Padma Purana — Patala Khanda — Chapter 60
PdP 5 60.1
शेष उवाच। शत्रुघ्नो निजवीराणां छिन्नान्बाहून्निरीक्षयन् । उवाच तान्सुकुपितो रोषसंदंशिताधरः
śeṣa uvāca| śatrughno nijavīrāṇāṃ chinnānbāhūnnirīkṣayan | uvāca tānsukupito roṣasaṃdaṃśitādharaḥ
Śeṣa said: Śatrughna, looking at the severed arms of his own warriors, thoroughly enraged, his lip bitten in fury, spoke to them:
AI translation rendered from the Sanskrit, not a published edition
PdP 5 60.2
केन वीरेण वो बाहुकृंतनं समकारि भोः । तस्याहं बाहू कृंतामि देवगुप्तस्य वै भटाः
kena vīreṇa vo bāhukṛṃtanaṃ samakāri bhoḥ | tasyāhaṃ bāhū kṛṃtāmi devaguptasya vai bhaṭāḥ
"By what hero was this cutting of your arms done, ho! I will cut off his arms, O soldiers of Devagupta!"
AI translation rendered from the Sanskrit, not a published edition — the model flagged this verse as uncertain
PdP 5 60.3
न जानाति महामूढो रामचंद्र बलं महत् । इदानीं दर्शयिष्यामि पराक्रांत्या बलं स्वकम्
na jānāti mahāmūḍho rāmacaṃdra balaṃ mahat | idānīṃ darśayiṣyāmi parākrāṃtyā balaṃ svakam
"The great fool does not know the mighty strength of Rāmacandra; now I shall display my own strength by an act of valour."
AI translation rendered from the Sanskrit, not a published edition
PdP 5 60.4
स कुत्र वर्तते वीरो हयः कुत्र मनोरमः । को वाऽगृह्णात्सुप्तसर्पान्मूढो ज्ञात्वा पराक्रमम्
sa kutra vartate vīro hayaḥ kutra manoramaḥ | ko vā'gṛhṇātsuptasarpānmūḍho jñātvā parākramam
"Where is that hero, where the delightful horse? Or who is the fool that has seized sleeping serpents, knowing (our) prowess?"
AI translation rendered from the Sanskrit, not a published edition
PdP 5 60.5
इति ते कथिता वीरा विस्मिता दुःखिता भृशम् । रामचंद्र प्रतिनिधिं बालकं समशंसत
iti te kathitā vīrā vismitā duḥkhitā bhṛśam | rāmacaṃdra pratinidhiṃ bālakaṃ samaśaṃsata
Thus addressed, those warriors, amazed and deeply grieved, described the boy as the very counterpart of Rāmacandra.
AI translation rendered from the Sanskrit, not a published edition
PdP 5 60.6
स श्रुत्वा रोषताम्राक्षो बालकेन हयग्रहम् । सेनान्यं वै कालजितमाज्ञापयद्युयुत्सुकः
sa śrutvā roṣatāmrākṣo bālakena hayagraham | senānyaṃ vai kālajitamājñāpayadyuyutsukaḥ
Hearing of the seizure of the horse by a boy, his eyes copper-red with rage, eager to fight, he gave orders to his general Kālajit:
AI translation rendered from the Sanskrit, not a published edition
PdP 5 60.7
सेनानीः सकलां सेनां व्यूहयस्व ममाज्ञया । रिपुः संप्रति गंतव्यो महाबलपराक्रमः
senānīḥ sakalāṃ senāṃ vyūhayasva mamājñayā | ripuḥ saṃprati gaṃtavyo mahābalaparākramaḥ
"General, array the entire army at my command; the enemy who must now be gone against is of great strength and prowess."
AI translation rendered from the Sanskrit, not a published edition
PdP 5 60.8
नायं बालो हरिर्नूनं भविष्यति हयंधरः । अथवा त्रिपुरारिः स्यान्नान्यथा मद्धयापहृत्
nāyaṃ bālo harirnūnaṃ bhaviṣyati hayaṃdharaḥ | athavā tripurāriḥ syānnānyathā maddhayāpahṛt
"This is no (mere) boy; surely the holder of the horse will be Hari, or else he may be the foe of Tripura—otherwise he could not have carried off my horse."
AI translation rendered from the Sanskrit, not a published edition
PdP 5 60.9
अवश्यं कदनं भाविसैन्यस्य बलिनो महत् । स्वच्छंदचरितैः खेलन्नास्ते निर्भयधीः शिशुः
avaśyaṃ kadanaṃ bhāvisainyasya balino mahat | svacchaṃdacaritaiḥ khelannāste nirbhayadhīḥ śiśuḥ
"There will certainly be a great slaughter of the mighty army: the child sits there playing with self-willed exploits, his mind free of fear."
AI translation rendered from the Sanskrit, not a published edition
PdP 5 60.10
तत्र गंतव्यमस्माभिः सन्नद्धै रिपुदुर्जयैः । एतन्निशम्य वचनं शत्रुघ्नस्य ससैन्यपः
tatra gaṃtavyamasmābhiḥ sannaddhai ripudurjayaiḥ | etanniśamya vacanaṃ śatrughnasya sasainyapaḥ
"We must go there, armed, unconquerable by foes." Hearing this speech of Śatrughna, the commander of the army
AI translation rendered from the Sanskrit, not a published edition
PdP 5 60.11
सज्जीचकार सेनां तां दुर्व्यूढां चतुरंगिणीम् । सज्जां तां शत्रुजिद्दृष्ट्वा चतुरंगयुतां वराम्
sajjīcakāra senāṃ tāṃ durvyūḍhāṃ caturaṃgiṇīm | sajjāṃ tāṃ śatrujiddṛṣṭvā caturaṃgayutāṃ varām
made ready that fourfold army, drawn up in a formation hard (to break). Seeing it made ready, excellent, complete with the four divisions, Śatrujit
AI translation rendered from the Sanskrit, not a published edition
PdP 5 60.12
आज्ञापयत्ततो गंतुं यत्र बालो हयंधरः । सा चचाल तदा सेना चतुरंगसमन्विता
ājñāpayattato gaṃtuṃ yatra bālo hayaṃdharaḥ | sā cacāla tadā senā caturaṃgasamanvitā
then ordered (them) to go where the boy, the holder of the horse, was. Then that army marched, furnished with its four divisions,
AI translation rendered from the Sanskrit, not a published edition
PdP 5 60.13
कंपयंती महीभागं त्रासयंती रिपून्बलात् । सेनानीस्तं ददर्शाथ बालकं रामरूपिणम्
kaṃpayaṃtī mahībhāgaṃ trāsayaṃtī ripūnbalāt | senānīstaṃ dadarśātha bālakaṃ rāmarūpiṇam
making the region of the earth tremble, forcibly terrifying the enemies. Then the general saw that boy who had the form of Rāma,
AI translation rendered from the Sanskrit, not a published edition
PdP 5 60.14
विचार्य रामप्रतिममब्रवीद्वचनं हितम् । बाल मुंच हयश्रेष्ठं रामस्य बलशालिनः
vicārya rāmapratimamabravīdvacanaṃ hitam | bāla muṃca hayaśreṣṭhaṃ rāmasya balaśālinaḥ
and after reflecting he spoke a well-meaning word to the one who was Rāma's likeness: "Boy, release the best of horses, belonging to mighty Rāma."
AI translation rendered from the Sanskrit, not a published edition
PdP 5 60.15
सेनानीः कालजिन्नाम तस्य भूपस्य दुर्मदः । त्वां रामप्रतिमं दृष्ट्वा कृपा मे हृदि जायते
senānīḥ kālajinnāma tasya bhūpasya durmadaḥ | tvāṃ rāmapratimaṃ dṛṣṭvā kṛpā me hṛdi jāyate
"(I am) the general named Kālajit, that king's, hard to withstand in pride; seeing you, Rāma's likeness, pity arises in my heart."
AI translation rendered from the Sanskrit, not a published edition — the model flagged this verse as uncertain
PdP 5 60.16
अन्यथा तव मे दौस्थ्याज्जीवितं न भविष्यति । एतद्वाक्यं समाकर्ण्य शत्रुघ्नस्य भटस्य हि
anyathā tava me dausthyājjīvitaṃ na bhaviṣyati | etadvākyaṃ samākarṇya śatrughnasya bhaṭasya hi
"Otherwise, because of your ill plight, my own life would not survive." Hearing this speech of the soldier of Śatrughna,
AI translation rendered from the Sanskrit, not a published edition — the model flagged this verse as uncertain
PdP 5 60.17
जहास किंचिदाकोपादुवाच च वचोद्भुतम् । गच्छ मुक्तोसि तं रामं कथयस्व हयग्रहम्
jahāsa kiṃcidākopāduvāca ca vacodbhutam | gaccha muktosi taṃ rāmaṃ kathayasva hayagraham
he laughed a little out of anger and spoke a startling word: "Go, you are released; tell that Rāma of the seizure of the horse."
AI translation rendered from the Sanskrit, not a published edition
PdP 5 60.18
त्वत्तो बिभेमि नो शूर वाक्येन नयशालिना । ममात्र गणना नास्ति त्वादृशाः कोटयो यदि
tvatto bibhemi no śūra vākyena nayaśālinā | mamātra gaṇanā nāsti tvādṛśāḥ koṭayo yadi
"I do not fear you, hero, for all your politic speech. Here I take no count (of you), even were there crores of the likes of you—
AI translation rendered from the Sanskrit, not a published edition
PdP 5 60.19
मातृपादप्रसादेन तूलीभूता न संशयः । कालजित्तव यन्नाम मात्राकारि मनोज्ञया
mātṛpādaprasādena tūlībhūtā na saṃśayaḥ | kālajittava yannāma mātrākāri manojñayā
—by the grace of my mother's feet they have become (light as) cotton, no doubt. Kālajit ('Conqueror of Time'), that name of yours which your charming mother made,
AI translation rendered from the Sanskrit, not a published edition
PdP 5 60.20
पक्वबिंबफलस्येव वर्णतो न च वीर्यतः । दर्शयस्वाधुना वीर्यं स्वनामबलचिह्नितः
pakvabiṃbaphalasyeva varṇato na ca vīryataḥ | darśayasvādhunā vīryaṃ svanāmabalacihnitaḥ
is like a ripe biṃba fruit—(fine) in colour, but not in potency. Show your valour now, you who are marked with strength only in your own name.
AI translation rendered from the Sanskrit, not a published edition
PdP 5 60.21
मां कालं तव संजित्य सत्यनामा भविष्यसि । शेष उवाच। स वाक्यैः पविनातुल्यैर्भिन्नः सुभटशेखरः
māṃ kālaṃ tava saṃjitya satyanāmā bhaviṣyasi | śeṣa uvāca| sa vākyaiḥ pavinātulyairbhinnaḥ subhaṭaśekharaḥ
Having conquered me, Time (Kāla), you will become true to your name." Śeṣa said: He, that crown of good warriors, split by words equal to a thunderbolt,
AI translation rendered from the Sanskrit, not a published edition
PdP 5 60.22
चुकोप हृदयेऽत्यतं जगाद वचनं पुनः । कस्मिन्कुले समुत्पत्तिः किं नामासि च बालक । त्वन्नाम नाभिजानामि कुलं शीलं वयस्तथा
cukopa hṛdaye'tyataṃ jagāda vacanaṃ punaḥ | kasminkule samutpattiḥ kiṃ nāmāsi ca bālaka | tvannāma nābhijānāmi kulaṃ śīlaṃ vayastathā
grew exceedingly angry in his heart and spoke again: "In what family were you born, and what is your name, boy? I do not know your name, nor your family, character, or age.
AI translation rendered from the Sanskrit, not a published edition
PdP 5 60.23
पादचारं रथस्थोऽहमधर्मेण कथं जये । तदात्यंतं प्रकुपितो जगाद वचनं पुनः
pādacāraṃ rathastho'hamadharmeṇa kathaṃ jaye | tadātyaṃtaṃ prakupito jagāda vacanaṃ punaḥ
You are on foot, I stand in a chariot: how should I conquer unrighteously?" Then, exceedingly enraged, (Lava) spoke again:
AI translation rendered from the Sanskrit, not a published edition
PdP 5 60.24
कुलेन किं च शीलेन नाम्ना वा सुमनोहृदा । लवोऽहं लवतः सर्वाञ्जेष्यामि रिपुसैनिकान्
kulena kiṃ ca śīlena nāmnā vā sumanohṛdā | lavo'haṃ lavataḥ sarvāñjeṣyāmi ripusainikān
"What of family, or character, or a name pleasing to the mind? I am Lava; by cutting (lava) I shall conquer all the enemy soldiers.
AI translation rendered from the Sanskrit, not a published edition
PdP 5 60.25
इदानीं त्वामपि भटं करिष्ये पादचारिणम् । इत्थमुक्त्वा धनुः सज्यं चकार स लवो बली
idānīṃ tvāmapi bhaṭaṃ kariṣye pādacāriṇam | itthamuktvā dhanuḥ sajyaṃ cakāra sa lavo balī
Now I shall make you too a footsoldier." Having spoken thus, mighty Lava strung his bow,
AI translation rendered from the Sanskrit, not a published edition
PdP 5 60.26
टंकारयामास तदा वीरानाकंपयन्हृदि । वाल्मीकिं प्रथमं स्मृत्वा जानकीं मातरं लवः
ṭaṃkārayāmāsa tadā vīrānākaṃpayanhṛdi | vālmīkiṃ prathamaṃ smṛtvā jānakīṃ mātaraṃ lavaḥ
and then made it twang, making the heroes tremble in their hearts. Remembering first Vālmīki and his mother Jānakī, Lava
AI translation rendered from the Sanskrit, not a published edition
PdP 5 60.27
मुमोच बाणान्निशितान्सद्यः प्राणापहारिणः । कालजित्स्वधनुः कृत्वा सज्यं कोपसमन्वितः
mumoca bāṇānniśitānsadyaḥ prāṇāpahāriṇaḥ | kālajitsvadhanuḥ kṛtvā sajyaṃ kopasamanvitaḥ
loosed sharp arrows that at once carry off life. Kālajit, having strung his own bow, filled with rage,
AI translation rendered from the Sanskrit, not a published edition
PdP 5 60.28
ताडयामास जवनो लवं रणविशारदः । तद्बाणाञ्छतधा छित्त्वा क्षणाद्वेगात्कुशानुजः
tāḍayāmāsa javano lavaṃ raṇaviśāradaḥ | tadbāṇāñchatadhā chittvā kṣaṇādvegātkuśānujaḥ
—that swift one, skilled in war—struck Lava; but cutting his arrows into a hundred pieces in an instant with speed, the younger brother of Kuśa
AI translation rendered from the Sanskrit, not a published edition
PdP 5 60.29
सेनान्यं विरथं चक्रे वसुभिः स्वशरोत्तमैः । विरथो गजमानीतमारुरोह भटैर्निजैः
senānyaṃ virathaṃ cakre vasubhiḥ svaśarottamaiḥ | viratho gajamānītamāruroha bhaṭairnijaiḥ
made the general chariotless with eight of his finest arrows; chariotless, he mounted an elephant brought by his own soldiers,
AI translation rendered from the Sanskrit, not a published edition
PdP 5 60.30
मदोन्मत्तं महावेगं सप्तधा प्रस्रवान्वितम् । गजारूढं तु तं दृष्ट्वा दशभिर्धनुषोगतैः
madonmattaṃ mahāvegaṃ saptadhā prasravānvitam | gajārūḍhaṃ tu taṃ dṛṣṭvā daśabhirdhanuṣogataiḥ
one maddened with rut, of great speed, flowing (with ichor) in seven places. Seeing him mounted on the elephant, with ten (arrows) discharged from the bow,
AI translation rendered from the Sanskrit, not a published edition
PdP 5 60.31
बाणैर्विव्याध विहसन्सर्वान्रिपुगणाञ्जयी । कालजित्तस्य वीर्यं तु दृष्ट्वा विस्मितमानसः
bāṇairvivyādha vihasansarvānripugaṇāñjayī | kālajittasya vīryaṃ tu dṛṣṭvā vismitamānasaḥ
the victorious one, laughing, pierced with arrows all the throngs of enemies. But Kālajit, seeing his valour, his mind astonished,
AI translation rendered from the Sanskrit, not a published edition
PdP 5 60.32
गदां मुमोच महतीं महायस विनिर्मिताम् । आपतंतीं गदां वेगाद्भारायुतविनिर्मिताम्
gadāṃ mumoca mahatīṃ mahāyasa vinirmitām | āpataṃtīṃ gadāṃ vegādbhārāyutavinirmitām
hurled a great mace fashioned of massive iron; that onrushing mace, fashioned of ten thousand (units of) weight,
AI translation rendered from the Sanskrit, not a published edition
PdP 5 60.33
त्रिधा चिच्छेद तरसा क्षुरप्रैः सकुशानुजः । परिघं निशितं घोरं वैरिप्राणहरोदितम्
tridhā ciccheda tarasā kṣurapraiḥ sakuśānujaḥ | parighaṃ niśitaṃ ghoraṃ vairiprāṇaharoditam
Kuśa's younger brother swiftly cut into three with razor-arrows. A sharp, terrible iron club, said to take the lives of foes,
AI translation rendered from the Sanskrit, not a published edition
PdP 5 60.34
मुक्तं पुनस्तेन लवश्चिच्छेद तरसान्वितः । छित्त्वा तत्परिघं घोरं कोपादारक्तलोचनः
muktaṃ punastena lavaściccheda tarasānvitaḥ | chittvā tatparighaṃ ghoraṃ kopādāraktalocanaḥ
released again by him—Lava cut it, filled with speed. Having cut that terrible club, his eyes reddened with anger,
AI translation rendered from the Sanskrit, not a published edition
PdP 5 60.35
गजोपस्थे समारूढं मन्यमानश्चुकोप ह । तत्क्षणादच्छिनत्तस्य शुंडां खड्गेन दंतिनः
gajopasthe samārūḍhaṃ manyamānaścukopa ha | tatkṣaṇādacchinattasya śuṃḍāṃ khaḍgena daṃtinaḥ
considering that (his foe) was mounted on the elephant's back, he grew angry indeed; that very instant he cut off with his sword the trunk of that tusker.
AI translation rendered from the Sanskrit, not a published edition
PdP 5 60.36
दंतयोश्चरणौ धृत्वा रुरोह गजमस्तके । मुकुटं शतधा कृत्वा कवचं तु सहस्रधा
daṃtayoścaraṇau dhṛtvā ruroha gajamastake | mukuṭaṃ śatadhā kṛtvā kavacaṃ tu sahasradhā
Setting his feet on the two tusks, he climbed onto the elephant's head; having made (the general's) crown into a hundred pieces and his armour into a thousand,
AI translation rendered from the Sanskrit, not a published edition
PdP 5 60.37
केशेष्वाकृष्य सेनान्यं पातयामास भूतले । पातितः स गजोपस्थात्सेनानीः कुपितः पुनः
keśeṣvākṛṣya senānyaṃ pātayāmāsa bhūtale | pātitaḥ sa gajopasthātsenānīḥ kupitaḥ punaḥ
he dragged the general by the hair and flung him to the ground. Thrown down from the elephant's back, that general, angered again,
AI translation rendered from the Sanskrit, not a published edition
PdP 5 60.38
हृदये ताडयामास मुष्टिना वज्रमुष्टिना । स आहतो मुष्टिभिस्तु क्षुरप्रान्निशिताञ्छरान्
hṛdaye tāḍayāmāsa muṣṭinā vajramuṣṭinā | sa āhato muṣṭibhistu kṣuraprānniśitāñcharān
He struck (him) on the chest with his fist, a fist like a thunderbolt. Struck by the fists, (the commander) then (loosed) sharp kṣurapra arrows —
AI translation rendered from the Sanskrit, not a published edition
PdP 5 60.39
मुमोच हृदये क्षिप्रं कुंडलीकृतधन्ववान् । स रराज रणोपांते कुंडलीकृत चापवान्
mumoca hṛdaye kṣipraṃ kuṃḍalīkṛtadhanvavān | sa rarāja raṇopāṃte kuṃḍalīkṛta cāpavān
— he, bending his bow into a circle, quickly loosed (them) at (Lava's) chest; and he shone at the edge of the battle, holding his bow drawn into a circle.
AI translation rendered from the Sanskrit, not a published edition
PdP 5 60.40
शिरस्त्रं कवचं बिभ्रदभेद्यं शरकोटिभिः । स विद्धः सायकैस्तीक्ष्णैस्तं हंतुं खड्गमाददे
śirastraṃ kavacaṃ bibhradabhedyaṃ śarakoṭibhiḥ | sa viddhaḥ sāyakaistīkṣṇaistaṃ haṃtuṃ khaḍgamādade
Wearing a helmet and a coat of mail unpierceable by millions of arrows, he, (though) pierced by the sharp shafts, took up a sword to kill him.
AI translation rendered from the Sanskrit, not a published edition
PdP 5 60.41
दशन्रोषात्स्वदशनान्निःश्वसन्नुच्छ्वसन्मुहुः । खड्गहस्तं समायांतं शूरं सेनापतिं लवः
daśanroṣātsvadaśanānniḥśvasannucchvasanmuhuḥ | khaḍgahastaṃ samāyāṃtaṃ śūraṃ senāpatiṃ lavaḥ
Biting his own teeth in rage, breathing out and breathing in again and again — the valiant commander of the army, sword in hand, coming on: him Lava
AI translation rendered from the Sanskrit, not a published edition
PdP 5 60.42
चिच्छेद भुजमध्यं तु स खड्गः पाणिरापतत् । छिन्नं खड्गधरं हस्तं वीक्ष्य कोपाच्चमूपतिः
ciccheda bhujamadhyaṃ tu sa khaḍgaḥ pāṇirāpatat | chinnaṃ khaḍgadharaṃ hastaṃ vīkṣya kopāccamūpatiḥ
cut through in the middle of the arm, and that sword fell with the hand. Seeing his hand that held the sword cut off, the army's lord, out of anger,
AI translation rendered from the Sanskrit, not a published edition
PdP 5 60.43
वामेन गदया हंतुं प्रचक्राम भुजेन तम् । सोऽपि च्छिन्नो भुजस्तस्य सांगदस्तीक्ष्णसायकैः
vāmena gadayā haṃtuṃ pracakrāma bhujena tam | so'pi cchinno bhujastasya sāṃgadastīkṣṇasāyakaiḥ
set out to kill him with a mace with his left arm; but that arm of his too, together with its armlet, was severed by the sharp shafts.
AI translation rendered from the Sanskrit, not a published edition
PdP 5 60.44
तदा प्रकुपितो वीरः पादाभ्यामहनल्लवम् । लवः पादाहतस्तस्य न चचाल रणांगणे
tadā prakupito vīraḥ pādābhyāmahanallavam | lavaḥ pādāhatastasya na cacāla raṇāṃgaṇe
Then the hero, greatly enraged, struck Lava with both feet; Lava, kicked by his feet, did not stir on the field of battle,
AI translation rendered from the Sanskrit, not a published edition
PdP 5 60.45
स्रजाहतो द्विप इव चरणच्छेदनं व्यधात् । तदापि तं मौलिनासौ प्रहर्तुमुपचक्रमे
srajāhato dvipa iva caraṇacchedanaṃ vyadhāt | tadāpi taṃ maulināsau prahartumupacakrame
like an elephant struck with a garland; and he effected the cutting off of (the man's) feet. Even then that (man) undertook to strike him with his diademed head.
AI translation rendered from the Sanskrit, not a published edition
PdP 5 60.46
तदा लवश्चमूनाथं मन्यमानोऽधिपौरुषम् । करवालं समादाय करे कालानलोपमम्
tadā lavaścamūnāthaṃ manyamāno'dhipauruṣam | karavālaṃ samādāya kare kālānalopamam
Then Lava, thinking the army's lord to be of surpassing manliness, took in his hand a sword like the fire of time,
AI translation rendered from the Sanskrit, not a published edition
PdP 5 60.47
अच्छिनच्छिर एतस्य महामुकुटशोभितम् । हाहाकारो महानासीच्चमूनाथे निपातिते
acchinacchira etasya mahāmukuṭaśobhitam | hāhākāro mahānāsīccamūnāthe nipātite
and cut off this man's head, adorned with its great crown. A great cry of "alas, alas!" arose when the lord of the army was felled.
AI translation rendered from the Sanskrit, not a published edition
PdP 5 60.48
सैनिकाः परिसंक्रुद्धा लवं हंतुं समागताः । लवस्तान्स्वशराघातैः पलायनपरान्व्यधात्
sainikāḥ parisaṃkruddhā lavaṃ haṃtuṃ samāgatāḥ | lavastānsvaśarāghātaiḥ palāyanaparānvyadhāt
The soldiers, thoroughly enraged, came together to kill Lava; but Lava, with the blows of his own arrows, made them intent on flight.
AI translation rendered from the Sanskrit, not a published edition
PdP 5 60.49
छिन्नाभिन्नांगकाः केचिद्गता केचिद्रणांगणात् । स निवार्याखिलान्योधान्विजगाह चमूं मुदा
chinnābhinnāṃgakāḥ kecidgatā kecidraṇāṃgaṇāt | sa nivāryākhilānyodhānvijagāha camūṃ mudā
Some had their limbs cut and shattered, some went away from the battlefield; he, holding off all the fighters, plunged into the army with delight,
AI translation rendered from the Sanskrit, not a published edition
PdP 5 60.50
वाराह इव निःश्वस्य प्रलये सुमहार्णवम् । गजा भिन्ना द्विधा जाता मौक्तिकैः पूरिता मही
vārāha iva niḥśvasya pralaye sumahārṇavam | gajā bhinnā dvidhā jātā mauktikaiḥ pūritā mahī
like the Boar snorting at the vast ocean at the dissolution. The elephants were split and became two, and the earth was filled with pearls.
AI translation rendered from the Sanskrit, not a published edition
PdP 5 60.51
दुर्गमाभूद्भटाग्र्याणां पर्वतैर्व्यापृता यथा । अश्वाः कनकपल्याणा रुचिरारत्नराजिताः
durgamābhūdbhaṭāgryāṇāṃ parvatairvyāpṛtā yathā | aśvāḥ kanakapalyāṇā rucirāratnarājitāḥ
It became impassable for the foremost warriors, as though covered over with mountains. Horses with golden saddles, gleaming, bright with jewels,
AI translation rendered from the Sanskrit, not a published edition
PdP 5 60.52
अपतन्रुधिराप्लुष्टे ह्रदे बल सुशोभिताः । रथिनः करमध्यस्थ धनुर्दंडसुशोभिनः
apatanrudhirāpluṣṭe hrade bala suśobhitāḥ | rathinaḥ karamadhyastha dhanurdaṃḍasuśobhinaḥ
fell, splendid in their strength, into a pool flooded with blood. Chariot-fighters, splendid with the staves of bows held in the middle of their hands,
AI translation rendered from the Sanskrit, not a published edition — the model flagged this verse as uncertain
PdP 5 60.53
रथोपस्थे निपतिताः स्वर्गगा इव वै सुराः । संदष्टौष्ठपुटा वक्त्र भ्रमल्लक्ष्मीविलक्षिताः
rathopasthe nipatitāḥ svargagā iva vai surāḥ | saṃdaṣṭauṣṭhapuṭā vaktra bhramallakṣmīvilakṣitāḥ
lay fallen on their chariot-platforms like gods going to heaven; with their lips bitten, marked out by the splendour wandering over their faces,
AI translation rendered from the Sanskrit, not a published edition — the model flagged this verse as uncertain
PdP 5 60.54
पतितास्तत्र दृश्यंते वीरा रणविशारदाः । सुस्राव शोणितसरिद्धयमस्तककच्छपा
patitāstatra dṛśyaṃte vīrā raṇaviśāradāḥ | susrāva śoṇitasariddhayamastakakacchapā
the heroes, skilled in battle, are seen fallen there. A river of blood flowed, with horses' heads for its turtles,
AI translation rendered from the Sanskrit, not a published edition
PdP 5 60.55
महाप्रवाहललिता वैरिणां भयकारिका । केषांचिद्बाहविश्छिन्नाः केषां पादा विकर्तिता
mahāpravāhalalitā vairiṇāṃ bhayakārikā | keṣāṃcidbāhaviśchinnāḥ keṣāṃ pādā vikartitā
lovely with its mighty current, causing fear to the enemies. Some had their arms cut off, of some the feet were hacked away,
AI translation rendered from the Sanskrit, not a published edition
PdP 5 60.56
केषां कर्णाश्च नासाश्च केषां कवचकुंडले । एवं तु कदनं जातं सेनान्यां पतिते रणे
keṣāṃ karṇāśca nāsāśca keṣāṃ kavacakuṃḍale | evaṃ tu kadanaṃ jātaṃ senānyāṃ patite raṇe
of some the ears and noses, of some the armour and earrings. Thus was the slaughter that arose when the army's commander had fallen in the battle.
AI translation rendered from the Sanskrit, not a published edition
PdP 5 60.57
सर्वे निपतिता वीरा न केचिज्जीवितास्ततः । लवो जयं रणे प्राप्य वैरिवृंदं विजित्य च
sarve nipatitā vīrā na kecijjīvitāstataḥ | lavo jayaṃ raṇe prāpya vairivṛṃdaṃ vijitya ca
All the heroes lay fallen; not any were left alive thereafter. Lava, having won victory in the battle and conquered the host of foes,
AI translation rendered from the Sanskrit, not a published edition
PdP 5 60.58
अन्यागमनशंकायां मनः कुर्वन्नवैक्षत । केचिदुर्वरिता युद्धाद्भाग्येन न रणे मृताः
anyāgamanaśaṃkāyāṃ manaḥ kurvannavaikṣata | kecidurvaritā yuddhādbhāgyena na raṇe mṛtāḥ
Setting his mind upon the expectation that others would come, he looked about. Some had been left over from the battle, by good fortune not slain in the fight.
AI translation rendered from the Sanskrit, not a published edition
PdP 5 60.59
शत्रुघ्नं सविधे जग्मुः शंसितुं वृत्तमद्भुतम् । गत्वा ते कथयामासुर्यथावृत्तं रणांगणे
śatrughnaṃ savidhe jagmuḥ śaṃsituṃ vṛttamadbhutam | gatvā te kathayāmāsuryathāvṛttaṃ raṇāṃgaṇe
They went into the presence of Śatrughna to report the astonishing event; having gone, they told what had happened on the battlefield.
AI translation rendered from the Sanskrit, not a published edition
PdP 5 60.60
कालजिन्निधनं बालाच्चित्रकारि रणोद्यमम् । तच्छ्रुत्वा विस्मयं प्राप्तः शत्रुघ्नस्तानुवाच ह
kālajinnidhanaṃ bālāccitrakāri raṇodyamam | tacchrutvā vismayaṃ prāptaḥ śatrughnastānuvāca ha
the slaying of Kālajit by a boy, and the astonishing feat of war. Hearing that, Śatrughna fell into amazement and said to them:
AI translation rendered from the Sanskrit, not a published edition
PdP 5 60.61
हसन्रोषाद्दशन्दंतान्बालग्राह हयं स्मरन् । रे वीराः किं मदोन्मत्ता यूयं किं वा छलग्रहाः
hasanroṣāddaśandaṃtānbālagrāha hayaṃ smaran | re vīrāḥ kiṃ madonmattā yūyaṃ kiṃ vā chalagrahāḥ
Laughing, gnashing his teeth in rage, recalling that a boy had seized the horse: "Hey, heroes! Are you crazed with drink, or are you liars?
AI translation rendered from the Sanskrit, not a published edition
PdP 5 60.62
किं वा वैकल्यमायातं कालजिन्मरणं कथम् । यः संख्ये वैरिवृंदानां दारुणः समितिंजयः
kiṃ vā vaikalyamāyātaṃ kālajinmaraṇaṃ katham | yaḥ saṃkhye vairivṛṃdānāṃ dāruṇaḥ samitiṃjayaḥ
Or has some derangement come upon you? How could Kālajit die — he who in battle was the terror of hosts of enemies, victorious in the fray,
AI translation rendered from the Sanskrit, not a published edition
PdP 5 60.63
तं कथं बालको जीयाद्यमस्यापि दुरासदम् । शत्रुघ्नवाक्यं संश्रुत्य वीराः प्रोचुरसृक्प्लुताः
taṃ kathaṃ bālako jīyādyamasyāpi durāsadam | śatrughnavākyaṃ saṃśrutya vīrāḥ procurasṛkplutāḥ
how could a mere boy defeat him, who was hard to approach even for Yama?" Hearing Śatrughna's words, the heroes, drenched in blood, spoke:
AI translation rendered from the Sanskrit, not a published edition
PdP 5 60.64
नास्माकं मदमत्तादि न च्छलो न च देवनम् । कालजिन्मरणं सत्यं लवाज्जानीहि भूपते
nāsmākaṃ madamattādi na cchalo na ca devanam | kālajinmaraṇaṃ satyaṃ lavājjānīhi bhūpate
"There is no drunkenness or the like in us, no deceit and no gambling; the death of Kālajit at Lava's hands is the truth — know it, O lord of the earth.
AI translation rendered from the Sanskrit, not a published edition
PdP 5 60.65
बलं च कृत्स्नं मथितं बालेनातुलशौंडिना । अतः परं तु यत्कार्यं ये प्रेष्या नृवरोत्तमाः
balaṃ ca kṛtsnaṃ mathitaṃ bālenātulaśauṃḍinā | ataḥ paraṃ tu yatkāryaṃ ye preṣyā nṛvarottamāḥ
And the whole army has been crushed by that boy of unequalled prowess. As for what is to be done beyond this, and who among the foremost of men are to be sent —
AI translation rendered from the Sanskrit, not a published edition
PdP 5 60.66
बालं ज्ञात्वा भवान्नात्र करोतु बलसाहसम् । इति श्रुत्वा वचस्तेषां वीराणां शत्रुहा तदा
bālaṃ jñātvā bhavānnātra karotu balasāhasam | iti śrutvā vacasteṣāṃ vīrāṇāṃ śatruhā tadā
knowing him to be (only) a boy, let your honour not use force and rashness in this matter." Hearing this speech of those heroes, the slayer of foes then
AI translation rendered from the Sanskrit, not a published edition
PdP 5 60.67
सुमतिं च मतिश्रेष्ठमुवाच रणकारणे
sumatiṃ ca matiśreṣṭhamuvāca raṇakāraṇe
spoke to Sumati, best in judgement, concerning the reason for the battle.
AI translation rendered from the Sanskrit, not a published edition