Padma Purana — Patala Khanda — Chapter 47
PdP 5 47.1
शेष उवाच। हयो गतो हेमकूटं भारतांते ततो द्विज । अनेकभटसाहस्रै रक्षितो बद्धचामरः
śeṣa uvāca| hayo gato hemakūṭaṃ bhāratāṃte tato dvija | anekabhaṭasāhasrai rakṣito baddhacāmaraḥ
Śeṣa said: The horse then went to Hemakūṭa at the edge of Bhārata, O twice-born, guarded by many thousands of soldiers, with a yak-tail banner bound (to it).
AI translation rendered from the Sanskrit, not a published edition
PdP 5 47.2
यो वै विस्तरतो दैर्घ्याद्योजनानां समं ततः । अयुतेन सुशृङ्गैश्च राजतैः कांचनादिभिः
yo vai vistarato dairghyādyojanānāṃ samaṃ tataḥ | ayutena suśṛṅgaiśca rājataiḥ kāṃcanādibhiḥ
which (mountain) is equal in breadth and in length, of (many) leagues; then, with ten thousand fine peaks of silver, gold and the rest —
AI translation rendered from the Sanskrit, not a published edition — the model flagged this verse as uncertain
PdP 5 47.3
तत्रोद्यानं महच्छ्रेष्ठं पादपैः परिशोभितम् । शालैस्तालैस्तमालैश्च कर्णिकारैः समन्ततः
tatrodyānaṃ mahacchreṣṭhaṃ pādapaiḥ pariśobhitam | śālaistālaistamālaiśca karṇikāraiḥ samantataḥ
There (was) a great, excellent garden, made beautiful with trees — with śāla, tāla and tamāla trees, and with karṇikāras all around.
AI translation rendered from the Sanskrit, not a published edition
PdP 5 47.4
हिंतालैर्नागपुन्नागैः कोविदारैः सबिल्वकैः । चम्पकैर्बकुलैर्मेघैर्मदनैः कुटजादिभिः
hiṃtālairnāgapunnāgaiḥ kovidāraiḥ sabilvakaiḥ | campakairbakulairmeghairmadanaiḥ kuṭajādibhiḥ
With hiṃtālas, nāgas and punnāgas, with kovidāras together with bilva trees, with campakas, bakulas, meghas, madanas, kuṭajas and the rest.
AI translation rendered from the Sanskrit, not a published edition
PdP 5 47.5
जातिकाभिर्यूथिकाभिर्नवमालिकया तथा । आम्रैर्माधवद्राक्षाभिर्दाडिमैः शोभितं वनम्
jātikābhiryūthikābhirnavamālikayā tathā | āmrairmādhavadrākṣābhirdāḍimaiḥ śobhitaṃ vanam
With jātikā jasmines, yūthikā jasmines and likewise navamālikā, with mangoes, mādhavī creepers and grapevines, and with pomegranates — (so) the wood was adorned.
AI translation rendered from the Sanskrit, not a published edition
PdP 5 47.6
अनेकपक्षिसंघुष्टं भ्रमरैर्निनदीकृतम् । मयूरकेकारवितं सर्वर्तुसुखदं हयः
anekapakṣisaṃghuṣṭaṃ bhramarairninadīkṛtam | mayūrakekāravitaṃ sarvartusukhadaṃ hayaḥ
(It was) resounding with many birds, made to hum by bees, filled with the cries of peacocks, giving pleasure in every season; (there) the horse —
AI translation rendered from the Sanskrit, not a published edition
PdP 5 47.7
प्रविवेश स शत्रुघ्नो मनोवेगसमन्वितः । स्वर्णपत्रं विशाले स्वे भाले बिभ्रन्मनोहरम्
praviveśa sa śatrughno manovegasamanvitaḥ | svarṇapatraṃ viśāle sve bhāle bibhranmanoharam
— entered, (and) that Śatrughna, accompanied by (the horse) Manovega, (who was) bearing on his own broad forehead a charming golden plate.
AI translation rendered from the Sanskrit, not a published edition — the model flagged this verse as uncertain
PdP 5 47.8
गच्छतस्तस्य वाहस्य हयमेधक्रतोस्तदा । अकस्मादभवच्चित्रं तच्छृणुष्व द्विजोत्तम
gacchatastasya vāhasya hayamedhakratostadā | akasmādabhavaccitraṃ tacchṛṇuṣva dvijottama
Then, as that mount of the horse-sacrifice rite was going along, a marvel came about suddenly; hear that, O best of the twice-born.
AI translation rendered from the Sanskrit, not a published edition
PdP 5 47.9
गात्रस्तंभोऽभवत्तस्य न चचाल पथिस्थितः । हेमकूटइवाचाल्यो बभूव हयसत्तमः
gātrastaṃbho'bhavattasya na cacāla pathisthitaḥ | hemakūṭaivācālyo babhūva hayasattamaḥ
A stiffening of its limbs occurred; standing on the road it did not move. That best of horses became immovable, like a peak of gold.
AI translation rendered from the Sanskrit, not a published edition
PdP 5 47.10
तदा तद्रक्षकाः सर्वे कशाघातान्वितेनिरे । तदाहतेऽपि न ययौ स्तब्धगात्रो हयोत्तमः
tadā tadrakṣakāḥ sarve kaśāghātānvitenire | tadāhate'pi na yayau stabdhagātro hayottamaḥ
Then all its guards applied blows of the whip; but even when struck it did not go, that best of horses, its body rigid.
AI translation rendered from the Sanskrit, not a published edition
PdP 5 47.11
शत्रुघ्नं सविधे गत्वा चुक्रुशुर्वाहरक्षकाः । स्वामिन्वयं न जानीमः किमभूद्धयसत्तमे
śatrughnaṃ savidhe gatvā cukruśurvāharakṣakāḥ | svāminvayaṃ na jānīmaḥ kimabhūddhayasattame
Going to Śatrughna's presence, the horse's guards cried out: "Master, we do not know what has happened to the best of horses.
AI translation rendered from the Sanskrit, not a published edition
PdP 5 47.12
गच्छतो वाहवर्यस्य मनोवेगस्य भूपते । आकस्मिकोऽभवत्तस्य गात्रस्तंभो महामते
gacchato vāhavaryasya manovegasya bhūpate | ākasmiko'bhavattasya gātrastaṃbho mahāmate
As the excellent mount Manovega was going along, O king, a sudden stiffening of its limbs occurred, O great-minded one.
AI translation rendered from the Sanskrit, not a published edition
PdP 5 47.13
कशाभिस्ताडितोऽस्माभिः परं तत्र चचाल न । एवं विचार्य यत्कर्म तत्कुरुष्व नृपोत्तम
kaśābhistāḍito'smābhiḥ paraṃ tatra cacāla na | evaṃ vicārya yatkarma tatkuruṣva nṛpottama
Though beaten by us with whips, still it did not move from there. Having considered this, do that deed (which is fitting), O best of kings."
AI translation rendered from the Sanskrit, not a published edition
PdP 5 47.14
तदा विस्मयमापन्नो भूपतिः सह सैनिकैः । जगाम सहितः सर्वैर्हयस्य महतोऽन्तिके
tadā vismayamāpanno bhūpatiḥ saha sainikaiḥ | jagāma sahitaḥ sarvairhayasya mahato'ntike
Then the king, struck with amazement, went together with his soldiers — accompanied by them all — to the vicinity of the great horse.
AI translation rendered from the Sanskrit, not a published edition
PdP 5 47.15
पुष्कलो बाहुना धृत्वा चरणौ तस्य भूतलात् । उत्पाटयामास तदा परं नो चेलतुस्ततः
puṣkalo bāhunā dhṛtvā caraṇau tasya bhūtalāt | utpāṭayāmāsa tadā paraṃ no celatustataḥ
Puṣkala, seizing its feet with his arm, then tried to wrench them up from the ground; but they did not budge from there.
AI translation rendered from the Sanskrit, not a published edition
PdP 5 47.16
बलेन बलिनाक्रांतो नाकम्पत हयस्तदा । हनूमांस्तं समुद्धर्तुं मतिं चक्रे महामनाः
balena balinākrāṃto nākampata hayastadā | hanūmāṃstaṃ samuddhartuṃ matiṃ cakre mahāmanāḥ
Assailed by that strong man with force, the horse did not stir then. The great-minded Hanumān made up his mind to lift it up.
AI translation rendered from the Sanskrit, not a published edition
PdP 5 47.17
लांगूलेन समावेष्ट्य बलेन बलिनां वरः । आचकर्ष बलाद्वाहं न चचाल तथापि सः
lāṃgūlena samāveṣṭya balena balināṃ varaḥ | ācakarṣa balādvāhaṃ na cacāla tathāpi saḥ
Wrapping (it) about with his tail, the best of the strong dragged the mount forcibly with (all his) strength; yet it did not move.
AI translation rendered from the Sanskrit, not a published edition
PdP 5 47.18
तदोवाच कपिश्रेष्ठो हनूमान्विस्मयान्वितः । शत्रुघ्नं बलिनां श्रेष्ठं वीराणां परिशृण्वताम्
tadovāca kapiśreṣṭho hanūmānvismayānvitaḥ | śatrughnaṃ balināṃ śreṣṭhaṃ vīrāṇāṃ pariśṛṇvatām
Then the best of monkeys, Hanumān, filled with amazement, said to Śatrughna, the best of the strong, while the heroes listened:
AI translation rendered from the Sanskrit, not a published edition
PdP 5 47.19
मया द्रोणो लांगुलेन लीलयोत्पाटितोऽधुना । परमत्र महाश्चर्यं कम्पते न हयोऽल्पकः
mayā droṇo lāṃgulena līlayotpāṭito'dhunā | paramatra mahāścaryaṃ kampate na hayo'lpakaḥ
"By me was Mount Droṇa uprooted with my tail, in play, before now; but here is a great wonder: this small horse does not stir.
AI translation rendered from the Sanskrit, not a published edition
PdP 5 47.20
दृष्टमत्र निदानं हि वीरैर्बलिभिरुद्धतैः । आकृष्टोऽपि न च स्थानाच्चचाल तिलमात्रतः
dṛṣṭamatra nidānaṃ hi vīrairbalibhiruddhataiḥ | ākṛṣṭo'pi na ca sthānāccacāla tilamātrataḥ
Surely some (hidden) cause is to be seen here: though dragged by strong, mighty heroes, it has not moved from its place by so much as a sesame seed."
AI translation rendered from the Sanskrit, not a published edition
PdP 5 47.21
कपिभाषितमाकर्ण्य शत्रुघ्नो विस्मयान्वितः । सुमतिं मंत्रिणां श्रेष्ठमुवाच वदतां वरः
kapibhāṣitamākarṇya śatrughno vismayānvitaḥ | sumatiṃ maṃtriṇāṃ śreṣṭhamuvāca vadatāṃ varaḥ
Hearing the monkey's speech, Śatrughna, filled with amazement, best of speakers, said to Sumati, the foremost of ministers:
AI translation rendered from the Sanskrit, not a published edition
PdP 5 47.22
शत्रुघ्न उवाच। मंत्रिन्किमभवद्वाहे स्तंभनं वपुषोऽनघ । कोऽत्रोपायो विधेयः स्याद्येन वाहगतिर्भवेत्
śatrughna uvāca| maṃtrinkimabhavadvāhe staṃbhanaṃ vapuṣo'nagha | ko'tropāyo vidheyaḥ syādyena vāhagatirbhavet
Śatrughna said: "Minister, what has come about, this paralysis of the body in the horse, O sinless one? What means should be employed here, by which the horse's motion may come about?"
AI translation rendered from the Sanskrit, not a published edition
PdP 5 47.23
सुमतिरुवाच। स्वामिन्कश्चिन्मुनिर्मृग्योऽखिलज्ञानविचक्षणः । देशोद्भवमहं जाने प्रत्यक्षं न परोक्षजम्
sumatiruvāca| svāminkaścinmunirmṛgyo'khilajñānavicakṣaṇaḥ | deśodbhavamahaṃ jāne pratyakṣaṃ na parokṣajam
Sumati said: My lord, some sage must be sought out, one skilled in all knowledge. I know (only) what arises in this country, what is before the eyes, not what is beyond sight.
AI translation rendered from the Sanskrit, not a published edition
PdP 5 47.24
शेष उवाच। इति वाक्यं समाकर्ण्य सुमतेर्धर्मकोविदः । अन्वेषयामास मुनिं सेवकैः सह शोभनम्
śeṣa uvāca| iti vākyaṃ samākarṇya sumaterdharmakovidaḥ | anveṣayāmāsa muniṃ sevakaiḥ saha śobhanam
Śeṣa said: Having heard this speech of Sumati, he who was versed in dharma had a search made for an excellent sage, together with his servants.
AI translation rendered from the Sanskrit, not a published edition
PdP 5 47.25
ते सर्वे सर्वतो गत्वा मुनिं धर्मविदं भटाः । व्यालोकयंतः सर्वत्र न चापश्यन्मुनीश्वरम्
te sarve sarvato gatvā muniṃ dharmavidaṃ bhaṭāḥ | vyālokayaṃtaḥ sarvatra na cāpaśyanmunīśvaram
All those soldiers went in every direction (looking) for a sage who knew dharma, and looking about everywhere they did not see any lord of sages.
AI translation rendered from the Sanskrit, not a published edition
PdP 5 47.26
एकस्त्वनुचरो विप्र गतो योजनमात्रतः । पूर्वस्यां दिशि चोद्युक्तः पश्यति स्म महाश्रमम्
ekastvanucaro vipra gato yojanamātrataḥ | pūrvasyāṃ diśi codyuktaḥ paśyati sma mahāśramam
But one attendant, O brahmin, went the distance of a yojana, and diligently (searching) in the eastern direction he beheld a great hermitage.
AI translation rendered from the Sanskrit, not a published edition
PdP 5 47.27
यत्र निर्वैरिणः सर्वे पशवो जनतास्तथा । गंगास्नानहताशेषकिल्बिषाः सुमनोहराः
yatra nirvairiṇaḥ sarve paśavo janatāstathā | gaṃgāsnānahatāśeṣakilbiṣāḥ sumanoharāḥ
Where all the animals and likewise the people were without enmity, their every sin destroyed by bathing in the Gaṅgā, and very charming.
AI translation rendered from the Sanskrit, not a published edition
PdP 5 47.28
यत्र केचित्तपः श्रेष्ठं कुर्वंति स्म हुताशनैः । धूमैरधोमुखाः पत्रैर्वायुभिः स्वोदरंभराः
yatra kecittapaḥ śreṣṭhaṃ kurvaṃti sma hutāśanaiḥ | dhūmairadhomukhāḥ patrairvāyubhiḥ svodaraṃbharāḥ
Where some performed the highest austerity with (sacred) fires, with smoke, (hanging) head downward, (living) on leaves and on air, filling their own bellies (with these).
AI translation rendered from the Sanskrit, not a published edition
PdP 5 47.29
यत्राग्निहोत्रजो धूमः पवित्रयति सर्वदा । अनेकमुनिसंहृष्टो मुक्तपत्रलतोत्तमः
yatrāgnihotrajo dhūmaḥ pavitrayati sarvadā | anekamunisaṃhṛṣṭo muktapatralatottamaḥ
Where the smoke arisen from the agnihotra purifies at all times, delighted in by many sages, and (where there are) the finest creepers with their leaves shed.
AI translation rendered from the Sanskrit, not a published edition — the model flagged this verse as uncertain
PdP 5 47.30
तमाश्रमं मुनेर्ज्ञात्वा शौनकस्य मनोहरम् । न्यवेदयन्नृपायासौ विस्मयाविष्टचेतसे
tamāśramaṃ munerjñātvā śaunakasya manoharam | nyavedayannṛpāyāsau vismayāviṣṭacetase
Recognizing that charming hermitage to belong to the sage Śaunaka, he reported it to the king, whose mind was filled with wonder.
AI translation rendered from the Sanskrit, not a published edition
PdP 5 47.31
तच्छ्रुत्वा हर्षितोऽत्यंतं शत्रुघ्नः सह सेवकैः । हनूमत्पुष्कलाद्यैश्च सयुतोऽगात्तदाश्रमम्
tacchrutvā harṣito'tyaṃtaṃ śatrughnaḥ saha sevakaiḥ | hanūmatpuṣkalādyaiśca sayuto'gāttadāśramam
Hearing that, Śatrughna, exceedingly delighted, went to that hermitage together with his servants and joined by Hanūmat, Puṣkala and the others.
AI translation rendered from the Sanskrit, not a published edition
PdP 5 47.32
तत्र वीक्ष्य मुनिश्रेष्ठं सम्यग्घुतहुताशनम् । प्रणम्य दंडवत्तस्य चरणौ पापहारिणौ
tatra vīkṣya muniśreṣṭhaṃ samyagghutahutāśanam | praṇamya daṃḍavattasya caraṇau pāpahāriṇau
There, seeing the best of sages, who had duly offered oblations into the fire, and bowing prostrate like a staff (before) his sin-removing feet—
AI translation rendered from the Sanskrit, not a published edition
PdP 5 47.33
तमागतं नृपं ज्ञात्वा शत्रुघ्नं बलिनां वरम् । अर्घ्यपाद्यादिकं चक्रे प्रीतस्तद्दर्शनादभूत्
tamāgataṃ nṛpaṃ jñātvā śatrughnaṃ balināṃ varam | arghyapādyādikaṃ cakre prītastaddarśanādabhūt
Recognizing that the king Śatrughna, best of the strong, had come, he offered him the welcome-water, water for the feet and the rest, and became pleased at the sight of him.
AI translation rendered from the Sanskrit, not a published edition
PdP 5 47.34
सुखोपविष्टं विश्रान्तं नृपं प्राह मुनीश्वरः । किमर्थमटनं देव महत्पर्यटनं तव
sukhopaviṣṭaṃ viśrāntaṃ nṛpaṃ prāha munīśvaraḥ | kimarthamaṭanaṃ deva mahatparyaṭanaṃ tava
To the king, seated at ease and rested, the lord of sages said: For what purpose is this roaming, O lord? Great is your wandering about.
AI translation rendered from the Sanskrit, not a published edition
PdP 5 47.35
त्वादृशाः पृथिवीं सर्वां नृपा वै न भ्रमंति चेत् । तदा दुष्टजनाः साधून्बाधंते विगतज्वरान्
tvādṛśāḥ pṛthivīṃ sarvāṃ nṛpā vai na bhramaṃti cet | tadā duṣṭajanāḥ sādhūnbādhaṃte vigatajvarān
If kings such as you did not indeed roam over the whole earth, then wicked people would harass the good, who are free of affliction.
AI translation rendered from the Sanskrit, not a published edition
PdP 5 47.36
कथयस्व महीपाल शत्रुघ्न बलिनां वर । सर्वं शुभायनो भूयात्तव पर्यटनादिकम्
kathayasva mahīpāla śatrughna balināṃ vara | sarvaṃ śubhāyano bhūyāttava paryaṭanādikam
Tell (me), O protector of the earth, Śatrughna, best of the strong; may all your wandering and the rest lead to what is auspicious.
AI translation rendered from the Sanskrit, not a published edition
PdP 5 47.37
शेष उवाच। इत्युक्तवंतं भूदेवं प्रत्युवाच महीश्वरः । गद्गद स्वरया वाण्या हर्षित स्वीयविग्रहः
śeṣa uvāca| ityuktavaṃtaṃ bhūdevaṃ pratyuvāca mahīśvaraḥ | gadgada svarayā vāṇyā harṣita svīyavigrahaḥ
Śeṣa said: To the earth-god (brahmin) who had spoken thus the lord of the earth replied in a voice choked with emotion, his own body thrilled with joy.
AI translation rendered from the Sanskrit, not a published edition
PdP 5 47.38
शत्रुघ्न उवाच। अकस्मादभवच्चित्रं रामाश्वस्य मनोहृतः । नातिदूरे त्वदावासात्तच्छृणुष्व विदांवर
śatrughna uvāca| akasmādabhavaccitraṃ rāmāśvasya manohṛtaḥ | nātidūre tvadāvāsāttacchṛṇuṣva vidāṃvara
Śatrughna said: Suddenly a strange thing happened to Rāma's horse, the captivator of hearts, not very far from your dwelling; hear it, O best of the knowing.
AI translation rendered from the Sanskrit, not a published edition
PdP 5 47.39
उद्याने तव शोभाढ्ये यदृच्छातो हयो गतः । तत्प्रांते तस्य वाहस्य गात्रस्तंभोऽभवत्क्षणात्
udyāne tava śobhāḍhye yadṛcchāto hayo gataḥ | tatprāṃte tasya vāhasya gātrastaṃbho'bhavatkṣaṇāt
The horse went at will into your garden that is rich in beauty; on the edge of it, in an instant, that steed's limbs became rigid.
AI translation rendered from the Sanskrit, not a published edition
PdP 5 47.40
तदा मे बलिनो वीराः पुष्कलाद्या मदोत्कटाः । बलादाचकृषुर्वाहं न चचाल तथाप्यसौ
tadā me balino vīrāḥ puṣkalādyā madotkaṭāḥ | balādācakṛṣurvāhaṃ na cacāla tathāpyasau
Then my strong heroes, Puṣkala and the rest, fierce with pride, dragged the horse by force; even so it did not move.
AI translation rendered from the Sanskrit, not a published edition
PdP 5 47.41
अस्मानपारदुःखाब्धौ मग्नान्प्रतितरिः स्मृतः । दैवाद्दृष्टः सुभाग्यैस्त्वं कथयस्व निदानकम्
asmānapāraduḥkhābdhau magnānpratitariḥ smṛtaḥ | daivāddṛṣṭaḥ subhāgyaistvaṃ kathayasva nidānakam
For us, sunk in a shoreless ocean of sorrow, you are regarded as the ferryboat across; by fate you have been seen by us fortunate ones—tell (us) the cause.
AI translation rendered from the Sanskrit, not a published edition
PdP 5 47.42
शेष उवाच। एवं पृष्टो मुनिवरः क्षणं दध्यौ महामतिः । ततः कारणसंयुक्तं विचारेण दधद्धयम्
śeṣa uvāca| evaṃ pṛṣṭo munivaraḥ kṣaṇaṃ dadhyau mahāmatiḥ | tataḥ kāraṇasaṃyuktaṃ vicāreṇa dadhaddhayam
Śeṣa said: Asked thus, the best of sages, of great intelligence, pondered a moment; then by reflection (he understood) the horse to be held (fast), together with the cause.
AI translation rendered from the Sanskrit, not a published edition — the model flagged this verse as uncertain
PdP 5 47.43
क्षणात्तज्ज्ञानतां प्राप्य विस्मयोत्फुल्ललोचनः । जगाद स महीपालं दुःखितं संशयान्वितम्
kṣaṇāttajjñānatāṃ prāpya vismayotphullalocanaḥ | jagāda sa mahīpālaṃ duḥkhitaṃ saṃśayānvitam
In a moment, having attained knowledge of that (matter), his eyes wide with astonishment, he spoke to the king, who was distressed and filled with doubt.
AI translation rendered from the Sanskrit, not a published edition
PdP 5 47.44
शौनक उवाच। शृणु राजन्प्रवक्ष्यामि हयस्तंभस्य कारणम् । यच्छ्रुत्वा मुच्यते दुःखादतिचित्रकथानकम्
śaunaka uvāca| śṛṇu rājanpravakṣyāmi hayastaṃbhasya kāraṇam | yacchrutvā mucyate duḥkhādaticitrakathānakam
Śaunaka said: Listen, O king; I shall declare the cause of the horse's being immobilized — a most marvellous little tale, on hearing which one is released from sorrow.
AI translation rendered from the Sanskrit, not a published edition
PdP 5 47.45
गौडदेशे महारण्ये कावेरीतीरभूषिते । वाडवः सात्वको नाम्ना चचार परमं तपः
gauḍadeśe mahāraṇye kāverītīrabhūṣite | vāḍavaḥ sātvako nāmnā cacāra paramaṃ tapaḥ
In the Gauḍa country, in a great forest adorned by the bank of the Kāverī, a brahmin named Sātvaka practised supreme austerity.
AI translation rendered from the Sanskrit, not a published edition
PdP 5 47.46
एकाहं पयसः प्राशी दिनैकं वायुभक्षकः । दिनैकं तु निराहार एवं त्रिदिनमुन्नयेत्
ekāhaṃ payasaḥ prāśī dinaikaṃ vāyubhakṣakaḥ | dinaikaṃ tu nirāhāra evaṃ tridinamunnayet
For one day he took milk, for one day he fed on air, and for one day he was without food — thus he would pass three days.
AI translation rendered from the Sanskrit, not a published edition
PdP 5 47.47
एवं व्रते प्रवृत्तस्य कालः सर्वक्षयंकरः । जग्राह स्वस्य दंष्ट्रायां मृतिं प्राप महाव्रती
evaṃ vrate pravṛttasya kālaḥ sarvakṣayaṃkaraḥ | jagrāha svasya daṃṣṭrāyāṃ mṛtiṃ prāpa mahāvratī
While he was thus engaged in his vow, Time, the destroyer of all, seized him in his own fangs, and the great observer of vows met death.
AI translation rendered from the Sanskrit, not a published edition
PdP 5 47.48
विमाने सर्वशोभाढ्ये सर्वरत्नविभूषिते । अप्सरोभिः सह क्रीडन्ययौ मेरोः शिखास्थितौ
vimāne sarvaśobhāḍhye sarvaratnavibhūṣite | apsarobhiḥ saha krīḍanyayau meroḥ śikhāsthitau
In a celestial car rich with every beauty and adorned with every jewel, sporting together with the apsarases, he went to the peaks of Meru.
AI translation rendered from the Sanskrit, not a published edition
PdP 5 47.49
जंबूनाममहावृक्षस्तत्र सेव्यरसोऽभवत् । नदी जांबवती संज्ञा स्वर्णद्रवसमन्विता
jaṃbūnāmamahāvṛkṣastatra sevyaraso'bhavat | nadī jāṃbavatī saṃjñā svarṇadravasamanvitā
There a great tree named Jambū had juice fit to be enjoyed; (there was) a river called Jāmbavatī, filled with a flow of gold.
AI translation rendered from the Sanskrit, not a published edition
PdP 5 47.50
तस्यां मुनयइच्छाभिः क्रीडंते कुतुकान्विताः । अनेकतपसा पुण्याः सर्वसौख्यसमन्विताः
tasyāṃ munayaicchābhiḥ krīḍaṃte kutukānvitāḥ | anekatapasā puṇyāḥ sarvasaukhyasamanvitāḥ
In it sages sport at their pleasure, full of curiosity — holy through manifold austerity, endowed with every happiness.
AI translation rendered from the Sanskrit, not a published edition
PdP 5 47.51
तत्रासौ स्वेच्छया क्रीडन्नप्सरोभिर्मुदान्वितः । प्रतीपमाचरत्तेषां स्वाभिमानमदोद्धतः
tatrāsau svecchayā krīḍannapsarobhirmudānvitaḥ | pratīpamācaratteṣāṃ svābhimānamadoddhataḥ
There he, sporting at will with the apsarases, filled with delight, acted contrarily toward them, puffed up with the intoxication of his own conceit.
AI translation rendered from the Sanskrit, not a published edition
PdP 5 47.52
ततः शप्तः स मुनिभी राक्षसो भव दुर्मुखः । ततोऽतिदुःखितः प्राह मुनीन्विद्यातपोधनान्
tataḥ śaptaḥ sa munibhī rākṣaso bhava durmukhaḥ | tato'tiduḥkhitaḥ prāha munīnvidyātapodhanān
Then he was cursed by the sages: "Become a foul-mouthed rākṣasa!" Thereupon, greatly distressed, he spoke to those sages whose wealth was knowledge and austerity:
AI translation rendered from the Sanskrit, not a published edition
PdP 5 47.53
अनुगृह्णंतु मां सर्वे विप्रा यूयं कृपालवः । तदा तैरनुगृहीतो यदा रामहयं भवान्
anugṛhṇaṃtu māṃ sarve viprā yūyaṃ kṛpālavaḥ | tadā tairanugṛhīto yadā rāmahayaṃ bhavān
"Let all of you brahmins, being compassionate, show me favour." Then he was favoured by them: "When you shall (see) Rāma's horse—
AI translation rendered from the Sanskrit, not a published edition
PdP 5 47.54
स्तंभयिष्यति वेगेन ततो रामकथाश्रुतिः । पश्चान्मुक्तिर्भवित्री ते शापादस्मात्सुदारुणात्
staṃbhayiṣyati vegena tato rāmakathāśrutiḥ | paścānmuktirbhavitrī te śāpādasmātsudāruṇāt
—you will immobilize (it) forcibly, then (will come) the hearing of Rāma's story; afterwards there will be release for you from this most dreadful curse."
AI translation rendered from the Sanskrit, not a published edition
PdP 5 47.55
स प्रोक्तो मुनिभिर्देवो राक्षसत्वमितः प्रभो । स्तंभयामास रामाश्वं मोचयानघकीर्तनैः
sa prokto munibhirdevo rākṣasatvamitaḥ prabho | staṃbhayāmāsa rāmāśvaṃ mocayānaghakīrtanaiḥ
He, thus addressed by the sages, a god come to the state of a rākṣasa, O lord, immobilized Rāma's horse — release (it), O sinless one, by recitations!
AI translation rendered from the Sanskrit, not a published edition — the model flagged this verse as uncertain