Padma Purana — Patala Khanda — Chapter 57
PdP 5 57.1
वात्स्यायन उवाच। जगत्पवित्रसत्कीर्ति जानक्या वाच्यवाचनम् । कथं समकरोत्स्वामी तन्मे कथय सुव्रत
vātsyāyana uvāca| jagatpavitrasatkīrti jānakyā vācyavācanam | kathaṃ samakarotsvāmī tanme kathaya suvrata
Vātsyāyana said: How did the Lord bring about the utterance of a slander against Jānakī, whose true fame purifies the world? Tell me that, O you of good vows.
AI translation rendered from the Sanskrit, not a published edition
PdP 5 57.2
यथा मे मनसः सौख्यं भविष्यति सुशोभनम् । तथा कुरुष्व शेषाद्य त्वन्मुखान्निःसृतामृतम् । पिबतस्तृप्तिरेव स्याद्यया संसृतिकृं तनम्
yathā me manasaḥ saukhyaṃ bhaviṣyati suśobhanam | tathā kuruṣva śeṣādya tvanmukhānniḥsṛtāmṛtam | pibatastṛptireva syādyayā saṃsṛtikṛṃ tanam
Act, O Śeṣa, in such a way that fair happiness of mind may come to me today; the nectar that flows from your mouth—there is only satisfaction for one who drinks it, and by it the cutting off of transmigration.
AI translation rendered from the Sanskrit, not a published edition — the model flagged this verse as uncertain
PdP 5 57.3
शेष उवाच। मिथिलायां महापुर्यां जनको नाम भूपतिः । तस्यां करोति सद्राज्यं धर्मेणाराधयन्प्रजाः
śeṣa uvāca| mithilāyāṃ mahāpuryāṃ janako nāma bhūpatiḥ | tasyāṃ karoti sadrājyaṃ dharmeṇārādhayanprajāḥ
Śeṣa said: In the great city of Mithilā there was a king named Janaka. There he exercised good rule, pleasing his subjects by dharma.
AI translation rendered from the Sanskrit, not a published edition
PdP 5 57.4
तस्य संकर्षतो भूमिं सीतया दीर्घमुख्यया । सीरध्वजस्य निरगात्कुमारी ह्यतिसुंदरी
tasya saṃkarṣato bhūmiṃ sītayā dīrghamukhyayā | sīradhvajasya niragātkumārī hyatisuṃdarī
As he, the Plough-bannered one, was ploughing the earth with a long, principal furrow, a maiden of surpassing beauty came forth.
AI translation rendered from the Sanskrit, not a published edition — the model flagged this verse as uncertain
PdP 5 57.5
तदात्यंतं मुदं प्राप्तः सीरकेतुर्महीपतिः । सीता नामाकरोत्तस्या मोहिन्या जगतः श्रियः
tadātyaṃtaṃ mudaṃ prāptaḥ sīraketurmahīpatiḥ | sītā nāmākarottasyā mohinyā jagataḥ śriyaḥ
Then the king, the Plough-bannered one, attained the utmost joy; he gave the name Sītā to her, the enchantress, the fortune of the world.
AI translation rendered from the Sanskrit, not a published edition
PdP 5 57.6
सैकदोद्यानविपिने खेलंती सुमनोहरा । अपश्यत्स्वमनःकांतं शुकशुक्योर्युगं वदत्
saikadodyānavipine khelaṃtī sumanoharā | apaśyatsvamanaḥkāṃtaṃ śukaśukyoryugaṃ vadat
Once, playing in the garden grove, that most lovely one saw, pleasing to her own heart, a pair—a parrot and his hen—talking.
AI translation rendered from the Sanskrit, not a published edition
PdP 5 57.7
अत्यंतं हर्षमापन्नमत्यंतं कामलोलुपम् । परस्परं भाषमाणं स्नेहेन शुभया गिरा
atyaṃtaṃ harṣamāpannamatyaṃtaṃ kāmalolupam | parasparaṃ bhāṣamāṇaṃ snehena śubhayā girā
(The pair) had attained the utmost delight and were utterly given over to desire, speaking to each other with affection in sweet words.
AI translation rendered from the Sanskrit, not a published edition
PdP 5 57.8
रममाणं तदा युग्मं नभसि क्षिप्रवेगतः । समुत्पतन्नगोपस्थे स्थितं शब्दं चकार तत्
ramamāṇaṃ tadā yugmaṃ nabhasi kṣipravegataḥ | samutpatannagopasthe sthitaṃ śabdaṃ cakāra tat
Then the pair, sporting, flew up swiftly into the sky, and, settled on the top of a tree, made this sound:
AI translation rendered from the Sanskrit, not a published edition
PdP 5 57.9
रामो महीपतिर्भूमौ भविष्यति मनोहरः । तस्य सीतेति नाम्ना तु भविष्यति महेलिका
rāmo mahīpatirbhūmau bhaviṣyati manoharaḥ | tasya sīteti nāmnā tu bhaviṣyati mahelikā
"On earth there will be a lovely king named Rāma, and his woman will be one named Sītā."
AI translation rendered from the Sanskrit, not a published edition
PdP 5 57.10
स तया सह वर्षाणां सहस्राण्येकयुग्दश । राज्यं करिष्यते धीमान्कर्षन्भूमिपतीन्बली
sa tayā saha varṣāṇāṃ sahasrāṇyekayugdaśa | rājyaṃ kariṣyate dhīmānkarṣanbhūmipatīnbalī
"Together with her that wise and mighty one will rule for eleven thousand years, subduing the lords of the earth."
AI translation rendered from the Sanskrit, not a published edition
PdP 5 57.11
धन्या सा जानकी देवी धन्योऽसौ रामसंज्ञितः । यौ परस्परमापन्नौ पृथिव्यां रंस्यतो मुदा
dhanyā sā jānakī devī dhanyo'sau rāmasaṃjñitaḥ | yau parasparamāpannau pṛthivyāṃ raṃsyato mudā
"Blessed is that lady Jānakī, blessed is he called Rāma, who, having attained each other, will take their pleasure on earth with joy."
AI translation rendered from the Sanskrit, not a published edition
PdP 5 57.12
इति संभाष्यमाणं तु शुकयुग्मं तु मैथिली । ज्ञात्वेदं देवतायुग्मं वाणीं तस्य विलोक्य च
iti saṃbhāṣyamāṇaṃ tu śukayugmaṃ tu maithilī | jñātvedaṃ devatāyugmaṃ vāṇīṃ tasya vilokya ca
But the Maithilī (princess), realizing that this pair of parrots speaking thus was a divine pair, and observing its speech,
AI translation rendered from the Sanskrit, not a published edition
PdP 5 57.13
मदीयास्तु कथा रम्याः कुरुते शुकयोर्युगम् । एतद्गृहीत्वा पृच्छामि सर्वं वाक्यं गतार्थकम्
madīyāstu kathā ramyāḥ kurute śukayoryugam | etadgṛhītvā pṛcchāmi sarvaṃ vākyaṃ gatārthakam
(thought:) "This pair of parrots is telling delightful stories about me. Let me catch it and ask about the whole matter, the full import of the words."
AI translation rendered from the Sanskrit, not a published edition
PdP 5 57.14
एवं विचार्य सा स्वीयाः सखीः प्रतिजगाद ह । गृह्णंतु शनकैरेतत्पक्षियुग्मं मनोहरम्
evaṃ vicārya sā svīyāḥ sakhīḥ pratijagāda ha | gṛhṇaṃtu śanakairetatpakṣiyugmaṃ manoharam
Having thought thus, she said to her own companions: "Catch this lovely pair of birds gently."
AI translation rendered from the Sanskrit, not a published edition
PdP 5 57.15
सख्यस्तास्तद्गिरिं गत्वा गृह्णन्पक्षियुगं वरम् । निवेदयामासुरिदं स्वसख्याः प्रियकाम्यया
sakhyastāstadgiriṃ gatvā gṛhṇanpakṣiyugaṃ varam | nivedayāmāsuridaṃ svasakhyāḥ priyakāmyayā
Those companions went to that hill, caught the fine pair of birds, and presented them, out of a wish to please their friend.
AI translation rendered from the Sanskrit, not a published edition
PdP 5 57.16
बहुधा विविधाञ्छब्दान्कुर्वद्वीक्ष्य मनोहरम् । आश्वासयामास तदा पप्रच्छ तदिदं वचः
bahudhā vividhāñchabdānkurvadvīkṣya manoharam | āśvāsayāmāsa tadā papraccha tadidaṃ vacaḥ
Seeing the lovely (pair) uttering many various sounds in many ways, she then reassured it and asked it these words.
AI translation rendered from the Sanskrit, not a published edition
PdP 5 57.17
सीतोवाच। मा भैषातां युवां रम्यौ कौ वां कुत्र समागतौ । को रामः का च सा सीता तज्ज्ञानं तु कुतः स्मृतम्
sītovāca| mā bhaiṣātāṃ yuvāṃ ramyau kau vāṃ kutra samāgatau | ko rāmaḥ kā ca sā sītā tajjñānaṃ tu kutaḥ smṛtam
Sītā said: "Do not be afraid, you two lovely ones. Who are you? Where have you come from? Who is Rāma, and who is that Sītā, and from where has knowledge of that been remembered?"
AI translation rendered from the Sanskrit, not a published edition
PdP 5 57.18
तत्सर्वं शंसतं क्षिप्रं मत्तो वां व्येतु यद्भयम् । इति पृष्टं तया पक्षियुगं सर्वमशंसत
tatsarvaṃ śaṃsataṃ kṣipraṃ matto vāṃ vyetu yadbhayam | iti pṛṣṭaṃ tayā pakṣiyugaṃ sarvamaśaṃsata
"Tell all that quickly; let whatever fear you have of me depart." Thus questioned by her, the pair of birds told everything.
AI translation rendered from the Sanskrit, not a published edition
PdP 5 57.19
पक्षियुग्ममुवाच। वाल्मीकिरास्ते सुमहानृषिर्धर्मविदुत्तमः । आवां तदाश्रमस्थाने सर्वदा सुमनोहरे
pakṣiyugmamuvāca| vālmīkirāste sumahānṛṣirdharmaviduttamaḥ | āvāṃ tadāśramasthāne sarvadā sumanohare
The pair of birds said: "There is a very great sage, Vālmīki, foremost among knowers of dharma; we two are always in the place of his hermitage, which is most delightful."
AI translation rendered from the Sanskrit, not a published edition
PdP 5 57.20
सशिष्यान्गापयामास भावि रामायणं मुनिः । प्रत्यहं तत्पदस्मारी सर्वभूतहिते रतः
saśiṣyāngāpayāmāsa bhāvi rāmāyaṇaṃ muniḥ | pratyahaṃ tatpadasmārī sarvabhūtahite rataḥ
"The sage had his pupils sing the Rāmāyaṇa that is yet to be, daily recalling his (Rāma's) feet, devoted to the welfare of all beings."
AI translation rendered from the Sanskrit, not a published edition
PdP 5 57.21
तदावाभ्यां श्रुतं सर्वं भावि रामायणं महत् । मुहुर्मुहुर्गीयमानमायातं परिपाठतः
tadāvābhyāṃ śrutaṃ sarvaṃ bhāvi rāmāyaṇaṃ mahat | muhurmuhurgīyamānamāyātaṃ paripāṭhataḥ
"Then the whole of that great future Rāmāyaṇa was heard by us two, as it was sung again and again and came (to us) through the recitation."
AI translation rendered from the Sanskrit, not a published edition
PdP 5 57.22
शृण्वावां तेऽभिधास्यावो यो रामो या च जानकी । यद्यद्भविष्यते तस्या रामेण क्रीडितात्मना
śṛṇvāvāṃ te'bhidhāsyāvo yo rāmo yā ca jānakī | yadyadbhaviṣyate tasyā rāmeṇa krīḍitātmanā
"Listen — we two shall tell you who Rāma is and who Jānakī is, and whatever is to happen to her with Rāma, whose nature is play."
AI translation rendered from the Sanskrit, not a published edition
PdP 5 57.23
ऋष्यशृंगकृतेष्ट्यां च चतुर्धा त्वंगतो हरिः । प्रादुर्भविष्यति श्रीमान्सुरस्त्रीगीतसत्कथः
ṛṣyaśṛṃgakṛteṣṭyāṃ ca caturdhā tvaṃgato hariḥ | prādurbhaviṣyati śrīmānsurastrīgītasatkathaḥ
"At the sacrifice performed by Ṛṣyaśṛṅga, Hari, having become fourfold in body, the glorious one whose good story is sung by the women of the gods, will appear."
AI translation rendered from the Sanskrit, not a published edition
PdP 5 57.24
स कौशिकेन मिथिलां प्राप्स्यते भ्रातृसंयुतः । धनुष्पाणिस्तदा दृष्ट्वा दुर्ग्राह्यमन्यभूभुजाम्
sa kauśikena mithilāṃ prāpsyate bhrātṛsaṃyutaḥ | dhanuṣpāṇistadā dṛṣṭvā durgrāhyamanyabhūbhujām
"With Kauśika (Viśvāmitra) he will reach Mithilā, accompanied by his brother; then, seeing the bow — hard for other kings to grasp — taking it in his hand,"
AI translation rendered from the Sanskrit, not a published edition
PdP 5 57.25
धनुर्भंक्त्वा जनकजां प्राप्स्यते सुमनोहराम् । तया सह महद्राज्यं करिष्यति श्रुतं वरे
dhanurbhaṃktvā janakajāṃ prāpsyate sumanoharām | tayā saha mahadrājyaṃ kariṣyati śrutaṃ vare
"having broken the bow he will win Janaka's most lovely daughter; with her he will rule a great kingdom — this we have heard, O excellent lady."
AI translation rendered from the Sanskrit, not a published edition
PdP 5 57.26
एतदन्यच्च तत्रस्थैः श्रुतमस्माभिरुद्गतैः । कथितं तव चार्वंगि मुंचावां गंतुकामुकौ
etadanyacca tatrasthaiḥ śrutamasmābhirudgataiḥ | kathitaṃ tava cārvaṃgi muṃcāvāṃ gaṃtukāmukau
"This and more we heard while staying there, and having flown up (we have) told it to you, O fair-limbed one. Release us two, who wish to go."
AI translation rendered from the Sanskrit, not a published edition
PdP 5 57.27
इति वाक्यं तयोर्धृत्वा श्रोत्रयोः सुमनोहरम् । पुनरेवजगादेदं वाक्यं पक्षियुगं प्रति
iti vākyaṃ tayordhṛtvā śrotrayoḥ sumanoharam | punarevajagādedaṃ vākyaṃ pakṣiyugaṃ prati
Having held these most delightful words of theirs in her ears, she again spoke this speech to the pair of birds.
AI translation rendered from the Sanskrit, not a published edition
PdP 5 57.28
स रामः कुत्र वर्तेत कस्य पुत्रः कथं तु ताम् । परिग्रहीष्यति वरः कीदृग्रूपधरो नरः
sa rāmaḥ kutra varteta kasya putraḥ kathaṃ tu tām | parigrahīṣyati varaḥ kīdṛgrūpadharo naraḥ
"Where does that Rāma live? Whose son is he? And how will that excellent (man) take her (to wife)? What sort of form does the man bear?"
AI translation rendered from the Sanskrit, not a published edition
PdP 5 57.29
मया पृष्टमिदं सर्वं कथयंतु यथातथम् । पश्चात्सर्वं करिष्यामि प्रियं युष्मन्मनोहरम्
mayā pṛṣṭamidaṃ sarvaṃ kathayaṃtu yathātatham | paścātsarvaṃ kariṣyāmi priyaṃ yuṣmanmanoharam
All this that I have asked—tell it as it truly is; afterwards I shall do everything that is dear and pleasing to your mind.
AI translation rendered from the Sanskrit, not a published edition
PdP 5 57.30
तच्छ्रुत्वा तां तु कामेन पीडितां वीक्ष्य सा शुकी । जानकीं हृदये ज्ञात्वा पपाठ पुरतस्ततः
tacchrutvā tāṃ tu kāmena pīḍitāṃ vīkṣya sā śukī | jānakīṃ hṛdaye jñātvā papāṭha puratastataḥ
Hearing that, and seeing her tormented by desire, that female parrot, recognizing in her heart (that she was) Jānakī, then recited before (her):
AI translation rendered from the Sanskrit, not a published edition
PdP 5 57.31
सूर्यवंशध्वजो धीमान्राजा पंक्तिरथो बली । यं देवाः श्रित्य सर्वारीन्विजेष्यंति च सर्वशः
sūryavaṃśadhvajo dhīmānrājā paṃktiratho balī | yaṃ devāḥ śritya sarvārīnvijeṣyaṃti ca sarvaśaḥ
(There is) the banner of the solar dynasty, the wise, mighty king Daśaratha ("he of ten chariots"), relying on whom the gods will conquer all their enemies in every way.
AI translation rendered from the Sanskrit, not a published edition
PdP 5 57.32
तस्य भार्यात्रयं भावि शक्रमोहनरूपधृक् । तस्मिन्नपत्य चातुष्कं भविष्यति बलोन्नतम्
tasya bhāryātrayaṃ bhāvi śakramohanarūpadhṛk | tasminnapatya cātuṣkaṃ bhaviṣyati balonnatam
He will have three wives, bearing beauty that bewilders even Indra; in him (i.e. of him) will be born a set of four offspring, exalted in strength.
AI translation rendered from the Sanskrit, not a published edition
PdP 5 57.33
सर्वेषामग्रजो रामो भरतस्तदनुस्मृतः । लक्ष्मणस्तदनु श्रीमाञ्छत्रुघ्नः सर्वतो बली
sarveṣāmagrajo rāmo bharatastadanusmṛtaḥ | lakṣmaṇastadanu śrīmāñchatrughnaḥ sarvato balī
Rāma is the eldest of them all, Bharata is reckoned next after him, then the glorious Lakṣmaṇa, (and) Śatrughna, mighty in every way.
AI translation rendered from the Sanskrit, not a published edition
PdP 5 57.34
रघुनाथ इति ख्यातिं गमिष्यति महामनाः । तेषामनंतनामानि रामस्य बलिनः सखि
raghunātha iti khyātiṃ gamiṣyati mahāmanāḥ | teṣāmanaṃtanāmāni rāmasya balinaḥ sakhi
The great-minded one will attain the fame of being called Raghunātha; their names are endless, (as are) those of mighty Rāma, my friend.
AI translation rendered from the Sanskrit, not a published edition
PdP 5 57.35
पद्मकोश इव शोभनं मुखं । पंकजाभनयने सुदीर्घके । उन्नता पृथुमनोहरा नसा । वल्गुसंगत मनोहरे भ्रुवौ
padmakośa iva śobhanaṃ mukhaṃ | paṃkajābhanayane sudīrghake | unnatā pṛthumanoharā nasā | valgusaṃgata manohare bhruvau
(His) face is lovely like the calyx of a lotus; his eyes, very long, resemble lotuses; his nose is high, broad and charming; his brows are beautifully joined and captivating.
AI translation rendered from the Sanskrit, not a published edition
PdP 5 57.36
जानुलंबित मनोहरौ भुजौ । कंबुशोभिगलकोऽतिह्रस्वकः । सत्कपाटतलविस्तृतश्रिकं । वक्ष एतदमलं सलक्ष्मकम्
jānulaṃbita manoharau bhujau | kaṃbuśobhigalako'tihrasvakaḥ | satkapāṭatalavistṛtaśrikaṃ | vakṣa etadamalaṃ salakṣmakam
His two charming arms hang down to his knees; his neck, shining like a conch, is very short; this spotless chest, broad in its splendour like the surface of a fine door-panel, bears an auspicious mark.
AI translation rendered from the Sanskrit, not a published edition
PdP 5 57.37
शोभनोरुकटिशोभया युतं । जानुयुग्मममलं स्वसेवितम् । पादपद्ममखिलैर्निजैः सदा । सेवितं रघुपतिं सुशोभनम्
śobhanorukaṭiśobhayā yutaṃ | jānuyugmamamalaṃ svasevitam | pādapadmamakhilairnijaiḥ sadā | sevitaṃ raghupatiṃ suśobhanam
(He is) endowed with the beauty of lovely thighs and waist, with a spotless pair of knees, well attended to; his lotus-feet are always served by all his own (people)—(such is) the Lord of the Raghus, most beautiful.
AI translation rendered from the Sanskrit, not a published edition — the model flagged this verse as uncertain
PdP 5 57.38
एतद्रूपधरो रामो मया किं तु स वर्ण्यते । शताननोपि नो याति पक्षिणः किमु मादृशाः
etadrūpadharo rāmo mayā kiṃ tu sa varṇyate | śatānanopi no yāti pakṣiṇaḥ kimu mādṛśāḥ
Rāma bears such a form—but how can he be described by me? Even one with a hundred mouths cannot manage it; how much less birds like me?
AI translation rendered from the Sanskrit, not a published edition
PdP 5 57.39
यद्रूपं वीक्ष्य ललिता मनोहरवपुर्धरा । लक्ष्मीर्मुमोह भुविका वर्तते या न मोहति
yadrūpaṃ vīkṣya lalitā manoharavapurdharā | lakṣmīrmumoha bhuvikā vartate yā na mohati
Seeing whose beauty, the graceful Lakṣmī, herself bearing a captivating body, was bewildered—who is there on earth that is not bewildered?
AI translation rendered from the Sanskrit, not a published edition
PdP 5 57.40
महाबलो महावीर्यो महामोहनरूपधृक् । किं वर्णयामि श्रीरामं सर्वैश्वर्यगुणान्वितम्
mahābalo mahāvīryo mahāmohanarūpadhṛk | kiṃ varṇayāmi śrīrāmaṃ sarvaiśvaryaguṇānvitam
Of great strength, of great valour, bearing a form that greatly bewilders—how shall I describe Śrī Rāma, endowed with all lordship and virtues?
AI translation rendered from the Sanskrit, not a published edition
PdP 5 57.41
धन्या सा जानकीदेवी महामोहनरूपधृक् । रंस्यते येन सहिता वर्षाणामयुतं मुदा
dhanyā sā jānakīdevī mahāmohanarūpadhṛk | raṃsyate yena sahitā varṣāṇāmayutaṃ mudā
Blessed is that lady Jānakī, bearing a greatly bewitching form, who together with him will take delight joyfully for ten thousand years.
AI translation rendered from the Sanskrit, not a published edition
PdP 5 57.42
त्वं कासि किं तु नामासि बत सुंदरि यत्तु माम् । परिपृच्छसि वैदग्ध्याद्रामकीर्तनमादरात्
tvaṃ kāsi kiṃ tu nāmāsi bata suṃdari yattu mām | paripṛcchasi vaidagdhyādrāmakīrtanamādarāt
Who are you, then, and what is your name, O beautiful one—you who, ah, out of cleverness ask me repeatedly and respectfully for the praise of Rāma?
AI translation rendered from the Sanskrit, not a published edition
PdP 5 57.43
एतद्वाक्यं समाकर्ण्य जानकी पक्षिणोर्युगम् । उवाच जन्मललितं शंसंती स्वस्य मोहनम्
etadvākyaṃ samākarṇya jānakī pakṣiṇoryugam | uvāca janmalalitaṃ śaṃsaṃtī svasya mohanam
Hearing this speech, Jānakī spoke to the pair of birds, telling of the charm of her own birth, (which was) enchanting.
AI translation rendered from the Sanskrit, not a published edition
PdP 5 57.44
या त्वया जानकी प्रोक्ता साहं जनकपुत्रिका । स रामो मां यदाभ्येत्य प्राप्स्यते सुमनोहरः
yā tvayā jānakī proktā sāhaṃ janakaputrikā | sa rāmo māṃ yadābhyetya prāpsyate sumanoharaḥ
That Jānakī of whom you spoke—I am she, the daughter of Janaka; when that most charming Rāma comes and obtains me,
AI translation rendered from the Sanskrit, not a published edition
PdP 5 57.45
तदा वां मोचयाम्यद्धानान्यथा वाक्यलोभिता । लालयामि सुखेनास्तां मद्गेहे मधुराक्षरौ
tadā vāṃ mocayāmyaddhānānyathā vākyalobhitā | lālayāmi sukhenāstāṃ madgehe madhurākṣarau
then indeed I shall release you two; otherwise, enticed by your words, I shall fondle you—stay happily in my house, you two of sweet speech.
AI translation rendered from the Sanskrit, not a published edition
PdP 5 57.46
इत्युक्तं तत्समाकर्ण्य वेपतुर्भयतां गतौ । परस्परं प्रक्षुभितौ जानकीमित्यवोचताम्
ityuktaṃ tatsamākarṇya vepaturbhayatāṃ gatau | parasparaṃ prakṣubhitau jānakīmityavocatām
Hearing that which was thus said, the two trembled and became afraid; agitated with each other, they said this to Jānakī:
AI translation rendered from the Sanskrit, not a published edition
PdP 5 57.47
वयं वै पक्षिणः साध्वि वनस्था वृक्षगोचराः । परिभ्रमाम सर्वत्र नो सुखं नो भवेद्गृहे
vayaṃ vai pakṣiṇaḥ sādhvi vanasthā vṛkṣagocarāḥ | paribhramāma sarvatra no sukhaṃ no bhavedgṛhe
We are indeed birds, O virtuous lady, forest-dwellers who live on trees; we roam everywhere; there would be no happiness for us in a house.
AI translation rendered from the Sanskrit, not a published edition
PdP 5 57.48
अंतर्वत्नी स्वके स्थाने गत्वा संसूय पुत्रकान् । त्वत्स्थानमागमिष्यामि सत्यं मे ह्युदितं वचः
aṃtarvatnī svake sthāne gatvā saṃsūya putrakān | tvatsthānamāgamiṣyāmi satyaṃ me hyuditaṃ vacaḥ
I am pregnant; having gone to my own place and given birth to my little ones, I shall come to your place—truly, this word spoken by me (is true).
AI translation rendered from the Sanskrit, not a published edition
PdP 5 57.49
एवं प्रोक्ता तया सा तु न मुमोच शुकीं स्वयम् । तदापतिस्तां प्रोवाच विनीतवदनुत्सुकः
evaṃ proktā tayā sā tu na mumoca śukīṃ svayam | tadāpatistāṃ provāca vinītavadanutsukaḥ
Though addressed thus by her, she (Sītā) would not let the parrot-hen go. Then her husband spoke to her, with humble face and free of agitation:
AI translation rendered from the Sanskrit, not a published edition
PdP 5 57.50
सीते मुंच कथं भार्यां रक्षसे मे मनोहरीम् । आवां गच्छाव विपिने विचरावः सुखं वने
sīte muṃca kathaṃ bhāryāṃ rakṣase me manoharīm | āvāṃ gacchāva vipine vicarāvaḥ sukhaṃ vane
"Sītā, let her go! Why do you hold captive my charming wife? Let us two go into the woodland, let us roam happily in the forest.
AI translation rendered from the Sanskrit, not a published edition
PdP 5 57.51
अंतर्वत्नी तु वर्तेत भार्या मम मनोरमा । तस्याः प्रसूतिं कृत्वा त्वामागमिष्यामि शोभने
aṃtarvatnī tu varteta bhāryā mama manoramā | tasyāḥ prasūtiṃ kṛtvā tvāmāgamiṣyāmi śobhane
"My delightful wife is with child; when I have brought about her delivery, I shall come back to you, fair one."
AI translation rendered from the Sanskrit, not a published edition
PdP 5 57.52
इत्युक्ता निजगादेमं सुखं गच्छ महामते । एतां रक्षामि सुखिनीं मत्पार्श्वे प्रियकारिणीम्
ityuktā nijagādemaṃ sukhaṃ gaccha mahāmate | etāṃ rakṣāmi sukhinīṃ matpārśve priyakāriṇīm
Addressed thus, she said this: "Go in comfort, great-minded one; I shall keep her happy at my side, doing what she likes."
AI translation rendered from the Sanskrit, not a published edition
PdP 5 57.53
इत्युक्तो दुःखितः पक्षी तामूचे करुणान्वितः । योगिभिः प्रोच्यते यद्वै तद्वचस्तथ्यमेव हि
ityukto duḥkhitaḥ pakṣī tāmūce karuṇānvitaḥ | yogibhiḥ procyate yadvai tadvacastathyameva hi
Addressed thus, the bird, grieved and filled with pity, said to her: "Whatever is uttered by yogins, that word is indeed the very truth.
AI translation rendered from the Sanskrit, not a published edition
PdP 5 57.54
न वक्तव्यं न वक्तव्यं मौनमाश्रित्य तिष्ठताम् । नोचेत्स वाक्यदोषेण प्राप्नोत्यालानमुन्मदः
na vaktavyaṃ na vaktavyaṃ maunamāśritya tiṣṭhatām | nocetsa vākyadoṣeṇa prāpnotyālānamunmadaḥ
"One should not speak, one should not speak; let those (who are wise) abide taking refuge in silence. Otherwise, through the fault of speech, one gets tethered like an elephant in rut.
AI translation rendered from the Sanskrit, not a published edition
PdP 5 57.55
वयं चेदत्र वाक्यं नाकरिष्याम नगोपरि । बंधनं कथमावां स्यात्तस्मान्मौनं समाचरेत्
vayaṃ cedatra vākyaṃ nākariṣyāma nagopari | baṃdhanaṃ kathamāvāṃ syāttasmānmaunaṃ samācaret
"If we had not spoken words here up on the tree, how would there have been this bondage for us two? Therefore one should practise silence."
AI translation rendered from the Sanskrit, not a published edition
PdP 5 57.56
इत्युक्त्वा तां प्रत्युवाच नाहं जीवामि सुंदरि । एतया भार्यया सीते तस्मान्मुंच मनोहरे
ityuktvā tāṃ pratyuvāca nāhaṃ jīvāmi suṃdari | etayā bhāryayā sīte tasmānmuṃca manohare
Having said this, he addressed her (again): "I shall not live, beautiful one, without this wife of mine, Sītā; therefore release (her), charming lady."
AI translation rendered from the Sanskrit, not a published edition
PdP 5 57.57
अनेकविधवाक्यैः सा बोधिता नामुचत्तदा । कुपिता दुःखिता भार्या शशाप जनकात्मजाम्
anekavidhavākyaiḥ sā bodhitā nāmucattadā | kupitā duḥkhitā bhāryā śaśāpa janakātmajām
Though she was entreated with words of many kinds, she did not release (the bird) then; and the wife, angered and grieved, cursed the daughter of Janaka:
AI translation rendered from the Sanskrit, not a published edition
PdP 5 57.58
यथा त्वं पतिना सार्धं वियोजयसि मामितः । तथा त्वमपि रामेण वियुक्ता भव गर्भिणी
yathā tvaṃ patinā sārdhaṃ viyojayasi māmitaḥ | tathā tvamapi rāmeṇa viyuktā bhava garbhiṇī
"As you separate me from my husband here, so may you too, being pregnant, be separated from Rāma."
AI translation rendered from the Sanskrit, not a published edition
PdP 5 57.59
इत्युक्तवत्यां तस्यां तु दुःखितायां पुनः पुनः । प्राणा निरगमन्दुःखात्पतिदुःखेन पूरितात्
ityuktavatyāṃ tasyāṃ tu duḥkhitāyāṃ punaḥ punaḥ | prāṇā niragamanduḥkhātpatiduḥkhena pūritāt
When she had spoken thus, grieving again and again, her life-breaths departed out of the sorrow that was filled with grief for her husband.
AI translation rendered from the Sanskrit, not a published edition
PdP 5 57.60
रामं रामं स्मरंत्याश्च वदंत्यांश्च पुनः पुनः । विमानमागतं सुष्ठु पक्षिणी स्वर्गता बभौ
rāmaṃ rāmaṃ smaraṃtyāśca vadaṃtyāṃśca punaḥ punaḥ | vimānamāgataṃ suṣṭhu pakṣiṇī svargatā babhau
And as she remembered "Rāma, Rāma" and said it again and again, a celestial car came fittingly, and the bird-hen appeared as one gone to heaven.
AI translation rendered from the Sanskrit, not a published edition
PdP 5 57.61
तस्यां मृतायां दुःखार्तो भर्ता तस्याः स पक्षिराट् । परमं क्रोधमापन्नो जाह्नव्यां दुःखितोऽपतत्
tasyāṃ mṛtāyāṃ duḥkhārto bhartā tasyāḥ sa pakṣirāṭ | paramaṃ krodhamāpanno jāhnavyāṃ duḥkhito'patat
When she was dead, her husband, that king of birds, stricken with grief and fallen into the utmost rage, in his sorrow fell into the Gaṅgā.
AI translation rendered from the Sanskrit, not a published edition
PdP 5 57.62
तथा भवामि रामस्य नगरे जनपूरिते । मद्वाक्यादियमुद्विग्ना वियोगेन सुदुःखिता
tathā bhavāmi rāmasya nagare janapūrite | madvākyādiyamudvignā viyogena suduḥkhitā
"So shall I come to be in Rāma's city, crowded with people; by my word this woman shall be driven out, made utterly wretched by separation."
AI translation rendered from the Sanskrit, not a published edition
PdP 5 57.63
इत्युक्त्वा स पपातोदे जाह्नव्या भ्रमशोभिते । दुःखितः कुपितो भीतस्तद्वियोगेन कंपितः
ityuktvā sa papātode jāhnavyā bhramaśobhite | duḥkhitaḥ kupito bhītastadviyogena kaṃpitaḥ
Having said this, he fell into the water of the Jāhnavī, lovely with its eddies — grieved, angry, afraid, trembling at the separation from her.
AI translation rendered from the Sanskrit, not a published edition
PdP 5 57.64
क्रुद्धत्वाद्दुःखितत्वाच्च सीताया अपमाननात् । अंत्यजत्वं परं प्राप्तो रजकः क्रोधनाभिधः
kruddhatvādduḥkhitatvācca sītāyā apamānanāt | aṃtyajatvaṃ paraṃ prāpto rajakaḥ krodhanābhidhaḥ
Because of his anger and his grief, and because of the insult (offered) by Sītā, he attained the extreme state of an outcaste (as) a washerman named Krodhana.
AI translation rendered from the Sanskrit, not a published edition
PdP 5 57.65
यः क्रोधाच्च स्वकान्प्राणान्महतां दुष्टमाचरन् । संत्यजेत्स मृतो याति अंत्यजत्वं द्विजोत्तमः
yaḥ krodhācca svakānprāṇānmahatāṃ duṣṭamācaran | saṃtyajetsa mṛto yāti aṃtyajatvaṃ dvijottamaḥ
He who out of anger gives up his own life while doing evil to the great — that best of the twice-born, when dead, goes to the condition of an outcaste.
AI translation rendered from the Sanskrit, not a published edition
PdP 5 57.66
तज्जातं रजकोक्त्यासौ निंदिता च वियोगिता । रजकस्य च शापेन वियुक्ता सा वनं गता
tajjātaṃ rajakoktyāsau niṃditā ca viyogitā | rajakasya ca śāpena viyuktā sā vanaṃ gatā
That came about: by the washerman's word she was censured and separated, and by the washerman's curse she, being separated, went to the forest.
AI translation rendered from the Sanskrit, not a published edition
PdP 5 57.67
एतत्ते कथितं विप्र यत्ते पृष्टं विदेहजाम् । पुनरत्र परं वृत्तं शृणुष्व निगदामि तत्
etatte kathitaṃ vipra yatte pṛṣṭaṃ videhajām | punaratra paraṃ vṛttaṃ śṛṇuṣva nigadāmi tat
This has been told to you, brahmin, what you asked about the daughter of Videha. Now hear further what happened here; I shall tell you that.
AI translation rendered from the Sanskrit, not a published edition