Padma Purana — Patala Khanda — Chapter 82
PdP 5 82.1
शिव उवाच- अथ दीक्षाविधिं वक्ष्ये शृणु नारद तत्त्वतः । श्रवणादेव मुच्येत विना तस्य विधानतः
śiva uvāca- atha dīkṣāvidhiṃ vakṣye śṛṇu nārada tattvataḥ | śravaṇādeva mucyeta vinā tasya vidhānataḥ
Śiva said: Now I shall declare the rule of initiation; listen, Nārada, as it truly is. By the mere hearing of it one would be freed, even without its formal performance.
AI translation rendered from the Sanskrit, not a published edition
PdP 5 82.2
आविरंच्याज्जगत्सर्वं विज्ञाय नश्वरं बुधः । आध्यात्मिकादि त्रिविध दुःखमेवानुभूय च
āviraṃcyājjagatsarvaṃ vijñāya naśvaraṃ budhaḥ | ādhyātmikādi trividha duḥkhamevānubhūya ca
Having understood that the whole world, up to Brahmā, is perishable, and having experienced the threefold suffering beginning with that pertaining to the self, the wise man—
AI translation rendered from the Sanskrit, not a published edition
PdP 5 82.3
अनित्यत्वाच्च सर्वेषां सुखानां मुनिसत्तम । दुःखपक्षे विनिक्षिप्य तानि तेभ्यो विवर्जितः
anityatvācca sarveṣāṃ sukhānāṃ munisattama | duḥkhapakṣe vinikṣipya tāni tebhyo vivarjitaḥ
—and, because all pleasures are impermanent, O best of sages, having cast them into the category of suffering, he becomes free of them.
AI translation rendered from the Sanskrit, not a published edition
PdP 5 82.4
विरज्य संसृतेर्हानौ साधनानि विचिंतयेत् । अनुत्तमसुखस्यापि संप्राप्तौ भृशनिर्वृतः
virajya saṃsṛterhānau sādhanāni viciṃtayet | anuttamasukhasyāpi saṃprāptau bhṛśanirvṛtaḥ
Becoming dispassionate, he should reflect on the means for the ending of transmigration; and (thinking) that even upon the attaining of the unsurpassed happiness he would be utterly at peace—
AI translation rendered from the Sanskrit, not a published edition — the model flagged this verse as uncertain
PdP 5 82.5
नराणां दुष्करत्वं हि विज्ञाय च महामतिः । भृशमार्त्तस्ततो विप्र मां गुरुं शरणं व्रजेत्
narāṇāṃ duṣkaratvaṃ hi vijñāya ca mahāmatiḥ | bhṛśamārttastato vipra māṃ guruṃ śaraṇaṃ vrajet
—and having understood that this is indeed hard for men to accomplish, the man of great intelligence, then greatly distressed, O brahmin, should go for refuge to me as teacher.
AI translation rendered from the Sanskrit, not a published edition
PdP 5 82.6
शांतो विमत्सरः कृष्णे भक्तोऽनन्यप्रयोजनः । अनन्यसाधनः श्रीमान्कामलोभविवर्जितः
śāṃto vimatsaraḥ kṛṣṇe bhakto'nanyaprayojanaḥ | ananyasādhanaḥ śrīmānkāmalobhavivarjitaḥ
Calm, free of envy, devoted to Kṛṣṇa, having no other purpose, having no other means, glorious, free of desire and greed;
AI translation rendered from the Sanskrit, not a published edition
PdP 5 82.7
श्रीकृष्णरसतत्त्वज्ञः कृष्णमंत्रविदां वरः । कृष्णमंत्राश्रयो नित्यं मंत्रभक्तः सदा शुचिः
śrīkṛṣṇarasatattvajñaḥ kṛṣṇamaṃtravidāṃ varaḥ | kṛṣṇamaṃtrāśrayo nityaṃ maṃtrabhaktaḥ sadā śuciḥ
knowing the truth of the savour of Śrī Kṛṣṇa, foremost among those who know the Kṛṣṇa mantras, always resorting to the Kṛṣṇa mantra, devoted to the mantra, ever pure;
AI translation rendered from the Sanskrit, not a published edition
PdP 5 82.8
सद्धर्मशासकोनित्यं सदाचारनियोजकः । संप्रदायी कृपापूर्णो विरागी गुरुरुच्यते
saddharmaśāsakonityaṃ sadācāraniyojakaḥ | saṃpradāyī kṛpāpūrṇo virāgī gururucyate
always a teacher of the true dharma, one who enjoins good conduct, belonging to a (valid) transmission, full of compassion, dispassionate — such a one is called a guru.
AI translation rendered from the Sanskrit, not a published edition
PdP 5 82.9
एवमादिगुणः प्रायः शुश्रूषुर्गुरुपादयोः । गुरौ नितांतभक्तश्च मुमुक्षुः शिष्य उच्यते
evamādiguṇaḥ prāyaḥ śuśrūṣurgurupādayoḥ | gurau nitāṃtabhaktaśca mumukṣuḥ śiṣya ucyate
One having generally such qualities as these, eager to serve at the guru's feet, utterly devoted to the guru, and desiring liberation, is called a disciple.
AI translation rendered from the Sanskrit, not a published edition
PdP 5 82.10
यत्साक्षात्सेवनं तस्य प्रेम्णा भागवतो भवेत् । स मोक्षः प्रोच्यते प्राज्ञैर्वेदवेदांगवेदिभिः
yatsākṣātsevanaṃ tasya premṇā bhāgavato bhavet | sa mokṣaḥ procyate prājñairvedavedāṃgavedibhiḥ
That direct service of Him which comes about with love, belonging to the Lord's devotee — that is declared to be liberation by the wise who know the Vedas and the Vedāṅgas.
AI translation rendered from the Sanskrit, not a published edition — the model flagged this verse as uncertain
PdP 5 82.11
आश्रित्य स्वगुरोः पादौ निजवृत्तं निवेदयेत् । स संदेहानपाकृत्य बोधयित्वा पुनः पुनः
āśritya svaguroḥ pādau nijavṛttaṃ nivedayet | sa saṃdehānapākṛtya bodhayitvā punaḥ punaḥ
Having taken hold of his own guru's feet, he should report his own conduct; and he (the guru), having removed his doubts and instructed him again and again,
AI translation rendered from the Sanskrit, not a published edition
PdP 5 82.12
स्वपादप्रणतं शांतं शुश्रूषुं निजपादयोः । अतिहृष्टमनाः शिष्यं मनुमध्यापयेत्परम्
svapādapraṇataṃ śāṃtaṃ śuśrūṣuṃ nijapādayoḥ | atihṛṣṭamanāḥ śiṣyaṃ manumadhyāpayetparam
with a greatly delighted mind should teach the supreme mantra to the disciple, who is bowed at his feet, calm, and eager to serve at his feet.
AI translation rendered from the Sanskrit, not a published edition
PdP 5 82.13
चंदनेन मृदा वापि विलिखेद्बाहुमूलयोः । वामदक्षिणयोर्विप्र शंखचक्रे यथाक्रमम्
caṃdanena mṛdā vāpi vilikhedbāhumūlayoḥ | vāmadakṣiṇayorvipra śaṃkhacakre yathākramam
With sandal paste or else with clay he should draw upon the roots of the arms, the left and the right, O brahmin, the conch and the discus in due order.
AI translation rendered from the Sanskrit, not a published edition
PdP 5 82.14
ऊर्द्ध्वपुंड्रं ततः कुर्याद्भालादिषु विधानतः । ततोमंत्रद्वयं तस्य दक्षकर्णे विनिर्दिशेत्
ūrddhvapuṃḍraṃ tataḥ kuryādbhālādiṣu vidhānataḥ | tatomaṃtradvayaṃ tasya dakṣakarṇe vinirdiśet
Then he should make the upright mark on the forehead and the other (places) according to the rule; then he should impart the two mantras into his right ear.
AI translation rendered from the Sanskrit, not a published edition
PdP 5 82.15
मंत्रार्थं च वदेत्तस्मै यथावदनुपूर्वशः । दासशब्दयुतं नाम धार्यं तस्य प्रयत्नतः
maṃtrārthaṃ ca vadettasmai yathāvadanupūrvaśaḥ | dāsaśabdayutaṃ nāma dhāryaṃ tasya prayatnataḥ
And he should tell him the meaning of the mantra properly and in order; a name joined with the word "dāsa" (servant) is to be borne by him with care.
AI translation rendered from the Sanskrit, not a published edition
PdP 5 82.16
ततोऽतिभक्त्या सस्नेहं वैष्णवान्भोजयेद्बुधः । श्रीगुरुं पूजयेच्चापि वस्त्रालंकरणादिभिः
tato'tibhaktyā sasnehaṃ vaiṣṇavānbhojayedbudhaḥ | śrīguruṃ pūjayeccāpi vastrālaṃkaraṇādibhiḥ
Then the wise man should feed the Vaiṣṇavas with great devotion and affection, and should also worship the revered guru with garments, ornaments and the like.
AI translation rendered from the Sanskrit, not a published edition
PdP 5 82.17
सर्वस्वं गुरवे दद्यात्तदर्द्धं वा महामुने । स्वदेहमपि निक्षिप्य गुरौ स्थेयमकिंचनैः
sarvasvaṃ gurave dadyāttadarddhaṃ vā mahāmune | svadehamapi nikṣipya gurau stheyamakiṃcanaiḥ
He should give all he owns to the guru, or half of it, O great sage; laying down even his own body (before) the guru, one should remain destitute of possessions.
AI translation rendered from the Sanskrit, not a published edition
PdP 5 82.18
य एतैः पंचभिर्विद्वान्संस्कारैः संस्कृतो भवेत् । दास्यभागी स कृष्णस्य नान्यथा कल्पकोटिभिः
ya etaiḥ paṃcabhirvidvānsaṃskāraiḥ saṃskṛto bhavet | dāsyabhāgī sa kṛṣṇasya nānyathā kalpakoṭibhiḥ
The learned man who becomes consecrated by these five sacraments becomes a sharer in servitude to Kṛṣṇa — not otherwise, in ten million aeons.
AI translation rendered from the Sanskrit, not a published edition
PdP 5 82.19
अंकनं चोर्द्ध्वपुंड्रश्च मंत्रो नामविधारणम् । पंचमो याग इत्युक्ताः संस्काराः पूर्वसूरिभिः
aṃkanaṃ corddhvapuṃḍraśca maṃtro nāmavidhāraṇam | paṃcamo yāga ityuktāḥ saṃskārāḥ pūrvasūribhiḥ
Branding, the upright mark (ūrdhva-puṇḍra), the mantra, and the bearing of a name — the fifth is sacrifice: these are the sacraments declared by the earlier teachers.
AI translation rendered from the Sanskrit, not a published edition
PdP 5 82.20
अंकनं शंखचक्राद्यैः सच्छिद्रं पुंड्रमुच्यते । दासशब्दयुतं नाममंत्रो युगलसंज्ञकः
aṃkanaṃ śaṃkhacakrādyaiḥ sacchidraṃ puṃḍramucyate | dāsaśabdayutaṃ nāmamaṃtro yugalasaṃjñakaḥ
Branding is with (the marks of) the conch, discus and the rest; the mark (puṇḍra) is said to be the one with a gap in the middle; the name is that joined with the word 'dāsa' (servant), and the mantra is the one known as the 'pair' (yugala).
AI translation rendered from the Sanskrit, not a published edition
PdP 5 82.21
गुरुवैष्णवयोः पूजा याग इत्यभिधीयते । एते परमसंस्कारा मया ते परिकीर्तिताः
guruvaiṣṇavayoḥ pūjā yāga ityabhidhīyate | ete paramasaṃskārā mayā te parikīrtitāḥ
The worship of the guru and of the Vaiṣṇavas is called sacrifice (yāga). These supreme sacraments have been fully declared by me to you.
AI translation rendered from the Sanskrit, not a published edition
PdP 5 82.22
अथ तुभ्यं प्रपन्नानां धर्मान्वक्ष्यामि नारद । यानास्थाय गमिष्यंति हरिधाम नराः कलौ
atha tubhyaṃ prapannānāṃ dharmānvakṣyāmi nārada | yānāsthāya gamiṣyaṃti haridhāma narāḥ kalau
Now, Nārada, I shall tell you the duties of those who have taken refuge, relying on which men in the Kali age will go to Hari's abode.
AI translation rendered from the Sanskrit, not a published edition
PdP 5 82.23
इत्थं गुरोर्लब्धमंत्रो गुरुभक्तिपरायणः । सेवमानो गुरुं नित्यं तत्कृपां भावयेत्सुधीः
itthaṃ gurorlabdhamaṃtro gurubhaktiparāyaṇaḥ | sevamāno guruṃ nityaṃ tatkṛpāṃ bhāvayetsudhīḥ
Thus, having received the mantra from the guru, devoted wholly to devotion to the guru, serving the guru constantly, the wise man should meditate on his (the guru's) grace.
AI translation rendered from the Sanskrit, not a published edition
PdP 5 82.24
सतां धर्मां स्ततः शिक्षेत्प्रपन्नानां विशेषतः । स्वेष्टदेवधिया नित्यं वैष्णवान्परितोषयेत्
satāṃ dharmāṃ stataḥ śikṣetprapannānāṃ viśeṣataḥ | sveṣṭadevadhiyā nityaṃ vaiṣṇavānparitoṣayet
Thereafter he should learn the duties of the good, and especially of those who have taken refuge; regarding them always as his own chosen deity, he should fully please the Vaiṣṇavas.
AI translation rendered from the Sanskrit, not a published edition
PdP 5 82.25
ताडनं भर्त्सनं कामिभोग्यत्वेन यथा स्त्रियः । गृह्णंति वैष्णवानां च तत्तद्ग्राह्यं तथा बुधैः
tāḍanaṃ bhartsanaṃ kāmibhogyatvena yathā striyaḥ | gṛhṇaṃti vaiṣṇavānāṃ ca tattadgrāhyaṃ tathā budhaiḥ
Just as women, being objects of enjoyment for the passionate, accept beating and scolding, so too whatever comes from the Vaiṣṇavas is to be accepted by the wise.
AI translation rendered from the Sanskrit, not a published edition
PdP 5 82.26
ऐहिक्यामुष्मिकी चिंता नैव कार्या कदाचन । ऐहिकं तु सदा भाव्यं पूर्वाचरितकर्मणा
aihikyāmuṣmikī ciṃtā naiva kāryā kadācana | aihikaṃ tu sadā bhāvyaṃ pūrvācaritakarmaṇā
Anxiety about this world or the next should never be entertained: what is of this world will always come about through the deeds performed previously,
AI translation rendered from the Sanskrit, not a published edition
PdP 5 82.27
आमुष्मिकं तथा कृष्णः स्वयमेव करिष्यति । अतो हि तत्कृते त्याज्यः प्रयत्नः सर्वथा नरैः
āmuṣmikaṃ tathā kṛṣṇaḥ svayameva kariṣyati | ato hi tatkṛte tyājyaḥ prayatnaḥ sarvathā naraiḥ
and what pertains to the next world Kṛṣṇa himself will bring about; therefore men should entirely abandon effort made for the sake of that.
AI translation rendered from the Sanskrit, not a published edition
PdP 5 82.28
सर्वोपायपरित्यागः कृष्णीयात्मतयार्चनम् । सुचिरं प्रोषिते कांते यथा पतिपरायणा
sarvopāyaparityāgaḥ kṛṣṇīyātmatayārcanam | suciraṃ proṣite kāṃte yathā patiparāyaṇā
(The way is) the abandoning of all (other) means, and worship (of him) with the sense that the self belongs to Kṛṣṇa — as a woman devoted to her husband, when her beloved has been long away,
AI translation rendered from the Sanskrit, not a published edition
PdP 5 82.29
प्रियानुरागिणी दीना तस्यसंगैककांक्षिणी । तद्गुणान्भावयेन्नित्यं गायत्यपि शृणोति च
priyānurāgiṇī dīnā tasyasaṃgaikakāṃkṣiṇī | tadguṇānbhāvayennityaṃ gāyatyapi śṛṇoti ca
loving her dear one, wretched, longing for union with him alone, constantly dwells on his qualities, and sings of them and hears of them (too).
AI translation rendered from the Sanskrit, not a published edition
PdP 5 82.30
श्रीकृष्णगुणलीलादि स्मरणादि तथाचरेत् । न पुनः साधनत्वेन कार्यं तत्तु कदाचन
śrīkṛṣṇaguṇalīlādi smaraṇādi tathācaret | na punaḥ sādhanatvena kāryaṃ tattu kadācana
So should one practise remembrance and the rest of Śrī Kṛṣṇa's qualities, sports and so on; but that should never be done as a means (to some end).
AI translation rendered from the Sanskrit, not a published edition
PdP 5 82.31
चिरं प्रोष्यागतं कांतं प्राप्य कांतधिया यथा । चुंबंती वा श्लिष्यंतीव नेत्रांते न पिबंत्यपि
ciraṃ proṣyāgataṃ kāṃtaṃ prāpya kāṃtadhiyā yathā | cuṃbaṃtī vā śliṣyaṃtīva netrāṃte na pibaṃtyapi
As a woman, having got back her beloved who was long away, with the thought 'my beloved', kissing him as it were, embracing him as it were, and even drinking him in at the corners of her eyes,
AI translation rendered from the Sanskrit, not a published edition
PdP 5 82.32
ब्रह्मानंदगतेवाशु सेवते परया मुदा । श्रीमदर्चावतारेण तथा परिचरेद्धरिम्
brahmānaṃdagatevāśu sevate parayā mudā | śrīmadarcāvatāreṇa tathā paricareddharim
serves him at once with supreme joy, as though she had attained the bliss of Brahman — so should one attend upon Hari in his blessed image-descent (arcāvatāra).
AI translation rendered from the Sanskrit, not a published edition
PdP 5 82.33
अनन्यशरणो नित्यं तथैवानन्यसाधनः । अनन्यसाधनार्थत्वात्स्यादनन्य प्रयोजनः
ananyaśaraṇo nityaṃ tathaivānanyasādhanaḥ | ananyasādhanārthatvātsyādananya prayojanaḥ
Having no other refuge always, and likewise no other means, and because he has no object other than that means, he should have no other purpose.
AI translation rendered from the Sanskrit, not a published edition
PdP 5 82.34
नान्यं च पूजयेद्देवं न नमेत्तं स्मरेन्न च । न च पश्येन्न गायेच्च न च निंदेत्कदाचन
nānyaṃ ca pūjayeddevaṃ na namettaṃ smarenna ca | na ca paśyenna gāyecca na ca niṃdetkadācana
And he should not worship another god, nor bow to him, nor remember him, nor look at him, nor sing of him — nor ever revile him.
AI translation rendered from the Sanskrit, not a published edition
PdP 5 82.35
नान्योच्छिष्टं च भुंजीत नान्यशेषं च धारयेत् । अवैष्णवानां संभाषा वंदनादि विवर्जयेत्
nānyocchiṣṭaṃ ca bhuṃjīta nānyaśeṣaṃ ca dhārayet | avaiṣṇavānāṃ saṃbhāṣā vaṃdanādi vivarjayet
He should not eat another's leavings, nor wear what another has left; he should avoid conversation with non-Vaiṣṇavas, and saluting them and the like.
AI translation rendered from the Sanskrit, not a published edition
PdP 5 82.36
ईशवैष्णवयोर्निंदां शृणुयान्न कदाचन । कर्णौ पिधाय गंतव्यं शक्तौ दंडं समाचरेत्
īśavaiṣṇavayorniṃdāṃ śṛṇuyānna kadācana | karṇau pidhāya gaṃtavyaṃ śaktau daṃḍaṃ samācaret
He should never listen to abuse of the Lord or of Vaiṣṇavas; covering his ears he should go away, and if able he should inflict punishment.
AI translation rendered from the Sanskrit, not a published edition
PdP 5 82.37
आश्रित्य चातकीं वृत्तिं देहपातावधि द्विज । द्वयस्यार्थं भावयित्वा स्थेयमित्येव मे मतिः
āśritya cātakīṃ vṛttiṃ dehapātāvadhi dvija | dvayasyārthaṃ bhāvayitvā stheyamityeva me matiḥ
Taking up the manner of life of the cātaka bird until the body falls, O twice-born, one should abide, having reflected on the purpose of the two — such is my view.
AI translation rendered from the Sanskrit, not a published edition — the model flagged this verse as uncertain
PdP 5 82.38
सरः समुद्र नद्यादीन्विहाय चातको यथा । तृषितो म्रियते वापि याचते वा पयोधरम्
saraḥ samudra nadyādīnvihāya cātako yathā | tṛṣito mriyate vāpi yācate vā payodharam
Just as the cātaka, passing over lakes, the ocean, rivers and the rest, either dies of thirst or else begs from the rain-cloud,
AI translation rendered from the Sanskrit, not a published edition
PdP 5 82.39
एवमेव प्रयत्नेन साधनानि विचिंतयेत् । स्वेष्टदेवःसदायाच्योगतिस्त्वंमेभवेरिति
evameva prayatnena sādhanāni viciṃtayet | sveṣṭadevaḥsadāyācyogatistvaṃmebhaveriti
Just so, with effort, one should ponder the means: "One's own chosen deity is always to be entreated—'May you be my recourse.'"
AI translation rendered from the Sanskrit, not a published edition
PdP 5 82.40
स्वेष्टदेव तदीयानां गुरोरपि विशेषतः । आनुकूल्ये सदा स्थेयं प्रातिकूल्यं विवर्जयेत्
sveṣṭadeva tadīyānāṃ gurorapi viśeṣataḥ | ānukūlye sadā stheyaṃ prātikūlyaṃ vivarjayet
Toward one's own chosen deity, toward those who belong to him, and especially toward the guru, one should always remain in agreement; one should avoid contrariness.
AI translation rendered from the Sanskrit, not a published edition
PdP 5 82.41
सकृत्प्रपन्नो वक्ष्यामि कल्याणगुणतां तयोः । विचिंत्य विश्वसेदेतौ मामिमावुद्धरिष्यतः
sakṛtprapanno vakṣyāmi kalyāṇaguṇatāṃ tayoḥ | viciṃtya viśvasedetau māmimāvuddhariṣyataḥ
I shall tell of the auspicious quality of those two toward one who has surrendered but once; having reflected, one should trust: "These two will lift me up."
AI translation rendered from the Sanskrit, not a published edition
PdP 5 82.42
संसारसागरान्नाथ मित्र पुत्र गृहा कुलात् । गोप्तारौ मे युवामेव प्रपन्नभयभंजनौ
saṃsārasāgarānnātha mitra putra gṛhā kulāt | goptārau me yuvāmeva prapannabhayabhaṃjanau
O Lord, from the ocean of transmigration—(consisting) of friend, son, house, and family—you two alone are my protectors, you who shatter the fear of the surrendered.
AI translation rendered from the Sanskrit, not a published edition
PdP 5 82.43
योहं ममास्ति यत्किंचिदिह लोके परत्र च । तत्सर्वं भवतोरद्य चरणेषु समर्चितम्
yohaṃ mamāsti yatkiṃcidiha loke paratra ca | tatsarvaṃ bhavatoradya caraṇeṣu samarcitam
Whatever I am, and whatever is mine here in this world and in the next—all that is today offered in worship at the feet of you two.
AI translation rendered from the Sanskrit, not a published edition
PdP 5 82.44
अहमस्म्यपराधानामालयस्त्यक्त साधनः । अगतिश्च ततो नाथौ भवंतावेव मे गतिः
ahamasmyaparādhānāmālayastyakta sādhanaḥ | agatiśca tato nāthau bhavaṃtāveva me gatiḥ
I am a receptacle of offences, one who has abandoned the practices, and without recourse; therefore, O Lords, you two alone are my recourse.
AI translation rendered from the Sanskrit, not a published edition
PdP 5 82.45
तवास्मि राधिकाकांत कर्मणा मनसा गिरा । कृष्णकांते तवैवास्मि युवामेव गतिर्मम
tavāsmi rādhikākāṃta karmaṇā manasā girā | kṛṣṇakāṃte tavaivāsmi yuvāmeva gatirmama
I am yours, O beloved of Rādhikā, by act, by mind, and by speech; O beloved of Kṛṣṇa, I am yours alone; you two alone are my recourse.
AI translation rendered from the Sanskrit, not a published edition
PdP 5 82.46
शरणं वां प्रपन्नोऽस्मि करुणानिकराकरौ । प्रसादं कुरु तं दास्यं मयि दुष्टेऽपराधिनि
śaraṇaṃ vāṃ prapanno'smi karuṇānikarākarau | prasādaṃ kuru taṃ dāsyaṃ mayi duṣṭe'parādhini
I have come to the shelter of you two, O mines of the mass of compassion; grant that favour—servitude—to me, who am wicked and an offender.
AI translation rendered from the Sanskrit, not a published edition
PdP 5 82.47
इत्येवं जपता नित्यं स्थातव्यं पद्यपंचकम् । अचिरादेव तद्दास्यमिच्छता मुनिसत्तम
ityevaṃ japatā nityaṃ sthātavyaṃ padyapaṃcakam | acirādeva taddāsyamicchatā munisattama
Thus one who desires that servitude soon should abide reciting these five verses daily, O best of sages.
AI translation rendered from the Sanskrit, not a published edition
PdP 5 82.48
बाह्यधर्मा मया ह्येते संक्षेपेणोपवर्णिताः । आंतरः परमो धर्मः प्रपन्नानामथोच्यते
bāhyadharmā mayā hyete saṃkṣepeṇopavarṇitāḥ | āṃtaraḥ paramo dharmaḥ prapannānāmathocyate
These external duties have indeed been described by me in brief; now the inner, supreme duty of those who have surrendered is stated.
AI translation rendered from the Sanskrit, not a published edition
PdP 5 82.49
कृष्णप्रिया सखीभावं समाश्रित्य प्रयत्नतः । तयोः सेवां प्रकुर्वीत दिवानक्तमतंद्रितः
kṛṣṇapriyā sakhībhāvaṃ samāśritya prayatnataḥ | tayoḥ sevāṃ prakurvīta divānaktamataṃdritaḥ
Taking refuge, with effort, in the disposition of a female companion of Kṛṣṇa's beloved, one should perform service to those two, day and night, unwearied.
AI translation rendered from the Sanskrit, not a published edition
PdP 5 82.50
उक्तो मंत्रस्तदंगानि तथा तस्याधिकारिणः । तद्धर्माश्च तथा तेभ्यः फलं मंत्रस्य नारद
ukto maṃtrastadaṃgāni tathā tasyādhikāriṇaḥ | taddharmāśca tathā tebhyaḥ phalaṃ maṃtrasya nārada
The mantra has been stated, and its limbs, and likewise those entitled to it, and their duties, and likewise the fruit of the mantra for them, O Nārada.
AI translation rendered from the Sanskrit, not a published edition
PdP 5 82.51
अनुतिष्ठ त्वमप्येतत्तयोर्दास्यमवाप्स्यसि । स्वाधिकारक्षये विप्र संदेहो नात्र कश्चन
anutiṣṭha tvamapyetattayordāsyamavāpsyasi | svādhikārakṣaye vipra saṃdeho nātra kaścana
Do you too practise this; you will obtain servitude to those two when your own office comes to an end, O brahmin—there is no doubt whatever here.
AI translation rendered from the Sanskrit, not a published edition
PdP 5 82.52
सकृन्मात्रप्रपन्नाय तवास्मीति च याचते । निजदास्यं हरिर्दद्यान्न मेऽत्रास्ति विचारणा
sakṛnmātraprapannāya tavāsmīti ca yācate | nijadāsyaṃ harirdadyānna me'trāsti vicāraṇā
To one who has surrendered even a single time and who begs, "I am yours," Hari would give his own servitude—I have no hesitation about this.
AI translation rendered from the Sanskrit, not a published edition
PdP 5 82.53
अत्र ते वर्णयिष्यामि रहस्यं परमाद्भुतम् । श्रुतपूर्वं मया कृष्णात्साक्षाद्भगवतः परम्
atra te varṇayiṣyāmi rahasyaṃ paramādbhutam | śrutapūrvaṃ mayā kṛṣṇātsākṣādbhagavataḥ param
Here I shall describe to you a supremely wondrous secret, heard before by me from Kṛṣṇa, the supreme Lord himself.
AI translation rendered from the Sanskrit, not a published edition
PdP 5 82.54
एष ते कथितो धर्म आंतरो मुनिसत्तम । गुह्यादेष गुह्यतमो गोपनीयः प्रयत्नतः
eṣa te kathito dharma āṃtaro munisattama | guhyādeṣa guhyatamo gopanīyaḥ prayatnataḥ
This inner duty has been told to you, O best of sages; it is the most secret of secrets, to be guarded carefully.
AI translation rendered from the Sanskrit, not a published edition
PdP 5 82.55
मंत्ररत्नमहं पूर्वं जपन्कैलासमूर्द्धनि । ध्यायन्नारायणं देवमवसं गहने वने
maṃtraratnamahaṃ pūrvaṃ japankailāsamūrddhani | dhyāyannārāyaṇaṃ devamavasaṃ gahane vane
Formerly, reciting the jewel of mantras on the summit of Kailāsa, meditating on the god Nārāyaṇa, I dwelt in a dense forest.
AI translation rendered from the Sanskrit, not a published edition
PdP 5 82.56
ततस्तु भगवांस्तुष्टः प्रादुरास ममाग्रतः । व्रियतां वर इत्युक्ते मयाप्युद्घाट्य लोचने
tatastu bhagavāṃstuṣṭaḥ prādurāsa mamāgrataḥ | vriyatāṃ vara ityukte mayāpyudghāṭya locane
Then the Lord, pleased, appeared before me; and when "Let a boon be chosen" had been said, I too opened my eyes,
AI translation rendered from the Sanskrit, not a published edition
PdP 5 82.57
दृष्टो देवःप्रिया सार्द्धं संस्थितो गरुडोपरि । प्रणिपत्यावोचमहं वरदं कमलापतिम्
dṛṣṭo devaḥpriyā sārddhaṃ saṃsthito garuḍopari | praṇipatyāvocamahaṃ varadaṃ kamalāpatim
and the god was seen, together with his beloved, seated upon Garuḍa; bowing down, I spoke to the giver of boons, the husband of Kamalā:
AI translation rendered from the Sanskrit, not a published edition
PdP 5 82.58
यद्रूपं ते कृपासिंधो परमानंददायकम् । सर्वानंदाश्रयं नित्यं मूर्तिमत्सर्वतोऽधिकम्
yadrūpaṃ te kṛpāsiṃdho paramānaṃdadāyakam | sarvānaṃdāśrayaṃ nityaṃ mūrtimatsarvato'dhikam
"That form of yours, O ocean of compassion, which bestows supreme bliss, which is the abode of all bliss, eternal, possessed of shape, higher than everything—
AI translation rendered from the Sanskrit, not a published edition
PdP 5 82.59
निर्गुणं निष्क्रियं शांतं यद्ब्रह्मेति विदुर्बुधाः । तदहं द्रष्टुमिच्छामि चक्षुर्भ्यां परमेश्वर
nirguṇaṃ niṣkriyaṃ śāṃtaṃ yadbrahmeti vidurbudhāḥ | tadahaṃ draṣṭumicchāmi cakṣurbhyāṃ parameśvara
"That which the wise know as Brahman — without qualities, without activity, at peace — that I wish to see with my (two) eyes, O supreme Lord."
AI translation rendered from the Sanskrit, not a published edition
PdP 5 82.60
ततो मामाह भगवान्प्रपन्नं कमलापतिः । तदद्य द्रक्ष्यसे रूपं यत्ते मनसि कांक्षितम्
tato māmāha bhagavānprapannaṃ kamalāpatiḥ | tadadya drakṣyase rūpaṃ yatte manasi kāṃkṣitam
Then the Lord, the husband of Kamalā, said to me, who had taken refuge (in him): "Today, then, you shall see that form which is desired in your mind.
AI translation rendered from the Sanskrit, not a published edition
PdP 5 82.61
यमुना पश्चिमे तीरे गच्छ वृंदावनं मम । इत्युक्त्वांतर्दधे देवः प्रियासार्द्धं जगत्पतिः
yamunā paścime tīre gaccha vṛṃdāvanaṃ mama | ityuktvāṃtardadhe devaḥ priyāsārddhaṃ jagatpatiḥ
Go to my Vṛndāvana on the western bank of the Yamunā." Having said this, the god, the lord of the world, vanished together with his beloved.
AI translation rendered from the Sanskrit, not a published edition
PdP 5 82.62
अहमप्यागतस्तर्हि यमुनायास्तटं शुभम् । तत्र कृष्णमपश्यं च सर्वदेवेश्वरेश्वरम्
ahamapyāgatastarhi yamunāyāstaṭaṃ śubham | tatra kṛṣṇamapaśyaṃ ca sarvadeveśvareśvaram
I too then went to the auspicious bank of the Yamunā, and there I saw Kṛṣṇa, the lord of the lords of all the gods,
AI translation rendered from the Sanskrit, not a published edition
PdP 5 82.63
गोपवेषधरं कांतं किशोरवयसान्वितम् । प्रियास्कंधे सुविन्यस्त वामहस्तं मनोहरम्
gopaveṣadharaṃ kāṃtaṃ kiśoravayasānvitam | priyāskaṃdhe suvinyasta vāmahastaṃ manoharam
wearing the dress of a cowherd, lovely, of youthful (adolescent) age, his left hand laid gracefully on his beloved's shoulder, enchanting,
AI translation rendered from the Sanskrit, not a published edition
PdP 5 82.64
हसंतं हासयतं तां मध्ये गोपीकदंबके । स्निग्धमेघसमाभासं कल्याणगुणमंदिरम्
hasaṃtaṃ hāsayataṃ tāṃ madhye gopīkadaṃbake | snigdhameghasamābhāsaṃ kalyāṇaguṇamaṃdiram
laughing and making her laugh, in the midst of the throng of gopīs, radiant like a glossy (rain-)cloud, a temple of auspicious qualities.
AI translation rendered from the Sanskrit, not a published edition
PdP 5 82.65
प्रहस्य च ततः कृष्णो मामाहामृतभाषणः । अहं ते दर्शनं यातो ज्ञात्वा रुद्र तवेप्सितम्
prahasya ca tataḥ kṛṣṇo māmāhāmṛtabhāṣaṇaḥ | ahaṃ te darśanaṃ yāto jñātvā rudra tavepsitam
And then Kṛṣṇa, whose speech is nectar, laughed and said to me: "I have come into your sight, Rudra, knowing what you desired.
AI translation rendered from the Sanskrit, not a published edition
PdP 5 82.66
यदद्य मे त्वया दृष्टमिदं रूपमलौकिकम् । घनीभूतामलप्रेम सच्चिदानंदविग्रहम्
yadadya me tvayā dṛṣṭamidaṃ rūpamalaukikam | ghanībhūtāmalaprema saccidānaṃdavigraham
This unworldly form of mine that you have seen today — (it is) pure love become dense, a body of being, consciousness and bliss.
AI translation rendered from the Sanskrit, not a published edition
PdP 5 82.67
नीरूपं निर्गुणं व्यापि क्रियाहीनं परात्परम् । वदंत्युपनिषत्संघा इदमेव ममानघम्
nīrūpaṃ nirguṇaṃ vyāpi kriyāhīnaṃ parātparam | vadaṃtyupaniṣatsaṃghā idameva mamānagham
The company of Upaniṣads call it formless, without qualities, all-pervading, devoid of action, higher than the highest — this very (form) of mine is faultless.
AI translation rendered from the Sanskrit, not a published edition
PdP 5 82.68
प्रकृत्युत्थगुणाभावादनंतत्वात्तथेश्वरम् । असिद्धत्वान्मद्गुणानां निर्गुणं मां वदंति हि
prakṛtyutthaguṇābhāvādanaṃtatvāttatheśvaram | asiddhatvānmadguṇānāṃ nirguṇaṃ māṃ vadaṃti hi
Because there is no presence in me of the qualities arisen from primal nature, because of (my) infinitude and likewise (my being) the Lord, and because my qualities are not (mere) accomplished (products), they indeed call me qualityless.
AI translation rendered from the Sanskrit, not a published edition — the model flagged this verse as uncertain
PdP 5 82.69
अदृश्यत्वान्ममैतस्य रूपस्य चर्मचक्षुषा । अरूपं मां वदंत्येते वेदाः सर्वे महेश्वर
adṛśyatvānmamaitasya rūpasya carmacakṣuṣā | arūpaṃ māṃ vadaṃtyete vedāḥ sarve maheśvara
Because this form of mine cannot be seen by a fleshly eye, all these Vedas call me formless, O Maheśvara.
AI translation rendered from the Sanskrit, not a published edition
PdP 5 82.70
व्यापकत्वाच्चिदंशेन ब्रह्मेति च विदुर्बुधाः । अकर्तृत्वात्प्रपंचस्य निष्क्रियं मां वदंति हि
vyāpakatvāccidaṃśena brahmeti ca vidurbudhāḥ | akartṛtvātprapaṃcasya niṣkriyaṃ māṃ vadaṃti hi
And because of (my) pervasiveness through the portion (that is) consciousness, the wise know (me) as Brahman; and because I am not the doer of the manifold world, they call me actionless.
AI translation rendered from the Sanskrit, not a published edition
PdP 5 82.71
मायागुणैर्यतोमेंऽशा कुर्वंति सर्जनादिकम् । न करोमि स्वयं किंचित्सृष्ट्यादिकमहं शिव
māyāguṇairyatomeṃ'śā kurvaṃti sarjanādikam | na karomi svayaṃ kiṃcitsṛṣṭyādikamahaṃ śiva
Since it is my portions (aṃśas) that perform creation and the rest by means of the qualities of māyā, I myself do nothing at all of creation and so on, O Śiva.
AI translation rendered from the Sanskrit, not a published edition
PdP 5 82.72
अहमासां महादेव गोपीनां प्रेमविह्वलः । क्रियांतरं न जानामि नात्मानमपि नारद
ahamāsāṃ mahādeva gopīnāṃ premavihvalaḥ | kriyāṃtaraṃ na jānāmi nātmānamapi nārada
O Mahādeva, I am overwhelmed by love for these gopīs; I know no other activity, nor even myself, O Nārada.
AI translation rendered from the Sanskrit, not a published edition
PdP 5 82.73
विहराम्यनया नित्यमस्याः प्रेमवशीकृतः । इमां तु मत्प्रियां विद्धि राधिकां परदेवताम्
viharāmyanayā nityamasyāḥ premavaśīkṛtaḥ | imāṃ tu matpriyāṃ viddhi rādhikāṃ paradevatām
I play forever with her, subdued by her love; know her, my beloved Rādhikā, to be the supreme deity.
AI translation rendered from the Sanskrit, not a published edition
PdP 5 82.74
अस्याश्च परितः पश्य सख्यः शतसहस्रशः । नित्याः सर्वा इमा रुद्र यथाहं नित्यविग्रहः
asyāśca paritaḥ paśya sakhyaḥ śatasahasraśaḥ | nityāḥ sarvā imā rudra yathāhaṃ nityavigrahaḥ
And see her companions all around, by hundreds of thousands: all these are eternal, Rudra, just as I am of eternal body.
AI translation rendered from the Sanskrit, not a published edition
PdP 5 82.75
गोपा गावो गोपिकाश्च सदा वृंदावनं मम । सर्वमेतन्नित्यमेव चिदानंदरसात्मकम्
gopā gāvo gopikāśca sadā vṛṃdāvanaṃ mama | sarvametannityameva cidānaṃdarasātmakam
The cowherds, the cows, the cowherd women, and my Vṛndāvana always — all this is indeed eternal, having the essence of the flavour of conscious bliss.
AI translation rendered from the Sanskrit, not a published edition
PdP 5 82.76
इदमानंदकंदाख्यं विद्धि वृंदावनं मम । यस्मिन्प्रवेशमात्रेण न पुनः संसृतिं विशेत्
idamānaṃdakaṃdākhyaṃ viddhi vṛṃdāvanaṃ mama | yasminpraveśamātreṇa na punaḥ saṃsṛtiṃ viśet
Know this Vṛndāvana of mine to be called the root of bliss, entering which one does not again enter the round of rebirth.
AI translation rendered from the Sanskrit, not a published edition
PdP 5 82.77
मद्वनं प्राप्य यो मूढः पुनरन्यत्र गच्छति । स आत्महा भवेदेव सत्यं सत्यं मयोदितम्
madvanaṃ prāpya yo mūḍhaḥ punaranyatra gacchati | sa ātmahā bhavedeva satyaṃ satyaṃ mayoditam
The fool who, having reached my forest, goes elsewhere again — he becomes a slayer of himself; truly, truly this is spoken by me.
AI translation rendered from the Sanskrit, not a published edition
PdP 5 82.78
वृंदावनं परित्यज्य नैव गच्छाम्यहं क्वचित् । निवसाम्यनया सार्द्धमहमत्रैव सर्वदा
vṛṃdāvanaṃ parityajya naiva gacchāmyahaṃ kvacit | nivasāmyanayā sārddhamahamatraiva sarvadā
I never go anywhere abandoning Vṛndāvana; I dwell here always together with her.
AI translation rendered from the Sanskrit, not a published edition
PdP 5 82.79
इत्येवं सर्वमाख्यातं यत्ते रुद्र हृदि स्थितम् । कथयस्व ममेदानीं किमन्यच्छ्रोतुमिच्छसि
ityevaṃ sarvamākhyātaṃ yatte rudra hṛdi sthitam | kathayasva mamedānīṃ kimanyacchrotumicchasi
"Thus everything has been told, whatever was in your heart, Rudra. Now tell me: what else do you wish to hear?"
AI translation rendered from the Sanskrit, not a published edition
PdP 5 82.80
ततस्तमब्रवं देवमहं च मुनिसत्तम । ईदृशस्त्वं कथं लभ्यस्तमुपायं वदस्व मे
tatastamabravaṃ devamahaṃ ca munisattama | īdṛśastvaṃ kathaṃ labhyastamupāyaṃ vadasva me
Then, O best of sages, I said to that god: "How is one such as you to be attained? Tell me that means."
AI translation rendered from the Sanskrit, not a published edition
PdP 5 82.81
ततो मामाह भगवान्साधु रुद्र तवोदितम् । अतिगुह्यतमं ह्येतद्गोपनीयं प्रयत्नतः
tato māmāha bhagavānsādhu rudra tavoditam | atiguhyatamaṃ hyetadgopanīyaṃ prayatnataḥ
Then the Lord said to me: "Well spoken, Rudra, is your word. For this is the most secret of secrets, to be concealed with effort."
AI translation rendered from the Sanskrit, not a published edition
PdP 5 82.82
सकृदावां प्रपन्नो यस्त्यक्तोपाय उपासते । गोपीभावेन देवेश स मामेति न चेतरः
sakṛdāvāṃ prapanno yastyaktopāya upāsate | gopībhāvena deveśa sa māmeti na cetaraḥ
"He who has once taken refuge in us two and, abandoning (other) means, worships (us) with the mood of a gopī, O lord of gods — he comes to me, and no other."
AI translation rendered from the Sanskrit, not a published edition
PdP 5 82.83
सकृदावां प्रपन्नो वा मत्प्रियामेकिकामुत । सेवतेनन्यभावेन स मामेति न संशयः
sakṛdāvāṃ prapanno vā matpriyāmekikāmuta | sevatenanyabhāvena sa māmeti na saṃśayaḥ
"Or he who has once taken refuge in us two, or in my beloved alone, and serves (her) with undivided devotion — he comes to me, there is no doubt."
AI translation rendered from the Sanskrit, not a published edition
PdP 5 82.84
यो मामेव प्रपन्नश्च मत्प्रियां न महेश्वर । न कदापि स चाप्नोति मामेवं ते मयोदितम्
yo māmeva prapannaśca matpriyāṃ na maheśvara | na kadāpi sa cāpnoti māmevaṃ te mayoditam
"But he who has taken refuge in me alone and not in my beloved, O Maheśvara — he never attains me. Thus have I told you."
AI translation rendered from the Sanskrit, not a published edition
PdP 5 82.85
सकृदेव प्रपन्नोयस्तवास्मीति वदेदपि । साधनेन विनाप्येव मामाप्नोति न संशयः
sakṛdeva prapannoyastavāsmīti vadedapi | sādhanena vināpyeva māmāpnoti na saṃśayaḥ
"He who has but once taken refuge and says even (only) 'I am yours' — even without any practice, he attains me, there is no doubt."
AI translation rendered from the Sanskrit, not a published edition
PdP 5 82.86
तस्मात्सर्वप्रयत्नेन मत्प्रियां शरणं व्रजेत् । आश्रित्य मत्प्रियां रुद्र मां वशीकर्त्तुमर्हसि
tasmātsarvaprayatnena matpriyāṃ śaraṇaṃ vrajet | āśritya matpriyāṃ rudra māṃ vaśīkarttumarhasi
"Therefore with every effort one should go for refuge to my beloved. By resorting to my beloved, Rudra, you are able to bring me under your sway."
AI translation rendered from the Sanskrit, not a published edition
PdP 5 82.87
इदं रहस्यं परमं मया ते परिकीर्तितम् । त्वयाप्येतन्महादेव गोपनीयं प्रयत्नतः
idaṃ rahasyaṃ paramaṃ mayā te parikīrtitam | tvayāpyetanmahādeva gopanīyaṃ prayatnataḥ
"This supreme secret has been proclaimed by me to you; and by you too, O Mahādeva, it is to be concealed with effort."
AI translation rendered from the Sanskrit, not a published edition
PdP 5 82.88
त्वमप्येनां समाश्रित्य राधिकां मम वल्लभाम् । जपन्मे युगलं मंत्रं सदा तिष्ठ मदालये
tvamapyenāṃ samāśritya rādhikāṃ mama vallabhām | japanme yugalaṃ maṃtraṃ sadā tiṣṭha madālaye
"You too, taking refuge in her, Rādhikā, my darling, and reciting my couple-mantra, dwell always in my abode."
AI translation rendered from the Sanskrit, not a published edition
PdP 5 82.89
शिव उवाच-। इत्युक्त्वा दक्षिणे कर्णे मम कृष्णो दयानिधिः । उपदिश्य परं मंत्रं संस्कारांश्च विधाय हि
śiva uvāca-| ityuktvā dakṣiṇe karṇe mama kṛṣṇo dayānidhiḥ | upadiśya paraṃ maṃtraṃ saṃskārāṃśca vidhāya hi
Śiva said: Having said this in my right ear, Kṛṣṇa, the treasury of compassion, having taught (me) the supreme mantra and performed the consecrations,
AI translation rendered from the Sanskrit, not a published edition
PdP 5 82.90
सगणोंऽतर्दधे विप्र तत्रैव मम पश्यतः । अहमप्यत्र तिष्ठामि तदारभ्य निरंतरम्
sagaṇoṃ'tardadhe vipra tatraiva mama paśyataḥ | ahamapyatra tiṣṭhāmi tadārabhya niraṃtaram
vanished together with his company, right there, while I looked on, O brāhmaṇa; and I too remain here without a break from that time on.
AI translation rendered from the Sanskrit, not a published edition
PdP 5 82.91
सर्वमेतन्मया तुभ्यं सांगमेव प्रकीर्त्तितम् । अधुना वद विप्रेंद्र किं भूयः श्रोतुमिच्छसि
sarvametanmayā tubhyaṃ sāṃgameva prakīrttitam | adhunā vada vipreṃdra kiṃ bhūyaḥ śrotumicchasi
All this has been proclaimed by me to you, together with its appendages. Now say, O chief of brāhmaṇas, what further you wish to hear.
AI translation rendered from the Sanskrit, not a published edition