Padma Purana — Patala Khanda — Chapter 65
PdP 5 65.1
शेष उवाच। क्षणान्मूर्च्छां जहौ वीरः शत्रुघ्नः समरांगणे । अन्येऽपि वीराबलिनो मूर्च्छां प्राप्ताः सुजीविताः
śeṣa uvāca| kṣaṇānmūrcchāṃ jahau vīraḥ śatrughnaḥ samarāṃgaṇe | anye'pi vīrābalino mūrcchāṃ prāptāḥ sujīvitāḥ
Śeṣa said: In an instant the hero Śatrughna cast off his swoon on the field of battle; the other strong heroes too who had fallen into a swoon came well to life.
AI translation rendered from the Sanskrit, not a published edition
PdP 5 65.2
शत्रुघ्नो वाजिनां श्रेष्ठं ददर्श पुरतः स्थितम् । आत्मानं च शिरस्त्राणरहितं सैन्यजीवितम्
śatrughno vājināṃ śreṣṭhaṃ dadarśa purataḥ sthitam | ātmānaṃ ca śirastrāṇarahitaṃ sainyajīvitam
Śatrughna saw the best of horses standing before him, and himself without a helmet, and the army alive.
AI translation rendered from the Sanskrit, not a published edition
PdP 5 65.3
वीक्ष्य चित्रमिदं स्वांते चकारच जगाद ह । सुमतिं मंत्रिणां श्रेष्ठं मूर्च्छाविरहितं तदा
vīkṣya citramidaṃ svāṃte cakāraca jagāda ha | sumatiṃ maṃtriṇāṃ śreṣṭhaṃ mūrcchāvirahitaṃ tadā
Seeing this, he thought it a marvel in his heart, and then spoke to Sumati, best of ministers, who was free of his swoon:
AI translation rendered from the Sanskrit, not a published edition
PdP 5 65.4
कृपां कृत्वा हयं प्रादाद्बालो यज्ञस्य पूर्तये । गच्छाम रामं तरसा हयागमनकांक्षिणम्
kṛpāṃ kṛtvā hayaṃ prādādbālo yajñasya pūrtaye | gacchāma rāmaṃ tarasā hayāgamanakāṃkṣiṇam
"Out of compassion the boy gave the horse for the completion of the sacrifice; let us go swiftly to Rāma, who awaits the horse's arrival."
AI translation rendered from the Sanskrit, not a published edition
PdP 5 65.5
इत्युक्त्वा स रथे स्थित्वा हयमादाय वेगतः । ययौ तदाश्रमाद्दूरं भेरीशंखविवर्जितः
ityuktvā sa rathe sthitvā hayamādāya vegataḥ | yayau tadāśramāddūraṃ bherīśaṃkhavivarjitaḥ
Having said this, he took the horse and, standing in his chariot, went swiftly far from that hermitage, without (the sound of) kettledrums and conches.
AI translation rendered from the Sanskrit, not a published edition
PdP 5 65.6
तत्पृष्ठतो महासैन्यं चतुरंगसमन्वितम् । चचाल कुर्वन्संभग्नं स्वभारेण फणीश्वरम्
tatpṛṣṭhato mahāsainyaṃ caturaṃgasamanvitam | cacāla kurvansaṃbhagnaṃ svabhāreṇa phaṇīśvaram
Behind him the great army, complete with its four divisions, moved on, crushing with its own weight the lord of serpents (Śeṣa).
AI translation rendered from the Sanskrit, not a published edition
PdP 5 65.7
जवेन जाह्नवीं तीर्त्वा कल्लोलजलशालिनीम् । जगाम विषये स्वीये स्वकीयजनशोभिते
javena jāhnavīṃ tīrtvā kallolajalaśālinīm | jagāma viṣaye svīye svakīyajanaśobhite
Crossing the Jāhnavī (Ganges), rich in surging waters, at speed, he went into his own territory, adorned with his own people.
AI translation rendered from the Sanskrit, not a published edition
PdP 5 65.8
पुष्कलेन युतो राजा सुरथेन समन्वितः । रथे मणिमये तिष्ठन्महत्कोदंडधारकः
puṣkalena yuto rājā surathena samanvitaḥ | rathe maṇimaye tiṣṭhanmahatkodaṃḍadhārakaḥ
The king, joined by Puṣkala and accompanied by Suratha, stood in his jewelled chariot, bearing a great bow,
AI translation rendered from the Sanskrit, not a published edition
PdP 5 65.9
हयं तं पुरतः कृत्वा रत्नमालाविभूषितम् । श्वेतातपत्रं तस्यैव मूर्ध्नि चामरभूषितम्
hayaṃ taṃ purataḥ kṛtvā ratnamālāvibhūṣitam | śvetātapatraṃ tasyaiva mūrdhni cāmarabhūṣitam
placing in front that horse adorned with a garland of gems, with a white parasol decked with a yak-tail fan over its very head,
AI translation rendered from the Sanskrit, not a published edition
PdP 5 65.10
अनेकरथसाहस्रैः परितो बलिभिर्नृपैः । उद्यत्कोदंडललितैर्वीरनादविभूषितैः
anekarathasāhasraiḥ parito balibhirnṛpaiḥ | udyatkodaṃḍalalitairvīranādavibhūṣitaiḥ
surrounded by many thousands of chariots and by mighty kings, graceful with raised bows and adorned with heroic war-cries,
AI translation rendered from the Sanskrit, not a published edition
PdP 5 65.11
क्रमेण नगरीं प्राप सूर्यवंशविभूषिताम् । अनेकैः केतुभिः श्रेष्ठैर्भूषितां दुर्गराजिताम्
krameṇa nagarīṃ prāpa sūryavaṃśavibhūṣitām | anekaiḥ ketubhiḥ śreṣṭhairbhūṣitāṃ durgarājitām
and in due course he reached the city adorned by the Solar dynasty, decked with many excellent banners and resplendent with its fortress.
AI translation rendered from the Sanskrit, not a published edition
PdP 5 65.12
रामः श्रुत्वा हयं प्राप्तं शत्रुघ्नेन सहामुना । पुष्कलेन च वीरेण ययौ हर्षमनेकधा
rāmaḥ śrutvā hayaṃ prāptaṃ śatrughnena sahāmunā | puṣkalena ca vīreṇa yayau harṣamanekadhā
Rāma, hearing that the horse had arrived with that sage-like Śatrughna and with the hero Puṣkala, felt joy in many ways.
AI translation rendered from the Sanskrit, not a published edition
PdP 5 65.13
कटकं निर्दिदेशासौ चतुरंगं महाबलम् । लक्ष्मणं प्रेषयामास भ्रातरं बलिनां वरम्
kaṭakaṃ nirdideśāsau caturaṃgaṃ mahābalam | lakṣmaṇaṃ preṣayāmāsa bhrātaraṃ balināṃ varam
He gave orders to the army, mighty and of four divisions, and sent Lakṣmaṇa, his brother, the best of the strong.
AI translation rendered from the Sanskrit, not a published edition
PdP 5 65.14
लक्ष्मणः सैन्यसहितो गत्वा भ्रातरमागतम् । परिरेभे मुदाक्रांतः क्षतशोभितगात्रकम्
lakṣmaṇaḥ sainyasahito gatvā bhrātaramāgatam | parirebhe mudākrāṃtaḥ kṣataśobhitagātrakam
Lakṣmaṇa, together with the army, went and, overcome with joy, embraced his brother who had come, his limbs adorned with wounds.
AI translation rendered from the Sanskrit, not a published edition
PdP 5 65.15
सर्वत्र कुशलं पृष्टो वार्तां चात्र चकार सः । परमं हर्षमापन्नः शत्रुघ्नः संगतो मुदा
sarvatra kuśalaṃ pṛṣṭo vārtāṃ cātra cakāra saḥ | paramaṃ harṣamāpannaḥ śatrughnaḥ saṃgato mudā
Asked about the welfare of everything, he gave a report of it there; Śatrughna, attaining the highest joy, was united (with him) in delight.
AI translation rendered from the Sanskrit, not a published edition
PdP 5 65.16
सौमित्रिः स्वरथे स्थित्वा भ्रात्रा सह महामनाः । सैन्येन महता वीरो ययौ स्वनगरीं प्रति
saumitriḥ svarathe sthitvā bhrātrā saha mahāmanāḥ | sainyena mahatā vīro yayau svanagarīṃ prati
The son of Sumitrā, high-minded, standing in his own chariot with his brother, the hero went with a great army toward his own city.
AI translation rendered from the Sanskrit, not a published edition
PdP 5 65.17
सरयूः पुण्यसलिला पवित्रित जगत्त्रया । रामपादरजः पूता शरच्चंद्रसमप्रभा
sarayūḥ puṇyasalilā pavitrita jagattrayā | rāmapādarajaḥ pūtā śaraccaṃdrasamaprabhā
The Sarayū, with her holy waters, purifier of the three worlds, made pure by the dust of Rāma's feet, radiant as the autumn moon,
AI translation rendered from the Sanskrit, not a published edition
PdP 5 65.18
हंसकारंडवाकीर्णा चक्रवाकोपशोभिता । विचित्रतरवर्णैश्च पक्षिभिर्नादिता भृशम्
haṃsakāraṃḍavākīrṇā cakravākopaśobhitā | vicitrataravarṇaiśca pakṣibhirnāditā bhṛśam
strewn with geese and kāraṇḍava ducks, graced with cakravāka birds, and loudly resounding with birds of wondrously varied colours—
AI translation rendered from the Sanskrit, not a published edition
PdP 5 65.19
मंडपास्तत्र बहुशो रामचंद्रेणकारिताः । ब्राह्मणानां वेदविदां पृथक्पाठनिनादकाः
maṃḍapāstatra bahuśo rāmacaṃdreṇakāritāḥ | brāhmaṇānāṃ vedavidāṃ pṛthakpāṭhaninādakāḥ
There pavilions had been built in great numbers by Rāmacandra, resounding with the separate recitations of Veda-knowing brāhmaṇas.
AI translation rendered from the Sanskrit, not a published edition
PdP 5 65.20
क्षत्रियास्तत्र बहवो धनुःपाणि सुशोभिताः । ज्याटंकारेण बहुना नादयंतो महीतलम्
kṣatriyāstatra bahavo dhanuḥpāṇi suśobhitāḥ | jyāṭaṃkāreṇa bahunā nādayaṃto mahītalam
There many kṣatriyas, splendid with bows in hand, made the surface of the earth resound with the repeated twang of their bowstrings.
AI translation rendered from the Sanskrit, not a published edition
PdP 5 65.21
भुंजते ब्राह्मणा यत्र विचित्रान्नैर्मनोहरैः । परस्परं प्रपश्यंतो वार्तां चक्रुर्मनोहराम्
bhuṃjate brāhmaṇā yatra vicitrānnairmanoharaiḥ | parasparaṃ prapaśyaṃto vārtāṃ cakrurmanoharām
Where the brāhmaṇas ate of the varied, delightful foods, and, looking at one another, made pleasant conversation.
AI translation rendered from the Sanskrit, not a published edition
PdP 5 65.22
पायसान्नानि शुभ्राणि चंद्रकांतिसमानि च । क्षीराज्यबहुयुक्तानि शर्करामिश्रितानि च
pāyasānnāni śubhrāṇi caṃdrakāṃtisamāni ca | kṣīrājyabahuyuktāni śarkarāmiśritāni ca
(There were) milk-rice dishes, white and equal to the moon's radiance, richly供 supplied with milk and ghee and mixed with sugar;
AI translation rendered from the Sanskrit, not a published edition
PdP 5 65.23
अपूपास्तत्र बहुलाश्चंद्रबिंबसमाः श्रिया । कर्पूरादिसुगंधेन वासिताः सुमनोहराः
apūpāstatra bahulāścaṃdrabiṃbasamāḥ śriyā | karpūrādisugaṃdhena vāsitāḥ sumanoharāḥ
there cakes in abundance, equal in beauty to the moon's disc, perfumed with the fragrance of camphor and the rest, very delightful;
AI translation rendered from the Sanskrit, not a published edition
PdP 5 65.24
फेनिकाघटकाः स्निग्धाः शतच्छिद्रा विरंध्रकाः । शष्कुल्यो मंडकामृष्टा मधुरान्नसमन्विताः
phenikāghaṭakāḥ snigdhāḥ śatacchidrā viraṃdhrakāḥ | śaṣkulyo maṃḍakāmṛṣṭā madhurānnasamanvitāḥ
There were lumps of phenikā pastry, glistening, some with a hundred holes and some without any holes; śaṣkulī cakes, and well-cleaned maṇḍaka breads, together with sweet dishes.
AI translation rendered from the Sanskrit, not a published edition — the model flagged this verse as uncertain
PdP 5 65.25
भक्तं कुमुदसंकाशं मुद्गदालिविमिश्रितम् । सुगंधेन समायुक्तमत्यंतं प्रीतिदायकम्
bhaktaṃ kumudasaṃkāśaṃ mudgadālivimiśritam | sugaṃdhena samāyuktamatyaṃtaṃ prītidāyakam
Boiled rice resembling a white water-lily, mixed with mung-bean dāl, endowed with fine fragrance, exceedingly delight-giving;
AI translation rendered from the Sanskrit, not a published edition
PdP 5 65.26
ओदनो दधिना युक्तो भीमसेनसमन्वितः । स्वादुपाककरैः सृष्टः पात्रे मुक्तः प्रवेषकैः
odano dadhinā yukto bhīmasenasamanvitaḥ | svādupākakaraiḥ sṛṣṭaḥ pātre muktaḥ praveṣakaiḥ
rice combined with curds and mixed with bhīmasena camphor, prepared by cooks who make it tasty, set out on the plates by the servers.
AI translation rendered from the Sanskrit, not a published edition — the model flagged this verse as uncertain
PdP 5 65.27
तत्र केचिद्द्विजाः पात्रे निक्षिप्तं वीक्ष्य पायसम् । परस्परं ते प्रत्यूचुः किमिदं दृश्यतेऽद्भुतम्
tatra keciddvijāḥ pātre nikṣiptaṃ vīkṣya pāyasam | parasparaṃ te pratyūcuḥ kimidaṃ dṛśyate'dbhutam
Then some brahmins there, seeing the milk-pudding placed on their plates, said to one another: "What is this wonder that appears?
AI translation rendered from the Sanskrit, not a published edition
PdP 5 65.28
किं चंद्रबिंबं नभसः पतितं तमसो भयात् । अमृतं तु भवत्यत्र मृत्युनाशकमद्भुतम्
kiṃ caṃdrabiṃbaṃ nabhasaḥ patitaṃ tamaso bhayāt | amṛtaṃ tu bhavatyatra mṛtyunāśakamadbhutam
Can it be the moon's disc, fallen from the sky out of fear of darkness? Rather it must be nectar here, the wondrous destroyer of death."
AI translation rendered from the Sanskrit, not a published edition
PdP 5 65.29
तच्छ्रुत्वा रोषताम्राक्षः प्रोवाचान्यो द्विजोत्तमः । नभवत्येव चंद्रस्य बिंबं त्वमृतविप्लुतम्
tacchrutvā roṣatāmrākṣaḥ provācānyo dvijottamaḥ | nabhavatyeva caṃdrasya biṃbaṃ tvamṛtaviplutam
Hearing that, another excellent brahmin, his eyes red with anger, spoke: "It is not the moon's disc at all, but something flooded with nectar.
AI translation rendered from the Sanskrit, not a published edition
PdP 5 65.30
एकमिंदोर्वपुस्त्वेतद्दृश्यते सदृशं कथम् । ब्राह्मणानां सहस्रस्य पात्रे पात्रे पृथक्पृथक्
ekamiṃdorvapustvetaddṛśyate sadṛśaṃ katham | brāhmaṇānāṃ sahasrasya pātre pātre pṛthakpṛthak
The moon's body is but one — how then does the like of it appear separately in the plate of each of a thousand brahmins?
AI translation rendered from the Sanskrit, not a published edition
PdP 5 65.31
ततो जानीहि कुमुदं कर्पूरं वा भविष्यति । मा जानीहि मृगांकस्य बिंबं शुभ्रश्रियान्वितम्
tato jānīhi kumudaṃ karpūraṃ vā bhaviṣyati | mā jānīhi mṛgāṃkasya biṃbaṃ śubhraśriyānvitam
Therefore know it to be a water-lily, or else it will be camphor; do not take it for the disc of the deer-marked moon endowed with white splendour."
AI translation rendered from the Sanskrit, not a published edition
PdP 5 65.32
तावदन्यो रुषाक्रांतो धुन्वन्स्वं मस्तकं तथा । न जानंति द्विजा मूढाः स्वादुज्ञाना विचक्षणाः
tāvadanyo ruṣākrāṃto dhunvansvaṃ mastakaṃ tathā | na jānaṃti dvijā mūḍhāḥ svādujñānā vicakṣaṇāḥ
Meanwhile another, seized with anger, shaking his head, (said): "These deluded brahmins do not know, (though) they are experts with knowledge of flavours.
AI translation rendered from the Sanskrit, not a published edition
PdP 5 65.33
इदं तु क्षौद्रकंदस्यरसेन परिपाचितम् । जानीहि शतपत्रस्य पुष्पाणि मधुराणि च
idaṃ tu kṣaudrakaṃdasyarasena paripācitam | jānīhi śatapatrasya puṣpāṇi madhurāṇi ca
This has been cooked with the juice of the honey-tuber; know it to be the sweet flowers of the hundred-petalled lotus."
AI translation rendered from the Sanskrit, not a published edition — the model flagged this verse as uncertain
PdP 5 65.34
एवं परस्परं विप्राः कंदमूलफलाशिनः । तर्कयंति मुने प्रीता रसज्ञानेऽतिलोलुपाः
evaṃ parasparaṃ viprāḥ kaṃdamūlaphalāśinaḥ | tarkayaṃti mune prītā rasajñāne'tilolupāḥ
Thus, O sage, the brahmins, eaters of bulbs, roots and fruits, delighted, argued with one another, being exceedingly greedy in the knowledge of flavours.
AI translation rendered from the Sanskrit, not a published edition
PdP 5 65.35
तावदन्यो द्विजः प्राह क्षत्त्रियाणां वरं जनुः । भोक्ष्यंते तादृशं त्वन्नं महत्पुण्यैरुपस्कृतम्
tāvadanyo dvijaḥ prāha kṣattriyāṇāṃ varaṃ januḥ | bhokṣyaṃte tādṛśaṃ tvannaṃ mahatpuṇyairupaskṛtam
Meanwhile another brahmin said: "The birth of the kshatriyas is better — they will eat such food as this, furnished by great merits."
AI translation rendered from the Sanskrit, not a published edition
PdP 5 65.36
तदा तं प्राब्रवीद्विप्रो दत्तस्य फलमीदृशम् । ये ददत्यग्रजन्मभ्यः प्राप्नुवंति त ईप्सितम्
tadā taṃ prābravīdvipro dattasya phalamīdṛśam | ye dadatyagrajanmabhyaḥ prāpnuvaṃti ta īpsitam
Then a brahmin said to him: "Such is the fruit of what is given; those who give to the twice-born obtain what they desire.
AI translation rendered from the Sanskrit, not a published edition
PdP 5 65.37
यैरर्चितो नैव हरिर्नैवेद्यैर्विविधैर्मुहुः । तेषामेतादृशं भोज्यं न भवेदक्षिगोचरम्
yairarcito naiva harirnaivedyairvividhairmuhuḥ | teṣāmetādṛśaṃ bhojyaṃ na bhavedakṣigocaram
For those by whom Hari has not been worshipped again and again with various food-offerings, food such as this would not come within sight of their eyes.
AI translation rendered from the Sanskrit, not a published edition
PdP 5 65.38
यैर्नरैरग्रजन्मानो भोजिता विविधै रसैः । भुंजते ते स्वादुरसं पापिनां चक्षुरुज्झितम्
yairnarairagrajanmāno bhojitā vividhai rasaiḥ | bhuṃjate te svādurasaṃ pāpināṃ cakṣurujjhitam
Those men by whom the twice-born have been fed with various savoury dishes enjoy delicious food, which is withheld from the eyes of sinners."
AI translation rendered from the Sanskrit, not a published edition
PdP 5 65.39
एवंविधैरसैर्मिष्टैर्भोजिता द्विजसत्तमाः । मंडपे विपठंतस्ते शब्दब्रह्मविचक्षणाः
evaṃvidhairasairmiṣṭairbhojitā dvijasattamāḥ | maṃḍape vipaṭhaṃtaste śabdabrahmavicakṣaṇāḥ
Fed with sweet dishes of such a kind, those best of the twice-born, skilled in the Brahman-of-sound, recited in the pavilion.
AI translation rendered from the Sanskrit, not a published edition
PdP 5 65.40
नृत्यंत्येके हसन्त्येके नदन्त्येके प्रहर्षिताः । उत्सवो बहुरुद्भाति तत्र शत्रुघ्न आगमत्
nṛtyaṃtyeke hasantyeke nadantyeke praharṣitāḥ | utsavo bahurudbhāti tatra śatrughna āgamat
Some dance, some laugh, some shout aloud, greatly delighted; a great festivity shines forth there — and then Śatrughna arrived.
AI translation rendered from the Sanskrit, not a published edition
PdP 5 65.41
रामः शत्रुघ्नमायांतं पुष्कलेन समन्वितम् । निरीक्ष्यमुदमुद्भूतां रक्षितुं नाशकत्तदा
rāmaḥ śatrughnamāyāṃtaṃ puṣkalena samanvitam | nirīkṣyamudamudbhūtāṃ rakṣituṃ nāśakattadā
Rāma, seeing Śatrughna coming accompanied by Puṣkala, was then unable to hold back the joy that welled up.
AI translation rendered from the Sanskrit, not a published edition
PdP 5 65.42
यावदुत्तिष्ठते रामो भ्रातरं हयपालकम् । तावद्रामपदेलग्नः शत्रुघ्नो भ्रातृवत्सलः
yāvaduttiṣṭhate rāmo bhrātaraṃ hayapālakam | tāvadrāmapadelagnaḥ śatrughno bhrātṛvatsalaḥ
Just as Rāma was rising up for his brother, the guardian of the horse, Śatrughna, fond of his brother, clung to Rāma's feet.
AI translation rendered from the Sanskrit, not a published edition
PdP 5 65.43
पादयोः पतितं वीक्ष्य भ्रातरं विनयान्वितम् । परिरेभे दृढं प्रीतः क्षतसंशोभितांगकम्
pādayoḥ patitaṃ vīkṣya bhrātaraṃ vinayānvitam | parirebhe dṛḍhaṃ prītaḥ kṣatasaṃśobhitāṃgakam
Seeing his brother, full of modesty, fallen at his feet, his limbs adorned with wounds, he embraced him firmly, delighted.
AI translation rendered from the Sanskrit, not a published edition
PdP 5 65.44
अश्रूणि बहुधा मुंचन्हर्षाच्छिरसि राघवः । अत्यंतं परमां प्राप मुदं वचनदूरगाम्
aśrūṇi bahudhā muṃcanharṣācchirasi rāghavaḥ | atyaṃtaṃ paramāṃ prāpa mudaṃ vacanadūragām
Shedding tears abundantly out of joy upon (his brother's) head, Rāghava attained an utterly supreme delight that lay beyond words.
AI translation rendered from the Sanskrit, not a published edition
PdP 5 65.45
पुष्कलं स्वीयपदयोर्नम्रं विनयविह्वलः । सुदृढं भुजयोर्मध्ये विनीयापीडयद्भृशम्
puṣkalaṃ svīyapadayornamraṃ vinayavihvalaḥ | sudṛḍhaṃ bhujayormadhye vinīyāpīḍayadbhṛśam
Puṣkala, bowed at his own feet and overcome with modesty, he lifted up and pressed hard, very firmly, between his arms.
AI translation rendered from the Sanskrit, not a published edition
PdP 5 65.46
हनूमंतं तथा वीरं सुग्रीवं चांगदं तथा । लक्ष्मीनिधिं जनकजं प्रतापाग्र्यं रिपुंजयम्
hanūmaṃtaṃ tathā vīraṃ sugrīvaṃ cāṃgadaṃ tathā | lakṣmīnidhiṃ janakajaṃ pratāpāgryaṃ ripuṃjayam
(He embraced) likewise the hero Hanumān, and Sugrīva, and Aṅgada, and Lakṣmīnidhi, Janaka's son, foremost in valour, conqueror of foes,
AI translation rendered from the Sanskrit, not a published edition
PdP 5 65.47
सुबाहुं सुमदं वीरं विमलं नीलरत्नकम् । सत्यवंतं वीरमणिं सुरथं रामसेवकम्
subāhuṃ sumadaṃ vīraṃ vimalaṃ nīlaratnakam | satyavaṃtaṃ vīramaṇiṃ surathaṃ rāmasevakam
Subāhu, the hero Sumada, Vimala, Nīlaratnaka, Satyavanta, Vīramaṇi, Suratha, the servant of Rāma —
AI translation rendered from the Sanskrit, not a published edition
PdP 5 65.48
अन्यानपि महाभागान्रघुनाथः स्वयं तदा । परिरेभे दृढं स्निग्धान्पादयोः प्रणतान्नृपान्
anyānapi mahābhāgānraghunāthaḥ svayaṃ tadā | parirebhe dṛḍhaṃ snigdhānpādayoḥ praṇatānnṛpān
and then the Lord of the Raghus himself firmly embraced other greatly fortunate ones too, affectionate kings bowed at his feet.
AI translation rendered from the Sanskrit, not a published edition
PdP 5 65.49
सुमतिः श्रीरघुपतिं भक्तानुग्रहकारकम् । परिरभ्य दृढं प्रीतः संमुखे तिष्ठदुन्नतः
sumatiḥ śrīraghupatiṃ bhaktānugrahakārakam | parirabhya dṛḍhaṃ prītaḥ saṃmukhe tiṣṭhadunnataḥ
Sumati, pleased, firmly embraced the glorious Lord of the Raghus, the bestower of grace on devotees, and stood erect before him.
AI translation rendered from the Sanskrit, not a published edition
PdP 5 65.50
तदा रामो निजामात्यं वीक्ष्य सान्निध्यमागतम् । उवाच परमप्रीत्या मंत्रिणं वदतां वरः
tadā rāmo nijāmātyaṃ vīkṣya sānnidhyamāgatam | uvāca paramaprītyā maṃtriṇaṃ vadatāṃ varaḥ
Then Rāma, best of speakers, seeing his own minister come into his presence, spoke to the counsellor with the greatest affection:
AI translation rendered from the Sanskrit, not a published edition
PdP 5 65.51
सुमते मंत्रिणां श्रेष्ठ शंश मे वाग्मिनां वर । क एते भूमिपाः सर्वे कथमत्र समागताः
sumate maṃtriṇāṃ śreṣṭha śaṃśa me vāgmināṃ vara | ka ete bhūmipāḥ sarve kathamatra samāgatāḥ
"Sumati, best of counsellors, tell me, best of the eloquent: who are all these rulers of the earth, and how have they come together here?
AI translation rendered from the Sanskrit, not a published edition
PdP 5 65.52
कुत्रकुत्र हयः प्राप्तः केनकेन नियंत्रितः । कथं वै मोचितो भ्रात्रा महाबलसुशालिना
kutrakutra hayaḥ prāptaḥ kenakena niyaṃtritaḥ | kathaṃ vai mocito bhrātrā mahābalasuśālinā
In what places did the horse arrive, and by whom was it seized? And how indeed was it freed by (my) brother, so richly endowed with great strength?"
AI translation rendered from the Sanskrit, not a published edition
PdP 5 65.53
शेष उवाच। इत्युक्तो मंत्रिणां श्रेष्ठः सुमतिः प्राह राघवम् । प्रहसन्मेघगंभीर नादेन च सुबुद्धिमान्
śeṣa uvāca| ityukto maṃtriṇāṃ śreṣṭhaḥ sumatiḥ prāha rāghavam | prahasanmeghagaṃbhīra nādena ca subuddhimān
Śeṣa said: Addressed thus, Sumati, the best of counsellors, most intelligent, laughing, spoke to Rāghava in a voice deep as a cloud:
AI translation rendered from the Sanskrit, not a published edition
PdP 5 65.54
सुमतिरुवाच। सर्वज्ञस्य पुरस्तेऽद्य मया कथमुदीर्यते । पृच्छसि त्वं लोकरीत्या सर्वं जानासि सर्वदृक्
sumatiruvāca| sarvajñasya puraste'dya mayā kathamudīryate | pṛcchasi tvaṃ lokarītyā sarvaṃ jānāsi sarvadṛk
Sumati said: How is anything to be told by me today in the presence of the all-knowing one? You ask according to the way of the world; you know everything, you who see all.
AI translation rendered from the Sanskrit, not a published edition
PdP 5 65.55
तथापि तव निर्देशं शिरस्याधाय सर्वदा । ब्रवीमि तच्छृणुष्वाद्य सर्वराजशिरोमणे
tathāpi tava nirdeśaṃ śirasyādhāya sarvadā | bravīmi tacchṛṇuṣvādya sarvarājaśiromaṇe
Even so, placing your command always upon my head, I speak; hear it now, crest-jewel of all kings.
AI translation rendered from the Sanskrit, not a published edition
PdP 5 65.56
त्वत्प्रसादादहो स्वामिन्सर्वत्र जगतीतले । परिबभ्राम ते वाहो भालपत्रसुशोभितः
tvatprasādādaho svāminsarvatra jagatītale | paribabhrāma te vāho bhālapatrasuśobhitaḥ
Ah, master, by your grace your horse, splendid with the writ upon its forehead, roamed everywhere over the surface of the earth.
AI translation rendered from the Sanskrit, not a published edition
PdP 5 65.57
न कश्चित्तं निजग्राह स्वनामबलदर्पितः । स्वं स्वं राज्यं समर्प्याथ प्रणेमुस्ते पदांबुजम्
na kaścittaṃ nijagrāha svanāmabaladarpitaḥ | svaṃ svaṃ rājyaṃ samarpyātha praṇemuste padāṃbujam
No one, proud of the strength of his own name, seized it; rather, each surrendering his own kingdom, they bowed to your lotus feet.
AI translation rendered from the Sanskrit, not a published edition
PdP 5 65.58
को वा रावण दैत्येंद्र निहंतुर्वाजिसत्तमम् । गृह्णाति विजयाकांक्षी जरामरणवर्जितः
ko vā rāvaṇa daityeṃdra nihaṃturvājisattamam | gṛhṇāti vijayākāṃkṣī jarāmaraṇavarjitaḥ
For who, desiring victory and free of old age and death, would seize the finest of horses belonging to the slayer of Rāvaṇa, the lord of the daityas?
AI translation rendered from the Sanskrit, not a published edition
PdP 5 65.59
अहिच्छत्रां गतस्तावत्तव वाजी मनोरमः । तद्राजा सुमदः श्रुत्वा हयं प्राप्तं तव प्रभो
ahicchatrāṃ gatastāvattava vājī manoramaḥ | tadrājā sumadaḥ śrutvā hayaṃ prāptaṃ tava prabho
Your delightful horse went as far as Ahicchatrā; and its king Sumada, hearing that your horse had arrived, O lord,
AI translation rendered from the Sanskrit, not a published edition
PdP 5 65.60
सपुत्रः प्रबलः सर्वसैन्येन बलिना वृतः । सर्वं समर्पयामास राज्यं निहतकंटकम्
saputraḥ prabalaḥ sarvasainyena balinā vṛtaḥ | sarvaṃ samarpayāmāsa rājyaṃ nihatakaṃṭakam
powerful, with his son, surrounded by his whole mighty army, handed over his entire kingdom, its thorns destroyed.
AI translation rendered from the Sanskrit, not a published edition
PdP 5 65.61
यो राजा जगतां नेत्रीं मातरं जगदंबिकाम् । प्रसाद्य चिरमायुष्यं लेभे राज्यमकंटकम्
yo rājā jagatāṃ netrīṃ mātaraṃ jagadaṃbikām | prasādya ciramāyuṣyaṃ lebhe rājyamakaṃṭakam
He is the king who, having propitiated the guide of the worlds, the mother, the Mother of the universe, obtained long life and a kingdom free of thorns.
AI translation rendered from the Sanskrit, not a published edition
PdP 5 65.62
स एष त्वां प्रणमति सुमदः प्रभुसेवितम् । तं गृहाण कृपादृष्ट्या चिराद्दर्शनकांक्षकम्
sa eṣa tvāṃ praṇamati sumadaḥ prabhusevitam | taṃ gṛhāṇa kṛpādṛṣṭyā cirāddarśanakāṃkṣakam
This very Sumada bows to you, who are served by lords; receive him with a glance of grace, for he has long yearned for the sight of you.
AI translation rendered from the Sanskrit, not a published edition
PdP 5 65.63
ततः सुबाहुभूपस्य नगरे बलपूरिते । दमनस्तस्य वै पुत्रः प्रजग्राह हयोत्तमम्
tataḥ subāhubhūpasya nagare balapūrite | damanastasya vai putraḥ prajagrāha hayottamam
Then, in the army-filled city of King Subāhu, Damana, his son, seized the excellent horse.
AI translation rendered from the Sanskrit, not a published edition
PdP 5 65.64
तेन साकं महद्युद्धं बभूव दमनेन च । पुष्कलो जयमापेदे संमूर्छ्य सुभुजात्मजम्
tena sākaṃ mahadyuddhaṃ babhūva damanena ca | puṣkalo jayamāpede saṃmūrchya subhujātmajam
A great battle took place with him, with Damana; Puṣkala won the victory, having stunned the son of Subhuja into a swoon.
AI translation rendered from the Sanskrit, not a published edition
PdP 5 65.65
ततः सुबाहुः संक्रुद्धो रणे पवनजं बलात् । युयुधे तव पादाब्जसेवकं बलिनां वरम् सुमतिनिवेदनंनाम पंचषष्टितमोऽध्यायः
tataḥ subāhuḥ saṃkruddho raṇe pavanajaṃ balāt | yuyudhe tava pādābjasevakaṃ balināṃ varam sumatinivedanaṃnāma paṃcaṣaṣṭitamo'dhyāyaḥ
Then Subāhu, greatly enraged, fought forcibly in battle with the son of the Wind, the servant of your lotus-feet, the best of the strong. (Thus) the sixty-fifth chapter, named 'Sumati's Report.'
AI translation rendered from the Sanskrit, not a published edition
PdP 5 65.66
तस्य पादाहतो ज्ञानं प्राप्य शापतिरस्कृतम् । तुभ्यं समर्प्य सकलं वाजिनः पालकोऽभवत्
tasya pādāhato jñānaṃ prāpya śāpatiraskṛtam | tubhyaṃ samarpya sakalaṃ vājinaḥ pālako'bhavat
Struck by his foot, he obtained knowledge, and the curse was removed; having handed over everything to you, he became the guardian of the horse.
AI translation rendered from the Sanskrit, not a published edition
PdP 5 65.67
एष त्वां सुभुजो राजा प्रणमत्युन्नतांगकः । कृपादृष्ट्याभिषिंच त्वं सुबाहुं नयकोविदम्
eṣa tvāṃ subhujo rājā praṇamatyunnatāṃgakaḥ | kṛpādṛṣṭyābhiṣiṃca tvaṃ subāhuṃ nayakovidam
This king Subhuja, with his limbs bowed low, salutes you; do you with a glance of grace consecrate Subāhu, who is skilled in policy.
AI translation rendered from the Sanskrit, not a published edition — the model flagged this verse as uncertain
PdP 5 65.68
ततो मुक्तो हयो रेवाह्रदे स निममज्ज ह । तत्र प्राप्तं मोहनास्त्रं शत्रुघ्नेन बलीयसा
tato mukto hayo revāhrade sa nimamajja ha | tatra prāptaṃ mohanāstraṃ śatrughnena balīyasā
Then the horse, released, sank down into the pool of the Revā; there the mohana weapon was obtained by the mighty Śatrughna.
AI translation rendered from the Sanskrit, not a published edition
PdP 5 65.69
ततो देवपुरे प्रागाच्छिववासविभूषिते । तत्रत्यं तु विजानासि यतस्त्वं तत्र चागतः
tato devapure prāgācchivavāsavibhūṣite | tatratyaṃ tu vijānāsi yatastvaṃ tatra cāgataḥ
Then it went to Devapura, adorned by Śiva's dwelling; what happened there you know, since you too came there.
AI translation rendered from the Sanskrit, not a published edition
PdP 5 65.70
विद्युन्माली हतो दैत्यः सत्यवान्संगतस्ततः । सुरथेन समं युद्धं जानासि त्वं महामते
vidyunmālī hato daityaḥ satyavānsaṃgatastataḥ | surathena samaṃ yuddhaṃ jānāsi tvaṃ mahāmate
The demon Vidyunmālī was slain; then Satyavān was met with; you know, O great-minded one, the battle with Suratha.
AI translation rendered from the Sanskrit, not a published edition
PdP 5 65.71
ततः कुंडलकान्मुक्तो हयो बभ्राम सर्वतः । न कश्चित्तं निजग्राह स्ववीर्यबलदर्पितः
tataḥ kuṃḍalakānmukto hayo babhrāma sarvataḥ | na kaścittaṃ nijagrāha svavīryabaladarpitaḥ
Then, released from Kuṇḍalaka, the horse wandered everywhere; no one, proud of his own valour and strength, seized it.
AI translation rendered from the Sanskrit, not a published edition
PdP 5 65.72
वाल्मीकेराश्रमे रम्ये हयः प्राप्तो मनोरमः । तत्र यत्कुतुकं जातं तच्छृणुष्व नरोत्तम
vālmīkerāśrame ramye hayaḥ prāpto manoramaḥ | tatra yatkutukaṃ jātaṃ tacchṛṇuṣva narottama
The delightful horse reached the lovely hermitage of Vālmīki; hear, O best of men, what a wonder happened there.
AI translation rendered from the Sanskrit, not a published edition
PdP 5 65.73
तत्रार्भस्तव सारूप्यं बिभ्रत्षोडशवार्षिकः । जग्राह वीक्ष्य पत्रांकं वाजिनं बलवत्तमः
tatrārbhastava sārūpyaṃ bibhratṣoḍaśavārṣikaḥ | jagrāha vīkṣya patrāṃkaṃ vājinaṃ balavattamaḥ
There a boy of sixteen years, bearing a likeness to you, exceedingly strong, having seen the (name-)plate mark, seized the horse.
AI translation rendered from the Sanskrit, not a published edition
PdP 5 65.74
तत्र कालजिता युद्धं महज्जातं नरोत्तम । निहतस्तेन वीरेण शितधारेण हेतिना
tatra kālajitā yuddhaṃ mahajjātaṃ narottama | nihatastena vīreṇa śitadhāreṇa hetinā
There a great battle was fought with the conqueror of time, O best of men; (many were) slain by that hero with a sharp-edged weapon.
AI translation rendered from the Sanskrit, not a published edition — the model flagged this verse as uncertain
PdP 5 65.75
अनेके निहताः संख्ये पुष्कलाद्या महाबलाः । मूर्च्छितं चापि शत्रुघ्नं चक्रे वीरशिरोमणिः
aneke nihatāḥ saṃkhye puṣkalādyā mahābalāḥ | mūrcchitaṃ cāpi śatrughnaṃ cakre vīraśiromaṇiḥ
Many mighty ones, Puṣkala and the rest, were slain in the battle; and that crest-jewel of heroes made Śatrughna too fall senseless.
AI translation rendered from the Sanskrit, not a published edition
PdP 5 65.76
तदा राजा महद्दुःखं विचार्य हृदिसंयुगे । कोपेन मूर्च्छितं चक्रे वीरो हि बलिनां वरः
tadā rājā mahadduḥkhaṃ vicārya hṛdisaṃyuge | kopena mūrcchitaṃ cakre vīro hi balināṃ varaḥ
Then the king (Śatrughna), having pondered the great sorrow in his heart in the battle, in anger made (the boy) senseless — for he was a hero, the best of the strong.
AI translation rendered from the Sanskrit, not a published edition — the model flagged this verse as uncertain
PdP 5 65.77
स यावन्मूर्च्छितो राज्ञा तावदन्यः समागतः । तेनैतेन च संजीव्य नाशितं कटकं तव
sa yāvanmūrcchito rājñā tāvadanyaḥ samāgataḥ | tenaitena ca saṃjīvya nāśitaṃ kaṭakaṃ tava
While he was made senseless by the king, another arrived; and by that one and this one, having been revived, your army was destroyed.
AI translation rendered from the Sanskrit, not a published edition — the model flagged this verse as uncertain
PdP 5 65.78
सर्वेषां मूर्च्छितानां तु शस्त्राण्याभरणानि च । गृहीत्वा वानरौ बद्धौ जग्मतुः स्वाश्रमं प्रति
sarveṣāṃ mūrcchitānāṃ tu śastrāṇyābharaṇāni ca | gṛhītvā vānarau baddhau jagmatuḥ svāśramaṃ prati
But having taken the weapons and the ornaments of all who lay senseless, the two (boys) went off toward their own hermitage with the two monkeys bound.
AI translation rendered from the Sanskrit, not a published edition
PdP 5 65.79
कृपां कृत्वा पुनस्तेन दत्तोऽश्वो यज्ञियो महान् । जीवनं प्रापितं सर्वं कटकं नष्टजीवितम्
kṛpāṃ kṛtvā punastena datto'śvo yajñiyo mahān | jīvanaṃ prāpitaṃ sarvaṃ kaṭakaṃ naṣṭajīvitam
Then, having shown mercy, the great sacrificial horse was given back by him; and the whole army whose life was lost was restored to life.
AI translation rendered from the Sanskrit, not a published edition
PdP 5 65.80
वयं गृहीत्वा तं वाहं प्राप्तास्तव समीपतः । एतदेव मया ज्ञातं तदुक्तं ते पुरोवचः
vayaṃ gṛhītvā taṃ vāhaṃ prāptāstava samīpataḥ | etadeva mayā jñātaṃ taduktaṃ te purovacaḥ
We, having taken that mount, have come into your presence; just this much has been learnt by me, and that is the account I have told you before.
AI translation rendered from the Sanskrit, not a published edition