Padma Purana — Patala Khanda — Chapter 48
PdP 5 48.1
शेष उवाच। इति प्रोक्तं तु मुनिना संश्रुत्य परवीरहा । विस्मयं मानयामास हृदि शौनकमब्रवीत्
śeṣa uvāca| iti proktaṃ tu muninā saṃśrutya paravīrahā | vismayaṃ mānayāmāsa hṛdi śaunakamabravīt
Śeṣa said: Having heard this spoken by the sage, the slayer of enemy heroes honoured the wonder of it in his heart and said to Śaunaka:
AI translation rendered from the Sanskrit, not a published edition
PdP 5 48.2
शत्रुघ्न उवाच। कर्मणो गहना वार्ता यया सात्वकनामधृत् । दिवं प्राप्तोऽपि महता कर्मणा राक्षसीकृतः
śatrughna uvāca| karmaṇo gahanā vārtā yayā sātvakanāmadhṛt | divaṃ prāpto'pi mahatā karmaṇā rākṣasīkṛtaḥ
Śatrughna said: Deep is this account of action, by which the bearer of the name Sātvaka, though he had reached heaven, was by a great deed made into a rākṣasa.
AI translation rendered from the Sanskrit, not a published edition
PdP 5 48.3
स्वामिन्वद महर्षे त्वं कर्मणां स्वगतिर्यथा । येन कर्मविपाकेन यादृशं नरकं भवेत्
svāminvada maharṣe tvaṃ karmaṇāṃ svagatiryathā | yena karmavipākena yādṛśaṃ narakaṃ bhavet
Tell (me), master, great seer, how the course proper to actions runs — by which ripening of which action what sort of hell comes about.
AI translation rendered from the Sanskrit, not a published edition
PdP 5 48.4
शौनक उवाच। धन्योसि राघवश्रेष्ठ यत्ते मतिरियं शुभा । जानन्नपि हितार्थाय लोकानां त्वं ब्रवीषि भोः
śaunaka uvāca| dhanyosi rāghavaśreṣṭha yatte matiriyaṃ śubhā | jānannapi hitārthāya lokānāṃ tvaṃ bravīṣi bhoḥ
Śaunaka said: You are blessed, best of the Rāghavas, in that this auspicious thought is yours; though you know it, you speak, sir, for the benefit of the worlds.
AI translation rendered from the Sanskrit, not a published edition
PdP 5 48.5
कथयामि विचित्राणां कर्मणां विविधा गतीः । ताः शृणुष्व महाराज यच्छ्रुत्वा मोक्षमाप्नुयात्
kathayāmi vicitrāṇāṃ karmaṇāṃ vividhā gatīḥ | tāḥ śṛṇuṣva mahārāja yacchrutvā mokṣamāpnuyāt
I shall relate the various courses of manifold actions. Hear them, great king — hearing which one may attain liberation.
AI translation rendered from the Sanskrit, not a published edition
PdP 5 48.6
परवित्तं परापत्यं कलत्रं पारकं च यः । बलात्कारेण गृह्णाति भोगबुद्ध्या च दुर्मतिः
paravittaṃ parāpatyaṃ kalatraṃ pārakaṃ ca yaḥ | balātkāreṇa gṛhṇāti bhogabuddhyā ca durmatiḥ
The evil-minded man who by force seizes another's wealth, another's child, and another's wife, with the intent of enjoyment—
AI translation rendered from the Sanskrit, not a published edition
PdP 5 48.7
कालपाशेन संबद्धो यमदूतैर्महाबलैः । तामिस्रे पात्यते तावद्यावद्वर्षसहस्रकम्
kālapāśena saṃbaddho yamadūtairmahābalaiḥ | tāmisre pātyate tāvadyāvadvarṣasahasrakam
—bound with the noose of Time by Yama's mighty messengers, he is cast into (the hell) Tāmisra for as long as a thousand years.
AI translation rendered from the Sanskrit, not a published edition
PdP 5 48.8
तत्र ताडनमुद्धूताः कुर्वंति यमकिंकराः । पापभोगेन संतप्तस्ततो योनिं तु शौकरीम्
tatra tāḍanamuddhūtāḥ kurvaṃti yamakiṃkarāḥ | pāpabhogena saṃtaptastato yoniṃ tu śaukarīm
There Yama's servants, enraged, beat (him); scorched by the experiencing of his sin, he then (goes to) a pig's womb.
AI translation rendered from the Sanskrit, not a published edition
PdP 5 48.9
तत्र भुक्त्वा महादुःखं मानुषत्वं गमिष्यति । रोगादिचिह्नितं तत्र दुर्यशो ज्ञापकं स्वकम्
tatra bhuktvā mahāduḥkhaṃ mānuṣatvaṃ gamiṣyati | rogādicihnitaṃ tatra duryaśo jñāpakaṃ svakam
Having experienced great suffering there, he will attain human birth, marked there by disease and the like, (and by) his own ill repute that makes (his past) known.
AI translation rendered from the Sanskrit, not a published edition — the model flagged this verse as uncertain
PdP 5 48.10
भूतद्रोहं विधायैव केवलं स्वकुटुंबकम् । पुष्णाति पापनिरतः सोंऽधतामिस्रके पतेत्
bhūtadrohaṃ vidhāyaiva kevalaṃ svakuṭuṃbakam | puṣṇāti pāpanirataḥ soṃ'dhatāmisrake patet
He who, doing injury to living beings, nourishes only his own family, intent on sin — he falls into Andhatāmisra.
AI translation rendered from the Sanskrit, not a published edition
PdP 5 48.11
ये नरा इह जंतूनां वधं कुर्वंति वै मृषा । ते रौरवे निपात्यंते भिद्यंते रुरुभी रुषा
ye narā iha jaṃtūnāṃ vadhaṃ kurvaṃti vai mṛṣā | te raurave nipātyaṃte bhidyaṃte rurubhī ruṣā
Those men who here needlessly kill living creatures are cast into Raurava, and are torn apart in fury by the rurus.
AI translation rendered from the Sanskrit, not a published edition
PdP 5 48.12
यः स्वोदरार्थे भूतानां वधमाचरति स्फुटम् । महारौरवसंज्ञे तु पात्यते स यमाज्ञया
yaḥ svodarārthe bhūtānāṃ vadhamācarati sphuṭam | mahārauravasaṃjñe tu pātyate sa yamājñayā
He who plainly kills living beings for the sake of his own belly is cast, by Yama's command, into (the hell) named Mahāraurava.
AI translation rendered from the Sanskrit, not a published edition
PdP 5 48.13
यो वै निजं तु जनकं ब्राह्मणं द्वेष्टि पापकृत् । कालसूत्रे महादुष्टे योजनायुतविस्तृते
yo vai nijaṃ tu janakaṃ brāhmaṇaṃ dveṣṭi pāpakṛt | kālasūtre mahāduṣṭe yojanāyutavistṛte
The evildoer who hates his own father or a brahmin (falls) into Kālasūtra, that most terrible (hell) extending ten thousand yojanas.
AI translation rendered from the Sanskrit, not a published edition
PdP 5 48.14
यावंति पशुरोमाणि गवां द्वेषं करोति यः । तावद्वर्षसहस्राणि पच्यते यमकिंकरैः
yāvaṃti paśuromāṇi gavāṃ dveṣaṃ karoti yaḥ | tāvadvarṣasahasrāṇi pacyate yamakiṃkaraiḥ
He who shows hatred toward cows is cooked by Yama's servants for as many thousands of years as there are hairs on (those) animals.
AI translation rendered from the Sanskrit, not a published edition
PdP 5 48.15
यो भूमौ भूपतिर्भूत्वा दंडायोग्यं तु दंडयेत् । करोति ब्राह्मणस्यापि देहदंडं च लोलुपः
yo bhūmau bhūpatirbhūtvā daṃḍāyogyaṃ tu daṃḍayet | karoti brāhmaṇasyāpi dehadaṃḍaṃ ca lolupaḥ
He who, having become a king on earth, punishes one who does not deserve punishment, and, greedy, inflicts bodily punishment even on a brahmin —
AI translation rendered from the Sanskrit, not a published edition
PdP 5 48.16
स सूकरमुखैर्दुष्टैः पीड्यते यमकिंकरैः । पश्चाद्दुष्टासु योनीषु जायते पापमुक्तये
sa sūkaramukhairduṣṭaiḥ pīḍyate yamakiṃkaraiḥ | paścādduṣṭāsu yonīṣu jāyate pāpamuktaye
he is tormented by the cruel boar-faced servants of Yama; afterwards he is born in vile wombs, for the removal of his sin.
AI translation rendered from the Sanskrit, not a published edition
PdP 5 48.17
ब्राह्मणानां गवां ये तु द्रव्यं वृत्तं तथाल्पकम् । वृत्तिं वा गृह्णते मोहाल्लुंपंति स्वबलान्नराः
brāhmaṇānāṃ gavāṃ ye tu dravyaṃ vṛttaṃ tathālpakam | vṛttiṃ vā gṛhṇate mohālluṃpaṃti svabalānnarāḥ
Those men who out of delusion seize the property of brahmins or of cows — even a small holding — or their means of livelihood, and plunder (it) by their own force,
AI translation rendered from the Sanskrit, not a published edition
PdP 5 48.18
ते परत्रांधकूपे च पात्यंते च महार्दिताः । योऽन्नं स्वयमुपाहृत्य मधुरं चात्तिलोलुपः
te paratrāṃdhakūpe ca pātyaṃte ca mahārditāḥ | yo'nnaṃ svayamupāhṛtya madhuraṃ cāttilolupaḥ
they are cast in the next world into Andhakūpa and are grievously afflicted. He who, greedy of taste, having himself procured sweet food,
AI translation rendered from the Sanskrit, not a published edition
PdP 5 48.19
न देवाय न सुहृदे ददाति रसनापरः । स पतत्येव नरके कृमिभोजनसंज्ञिते
na devāya na suhṛde dadāti rasanāparaḥ | sa patatyeva narake kṛmibhojanasaṃjñite
gives (it) neither to a god nor to a friend, being devoted to his tongue — he falls indeed into the hell named Kṛmibhojana.
AI translation rendered from the Sanskrit, not a published edition
PdP 5 48.20
अनापदि नरो यस्तु हिरण्यादीन्यपाहरेत् । ब्रह्मस्वं वा महादुष्टे संदंशे नरके पतेत्
anāpadi naro yastu hiraṇyādīnyapāharet | brahmasvaṃ vā mahāduṣṭe saṃdaṃśe narake patet
The man who, not being in distress, steals gold and the like, or the property of a brahmin, falls into the exceedingly evil hell Saṃdaṃśa.
AI translation rendered from the Sanskrit, not a published edition
PdP 5 48.21
यः स्वदेहं प्रपुष्णाति नान्यं जानाति मूढधीः । स पात्यते तैलतप्ते कुंभीपाकेऽतिदारुणे
yaḥ svadehaṃ prapuṣṇāti nānyaṃ jānāti mūḍhadhīḥ | sa pātyate tailatapte kuṃbhīpāke'tidāruṇe
He of dull mind who nourishes his own body and knows no other is cast into the most dreadful Kumbhīpāka, heated with oil.
AI translation rendered from the Sanskrit, not a published edition
PdP 5 48.22
यो नागम्यां स्त्रियं मोहाद्योषिद्भावाच्च कामयेत् । तं तया किंकराः सूर्म्या परिरंभं च कुर्वते
yo nāgamyāṃ striyaṃ mohādyoṣidbhāvācca kāmayet | taṃ tayā kiṃkarāḥ sūrmyā pariraṃbhaṃ ca kurvate
He who out of delusion desires a woman who must not be approached, and (does so) out of lust for a female — him the servants make embrace her, an iron figure (of a woman).
AI translation rendered from the Sanskrit, not a published edition — the model flagged this verse as uncertain
PdP 5 48.23
ये बलाद्वेदमर्यादां लुंपंति स्वबलोद्धताः । ते वैतरण्यां पतिता मांसशोणितभक्षकाः
ye balādvedamaryādāṃ luṃpaṃti svabaloddhatāḥ | te vaitaraṇyāṃ patitā māṃsaśoṇitabhakṣakāḥ
Those who, puffed up with their own power, forcibly break the bounds set by the Veda fall into the Vaitaraṇī, becoming eaters of flesh and blood.
AI translation rendered from the Sanskrit, not a published edition
PdP 5 48.24
वृषलद्यं यः स्त्रियं कृत्वा तया गार्हस्थ्यमाचरेत् । पूयोदे निपतत्येव महादुःखसमन्वितः
vṛṣaladyaṃ yaḥ striyaṃ kṛtvā tayā gārhasthyamācaret | pūyode nipatatyeva mahāduḥkhasamanvitaḥ
He who takes a śūdra woman and with her practises household life falls indeed into Pūyoda, filled with great suffering.
AI translation rendered from the Sanskrit, not a published edition
PdP 5 48.25
ये दंभमाश्रयंते वै धूर्ता लोकस्य वंचने । वैशसे नरके मूढाः पतंति यमताडिताः
ye daṃbhamāśrayaṃte vai dhūrtā lokasya vaṃcane | vaiśase narake mūḍhāḥ pataṃti yamatāḍitāḥ
Those rogues who resort to hypocrisy in order to deceive people — those fools fall, beaten by Yama, into the hell Vaiśasa.
AI translation rendered from the Sanskrit, not a published edition
PdP 5 48.26
ये सवर्णां स्त्रियं मूढा रेतः स्वं पाययंति च । रेतःकुल्यासु ते पापा रेतःपानेषु तत्पराः
ye savarṇāṃ striyaṃ mūḍhā retaḥ svaṃ pāyayaṃti ca | retaḥkulyāsu te pāpā retaḥpāneṣu tatparāḥ
Those fools who make a woman of their own caste drink their semen — those sinners, intent on the drinking of semen, (fall) into the streams of semen.
AI translation rendered from the Sanskrit, not a published edition
PdP 5 48.27
ये चौरा वह्निदा दुष्टा गरदा ग्रामलुंठकाः । सारमेयादने ते वै पात्यंते पातकान्विताः
ye caurā vahnidā duṣṭā garadā grāmaluṃṭhakāḥ | sārameyādane te vai pātyaṃte pātakānvitāḥ
Those wicked ones who are thieves, arsonists, poisoners, plunderers of villages — they, burdened with sin, are cast into Sārameyādana.
AI translation rendered from the Sanskrit, not a published edition
PdP 5 48.28
कूटसाक्ष्यं वदत्यद्धा पुरुषः पापसंभृतः । परकीयं तु द्रव्यं यो हरति प्रसभं बली
kūṭasākṣyaṃ vadatyaddhā puruṣaḥ pāpasaṃbhṛtaḥ | parakīyaṃ tu dravyaṃ yo harati prasabhaṃ balī
A man filled with sin who plainly gives false witness, and the strong man who forcibly seizes another's property —
AI translation rendered from the Sanskrit, not a published edition
PdP 5 48.29
सोऽवीचिनरके पापी अवाग्वक्त्रः पतत्यधः । तत्र दुःखं महद्भुक्त्वा पापिष्ठां योनिमाव्रजेत्
so'vīcinarake pāpī avāgvaktraḥ patatyadhaḥ | tatra duḥkhaṃ mahadbhuktvā pāpiṣṭhāṃ yonimāvrajet
that sinner falls headlong down into the Avīci hell, face downward; and having suffered great misery there, he goes on to a most sinful birth.
AI translation rendered from the Sanskrit, not a published edition
PdP 5 48.30
यो नरो रसनास्वादात्सुरां पिबति मूढधीः । तं पाययंति लोहस्य रसं धर्मस्य किंकराः
yo naro rasanāsvādātsurāṃ pibati mūḍhadhīḥ | taṃ pāyayaṃti lohasya rasaṃ dharmasya kiṃkarāḥ
The man of deluded mind who drinks liquor for the taste of his tongue — him the servants of Dharma make drink molten iron.
AI translation rendered from the Sanskrit, not a published edition
PdP 5 48.31
यो गुरूनवमन्येत स्वविद्याचारदर्पितः । स मृतः पात्यते क्षारनरकेऽधोमुखः पुमान्
yo gurūnavamanyeta svavidyācāradarpitaḥ | sa mṛtaḥ pātyate kṣāranarake'dhomukhaḥ pumān
The man who, puffed up with his own learning and conduct, would slight his teachers — when dead, that man is cast head-downward into the Kṣāra (caustic) hell.
AI translation rendered from the Sanskrit, not a published edition
PdP 5 48.32
विश्वासघातं कुर्वंति ये नरा धर्मनिष्कृताः । शूलप्रोते च नरके पात्यंते बहुयातने
viśvāsaghātaṃ kurvaṃti ye narā dharmaniṣkṛtāḥ | śūlaprote ca narake pātyaṃte bahuyātane
Those men, cast out from dharma, who commit betrayal of trust are thrown into the hell Śūlaprota (impaled on stakes), of many torments.
AI translation rendered from the Sanskrit, not a published edition
PdP 5 48.33
पिशुनो यो नरान्सर्वानुद्वेजयति वाक्यतः । दंदशूके च पतितो दंदशूकैः स दश्यते
piśuno yo narānsarvānudvejayati vākyataḥ | daṃdaśūke ca patito daṃdaśūkaiḥ sa daśyate
The slanderer who distresses all men with his speech, fallen into Daṃdaśūka, is bitten there by biting serpents.
AI translation rendered from the Sanskrit, not a published edition
PdP 5 48.34
एवं राजन्ननेके वै नरकाः पापकारिणाम् । पापं कृत्वा प्रयांत्येते पीडां यांति सुदारुणाम्
evaṃ rājannaneke vai narakāḥ pāpakāriṇām | pāpaṃ kṛtvā prayāṃtyete pīḍāṃ yāṃti sudāruṇām
Thus, O king, there are many hells for the doers of evil; having done sin these go there and undergo most terrible torment.
AI translation rendered from the Sanskrit, not a published edition
PdP 5 48.35
यैर्न श्रुता रामकथा न परोपकृतिः कृता । तेषां सर्वाणि दुःखानि भवंति नरकांतरे
yairna śrutā rāmakathā na paropakṛtiḥ kṛtā | teṣāṃ sarvāṇi duḥkhāni bhavaṃti narakāṃtare
For those by whom the story of Rāma has not been heard and no kindness to others has been done, all these sufferings occur within hell.
AI translation rendered from the Sanskrit, not a published edition
PdP 5 48.36
अत्र यस्य सुखं स्वर्गे भूयात्तस्य इतीर्यते । ये दुःखिनो रोगयुता नरकादागताश्च ते
atra yasya sukhaṃ svarge bhūyāttasya itīryate | ye duḥkhino rogayutā narakādāgatāśca te
Of whoever has happiness here, it is said that it is his (fruit) in heaven; and those who are wretched and afflicted with disease have come (back) from hell.
AI translation rendered from the Sanskrit, not a published edition — the model flagged this verse as uncertain
PdP 5 48.37
शेष उवाच। एतच्छ्रुत्वा महीपालः कंपमानः क्षणे क्षणे । पप्रच्छ भूयस्तं विप्रं सर्वसंशयनुत्तये
śeṣa uvāca| etacchrutvā mahīpālaḥ kaṃpamānaḥ kṣaṇe kṣaṇe | papraccha bhūyastaṃ vipraṃ sarvasaṃśayanuttaye
Śeṣa said: Hearing this, the king, trembling moment by moment, asked that brahmin again, for the removal of all his doubts.
AI translation rendered from the Sanskrit, not a published edition
PdP 5 48.38
तत्तत्पापस्य चिह्नानि कथयस्व महामुने । केन पापेन किं चिह्नं भूलोके उपजायते
tattatpāpasya cihnāni kathayasva mahāmune | kena pāpena kiṃ cihnaṃ bhūloke upajāyate
"Tell (me), great sage, the marks of each particular sin: by which sin does which mark arise in the world of men?"
AI translation rendered from the Sanskrit, not a published edition
PdP 5 48.39
इति श्रुत्वा तु तद्वाक्यं मुनिः प्रोवाच भूपतिम् । शृणु राजन्प्रवक्ष्यामि चिह्नानि पापकारिणाम्
iti śrutvā tu tadvākyaṃ muniḥ provāca bhūpatim | śṛṇu rājanpravakṣyāmi cihnāni pāpakāriṇām
Hearing that speech of his, the sage said to the king: "Listen, O king, I shall declare the marks of the doers of evil."
AI translation rendered from the Sanskrit, not a published edition
PdP 5 48.40
शौनक उवाच। सुरापः श्यामदंतश्च नरकांते प्रजायते । अभक्ष्यभक्षकारी च जायते गुल्मकोदरः
śaunaka uvāca| surāpaḥ śyāmadaṃtaśca narakāṃte prajāyate | abhakṣyabhakṣakārī ca jāyate gulmakodaraḥ
Śaunaka said: The drinker of liquor is born, at the end of his hell, with black teeth; and the eater of forbidden food is born with a tumorous belly.
AI translation rendered from the Sanskrit, not a published edition
PdP 5 48.41
उदक्यावीक्षितं भुक्त्वा जायते कृमिलोदरः । श्वमार्जारादिसंस्पृष्टं भुक्त्वा दुर्गंधिमान्भवेत्
udakyāvīkṣitaṃ bhuktvā jāyate kṛmilodaraḥ | śvamārjārādisaṃspṛṣṭaṃ bhuktvā durgaṃdhimānbhavet
Having eaten what has been looked upon by a menstruating woman, one is born with worms in the belly; having eaten what has been touched by a dog, a cat and the like, one becomes foul-smelling.
AI translation rendered from the Sanskrit, not a published edition
PdP 5 48.42
अनिवेद्य सुरादिभ्यो भुंजानो जायते नरः । उदरे रोगवान्दुःखी महारोगप्रपीडितः
anivedya surādibhyo bhuṃjāno jāyate naraḥ | udare rogavānduḥkhī mahārogaprapīḍitaḥ
A man who eats without offering to the gods and the rest is born diseased in the belly, wretched, tormented by grave illness.
AI translation rendered from the Sanskrit, not a published edition
PdP 5 48.43
परान्नविघ्नकरणादजीर्णमभिजायते । मंदोदराग्निर्भवति सति द्रव्ये कदन्नदः
parānnavighnakaraṇādajīrṇamabhijāyate | maṃdodarāgnirbhavati sati dravye kadannadaḥ
From obstructing another's food, indigestion arises; and he who gives bad food while he has the means becomes one whose belly-fire is weak.
AI translation rendered from the Sanskrit, not a published edition
PdP 5 48.44
विषदश्छर्दिरोगी स्यान्मार्गहा पादरोगवान् । पिशुनो नरकस्यांते जायते श्वासकासवान्
viṣadaśchardirogī syānmārgahā pādarogavān | piśuno narakasyāṃte jāyate śvāsakāsavān
The giver of poison will be sick with vomiting; the destroyer of roads will have disease of the feet; the slanderer, at the end of his hell, is born with asthma and cough.
AI translation rendered from the Sanskrit, not a published edition
PdP 5 48.45
धूर्तोऽपस्माररोगी स्याच्छूली च परतापनः । दावाग्निदायकश्चैव रक्तातीसारवान्भवेत्
dhūrto'pasmārarogī syācchūlī ca paratāpanaḥ | dāvāgnidāyakaścaiva raktātīsāravānbhavet
The cheat will be an epileptic; and he who torments others will have colic; and the setter of forest fires becomes one with bloody dysentery.
AI translation rendered from the Sanskrit, not a published edition
PdP 5 48.46
सुरालये जले वापि शकृत्क्षेपं करोति यः । गुदरोगो भवेत्तस्य पापरूपः सुदारुणः
surālaye jale vāpi śakṛtkṣepaṃ karoti yaḥ | gudarogo bhavettasya pāparūpaḥ sudāruṇaḥ
He who casts excrement in a temple of the gods or in water — for him there arises a most terrible disease of the anus, the very shape of his sin.
AI translation rendered from the Sanskrit, not a published edition
PdP 5 48.47
गर्भपातनजा रोगाः क्षयमेहजलोदराः । प्रतिमा भंगकारी च अप्रतिष्ठश्च जायते
garbhapātanajā rogāḥ kṣayamehajalodarāḥ | pratimā bhaṃgakārī ca apratiṣṭhaśca jāyate
From causing abortion come diseases: consumption, urinary disease, and dropsy; and the breaker of images is born without standing (in society).
AI translation rendered from the Sanskrit, not a published edition
PdP 5 48.48
दुष्टवादी खंडितः स्यात्खल्वाटः परनिंदकः । सभायां पक्षपाती च जायते पक्षघातवान्
duṣṭavādī khaṃḍitaḥ syātkhalvāṭaḥ paraniṃdakaḥ | sabhāyāṃ pakṣapātī ca jāyate pakṣaghātavān
One who speaks abusively becomes maimed; one who reviles others becomes bald; and one who takes sides in an assembly is born with paralysis of one side.
AI translation rendered from the Sanskrit, not a published edition
PdP 5 48.49
परोक्तहास्यकृत्काणः कुनखी विप्रहेमहृत् । तुंदीवरी ताम्रचौरः कांस्यहृत्पुंडरीकिकः
paroktahāsyakṛtkāṇaḥ kunakhī viprahemahṛt | tuṃdīvarī tāmracauraḥ kāṃsyahṛtpuṃḍarīkikaḥ
One who mocks what others say (is born) one-eyed; (one who steals?) has diseased nails; one who steals a brahmin's gold becomes pot-bellied; one who steals copper becomes a thief (afflicted with) puṇḍarīka (a form of leprosy).
AI translation rendered from the Sanskrit, not a published edition — the model flagged this verse as uncertain
PdP 5 48.50
त्रपुहारी च पुरुषो जायते पिंगमूर्द्धजः । शीसहारी च पुरुषो जायते शीर्षरोगवान्
trapuhārī ca puruṣo jāyate piṃgamūrddhajaḥ | śīsahārī ca puruṣo jāyate śīrṣarogavān
And a man who steals tin is born with tawny hair; and a man who steals lead is born with disease of the head.
AI translation rendered from the Sanskrit, not a published edition
PdP 5 48.51
घृतचौरस्तु पुरुषो जायते नेत्ररोगवान् । लोहहारी च पुरुषो बर्बरांगः प्रजायते
ghṛtacaurastu puruṣo jāyate netrarogavān | lohahārī ca puruṣo barbarāṃgaḥ prajāyate
But a man who steals ghee is born with disease of the eyes; and a man who steals iron is born with a barbarous (i.e. deformed) body.
AI translation rendered from the Sanskrit, not a published edition
PdP 5 48.52
चर्महारी च पुरुषो जायते मेदसा वृतः । मधुचौरस्तु पुरुषो जायते बस्तिगंधवान्
carmahārī ca puruṣo jāyate medasā vṛtaḥ | madhucaurastu puruṣo jāyate bastigaṃdhavān
And a man who steals hides is born enveloped in fat; but a man who steals honey is born smelling of the bladder (i.e. of urine).
AI translation rendered from the Sanskrit, not a published edition
PdP 5 48.53
तैलचौर्येण भवति नरः कण्ड्वातिपीडितः । आमान्नहरणाच्चैव दंतहीनः प्रजायते
tailacauryeṇa bhavati naraḥ kaṇḍvātipīḍitaḥ | āmānnaharaṇāccaiva daṃtahīnaḥ prajāyate
By the theft of oil a man becomes greatly afflicted with itching; and from carrying off uncooked food he is born toothless.
AI translation rendered from the Sanskrit, not a published edition
PdP 5 48.54
पक्वान्नहरणाच्चैव जिह्वारोगयुतो भवेत् । मातृगामी च पुरुषो जायते लिंगवर्जितः
pakvānnaharaṇāccaiva jihvārogayuto bhavet | mātṛgāmī ca puruṣo jāyate liṃgavarjitaḥ
And from carrying off cooked food he becomes afflicted with disease of the tongue; and a man who goes to his mother is born without a penis.
AI translation rendered from the Sanskrit, not a published edition
PdP 5 48.55
गुरुजायाभिगमनान्मूत्रकृच्छ्रः प्रजायते । भगिनीं चैव गमने पीतकुष्ठः प्रजायते
gurujāyābhigamanānmūtrakṛcchraḥ prajāyate | bhaginīṃ caiva gamane pītakuṣṭhaḥ prajāyate
From approaching the teacher's wife, difficulty in urination arises; and upon going to one's sister, one is born with yellow leprosy.
AI translation rendered from the Sanskrit, not a published edition
PdP 5 48.56
स्वसुतागमने चैव रक्तकुष्ठः प्रजायते । भ्रातृभार्याभिगमने गुल्मकुष्ठः प्रजायते
svasutāgamane caiva raktakuṣṭhaḥ prajāyate | bhrātṛbhāryābhigamane gulmakuṣṭhaḥ prajāyate
And upon going to one's own daughter, one is born with red leprosy; upon approaching a brother's wife, one is born with tumorous leprosy.
AI translation rendered from the Sanskrit, not a published edition
PdP 5 48.57
स्वामिगम्यादिगमने जायते दद्रुमंडलम् । विश्वस्तभार्यागमने गजचर्मा प्रजायते
svāmigamyādigamane jāyate dadrumaṃḍalam | viśvastabhāryāgamane gajacarmā prajāyate
Upon going to a woman who belongs to one's master and the like, a ring of ringworm arises; upon approaching the wife of one who trusts (him), he is born with elephant-hide (disease).
AI translation rendered from the Sanskrit, not a published edition — the model flagged this verse as uncertain
PdP 5 48.58
पितृष्वस्रभिगमने दक्षिणांगे व्रणी भवेत् । मातुलान्यास्तु गमने वामांगे व्रणवान्भवेत्
pitṛṣvasrabhigamane dakṣiṇāṃge vraṇī bhavet | mātulānyāstu gamane vāmāṃge vraṇavānbhavet
Upon approaching a father's sister, he becomes ulcerous on the right side of the body; but upon going to a maternal uncle's wife, he becomes ulcerous on the left side.
AI translation rendered from the Sanskrit, not a published edition
PdP 5 48.59
पितृव्यपत्नीगमने कटौ कुष्ठः प्रजायते । मित्रभार्याभिगमने मृतभार्यः प्रजायते
pitṛvyapatnīgamane kaṭau kuṣṭhaḥ prajāyate | mitrabhāryābhigamane mṛtabhāryaḥ prajāyate
Upon going to a paternal uncle's wife, leprosy arises on the hips; upon approaching a friend's wife, he is born with a wife who dies.
AI translation rendered from the Sanskrit, not a published edition
PdP 5 48.60
स्वगोत्रस्त्रीप्रसंगेन जायते च भगंदरः । तपस्विनीप्रसंगेन प्रमेहो जायते नरे
svagotrastrīprasaṃgena jāyate ca bhagaṃdaraḥ | tapasvinīprasaṃgena prameho jāyate nare
By intercourse with a woman of his own gotra, a fistula (in the anus) arises; by intercourse with an ascetic woman, urinary disease arises in a man.
AI translation rendered from the Sanskrit, not a published edition
PdP 5 48.61
श्रोत्रियस्त्रीप्रसंगेन जायते नासिकाव्रणी । दीक्षितस्त्रीप्रसंगेन जायते दुष्टरक्तसृक्
śrotriyastrīprasaṃgena jāyate nāsikāvraṇī | dīkṣitastrīprasaṃgena jāyate duṣṭaraktasṛk
By intercourse with the wife of a śrotriya, one is born with a sore in the nose; by intercourse with the wife of a consecrated (sacrificer), one is born with foul bleeding.
AI translation rendered from the Sanskrit, not a published edition
PdP 5 48.62
स्वजातिजायागमने जायते हृदयव्रणी । जात्युन्नतस्त्रीगमने जायते मस्तकव्रणी
svajātijāyāgamane jāyate hṛdayavraṇī | jātyunnatastrīgamane jāyate mastakavraṇī
Upon going to the wife of one of his own caste, one is born with a sore in the heart; upon going to a woman of higher birth, one is born with a sore on the head.
AI translation rendered from the Sanskrit, not a published edition
PdP 5 48.63
पशुयोनौ च गमनान्मूत्रघातः प्रजायते । एते दोषा नराणां स्युर्नरकांते न संशयः
paśuyonau ca gamanānmūtraghātaḥ prajāyate | ete doṣā narāṇāṃ syurnarakāṃte na saṃśayaḥ
And from intercourse with the womb of an animal, stoppage of urine arises. These defects belong to men at the end of (their term in) hell — there is no doubt.
AI translation rendered from the Sanskrit, not a published edition
PdP 5 48.64
स्त्रीणामपि भवंत्येते तत्तत्पुरुषसंगमात् । एवं राजन्हि चिह्नानि कीर्तितानि सुपापिनाम्
strīṇāmapi bhavaṃtyete tattatpuruṣasaṃgamāt | evaṃ rājanhi cihnāni kīrtitāni supāpinām
These arise for women too, from union with the respective men. Thus, O king, the marks of great sinners have been declared.
AI translation rendered from the Sanskrit, not a published edition
PdP 5 48.65
दानपुण्यप्रसंगेन तीर्थादिक्रियया तथा । रामस्य चरितं श्रुत्वा तपसा वाक्षयं व्रजेत्
dānapuṇyaprasaṃgena tīrthādikriyayā tathā | rāmasya caritaṃ śrutvā tapasā vākṣayaṃ vrajet
By devotion to gifts and meritorious acts, likewise by the rites of pilgrimage and so forth, or by hearing the deeds of Rāma, or by austerity, one may go to (their) destruction.
AI translation rendered from the Sanskrit, not a published edition — the model flagged this verse as uncertain
PdP 5 48.66
सर्वेषामेव पापानां हरिकीर्तिधुनी नृणाम् । क्षालयेत्पापिनां पंकं नात्र कार्या विचारणा
sarveṣāmeva pāpānāṃ harikīrtidhunī nṛṇām | kṣālayetpāpināṃ paṃkaṃ nātra kāryā vicāraṇā
The river that is the praise of Hari would wash away the mire of the sinful men, of all their sins whatsoever — no deliberation is to be made about this.
AI translation rendered from the Sanskrit, not a published edition
PdP 5 48.67
यो नावमन्येत हरिं तस्य यागाविधि श्रुताः । तीर्थान्यपि सुपुण्यानि पावितुं न क्षमाणि तम्
yo nāvamanyeta hariṃ tasya yāgāvidhi śrutāḥ | tīrthānyapi supuṇyāni pāvituṃ na kṣamāṇi tam
For him who would despise Hari, the rules of sacrifice have (only) been heard about; even the most holy sacred fords are not able to purify him.
AI translation rendered from the Sanskrit, not a published edition — the model flagged this verse as uncertain
PdP 5 48.68
हसते कीर्त्यमानं यश्चरित्रं ज्ञानदुर्बलः । न तस्य नरकान्मुक्तिः कल्पांतेऽपि भविष्यति
hasate kīrtyamānaṃ yaścaritraṃ jñānadurbalaḥ | na tasya narakānmuktiḥ kalpāṃte'pi bhaviṣyati
He who, weak in knowledge, laughs when the (Lord's) deeds are being recited — for him there will be no release from hell even at the end of a kalpa.
AI translation rendered from the Sanskrit, not a published edition
PdP 5 48.69
या हि राजन्विमोक्षार्थं हयस्यानुचरैः सह । श्रावय श्रीशचरितं यतो वाहगतिर्भवेत्
yā hi rājanvimokṣārthaṃ hayasyānucaraiḥ saha | śrāvaya śrīśacaritaṃ yato vāhagatirbhavet
Therefore, O king, for the horse's release, together with the attendants, cause the deeds of Śrī's lord (Viṣṇu/Rāma) to be heard, so that the mount may regain its motion.
AI translation rendered from the Sanskrit, not a published edition
PdP 5 48.70
शेष उवाच। इति श्रुत्वा प्रहृष्टोऽभूच्छत्रुघ्नः परवीरहा । प्रणम्य तं परिक्रम्य ययौ सेवकसंयुतः
śeṣa uvāca| iti śrutvā prahṛṣṭo'bhūcchatrughnaḥ paravīrahā | praṇamya taṃ parikramya yayau sevakasaṃyutaḥ
Śeṣa said: Having heard this, Śatrughna, slayer of enemy heroes, was delighted; bowing to him and circumambulating him, he went off together with his servants.
AI translation rendered from the Sanskrit, not a published edition
PdP 5 48.71
तत्र गत्वा स हनुमान्हयवर्यस्य पार्श्वतः । उवाच रामचरितं महादुर्गतिनाशकम्
tatra gatvā sa hanumānhayavaryasya pārśvataḥ | uvāca rāmacaritaṃ mahādurgatināśakam
Going there, that Hanumān, at the side of the excellent horse, recited the deeds of Rāma, which destroy great misfortune.
AI translation rendered from the Sanskrit, not a published edition
PdP 5 48.72
याहि देव विमानं स्वं रामकीर्तनपुण्यतः । स्वैरं चर स्वलोके त्वं मुक्तो भव कुयोनितः
yāhi deva vimānaṃ svaṃ rāmakīrtanapuṇyataḥ | svairaṃ cara svaloke tvaṃ mukto bhava kuyonitaḥ
"Go, god, to your own celestial car, by the merit of the recitation of Rāma; move at will in your own world; be freed from the evil birth."
AI translation rendered from the Sanskrit, not a published edition
PdP 5 48.73
इति वाक्यं समाकर्ण्य शत्रुघ्नो यावदास्थितः । तावद्ददर्श विमलं देवं वैमानिकं वरम्
iti vākyaṃ samākarṇya śatrughno yāvadāsthitaḥ | tāvaddadarśa vimalaṃ devaṃ vaimānikaṃ varam
Hearing this speech, Śatrughna, while he stood there, saw a spotless god, excellent, borne in a celestial car.
AI translation rendered from the Sanskrit, not a published edition
PdP 5 48.74
स उवाच विमुक्तोऽहं रामकीर्तनसंश्रुतेः । यामि स्वं भवनं राजन्नाज्ञापय महामते
sa uvāca vimukto'haṃ rāmakīrtanasaṃśruteḥ | yāmi svaṃ bhavanaṃ rājannājñāpaya mahāmate
He said: "I am freed by the hearing of the recitation of Rāma. I go to my own abode, O king; give me leave, O great-minded one."
AI translation rendered from the Sanskrit, not a published edition
PdP 5 48.75
इत्युक्त्वा प्रययौ देवो विमाने स्वे परिस्थितः । तदा विस्मयमापुस्ते शत्रुघ्नेन सहानुगाः
ityuktvā prayayau devo vimāne sve paristhitaḥ | tadā vismayamāpuste śatrughnena sahānugāḥ
Having said this, the god went away, seated in his own celestial car; then they, the followers along with Śatrughna, were filled with amazement.
AI translation rendered from the Sanskrit, not a published edition
PdP 5 48.76
ततो वाहो विनिर्मुक्तो गात्रस्तंभाच्च भूतलात् । ययौ तद्विपिनं सर्वं भ्रमन्पक्षिसमाकुलम्
tato vāho vinirmukto gātrastaṃbhācca bhūtalāt | yayau tadvipinaṃ sarvaṃ bhramanpakṣisamākulam
Then the horse, released from the stiffening of its limbs and from the ground, went roaming over that whole forest, which was thronged with birds.
AI translation rendered from the Sanskrit, not a published edition