Padma Purana — Patala Khanda — Chapter 55
PdP 5 55.1
व्यास उवाच। एतां श्रुत्वा कथां रम्यां लवस्य बलिनो मुनिः । संशयानः पर्यपृच्छन्नागं दशशताननम्
vyāsa uvāca| etāṃ śrutvā kathāṃ ramyāṃ lavasya balino muniḥ | saṃśayānaḥ paryapṛcchannāgaṃ daśaśatānanam
Vyāsa said: Having heard this delightful story of the mighty Lava, the sage, being in doubt, questioned the thousand-mouthed serpent.
AI translation rendered from the Sanskrit, not a published edition
PdP 5 55.2
श्रीवात्स्यायन उवाच। त्वयोक्तं तु पुरा रामः सीतामेकाकिनीं वने । रजकस्य दुरुक्त्यासौ तत्याज महि लोलुपः
śrīvātsyāyana uvāca| tvayoktaṃ tu purā rāmaḥ sītāmekākinīṃ vane | rajakasya duruktyāsau tatyāja mahi lolupaḥ
Śrī Vātsyāyana said: But it was said by you before that Rāma, because of the washerman's ill speech, abandoned Sītā alone in the forest, being greedy for the earth.
AI translation rendered from the Sanskrit, not a published edition — the model flagged this verse as uncertain
PdP 5 55.3
जानक्यां क्व सुतौ जातौ क्व धनुर्धरतां गतौ । कथं च शिक्षिता विद्या यो रामहयमाहरत्
jānakyāṃ kva sutau jātau kva dhanurdharatāṃ gatau | kathaṃ ca śikṣitā vidyā yo rāmahayamāharat
Where were the two sons born to Jānakī, and where did they attain skill with the bow? And how was the science learned by him who carried off Rāma's horse?
AI translation rendered from the Sanskrit, not a published edition
PdP 5 55.4
व्यास उवाच। इति श्रुत्वा मुनेर्वाक्यं शेषो नागो महामतिः । प्रशस्य विप्रं जगदे रामचारित्रमद्भुतम्
vyāsa uvāca| iti śrutvā munervākyaṃ śeṣo nāgo mahāmatiḥ | praśasya vipraṃ jagade rāmacāritramadbhutam
Vyāsa said: Hearing the sage's words thus, the serpent Śeṣa, of great mind, praised the brahmin and related the wondrous deeds of Rāma.
AI translation rendered from the Sanskrit, not a published edition
PdP 5 55.5
शेष उवाच। रामो राज्यमयोध्यायां भ्रातृभिः सहितोऽकरोत् । धर्मेण पालयन्सर्वं क्षितिखंडं स्वया स्त्रिया
śeṣa uvāca| rāmo rājyamayodhyāyāṃ bhrātṛbhiḥ sahito'karot | dharmeṇa pālayansarvaṃ kṣitikhaṃḍaṃ svayā striyā
Śeṣa said: Rāma exercised kingship in Ayodhyā together with his brothers, protecting with dharma the whole portion of the earth, along with his own wife.
AI translation rendered from the Sanskrit, not a published edition
PdP 5 55.6
सीता दधार तद्वीर्यं मासाः पंचाभवंस्तदा । अत्यंतं शुशुभे देवी त्रयीव पुरुषं धरा
sītā dadhāra tadvīryaṃ māsāḥ paṃcābhavaṃstadā | atyaṃtaṃ śuśubhe devī trayīva puruṣaṃ dharā
Sītā bore that seed of his; five months then passed; the goddess shone exceedingly, like the threefold Veda bearing the Puruṣa, like the earth.
AI translation rendered from the Sanskrit, not a published edition — the model flagged this verse as uncertain
PdP 5 55.7
कदाचित्समये रामः पप्रच्छ च विदेहजाम् । कीदृशो दोहदः साध्वि मया ते साध्यते हि सः
kadācitsamaye rāmaḥ papraccha ca videhajām | kīdṛśo dohadaḥ sādhvi mayā te sādhyate hi saḥ
Once, at the (proper) time, Rāma asked the daughter of Videha: "What is your pregnancy-longing, virtuous one? For it shall be fulfilled by me."
AI translation rendered from the Sanskrit, not a published edition
PdP 5 55.8
रहस्येव तु सा पृष्टा त्रपमाणा पतिं सती । लज्जा गद्गद वाग्रामं निजगाद वचोऽमृतम्
rahasyeva tu sā pṛṣṭā trapamāṇā patiṃ satī | lajjā gadgada vāgrāmaṃ nijagāda vaco'mṛtam
Thus questioned as it were in private, the chaste woman, bashful before her husband, with voice faltering from modesty spoke nectar-like words to Rāma.
AI translation rendered from the Sanskrit, not a published edition
PdP 5 55.9
सीतोवाच। त्वत्कृपातो मया सर्वं भुक्तं भोक्ष्यामि शोभनम् । न कश्चिन्मानसे कांत विषयो ह्यतिरिच्यते
sītovāca| tvatkṛpāto mayā sarvaṃ bhuktaṃ bhokṣyāmi śobhanam | na kaścinmānase kāṃta viṣayo hyatiricyate
Sītā said: By your grace all that is fine has been enjoyed by me and will be enjoyed; not any object at all, my beloved, remains over in my mind.
AI translation rendered from the Sanskrit, not a published edition
PdP 5 55.10
यस्याभवादृशः स्वामी देवसंस्तुतसत्पदः । तस्याः सर्वं वरीवर्ति न किंचिदवशिष्यते
yasyābhavādṛśaḥ svāmī devasaṃstutasatpadaḥ | tasyāḥ sarvaṃ varīvarti na kiṃcidavaśiṣyate
She whose husband is one like you, whose good feet are praised by the gods — for her everything is constantly present; nothing at all is left wanting.
AI translation rendered from the Sanskrit, not a published edition
PdP 5 55.11
त्वमाग्रहात्पृच्छसि मां दोहदं मनसि स्थितम् । ब्रवीमि पुरतः सत्यं तव स्वामिन्मनोहर
tvamāgrahātpṛcchasi māṃ dohadaṃ manasi sthitam | bravīmi purataḥ satyaṃ tava svāminmanohara
You ask me insistently about the longing that stands in my mind; I speak the truth before you, my charming lord.
AI translation rendered from the Sanskrit, not a published edition
PdP 5 55.12
चिरं जातं मया सत्यो लोपामुद्रादिकाः स्त्रियः । दृष्ट्वा स्वामिन्मनो द्रष्टुं ता उत्सुकति सुंदरीः
ciraṃ jātaṃ mayā satyo lopāmudrādikāḥ striyaḥ | dṛṣṭvā svāminmano draṣṭuṃ tā utsukati suṃdarīḥ
"It has been long since I saw those true (chaste) women, Lopāmudrā and the rest; my mind, lord, is eager to behold those lovely ones."
AI translation rendered from the Sanskrit, not a published edition — the model flagged this verse as uncertain
PdP 5 55.13
राज्यं प्राप्ता त्वया सार्द्धमनेकसुखमास्थिता । कृतघ्नाहं कदापीह ता नमस्कर्तुमानसा
rājyaṃ prāptā tvayā sārddhamanekasukhamāsthitā | kṛtaghnāhaṃ kadāpīha tā namaskartumānasā
"I have obtained the kingdom together with you and dwell in manifold comfort; (yet) I am ungrateful, never once here minded to bow to them."
AI translation rendered from the Sanskrit, not a published edition
PdP 5 55.14
तत्र गत्वा तपःकोशान्वस्त्राद्यैः परिपूजये । रत्नानि चैव भास्वंति भूषा अपि समर्पये
tatra gatvā tapaḥkośānvastrādyaiḥ paripūjaye | ratnāni caiva bhāsvaṃti bhūṣā api samarpaye
"Going there I would worship those treasuries of austerity with garments and the rest, and I would present bright jewels and ornaments too."
AI translation rendered from the Sanskrit, not a published edition
PdP 5 55.15
यथा मे तोषिताः सत्यो ददत्याशीर्मनोहराः । एष मे दोहदः कांत परिपूरय मानसः
yathā me toṣitāḥ satyo dadatyāśīrmanoharāḥ | eṣa me dohadaḥ kāṃta paripūraya mānasaḥ
"So that the chaste women, being pleased with me, would give me lovely blessings — this is my pregnant longing, beloved; fulfil what is in my mind."
AI translation rendered from the Sanskrit, not a published edition
PdP 5 55.16
इत्थमाकर्ण्य वचनं सीतायाः सुमनोहरम् । जगाद परमप्रीतो रामचंद्रः प्रियां प्रति
itthamākarṇya vacanaṃ sītāyāḥ sumanoharam | jagāda paramaprīto rāmacaṃdraḥ priyāṃ prati
Having heard this most charming speech of Sītā, Rāmacandra, exceedingly pleased, spoke to his beloved.
AI translation rendered from the Sanskrit, not a published edition
PdP 5 55.17
धन्यासि जानकी प्रातर्गमिष्यसि तपोधनाः । प्रेक्ष्यतास्तु कृतार्था त्वमागमिष्यसि मेंऽतिकम्
dhanyāsi jānakī prātargamiṣyasi tapodhanāḥ | prekṣyatāstu kṛtārthā tvamāgamiṣyasi meṃ'tikam
"You are blessed, Jānakī; in the morning you shall go to those rich in austerity. Having seen them, with your purpose accomplished, you will come back to me."
AI translation rendered from the Sanskrit, not a published edition
PdP 5 55.18
इति रामवचः श्रुत्वा परमां प्रीतिमाप सा । प्रातर्मम भवत्यद्धा तापसीनां समीक्षणम्
iti rāmavacaḥ śrutvā paramāṃ prītimāpa sā | prātarmama bhavatyaddhā tāpasīnāṃ samīkṣaṇam
Hearing these words of Rāma, she attained the highest joy: "In the morning, indeed, the sight of the ascetic women will be mine."
AI translation rendered from the Sanskrit, not a published edition
PdP 5 55.19
अथ तन्निशि रामेण चाराः कीर्तिं निजां श्रुताम् । प्रेक्षितुं प्रेषितास्ते तु निशीथे ह्यगमनञ्छनैः
atha tanniśi rāmeṇa cārāḥ kīrtiṃ nijāṃ śrutām | prekṣituṃ preṣitāste tu niśīthe hyagamanañchanaiḥ
Then, on that night, spies were sent by Rāma to observe his own fame as it was spoken of; and at midnight they went about softly.
AI translation rendered from the Sanskrit, not a published edition
PdP 5 55.20
ते प्रत्यहं रामकथाः शृण्वंतः सुमनोहराः । तद्दिने गतवंतस्तु धनाढ्यस्य गृहं महत्
te pratyahaṃ rāmakathāḥ śṛṇvaṃtaḥ sumanoharāḥ | taddine gatavaṃtastu dhanāḍhyasya gṛhaṃ mahat
Day after day, listening to the most delightful stories of Rāma, on that day they came to the great house of a wealthy man.
AI translation rendered from the Sanskrit, not a published edition
PdP 5 55.21
दीपं वीक्ष्य प्रज्वलंतं वचनं वीक्ष्य मानुषम् । स्थितास्तत्र क्षणं चाराः समशृण्वन्यशो भृशम्
dīpaṃ vīkṣya prajvalaṃtaṃ vacanaṃ vīkṣya mānuṣam | sthitāstatra kṣaṇaṃ cārāḥ samaśṛṇvanyaśo bhṛśam
Seeing a lamp blazing (and) noticing human speech, the spies stood there a moment and heard much of his glory.
AI translation rendered from the Sanskrit, not a published edition
PdP 5 55.22
तत्र काचन वामाक्षी बालकं प्रति हर्षिता । स्तनं धयंतं निजगौ वाक्यं तु सुमनोहरम्
tatra kācana vāmākṣī bālakaṃ prati harṣitā | stanaṃ dhayaṃtaṃ nijagau vākyaṃ tu sumanoharam
There a certain fair-eyed woman, delighted, spoke a most charming utterance to her child who was sucking at her breast.
AI translation rendered from the Sanskrit, not a published edition
PdP 5 55.23
पिब पुत्र यथेष्टं त्वं स्तन्यं मम मनोहरम् । पश्चात्तव सुदुष्प्रापं भविष्यति ममात्मज
piba putra yatheṣṭaṃ tvaṃ stanyaṃ mama manoharam | paścāttava suduṣprāpaṃ bhaviṣyati mamātmaja
"Drink, son, as much as you wish, my sweet breast-milk; afterwards, my child, it will be very hard for you to get."
AI translation rendered from the Sanskrit, not a published edition
PdP 5 55.24
एतत्पुर्याः पती रामो नीलोत्पलदलप्रभः । तत्पुरीस्थजनानां तु न भविष्यति वै जनुः
etatpuryāḥ patī rāmo nīlotpaladalaprabhaḥ | tatpurīsthajanānāṃ tu na bhaviṣyati vai januḥ
"The lord of this city is Rāma, whose radiance is like a blue lotus petal; for the people dwelling in that city there will be no (further) birth."
AI translation rendered from the Sanskrit, not a published edition
PdP 5 55.25
जन्माभावात्कथं पानं स्तन्यस्य भुवि जायते । तस्मात्पिब मुहुः स्तन्यं दुर्ल्लभं हृदि मन्य च
janmābhāvātkathaṃ pānaṃ stanyasya bhuvi jāyate | tasmātpiba muhuḥ stanyaṃ durllabhaṃ hṛdi manya ca
"With no birth, how can the drinking of breast-milk come about on earth? Therefore drink the milk again and again, and consider it hard to obtain in your heart."
AI translation rendered from the Sanskrit, not a published edition
PdP 5 55.26
ये श्रीरामं स्मरिष्यंति ध्यायंति च वदंति ये । तेषामपि पयःपानं न भविष्यति जातुचित्
ye śrīrāmaṃ smariṣyaṃti dhyāyaṃti ca vadaṃti ye | teṣāmapi payaḥpānaṃ na bhaviṣyati jātucit
"Those who will remember Śrī Rāma, and those who meditate on him and speak of him — for them too there will never be any drinking of milk."
AI translation rendered from the Sanskrit, not a published edition
PdP 5 55.27
इत्यादिवाक्यं संश्रुत्य श्रीरामयशसोऽमृतम् । हर्षिताः प्रययुर्गेहमन्यद्भाग्यवतो महत्
ityādivākyaṃ saṃśrutya śrīrāmayaśaso'mṛtam | harṣitāḥ prayayurgehamanyadbhāgyavato mahat
Having heard such words, the nectar of Śrī Rāma's fame, they went delighted to another great house of a fortunate man.
AI translation rendered from the Sanskrit, not a published edition
PdP 5 55.28
तावदन्यश्चरस्तत्र मनोरममिदं गृहम् । मत्वा तिष्ठन्हि रामस्य क्षणं शुश्रूषया यशः
tāvadanyaścarastatra manoramamidaṃ gṛham | matvā tiṣṭhanhi rāmasya kṣaṇaṃ śuśrūṣayā yaśaḥ
Meanwhile another spy there, thinking this house delightful, stood listening for a moment to Rāma's fame.
AI translation rendered from the Sanskrit, not a published edition
PdP 5 55.29
तत्र काचिन्निजं कांतं पर्यंकोपरि सुस्थितम् । तांबूलं चर्वती दत्तं भर्त्तास्नेहेन सुंदरी
tatra kācinnijaṃ kāṃtaṃ paryaṃkopari susthitam | tāṃbūlaṃ carvatī dattaṃ bharttāsnehena suṃdarī
There a certain beautiful woman, (seeing) her own husband well settled upon the couch, was chewing the betel given her by her husband out of affection.
AI translation rendered from the Sanskrit, not a published edition
PdP 5 55.30
कंकणस्वरशोभाढ्या कर्पूरागरुधूपिता । कांतं वीक्ष्य चलन्नेत्रा कामरूपमवोचत
kaṃkaṇasvaraśobhāḍhyā karpūrāgarudhūpitā | kāṃtaṃ vīkṣya calannetrā kāmarūpamavocata
Rich in the splendour of the sound of her bangles, perfumed with camphor and aloe incense, gazing at her husband with moving eyes, she spoke to him who was like Kāma in form.
AI translation rendered from the Sanskrit, not a published edition
PdP 5 55.31
नाथ त्वं तादृशो मह्यं भासि यादृग्रघोः पतिः । अत्यंतं सुंदरतरं वपुर्बिभ्रत्सुकोमलम्
nātha tvaṃ tādṛśo mahyaṃ bhāsi yādṛgraghoḥ patiḥ | atyaṃtaṃ suṃdarataraṃ vapurbibhratsukomalam
"Husband, you appear to me just such as the lord of the Raghus is — bearing an exceedingly beautiful, very tender body."
AI translation rendered from the Sanskrit, not a published edition
PdP 5 55.32
पद्मप्रांतं नेत्रयुग्मं वक्षो मोहनविस्तृतम् । भुजौ च सांगदौ बिभ्रत्साक्षाद्राम इवासि मे
padmaprāṃtaṃ netrayugmaṃ vakṣo mohanavistṛtam | bhujau ca sāṃgadau bibhratsākṣādrāma ivāsi me
With your pair of eyes edged like a lotus, your chest broad and bewitching, and your two arms bearing armlets — you are to me as if Rāma himself.
AI translation rendered from the Sanskrit, not a published edition
PdP 5 55.33
इति वाक्यं समाकर्ण्य कांतायाः सुमनोहरम् । उवाच नेत्रयोः प्रांतं नर्तयन्कामसुंदरः
iti vākyaṃ samākarṇya kāṃtāyāḥ sumanoharam | uvāca netrayoḥ prāṃtaṃ nartayankāmasuṃdaraḥ
Having heard this most charming speech of his beloved, he spoke, making the corners of his eyes dance, lovely as Kāma.
AI translation rendered from the Sanskrit, not a published edition
PdP 5 55.34
शृणु कांते त्वया प्रोक्तं साध्व्या तु सुमनोहरम् । पतिव्रतानां तद्योग्यं स्वकांतो राम एव हि
śṛṇu kāṃte tvayā proktaṃ sādhvyā tu sumanoharam | pativratānāṃ tadyogyaṃ svakāṃto rāma eva hi
Listen, beloved: what you, a virtuous woman, have said is most charming; for chaste wives that is fitting — one's own husband is indeed Rāma.
AI translation rendered from the Sanskrit, not a published edition
PdP 5 55.35
परं क्वाहं मंदभाग्यः क्व रामो भाग्यवान्महान् । क्व चाहं कीटवत्तुच्छः क्व ब्रह्मादिसुरार्चितः
paraṃ kvāhaṃ maṃdabhāgyaḥ kva rāmo bhāgyavānmahān | kva cāhaṃ kīṭavattucchaḥ kva brahmādisurārcitaḥ
But where am I, of meagre fortune, and where Rāma, greatly fortunate? And where am I, paltry as an insect, and where he who is worshipped by Brahmā and the (other) gods?
AI translation rendered from the Sanskrit, not a published edition
PdP 5 55.36
खद्योतः क्व नभोरत्नं शलभः क्व नु पामरः । गजारिः क्व मृगेंद्रोऽसौ शशकः क्व नु मंदधीः
khadyotaḥ kva nabhoratnaṃ śalabhaḥ kva nu pāmaraḥ | gajāriḥ kva mṛgeṃdro'sau śaśakaḥ kva nu maṃdadhīḥ
Where the firefly and where the jewel of the sky (the sun)? Where the wretched moth? Where that lion, the enemy of elephants, and where the dull-witted hare?
AI translation rendered from the Sanskrit, not a published edition
PdP 5 55.37
क्व च सा जाह्नवी देवी क्व रथ्या जलमुत्पथम् । क्व मेरुः सुरसंवासः क्व गुंजापुंजकोल्पकः
kva ca sā jāhnavī devī kva rathyā jalamutpatham | kva meruḥ surasaṃvāsaḥ kva guṃjāpuṃjakolpakaḥ
And where is that goddess Jāhnavī (Gaṅgā), and where street-water running off the road? Where Meru, the dwelling of the gods, and where a tiny heap of guñjā berries?
AI translation rendered from the Sanskrit, not a published edition
PdP 5 55.38
तथाहं क्व क्व रामोऽसौ यत्पादरजसांगना । शिलीभूता क्षणाज्जाता ब्रह्ममोहनरूपधृक्
tathāhaṃ kva kva rāmo'sau yatpādarajasāṃganā | śilībhūtā kṣaṇājjātā brahmamohanarūpadhṛk
So too, where am I and where that Rāma, by the dust of whose feet a woman who had become stone was in an instant made to bear a form that bewilders Brahmā?
AI translation rendered from the Sanskrit, not a published edition
PdP 5 55.39
इति वाक्यं प्रब्रुवाणं परिरेभे निजं पतिम् । जातकामा हृतप्रेम्णा नर्तित भ्रू धनुर्धरा
iti vākyaṃ prabruvāṇaṃ parirebhe nijaṃ patim | jātakāmā hṛtapremṇā nartita bhrū dhanurdharā
As he was speaking these words she embraced her own husband, desire arisen in her, love having carried (her away), her brows made to dance like drawn bows.
AI translation rendered from the Sanskrit, not a published edition — the model flagged this verse as uncertain
PdP 5 55.40
इत्यादि वाक्यं संश्रुत्य गतश्चान्यनिवेशनम् । तावदन्यश्चरो वाक्यं शुश्राव यशसान्वितम्
ityādi vākyaṃ saṃśrutya gataścānyaniveśanam | tāvadanyaścaro vākyaṃ śuśrāva yaśasānvitam
Having heard this and other such talk, the spy went to another dwelling; and there another spy heard words full of (Rāma's) glory.
AI translation rendered from the Sanskrit, not a published edition
PdP 5 55.41
काचित्पुष्पमयीं शय्यां चंदनं सह चंद्रकम् । सर्वं विधाय कामार्हं जगाद वचनं पतिम्
kācitpuṣpamayīṃ śayyāṃ caṃdanaṃ saha caṃdrakam | sarvaṃ vidhāya kāmārhaṃ jagāda vacanaṃ patim
A certain woman, having prepared everything fit for love — a bed made of flowers, sandal paste together with camphor — spoke these words to her husband:
AI translation rendered from the Sanskrit, not a published edition
PdP 5 55.42
पते कुरुष्व भोगार्हे शयनं पुष्पमंचके । चंदनादिकलेपं च तथा भोगमनेकधा
pate kuruṣva bhogārhe śayanaṃ puṣpamaṃcake | caṃdanādikalepaṃ ca tathā bhogamanekadhā
Husband, take your rest on the flower-couch fit for enjoyment, and the anointing with sandal and the rest, and enjoyment of many kinds.
AI translation rendered from the Sanskrit, not a published edition
PdP 5 55.43
त्वादृशा एव भोगार्हा न च रामपराङ्मुखाः । सर्वं रामकृपाप्राप्तमुपभुंक्ष्व यथातथम्
tvādṛśā eva bhogārhā na ca rāmaparāṅmukhāḥ | sarvaṃ rāmakṛpāprāptamupabhuṃkṣva yathātatham
Only such as you are fit for enjoyment, and not those who turn their faces from Rāma; enjoy properly all this, which has been obtained by Rāma's grace.
AI translation rendered from the Sanskrit, not a published edition
PdP 5 55.44
मत्सदृशी कामिनी ते चंदनं तापहारकम् । पर्यंकः पुष्परचितः सर्वं रामकृपाभवम्
matsadṛśī kāminī te caṃdanaṃ tāpahārakam | paryaṃkaḥ puṣparacitaḥ sarvaṃ rāmakṛpābhavam
A lover like me is yours, and sandal paste that removes the heat, and a couch made of flowers — all of it has come from Rāma's grace.
AI translation rendered from the Sanskrit, not a published edition
PdP 5 55.45
ये रामं न भजिष्यंति ते नरा जठरं स्वयम् । न भर्तुं शक्नुवंत्येव वस्त्रभोगादि वर्जिताः
ye rāmaṃ na bhajiṣyaṃti te narā jaṭharaṃ svayam | na bhartuṃ śaknuvaṃtyeva vastrabhogādi varjitāḥ
Those men who will not worship Rāma cannot even fill their own bellies, being deprived of clothing, enjoyments and the rest.
AI translation rendered from the Sanskrit, not a published edition
PdP 5 55.46
इति ब्रुवंतीं महिलां हर्षितः पतिरब्रवीत् । सर्वं तथ्यं ब्रवीषि त्वं मम रामकृपाभवम्
iti bruvaṃtīṃ mahilāṃ harṣitaḥ patirabravīt | sarvaṃ tathyaṃ bravīṣi tvaṃ mama rāmakṛpābhavam
To the woman speaking thus the husband, delighted, said: You speak all this truly — it is mine by Rāma's grace.
AI translation rendered from the Sanskrit, not a published edition
PdP 5 55.47
इत्येवं रामभद्रस्य यशः श्रुत्वा गतश्चरः । तावदन्यस्य वेश्मस्थश्चरोऽन्य शुश्रुवे वचः
ityevaṃ rāmabhadrasya yaśaḥ śrutvā gataścaraḥ | tāvadanyasya veśmasthaścaro'nya śuśruve vacaḥ
Having thus heard the glory of Rāmabhadra, the spy went off; and meanwhile another spy, standing in another's house, heard (these) words.
AI translation rendered from the Sanskrit, not a published edition
PdP 5 55.48
काचित्कांतेन पर्यंके वीणावादनतत्परा । कांतेन रामसत्कीर्तिं गायमाना पतिं जगौ
kācitkāṃtena paryaṃke vīṇāvādanatatparā | kāṃtena rāmasatkīrtiṃ gāyamānā patiṃ jagau
A certain woman, on a couch with her lover, intent on playing the vīṇā, singing with her lover the true fame of Rāma, sang to her husband:
AI translation rendered from the Sanskrit, not a published edition
PdP 5 55.49
स्वामिन्वयं धन्यतमा येषां पुर्याः पतिः प्रभुः । श्रीरामः स्वप्रजाः पुत्रानिव पाति च रक्षकः
svāminvayaṃ dhanyatamā yeṣāṃ puryāḥ patiḥ prabhuḥ | śrīrāmaḥ svaprajāḥ putrāniva pāti ca rakṣakaḥ
My lord, these are the most blessed, whose city's lord and master is Śrī Rāma, who as protector guards his own subjects like sons.
AI translation rendered from the Sanskrit, not a published edition
PdP 5 55.50
यो महत्कर्मदुःसाध्यं कृतवान्सुलभं न तत् । समुद्रं यो निजग्राह सेतुं तत्र बबंध च
yo mahatkarmaduḥsādhyaṃ kṛtavānsulabhaṃ na tat | samudraṃ yo nijagrāha setuṃ tatra babaṃdha ca
He who accomplished the great deed that was hard to accomplish — and that was no easy thing; who subdued the ocean and built a bridge upon it;
AI translation rendered from the Sanskrit, not a published edition
PdP 5 55.51
रावणं यो रिपुं हत्वा लंकां संभज्य वानरैः । जानकीमाजहारात्र महदाचारमाचरत्
rāvaṇaṃ yo ripuṃ hatvā laṃkāṃ saṃbhajya vānaraiḥ | jānakīmājahārātra mahadācāramācarat
who, having slain the enemy Rāvaṇa and, with the monkeys, taken possession of Laṅkā, brought Jānakī back here — he practised a great standard of conduct.
AI translation rendered from the Sanskrit, not a published edition
PdP 5 55.52
इति प्रोक्तं समाकर्ण्य वचः सुमधुराक्षरम् । पतिः स्मितं चकारेमां वाक्यं पुनरथाब्रवीत्
iti proktaṃ samākarṇya vacaḥ sumadhurākṣaram | patiḥ smitaṃ cakāremāṃ vākyaṃ punarathābravīt
Having heard this speech, spoken with very sweet syllables, the husband smiled and then spoke this word again:
AI translation rendered from the Sanskrit, not a published edition
PdP 5 55.53
मुग्धेनेदं महत्कर्म रामचंद्रस्य भामिनी । दशाननवधादीनि समुद्र दमनानि च
mugdhenedaṃ mahatkarma rāmacaṃdrasya bhāminī | daśānanavadhādīni samudra damanāni ca
"O lovely woman, only a deluded person (thinks) this a great deed of Rāmacandra — the slaying of the ten-faced one and the rest, and the subduing of the ocean.
AI translation rendered from the Sanskrit, not a published edition — the model flagged this verse as uncertain
PdP 5 55.54
लीलयायोऽवनिं प्राप्तो ब्रह्मादिप्रार्थितो महान् । करोति सच्चरित्राणि महापापहराणि च
līlayāyo'vaniṃ prāpto brahmādiprārthito mahān | karoti saccaritrāṇi mahāpāpaharāṇi ca
He, the great one, entreated by Brahmā and the other (gods), who came to the earth in sport, performs good deeds that take away great sins.
AI translation rendered from the Sanskrit, not a published edition
PdP 5 55.55
मा जानीहि नरं रामं कौसल्यानंददायकम् । सृजत्यवति हंत्येतद्विश्वं लीलात्तमानुषः
mā jānīhi naraṃ rāmaṃ kausalyānaṃdadāyakam | sṛjatyavati haṃtyetadviśvaṃ līlāttamānuṣaḥ
Do not think Rāma, the giver of joy to Kausalyā, to be a man: he creates, protects and destroys this universe, having taken on human (form) in play.
AI translation rendered from the Sanskrit, not a published edition
PdP 5 55.56
धन्या वयं ये रामस्य पश्यामो मुखपंकजम् । ब्रह्मादिसुरदुर्दर्शं महत्पुण्यकृतो वयम्
dhanyā vayaṃ ye rāmasya paśyāmo mukhapaṃkajam | brahmādisuradurdarśaṃ mahatpuṇyakṛto vayam
Blessed are we who behold the lotus-face of Rāma, hard to be seen by Brahmā and the other gods; we are doers of great merit."
AI translation rendered from the Sanskrit, not a published edition
PdP 5 55.57
अशृणोद्रामचंद्रस्य चरित्रं श्रुतिसौख्यदम् । इत्यादिवाक्यं शुश्राव चारो द्वारिस्थितो मुहुः
aśṛṇodrāmacaṃdrasya caritraṃ śrutisaukhyadam | ityādivākyaṃ śuśrāva cāro dvāristhito muhuḥ
(The spy) heard the story of Rāmacandra, which gives delight to the ear; such speech the spy, standing at the door, heard again and again.
AI translation rendered from the Sanskrit, not a published edition
PdP 5 55.58
अन्यो ह्यन्यं गृहं गत्वा तस्थौ श्रोतुं हरेर्यशः । तत्रापि रामभद्रस्य यशः शुश्राव शोभनम्
anyo hyanyaṃ gṛhaṃ gatvā tasthau śrotuṃ hareryaśaḥ | tatrāpi rāmabhadrasya yaśaḥ śuśrāva śobhanam
Another (spy), having gone to another house, stood there to hear the fame of Hari; there too he heard the splendid fame of Rāmabhadra.
AI translation rendered from the Sanskrit, not a published edition
PdP 5 55.59
खेलंती स्वामिना सार्धं द्यूतेन सुमनोहरा । उवाच वाक्यं मधुरं नर्तयंतीव कंकणे
khelaṃtī svāminā sārdhaṃ dyūtena sumanoharā | uvāca vākyaṃ madhuraṃ nartayaṃtīva kaṃkaṇe
A very charming woman, playing at dice together with her husband, spoke a sweet word, making her bracelets dance, as it were:
AI translation rendered from the Sanskrit, not a published edition
PdP 5 55.60
जितं मया कांत जवेन सर्वं । करिष्यसि त्वं किमु हारिमानसः । इत्यादि वाक्यं परिहासपूर्वकं । कृत्वा स्वकांतं परिषस्वजे मुदा
jitaṃ mayā kāṃta javena sarvaṃ | kariṣyasi tvaṃ kimu hārimānasaḥ | ityādi vākyaṃ parihāsapūrvakaṃ | kṛtvā svakāṃtaṃ pariṣasvaje mudā
"Beloved, everything has been won by me at a stroke; what will you do, you whose mind is charmed?" — having said such words in jest, she joyfully embraced her husband.
AI translation rendered from the Sanskrit, not a published edition — the model flagged this verse as uncertain
PdP 5 55.61
उवाच कांतश्चार्वंगि जितमेव सुशोभने । रामं मे स्मरतो नित्यं न कुत्रापि पराजयः
uvāca kāṃtaścārvaṃgi jitameva suśobhane | rāmaṃ me smarato nityaṃ na kutrāpi parājayaḥ
The husband said: "O fair-limbed, beautiful one, it is indeed won (by you); (but) for me, who constantly remember Rāma, there is no defeat anywhere.
AI translation rendered from the Sanskrit, not a published edition
PdP 5 55.62
इदानीं त्वां तु जेष्यामि रामं स्मृत्वा मनोहरम् । देवा यथा पुरा स्मृत्वा दितिजानजयन्क्षणात्
idānīṃ tvāṃ tu jeṣyāmi rāmaṃ smṛtvā manoharam | devā yathā purā smṛtvā ditijānajayankṣaṇāt
Now I shall conquer you, remembering the charming Rāma, just as the gods of old, having remembered (him), conquered the sons of Diti in an instant."
AI translation rendered from the Sanskrit, not a published edition
PdP 5 55.63
एवमुक्त्वा पाशकानां परिवर्तनमाकरोत् । तावज्जयं प्रपेदेऽसौ हर्षितो वाक्यमब्रवीत्
evamuktvā pāśakānāṃ parivartanamākarot | tāvajjayaṃ prapede'sau harṣito vākyamabravīt
Having spoken thus, he made the throw of the dice; and at once he obtained victory, and, delighted, he spoke these words:
AI translation rendered from the Sanskrit, not a published edition
PdP 5 55.64
मम प्रोक्तमृतं जातं जिता त्वं नवयौवना । रामस्मारी कदाप्येव न भवेद्रिपुतो भयी
mama proktamṛtaṃ jātaṃ jitā tvaṃ navayauvanā | rāmasmārī kadāpyeva na bhavedriputo bhayī
"What I said has come true: you, in your fresh youth, are defeated. One who remembers Rāma would never at all be afraid of an enemy."
AI translation rendered from the Sanskrit, not a published edition
PdP 5 55.65
इत्येवं तौ वदंतौ च परस्परमथोत्सुकौ । परिरभ्य दृढं प्रेम्णा ततश्चारो गतो गृहम्
ityevaṃ tau vadaṃtau ca parasparamathotsukau | parirabhya dṛḍhaṃ premṇā tataścāro gato gṛham
As the two, eager for one another, were speaking thus, they embraced firmly with love; and then the spy went home.
AI translation rendered from the Sanskrit, not a published edition
PdP 5 55.66
एवं पंचमहाचारा राज्ञः संश्रुत्य वै यशः । परस्परं प्रशंसंतो गेहं स्वं स्वं ययुर्मुदा
evaṃ paṃcamahācārā rājñaḥ saṃśrutya vai yaśaḥ | parasparaṃ praśaṃsaṃto gehaṃ svaṃ svaṃ yayurmudā
Thus the five (spies), having heard the fame of the king, praising (it) to one another, went joyfully each to his own house.
AI translation rendered from the Sanskrit, not a published edition
PdP 5 55.67
एकः षष्ठश्चरः कारुगेहानालोक्य तत्र ह । जगाम श्रोतुकामोऽसौ यशो राज्ञो महीपतेः
ekaḥ ṣaṣṭhaścaraḥ kārugehānālokya tatra ha | jagāma śrotukāmo'sau yaśo rājño mahīpateḥ
One, the sixth spy, having looked over the houses of the artisans there, went, desiring to hear the fame of the king, the lord of the earth.
AI translation rendered from the Sanskrit, not a published edition
PdP 5 55.68
रजकः क्रोधसंस्पृष्टो भार्यामन्यगृहोषिताम् । पदा संताडयामास धिक्कुर्वञ्छोणनेत्रवान्
rajakaḥ krodhasaṃspṛṣṭo bhāryāmanyagṛhoṣitām | padā saṃtāḍayāmāsa dhikkurvañchoṇanetravān
A washerman, seized by anger, red-eyed, kicked with his foot his wife who had stayed in another's house, reviling her:
AI translation rendered from the Sanskrit, not a published edition
PdP 5 55.69
गच्छ त्वं मद्गृहात्तस्य गेहं यत्रोषिता दिनम् । नाहं गृह्णामि भवतीं दुष्टां वचनलंघिनीम्
gaccha tvaṃ madgṛhāttasya gehaṃ yatroṣitā dinam | nāhaṃ gṛhṇāmi bhavatīṃ duṣṭāṃ vacanalaṃghinīm
"Go from my house to the house of that man where you stayed the day. I will not take you back, wicked one, transgressor of my word."
AI translation rendered from the Sanskrit, not a published edition
PdP 5 55.70
तदास्य माता प्रोवाच मा त्यजैनां गृहागताम् । अपराधेन रहितां दुष्टकर्मविवर्जिताम्
tadāsya mātā provāca mā tyajaināṃ gṛhāgatām | aparādhena rahitāṃ duṣṭakarmavivarjitām
Then his mother said: "Do not abandon her, who has come to the house, who is free of offence and devoid of any evil deed."
AI translation rendered from the Sanskrit, not a published edition
PdP 5 55.71
मातरं प्रत्युवाचाथ रजकः क्रोधसंयुतः । नाहं रामइव प्रेष्ठां गृह्णाम्यन्यगृहोषिताम्
mātaraṃ pratyuvācātha rajakaḥ krodhasaṃyutaḥ | nāhaṃ rāmaiva preṣṭhāṃ gṛhṇāmyanyagṛhoṣitām
Then the washerman, filled with anger, replied to his mother: "I am no Rāma, that I should take back a beloved who has stayed in another's house."
AI translation rendered from the Sanskrit, not a published edition
PdP 5 55.72
स राजा यत्करोत्येव तत्सर्वं नीतिमद्भवेत् । अहं गृह्णामि नो भार्यां परवेश्मनि संस्थिताम्
sa rājā yatkarotyeva tatsarvaṃ nītimadbhavet | ahaṃ gṛhṇāmi no bhāryāṃ paraveśmani saṃsthitām
"Whatever that king does, all of it may pass for statecraft; but I do not take back a wife who has stayed in another man's house."
AI translation rendered from the Sanskrit, not a published edition
PdP 5 55.73
पुनःपुनरुवाचेदं नाहं रामो महीश्वरः । यः परस्य गृहे संस्थां जानकीं वै ररक्ष सः
punaḥpunaruvācedaṃ nāhaṃ rāmo mahīśvaraḥ | yaḥ parasya gṛhe saṃsthāṃ jānakīṃ vai rarakṣa saḥ
Again and again he said this: "I am not Rama, the lord of the earth, who indeed protected Janaki when she had stayed in another's house."
AI translation rendered from the Sanskrit, not a published edition
PdP 5 55.74
इति वाक्यं समाश्रुत्य चारः क्रोधपरिप्लुतः । खड्गं गृहीत्वा स्वकरे तं हंतुं विदधे मनः
iti vākyaṃ samāśrutya cāraḥ krodhapariplutaḥ | khaḍgaṃ gṛhītvā svakare taṃ haṃtuṃ vidadhe manaḥ
Hearing this speech, the spy, overwhelmed with anger, took a sword in his own hand and set his mind on killing him.
AI translation rendered from the Sanskrit, not a published edition
PdP 5 55.75
स रामोक्तं च सस्मार न वध्यः कोपि मे जनः । इति ज्ञात्वा सरोषं तु संजहार महामनाः
sa rāmoktaṃ ca sasmāra na vadhyaḥ kopi me janaḥ | iti jñātvā saroṣaṃ tu saṃjahāra mahāmanāḥ
But he remembered what Rama had said: "No person is to be killed by me"; knowing this, the great-minded one restrained his rage.
AI translation rendered from the Sanskrit, not a published edition
PdP 5 55.76
तदा श्रुत्वा सुदुःखार्तः पंचचारा यतः स्थिताः । ततो गतः प्रकुपितो निःश्वसन्मुहुरुच्छ्वसन्
tadā śrutvā suduḥkhārtaḥ paṃcacārā yataḥ sthitāḥ | tato gataḥ prakupito niḥśvasanmuhurucchvasan
Then, having heard (this), stricken with great grief, he went, enraged, from where the five spies were standing, sighing and breathing hard again and again.
AI translation rendered from the Sanskrit, not a published edition — the model flagged this verse as uncertain
PdP 5 55.77
ते वै परस्परं तत्र मिलितास्तु समब्रुवन् । स्वश्रुतं रामचरितं सर्वलोकैकपूजितम्
te vai parasparaṃ tatra militāstu samabruvan | svaśrutaṃ rāmacaritaṃ sarvalokaikapūjitam
Having met together there, they spoke to one another of Rama's deeds as they had heard them, honored as unique by all the world.
AI translation rendered from the Sanskrit, not a published edition
PdP 5 55.78
ते तद्भाषितमाकर्ण्य परस्परममंत्रयन् । न वाच्यं रघुनाथाया वाच्यं दुष्टजनोदितम्
te tadbhāṣitamākarṇya parasparamamaṃtrayan | na vācyaṃ raghunāthāyā vācyaṃ duṣṭajanoditam
Hearing what he had said, they took counsel with one another: "What was uttered by that evil man is not to be told to the lord of the Raghus."
AI translation rendered from the Sanskrit, not a published edition
PdP 5 55.79
इति संमंत्र्य ते गेहं गत्वा सुषुपुरुत्सुकाः । प्राता राज्ञे प्रशंसाम इति बुद्ध्या व्यवस्थिताः
iti saṃmaṃtrya te gehaṃ gatvā suṣupurutsukāḥ | prātā rājñe praśaṃsāma iti buddhyā vyavasthitāḥ
Having thus taken counsel, they went home and slept, eager; "in the morning we shall speak praise to the king"—with this thought they settled.
AI translation rendered from the Sanskrit, not a published edition