratāni vakṣyāmi prītaye bhūpasattama | ahiṃsāsatyamasteyaṃ brahmacaryamakalpatā
their vows I shall declare, for (your) delight, O best of kings: non-injury, truth, non-stealing, chastity, and freedom from contriving.
AI translation rendered from the Sanskrit, not a published edition
PdP 5 84.43
एतानि मानसान्याहुर्व्रतानि हरितुष्टये । एकभक्तं तथा नक्तमुपवासमयाचितम्
etāni mānasānyāhurvratāni harituṣṭaye | ekabhaktaṃ tathā naktamupavāsamayācitam
These, they say, are the mental vows, for Hari's pleasure. Eating once (a day), likewise eating at night, fasting, (taking only) what is unasked for —
AI translation rendered from the Sanskrit, not a published edition
PdP 5 84.44
इत्येवं कायिकं पुंसां व्रतमुक्तं नरेश्वर । वेदस्याध्ययनं विष्णोः कीर्तनं सत्यभाषणम्
ityevaṃ kāyikaṃ puṃsāṃ vratamuktaṃ nareśvara | vedasyādhyayanaṃ viṣṇoḥ kīrtanaṃ satyabhāṣaṇam
thus is the bodily vow of men declared, O lord of men. Recitation of the Veda, the praising of Viṣṇu, speaking the truth,
AI translation rendered from the Sanskrit, not a published edition
PdP 5 84.45
अपैशुन्यमिदं राजन्वाचिकं व्रतमुत्तमम् । चक्रायुधस्य नामानि सदा सर्वत्र कीर्तयेत्
apaiśunyamidaṃ rājanvācikaṃ vratamuttamam | cakrāyudhasya nāmāni sadā sarvatra kīrtayet
and freedom from slander: this, O king, is the excellent vow of speech. One should proclaim the names of the wielder of the discus always and everywhere;
AI translation rendered from the Sanskrit, not a published edition
PdP 5 84.46
नाशौचं कीर्तने तस्य स पवित्रकरो यतः । वर्णाश्रमाचारवता पुरुषेण परः पुमान्
nāśaucaṃ kīrtane tasya sa pavitrakaro yataḥ | varṇāśramācāravatā puruṣeṇa paraḥ pumān
there is no ritual impurity in praising him, since he is the maker of purity. By a man who keeps to the conduct of his class and stage of life, the supreme Person,
AI translation rendered from the Sanskrit, not a published edition
PdP 5 84.47
विष्णुराराध्यते पंथा नान्यः संतोषकारणम् । पतिप्रियहिताभिश्च मनोवाक्कायसंयमैः
viṣṇurārādhyate paṃthā nānyaḥ saṃtoṣakāraṇam | patipriyahitābhiśca manovākkāyasaṃyamaiḥ
Viṣṇu, is worshipped; no other path is a cause of (his) contentment. And by women, through acts dear and helpful to the husband and through restraints of mind, speech and body,
AI translation rendered from the Sanskrit, not a published edition
PdP 5 84.48
व्रतैराराध्यते स्त्रीभिर्वासुदेवो दयानिधिः । आगमोक्तेन मार्गेण स्त्रीशूद्रैरपिपूजनम्
vratairārādhyate strībhirvāsudevo dayānidhiḥ | āgamoktena mārgeṇa strīśūdrairapipūjanam
and through vows, Vāsudeva, the treasury of compassion, is worshipped. By the way stated in the Āgamas, worship (may be done) even by women and śūdras;
AI translation rendered from the Sanskrit, not a published edition
PdP 5 84.49
कर्तव्यं कृष्णचंद्रस्य द्विजातिवररूपिणः । त्रयोवर्णास्तु वेदोक्तमार्गाराधनतत्पराः
kartavyaṃ kṛṣṇacaṃdrasya dvijātivararūpiṇaḥ | trayovarṇāstu vedoktamārgārādhanatatparāḥ
it is to be performed towards Kṛṣṇacandra, who takes the form of the best of the twice-born. But the three (higher) classes are intent on worship by the way stated in the Veda,
AI translation rendered from the Sanskrit, not a published edition
PdP 5 84.50
स्त्रीशूद्रादय एव स्युर्नाम्नाऽराधनतत्पराः । न पूजनैर्न यजनैर्न व्रतैरपि माधवः
strīśūdrādaya eva syurnāmnā'rādhanatatparāḥ | na pūjanairna yajanairna vratairapi mādhavaḥ
while women, śūdras and the rest should be intent on worship by the name (alone). Not by worships, not by sacrifices, not even by vows is Mādhava
AI translation rendered from the Sanskrit, not a published edition
PdP 5 84.51
तुष्यते केवलं भक्तिप्रियोऽसौ समुदाहृतः । स्त्रीणां पतिव्रतानां तु पतिरेव हि दैवतम्
tuṣyate kevalaṃ bhaktipriyo'sau samudāhṛtaḥ | strīṇāṃ pativratānāṃ tu patireva hi daivatam
(By that) alone is he satisfied; he is declared to be one who loves devotion. But for women devoted to their husbands, the husband alone is the deity.
AI translation rendered from the Sanskrit, not a published edition
PdP 5 84.52
स तु पूज्यो विष्णुभक्त्या मनोवाक्कायकर्मभिः । कर्तव्यं श्रद्धया विष्णोश्चिंतयित्वा पतिं हृदि
sa tu pūjyo viṣṇubhaktyā manovākkāyakarmabhiḥ | kartavyaṃ śraddhayā viṣṇościṃtayitvā patiṃ hṛdi
And he is to be worshipped with devotion to Viṣṇu, by acts of mind, speech and body; the (worship) of Viṣṇu should be performed with faith, having contemplated the husband in the heart.
AI translation rendered from the Sanskrit, not a published edition — the model flagged this verse as uncertain
PdP 5 84.53
शूद्राणां चैव भवति नाम्ना वै देवतार्चनम् । सर्वेऽप्यागममार्गेण कुर्युर्वेदानुकारिणा
śūdrāṇāṃ caiva bhavati nāmnā vai devatārcanam | sarve'pyāgamamārgeṇa kuryurvedānukāriṇā
And for śūdras the worship of the deity comes about by the name (alone); all should perform (it) by the path of the āgamas, which follows the Veda.
AI translation rendered from the Sanskrit, not a published edition
PdP 5 84.54
स्त्रीणामप्यधिकारोऽस्ति विष्णोराराधनादिषु । पतिप्रियरतानां च श्रुतिरेषा सनातनी
strīṇāmapyadhikāro'sti viṣṇorārādhanādiṣu | patipriyaratānāṃ ca śrutireṣā sanātanī
Women too have entitlement in the worshipping and the rest of Viṣṇu—(women) devoted to their husband's pleasure; this is the eternal revealed teaching.
AI translation rendered from the Sanskrit, not a published edition
PdP 5 84.55
स्वकुलोचितधर्मेण यद्यस्य विहितं व्रतम् । तत्तदेवाचरेद्यस्तु तेन तुष्यति केशवः
svakulocitadharmeṇa yadyasya vihitaṃ vratam | tattadevācaredyastu tena tuṣyati keśavaḥ
If a vow is prescribed for someone by the dharma appropriate to his own family, whoever practises just that, by that Keśava is pleased.
AI translation rendered from the Sanskrit, not a published edition
PdP 5 84.56
हविषाग्नौ जले पुष्पैर्ध्यानेन हृदये हरिम् । यजंति सूरयो नित्यं जपेन रविमंडले
haviṣāgnau jale puṣpairdhyānena hṛdaye harim | yajaṃti sūrayo nityaṃ japena ravimaṃḍale
With oblation in the fire, in water, with flowers, by meditation in the heart, with muttered recitation in the sun's orb—thus the wise constantly worship Hari.
AI translation rendered from the Sanskrit, not a published edition
PdP 5 84.57
अहिंसा प्रथमं पुष्पं द्वितीयं करणग्रहः । तृतीयकं भूतदया चतुर्थं क्षांतिरेव च
ahiṃsā prathamaṃ puṣpaṃ dvitīyaṃ karaṇagrahaḥ | tṛtīyakaṃ bhūtadayā caturthaṃ kṣāṃtireva ca
Non-injury is the first flower; the second is control of the sense-organs; the third is compassion for creatures; and the fourth is patience.
AI translation rendered from the Sanskrit, not a published edition
PdP 5 84.58
शमस्तु पंचमं पुष्पं दमः षष्ठं च सप्तमम् । ध्यानं सत्यं चाष्टमं च ह्येतैस्तुष्यति केशवः
śamastu paṃcamaṃ puṣpaṃ damaḥ ṣaṣṭhaṃ ca saptamam | dhyānaṃ satyaṃ cāṣṭamaṃ ca hyetaistuṣyati keśavaḥ
Calm is the fifth flower, self-control the sixth, and the seventh meditation, and the eighth truth; with these Keśava is pleased.
AI translation rendered from the Sanskrit, not a published edition
PdP 5 84.59
एतैरेवाष्टभिः पुष्पैस्तुष्यत्येवार्चितो हरिः । पुष्पांतराणि संत्येव बाह्यानि मनुजोत्तम
etairevāṣṭabhiḥ puṣpaistuṣyatyevārcito hariḥ | puṣpāṃtarāṇi saṃtyeva bāhyāni manujottama
Worshipped with just these eight flowers, Hari is indeed pleased. But there are other flowers too, external ones, O best of men,
AI translation rendered from the Sanskrit, not a published edition
PdP 5 84.60
भक्त्या कृतानि यैर्विष्णुः पूजितः परितुष्यति । वारुणं सलिलं पुष्पं सौम्यं घृतपयोदधि
bhaktyā kṛtāni yairviṣṇuḥ pūjitaḥ parituṣyati | vāruṇaṃ salilaṃ puṣpaṃ saumyaṃ ghṛtapayodadhi
which, offered with devotion, (are those) by which Viṣṇu, worshipped, is fully pleased: water is the flower of Varuṇa; ghee, milk and curds are of Soma;
AI translation rendered from the Sanskrit, not a published edition
PdP 5 84.61
प्राजापत्यं तथान्नादि आग्नेयं धूपदीपकम् । फलपुष्पादिकं चैव वानस्पत्यं तु पंचमम्
prājāpatyaṃ tathānnādi āgneyaṃ dhūpadīpakam | phalapuṣpādikaṃ caiva vānaspatyaṃ tu paṃcamam
food and the like belongs to Prajāpati; incense and lamp are of Agni; and fruit, flowers and the rest, belonging to the trees, is the fifth;
AI translation rendered from the Sanskrit, not a published edition
PdP 5 84.62
पार्थिवं कुशमूलाद्यं वायव्यं गंधचंदनम् । श्रद्धाख्यं विष्णुपुष्पं च वाद्यं विष्णुपदं स्मृतम्
pārthivaṃ kuśamūlādyaṃ vāyavyaṃ gaṃdhacaṃdanam | śraddhākhyaṃ viṣṇupuṣpaṃ ca vādyaṃ viṣṇupadaṃ smṛtam
earthly is kuśa, roots and the like; of the wind are perfume and sandal; and the flower called faith is Viṣṇu's own; music is held to be the station of Viṣṇu.
AI translation rendered from the Sanskrit, not a published edition — the model flagged this verse as uncertain
PdP 5 84.63
एभिस्तुपूजितः पुष्पैरपि विष्णुः प्रसीदति । सूर्योऽग्निर्ब्राह्मणोगावो वैष्णवः खं मरुज्जलम्
ebhistupūjitaḥ puṣpairapi viṣṇuḥ prasīdati | sūryo'gnirbrāhmaṇogāvo vaiṣṇavaḥ khaṃ marujjalam
Worshipped with these flowers too, Viṣṇu is gracious. The sun, fire, brahmins, cows, a Vaiṣṇava, the sky, the wind, water,
AI translation rendered from the Sanskrit, not a published edition
PdP 5 84.64
भूरात्मा सर्वभूतानि पूजास्थानानि वा हरेः । सूर्य्ये तु मंत्रजाप्येन हविषाग्नौ यजेत्ततः
bhūrātmā sarvabhūtāni pūjāsthānāni vā hareḥ | sūryye tu maṃtrajāpyena haviṣāgnau yajettataḥ
the earth, the self, all beings—these are the places of Hari's worship. In the sun one should worship by muttering the mantra; then in fire with oblation;
AI translation rendered from the Sanskrit, not a published edition
PdP 5 84.65
आतिथ्येन तु विप्राग्र्ये गोषु ग्रासरसादिना । वैष्णवे बंधुसत्कृत्या हृदये ध्याननिष्ठया
ātithyena tu viprāgrye goṣu grāsarasādinā | vaiṣṇave baṃdhusatkṛtyā hṛdaye dhyānaniṣṭhayā
in the foremost brahmin by hospitality; among cows with fodder, juices and the like; in a Vaiṣṇava by honouring (him) as a kinsman; in the heart by steadfastness in meditation;
AI translation rendered from the Sanskrit, not a published edition
PdP 5 84.66
वायौ मुख्यधिया तोये द्रव्यैस्तोयपुरस्कृतैः । स्थंडिले मंत्रहृदयैर्भोगैरात्मानमात्मनि
vāyau mukhyadhiyā toye dravyaistoyapuraskṛtaiḥ | sthaṃḍile maṃtrahṛdayairbhogairātmānamātmani
in the wind by the thought of (its being) chief; in water with substances, water foremost among them; on the altar-ground with the essences of the mantras; in the self, the self, with enjoyments.
AI translation rendered from the Sanskrit, not a published edition — the model flagged this verse as uncertain
PdP 5 84.67
क्षेत्रज्ञं सर्वभूतेषु समत्वेनार्चयेद्विभुम् । धिष्ण्येष्वेतेषु तद्रूपं शंखचक्रगदांबुजैः
kṣetrajñaṃ sarvabhūteṣu samatvenārcayedvibhum | dhiṣṇyeṣveteṣu tadrūpaṃ śaṃkhacakragadāṃbujaiḥ
One should worship the pervading Lord as the knower of the field in all beings, with the sense of sameness. In these seats (one should worship) that form of his, with conch, discus, mace and lotus—
AI translation rendered from the Sanskrit, not a published edition
PdP 5 84.68
युक्तं चतुर्भुजं शांतं ध्यायन्नर्च्चेत्समाहितः । ब्राह्मणैः पूजितैरेव पूजितोऽयं न संशयः
yuktaṃ caturbhujaṃ śāṃtaṃ dhyāyannarccetsamāhitaḥ | brāhmaṇaiḥ pūjitaireva pūjito'yaṃ na saṃśayaḥ
—provided (with them), four-armed, tranquil: meditating thus, one should worship with collected mind. When brahmins are honoured, he is honoured, there is no doubt.
AI translation rendered from the Sanskrit, not a published edition
PdP 5 84.69
निर्भर्त्सितैश्च तैर्भूप भवेन्निर्भर्त्सितो विभुः । निगमो धर्मशास्त्रं च यदाधारे प्रवर्तते
nirbhartsitaiśca tairbhūpa bhavennirbhartsito vibhuḥ | nigamo dharmaśāstraṃ ca yadādhāre pravartate
And when they are reviled, O king, the Lord becomes reviled. The Veda and the treatise on dharma proceed upon whose support—
AI translation rendered from the Sanskrit, not a published edition
PdP 5 84.70
विप्रास्ते वैष्णवीमूर्तिः पावनी परमा मता
viprāste vaiṣṇavīmūrtiḥ pāvanī paramā matā
those brahmins are the form of Viṣṇu, purifying, held to be supreme.
AI translation rendered from the Sanskrit, not a published edition
PdP 5 84.71
सर्वं शुभं जगति धर्मत एव लभ्यं धर्मो गतिर्निगमतो नृपधर्मशास्त्रात् । नूनं तयोरपि गतिर्भुवि भूमिदेवास्तैरर्चितैरिह जगत्पतिरर्चितः स्यात्
sarvaṃ śubhaṃ jagati dharmata eva labhyaṃ dharmo gatirnigamato nṛpadharmaśāstrāt | nūnaṃ tayorapi gatirbhuvi bhūmidevāstairarcitairiha jagatpatirarcitaḥ syāt
Every good thing in the world is to be had only through dharma; and dharma's course (is known) from the Veda and from the king's law-books. Surely of those two also the resort on earth is the gods-on-earth (the brahmins); when they are worshipped, the Lord of the world is worshipped here.
AI translation rendered from the Sanskrit, not a published edition
PdP 5 84.72
न यज्ञयोगैर्न तपोभिरन्यैर्न योगयुक्त्या न समर्चनेन । तथा विभुस्तुष्यति देवदेवो यथा मही दैवततोषणेन
na yajñayogairna tapobhiranyairna yogayuktyā na samarcanena | tathā vibhustuṣyati devadevo yathā mahī daivatatoṣaṇena
Not by sacrifices and yogas, not by austerities or other (practices), not by the discipline of yoga, not by ritual worship — the all-pervading God of gods is not so pleased as (he is) by the gratifying of the gods of the earth.
AI translation rendered from the Sanskrit, not a published edition
PdP 5 84.73
ब्रह्मण्यो ब्रह्मविद्ब्रह्मा ब्रह्मवेदप्रवर्तकः । ब्राह्मणैरेव तुष्येत तोषितं ब्रह्मदैवतम्
brahmaṇyo brahmavidbrahmā brahmavedapravartakaḥ | brāhmaṇaireva tuṣyeta toṣitaṃ brahmadaivatam
He is devoted to brahmins, the knower of brahman, Brahmā, the promulgator of brahman and of the Veda; he would be pleased only through brahmins — the deity of brahman is (thereby) gratified.
AI translation rendered from the Sanskrit, not a published edition
PdP 5 84.74
नरकेऽपि चिरं मग्नाः पूर्वजा ये कुलद्वये । तदैव यांति ते स्वर्गं यदार्च्चति सुतो हरिम्
narake'pi ciraṃ magnāḥ pūrvajā ye kuladvaye | tadaiva yāṃti te svargaṃ yadārccati suto harim
Those ancestors in both lines who have long been sunk even in hell — they go to heaven that very moment when a son worships Hari.
AI translation rendered from the Sanskrit, not a published edition
PdP 5 84.75
किं तेषां जीवितेनेह पशुवच्चेष्टितेन किम् । येषां न प्रवणं चित्तं वासुदेवे जगन्मये
kiṃ teṣāṃ jīviteneha paśuvacceṣṭitena kim | yeṣāṃ na pravaṇaṃ cittaṃ vāsudeve jaganmaye
What use is their life here, what use their striving like cattle, whose mind is not inclined toward Vāsudeva, who is (all) the world?
AI translation rendered from the Sanskrit, not a published edition
PdP 5 84.76
ध्यानं तस्य प्रवक्ष्यामि यन्न दृष्टं तु केनचित् । श्रूयतां भूपकैवल्यं केवलं मलवर्जितम्
dhyānaṃ tasya pravakṣyāmi yanna dṛṣṭaṃ tu kenacit | śrūyatāṃ bhūpakaivalyaṃ kevalaṃ malavarjitam
I shall declare the meditation on him, which has not been seen by anyone. Let the aloneness (kaivalya) be heard, O king — the sole (state), free of stain.
AI translation rendered from the Sanskrit, not a published edition
PdP 5 84.77
यथा दीपो निवातस्थो निश्चलो वायुवर्जितः । प्रज्वलन्नाशयेत्सर्वमंधकारं महामते
yathā dīpo nivātastho niścalo vāyuvarjitaḥ | prajvalannāśayetsarvamaṃdhakāraṃ mahāmate
Just as a lamp set in a windless place, motionless, free of wind, blazing up would destroy all darkness, O greatly wise one —
AI translation rendered from the Sanskrit, not a published edition
PdP 5 84.78
तद्वद्दोषविहीनात्मा भवत्येव निरामयः । निराशो निश्चलो वीरोनमित्रं न रिपुस्तथा
tadvaddoṣavihīnātmā bhavatyeva nirāmayaḥ | nirāśo niścalo vīronamitraṃ na ripustathā
just so the self freed of faults becomes indeed free of affliction: without craving, unmoving, a hero; for him there is neither friend nor foe.
AI translation rendered from the Sanskrit, not a published edition
PdP 5 84.79
शोकहर्षौ विषादश्च न लोभो मत्सरो भ्रमः । संभ्रमालापमोहैश्च सुखदुःखैर्विमुच्यते
śokaharṣau viṣādaśca na lobho matsaro bhramaḥ | saṃbhramālāpamohaiśca sukhaduḥkhairvimucyate
Grief and joy, and dejection, greed, envy, confusion are not (his); and he is released from agitation, idle talk, and delusion, and from pleasures and pains.
AI translation rendered from the Sanskrit, not a published edition
PdP 5 84.80
विषयैश्चापि सर्वैश्च इंद्रियाणां प्रमुच्यते । तदा स केवलज्ञानी कैवल्यत्वं प्रजायते
viṣayaiścāpi sarvaiśca iṃdriyāṇāṃ pramucyate | tadā sa kevalajñānī kaivalyatvaṃ prajāyate
And he is freed too from all the objects of the senses; then he, the knower of the absolute, comes to be in the state of aloneness.
AI translation rendered from the Sanskrit, not a published edition
PdP 5 84.81
ज्वालाकर्मप्रसंगेन दीपस्तैलं प्रशोषयेत् । वर्त्याधारेण राजेंद्र निर्द्वन्द्वो वायुवर्जितः
jvālākarmaprasaṃgena dīpastailaṃ praśoṣayet | vartyādhāreṇa rājeṃdra nirdvandvo vāyuvarjitaḥ
Through the operation of its flame the lamp dries up the oil, by means of the support of the wick, O best of kings — free of opposites, free of wind.
AI translation rendered from the Sanskrit, not a published edition
PdP 5 84.82
कज्जलं वमते पश्चात्तैलस्यापि महामते । कृष्णा संदृश्यते रेखा दीपस्याग्रे महामते
kajjalaṃ vamate paścāttailasyāpi mahāmate | kṛṣṇā saṃdṛśyate rekhā dīpasyāgre mahāmate
Afterwards it vomits out lampblack even from the oil, O greatly wise one; a black line is seen at the tip of the lamp, O greatly wise one.
AI translation rendered from the Sanskrit, not a published edition
PdP 5 84.83
स्वयमाकृष्य तत्तैलं तेजसा निर्मलोभवेत् । काये चांतः स्थितस्तद्वत्कर्मतैलं प्रशोषयेत्
svayamākṛṣya tattailaṃ tejasā nirmalobhavet | kāye cāṃtaḥ sthitastadvatkarmatailaṃ praśoṣayet
Drawing up that oil by itself, it would become spotless through its radiance; just so, (the self) dwelling within the body dries up the oil of karma.
AI translation rendered from the Sanskrit, not a published edition
PdP 5 84.84
विषयान्कज्जलं कृत्वा प्रत्यक्षान्संप्रदर्शयेत् । ज्वालावन्निर्मलो भूत्वा स्वयमेव प्रकाशयेत्
viṣayānkajjalaṃ kṛtvā pratyakṣānsaṃpradarśayet | jvālāvannirmalo bhūtvā svayameva prakāśayet
Making the sense-objects (into) lampblack, it would display them plainly; becoming spotless like the flame, it would shine of its own accord.
AI translation rendered from the Sanskrit, not a published edition
PdP 5 84.85
क्रोधलोभादिभिः संज्ञैर्वायुभिः परिवर्जितः । निःस्पृहो निश्चलो भूत्वा तेजश्च स्वयमुज्ज्वलेत्
krodhalobhādibhiḥ saṃjñairvāyubhiḥ parivarjitaḥ | niḥspṛho niścalo bhūtvā tejaśca svayamujjvalet
Freed from the winds that are called anger, greed and the rest, becoming free of longing and unmoving, the radiance would blaze up of itself.
AI translation rendered from the Sanskrit, not a published edition
PdP 5 84.86
त्रैलोक्यं पश्यते सर्वं स्वस्थानस्थं स्वतेजसा । केवलज्ञानरूपोऽयं मया ते परिकीर्तितः
trailokyaṃ paśyate sarvaṃ svasthānasthaṃ svatejasā | kevalajñānarūpo'yaṃ mayā te parikīrtitaḥ
Remaining in his own place, he sees the whole triple world by his own radiance. This form of absolute knowledge has been proclaimed by me to you.
AI translation rendered from the Sanskrit, not a published edition
PdP 5 84.87
ध्यानं चैव प्रवक्ष्यामि द्विविधं तस्य चक्रिणः । केवलज्ञानरूपेण दृश्यते परचक्षुषा
dhyānaṃ caiva pravakṣyāmi dvividhaṃ tasya cakriṇaḥ | kevalajñānarūpeṇa dṛśyate paracakṣuṣā
And I shall declare the twofold meditation on that Bearer of the Discus, who, in the form of absolute knowledge, is seen with the highest eye.
AI translation rendered from the Sanskrit, not a published edition
PdP 5 84.88
योगयुक्ता महात्मानः परमार्थपरायणाः । यं न पश्यंति मुग्धास्तु सर्वज्ञं सर्वदर्शकम्
yogayuktā mahātmānaḥ paramārthaparāyaṇāḥ | yaṃ na paśyaṃti mugdhāstu sarvajñaṃ sarvadarśakam
The great souls, joined to yoga, devoted to the highest goal (see him), whom the deluded do not see — the all-knowing, the all-seeing.
AI translation rendered from the Sanskrit, not a published edition
PdP 5 84.89
हस्तपादविहीनश्च सर्वत्र परिगच्छति । सर्वं गृह्णाति त्रैलोक्यं स्थावरं जंगमं पुनः
hastapādavihīnaśca sarvatra parigacchati | sarvaṃ gṛhṇāti trailokyaṃ sthāvaraṃ jaṃgamaṃ punaḥ
Lacking hands and feet, he goes everywhere; he grasps the whole triple world, both immobile and moving.
AI translation rendered from the Sanskrit, not a published edition
PdP 5 84.90
नासामुखविहीनस्तु घ्राति भक्षति भूपते । अकर्णः शृणुते सर्वं सर्वसाक्षी जगत्पतिः
nāsāmukhavihīnastu ghrāti bhakṣati bhūpate | akarṇaḥ śṛṇute sarvaṃ sarvasākṣī jagatpatiḥ
Though without nose and mouth he smells and eats, O king; without ears he hears everything — the witness of all, the Lord of the world.
AI translation rendered from the Sanskrit, not a published edition
PdP 5 84.91
अरूपो रूपसंबद्धः पंचवर्गवशं गतः । सर्वलोकस्य यः प्राणः पूज्यते सचराचरैः
arūpo rūpasaṃbaddhaḥ paṃcavargavaśaṃ gataḥ | sarvalokasya yaḥ prāṇaḥ pūjyate sacarācaraiḥ
Formless, (yet) joined to form, come under the sway of the group of five, he who is the life-breath of all the world is worshipped by (beings) moving and unmoving.
AI translation rendered from the Sanskrit, not a published edition
PdP 5 84.92
अजिह्वो वदते सर्वं वेदशास्त्रानुगं तथा । अत्वचः स्पर्शमेवापि सर्वेषामेव विंदति
ajihvo vadate sarvaṃ vedaśāstrānugaṃ tathā | atvacaḥ sparśamevāpi sarveṣāmeva viṃdati
Tongueless, he speaks everything, and (all) that accords with the Vedas and the sciences; skinless, he yet experiences the touch of all beings.
AI translation rendered from the Sanskrit, not a published edition
PdP 5 84.93
सदानंदो विविक्ताक्ष एकरूपो निराश्रयः । निर्गुणो निर्ममो व्यापी सगुणो निर्मलोऽनघः
sadānaṃdo viviktākṣa ekarūpo nirāśrayaḥ | nirguṇo nirmamo vyāpī saguṇo nirmalo'naghaḥ
Ever blissful, of unmingled sight, of a single form, without support; free of qualities, free of possessiveness, all-pervading, possessed of qualities, spotless, sinless.
AI translation rendered from the Sanskrit, not a published edition
PdP 5 84.94
अवश्यः सर्ववश्यात्मा सर्वदः सर्ववित्तमः । तस्य माता न चैवास्ति स वै सर्वमयो विभुः
avaśyaḥ sarvavaśyātmā sarvadaḥ sarvavittamaḥ | tasya mātā na caivāsti sa vai sarvamayo vibhuḥ
Not to be controlled, (yet) the self to whom all are subject, giver of all, best of all knowers; he has no mother at all — he indeed is the all-comprising, all-pervading one.
AI translation rendered from the Sanskrit, not a published edition
PdP 5 84.95
एवं सर्वमयं ध्यानं यश्च पश्यत्यनन्यधीः । स याति परमं स्थानममूर्त्तममृतोपमम्
evaṃ sarvamayaṃ dhyānaṃ yaśca paśyatyananyadhīḥ | sa yāti paramaṃ sthānamamūrttamamṛtopamam
He who thus contemplates the all-comprising meditation with an undistracted mind goes to the supreme abode, formless and like immortality.
AI translation rendered from the Sanskrit, not a published edition
PdP 5 84.96
द्वितीयं तु प्रवक्ष्यामि तच्छृणुष्व महामते । मूर्त्ताकारं तु साकारं निराकारं निरामयम्
dvitīyaṃ tu pravakṣyāmi tacchṛṇuṣva mahāmate | mūrttākāraṃ tu sākāraṃ nirākāraṃ nirāmayam
But I shall declare the second (meditation); hear it, great-minded one — having embodied shape, with form, (yet) formless and free of affliction.
AI translation rendered from the Sanskrit, not a published edition
PdP 5 84.97
ब्रह्मांडं सर्वमतुलं वासितं यस्य वासनात् । स तस्माद्वासुदेवस्तु प्रोच्यते नृपनंदन
brahmāṃḍaṃ sarvamatulaṃ vāsitaṃ yasya vāsanāt | sa tasmādvāsudevastu procyate nṛpanaṃdana
By whose dwelling the whole incomparable egg of Brahmā is inhabited — for that reason he is called Vāsudeva, O son of the king.
AI translation rendered from the Sanskrit, not a published edition
PdP 5 84.98
वर्षमाणस्य मेघस्य यद्भासा तस्य तद्भवेत् । सूर्यतेजःप्रतीकाशं चतुर्बाहुं सुरेश्वरम्
varṣamāṇasya meghasya yadbhāsā tasya tadbhavet | sūryatejaḥpratīkāśaṃ caturbāhuṃ sureśvaram
Whatever the radiance of a raining cloud would be, such is his; (one should meditate on) the lord of gods, four-armed, resembling the sun's brilliance.
AI translation rendered from the Sanskrit, not a published edition — the model flagged this verse as uncertain
PdP 5 84.99
दक्षिणे शोभते शंखो हेमरत्नविभूषितः । कौमोदकी गदा तस्य महासुरविनाशिनी
dakṣiṇe śobhate śaṃkho hemaratnavibhūṣitaḥ | kaumodakī gadā tasya mahāsuravināśinī
On the right side shines the conch, adorned with gold and jewels; his mace Kaumodakī, destroyer of great demons,
AI translation rendered from the Sanskrit, not a published edition
PdP 5 84.100
वामे च शोभते वीर हस्ते तस्य महात्मनः । महापद्मं सुगंधाढ्यं तस्य दक्षिणहस्तगम्
vāme ca śobhate vīra haste tasya mahātmanaḥ | mahāpadmaṃ sugaṃdhāḍhyaṃ tasya dakṣiṇahastagam
shines in the left hand of that great-souled one, O hero; the great lotus, rich in fragrance, is in his right hand.
AI translation rendered from the Sanskrit, not a published edition
PdP 5 84.101
शोभमानं सदैवास्ते सायुधं कमलश्रियम् । कंबुग्रीवं सुवृत्तास्यं पद्मपत्रनिभेक्षणम्
śobhamānaṃ sadaivāste sāyudhaṃ kamalaśriyam | kaṃbugrīvaṃ suvṛttāsyaṃ padmapatranibhekṣaṇam
(He) ever remains resplendent, bearing weapons, with the beauty of a lotus, conch-necked, with a well-rounded face, with eyes like lotus petals,
AI translation rendered from the Sanskrit, not a published edition
PdP 5 84.102
राजमानं हृषीकेशं दशनैः कुंदसंनिभैः । गुडाकेशस्य यस्यास्ते अधरो विद्रुमाकृतिः
rājamānaṃ hṛṣīkeśaṃ daśanaiḥ kuṃdasaṃnibhaiḥ | guḍākeśasya yasyāste adharo vidrumākṛtiḥ
Hṛṣīkeśa gleaming with teeth like jasmine buds — of that Guḍākeśa the lower lip has the look of coral.
AI translation rendered from the Sanskrit, not a published edition
PdP 5 84.103
शोभते पुंडरीकाक्षः किरीटेनापि भास्वता । विशालेनापि रूपेण केशवस्तु सुवक्षसा
śobhate puṃḍarīkākṣaḥ kirīṭenāpi bhāsvatā | viśālenāpi rūpeṇa keśavastu suvakṣasā
The lotus-eyed one shines also with his gleaming diadem, and Keśava too with his vast form and fine chest.
AI translation rendered from the Sanskrit, not a published edition
PdP 5 84.104
कौस्तुभेनांकितेनैव राजमानो जनार्दनः । सूर्यतेजःप्रतीकाश कुंडलाभ्यां प्रभाति च
kaustubhenāṃkitenaiva rājamāno janārdanaḥ | sūryatejaḥpratīkāśa kuṃḍalābhyāṃ prabhāti ca
Janārdana, resplendent, marked with the Kaustubha, resembling the sun's brilliance, shines also with his two earrings.
AI translation rendered from the Sanskrit, not a published edition
PdP 5 84.105
हरिः केयूरकंकणैर्हारैर्मौक्तिकैर्ऋक्षसन्निभैः
hariḥ keyūrakaṃkaṇairhārairmauktikairṛkṣasannibhaiḥ
Hari (shines) with armlets and bracelets, with pearl necklaces like stars.
AI translation rendered from the Sanskrit, not a published edition
PdP 5 84.106
वपुषा भ्राजमानस्तु विजयो जयतां वरः । भ्राजतेसोऽपि गोविंदो हेमवर्णेन वाससा
vapuṣā bhrājamānastu vijayo jayatāṃ varaḥ | bhrājateso'pi goviṃdo hemavarṇena vāsasā
Blazing with his body, victorious, the best of conquerors — Govinda too shines with his gold-coloured garment.
AI translation rendered from the Sanskrit, not a published edition
PdP 5 84.107
मुद्रिकाभिस्तु युक्ताभिरंगुलीषु विराजते । सर्वायुधैः सुसंपूर्णैर्द्दिव्यैराभरणैर्हरिः
mudrikābhistu yuktābhiraṃgulīṣu virājate | sarvāyudhaiḥ susaṃpūrṇairddivyairābharaṇairhariḥ
He shines with the signet rings set on his fingers; Hari (is) fully furnished with all weapons and divine ornaments,
AI translation rendered from the Sanskrit, not a published edition
PdP 5 84.108
वैनतेयसमारूढो लोककर्त्ता जगत्पतिः । एवं यो ध्यायते नित्यमनन्यमनसा नरः
vainateyasamārūḍho lokakarttā jagatpatiḥ | evaṃ yo dhyāyate nityamananyamanasā naraḥ
mounted on the son of Vinatā, maker of the worlds, lord of the universe. The man who meditates thus constantly with an undistracted mind
AI translation rendered from the Sanskrit, not a published edition
PdP 5 84.109
मुच्यते सर्वपापेभ्यो विष्णुलोकं स गच्छति । एतत्ते सर्वमाख्यातं ध्यानभेदं जगत्पतेः
mucyate sarvapāpebhyo viṣṇulokaṃ sa gacchati | etatte sarvamākhyātaṃ dhyānabhedaṃ jagatpateḥ
is freed from all sins and goes to the world of Viṣṇu. All this has been told to you — the varieties of meditation on the Lord of the universe.
AI translation rendered from the Sanskrit, not a published edition