Padma Purana — Patala Khanda — Chapter 6
PdP 5 6.1
शेष उवाच। इत्थं स्वागतसंतुष्टं ब्रह्मचर्यतपोनिधिम् । उवाच मतिमान्वीरः सर्वलोकगुरुर्मुनिम्
śeṣa uvāca| itthaṃ svāgatasaṃtuṣṭaṃ brahmacaryataponidhim | uvāca matimānvīraḥ sarvalokagururmunim
Śeṣa said: To the sage thus gratified by the welcome, that treasury of chastity and austerity, the wise hero, the teacher of all the worlds, spoke.
AI translation rendered from the Sanskrit, not a published edition
PdP 5 6.2
स्वागतं ते महाभाग कुंभयोने तपोनिधे । त्वद्दर्शनेन सर्वे वै पाविताः सकुटुंबकाः
svāgataṃ te mahābhāga kuṃbhayone taponidhe | tvaddarśanena sarve vai pāvitāḥ sakuṭuṃbakāḥ
"Welcome to you, greatly fortunate one, born from the pot, treasury of austerity! By the sight of you all of us, together with our families, are indeed purified.
AI translation rendered from the Sanskrit, not a published edition
PdP 5 6.3
कच्चिन्मतिस्ते वेदेषु शास्त्रेषु परिवर्तते । त्वत्तपोविघ्नकर्ता वै नास्ति भूमंडले क्वचित्
kaccinmatiste vedeṣu śāstreṣu parivartate | tvattapovighnakartā vai nāsti bhūmaṃḍale kvacit
Is your mind occupied with the Vedas and the treatises? Surely there is nowhere on the circle of the earth anyone who makes obstruction to your austerity.
AI translation rendered from the Sanskrit, not a published edition
PdP 5 6.4
लोपामुद्रा महाभाग या च ते धर्मचारिणी । यस्याः पतिव्रता धर्मात्सर्वं भवति शोभनम्
lopāmudrā mahābhāga yā ca te dharmacāriṇī | yasyāḥ pativratā dharmātsarvaṃ bhavati śobhanam
And Lopāmudrā, greatly fortunate one, who walks in dharma with you—she by whose dharma of devotion to her husband everything becomes fair—
AI translation rendered from the Sanskrit, not a published edition
PdP 5 6.5
अपि शंस महाभाग धर्ममूर्ते कृपानिधे । अलोलुपस्य किं कार्यं करवाणि मुनीश्वर
api śaṃsa mahābhāga dharmamūrte kṛpānidhe | alolupasya kiṃ kāryaṃ karavāṇi munīśvara
Do tell (me), greatly fortunate one, embodiment of dharma, treasury of compassion: what work may I do for you who are free of craving, O lord of sages?
AI translation rendered from the Sanskrit, not a published edition
PdP 5 6.6
त्वत्तपोयोगतः सर्वं भवति स्वेच्छया बहु । तथापि मयि कृत्वैव कृपां शंश मुनीश्वरः
tvattapoyogataḥ sarvaṃ bhavati svecchayā bahu | tathāpi mayi kṛtvaiva kṛpāṃ śaṃśa munīśvaraḥ
By your union with austerity everything comes about abundantly at your own will; nevertheless, showing favour to me, tell (me), O lord of sages."
AI translation rendered from the Sanskrit, not a published edition
PdP 5 6.7
शेष उवाच। इत्युक्तो लोकगुरुणा राजराजेन धीमता । उवाच रामं लोकेशं विनीततरभाषया
śeṣa uvāca| ityukto lokaguruṇā rājarājena dhīmatā | uvāca rāmaṃ lokeśaṃ vinītatarabhāṣayā
Śeṣa said: Addressed thus by the teacher of the world, the wise king of kings, he spoke to Rāma, the lord of the world, in most humble speech.
AI translation rendered from the Sanskrit, not a published edition
PdP 5 6.8
अगस्त्य उवाच। स्वामिंस्तव सुदुर्दर्शं दर्शनं दैवतैरपि । मत्वा समागतं विद्धि राजराज कृपानिधे
agastya uvāca| svāmiṃstava sudurdarśaṃ darśanaṃ daivatairapi | matvā samāgataṃ viddhi rājarāja kṛpānidhe
Agastya said: "Master, know that I have come having considered the sight of you, which is very hard to obtain even for the gods, O king of kings, treasury of compassion.
AI translation rendered from the Sanskrit, not a published edition
PdP 5 6.9
हतस्त्वया रावणाख्यस्त्वसुरो लोककंटकः । दिष्ट्याद्य देवाः सुखिनो दिष्ट्या राजा बिभीषणः
hatastvayā rāvaṇākhyastvasuro lokakaṃṭakaḥ | diṣṭyādya devāḥ sukhino diṣṭyā rājā bibhīṣaṇaḥ
By you was slain the demon named Rāvaṇa, the thorn of the worlds. Happily now the gods are at ease; happily Vibhīṣaṇa is king.
AI translation rendered from the Sanskrit, not a published edition
PdP 5 6.10
राम त्वद्दर्शनान्मेऽद्य गतं वै दुष्कृतं किल । संपूर्णो मे मनःकोश आनंदेन सुरोत्तम
rāma tvaddarśanānme'dya gataṃ vai duṣkṛtaṃ kila | saṃpūrṇo me manaḥkośa ānaṃdena surottama
Rāma, by the sight of you my evil deed has surely departed today; the treasure-chest of my mind is filled with joy, O best of gods."
AI translation rendered from the Sanskrit, not a published edition
PdP 5 6.11
इत्युक्त्वा स बभूवाशु तूष्णीं कुंभसमुद्भवः । रामसंदर्शनाह्लादविह्वलीकृतमानसः
ityuktvā sa babhūvāśu tūṣṇīṃ kuṃbhasamudbhavaḥ | rāmasaṃdarśanāhlādavihvalīkṛtamānasaḥ
Having said this, he who was born from the pot at once became silent, his mind overwhelmed by the delight of beholding Rāma.
AI translation rendered from the Sanskrit, not a published edition
PdP 5 6.12
रामः पप्रच्छ तं भूयो मुनिं ज्ञानविशारदम् । लोकातीतं भवद्भावि सर्वं जानासि सर्वतः
rāmaḥ papraccha taṃ bhūyo muniṃ jñānaviśāradam | lokātītaṃ bhavadbhāvi sarvaṃ jānāsi sarvataḥ
Rāma asked that sage, skilled in knowledge, again: "You know everything from every side—what is beyond the world, what is present and what is to come.
AI translation rendered from the Sanskrit, not a published edition
PdP 5 6.13
मुने कथय मे सर्वं पृच्छतो हि सुविस्तरम् । कोऽसौ मया हतो यो हि रावणो विबुधार्दनः
mune kathaya me sarvaṃ pṛcchato hi suvistaram | ko'sau mayā hato yo hi rāvaṇo vibudhārdanaḥ
“Sage, tell me everything, for I ask in full detail: who was that Rāvaṇa, slain by me, the tormentor of the gods?
AI translation rendered from the Sanskrit, not a published edition
PdP 5 6.14
कुंभकर्णोऽपि कस्त्वेष का जातिर्वै दुरात्मनः । देवो दैत्यः पिशाचो वा राक्षसो वा महामुने
kuṃbhakarṇo'pi kastveṣa kā jātirvai durātmanaḥ | devo daityaḥ piśāco vā rākṣaso vā mahāmune
And who was this Kumbhakarṇa? What indeed was the birth-class of that evil-souled one? Was he a god, a daitya, a piśāca, or a rākṣasa, O great sage?
AI translation rendered from the Sanskrit, not a published edition
PdP 5 6.15
सर्वमाख्याहि सर्वज्ञ सर्वं जानासि विस्तरात् । अतः कथय मे सर्वं कृपां कृत्वा ममोपरि
sarvamākhyāhi sarvajña sarvaṃ jānāsi vistarāt | ataḥ kathaya me sarvaṃ kṛpāṃ kṛtvā mamopari
Relate it all, O all-knowing one; you know everything in detail. Therefore tell me all of it, showing me your grace.”
AI translation rendered from the Sanskrit, not a published edition
PdP 5 6.16
इति श्रुत्वा ततो वाक्यं कुंभजन्मा तपोनिधिः । यत्पृष्टं रघुराजेन प्रवक्तुं तत्प्रचक्रमे
iti śrutvā tato vākyaṃ kuṃbhajanmā taponidhiḥ | yatpṛṣṭaṃ raghurājena pravaktuṃ tatpracakrame
Having heard this speech, the pot-born one, the treasury of austerity, then began to declare what had been asked by the Raghu king.
AI translation rendered from the Sanskrit, not a published edition
PdP 5 6.17
राजन्सृष्टिकरो ब्रह्मा पुलस्त्यस्तत्सुतोऽभवत् । ततस्तु विश्रवा जज्ञे वेदविद्याविशारदः
rājansṛṣṭikaro brahmā pulastyastatsuto'bhavat | tatastu viśravā jajñe vedavidyāviśāradaḥ
“O king, Brahmā is the maker of creation; Pulastya was his son; and from him was born Viśravas, skilled in the Vedas and the sciences.
AI translation rendered from the Sanskrit, not a published edition
PdP 5 6.18
तस्य पत्नीद्वयं जातं पातिव्रत्यचरित्रभृत् । एका मंदाकिनी नाम्नी द्वितीया कैकसी स्मृता
tasya patnīdvayaṃ jātaṃ pātivratyacaritrabhṛt | ekā maṃdākinī nāmnī dvitīyā kaikasī smṛtā
He had two wives, who bore the conduct of fidelity to their husband: one was named Mandākinī, the second is known as Kaikasī.
AI translation rendered from the Sanskrit, not a published edition
PdP 5 6.19
पूर्वस्यां धनदो जज्ञे लोकपालविलासभृत् । योऽसौ शिवप्रसादेन लंकावासमचीकरत्
pūrvasyāṃ dhanado jajñe lokapālavilāsabhṛt | yo'sau śivaprasādena laṃkāvāsamacīkarat
In the first was born the giver of wealth (Kubera), who bears the splendour of a world-guardian, he who by Śiva's favour caused a dwelling to be made in Laṅkā.
AI translation rendered from the Sanskrit, not a published edition
PdP 5 6.20
विद्युन्मालिसुतायां तु पुत्रत्रयमभून्महत् । रावणः कुंभकर्णश्च तथा पुण्यो बिभीषणः
vidyunmālisutāyāṃ tu putratrayamabhūnmahat | rāvaṇaḥ kuṃbhakarṇaśca tathā puṇyo bibhīṣaṇaḥ
But in the daughter of Vidyunmālin there came to be a great triad of sons: Rāvaṇa and Kumbhakarṇa, and also the meritorious Bibhīṣaṇa.
AI translation rendered from the Sanskrit, not a published edition
PdP 5 6.21
राक्षस्युदरजन्मत्वात्संध्यासमयसंभवात् । द्वयोरधर्मनिपुणा मतिरासीन्महामते
rākṣasyudarajanmatvātsaṃdhyāsamayasaṃbhavāt | dvayoradharmanipuṇā matirāsīnmahāmate
Because of being born from the womb of a rākṣasī, and because of being conceived at the twilight hour, the mind of two (of them) was skilled in unrighteousness, O greatly wise one.
AI translation rendered from the Sanskrit, not a published edition
PdP 5 6.22
एकदा तु विमानेन पुष्पकेण सुशोभिना । कांचनीयोपकल्पेन किंकिणीजालमालिना
ekadā tu vimānena puṣpakeṇa suśobhinā | kāṃcanīyopakalpena kiṃkiṇījālamālinā
But once, by the beautiful aerial car Puṣpaka, fitted out with golden appointments, garlanded with a network of little bells—
AI translation rendered from the Sanskrit, not a published edition
PdP 5 6.23
आरुह्य पितरौ द्रष्टुं प्रायाच्छोभासमन्वितः । स्वगणैः संस्तुतो भूत्वा नानारत्नविभूषणैः
āruhya pitarau draṣṭuṃ prāyācchobhāsamanvitaḥ | svagaṇaiḥ saṃstuto bhūtvā nānāratnavibhūṣaṇaiḥ
having mounted (it), he set out to see his parents, endowed with splendour, being praised by his own troops, who were adorned with various jewels.
AI translation rendered from the Sanskrit, not a published edition
PdP 5 6.24
आगत्य पित्रोश्चरणे पतित्वा चिरमात्मजः । हर्षविह्वलितात्मा च रोमांचिततनूरुहः
āgatya pitroścaraṇe patitvā ciramātmajaḥ | harṣavihvalitātmā ca romāṃcitatanūruhaḥ
Having come and fallen at his parents' feet for a long while, that son, his self overwhelmed with joy and the hairs of his body bristling,
AI translation rendered from the Sanskrit, not a published edition
PdP 5 6.25
उवाच मेऽद्य सुदिनं महाभाग्यफलोदयः । यन्मे युष्मत्पदौ दृष्टौ महापुण्यददर्शनौ
uvāca me'dya sudinaṃ mahābhāgyaphalodayaḥ | yanme yuṣmatpadau dṛṣṭau mahāpuṇyadadarśanau
said: “Today is a good day for me, the rising of the fruit of great fortune, in that I have seen your two feet, the sight of which grants great merit.”
AI translation rendered from the Sanskrit, not a published edition
PdP 5 6.26
इत्यादिभिः स्तुतिपदैः स्तुत्वागान्मंदिरं स्वकम् । पितरावपि संहृष्टौ पुत्रस्नेहाद्बभूवतुः
ityādibhiḥ stutipadaiḥ stutvāgānmaṃdiraṃ svakam | pitarāvapi saṃhṛṣṭau putrasnehādbabhūvatuḥ
Having praised (them) with such words of praise, he went to his own palace; and the parents too became thoroughly delighted out of love for their son.
AI translation rendered from the Sanskrit, not a published edition
PdP 5 6.27
तं दृष्ट्वा रावणो धीमाञ्जगाद निजमातरम् । कोऽयं पुमान्सुरो वाथ यक्षो वाथ नरोत्तमः
taṃ dṛṣṭvā rāvaṇo dhīmāñjagāda nijamātaram | ko'yaṃ pumānsuro vātha yakṣo vātha narottamaḥ
Seeing him, the intelligent Rāvaṇa said to his own mother: “Who is this male—a god, or a yakṣa, or a best among men,
AI translation rendered from the Sanskrit, not a published edition
PdP 5 6.28
योऽसौ मम पितुःपादौ सन्निषेव्य गतः पुनः । महाभाग्यनिधिः स्वीयैर्गणैः सुपरिवारितः
yo'sau mama pituḥpādau sanniṣevya gataḥ punaḥ | mahābhāgyanidhiḥ svīyairgaṇaiḥ suparivāritaḥ
he who, having duly attended upon my father's feet, has gone away again—a treasury of great fortune, well surrounded by his own troops?
AI translation rendered from the Sanskrit, not a published edition
PdP 5 6.29
केनेदं तपसा लब्धं विमानं वायुवेगधृक् । उद्यानारामलीलादि विलासस्थानमुत्तमम्
kenedaṃ tapasā labdhaṃ vimānaṃ vāyuvegadhṛk | udyānārāmalīlādi vilāsasthānamuttamam
By what austerity was this aerial car obtained, which holds the speed of the wind, an excellent place of pleasure with gardens, groves, sports and the rest?”
AI translation rendered from the Sanskrit, not a published edition
PdP 5 6.30
शेष उवाच। इति वाक्यं समाकर्ण्य जननी रोषविक्लवा । उवाच पुत्रं विमनाः किंचिन्नेत्रविकारिणी
śeṣa uvāca| iti vākyaṃ samākarṇya jananī roṣaviklavā | uvāca putraṃ vimanāḥ kiṃcinnetravikāriṇī
Śeṣa said: Hearing this speech, the mother, agitated with anger, dejected and somewhat changed in her eyes, said to her son:
AI translation rendered from the Sanskrit, not a published edition
PdP 5 6.31
रे पुत्र शृणु मद्वाक्यं बहुशिक्षासमन्वितम् । एतस्य जन्मकर्मादि विचारचतुराधिकम्
re putra śṛṇu madvākyaṃ bahuśikṣāsamanvitam | etasya janmakarmādi vicāracaturādhikam
“Ho, son, hear my words, which carry much instruction—about his birth, deeds and the rest, going beyond what is clever reflection.
AI translation rendered from the Sanskrit, not a published edition — the model flagged this verse as uncertain
PdP 5 6.32
सपत्न्या मम कुक्षिस्थं विधानं समुपस्थितम् । येन स्वमातुर्विमलं कुलमुज्ज्वलितं महत्
sapatnyā mama kukṣisthaṃ vidhānaṃ samupasthitam | yena svamāturvimalaṃ kulamujjvalitaṃ mahat
The ordained (destiny) that came about, lodged in the womb of my co-wife, was such that by it his own mother's spotless great lineage was made to shine.
AI translation rendered from the Sanskrit, not a published edition — the model flagged this verse as uncertain
PdP 5 6.33
त्वं तु मत्कुक्षिजः कीटः पापः स्वोदरपूरकः । यथा खरः स्वकं भारं जानाति न च तद्गुणम्
tvaṃ tu matkukṣijaḥ kīṭaḥ pāpaḥ svodarapūrakaḥ | yathā kharaḥ svakaṃ bhāraṃ jānāti na ca tadguṇam
But you are a worm born from my womb, a sinner who only fills his own belly. Just as a donkey knows its own load but not its worth,
AI translation rendered from the Sanskrit, not a published edition
PdP 5 6.34
तथा त्वं लक्ष्यसेऽज्ञानी शयनासनभोगवान् । सुप्तो गतः क्वचिद्भ्रष्ट इत्येव तव संभवः
tathā tvaṃ lakṣyase'jñānī śayanāsanabhogavān | supto gataḥ kvacidbhraṣṭa ityeva tava saṃbhavaḥ
so you appear — ignorant, given to bed, seat and enjoyments: asleep, gone off somewhere, slipped away — such is the whole of your existence.
AI translation rendered from the Sanskrit, not a published edition
PdP 5 6.35
अनेन तपसा लब्धं शिवसंतोषकारिणा । लंकावासो मनोवेगं विमानं राज्यसंपदः
anena tapasā labdhaṃ śivasaṃtoṣakāriṇā | laṃkāvāso manovegaṃ vimānaṃ rājyasaṃpadaḥ
By this one, by an austerity that brought Śiva satisfaction, were won a dwelling in Laṅkā, the chariot swift as thought, and royal riches.
AI translation rendered from the Sanskrit, not a published edition
PdP 5 6.36
सुधन्या जननी त्वस्य सुभाग्या सुमहोदया । यस्याः पुत्रो निजगुणैर्लब्धवान्महतां पदम्
sudhanyā jananī tvasya subhāgyā sumahodayā | yasyāḥ putro nijaguṇairlabdhavānmahatāṃ padam
Blessed indeed is his mother, fortunate, of great prosperity, whose son by his own qualities has attained the rank of the great.
AI translation rendered from the Sanskrit, not a published edition
PdP 5 6.37
इति क्रुधा भाषितमार्तया तया मात्रा स्वयाऽकर्ण्य दुरात्मसत्तमः । रोषं विधायात्मगतं पुनर्वचो जगाद तां निश्चयभृत्तपः प्रति
iti krudhā bhāṣitamārtayā tayā mātrā svayā'karṇya durātmasattamaḥ | roṣaṃ vidhāyātmagataṃ punarvaco jagāda tāṃ niścayabhṛttapaḥ prati
Having heard this spoken in anger by his own distressed mother, that foremost of the evil-souled, holding his rage within, spoke words to her again, resolved upon austerity.
AI translation rendered from the Sanskrit, not a published edition
PdP 5 6.38
रावण उवाच। जनन्याकर्णय वचो मम गर्वसमन्वितम् । रत्नगर्भा त्वमेवासि यस्याः पुत्रास्त्रयो वयम्
rāvaṇa uvāca| jananyākarṇaya vaco mama garvasamanvitam | ratnagarbhā tvamevāsi yasyāḥ putrāstrayo vayam
Rāvaṇa said: Mother, hear my word, full of pride. You alone are the one with a womb of jewels, whose sons are we three.
AI translation rendered from the Sanskrit, not a published edition
PdP 5 6.39
कोऽसौ कीटः स धनदः क्व तपः स्वल्पकं पुनः । कालं का किंतु तद्राज्यं स्वल्पसेवकसंयुतम्
ko'sau kīṭaḥ sa dhanadaḥ kva tapaḥ svalpakaṃ punaḥ | kālaṃ kā kiṃtu tadrājyaṃ svalpasevakasaṃyutam
Who is that worm, that Kubera? And where is that paltry austerity? What time (was it)? And what is that kingdom of his, furnished with a handful of servants?
AI translation rendered from the Sanskrit, not a published edition — the model flagged this verse as uncertain
PdP 5 6.40
मातः शृणु ममोत्साहात्प्रतिज्ञां करुणान्विते । न केनापि कृतां कर्त्रा महाभाग्ये हि कैकसि
mātaḥ śṛṇu mamotsāhātpratijñāṃ karuṇānvite | na kenāpi kṛtāṃ kartrā mahābhāgye hi kaikasi
Mother, hear the vow that springs from my zeal, O compassionate one — a vow made by no one, not (even) by the Creator, O greatly fortunate Kaikasī.
AI translation rendered from the Sanskrit, not a published edition
PdP 5 6.41
यद्यहं भुवनं सर्वं वशेन स्थापयामि वै । तपोभिर्दुष्कृतैः कृत्वा ब्रह्मसंतोषकारकैः
yadyahaṃ bhuvanaṃ sarvaṃ vaśena sthāpayāmi vai | tapobhirduṣkṛtaiḥ kṛtvā brahmasaṃtoṣakārakaiḥ
If I do not truly bring the whole world under my sway, having performed austerities hard to carry out, such as bring Brahmā satisfaction,
AI translation rendered from the Sanskrit, not a published edition
PdP 5 6.42
अन्नोदके सदा त्यक्त्वा निद्रां क्रीडां तथा पुनः । चेत्तदा पितृलोकस्य घातात्पापं भवेन्मम
annodake sadā tyaktvā nidrāṃ krīḍāṃ tathā punaḥ | cettadā pitṛlokasya ghātātpāpaṃ bhavenmama
forever forgoing food and water, and sleep and play as well — then let the sin of destroying the world of the fathers be mine.
AI translation rendered from the Sanskrit, not a published edition
PdP 5 6.43
कुंभकर्णोऽपि कृतवान्विभीषणसमन्वितः । रावणेन सहभ्रात्रेत्युक्त्वागाद्गिरिकाननम्
kuṃbhakarṇo'pi kṛtavānvibhīṣaṇasamanvitaḥ | rāvaṇena sahabhrātretyuktvāgādgirikānanam
Kumbhakarṇa too did the same, together with Vibhīṣaṇa; saying "along with our brother Rāvaṇa," he went to the mountain forest.
AI translation rendered from the Sanskrit, not a published edition — the model flagged this verse as uncertain