Padma Purana — Patala Khanda — Chapter 73
PdP 5 73.1
ईश्वर उवाच-। यत्त्वया पृष्टमाश्चर्यं तन्मया भाषितं क्रमात् । यत्र मुह्यंति ब्रह्माद्यास्तत्र को वा न मुह्यति
īśvara uvāca-| yattvayā pṛṣṭamāścaryaṃ tanmayā bhāṣitaṃ kramāt | yatra muhyaṃti brahmādyāstatra ko vā na muhyati
The Lord said: What you asked about, the marvel, that has been told by me in order. Where Brahmā and the rest are bewildered, who there is not bewildered?
AI translation rendered from the Sanskrit, not a published edition
PdP 5 73.2
तथापि ते प्रवक्ष्यामि यदुक्तं परमर्षिणा । महाराजमंबरीषं विष्णुभक्तं शिवान्वितम्
tathāpi te pravakṣyāmi yaduktaṃ paramarṣiṇā | mahārājamaṃbarīṣaṃ viṣṇubhaktaṃ śivānvitam
Nevertheless I shall declare to you what was said by the supreme sage to the great king Ambarīṣa, a devotee of Viṣṇu, endowed with auspiciousness,
AI translation rendered from the Sanskrit, not a published edition
PdP 5 73.3
बदर्याश्रममासाद्य समासीनं जितेंद्रियम् । राजा प्रणम्य तुष्टाव विष्णुधर्मविवित्सया
badaryāśramamāsādya samāsīnaṃ jiteṃdriyam | rājā praṇamya tuṣṭāva viṣṇudharmavivitsayā
— having reached the Badarī hermitage, the king bowed to (the sage) seated there with senses subdued, and praised (him), wishing to know the dharma of Viṣṇu:
AI translation rendered from the Sanskrit, not a published edition
PdP 5 73.4
वेदव्यासं महाभागं सर्वज्ञं पुरुषोत्तमम् । मां त्वं संसारदुष्पारे परित्रातुमिहार्हसि
vedavyāsaṃ mahābhāgaṃ sarvajñaṃ puruṣottamam | māṃ tvaṃ saṃsāraduṣpāre paritrātumihārhasi
"Vedavyāsa, greatly blessed, all-knowing, highest of persons — you ought here to rescue me from the hard-to-cross saṃsāra.
AI translation rendered from the Sanskrit, not a published edition
PdP 5 73.5
विषयेषु विरक्तोऽस्मि नमस्तेभ्यो नमोखिलम् । यत्तत्पदमनुद्विग्नं सच्चिदानंदविग्रहम्
viṣayeṣu virakto'smi namastebhyo namokhilam | yattatpadamanudvignaṃ saccidānaṃdavigraham
I am detached from sense-objects; salutation to them, salutation entire. That state which is free of agitation, whose form is being, consciousness and bliss,
AI translation rendered from the Sanskrit, not a published edition — the model flagged this verse as uncertain
PdP 5 73.6
परं ब्रह्म पराकाशमनाकाशमनामयम् । यत्साक्षात्कृत्य मुनयो भवांभोधिं तरंति हि
paraṃ brahma parākāśamanākāśamanāmayam | yatsākṣātkṛtya munayo bhavāṃbhodhiṃ taraṃti hi
the supreme Brahman, the highest ether, spaceless, free of ill — realizing which directly the sages indeed cross the ocean of existence:
AI translation rendered from the Sanskrit, not a published edition
PdP 5 73.7
तत्राहं मनसो नित्यं कथं गतिमवाप्नुयाम् । व्यास उवाच-। अतिगोप्यं त्वया पृष्टं यन्मया न शुकं प्रति
tatrāhaṃ manaso nityaṃ kathaṃ gatimavāpnuyām | vyāsa uvāca-| atigopyaṃ tvayā pṛṣṭaṃ yanmayā na śukaṃ prati
how may I there attain a constant course of the mind?" Vyāsa said: You have asked what is exceedingly secret, which by me was not, to Śuka
AI translation rendered from the Sanskrit, not a published edition
PdP 5 73.8
गदितं स्वसुतं किंतु त्वां वक्ष्यामि हरिप्रियम् । आसीदिदं परं विश्वं यद्रूपं यत्प्रतिष्ठितम्
gaditaṃ svasutaṃ kiṃtu tvāṃ vakṣyāmi haripriyam | āsīdidaṃ paraṃ viśvaṃ yadrūpaṃ yatpratiṣṭhitam
my own son, spoken; yet I shall tell it to you, who are dear to Hari. This supreme universe existed (already) — whose form it is, in whom it is established:
AI translation rendered from the Sanskrit, not a published edition — the model flagged this verse as uncertain
PdP 5 73.9
अव्याकृतमव्यथितं तदीश्वरमयं शृणु । मया कृतं तपः पूर्वं बहुवर्षसहस्रकम्
avyākṛtamavyathitaṃ tadīśvaramayaṃ śṛṇu | mayā kṛtaṃ tapaḥ pūrvaṃ bahuvarṣasahasrakam
undifferentiated, unagitated, consisting of the Lord — hear (of it). Formerly austerity was performed by me for many thousands of years,
AI translation rendered from the Sanskrit, not a published edition
PdP 5 73.10
फलमूलपलाशांबु वाय्वाहारनिषेविणा । ततो मामाहभगवान्स्वध्याननिरतं हरिः
phalamūlapalāśāṃbu vāyvāhāraniṣeviṇā | tato māmāhabhagavānsvadhyānanirataṃ hariḥ
as one who subsisted on fruit, root, leaf, water and air. Then the Lord Hari spoke to me, who was absorbed in meditation on him:
AI translation rendered from the Sanskrit, not a published edition
PdP 5 73.11
कस्मिन्नर्थे चिकीर्षाते विवित्सा वा महामते । प्रसन्नोऽस्मि वृणुष्व त्वं वरं च वरदर्षभात्
kasminnarthe cikīrṣāte vivitsā vā mahāmate | prasanno'smi vṛṇuṣva tvaṃ varaṃ ca varadarṣabhāt
"In what matter is (your) intent to act, or (your) desire to know, O great-minded one? I am pleased: choose you a boon from the foremost of boon-givers.
AI translation rendered from the Sanskrit, not a published edition
PdP 5 73.12
मद्दर्शनांतः संसार इति सत्यं ब्रवीमि ते । ततोऽहमब्रुवं कृष्णं पुलकोत्फुल्लविग्रहः
maddarśanāṃtaḥ saṃsāra iti satyaṃ bravīmi te | tato'hamabruvaṃ kṛṣṇaṃ pulakotphullavigrahaḥ
Saṃsāra has its end in the sight of me — this I tell you truly." Then I, my body thrilled with bristling hair, said to Kṛṣṇa:
AI translation rendered from the Sanskrit, not a published edition
PdP 5 73.13
त्वामहं द्रष्टुमिच्छामि चक्षुर्भ्यां मधुसूदन । यत्तत्सत्यं परं ब्रह्म जगज्ज्योतिं जगत्पतिम्
tvāmahaṃ draṣṭumicchāmi cakṣurbhyāṃ madhusūdana | yattatsatyaṃ paraṃ brahma jagajjyotiṃ jagatpatim
"I wish to see you with (my two) eyes, O slayer of Madhu — you who are that truth, the supreme Brahman, the light of the world, the lord of the world,
AI translation rendered from the Sanskrit, not a published edition
PdP 5 73.14
वदंति वेदशिरसश्चाक्षुषं नाथमद्भुतम् । श्रीभगवानुवाच-। ब्रह्मणैवं पुरा पृष्टः प्रार्थितश्च यथा पुरा
vadaṃti vedaśirasaścākṣuṣaṃ nāthamadbhutam | śrībhagavānuvāca-| brahmaṇaivaṃ purā pṛṣṭaḥ prārthitaśca yathā purā
whom the crowns of the Veda (the Upaniṣads) declare the wondrous Lord visible to the eye." The Blessed Lord said: As formerly Brahmā thus asked and entreated me,
AI translation rendered from the Sanskrit, not a published edition
PdP 5 73.15
यदवोचमहं तस्मै तत्तुभ्यमपि कथ्यते । मामेके प्रकृतिं प्राहुः पुरुषं च तथेश्वरम्
yadavocamahaṃ tasmai tattubhyamapi kathyate | māmeke prakṛtiṃ prāhuḥ puruṣaṃ ca tatheśvaram
what I said to him, that is told to you too. Some call me prakṛti, and puruṣa, and likewise Īśvara;
AI translation rendered from the Sanskrit, not a published edition
PdP 5 73.16
धर्ममेके धनं चैके मोक्षमेकेऽकुतोभयम् । शून्यमेके भावमेके शिवमेके सदाशिवम्
dharmameke dhanaṃ caike mokṣameke'kutobhayam | śūnyameke bhāvameke śivameke sadāśivam
some (call me) dharma, and some wealth, some liberation in which there is no fear from anywhere; some the void, some being, some Śiva, some Sadāśiva;
AI translation rendered from the Sanskrit, not a published edition
PdP 5 73.17
अपरे वेदशिरसि स्थितमेकं सनातनम् । सद्भावं विक्रियाहीनं सच्चिदानंदविग्रहम्
apare vedaśirasi sthitamekaṃ sanātanam | sadbhāvaṃ vikriyāhīnaṃ saccidānaṃdavigraham
Others (declare) that the one eternal (reality) stands at the head of the Veda: true being, free of change, whose form is being, consciousness and bliss.
AI translation rendered from the Sanskrit, not a published edition
PdP 5 73.18
पश्याद्य दर्शयिष्यामि स्वरूपं वेदगोपितम् । ततोऽपश्यं भूपबालमहं कालांबुदप्रभम्
paśyādya darśayiṣyāmi svarūpaṃ vedagopitam | tato'paśyaṃ bhūpabālamahaṃ kālāṃbudaprabham
"Look now, I shall show (you my) own form, hidden by the Vedas." Then I beheld, O prince, one whose radiance was like a dark rain-cloud,
AI translation rendered from the Sanskrit, not a published edition
PdP 5 73.19
गोपकन्यावृतं गोपं हसंतं गोपबालकैः । कदंबमूलआसीनं पीतवाससमद्भुतम्
gopakanyāvṛtaṃ gopaṃ hasaṃtaṃ gopabālakaiḥ | kadaṃbamūlaāsīnaṃ pītavāsasamadbhutam
a cowherd surrounded by cowherd girls, laughing together with the cowherd boys, seated at the foot of a kadamba tree, yellow-robed, wondrous.
AI translation rendered from the Sanskrit, not a published edition
PdP 5 73.20
वनं वृंदावनं नाम नवपल्लवमंडितम् । कोकिलभ्रमरारावं मनोभव मनोहरम्
vanaṃ vṛṃdāvanaṃ nāma navapallavamaṃḍitam | kokilabhramarārāvaṃ manobhava manoharam
(I saw) the forest named Vṛndāvana, adorned with fresh shoots, resounding with cuckoos and bees, heart-stealing, (arousing) love.
AI translation rendered from the Sanskrit, not a published edition
PdP 5 73.21
नदीमपश्यं कालिंदीमिंदीवरदलप्रभाम् । गोवर्द्धनमथापश्यं कृष्णरामकरोद्धृतम्
nadīmapaśyaṃ kāliṃdīmiṃdīvaradalaprabhām | govarddhanamathāpaśyaṃ kṛṣṇarāmakaroddhṛtam
I saw the river Kālindī, gleaming like the petal of a blue lotus; then I saw Govardhana, lifted up by the hands of Kṛṣṇa and Rāma,
AI translation rendered from the Sanskrit, not a published edition
PdP 5 73.22
महेंद्रदर्पनाशाय गोगोपालसुखावहम् । गोपालमबलासंगमुदितं वेणुवादिनम्
maheṃdradarpanāśāya gogopālasukhāvaham | gopālamabalāsaṃgamuditaṃ veṇuvādinam
(lifted) to destroy the pride of great Indra, bringing happiness to the cows and cowherds; (and I saw) the cowherd, delighted by the company of the women, playing the flute.
AI translation rendered from the Sanskrit, not a published edition
PdP 5 73.23
दृष्ट्वातिहृष्टो ह्यभवं सर्वभूषणभूषणम् । ततो मामाह भगवान्वृंदावनचरः स्वयम्
dṛṣṭvātihṛṣṭo hyabhavaṃ sarvabhūṣaṇabhūṣaṇam | tato māmāha bhagavānvṛṃdāvanacaraḥ svayam
Seeing (him), the ornament of all ornaments, I became exceedingly joyful. Then the Lord himself, who roams in Vṛndāvana, said to me:
AI translation rendered from the Sanskrit, not a published edition
PdP 5 73.24
यदिदं मे त्वया दृष्टं रूपं दिव्यं सनातनम् । निष्कलं निष्क्रियं शांतं सच्चिदानंदविग्रहम्
yadidaṃ me tvayā dṛṣṭaṃ rūpaṃ divyaṃ sanātanam | niṣkalaṃ niṣkriyaṃ śāṃtaṃ saccidānaṃdavigraham
"This divine, eternal form of mine which you have seen — partless, actionless, at peace, having being, consciousness and bliss for its body,
AI translation rendered from the Sanskrit, not a published edition
PdP 5 73.25
पूर्णं पद्मपलाशाक्षं नातः परतरं मम । इदमेववदंत्येतेवेदाःकारणकारणम्
pūrṇaṃ padmapalāśākṣaṃ nātaḥ parataraṃ mama | idamevavadaṃtyetevedāḥkāraṇakāraṇam
full, with eyes like lotus petals — there is nothing higher than this for me. This very (form) these Vedas call the cause of causes,
AI translation rendered from the Sanskrit, not a published edition
PdP 5 73.26
सत्यंनित्यंपरानंदंचिद्घनंशाश्वतंशिवम् । नित्यां मे मथुरां विद्धि वनं वृंदावनं तथा
satyaṃnityaṃparānaṃdaṃcidghanaṃśāśvataṃśivam | nityāṃ me mathurāṃ viddhi vanaṃ vṛṃdāvanaṃ tathā
true, eternal, supreme bliss, dense consciousness, everlasting, auspicious. Know my Mathurā to be eternal, and likewise the Vṛndāvana forest,
AI translation rendered from the Sanskrit, not a published edition
PdP 5 73.27
यमुनां गोपकन्याश्च तथा गोपालबालकाः । ममावतारो नित्योऽयमत्र मा संशयं कृथाः
yamunāṃ gopakanyāśca tathā gopālabālakāḥ | mamāvatāro nityo'yamatra mā saṃśayaṃ kṛthāḥ
and the Yamunā, and the cowherd girls, and likewise the cowherd boys. This descent of mine here is eternal — have no doubt of it.
AI translation rendered from the Sanskrit, not a published edition
PdP 5 73.28
ममेष्टा हि सदा राधा सर्वज्ञोऽहं परात्परः । सर्वकामश्च सर्वेशः सर्वानंदः परात्परः
mameṣṭā hi sadā rādhā sarvajño'haṃ parātparaḥ | sarvakāmaśca sarveśaḥ sarvānaṃdaḥ parātparaḥ
Rādhā is indeed always dear to me; I am all-knowing, higher than the highest, all-desired, lord of all, all-bliss, higher than the highest.
AI translation rendered from the Sanskrit, not a published edition
PdP 5 73.29
मयि सर्वमिदं विश्वं भाति मायाविजृंभितम् । ततोऽहमब्रुवं देवं जगत्कारणकारणम्
mayi sarvamidaṃ viśvaṃ bhāti māyāvijṛṃbhitam | tato'hamabruvaṃ devaṃ jagatkāraṇakāraṇam
In me all this universe shines forth, spread out by māyā." Then I spoke to the god, the cause of the cause of the world:
AI translation rendered from the Sanskrit, not a published edition
PdP 5 73.30
काश्च गोप्यस्तु के गोपा वृक्षोऽयं कीदृशो मतः । वनं किं कोकिलाद्याश्च नदी केयं गिरिश्च कः
kāśca gopyastu ke gopā vṛkṣo'yaṃ kīdṛśo mataḥ | vanaṃ kiṃ kokilādyāśca nadī keyaṃ giriśca kaḥ
"Who are the cowherd women, who the cowherds? What sort of tree is this held to be? What is the forest, and the cuckoos and the rest? Who is this river, and who the mountain?
AI translation rendered from the Sanskrit, not a published edition
PdP 5 73.31
कोऽसौ वेणुर्महाभागो लोकानंदैकभाजनम् । भगवानाह मां प्रीतः प्रसन्नवदनांबुजः
ko'sau veṇurmahābhāgo lokānaṃdaikabhājanam | bhagavānāha māṃ prītaḥ prasannavadanāṃbujaḥ
Who is that greatly fortunate flute, the one vessel of the world's bliss?" The Lord, pleased, his lotus face serene, said to me:
AI translation rendered from the Sanskrit, not a published edition
PdP 5 73.32
गोप्यस्तु श्रुतयो ज्ञेया ऋचो वै गोपकन्यकाः । देवकन्याश्च राजेंद्र तपोयुक्ता मुमुक्षवः
gopyastu śrutayo jñeyā ṛco vai gopakanyakāḥ | devakanyāśca rājeṃdra tapoyuktā mumukṣavaḥ
"The cowherd women are to be known as the Śrutis; the cowherd girls, indeed, are the Ṛc verses — and daughters of the gods, O king of kings, engaged in austerity, seeking release.
AI translation rendered from the Sanskrit, not a published edition
PdP 5 73.33
गोपाला मुनयः सर्वे वैकुंठानंदमूर्त्तयः । कल्पवृक्षः कदंबोऽयं परानंदैकभाजनम्
gopālā munayaḥ sarve vaikuṃṭhānaṃdamūrttayaḥ | kalpavṛkṣaḥ kadaṃbo'yaṃ parānaṃdaikabhājanam
The cowherds are all the sages, whose forms are the bliss of Vaikuṇṭha. This kadamba is the wish-granting tree, the one vessel of supreme bliss.
AI translation rendered from the Sanskrit, not a published edition
PdP 5 73.34
वनमानंदकाख्यं हि महापातकनाशनम् । सिद्धाश्च साध्या गंधर्वाः कोकिलाद्या न संशयः
vanamānaṃdakākhyaṃ hi mahāpātakanāśanam | siddhāśca sādhyā gaṃdharvāḥ kokilādyā na saṃśayaḥ
The forest is indeed the one called 'bliss-giving,' destroyer of great sins. The cuckoos and the rest are the Siddhas, Sādhyas and Gandharvas — there is no doubt.
AI translation rendered from the Sanskrit, not a published edition
PdP 5 73.35
केचिदानंदहृदयं साक्षाद्यमुनया तनुम् । अनादिर्हरिदासोऽयं भूधरो नात्र संशयः
kecidānaṃdahṛdayaṃ sākṣādyamunayā tanum | anādirharidāso'yaṃ bhūdharo nātra saṃśayaḥ
Some (call it?) the heart of bliss, the very body (manifest) as the Yamunā. This beginningless one is Haridāsa, the bearer of the earth — no doubt of it here.
AI translation rendered from the Sanskrit, not a published edition — the model flagged this verse as uncertain
PdP 5 73.36
वेणुर्यः शृणुतं विप्रं तवापि विदितं तथा । द्विज आसीच्छांतमनास्तपः शांतिपरायणः
veṇuryaḥ śṛṇutaṃ vipraṃ tavāpi viditaṃ tathā | dvija āsīcchāṃtamanāstapaḥ śāṃtiparāyaṇaḥ
As for who the flute is — listen, brahmin; it is known to you as well. There was a twice-born of calm mind, devoted to austerity and to peace,
AI translation rendered from the Sanskrit, not a published edition — the model flagged this verse as uncertain
PdP 5 73.37
नाम्ना देवव्रतोदांतः कर्मकांडविशारदः । स वैष्णवजनव्रातमध्यवर्त्ती क्रियापरः
nāmnā devavratodāṃtaḥ karmakāṃḍaviśāradaḥ | sa vaiṣṇavajanavrātamadhyavarttī kriyāparaḥ
By name Devavrata, self-restrained, expert in the ritual section (of the Veda); he moved in the midst of the company of Vaiṣṇava folk, devoted to rites.
AI translation rendered from the Sanskrit, not a published edition
PdP 5 73.38
स कदाचन शुश्राव यज्ञेशोऽस्तीति भूपते । तस्य गेहमथाभ्यागाद्द्विजो मद्गतनिश्चयः
sa kadācana śuśrāva yajñeśo'stīti bhūpate | tasya gehamathābhyāgāddvijo madgataniścayaḥ
Once, O lord of the earth, he heard that there was (a man named) Yajñeśa; then the brahmin, whose resolve was fixed on me, came to his house.
AI translation rendered from the Sanskrit, not a published edition
PdP 5 73.39
स मद्भक्तः क्वचित्पूजां तुलसीदलवारिणा । कृतवांस्तद्गृहे किंचित्फलं मूलं न्यवेदयत्
sa madbhaktaḥ kvacitpūjāṃ tulasīdalavāriṇā | kṛtavāṃstadgṛhe kiṃcitphalaṃ mūlaṃ nyavedayat
That devotee of mine performed, somewhere in that house, worship with tulasī leaves and water, and offered some fruit and root.
AI translation rendered from the Sanskrit, not a published edition
PdP 5 73.40
स्नानवारिफलं किंचित्तस्मै मत्या ददौ सुधीः । अश्रद्धया स्मितं कृत्वा सोऽप्यगृह्णाद्द्विजन्मनः
snānavāriphalaṃ kiṃcittasmai matyā dadau sudhīḥ | aśraddhayā smitaṃ kṛtvā so'pyagṛhṇāddvijanmanaḥ
The wise one gave him some of the bathing-water and fruit with reverent intent; but he, smiling without faith, nevertheless accepted (them) from the brahmin.
AI translation rendered from the Sanskrit, not a published edition
PdP 5 73.41
तेन पापेन संजातं वेणुत्वमतिदारुणम् । तेन पुण्येन तस्याथ मदीय प्रियतां गतः
tena pāpena saṃjātaṃ veṇutvamatidāruṇam | tena puṇyena tasyātha madīya priyatāṃ gataḥ
By that sin arose (for him) the exceedingly dreadful condition of being a bamboo; and by that merit of his he then attained dearness to me.
AI translation rendered from the Sanskrit, not a published edition
PdP 5 73.42
अमुना सोपि राजेंद्र केतुमानिव राजते । युगांते तद्विष्णुपरो भूत्वा ब्रह्म समाप्स्यति
amunā sopi rājeṃdra ketumāniva rājate | yugāṃte tadviṣṇuparo bhūtvā brahma samāpsyati
By that, O foremost of kings, he too shines like a comet; and at the end of the yuga, becoming devoted to Viṣṇu, he will attain brahman.
AI translation rendered from the Sanskrit, not a published edition — the model flagged this verse as uncertain
PdP 5 73.43
अहो न जानंति नरा दुराशयाः पुरीं मदीयां परमां सनातनीम् । सुरेंद्र नागेंद्र मुनींद्र संस्तुतां मनोरमां तां मथुरां पुरातनीम्
aho na jānaṃti narā durāśayāḥ purīṃ madīyāṃ paramāṃ sanātanīm | sureṃdra nāgeṃdra munīṃdra saṃstutāṃ manoramāṃ tāṃ mathurāṃ purātanīm
Alas, men of evil intent do not know my supreme, eternal city — that delightful, ancient Mathurā, praised by the chief of gods, the chief of serpents, and the chief of sages.
AI translation rendered from the Sanskrit, not a published edition
PdP 5 73.44
काश्यादयो यद्यपि संति पुर्यस्तासां तु मध्ये मथुरैव धन्या । यज्जन्ममौंजीव्रतमृत्युदाहैर्नृणां चतुर्द्धा विदधाति मुक्तिम्
kāśyādayo yadyapi saṃti puryastāsāṃ tu madhye mathuraiva dhanyā | yajjanmamauṃjīvratamṛtyudāhairnṛṇāṃ caturddhā vidadhāti muktim
Although there are cities such as Kāśī, among them Mathurā alone is blessed, since by birth, by the mauñjī vow (initiation), by death, and by cremation (there) she grants men liberation in four ways.
AI translation rendered from the Sanskrit, not a published edition
PdP 5 73.45
यदा विशुद्धास्तपआदिना जनाः शुभाशया ध्यानधना निरंतरम् । तदैव पश्यंति ममोत्तमां पुरीं न चान्यथा कल्पशतैर्द्विजोत्तमाः
yadā viśuddhāstapaādinā janāḥ śubhāśayā dhyānadhanā niraṃtaram | tadaiva paśyaṃti mamottamāṃ purīṃ na cānyathā kalpaśatairdvijottamāḥ
Only when people are purified by austerity and the rest, of auspicious intent, having meditation as their wealth continuously — only then do they see my highest city, and not otherwise, O best of brahmins, even in a hundred kalpas.
AI translation rendered from the Sanskrit, not a published edition
PdP 5 73.46
मथुरावासिनो धन्या मान्या अपि दिवौकसाम् । अगण्यमहिमानस्ते सर्व एव चतुर्भुजाः
mathurāvāsino dhanyā mānyā api divaukasām | agaṇyamahimānaste sarva eva caturbhujāḥ
The dwellers in Mathurā are blessed, honoured even by the dwellers in heaven; their greatness is beyond counting, and all of them indeed are four-armed.
AI translation rendered from the Sanskrit, not a published edition
PdP 5 73.47
मथुरावासिनो ये तु दोषान्पश्यंति मानवाः । तेषु दोषं न पश्यंति जन्ममृत्युसहस्रजम्
mathurāvāsino ye tu doṣānpaśyaṃti mānavāḥ | teṣu doṣaṃ na paśyaṃti janmamṛtyusahasrajam
But those men who see faults in the dwellers of Mathurā — they do not see the fault (i.e. the flaw of rebirth) in them, (though it) is born of a thousand births and deaths.
AI translation rendered from the Sanskrit, not a published edition — the model flagged this verse as uncertain
PdP 5 73.48
अधना अपि ते धन्या मथुरां ये स्मरंति ते । यत्र भूतेश्वरो देवो मोक्षदः पापिनामपि
adhanā api te dhanyā mathurāṃ ye smaraṃti te | yatra bhūteśvaro devo mokṣadaḥ pāpināmapi
Even though without wealth, those are blessed who remember Mathurā, where the god Bhūteśvara, the giver of liberation even to sinners, (dwells).
AI translation rendered from the Sanskrit, not a published edition
PdP 5 73.49
मम प्रियतमो नित्यं देवो भूतेश्वरः परः । यः कदापि मम प्रीत्यै न संत्यजति तां पुरीम्
mama priyatamo nityaṃ devo bhūteśvaraḥ paraḥ | yaḥ kadāpi mama prītyai na saṃtyajati tāṃ purīm
The supreme god Bhūteśvara is ever most dear to me, who for love of me never at any time abandons that city.
AI translation rendered from the Sanskrit, not a published edition
PdP 5 73.50
भूतेश्वरं यो न नमेन्न पूजयेन्न वास्मरेद्दुश्चरितो मनुष्यः । नैनां स पश्येन्मथुरां मदीयां स्वयंप्रकाशां परदेवताख्याम्
bhūteśvaraṃ yo na namenna pūjayenna vāsmaredduścarito manuṣyaḥ | naināṃ sa paśyenmathurāṃ madīyāṃ svayaṃprakāśāṃ paradevatākhyām
The ill-behaved man who does not bow to Bhūteśvara, nor worship, nor remember him — he shall not see this my Mathurā, self-luminous, named after the supreme deity.
AI translation rendered from the Sanskrit, not a published edition
PdP 5 73.51
न कथं मयि भक्तिं स लभते पापपूरुषः । यो मदीयं परं भक्तं शिवं संपूजयेन्नहि
na kathaṃ mayi bhaktiṃ sa labhate pāpapūruṣaḥ | yo madīyaṃ paraṃ bhaktaṃ śivaṃ saṃpūjayennahi
In no way does that sinful man obtain devotion to me, who does not duly worship Śiva, my supreme devotee.
AI translation rendered from the Sanskrit, not a published edition
PdP 5 73.52
मन्मायामोहितधियः प्रायस्ते मानवाधमाः । भूतेश्वरं न नमंति न स्मरंति स्तुवंति ये
manmāyāmohitadhiyaḥ prāyaste mānavādhamāḥ | bhūteśvaraṃ na namaṃti na smaraṃti stuvaṃti ye
Those lowest of men whose minds are deluded by my māyā are, for the most part, the ones who do not bow to Bhūteśvara, do not remember him, do not praise him.
AI translation rendered from the Sanskrit, not a published edition
PdP 5 73.53
बालकोऽपि ध्रुवो यत्र ममाराधनतत्परः । प्राप स्थानं परं शुद्धं यत्नयुक्तं पितामहैः
bālako'pi dhruvo yatra mamārādhanatatparaḥ | prāpa sthānaṃ paraṃ śuddhaṃ yatnayuktaṃ pitāmahaiḥ
Where even the boy Dhruva, intent upon worshipping me, attained the supreme pure station, striven for by his forefathers.
AI translation rendered from the Sanskrit, not a published edition
PdP 5 73.54
तां पुरीं प्राप्य मथुरां मदीयां सुरदुर्लभाम् । खंजो भूत्वांधको वापि प्राणानेव परित्यजेत्
tāṃ purīṃ prāpya mathurāṃ madīyāṃ suradurlabhām | khaṃjo bhūtvāṃdhako vāpi prāṇāneva parityajet
Having reached that city of mine, Mathurā, hard for the gods to obtain, one should give up his very life, even becoming lame or blind (rather than leave).
AI translation rendered from the Sanskrit, not a published edition
PdP 5 73.55
वेदव्यासमहाभाग मा कृथाः संशयं क्वचित् । रहस्यं वेदशिरसां यन्मया ते प्रकाशितम्
vedavyāsamahābhāga mā kṛthāḥ saṃśayaṃ kvacit | rahasyaṃ vedaśirasāṃ yanmayā te prakāśitam
O Vedavyāsa, greatly fortunate one, do not entertain doubt anywhere: it is the secret of the crowns of the Vedas (the Upaniṣads) that has been revealed by me to you.
AI translation rendered from the Sanskrit, not a published edition
PdP 5 73.56
इमं भगवता प्रोक्तमध्यायं यः पठेच्छुचिः । शृणुयाद्वापि यो भक्त्या मुक्तिस्तस्यापि शाश्वती
imaṃ bhagavatā proktamadhyāyaṃ yaḥ paṭhecchuciḥ | śṛṇuyādvāpi yo bhaktyā muktistasyāpi śāśvatī
Whoever, being pure, recites this chapter spoken by the Blessed One, or whoever hears it with devotion — for him too liberation is everlasting.
AI translation rendered from the Sanskrit, not a published edition