Padma Purana — Patala Khanda — Chapter 69
PdP 5 69.1
ऋषय ऊचुः - सम्यक्छ्रुतो महाभाग त्वत्तो रामाश्वमेधकः । इदानीं वद माहात्म्यं श्रीकृष्णस्य महात्मनः
ṛṣaya ūcuḥ - samyakchruto mahābhāga tvatto rāmāśvamedhakaḥ | idānīṃ vada māhātmyaṃ śrīkṛṣṇasya mahātmanaḥ
The sages said: The Rāma-aśvamedha has been fully heard from you, O greatly fortunate one. Now tell the greatness of the great-souled Śrī Kṛṣṇa.
AI translation rendered from the Sanskrit, not a published edition
PdP 5 69.2
सूत उवाच-। शृण्वंतु मुनिशार्दूलाः श्रीकृष्णचरितामृतम् । शिवा पप्रच्छ भूतेशं यत्तद्वः कीर्तयाम्यहम्
sūta uvāca-| śṛṇvaṃtu muniśārdūlāḥ śrīkṛṣṇacaritāmṛtam | śivā papraccha bhūteśaṃ yattadvaḥ kīrtayāmyaham
Sūta said: Listen, O tigers among sages, to the nectar of Śrī Kṛṣṇa's deeds. Śivā (Pārvatī) asked the Lord of beings; that I shall recount to you.
AI translation rendered from the Sanskrit, not a published edition
PdP 5 69.3
एकदा पार्वती देवी शिवं संस्निग्धमानसा । प्रणयेन नमस्कृत्य प्रोवाच वचनं त्विदम्
ekadā pārvatī devī śivaṃ saṃsnigdhamānasā | praṇayena namaskṛtya provāca vacanaṃ tvidam
Once the goddess Pārvatī, her mind full of affection, having bowed to Śiva with love, spoke these words.
AI translation rendered from the Sanskrit, not a published edition
PdP 5 69.4
पार्वत्युवाच-। अनंतकोटिब्रह्मांड तद्बाह्याभ्यंतरस्थितेः । विष्णोः स्थानं परं तेषां प्रधानं वरमुत्तमम्
pārvatyuvāca-| anaṃtakoṭibrahmāṃḍa tadbāhyābhyaṃtarasthiteḥ | viṣṇoḥ sthānaṃ paraṃ teṣāṃ pradhānaṃ varamuttamam
Pārvatī said: Of the endless millions of universes, and of what stands outside and inside them, Viṣṇu's abode is the highest — the chief among those, the most excellent and best.
AI translation rendered from the Sanskrit, not a published edition — the model flagged this verse as uncertain
PdP 5 69.5
यत्परं नास्ति कृष्णस्य प्रियं स्थानं मनोरमम् । तत्सर्वं श्रोतुमिच्छामि कथयस्व महाप्रभो
yatparaṃ nāsti kṛṣṇasya priyaṃ sthānaṃ manoramam | tatsarvaṃ śrotumicchāmi kathayasva mahāprabho
That delightful place dear to Kṛṣṇa, than which there is nothing higher — all that I wish to hear; tell it, O great Lord.
AI translation rendered from the Sanskrit, not a published edition
PdP 5 69.6
ईश्वर उवाच-। गुह्याद्गुह्यतरं गुह्यं परमानंदकारकम् । अत्यद्भुतं रहःस्थानमानंदं परमं परम्
īśvara uvāca-| guhyādguhyataraṃ guhyaṃ paramānaṃdakārakam | atyadbhutaṃ rahaḥsthānamānaṃdaṃ paramaṃ param
The Lord said: (It is) secret, more secret than the secret, productive of supreme bliss, most wonderful, a hidden place, blissful, higher than the highest.
AI translation rendered from the Sanskrit, not a published edition
PdP 5 69.7
दुर्लभानां च परमं दुर्लभं मोहनं परम् । सर्वशक्तिमयं देवि सर्वस्थानेषु गोपितम्
durlabhānāṃ ca paramaṃ durlabhaṃ mohanaṃ param | sarvaśaktimayaṃ devi sarvasthāneṣu gopitam
And of things hard to obtain it is supremely hard to obtain, supremely enchanting, made of all power, O goddess, kept hidden among all places.
AI translation rendered from the Sanskrit, not a published edition
PdP 5 69.8
सात्वतां स्थानमूर्द्धन्यं विष्णोरत्यंतदुर्लभम् । नित्यं वृंदावनं नाम ब्रह्मांडोपरि संस्थितम्
sātvatāṃ sthānamūrddhanyaṃ viṣṇoratyaṃtadurlabham | nityaṃ vṛṃdāvanaṃ nāma brahmāṃḍopari saṃsthitam
The foremost place of the Sātvatas, exceedingly hard to reach, Viṣṇu's own: the eternal (place) named Vṛndāvana, situated above the universe.
AI translation rendered from the Sanskrit, not a published edition
PdP 5 69.9
पूर्णब्रह्मसुखैश्वर्यं नित्यमानंदमव्ययम् । वैकुंठादि तदंशांशं स्वयं वृंदावनं भुवि
pūrṇabrahmasukhaiśvaryaṃ nityamānaṃdamavyayam | vaikuṃṭhādi tadaṃśāṃśaṃ svayaṃ vṛṃdāvanaṃ bhuvi
(It is) the full bliss and sovereignty of Brahman, eternal, blissful, imperishable; Vaikuṇṭha and the rest are a portion of a portion of it — Vṛndāvana itself is on the earth.
AI translation rendered from the Sanskrit, not a published edition
PdP 5 69.10
गोलोकैश्वर्यं यत्किंचिद्गोकुले तत्प्रतिष्ठितम् । वैकुंठवैभवं यद्वै द्वारिकायां प्रतिष्ठितम्
golokaiśvaryaṃ yatkiṃcidgokule tatpratiṣṭhitam | vaikuṃṭhavaibhavaṃ yadvai dvārikāyāṃ pratiṣṭhitam
Whatever sovereignty belongs to Goloka, that is established in Gokula; and the majesty that belongs to Vaikuṇṭha is established in Dvārakā.
AI translation rendered from the Sanskrit, not a published edition
PdP 5 69.11
यद्ब्रह्मपरमैश्वर्यं नित्यं वृंदावनाश्रयम् । कृष्णधामपरं तेषां वनमध्ये विशेषतः
yadbrahmaparamaiśvaryaṃ nityaṃ vṛṃdāvanāśrayam | kṛṣṇadhāmaparaṃ teṣāṃ vanamadhye viśeṣataḥ
That supreme sovereignty of Brahman which is eternally based in Vṛndāvana — the highest abode of Kṛṣṇa among those (places) is, particularly, in the midst of the forest.
AI translation rendered from the Sanskrit, not a published edition
PdP 5 69.12
तस्मात्त्रैलोक्यमध्ये तु पृथ्वी धन्येति विश्रुता । यस्मान्माथुरकं नाम विष्णोरेकांतवल्लभम्
tasmāttrailokyamadhye tu pṛthvī dhanyeti viśrutā | yasmānmāthurakaṃ nāma viṣṇorekāṃtavallabham
Therefore, within the three worlds, the earth is renowned as blessed, since (upon it is) that which is named Māthura, exclusively dear to Viṣṇu,
AI translation rendered from the Sanskrit, not a published edition
PdP 5 69.13
स्वस्थानमधिकं नामधेयं माथुरमंडलम् । निगूढं विविधं स्थानं पुर्यभ्यंतरसंस्थितम्
svasthānamadhikaṃ nāmadheyaṃ māthuramaṃḍalam | nigūḍhaṃ vividhaṃ sthānaṃ puryabhyaṃtarasaṃsthitam
the Mathurā region, named as (Viṣṇu's) own place and superior (to all). Manifold is the hidden place situated within the city.
AI translation rendered from the Sanskrit, not a published edition — the model flagged this verse as uncertain
PdP 5 69.14
सहस्रपत्रकमलाकारं माथुरमंडलम् । विष्णुचक्रपरिभ्रामाद्धाम वैष्णवमद्भुतम्
sahasrapatrakamalākāraṃ māthuramaṃḍalam | viṣṇucakraparibhrāmāddhāma vaiṣṇavamadbhutam
The Mathurā region has the form of a thousand-petalled lotus; from the whirling of Viṣṇu's discus (it became) a wondrous Vaiṣṇava abode.
AI translation rendered from the Sanskrit, not a published edition — the model flagged this verse as uncertain
PdP 5 69.15
कर्णिकापर्णविस्तारं रहस्यद्रुममीरितम् । प्रधानं द्वादशारण्यं माहात्म्यं कथितं क्रमात्
karṇikāparṇavistāraṃ rahasyadrumamīritam | pradhānaṃ dvādaśāraṇyaṃ māhātmyaṃ kathitaṃ kramāt
The expanse of its pericarp and petals is declared (to be) the tree of mystery; the chief twelve forests, their greatness, has been told in order.
AI translation rendered from the Sanskrit, not a published edition — the model flagged this verse as uncertain
PdP 5 69.16
भद्र श्री लोह भांडीर महाताल खदीरकाः । बकुलं कुमुदं काम्यं मधु वृंदावनं तथा
bhadra śrī loha bhāṃḍīra mahātāla khadīrakāḥ | bakulaṃ kumudaṃ kāmyaṃ madhu vṛṃdāvanaṃ tathā
Bhadra, Śrī, Loha, Bhāṇḍīra, Mahātāla, Khadīraka, Bakula, Kumuda, Kāmya, Madhu, and Vṛndāvana —
AI translation rendered from the Sanskrit, not a published edition
PdP 5 69.17
द्वादशैतावती संख्या कालिंद्याः सप्त पश्चिमे । पूर्वे पंचवनं प्रोक्तं तत्रास्ति गुह्यमुत्तमम्
dvādaśaitāvatī saṃkhyā kāliṃdyāḥ sapta paścime | pūrve paṃcavanaṃ proktaṃ tatrāsti guhyamuttamam
Twelve is this number (of forests); seven (are) to the west of the Kālindī, and to the east the five-forest (group) is declared — there is the supreme secret there.
AI translation rendered from the Sanskrit, not a published edition — the model flagged this verse as uncertain
PdP 5 69.18
महारण्यं गोकुलाख्यं मधु वृंदावनं तथा । अन्यच्चोपवनं प्रोक्तं कृष्णक्रीडारसस्थलम्
mahāraṇyaṃ gokulākhyaṃ madhu vṛṃdāvanaṃ tathā | anyaccopavanaṃ proktaṃ kṛṣṇakrīḍārasasthalam
The great forest, the one called Gokula, Madhu, and Vṛndāvana likewise; and another grove is spoken of, the place of the delight of Kṛṣṇa's play.
AI translation rendered from the Sanskrit, not a published edition
PdP 5 69.19
कदंबखंडनं नंदवनं नंदीश्वरं तथा । नंदनंदनखंडं च पलाशाशोककेतकी
kadaṃbakhaṃḍanaṃ naṃdavanaṃ naṃdīśvaraṃ tathā | naṃdanaṃdanakhaṃḍaṃ ca palāśāśokaketakī
Kadambakhaṇḍana, Nandavana, and Nandīśvara likewise, and Nandanandanakhaṇḍa, and Palāśa, Aśoka, Ketakī,
AI translation rendered from the Sanskrit, not a published edition
PdP 5 69.20
सुगंधमानसं कैलममृतं भोजनस्थलम् । सुखप्रसाधनं वत्सहरणं शेषशायिकम्
sugaṃdhamānasaṃ kailamamṛtaṃ bhojanasthalam | sukhaprasādhanaṃ vatsaharaṇaṃ śeṣaśāyikam
Sugandhamānasa, Kaila, Amṛta, the eating-place, Sukhaprasādhana, the calf-stealing (place), the place of resting on Śeṣa,
AI translation rendered from the Sanskrit, not a published edition — the model flagged this verse as uncertain
PdP 5 69.21
श्यामपूर्वो दधिग्रामश्चक्रभानुपुरं तथा । संकेतं द्विपदं चैव बालक्रीडनधूसरम्
śyāmapūrvo dadhigrāmaścakrabhānupuraṃ tathā | saṃketaṃ dvipadaṃ caiva bālakrīḍanadhūsaram
Śyāma first, the village of curds, and Cakra, Bhānupura likewise, and Saṃketa, Dvipada, and the child's-play Dhūsara,
AI translation rendered from the Sanskrit, not a published edition — the model flagged this verse as uncertain
PdP 5 69.22
कामद्रुमं सुललितमुत्सुकं चापि काननम् । नानाविधरसक्रीडा नानालीलारसस्थलम्
kāmadrumaṃ sulalitamutsukaṃ cāpi kānanam | nānāvidharasakrīḍā nānālīlārasasthalam
Kāmadruma, Sulalita, and also the Utsuka wood, the sports of manifold savours, the place of the savour of manifold play,
AI translation rendered from the Sanskrit, not a published edition — the model flagged this verse as uncertain
PdP 5 69.23
नागविस्तारविष्टंभं रहस्यद्रुममीरितम् । सहस्रपत्रकमलं गोकुलाख्यं महत्पदम्
nāgavistāraviṣṭaṃbhaṃ rahasyadrumamīritam | sahasrapatrakamalaṃ gokulākhyaṃ mahatpadam
the Nāgavistāraviṣṭambha, the secret tree is mentioned, the thousand-petalled lotus, the great abode named Gokula.
AI translation rendered from the Sanskrit, not a published edition — the model flagged this verse as uncertain
PdP 5 69.24
कर्णिकातन्महद्धाम गोविंदस्थानमुत्तमम् । तत्रोपरि स्वर्णपीठे मणिमंडपमंडितम्
karṇikātanmahaddhāma goviṃdasthānamuttamam | tatropari svarṇapīṭhe maṇimaṃḍapamaṃḍitam
Its pericarp is the great dwelling, the highest station of Govinda; there, up above, on a golden seat, it is adorned with a pavilion of jewels.
AI translation rendered from the Sanskrit, not a published edition
PdP 5 69.25
कर्णिकायां क्रमाद्दिक्षु विदिक्षु दलमीरितम् । यद्दलं दक्षिणे प्रोक्तं परं गुह्योत्तमोत्तमम्
karṇikāyāṃ kramāddikṣu vidikṣu dalamīritam | yaddalaṃ dakṣiṇe proktaṃ paraṃ guhyottamottamam
On the pericarp, in order, in the (cardinal) directions and the intermediate directions, a petal is mentioned; the petal that is said to be in the south is the supreme, the highest of the highest secrets.
AI translation rendered from the Sanskrit, not a published edition
PdP 5 69.26
तस्मिन्दले महापीठं निगमागमदुर्गमम् । योगींद्रैरपि दुष्प्रापं सर्वात्मा यच्च गोकुलम्
tasmindale mahāpīṭhaṃ nigamāgamadurgamam | yogīṃdrairapi duṣprāpaṃ sarvātmā yacca gokulam
On that petal is the great seat, hard to reach by the Vedas and the traditional scriptures, difficult to attain even for the lords of yogins — and that (is) Gokula, the self of all.
AI translation rendered from the Sanskrit, not a published edition
PdP 5 69.27
द्वितीयं दलमाग्नेय्यां तद्रहस्यदलं तथा । संकेतं द्विपदं चैव कुटीद्वौ तत्कुले स्थितौ
dvitīyaṃ dalamāgneyyāṃ tadrahasyadalaṃ tathā | saṃketaṃ dvipadaṃ caiva kuṭīdvau tatkule sthitau
The second petal (is) in the southeast, and that (is) the petal of secrecy; and Saṃketa and Dvipada, two huts, stand in that group.
AI translation rendered from the Sanskrit, not a published edition — the model flagged this verse as uncertain
PdP 5 69.28
पूर्वं दलं तृतीयं च प्रधानस्थानमुत्तमम् । गंगादिसर्वतीर्थानां स्पर्शाच्छतगुणं स्मृतम्
pūrvaṃ dalaṃ tṛtīyaṃ ca pradhānasthānamuttamam | gaṃgādisarvatīrthānāṃ sparśācchataguṇaṃ smṛtam
And the third, the eastern petal, is the chief and highest place; it is held to be a hundred times (greater) than the touch of all the sacred fords beginning with the Gaṅgā.
AI translation rendered from the Sanskrit, not a published edition
PdP 5 69.29
चतुर्थं दलमैशान्यां सिद्धपीठेऽपि तत्पदम् । व्यायामनूतनागोपी तत्र कृष्णं पतिं लभेत्
caturthaṃ dalamaiśānyāṃ siddhapīṭhe'pi tatpadam | vyāyāmanūtanāgopī tatra kṛṣṇaṃ patiṃ labhet
The fourth petal (is) in the northeast; that station is also a seat of the perfected ones. There a young gopī, by (her) exertion, would obtain Kṛṣṇa as husband.
AI translation rendered from the Sanskrit, not a published edition — the model flagged this verse as uncertain
PdP 5 69.30
वस्त्रालंकारहरणं तद्दले समुदाहृतम् । उत्तरे पंचमं प्रोक्तं दलं सर्वदलोत्तमम्
vastrālaṃkāraharaṇaṃ taddale samudāhṛtam | uttare paṃcamaṃ proktaṃ dalaṃ sarvadalottamam
The stealing of clothes and ornaments is recounted on that petal. In the north the fifth petal is declared, the best of all petals.
AI translation rendered from the Sanskrit, not a published edition
PdP 5 69.31
द्वादशादित्यमत्रैव दलं च कर्णिकासमम् । वायव्यां तु दलं षष्ठं तत्र कालीह्रदः स्मृतः
dvādaśādityamatraiva dalaṃ ca karṇikāsamam | vāyavyāṃ tu dalaṃ ṣaṣṭhaṃ tatra kālīhradaḥ smṛtaḥ
The twelve suns (are) right here, and this petal is equal to the pericarp. But in the northwest is the sixth petal; there the Kālī pool is remembered (to be).
AI translation rendered from the Sanskrit, not a published edition — the model flagged this verse as uncertain
PdP 5 69.32
दलोत्तमोत्तमं चैव प्रधानं स्थानमुच्यते । सर्वोत्तमदलं चैव पश्चिमे सप्तमं स्मृतम्
dalottamottamaṃ caiva pradhānaṃ sthānamucyate | sarvottamadalaṃ caiva paścime saptamaṃ smṛtam
And it is called the highest of the high among petals, the chief place. And in the west the seventh is remembered as the petal best of all.
AI translation rendered from the Sanskrit, not a published edition
PdP 5 69.33
यज्ञपत्नीगणानां च तदीप्सितवरप्रदम् । अत्रासुरोऽपि निर्वाणं प्राप त्रिदशदुर्लभम्
yajñapatnīgaṇānāṃ ca tadīpsitavarapradam | atrāsuro'pi nirvāṇaṃ prāpa tridaśadurlabham
And it grants to the company of the sacrificers' wives the boon they desired; here even a demon attained the extinction that is hard for the gods to reach.
AI translation rendered from the Sanskrit, not a published edition — the model flagged this verse as uncertain
PdP 5 69.34
ब्रह्ममोहनमत्रैव दलं ब्रह्मह्रदावहम् । नैर्ऋत्यां तु दलं प्रोक्तमष्टमं व्योमघातनम्
brahmamohanamatraiva dalaṃ brahmahradāvaham | nairṛtyāṃ tu dalaṃ proktamaṣṭamaṃ vyomaghātanam
Right here (is) the bewildering of Brahmā, the petal that brings about Brahmā's pool. But in the southwest the eighth petal is declared, (the place of) the slaying of Vyoma.
AI translation rendered from the Sanskrit, not a published edition — the model flagged this verse as uncertain
PdP 5 69.35
शंखचूडवधस्तत्र नानाकेलिरसस्थलम् । श्रुतमष्टदलं प्रोक्तं वृंदारण्यांतरस्थितम्
śaṃkhacūḍavadhastatra nānākelirasasthalam | śrutamaṣṭadalaṃ proktaṃ vṛṃdāraṇyāṃtarasthitam
There (took place) the killing of Śaṅkhacūḍa, the place of the savour of manifold sports. The eight-petalled (lotus) is declared to be heard of, situated within the Vṛndā forest.
AI translation rendered from the Sanskrit, not a published edition — the model flagged this verse as uncertain
PdP 5 69.36
श्रीमद्वृंदावनं रम्यं यमुनायाः प्रदक्षिणम् । शिवलिंगमधिष्ठानं दृष्टं गोपीश्वराभिधम्
śrīmadvṛṃdāvanaṃ ramyaṃ yamunāyāḥ pradakṣiṇam | śivaliṃgamadhiṣṭhānaṃ dṛṣṭaṃ gopīśvarābhidham
The glorious lovely Vṛndāvana is on the right (i.e. south) side of the Yamunā; a Śiva-liṅga, an established (image) named Gopīśvara, is seen (there).
AI translation rendered from the Sanskrit, not a published edition — the model flagged this verse as uncertain
PdP 5 69.37
तद्बाह्ये षोडशदलं श्रियापूर्णं तमीश्वरम् । सर्वासु दिक्षु यत्प्रोक्तं प्रादक्षिण्याद्यथाक्रमम्
tadbāhye ṣoḍaśadalaṃ śriyāpūrṇaṃ tamīśvaram | sarvāsu dikṣu yatproktaṃ prādakṣiṇyādyathākramam
Outside of that (is) the sixteen-petalled (lotus), full of splendour, and (there) that Lord — as has been declared in all directions, in due order proceeding rightward.
AI translation rendered from the Sanskrit, not a published edition — the model flagged this verse as uncertain
PdP 5 69.38
महत्पदं महद्धाम स्वधामाधावसंज्ञकम् । प्रथमैकदलं श्रेष्ठं माहात्म्यं कर्णिकासमम्
mahatpadaṃ mahaddhāma svadhāmādhāvasaṃjñakam | prathamaikadalaṃ śreṣṭhaṃ māhātmyaṃ karṇikāsamam
The great station, the great abode, called the 'flowing forth of one's own abode' — the first single petal (is) the most excellent, its greatness equal to the pericarp.
AI translation rendered from the Sanskrit, not a published edition — the model flagged this verse as uncertain
PdP 5 69.39
तत्र गोवर्द्धनगिरौ रम्ये नित्यरसाश्रये । कर्णिकायां महालीला तल्लीला रसगह्वरौ
tatra govarddhanagirau ramye nityarasāśraye | karṇikāyāṃ mahālīlā tallīlā rasagahvarau
There, on the lovely Govardhana hill, the seat of eternal rasa, in the pericarp (is) the great play, and (there are) the two (places called) tal-līlā and rasa-gahvara.
AI translation rendered from the Sanskrit, not a published edition — the model flagged this verse as uncertain
PdP 5 69.40
यत्र कृष्णो नित्यवृंदाकाननस्य पतिर्भवेत् । कृष्णो गोविंदतां प्राप्तः किमन्यैर्बहुभाषितैः
yatra kṛṣṇo nityavṛṃdākānanasya patirbhavet | kṛṣṇo goviṃdatāṃ prāptaḥ kimanyairbahubhāṣitaiḥ
Where Kṛṣṇa becomes the lord of the eternal Vṛndā forest; Kṛṣṇa there attained the state of Govinda — what need of much further talk?
AI translation rendered from the Sanskrit, not a published edition
PdP 5 69.41
दलं तृतीयमाख्यातं सर्वश्रेष्ठोत्तमोत्तमम् । चतुर्थं दलमाख्यातं महाद्भुतरसस्थलम्
dalaṃ tṛtīyamākhyātaṃ sarvaśreṣṭhottamottamam | caturthaṃ dalamākhyātaṃ mahādbhutarasasthalam
The third petal is declared the highest of the high, best of all; the fourth petal is declared the place of the greatly wondrous rasa.
AI translation rendered from the Sanskrit, not a published edition
PdP 5 69.42
नंदीश्वरवनं रम्यं तत्र नंदालयः स्मृतः । कर्णिकादलमाहात्म्यं पंचमं दलमुच्यते
naṃdīśvaravanaṃ ramyaṃ tatra naṃdālayaḥ smṛtaḥ | karṇikādalamāhātmyaṃ paṃcamaṃ dalamucyate
(There is) the lovely Nandīśvara forest; there Nanda's dwelling is held to be. The greatness of that petal (equals) the pericarp's. Now the fifth petal is spoken of.
AI translation rendered from the Sanskrit, not a published edition
PdP 5 69.43
अधिष्ठाताऽत्र गोपालो धेनुपालनतत्परः । षष्ठं दलं यदाख्यातं तत्र नंदवनं स्मृतम्
adhiṣṭhātā'tra gopālo dhenupālanatatparaḥ | ṣaṣṭhaṃ dalaṃ yadākhyātaṃ tatra naṃdavanaṃ smṛtam
The presiding (deity) here is Gopāla, intent on tending the cows. As for the sixth petal that is declared, there the Nanda forest is held to be.
AI translation rendered from the Sanskrit, not a published edition
PdP 5 69.44
सप्तमं बकुलारण्यं दलं रम्यं प्रकीर्तितम् । तत्राष्टमं तालवनं तत्र धेनुवधः स्मृतः
saptamaṃ bakulāraṇyaṃ dalaṃ ramyaṃ prakīrtitam | tatrāṣṭamaṃ tālavanaṃ tatra dhenuvadhaḥ smṛtaḥ
The seventh petal is proclaimed to be the lovely Bakula forest; there, as the eighth, the Tāla forest, where the slaying of Dhenu(ka) is remembered.
AI translation rendered from the Sanskrit, not a published edition
PdP 5 69.45
नवमं कुमुदारण्यं दलं रम्यं प्रकीर्तितम् । कामारण्यं च दशमं प्रधानं सर्वकारणम्
navamaṃ kumudāraṇyaṃ dalaṃ ramyaṃ prakīrtitam | kāmāraṇyaṃ ca daśamaṃ pradhānaṃ sarvakāraṇam
The ninth petal is proclaimed to be the lovely Kumuda forest; and the tenth, the Kāma forest, the chief one, the cause of all.
AI translation rendered from the Sanskrit, not a published edition
PdP 5 69.46
ब्रह्मप्रसाधनं तत्र विष्णुच्छद्मप्रदर्शनम् । कृष्णक्रीडारसस्थानं प्रधानं दलमुच्यते
brahmaprasādhanaṃ tatra viṣṇucchadmapradarśanam | kṛṣṇakrīḍārasasthānaṃ pradhānaṃ dalamucyate
There (occurred) the gratifying of Brahmā and the display of Viṣṇu's disguise; it is called the chief petal, the place of the rasa of Kṛṣṇa's play.
AI translation rendered from the Sanskrit, not a published edition — the model flagged this verse as uncertain
PdP 5 69.47
दलमेकादशं प्रोक्तं भक्तानुग्रहकारणम् । निर्माणं सेतुबंधस्य नानावनमयस्थलम्
dalamekādaśaṃ proktaṃ bhaktānugrahakāraṇam | nirmāṇaṃ setubaṃdhasya nānāvanamayasthalam
The eleventh petal is declared to be the cause of grace to devotees: (there took place) the making of the bridge-building, a place consisting of many groves.
AI translation rendered from the Sanskrit, not a published edition — the model flagged this verse as uncertain
PdP 5 69.48
भांडीरं द्वादशदलं वनं रम्यं मनोहरम् । कृष्णः क्रीडारतस्तत्र श्रीदामादिभिरावृतः
bhāṃḍīraṃ dvādaśadalaṃ vanaṃ ramyaṃ manoharam | kṛṣṇaḥ krīḍāratastatra śrīdāmādibhirāvṛtaḥ
The twelfth petal (is) Bhāṇḍīra, a lovely and charming forest; there Kṛṣṇa delights in play, surrounded by Śrīdāma and the others.
AI translation rendered from the Sanskrit, not a published edition
PdP 5 69.49
त्रयोदशं दलं श्रेष्ठं तत्र भद्रवनं(रं) स्मृतम् । चतुर्दशदलं प्रोक्तं सर्वसिद्धिप्रदस्थलम्
trayodaśaṃ dalaṃ śreṣṭhaṃ tatra bhadravanaṃ(raṃ) smṛtam | caturdaśadalaṃ proktaṃ sarvasiddhipradasthalam
The thirteenth petal (is) excellent; there the Bhadra forest is held to be. The fourteenth petal is declared a place bestowing all attainments.
AI translation rendered from the Sanskrit, not a published edition
PdP 5 69.50
श्रीवनं तत्र रुचिरं सर्वैश्वर्यस्य कारणम् । कृष्णक्रीडादलमयं श्रीकांतिकीर्तिवर्द्धनम्
śrīvanaṃ tatra ruciraṃ sarvaiśvaryasya kāraṇam | kṛṣṇakrīḍādalamayaṃ śrīkāṃtikīrtivarddhanam
There (is) the beautiful Śrī forest, the cause of all sovereignty, consisting of the petal of Kṛṣṇa's play, increasing the beauty and fame of Śrī.
AI translation rendered from the Sanskrit, not a published edition — the model flagged this verse as uncertain
PdP 5 69.51
दलं पंचदशं श्रेष्ठं तत्र लोहवनं स्मृतम् । कथितं षोडशदलं माहात्म्यं कर्णिकासमम्
dalaṃ paṃcadaśaṃ śreṣṭhaṃ tatra lohavanaṃ smṛtam | kathitaṃ ṣoḍaśadalaṃ māhātmyaṃ karṇikāsamam
The fifteenth petal (is) excellent; there the Loha forest is held to be. The sixteenth petal has been told: its greatness (is) equal to the pericarp's.
AI translation rendered from the Sanskrit, not a published edition
PdP 5 69.52
महावनं तत्र गीतं तत्रास्ति गुह्यमुत्तमम् । बालक्रीडारतस्तत्र वत्सपालैः समावृतः
mahāvanaṃ tatra gītaṃ tatrāsti guhyamuttamam | bālakrīḍāratastatra vatsapālaiḥ samāvṛtaḥ
There the Mahāvana is sung of; there is the supreme secret. There he delights in childhood play, surrounded by the calf-herders.
AI translation rendered from the Sanskrit, not a published edition
PdP 5 69.53
पूतनादिवधस्तत्र यमलार्जुनभंजनम् । अधिष्ठाता तत्र बालगोपालः पंचमाब्दिकः
pūtanādivadhastatra yamalārjunabhaṃjanam | adhiṣṭhātā tatra bālagopālaḥ paṃcamābdikaḥ
There (occurred) the slaying of Pūtanā and the rest, and the breaking of the twin arjuna trees; the presiding (deity) there is the child Gopāla, five years old.
AI translation rendered from the Sanskrit, not a published edition
PdP 5 69.54
नाम्ना दामोदरः प्रोक्तः प्रेमानंदरसार्णवः । दलं प्रसिद्धमाख्यातं सर्वश्रेष्ठदलोत्तमम्
nāmnā dāmodaraḥ proktaḥ premānaṃdarasārṇavaḥ | dalaṃ prasiddhamākhyātaṃ sarvaśreṣṭhadalottamam
By name he is called Dāmodara, an ocean of the rasa of loving bliss; that petal is declared famous, the best of all the finest petals.
AI translation rendered from the Sanskrit, not a published edition
PdP 5 69.55
कृष्णक्रीडा च किंजल्की विहारदलमुच्यते । सिद्धप्रधानकिंजल्क दलं च समुदाहृतम्
kṛṣṇakrīḍā ca kiṃjalkī vihāradalamucyate | siddhapradhānakiṃjalka dalaṃ ca samudāhṛtam
And Kṛṣṇa's play is the filament (region); it is called the petal of pastime. And the petal (called) 'the filament that is the chief of the perfected' has (thus) been fully set forth.
AI translation rendered from the Sanskrit, not a published edition — the model flagged this verse as uncertain
PdP 5 69.56
पार्वत्युवाच-। वृंदारण्यस्य माहात्म्यं रहस्यं वा किमद्भुतम् । तदहं श्रोतुमिच्छामि कथयस्व महाप्रभो
pārvatyuvāca-| vṛṃdāraṇyasya māhātmyaṃ rahasyaṃ vā kimadbhutam | tadahaṃ śrotumicchāmi kathayasva mahāprabho
Pārvatī said: What is the wondrous greatness, or the secret, of the Vṛndā forest? That I wish to hear — tell it, O great Lord.
AI translation rendered from the Sanskrit, not a published edition
PdP 5 69.57
ईश्वर उवाच-। कथितं ते प्रियतमे गुह्याद्गुह्योत्तमोत्तमम् । रहस्यानां रहस्यं यद्दुर्लभानां च दुर्लभम्
īśvara uvāca-| kathitaṃ te priyatame guhyādguhyottamottamam | rahasyānāṃ rahasyaṃ yaddurlabhānāṃ ca durlabham
The Lord said: I have told you, dearest one, that which is more secret than the secret and the best of the best, the secret of secrets, which is the hardest to obtain of things hard to obtain.
AI translation rendered from the Sanskrit, not a published edition
PdP 5 69.58
त्रैलोक्यगोपितं देवि देवेश्वरसुपूजितम् । ब्रह्मादिवांछितं स्थानं सुरसिद्धादिसेवितम्
trailokyagopitaṃ devi deveśvarasupūjitam | brahmādivāṃchitaṃ sthānaṃ surasiddhādisevitam
(It is) hidden from the three worlds, O goddess, well worshipped by the lord of the gods, a place longed for by Brahmā and the others, attended by gods, siddhas and the rest.
AI translation rendered from the Sanskrit, not a published edition
PdP 5 69.59
योगींद्रा हि सदा भक्त्या तस्य ध्यानैकतत्पराः । अप्सरोभिश्च गंधर्वैर्नृत्यगीतनिरंतरम्
yogīṃdrā hi sadā bhaktyā tasya dhyānaikatatparāḥ | apsarobhiśca gaṃdharvairnṛtyagītaniraṃtaram
Indeed the foremost of yogins are always with devotion intent solely on meditation upon it; and by apsarases and gandharvas there is ceaseless dance and song (there).
AI translation rendered from the Sanskrit, not a published edition
PdP 5 69.60
श्रीमद्वृंदावनं रम्यं पूर्णानंदरसाश्रयम् । भूरिचिंतामणिस्तोयममृतं रसपूरितम्
śrīmadvṛṃdāvanaṃ ramyaṃ pūrṇānaṃdarasāśrayam | bhūriciṃtāmaṇistoyamamṛtaṃ rasapūritam
The glorious Vṛndāvana is delightful, the abode of the essence of complete bliss; its soil is abundant wish-granting gems, its water nectar, filled with sweetness.
AI translation rendered from the Sanskrit, not a published edition — the model flagged this verse as uncertain
PdP 5 69.61
वृक्षं गुरुद्रुमं तत्र सुरभीवृंदसेवितम् । स्त्रीं लक्ष्मीं पुरुषं विष्णुं तद्दशांशसमुद्भवम्
vṛkṣaṃ gurudrumaṃ tatra surabhīvṛṃdasevitam | strīṃ lakṣmīṃ puruṣaṃ viṣṇuṃ taddaśāṃśasamudbhavam
There the tree is the guru-tree (kalpa tree), attended by the host of surabhi cows; the woman there is Lakṣmī, the man is Viṣṇu — arisen from a tenth part of that.
AI translation rendered from the Sanskrit, not a published edition — the model flagged this verse as uncertain
PdP 5 69.62
तत्र कैशोरवयसं नित्यमानंदविग्रहम् । गतिनाट्यं कलालापस्मितवक्त्रं निरंतरम्
tatra kaiśoravayasaṃ nityamānaṃdavigraham | gatināṭyaṃ kalālāpasmitavaktraṃ niraṃtaram
There (is he) of youthful age, whose form is eternal bliss, whose movement is dance, whose face ceaselessly wears a sweet murmur and a smile.
AI translation rendered from the Sanskrit, not a published edition
PdP 5 69.63
शुद्धसत्वैः प्रेमपूर्णैर्वैष्णवैस्तद्वनाश्रितम् । पूर्णब्रह्मसुखेमग्नं स्फुरत्तन्मूर्तितन्मयम्
śuddhasatvaiḥ premapūrṇairvaiṣṇavaistadvanāśritam | pūrṇabrahmasukhemagnaṃ sphurattanmūrtitanmayam
That forest is resorted to by Vaiṣṇavas of pure being, filled with love, immersed in the bliss of the complete Brahman, made one with that manifest form of his.
AI translation rendered from the Sanskrit, not a published edition
PdP 5 69.64
मत्तकोकिलभृंगाद्यैः कूजत्कलमनोहरम् । कपोलशुकसंगीतमुन्मत्तालि सहस्रकम्
mattakokilabhṛṃgādyaiḥ kūjatkalamanoharam | kapolaśukasaṃgītamunmattāli sahasrakam
(It is) charming with the sweet cooing of intoxicated cuckoos, bees and the rest, resounding with the song of parrots on the branches, with its thousands of maddened bees.
AI translation rendered from the Sanskrit, not a published edition — the model flagged this verse as uncertain
PdP 5 69.65
भुजंगशत्रुनृत्याढ्यं सकलामोदविभ्रमम् । नानावर्णैश्च कुसुमैस्तद्रेणुपरिपूरितम्
bhujaṃgaśatrunṛtyāḍhyaṃ sakalāmodavibhramam | nānāvarṇaiśca kusumaistadreṇuparipūritam
(It is) rich in the dancing of peacocks (the enemies of snakes), a play of every fragrance, filled with the pollen of flowers of many colours.
AI translation rendered from the Sanskrit, not a published edition
PdP 5 69.66
पूर्णेंदुनित्याभ्युदयं सूर्यमंदांशुसेवितम् । अदुःखं दुःखविच्छेदं जरामरणवर्जितम्
pūrṇeṃdunityābhyudayaṃ sūryamaṃdāṃśusevitam | aduḥkhaṃ duḥkhavicchedaṃ jarāmaraṇavarjitam
There the full moon eternally rises, and it is attended by the sun's gentle rays; it is without sorrow, the cutting off of sorrow, free from old age and death.
AI translation rendered from the Sanskrit, not a published edition
PdP 5 69.67
अक्रोधं गतमात्सर्यमभिन्नमनहंकृतम् । पूर्णानंदामृतरसं पूर्णप्रेमसुखार्णवम्
akrodhaṃ gatamātsaryamabhinnamanahaṃkṛtam | pūrṇānaṃdāmṛtarasaṃ pūrṇapremasukhārṇavam
(It is) without anger, with envy gone, undivided, without egotism, the nectar-essence of complete bliss, an ocean of the joy of perfect love.
AI translation rendered from the Sanskrit, not a published edition
PdP 5 69.68
गुणातीतं महद्धाम पूर्णप्रेमस्वरूपकम् । वृक्षादिपुलकैर्यत्र प्रेमानंदाश्रुवर्षितम्
guṇātītaṃ mahaddhāma pūrṇapremasvarūpakam | vṛkṣādipulakairyatra premānaṃdāśruvarṣitam
(It is) beyond the qualities, the great abode, whose very nature is perfect love, where by the thrilling of the trees and the rest tears of loving bliss are shed.
AI translation rendered from the Sanskrit, not a published edition
PdP 5 69.69
किं पुनश्चेतनायुक्तैर्विष्णुभक्तैः किमुच्यते । गोविंदांघ्रिरजः स्पर्शान्नित्यं वृंदावनं भुवि
kiṃ punaścetanāyuktairviṣṇubhaktaiḥ kimucyate | goviṃdāṃghrirajaḥ sparśānnityaṃ vṛṃdāvanaṃ bhuvi
What then to say of the Viṣṇu-devotees endowed with consciousness? Vṛndāvana on earth is eternal from the touch of the dust of Govinda's feet.
AI translation rendered from the Sanskrit, not a published edition
PdP 5 69.70
सहस्रदलपद्मस्य वृंदारण्यं वराटकम् । यस्य स्पर्शनमात्रेण पृथ्वी धन्या जगत्त्रये
sahasradalapadmasya vṛṃdāraṇyaṃ varāṭakam | yasya sparśanamātreṇa pṛthvī dhanyā jagattraye
Vṛndā's forest is the pericarp of a thousand-petalled lotus; by the mere touching of it the earth is blessed among the three worlds.
AI translation rendered from the Sanskrit, not a published edition — the model flagged this verse as uncertain
PdP 5 69.71
गुह्याद्गुह्यतरं रम्यं मध्ये वृंदावनं भुवि । अक्षरं परमानंदं गोविंदस्थानमव्ययम्
guhyādguhyataraṃ ramyaṃ madhye vṛṃdāvanaṃ bhuvi | akṣaraṃ paramānaṃdaṃ goviṃdasthānamavyayam
More secret than the secret, delightful, in the middle (of it) is Vṛndāvana on earth — imperishable, supreme bliss, the undecaying abode of Govinda.
AI translation rendered from the Sanskrit, not a published edition
PdP 5 69.72
गोविंददेहतोऽभिन्नं पूर्णब्रह्मसुखाश्रयम् । मुक्तिस्तत्र रजःस्पर्शात्तन्माहात्म्यं किमुच्यते
goviṃdadehato'bhinnaṃ pūrṇabrahmasukhāśrayam | muktistatra rajaḥsparśāttanmāhātmyaṃ kimucyate
Not different from Govinda's body, the seat of the joy of the complete Brahman — there liberation comes from the touch of its dust; what can be said of its greatness?
AI translation rendered from the Sanskrit, not a published edition
PdP 5 69.73
तस्मात्सर्वात्मना देवि हृदिस्थं तद्वनं कुरु । वृंदावनविहारेषु कृष्णं कैशोरविग्रहम्
tasmātsarvātmanā devi hṛdisthaṃ tadvanaṃ kuru | vṛṃdāvanavihāreṣu kṛṣṇaṃ kaiśoravigraham
Therefore, O goddess, with your whole being set that forest in your heart, and Kṛṣṇa of youthful form in his sports in Vṛndāvana.
AI translation rendered from the Sanskrit, not a published edition
PdP 5 69.74
कालिंदी चाकरोद्यस्य कर्णिकायां प्रदक्षिणाम् । लीलानिर्वाणगंभीरं जलं सौरभमोहनम्
kāliṃdī cākarodyasya karṇikāyāṃ pradakṣiṇām | līlānirvāṇagaṃbhīraṃ jalaṃ saurabhamohanam
And the Kālindī made her circumambulation about its pericarp — her water deep with the bliss of (his) play, bewitching with fragrance.
AI translation rendered from the Sanskrit, not a published edition — the model flagged this verse as uncertain
PdP 5 69.75
आनंदामृत तन्मिश्रमकरंदघनालयम् । पद्मोत्पलाद्यैः कुसुमैर्नानावर्णसमुज्जवलम्
ānaṃdāmṛta tanmiśramakaraṃdaghanālayam | padmotpalādyaiḥ kusumairnānāvarṇasamujjavalam
(Its water) mixed with that nectar of bliss, a dense abode of flower-honey, brilliant with many-coloured blossoms — lotuses, water-lilies and the rest.
AI translation rendered from the Sanskrit, not a published edition — the model flagged this verse as uncertain
PdP 5 69.76
चक्रवाकादिविहगैर्मंजुनानाकलस्वनैः । शोभमानं जलं रम्यं तरंगातिमनोरमम्
cakravākādivihagairmaṃjunānākalasvanaiḥ | śobhamānaṃ jalaṃ ramyaṃ taraṃgātimanoramam
The water is lovely, shining with birds such as the cakravāka, with their many sweet melodious cries, exceedingly charming with its waves.
AI translation rendered from the Sanskrit, not a published edition
PdP 5 69.77
तस्योभयतटी रम्या शुद्धकांचननिर्मिता । गंगाकोटिगुणा प्रोक्ता यत्र स्पर्शवराटकः
tasyobhayataṭī ramyā śuddhakāṃcananirmitā | gaṃgākoṭiguṇā proktā yatra sparśavarāṭakaḥ
Its two banks are lovely, fashioned of pure gold, and are declared to be a crore times (greater than those of) the Ganges, where there are cowrie-shells of touchstone.
AI translation rendered from the Sanskrit, not a published edition — the model flagged this verse as uncertain
PdP 5 69.78
कर्णिकायां कोटिगुणो यत्र क्रीडारतो हरिः । कालिंदीकर्णिका कृष्णमभिन्नमेकविग्रहम्
karṇikāyāṃ koṭiguṇo yatra krīḍārato hariḥ | kāliṃdīkarṇikā kṛṣṇamabhinnamekavigraham
In the pericarp it is a crore times (greater), where Hari delights in play; the pericarp is the Kālindī, and Kṛṣṇa is undivided, of a single body.
AI translation rendered from the Sanskrit, not a published edition — the model flagged this verse as uncertain
PdP 5 69.79
पार्वत्युवाच। गोविंदस्य किमाश्चर्यं सौंदर्याकृतविग्रह । तदहं श्रोतुमिच्छामि कथयस्व दयानिधे
pārvatyuvāca| goviṃdasya kimāścaryaṃ sauṃdaryākṛtavigraha | tadahaṃ śrotumicchāmi kathayasva dayānidhe
Pārvatī said: What is the wonder of Govinda, whose body is made of beauty? That I wish to hear; tell it, O treasury of compassion.
AI translation rendered from the Sanskrit, not a published edition
PdP 5 69.80
ईश्वर उवाच। मध्ये वृंदावने रम्ये मंजुमंजीरशोभिते । योजनाश्रितसद्वृक्ष शाखापल्लवमंडिते
īśvara uvāca| madhye vṛṃdāvane ramye maṃjumaṃjīraśobhite | yojanāśritasadvṛkṣa śākhāpallavamaṃḍite
The Lord said: In the midst of lovely Vṛndāvana, resplendent with sweet anklets, where good trees extend for a yojana, adorned with branches and sprouts —
AI translation rendered from the Sanskrit, not a published edition — the model flagged this verse as uncertain
PdP 5 69.81
तन्मध्ये मंजुभवने योगपीठं समुज्जवलम् । तदष्टकोणनिर्माणं नानादीप्तिमनोहरम्
tanmadhye maṃjubhavane yogapīṭhaṃ samujjavalam | tadaṣṭakoṇanirmāṇaṃ nānādīptimanoharam
in the middle of that, in a lovely mansion, there is a brilliantly shining yoga-seat, built with eight corners, charming with manifold brightness.
AI translation rendered from the Sanskrit, not a published edition
PdP 5 69.82
तस्योपरि च माणिक्यरत्नसिंहासनं शुभम् । तस्मिन्नष्टदलं पद्मं कर्णिकायां सुखाश्रयम्
tasyopari ca māṇikyaratnasiṃhāsanaṃ śubham | tasminnaṣṭadalaṃ padmaṃ karṇikāyāṃ sukhāśrayam
And above it is a splendid lion-throne of ruby-gems; on that is an eight-petalled lotus, with a pleasant resting-place in its pericarp.
AI translation rendered from the Sanskrit, not a published edition
PdP 5 69.83
गोविंदस्य परं स्थानं किमस्य महिमोच्यते । श्रीमद्गोविंदमंत्रस्थ बल्लवीवृंदसेवितम्
goviṃdasya paraṃ sthānaṃ kimasya mahimocyate | śrīmadgoviṃdamaṃtrastha ballavīvṛṃdasevitam
It is Govinda's supreme abode — how can its greatness be told? It abides in the glorious Govinda-mantra and is attended by the throng of cowherd women.
AI translation rendered from the Sanskrit, not a published edition — the model flagged this verse as uncertain
PdP 5 69.84
दिव्यव्रजवयोरूपं कृष्णं वृंदावनेश्वरम् । व्रजेंद्रं संततैश्वर्यं व्रजबालैकवल्लभम्
divyavrajavayorūpaṃ kṛṣṇaṃ vṛṃdāvaneśvaram | vrajeṃdraṃ saṃtataiśvaryaṃ vrajabālaikavallabham
(Meditate on) Kṛṣṇa, whose form and youth belong to divine Vraja, lord of Vṛndāvana, the Indra of Vraja, of unbroken sovereignty, the one beloved of the girls of Vraja;
AI translation rendered from the Sanskrit, not a published edition — the model flagged this verse as uncertain
PdP 5 69.85
यौवनोद्भिन्नकैशोरं वयसाद्भुतविग्रहम् । अनादिमादिं सर्वेषां नंदगोपप्रियात्मजम्
yauvanodbhinnakaiśoraṃ vayasādbhutavigraham | anādimādiṃ sarveṣāṃ naṃdagopapriyātmajam
whose boyhood is just breaking into youth, wondrous of body in his age, himself without beginning yet the beginning of all, the dear son of Nanda the cowherd;
AI translation rendered from the Sanskrit, not a published edition
PdP 5 69.86
श्रुतिमृग्यमजं नित्यं गोपीजनमनोहरम् । परंधाम परं रूपं द्विभुजं गोकुलेश्वरम्
śrutimṛgyamajaṃ nityaṃ gopījanamanoharam | paraṃdhāma paraṃ rūpaṃ dvibhujaṃ gokuleśvaram
sought out by the Vedas, unborn, eternal, charming to the gopī folk, the supreme abode, the supreme form, two-armed, the lord of Gokula.
AI translation rendered from the Sanskrit, not a published edition
PdP 5 69.87
बल्लवीनंदनं ध्यायेन्निर्गुणस्यैककारणम् । सुश्रीमंतं नवं स्वच्छं श्यामधाममनोहरम्
ballavīnaṃdanaṃ dhyāyennirguṇasyaikakāraṇam | suśrīmaṃtaṃ navaṃ svacchaṃ śyāmadhāmamanoharam
One should meditate on the delight of the cowherd women, the sole cause of the attributeless (Brahman), most glorious, ever-new, clear, charming with a dark radiance;
AI translation rendered from the Sanskrit, not a published edition
PdP 5 69.88
नवीननीरदश्रेणी सुस्निग्धं मंजुकुंडलम् । फुल्लेंदीवरसत्कांति सुखस्पर्शं सुखावहम्
navīnanīradaśreṇī susnigdhaṃ maṃjukuṃḍalam | phulleṃdīvarasatkāṃti sukhasparśaṃ sukhāvaham
(dark) as a bank of fresh rain-clouds, very glossy, with lovely earrings, having the fine sheen of a full-blown blue lotus, pleasant to the touch, bringing happiness;
AI translation rendered from the Sanskrit, not a published edition
PdP 5 69.89
दलितांजनपुंजाभ चिक्कणं श्याममोहनम् । सुस्निग्धनीलकुटिलाशेषसौरभकुंतलम्
dalitāṃjanapuṃjābha cikkaṇaṃ śyāmamohanam | susnigdhanīlakuṭilāśeṣasaurabhakuṃtalam
having the sheen of a heap of crushed collyrium, sleek, dark, bewitching, with locks very glossy, dark and curling, fragrant throughout;
AI translation rendered from the Sanskrit, not a published edition
PdP 5 69.90
तदूर्ध्वं दक्षिणे काले श्यामचूडामनोहरम् । नानावर्णोज्ज्वलं राजच्छिखंडिदलमंडितम्
tadūrdhvaṃ dakṣiṇe kāle śyāmacūḍāmanoharam | nānāvarṇojjvalaṃ rājacchikhaṃḍidalamaṃḍitam
above that, on the right side, charming with a dark topknot, adorned with a shining peacock-feather brilliant with many colours;
AI translation rendered from the Sanskrit, not a published edition — the model flagged this verse as uncertain
PdP 5 69.91
मंदारमंजुगोपुच्छाचूडं चारुविभूषणम् । क्वचिद्बृहद्दलश्रेणी मुकुटेनाभिमंडितम्
maṃdāramaṃjugopucchācūḍaṃ cāruvibhūṣaṇam | kvacidbṛhaddalaśreṇī mukuṭenābhimaṃḍitam
with a crest of mandāra flowers and a lovely cow-tail (plume), with beautiful ornaments; sometimes adorned all about with a crown made of a row of large feathers;
AI translation rendered from the Sanskrit, not a published edition — the model flagged this verse as uncertain
PdP 5 69.92
अनेकमणिमाणिक्यकिरीटभूषणं क्वचित् । लोलालकवृतं राजत्कोटिचंद्रसमाननम्
anekamaṇimāṇikyakirīṭabhūṣaṇaṃ kvacit | lolālakavṛtaṃ rājatkoṭicaṃdrasamānanam
sometimes ornamented with a diadem of many gems and rubies, encircled by tossing curls, his face shining like a crore of moons;
AI translation rendered from the Sanskrit, not a published edition
PdP 5 69.93
कस्तूरीतिलकं भ्राजन्मंजुगोरोचनान्वितम् । नीलेंदीवरसुस्निग्ध सुदीर्घदललोचनम्
kastūrītilakaṃ bhrājanmaṃjugorocanānvitam | nīleṃdīvarasusnigdha sudīrghadalalocanam
with a musk tilaka, shining, joined with lovely gorocanā pigment, his eyes very glossy like blue lotuses, long as (lotus) petals;
AI translation rendered from the Sanskrit, not a published edition
PdP 5 69.94
आनृत्यद्भ्रूलताश्लेषस्मितं साचि निरीक्षणम् । सुचारून्नतसौंदर्य नासाग्राति मनोहरम्
ānṛtyadbhrūlatāśleṣasmitaṃ sāci nirīkṣaṇam | sucārūnnatasauṃdarya nāsāgrāti manoharam
his smile enclosed by dancing creeper-like brows, his glance sidelong, exceedingly charming with the beautiful high loveliness of the tip of his nose;
AI translation rendered from the Sanskrit, not a published edition — the model flagged this verse as uncertain
PdP 5 69.95
नासाग्रगजमुक्तांशु मुग्धीकृत जगत्त्रयम् । सिंदूरारुणसुस्निग्धाधरौष्ठसुमनोहरम्
nāsāgragajamuktāṃśu mugdhīkṛta jagattrayam | siṃdūrāruṇasusnigdhādharauṣṭhasumanoharam
the rays of the great pearl at his nose-tip bewildering the three worlds, most charming with his lower lip glossy and red as vermilion;
AI translation rendered from the Sanskrit, not a published edition — the model flagged this verse as uncertain
PdP 5 69.96
नानावर्णोल्लसत्स्वर्णमकराकृतिकुंडलम् । तद्रश्मिपुंजसद्गंड मुकुराभलसद्द्युतिम्
nānāvarṇollasatsvarṇamakarākṛtikuṃḍalam | tadraśmipuṃjasadgaṃḍa mukurābhalasaddyutim
with golden makara-shaped earrings gleaming in many colours, his radiance shining, his fine cheeks like mirrors from that mass of their rays;
AI translation rendered from the Sanskrit, not a published edition — the model flagged this verse as uncertain
PdP 5 69.97
कर्णोत्पलसुमंदारमकरोत्तंस भूषितम् । श्रीवत्सकौस्तुभोरस्कं मुक्ताहारस्फुरद्गलम्
karṇotpalasumaṃdāramakarottaṃsa bhūṣitam | śrīvatsakaustubhoraskaṃ muktāhārasphuradgalam
(He is) adorned with ear-lotuses, sweet coral-tree flowers, and makara-shaped ear-ornaments; his chest bears the śrīvatsa and the Kaustubha gem, his neck gleams with a pearl necklace.
AI translation rendered from the Sanskrit, not a published edition
PdP 5 69.98
विलसद्दिव्यमाणिक्यं मंजुकांचन मिश्रितम् । करे कंकणकेयूरं किंकिणीकटिशोभितम्
vilasaddivyamāṇikyaṃ maṃjukāṃcana miśritam | kare kaṃkaṇakeyūraṃ kiṃkiṇīkaṭiśobhitam
(He is) set with shining divine rubies mingled with lovely gold; on his hands are bracelets and armlets, and his waist is graced with a girdle of little bells.
AI translation rendered from the Sanskrit, not a published edition
PdP 5 69.99
मंजुमंजीरसौंदर्य्यश्रीमदंघ्रि विराजितम् । कर्पूरागुरुकस्तूरीविलसच्चंदनादिकम्
maṃjumaṃjīrasauṃdaryyaśrīmadaṃghri virājitam | karpūrāgurukastūrīvilasaccaṃdanādikam
(He is) resplendent with glorious feet made lovely by charming anklets; (anointed) with camphor, aloe-wood, musk, gleaming sandal-paste and the rest,
AI translation rendered from the Sanskrit, not a published edition
PdP 5 69.100
गोरोचनादिसंमिश्र दिव्यांगरागचित्रितम् । स्निग्धपीतपटी राजत्प्रपदांदोलितांजनम्
gorocanādisaṃmiśra divyāṃgarāgacitritam | snigdhapītapaṭī rājatprapadāṃdolitāṃjanam
(He is) painted with a divine body-unguent mixed with gorocanā and other (pigments); with a glossy yellow garment, and gleaming collyrium swaying (down) to the tips of his feet.
AI translation rendered from the Sanskrit, not a published edition — the model flagged this verse as uncertain
PdP 5 69.101
गंभीरनाभिकमलं रोमराजीनतस्रजम् । सुवृत्तजानुयुगलं पादपद्ममनोहरम्
gaṃbhīranābhikamalaṃ romarājīnatasrajam | suvṛttajānuyugalaṃ pādapadmamanoharam
His navel is a deep lotus; the line of hair on (his body) is like a hanging garland; his pair of knees is well-rounded; his lotus feet are enchanting.
AI translation rendered from the Sanskrit, not a published edition
PdP 5 69.102
ध्वजवज्रांकुशांभोज करांघ्रि तलशोभितम् । नखेंदु किरणश्रेणी पूर्णब्रह्मैककारणम्
dhvajavajrāṃkuśāṃbhoja karāṃghri talaśobhitam | nakheṃdu kiraṇaśreṇī pūrṇabrahmaikakāraṇam
The palms of his hands and the soles of his feet are marked with banner, thunderbolt, goad and lotus; with the rows of rays from his moon-like nails, he is the sole cause, the full Brahman.
AI translation rendered from the Sanskrit, not a published edition — the model flagged this verse as uncertain
PdP 5 69.103
केचिद्वदंति तस्यांशं ब्रह्मचिद्रूपमद्वयम् । तद्दशांशं महाविष्णुं प्रवदंति मनीषिणः
kecidvadaṃti tasyāṃśaṃ brahmacidrūpamadvayam | taddaśāṃśaṃ mahāviṣṇuṃ pravadaṃti manīṣiṇaḥ
Some say that the non-dual Brahman, whose form is consciousness, is a portion of him; and the wise declare that Mahāviṣṇu is a tenth part of that.
AI translation rendered from the Sanskrit, not a published edition
PdP 5 69.104
योगींद्रैः सनकाद्यैश्च तदेव हृदि चिंत्यते । त्रिभंगं ललिताशेष निर्माणसारनिर्मितम्
yogīṃdraiḥ sanakādyaiśca tadeva hṛdi ciṃtyate | tribhaṃgaṃ lalitāśeṣa nirmāṇasāranirmitam
By the lords of yogins and by Sanaka and the others, that very (form) is meditated on in the heart—bent in three places, made of the essence of all lovely fashioning.
AI translation rendered from the Sanskrit, not a published edition
PdP 5 69.105
तिर्यग्ग्रीवजितानंतकोटिकंदर्पसुंदरम् । वामांसार्पित सद्गण्डस्फुरत्कांचनकुंडलम्
tiryaggrīvajitānaṃtakoṭikaṃdarpasuṃdaram | vāmāṃsārpita sadgaṇḍasphuratkāṃcanakuṃḍalam
With his neck aslant he is lovelier than countless crores of Kandarpas; on his fine cheek, resting against his left shoulder, a golden earring flashes.
AI translation rendered from the Sanskrit, not a published edition
PdP 5 69.106
सहापांगेक्षणस्मेरं कोटिमन्मथसुंदरम् । कुंचिताधरविन्यस्त वंशीमंजुकलस्वनैः
sahāpāṃgekṣaṇasmeraṃ koṭimanmathasuṃdaram | kuṃcitādharavinyasta vaṃśīmaṃjukalasvanaiḥ
Smiling, with a sidelong glance, lovely as a crore of Manmathas, with the sweet, clear notes of the flute set upon his curved lower lip,
AI translation rendered from the Sanskrit, not a published edition
PdP 5 69.107
जगत्त्रयं मोहयंतं मग्नं प्रेमसुधार्णवे । श्रीपार्वत्युवाच-। परमं कारणं कृष्णं गोविंदाख्यं महत्पदम्
jagattrayaṃ mohayaṃtaṃ magnaṃ premasudhārṇave | śrīpārvatyuvāca-| paramaṃ kāraṇaṃ kṛṣṇaṃ goviṃdākhyaṃ mahatpadam
He bewilders the three worlds, (himself) immersed in an ocean of the nectar of love. Śrī Pārvatī said: Kṛṣṇa, the supreme cause, called Govinda, the great abode,
AI translation rendered from the Sanskrit, not a published edition
PdP 5 69.108
वृंदावनेश्वरं नित्यं निर्गुणस्यैककारणम् । तत्तद्रहस्यमाहात्म्यं किमाश्चर्यं च सुंदरम्
vṛṃdāvaneśvaraṃ nityaṃ nirguṇasyaikakāraṇam | tattadrahasyamāhātmyaṃ kimāścaryaṃ ca suṃdaram
the eternal lord of Vṛndāvana, the sole cause of the attributeless (Brahman)—what is that secret greatness of his, what wonder and beauty (is it)?
AI translation rendered from the Sanskrit, not a published edition — the model flagged this verse as uncertain
PdP 5 69.109
तद्ब्रूहि देवदेवेश श्रोतुमिच्छाम्यहं प्रभो । ईश्वर उवाच-। यदंघ्रिनखचंद्रांशु महिमांतो न गम्यते
tadbrūhi devadeveśa śrotumicchāmyahaṃ prabho | īśvara uvāca-| yadaṃghrinakhacaṃdrāṃśu mahimāṃto na gamyate
So tell (me) that, O lord of the gods of gods; I wish to hear, O master. The Lord said: (He) whose greatness—the moonbeams of his toenails—has no end that can be reached,
AI translation rendered from the Sanskrit, not a published edition
PdP 5 69.110
तन्माहात्म्यं कियद्देवि प्रोच्यते त्वं मुदा शृणु । अनंतकोटिब्रह्मांडे अनंतत्रिगुणोच्छ्रये
tanmāhātmyaṃ kiyaddevi procyate tvaṃ mudā śṛṇu | anaṃtakoṭibrahmāṃḍe anaṃtatriguṇocchraye
how much of that greatness can be told, O Goddess? Listen gladly. In the endless crores of universes, in the endless upsurge of the three qualities,
AI translation rendered from the Sanskrit, not a published edition — the model flagged this verse as uncertain
PdP 5 69.111
तत्कलाकोटिकोट्यंशा ब्रह्मविष्णुमहेश्वराः । सृष्टिस्थित्यादिना युक्तास्तिष्ठंति तस्य वैभवाः
tatkalākoṭikoṭyaṃśā brahmaviṣṇumaheśvarāḥ | sṛṣṭisthityādinā yuktāstiṣṭhaṃti tasya vaibhavāḥ
Brahmā, Viṣṇu and Maheśvara, who are crores upon crores of fractions of a portion of him, stand engaged in creation, preservation and the rest—they are his manifestations.
AI translation rendered from the Sanskrit, not a published edition
PdP 5 69.112
तद्रूपकोटिकोट्यंशाः कलाः कंदर्पविग्रहाः । जगन्मोहं प्रकुर्वंति तदंडांतरसंस्थिताः
tadrūpakoṭikoṭyaṃśāḥ kalāḥ kaṃdarpavigrahāḥ | jaganmohaṃ prakurvaṃti tadaṃḍāṃtarasaṃsthitāḥ
Crores upon crores of fractional portions of that form of his, having bodies like Kandarpa's, bewitch the world, stationed within those (cosmic) eggs.
AI translation rendered from the Sanskrit, not a published edition
PdP 5 69.113
तद्देहविलसत्कांतिकोटिकोट्यंशको विभुः । तत्प्रकाशस्य कोट्यंश रश्मयो रविविग्रहाः
taddehavilasatkāṃtikoṭikoṭyaṃśako vibhuḥ | tatprakāśasya koṭyaṃśa raśmayo ravivigrahāḥ
The Lord is a crore-crore-fraction of the radiance shining on his body; the rays that are a crore-fraction of that light have the sun for their form.
AI translation rendered from the Sanskrit, not a published edition — the model flagged this verse as uncertain
PdP 5 69.114
तस्य स्वदेहकिरणैः परानंद रसामृतैः । परमामोदचिद्रूपैर्निर्गुणस्यैककारणैः
tasya svadehakiraṇaiḥ parānaṃda rasāmṛtaiḥ | paramāmodacidrūpairnirguṇasyaikakāraṇaiḥ
By the rays of his own body, which are the nectar-essence of supreme bliss, whose form is consciousness and highest delight, and which are the sole cause of the attributeless (Brahman)—
AI translation rendered from the Sanskrit, not a published edition — the model flagged this verse as uncertain
PdP 5 69.115
तदंशकोटिकोट्यंशा जीवंति किरणात्मकाः । तदंघ्रिपंकजद्वंद्व नखचंद्र मणिप्रभाः
tadaṃśakoṭikoṭyaṃśā jīvaṃti kiraṇātmakāḥ | tadaṃghripaṃkajadvaṃdva nakhacaṃdra maṇiprabhāḥ
crores upon crores of fractions of that portion of his live, being made of (those) rays. The gem-like lustres of the moon-nails of his pair of lotus feet
AI translation rendered from the Sanskrit, not a published edition — the model flagged this verse as uncertain
PdP 5 69.116
आहुः पूर्णब्रह्मणोऽपि कारणं वेददुर्गमम् । तदंशसौरभानंतकोट्यंशो विश्वमोहनः
āhuḥ pūrṇabrahmaṇo'pi kāraṇaṃ vedadurgamam | tadaṃśasaurabhānaṃtakoṭyaṃśo viśvamohanaḥ
they call the cause even of the full Brahman, hard for the Vedas to reach. A crore-fraction of the endless fragrance of a portion of that is what enchants the universe.
AI translation rendered from the Sanskrit, not a published edition — the model flagged this verse as uncertain
PdP 5 69.117
तत्स्पर्शपुष्पगंधादि नानासौरभसंभवः । तत्प्रिया प्रकृतिस्त्वाद्या राधिका कृष्णवल्लभा
tatsparśapuṣpagaṃdhādi nānāsaurabhasaṃbhavaḥ | tatpriyā prakṛtistvādyā rādhikā kṛṣṇavallabhā
From (her) touch arise the fragrance of flowers and the rest, the manifold sources of sweet scent; and his beloved, the primordial Prakṛti, is Rādhikā, dear to Kṛṣṇa.
AI translation rendered from the Sanskrit, not a published edition — the model flagged this verse as uncertain
PdP 5 69.118
तत्कलाकोटिकोट्यंशा दुर्गाद्यास्त्रिगुणात्मिकाः । तस्या अंघ्रिरजः स्पर्शात्कोटिविष्णुः प्रजायते
tatkalākoṭikoṭyaṃśā durgādyāstriguṇātmikāḥ | tasyā aṃghrirajaḥ sparśātkoṭiviṣṇuḥ prajāyate
Durgā and the others, made of the three qualities, are portions of a ten-million-times-ten-million part of a fraction of her; from the touch of the dust of her feet ten million Viṣṇus come to be.
AI translation rendered from the Sanskrit, not a published edition — the model flagged this verse as uncertain