Padma Purana — Patala Khanda — Chapter 61
PdP 5 61.1
शत्रुघ्न उवाच। जानासि किं महामंत्रिन्को बालो हयमाहरत् । येन मे क्षपितं सर्वं बलं वारिधिसन्निभम्
śatrughna uvāca| jānāsi kiṃ mahāmaṃtrinko bālo hayamāharat | yena me kṣapitaṃ sarvaṃ balaṃ vāridhisannibham
Śatrughna said: Do you know, great minister, who this boy is that carried off the horse, by whom my entire army, vast as the ocean, has been destroyed?
AI translation rendered from the Sanskrit, not a published edition
PdP 5 61.2
सुमतिरुवाच। स्वामिन्नयं मुनिश्रेष्ठ वाल्मीकेराश्रमो महान् । क्षत्त्रियाणामत्र वासो नास्त्येव परतापन
sumatiruvāca| svāminnayaṃ muniśreṣṭha vālmīkerāśramo mahān | kṣattriyāṇāmatra vāso nāstyeva paratāpana
Sumati said: Master, this is the great hermitage of the foremost of sages, Vālmīki; there is no dwelling of kṣatriyas here at all, O scorcher of foes.
AI translation rendered from the Sanskrit, not a published edition
PdP 5 61.3
इंद्रो भविष्यति परममर्षी हयमाहरत् । पुरारिर्वान्यथा वाहं तव कः समुपाहरेत्
iṃdro bhaviṣyati paramamarṣī hayamāharat | purārirvānyathā vāhaṃ tava kaḥ samupāharet
It must be Indra, supremely impatient, who carried off the horse, or else the foe of the cities (Śiva); otherwise who would make off with your horse?
AI translation rendered from the Sanskrit, not a published edition — the model flagged this verse as uncertain
PdP 5 61.4
कालजिद्येन नाशं वै प्राप्तः परमदारुणः । तं प्रति श्रीमहाराज गंता कः पुष्कलान्यतः
kālajidyena nāśaṃ vai prāptaḥ paramadāruṇaḥ | taṃ prati śrīmahārāja gaṃtā kaḥ puṣkalānyataḥ
He by whom the exceedingly terrible Kālajit was brought to destruction — against him, O illustrious great king, who other than Puṣkala will go?
AI translation rendered from the Sanskrit, not a published edition
PdP 5 61.5
त्वं च वीरैर्भटैः सर्वैराजभिः परिवारितः । तत्र गच्छस्व सैन्येन महता शत्रुकृंतन
tvaṃ ca vīrairbhaṭaiḥ sarvairājabhiḥ parivāritaḥ | tatra gacchasva sainyena mahatā śatrukṛṃtana
And you, surrounded by heroes, by all the soldiers and the kings, go there with a great army, O cutter-down of foes.
AI translation rendered from the Sanskrit, not a published edition
PdP 5 61.6
गत्वा स जीवितं वीरं बद्ध्वा तु कुतुकार्थिने । दर्शयिष्यामि रामाय मतं मे त्विदमादृतम्
gatvā sa jīvitaṃ vīraṃ baddhvā tu kutukārthine | darśayiṣyāmi rāmāya mataṃ me tvidamādṛtam
Having gone and bound that hero alive, I shall show him to Rāma, who is eager for the marvel; this is my considered view.
AI translation rendered from the Sanskrit, not a published edition
PdP 5 61.7
इति वाक्यं समाकर्ण्य वीरान्सर्वान्समादिशत् । सैन्येन महता यात यूयमायामि पृष्ठतः
iti vākyaṃ samākarṇya vīrānsarvānsamādiśat | sainyena mahatā yāta yūyamāyāmi pṛṣṭhataḥ
Hearing this speech, he gave orders to all the heroes: "Go with the great army; I shall come behind."
AI translation rendered from the Sanskrit, not a published edition
PdP 5 61.8
निर्दिष्टास्ते क्षणाद्वीरा जग्मुर्यत्र लवो बली । धनुर्विस्फारयंस्तत्र सुदृढं गुणपूरितम्
nirdiṣṭāste kṣaṇādvīrā jagmuryatra lavo balī | dhanurvisphārayaṃstatra sudṛḍhaṃ guṇapūritam
Being so directed, those heroes went in an instant to where mighty Lava was, twanging there his very firm bow strung with its cord.
AI translation rendered from the Sanskrit, not a published edition
PdP 5 61.9
आयातं तन्महद्दृष्ट्वा बलं वीरप्रपूरितम् । न किंचिन्मनसा बिभ्येलवेन बलशालिना
āyātaṃ tanmahaddṛṣṭvā balaṃ vīraprapūritam | na kiṃcinmanasā bibhyelavena balaśālinā
Seeing that great army arrive, filled with heroes, the mighty Lava was not in the least afraid in his mind.
AI translation rendered from the Sanskrit, not a published edition
PdP 5 61.10
लवः सिंह इवोत्तस्थौ मृगान्मत्वाऽखिलान्भटान् । धनुर्विस्फारयन्रोषाच्छरान्मुंचन्सहस्रशः
lavaḥ siṃha ivottasthau mṛgānmatvā'khilānbhaṭān | dhanurvisphārayanroṣāccharānmuṃcansahasraśaḥ
Lava rose up like a lion, reckoning all the soldiers to be deer, twanging his bow in anger and loosing arrows by the thousand.
AI translation rendered from the Sanskrit, not a published edition
PdP 5 61.11
ते शरैः पीड्यमानास्तु महारोषेण पूरिताः । वीरं बालं मन्यमानाः संमुखं प्राद्रवंस्तदा
te śaraiḥ pīḍyamānāstu mahāroṣeṇa pūritāḥ | vīraṃ bālaṃ manyamānāḥ saṃmukhaṃ prādravaṃstadā
But they, tormented by (his) arrows and filled with great fury, thinking (him) a brave boy, then rushed at (him) face to face.
AI translation rendered from the Sanskrit, not a published edition
PdP 5 61.12
वीरान्सहस्रशो दृष्ट्वा भ्रमिभिः पर्यवस्थितान् । लवो जवेन संधाय शरान्रोषप्रपूरितः
vīrānsahasraśo dṛṣṭvā bhramibhiḥ paryavasthitān | lavo javena saṃdhāya śarānroṣaprapūritaḥ
Seeing the warriors by the thousands stationed around (him) in rings, Lava, filled with rage, swiftly fitted arrows (to his bow).
AI translation rendered from the Sanskrit, not a published edition
PdP 5 61.13
भ्रमिराद्या सहस्रेण द्वितीयायुतसंख्यया । तृतीयायुतयुग्मेन तुरीयायुतपंचभिः
bhramirādyā sahasreṇa dvitīyāyutasaṃkhyayā | tṛtīyāyutayugmena turīyāyutapaṃcabhiḥ
The first ring (consisted) of a thousand, the second of ten thousand in number, the third of a pair of ten thousands, the fourth of five ten-thousands,
AI translation rendered from the Sanskrit, not a published edition
PdP 5 61.14
पंचमी लक्षयोधानां षष्ठी योधायुताधिकैः । सप्तमी लक्षयुग्मेन सप्तभिर्भ्रमिभिर्वृतः
paṃcamī lakṣayodhānāṃ ṣaṣṭhī yodhāyutādhikaiḥ | saptamī lakṣayugmena saptabhirbhramibhirvṛtaḥ
the fifth of a hundred thousand warriors, the sixth of warriors exceeding that by ten thousand, the seventh of two hundred thousand: (by these) seven rings he was encircled.
AI translation rendered from the Sanskrit, not a published edition — the model flagged this verse as uncertain
PdP 5 61.15
मध्ये लवो भ्रमिव्याप्तः स चरन्वह्निवत्तदा । दाहयामास सर्वान्वै सैनिकान्भ्रमिकारकान्
madhye lavo bhramivyāptaḥ sa caranvahnivattadā | dāhayāmāsa sarvānvai sainikānbhramikārakān
Lava, enclosed by the rings, moving about in the midst (of them) then like fire, burned up all the soldiers who made the rings.
AI translation rendered from the Sanskrit, not a published edition
PdP 5 61.16
काचित्खङ्गैः शरैः काचित्काचित्प्रासैश्च कुंतलैः । पट्टिशैः परिघैः सर्वा भ्रमिर्भग्ना महात्मना
kācitkhaṅgaiḥ śaraiḥ kācitkācitprāsaiśca kuṃtalaiḥ | paṭṭiśaiḥ parighaiḥ sarvā bhramirbhagnā mahātmanā
One (ring was broken) with swords, one with arrows, one with javelins and lances: with spears and iron clubs every ring was broken by the great-souled one.
AI translation rendered from the Sanskrit, not a published edition
PdP 5 61.17
सप्तभिर्भ्रमिभिर्मुक्तो रराज स कुशानुजः । मेघवृंदविनिर्मुक्तः शशीव शरदागमे
saptabhirbhramibhirmukto rarāja sa kuśānujaḥ | meghavṛṃdavinirmuktaḥ śaśīva śaradāgame
Released from the seven rings, that younger brother of Kuśa shone like the moon freed from a mass of clouds at the coming of autumn.
AI translation rendered from the Sanskrit, not a published edition
PdP 5 61.18
प्राहरत्सर्वथा योधान्भिंदन्गजकरान्बहून् । छिंदञ्छिरांसि वीराणां चक्रभ्रूणि महांति च
prāharatsarvathā yodhānbhiṃdangajakarānbahūn | chiṃdañchirāṃsi vīrāṇāṃ cakrabhrūṇi mahāṃti ca
He struck the warriors in every way, splitting many trunks of elephants, cutting off the heads of heroes and the great wheels and brows (of their chariots?).
AI translation rendered from the Sanskrit, not a published edition — the model flagged this verse as uncertain
PdP 5 61.19
अनेके पतिता वीरा लवबाणप्रपीडिताः । मुमुहुः समरेऽथान्ये नष्टा अन्ये सुकातराः
aneke patitā vīrā lavabāṇaprapīḍitāḥ | mumuhuḥ samare'thānye naṣṭā anye sukātarāḥ
Many heroes fell, sorely afflicted by Lava's arrows; some fainted in the battle, others perished, others became utterly faint-hearted.
AI translation rendered from the Sanskrit, not a published edition
PdP 5 61.20
पलायनपरं सैन्यं लवबाणप्रपीडितम् । वीक्ष्य वीरो रणे योद्धुं प्रायात्पुष्कलसंज्ञकः
palāyanaparaṃ sainyaṃ lavabāṇaprapīḍitam | vīkṣya vīro raṇe yoddhuṃ prāyātpuṣkalasaṃjñakaḥ
Seeing the army, afflicted by Lava's arrows, intent on flight, the hero named Puṣkala went forth to fight in the battle.
AI translation rendered from the Sanskrit, not a published edition
PdP 5 61.21
तिष्ठतिष्ठेति च वदन्रोषपूरितलोचनः । रथे सुहयशोभाढ्ये तिष्ठन्प्रायाल्लवं बली
tiṣṭhatiṣṭheti ca vadanroṣapūritalocanaḥ | rathe suhayaśobhāḍhye tiṣṭhanprāyāllavaṃ balī
Saying "Stand, stand!", his eyes filled with anger, standing on a chariot richly adorned with fine horses, the strong one advanced upon Lava.
AI translation rendered from the Sanskrit, not a published edition
PdP 5 61.22
स लवं प्रत्युवाचाथ पुष्कलः परमास्त्रवित् । तिष्ठ दत्ते मया संख्ये रथे सुहयशोभिते
sa lavaṃ pratyuvācātha puṣkalaḥ paramāstravit | tiṣṭha datte mayā saṃkhye rathe suhayaśobhite
Then Puṣkala, knowing the highest weapons, said in reply to Lava: "Stand in the battle on the chariot adorned with fine horses that is given by me.
AI translation rendered from the Sanskrit, not a published edition
PdP 5 61.23
पदातिना त्वया युद्धं करोमि किमथाहवे । तस्मात्तिष्ठ रथे पश्चाद्युद्ध्येऽहं भवता सह । एतद्वाक्यं निशम्यासौ लवः पुष्कलमब्रवीत्
padātinā tvayā yuddhaṃ karomi kimathāhave | tasmāttiṣṭha rathe paścādyuddhye'haṃ bhavatā saha | etadvākyaṃ niśamyāsau lavaḥ puṣkalamabravīt
How should I make war in the fight with you who are on foot? Therefore stand on the chariot, and afterwards I will fight with you." Hearing this speech, Lava said to Puṣkala:
AI translation rendered from the Sanskrit, not a published edition
PdP 5 61.24
त्वया दत्ते रथे स्थित्वा युद्धं कुर्यामहं रणे । तदा मे पापमेव स्याज्जयः संदिग्ध एव हि
tvayā datte rathe sthitvā yuddhaṃ kuryāmahaṃ raṇe | tadā me pāpameva syājjayaḥ saṃdigdha eva hi
"If I were to stand on a chariot given by you and make war in battle, then it would be a sin for me, and the victory would indeed be doubtful.
AI translation rendered from the Sanskrit, not a published edition
PdP 5 61.25
न वयं ब्राह्मणा वीर प्रतिग्रहपरायणाः । वयं तु क्षत्रिया नित्यं दानकर्मक्रियारताः
na vayaṃ brāhmaṇā vīra pratigrahaparāyaṇāḥ | vayaṃ tu kṣatriyā nityaṃ dānakarmakriyāratāḥ
We are not brahmins, hero, devoted to receiving gifts; we are kṣatriyas, ever engaged in the practice of giving.
AI translation rendered from the Sanskrit, not a published edition
PdP 5 61.26
इदानीं त्वद्रथं कोपाद्भनज्मि प्रत्यहं भवान् । पादचारी भवत्येव पश्चाद्युद्धं करिष्यति
idānīṃ tvadrathaṃ kopādbhanajmi pratyahaṃ bhavān | pādacārī bhavatyeva paścādyuddhaṃ kariṣyati
Now in anger I shall break your chariot; each time you yourself will become a foot-goer, and afterwards you will fight."
AI translation rendered from the Sanskrit, not a published edition — the model flagged this verse as uncertain
PdP 5 61.27
पुष्कलो वाक्यमाकर्ण्य धर्मधैर्यसमन्वितम् । विसिस्माय चिरं चित्ते धनुः सज्यमथाकरोत्
puṣkalo vākyamākarṇya dharmadhairyasamanvitam | visismāya ciraṃ citte dhanuḥ sajyamathākarot
Hearing (this) speech, endowed with righteousness and firmness, Puṣkala marvelled long in his mind, and then strung his bow.
AI translation rendered from the Sanskrit, not a published edition
PdP 5 61.28
तमात्तधनुषं दृष्ट्वा लवः कोपसमन्वितः । चापं चिच्छेद पाणिस्थं शरसंधानमाचरन्
tamāttadhanuṣaṃ dṛṣṭvā lavaḥ kopasamanvitaḥ | cāpaṃ ciccheda pāṇisthaṃ śarasaṃdhānamācaran
Seeing him with bow taken up, Lava, filled with anger, while fitting an arrow (to his own bow), cut the bow that was in (Puṣkala's) hand.
AI translation rendered from the Sanskrit, not a published edition
PdP 5 61.29
स यावत्स गुणं चापं कुरुते तावदुद्धतः । रथभंगं चकारास्य समरे प्रहसन्बली
sa yāvatsa guṇaṃ cāpaṃ kurute tāvaduddhataḥ | rathabhaṃgaṃ cakārāsya samare prahasanbalī
While he was stringing another bow, in that very time the exalted strong one, laughing, wrought the breaking of his chariot in the battle.
AI translation rendered from the Sanskrit, not a published edition
PdP 5 61.30
भग्नं रथं स्वकं वीक्ष्य धनुश्छिन्नं महात्मना । महावीरं मन्यमानः पदातिः प्राद्रवद्रणे
bhagnaṃ rathaṃ svakaṃ vīkṣya dhanuśchinnaṃ mahātmanā | mahāvīraṃ manyamānaḥ padātiḥ prādravadraṇe
Seeing his own chariot broken and his bow cut by the great-souled one, and thinking (him) a great hero, he rushed on foot into the battle.
AI translation rendered from the Sanskrit, not a published edition
PdP 5 61.31
उभौ धनुर्धरौ वीरावुभावपि शरोद्धतौ । उभौ क्षतजविप्लुष्टौ छिन्नसन्नाहितावुभौ
ubhau dhanurdharau vīrāvubhāvapi śaroddhatau | ubhau kṣatajavipluṣṭau chinnasannāhitāvubhau
Both were bowmen, both heroes, both raised up by arrows; both were spattered with blood, and the armour of both was cut through.
AI translation rendered from the Sanskrit, not a published edition
PdP 5 61.32
परस्परं बाणघातविशीर्णावपुलक्षितौ । जयाकांक्षां प्रकुर्वंतौ परस्परवधैषिणौ
parasparaṃ bāṇaghātaviśīrṇāvapulakṣitau | jayākāṃkṣāṃ prakurvaṃtau parasparavadhaiṣiṇau
Both, torn open by each other's arrow-blows, unrecognizable, longing for victory and each seeking the other's death,
AI translation rendered from the Sanskrit, not a published edition
PdP 5 61.33
जयंतकार्तिकेयौ वा पुरारिः पुरभिद्यथा । एवं परस्परं युद्धं प्रकुर्वाणौ रणांगणे
jayaṃtakārtikeyau vā purāriḥ purabhidyathā | evaṃ parasparaṃ yuddhaṃ prakurvāṇau raṇāṃgaṇe
like Jayanta and Kārtikeya, or like the enemy of the (three) cities and the destroyer of the cities — thus the two made battle against each other on the field of war.
AI translation rendered from the Sanskrit, not a published edition — the model flagged this verse as uncertain
PdP 5 61.34
पुष्कलः प्रत्युवाचाथ बालं शूरशिरोमणे । त्वादृशो न मया दृष्टः कश्चिद्वीरशिरोमणिः
puṣkalaḥ pratyuvācātha bālaṃ śūraśiromaṇe | tvādṛśo na mayā dṛṣṭaḥ kaścidvīraśiromaṇiḥ
Then Puṣkala replied to the boy: "O crest-jewel of the brave, no one like you have I seen, O crest-jewel of heroes.
AI translation rendered from the Sanskrit, not a published edition
PdP 5 61.35
शिरस्ते पातयाम्यद्य बाणैः शितसुपर्वभिः । मा पलायस्व समरे प्राणान्रक्षस्व संयतः
śiraste pātayāmyadya bāṇaiḥ śitasuparvabhiḥ | mā palāyasva samare prāṇānrakṣasva saṃyataḥ
Today I will strike down your head with sharp, well-jointed arrows. Do not flee in the fight; guard your life, keeping yourself in check."
AI translation rendered from the Sanskrit, not a published edition
PdP 5 61.36
एवमुक्त्वा लवं वीरं चकार शरपंजरे । पुष्कलस्य शरा भूमौ नभसि व्याप्य संस्थिताः
evamuktvā lavaṃ vīraṃ cakāra śarapaṃjare | puṣkalasya śarā bhūmau nabhasi vyāpya saṃsthitāḥ
Having spoken thus, he put the hero Lava within a cage of arrows; Puṣkala's arrows stood spread over the ground and the sky.
AI translation rendered from the Sanskrit, not a published edition
PdP 5 61.37
शरपंजरमध्यस्थो लवः पुष्कलमब्रवीत् । महत्कर्म कृतं वीर यन्मां बाणैरपीडयत्
śarapaṃjaramadhyastho lavaḥ puṣkalamabravīt | mahatkarma kṛtaṃ vīra yanmāṃ bāṇairapīḍayat
Standing in the middle of the arrow-cage, Lava said to Puṣkala: "A great deed has been done, hero, in that you have oppressed me with arrows."
AI translation rendered from the Sanskrit, not a published edition
PdP 5 61.38
इत्युक्त्वा बाणसंघातं प्रच्छिद्य वचनं पुनः । जगाद पुष्कलं वीरः शरसंधानकोविदः
ityuktvā bāṇasaṃghātaṃ pracchidya vacanaṃ punaḥ | jagāda puṣkalaṃ vīraḥ śarasaṃdhānakovidaḥ
Having said this, and having cut apart the mass of arrows, the hero, skilled in fitting arrows (to the bow), spoke again to Puṣkala:
AI translation rendered from the Sanskrit, not a published edition
PdP 5 61.39
पालयात्मानमाजिस्थं मच्छराघातपीडितः । पतिष्यसि महीपृष्ठे रुधिरेण परिप्लुतः
pālayātmānamājisthaṃ maccharāghātapīḍitaḥ | patiṣyasi mahīpṛṣṭhe rudhireṇa pariplutaḥ
"Protect yourself, standing in the battle; oppressed by the blows of my arrows, you will fall on the surface of the earth, drenched in blood."
AI translation rendered from the Sanskrit, not a published edition
PdP 5 61.40
एवमुक्तं समाकर्ण्य पुष्कलः कोपसंयुतः । रणे संयोधयामास लवं वीरं महाबलम्
evamuktaṃ samākarṇya puṣkalaḥ kopasaṃyutaḥ | raṇe saṃyodhayāmāsa lavaṃ vīraṃ mahābalam
Hearing these words, Puṣkala, filled with rage, fought in the battle against the mighty hero Lava.
AI translation rendered from the Sanskrit, not a published edition
PdP 5 61.41
लवः प्रकुपितो बाणं तीक्ष्णं वैरिविदारणम् । जग्राह लवतः कोशादाशीविषमिव क्रुधा
lavaḥ prakupito bāṇaṃ tīkṣṇaṃ vairividāraṇam | jagrāha lavataḥ kośādāśīviṣamiva krudhā
Lava, greatly enraged, took from the quiver, in anger, a sharp arrow that tears enemies apart, like a venomous snake.
AI translation rendered from the Sanskrit, not a published edition — the model flagged this verse as uncertain
PdP 5 61.42
जाज्वल्यमानः सशरश्चापमुक्तो लवस्य च । हृदयं भेत्तुमुद्युक्तश्छिन्नो भारतिनाशु सः
jājvalyamānaḥ saśaraścāpamukto lavasya ca | hṛdayaṃ bhettumudyuktaśchinno bhāratināśu saḥ
And the blazing arrow released from Lava's bow, as it strove to split (Puṣkala's) heart, was swiftly cut by the son of Bharata.
AI translation rendered from the Sanskrit, not a published edition — the model flagged this verse as uncertain
PdP 5 61.43
छिन्ने भारतिना संख्ये शरेण प्राणहारिणा । अत्यंतं कुपितो घोरं शरमन्यं समाददे
chinne bhāratinā saṃkhye śareṇa prāṇahāriṇā | atyaṃtaṃ kupito ghoraṃ śaramanyaṃ samādade
When it was cut in the battle by Bharata's son with a life-taking arrow, (Lava,) exceedingly angered, took up another dreadful arrow.
AI translation rendered from the Sanskrit, not a published edition
PdP 5 61.44
आकर्णाकृष्टचापेन स मुक्तो निशितः शरः । बिभेद हृदयं तस्य पुष्कलस्य महारणे
ākarṇākṛṣṭacāpena sa mukto niśitaḥ śaraḥ | bibheda hṛdayaṃ tasya puṣkalasya mahāraṇe
That sharpened arrow, released by him with the bow drawn to the ear, split the heart of that Puṣkala in the great battle.
AI translation rendered from the Sanskrit, not a published edition
PdP 5 61.45
भिन्नो वक्षसि वीरेण सायकेनाशुगामिना । पपात धरणीपृष्ठे महाशूरशिरोमणिः
bhinno vakṣasi vīreṇa sāyakenāśugāminā | papāta dharaṇīpṛṣṭhe mahāśūraśiromaṇiḥ
Pierced in the chest by the hero with the swift-flying shaft, that great crest-jewel of warriors fell on the surface of the earth.
AI translation rendered from the Sanskrit, not a published edition
PdP 5 61.46
पतितं तं समालोक्य पुष्कलं पवनात्मजः । गृहीत्वा राघवभ्रात्रे ददौ मूर्च्छासमन्वितम्
patitaṃ taṃ samālokya puṣkalaṃ pavanātmajaḥ | gṛhītvā rāghavabhrātre dadau mūrcchāsamanvitam
Seeing that Puṣkala fallen, the son of the Wind took him up and gave him, unconscious, to Rāghava's brother.
AI translation rendered from the Sanskrit, not a published edition
PdP 5 61.47
मूर्च्छितं तं समालोक्य शोकविह्वलमानसः । हनूमंतं लवं हंतुं निदिदेश क्रुधान्वितः
mūrcchitaṃ taṃ samālokya śokavihvalamānasaḥ | hanūmaṃtaṃ lavaṃ haṃtuṃ nidideśa krudhānvitaḥ
Seeing him unconscious, (Bharata,) his mind overwhelmed by grief and filled with anger, ordered Hanumān to kill Lava.
AI translation rendered from the Sanskrit, not a published edition
PdP 5 61.48
हनूमान्क्रोधसंप्लुष्टो लवं संख्ये महाबलम् । विजेतुं तरसा प्रागाद्वृक्षमुद्यम्य शाल्मलिम्
hanūmānkrodhasaṃpluṣṭo lavaṃ saṃkhye mahābalam | vijetuṃ tarasā prāgādvṛkṣamudyamya śālmalim
Hanumān, burning with rage, raising up a śālmali tree, went swiftly to conquer the mighty Lava in the battle.
AI translation rendered from the Sanskrit, not a published edition
PdP 5 61.49
वृक्षेण हतवान्मूर्ध्नि लवस्य हनुमान्बली । तमापतंतं तरसा चिच्छेद शतधा लवः
vṛkṣeṇa hatavānmūrdhni lavasya hanumānbalī | tamāpataṃtaṃ tarasā ciccheda śatadhā lavaḥ
The strong Hanumān struck Lava on the head with the tree; but Lava swiftly cut it, as it fell upon him, into a hundred pieces.
AI translation rendered from the Sanskrit, not a published edition
PdP 5 61.50
छिन्ने नगे पुनः कोपाद्वृक्षानुत्पाट्य मूलतः । ताडयामास हृदये मस्तके च महाबलः
chinne nage punaḥ kopādvṛkṣānutpāṭya mūlataḥ | tāḍayāmāsa hṛdaye mastake ca mahābalaḥ
When the tree was cut, again in anger the mighty one tore up trees by the root and struck (Lava) on the chest and on the head.
AI translation rendered from the Sanskrit, not a published edition
PdP 5 61.51
यान्यान्वृक्षान्समाहृत्याताडयत्पवनात्मजः । तांस्तांश्चिच्छेद तरसा बलवान्नतपर्वभिः
yānyānvṛkṣānsamāhṛtyātāḍayatpavanātmajaḥ | tāṃstāṃściccheda tarasā balavānnataparvabhiḥ
Whatever trees the son of the Wind gathered up and struck (him) with, those he cut down at once, the strong one, with jointed (arrows).
AI translation rendered from the Sanskrit, not a published edition
PdP 5 61.52
तदा शिलाः समुत्पाट्य गंडशैलोपमाः कपिः । पातयामास शिरसि क्षिप्रवेगेन मारुतिः
tadā śilāḥ samutpāṭya gaṃḍaśailopamāḥ kapiḥ | pātayāmāsa śirasi kṣipravegena mārutiḥ
Then the monkey, the son of Marut, tearing up boulders resembling great crags, made them fall on (his) head with swift force.
AI translation rendered from the Sanskrit, not a published edition
PdP 5 61.53
स आहतः शिलासंघैः संख्ये कोदंडमुन्नयन् । बाणैस्ताश्चूर्णयामास यंत्रिकाभिर्यथा कणाः
sa āhataḥ śilāsaṃghaiḥ saṃkhye kodaṃḍamunnayan | bāṇaistāścūrṇayāmāsa yaṃtrikābhiryathā kaṇāḥ
Struck by the masses of rocks, raising his bow in the battle, he pulverized them with arrows, as grains (are ground) by mills.
AI translation rendered from the Sanskrit, not a published edition
PdP 5 61.54
तदात्यंतं प्रकुपितो मारुतिः पुच्छवेष्टनम् । चकार समरोपांते लवस्य बलिनः कृती
tadātyaṃtaṃ prakupito mārutiḥ pucchaveṣṭanam | cakāra samaropāṃte lavasya balinaḥ kṛtī
Then the son of Marut, exceedingly enraged, skilled (as he was), wound his tail about the powerful Lava at the edge of the battlefield.
AI translation rendered from the Sanskrit, not a published edition
PdP 5 61.55
स्वं पुच्छेन समाविद्धं वीक्ष्य स्वांबां हृदि स्मरन् । मुष्टिना ताडयामास लांगूलं मारुतेर्बली
svaṃ pucchena samāviddhaṃ vīkṣya svāṃbāṃ hṛdi smaran | muṣṭinā tāḍayāmāsa lāṃgūlaṃ māruterbalī
Seeing himself encircled by the tail, and calling his own mother to mind in his heart, the strong one struck the tail of the son of Marut with his fist.
AI translation rendered from the Sanskrit, not a published edition
PdP 5 61.56
तन्मुष्टिघातव्यथितो मारुतिस्तममूमुचत् । स मुक्तः पुच्छतो युद्धे शरान्मुंचन्नभूद्बली
tanmuṣṭighātavyathito mārutistamamūmucat | sa muktaḥ pucchato yuddhe śarānmuṃcannabhūdbalī
Pained by that blow of the fist, the son of Marut let him go; and released from the tail, the strong one went on loosing arrows in the fight.
AI translation rendered from the Sanskrit, not a published edition
PdP 5 61.57
दुर्वारशरघातेन संपीडिततनुः कपिः । बाणवर्षं मन्यमानो दुःसहं समरे बहु
durvāraśaraghātena saṃpīḍitatanuḥ kapiḥ | bāṇavarṣaṃ manyamāno duḥsahaṃ samare bahu
The monkey, his body tormented by the unstoppable striking of arrows, reckoning the rain of arrows in the battle to be great and unbearable, (thought):
AI translation rendered from the Sanskrit, not a published edition
PdP 5 61.58
किंकर्तव्यमितोऽस्माभिः पलाय्य यदि गम्यते । तदा मे स्वामिनो लज्जा ताडयेद्बालकोऽत्र माम्
kiṃkartavyamito'smābhiḥ palāyya yadi gamyate | tadā me svāmino lajjā tāḍayedbālako'tra mām
"What is to be done by us here? If one goes off in flight, then it will be a disgrace for my master—(that) a boy should beat me here.
AI translation rendered from the Sanskrit, not a published edition
PdP 5 61.59
ब्रह्मदत्तवरत्वात्तु मूर्च्छा न मरणं नहि । दुःसहा बाणपीडात्र किं कर्तव्यं मयाधुना
brahmadattavaratvāttu mūrcchā na maraṇaṃ nahi | duḥsahā bāṇapīḍātra kiṃ kartavyaṃ mayādhunā
But because of the boon granted by Brahmā, there is (only) fainting, and no death at all. The affliction of arrows here is unbearable—what should be done by me now?
AI translation rendered from the Sanskrit, not a published edition
PdP 5 61.60
शत्रुघ्नः समरे गत्वा जयं प्राप्नोतु बालकात् । अहं तावज्जयाकांक्षी शये कपटमूर्च्छया
śatrughnaḥ samare gatvā jayaṃ prāpnotu bālakāt | ahaṃ tāvajjayākāṃkṣī śaye kapaṭamūrcchayā
Let Śatrughna go into battle and win victory over the boy; meanwhile I, desiring (his) victory, will lie down in a feigned swoon."
AI translation rendered from the Sanskrit, not a published edition
PdP 5 61.61
इत्येवं मानसे कृत्वा पपात रणमंडले । पश्यतां सर्ववीराणां कपटेन विमूर्च्छितः
ityevaṃ mānase kṛtvā papāta raṇamaṃḍale | paśyatāṃ sarvavīrāṇāṃ kapaṭena vimūrcchitaḥ
Having thus resolved in his mind, he fell on the field of battle, swooning by trickery, while all the warriors looked on.
AI translation rendered from the Sanskrit, not a published edition
PdP 5 61.62
तं मूर्च्छितं समाज्ञाय हनूमंतं महाबलम् । जघान सर्वान्नृपतीञ्छरमोक्षविचक्षणः
taṃ mūrcchitaṃ samājñāya hanūmaṃtaṃ mahābalam | jaghāna sarvānnṛpatīñcharamokṣavicakṣaṇaḥ
Knowing that mighty Hanumān to be swooning, he, skilled in the release of arrows, slew all the kings.
AI translation rendered from the Sanskrit, not a published edition