Padma Purana — Patala Khanda — Chapter 49
PdP 5 49.1
शेष उवाच। मासाः सप्ताभवंस्तस्य हयवर्यस्य हेलया । चरतो भारतं वर्षमनेकनृपपूरितम्
śeṣa uvāca| māsāḥ saptābhavaṃstasya hayavaryasya helayā | carato bhārataṃ varṣamanekanṛpapūritam
Śeṣa said: Seven months passed for that excellent horse as it roamed at ease over the land of Bhārata, filled with many kings.
AI translation rendered from the Sanskrit, not a published edition
PdP 5 49.2
स पूजितो भूपवरैः परीत्य वरभारतम् । परीवृतो वीरवरैः शत्रुघ्नादिभिरुद्भटैः
sa pūjito bhūpavaraiḥ parītya varabhāratam | parīvṛto vīravaraiḥ śatrughnādibhirudbhaṭaiḥ
Honoured by the foremost kings, having gone around excellent Bhārata, surrounded by the best of heroes, the mighty ones led by Śatrughna —
AI translation rendered from the Sanskrit, not a published edition
PdP 5 49.3
स बभ्राम बहून्देशान्हिमालयसमीपतः । न कोपि तं निजग्राह हयं रामबलं स्मरन्
sa babhrāma bahūndeśānhimālayasamīpataḥ | na kopi taṃ nijagrāha hayaṃ rāmabalaṃ smaran
it roamed through many lands near the Himālaya; and no one seized that horse, recalling the strength of Rāma.
AI translation rendered from the Sanskrit, not a published edition
PdP 5 49.4
अंगवंगकलिंगानां राजभिः संस्तुतो हयः । जगाम राज्ञो नगरे सुरथस्य मनोहरे
aṃgavaṃgakaliṃgānāṃ rājabhiḥ saṃstuto hayaḥ | jagāma rājño nagare surathasya manohare
Praised by the kings of Aṅga, Vaṅga and Kaliṅga, the horse went to the lovely city of King Suratha.
AI translation rendered from the Sanskrit, not a published edition
PdP 5 49.5
कुंडलं नाम नगरमदितेर्यत्र कुंडलम् । कर्णयोः पतितं भूमौ हर्षभयसुकंपयोः
kuṃḍalaṃ nāma nagaramaditeryatra kuṃḍalam | karṇayoḥ patitaṃ bhūmau harṣabhayasukaṃpayoḥ
The city is named Kuṇḍala, because there Aditi's earring fell to the ground from her ears, as she trembled with joy and fear.
AI translation rendered from the Sanskrit, not a published edition
PdP 5 49.6
यत्र धर्मव्यतिक्रांतिं न करोति कदापिना । श्रीरामस्मरणं प्रेम्णा करोति जनतान्वहम्
yatra dharmavyatikrāṃtiṃ na karoti kadāpinā | śrīrāmasmaraṇaṃ premṇā karoti janatānvaham
Where no man ever commits a transgression of dharma, and the people daily, with love, perform the remembrance of Śrī Rāma;
AI translation rendered from the Sanskrit, not a published edition
PdP 5 49.7
अश्वत्थानां तु यत्रार्चा तुलस्याः प्रत्यहं नृभिः । क्रियते रघुनाथस्य सेवकैः पापवर्जितैः
aśvatthānāṃ tu yatrārcā tulasyāḥ pratyahaṃ nṛbhiḥ | kriyate raghunāthasya sevakaiḥ pāpavarjitaiḥ
where worship of the aśvattha trees and of the tulasī is performed daily by men, servants of the lord of the Raghus, free from sin;
AI translation rendered from the Sanskrit, not a published edition
PdP 5 49.8
यत्र देवालया रम्या राघवप्रतिमायुताः । पूज्यंते प्रत्यहं शुद्धचित्तैः कपटवर्जितैः
yatra devālayā ramyā rāghavapratimāyutāḥ | pūjyaṃte pratyahaṃ śuddhacittaiḥ kapaṭavarjitaiḥ
where lovely temples, furnished with images of Rāghava, are worshipped daily by the pure of mind, free from deceit;
AI translation rendered from the Sanskrit, not a published edition
PdP 5 49.9
वाचि नाम हरेर्यत्र न वै कलहसंकथा । हृदि ध्यानं तु तस्यैव न च कामफलस्मृतिः
vāci nāma hareryatra na vai kalahasaṃkathā | hṛdi dhyānaṃ tu tasyaiva na ca kāmaphalasmṛtiḥ
where the name of Hari is on the tongue and there is no quarrelsome talk at all, and in the heart is meditation on him alone, and no thought of the fruits of desire;
AI translation rendered from the Sanskrit, not a published edition
PdP 5 49.10
देवनं यत्र रामस्य वार्त्ताभिः पूतदेहिनाम् । न जातुचिन्नृणामस्ति सत्यव्यसनमानिनाम्
devanaṃ yatra rāmasya vārttābhiḥ pūtadehinām | na jātucinnṛṇāmasti satyavyasanamāninām
where the amusement of men, whose bodies are purified by talk of Rāma, is (that alone) — for men who count truth as their passion there is never any (dicing);
AI translation rendered from the Sanskrit, not a published edition — the model flagged this verse as uncertain
PdP 5 49.11
तस्मिन्वसति धर्मात्मा सुरथः सत्यवान्बली । रघुनाथपदस्मारहृष्टचित्तः परोन्मदः
tasminvasati dharmātmā surathaḥ satyavānbalī | raghunāthapadasmārahṛṣṭacittaḥ paronmadaḥ
In that (city) dwells the righteous Suratha, truthful and strong, his mind delighted by the remembrance of the feet of the lord of the Raghus, supremely exhilarated.
AI translation rendered from the Sanskrit, not a published edition
PdP 5 49.12
किं वर्णयामि रामस्य सेवकं सुरथं वरम् । यस्याशेषगुणा भूमौ विस्तृताः पावयंत्यघम्
kiṃ varṇayāmi rāmasya sevakaṃ surathaṃ varam | yasyāśeṣaguṇā bhūmau vistṛtāḥ pāvayaṃtyagham
How shall I describe Suratha, the excellent servant of Rāma, whose endless virtues, spread over the earth, purify sin?
AI translation rendered from the Sanskrit, not a published edition
PdP 5 49.13
सेवकास्तस्य भूपस्य पर्यटंतः कदाचन । अपश्यन्हयमेधस्य हयं चंदनचर्चितम्
sevakāstasya bhūpasya paryaṭaṃtaḥ kadācana | apaśyanhayamedhasya hayaṃ caṃdanacarcitam
Once, the servants of that king, while roaming about, saw a horse of the horse-sacrifice, smeared with sandal paste.
AI translation rendered from the Sanskrit, not a published edition
PdP 5 49.14
ते दृष्ट्वा विस्मयं प्राप्ता हयपत्रमलोकयन् । स्पष्टाक्षरसमायुक्तं चंदनादिकचर्चितम्
te dṛṣṭvā vismayaṃ prāptā hayapatramalokayan | spaṣṭākṣarasamāyuktaṃ caṃdanādikacarcitam
Seeing it they were amazed, and they looked at the horse's plate, marked with clear letters and smeared with sandal and the like.
AI translation rendered from the Sanskrit, not a published edition
PdP 5 49.15
ज्ञात्वा रामेण संमुक्तं हयं नेत्रमनोहरम् । हृष्टा राज्ञे सभास्थाय कथयामासुरुत्सुकाः
jñātvā rāmeṇa saṃmuktaṃ hayaṃ netramanoharam | hṛṣṭā rājñe sabhāsthāya kathayāmāsurutsukāḥ
Learning that the horse, delightful to the eyes, had been released by Rāma, they were glad, and eagerly reported it to the king who was seated in his court.
AI translation rendered from the Sanskrit, not a published edition
PdP 5 49.16
स्वामिन्नयोध्यानगरीपतिस्तस्यास्तु राघवः । हयमेधक्रतोर्योग्यो हयो मुक्तः परिभ्रमन्
svāminnayodhyānagarīpatistasyāstu rāghavaḥ | hayamedhakratoryogyo hayo muktaḥ paribhraman
"Master, Rāghava is the lord of the city of Ayodhyā; a horse fit for the horse-sacrifice rite has been released by him and is wandering about.
AI translation rendered from the Sanskrit, not a published edition
PdP 5 49.17
स ते पुरस्य निकटे प्राप्तः सेवकसंयुतः । गृहाण त्वं महाराज हयं तं सुमनोहरम्
sa te purasya nikaṭe prāptaḥ sevakasaṃyutaḥ | gṛhāṇa tvaṃ mahārāja hayaṃ taṃ sumanoharam
It has come near your city, accompanied by servants. Take that most delightful horse, great king!"
AI translation rendered from the Sanskrit, not a published edition
PdP 5 49.18
शेष उवाच। इति श्रुत्वा निजप्रोक्तं वाक्यं हर्षपरिप्लुतः । उवाच वीरान्बलिनो मेघगंभीरया गिरा
śeṣa uvāca| iti śrutvā nijaproktaṃ vākyaṃ harṣapariplutaḥ | uvāca vīrānbalino meghagaṃbhīrayā girā
Śeṣa said: Hearing this speech spoken by his own men, overwhelmed with joy he addressed the mighty heroes in a voice deep as a cloud.
AI translation rendered from the Sanskrit, not a published edition
PdP 5 49.19
सुरथ उवाच। धन्या वयं राममुखं पश्यामः सह सेवकाः । ग्रहीष्यामि हयं तस्य भटकोटिपरीवृतम्
suratha uvāca| dhanyā vayaṃ rāmamukhaṃ paśyāmaḥ saha sevakāḥ | grahīṣyāmi hayaṃ tasya bhaṭakoṭiparīvṛtam
Suratha said: We are fortunate—we, together with our servants, shall behold Rāma's face. I shall seize his horse, though it is surrounded by ten million soldiers.
AI translation rendered from the Sanskrit, not a published edition
PdP 5 49.20
तदा मोक्ष्यामि वाहं तं यदा रामः समाव्रजेत् । कृतार्थं मम भक्तस्य चिरं ध्यानरतस्य वै
tadā mokṣyāmi vāhaṃ taṃ yadā rāmaḥ samāvrajet | kṛtārthaṃ mama bhaktasya ciraṃ dhyānaratasya vai
I shall release that horse only when Rāma himself comes; then indeed the purpose of me, his devotee, long absorbed in meditation, will be accomplished.
AI translation rendered from the Sanskrit, not a published edition
PdP 5 49.21
शेष उवाच। इत्थमुक्त्वा महीपालः सेवकान्स्वयमादिशत् । गृह्णंतु वाहं प्रसभं मोच्यो नाश्वोऽक्षिगोचरः
śeṣa uvāca| itthamuktvā mahīpālaḥ sevakānsvayamādiśat | gṛhṇaṃtu vāhaṃ prasabhaṃ mocyo nāśvo'kṣigocaraḥ
Śeṣa said: Having spoken thus, the king himself commanded his servants: "Let them seize the horse by force; the horse must not be let go once it is in sight."
AI translation rendered from the Sanskrit, not a published edition
PdP 5 49.22
अनेन सुमहाँल्लाभो भविष्यति तु मे मतम् । यद्रामचरणौ प्रेक्षे ब्रह्मशक्रादिदुर्ल्लभौ
anena sumahā~llābho bhaviṣyati tu me matam | yadrāmacaraṇau prekṣe brahmaśakrādidurllabhau
"By this a very great gain will come to me, I think—namely that I shall see Rāma's two feet, hard to obtain for Brahmā, Śakra and the rest.
AI translation rendered from the Sanskrit, not a published edition
PdP 5 49.23
स एव धन्यः स्वजनः पुत्रो वा बांधवोऽथवा । पशुर्वा वाहनं वापि रामाप्तिर्येन संभवेत्
sa eva dhanyaḥ svajanaḥ putro vā bāṃdhavo'thavā | paśurvā vāhanaṃ vāpi rāmāptiryena saṃbhavet
Blessed indeed is that kinsman, or son, or relative, or beast, or even conveyance, through whom the attaining of Rāma may come about.
AI translation rendered from the Sanskrit, not a published edition
PdP 5 49.24
तस्माद्गृहीत्वा क्रत्वश्वं स्वर्णपत्रेण शोभितम् । बध्नंतु वाजिशालायां कामवेगं मनोरमम्
tasmādgṛhītvā kratvaśvaṃ svarṇapatreṇa śobhitam | badhnaṃtu vājiśālāyāṃ kāmavegaṃ manoramam
Therefore, having seized the sacrificial horse adorned with its golden plate—swift as thought and delightful—let them tie it up in the stable."
AI translation rendered from the Sanskrit, not a published edition
PdP 5 49.25
इत्युक्तास्ते ततो गत्वा वाहं रामस्य शोभितम् । गृहीत्वा तरसा राज्ञे ददुः सर्वं शुभांगिनम्
ityuktāste tato gatvā vāhaṃ rāmasya śobhitam | gṛhītvā tarasā rājñe daduḥ sarvaṃ śubhāṃginam
Addressed thus, they went and, swiftly seizing Rāma's adorned horse, gave it, with all its beautiful limbs, to the king.
AI translation rendered from the Sanskrit, not a published edition
PdP 5 49.26
राजा प्राप्य मुदा चाश्वं रामस्य दनुजार्दनः । सेवकान्प्राह बलिनो धर्मकृत्यविचक्षणः
rājā prāpya mudā cāśvaṃ rāmasya danujārdanaḥ | sevakānprāha balino dharmakṛtyavicakṣaṇaḥ
The king, crusher of demons, skilled in acts of dharma, having joyfully obtained Rāma's horse, spoke to his mighty servants.
AI translation rendered from the Sanskrit, not a published edition
PdP 5 49.27
वात्स्यायन महाबुद्धे शृणुष्वैकाग्रमानसः । न तस्य विषये कश्चित्परदाररतो नरः
vātsyāyana mahābuddhe śṛṇuṣvaikāgramānasaḥ | na tasya viṣaye kaścitparadārarato naraḥ
O Vātsyāyana of great intellect, listen with a one-pointed mind: in his realm there is no man given to another's wife;
AI translation rendered from the Sanskrit, not a published edition
PdP 5 49.28
न परद्रव्यनिरतो न च कामेषु लंपटः । न जिह्वाभिरतोन्मार्गे कीर्त्तयेद्रामकीर्तनात्
na paradravyanirato na ca kāmeṣu laṃpaṭaḥ | na jihvābhiratonmārge kīrttayedrāmakīrtanāt
none devoted to another's property, none greedy for pleasures, none whose tongue delights in the wrong road—one should proclaim (this) because of (their) praising of Rāma.
AI translation rendered from the Sanskrit, not a published edition — the model flagged this verse as uncertain
PdP 5 49.29
यः सेवकान्नृपो वक्ति यूयं सेवार्थमागताः । कथयंतु भवच्चेष्टां धर्मकर्मविशारदाः
yaḥ sevakānnṛpo vakti yūyaṃ sevārthamāgatāḥ | kathayaṃtu bhavacceṣṭāṃ dharmakarmaviśāradāḥ
The king who says to servants, "You have come for service—tell your conduct, you who are skilled in acts of dharma"—
AI translation rendered from the Sanskrit, not a published edition
PdP 5 49.30
एकपत्नीव्रतधरा न परद्रव्यलोलुपाः । परापवादानिरता न च वेदोत्पथं गताः
ekapatnīvratadharā na paradravyalolupāḥ | parāpavādāniratā na ca vedotpathaṃ gatāḥ
(they replied:) "We keep the vow of a single wife, are not greedy for others' property, are not given to slandering others, and have not gone on a path contrary to the Veda."
AI translation rendered from the Sanskrit, not a published edition
PdP 5 49.31
श्रीरामस्मरणादीनि कुर्वंति प्रत्यहं भटाः । तानहं रामसेवार्थं रक्षाम्यंतक कोपवान्
śrīrāmasmaraṇādīni kurvaṃti pratyahaṃ bhaṭāḥ | tānahaṃ rāmasevārthaṃ rakṣāmyaṃtaka kopavān
The soldiers daily perform the remembrance of Śrī Rāma and the rest; them I, wrathful, protect for the sake of Rāma's service, O Ender (Yama).
AI translation rendered from the Sanskrit, not a published edition
PdP 5 49.32
एतद्विरुद्धधर्माणो ये नराः पापसंयुताः । तानहं विषये मह्यं वासयामि न दुर्मतीन्
etadviruddhadharmāṇo ye narāḥ pāpasaṃyutāḥ | tānahaṃ viṣaye mahyaṃ vāsayāmi na durmatīn
Those men whose practice is contrary to this, who are joined with sin — those evil-minded ones I do not let dwell in my domain.
AI translation rendered from the Sanskrit, not a published edition
PdP 5 49.33
तस्य देशे न पापिष्ठाः पापं कुर्वंति मानसे । हरिध्यानहताशेष पातकामोदसंयुताः
tasya deśe na pāpiṣṭhāḥ pāpaṃ kurvaṃti mānase | haridhyānahatāśeṣa pātakāmodasaṃyutāḥ
In his realm the great sinners do not commit sin even in thought, for all their delight in wrongdoing has been destroyed by meditation on Hari.
AI translation rendered from the Sanskrit, not a published edition — the model flagged this verse as uncertain
PdP 5 49.34
यदैवमभवद्देशो राजा धर्मेण संयुतः । तदा तत्स्था नराः सर्वे मृता गच्छंति निर्वृतिम्
yadaivamabhavaddeśo rājā dharmeṇa saṃyutaḥ | tadā tatsthā narāḥ sarve mṛtā gacchaṃti nirvṛtim
When the land became thus, and the king was joined with dharma, then all the men living there, having died, go to final peace.
AI translation rendered from the Sanskrit, not a published edition
PdP 5 49.35
यमानुचरनिर्वेशो नाभवत्सौरथे पुरे । तदा यमो मुनेरूपं धृत्वा प्रागान्महीश्वरम्
yamānucaranirveśo nābhavatsaurathe pure | tadā yamo munerūpaṃ dhṛtvā prāgānmahīśvaram
When there was no employment for Yama's attendants in Suratha's city, then Yama, taking the form of a sage, approached the lord of the earth.
AI translation rendered from the Sanskrit, not a published edition
PdP 5 49.36
वल्कलांबरधारी च जटाशोभितशीर्षकः । सुरथं तु सभामध्ये ददर्श हरिसेवकम्
valkalāṃbaradhārī ca jaṭāśobhitaśīrṣakaḥ | surathaṃ tu sabhāmadhye dadarśa harisevakam
Wearing a garment of bark, his head adorned with matted locks, he saw Suratha, the servant of Hari, in the midst of the assembly,
AI translation rendered from the Sanskrit, not a published edition
PdP 5 49.37
तुलसीमस्तके यस्य वाचि नाम हरेः परम् । धर्मकर्मरतां वार्त्तां श्रावयंतं निजाञ्जनान्
tulasīmastake yasya vāci nāma hareḥ param | dharmakarmaratāṃ vārttāṃ śrāvayaṃtaṃ nijāñjanān
on whose head was tulasī, in whose speech was the supreme name of Hari, and who was having discourse devoted to deeds of dharma recited to his own people.
AI translation rendered from the Sanskrit, not a published edition
PdP 5 49.38
तदा मुनिं नृपो दृष्ट्वा तपोमूर्तिमिव स्थितम् । ववंदे चरणौ तस्य पाद्यादिकमथाकरोत्
tadā muniṃ nṛpo dṛṣṭvā tapomūrtimiva sthitam | vavaṃde caraṇau tasya pādyādikamathākarot
Then the king, seeing the sage standing there like the very embodiment of austerity, bowed to his feet and then performed the water-for-the-feet and the rest.
AI translation rendered from the Sanskrit, not a published edition
PdP 5 49.39
सुखोपविष्टं विश्रांतं मुनिं प्राह नृपाग्रणीः । धन्यमद्य जनुर्मह्यं धन्यमद्य गृहं मम
sukhopaviṣṭaṃ viśrāṃtaṃ muniṃ prāha nṛpāgraṇīḥ | dhanyamadya janurmahyaṃ dhanyamadya gṛhaṃ mama
To the sage, comfortably seated and rested, the foremost of kings said: "Blessed is my birth today, blessed is my house today."
AI translation rendered from the Sanskrit, not a published edition
PdP 5 49.40
कथाः कथयतान्मह्यं रामस्य विविधा वराः । याः शृण्वतां पापहानिर्भविष्यति पदे पदे
kathāḥ kathayatānmahyaṃ rāmasya vividhā varāḥ | yāḥ śṛṇvatāṃ pāpahānirbhaviṣyati pade pade
"Tell me the various excellent stories of Rāma, by which, for those who hear them, the destruction of sin comes about at every step."
AI translation rendered from the Sanskrit, not a published edition
PdP 5 49.41
इत्थमुक्तं समाकर्ण्य जहास स मुनिर्भृशम् । दंतान्प्रदर्शयन्सर्वांस्तालास्फालितपाणिकः
itthamuktaṃ samākarṇya jahāsa sa munirbhṛśam | daṃtānpradarśayansarvāṃstālāsphālitapāṇikaḥ
Hearing what was thus spoken, that sage laughed loudly, showing all his teeth and clapping his hands in rhythm.
AI translation rendered from the Sanskrit, not a published edition
PdP 5 49.42
हसंतं तं मुनिं प्राह हसने कारणं किमु । कथयस्व प्रसादेन यथा स्यान्मनसः सुखम्
hasaṃtaṃ taṃ muniṃ prāha hasane kāraṇaṃ kimu | kathayasva prasādena yathā syānmanasaḥ sukham
(The king) said to that laughing sage: "What is the reason for the laughter? Kindly tell it, so that there may be ease of mind."
AI translation rendered from the Sanskrit, not a published edition
PdP 5 49.43
ततो मुनिर्नृपं प्राह शृणु राजन्धियायुतः । यदहं तेऽभिधास्यामि स्मिते कारणमुत्तमम्
tato munirnṛpaṃ prāha śṛṇu rājandhiyāyutaḥ | yadahaṃ te'bhidhāsyāmi smite kāraṇamuttamam
Then the sage said to the king: "Listen, O king, with attentive mind, to what I shall tell you: the chief reason for the smile."
AI translation rendered from the Sanskrit, not a published edition
PdP 5 49.44
त्वया प्रोक्तं हरेः कीर्तिं कथयस्व ममाग्रतः । को हरिः कस्य वा कीर्तिः सर्वे कर्मवशा नराः
tvayā proktaṃ hareḥ kīrtiṃ kathayasva mamāgrataḥ | ko hariḥ kasya vā kīrtiḥ sarve karmavaśā narāḥ
"You said: 'Recite the glory of Hari before me.' Who is Hari, and whose is the glory? All men are subject to their deeds."
AI translation rendered from the Sanskrit, not a published edition
PdP 5 49.45
कर्मणा प्राप्यते स्वर्गः कर्मणा नरकं व्रजेत् । कर्मणैव भवेत्सर्वं पुत्रपौत्रादिकं बहु
karmaṇā prāpyate svargaḥ karmaṇā narakaṃ vrajet | karmaṇaiva bhavetsarvaṃ putrapautrādikaṃ bahu
"By deeds heaven is attained; by deeds one goes to hell; by deeds alone everything comes about — sons, grandsons and much else."
AI translation rendered from the Sanskrit, not a published edition
PdP 5 49.46
शक्रः शतं क्रतूनां तु कृत्वागात्परमं पदम् । ब्रह्मापि कर्मणा लोकं प्राप्य सत्याख्यमद्भुतम्
śakraḥ śataṃ kratūnāṃ tu kṛtvāgātparamaṃ padam | brahmāpi karmaṇā lokaṃ prāpya satyākhyamadbhutam
"Indra, having performed a hundred sacrifices, went to the highest station; Brahmā too, by deeds, attained the wondrous world called Satya."
AI translation rendered from the Sanskrit, not a published edition
PdP 5 49.47
अनेके कर्मणा सिद्धा मरुदादय ईशिनः । कुर्वन्ति भोगसौख्यं च अप्सरोगणसेविताः
aneke karmaṇā siddhā marudādaya īśinaḥ | kurvanti bhogasaukhyaṃ ca apsarogaṇasevitāḥ
"Many have become accomplished through deeds — the Maruts and the rest, who are lords, and, attended by throngs of apsarases, they take their pleasure and ease."
AI translation rendered from the Sanskrit, not a published edition
PdP 5 49.48
तस्मात्कुरुष्व यज्ञादीन्यजस्व किल देवताः । यथा ते विमलाकीर्तिर्भविष्यति महीतले
tasmātkuruṣva yajñādīnyajasva kila devatāḥ | yathā te vimalākīrtirbhaviṣyati mahītale
"Therefore perform sacrifices and the rest, and worship the gods indeed, so that your spotless fame will spread over the face of the earth."
AI translation rendered from the Sanskrit, not a published edition
PdP 5 49.49
इति श्रुत्वा तु तद्वाक्यं कोपक्षुभितमानसः । उवाच रामैकमना विप्रं कर्मविशारदम्
iti śrutvā tu tadvākyaṃ kopakṣubhitamānasaḥ | uvāca rāmaikamanā vipraṃ karmaviśāradam
Having heard that speech of his, with his mind agitated by anger, he — whose mind was on Rāma alone — said to the brahmin skilled in ritual works:
AI translation rendered from the Sanskrit, not a published edition
PdP 5 49.50
मा ब्रूहि कर्मणो वार्तां क्षयिष्णुफलदायिनीम् । गच्छ मन्नगरोपांताद्बहिर्लोकविगर्हितः
mā brūhi karmaṇo vārtāṃ kṣayiṣṇuphaladāyinīm | gaccha mannagaropāṃtādbahirlokavigarhitaḥ
"Do not speak the talk of works, which gives perishable fruit. Go out from the neighbourhood of my city, censured by the world."
AI translation rendered from the Sanskrit, not a published edition
PdP 5 49.51
इंद्रः पतिष्यति क्षिप्रं पतिष्यत्यपि पद्मजः । न पतिष्यंति मनुजा रामस्य भजनोत्सुकाः
iṃdraḥ patiṣyati kṣipraṃ patiṣyatyapi padmajaḥ | na patiṣyaṃti manujā rāmasya bhajanotsukāḥ
"Indra will soon fall; the lotus-born one too will fall; but men eager for the worship of Rāma will not fall."
AI translation rendered from the Sanskrit, not a published edition
PdP 5 49.52
पश्य ध्रुवं च प्रह्लादं बिभीषणमथाद्भुतम् । ये चान्ये रामभक्ता वै कदापि न पतंति ते
paśya dhruvaṃ ca prahlādaṃ bibhīṣaṇamathādbhutam | ye cānye rāmabhaktā vai kadāpi na pataṃti te
Look at Dhruva, and Prahlāda, and Vibhīṣaṇa — how wonderful! And whatever others are devotees of Rāma, they never fall.
AI translation rendered from the Sanskrit, not a published edition
PdP 5 49.53
ये रामनिंदका दुष्टास्तानि मे यमकिंकराः । ताडयिष्यंति लोहस्य मुद्गरैः पाशबन्धनैः
ye rāmaniṃdakā duṣṭāstāni me yamakiṃkarāḥ | tāḍayiṣyaṃti lohasya mudgaraiḥ pāśabandhanaiḥ
Those wicked ones who revile Rāma — my servants of Yama will beat them with iron mallets and bind them with nooses.
AI translation rendered from the Sanskrit, not a published edition
PdP 5 49.54
ब्राह्मणत्वाद्देहदंडं न कुर्यां ते द्विजाधम । गच्छ गच्छ मदालोकात्ताडयिष्यामि चान्यथा
brāhmaṇatvāddehadaṃḍaṃ na kuryāṃ te dvijādhama | gaccha gaccha madālokāttāḍayiṣyāmi cānyathā
Because of your brahminhood I will not inflict bodily punishment on you, O lowest of twice-born. Go, go out of my sight, or else I shall strike (you).
AI translation rendered from the Sanskrit, not a published edition
PdP 5 49.55
इत्थमुक्तवति श्रेष्ठे भूपे सुरथसंज्ञिते । सेवका बाहुना धृत्वा निष्कासयितुमुद्यताः
itthamuktavati śreṣṭhe bhūpe surathasaṃjñite | sevakā bāhunā dhṛtvā niṣkāsayitumudyatāḥ
When the excellent king named Suratha had spoken thus, the attendants, seizing (him) by the arm, made ready to throw (him) out.
AI translation rendered from the Sanskrit, not a published edition
PdP 5 49.56
तदा यमो निजं रूपं धृत्वा लोकैकवंदितम् । प्राह भूपं प्रतुष्टोऽस्मि याचस्व हरिसेवक
tadā yamo nijaṃ rūpaṃ dhṛtvā lokaikavaṃditam | prāha bhūpaṃ pratuṣṭo'smi yācasva harisevaka
Then Yama, assuming his own form, which is honoured by the world alone, said to the king: "I am well pleased; ask, O servant of Hari."
AI translation rendered from the Sanskrit, not a published edition
PdP 5 49.57
मया प्रलोभितो वाग्भिर्बह्वीभिरपि सुव्रत । चलितोसि न रामस्य सेवायाः साधुसेवितः
mayā pralobhito vāgbhirbahvībhirapi suvrata | calitosi na rāmasya sevāyāḥ sādhusevitaḥ
"Though tempted by me with many words, O you of good vows, you have not moved from the service of Rāma, O you who are served by the good."
AI translation rendered from the Sanskrit, not a published edition
PdP 5 49.58
तदा प्रोवाच भूमीशो यमं दृष्ट्वा सुतोषितम् । उवाच यदि तुष्टोसि देहि मे वरमुत्तमम्
tadā provāca bhūmīśo yamaṃ dṛṣṭvā sutoṣitam | uvāca yadi tuṣṭosi dehi me varamuttamam
Then the lord of the earth, seeing Yama well pleased, spoke; he said: "If you are pleased, grant me an excellent boon."
AI translation rendered from the Sanskrit, not a published edition
PdP 5 49.59
तावन्मम न वै मृत्युर्यावद्रामसमागमः । न भयं मे भवत्तो हि कदाचन हि धर्मराट्
tāvanmama na vai mṛtyuryāvadrāmasamāgamaḥ | na bhayaṃ me bhavatto hi kadācana hi dharmarāṭ
"Let there be no death for me until I meet with Rāma; and let me never have fear from you, O king of dharma."
AI translation rendered from the Sanskrit, not a published edition
PdP 5 49.60
तदोवाच यमो भूपमिदं तव भविष्यति । सर्वं त्वदीप्सितं तथ्यं करिष्यति रघोःपतिः
tadovāca yamo bhūpamidaṃ tava bhaviṣyati | sarvaṃ tvadīpsitaṃ tathyaṃ kariṣyati raghoḥpatiḥ
Then Yama said to the king: "This shall be yours; the lord of the Raghus will make all that you desire come true."
AI translation rendered from the Sanskrit, not a published edition
PdP 5 49.61
इत्युक्त्वांतर्हितो धर्मो जगाम स्वपुरं प्रति । प्रशस्य तस्य चरितं हरिभक्तिपरात्मनः
ityuktvāṃtarhito dharmo jagāma svapuraṃ prati | praśasya tasya caritaṃ haribhaktiparātmanaḥ
Having said this, Dharma vanished and went off toward his own city, praising the conduct of that man whose whole self was devoted to Hari.
AI translation rendered from the Sanskrit, not a published edition
PdP 5 49.62
स राजा धार्मिको रामसेवकः परया मुदा । गृहीत्वाश्वं प्रत्युवाच सेवकान्हरिसेवकान्
sa rājā dhārmiko rāmasevakaḥ parayā mudā | gṛhītvāśvaṃ pratyuvāca sevakānharisevakān
That righteous king, a servant of Rāma, with the highest joy, having taken the horse, said in reply to his attendants, the servants of Hari:
AI translation rendered from the Sanskrit, not a published edition
PdP 5 49.63
मया गृहीतो वाहोऽसौ राघवस्य महीपतेः । सज्जी भवंतु सर्वत्र यूयं रणविशारदाः
mayā gṛhīto vāho'sau rāghavasya mahīpateḥ | sajjī bhavaṃtu sarvatra yūyaṃ raṇaviśāradāḥ
"This mount of Rāghava, the lord of the earth, has been taken by me. Be ready everywhere, you who are skilled in battle."
AI translation rendered from the Sanskrit, not a published edition
PdP 5 49.64
इति प्रोक्तास्तु ते सर्वे भटा राज्ञो महाबलाः । सज्जीभूताः क्षणादेव सभायां जग्मुरुत्सुकाः
iti proktāstu te sarve bhaṭā rājño mahābalāḥ | sajjībhūtāḥ kṣaṇādeva sabhāyāṃ jagmurutsukāḥ
Thus addressed, all those soldiers of the king, of great strength, being made ready in a mere moment, went eagerly to the assembly hall.
AI translation rendered from the Sanskrit, not a published edition
PdP 5 49.65
राज्ञो वीरा दशसुताश्चंपको मोहकस्तथा । रिपुंजयोऽतिदुर्वारः प्रतापीबलमोदकः
rājño vīrā daśasutāścaṃpako mohakastathā | ripuṃjayo'tidurvāraḥ pratāpībalamodakaḥ
The king's heroic ten sons: Campaka, and Mohaka, Ripuṃjaya, Atidurvāra, Pratāpī, Balamodaka,
AI translation rendered from the Sanskrit, not a published edition
PdP 5 49.66
हर्यक्षः सहदेवश्च भूरिदेवः सुतापनः । इति राज्ञो दश सुताः सज्जीभूता रणांगणे
haryakṣaḥ sahadevaśca bhūridevaḥ sutāpanaḥ | iti rājño daśa sutāḥ sajjībhūtā raṇāṃgaṇe
Haryakṣa, and Sahadeva, Bhūrideva, Sutāpana — thus the king's ten sons stood ready on the field of battle.
AI translation rendered from the Sanskrit, not a published edition
PdP 5 49.67
यातुमिच्छामकुर्वंस्ते महोत्साहसमन्विताः । राजापि स्वरथं चित्रं हेमशोभाविनिर्मितम्
yātumicchāmakurvaṃste mahotsāhasamanvitāḥ | rājāpi svarathaṃ citraṃ hemaśobhāvinirmitam
Filled with great enthusiasm, they made known their wish to go. The king too (called for) his own splendid chariot, fashioned with the beauty of gold,
AI translation rendered from the Sanskrit, not a published edition
PdP 5 49.68
आह्वयामास सुजवैर्वाजिभिः समलंकृतम् । रणोत्साहेन संयुक्तः सर्वसैन्यपरीवृतः
āhvayāmāsa sujavairvājibhiḥ samalaṃkṛtam | raṇotsāhena saṃyuktaḥ sarvasainyaparīvṛtaḥ
he summoned (it), adorned with swift horses. Joined with eagerness for battle, surrounded by his whole army,
AI translation rendered from the Sanskrit, not a published edition
PdP 5 49.69
सभायां सेवकान्सर्वान्दिशन्नास्ते महीपतिः
sabhāyāṃ sevakānsarvāndiśannāste mahīpatiḥ
the lord of the earth remained in the assembly hall, giving directions to all his servants.
AI translation rendered from the Sanskrit, not a published edition