Padma Purana — Patala Khanda — Chapter 67
PdP 5 67.1
सप्तषष्टितमोऽध्यायः 5.67 शेष उवाच। अथ सौमित्रिरागत्य जानकीं नतवान्मुहुः । प्रेमगद्गदया शंसन्वाचं रामप्रणोदिताम्
saptaṣaṣṭitamo'dhyāyaḥ 5.67 śeṣa uvāca| atha saumitrirāgatya jānakīṃ natavānmuhuḥ | premagadgadayā śaṃsanvācaṃ rāmapraṇoditām
Chapter sixty-seven. Śeṣa said: Then the son of Sumitrā, having come, bowed again and again to Jānakī, uttering, in a voice choked with affection, the words that Rāma had commanded.
AI translation rendered from the Sanskrit, not a published edition
PdP 5 67.2
सीता समागतं दृष्ट्वा लक्ष्मणं विनयान्वितम् । तन्मुखाद्रामसंदेशं श्रुत्वोवाच विलज्जिता
sītā samāgataṃ dṛṣṭvā lakṣmaṇaṃ vinayānvitam | tanmukhādrāmasaṃdeśaṃ śrutvovāca vilajjitā
Sītā, seeing Lakṣmaṇa arrived, full of modesty, and hearing from his mouth Rāma's message, spoke, abashed:
AI translation rendered from the Sanskrit, not a published edition
PdP 5 67.3
सौमित्रे कथमागच्छे रामत्यक्ता महावने । तिष्ठामि रामं स्मरन्ती वाल्मीकेराश्रमे त्वहम्
saumitre kathamāgacche rāmatyaktā mahāvane | tiṣṭhāmi rāmaṃ smarantī vālmīkerāśrame tvaham
"Son of Sumitrā, how shall I come, abandoned by Rāma in the great forest? I stay in Vālmīki's hermitage, remembering Rāma."
AI translation rendered from the Sanskrit, not a published edition
PdP 5 67.4
तस्या मुखोदितं वाक्यं श्रुत्वा सौमित्रिरब्रवीत् । मातः पतिव्रते रामस्त्वामाकारयते मुहुः
tasyā mukhoditaṃ vākyaṃ śrutvā saumitrirabravīt | mātaḥ pativrate rāmastvāmākārayate muhuḥ
Hearing the speech uttered from her mouth, the son of Sumitrā said: "Mother, devoted wife, Rāma calls you again and again.
AI translation rendered from the Sanskrit, not a published edition
PdP 5 67.5
पतिव्रता पतिकृतं दोषं नानयते हृदि । तस्मादागच्छ हि मया स्थित्वा स्यंदन उत्तमे
pativratā patikṛtaṃ doṣaṃ nānayate hṛdi | tasmādāgaccha hi mayā sthitvā syaṃdana uttame
A wife devoted to her husband does not take to heart a fault committed by her husband. Therefore come with me, taking your place in the excellent chariot."
AI translation rendered from the Sanskrit, not a published edition
PdP 5 67.6
इत्यादि वचनं श्रुत्वा जानकी पतिदेवता । मनोरोषं परित्यज्य तस्थौ सौमित्रिणा रथे
ityādi vacanaṃ śrutvā jānakī patidevatā | manoroṣaṃ parityajya tasthau saumitriṇā rathe
Hearing this and other speech, Jānakī, whose deity was her husband, gave up the anger of her mind and took her place in the chariot with the son of Sumitrā.
AI translation rendered from the Sanskrit, not a published edition
PdP 5 67.7
तापसीः सकला नत्वा मुनींश्च निगमोज्ज्वलान् । रामं स्मरंती मनसा रथे स्थित्वागमत्पुरीम्
tāpasīḥ sakalā natvā munīṃśca nigamojjvalān | rāmaṃ smaraṃtī manasā rathe sthitvāgamatpurīm
Having bowed to all the ascetic women and to the sages resplendent with the Vedas, remembering Rāma in her mind, seated in the chariot, she went to the city.
AI translation rendered from the Sanskrit, not a published edition
PdP 5 67.8
क्रमेण नगरीं प्राप्ता महार्हाभरणान्विता । सरयूं सरितं प्राप यत्र रामः स्वयं स्थितः
krameṇa nagarīṃ prāptā mahārhābharaṇānvitā | sarayūṃ saritaṃ prāpa yatra rāmaḥ svayaṃ sthitaḥ
Having in due course reached the city, adorned with very costly ornaments, she came to the river Sarayū, where Rāma himself was staying.
AI translation rendered from the Sanskrit, not a published edition
PdP 5 67.9
रथादुत्तीर्य ललिता लक्ष्मणेन समन्विता । रामस्य पादयोर्लग्ना पतिव्रतपरायणा
rathāduttīrya lalitā lakṣmaṇena samanvitā | rāmasya pādayorlagnā pativrataparāyaṇā
The graceful one, descending from the chariot, accompanied by Lakṣmaṇa, clung to Rāma's feet, wholly devoted to her husband.
AI translation rendered from the Sanskrit, not a published edition
PdP 5 67.10
रामस्तामागतां दृष्ट्वा जानकीं प्रेमविह्वलाम् । साध्वि त्वया सहेदानीं कुर्वे यज्ञसमापनम्
rāmastāmāgatāṃ dṛṣṭvā jānakīṃ premavihvalām | sādhvi tvayā sahedānīṃ kurve yajñasamāpanam
Rāma, seeing that Jānakī had come, overwhelmed with love, (said): "Good lady, now together with you I shall perform the completion of the sacrifice."
AI translation rendered from the Sanskrit, not a published edition
PdP 5 67.11
वाल्मीकिं सा नमस्कृत्य तथान्यान्विप्रसत्तमान् । जगाम मातृपदयोः सन्नतिं कर्तुमुत्सुका
vālmīkiṃ sā namaskṛtya tathānyānviprasattamān | jagāma mātṛpadayoḥ sannatiṃ kartumutsukā
Having bowed to Vālmīki and likewise to the other most excellent brahmins, she went, eager to make obeisance at the feet of the mothers.
AI translation rendered from the Sanskrit, not a published edition
PdP 5 67.12
कौशल्या तामथायांतीं वीरसूं जानकीं प्रियाम् । आशीर्भिरभिसंयुज्य ययौ हर्षमनेकधा
kauśalyā tāmathāyāṃtīṃ vīrasūṃ jānakīṃ priyām | āśīrbhirabhisaṃyujya yayau harṣamanekadhā
Then Kausalyā, seeing her coming — Jānakī the dear one, the mother of heroes — joined her with blessings and went to joy in many ways.
AI translation rendered from the Sanskrit, not a published edition
PdP 5 67.13
कैकेयीपदयोर्नम्रां वीक्ष्य वैदेहपुत्रिकाम् । भर्त्रा सह चिरं जीव सपुत्रेत्याशिषं व्यधात्
kaikeyīpadayornamrāṃ vīkṣya vaidehaputrikām | bhartrā saha ciraṃ jīva saputretyāśiṣaṃ vyadhāt
Seeing the daughter of the Videha (king) bowed at Kaikeyī's feet, she pronounced the blessing: "Live long together with your husband, with sons."
AI translation rendered from the Sanskrit, not a published edition
PdP 5 67.14
सुमित्रा स्वपदेनम्रां वीक्ष्य वैदेहपुत्रिकाम् । आशिषं व्यदधात्तस्याः पुत्रपौत्रप्रदायिनीम्
sumitrā svapadenamrāṃ vīkṣya vaidehaputrikām | āśiṣaṃ vyadadhāttasyāḥ putrapautrapradāyinīm
Sumitrā, seeing the daughter of the Videha (king) bowed at her own feet, pronounced upon her a blessing bestowing sons and grandsons.
AI translation rendered from the Sanskrit, not a published edition
PdP 5 67.15
सीता ताः सर्वतो नत्वा रामचंद्र प्रिया सती । परमं हर्षमापन्ना बभूव किल वाडव
sītā tāḥ sarvato natvā rāmacaṃdra priyā satī | paramaṃ harṣamāpannā babhūva kila vāḍava
Sītā, having bowed to them on all sides, the good and dear (wife) of Rāmacandra, attained the highest joy, O Brahmin.
AI translation rendered from the Sanskrit, not a published edition
PdP 5 67.16
समागतां वीक्ष्य पत्नीं रामचंद्रस्य कुंभजः । सुवर्णपत्नीं धिक्कृत्य तामधाद्धर्मचारिणीम्
samāgatāṃ vīkṣya patnīṃ rāmacaṃdrasya kuṃbhajaḥ | suvarṇapatnīṃ dhikkṛtya tāmadhāddharmacāriṇīm
Seeing that Rāmacandra's wife had come, the jar-born one (Agastya), rejecting the golden wife (image), installed her, the follower of dharma (as consort in the rite).
AI translation rendered from the Sanskrit, not a published edition — the model flagged this verse as uncertain
PdP 5 67.17
रामस्तदा यज्ञमध्ये शुशुभे सीतया सह । तारयानुगतो यद्वच्छशीव शरदुत्प्रभः
rāmastadā yajñamadhye śuśubhe sītayā saha | tārayānugato yadvacchaśīva śaradutprabhaḥ
Then Rāma shone in the midst of the sacrifice together with Sītā, as the moon shining brightly in autumn, followed by the star Tārā (Rohiṇī).
AI translation rendered from the Sanskrit, not a published edition
PdP 5 67.18
प्रयोगमकरोत्तत्र काले प्राप्ते मनोरमे । वैदेह्या धर्मचारिण्या सर्वपापापनोदनम्
prayogamakarottatra kāle prāpte manorame | vaidehyā dharmacāriṇyā sarvapāpāpanodanam
When the delightful (proper) time had come, he performed there the ritual procedure that removes all sins, together with Vaidehī the follower of dharma.
AI translation rendered from the Sanskrit, not a published edition
PdP 5 67.19
सीतया सहितं रामं प्रसक्तं यज्ञकर्मणि । निरीक्ष्य जहृषुस्तत्र कौतुकेन समन्विताः
sītayā sahitaṃ rāmaṃ prasaktaṃ yajñakarmaṇi | nirīkṣya jahṛṣustatra kautukena samanvitāḥ
Beholding Rāma together with Sītā engaged in the sacrificial rite, they rejoiced there, filled with delight.
AI translation rendered from the Sanskrit, not a published edition
PdP 5 67.20
वसिष्ठं प्राह सुमतिं रामस्तत्र क्रतौ वरे । किं कर्तव्यं मया स्वामिन्नतः परमवश्यकम्
vasiṣṭhaṃ prāha sumatiṃ rāmastatra kratau vare | kiṃ kartavyaṃ mayā svāminnataḥ paramavaśyakam
At that excellent sacrifice Rāma said to the wise Vasiṣṭha: "What must be done by me, my lord, as the most necessary thing after this?"
AI translation rendered from the Sanskrit, not a published edition
PdP 5 67.21
रामस्य वचनं श्रुत्वा गुरुः प्राह महामतिः । ब्राह्मणानां प्रकर्तव्या पूजा संतोषकारिका
rāmasya vacanaṃ śrutvā guruḥ prāha mahāmatiḥ | brāhmaṇānāṃ prakartavyā pūjā saṃtoṣakārikā
Hearing Rāma's words, the guru of great intellect said: "Worship of the brahmins must be performed, such as gives them satisfaction."
AI translation rendered from the Sanskrit, not a published edition
PdP 5 67.22
मरुत्तेन क्रतुः सृष्टः पूर्वं संभारसंभृतः । ब्राह्मणास्तत्र वित्ताद्यैस्तोषिता अभवंस्तदा
maruttena kratuḥ sṛṣṭaḥ pūrvaṃ saṃbhārasaṃbhṛtaḥ | brāhmaṇāstatra vittādyaistoṣitā abhavaṃstadā
Formerly a sacrifice was set in motion by Marutta, well furnished with all its requisites; there the brahmins were then gratified with wealth and other (gifts).
AI translation rendered from the Sanskrit, not a published edition
PdP 5 67.23
अत्यंतं वित्तसंभारं नेतुं विप्राशकन्नहि । प्राक्षिपन्हिमवद्देशे वित्तभारासहा द्विजाः
atyaṃtaṃ vittasaṃbhāraṃ netuṃ viprāśakannahi | prākṣipanhimavaddeśe vittabhārāsahā dvijāḥ
The brahmins were unable to carry away the exceedingly great mass of wealth; unable to bear the load of riches, the twice-born threw it down in the Himalaya region.
AI translation rendered from the Sanskrit, not a published edition
PdP 5 67.24
तस्मात्त्वमपि राजाग्र्य लक्ष्मीवान्नृपसत्तम । देहि दानादि विप्रेभ्यो यथा स्यात्प्रीतिरुत्तमा
tasmāttvamapi rājāgrya lakṣmīvānnṛpasattama | dehi dānādi viprebhyo yathā syātprītiruttamā
Therefore you too, foremost of kings, possessed of fortune, best of rulers, give gifts and the rest to the brahmins, so that the highest satisfaction may arise.
AI translation rendered from the Sanskrit, not a published edition
PdP 5 67.25
एतच्छ्रुत्वा स राजाग्र्यः पूज्यं मत्वा घटोद्भवम् । प्रथमं पूजयामास ब्रह्मपुत्रं तपोधनम्
etacchrutvā sa rājāgryaḥ pūjyaṃ matvā ghaṭodbhavam | prathamaṃ pūjayāmāsa brahmaputraṃ tapodhanam
Having heard this, that foremost of kings, considering the pot-born one worthy of honour, first honoured the son of Brahmā, whose wealth was austerity.
AI translation rendered from the Sanskrit, not a published edition
PdP 5 67.26
अनेकरत्नसंभारैः स्वर्णभारैरनेकधा । देशैर्जनैः परिवृतैरत्यंतप्रीतिदायकैः
anekaratnasaṃbhāraiḥ svarṇabhārairanekadhā | deśairjanaiḥ parivṛtairatyaṃtaprītidāyakaiḥ
With heaps of many jewels, with loads of gold in many forms, with territories, with attendant people, all giving the utmost delight —
AI translation rendered from the Sanskrit, not a published edition
PdP 5 67.27
अगस्त्यं पूजयामास सपत्नीकं मनोरमम् । तथैव रत्नैः स्वर्णैश्च देशैश्च विविधैरपि
agastyaṃ pūjayāmāsa sapatnīkaṃ manoramam | tathaiva ratnaiḥ svarṇaiśca deśaiśca vividhairapi
He honoured the delightful Agastya together with his wife, in the same way with jewels and gold and with various territories too.
AI translation rendered from the Sanskrit, not a published edition
PdP 5 67.28
व्यासं सत्यवतीपुत्रं तथैव समपूजयत् । च्यवनं भार्यया साकं सुरत्नैः समपूजयत्
vyāsaṃ satyavatīputraṃ tathaiva samapūjayat | cyavanaṃ bhāryayā sākaṃ suratnaiḥ samapūjayat
In the same way he honoured Vyāsa, the son of Satyavatī; and he honoured Cyavana together with his wife with fine jewels.
AI translation rendered from the Sanskrit, not a published edition
PdP 5 67.29
अन्यानपि मुनीन्सर्वानृत्विजस्तपसां निधीन् । पूजयामास रत्नौघैः स्वर्णभारैरनेकधा
anyānapi munīnsarvānṛtvijastapasāṃ nidhīn | pūjayāmāsa ratnaughaiḥ svarṇabhārairanekadhā
And all the other sages too, the officiating priests, treasuries of austerity, he honoured with floods of jewels and with loads of gold in many forms.
AI translation rendered from the Sanskrit, not a published edition
PdP 5 67.30
अदात्तदा क्रतौ रामो विप्रेभ्यो भूरिदक्षिणाम् । लक्षंलक्षं सुवर्णस्य प्रत्येकं त्वग्रजन्मने
adāttadā kratau rāmo viprebhyo bhūridakṣiṇām | lakṣaṃlakṣaṃ suvarṇasya pratyekaṃ tvagrajanmane
Then at the sacrifice Rāma gave the brahmins abundant sacrificial fees — a hundred thousand pieces of gold to each twice-born individually.
AI translation rendered from the Sanskrit, not a published edition
PdP 5 67.31
दीनांधकृपणेभ्यश्च ददौ दानमनेकधा । यथासंतोषविहितैर्वित्तै रत्नैर्मनोहरैः
dīnāṃdhakṛpaṇebhyaśca dadau dānamanekadhā | yathāsaṃtoṣavihitairvittai ratnairmanoharaiḥ
And to the poor, the blind and the wretched he gave gifts in many forms, with riches and lovely jewels bestowed so as to content (them).
AI translation rendered from the Sanskrit, not a published edition
PdP 5 67.32
वासांसि च विचित्राणि भोजनानि मृदूनि च । तत्र प्रादाद्यथाशास्त्रं सर्वेषां प्रीतिदायकम्
vāsāṃsi ca vicitrāṇi bhojanāni mṛdūni ca | tatra prādādyathāśāstraṃ sarveṣāṃ prītidāyakam
And there, according to the scriptures, he gave variegated garments and soft foods, giving pleasure to all.
AI translation rendered from the Sanskrit, not a published edition
PdP 5 67.33
हृष्टपुष्टजनाकीर्णं सर्वसत्त्वोपबृंहितम् । अत्यंतमभवद्धृष्टं पुरं पुंस्त्रीसमावृतम्
hṛṣṭapuṣṭajanākīrṇaṃ sarvasattvopabṛṃhitam | atyaṃtamabhavaddhṛṣṭaṃ puraṃ puṃstrīsamāvṛtam
The city, crowded with joyful and well-fed people, thronged with all creatures, filled with men and women, became exceedingly glad.
AI translation rendered from the Sanskrit, not a published edition
PdP 5 67.34
दानं ददंतं सर्वेषां वीक्ष्य कुंभोद्भवो मुनिः । अत्यंतपरमप्रीतिं ययौ क्रतुवरे द्विजः
dānaṃ dadaṃtaṃ sarveṣāṃ vīkṣya kuṃbhodbhavo muniḥ | atyaṃtaparamaprītiṃ yayau kratuvare dvijaḥ
Seeing (him) giving gifts to all, the sage born from the pot, the twice-born, attained the utmost supreme delight at that best of sacrifices.
AI translation rendered from the Sanskrit, not a published edition
PdP 5 67.35
तदाभिषेकस्नानार्थं पानीयममृतोपमम् । आनेतुं च चतुःषष्टि नृपान्सस्त्रीन्समाह्वयत्
tadābhiṣekasnānārthaṃ pānīyamamṛtopamam | ānetuṃ ca catuḥṣaṣṭi nṛpānsastrīnsamāhvayat
Then, in order to bring water like nectar for the consecration bath, he summoned sixty-four kings together with their wives.
AI translation rendered from the Sanskrit, not a published edition
PdP 5 67.36
रामस्तु सीतया सार्द्धमानेतुमुदकं ययौ । घटेन स्वर्णवर्णेन सर्वालंकारशोभया
rāmastu sītayā sārddhamānetumudakaṃ yayau | ghaṭena svarṇavarṇena sarvālaṃkāraśobhayā
But Rāma went with Sītā to bring the water, with a pot of golden colour, radiant with every ornament.
AI translation rendered from the Sanskrit, not a published edition
PdP 5 67.37
सौमित्रिरप्यूर्मिलया मांडव्या भरतो नृपः । शत्रुघ्नः श्रुतकीर्त्या च कांतिमत्या च पुष्कलः
saumitrirapyūrmilayā māṃḍavyā bharato nṛpaḥ | śatrughnaḥ śrutakīrtyā ca kāṃtimatyā ca puṣkalaḥ
Saumitri (Lakṣmaṇa) too with Ūrmilā, king Bharata with Māṇḍavī, Śatrughna with Śrutakīrti, and Puṣkala with Kāntimatī;
AI translation rendered from the Sanskrit, not a published edition
PdP 5 67.38
सुबाहुः सत्यवत्या च सत्यवान्वीरभूषया । सुमदस्तत्र सत्कीर्त्या राज्ञ्या च विमलो नृपः
subāhuḥ satyavatyā ca satyavānvīrabhūṣayā | sumadastatra satkīrtyā rājñyā ca vimalo nṛpaḥ
Subāhu with Satyavatī, Satyavān with Vīrabhūṣā, Sumada there with Satkīrti, and king Vimala with his queen;
AI translation rendered from the Sanskrit, not a published edition
PdP 5 67.39
राजावीरमणिस्तत्र श्रुतवत्या मनोज्ञया । लक्ष्मीनिधिः कोमलया रिपुतापोंगसेनया
rājāvīramaṇistatra śrutavatyā manojñayā | lakṣmīnidhiḥ komalayā riputāpoṃgasenayā
King Vīramaṇi there with the charming Śrutavatī, Lakṣmīnidhi with Komalā, Riputāpa with Aṅgasenā;
AI translation rendered from the Sanskrit, not a published edition
PdP 5 67.40
विभीषणो महामूर्त्या प्रतापाग्र्यः प्रतीतया । उग्राश्वः कामगमया नीलरत्नोधिरम्यया
vibhīṣaṇo mahāmūrtyā pratāpāgryaḥ pratītayā | ugrāśvaḥ kāmagamayā nīlaratnodhiramyayā
Vibhīṣaṇa with Mahāmūrti, Pratāpāgrya with Pratīti, Ugrāśva with Kāmagamā, (and one) with Nīlaratnodhiramyā;
AI translation rendered from the Sanskrit, not a published edition — the model flagged this verse as uncertain
PdP 5 67.41
सुरथः सुमनोहार्या तथा मोहनया कपिः । इत्यादीन्नृपतीन्विप्रो वसिष्ठः प्राहिणोन्मुनिः
surathaḥ sumanohāryā tathā mohanayā kapiḥ | ityādīnnṛpatīnvipro vasiṣṭhaḥ prāhiṇonmuniḥ
Suratha with Sumanohārī, and Kapi with Mohanā — such kings the brahmin sage Vasiṣṭha sent forth.
AI translation rendered from the Sanskrit, not a published edition
PdP 5 67.42
वसिष्ठः सरयूं गत्वा शिवपुण्यजलाप्लुताम् । उदकं मंत्रयामास वेदमंत्रेण मंत्रवित्
vasiṣṭhaḥ sarayūṃ gatvā śivapuṇyajalāplutām | udakaṃ maṃtrayāmāsa vedamaṃtreṇa maṃtravit
Vasiṣṭha, knower of mantras, went to the Sarayū, flooded with Śiva's holy water, and consecrated the water with a Vedic mantra.
AI translation rendered from the Sanskrit, not a published edition
PdP 5 67.43
पयः पुनीह्यमुं वाहमुदकेन मनोहृता । यज्ञार्थं रामचंद्रस्य सर्वलोकैकरक्षितुः
payaḥ punīhyamuṃ vāhamudakena manohṛtā | yajñārthaṃ rāmacaṃdrasya sarvalokaikarakṣituḥ
"O water, purify this steed with (this) heart-charming water, for the sake of the sacrifice of Rāmacandra, the sole protector of all the worlds."
AI translation rendered from the Sanskrit, not a published edition — the model flagged this verse as uncertain
PdP 5 67.44
उदकं तन्मुनिस्पृष्टं सर्वे रामादयो नृपाः । आजह्रुर्मंडपतले विप्रवर्यैरुपस्तुते
udakaṃ tanmunispṛṣṭaṃ sarve rāmādayo nṛpāḥ | ājahrurmaṃḍapatale vipravaryairupastute
That water, touched by the sage, all the kings, Rāma and the rest, carried to the floor of the pavilion, which was praised by the foremost brahmins.
AI translation rendered from the Sanskrit, not a published edition
PdP 5 67.45
पयोभिर्निर्मलैः स्नाप्य वाजिनं क्षीरसन्निभम् । मंत्रेण मंत्रयामास राम हस्तेन कुंभजः
payobhirnirmalaiḥ snāpya vājinaṃ kṣīrasannibham | maṃtreṇa maṃtrayāmāsa rāma hastena kuṃbhajaḥ
Having bathed the horse, which resembled milk, with the pure waters, the pot-born (Vasiṣṭha) consecrated (it) with a mantra by Rāma's hand.
AI translation rendered from the Sanskrit, not a published edition
PdP 5 67.46
पुनीहि मां महावाह अस्मिन्ब्रह्मसमाकुले । त्वन्मेधेनाखिला देवाः प्रीणंतु परितोषिताः
punīhi māṃ mahāvāha asminbrahmasamākule | tvanmedhenākhilā devāḥ prīṇaṃtu paritoṣitāḥ
"Purify me, O great steed, in this assembly thronged with brahmins; through your sacrifice may all the gods, well satisfied, be pleased."
AI translation rendered from the Sanskrit, not a published edition
PdP 5 67.47
इत्युक्त्वा स नृपो रामः सीतया सममस्पृशत् । तदा सर्वे द्विजाश्चित्रममन्यंत कुतूहलात्
ityuktvā sa nṛpo rāmaḥ sītayā samamaspṛśat | tadā sarve dvijāścitramamanyaṃta kutūhalāt
Having said this, that king Rāma touched (the horse) together with Sītā; then all the twice-born, out of curiosity, thought it a wonder.
AI translation rendered from the Sanskrit, not a published edition
PdP 5 67.48
परस्परमवोचंस्ते यन्नामस्मरणान्नराः । महापापात्प्रमुच्यंते स रामः किं वदत्यहो
parasparamavocaṃste yannāmasmaraṇānnarāḥ | mahāpāpātpramucyaṃte sa rāmaḥ kiṃ vadatyaho
They said to one another: "He by the remembrance of whose name men are released from great sin — that Rāma, oh, what is he saying!"
AI translation rendered from the Sanskrit, not a published edition
PdP 5 67.49
इत्युक्तवति भूमीशे रामे कुंभोद्भवो मुनिः । करवालं चाभिमंत्र्य ददौ रामकरे मुनिः
ityuktavati bhūmīśe rāme kuṃbhodbhavo muniḥ | karavālaṃ cābhimaṃtrya dadau rāmakare muniḥ
When the lord of the earth, Rāma, had spoken thus, the pot-born sage — the sage, having consecrated a sword with mantras, placed it in Rāma's hand.
AI translation rendered from the Sanskrit, not a published edition
PdP 5 67.50
करवाले धृते स्पृष्टे रामेण स हयः क्रतौ । पशुत्वं तु विहायाशु दिव्यरूपमपद्यत
karavāle dhṛte spṛṣṭe rāmeṇa sa hayaḥ kratau | paśutvaṃ tu vihāyāśu divyarūpamapadyata
When the sword was held and (the horse) was touched by Rāma, that horse at the sacrifice quickly abandoned its animal state and attained a divine form.
AI translation rendered from the Sanskrit, not a published edition
PdP 5 67.51
विमानवरमारूढश्चाप्सरोभिः समंततः । चामरैर्वीज्यमानश्च वैजयंत्या विभूषितः
vimānavaramārūḍhaścāpsarobhiḥ samaṃtataḥ | cāmarairvījyamānaśca vaijayaṃtyā vibhūṣitaḥ
Mounted on an excellent celestial chariot, surrounded on all sides by apsarases, fanned with yak-tail whisks, and adorned with a victory banner —
AI translation rendered from the Sanskrit, not a published edition
PdP 5 67.52
तदा तं वाजितां त्यक्त्वा दिव्यरूपधरं वरम् । वीक्ष्य लोकाः क्रतौ सर्वे विस्मयं प्राप्नुवंस्तदा
tadā taṃ vājitāṃ tyaktvā divyarūpadharaṃ varam | vīkṣya lokāḥ kratau sarve vismayaṃ prāpnuvaṃstadā
then, seeing him who had abandoned the state of a horse and bore an excellent divine form, all the people at the sacrifice were then filled with amazement.
AI translation rendered from the Sanskrit, not a published edition
PdP 5 67.53
तदा रामः स्वयं जानञ्ज्ञापयन्सर्वतो नरान् । पप्रच्छ दिव्यरूपं तं सुरं परमधार्मिकः
tadā rāmaḥ svayaṃ jānañjñāpayansarvato narān | papraccha divyarūpaṃ taṃ suraṃ paramadhārmikaḥ
Then Rāma, most righteous, though himself knowing, in order to inform the people all around, questioned that god of divine form:
AI translation rendered from the Sanskrit, not a published edition
PdP 5 67.54
कस्त्वं दिव्यवपुः प्राप्तः कस्मात्त्वं वाजितां गतः । कथं सुरस्त्रीसहितः किं चिकीर्षसि तद्वद
kastvaṃ divyavapuḥ prāptaḥ kasmāttvaṃ vājitāṃ gataḥ | kathaṃ surastrīsahitaḥ kiṃ cikīrṣasi tadvada
"Who are you, who have obtained a divine body? Why did you come to the condition of a horse? How is it that you are accompanied by celestial women? What do you intend to do? Tell that."
AI translation rendered from the Sanskrit, not a published edition
PdP 5 67.55
रामस्य वचनं श्रुत्वा देवः प्रोवाच भूमिपम् । हसन्मेघरवां वाणीमवदत्सुमनोहराम्
rāmasya vacanaṃ śrutvā devaḥ provāca bhūmipam | hasanmegharavāṃ vāṇīmavadatsumanoharām
Having heard Rāma's words, the god spoke to the lord of the earth; smiling, he uttered a most charming speech with the sound of a cloud.
AI translation rendered from the Sanskrit, not a published edition
PdP 5 67.56
तवाज्ञातं न सर्वत्र बाह्याभ्यंतरचारिणः । तथापि पृच्छते तुभ्यं कथयामि यथातथम्
tavājñātaṃ na sarvatra bāhyābhyaṃtaracāriṇaḥ | tathāpi pṛcchate tubhyaṃ kathayāmi yathātatham
"For you, who move within and without (all things), nothing anywhere is unknown; nevertheless, since you ask, I shall tell you exactly as it is."
AI translation rendered from the Sanskrit, not a published edition
PdP 5 67.57
अहं पुराभवे राम द्विजः परमधार्मिकः । अचरं प्रतिकूलं वै वेदस्य रिपुतापन
ahaṃ purābhave rāma dvijaḥ paramadhārmikaḥ | acaraṃ pratikūlaṃ vai vedasya riputāpana
"In a former birth, O Rāma, I was a brahmin, most righteous; indeed I did nothing contrary to the Veda, O scorcher of foes."
AI translation rendered from the Sanskrit, not a published edition
PdP 5 67.58
कदाचिद्धुतपापायास्तीरेऽहं गतवान्पुरा । अनेकवृक्षललिते सर्वत्रसुमनोरमे
kadāciddhutapāpāyāstīre'haṃ gatavānpurā | anekavṛkṣalalite sarvatrasumanorame
"Once, long ago, I went to the bank of the Hutapāpā, lovely with many trees and delightful in every part."
AI translation rendered from the Sanskrit, not a published edition
PdP 5 67.59
तत्र स्नात्वा पितॄंस्तृप्त्वा दानं दत्त्वा यथाविधि । ध्यानं तव महाबाहो कृतवान्वेदसंमितम्
tatra snātvā pitṝṃstṛptvā dānaṃ dattvā yathāvidhi | dhyānaṃ tava mahābāho kṛtavānvedasaṃmitam
"Having bathed there, having satisfied the ancestors, having given gifts according to the rule, I performed meditation on you, O mighty-armed one, in accordance with the Veda."
AI translation rendered from the Sanskrit, not a published edition
PdP 5 67.60
तदा जनाः समायाता बहवस्तत्र भूपते । तेषां प्रवंचनार्थाय दंभमेनमकारिषम्
tadā janāḥ samāyātā bahavastatra bhūpate | teṣāṃ pravaṃcanārthāya daṃbhamenamakāriṣam
"Then many people came there, O lord of the earth; in order to deceive them I made this show of hypocrisy."
AI translation rendered from the Sanskrit, not a published edition
PdP 5 67.61
अनेकक्रतुसंभारैः पूर्णमजिरमुत्तमम् । वासोभिश्छादितं रम्यं चषालादियुतं महत्
anekakratusaṃbhāraiḥ pūrṇamajiramuttamam | vāsobhiśchāditaṃ ramyaṃ caṣālādiyutaṃ mahat
"An excellent enclosure filled with the equipment of many sacrifices, covered over with cloths, lovely, great, furnished with the sacrificial post's ring and the rest;"
AI translation rendered from the Sanskrit, not a published edition
PdP 5 67.62
अग्निहोत्रोद्भवोधूमः सर्वतो नभसोंगणम् । चकार रम्यमतुलं चित्रकारिवपुर्धरः
agnihotrodbhavodhūmaḥ sarvato nabhasoṃgaṇam | cakāra ramyamatulaṃ citrakārivapurdharaḥ
The smoke risen from the agnihotra, taking on the form of a painter, made the whole vault of the sky delightful and beyond compare.
AI translation rendered from the Sanskrit, not a published edition
PdP 5 67.63
अनेकतिलकश्रीभिः शोभितांगो महत्तपाः । दर्भशोभः समित्पाणिर्दंभो मूर्तिधरः किमु
anekatilakaśrībhiḥ śobhitāṃgo mahattapāḥ | darbhaśobhaḥ samitpāṇirdaṃbho mūrtidharaḥ kimu
With his limbs adorned by the splendour of many tilaka-marks, of great austerity, resplendent with darbha grass, kindling-sticks in hand — was (this) not Hypocrisy itself taking on a body?
AI translation rendered from the Sanskrit, not a published edition
PdP 5 67.64
दुर्वासास्तत्र स्वच्छंदं पर्यटञ्जगतीतलम् । प्राप तत्र महातेजा धूतपापसरित्तटे
durvāsāstatra svacchaṃdaṃ paryaṭañjagatītalam | prāpa tatra mahātejā dhūtapāpasarittaṭe
Then Durvāsas, of great splendour, wandering the surface of the earth at his own will, arrived there on the bank of the river that washes away sins.
AI translation rendered from the Sanskrit, not a published edition
PdP 5 67.65
ददर्श मां दंभकरं मौनधारिणमग्रतः । अनर्घ्यकरमुन्मत्तमस्वागतवचः करम्
dadarśa māṃ daṃbhakaraṃ maunadhāriṇamagrataḥ | anarghyakaramunmattamasvāgatavacaḥ karam
He saw me before him, practising hypocrisy, keeping silence, doing nothing worthy (of a host), crazed, offering no word of welcome.
AI translation rendered from the Sanskrit, not a published edition
PdP 5 67.66
दृष्ट्वातीव क्रुधाक्रांतः समुद्र इव पर्वणि । शशापासौ मुनिस्तीव्रो दंभिनं मां महामतिः
dṛṣṭvātīva krudhākrāṃtaḥ samudra iva parvaṇi | śaśāpāsau munistīvro daṃbhinaṃ māṃ mahāmatiḥ
Seeing (this), that fierce sage of great mind, overcome by extreme wrath like the ocean at the full moon, cursed me, the hypocrite.
AI translation rendered from the Sanskrit, not a published edition
PdP 5 67.67
दंभं करोषि चेत्तीरे सरितस्त्वं सुदुर्मते । तस्मात्प्राप्नुहि निर्वाच्यं पशुत्वं तापसाधम
daṃbhaṃ karoṣi cettīre saritastvaṃ sudurmate | tasmātprāpnuhi nirvācyaṃ paśutvaṃ tāpasādhama
"If you practise hypocrisy on the bank of the river, you of most evil mind — therefore obtain the unspeakable state of a beast, O basest of ascetics!"
AI translation rendered from the Sanskrit, not a published edition
PdP 5 67.68
शापं प्रदत्तं संश्रुत्य दुःखितोऽहं तदाभवम् । अग्राहिषं पदे तस्य मुनेर्दुर्वाससः किल
śāpaṃ pradattaṃ saṃśrutya duḥkhito'haṃ tadābhavam | agrāhiṣaṃ pade tasya munerdurvāsasaḥ kila
Hearing the curse pronounced, I became sorrowful then, and I clasped the feet of that sage Durvāsas.
AI translation rendered from the Sanskrit, not a published edition
PdP 5 67.69
तदा मे कृतवान्राम द्विजोऽनुग्रहमुत्तमम् । वाजितां प्राप्नुहि मखे राजराजस्य तापस
tadā me kṛtavānrāma dvijo'nugrahamuttamam | vājitāṃ prāpnuhi makhe rājarājasya tāpasa
Then, Rāma, the brahmin granted me the highest favour: "You shall attain the state of a horse at the sacrifice of the king of kings, O ascetic;
AI translation rendered from the Sanskrit, not a published edition
PdP 5 67.70
पश्चात्तद्धस्तसंपर्काद्याहि तत्परमं पदम् । दिव्यं वपुर्मनोहारि धृत्वा दंभविवर्जितम्
paścāttaddhastasaṃparkādyāhi tatparamaṃ padam | divyaṃ vapurmanohāri dhṛtvā daṃbhavivarjitam
afterwards, by the touch of his hand, you shall go to that supreme abode, having assumed a divine, heart-charming body free of hypocrisy."
AI translation rendered from the Sanskrit, not a published edition
PdP 5 67.71
तेन शापोपिसंदिष्टो ममानुग्रहतां गतः । यदहं तव हस्तस्य स्पर्शं प्राप्तो मनोरमम्
tena śāpopisaṃdiṣṭo mamānugrahatāṃ gataḥ | yadahaṃ tava hastasya sparśaṃ prāpto manoramam
Thus even the curse, as he directed it, turned into a favour for me, since I have obtained the delightful touch of your hand.
AI translation rendered from the Sanskrit, not a published edition
PdP 5 67.72
यदेव राम देवादिदुर्लभं बहुजन्मभिः । तत्तेऽहं करजस्पर्शं प्राप्तवानिह दुर्लभम्
yadeva rāma devādidurlabhaṃ bahujanmabhiḥ | tatte'haṃ karajasparśaṃ prāptavāniha durlabham
That very thing, Rāma, which is hard for the gods and others to win through many births — that hard-won touch of your fingernails I have obtained here.
AI translation rendered from the Sanskrit, not a published edition
PdP 5 67.73
आज्ञापय महाराज त्वत्प्रसादादहं महत् । गच्छामि शाश्वतं स्थानं तव दुःखादिवर्जितम्
ājñāpaya mahārāja tvatprasādādahaṃ mahat | gacchāmi śāśvataṃ sthānaṃ tava duḥkhādivarjitam
Command me, great king: by your grace I go to that great, everlasting abode of yours, free from sorrow and the rest.
AI translation rendered from the Sanskrit, not a published edition
PdP 5 67.74
न यत्र शोको न जरा न मृत्युः कालविभ्रमः । तत्स्थानं देव गच्छामि त्वत्प्रसादान्नराधिप
na yatra śoko na jarā na mṛtyuḥ kālavibhramaḥ | tatsthānaṃ deva gacchāmi tvatprasādānnarādhipa
Where there is no grief, no old age, no death, no disturbance of time — to that abode I go, O god, by your grace, O lord of men.
AI translation rendered from the Sanskrit, not a published edition
PdP 5 67.75
इत्युक्त्वा तं परिक्रम्य विमानवरमारुहत् । अनेकरत्नखचितं सर्वदेवाधिवंदितम्
ityuktvā taṃ parikramya vimānavaramāruhat | anekaratnakhacitaṃ sarvadevādhivaṃditam
Having said this, he circumambulated him and mounted an excellent celestial car, inlaid with many jewels, saluted by all the gods.
AI translation rendered from the Sanskrit, not a published edition
PdP 5 67.76
गतोऽसौ शाश्वतस्थानं रामपादप्रसादतः । पुनरावृत्तिरहितं शोकमोहविवर्जितम्
gato'sau śāśvatasthānaṃ rāmapādaprasādataḥ | punarāvṛttirahitaṃ śokamohavivarjitam
He went, through the grace of Rāma's feet, to the everlasting abode from which there is no returning again, free from grief and delusion.
AI translation rendered from the Sanskrit, not a published edition
PdP 5 67.77
तेन तत्कथितं श्रुत्वा रामं ज्ञात्वेतरे जनाः । विस्मयं प्रापिरे सर्वे परस्परमुदुन्मदाः
tena tatkathitaṃ śrutvā rāmaṃ jñātvetare janāḥ | vismayaṃ prāpire sarve parasparamudunmadāḥ
Hearing that told by him, and recognizing Rāma (for what he was), the other people all fell into amazement, exhilarated with joy toward one another.
AI translation rendered from the Sanskrit, not a published edition — the model flagged this verse as uncertain
PdP 5 67.78
शृणु द्विजमहाबुद्धे दंभेनापि स्मृतो हरिः । ददाति मोक्षं सुतरां किं पुनर्दंभवर्जनात्
śṛṇu dvijamahābuddhe daṃbhenāpi smṛto hariḥ | dadāti mokṣaṃ sutarāṃ kiṃ punardaṃbhavarjanāt
Hear, O brahmin of great intelligence: Hari, remembered even out of hypocrisy, grants liberation readily — how much more when hypocrisy is abandoned!
AI translation rendered from the Sanskrit, not a published edition
PdP 5 67.79
यथाकथंचिद्रामस्य कर्तव्यं स्मरणं परम् । येन प्राप्नोति परमं पदं देवादिदुर्लभम्
yathākathaṃcidrāmasya kartavyaṃ smaraṇaṃ param | yena prāpnoti paramaṃ padaṃ devādidurlabham
Somehow or other the supreme remembrance of Rāma should be practised, by which one attains the highest station, hard for the gods and others to reach.
AI translation rendered from the Sanskrit, not a published edition
PdP 5 67.80
तच्चित्रं वीक्ष्य मुनयः कृतार्थं मेनिरे निजम् । यद्रामचरणप्रेक्षा करस्पर्शपवित्रितम्
taccitraṃ vīkṣya munayaḥ kṛtārthaṃ menire nijam | yadrāmacaraṇaprekṣā karasparśapavitritam
Seeing that marvel, the sages deemed their own (lives) fulfilled, in that the sight of Rāma's feet was hallowed by the touch of his hand.
AI translation rendered from the Sanskrit, not a published edition — the model flagged this verse as uncertain
PdP 5 67.81
गते तस्मिन्सुरे स्वर्गं हयरूपधरे पुरा । उवाच रामस्तपसां निधीन्वेदविदुत्तमान्
gate tasminsure svargaṃ hayarūpadhare purā | uvāca rāmastapasāṃ nidhīnvedaviduttamān
When that god who formerly bore the form of a horse had gone to heaven, Rāma spoke to those treasuries of austerity, the foremost of the knowers of the Veda.
AI translation rendered from the Sanskrit, not a published edition
PdP 5 67.82
किं कर्तव्यं मयाब्रह्मन्हयो नष्टो गतः सुखम् । होमः कथं पुरोभावी सर्वदैवततर्पकः
kiṃ kartavyaṃ mayābrahmanhayo naṣṭo gataḥ sukham | homaḥ kathaṃ purobhāvī sarvadaivatatarpakaḥ
"What is to be done by me, O brahmin? The horse is lost and has gone off freely. How can the oblation, which satisfies all the gods, come about hereafter?"
AI translation rendered from the Sanskrit, not a published edition
PdP 5 67.83
यथा स्यात्सुरसंतृप्तिर्यथा मे मख उत्तमः । तथा कुर्वंतु मुनयो यथा मे स्याद्विधिश्रुतम्
yathā syātsurasaṃtṛptiryathā me makha uttamaḥ | tathā kurvaṃtu munayo yathā me syādvidhiśrutam
"In such a way that the gods be satisfied, and that my sacrifice be the highest — so let the sages act, so that what is enjoined in scripture may be mine."
AI translation rendered from the Sanskrit, not a published edition
PdP 5 67.84
इति वाक्यं समाश्रुत्य जगाद मुनिसत्तमः । वसिष्ठः सर्वदेवानां चित्ताभिज्ञानकोविदः
iti vākyaṃ samāśrutya jagāda munisattamaḥ | vasiṣṭhaḥ sarvadevānāṃ cittābhijñānakovidaḥ
Having heard this speech, the best of sages spoke — Vasiṣṭha, skilled in the recognition of the minds of all the gods.
AI translation rendered from the Sanskrit, not a published edition
PdP 5 67.85
कर्पूरमाहर क्षिप्रं येन देवाः स्वयं पुरा । प्राप्य हव्यं ग्रहीष्यंति मद्वाक्यप्रेरिताधुना
karpūramāhara kṣipraṃ yena devāḥ svayaṃ purā | prāpya havyaṃ grahīṣyaṃti madvākyapreritādhunā
"Bring camphor quickly, by which the gods themselves, as of old, will come and receive the oblation, being now urged (here) by my word."
AI translation rendered from the Sanskrit, not a published edition
PdP 5 67.86
इति वाक्यं समाकर्ण्य रामः क्षिप्रमुपाहरत् । कर्पूरं बहुदेवानां प्रीत्यर्थं बहुशोभनम्
iti vākyaṃ samākarṇya rāmaḥ kṣipramupāharat | karpūraṃ bahudevānāṃ prītyarthaṃ bahuśobhanam
Having heard this speech, Rāma quickly brought camphor, very beautiful, for the pleasure of the many gods.
AI translation rendered from the Sanskrit, not a published edition
PdP 5 67.87
तदा मुनिः प्रहृष्टात्मा देवानाह्वयदद्भुतान् । ते सर्वे तत्क्षणात्प्राप्ताः स्वपरीवारसंवृताः
tadā muniḥ prahṛṣṭātmā devānāhvayadadbhutān | te sarve tatkṣaṇātprāptāḥ svaparīvārasaṃvṛtāḥ
Then the sage, greatly delighted in heart, summoned the wondrous gods; and all of them arrived that very instant, surrounded by their own retinues.
AI translation rendered from the Sanskrit, not a published edition