Padma Purana — Patala Khanda — Chapter 56
PdP 5 56.1
शेष उवाच। प्रातर्नित्यं विधायासौ ब्राह्मणान्वेदवित्तमान् । हिरण्यदानैः संतर्प्य विधिवत्संसदं ययौ
śeṣa uvāca| prātarnityaṃ vidhāyāsau brāhmaṇānvedavittamān | hiraṇyadānaiḥ saṃtarpya vidhivatsaṃsadaṃ yayau
Shesha said: In the morning, having performed the daily rites, he gratified with gifts of gold the brahmins most learned in the Veda, and duly went to the assembly.
AI translation rendered from the Sanskrit, not a published edition
PdP 5 56.2
लोकाः सर्वे नमस्कर्तुं रघुनाथं महीपतिम् । पुत्रवत्स्वप्रजाः सर्वाः पालयंतं ययुः सभाम्
lokāḥ sarve namaskartuṃ raghunāthaṃ mahīpatim | putravatsvaprajāḥ sarvāḥ pālayaṃtaṃ yayuḥ sabhām
All the people went to the hall to bow to Raghunatha, the lord of the earth, who protected all his own subjects like sons.
AI translation rendered from the Sanskrit, not a published edition
PdP 5 56.3
लक्ष्मणेनातपत्रं तु धृतं मूर्धनि भूपतेः । तदा भरतशत्रुघ्नौ चामरद्वंद्व धारिणौ
lakṣmaṇenātapatraṃ tu dhṛtaṃ mūrdhani bhūpateḥ | tadā bharataśatrughnau cāmaradvaṃdva dhāriṇau
The parasol was held by Lakshmana over the head of the king of the earth, while Bharata and Shatrughna were the two bearers of the yak-tail whisks.
AI translation rendered from the Sanskrit, not a published edition
PdP 5 56.4
वसिष्ठप्रमुखास्तत्र मुनयः पर्युपासत । सुमंत्रप्रमुखास्तत्र मंत्रिणो न्यायकर्तृकाः
vasiṣṭhapramukhāstatra munayaḥ paryupāsata | sumaṃtrapramukhāstatra maṃtriṇo nyāyakartṛkāḥ
There the sages headed by Vasishtha sat around him; there too the ministers headed by Sumantra, the dispensers of justice.
AI translation rendered from the Sanskrit, not a published edition
PdP 5 56.5
एवं प्रवृत्ते समये षट्चारास्ते स्वलंकृताः । समाजग्मुर्नरपतिं नमस्कर्तुं सभास्थितम्
evaṃ pravṛtte samaye ṣaṭcārāste svalaṃkṛtāḥ | samājagmurnarapatiṃ namaskartuṃ sabhāsthitam
When the time had thus come, those six spies, well adorned, came together to bow to the king of men seated in the assembly.
AI translation rendered from the Sanskrit, not a published edition
PdP 5 56.6
तान्वक्तुकामान्संवीक्ष्य चारान्नृपतिसत्तमः । सभायामंतरावेश्म रहः प्राविशदुत्सुकः
tānvaktukāmānsaṃvīkṣya cārānnṛpatisattamaḥ | sabhāyāmaṃtarāveśma rahaḥ prāviśadutsukaḥ
Seeing that the spies wished to speak, the best of kings, eager, entered an inner chamber in the assembly hall, in private.
AI translation rendered from the Sanskrit, not a published edition
PdP 5 56.7
एकांते तांश्चरान्सर्वान्पप्रच्छ सुमतिर्नृपः । कथयंतु चरा मह्यं यथातथ्यमरिंदमाः
ekāṃte tāṃścarānsarvānpapraccha sumatirnṛpaḥ | kathayaṃtu carā mahyaṃ yathātathyamariṃdamāḥ
In private the wise-minded king asked all those spies: "Let the spies tell me according to the truth, O subduers of foes.
AI translation rendered from the Sanskrit, not a published edition
PdP 5 56.8
लोका ब्रुवंति मां कीदृग्भार्याया मम कीदृशम् । मंत्रिणां कीदृशं लोका वदंति चरितं कथम्
lokā bruvaṃti māṃ kīdṛgbhāryāyā mama kīdṛśam | maṃtriṇāṃ kīdṛśaṃ lokā vadaṃti caritaṃ katham
What do the people say of me? What of my wife? What of the ministers? How do the people speak of (our) conduct?"
AI translation rendered from the Sanskrit, not a published edition
PdP 5 56.9
इति वाक्यं समाकर्ण्य चारा राममथाब्रुवन् । मेघगंभीरया वाचा पृच्छंतं रघुनायकम्
iti vākyaṃ samākarṇya cārā rāmamathābruvan | meghagaṃbhīrayā vācā pṛcchaṃtaṃ raghunāyakam
Hearing this speech, the spies then said to Rama, the leader of the Raghus, who was asking with a voice deep as a cloud:
AI translation rendered from the Sanskrit, not a published edition
PdP 5 56.10
चारा ऊचुः। नाथ कीर्तिर्जनान्सर्वान्पावयत्यधुना भुवि । गृहेगृहे श्रुतास्माभिः पुरुषैः स्त्रीभिरीडिता
cārā ūcuḥ| nātha kīrtirjanānsarvānpāvayatyadhunā bhuvi | gṛhegṛhe śrutāsmābhiḥ puruṣaiḥ strībhirīḍitā
The spies said: Lord, your fame now purifies all people on earth; in house after house we have heard it praised by men and by women.
AI translation rendered from the Sanskrit, not a published edition
PdP 5 56.11
विवस्वतो महान्वंशो भवता परमेष्ठिना । अलंकर्तुं गतं भूमौ कीर्तिर्विस्तारिता बहुः
vivasvato mahānvaṃśo bhavatā parameṣṭhinā | alaṃkartuṃ gataṃ bhūmau kīrtirvistāritā bahuḥ
The great lineage of Vivasvat has been adorned by you, the supreme one; your abundant fame has spread far over the earth.
AI translation rendered from the Sanskrit, not a published edition — the model flagged this verse as uncertain
PdP 5 56.12
अनेके सगराद्याश्च कीर्तिमंतो महाबलाः । अभवंस्तादृशी कीर्तिस्तेषां नाभूद्यथा तव
aneke sagarādyāśca kīrtimaṃto mahābalāḥ | abhavaṃstādṛśī kīrtisteṣāṃ nābhūdyathā tava
Many kings, Sagara and the rest, were famed and of great strength; but such fame as yours was not theirs.
AI translation rendered from the Sanskrit, not a published edition
PdP 5 56.13
त्वया नाथेन सकलाः कृतार्थाश्च प्रजाः कृताः । यासां नाकालमरणं न च रागाद्युपद्रुतिः
tvayā nāthena sakalāḥ kṛtārthāśca prajāḥ kṛtāḥ | yāsāṃ nākālamaraṇaṃ na ca rāgādyupadrutiḥ
By you as their lord all the people have been made to attain their ends—people among whom there is no untimely death, nor any affliction of passion and the rest.
AI translation rendered from the Sanskrit, not a published edition
PdP 5 56.14
यादृशश्चंद्रमालोके यादृशी जाह्नवी सरित् । तादृक्तव च सत्कीर्तिः प्रकाशयति भूतलम्
yādṛśaścaṃdramāloke yādṛśī jāhnavī sarit | tādṛktava ca satkīrtiḥ prakāśayati bhūtalam
As the moon is in the world, as is the river Jāhnavī (Ganges), so does your good fame illumine the surface of the earth.
AI translation rendered from the Sanskrit, not a published edition
PdP 5 56.15
ब्रह्मादिका भवत्कीर्तिमाकर्ण्य त्रपिता भृशम् । नाथ सर्वत्र ते कीर्तिः पावयत्यधुना जनान्
brahmādikā bhavatkīrtimākarṇya trapitā bhṛśam | nātha sarvatra te kīrtiḥ pāvayatyadhunā janān
Brahmā and the others, hearing your fame, are exceedingly abashed. Lord, everywhere your fame now purifies people.
AI translation rendered from the Sanskrit, not a published edition
PdP 5 56.16
वयं धन्यतमाः सर्वे ये चारास्तव भूपते । क्षणेक्षणे तव मुखं लोकयाम मनोहरम्
vayaṃ dhanyatamāḥ sarve ye cārāstava bhūpate | kṣaṇekṣaṇe tava mukhaṃ lokayāma manoharam
We are all most fortunate, we who are your spies, O king of the earth, for at every moment we look upon your heart-charming face.
AI translation rendered from the Sanskrit, not a published edition
PdP 5 56.17
इत्यादिवाक्यं चाराणां पंचानां वीक्ष्य राघवः । षष्ठं पप्रच्छ चारं तं विलक्षणमुखांकितम्
ityādivākyaṃ cārāṇāṃ paṃcānāṃ vīkṣya rāghavaḥ | ṣaṣṭhaṃ papraccha cāraṃ taṃ vilakṣaṇamukhāṃkitam
Having heard such speech from the five spies, Rāghava questioned that sixth spy, who was marked with an altered face.
AI translation rendered from the Sanskrit, not a published edition
PdP 5 56.18
राम उवाच। सत्यं वद महाबुद्धे यच्छ्रुतं लोकसंकरे । तादृक्प्रशंस मे सर्वमन्यथा पातकादिकृत्
rāma uvāca| satyaṃ vada mahābuddhe yacchrutaṃ lokasaṃkare | tādṛkpraśaṃsa me sarvamanyathā pātakādikṛt
Rāma said: Speak the truth, O greatly wise one—what has been heard among the multitude of people. Report all of it to me just so; otherwise (you) commit a sin and the like.
AI translation rendered from the Sanskrit, not a published edition
PdP 5 56.19
पुनः पुनश्च तं रामः पप्रच्छाशु सविस्तरम् । तथापि न ब्रवीत्येव रामं लौकिकभाषितम्
punaḥ punaśca taṃ rāmaḥ papracchāśu savistaram | tathāpi na bravītyeva rāmaṃ laukikabhāṣitam
Again and again Rāma quickly questioned him in full detail; even so he simply would not tell Rāma the talk of the people.
AI translation rendered from the Sanskrit, not a published edition
PdP 5 56.20
तदा रामः प्रत्यवोचच्चारं मुखविलक्षितम् । शपामि त्वां तु सत्येन शंस सर्वं यथातथम्
tadā rāmaḥ pratyavocaccāraṃ mukhavilakṣitam | śapāmi tvāṃ tu satyena śaṃsa sarvaṃ yathātatham
Then Rāma replied to the spy whose face showed distress: I adjure you by truth—report everything exactly as it is.
AI translation rendered from the Sanskrit, not a published edition
PdP 5 56.21
तदा रामं प्रत्युवाच चारो वाक्यं शनैः शनैः । अकथ्यमपि ते वाच्यं वाक्यं कारुजनोदितम्
tadā rāmaṃ pratyuvāca cāro vākyaṃ śanaiḥ śanaiḥ | akathyamapi te vācyaṃ vākyaṃ kārujanoditam
Then the spy answered Rāma, speaking very slowly: though it is not to be spoken, the words uttered by an artisan must be told to you.
AI translation rendered from the Sanskrit, not a published edition
PdP 5 56.22
चार उवाच। स्वामिन्सर्वत्र ते कीर्तिर्दशाननवधादिका । अन्यत्र राक्षसगृहे स्थितायास्ते स्त्रिया अहो
cāra uvāca| svāminsarvatra te kīrtirdaśānanavadhādikā | anyatra rākṣasagṛhe sthitāyāste striyā aho
The spy said: Master, everywhere your fame is (praised)—the slaying of the ten-faced one and the rest; but elsewhere (there is talk) of the woman who stayed in the house of the rākṣasa, alas.
AI translation rendered from the Sanskrit, not a published edition
PdP 5 56.23
कारुरेकस्तु रजको निशीथे महिलां स्वकाम् । अन्यगेहोषितां दृष्ट्वा धिक्कुर्वन्समताडयत्
kārurekastu rajako niśīthe mahilāṃ svakām | anyagehoṣitāṃ dṛṣṭvā dhikkurvansamatāḍayat
But one artisan, a washerman, at midnight, seeing his own wife who had stayed in another's house, reviled and beat her.
AI translation rendered from the Sanskrit, not a published edition
PdP 5 56.24
तन्माता प्रत्युवाचेमां कथं ताडयसेऽनघाम् । गृहाण मा कृथा निंदां स्त्रियं मद्वाक्यमाचर
tanmātā pratyuvācemāṃ kathaṃ tāḍayase'naghām | gṛhāṇa mā kṛthā niṃdāṃ striyaṃ madvākyamācara
His mother answered him: Why do you beat her, who is blameless? Take her in, do not blame the woman; act on my word.
AI translation rendered from the Sanskrit, not a published edition
PdP 5 56.25
तदावोचत्स रजको नाहं रामो महीपतिः । यद्राक्षसगृहेध्युष्टां सीतामंगीचकार सः
tadāvocatsa rajako nāhaṃ rāmo mahīpatiḥ | yadrākṣasagṛhedhyuṣṭāṃ sītāmaṃgīcakāra saḥ
Then that washerman said: I am not Rāma, the lord of the earth, who accepted Sītā, that she had dwelt in the house of a rākṣasa.
AI translation rendered from the Sanskrit, not a published edition
PdP 5 56.26
सर्वं राज्ञः कृतं कर्म नीतिमद्भवति प्रभो । अन्येषां पुण्यकर्तॄणामपि कृत्यमनीतिमत्
sarvaṃ rājñaḥ kṛtaṃ karma nītimadbhavati prabho | anyeṣāṃ puṇyakartṝṇāmapi kṛtyamanītimat
Every deed done by a king turns out to be proper policy, O lord, while for others, even doers of merit, the act is improper.
AI translation rendered from the Sanskrit, not a published edition
PdP 5 56.27
पुनः पुनरुवाचासौ नाहं रामो महीपतिः । चुक्रुधे समये राजन्मया वाक्यं तव स्मृतम्
punaḥ punaruvācāsau nāhaṃ rāmo mahīpatiḥ | cukrudhe samaye rājanmayā vākyaṃ tava smṛtam
Again and again he said, 'I am not Rāma, the lord of the earth.' (The spy said:) I grew angry at the time, O king, (but) your word was remembered by me.
AI translation rendered from the Sanskrit, not a published edition
PdP 5 56.28
तदानीं शिर आच्छिद्य पातयामि महीतले। कृतः पुनर्विचारोमे क्व रामो रजकः क्व नु
tadānīṃ śira ācchidya pātayāmi mahītale| kṛtaḥ punarvicārome kva rāmo rajakaḥ kva nu
At that moment (I thought) I would cut off his head and fell it to the ground; but again a reflection was made by me: where is Rāma, and where indeed a washerman?
AI translation rendered from the Sanskrit, not a published edition
PdP 5 56.29
अयं दुष्टोऽनृतं वक्ति न हीदं तथ्यमुच्यते । आज्ञापयसि चेद्राम सांप्रतं मारयामि तम्
ayaṃ duṣṭo'nṛtaṃ vakti na hīdaṃ tathyamucyate | ājñāpayasi cedrāma sāṃprataṃ mārayāmi tam
This wicked man speaks an untruth; this is surely not spoken as fact. If you command, Rāma, I will have him killed at once.
AI translation rendered from the Sanskrit, not a published edition
PdP 5 56.30
अवाच्यमपि ते प्रोक्तं त्वदाग्रहत उन्नयम् । राजा प्रमाणमत्रेदं विचारयतु संगतम्
avācyamapi te proktaṃ tvadāgrahata unnayam | rājā pramāṇamatredaṃ vicārayatu saṃgatam
Though it should not be told, it has been told to you because of your insistence—(such is) the inference. Let the king, being the authority here, consider what is fitting.
AI translation rendered from the Sanskrit, not a published edition — the model flagged this verse as uncertain
PdP 5 56.31
शेष उवाच। इति वाक्यं समाकर्ण्य महावज्रनिभाक्षरम् । निःश्वसन्मुहुरुच्छ्वासमाचरन्मूर्च्छितोऽपतत्
śeṣa uvāca| iti vākyaṃ samākarṇya mahāvajranibhākṣaram | niḥśvasanmuhurucchvāsamācaranmūrcchito'patat
Śeṣa said: Having heard this speech, whose syllables were like a great thunderbolt, sighing and drawing breath again and again, he fell down in a swoon.
AI translation rendered from the Sanskrit, not a published edition
PdP 5 56.32
तं मूर्च्छितं नृपं दृष्ट्वा चारा दुःखसमन्विताः । वीजयामासुर्वासोग्रैर्दुःखापनय हेतवे
taṃ mūrcchitaṃ nṛpaṃ dṛṣṭvā cārā duḥkhasamanvitāḥ | vījayāmāsurvāsograirduḥkhāpanaya hetave
Seeing that king fallen in a swoon, the spies, filled with sorrow, fanned him vigorously with cloths in order to remove his distress.
AI translation rendered from the Sanskrit, not a published edition
PdP 5 56.33
स लब्धसंज्ञो नृपतिर्मुहूर्तेन जगाद तान् । गच्छंतु भरतं शीघ्रं प्रेषयंतु च मां प्रति
sa labdhasaṃjño nṛpatirmuhūrtena jagāda tān | gacchaṃtu bharataṃ śīghraṃ preṣayaṃtu ca māṃ prati
The king, regaining consciousness after a moment, said to them: "Go quickly and send Bharata to me."
AI translation rendered from the Sanskrit, not a published edition
PdP 5 56.34
ते दुःखिताश्चरास्तूर्णं भरतस्य गृहं गताः । कथयामासु रामस्य संदेशं नयहारकाः
te duḥkhitāścarāstūrṇaṃ bharatasya gṛhaṃ gatāḥ | kathayāmāsu rāmasya saṃdeśaṃ nayahārakāḥ
Those grieving spies went at once to Bharata's house, and the message-bearers reported Rāma's message.
AI translation rendered from the Sanskrit, not a published edition
PdP 5 56.35
भरतो रामसंदेशं श्रुत्वा धीमान्ययौ सदः । रामं प्रति रहःसंस्थं श्रुत्वा तं त्वरया युतः
bharato rāmasaṃdeśaṃ śrutvā dhīmānyayau sadaḥ | rāmaṃ prati rahaḥsaṃsthaṃ śrutvā taṃ tvarayā yutaḥ
Wise Bharata, having heard Rāma's message, went to the assembly; hearing that Rāma was staying in a private place, he (went) to him with haste.
AI translation rendered from the Sanskrit, not a published edition
PdP 5 56.36
आगत्य तं प्रतीहारं प्रत्युवाच महामनाः । कुत्रास्ते रामभद्रोऽसौ मम भ्राता कृपानिधिः
āgatya taṃ pratīhāraṃ pratyuvāca mahāmanāḥ | kutrāste rāmabhadro'sau mama bhrātā kṛpānidhiḥ
Arriving, the great-minded one said in reply to the doorkeeper: "Where is that blessed Rāma, my brother, the treasury of compassion?"
AI translation rendered from the Sanskrit, not a published edition
PdP 5 56.37
तन्निर्दिष्टं गृहं वीरो ययौ रत्नमनोहरम् । रामं विलोक्य विक्लांतं भयमाप स मानसे
tannirdiṣṭaṃ gṛhaṃ vīro yayau ratnamanoharam | rāmaṃ vilokya viklāṃtaṃ bhayamāpa sa mānase
The hero went to the house indicated by him, lovely with jewels; seeing Rāma exhausted (with grief), he felt fear in his mind.
AI translation rendered from the Sanskrit, not a published edition
PdP 5 56.38
किं वासौ कुपितो रामः किं वा दुःखमिदं विभोः । तदा प्रोवाच नृपतिं निःश्वसंतं मुहुर्मुहुः
kiṃ vāsau kupito rāmaḥ kiṃ vā duḥkhamidaṃ vibhoḥ | tadā provāca nṛpatiṃ niḥśvasaṃtaṃ muhurmuhuḥ
"Is this Rāma angry, or is this some sorrow of the lord?" Then he spoke to the king, who was sighing again and again:
AI translation rendered from the Sanskrit, not a published edition
PdP 5 56.39
स्वामिन्सुखसमाराध्यं वक्त्रं ते कथमानतम् । अश्रुभिर्लक्ष्यते राहुग्रस्तदेहः शशीव ते
svāminsukhasamārādhyaṃ vaktraṃ te kathamānatam | aśrubhirlakṣyate rāhugrastadehaḥ śaśīva te
"Master, how is your face — which is to be worshipped happily — cast down? With tears it looks like your moon whose body is seized by Rāhu.
AI translation rendered from the Sanskrit, not a published edition
PdP 5 56.40
सर्वं मे कारणं तथ्यं ब्रूहि मां किं करोमि ते । त्यज दुःखं महाराज कथं दुःखस्य भाजनम्
sarvaṃ me kāraṇaṃ tathyaṃ brūhi māṃ kiṃ karomi te | tyaja duḥkhaṃ mahārāja kathaṃ duḥkhasya bhājanam
Tell me the whole true cause; what shall I do for you? Abandon sorrow, great king — how (should you be) a vessel of sorrow?
AI translation rendered from the Sanskrit, not a published edition
PdP 5 56.41
एवं भ्रात्रा प्रोच्यमानो गद्गदस्वरया गिरा । प्रोवाच भ्रातरं वीरो रामचंद्रश्च धार्मिकः
evaṃ bhrātrā procyamāno gadgadasvarayā girā | provāca bhrātaraṃ vīro rāmacaṃdraśca dhārmikaḥ
Thus addressed by his brother in a voice choked with faltering speech, the heroic and righteous Rāmacandra spoke to his brother:
AI translation rendered from the Sanskrit, not a published edition
PdP 5 56.42
शृणु भ्रातर्वचो मह्यं मम दुःखस्य कारणम् । तन्मार्जनं कुरुष्वाद्य भ्रातः प्रातर्महामते
śṛṇu bhrātarvaco mahyaṃ mama duḥkhasya kāraṇam | tanmārjanaṃ kuruṣvādya bhrātaḥ prātarmahāmate
"Hear my words, brother, the cause of my sorrow; wipe it away today, O brother of great mind, this morning.
AI translation rendered from the Sanskrit, not a published edition
PdP 5 56.43
वंशे वैवस्वते राजा न कश्चिदयशः क्षतः । मत्कीर्तिरद्य कलुषा गंगायमुनया गता
vaṃśe vaivasvate rājā na kaścidayaśaḥ kṣataḥ | matkīrtiradya kaluṣā gaṃgāyamunayā gatā
In the solar (Vaivasvata) line no king was ever wounded by dishonour; today my fame has gone muddied, as if with the Gaṅgā and the Yamunā.
AI translation rendered from the Sanskrit, not a published edition — the model flagged this verse as uncertain
PdP 5 56.44
येषां यशो नृणां भूमौ तेषामेव सुजीवितम् । अपकीर्तिक्षतानां तु जीवितं मृतकैः समम्
yeṣāṃ yaśo nṛṇāṃ bhūmau teṣāmeva sujīvitam | apakīrtikṣatānāṃ tu jīvitaṃ mṛtakaiḥ samam
Those men who have fame on earth — theirs alone is a good life; but for those wounded by ill-repute, life is the same as being dead.
AI translation rendered from the Sanskrit, not a published edition
PdP 5 56.45
येषां यशो भवेद्भूमौ तेषां लोकाः सनातनाः । अपकीर्त्युरगी दष्टास्तेषां भूयादधोगतिः
yeṣāṃ yaśo bhavedbhūmau teṣāṃ lokāḥ sanātanāḥ | apakīrtyuragī daṣṭāsteṣāṃ bhūyādadhogatiḥ
Those whose fame exists on earth — for them the worlds are everlasting; but for those bitten by the she-serpent of ill-repute there will be a downward course.
AI translation rendered from the Sanskrit, not a published edition
PdP 5 56.46
अद्य मे कलुषा कीर्तिः स्वर्धुनी लोकविश्रुता । तच्छृणुष्व वचो मेऽद्य रजकेन यथोदितम्
adya me kaluṣā kīrtiḥ svardhunī lokaviśrutā | tacchṛṇuṣva vaco me'dya rajakena yathoditam
Today my fame, the heavenly river renowned in the worlds, is muddied. Hear that word of mine now, as it was spoken by a washerman.
AI translation rendered from the Sanskrit, not a published edition
PdP 5 56.47
अस्मिन्पुरेऽद्य रजक उक्तवाञ्जानकीभवम् । किंचिद्वाच्यं ततो भ्रातः किं करोमि महीतले
asminpure'dya rajaka uktavāñjānakībhavam | kiṃcidvācyaṃ tato bhrātaḥ kiṃ karomi mahītale
Today in this city a washerman has uttered something censurable about Jānakī's condition; so, brother, what am I to do on this earth?
AI translation rendered from the Sanskrit, not a published edition
PdP 5 56.48
किमात्मानं जहाम्यद्य किमेनां जानकीं स्त्रियम् । उभयोः किं मया कार्यं तत्तथ्यं ब्रूहि मे भवान्
kimātmānaṃ jahāmyadya kimenāṃ jānakīṃ striyam | ubhayoḥ kiṃ mayā kāryaṃ tattathyaṃ brūhi me bhavān
Shall I abandon myself today, or this woman Jānakī? What must I do concerning the two? Tell me that truly, sir.
AI translation rendered from the Sanskrit, not a published edition
PdP 5 56.49
इत्युक्त्वा निर्गलद्बाष्पो वेपथु क्षुभितांगकः । पपात भूमौ विरजो धार्मिकाणां शिरोमणिः
ityuktvā nirgaladbāṣpo vepathu kṣubhitāṃgakaḥ | papāta bhūmau virajo dhārmikāṇāṃ śiromaṇiḥ
Having said this, with tears streaming down, trembling, his limbs agitated, the stainless crest-jewel of the righteous fell to the ground.
AI translation rendered from the Sanskrit, not a published edition
PdP 5 56.50
भ्रातरं पतितं दृष्ट्वा भरतो दुःखसंयुतः । संवीक्ष्य शनकै रामं प्राप्तसंज्ञं चकार सः
bhrātaraṃ patitaṃ dṛṣṭvā bharato duḥkhasaṃyutaḥ | saṃvīkṣya śanakai rāmaṃ prāptasaṃjñaṃ cakāra saḥ
Seeing his brother fallen, Bharata, filled with sorrow, looked at Rāma and gently brought him back to consciousness.
AI translation rendered from the Sanskrit, not a published edition
PdP 5 56.51
संज्ञां प्राप्तं तु संवीक्ष्य रामचंद्रं सुदुःखितम् । उवाच दुःखनाशाय वाक्यं तु सुमनोहरम्
saṃjñāṃ prāptaṃ tu saṃvīkṣya rāmacaṃdraṃ suduḥkhitam | uvāca duḥkhanāśāya vākyaṃ tu sumanoharam
Seeing Rāmacandra, deeply grieved, restored to consciousness, he spoke a very pleasing speech to destroy his sorrow:
AI translation rendered from the Sanskrit, not a published edition
PdP 5 56.52
कोऽयं वै रजकः किंतु वाच्यं वाक्यं यथाब्रवीत् । जिह्वाच्छेदं करिष्यामि जानकीवाच्यकारिणः
ko'yaṃ vai rajakaḥ kiṃtu vācyaṃ vākyaṃ yathābravīt | jihvācchedaṃ kariṣyāmi jānakīvācyakāriṇaḥ
"Who indeed is this washerman, and what censurable word did he speak? I will cut out the tongue of him who speaks blame of Jānakī."
AI translation rendered from the Sanskrit, not a published edition
PdP 5 56.53
तदा रामोऽब्रवीद्वाक्यं रजकस्य मुखोद्गतम् । श्रुतं चारेण तत्सर्वं भरताय महात्मने
tadā rāmo'bravīdvākyaṃ rajakasya mukhodgatam | śrutaṃ cāreṇa tatsarvaṃ bharatāya mahātmane
Then Rāma repeated the words that had come from the washerman's mouth; all that, heard by the spy, (was reported) to the great-souled Bharata.
AI translation rendered from the Sanskrit, not a published edition — the model flagged this verse as uncertain
PdP 5 56.54
तच्छ्रुत्वा भरतः प्राह भ्रातरं दुःखशोकिनम् । जानकीवह्निशुद्धाभूल्लंकायां वीरपूजिता
tacchrutvā bharataḥ prāha bhrātaraṃ duḥkhaśokinam | jānakīvahniśuddhābhūllaṃkāyāṃ vīrapūjitā
Hearing that, Bharata said to his brother, who was stricken with grief and sorrow: "Jānakī was purified by fire in Laṅkā, and honoured by the heroes."
AI translation rendered from the Sanskrit, not a published edition
PdP 5 56.55
ब्रह्माब्रवीदियं शुद्धा पिता दशरथस्तव । कथं सा रजकोक्तित्वाद्धातव्या लोकपूजिता
brahmābravīdiyaṃ śuddhā pitā daśarathastava | kathaṃ sā rajakoktitvāddhātavyā lokapūjitā
"Brahmā declared her pure, and (so did) your father Daśaratha. How is she, honoured by the world, to be abandoned because of a washerman's word?"
AI translation rendered from the Sanskrit, not a published edition
PdP 5 56.56
ब्रह्मादिसंस्तुता कीर्तिस्तवलोकान्पुनाति हि । सा कथं रजकोक्त्या वै कलुषाद्य भविष्यति
brahmādisaṃstutā kīrtistavalokānpunāti hi | sā kathaṃ rajakoktyā vai kaluṣādya bhaviṣyati
"Your fame, praised by Brahmā and the others, indeed purifies the worlds. How then shall it become sullied today by a washerman's word?"
AI translation rendered from the Sanskrit, not a published edition
PdP 5 56.57
तस्मात्त्यज महादुःखं सीतावाच्यसमुद्भवम् । कुरु राज्यं तया सार्धमंतर्वत्न्या सुभाग्यया
tasmāttyaja mahāduḥkhaṃ sītāvācyasamudbhavam | kuru rājyaṃ tayā sārdhamaṃtarvatnyā subhāgyayā
"Therefore give up this great grief that has arisen from what was said about Sītā. Rule the kingdom together with her, who is pregnant and of good fortune."
AI translation rendered from the Sanskrit, not a published edition
PdP 5 56.58
त्वं कथं स्वशरीरं तु हातुमिच्छसि शोभनम् । वयं हताः स्म सर्वेऽद्य त्वां विना दुःखनाशकम्
tvaṃ kathaṃ svaśarīraṃ tu hātumicchasi śobhanam | vayaṃ hatāḥ sma sarve'dya tvāṃ vinā duḥkhanāśakam
"How can you wish to abandon your own fair body? We are all as good as slain today without you, the destroyer of sorrow."
AI translation rendered from the Sanskrit, not a published edition
PdP 5 56.59
क्षणं सीता न जीवेत त्वां विना सुमहोदया । तस्मात्पतिव्रता साकं भुनक्तु विपुलां श्रियम्
kṣaṇaṃ sītā na jīveta tvāṃ vinā sumahodayā | tasmātpativratā sākaṃ bhunaktu vipulāṃ śriyam
"Sītā of great splendour would not live a moment without you. Therefore let that devoted wife enjoy abundant prosperity along with (you)."
AI translation rendered from the Sanskrit, not a published edition
PdP 5 56.60
इति वाक्यं समाकर्ण्य भरतस्य च धार्मिकः । पुनरेव जगादेमं वाक्यं वाक्यविदां वरः
iti vākyaṃ samākarṇya bharatasya ca dhārmikaḥ | punareva jagādemaṃ vākyaṃ vākyavidāṃ varaḥ
Having heard this speech of Bharata, the righteous one, best among those skilled in speech, again spoke this word:
AI translation rendered from the Sanskrit, not a published edition
PdP 5 56.61
यत्त्वं कथयसि भ्रातस्तत्सर्वं धर्मसंयुतम् । परं यद्वच्म्यहं वाक्यं तत्कुरुष्व ममाज्ञया
yattvaṃ kathayasi bhrātastatsarvaṃ dharmasaṃyutam | paraṃ yadvacmyahaṃ vākyaṃ tatkuruṣva mamājñayā
"What you say, brother, is all in accord with dharma. But do, by my command, that word which I now speak."
AI translation rendered from the Sanskrit, not a published edition
PdP 5 56.62
जानाम्येनां वह्निशुद्धां पवित्रां लोकपूजिताम् । लोकापवादाद्भीतोऽहं त्यजामि स्वां तु जानकीम्
jānāmyenāṃ vahniśuddhāṃ pavitrāṃ lokapūjitām | lokāpavādādbhīto'haṃ tyajāmi svāṃ tu jānakīm
"I know her to be purified by fire, pure, honoured by the world; yet, afraid of the world's censure, I abandon my own Jānakī."
AI translation rendered from the Sanskrit, not a published edition
PdP 5 56.63
तस्मात्करे शितं धृत्वा करवालं सुदारुणम् । शिरश्छिंध्यथवा जायां जानकीं मुंच वै वने
tasmātkare śitaṃ dhṛtvā karavālaṃ sudāruṇam | śiraśchiṃdhyathavā jāyāṃ jānakīṃ muṃca vai vane
"Therefore, taking in your hand a sharpened, most terrible sword, either cut off my head, or else abandon my wife Jānakī in the forest."
AI translation rendered from the Sanskrit, not a published edition
PdP 5 56.64
इति वाक्यं समाकर्ण्य रामस्य भरतोऽपतत् । मूर्च्छितः सन्क्षितौ देहे कंपयुक्तः सबाष्पकः
iti vākyaṃ samākarṇya rāmasya bharato'patat | mūrcchitaḥ sankṣitau dehe kaṃpayuktaḥ sabāṣpakaḥ
Having heard this speech of Rāma, Bharata fell down, fainting, upon the ground, his body trembling and full of tears.
AI translation rendered from the Sanskrit, not a published edition