Padma Purana — Patala Khanda — Chapter 53

PdP 5 53.1

सुग्रीवस्तु तत्कटकं भग्नं वीक्ष्य रणांगणे । स्वामिनं मूर्च्छितं वापि ययौ योद्धुं नृपं प्रति

sugrīvastu tatkaṭakaṃ bhagnaṃ vīkṣya raṇāṃgaṇe | svāminaṃ mūrcchitaṃ vāpi yayau yoddhuṃ nṛpaṃ prati

But Sugrīva, seeing that army broken on the battlefield, and his master too in a swoon, went to fight against the king.

AI translation rendered from the Sanskrit, not a published edition

PdP 5 53.2

आगच्छ भूप सर्वान्नो मूर्च्छयित्वा कुतो भवान् । गच्छति क्षिप्रं मां देहि युद्धं रणविशारद

āgaccha bhūpa sarvānno mūrcchayitvā kuto bhavān | gacchati kṣipraṃ māṃ dehi yuddhaṃ raṇaviśārada

"Come, O king! Having made us all swoon, where are you going? Give me battle at once, O you skilled in war!"

AI translation rendered from the Sanskrit, not a published edition

PdP 5 53.3

एवमुक्त्वा नगं कंचिद्विशालं शाखया युतम् । उत्पाट्य प्राहरत्तस्य मस्तके बलसंयुतः

evamuktvā nagaṃ kaṃcidviśālaṃ śākhayā yutam | utpāṭya prāharattasya mastake balasaṃyutaḥ

Having spoken thus, he tore up some huge tree with its branches and, filled with strength, struck it on his head.

AI translation rendered from the Sanskrit, not a published edition

PdP 5 53.4

तेन प्रहारेण महाबलो नृपः । संवीक्ष्यसु ग्रीवमथो स्वचापे । बाणान्समाधाय शितान्सरोषा । ज्जघान वक्षस्यतिपौरुषो बली

tena prahāreṇa mahābalo nṛpaḥ | saṃvīkṣyasu grīvamatho svacāpe | bāṇānsamādhāya śitānsaroṣā | jjaghāna vakṣasyatipauruṣo balī

At that blow the mighty king, the exceedingly manly strong one, looking at Sugrīva, then fitting sharpened arrows to his own bow, in anger struck (him) on the chest.

AI translation rendered from the Sanskrit, not a published edition

PdP 5 53.5

तान्बाणान्व्यधमत्सर्वान्सुग्रीवः सहसा हसन् । ताडयामास हृदये सुरथं सुमहाबलः

tānbāṇānvyadhamatsarvānsugrīvaḥ sahasā hasan | tāḍayāmāsa hṛdaye surathaṃ sumahābalaḥ

Sugrīva of very great strength, laughing, at once shattered all those arrows and struck Suratha on the heart.

AI translation rendered from the Sanskrit, not a published edition

PdP 5 53.6

पर्वतैः शिखरैश्चैव नगैर्द्विरदवर्ष्मभिः । वेगात्संताडयामास दारयन्सुरथं नखैः

parvataiḥ śikharaiścaiva nagairdviradavarṣmabhiḥ | vegātsaṃtāḍayāmāsa dārayansurathaṃ nakhaiḥ

With mountains and mountain-peaks and with trees the size of elephants he battered Suratha with great force, tearing at him with his nails.

AI translation rendered from the Sanskrit, not a published edition

PdP 5 53.7

तमप्याशु बबंधास्त्राद्रामसंज्ञात्सुदारुणात् । बद्धः कपिवरो मेने सुरथं रामसेवकम्

tamapyāśu babaṃdhāstrādrāmasaṃjñātsudāruṇāt | baddhaḥ kapivaro mene surathaṃ rāmasevakam

Him too (Suratha) quickly bound with the terrible weapon named after Rāma; bound, the best of monkeys reckoned Suratha to be a servant of Rāma.

AI translation rendered from the Sanskrit, not a published edition — the model flagged this verse as uncertain

PdP 5 53.8

गजो यथायसमयीं शृंखलां पादलंबिताम् । प्राप्य किंचिन्न वै कर्तुं शक्नोति स तथा ह्यभूत्

gajo yathāyasamayīṃ śṛṃkhalāṃ pādalaṃbitām | prāpya kiṃcinna vai kartuṃ śaknoti sa tathā hyabhūt

Just as an elephant, when it gets an iron chain hung on its foot, can do nothing at all, so indeed did he become.

AI translation rendered from the Sanskrit, not a published edition

PdP 5 53.9

जितं तेन महाराज्ञा सुरथेन सुपुत्रिणा । सर्वान्वीरान्रथे स्थाप्य ययौ स्वनगरं प्रति

jitaṃ tena mahārājñā surathena suputriṇā | sarvānvīrānrathe sthāpya yayau svanagaraṃ prati

Victory was won by that great king Suratha, who had good sons; having placed all the heroes on his chariot, he went off toward his own city.

AI translation rendered from the Sanskrit, not a published edition

PdP 5 53.10

गत्वा सभायां सुमहान्बद्धं मारुतिमब्रवीत् । स्मर श्रीरघुनाथं त्वं दयालुं भक्तपालकम्

gatvā sabhāyāṃ sumahānbaddhaṃ mārutimabravīt | smara śrīraghunāthaṃ tvaṃ dayāluṃ bhaktapālakam

Having gone into the assembly, that very great (king) said to the bound son of the Wind: "Remember you the glorious Lord of the Raghus, the compassionate protector of his devotees,

AI translation rendered from the Sanskrit, not a published edition

PdP 5 53.11

यथा त्वां बंधनात्सद्यो मोचयिष्यति सुष्ठुधीः । नान्यथायुतवर्षेण मोचयिष्यामि बंधनात्

yathā tvāṃ baṃdhanātsadyo mocayiṣyati suṣṭhudhīḥ | nānyathāyutavarṣeṇa mocayiṣyāmi baṃdhanāt

so that he of excellent mind may release you at once from bondage; otherwise I shall not release (you) from bondage in ten thousand years."

AI translation rendered from the Sanskrit, not a published edition

PdP 5 53.12

इत्युक्तमाकर्ण्य समीरजस्तदा । सुबद्धमात्मानमवेक्ष्य वीरान् । संमूर्च्छिताञ्छत्रुशराभिघात -। पीडायुतान्बंधनमुक्तये स्मरत्

ityuktamākarṇya samīrajastadā | subaddhamātmānamavekṣya vīrān | saṃmūrcchitāñchatruśarābhighāta -| pīḍāyutānbaṃdhanamuktaye smarat

Having heard these words, the son of the Wind then, seeing himself well bound and the heroes swooning, stricken with the pain of the blows of the enemy's arrows, called (him) to mind for release from bondage—

AI translation rendered from the Sanskrit, not a published edition

PdP 5 53.13

श्रीरामचंद्रं रघुवंशजातं सीतापतिं पंकजपत्रनेत्रम् । स्वमुक्तये बंधनतः कृपालुं सस्मार सर्वैः करणैर्विशोकैः

śrīrāmacaṃdraṃ raghuvaṃśajātaṃ sītāpatiṃ paṃkajapatranetram | svamuktaye baṃdhanataḥ kṛpāluṃ sasmāra sarvaiḥ karaṇairviśokaiḥ

the glorious Rāmacandra, born in the Raghu line, the husband of Sītā, whose eyes are lotus petals, the compassionate one—him he remembered with all his faculties freed of sorrow, for his own release from bondage.

AI translation rendered from the Sanskrit, not a published edition

PdP 5 53.14

हनूमानुवाच। हा नाथ हा नरवरोत्तम हा दयालो । सीतापते रुचिरकुंतलशोभिवक्त्र । भक्तार्तिदाहक मनोहररूपधारिन् । मां बंधनात्सपदि मोचय मा विलंबम्

hanūmānuvāca| hā nātha hā naravarottama hā dayālo | sītāpate rucirakuṃtalaśobhivaktra | bhaktārtidāhaka manohararūpadhārin | māṃ baṃdhanātsapadi mocaya mā vilaṃbam

Hanumān said: Ah lord! Ah best of the best of men! Ah compassionate one! O husband of Sītā, whose face shines with lovely curls! O burner-away of the devotee's distress, bearer of an enchanting form, free me from bondage at once, do not delay!

AI translation rendered from the Sanskrit, not a published edition

PdP 5 53.15

संमोचितास्तु भवता गजपुंगवाद्याः । देवाश्च दानवकुलाग्नि सुदह्यमानाः । तत्सुंदरीशिरसिसंस्थितकेशबंधः । संमोचितस्तु करुणालय मां स्मरस्व

saṃmocitāstu bhavatā gajapuṃgavādyāḥ | devāśca dānavakulāgni sudahyamānāḥ | tatsuṃdarīśirasisaṃsthitakeśabaṃdhaḥ | saṃmocitastu karuṇālaya māṃ smarasva

By you were freed the bull among elephants and the others, and the gods who were being sorely burned by the fire of the race of demons; and that hair-knot set on the head of that beautiful woman was set loose—O abode of compassion, remember me!

AI translation rendered from the Sanskrit, not a published edition — the model flagged this verse as uncertain

PdP 5 53.16

त्वं यागकर्मनिरतोऽसि मुनीश्वरेंद्रै । र्धर्मं विचारयसि भूमिपतीड्यपाद । अत्राहमद्य सुरथेन विगाढपाश -। बद्धोस्मि मोचय महापुरुषाशु देव

tvaṃ yāgakarmanirato'si munīśvareṃdrai | rdharmaṃ vicārayasi bhūmipatīḍyapāda | atrāhamadya surathena vigāḍhapāśa -| baddhosmi mocaya mahāpuruṣāśu deva

You are engaged in the work of sacrifice with the foremost lords among sages; you deliberate on dharma, O you whose feet are to be praised by kings. Here today I have been bound by Suratha with a tightly drawn noose—free me quickly, O great Person, O god!

AI translation rendered from the Sanskrit, not a published edition

PdP 5 53.17

नो मोचयस्यथ यदि स्मरणातिरेकात् । त्वं सर्वदेववरपूजितपादपद्म । लोको भवंतमिदमुल्लसितोऽहसिष्य -। त्तस्माद्विलंबमिह माचर मोचयाशु

no mocayasyatha yadi smaraṇātirekāt | tvaṃ sarvadevavarapūjitapādapadma | loko bhavaṃtamidamullasito'hasiṣya -| ttasmādvilaṃbamiha mācara mocayāśu

And if you do not free (me), though (I have) remembered you beyond measure—you whose lotus feet are honoured by all the chief gods—the world, grown merry, would laugh at you for this; therefore make no delay here, free (me) quickly.

AI translation rendered from the Sanskrit, not a published edition

PdP 5 53.18

इति श्रुत्वा जगन्नाथो रघुवीरः कृपानिधिः । भक्तं मोचयितुं प्रागात्पुष्पकेणाशुवेगिना

iti śrutvā jagannātho raghuvīraḥ kṛpānidhiḥ | bhaktaṃ mocayituṃ prāgātpuṣpakeṇāśuveginā

Having heard this, the Lord of the world, the hero of the Raghus, the treasury of compassion, went forth on the swift-moving Puṣpaka to free his devotee.

AI translation rendered from the Sanskrit, not a published edition

PdP 5 53.19

लक्ष्मणेनानुगेनाथ भरतेन सुशोभितम् । मुनिवृंदैर्व्यासमुख्यैः समेतं ददृशे कपिः

lakṣmaṇenānugenātha bharatena suśobhitam | munivṛṃdairvyāsamukhyaiḥ sametaṃ dadṛśe kapiḥ

Then the monkey saw him, made splendid by Lakṣmaṇa following him and by Bharata, accompanied by throngs of sages headed by Vyāsa.

AI translation rendered from the Sanskrit, not a published edition

PdP 5 53.20

तमागतं निजं नाथं वीक्ष्य भूपं समब्रवीत् । पश्य राजन्निजं मोक्तुमायातं कृपया हरिम्

tamāgataṃ nijaṃ nāthaṃ vīkṣya bhūpaṃ samabravīt | paśya rājannijaṃ moktumāyātaṃ kṛpayā harim

Seeing his own lord come, he said to the king: "Look, O king, Hari has come out of compassion to release his own (servant).

AI translation rendered from the Sanskrit, not a published edition

PdP 5 53.21

अनेके मोचिताः पूर्वं स्मरणात्सेवका निजाः । तथा मां पाशतो बद्धं संमोचयितुमागतः

aneke mocitāḥ pūrvaṃ smaraṇātsevakā nijāḥ | tathā māṃ pāśato baddhaṃ saṃmocayitumāgataḥ

Many of his own servants have been released before, at (their) remembering (him); so too he has come to release me, bound with a noose."

AI translation rendered from the Sanskrit, not a published edition

PdP 5 53.22

श्रीरामभद्रमायांतं वीक्ष्यासौ सुरथः क्षणात् । नतीश्च शतशश्चक्रे भक्तिपूरपरिप्लुतः

śrīrāmabhadramāyāṃtaṃ vīkṣyāsau surathaḥ kṣaṇāt | natīśca śataśaścakre bhaktipūrapariplutaḥ

Seeing the glorious Rāmabhadra coming, that Suratha at once made hundreds of obeisances, flooded with a torrent of devotion.

AI translation rendered from the Sanskrit, not a published edition

PdP 5 53.23

श्रीरामस्तं निजैर्दोर्भिः परिरेभे चतुर्भुजः । मूर्ध्नि सिंचन्नश्रुजलैर्हर्षाद्भक्तं स्वकं मुहुः

śrīrāmastaṃ nijairdorbhiḥ parirebhe caturbhujaḥ | mūrdhni siṃcannaśrujalairharṣādbhaktaṃ svakaṃ muhuḥ

Śrī Rāma, four-armed, embraced him with his own arms, sprinkling his own devotee's head again and again with tears of joy.

AI translation rendered from the Sanskrit, not a published edition

PdP 5 53.24

उवाच धन्यदेहोऽसि महत्कर्म कृतं त्वया । कपीश्वरस्त्वया बद्धो हनूमान्सर्वतो बलः

uvāca dhanyadeho'si mahatkarma kṛtaṃ tvayā | kapīśvarastvayā baddho hanūmānsarvato balaḥ

He said: "Blessed is your body, a great deed has been done by you: Hanumān, the lord of the monkeys, strong on every side, was bound by you."

AI translation rendered from the Sanskrit, not a published edition

PdP 5 53.25

श्रीरामः कपिवर्यं तं मोचयामास बंधनात् । मूर्छितांस्तान्भटान्सर्वान्वीक्ष्य दृष्ट्या स्वजीवयत्

śrīrāmaḥ kapivaryaṃ taṃ mocayāmāsa baṃdhanāt | mūrchitāṃstānbhaṭānsarvānvīkṣya dṛṣṭyā svajīvayat

Śrī Rāma released that best of monkeys from bondage; and seeing all those swooning warriors, by his glance he brought them to life.

AI translation rendered from the Sanskrit, not a published edition

PdP 5 53.26

ते मूर्च्छां तत्यजुर्दृष्टा रामेण सुरसेविना । उत्थिता ददृशुः श्रीमद्रामचंद्रं मनोरमम्

te mūrcchāṃ tatyajurdṛṣṭā rāmeṇa surasevinā | utthitā dadṛśuḥ śrīmadrāmacaṃdraṃ manoramam

When they were looked upon by Rama, who is served by the gods, they left off their swoon; risen up, they beheld the glorious, heart-delighting Ramacandra.

AI translation rendered from the Sanskrit, not a published edition

PdP 5 53.27

प्रणतास्ते रघुपतिं तेन पृष्टा अनामयम् । सुखीभूता नृपं प्रोचुः सर्वं स्वकुशलं नृपाः

praṇatāste raghupatiṃ tena pṛṣṭā anāmayam | sukhībhūtā nṛpaṃ procuḥ sarvaṃ svakuśalaṃ nṛpāḥ

They bowed to the lord of the Raghus, and were asked by him after their health; become happy, the kings told the king all their own well-being.

AI translation rendered from the Sanskrit, not a published edition

PdP 5 53.28

सुरथो वीक्ष्य रामं च कृपार्थं सेवकात्मनः । आगतं सकलं राज्यं सहयं सुमुदार्पयत्

suratho vīkṣya rāmaṃ ca kṛpārthaṃ sevakātmanaḥ | āgataṃ sakalaṃ rājyaṃ sahayaṃ sumudārpayat

And Suratha, seeing that Rama had come out of compassion for his servant, offered up with great joy his entire kingdom together with the horse.

AI translation rendered from the Sanskrit, not a published edition

PdP 5 53.29

अनेकवरिवस्याभिः श्रीरामं समतोषयत् । कथयामास मेऽन्याय्यं कृतं ते क्षम राघव । श्रीरामस्तमुवाचाथ कृतं ते वाहरक्षणम्

anekavarivasyābhiḥ śrīrāmaṃ samatoṣayat | kathayāmāsa me'nyāyyaṃ kṛtaṃ te kṣama rāghava | śrīrāmastamuvācātha kṛtaṃ te vāharakṣaṇam

With manifold services he gratified Rama, and said: "Wrong has been done by me; forgive it, Raghava." Then Rama said to him: "You did the guarding of the horse.

AI translation rendered from the Sanskrit, not a published edition

PdP 5 53.30

क्षत्त्रियाणामयं धर्मः स्वामिना सह युद्ध्यते । त्वया साधुकृतं कर्म रणे वीराः प्रतोषिताः

kṣattriyāṇāmayaṃ dharmaḥ svāminā saha yuddhyate | tvayā sādhukṛtaṃ karma raṇe vīrāḥ pratoṣitāḥ

"This is the dharma of kshatriyas, that one fights even with one's own master. A good deed has been done by you: in battle the heroes have been well pleased."

AI translation rendered from the Sanskrit, not a published edition

PdP 5 53.31

इत्युक्तवंतं नृहरिं पूजयन्ससुतोऽभवत् । श्रीरामस्त्रिदिनं स्थित्वा ययौ तमनुमंत्र्य च

ityuktavaṃtaṃ nṛhariṃ pūjayansasuto'bhavat | śrīrāmastridinaṃ sthitvā yayau tamanumaṃtrya ca

Worshipping the man-lion who had spoken thus, he was (there) together with his son; and Rama, having stayed three days, took leave of him and departed.

AI translation rendered from the Sanskrit, not a published edition — the model flagged this verse as uncertain

PdP 5 53.32

कामगेन विमानेन मुनिभिः सहितो महान् । तं दृष्ट्वा विस्मितास्तस्य कथाश्चक्रुर्मनोहराः

kāmagena vimānena munibhiḥ sahito mahān | taṃ dṛṣṭvā vismitāstasya kathāścakrurmanoharāḥ

By an aerial car that goes at will, the great one (went), accompanied by the sages; seeing him they were amazed and made charming talk about him.

AI translation rendered from the Sanskrit, not a published edition

PdP 5 53.33

चंपकं स्वपुरे स्थाप्य सुरथः क्षत्रियो बली । शत्रुघ्नेन समं यातुं मनश्चक्रे महाबलः

caṃpakaṃ svapure sthāpya surathaḥ kṣatriyo balī | śatrughnena samaṃ yātuṃ manaścakre mahābalaḥ

Having installed Campaka in his own city, Suratha, the mighty kshatriya of great strength, made up his mind to go along with Shatrughna.

AI translation rendered from the Sanskrit, not a published edition

PdP 5 53.34

शत्रुघ्नः स्वहयं प्राप्य भेरीनादानकारयत् । शंखनादान्बहुविधान्सर्वत्र समवादयत्

śatrughnaḥ svahayaṃ prāpya bherīnādānakārayat | śaṃkhanādānbahuvidhānsarvatra samavādayat

Shatrughna, having recovered his horse, had the kettledrums sounded, and had conch-blasts of many kinds sounded everywhere.

AI translation rendered from the Sanskrit, not a published edition

PdP 5 53.35

सुरथेन समं वीरो यज्ञवाहममूमुचत् । स बभ्रामापरान्देशान्न कोपि जगृहे बली

surathena samaṃ vīro yajñavāhamamūmucat | sa babhrāmāparāndeśānna kopi jagṛhe balī

The hero, together with Suratha, released the sacrificial horse; it roamed through other lands, and no strong man seized it.

AI translation rendered from the Sanskrit, not a published edition

PdP 5 53.36

यत्रयत्र गतो वाहस्तत्रतत्र परिभ्रमन् । सैन्येन महता यातः शत्रुघ्नः सुरथेन च

yatrayatra gato vāhastatratatra paribhraman | sainyena mahatā yātaḥ śatrughnaḥ surathena ca

Wherever the horse went, wandering about there and there, Shatrughna went with a great army, and Suratha too.

AI translation rendered from the Sanskrit, not a published edition

PdP 5 53.37

कदाचिज्जाह्नवीतीरे वाल्मीकेराश्रमं वरम् । गतो मुनिवरैर्जुष्टं प्रातर्धूमेन चिह्नितम्

kadācijjāhnavītīre vālmīkerāśramaṃ varam | gato munivarairjuṣṭaṃ prātardhūmena cihnitam

Once he came to the excellent hermitage of Valmiki on the bank of the Ganges, frequented by the best of sages, marked by the morning smoke.

AI translation rendered from the Sanskrit, not a published edition