Padma Purana — Patala Khanda — Chapter 59
PdP 5 59.1
शेष उवाच। अथ नावा समुत्तीर्य जाह्नवीं लक्ष्मणस्तदा । जानकीं परतस्तीरे हस्ते धृत्वा वनं ययौ
śeṣa uvāca| atha nāvā samuttīrya jāhnavīṃ lakṣmaṇastadā | jānakīṃ paratastīre haste dhṛtvā vanaṃ yayau
Śeṣa said: Then Lakṣmaṇa, having crossed the Jāhnavī by boat, took Jānakī by the hand on the far bank and went into the forest.
AI translation rendered from the Sanskrit, not a published edition
PdP 5 59.2
सा चलंती पथि तदा शुष्यद्वदनलक्षिता । कंटकक्षतसत्पादा स्खलंती च पदे पदे
sā calaṃtī pathi tadā śuṣyadvadanalakṣitā | kaṃṭakakṣatasatpādā skhalaṃtī ca pade pade
As she then walked on the path, marked by a face that was drying up, her fair feet cut by thorns, and stumbling at every step,
AI translation rendered from the Sanskrit, not a published edition
PdP 5 59.3
लक्ष्मणस्तां महाघोरे विपिने दुःखदायिनि । प्रवेशयामास तदा राघवाज्ञाविधायकः
lakṣmaṇastāṃ mahāghore vipine duḥkhadāyini | praveśayāmāsa tadā rāghavājñāvidhāyakaḥ
Lakṣmaṇa then, carrying out the command of the Rāghava, made her enter that most terrible, sorrow-giving forest.
AI translation rendered from the Sanskrit, not a published edition
PdP 5 59.4
यत्र वृक्षा महाघोरा बर्बूलाः खदिरा घनाः । श्लेष्मातकाश्चिंचिणीकाः शुष्का दावेन वह्निना
yatra vṛkṣā mahāghorā barbūlāḥ khadirā ghanāḥ | śleṣmātakāściṃciṇīkāḥ śuṣkā dāvena vahninā
(A forest) where the trees are most fearsome — babul, khadira, dense — sleṣmātaka and tamarind trees, dried up by the wildfire's flame.
AI translation rendered from the Sanskrit, not a published edition
PdP 5 59.5
कोटरस्था महासर्पाः फूत्कुर्वंति सुकोपिताः । घूका घूत्कुर्वते यत्र लोकचित्तभयंकराः
koṭarasthā mahāsarpāḥ phūtkurvaṃti sukopitāḥ | ghūkā ghūtkurvate yatra lokacittabhayaṃkarāḥ
Great serpents lodged in the hollows hiss, greatly enraged; and there owls hoot, terrifying to people's minds.
AI translation rendered from the Sanskrit, not a published edition
PdP 5 59.6
व्याघ्राः सिंहाः सृगालाश्च द्वीपिनोऽतिभयंकराः । दृश्यंते यत्र सरला मनुष्यादाः सुकोपनाः
vyāghrāḥ siṃhāḥ sṛgālāśca dvīpino'tibhayaṃkarāḥ | dṛśyaṃte yatra saralā manuṣyādāḥ sukopanāḥ
Tigers, lions, jackals and leopards, exceedingly frightening, are seen there — straight-charging, man-eating, quick to rage.
AI translation rendered from the Sanskrit, not a published edition
PdP 5 59.7
महिषाः सूकरा दुष्टा दंष्ट्रा द्वयविलक्षिताः । कुर्वंति प्राणिनां तापं मानसस्य मदोद्धुराः
mahiṣāḥ sūkarā duṣṭā daṃṣṭrā dvayavilakṣitāḥ | kurvaṃti prāṇināṃ tāpaṃ mānasasya madoddhurāḥ
Buffaloes and vicious boars, marked by their pair of tusks, arrogant with rut, cause anguish to the minds of living creatures.
AI translation rendered from the Sanskrit, not a published edition
PdP 5 59.8
ईदृग्वनं प्रपश्यंती भयेनोपगतज्वरा । कंटकैर्दष्टचरणा लक्ष्मणं वाक्यमब्रवीत्
īdṛgvanaṃ prapaśyaṃtī bhayenopagatajvarā | kaṃṭakairdaṣṭacaraṇā lakṣmaṇaṃ vākyamabravīt
Seeing such a forest, with fever coming upon her from fear, her feet bitten by thorns, she spoke a word to Lakṣmaṇa.
AI translation rendered from the Sanskrit, not a published edition
PdP 5 59.9
जानक्युवाच। वीरर्षिमुनिसंसेव्या नाश्रमान्नेत्रसौख्यदान् । नाहं पश्यामि नो तेषां पत्नीश्च सुतपोधनाः
jānakyuvāca| vīrarṣimunisaṃsevyā nāśramānnetrasaukhyadān | nāhaṃ paśyāmi no teṣāṃ patnīśca sutapodhanāḥ
Jānakī said: I do not see hermitages frequented by heroic seers and sages, giving delight to the eyes, nor their wives rich in good austerities.
AI translation rendered from the Sanskrit, not a published edition
PdP 5 59.10
पश्यामि केवलं घोरान्पक्षिणः शुष्कवृक्षकान् । दावानलेन तत्सर्वं दह्यमानमिदं वनम्
paśyāmi kevalaṃ ghorānpakṣiṇaḥ śuṣkavṛkṣakān | dāvānalena tatsarvaṃ dahyamānamidaṃ vanam
I see only dreadful birds and withered trees; all of it — this forest — is being burned by the wildfire.
AI translation rendered from the Sanskrit, not a published edition
PdP 5 59.11
त्वां च पश्यामि दुःखार्तमश्रुपूर्णाकुलेक्षणम् । शकुनेतरसाहस्रं भवेन्मम पदे पदे
tvāṃ ca paśyāmi duḥkhārtamaśrupūrṇākulekṣaṇam | śakunetarasāhasraṃ bhavenmama pade pade
And I see you pained with sorrow, your eyes troubled and full of tears; there would be a thousand ill omens for me at every step.
AI translation rendered from the Sanskrit, not a published edition
PdP 5 59.12
तन्मे कथय वीराग्र्य कथं मुक्ता महात्मना । रामेण दुष्टहृदया क्षिप्रं कथय मे हि तत्
tanme kathaya vīrāgrya kathaṃ muktā mahātmanā | rāmeṇa duṣṭahṛdayā kṣipraṃ kathaya me hi tat
So tell me, foremost of heroes, how I, with (my) evil heart, have been released by the great-souled Rāma — tell me that quickly.
AI translation rendered from the Sanskrit, not a published edition — the model flagged this verse as uncertain
PdP 5 59.13
इति वाक्यं समाकर्ण्य लक्ष्मणः शोककर्शितः । संरुद्धबाष्पवदनो न किंचित्प्रोक्तवांस्तदा
iti vākyaṃ samākarṇya lakṣmaṇaḥ śokakarśitaḥ | saṃruddhabāṣpavadano na kiṃcitproktavāṃstadā
Hearing this speech, Lakṣmaṇa, wasted with grief, his face choked with tears, said nothing then.
AI translation rendered from the Sanskrit, not a published edition
PdP 5 59.14
तदेव विपिनं घोरं गच्छंती लक्ष्मणान्विता । पुनरप्याह तं वीरं दुःखार्ता पश्यती मुखम्
tadeva vipinaṃ ghoraṃ gacchaṃtī lakṣmaṇānvitā | punarapyāha taṃ vīraṃ duḥkhārtā paśyatī mukham
Going through that same dreadful forest, accompanied by Lakṣmaṇa, pained with sorrow and gazing at his face, she spoke to that hero again.
AI translation rendered from the Sanskrit, not a published edition
PdP 5 59.15
तदापि स न तां वक्ति किमपि प्रेक्षुलोलुपः । तदा सात्यंतनिर्बंधं चकार परिपृच्छती
tadāpi sa na tāṃ vakti kimapi prekṣulolupaḥ | tadā sātyaṃtanirbaṃdhaṃ cakāra paripṛcchatī
Even then he did not say anything at all to her, (only) eager to look (at her); then she, questioning him, pressed him with utter insistence.
AI translation rendered from the Sanskrit, not a published edition
PdP 5 59.16
आग्रहेण यदा पृष्टो लक्ष्मणः सीतया तदा । रुद्धकंठो मुहुः शोचन्नवदत्त्यागसंभवम्
āgraheṇa yadā pṛṣṭo lakṣmaṇaḥ sītayā tadā | ruddhakaṃṭho muhuḥ śocannavadattyāgasaṃbhavam
When Lakṣmaṇa was asked insistently by Sītā, then, his throat choked, grieving again and again, he told of the occurrence of the abandonment.
AI translation rendered from the Sanskrit, not a published edition
PdP 5 59.17
तद्वाक्यं पविना तुल्यं निशम्य मुनिसत्तम । सुलताकृत्तमूलेव बभूवाकल्पवर्जिता
tadvākyaṃ pavinā tulyaṃ niśamya munisattama | sulatākṛttamūleva babhūvākalpavarjitā
Hearing that speech, like a thunderbolt, O best of sages, she became like a fine creeper cut at the root, deprived of composure.
AI translation rendered from the Sanskrit, not a published edition
PdP 5 59.18
तदैव पृथिवी तां न जग्राह तनयामिमाम् । रामो विपापिनीं सीतां न जह्यादिति शंकिनी
tadaiva pṛthivī tāṃ na jagrāha tanayāmimām | rāmo vipāpinīṃ sītāṃ na jahyāditi śaṃkinī
Even then the earth did not receive her, this daughter (of hers), doubting: "Rāma would not abandon the sinless Sītā."
AI translation rendered from the Sanskrit, not a published edition
PdP 5 59.19
पतितां तां तु वैदेहीं दृष्ट्वा सौमित्रिरुत्सुकः । पल्लवाग्र्यसमीरेण संज्ञितां तु चकार सः
patitāṃ tāṃ tu vaidehīṃ dṛṣṭvā saumitrirutsukaḥ | pallavāgryasamīreṇa saṃjñitāṃ tu cakāra saḥ
But seeing Vaidehī fallen, the son of Sumitrā, anxious, revived her to consciousness with a breeze from a spray of young leaves.
AI translation rendered from the Sanskrit, not a published edition
PdP 5 59.20
संज्ञां प्राप्ता ह्युवाचेदं मा हास्यं कुरु देवर । कथं मां पापरहितां त्यजते स रघूद्वहः
saṃjñāṃ prāptā hyuvācedaṃ mā hāsyaṃ kuru devara | kathaṃ māṃ pāparahitāṃ tyajate sa raghūdvahaḥ
Having regained consciousness she said this: "Do not joke, brother-in-law! How does that scion of Raghu abandon me, who am free of sin?"
AI translation rendered from the Sanskrit, not a published edition
PdP 5 59.21
एवं बहुविलप्याथ लक्ष्मणं दुःखसंयुतम् । संवीक्ष्यमू र्च्छिता भूमौ पपात परिदुःखिता
evaṃ bahuvilapyātha lakṣmaṇaṃ duḥkhasaṃyutam | saṃvīkṣyamū rcchitā bhūmau papāta pariduḥkhitā
Having lamented much in this way, then, looking at Lakṣmaṇa who was filled with sorrow, she fainted and fell to the ground, utterly stricken with grief.
AI translation rendered from the Sanskrit, not a published edition
PdP 5 59.22
मुहूर्तेनापि संज्ञां सा प्राप्य दुःखपरिप्लुता । जगाद रामचरणौ स्मंरती शोकविक्षता
muhūrtenāpi saṃjñāṃ sā prāpya duḥkhapariplutā | jagāda rāmacaraṇau smaṃratī śokavikṣatā
Regaining consciousness after a moment, flooded with sorrow, torn by grief, remembering Rāma's feet, she spoke.
AI translation rendered from the Sanskrit, not a published edition
PdP 5 59.23
रघुनाथो महाबुद्धिस्त्यजते मां कथं महान् । यो मदर्थे पयोराशिं बद्धवान्वानरैर्युतः
raghunātho mahābuddhistyajate māṃ kathaṃ mahān | yo madarthe payorāśiṃ baddhavānvānarairyutaḥ
"How does the lord of the Raghus, of great wisdom, the great one, abandon me — he who for my sake, together with the monkeys, bound the ocean?"
AI translation rendered from the Sanskrit, not a published edition
PdP 5 59.24
स कथं मां महावीरो निष्पापां रजकोक्तितः । त्यजिष्यति ममैवात्र दैवं तु प्रतिकूलितम्
sa kathaṃ māṃ mahāvīro niṣpāpāṃ rajakoktitaḥ | tyajiṣyati mamaivātra daivaṃ tu pratikūlitam
How will that great hero abandon me here, who am free of sin, on a washerman's word? It is only my destiny that has turned against (me).
AI translation rendered from the Sanskrit, not a published edition
PdP 5 59.25
एवं वदन्ती पुनरपि मूर्च्छां प्राप्ता विदेहजा । मूर्च्छितां तां समीक्ष्याथ रुरोद विकृतस्वरः
evaṃ vadantī punarapi mūrcchāṃ prāptā videhajā | mūrcchitāṃ tāṃ samīkṣyātha ruroda vikṛtasvaraḥ
Speaking thus, the daughter of Videha again fell into a swoon; and seeing her swooning, he (Lakṣmaṇa) wept with a broken voice.
AI translation rendered from the Sanskrit, not a published edition
PdP 5 59.26
पुनः संज्ञामवाप्यैवं सौमित्रिं निजगाद सा । दुःखातुरं वीक्षमाणा रुद्धकंठं सुदुःखिता
punaḥ saṃjñāmavāpyaivaṃ saumitriṃ nijagāda sā | duḥkhāturaṃ vīkṣamāṇā ruddhakaṃṭhaṃ suduḥkhitā
Regaining consciousness again, she spoke thus to Sumitrā's son, looking at him who was afflicted with grief, her own throat choked, deeply sorrowful.
AI translation rendered from the Sanskrit, not a published edition
PdP 5 59.27
सौमित्रे गच्छ रामं त्वं धर्ममूर्तिं यशोनिधिम् । मद्वाक्यमेवैतद्ब्रूयाः समक्षं तपसां निधेः
saumitre gaccha rāmaṃ tvaṃ dharmamūrtiṃ yaśonidhim | madvākyamevaitadbrūyāḥ samakṣaṃ tapasāṃ nidheḥ
Son of Sumitrā, go to Rāma, the very embodiment of dharma, the treasury of fame, and speak these words of mine before that treasury of austerities:
AI translation rendered from the Sanskrit, not a published edition
PdP 5 59.28
मां तत्याज भवान्यद्वै जानन्नपि विपापिनीम् । कुलस्य सदृशं किं वा शास्त्रज्ञानस्य तत्फलम्
māṃ tatyāja bhavānyadvai jānannapi vipāpinīm | kulasya sadṛśaṃ kiṃ vā śāstrajñānasya tatphalam
"You abandoned me, though you knew me to be free of sin. Is this worthy of the family? Or is this the fruit of the knowledge of the scriptures?"
AI translation rendered from the Sanskrit, not a published edition
PdP 5 59.29
नित्यं तव पदे रक्तां त्वदुच्छिष्टभुजं हि माम् । भवांस्तत्याज तत्सर्वं मम दैवं तु कारणम्
nityaṃ tava pade raktāṃ tvaducchiṣṭabhujaṃ hi mām | bhavāṃstatyāja tatsarvaṃ mama daivaṃ tu kāraṇam
"Me, who was ever devoted to your feet, who indeed ate the remnants of your food — you abandoned. All that, however, is because of my destiny."
AI translation rendered from the Sanskrit, not a published edition
PdP 5 59.30
कल्याणं तव सर्वत्र भूयाद्वीरवरोत्तम । अहं तावद्वने त्वां हि स्मरंती प्राणधारिका
kalyāṇaṃ tava sarvatra bhūyādvīravarottama | ahaṃ tāvadvane tvāṃ hi smaraṃtī prāṇadhārikā
"May there be welfare for you everywhere, best among the foremost of heroes. As for me, in the forest, remembering you, I shall keep hold of my life."
AI translation rendered from the Sanskrit, not a published edition
PdP 5 59.31
मनसा कर्मणा वाचा भवानेव ममोत्तमः । अन्ये तुच्छीकृताः सर्वे मनसा रघुवंशज
manasā karmaṇā vācā bhavāneva mamottamaḥ | anye tucchīkṛtāḥ sarve manasā raghuvaṃśaja
"In thought, in deed, and in word, you alone are supreme for me; all others have been made as nothing in my mind, O scion of the Raghu line."
AI translation rendered from the Sanskrit, not a published edition
PdP 5 59.32
भवेभवे भवानेव पतिर्भूयान्महीश्वर । त्वत्पदस्मरणानेक हतपापा सतीश्वरी
bhavebhave bhavāneva patirbhūyānmahīśvara | tvatpadasmaraṇāneka hatapāpā satīśvarī
"In birth after birth may you alone be my husband, O lord of the earth. By the repeated remembrance of your feet my sins are destroyed, (and I am) the foremost of faithful wives."
AI translation rendered from the Sanskrit, not a published edition
PdP 5 59.33
श्वश्रूजनं ब्रूहि सर्वं मत्संदेशं रघूत्तम । त्यक्ता वने महाघोरे रामेण निरघा सती
śvaśrūjanaṃ brūhi sarvaṃ matsaṃdeśaṃ raghūttama | tyaktā vane mahāghore rāmeṇa niraghā satī
Tell all my message to my mothers-in-law, O best of the Raghus: "The sinless faithful wife has been abandoned by Rāma in the terrible forest."
AI translation rendered from the Sanskrit, not a published edition
PdP 5 59.34
स्मरामि चरणौ युष्मद्वने मृगगणैर्युते । अंतर्वत्नी वने त्यक्ता रामेण सुमहात्मना
smarāmi caraṇau yuṣmadvane mṛgagaṇairyute | aṃtarvatnī vane tyaktā rāmeṇa sumahātmanā
"I remember your feet, in the forest thronged with herds of deer. Pregnant, I was abandoned in the forest by the great-souled Rāma."
AI translation rendered from the Sanskrit, not a published edition
PdP 5 59.35
सौमित्रे शृणु मद्वाक्यं भद्रं भूयाद्रघूत्तमे । इदानीं संत्यजे प्राणान्रामवीर्यं सुरक्षती
saumitre śṛṇu madvākyaṃ bhadraṃ bhūyādraghūttame | idānīṃ saṃtyaje prāṇānrāmavīryaṃ surakṣatī
Son of Sumitrā, hear my words: may there be good fortune for the best of the Raghus. Now I give up my life, guarding Rāma's valour.
AI translation rendered from the Sanskrit, not a published edition
PdP 5 59.36
त्वं रामवचनं तथ्यं यत्करोषि शुभं तव । परतंत्त्रेण तत्कार्यं रामपादाब्जसेविना
tvaṃ rāmavacanaṃ tathyaṃ yatkaroṣi śubhaṃ tava | parataṃttreṇa tatkāryaṃ rāmapādābjasevinā
Whatever you do (in accordance with) Rāma's word is true and is good for you; that must be done by one who is dependent on another and who serves Rāma's lotus feet.
AI translation rendered from the Sanskrit, not a published edition
PdP 5 59.37
गच्छ त्वं राम सविधे शिवाः पंथान एव ते । ममोपरि कृपा कार्या स्मर्तव्याहं कदा कदा
gaccha tvaṃ rāma savidhe śivāḥ paṃthāna eva te | mamopari kṛpā kāryā smartavyāhaṃ kadā kadā
Go you to Rāma's presence; may your paths be auspicious. Compassion should be shown toward me: I am to be remembered now and then.
AI translation rendered from the Sanskrit, not a published edition
PdP 5 59.38
इत्युक्त्वा मूर्च्छिता भूमौ पपात पुरतस्तदा । लक्ष्मणो दुःखमापेदे वीक्ष्य मूर्च्छितजानकीम्
ityuktvā mūrcchitā bhūmau papāta puratastadā | lakṣmaṇo duḥkhamāpede vīkṣya mūrcchitajānakīm
Having said this, she fell swooning to the ground there before (him); Lakṣmaṇa was overcome with grief on seeing Jānakī in a swoon.
AI translation rendered from the Sanskrit, not a published edition
PdP 5 59.39
वीजयामास वासोग्रैः संज्ञां प्राप्तां प्रकृत्य च । सौमित्रिः सांत्वयामास वचनैर्मधुरैर्मुहुः
vījayāmāsa vāsograiḥ saṃjñāṃ prāptāṃ prakṛtya ca | saumitriḥ sāṃtvayāmāsa vacanairmadhurairmuhuḥ
He fanned her with strong gusts of air, and when by nature she had regained consciousness, the son of Sumitrā consoled her again and again with sweet words.
AI translation rendered from the Sanskrit, not a published edition
PdP 5 59.40
लक्ष्मण उवाच। एष गच्छामि रामं वै गत्वा शंसामि सर्वशः । समीपे ते मुनेरस्ति वाल्मीकेराश्रमो महान्
lakṣmaṇa uvāca| eṣa gacchāmi rāmaṃ vai gatvā śaṃsāmi sarvaśaḥ | samīpe te munerasti vālmīkerāśramo mahān
Lakṣmaṇa said: Here I go to Rāma; having gone, I shall report everything. Near you is the great hermitage of the sage Vālmīki.
AI translation rendered from the Sanskrit, not a published edition
PdP 5 59.41
इत्युक्त्वा तां परिक्रम्य दुःखितो बाष्पपूरितः । मुंचन्नश्रुकलां दुःखाद्ययौ रामं महीपतिम्
ityuktvā tāṃ parikramya duḥkhito bāṣpapūritaḥ | muṃcannaśrukalāṃ duḥkhādyayau rāmaṃ mahīpatim
Having said this and circumambulated her, grieving and filled with tears, shedding drops of tears out of sorrow, he went to Rāma, the lord of the earth.
AI translation rendered from the Sanskrit, not a published edition
PdP 5 59.42
जानकी देवरं यांतं वीक्ष्य विस्मितलोचना । हसत्ययं महाभागो लक्ष्मणो देवरो मम
jānakī devaraṃ yāṃtaṃ vīkṣya vismitalocanā | hasatyayaṃ mahābhāgo lakṣmaṇo devaro mama
Jānakī, seeing her husband's brother going away, with astonished eyes (thought): "This greatly fortunate Lakṣmaṇa, my husband's brother, is joking."
AI translation rendered from the Sanskrit, not a published edition
PdP 5 59.43
कथं मां प्राणतः प्रेष्ठां विपापां राघवोऽत्यजत् । इति संचिंतयंती सा तमैक्षदनिमेषणा
kathaṃ māṃ prāṇataḥ preṣṭhāṃ vipāpāṃ rāghavo'tyajat | iti saṃciṃtayaṃtī sā tamaikṣadanimeṣaṇā
"How could the Rāghava abandon me, dearer to him than life and free of sin?" Thus reflecting, she gazed at him without blinking.
AI translation rendered from the Sanskrit, not a published edition
PdP 5 59.44
जाह्नवीं सर्वथोत्तीर्णां ज्ञात्वा सत्यं स्वहापनम् । पतिता प्राणसंदेहं प्राप्ता मूर्च्छां गता तदा
jāhnavīṃ sarvathottīrṇāṃ jñātvā satyaṃ svahāpanam | patitā prāṇasaṃdehaṃ prāptā mūrcchāṃ gatā tadā
Knowing that the Jāhnavī (Ganges) had been wholly crossed, and that her abandonment was truly real, she fell, came to a state where her life was in doubt, and then swooned away.
AI translation rendered from the Sanskrit, not a published edition
PdP 5 59.45
तदा हंसाः स्वपक्षाभ्यां जलमानीय सर्वतः । सिषिचुर्मधुरो वायुर्ववौ पुष्पसुगंधिमान्
tadā haṃsāḥ svapakṣābhyāṃ jalamānīya sarvataḥ | siṣicurmadhuro vāyurvavau puṣpasugaṃdhimān
Then the geese, bringing water with their two wings from all around, sprinkled (her); and a sweet breeze blew, fragrant with flowers.
AI translation rendered from the Sanskrit, not a published edition
PdP 5 59.46
करिणः पुष्करैः स्वीयैर्जलपूर्णैः समंततः । व्याप्तं शरीरं रजसा क्षालयंत इवागताः
kariṇaḥ puṣkaraiḥ svīyairjalapūrṇaiḥ samaṃtataḥ | vyāptaṃ śarīraṃ rajasā kṣālayaṃta ivāgatāḥ
The elephants came with their own trunks filled with water on every side, as though washing her body which was covered with dust.
AI translation rendered from the Sanskrit, not a published edition
PdP 5 59.47
मृगास्तदंतिकं प्राप्य संतस्थुर्विस्मितेक्षणाः । नगाः पुष्पयुता आसंस्तत्कालं मधुना विना
mṛgāstadaṃtikaṃ prāpya saṃtasthurvismitekṣaṇāḥ | nagāḥ puṣpayutā āsaṃstatkālaṃ madhunā vinā
The deer, coming near her, stood still with astonished eyes; the trees at that time bore blossoms, though without honey.
AI translation rendered from the Sanskrit, not a published edition
PdP 5 59.48
एतस्मिन्समये वृत्ते संज्ञां प्राप्य तदा सती । विललाप सुदुःखार्ता रामरामेति जल्पती
etasminsamaye vṛtte saṃjñāṃ prāpya tadā satī | vilalāpa suduḥkhārtā rāmarāmeti jalpatī
When this moment had passed, the virtuous lady then regained consciousness and lamented, sorely afflicted with grief, murmuring "Rāma, Rāma."
AI translation rendered from the Sanskrit, not a published edition
PdP 5 59.49
हा नाथ दीनबंधो हे करुणामयसंनिधे । अपराधादृते मां त्वं कथं त्यजसि वै वने
hā nātha dīnabaṃdho he karuṇāmayasaṃnidhe | aparādhādṛte māṃ tvaṃ kathaṃ tyajasi vai vane
"Alas, my lord, friend of the wretched, O abode of compassion! Without any offence (on my part), why do you abandon me in the forest?"
AI translation rendered from the Sanskrit, not a published edition
PdP 5 59.50
इत्येवमादिभाषंती विलपंती मुहुर्मुहुः । इतस्ततः प्रपश्यंती संमूर्च्छंती पुनःपुनः
ityevamādibhāṣaṃtī vilapaṃtī muhurmuhuḥ | itastataḥ prapaśyaṃtī saṃmūrcchaṃtī punaḥpunaḥ
Speaking such words and the like, lamenting again and again, looking here and there, fainting over and over—
AI translation rendered from the Sanskrit, not a published edition
PdP 5 59.51
तदा स्वशिष्यैर्भगवान्वाल्मीकिः संगतो वनम् । शुश्राव रुदितं तत्र करुणास्वरभाषितम्
tadā svaśiṣyairbhagavānvālmīkiḥ saṃgato vanam | śuśrāva ruditaṃ tatra karuṇāsvarabhāṣitam
Then the venerable Vālmīki, together with his own pupils, came to the forest and heard there a weeping uttered in a piteous voice.
AI translation rendered from the Sanskrit, not a published edition
PdP 5 59.52
शिष्यान्प्रति जगादाथ पश्यंतु वनमध्यतः । को रोदिति महाघोरे विपिने दुःखितस्वरः
śiṣyānprati jagādātha paśyaṃtu vanamadhyataḥ | ko roditi mahāghore vipine duḥkhitasvaraḥ
Then he said to his pupils: "Look in the midst of the forest—who weeps with a sorrowful voice in this most terrible wood?"
AI translation rendered from the Sanskrit, not a published edition
PdP 5 59.53
ते प्रयुक्ताश्च मुनिना संजग्मुर्यत्र जानकी । रामरामेति भाषंती बाष्पपूरपरिप्लुता
te prayuktāśca muninā saṃjagmuryatra jānakī | rāmarāmeti bhāṣaṃtī bāṣpapūrapariplutā
And they, sent by the sage, went to where Jānakī was, saying "Rāma, Rāma," flooded with a stream of tears.
AI translation rendered from the Sanskrit, not a published edition
PdP 5 59.54
तां दृष्ट्वा स्त्रियमौत्सुक्याद्वाल्मीकिं प्रत्यगुर्मुनिम् । श्रुत्वा तदीरितं वाक्यं जगामासौ ततो मुनिः
tāṃ dṛṣṭvā striyamautsukyādvālmīkiṃ pratyagurmunim | śrutvā tadīritaṃ vākyaṃ jagāmāsau tato muniḥ
Having seen that woman, in their eagerness they returned to the sage Vālmīki; and hearing the words spoken by them, the sage then went there.
AI translation rendered from the Sanskrit, not a published edition
PdP 5 59.55
दृष्ट्वा तं तपसां राशिं जानकी पतिदेवता । नमोस्तु मुनये वेदमूर्तये व्रतवार्धये
dṛṣṭvā taṃ tapasāṃ rāśiṃ jānakī patidevatā | namostu munaye vedamūrtaye vratavārdhaye
Seeing him, that heap of austerities, Jānakī, to whom her husband was her god, (said): "Homage to the sage, the embodiment of the Veda, the ocean of vows."
AI translation rendered from the Sanskrit, not a published edition
PdP 5 59.56
इत्युक्तवंतीं तां सीतामाशीर्भिरभ्यनंदयत् । भर्त्रा सह चिरंजीव पुत्रौ प्राप्नुहि शोभनौ
ityuktavaṃtīṃ tāṃ sītāmāśīrbhirabhyanaṃdayat | bhartrā saha ciraṃjīva putrau prāpnuhi śobhanau
When she had spoken thus, he gladdened that Sītā with blessings: "Live long together with your husband; may you obtain two splendid sons."
AI translation rendered from the Sanskrit, not a published edition
PdP 5 59.57
कासि त्वं किं वने घोरे संगतासि किमीदृशी । सर्वं मे शंस जानीयां तव दुःखस्य कारणम्
kāsi tvaṃ kiṃ vane ghore saṃgatāsi kimīdṛśī | sarvaṃ me śaṃsa jānīyāṃ tava duḥkhasya kāraṇam
"Who are you? Why have you come into the terrible forest? Why are you in such a state? Tell me everything; let me know the cause of your sorrow."
AI translation rendered from the Sanskrit, not a published edition
PdP 5 59.58
सा तदा प्रत्युवाचेमं रामस्य महिला मुनिम् । निःश्वसंती करुणया गिरासंजातवेपथुः
sā tadā pratyuvācemaṃ rāmasya mahilā munim | niḥśvasaṃtī karuṇayā girāsaṃjātavepathuḥ
Then she, the wife of Rāma, answered the sage thus, sighing, with a piteous voice, trembling having come upon her.
AI translation rendered from the Sanskrit, not a published edition
PdP 5 59.59
शृणु मे वाक्यमर्थोक्तं सर्वदुःखस्य कारणम् । जानीहि मां भूमिपते रघुनाथस्य सेवकीम्
śṛṇu me vākyamarthoktaṃ sarvaduḥkhasya kāraṇam | jānīhi māṃ bhūmipate raghunāthasya sevakīm
"Hear my words, spoken as to their substance, the cause of all this sorrow. Know me, O lord of the earth, to be the servant of Raghunātha."
AI translation rendered from the Sanskrit, not a published edition
PdP 5 59.60
अपराधं विना त्यक्ता न जाने तत्र कारणम् । लक्ष्मणो मां विमुच्यात्र गतवान्राघवाज्ञया
aparādhaṃ vinā tyaktā na jāne tatra kāraṇam | lakṣmaṇo māṃ vimucyātra gatavānrāghavājñayā
"Without any offence I have been abandoned; I do not know the reason for it. Lakṣmaṇa, by Rāghava's command, left me here and went away."
AI translation rendered from the Sanskrit, not a published edition
PdP 5 59.61
इत्युक्त्वाश्रुकलापूर्णं बिभ्रतीं मुखपंकजम् । वाल्मीकिः सांत्वयन्प्राह जानकीं कमलेक्षणाम्
ityuktvāśrukalāpūrṇaṃ bibhratīṃ mukhapaṃkajam | vālmīkiḥ sāṃtvayanprāha jānakīṃ kamalekṣaṇām
Having spoken thus, she bore a lotus-face full of drops of tears; and Vālmīki, consoling her, spoke to the lotus-eyed Jānakī.
AI translation rendered from the Sanskrit, not a published edition
PdP 5 59.62
वाल्मीकिं मां विजानीहि पितुस्तव गुरुं मुनिम् । दुःखं मा कुरु वैदेहि ह्यागच्छ मम चाश्रमम्
vālmīkiṃ māṃ vijānīhi pitustava guruṃ munim | duḥkhaṃ mā kuru vaidehi hyāgaccha mama cāśramam
"Know me to be Vālmīki, the sage who is your father's teacher. Do not grieve, Vaidehī; come to my hermitage."
AI translation rendered from the Sanskrit, not a published edition
PdP 5 59.63
भिन्नस्थाने पितुर्गेहं जानीहि पतिदेवते । ईदृशे कर्मणि मम रोषोस्त्वेव महीपतेः
bhinnasthāne piturgehaṃ jānīhi patidevate | īdṛśe karmaṇi mama roṣostveva mahīpateḥ
"Know (it as) your father's house in another place, O you who hold your husband as your god; at such a deed of the king my anger indeed exists."
AI translation rendered from the Sanskrit, not a published edition — the model flagged this verse as uncertain
PdP 5 59.64
एवं वचः समाकर्ण्य जानकी पतिदेवता । दुःखपूर्णाश्रुवदना किंचित्सुखमवाप सा
evaṃ vacaḥ samākarṇya jānakī patidevatā | duḥkhapūrṇāśruvadanā kiṃcitsukhamavāpa sā
Having heard such words, Jānakī, devoted to her husband, her face full of sorrowful tears, obtained a little comfort.
AI translation rendered from the Sanskrit, not a published edition
PdP 5 59.65
शेष उवाच। वाल्मीकिः सांत्वयित्वैनां दुःखपूराकुलेक्षणाम् । निनाय स्वाश्रमं पुण्यं तापसीवृन्दपूरितम्
śeṣa uvāca| vālmīkiḥ sāṃtvayitvaināṃ duḥkhapūrākulekṣaṇām | nināya svāśramaṃ puṇyaṃ tāpasīvṛndapūritam
Śeṣa said: Vālmīki, having consoled her whose eyes were troubled by a flood of grief, led (her) to his own holy hermitage, filled with a throng of ascetic women.
AI translation rendered from the Sanskrit, not a published edition
PdP 5 59.66
सा गच्छंती पृष्ठतोऽस्य वाल्मीकेस्तपसां निधेः । रराजेंदोः पृष्ठतो वै तारकेव मनोहरा
sā gacchaṃtī pṛṣṭhato'sya vālmīkestapasāṃ nidheḥ | rarājeṃdoḥ pṛṣṭhato vai tārakeva manoharā
As she went behind him, Vālmīki, the treasury of austerities, she shone like a lovely star behind the moon.
AI translation rendered from the Sanskrit, not a published edition
PdP 5 59.67
वाल्मीकिः प्राप्य च स्वीयमाश्रमं मुनिपूरितम् । तापसीः प्रतिसंचख्यौ जानकीं स्वाश्रमं गताम्
vālmīkiḥ prāpya ca svīyamāśramaṃ munipūritam | tāpasīḥ pratisaṃcakhyau jānakīṃ svāśramaṃ gatām
And Vālmīki, having reached his own hermitage filled with sages, announced to the ascetic women that Jānakī had come to his hermitage.
AI translation rendered from the Sanskrit, not a published edition
PdP 5 59.68
वैदेही तापसीः सर्वा नमश्चक्रे महामनाः । परस्परं प्रहृषिताः परिरंभं समाचरन्
vaidehī tāpasīḥ sarvā namaścakre mahāmanāḥ | parasparaṃ prahṛṣitāḥ pariraṃbhaṃ samācaran
Vaidehī, great of mind, made obeisance to all the ascetic women; greatly delighted, they embraced one another.
AI translation rendered from the Sanskrit, not a published edition
PdP 5 59.69
वाल्मीकिर्निजशिष्यान्स प्रत्युवाच तपोनिधिः । रच्यतां बत जानक्याः पर्णशाला मनोरमा
vālmīkirnijaśiṣyānsa pratyuvāca taponidhiḥ | racyatāṃ bata jānakyāḥ parṇaśālā manoramā
Vālmīki, that treasury of austerity, replied to his own disciples: "Come, let a lovely leaf-hut be built for Jānakī."
AI translation rendered from the Sanskrit, not a published edition
PdP 5 59.70
इत्युक्तं वाक्यमाकर्ण्य वाल्मीकेः सुमनोरमम् । व्यरचन्पत्रकैः शालां दारुभिः सुमनोहराम्
ityuktaṃ vākyamākarṇya vālmīkeḥ sumanoramam | vyaracanpatrakaiḥ śālāṃ dārubhiḥ sumanoharām
Hearing that most pleasing speech thus spoken by Vālmīki, they built a very charming hut with leaves and with timbers.
AI translation rendered from the Sanskrit, not a published edition
PdP 5 59.71
तत्रावसद्धि वैदेही पतिव्रतपरायणा । वाल्मीकेः परिचर्यां च कुर्वंती फलभक्षिका
tatrāvasaddhi vaidehī pativrataparāyaṇā | vālmīkeḥ paricaryāṃ ca kurvaṃtī phalabhakṣikā
There indeed dwelt Vaidehī, wholly intent on her vow of fidelity to her husband, doing service to Vālmīki and eating fruit.
AI translation rendered from the Sanskrit, not a published edition
PdP 5 59.72
जपंती रामरामेति मनसा वचसा स्वयम् । निनाय दिवसांस्तत्र जानकी पतिदेवता
japaṃtī rāmarāmeti manasā vacasā svayam | nināya divasāṃstatra jānakī patidevatā
Muttering "Rāma, Rāma" in mind and in speech of her own accord, Jānakī, devoted to her husband, passed the days there.
AI translation rendered from the Sanskrit, not a published edition
PdP 5 59.73
काले सासूत पूत्रौ द्वौ मनोहरवपुर्धरौ । रामचंद्र प्रतिनिधी ह्यश्विनाविव जानकी
kāle sāsūta pūtrau dvau manoharavapurdharau | rāmacaṃdra pratinidhī hyaśvināviva jānakī
In due time she bore two sons bearing charming bodies, counterparts of Rāmacandra — Jānakī (bore them) like the two Aśvins.
AI translation rendered from the Sanskrit, not a published edition
PdP 5 59.74
तच्छ्रुत्वा तु मुनिर्हृष्टो जानक्याः पुत्रसंभवम् । चकार जातकर्मादि संस्कारान्मंत्रवित्तमः
tacchrutvā tu munirhṛṣṭo jānakyāḥ putrasaṃbhavam | cakāra jātakarmādi saṃskārānmaṃtravittamaḥ
Hearing that, the sage, delighted at Jānakī's bearing of sons, best of those who know the mantras, performed the birth-rites and the other sacraments.
AI translation rendered from the Sanskrit, not a published edition
PdP 5 59.75
कुशैर्लवैश्च वाल्मीकिर्मुनिः कर्माणि चाचरत् । तन्नाम्ना पुत्रयोराख्या कुशो लव इति स्फुटा
kuśairlavaiśca vālmīkirmuniḥ karmāṇi cācarat | tannāmnā putrayorākhyā kuśo lava iti sphuṭā
And the sage Vālmīki performed the rites with kuśa grass and with lava (cuttings of grass); from that name the sons' names were plainly "Kuśa" and "Lava."
AI translation rendered from the Sanskrit, not a published edition
PdP 5 59.76
वाल्मीकिर्यत्र विरजा मंगलं तद्यथाचरत् । अत्यंतं हृष्टचित्ता सा बभूव कमलेक्षणा
vālmīkiryatra virajā maṃgalaṃ tadyathācarat | atyaṃtaṃ hṛṣṭacittā sā babhūva kamalekṣaṇā
Where Vālmīki, free from impurity, performed the auspicious rite duly — she of lotus eyes became exceedingly glad of heart.
AI translation rendered from the Sanskrit, not a published edition — the model flagged this verse as uncertain
PdP 5 59.77
तद्दिने लवणं हत्वा शत्रुघ्नः स्वल्पसैनिकः । आगमच्चाश्रमे चास्य वाल्मीकेर्निशि शोभने
taddine lavaṇaṃ hatvā śatrughnaḥ svalpasainikaḥ | āgamaccāśrame cāsya vālmīkerniśi śobhane
On that day Śatrughna, having slain Lavaṇa, with a small force, came in the fair night to this hermitage of Vālmīki.
AI translation rendered from the Sanskrit, not a published edition
PdP 5 59.78
तदा वाल्मीकिना शिष्टः शत्रुघ्नो रघुनायकम् । मा शंस जानकीपुत्रौ कथयिष्याम्यहं पुरः
tadā vālmīkinā śiṣṭaḥ śatrughno raghunāyakam | mā śaṃsa jānakīputrau kathayiṣyāmyahaṃ puraḥ
Then Śatrughna was instructed by Vālmīki: "Do not tell the lord of the Raghus about Jānakī's two sons; I shall tell (him) in his presence later."
AI translation rendered from the Sanskrit, not a published edition
PdP 5 59.79
जानकीपुत्रकौ तत्र ववृधाते मनोरमौ । कंदमूलफलैः पुष्टौ व्यदधादुन्मदौ वरौ
jānakīputrakau tatra vavṛdhāte manoramau | kaṃdamūlaphalaiḥ puṣṭau vyadadhādunmadau varau
There the two charming little sons of Jānakī grew up; nourished on bulbs, roots and fruits, (he) made the two excellent (boys) exuberant.
AI translation rendered from the Sanskrit, not a published edition — the model flagged this verse as uncertain
PdP 5 59.80
शुक्लप्रतिपदायाश्च शशीव सुमनोहरौ । कालेन संस्कृतौ जातावुपनीतौ मनोहरौ
śuklapratipadāyāśca śaśīva sumanoharau | kālena saṃskṛtau jātāvupanītau manoharau
Like the moon of the first day of the bright fortnight, most charming, in time the two charming ones were made sacramented and invested with the sacred thread.
AI translation rendered from the Sanskrit, not a published edition
PdP 5 59.81
उपनीयमुनिर्वेदं सांगमध्यापयत्सुतौ । सरहस्यं धनुर्वेदं रामायणमपाठयत्
upanīyamunirvedaṃ sāṃgamadhyāpayatsutau | sarahasyaṃ dhanurvedaṃ rāmāyaṇamapāṭhayat
Having initiated them, the sage taught his (adopted) sons the Veda with its ancillary branches, and had them recite the science of archery with its secrets, and the Rāmāyaṇa.
AI translation rendered from the Sanskrit, not a published edition
PdP 5 59.82
वाल्मीकिना च धनुषी दत्ते स्वर्णसुभूषिते । अभेद्ये सगुणे श्रेष्ठे वैरिवृंदविदारणे
vālmīkinā ca dhanuṣī datte svarṇasubhūṣite | abhedye saguṇe śreṣṭhe vairivṛṃdavidāraṇe
And by Vālmīki two bows were given, well adorned with gold, unbreakable, strung, excellent, rending hosts of enemies,
AI translation rendered from the Sanskrit, not a published edition
PdP 5 59.83
इषुधी बाणसंपूर्णौ अक्षये करवालके । चर्माण्यभेद्यानि ददौ जानक्यात्मजयोस्तदा
iṣudhī bāṇasaṃpūrṇau akṣaye karavālake | carmāṇyabhedyāni dadau jānakyātmajayostadā
two quivers full of arrows, two inexhaustible swords, and unpierceable shields — these he then gave to Jānakī's two sons.
AI translation rendered from the Sanskrit, not a published edition
PdP 5 59.84
धनुर्धरौ धनुर्वेदपारगावाश्रमे मुदा । चरंतौ तत्र रेजाते अश्विनाविव शोभनौ
dhanurdharau dhanurvedapāragāvāśrame mudā | caraṃtau tatra rejāte aśvināviva śobhanau
Bearing bows, masters of the science of archery, roaming there in the hermitage with delight, the two shone, beautiful as the Aśvins.
AI translation rendered from the Sanskrit, not a published edition
PdP 5 59.85
जानकी वीक्ष्य पुत्रौ द्वौ खड्गचर्मधरौ वरौ । परमं हर्षमापन्ना विरहोद्भवमत्यजत्
jānakī vīkṣya putrau dvau khaḍgacarmadharau varau | paramaṃ harṣamāpannā virahodbhavamatyajat
Jānakī, seeing her two excellent sons bearing sword and shield, attained the highest joy and let go of the (grief) that had arisen from separation.
AI translation rendered from the Sanskrit, not a published edition
PdP 5 59.86
एष ते कथितो विप्र जानक्याः पुत्रसंभवः । अतः शृणुष्व यद्वृत्तं वीरबाहुविकृंतनम्
eṣa te kathito vipra jānakyāḥ putrasaṃbhavaḥ | ataḥ śṛṇuṣva yadvṛttaṃ vīrabāhuvikṛṃtanam
This, O brahmin, has been told to you: the birth of Jānakī's sons. Now hear what happened—the cutting off of the arms of the heroes.
AI translation rendered from the Sanskrit, not a published edition