Padma Purana — Patala Khanda — Chapter 83
PdP 5 83.1
नारद उवाच- भगवन्सर्वमाख्यातं यद्यत्पृष्टं मया गुरो । अधुना श्रोतुमिच्छामि भावमार्गमनुत्तमम्
nārada uvāca- bhagavansarvamākhyātaṃ yadyatpṛṣṭaṃ mayā guro | adhunā śrotumicchāmi bhāvamārgamanuttamam
Nārada said: Lord, everything I asked has been told, O teacher. Now I wish to hear of the unsurpassed path of loving mood (bhāva).
AI translation rendered from the Sanskrit, not a published edition
PdP 5 83.2
शिव उवाच- साधु विप्र त्वया पृष्टं सर्वलोकहितैषिणा । रहस्यमपि वक्ष्यामि तन्मे निगदतः शृणु
śiva uvāca- sādhu vipra tvayā pṛṣṭaṃ sarvalokahitaiṣiṇā | rahasyamapi vakṣyāmi tanme nigadataḥ śṛṇu
Śiva said: Well asked by you, brāhmaṇa, who desire the welfare of all the worlds. I shall tell even the secret; hear it from me as I speak.
AI translation rendered from the Sanskrit, not a published edition
PdP 5 83.3
दास्यः सखायः पितरौ प्रेयस्यश्च हरेरिह । सर्वे नित्या मुनिश्रेष्ठ वसंति गुणशालिनः
dāsyaḥ sakhāyaḥ pitarau preyasyaśca hareriha | sarve nityā muniśreṣṭha vasaṃti guṇaśālinaḥ
The maidservants, the companions, the two parents, and the beloved women of Hari here — all of them are eternal, O best of sages, and dwell (there), possessed of (excellent) qualities.
AI translation rendered from the Sanskrit, not a published edition
PdP 5 83.4
यथा प्रकटलीलायां पुराणेषु प्रकीर्तिताः । तथा ते नित्यलीलायां संति वृंदावने भुवि
yathā prakaṭalīlāyāṃ purāṇeṣu prakīrtitāḥ | tathā te nityalīlāyāṃ saṃti vṛṃdāvane bhuvi
Just as they are celebrated in the Purāṇas in the manifest play, so they exist in the eternal play, in Vṛndāvana on earth.
AI translation rendered from the Sanskrit, not a published edition
PdP 5 83.5
गमनागमने नित्यं करोति वनगोष्ठयोः । गोचारणं वयस्यैश्च विनाऽसुरविघातनम्
gamanāgamane nityaṃ karoti vanagoṣṭhayoḥ | gocāraṇaṃ vayasyaiśca vinā'suravighātanam
He constantly makes goings and comings between the forest and the cow-settlement, and the cow-herding with his playmates — but without the slaying of demons.
AI translation rendered from the Sanskrit, not a published edition
PdP 5 83.6
करकीयाभिमानिन्यस्तथा तस्य प्रिया जनाः । प्रच्छन्नेनैव भावेन रमयंति निजप्रियम्
karakīyābhimāninyastathā tasya priyā janāḥ | pracchannenaiva bhāvena ramayaṃti nijapriyam
And so his beloved ones, thinking of themselves as belonging to another, delight their own beloved with a concealed mood.
AI translation rendered from the Sanskrit, not a published edition — the model flagged this verse as uncertain
PdP 5 83.7
आत्मानं चिंतयेत्तत्र तासां मध्ये मनोरमाम् । रूपयौवनसंपन्नां किशोरीं प्रमदाकृतिम्
ātmānaṃ ciṃtayettatra tāsāṃ madhye manoramām | rūpayauvanasaṃpannāṃ kiśorīṃ pramadākṛtim
There one should contemplate oneself as, in the midst of them, a charming young girl endowed with beauty and youth, having the form of a woman,
AI translation rendered from the Sanskrit, not a published edition
PdP 5 83.8
नानाशिल्पकलाभिज्ञां कृष्णभोगानुरूपिणीम् । प्रार्थितामपि कृष्णेन तत्र भोगपराङ्मुखीम्
nānāśilpakalābhijñāṃ kṛṣṇabhogānurūpiṇīm | prārthitāmapi kṛṣṇena tatra bhogaparāṅmukhīm
(Think of her as) skilled in various crafts and arts, suited to Kṛṣṇa's enjoyment, yet, though entreated by Kṛṣṇa, turning her face away from enjoyment there;
AI translation rendered from the Sanskrit, not a published edition
PdP 5 83.9
राधिकानुचरीं तत्र तत्सेवनपरायणाम् । कृष्णादप्यधिकं प्रेम राधिकायां प्रकुर्वतीम्
rādhikānucarīṃ tatra tatsevanaparāyaṇām | kṛṣṇādapyadhikaṃ prema rādhikāyāṃ prakurvatīm
as a follower of Rādhikā there, devoted to serving her, showing greater love for Rādhikā even than for Kṛṣṇa;
AI translation rendered from the Sanskrit, not a published edition
PdP 5 83.10
प्रीत्यानुदिवसं यत्नात्तयोः संगमकारिणीम् । तत्सेवनसुखाह्लादभावेनातिसुनिर्वृताम्
prītyānudivasaṃ yatnāttayoḥ saṃgamakāriṇīm | tatsevanasukhāhlādabhāvenātisunirvṛtām
as one who with affection, day after day, diligently brings about the union of those two, and is utterly content through the mood of delight in the joy of serving them.
AI translation rendered from the Sanskrit, not a published edition
PdP 5 83.11
इत्यात्मानं विचिंत्यैव तत्र सेवां समाचरेत् । ब्राह्मं मुहूर्त्तमारभ्य यावत्स्यात्तु महानिशा
ityātmānaṃ viciṃtyaiva tatra sevāṃ samācaret | brāhmaṃ muhūrttamārabhya yāvatsyāttu mahāniśā
Having thus meditated on oneself (in that form), one should there carry out the service, beginning from the brāhma muhūrta until deep night comes.
AI translation rendered from the Sanskrit, not a published edition
PdP 5 83.12
नारद उवाच- हरेर्दैनंदिनीं लीलां श्रोतुमिच्छामि तत्त्वतः । लीलामजानता सेव्यो मनसा तु कथं हरिः
nārada uvāca- harerdainaṃdinīṃ līlāṃ śrotumicchāmi tattvataḥ | līlāmajānatā sevyo manasā tu kathaṃ hariḥ
Nārada said: I wish to hear truly of Hari's daily play; for how can Hari be served in the mind by one who does not know his play?
AI translation rendered from the Sanskrit, not a published edition
PdP 5 83.13
शिव उवाच- नाहं जानामि तां लीलां हरेर्नारदतत्त्वतः । वृंदादेवीमितो गच्छ सा ते लीलां प्रवक्ष्यति
śiva uvāca- nāhaṃ jānāmi tāṃ līlāṃ harernāradatattvataḥ | vṛṃdādevīmito gaccha sā te līlāṃ pravakṣyati
Śiva said: I do not know that play of Hari truly, Nārada. Go from here to Vṛndā-devī; she will declare the play to you.
AI translation rendered from the Sanskrit, not a published edition
PdP 5 83.14
अविदूर इतः स्थानात्केशीतीर्थसमीपतः । सखीसंघवृता सास्ते गोविंदपरिचारिका
avidūra itaḥ sthānātkeśītīrthasamīpataḥ | sakhīsaṃghavṛtā sāste goviṃdaparicārikā
Not far from this place, near Keśī-tīrtha, she abides surrounded by a company of companions, the attendant of Govinda.
AI translation rendered from the Sanskrit, not a published edition
PdP 5 83.15
सूत उवाच- इत्युक्तस्तं परिक्रम्य हृष्टो नत्वा पुनः पुनः । वृंदाश्रमं जगामाथ नारदो मुनिसत्तमः
sūta uvāca- ityuktastaṃ parikramya hṛṣṭo natvā punaḥ punaḥ | vṛṃdāśramaṃ jagāmātha nārado munisattamaḥ
Sūta said: Being thus addressed, Nārada, best of sages, delighted, circumambulated him and bowed again and again, and then went to Vṛndā's hermitage.
AI translation rendered from the Sanskrit, not a published edition
PdP 5 83.16
वृंदापि नारदं दृष्ट्वा प्रणम्य च पुनःपुनः । उवाच च मुनिश्रेष्ठ कथमत्रागतिस्तव
vṛṃdāpi nāradaṃ dṛṣṭvā praṇamya ca punaḥpunaḥ | uvāca ca muniśreṣṭha kathamatrāgatistava
Vṛndā too, seeing Nārada and bowing again and again, said: "Best of sages, how is it that you have come here?"
AI translation rendered from the Sanskrit, not a published edition
PdP 5 83.17
नारद उवाच- त्वत्तो वेदितुमिच्छामि नैत्यकं चरितं हरेः । तदादितो मम ब्रूहि यदि योग्योऽस्मि शोभने
nārada uvāca- tvatto veditumicchāmi naityakaṃ caritaṃ hareḥ | tadādito mama brūhi yadi yogyo'smi śobhane
Nārada said: I wish to learn from you the daily conduct of Hari; so tell me from the beginning, O lovely one, if I am fit (for it).
AI translation rendered from the Sanskrit, not a published edition
PdP 5 83.18
वृंदोवाच- रहस्यमपिवक्ष्यामि कृष्णभक्तोसि नारद । न प्रकाश्यं त्वयाप्येतद्गुह्याद्गुह्यतरं महत्
vṛṃdovāca- rahasyamapivakṣyāmi kṛṣṇabhaktosi nārada | na prakāśyaṃ tvayāpyetadguhyādguhyataraṃ mahat
Vṛndā said: I shall tell (it), though it is secret, since you are a devotee of Kṛṣṇa, Nārada. Not even by you is this to be disclosed—it is great, more secret than the secret.
AI translation rendered from the Sanskrit, not a published edition
PdP 5 83.19
मध्ये वृंदावने रम्ये पंचाशत्कुंजमंडिते । कल्पवृक्षनिकुंजे तु दिव्यरत्नमये गृहे
madhye vṛṃdāvane ramye paṃcāśatkuṃjamaṃḍite | kalpavṛkṣanikuṃje tu divyaratnamaye gṛhe
In the midst of lovely Vṛndāvana, adorned with fifty groves, in a bower of wish-fulfilling trees, in a house made of divine jewels—
AI translation rendered from the Sanskrit, not a published edition
PdP 5 83.20
निद्रितौ तिष्ठतस्तल्पे निबिडालिंगितौ मिथः । मदाज्ञाकारिभिः पश्चात्पक्षिभिर्बोधितावपि
nidritau tiṣṭhatastalpe nibiḍāliṃgitau mithaḥ | madājñākāribhiḥ paścātpakṣibhirbodhitāvapi
the two remain asleep on the couch, tightly embracing each other, even after being awakened by the birds that carry out my command;
AI translation rendered from the Sanskrit, not a published edition
PdP 5 83.21
गाढालिंगनजानंदमाप्तौ तद्भंगकातरौ । न मनः कुरुतस्तल्पात्समुत्थातुं मनागपि
gāḍhāliṃganajānaṃdamāptau tadbhaṃgakātarau | na manaḥ kurutastalpātsamutthātuṃ manāgapi
having attained the joy born of the close embrace, and anxious at its breaking, they do not set their minds even slightly on rising from the couch.
AI translation rendered from the Sanskrit, not a published edition
PdP 5 83.22
ततश्च सारिकासंघैः शुकाद्यैः परितो मुहुः । बोधितौ विविधैर्वाक्यैः स्वतल्पादुदतिष्ठताम्
tataśca sārikāsaṃghaiḥ śukādyaiḥ parito muhuḥ | bodhitau vividhairvākyaiḥ svatalpādudatiṣṭhatām
And then, being repeatedly awakened all around by flocks of mynas and by parrots and others with various words, the two rose from their couch.
AI translation rendered from the Sanskrit, not a published edition
PdP 5 83.23
उपविष्टौ ततो दृष्ट्वा सख्यस्तल्पे मुदान्वितौ । प्रविश्य सेवां कुर्वंति तत्काले ह्युचितां तयोः
upaviṣṭau tato dṛṣṭvā sakhyastalpe mudānvitau | praviśya sevāṃ kurvaṃti tatkāle hyucitāṃ tayoḥ
Then the companions, seeing the two seated on the couch and filled with joy, enter and perform for them the service appropriate to that time.
AI translation rendered from the Sanskrit, not a published edition
PdP 5 83.24
पुनश्च सारिकावाक्यैस्तावुत्थाय स्वतल्पतः । गच्छतः स्वस्वभवनं भीत्युत्कंठाकुलौ ततः
punaśca sārikāvākyaistāvutthāya svatalpataḥ | gacchataḥ svasvabhavanaṃ bhītyutkaṃṭhākulau tataḥ
And again, at the mynas' words, the two rise from their couch and go each to their own dwelling, agitated then with fear and longing.
AI translation rendered from the Sanskrit, not a published edition
PdP 5 83.25
प्रातश्च बोधितो मात्रा तल्पादुत्थाय सत्वरः । कृत्वा कृष्णो दंतकाष्ठं बलदेवसमन्वितः
prātaśca bodhito mātrā talpādutthāya satvaraḥ | kṛtvā kṛṣṇo daṃtakāṣṭhaṃ baladevasamanvitaḥ
And in the morning Kṛṣṇa, awakened by his mother, rising quickly from the couch and having used the tooth-stick, together with Baladeva,
AI translation rendered from the Sanskrit, not a published edition
PdP 5 83.26
मात्रानुमोदितो याति गोशालां सखिभिर्वृतः । राधापि बोधिता विप्र वयस्याभिः स्वतल्पतः
mātrānumodito yāti gośālāṃ sakhibhirvṛtaḥ | rādhāpi bodhitā vipra vayasyābhiḥ svatalpataḥ
encouraged by his mother, goes to the cow-pen surrounded by his companions. Rādhā too, O brahmin, is awakened from her couch by her girlfriends;
AI translation rendered from the Sanskrit, not a published edition
PdP 5 83.27
उत्थाय दंतकाष्ठादि कृत्वाभ्यंगं समाचरेत् । स्नानवेदीं ततो गत्वा स्नापिता सा निजालिभिः
utthāya daṃtakāṣṭhādi kṛtvābhyaṃgaṃ samācaret | snānavedīṃ tato gatvā snāpitā sā nijālibhiḥ
having risen, she should do the tooth-stick and the rest and have the oil-massage performed; then, going to the bathing platform, she is bathed by her own companions.
AI translation rendered from the Sanskrit, not a published edition
PdP 5 83.28
भूषागृहे व्रजेत्तत्र वयस्या भूषयंत्यपि । भूषणैर्विविधैर्दिव्यैर्गंधमाल्यानुलेपनैः
bhūṣāgṛhe vrajettatra vayasyā bhūṣayaṃtyapi | bhūṣaṇairvividhairdivyairgaṃdhamālyānulepanaiḥ
Then she would go to the adornment-chamber, where her companions adorn (her) with various heavenly ornaments, with perfumes, garlands and unguents.
AI translation rendered from the Sanskrit, not a published edition
PdP 5 83.29
ततः सखीजनैस्तस्याः श्वश्रूं संप्रार्थ्य यत्नतः । कर्तुमाहूयतेस्वन्नं ससखी सा यशोदया
tataḥ sakhījanaistasyāḥ śvaśrūṃ saṃprārthya yatnataḥ | kartumāhūyatesvannaṃ sasakhī sā yaśodayā
Then, her friends having carefully entreated her mother-in-law, she is summoned by Yaśodā, together with her friends, to prepare food.
AI translation rendered from the Sanskrit, not a published edition
PdP 5 83.30
नारद उवाच- कथमाहूयते देवि पाकार्थं तु यशोदया । सतीषु पाककर्त्रीषु रोहिणीप्रमुखास्वपि
nārada uvāca- kathamāhūyate devi pākārthaṃ tu yaśodayā | satīṣu pākakartrīṣu rohiṇīpramukhāsvapi
Nārada said: How, O goddess, is she summoned by Yaśodā for the cooking, when there are cooks (in the house) headed by Rohiṇī?
AI translation rendered from the Sanskrit, not a published edition
PdP 5 83.31
वृंदोवाच- पूर्वं दुर्वाससा दत्तो वरस्तस्यै महामुने । इति कात्यायनी वक्त्राच्छ्रुतमासीन्मया पुरा
vṛṃdovāca- pūrvaṃ durvāsasā datto varastasyai mahāmune | iti kātyāyanī vaktrācchrutamāsīnmayā purā
Vṛndā said: Formerly a boon was given to her by Durvāsas, O great sage — thus I once heard from the mouth of Kātyāyanī:
AI translation rendered from the Sanskrit, not a published edition
PdP 5 83.32
त्वया यत्पच्यते देवि तदन्नं मदनुग्रहात् । मिष्टं स्यादमृतस्पर्द्धि भोक्तुरायुष्करं तथा
tvayā yatpacyate devi tadannaṃ madanugrahāt | miṣṭaṃ syādamṛtasparddhi bhokturāyuṣkaraṃ tathā
"Whatever is cooked by you, O goddess, that food, by my favour, shall be sweet, rivalling nectar, and life-prolonging for the eater."
AI translation rendered from the Sanskrit, not a published edition
PdP 5 83.33
इत्याह्वयति तां नित्यं यशोदा पुत्रवत्सला । आयुष्मान्मे भवेत्पुत्रः स्वादुलोभात्तथा सती
ityāhvayati tāṃ nityaṃ yaśodā putravatsalā | āyuṣmānme bhavetputraḥ svādulobhāttathā satī
For this reason Yaśodā, fond of her son, always summons her — "May my son be long-lived" — and that virtuous woman (comes) likewise out of eagerness for the sweetness.
AI translation rendered from the Sanskrit, not a published edition — the model flagged this verse as uncertain
PdP 5 83.34
श्रुत्वानुमोदिता हृष्टा सापि नंदालयं व्रजेत् । ससखीप्रकरा तत्र गत्वा पाकं करोति च
śrutvānumoditā hṛṣṭā sāpi naṃdālayaṃ vrajet | sasakhīprakarā tatra gatvā pākaṃ karoti ca
Having heard (this), delighted and pleased, she too would go to Nanda's house; going there with her throng of friends, she does the cooking.
AI translation rendered from the Sanskrit, not a published edition
PdP 5 83.35
कृष्णोऽपि दुग्ध्वा गाः काश्चिद्दोहयित्वा जनैः पराः । आगच्छति पितुर्वाक्यात्स्वगृहं सखिभिर्वृतः
kṛṣṇo'pi dugdhvā gāḥ kāściddohayitvā janaiḥ parāḥ | āgacchati piturvākyātsvagṛhaṃ sakhibhirvṛtaḥ
Kṛṣṇa too, having milked some cows and had others milked by the men, comes to his own house at his father's word, surrounded by his friends.
AI translation rendered from the Sanskrit, not a published edition
PdP 5 83.36
अभ्यंगमर्दनं कृत्वा दासैः संस्नापितो मुदा । धौतवस्त्रधरः स्रग्वी चंदनाक्तकलेवरः
abhyaṃgamardanaṃ kṛtvā dāsaiḥ saṃsnāpito mudā | dhautavastradharaḥ sragvī caṃdanāktakalevaraḥ
Having had oil rubbed on and been massaged, bathed with joy by the servants, wearing washed garments, garlanded, his body smeared with sandal paste,
AI translation rendered from the Sanskrit, not a published edition
PdP 5 83.37
द्विफालबद्धचिकुरैर्ग्रीवा भालोपरिस्फुरन् । चंद्राकारस्फुरद्भालतिलकालकरंजितः
dviphālabaddhacikurairgrīvā bhāloparisphuran | caṃdrākārasphuradbhālatilakālakaraṃjitaḥ
with his hair bound in two partings, gleaming above the neck and the forehead, adorned with a moon-shaped shining forehead-mark and with curls,
AI translation rendered from the Sanskrit, not a published edition — the model flagged this verse as uncertain
PdP 5 83.38
कंकणांगदकेयूर रत्नमुद्रा लसत्करः । मुक्ताहारस्फुरद्वक्षा मकराकृतिकुंडलः
kaṃkaṇāṃgadakeyūra ratnamudrā lasatkaraḥ | muktāhārasphuradvakṣā makarākṛtikuṃḍalaḥ
his hands bright with bracelets, armlets, upper-arm ornaments and a jewelled ring, his chest gleaming with a pearl necklace, wearing dolphin-shaped earrings,
AI translation rendered from the Sanskrit, not a published edition
PdP 5 83.39
मुहुराकारितो मात्रा प्रविशेद्भोजनालयम् । अवलंब्य करं सख्युर्बलदेवमनुव्रतः
muhurākārito mātrā praviśedbhojanālayam | avalaṃbya karaṃ sakhyurbaladevamanuvrataḥ
called again and again by his mother, he would enter the dining hall, leaning on the hand of a friend, followed by Baladeva.
AI translation rendered from the Sanskrit, not a published edition
PdP 5 83.40
भुंक्तेऽथ विविधान्नानि भ्रात्रा च सखिभिर्वृतः । हासयन्विविधैर्हास्यैः सखींस्तैर्हसति स्वयम्
bhuṃkte'tha vividhānnāni bhrātrā ca sakhibhirvṛtaḥ | hāsayanvividhairhāsyaiḥ sakhīṃstairhasati svayam
Then he eats the various foods, together with his brother and surrounded by his friends, making his companions laugh with all sorts of jokes, and himself laughing with them.
AI translation rendered from the Sanskrit, not a published edition
PdP 5 83.41
इत्थं भुक्त्वा तथाचम्य दिव्यखट्वोपरि क्षणम् । विश्रम्य सेवकैर्दत्तं तांबूलं विभजन्नदन्
itthaṃ bhuktvā tathācamya divyakhaṭvopari kṣaṇam | viśramya sevakairdattaṃ tāṃbūlaṃ vibhajannadan
Having thus eaten and rinsed his mouth, resting a moment on a splendid couch, sharing out and chewing the betel given by the servants,
AI translation rendered from the Sanskrit, not a published edition
PdP 5 83.42
गोपवेषधरः कृष्णो धेनुवृंदपुरस्सरः । व्रजवासिजनैः प्रीत्या सर्वैरनुगतः पथि
gopaveṣadharaḥ kṛṣṇo dhenuvṛṃdapurassaraḥ | vrajavāsijanaiḥ prītyā sarvairanugataḥ pathi
Kṛṣṇa, wearing cowherd's dress, going in front of the herd of cows, followed on the road with affection by all the people dwelling in Vraja,
AI translation rendered from the Sanskrit, not a published edition
PdP 5 83.43
पितरं मातरं नत्वा नेत्रांते नापितं गणम् । यथायोग्यं तथा चान्यान्विनिवर्त्य वनं व्रजेत्
pitaraṃ mātaraṃ natvā netrāṃte nāpitaṃ gaṇam | yathāyogyaṃ tathā cānyānvinivartya vanaṃ vrajet
having bowed to his father and mother, (and) with a glance from the corner of his eye (dismissing) the retinue and the barber, and likewise turning back the others as was fitting, he would go to the forest.
AI translation rendered from the Sanskrit, not a published edition — the model flagged this verse as uncertain
PdP 5 83.44
वनं प्रविश्य सखिभिः क्रीडयित्वा क्षणं ततः । विहारैर्विविधैस्तत्र वने विक्रीडते मुदा
vanaṃ praviśya sakhibhiḥ krīḍayitvā kṣaṇaṃ tataḥ | vihārairvividhaistatra vane vikrīḍate mudā
Having entered the forest and played with his friends for a while, he then sports there in the woods joyfully with various amusements.
AI translation rendered from the Sanskrit, not a published edition
PdP 5 83.45
वंचयित्वा ततः सर्वान्द्वित्रैः प्रियसखैर्वृतः । संकेतकं व्रजेद्धर्षात्प्रियासंदर्शनोत्सुकः
vaṃcayitvā tataḥ sarvāndvitraiḥ priyasakhairvṛtaḥ | saṃketakaṃ vrajeddharṣātpriyāsaṃdarśanotsukaḥ
Then, having eluded them all, accompanied by two or three dear friends, he would go joyfully to the trysting place, eager for the sight of his beloved.
AI translation rendered from the Sanskrit, not a published edition
PdP 5 83.46
सापि कृष्णं वनं यातं दृष्ट्वा स्वं गृहमागता । सूर्यादिपूजाव्याजेन कुसुमाहृतये तथा
sāpi kṛṣṇaṃ vanaṃ yātaṃ dṛṣṭvā svaṃ gṛhamāgatā | sūryādipūjāvyājena kusumāhṛtaye tathā
She too, having seen Kṛṣṇa gone to the forest, comes to her own house, and on the pretext of worshipping the Sun and other (gods), and so to gather flowers,
AI translation rendered from the Sanskrit, not a published edition
PdP 5 83.47
वंचयित्वा गुरून्याति प्रियसंगेच्छया वनम् । इत्थं तौ बहुयत्नेन मिलित्वा कानने ततः
vaṃcayitvā gurūnyāti priyasaṃgecchayā vanam | itthaṃ tau bahuyatnena militvā kānane tataḥ
deceiving her elders, she goes to the forest out of desire for union with her beloved. Thus the two, having met in the woods with much effort,
AI translation rendered from the Sanskrit, not a published edition
PdP 5 83.48
विहारैर्विविधैस्तत्र दिनं विक्रीडतो मुदा । दोलायां च समारूढौ सखिभिर्दोलितौ क्वचित्
vihārairvividhaistatra dinaṃ vikrīḍato mudā | dolāyāṃ ca samārūḍhau sakhibhirdolitau kvacit
With manifold amusements the two sported there through the day in delight; and mounting on a swing, they were swung by the companions at times.
AI translation rendered from the Sanskrit, not a published edition
PdP 5 83.49
क्वापि वेणुं करस्रस्तं प्रिययापह्नुतं हरिः । अन्वेषयन्नुपालब्धो विप्रलब्धप्रियागणैः
kvāpi veṇuṃ karasrastaṃ priyayāpahnutaṃ hariḥ | anveṣayannupālabdho vipralabdhapriyāgaṇaiḥ
Somewhere Hari, searching for his flute that had slipped from his hand and been hidden by his beloved, was reproached by the bands of beloveds whom he had tricked.
AI translation rendered from the Sanskrit, not a published edition
PdP 5 83.50
हसितैर्बहुधा ताभिर्हासितस्तत्र तिष्ठति । वसंतवायुना जुष्टं वनखण्डं मुदा क्वचित्
hasitairbahudhā tābhirhāsitastatra tiṣṭhati | vasaṃtavāyunā juṣṭaṃ vanakhaṇḍaṃ mudā kvacit
Being made to laugh much by their laughter, he stands there; and at times, with delight, (they enter) a patch of forest visited by the spring breeze —
AI translation rendered from the Sanskrit, not a published edition
PdP 5 83.51
प्रविश्य चंदनांभोभिः कुंकुमादिजलैरपि । निषिंचतो यंत्रमुक्तैस्तत्पंकैर्लिंपतो मिथः
praviśya caṃdanāṃbhobhiḥ kuṃkumādijalairapi | niṣiṃcato yaṃtramuktaistatpaṃkairliṃpato mithaḥ
having entered, the two sprinkled each other with sandal-water and with waters of saffron and the rest, released from squirt-devices, and smeared each other with the paste of these.
AI translation rendered from the Sanskrit, not a published edition
PdP 5 83.52
सख्योऽप्येवं निषिंचंति ताश्च तौ सिंचतः पुनः । वसंतवायुजुष्टेषु वनखंडेषु सर्वतः
sakhyo'pyevaṃ niṣiṃcaṃti tāśca tau siṃcataḥ punaḥ | vasaṃtavāyujuṣṭeṣu vanakhaṃḍeṣu sarvataḥ
The companions too sprinkle in this way, and those two sprinkle them again, in the forest-patches everywhere visited by the spring breeze.
AI translation rendered from the Sanskrit, not a published edition
PdP 5 83.53
तत्तत्कालोचितैर्नानाविहारैः सगणौ द्विज । श्रांतौ क्वचिद्वृक्षमूलमासाद्य मुनिसत्तम
tattatkālocitairnānāvihāraiḥ sagaṇau dvija | śrāṃtau kvacidvṛkṣamūlamāsādya munisattama
With various amusements fitting to each occasion, O twice-born, the two together with their company grew weary, and somewhere, O best of sages, reaching the foot of a tree,
AI translation rendered from the Sanskrit, not a published edition
PdP 5 83.54
उपविश्यासने दिव्ये मधुपानं प्रचक्रतुः । ततो मधुमदोन्मत्तौ निद्रया मीलितेक्षणौ
upaviśyāsane divye madhupānaṃ pracakratuḥ | tato madhumadonmattau nidrayā mīlitekṣaṇau
seating themselves on a divine seat, they set about drinking honey-wine; then, intoxicated with the wine's exhilaration, their eyes closing with sleep,
AI translation rendered from the Sanskrit, not a published edition
PdP 5 83.55
मिथः पाणी समालंब्य कामबाणवशं गतौ । रिरंसूविशतःकुञ्जंस्खलद्वाङ्मनसौपथि
mithaḥ pāṇī samālaṃbya kāmabāṇavaśaṃ gatau | riraṃsūviśataḥkuñjaṃskhaladvāṅmanasaupathi
taking each other's hands, come under the sway of love's arrows, eager to make love, with faltering speech and mind, they enter a bower on the way.
AI translation rendered from the Sanskrit, not a published edition
PdP 5 83.56
क्रीडतश्च ततस्तत्र करिणीयूथपौ यथा । सख्योऽपि मधुभिर्मत्ता निद्रयापीडितेक्षणाः
krīḍataśca tatastatra kariṇīyūthapau yathā | sakhyo'pi madhubhirmattā nidrayāpīḍitekṣaṇāḥ
And then they play there, like a bull elephant and a cow elephant; the companions too, drunk with the wines, their eyes oppressed by sleep,
AI translation rendered from the Sanskrit, not a published edition
PdP 5 83.57
अभितो मंजुकुंजेषु सर्वा एवापि शिश्यिरे । पृथगेकेन वपुषा कृष्णोऽपि युगपद्विभुः
abhito maṃjukuṃjeṣu sarvā evāpi śiśyire | pṛthagekena vapuṣā kṛṣṇo'pi yugapadvibhuḥ
all of them lay down round about in the lovely bowers; and Kṛṣṇa too, the all-pervading one, with a single body separately (for each), simultaneously
AI translation rendered from the Sanskrit, not a published edition
PdP 5 83.58
सर्वासां संनिधिं गच्छेत्प्रियया प्रेरितो मुहुः । रमयित्वा च ताः सर्वाः करिणीर्गजराडिव
sarvāsāṃ saṃnidhiṃ gacchetpriyayā prerito muhuḥ | ramayitvā ca tāḥ sarvāḥ kariṇīrgajarāḍiva
would go into the presence of them all, urged again and again by his beloved; and having pleasured them all, as a king of elephants his cow elephants,
AI translation rendered from the Sanskrit, not a published edition
PdP 5 83.59
प्रियया च तथा ताभिः क्रीडार्थं च सरो व्रजेत् । जलसेकैर्मिथस्तत्र क्रीडतः सगणौ ततः
priyayā ca tathā tābhiḥ krīḍārthaṃ ca saro vrajet | jalasekairmithastatra krīḍataḥ sagaṇau tataḥ
he would go with his beloved and with them to a lake for play; there the two, with their company, then play by sprinkling water on each other.
AI translation rendered from the Sanskrit, not a published edition
PdP 5 83.60
वासः स्रक्चंदनैर्दिव्यैर्भूषणैरपि भूषितौ । तत्रैव सरसस्तीरे दिव्यरत्नमये गृहे
vāsaḥ srakcaṃdanairdivyairbhūṣaṇairapi bhūṣitau | tatraiva sarasastīre divyaratnamaye gṛhe
Adorned with garments, garlands, sandal-paste and divine ornaments too, there on the very shore of the lake, in a house made of divine jewels,
AI translation rendered from the Sanskrit, not a published edition
PdP 5 83.61
प्रागेव फलमूलानि कल्पितानि मया मुने । हरिस्तु प्रथमं भुक्त्वा कांतया परिवेष्टितः
prāgeva phalamūlāni kalpitāni mayā mune | haristu prathamaṃ bhuktvā kāṃtayā pariveṣṭitaḥ
fruits and roots have been prepared beforehand by me, O sage; and Hari, having eaten first, waited upon by his beloved,
AI translation rendered from the Sanskrit, not a published edition
PdP 5 83.62
द्वित्राभिः सेवितो गच्छेच्छय्यां पुष्पविनिर्मिताम् । तांबूलैर्व्यजनैस्तत्र पादसंवाहनादिभिः
dvitrābhiḥ sevito gacchecchayyāṃ puṣpavinirmitām | tāṃbūlairvyajanaistatra pādasaṃvāhanādibhiḥ
attended by two or three (of them), would go to a bed made of flowers; there, with betel, with fans, with foot-massaging and the rest,
AI translation rendered from the Sanskrit, not a published edition
PdP 5 83.63
सेव्यमानो हसंस्ताभिर्मोदते प्रेयसीं स्मरन् । राधिकापि हरौ सुप्ते सगणा मुदितांतरा
sevyamāno hasaṃstābhirmodate preyasīṃ smaran | rādhikāpi harau supte sagaṇā muditāṃtarā
being served and laughing with them, he takes delight, remembering his dearest one. Rādhikā too, when Hari has fallen asleep, together with her company, glad at heart,
AI translation rendered from the Sanskrit, not a published edition
PdP 5 83.64
अपि तत्र गतप्राणा तदुच्छिष्टं भुनक्ति च । किंचिदेव ततो भुक्त्वा व्रजेच्छय्यानिकेतनम्
api tatra gataprāṇā taducchiṣṭaṃ bhunakti ca | kiṃcideva tato bhuktvā vrajecchayyāniketanam
and there, her life given over (to him), eats his leftovers; then, having eaten just a little, she would go to the bedchamber
AI translation rendered from the Sanskrit, not a published edition
PdP 5 83.65
द्रष्टुं कांतमुखांभोजं चकोरीव निशाकरम् । तांबूलचर्वितं तस्य तत्रत्याभिर्निवेदितम्
draṣṭuṃ kāṃtamukhāṃbhojaṃ cakorīva niśākaram | tāṃbūlacarvitaṃ tasya tatratyābhirniveditam
to look upon her lover's lotus face, like a cakora hen upon the moon; and the betel chewed by him, offered by the women there,
AI translation rendered from the Sanskrit, not a published edition
PdP 5 83.66
तांबूलान्यपि चाश्नाति विभजंती प्रियालिषु । कृष्णोऽपि तासां शुश्रूषुः स्वच्छंदं भाषितं मिथः
tāṃbūlānyapi cāśnāti vibhajaṃtī priyāliṣu | kṛṣṇo'pi tāsāṃ śuśrūṣuḥ svacchaṃdaṃ bhāṣitaṃ mithaḥ
and the betel-rolls too she eats, sharing them out among her dear companions. Kṛṣṇa too, wishing to hear their free talk with one another,
AI translation rendered from the Sanskrit, not a published edition
PdP 5 83.67
प्राप्तनिद्र इवाभाति विनिद्रोऽपि पटावृतः । ताश्च क्ष्वेली क्षणं कृत्वा कुतश्चिदनुमानतः
prāptanidra ivābhāti vinidro'pi paṭāvṛtaḥ | tāśca kṣvelī kṣaṇaṃ kṛtvā kutaścidanumānataḥ
though not asleep, appears as if he had fallen asleep, covered with a cloth. And they, after jesting for a moment, from some inference or other,
AI translation rendered from the Sanskrit, not a published edition
PdP 5 83.68
विदश्य रसनां दद्भिः पश्यंत्योऽन्योन्यमाननम् । विलीना इव लज्जाब्धौ क्षणमूचुर्न किंचन
vidaśya rasanāṃ dadbhiḥ paśyaṃtyo'nyonyamānanam | vilīnā iva lajjābdhau kṣaṇamūcurna kiṃcana
Biting their tongues with their teeth, gazing at one another's faces, as if melted away in an ocean of shame, for a moment they said nothing.
AI translation rendered from the Sanskrit, not a published edition
PdP 5 83.69
क्षणादेव ततो वस्त्रं दूरीकृत्य तदंगतः । साधुनिद्रां गतोऽसीति हासयंत्यो हसंति च
kṣaṇādeva tato vastraṃ dūrīkṛtya tadaṃgataḥ | sādhunidrāṃ gato'sīti hāsayaṃtyo hasaṃti ca
Then in an instant, pulling the cloth away from his body, they laugh and make (others) laugh, saying, "So you have fallen into a fine sleep!"
AI translation rendered from the Sanskrit, not a published edition
PdP 5 83.70
एवं तैर्विविधैर्हास्यै रममाणौ गणैः सह । अनुभूय क्षणं निद्रा सुखं च मुनिसत्तम
evaṃ tairvividhairhāsyai ramamāṇau gaṇaiḥ saha | anubhūya kṣaṇaṃ nidrā sukhaṃ ca munisattama
Thus the two, delighting together with the companions in these various jests, having for a while enjoyed sleep and pleasure, O best of sages—
AI translation rendered from the Sanskrit, not a published edition
PdP 5 83.71
उपविश्यासने दिव्ये सगणौ विस्तृते मुदा । पणीकृत्य मिथोहार चुंबाश्लेषपरिच्छदान्
upaviśyāsane divye sagaṇau vistṛte mudā | paṇīkṛtya mithohāra cuṃbāśleṣaparicchadān
—seating themselves with their companions, in joy, upon a divine, widely spread seat, and staking against each other necklaces, kisses, embraces and garments,
AI translation rendered from the Sanskrit, not a published edition
PdP 5 83.72
अक्षै र्विक्रीडतः प्रेम्णा नर्मालापपुरस्सरम् । पराजितोऽपि प्रियया जितोहमिति वै ब्रुवन्
akṣai rvikrīḍataḥ premṇā narmālāpapurassaram | parājito'pi priyayā jitohamiti vai bruvan
they play at dice with affection, with teasing talk leading the way; and even when defeated he says to his beloved, "I have won!"
AI translation rendered from the Sanskrit, not a published edition
PdP 5 83.73
हारादिग्रहणे तस्याः प्रवृत्तस्ताड्यते तया । तयैवं ताडितः कृष्णः करेणास्य सरोरुहे
hārādigrahaṇe tasyāḥ pravṛttastāḍyate tayā | tayaivaṃ tāḍitaḥ kṛṣṇaḥ kareṇāsya saroruhe
and when he sets about seizing her necklace and the rest, he is struck by her; Kṛṣṇa, struck thus by her with her hand upon his lotus (face)—
AI translation rendered from the Sanskrit, not a published edition — the model flagged this verse as uncertain
PdP 5 83.74
विषण्णमानसो भूत्वा गंतुं प्रकुरुते मतिम् । जितोऽस्मि चेत्त्वया देवि गृह्यतां यत्पणीकृतम्
viṣaṇṇamānaso bhūtvā gaṃtuṃ prakurute matim | jito'smi cettvayā devi gṛhyatāṃ yatpaṇīkṛtam
—becoming downcast in mind, he resolves to go away. "If I am defeated by you, O goddess, then let what was staked be taken;
AI translation rendered from the Sanskrit, not a published edition
PdP 5 83.75
चुंबनादि मया दत्तमित्युक्त्वा सा तथाचरेत् । कौटिल्यं तद्भ्रुवोर्द्रष्टुं श्रोतुं तद्भर्त्सनं वचः
cuṃbanādi mayā dattamityuktvā sā tathācaret | kauṭilyaṃ tadbhruvordraṣṭuṃ śrotuṃ tadbhartsanaṃ vacaḥ
the kissing and the rest has been given by me"—saying this, she would act accordingly, in order to see the crookedness of his brows and to hear his scolding words.
AI translation rendered from the Sanskrit, not a published edition
PdP 5 83.76
ततः सारीशुकानां च श्रुत्वा वागाहवं मिथः । निर्गच्छतस्ततः स्थानाद्गंतुकामौ गृहं प्रति
tataḥ sārīśukānāṃ ca śrutvā vāgāhavaṃ mithaḥ | nirgacchatastataḥ sthānādgaṃtukāmau gṛhaṃ prati
Then, hearing the battle of words between the hen-parrots and the cock-parrots, the two go out from that place, wishing to go home.
AI translation rendered from the Sanskrit, not a published edition
PdP 5 83.77
कृष्णः कांतामनुज्ञाप्य गवामभिमुखं व्रजेत् । सा तु सूर्यगृहं गच्छेत्सखीमंडलसंयुता
kṛṣṇaḥ kāṃtāmanujñāpya gavāmabhimukhaṃ vrajet | sā tu sūryagṛhaṃ gacchetsakhīmaṃḍalasaṃyutā
Kṛṣṇa, taking her leave, would go off toward the cows; but she would go to the temple of the Sun, together with her circle of friends.
AI translation rendered from the Sanskrit, not a published edition
PdP 5 83.78
कियद्दूरं ततो गत्वा परावृत्य हरिं पुनः । विप्रवेषं समास्थाय याति सूर्यगृहं प्रति
kiyaddūraṃ tato gatvā parāvṛtya hariṃ punaḥ | vipraveṣaṃ samāsthāya yāti sūryagṛhaṃ prati
Then, after going some distance, Hari turns back again and, assuming the guise of a brahmin, goes to the temple of the Sun.
AI translation rendered from the Sanskrit, not a published edition
PdP 5 83.79
सूर्यं प्रपूजयेत्तत्र प्रार्थितस्तत्सखीजनैः । तदैव कल्पितैर्वेदैः परिहासविगर्भितैः
sūryaṃ prapūjayettatra prārthitastatsakhījanaiḥ | tadaiva kalpitairvedaiḥ parihāsavigarbhitaiḥ
There, being asked by her friends, he would worship the Sun with Vedic verses invented on the spot, laden with concealed jest.
AI translation rendered from the Sanskrit, not a published edition
PdP 5 83.80
ततस्ता ज्ञापितं कांतं परिज्ञाय विचक्षणाः । आनंदसागरे मग्ना न विदुः स्वं न चापरम्
tatastā jñāpitaṃ kāṃtaṃ parijñāya vicakṣaṇāḥ | ānaṃdasāgare magnā na viduḥ svaṃ na cāparam
Then those clever women, recognizing that it was their beloved, thus made known, sank in an ocean of bliss and knew neither themselves nor anything else.
AI translation rendered from the Sanskrit, not a published edition
PdP 5 83.81
विहारैर्विविधैरेवं सार्द्धयामद्वयं मुने । नीत्वा गृहं व्रजेयुस्ताः स च कृष्णो गवां व्रजेत्
vihārairvividhairevaṃ sārddhayāmadvayaṃ mune | nītvā gṛhaṃ vrajeyustāḥ sa ca kṛṣṇo gavāṃ vrajet
Thus, O sage, having passed two and a half watches with various diversions, they would go home, and that Kṛṣṇa would go to the cows.
AI translation rendered from the Sanskrit, not a published edition
PdP 5 83.82
संगम्य स्वसखीन्कृष्णो गृहीत्वा गाः समंततः । आगच्छति व्रजं हर्षान्नादयन्मुरलद्यं मुने
saṃgamya svasakhīnkṛṣṇo gṛhītvā gāḥ samaṃtataḥ | āgacchati vrajaṃ harṣānnādayanmuraladyaṃ mune
Kṛṣṇa, joining his companions and gathering up the cows from all sides, comes to Vraja, sounding the flute and the rest out of joy, O sage.
AI translation rendered from the Sanskrit, not a published edition
PdP 5 83.83
ततो नंदादयः सर्वे श्रुत्वा वेणुरवं हरेः । गोधूलिपटलव्याप्तं दृष्ट्वा चापि नभस्तलम्
tato naṃdādayaḥ sarve śrutvā veṇuravaṃ hareḥ | godhūlipaṭalavyāptaṃ dṛṣṭvā cāpi nabhastalam
Then Nanda and all the others, hearing Hari's flute-sound, and seeing too the expanse of the sky filled with a mass of cow-dust,
AI translation rendered from the Sanskrit, not a published edition
PdP 5 83.84
विसृज्य सर्वकर्माणि स्त्रियो बालादयोऽपि च । कृष्णस्याभिमुखं यांति तद्दर्शनसमुत्सुकाः
visṛjya sarvakarmāṇi striyo bālādayo'pi ca | kṛṣṇasyābhimukhaṃ yāṃti taddarśanasamutsukāḥ
abandoning all their tasks—the women, and the children too—go toward Kṛṣṇa, eager for the sight of him,
AI translation rendered from the Sanskrit, not a published edition
PdP 5 83.85
राजमार्गे व्रजद्वारि यत्र सर्वे व्रजौकसः । कृष्णोऽपि तान्समागम्य यथावदनुपूर्वशः
rājamārge vrajadvāri yatra sarve vrajaukasaḥ | kṛṣṇo'pi tānsamāgamya yathāvadanupūrvaśaḥ
on the royal road, at the gate of Vraja, where all the dwellers of Vraja (are). And Kṛṣṇa too, meeting them fittingly, one after another,
AI translation rendered from the Sanskrit, not a published edition
PdP 5 83.86
दर्शनस्पर्शनैर्वाचा स्मितपूर्वावलोकनैः । गोपवृद्धान्नमस्कारैः कायिकैर्वाचिकैरपि
darśanasparśanairvācā smitapūrvāvalokanaiḥ | gopavṛddhānnamaskāraiḥ kāyikairvācikairapi
with looks, with touches, with speech, with glances preceded by a smile, with salutations—bodily as well as verbal—to the elder cowherds,
AI translation rendered from the Sanskrit, not a published edition
PdP 5 83.87
अष्टांगपातैः पितरौ रोहिणीमपि नारद । नेत्रांतसूचितेनैव विनयेन प्रियां तथा
aṣṭāṃgapātaiḥ pitarau rohiṇīmapi nārada | netrāṃtasūcitenaiva vinayena priyāṃ tathā
with eight-limbed prostrations to his parents and to Rohiṇī too, O Nārada, and to his beloved with a deference signalled only by the corner of his eye—
AI translation rendered from the Sanskrit, not a published edition
PdP 5 83.88
एवं तैस्तद्यथायोग्यं व्रजौकोभिः प्रपूजितः । गवालये तथा गाश्च संप्रवेश्य समंततः
evaṃ taistadyathāyogyaṃ vrajaukobhiḥ prapūjitaḥ | gavālaye tathā gāśca saṃpraveśya samaṃtataḥ
Thus duly honoured by those dwellers of the cowherd settlement, each as was fitting, and having driven the cows into the cow-shed all around,
AI translation rendered from the Sanskrit, not a published edition
PdP 5 83.89
पितृभ्यामर्थितो याति भ्रात्रा सह निजालयम् । स्नात्वा पीत्वा तत्र किंचिद्भुक्त्वा मात्रानुमोदितः
pitṛbhyāmarthito yāti bhrātrā saha nijālayam | snātvā pītvā tatra kiṃcidbhuktvā mātrānumoditaḥ
asked by his (two) parents, he goes with his brother to his own house; having bathed there, drunk, and eaten a little, gladdened by his mother,
AI translation rendered from the Sanskrit, not a published edition
PdP 5 83.90
गवालयं पुनर्याति दोग्धुकामो गवां पयः । ताश्च दुग्ध्वा दोहयित्वा पाययित्वा च काश्चन
gavālayaṃ punaryāti dogdhukāmo gavāṃ payaḥ | tāśca dugdhvā dohayitvā pāyayitvā ca kāścana
he goes again to the cow-shed, wishing to milk the milk of the cows; and having milked some of them, having had (others) milked, and having given (some) to drink,
AI translation rendered from the Sanskrit, not a published edition
PdP 5 83.91
पित्रा सार्द्धं गृहं याति तत्र भावशतानुगः । तत्र पित्रा पितृव्यैश्च तत्पुत्रैश्च बलेन च
pitrā sārddhaṃ gṛhaṃ yāti tatra bhāvaśatānugaḥ | tatra pitrā pitṛvyaiśca tatputraiśca balena ca
together with his father he goes home, attended there by a hundred moods; there, with his father and his paternal uncles and their sons and with Bala,
AI translation rendered from the Sanskrit, not a published edition
PdP 5 83.92
भुनक्ति विविधान्नानि चर्व्यचोष्यादिकानि च । तन्मतिः प्रार्थनात्पूर्वं राधिका च तदैव ह
bhunakti vividhānnāni carvyacoṣyādikāni ca | tanmatiḥ prārthanātpūrvaṃ rādhikā ca tadaiva ha
he eats various foods, things to be chewed and sucked and the rest. Rādhikā, whose mind is on him, at that very time, in consequence of a request made beforehand,
AI translation rendered from the Sanskrit, not a published edition
PdP 5 83.93
प्रस्थापयेत्सखीद्वारा पक्वान्नानि तदालयम् । श्लाघयंश्च हरिस्तानि भुक्त्वा पित्रादिभिः सह
prasthāpayetsakhīdvārā pakvānnāni tadālayam | ślāghayaṃśca haristāni bhuktvā pitrādibhiḥ saha
would send cooked foods to his house by means of a girlfriend; and Hari, praising them, having eaten with his father and the others,
AI translation rendered from the Sanskrit, not a published edition
PdP 5 83.94
सभागृहं व्रजेत्तैश्च जुष्टं बंदिजनादिभिः । पक्वान्नानि गृहीत्वा याः सख्यस्तत्र पुरागताः
sabhāgṛhaṃ vrajettaiśca juṣṭaṃ baṃdijanādibhiḥ | pakvānnāni gṛhītvā yāḥ sakhyastatra purāgatāḥ
would go to the assembly hall, frequented by them and by bards and the like. And the girlfriends who came there earlier, taking cooked foods —
AI translation rendered from the Sanskrit, not a published edition
PdP 5 83.95
बहूनि च पुनस्तानि प्रदत्तानि यशोदया । सख्यस्तत्र तया दत्तं कृष्णोच्छिष्टं नयंति च
bahūni ca punastāni pradattāni yaśodayā | sakhyastatra tayā dattaṃ kṛṣṇocchiṣṭaṃ nayaṃti ca
and again those (foods) given in abundance by Yaśodā — the girlfriends there carry away the remnants of Kṛṣṇa's food given by her.
AI translation rendered from the Sanskrit, not a published edition
PdP 5 83.96
सर्वं ताभिः समानीय राधिकायै निवेद्यते । सापि भुक्त्वा सखीवर्गयुता तदनुपूर्वशः
sarvaṃ tābhiḥ samānīya rādhikāyai nivedyate | sāpi bhuktvā sakhīvargayutā tadanupūrvaśaḥ
All of it is brought by them and offered to Rādhikā; and she too, having eaten together with the company of her girlfriends, thereafter in due order,
AI translation rendered from the Sanskrit, not a published edition
PdP 5 83.97
सखीभिर्मंडिता तिष्ठेदभिसर्त्तुं समुद्यता । प्रस्थाप्यते मया काचिदित एव ततः सखी
sakhībhirmaṃḍitā tiṣṭhedabhisarttuṃ samudyatā | prasthāpyate mayā kācidita eva tataḥ sakhī
adorned by her girlfriends, would stand ready to set out for the tryst. And from here some girlfriend is sent by me thereupon.
AI translation rendered from the Sanskrit, not a published edition
PdP 5 83.98
तयाभिसारिता साथ यमुनायाः समीपतः । कल्पवृक्षनिकुंजेऽस्मिन्दिव्यरत्नमये गृहे
tayābhisāritā sātha yamunāyāḥ samīpataḥ | kalpavṛkṣanikuṃje'smindivyaratnamaye gṛhe
Then she, made to go to the tryst by her, near the Yamunā, in this bower of wish-fulfilling trees, in a house made of divine jewels,
AI translation rendered from the Sanskrit, not a published edition
PdP 5 83.99
सितकृष्णनिशायोग्यवेषा याति सखीवृता । कृष्णोऽपि विविधं तत्र दृष्ट्वा कौतूहलं ततः
sitakṛṣṇaniśāyogyaveṣā yāti sakhīvṛtā | kṛṣṇo'pi vividhaṃ tatra dṛṣṭvā kautūhalaṃ tataḥ
her dress suited to the bright or dark night, goes, surrounded by her girlfriends. Kṛṣṇa too, having seen the manifold marvel there, then,
AI translation rendered from the Sanskrit, not a published edition
PdP 5 83.100
कात्यायन्या मनोज्ञानि श्रुत्वा संगीतकान्यपि । धनधान्यादिभिस्ताश्च प्रीणयित्वा विधानतः
kātyāyanyā manojñāni śrutvā saṃgītakānyapi | dhanadhānyādibhistāśca prīṇayitvā vidhānataḥ
having also heard the charming songs of (the women of) Kātyāyanī, and having gratified them duly with wealth, grain and the like,
AI translation rendered from the Sanskrit, not a published edition — the model flagged this verse as uncertain
PdP 5 83.101
जनैराराधितो मात्रा याति सख्यानिकेतनम् । मातरि प्रस्थितायां च भोजयित्वा ततो गृहम्
janairārādhito mātrā yāti sakhyāniketanam | mātari prasthitāyāṃ ca bhojayitvā tato gṛham
honoured by the people and by his mother, he goes to a girlfriend's dwelling; and when his mother has departed, having fed (him), then home —
AI translation rendered from the Sanskrit, not a published edition — the model flagged this verse as uncertain
PdP 5 83.102
संकेतकं कांतयात्र समागच्छेदलक्षितः । मिलित्वा तावुभावत्र क्रीडतो वनराजिषु
saṃketakaṃ kāṃtayātra samāgacchedalakṣitaḥ | militvā tāvubhāvatra krīḍato vanarājiṣu
the lover would come here to the trysting place unnoticed; and having met, those two play there in the rows of the forest.
AI translation rendered from the Sanskrit, not a published edition
PdP 5 83.103
विहारैर्विविधै रासलास्यहासपुरस्सरैः । सार्द्धयामद्वयं नीत्वा रात्रेरेवं विहारतः
vihārairvividhai rāsalāsyahāsapurassaraiḥ | sārddhayāmadvayaṃ nītvā rātrerevaṃ vihārataḥ
With manifold sports headed by the rāsa dance, dancing and laughter, having thus passed two and a half watches of the night in play,
AI translation rendered from the Sanskrit, not a published edition
PdP 5 83.104
सुषुप्सू विशतः कुंजं पक्षिणीभिरलक्षितौ । एकांते कुसुमैः कॢप्ते केलितल्पे मनोहरे
suṣupsū viśataḥ kuṃjaṃ pakṣiṇībhiralakṣitau | ekāṃte kusumaiḥ kḷpte kelitalpe manohare
desiring sleep the two enter the bower, unnoticed by the hen-birds, in a solitary place, on a charming bed of love spread with flowers;
AI translation rendered from the Sanskrit, not a published edition
PdP 5 83.105
सुप्ता वा तिष्ठतस्तत्र सेव्यमानौ निजालिभिः । इति ते सर्वमाख्यातं नैत्यकं चरितं हरेः
suptā vā tiṣṭhatastatra sevyamānau nijālibhiḥ | iti te sarvamākhyātaṃ naityakaṃ caritaṃ hareḥ
asleep, or else they remain there awake, waited upon by their own girlfriends. Thus the whole daily course of Hari's activity has been told to you.
AI translation rendered from the Sanskrit, not a published edition
PdP 5 83.106
पापिनोऽपि विमुच्यंते श्रवणादस्य नारद । नारद उवाच- धन्योऽस्म्यनुगृहीतोऽस्मि त्वया देवि न संशयः
pāpino'pi vimucyaṃte śravaṇādasya nārada | nārada uvāca- dhanyo'smyanugṛhīto'smi tvayā devi na saṃśayaḥ
Even sinners are released by hearing this, Nārada. Nārada said: I am blessed, I am favoured by you, O goddess, there is no doubt,
AI translation rendered from the Sanskrit, not a published edition
PdP 5 83.107
हरेर्दैनंदिनीलीला यतो मेऽद्य प्रकाशिता । सूत उवाच- इत्युक्त्वा तां परिक्रम्य तया चापि प्रपूजितः
harerdainaṃdinīlīlā yato me'dya prakāśitā | sūta uvāca- ityuktvā tāṃ parikramya tayā cāpi prapūjitaḥ
since Hari's day-by-day play has today been revealed to me. Sūta said: Having said this and circumambulated her, and being honoured by her as well,
AI translation rendered from the Sanskrit, not a published edition
PdP 5 83.108
अंतर्धानं गतो ब्रह्मन्नारदो मुनिसत्तमः । मयाप्येतच्चानुपूर्व्यात्सर्वमेव प्रकीर्तितम्
aṃtardhānaṃ gato brahmannārado munisattamaḥ | mayāpyetaccānupūrvyātsarvameva prakīrtitam
Nārada, best of sages, vanished, O brahman; and I too have recounted all this in due order.
AI translation rendered from the Sanskrit, not a published edition
PdP 5 83.109
जपेन्नित्यं प्रयत्नेन मंत्रयुग्ममनुत्तमम् । कृष्णवक्त्रादिदं लब्धं पुरा रुद्रेण यत्नतः
japennityaṃ prayatnena maṃtrayugmamanuttamam | kṛṣṇavaktrādidaṃ labdhaṃ purā rudreṇa yatnataḥ
One should recite daily, with effort, the incomparable pair of mantras. This was obtained of old from Kṛṣṇa's mouth by Rudra through his effort.
AI translation rendered from the Sanskrit, not a published edition
PdP 5 83.110
तेनोक्तं नारदायापि नारदेन ममोदितम् । संस्कारांश्च विधायैव मयाप्येतत्तवोदितम्
tenoktaṃ nāradāyāpi nāradena mamoditam | saṃskārāṃśca vidhāyaiva mayāpyetattavoditam
By him it was told to Nārada, and by Nārada it was spoken to me; and having performed the consecrations, I too have told this to you.
AI translation rendered from the Sanskrit, not a published edition
PdP 5 83.111
त्वयाप्येतद्गोपनीयं रहस्यं परमाद्भुतम् । शौनक उवाच- कृतकृत्योभवं साक्षात्त्वत्प्रसादादहं गुरो
tvayāpyetadgopanīyaṃ rahasyaṃ paramādbhutam | śaunaka uvāca- kṛtakṛtyobhavaṃ sākṣāttvatprasādādahaṃ guro
By you too this supremely wonderful secret is to be kept hidden. Śaunaka said: By your grace, O teacher, I have become one whose purpose is directly accomplished,
AI translation rendered from the Sanskrit, not a published edition
PdP 5 83.112
रहस्यानां रहस्यं यत्त्वया मह्यं प्रकाशितम् । सूत उवाच- धर्मानेतानुपातिष्ठञ्जल्पन्मंत्रमहर्निशम्
rahasyānāṃ rahasyaṃ yattvayā mahyaṃ prakāśitam | sūta uvāca- dharmānetānupātiṣṭhañjalpanmaṃtramaharniśam
since the secret of secrets has been revealed by you to me. Sūta said: Practising these duties and murmuring the mantra day and night,
AI translation rendered from the Sanskrit, not a published edition
PdP 5 83.113
अचिरादेव तद्दास्यमवाप्स्यसि न संशयः । मयापि गम्यते ब्रह्मन्नित्यमायतनं विभोः
acirādeva taddāsyamavāpsyasi na saṃśayaḥ | mayāpi gamyate brahmannityamāyatanaṃ vibhoḥ
you will attain that servitude before long — there is no doubt. And I too, O brahman, always go to the abode of the Lord,
AI translation rendered from the Sanskrit, not a published edition
PdP 5 83.114
गुरोर्गुरोर्भानुजायाः कूले गोपीश्वरस्य च
gurorgurorbhānujāyāḥ kūle gopīśvarasya ca
(to the abode) of the teacher of the teacher and of Gopīśvara, on the bank of the Sun's daughter (the Yamunā).
AI translation rendered from the Sanskrit, not a published edition — the model flagged this verse as uncertain
PdP 5 83.115
इदं चरित्रं परमं पवित्रं प्रोक्तं महेशेन महानुभावम् । शृण्वंति ये भक्तियुता मनुष्यास्ते यांति नित्यं पदमच्युतस्य
idaṃ caritraṃ paramaṃ pavitraṃ proktaṃ maheśena mahānubhāvam | śṛṇvaṃti ye bhaktiyutā manuṣyāste yāṃti nityaṃ padamacyutasya
This supreme, purifying account of great power was spoken by Maheśa; those people who, endowed with devotion, hear it go forever to the abode of Acyuta.
AI translation rendered from the Sanskrit, not a published edition
PdP 5 83.116
धन्यं यशस्यमायुष्यमारोग्याभीष्टसिद्धिदम् । स्वर्गापवर्गसंपत्तिकारणं पापनाशनम्
dhanyaṃ yaśasyamāyuṣyamārogyābhīṣṭasiddhidam | svargāpavargasaṃpattikāraṇaṃ pāpanāśanam
It bestows wealth, fame, long life, health, and the fulfilment of wishes; it is the cause of the attainment of heaven and release, and the destroyer of sin.
AI translation rendered from the Sanskrit, not a published edition
PdP 5 83.117
भक्त्या पठंति ये नित्यं मानवा विष्णुतत्पराः । न तेषां पुनरावृत्तिर्विष्णुलोकात्कथंचन
bhaktyā paṭhaṃti ye nityaṃ mānavā viṣṇutatparāḥ | na teṣāṃ punarāvṛttirviṣṇulokātkathaṃcana
Those people, intent on Viṣṇu, who recite it daily with devotion — for them there is no return, in any way, from Viṣṇu's world.
AI translation rendered from the Sanskrit, not a published edition