Padma Purana — Patala Khanda — Chapter 52
PdP 5 52.1
शेष उवाच। चंपकं पतितं दृष्ट्वा सुरथः क्षत्रियो बली । पुत्रदुःखपरीतांगो जगाम स्यंदने स्थितः
śeṣa uvāca| caṃpakaṃ patitaṃ dṛṣṭvā surathaḥ kṣatriyo balī | putraduḥkhaparītāṃgo jagāma syaṃdane sthitaḥ
Śeṣa said: Seeing Campaka fallen, the strong kṣatriya Suratha, his limbs overcome by grief for his son, went (forth) standing in his chariot.
AI translation rendered from the Sanskrit, not a published edition
PdP 5 52.2
कपींद्रमाजुहावाथ सुरथः कोपसंयुतः । निःश्वासवेगं संमुंचन्महाबलसमन्वितः
kapīṃdramājuhāvātha surathaḥ kopasaṃyutaḥ | niḥśvāsavegaṃ saṃmuṃcanmahābalasamanvitaḥ
Then Suratha, filled with anger, endowed with great strength, releasing the rush of his breathing, challenged the lord of monkeys.
AI translation rendered from the Sanskrit, not a published edition
PdP 5 52.3
आह्वयानं नृपं दृष्ट्वा निजं वीरः कपीश्वरः । जगाम तं महावीरो महावेगसमन्वितः
āhvayānaṃ nṛpaṃ dṛṣṭvā nijaṃ vīraḥ kapīśvaraḥ | jagāma taṃ mahāvīro mahāvegasamanvitaḥ
Seeing his own king challenging (him), the heroic lord of monkeys, that great hero, went to him with great speed.
AI translation rendered from the Sanskrit, not a published edition
PdP 5 52.4
तमागतं हनूमंतं तृणीकुर्वं तमुद्भटान् । उवाच सुरथो राजा मेघगंभीरसुस्वरः
tamāgataṃ hanūmaṃtaṃ tṛṇīkurvaṃ tamudbhaṭān | uvāca suratho rājā meghagaṃbhīrasusvaraḥ
To that Hanumān who had come, reckoning the mighty warriors as straw, King Suratha spoke, with a fine voice deep as a cloud.
AI translation rendered from the Sanskrit, not a published edition
PdP 5 52.5
सुरथ उवाच। धन्योसि कपिवर्य त्वं महाबलपराक्रमः । येन राममहत्कृत्यं कृतं राक्षसके पुरे
suratha uvāca| dhanyosi kapivarya tvaṃ mahābalaparākramaḥ | yena rāmamahatkṛtyaṃ kṛtaṃ rākṣasake pure
Suratha said: You are blessed, best of monkeys, of great strength and prowess, since by you Rāma's great task was accomplished in the city of the demons.
AI translation rendered from the Sanskrit, not a published edition
PdP 5 52.6
त्वं रामचरणस्यासि सेवको भक्तिसंयुतः । त्वया वीरेण मत्पुत्रः पातितश्चंपको बली
tvaṃ rāmacaraṇasyāsi sevako bhaktisaṃyutaḥ | tvayā vīreṇa matputraḥ pātitaścaṃpako balī
You are a servant of Rāma's feet, endowed with devotion; yet by you, a hero, my strong son Campaka has been felled.
AI translation rendered from the Sanskrit, not a published edition
PdP 5 52.7
इदानीं त्वां तु संबध्य गंतास्मि नगरेमम । यत्नात्तिष्ठ कपीशेशसत्यमुक्तं मया स्मृतम्
idānīṃ tvāṃ tu saṃbadhya gaṃtāsmi nagaremama | yatnāttiṣṭha kapīśeśasatyamuktaṃ mayā smṛtam
Now, having bound you, I shall go to my city; stand (firm) with effort, lord of the monkey-lords—what was spoken by me as truth is remembered (by me).
AI translation rendered from the Sanskrit, not a published edition — the model flagged this verse as uncertain
PdP 5 52.8
इति भाषितमाकर्ण्य सुरथस्य कपीश्वरः । उवाच धीरया वाण्या रणे वीरैकभूषिते
iti bhāṣitamākarṇya surathasya kapīśvaraḥ | uvāca dhīrayā vāṇyā raṇe vīraikabhūṣite
Hearing this speech of Suratha, the lord of monkeys spoke in a steady voice, in the battle adorned by heroes alone.
AI translation rendered from the Sanskrit, not a published edition
PdP 5 52.9
हनूमानुवाच। त्वं रामचरणस्मारी वयं रामस्य सेवकाः । बध्नासि चेन्मां प्रसभं मोचयिष्यति मत्प्रभुः
hanūmānuvāca| tvaṃ rāmacaraṇasmārī vayaṃ rāmasya sevakāḥ | badhnāsi cenmāṃ prasabhaṃ mocayiṣyati matprabhuḥ
Hanumān said: You are one who remembers Rāma's feet; we are Rāma's servants. If you bind me by force, my lord will set me free.
AI translation rendered from the Sanskrit, not a published edition
PdP 5 52.10
कुरु वीर भवत्स्वांतस्थितं सत्यं प्रतिश्रुतम् । रामं स्मरन्वै दुःखांतं याति वेदा वदंत्यदः
kuru vīra bhavatsvāṃtasthitaṃ satyaṃ pratiśrutam | rāmaṃ smaranvai duḥkhāṃtaṃ yāti vedā vadaṃtyadaḥ
Do, O hero, the truth that is fixed in your heart and promised; indeed, one who remembers Rāma reaches the end of sorrow—this the Vedas declare.
AI translation rendered from the Sanskrit, not a published edition
PdP 5 52.11
शेष उवाच। इति ब्रुवंतं सुरथः प्रशस्य पवनात्मजम् । विव्याध बाणैर्बहुभिः शितैः शाणेन दारुणैः
śeṣa uvāca| iti bruvaṃtaṃ surathaḥ praśasya pavanātmajam | vivyādha bāṇairbahubhiḥ śitaiḥ śāṇena dāruṇaiḥ
Śeṣa said: Suratha, praising the son of the Wind who spoke thus, pierced him with many arrows, sharpened on the whetstone and terrible.
AI translation rendered from the Sanskrit, not a published edition
PdP 5 52.12
तान्मुक्तानगणय्याथ बाणाञ्छोणितपातिनः । करे जग्राह कोदंडं सज्यं शरसमन्वितम्
tānmuktānagaṇayyātha bāṇāñchoṇitapātinaḥ | kare jagrāha kodaṃḍaṃ sajyaṃ śarasamanvitam
Then, disregarding those released arrows that drew blood, he took in his hand the bow, strung and fitted with an arrow.
AI translation rendered from the Sanskrit, not a published edition
PdP 5 52.13
गृहीत्वा करयोश्चापं बभंज कुपितः कपिः । चीत्कुर्वंस्त्रासयन्वीरान्नखैर्दीर्णान्सृजन्भटान्
gṛhītvā karayoścāpaṃ babhaṃja kupitaḥ kapiḥ | cītkurvaṃstrāsayanvīrānnakhairdīrṇānsṛjanbhaṭān
Taking the bow in his two hands, the enraged monkey broke it, shrieking, terrifying the heroes, casting down soldiers torn by his claws.
AI translation rendered from the Sanskrit, not a published edition
PdP 5 52.14
तेन भग्नं धनुर्दृष्ट्वा स्वकीयं गुणसंयुतम् । अपरं धनुरादत्त महद्गुणविशोभितम्
tena bhagnaṃ dhanurdṛṣṭvā svakīyaṃ guṇasaṃyutam | aparaṃ dhanurādatta mahadguṇaviśobhitam
Seeing his own bow, with its string, broken by him, he took up another great bow, splendid with its string.
AI translation rendered from the Sanskrit, not a published edition
PdP 5 52.15
तच्चापि जगृहे रोषात्कपिश्चापं बभंज तत् । अन्यच्चापं समादत्त तद्बभंज महाबलः
taccāpi jagṛhe roṣātkapiścāpaṃ babhaṃja tat | anyaccāpaṃ samādatta tadbabhaṃja mahābalaḥ
That one too he seized in anger, and the monkey broke that bow; he took up another bow, and the mighty one broke that as well.
AI translation rendered from the Sanskrit, not a published edition
PdP 5 52.16
तस्मिंश्चापे प्रभग्नेऽपि सोऽन्यद्धनुरुपाददत् । सोपि चापं बभंजाशु महावेगसमन्वितः
tasmiṃścāpe prabhagne'pi so'nyaddhanurupādadat | sopi cāpaṃ babhaṃjāśu mahāvegasamanvitaḥ
Even when that bow was broken, he took up yet another bow; and that one too, endowed with great speed, he swiftly broke.
AI translation rendered from the Sanskrit, not a published edition
PdP 5 52.17
एवं राज्ञस्तु चापानामशीतिर्विदलीकृता । क्षणे क्षणे महारोषात्कुर्वन्नादाननेकधा
evaṃ rājñastu cāpānāmaśītirvidalīkṛtā | kṣaṇe kṣaṇe mahāroṣātkurvannādānanekadhā
Thus eighty of the king's bows were split apart, as, moment by moment, in great fury, he made roars in many ways.
AI translation rendered from the Sanskrit, not a published edition
PdP 5 52.18
तदात्यंतं प्रकुपितः शक्तिमुग्रामथाददे । शक्त्या स ताडितो वीरः पपात क्षणमुत्सुकः
tadātyaṃtaṃ prakupitaḥ śaktimugrāmathādade | śaktyā sa tāḍito vīraḥ papāta kṣaṇamutsukaḥ
Then, exceedingly enraged, he took up a fierce spear; struck by the spear, that hero fell, agitated for a moment.
AI translation rendered from the Sanskrit, not a published edition
PdP 5 52.19
उत्थाय स्यंदनं राज्ञो जग्राह कुपितो भृशम् । उड्डीनस्तं गृहीत्वा तु समुद्रमतिवेगतः
utthāya syaṃdanaṃ rājño jagrāha kupito bhṛśam | uḍḍīnastaṃ gṛhītvā tu samudramativegataḥ
Rising up, greatly angered, he seized the king's chariot, and having taken it he flew up (and went toward) the ocean with great speed.
AI translation rendered from the Sanskrit, not a published edition — the model flagged this verse as uncertain
PdP 5 52.20
तमुड्डीनं समालक्ष्य सुरथः परवीरहा । ताडयामास परिघैर्हृदि मारुतिमुद्यतम्
tamuḍḍīnaṃ samālakṣya surathaḥ paravīrahā | tāḍayāmāsa parighairhṛdi mārutimudyatam
Seeing him flown up, Suratha, slayer of enemy heroes, struck the son of the Wind, who was poised (in the air), on the chest with iron bludgeons.
AI translation rendered from the Sanskrit, not a published edition
PdP 5 52.21
मुक्तस्तेन रथो दूराच्चूर्णीभूतोऽभवत्क्षणात् । सोऽन्यरथं समारुह्य ययौ वेगात्समीरजम्
muktastena ratho dūrāccūrṇībhūto'bhavatkṣaṇāt | so'nyarathaṃ samāruhya yayau vegātsamīrajam
The chariot, released by him from a distance, was reduced to powder in an instant; mounting another chariot, he went swiftly against the son of the Wind.
AI translation rendered from the Sanskrit, not a published edition
PdP 5 52.22
हनूमांस्तद्रथं पुच्छे संवेष्ट्य प्रधनांगणे । हयसारथिसंयुक्तं बभंज सपताकिनम्
hanūmāṃstadrathaṃ pucche saṃveṣṭya pradhanāṃgaṇe | hayasārathisaṃyuktaṃ babhaṃja sapatākinam
Hanumān, coiling that chariot in his tail on the field of battle, broke it together with its horses, charioteer and banner.
AI translation rendered from the Sanskrit, not a published edition
PdP 5 52.23
अन्यं रथं समास्थाय ययौ राजा महाबलः । बभंज तं रथं वेगान्मारुतिः कुपितांगकः
anyaṃ rathaṃ samāsthāya yayau rājā mahābalaḥ | babhaṃja taṃ rathaṃ vegānmārutiḥ kupitāṃgakaḥ
Mounting another chariot, the mighty king advanced; the son of the Wind, his limbs enraged, swiftly broke that chariot.
AI translation rendered from the Sanskrit, not a published edition
PdP 5 52.24
भग्नं तं स्यंदनं वीक्ष्य सुरथोऽन्यसमाश्रितः । भग्नः स तेन सहसा हयसारथिसंयुतः
bhagnaṃ taṃ syaṃdanaṃ vīkṣya suratho'nyasamāśritaḥ | bhagnaḥ sa tena sahasā hayasārathisaṃyutaḥ
Seeing that chariot broken, Suratha resorted to another; that too was suddenly broken by him, together with its horses and charioteer.
AI translation rendered from the Sanskrit, not a published edition
PdP 5 52.25
एवमेकोनपंचाशद्रथा भग्ना हनूमता । तत्कर्म वीक्ष्य राजापि विसिस्माय ससैनिकः
evamekonapaṃcāśadrathā bhagnā hanūmatā | tatkarma vīkṣya rājāpi visismāya sasainikaḥ
In this way forty-nine chariots were broken by Hanumān; seeing that deed, the king too, along with his soldiers, was amazed.
AI translation rendered from the Sanskrit, not a published edition
PdP 5 52.26
कुपितः प्राह कीशेंद्रं धन्योसि पवनात्मज । पराक्रमन्निदं कर्म न कर्ता न करिष्यति
kupitaḥ prāha kīśeṃdraṃ dhanyosi pavanātmaja | parākramannidaṃ karma na kartā na kariṣyati
Angered, he said to the lord of monkeys: "You are blessed, son of the Wind; no one has done, nor will do, this deed of valour."
AI translation rendered from the Sanskrit, not a published edition
PdP 5 52.27
क्षणमेकं प्रतीक्षस्व यावत्सज्यं धनुस्त्वहम् । करोमि पवनोद्भूत रामपादाब्जषट्पद
kṣaṇamekaṃ pratīkṣasva yāvatsajyaṃ dhanustvaham | karomi pavanodbhūta rāmapādābjaṣaṭpada
"Wait for a single moment, until I string my bow, O you born of the Wind, O bee at Rāma's lotus feet."
AI translation rendered from the Sanskrit, not a published edition
PdP 5 52.28
इत्युक्त्वा चापमात्तज्यं कृत्वा रोषपरिप्लुतः । अस्त्रं पाशुपतं नाम संदधे शर उल्बणे
ityuktvā cāpamāttajyaṃ kṛtvā roṣapariplutaḥ | astraṃ pāśupataṃ nāma saṃdadhe śara ulbaṇe
Having said this, and having made the bow strung, overwhelmed with fury, he fitted to a fierce arrow the weapon called Pāśupata.
AI translation rendered from the Sanskrit, not a published edition
PdP 5 52.29
ततो भूताश्च वेतालाः पिशाचा योगिनीमुखाः । प्रादुर्बभूवुः सहसा भीषयंतः समीरजम्
tato bhūtāśca vetālāḥ piśācā yoginīmukhāḥ | prādurbabhūvuḥ sahasā bhīṣayaṃtaḥ samīrajam
Then ghosts and vetālas and piśācas, led by yoginīs, suddenly appeared, terrifying the son of the Wind.
AI translation rendered from the Sanskrit, not a published edition
PdP 5 52.30
कपिः पाशुपतैरस्त्रैर्बद्धो लोकैरभीक्षितः । हाहेति च वदंत्येते यावत्तावत्समीरजः
kapiḥ pāśupatairastrairbaddho lokairabhīkṣitaḥ | hāheti ca vadaṃtyete yāvattāvatsamīrajaḥ
The monkey, bound by the Pāśupata weapons, was gazed at by the people; and while they were crying "Alas, alas!", meanwhile the son of the Wind—
AI translation rendered from the Sanskrit, not a published edition
PdP 5 52.31
स्मृत्वा रामं स्वमनसा त्रोटयामास तत्क्षणात् । स मुक्तगात्रः सहसा युयुधे सुरथं नृपम्
smṛtvā rāmaṃ svamanasā troṭayāmāsa tatkṣaṇāt | sa muktagātraḥ sahasā yuyudhe surathaṃ nṛpam
—remembering Rāma in his mind, tore (the bonds) apart that very instant; his limbs freed, he at once fought with King Suratha.
AI translation rendered from the Sanskrit, not a published edition
PdP 5 52.32
तं मुक्तगात्रं संवीक्ष्य सुरथः परमास्त्रवित् । महाबलं मन्यमानो ब्राह्ममस्त्रं समाददे
taṃ muktagātraṃ saṃvīkṣya surathaḥ paramāstravit | mahābalaṃ manyamāno brāhmamastraṃ samādade
Seeing him with his limbs freed, Suratha, knower of the highest weapons, deeming him of great strength, took up the Brahmā weapon.
AI translation rendered from the Sanskrit, not a published edition
PdP 5 52.33
मारुतिर्ब्राह्ममस्त्रं तु निजगाल हसन्बली । तन्निगीर्णं नृपो दृष्ट्वा रामं सस्मार भूमिपः
mārutirbrāhmamastraṃ tu nijagāla hasanbalī | tannigīrṇaṃ nṛpo dṛṣṭvā rāmaṃ sasmāra bhūmipaḥ
But the mighty son of the Wind swallowed the Brahmā weapon, laughing; seeing it swallowed, the king, the lord of the earth, called Rāma to mind.
AI translation rendered from the Sanskrit, not a published edition
PdP 5 52.34
स्मृत्वा दाशरथिं रामं रामास्त्रं स्वशरासने । संधाय तं जगादेदं बद्धोसि कपिपुंगव
smṛtvā dāśarathiṃ rāmaṃ rāmāstraṃ svaśarāsane | saṃdhāya taṃ jagādedaṃ baddhosi kapipuṃgava
Remembering Rāma, the son of Daśaratha, and fitting the Rāma-weapon to his own bow, he said this to him: "You are bound, O bull among monkeys!"
AI translation rendered from the Sanskrit, not a published edition
PdP 5 52.35
श्रुत्वा तत्प्रक्रमेद्यावत्तावद्बद्धो रणांगणे । राज्ञा रामास्त्रतो वीरो हनूमान्रामसेवकः
śrutvā tatprakramedyāvattāvadbaddho raṇāṃgaṇe | rājñā rāmāstrato vīro hanūmānrāmasevakaḥ
Hearing that, no sooner had he advanced than he was bound on the field of battle by the king with the Rāma-weapon — the hero Hanumān, Rāma's servant.
AI translation rendered from the Sanskrit, not a published edition
PdP 5 52.36
उवाच भूपं हनुमान्किंकरोमि महीभुज । मत्स्वाम्यस्त्रेण संबद्धो नान्येन प्राकृतेन वै
uvāca bhūpaṃ hanumānkiṃkaromi mahībhuja | matsvāmyastreṇa saṃbaddho nānyena prākṛtena vai
Hanumān said to the king: "What can I do, O ruler of the earth? I am bound by my own master's weapon, not by any other, ordinary one."
AI translation rendered from the Sanskrit, not a published edition
PdP 5 52.37
तन्मानयामिभूपालनयस्वस्वपुरंप्रति । मोचयिष्यति मत्स्वामी आगत्य स दयानिधिः
tanmānayāmibhūpālanayasvasvapuraṃprati | mocayiṣyati matsvāmī āgatya sa dayānidhiḥ
"Therefore I honour (it), O protector of the earth: lead me to your own city. My master, that treasury of compassion, will come and release me."
AI translation rendered from the Sanskrit, not a published edition
PdP 5 52.38
बद्धे समीरजे क्रुद्धः पुष्कलो भूमिपं ययौ । तं पुष्कलं समायांतं विव्याध वसुभिः शरैः
baddhe samīraje kruddhaḥ puṣkalo bhūmipaṃ yayau | taṃ puṣkalaṃ samāyāṃtaṃ vivyādha vasubhiḥ śaraiḥ
When the son of the Wind was bound, Puṣkala in anger went against the king; and (the king) pierced Puṣkala as he came on with eight arrows.
AI translation rendered from the Sanskrit, not a published edition
PdP 5 52.39
अनेकबाणसाहस्रैर्निजघान नृपं बली । राज्ञानेके शरास्तस्य च्छिन्नाः प्रधनमंडले
anekabāṇasāhasrairnijaghāna nṛpaṃ balī | rājñāneke śarāstasya cchinnāḥ pradhanamaṃḍale
The strong one struck the king with many thousands of arrows; but many of his arrows were cut off by the king in the arena of battle.
AI translation rendered from the Sanskrit, not a published edition
PdP 5 52.40
एवं समरसंक्रुद्धे सुरथे पुष्कले तथा । बाणैर्व्याप्तं जगत्सर्वं स्थास्नुभूयश्चरिष्णु च
evaṃ samarasaṃkruddhe surathe puṣkale tathā | bāṇairvyāptaṃ jagatsarvaṃ sthāsnubhūyaścariṣṇu ca
Thus, when Suratha and likewise Puṣkala were enraged in combat, the whole world, both what stands still and what moves, was covered with arrows.
AI translation rendered from the Sanskrit, not a published edition
PdP 5 52.41
तेषां रणोद्यमं वीक्ष्य मुमुहुः सुरसैनिकाः । मानवानां तु का वार्ता क्षणात्त्रासं समीयुषाम्
teṣāṃ raṇodyamaṃ vīkṣya mumuhuḥ surasainikāḥ | mānavānāṃ tu kā vārtā kṣaṇāttrāsaṃ samīyuṣām
Seeing their exertion in battle, the soldiers of the gods swooned; what then to say of men, who in an instant were seized with terror?
AI translation rendered from the Sanskrit, not a published edition
PdP 5 52.42
अस्त्रप्रत्यस्त्रविगमैर्महामंत्रपरिस्तुतैः । बभूव तुमुलं युद्धं वीराणां रोमहर्षणम्
astrapratyastravigamairmahāmaṃtraparistutaiḥ | babhūva tumulaṃ yuddhaṃ vīrāṇāṃ romaharṣaṇam
With the discharges of weapon and counter-weapon, invoked with great spells, there arose a tumultuous battle of the heroes, making the hair stand on end.
AI translation rendered from the Sanskrit, not a published edition
PdP 5 52.43
तदा प्रकुपितो राजा नाराचं तु समाददे । छिन्नः स तु क्रुधा मुक्तैर्वत्सदंतैः सभारतैः
tadā prakupito rājā nārācaṃ tu samādade | chinnaḥ sa tu krudhā muktairvatsadaṃtaiḥ sabhārataiḥ
Then the king, greatly enraged, took up an iron shaft; but it was cut apart by calf-tooth arrows released in fury together with the bhārata arrows.
AI translation rendered from the Sanskrit, not a published edition — the model flagged this verse as uncertain
PdP 5 52.44
छिन्ने तस्मिञ्छरे राजा कोपादन्यं समाददे । छिनत्ति यावत्स शरं तावल्लग्नो हृदि क्षतः
chinne tasmiñchare rājā kopādanyaṃ samādade | chinatti yāvatsa śaraṃ tāvallagno hṛdi kṣataḥ
When that arrow was cut, the king in anger took up another; and while he (Puṣkala) was cutting the shaft, meanwhile it struck home and he was wounded in the heart.
AI translation rendered from the Sanskrit, not a published edition
PdP 5 52.45
मूर्च्छां प्राप महातेजाः पुष्कलो महदद्भुतम् । युद्धं विधाय सुमहद्राज्ञा सह महामतिः
mūrcchāṃ prāpa mahātejāḥ puṣkalo mahadadbhutam | yuddhaṃ vidhāya sumahadrājñā saha mahāmatiḥ
Puṣkala of great splendour and great intelligence, having waged an exceedingly great and most wondrous battle with the king, fell into a swoon.
AI translation rendered from the Sanskrit, not a published edition
PdP 5 52.46
पुष्कले पतिते राजा शत्रुघ्नः शत्रुतापनः । सुरथं प्रति संक्रुद्धो जगाम स्यंदनस्थितः
puṣkale patite rājā śatrughnaḥ śatrutāpanaḥ | surathaṃ prati saṃkruddho jagāma syaṃdanasthitaḥ
When Puṣkala had fallen, King Śatrughna, the scorcher of foes, greatly enraged, went against Suratha, standing in his chariot.
AI translation rendered from the Sanskrit, not a published edition
PdP 5 52.47
उवाच सुरथं भूपं रामभ्राता महाबलः । त्वया महत्कृतं कर्म यद्बद्धः पवनात्मजः
uvāca surathaṃ bhūpaṃ rāmabhrātā mahābalaḥ | tvayā mahatkṛtaṃ karma yadbaddhaḥ pavanātmajaḥ
The mighty brother of Rāma said to King Suratha: "A great deed has been done by you, in that the son of the Wind has been bound,
AI translation rendered from the Sanskrit, not a published edition
PdP 5 52.48
पुष्कलोऽपि महावीरस्तथान्ये मम सैनिकाः । पातिताः प्रधने घोरे महाबलपराक्रमाः
puṣkalo'pi mahāvīrastathānye mama sainikāḥ | pātitāḥ pradhane ghore mahābalaparākramāḥ
"and the great hero Puṣkala too, and my other soldiers of great strength and prowess, have been felled in this dreadful battle.
AI translation rendered from the Sanskrit, not a published edition
PdP 5 52.49
इदानीं तिष्ठ मद्वीरान्पातयित्वा रणांगणे । कुत्र यास्यसि भूमीश सहस्व मम सायकान्
idānīṃ tiṣṭha madvīrānpātayitvā raṇāṃgaṇe | kutra yāsyasi bhūmīśa sahasva mama sāyakān
"Now stand, having felled my heroes on the field of battle. Where will you go, O lord of the earth? Endure my arrows!"
AI translation rendered from the Sanskrit, not a published edition
PdP 5 52.50
इत्थमाश्रुत्य वीरस्य भाषितं सुरथो बली । जगाद रामपादाब्जं दधच्चेतसि शोभनम्
itthamāśrutya vīrasya bhāṣitaṃ suratho balī | jagāda rāmapādābjaṃ dadhaccetasi śobhanam
Having heard the hero's speech thus, the mighty Suratha, holding in his mind the beautiful lotus-feet of Rāma, spoke:
AI translation rendered from the Sanskrit, not a published edition
PdP 5 52.51
मया ते पातिताः संख्ये वीरा मारुतजोन्मुखाः । इदानीं पातयिष्यामि त्वामपि प्रधनांगणे
mayā te pātitāḥ saṃkhye vīrā mārutajonmukhāḥ | idānīṃ pātayiṣyāmi tvāmapi pradhanāṃgaṇe
"Your heroes, with the son of the Wind at their head, have been felled by me in battle; now I shall fell you too on the field of combat.
AI translation rendered from the Sanskrit, not a published edition
PdP 5 52.52
स्मरस्व रामं यो वीरः स्वमागत्य प्ररक्षति । अन्यथा जीवितं नास्ति मत्पुरः शत्रुतापन
smarasva rāmaṃ yo vīraḥ svamāgatya prarakṣati | anyathā jīvitaṃ nāsti matpuraḥ śatrutāpana
"Remember Rāma, the hero who comes himself and protects; otherwise there is no life for you before me, O scorcher of foes."
AI translation rendered from the Sanskrit, not a published edition
PdP 5 52.53
इत्युक्त्वा बाणसाहस्रैस्तं जघान महीपतिः । शत्रुघ्नं शरसंघातपंजरे न्यदधात्परम्
ityuktvā bāṇasāhasraistaṃ jaghāna mahīpatiḥ | śatrughnaṃ śarasaṃghātapaṃjare nyadadhātparam
Having said this, the king struck him with thousands of arrows, and he confined Śatrughna, the foe, in a cage of massed shafts.
AI translation rendered from the Sanskrit, not a published edition
PdP 5 52.54
शत्रुघ्नः शरसंघातं मुंचंतं वह्निदैवतम् । अस्त्रं मुमोच दाहार्थं शराणां नतपर्वणाम्
śatrughnaḥ śarasaṃghātaṃ muṃcaṃtaṃ vahnidaivatam | astraṃ mumoca dāhārthaṃ śarāṇāṃ nataparvaṇām
Śatrughna released the weapon whose deity is Fire, discharging a mass of arrows, in order to burn up those shafts with their bent joints.
AI translation rendered from the Sanskrit, not a published edition
PdP 5 52.55
तदस्त्रं मुक्तमालोक्य राजा वै सुरथो महान् । वारुणास्त्रेण शमयन्विव्याध शरकोटिभिः
tadastraṃ muktamālokya rājā vai suratho mahān | vāruṇāstreṇa śamayanvivyādha śarakoṭibhiḥ
Seeing that weapon released, the great king Suratha, quelling (it) with the Varuṇa-weapon, pierced (him) with tens of millions of arrows.
AI translation rendered from the Sanskrit, not a published edition
PdP 5 52.56
तदा तद्योगिनीदत्तमस्त्रं धनुषि संदधे । मोहनं सर्ववीराणां निद्राप्रापकमद्भुतम्
tadā tadyoginīdattamastraṃ dhanuṣi saṃdadhe | mohanaṃ sarvavīrāṇāṃ nidrāprāpakamadbhutam
Then he fitted to his bow that weapon given by the yoginī — the wondrous one that bewilders all heroes and brings on sleep.
AI translation rendered from the Sanskrit, not a published edition
PdP 5 52.57
तन्मोहनं महास्त्रं स वीक्ष्य राजा हरिंस्मरन् । जगाद शत्रुघ्नमयं सर्वशस्त्रास्त्रकोविदः
tanmohanaṃ mahāstraṃ sa vīkṣya rājā hariṃsmaran | jagāda śatrughnamayaṃ sarvaśastrāstrakovidaḥ
Seeing that great weapon of bewilderment, the king, remembering Hari, said to Śatrughna — he who was skilled in all arms and missiles:
AI translation rendered from the Sanskrit, not a published edition
PdP 5 52.58
मोहितस्य मम श्रीमद्रामस्य स्मरणेन ह । नान्यन्मोहनमाभाति ममापि भयतापदम्
mohitasya mama śrīmadrāmasya smaraṇena ha | nānyanmohanamābhāti mamāpi bhayatāpadam
"Since I am already bewildered by the remembrance of the glorious Rāma, no other bewilderment appears (to me), nor is it a cause of fear and pain for me."
AI translation rendered from the Sanskrit, not a published edition
PdP 5 52.59
इत्युक्तवति वीरे तु मुमोच स महास्त्रकम् । तेन बाणेन संछिन्नं पपात रणमंडले
ityuktavati vīre tu mumoca sa mahāstrakam | tena bāṇena saṃchinnaṃ papāta raṇamaṃḍale
When the hero had spoken thus, he released that great weapon; cut through by that (king's) arrow, it fell on the circle of the battlefield.
AI translation rendered from the Sanskrit, not a published edition
PdP 5 52.60
तन्मोहनं महास्त्रं तु निष्फलं वीक्ष्य भूमिपे । अत्यंतं विस्मयं प्राप्य बाणं धनुषि संदधे
tanmohanaṃ mahāstraṃ tu niṣphalaṃ vīkṣya bhūmipe | atyaṃtaṃ vismayaṃ prāpya bāṇaṃ dhanuṣi saṃdadhe
But seeing that great weapon of bewilderment rendered fruitless upon the king, having reached utter astonishment, he fitted an arrow to his bow —
AI translation rendered from the Sanskrit, not a published edition
PdP 5 52.61
लवणो येन निहतो महासुरविमर्दनः । तं बाणं चाप आधत्त घोरं कान्त्यानलप्रभम्
lavaṇo yena nihato mahāsuravimardanaḥ | taṃ bāṇaṃ cāpa ādhatta ghoraṃ kāntyānalaprabham
that arrow by which Lavaṇa, the crusher of the great asuras, had been slain; he set it on the bow, dreadful, with a splendour like fire in its brilliance.
AI translation rendered from the Sanskrit, not a published edition
PdP 5 52.62
तं वीक्ष्य राजा प्रोवाच बाणोऽयमसतां हृदि । लगते रामभक्तस्य संमुखेऽपि न भात्यसौ
taṃ vīkṣya rājā provāca bāṇo'yamasatāṃ hṛdi | lagate rāmabhaktasya saṃmukhe'pi na bhātyasau
Seeing it, the king said: "This arrow fastens in the hearts of the wicked; before a devotee of Rāma it does not even show itself."
AI translation rendered from the Sanskrit, not a published edition
PdP 5 52.63
इत्येवं भाषमाणं तु बाणेनानेन शत्रुहा । विव्याध हृदये क्षिप्रं वह्निज्वालासमप्रभम्
ityevaṃ bhāṣamāṇaṃ tu bāṇenānena śatruhā | vivyādha hṛdaye kṣipraṃ vahnijvālāsamaprabham
As he was speaking thus, the slayer of foes swiftly pierced him in the heart with this arrow, whose brilliance was equal to a flame of fire.
AI translation rendered from the Sanskrit, not a published edition
PdP 5 52.64
तेन बाणेन दुःखार्तो महापीडासमन्वितः । रथोपस्थे क्षणं मूर्च्छामवाप परतापनः
tena bāṇena duḥkhārto mahāpīḍāsamanvitaḥ | rathopasthe kṣaṇaṃ mūrcchāmavāpa paratāpanaḥ
Afflicted with pain by that arrow and filled with great agony, the scorcher of foes for a moment fell into a swoon on the floor of his chariot.
AI translation rendered from the Sanskrit, not a published edition
PdP 5 52.65
स क्षणात्तां व्यथां तीर्त्वा जगाद रिपुमग्रतः । सहस्वैकं प्रहारं मे कुत्र यासि ममाग्रतः
sa kṣaṇāttāṃ vyathāṃ tīrtvā jagāda ripumagrataḥ | sahasvaikaṃ prahāraṃ me kutra yāsi mamāgrataḥ
In a moment, having got past that pain, he said before his enemy: "Bear one blow from me! Where will you go before me?"
AI translation rendered from the Sanskrit, not a published edition
PdP 5 52.66
एवमुक्त्वा महासंख्ये बाणमाधत्त सायके । ज्वालामालापरीतांगं स्वर्णपुंखसमन्वितम्
evamuktvā mahāsaṃkhye bāṇamādhatta sāyake | jvālāmālāparītāṃgaṃ svarṇapuṃkhasamanvitam
Having spoken thus, in the great battle he set on his bow an arrow whose body was wreathed in garlands of flame and which was furnished with a golden shaft-feather.
AI translation rendered from the Sanskrit, not a published edition
PdP 5 52.67
स बाणो धनुषो मुक्तः शत्रुघ्नेन पथिस्थितः । छिन्नोऽप्यग्रफलेनाशु हृदये समपद्यत
sa bāṇo dhanuṣo muktaḥ śatrughnena pathisthitaḥ | chinno'pyagraphalenāśu hṛdaye samapadyata
That arrow, released from the bow, was intercepted on its path by Śatrughna; though cut, it swiftly lodged in his heart by its point-blade.
AI translation rendered from the Sanskrit, not a published edition
PdP 5 52.68
तेन बाणेन संमूर्छ्य पपात स्यंदनोपरि । ततो हाहाकृतं सैन्यं भग्नं सर्वं पराद्रवत्
tena bāṇena saṃmūrchya papāta syaṃdanopari | tato hāhākṛtaṃ sainyaṃ bhagnaṃ sarvaṃ parādravat
By that arrow he swooned and fell upon his chariot; then the army, crying "alas, alas," broken, all fled away.
AI translation rendered from the Sanskrit, not a published edition
PdP 5 52.69
सुरथो जयमापेदे संग्रामे रामसेवकः । दशवीरा दशसुतैर्मूर्च्छिताः पतिताः क्वचित्
suratho jayamāpede saṃgrāme rāmasevakaḥ | daśavīrā daśasutairmūrcchitāḥ patitāḥ kvacit
Suratha, servant of Rāma, gained victory in the battle; the ten heroes with their ten sons lay swooning, fallen here and there.
AI translation rendered from the Sanskrit, not a published edition