Padma Purana — Patala Khanda — Chapter 7
PdP 5 7.1
अगस्त्य उवाच। अथोग्रं स तपो दैत्यो दशवर्षसहस्रकम् । चकार भानुमक्ष्णा च पश्यन्नूर्ध्वपदे स्थितः
agastya uvāca| athograṃ sa tapo daityo daśavarṣasahasrakam | cakāra bhānumakṣṇā ca paśyannūrdhvapade sthitaḥ
Agastya said: Then that daitya performed fierce austerity for ten thousand years, gazing at the sun with his eye, standing with his feet raised up.
AI translation rendered from the Sanskrit, not a published edition
PdP 5 7.2
कुंभकर्णोऽपि कृतवांस्तपः परमदुश्चरम् । विभीषणस्तु धर्मात्मा चचार परमं तपः
kuṃbhakarṇo'pi kṛtavāṃstapaḥ paramaduścaram | vibhīṣaṇastu dharmātmā cacāra paramaṃ tapaḥ
Kumbhakarṇa too performed austerity extremely hard to carry out; and Vibhīṣaṇa, righteous of soul, practised the highest austerity.
AI translation rendered from the Sanskrit, not a published edition
PdP 5 7.3
तदा प्रसन्नो भगवान्देवदेवः प्रजापतिः । देवदानवयक्षादि मुकुटैः परिसेवितः
tadā prasanno bhagavāndevadevaḥ prajāpatiḥ | devadānavayakṣādi mukuṭaiḥ parisevitaḥ
Then the blessed Prajāpati, god of gods, was pleased — he who is waited upon by the crowns of gods, dānavas, yakṣas and the rest —
AI translation rendered from the Sanskrit, not a published edition
PdP 5 7.4
ददौ राज्यं च सुमहद्भुवनत्रयभास्वरम् । वपुश्च कृतवान्रम्यं देवदानवसेवितम्
dadau rājyaṃ ca sumahadbhuvanatrayabhāsvaram | vapuśca kṛtavānramyaṃ devadānavasevitam
and he gave (him) a very great kingdom, resplendent over the three worlds, and made his body lovely, attended by gods and dānavas.
AI translation rendered from the Sanskrit, not a published edition
PdP 5 7.5
तदा संतापितो भ्राता धनदो धर्मबुद्धिमान् । विमानं तु ततो नीतं लंका च नगरी हठात्
tadā saṃtāpito bhrātā dhanado dharmabuddhimān | vimānaṃ tu tato nītaṃ laṃkā ca nagarī haṭhāt
Then his brother Kubera, of righteous mind, was made to suffer: the flying chariot was taken from him, and the city of Laṅkā too, by force.
AI translation rendered from the Sanskrit, not a published edition
PdP 5 7.6
भुवनं तापितं सर्वं देवाश्चैव दिवो गताः । हतवान्ब्राह्मणकुलं मुनीनां मूलकृंतनः
bhuvanaṃ tāpitaṃ sarvaṃ devāścaiva divo gatāḥ | hatavānbrāhmaṇakulaṃ munīnāṃ mūlakṛṃtanaḥ
The whole world was tormented, and the gods went off to heaven; he slew the families of brahmins, cutting away the sages at the root.
AI translation rendered from the Sanskrit, not a published edition
PdP 5 7.7
तदातिदुःखिता देवाः सेंद्रा ब्रह्माणमाययुः । स्तुतिं चक्रुर्महात्मानो दंडवत्प्रणतिं गताः
tadātiduḥkhitā devāḥ seṃdrā brahmāṇamāyayuḥ | stutiṃ cakrurmahātmāno daṃḍavatpraṇatiṃ gatāḥ
Then the gods, deeply distressed, came with Indra to Brahmā; those great-souled ones offered praise and made obeisance, prostrate like a staff.
AI translation rendered from the Sanskrit, not a published edition
PdP 5 7.8
ते तुष्टुवुः सुराः सर्वे वाग्भिरर्थ्याभिरादृताः । ततः प्रसन्नो भगवान्किंकरोमीति चाब्रवीत्
te tuṣṭuvuḥ surāḥ sarve vāgbhirarthyābhirādṛtāḥ | tataḥ prasanno bhagavānkiṃkaromīti cābravīt
All those gods praised him with fitting words, held in honour; then the Blessed One, well pleased, said, "What shall I do?"
AI translation rendered from the Sanskrit, not a published edition
PdP 5 7.9
ततो निवेदयांचक्रुर्ब्रह्मणे विबुधाः पुरः । दशग्रीवाच्च संकष्टं तथा निजपराभवम्
tato nivedayāṃcakrurbrahmaṇe vibudhāḥ puraḥ | daśagrīvācca saṃkaṣṭaṃ tathā nijaparābhavam
Then the gods made known before Brahmā the great distress caused by the ten-necked one, and their own defeat.
AI translation rendered from the Sanskrit, not a published edition
PdP 5 7.10
क्षणं ध्यात्वा ययौ ब्रह्मा कैलासं त्रिदशैः सह । तस्य शैलस्य पार्श्वे तु वैचित्र्येण समाकुलाः
kṣaṇaṃ dhyātvā yayau brahmā kailāsaṃ tridaśaiḥ saha | tasya śailasya pārśve tu vaicitryeṇa samākulāḥ
Having pondered a moment, Brahmā went to Kailāsa together with the thirty (gods); and at the side of that mountain, bewildered by (its) marvellous variety,
AI translation rendered from the Sanskrit, not a published edition
PdP 5 7.11
स्थिताः संतुष्टुवुर्देवाः शंभुं शक्रपुरोगमाः । नमो भवाय शर्वाय नीलग्रीवाय ते नमः
sthitāḥ saṃtuṣṭuvurdevāḥ śaṃbhuṃ śakrapurogamāḥ | namo bhavāya śarvāya nīlagrīvāya te namaḥ
the gods, led by Śakra, stood and praised Śambhu: "Homage to Bhava, to Śarva; homage to you, the blue-throated one!
AI translation rendered from the Sanskrit, not a published edition
PdP 5 7.12
नमः स्थूलाय सूक्ष्माय बहुरूपाय ते नमः । इति सर्वमुखेनोक्तां वाणीमाकर्ण्य शंकरः
namaḥ sthūlāya sūkṣmāya bahurūpāya te namaḥ | iti sarvamukhenoktāṃ vāṇīmākarṇya śaṃkaraḥ
Homage to the gross, to the subtle; homage to you of many forms!" — hearing this speech uttered with one voice (by all their mouths), Śaṃkara
AI translation rendered from the Sanskrit, not a published edition
PdP 5 7.13
प्रोवाच नंदिनं देवा नानयेति ममांतिकम् । एतस्मिन्नंतरे देवा आहूता नंदिना च ते
provāca naṃdinaṃ devā nānayeti mamāṃtikam | etasminnaṃtare devā āhūtā naṃdinā ca te
said to Nandin: "Bring the gods here into my presence." Meanwhile those gods, summoned by Nandin,
AI translation rendered from the Sanskrit, not a published edition
PdP 5 7.14
प्रविश्यांतःपुरे देवा ददृशुर्विस्मितेक्षणाः । ब्रह्मागत्य ददर्शाथ शंकरं लोकशंकरम्
praviśyāṃtaḥpure devā dadṛśurvismitekṣaṇāḥ | brahmāgatya dadarśātha śaṃkaraṃ lokaśaṃkaram
having entered the inner chambers, the gods looked on with astonished eyes; and Brahmā, coming up, saw Śaṃkara, the benefactor of the world,
AI translation rendered from the Sanskrit, not a published edition
PdP 5 7.15
गणकोटिसहस्रैस्तु सेवितं मोदशालिभिः । नग्नैर्विरूपैः कुटिलैर्धूसरैर्विकटैस्तथा
gaṇakoṭisahasraistu sevitaṃ modaśālibhiḥ | nagnairvirūpaiḥ kuṭilairdhūsarairvikaṭaistathā
attended by thousands of crores of attendants abounding in delight — naked, misshapen, crooked, dust-grey, and hideous.
AI translation rendered from the Sanskrit, not a published edition
PdP 5 7.16
प्रणिपत्याग्रतः स्थित्वा सह देवैः पितामहः । उवाच देवदेवेशं पश्यावस्थां दिवौकसाम्
praṇipatyāgrataḥ sthitvā saha devaiḥ pitāmahaḥ | uvāca devadeveśaṃ paśyāvasthāṃ divaukasām
Having bowed down and stood before (him), the Grandfather together with the gods spoke to the Lord of the gods of gods: "Look at the state of the dwellers in heaven.
AI translation rendered from the Sanskrit, not a published edition
PdP 5 7.17
कृपां कुरु महादेव शरणागतवत्सल । दुष्टदैत्यवधार्थं त्वं समुद्योगं विधेहि भोः
kṛpāṃ kuru mahādeva śaraṇāgatavatsala | duṣṭadaityavadhārthaṃ tvaṃ samudyogaṃ vidhehi bhoḥ
Show mercy, Mahādeva, you who are tender to those who come for refuge! Sir, make an effort for the killing of the wicked demon!"
AI translation rendered from the Sanskrit, not a published edition
PdP 5 7.18
सोऽपि तद्वचनं श्रुत्वा दैन्यशोकसमन्वितम् । त्रिदशैः सहितैः सर्वैराजगाम हरेः पदम्
so'pi tadvacanaṃ śrutvā dainyaśokasamanvitam | tridaśaiḥ sahitaiḥ sarvairājagāma hareḥ padam
He too, having heard that speech filled with wretchedness and grief, went with all the thirty gods together to the abode of Hari.
AI translation rendered from the Sanskrit, not a published edition
PdP 5 7.19
तुष्टुवुर्मुनयः सर्वे ससुरोरगकिन्नराः । जय माधव देवेश जय भक्तजनार्तिहन्
tuṣṭuvurmunayaḥ sarve sasuroragakinnarāḥ | jaya mādhava deveśa jaya bhaktajanārtihan
All the sages, together with the gods, serpents and kinnaras, praised (him): "Victory, Mādhava, lord of gods! Victory, destroyer of the affliction of devoted people!
AI translation rendered from the Sanskrit, not a published edition
PdP 5 7.20
विलोकय महादेव लोकयस्व स्वसेवकान् । इत्युच्चैर्जगदुः सर्वे देवाः शर्वपुरोगमाः
vilokaya mahādeva lokayasva svasevakān | ityuccairjagaduḥ sarve devāḥ śarvapurogamāḥ
Look upon (us), Mahādeva; behold your own servants!" — thus all the gods, led by Śarva, spoke aloud.
AI translation rendered from the Sanskrit, not a published edition
PdP 5 7.21
इत्युक्तमाकर्ण्य सुराधिनाथो दृष्ट्वा सुरार्तिं परिचिंत्य विष्णुः । जगाद देवाञ्जलदोच्चया गिरा दुःखं तु तेषां प्रशमं नयन्निव
ityuktamākarṇya surādhinātho dṛṣṭvā surārtiṃ pariciṃtya viṣṇuḥ | jagāda devāñjaladoccayā girā duḥkhaṃ tu teṣāṃ praśamaṃ nayanniva
Hearing what was thus said, Viṣṇu, the supreme lord of the gods, seeing the gods' distress and reflecting (on it), spoke to the gods in a voice like a mass of rain-clouds, as if bringing their sorrow to an end:
AI translation rendered from the Sanskrit, not a published edition
PdP 5 7.22
भो ब्रह्मशर्वेंद्र पुरोगमामराः शृण्वंतु वाचं भवतां हितेरताम् । जाने दशग्रीवकृतं भयं वस्तन्नाशयाम्यद्य कृतावतारः
bho brahmaśarveṃdra purogamāmarāḥ śṛṇvaṃtu vācaṃ bhavatāṃ hiteratām | jāne daśagrīvakṛtaṃ bhayaṃ vastannāśayāmyadya kṛtāvatāraḥ
"Ho, Brahmā, Śarva, Indra, and you immortals led (by them), hear a speech intent on your welfare. I know the fear produced in you by the ten-necked one; that I shall destroy today, having made an incarnation.
AI translation rendered from the Sanskrit, not a published edition
PdP 5 7.23
पुरी त्वयोध्या रविवंशजातैर्नृपैर्महादानमखादिसत्क्रियैः । प्रपालिता भूतलमंडनीया विराजते राजतभूमिभागैः
purī tvayodhyā ravivaṃśajātairnṛpairmahādānamakhādisatkriyaiḥ | prapālitā bhūtalamaṃḍanīyā virājate rājatabhūmibhāgaiḥ
And the city Ayodhyā, protected by kings born in the solar line through great gifts, sacrifices and other good works, an ornament of the earth's surface, shines with its silvery stretches of ground.
AI translation rendered from the Sanskrit, not a published edition
PdP 5 7.24
तस्यां दशरथो राजा निरपत्यः श्रियान्वितः । पालयत्यधुना राज्यं दिक्चक्रजयवान्विभुः
tasyāṃ daśaratho rājā nirapatyaḥ śriyānvitaḥ | pālayatyadhunā rājyaṃ dikcakrajayavānvibhuḥ
There king Daśaratha, childless (but) endowed with prosperity, now rules the kingdom, a mighty lord possessing victory over the circle of the directions.
AI translation rendered from the Sanskrit, not a published edition
PdP 5 7.25
स तु वंद्यादृष्यशृंगात्प्रार्थितात्पुत्रकाम्यया । पुत्रेष्ट्यां विधिना यज्वा महाबलसमन्वितः
sa tu vaṃdyādṛṣyaśṛṃgātprārthitātputrakāmyayā | putreṣṭyāṃ vidhinā yajvā mahābalasamanvitaḥ
And he, out of desire for a son, having entreated the venerable Ṛṣyaśṛṅga, is a sacrificer in the putra-iṣṭi (son-producing rite) according to the rule, and is endowed with great strength.
AI translation rendered from the Sanskrit, not a published edition — the model flagged this verse as uncertain
PdP 5 7.26
ततोऽहं प्रार्थितः पूर्वं तपसा तेन भोः सुराः । पत्नीषु तिसृषु प्रीत्या चतुर्धापि भवत्कृते
tato'haṃ prārthitaḥ pūrvaṃ tapasā tena bhoḥ surāḥ | patnīṣu tisṛṣu prītyā caturdhāpi bhavatkṛte
Then, O gods, I was formerly entreated by him with (his) austerity; out of favour, for your sake, (I shall be born) fourfold in his three wives,
AI translation rendered from the Sanskrit, not a published edition — the model flagged this verse as uncertain
PdP 5 7.27
राम लक्ष्मण शत्रुघ्न भरताख्या समन्वितः । कर्तास्मि रावणोद्धारं समूल बलवाहनम्
rāma lakṣmaṇa śatrughna bharatākhyā samanvitaḥ | kartāsmi rāvaṇoddhāraṃ samūla balavāhanam
bearing the names Rāma, Lakṣmaṇa, Śatrughna and Bharata. I shall bring about the uprooting of Rāvaṇa, root and all, with his forces and mounts.
AI translation rendered from the Sanskrit, not a published edition
PdP 5 7.28
भवंतोऽपि स्वकैरंशैरवतीर्य चरंत्विह । ऋक्षवानररूपेण सर्वत्र पृथिवीतले
bhavaṃto'pi svakairaṃśairavatīrya caraṃtviha | ṛkṣavānararūpeṇa sarvatra pṛthivītale
You too, descending with your own portions, should move about here everywhere on the earth's surface in the form of bears and monkeys."
AI translation rendered from the Sanskrit, not a published edition
PdP 5 7.29
इत्युक्त्वा विररामाशु नभसीरितवाङ्मुने । देवाः श्रुत्वा महद्वाक्यं सर्वे संहृष्टमानसाः
ityuktvā virarāmāśu nabhasīritavāṅmune | devāḥ śrutvā mahadvākyaṃ sarve saṃhṛṣṭamānasāḥ
Having said this, he whose speech was uttered in the sky at once fell silent, O sage; and the gods, hearing the great utterance, all with gladdened minds
AI translation rendered from the Sanskrit, not a published edition
PdP 5 7.30
ते चक्रुर्गदितं यादृग्देवदेवेन धीमता । स्वैःस्वैरंशैर्मही पूर्णा ऋक्षवानररूपिभिः
te cakrurgaditaṃ yādṛgdevadevena dhīmatā | svaiḥsvairaṃśairmahī pūrṇā ṛkṣavānararūpibhiḥ
They did just as had been said by the wise god of gods; the earth was filled with their own portions in the forms of bears and monkeys.
AI translation rendered from the Sanskrit, not a published edition
PdP 5 7.31
योऽसौ विष्णुर्महादेवो देवानां दुःखनाशकः । सत्वमेव महाराज भगवान्कृतविग्रहः
yo'sau viṣṇurmahādevo devānāṃ duḥkhanāśakaḥ | satvameva mahārāja bhagavānkṛtavigrahaḥ
That Viṣṇu, the great god, the destroyer of the gods' suffering — you yourself, great king, are that Lord who has assumed a body.
AI translation rendered from the Sanskrit, not a published edition
PdP 5 7.32
भरतोऽयं लक्ष्मणश्च शत्रुघ्नश्च महामते । तावकांशाद्दशग्रीवो जनितश्च सुरार्द्दनः
bharato'yaṃ lakṣmaṇaśca śatrughnaśca mahāmate | tāvakāṃśāddaśagrīvo janitaśca surārddanaḥ
This Bharata, and Lakṣmaṇa, and Śatrughna, O greatly wise one; and from a portion of yourself the ten-necked one, the afflicter of the gods, was also generated.
AI translation rendered from the Sanskrit, not a published edition — the model flagged this verse as uncertain
PdP 5 7.33
पूर्ववैरानुबंधेन जानकीं हृतवान्पुनः । स त्वया निहतो दैत्यो ब्रह्मराक्षसजातिमान्
pūrvavairānubaṃdhena jānakīṃ hṛtavānpunaḥ | sa tvayā nihato daityo brahmarākṣasajātimān
Through the bond of a former enmity he again carried off Jānakī; that daitya, who had the nature of a brahma-rākṣasa, was slain by you.
AI translation rendered from the Sanskrit, not a published edition
PdP 5 7.34
पुलस्त्यपुत्रो दैत्येंद्र सर्वलोकैककंटकः । पातितः पृथिवी सर्वा सुखमापमहेश्वर
pulastyaputro daityeṃdra sarvalokaikakaṃṭakaḥ | pātitaḥ pṛthivī sarvā sukhamāpamaheśvara
The son of Pulastya, lord of daityas, the one thorn of all the worlds, has been struck down; the whole earth has attained happiness, O Maheśvara.
AI translation rendered from the Sanskrit, not a published edition
PdP 5 7.35
ब्राह्मणानां सुखं त्वद्य मुनीनां तापसं बलम् । शिवानि सर्वतीर्थानि सर्वे यज्ञाः सुसंहिताः
brāhmaṇānāṃ sukhaṃ tvadya munīnāṃ tāpasaṃ balam | śivāni sarvatīrthāni sarve yajñāḥ susaṃhitāḥ
Today there is happiness for the brahmins, and ascetic power for the sages; all the sacred fords are auspicious, all sacrifices are well conducted.
AI translation rendered from the Sanskrit, not a published edition
PdP 5 7.36
त्वयि राज्ञि जगत्सर्वं सदेवासुरमानुषम् । सुखं प्रपेदे विश्वात्मञ्जगद्योने नरोत्तम
tvayi rājñi jagatsarvaṃ sadevāsuramānuṣam | sukhaṃ prapede viśvātmañjagadyone narottama
With you as king the whole world, together with gods, asuras and men, has come to happiness, O Self of all, O womb of the world, O best of men.
AI translation rendered from the Sanskrit, not a published edition
PdP 5 7.37
एतत्ते सर्वमाख्यातं यत्पृष्टोऽहं त्वयानघ । उत्पत्तिश्च विपत्तिश्च मया मत्यनुसारतः
etatte sarvamākhyātaṃ yatpṛṣṭo'haṃ tvayānagha | utpattiśca vipattiśca mayā matyanusārataḥ
All this that you asked me, O sinless one, has been told to you — both the arising and the destruction — by me according to my understanding.
AI translation rendered from the Sanskrit, not a published edition
PdP 5 7.38
इत्थं निशम्य दितिजेंद्र कुलानुकारिवार्तां महापुरुष ईश्वरईशिता च । संरुद्धबाष्पगलदश्रुमुखारविंदो भूमौ पपात सदसि प्रथितप्रभावः
itthaṃ niśamya ditijeṃdra kulānukārivārtāṃ mahāpuruṣa īśvaraīśitā ca | saṃruddhabāṣpagaladaśrumukhāraviṃdo bhūmau papāta sadasi prathitaprabhāvaḥ
Having heard in this way, O lord of Diti's sons, the account of the doings of that lineage, the Great Person, the Lord and Ruler, his lotus-face wet with tears trickling from weeping held back, fell to the ground in the assembly, he whose power is renowned.
AI translation rendered from the Sanskrit, not a published edition — the model flagged this verse as uncertain