Padma Purana — Patala Khanda — Chapter 45
PdP 5 45.1
शेष उवाच गुरुभाषितमाकर्ण्य वृषपर्वरिपुः स्वराट् । ज्ञात्वा रामस्य कार्यार्थमागतं पवनात्मजम्
śeṣa uvāca gurubhāṣitamākarṇya vṛṣaparvaripuḥ svarāṭ | jñātvā rāmasya kāryārthamāgataṃ pavanātmajam
Śeṣa said: Hearing the words of the teacher, the self-ruling lord, the foe of Vṛṣaparvan (Indra), knowing that the son of the Wind had come for the sake of Rāma's business—
AI translation rendered from the Sanskrit, not a published edition
PdP 5 45.2
भयं तत्याज मनसि वानरात्समुपस्थितम् । जहर्ष चित्ते च भृशं वाचस्पतिमुवाच ह
bhayaṃ tatyāja manasi vānarātsamupasthitam | jaharṣa citte ca bhṛśaṃ vācaspatimuvāca ha
—he let go of the fear that had arisen in his mind on account of the monkey; and he rejoiced greatly in his heart, and spoke to the Lord of Speech (Bṛhaspati):
AI translation rendered from the Sanskrit, not a published edition
PdP 5 45.3
इंद्र उवाच कथं कार्यं सुराधीश द्रोणोऽयं नीयते यदि । देवानां जीवनं भूयः कथं स्यादिति मे वद
iṃdra uvāca kathaṃ kāryaṃ surādhīśa droṇo'yaṃ nīyate yadi | devānāṃ jīvanaṃ bhūyaḥ kathaṃ syāditi me vada
Indra said: What is to be done, O lord of the gods, if this Droṇa (mountain) is carried off? Tell me how the gods' livelihood could exist again.
AI translation rendered from the Sanskrit, not a published edition
PdP 5 45.4
इदानीं पवनोद्भूतं प्रसादय यथातथम् । रामः प्रीतिं परां याति देवानां च सुखं भवेत्
idānīṃ pavanodbhūtaṃ prasādaya yathātatham | rāmaḥ prītiṃ parāṃ yāti devānāṃ ca sukhaṃ bhavet
Now conciliate the son of the Wind properly, so that Rāma comes to the highest satisfaction and there is happiness for the gods.
AI translation rendered from the Sanskrit, not a published edition
PdP 5 45.5
देवाधिपस्य वचनं श्रुत्वा वाचस्पतिस्तदा । शक्रं तु पुरतः कृत्वा सर्वदेवैः परीवृतम्
devādhipasya vacanaṃ śrutvā vācaspatistadā | śakraṃ tu purataḥ kṛtvā sarvadevaiḥ parīvṛtam
Then, having heard the words of the lord of the gods, the Lord of Speech, placing Śakra—surrounded by all the gods—in front,
AI translation rendered from the Sanskrit, not a published edition
PdP 5 45.6
जगाम तत्र यत्रास्ते हनूमान्निर्भयः कपिः । गर्जति प्रसभं जित्वा सुरान्सर्वान्सुखासिनः
jagāma tatra yatrāste hanūmānnirbhayaḥ kapiḥ | garjati prasabhaṃ jitvā surānsarvānsukhāsinaḥ
went there where the fearless monkey Hanūmān was, roaring forcefully, having overcome all the gods who were sitting at ease.
AI translation rendered from the Sanskrit, not a published edition
PdP 5 45.7
ते गत्वा सन्निधौ तस्य बृहस्पतिपुरोगमाः । पेतुस्ते चरणौ नत्वा समीरतनुजस्य हि
te gatvā sannidhau tasya bṛhaspatipurogamāḥ | petuste caraṇau natvā samīratanujasya hi
They, with Bṛhaspati at their head, went into his presence and, bowing, fell at the feet of the son of the Wind.
AI translation rendered from the Sanskrit, not a published edition
PdP 5 45.8
बृहस्पतिश्च तं वीरं जगाद प्रेरितोऽमुना । सुराधीशेन लोकस्य गुरुणा वदतां वरः
bṛhaspatiśca taṃ vīraṃ jagāda prerito'munā | surādhīśena lokasya guruṇā vadatāṃ varaḥ
And Bṛhaspati, the world's teacher, best of speakers, urged on by that lord of the gods, spoke to that hero:
AI translation rendered from the Sanskrit, not a published edition
PdP 5 45.9
अजानद्भिः कृतं कर्म देवैस्तव पराक्रमम् । श्रीरामचरणस्य त्वं सेवकोऽसि महामते
ajānadbhiḥ kṛtaṃ karma devaistava parākramam | śrīrāmacaraṇasya tvaṃ sevako'si mahāmate
The deed was done by the gods without knowing your valour; you are a servant of Śrī Rāma's feet, O greatly wise one.
AI translation rendered from the Sanskrit, not a published edition
PdP 5 45.10
किमर्थमयमारंभः कथमत्र समागमः । तत्करिष्यामहे सर्वे सन्नतास्तव भाषितम्
kimarthamayamāraṃbhaḥ kathamatra samāgamaḥ | tatkariṣyāmahe sarve sannatāstava bhāṣitam
For what purpose is this undertaking, how has (your) coming here (come about)? All of us, submissive, will do what you say.
AI translation rendered from the Sanskrit, not a published edition
PdP 5 45.11
रोषं त्यक्त्वा कृपां कृत्वा देवाधीशं विलोकय । पवनात्मज दैत्यानां भयंकरवपुर्दधत्
roṣaṃ tyaktvā kṛpāṃ kṛtvā devādhīśaṃ vilokaya | pavanātmaja daityānāṃ bhayaṃkaravapurdadhat
Abandoning anger and showing compassion, look upon the lord of the gods, O son of the Wind, you who bear a form terrifying to the demons.
AI translation rendered from the Sanskrit, not a published edition
PdP 5 45.12
शेष उवाच इत्थं भाषितमाकर्ण्य देवानां स गुरोर्वचः । उवाच देवान्सकलान्गुरुं चैव महयशाः
śeṣa uvāca itthaṃ bhāṣitamākarṇya devānāṃ sa gurorvacaḥ | uvāca devānsakalānguruṃ caiva mahayaśāḥ
Śeṣa said: Hearing the teacher of the gods speak thus, he of great fame spoke to all the gods and to the teacher:
AI translation rendered from the Sanskrit, not a published edition
PdP 5 45.13
राज्ञो वीरमणेः संख्ये हताः शर्वेण भूरिशः । भटास्तान्वै जीवयितुं द्रोणं नेष्यामि पर्वतम्
rājño vīramaṇeḥ saṃkhye hatāḥ śarveṇa bhūriśaḥ | bhaṭāstānvai jīvayituṃ droṇaṃ neṣyāmi parvatam
In the battle of King Vīramaṇi very many warriors have been slain by Śarva (Śiva); to revive them I shall carry off the Droṇa mountain.
AI translation rendered from the Sanskrit, not a published edition
PdP 5 45.14
तं ये निवारयिष्यंति स्ववीर्यबलदर्पिताः । तान्नेष्यामि क्षणादेव यमस्य सदनं प्रति
taṃ ye nivārayiṣyaṃti svavīryabaladarpitāḥ | tānneṣyāmi kṣaṇādeva yamasya sadanaṃ prati
Those who, proud of their own valour and strength, will obstruct it—them I shall send in an instant to the house of Yama.
AI translation rendered from the Sanskrit, not a published edition
PdP 5 45.15
तस्माद्वदत मे यूयं द्रोणं वाथ तदौषधम् । येन संजीवयिष्यामि मृतान्वीरान्रणांगणे
tasmādvadata me yūyaṃ droṇaṃ vātha tadauṣadham | yena saṃjīvayiṣyāmi mṛtānvīrānraṇāṃgaṇe
Therefore you tell me (of) Droṇa, or else of that herb, by which I shall revive the heroes dead on the battlefield.
AI translation rendered from the Sanskrit, not a published edition
PdP 5 45.16
शेष उवाच इति वाक्यं समाकर्ण्य वायुसूनोर्महात्मनः । ते सर्वे प्रणतिं गत्वा ददुः संजीवनौषधम्
śeṣa uvāca iti vākyaṃ samākarṇya vāyusūnormahātmanaḥ | te sarve praṇatiṃ gatvā daduḥ saṃjīvanauṣadham
Śeṣa said: Hearing this speech of the great-souled son of the Wind, they all made obeisance and gave the life-restoring herb.
AI translation rendered from the Sanskrit, not a published edition
PdP 5 45.17
ते प्रहृष्टा भयं त्यक्त्वा सुराः स्वर्गौकसः स्वयम् । ययुः सुरपतिं कृत्वा पुरः सौख्य समन्विताः
te prahṛṣṭā bhayaṃ tyaktvā surāḥ svargaukasaḥ svayam | yayuḥ surapatiṃ kṛtvā puraḥ saukhya samanvitāḥ
Delighted, having let go of fear, those gods, dwellers in heaven, themselves went off, placing the lord of the gods in front, filled with ease.
AI translation rendered from the Sanskrit, not a published edition
PdP 5 45.18
हनुमान्भेषजं तत्तु समादायागतो रणम् । स्तुतः सर्वैः सुरगणैर्महाकर्मसमुत्सुकैः
hanumānbheṣajaṃ tattu samādāyāgato raṇam | stutaḥ sarvaiḥ suragaṇairmahākarmasamutsukaiḥ
But Hanumān, having taken that medicine, came to the battle, praised by all the hosts of gods, who were eager for the great deed.
AI translation rendered from the Sanskrit, not a published edition
PdP 5 45.19
तमागतं हनूमंतं वीक्ष्य सर्वेऽपि वैरिणः । साधुसाधुप्रशंसंतमद्भुतं मेनिरे कपिम्
tamāgataṃ hanūmaṃtaṃ vīkṣya sarve'pi vairiṇaḥ | sādhusādhupraśaṃsaṃtamadbhutaṃ menire kapim
Seeing Hanūmān thus arrived, all the enemies too, praising him with 'well done, well done!', thought the monkey wonderful.
AI translation rendered from the Sanskrit, not a published edition
PdP 5 45.20
कपिः समागत्य महामुदायुतः । पुरो भटं पुष्कलमागतं मृतम् । शिवेन संरक्षितमुग्रमंडले । श्रीरामचित्तं सविधे जगाम ह
kapiḥ samāgatya mahāmudāyutaḥ | puro bhaṭaṃ puṣkalamāgataṃ mṛtam | śivena saṃrakṣitamugramaṃḍale | śrīrāmacittaṃ savidhe jagāma ha
The monkey, arriving, filled with great joy, (saw) before him the warrior Puṣkala, come to death, guarded by Śiva in the fierce arena, and went into the presence of Śrī Rāma's heart.
AI translation rendered from the Sanskrit, not a published edition — the model flagged this verse as uncertain
PdP 5 45.21
सुमतिं च समाहूय मंत्रिणं महतां मतम् । उवाच जीवयाम्यद्य सर्वान्वीरान्रणे मृतान्
sumatiṃ ca samāhūya maṃtriṇaṃ mahatāṃ matam | uvāca jīvayāmyadya sarvānvīrānraṇe mṛtān
And having summoned Sumati, the minister, esteemed by the great, he said: "Today I shall bring back to life all the heroes who have died in battle."
AI translation rendered from the Sanskrit, not a published edition
PdP 5 45.22
एवमुक्त्वा भेषजं तत्पुष्कलस्य महोरसि । शिरः कायेन संधाय जगाद वचनं शुभम्
evamuktvā bheṣajaṃ tatpuṣkalasya mahorasi | śiraḥ kāyena saṃdhāya jagāda vacanaṃ śubham
Having spoken thus, (placing) that medicine on Puṣkala's broad chest, and joining the head to the body, he uttered auspicious words:
AI translation rendered from the Sanskrit, not a published edition
PdP 5 45.23
यद्यहं मनसा वाचा कर्मणा राघवं पतिम् । जानामि तर्हि एतेन भेषजेनाशु जीवतु
yadyahaṃ manasā vācā karmaṇā rāghavaṃ patim | jānāmi tarhi etena bheṣajenāśu jīvatu
"If in thought, word, and deed I know Rāghava (as my) lord, then by this medicine let him live at once."
AI translation rendered from the Sanskrit, not a published edition
PdP 5 45.24
इति वाक्यं यदा वक्ति तावत्पुष्कल उत्थितः । रणांगणेऽदशद्रोषाद्दंतान्वीरशिरोमणिः
iti vākyaṃ yadā vakti tāvatpuṣkala utthitaḥ | raṇāṃgaṇe'daśadroṣāddaṃtānvīraśiromaṇiḥ
While he was speaking this speech, in that very moment Puṣkala rose up, and in the battlefield that crest-jewel of heroes gnashed his teeth in rage.
AI translation rendered from the Sanskrit, not a published edition
PdP 5 45.25
क्व गतो वीरभद्रोऽसौ मां संमूर्च्छ्य रणांगणे । सद्योऽहं पातयाम्येनं क्वास्ति मे धनुरुत्तमम्
kva gato vīrabhadro'sau māṃ saṃmūrcchya raṇāṃgaṇe | sadyo'haṃ pātayāmyenaṃ kvāsti me dhanuruttamam
"Where has that Vīrabhadra gone, having stunned me on the battlefield? At once I shall strike him down. Where is my excellent bow?"
AI translation rendered from the Sanskrit, not a published edition
PdP 5 45.26
इति तं भाषमाणं वै प्राह वीरं कपींद्रकः । धन्योऽसि वीर यद्भूयो वदस्येनं रणांगणे
iti taṃ bhāṣamāṇaṃ vai prāha vīraṃ kapīṃdrakaḥ | dhanyo'si vīra yadbhūyo vadasyenaṃ raṇāṃgaṇe
To him thus speaking the lord of monkeys said: "You are fortunate, hero, in that you speak of him again on the battlefield.
AI translation rendered from the Sanskrit, not a published edition
PdP 5 45.27
त्वं हतो वीरभद्रेण रघुनाथप्रसादतः । पुनः संजीवितोऽस्येहि शत्रुघ्नं याम मूर्च्छितम्
tvaṃ hato vīrabhadreṇa raghunāthaprasādataḥ | punaḥ saṃjīvito'syehi śatrughnaṃ yāma mūrcchitam
You were slain by Vīrabhadra; by the grace of the Lord of the Raghus you have been brought to life again. Come, let us go to Śatrughna, who lies unconscious."
AI translation rendered from the Sanskrit, not a published edition
PdP 5 45.28
इत्युक्त्वा प्रययौ तत्र संग्रामवरमूर्धनि । श्वसन्नास्ते स शत्रुघ्नः शिवबाणप्रपीडितः
ityuktvā prayayau tatra saṃgrāmavaramūrdhani | śvasannāste sa śatrughnaḥ śivabāṇaprapīḍitaḥ
Having said this, he went there, to the front of the great battle, where that Śatrughna lay breathing, sorely afflicted by Śiva's arrow.
AI translation rendered from the Sanskrit, not a published edition
PdP 5 45.29
तत्र गत्वा समीपं तच्छत्रुघ्नस्य महात्मनः । निधाय भेषजं तस्य वक्षसि श्वासमागते
tatra gatvā samīpaṃ tacchatrughnasya mahātmanaḥ | nidhāya bheṣajaṃ tasya vakṣasi śvāsamāgate
Going there, near to that great-souled Śatrughna, and placing the medicine on his chest, when the breath had returned,
AI translation rendered from the Sanskrit, not a published edition
PdP 5 45.30
उवाच हनुमांस्तं वै जीव शत्रुघ्नसत्तम । मूर्च्छितोऽसि रणे कस्मान्महाबलपराक्रम
uvāca hanumāṃstaṃ vai jīva śatrughnasattama | mūrcchito'si raṇe kasmānmahābalaparākrama
Hanumān said to him: "Live, best of men, Śatrughna! Why have you fainted in battle, you of mighty strength and valour?
AI translation rendered from the Sanskrit, not a published edition
PdP 5 45.31
यद्यहं ब्रह्मचर्यं च जन्मपर्यंतमुद्यतः । पालयामि तदा वीरः शत्रुघ्नो जीवतु क्षणात्
yadyahaṃ brahmacaryaṃ ca janmaparyaṃtamudyataḥ | pālayāmi tadā vīraḥ śatrughno jīvatu kṣaṇāt
If I, resolved upon chastity to the end of my life, do maintain it, then let the hero Śatrughna live this instant."
AI translation rendered from the Sanskrit, not a published edition
PdP 5 45.32
उक्तमात्रेण तेनेदं जीवितः क्षणमात्रतः । क्व शिवः क्व शिवो यातो विहायरणमंडलम्
uktamātreṇa tenedaṃ jīvitaḥ kṣaṇamātrataḥ | kva śivaḥ kva śivo yāto vihāyaraṇamaṃḍalam
Merely by his saying this, he was brought to life in an instant: "Where is Śiva? Where has Śiva gone, leaving the field of battle?"
AI translation rendered from the Sanskrit, not a published edition
PdP 5 45.33
अनेके निहताः संख्ये श्रीरुद्रेण पिनाकिना । ते सर्वे जीविता वीराः कपीन्द्रेण महात्मना
aneke nihatāḥ saṃkhye śrīrudreṇa pinākinā | te sarve jīvitā vīrāḥ kapīndreṇa mahātmanā
Many had been slain in the battle by the venerable Rudra, bearer of the Pināka; all those heroes were brought to life by the great-souled lord of monkeys.
AI translation rendered from the Sanskrit, not a published edition
PdP 5 45.34
तदा सर्वे सुसन्नद्धा रोषपूरितमानसाः । स्वेस्वे रथे स्थिताः शत्रून्प्रययुः क्षतविग्रहाः
tadā sarve susannaddhā roṣapūritamānasāḥ | svesve rathe sthitāḥ śatrūnprayayuḥ kṣatavigrahāḥ
Then all of them, well armed, their minds filled with fury, standing each in his own chariot, advanced against the enemy, their bodies wounded.
AI translation rendered from the Sanskrit, not a published edition
PdP 5 45.35
पुष्कलो वीरभद्रं तु चंडं चैव कुशध्वजः । नंदिनं हनुमान्वीरः शत्रुघ्नः संगरे शिवम्
puṣkalo vīrabhadraṃ tu caṃḍaṃ caiva kuśadhvajaḥ | naṃdinaṃ hanumānvīraḥ śatrughnaḥ saṃgare śivam
Puṣkala (went) against Vīrabhadra, and Kuśadhvaja against Caṇḍa, the hero Hanumān against Nandin, and Śatrughna against Śiva in the battle.
AI translation rendered from the Sanskrit, not a published edition
PdP 5 45.36
धनुर्विस्फारयंतं तं शत्रुघ्नं बलिनां वरम् । संग्रामे शिवमाहूय तिष्ठंतं प्रययौ नृपः
dhanurvisphārayaṃtaṃ taṃ śatrughnaṃ balināṃ varam | saṃgrāme śivamāhūya tiṣṭhaṃtaṃ prayayau nṛpaḥ
The king advanced against that Śatrughna, best of the strong, who stood in the battle drawing his bow, having challenged Śiva.
AI translation rendered from the Sanskrit, not a published edition
PdP 5 45.37
राजा वीरमणिर्वीरः शत्रुघ्नः समरे बली । अन्योन्यं चक्रतुर्युद्धं मुनिविस्मयकारकम्
rājā vīramaṇirvīraḥ śatrughnaḥ samare balī | anyonyaṃ cakraturyuddhaṃ munivismayakārakam
King Vīramaṇi the hero and Śatrughna the strong made battle against each other in the fight, causing amazement to the sages.
AI translation rendered from the Sanskrit, not a published edition
PdP 5 45.38
राज्ञा च वीरमणिना रथा भग्नाः शताधिकाः । शत्रुघ्नस्य नरेंद्रस्य तिलशः क्षणतो द्विज
rājñā ca vīramaṇinā rathā bhagnāḥ śatādhikāḥ | śatrughnasya nareṃdrasya tilaśaḥ kṣaṇato dvija
And by King Vīramaṇi more than a hundred chariots of Śatrughna, lord of men, were shattered to bits in an instant, O twice-born one.
AI translation rendered from the Sanskrit, not a published edition
PdP 5 45.39
तदा प्रकुपितोऽत्यंतं शत्रुघ्नो रणमंडले । आग्नेयास्त्रं मुमोचामुं दग्धुं सैन्यसमन्वितम्
tadā prakupito'tyaṃtaṃ śatrughno raṇamaṃḍale | āgneyāstraṃ mumocāmuṃ dagdhuṃ sainyasamanvitam
Then Śatrughna, exceedingly enraged on the battlefield, released the fire-weapon to burn him together with his army.
AI translation rendered from the Sanskrit, not a published edition
PdP 5 45.40
दाहकं तन्महद्दृष्ट्वा महास्त्रं शत्रुमोचितम् । अत्यंतं कुपितो राजा वारुणास्त्रं समाददे
dāhakaṃ tanmahaddṛṣṭvā mahāstraṃ śatrumocitam | atyaṃtaṃ kupito rājā vāruṇāstraṃ samādade
Seeing that great burning weapon released by the enemy, the king, exceedingly angered, took up the water-weapon.
AI translation rendered from the Sanskrit, not a published edition
PdP 5 45.41
वारुणास्त्रेण शीतार्तं वीक्ष्य रामानुजो बली । वायव्यास्त्रं मुमोचास्मै तेन वायुर्महानभूत्
vāruṇāstreṇa śītārtaṃ vīkṣya rāmānujo balī | vāyavyāstraṃ mumocāsmai tena vāyurmahānabhūt
Seeing (him) afflicted with cold by the Varuṇa-weapon, the mighty younger brother of Rāma released the Vāyavya weapon at him, and by it a great wind arose.
AI translation rendered from the Sanskrit, not a published edition
PdP 5 45.42
वायुना संहता मेघा ययुस्ते सर्वतोदिशम् । इतस्ततो गताः सर्वे सैन्यं तत्सुखितं बभौ
vāyunā saṃhatā meghā yayuste sarvatodiśam | itastato gatāḥ sarve sainyaṃ tatsukhitaṃ babhau
The clouds, struck together by the wind, went off in every direction; all having gone here and there, that army appeared relieved.
AI translation rendered from the Sanskrit, not a published edition
PdP 5 45.43
सैन्ये पवनपीडार्ते नृपो वीरमतिर्महान् । पर्वतास्त्रं रिपूद्धारि जग्राह च शरासने
sainye pavanapīḍārte nṛpo vīramatirmahān | parvatāstraṃ ripūddhāri jagrāha ca śarāsane
When the army was afflicted by the pain of the wind, the great king Vīramati took up on his bow the mountain-weapon, which destroys enemies.
AI translation rendered from the Sanskrit, not a published edition
PdP 5 45.44
पर्वतैः स्तंभितो वायुर्न चासर्पत संगरे । तद्वीक्ष्य रामावरजो वज्रास्त्रं तु समाददे
parvataiḥ staṃbhito vāyurna cāsarpata saṃgare | tadvīkṣya rāmāvarajo vajrāstraṃ tu samādade
The wind was blocked by the mountains and did not move in the battle; seeing that, Rāma's younger brother took up the thunderbolt-weapon.
AI translation rendered from the Sanskrit, not a published edition
PdP 5 45.45
वज्रास्त्रेण हताः सर्वे नगास्तु तिलशः कृताः । चूर्णतां प्रापुरेतस्मिन्रणे वीरवरार्चिते
vajrāstreṇa hatāḥ sarve nagāstu tilaśaḥ kṛtāḥ | cūrṇatāṃ prāpuretasminraṇe vīravarārcite
By the thunderbolt-weapon all (the mountains) were struck down, and the mountains were made (small) as sesame seeds; they were reduced to powder in that battle honoured by the best of heroes.
AI translation rendered from the Sanskrit, not a published edition
PdP 5 45.46
वज्रास्त्रेण विदीर्णांगा वीराः शोणितशोभिताः । बभूवुः समरप्रांते चित्रं समभवद्रणम्
vajrāstreṇa vidīrṇāṃgā vīrāḥ śoṇitaśobhitāḥ | babhūvuḥ samaraprāṃte citraṃ samabhavadraṇam
With their limbs split open by the thunderbolt-weapon, the heroes became adorned with blood; at the edge of the battle the fighting became a marvel.
AI translation rendered from the Sanskrit, not a published edition
PdP 5 45.47
तदा प्रकुपितोऽत्यंतं राजा वीरमणिर्महान् । ब्रह्मास्त्रं चाप आधत्त वैरिदाहकमद्भुतम्
tadā prakupito'tyaṃtaṃ rājā vīramaṇirmahān | brahmāstraṃ cāpa ādhatta vairidāhakamadbhutam
Then the great king Vīramaṇi, exceedingly enraged, fitted to his bow the wondrous Brahmā-weapon, which burns up foes.
AI translation rendered from the Sanskrit, not a published edition
PdP 5 45.48
शत्रुघ्नः शरमादाय सस्मार सुमनोहरम् । अस्त्रं तद्योगिनीदत्तं सर्ववैरिविमोहनम्
śatrughnaḥ śaramādāya sasmāra sumanoharam | astraṃ tadyoginīdattaṃ sarvavairivimohanam
Śatrughna, taking an arrow, called to mind that most delightful weapon given by the Yoginī, which bewilders all enemies.
AI translation rendered from the Sanskrit, not a published edition
PdP 5 45.49
ब्रह्मास्त्रं तत्करभ्रष्टमागतं वैरिणं प्रति । तावच्छत्रुघ्ननाम्ना तु तन्मुक्तं मोहनास्त्रकम्
brahmāstraṃ tatkarabhraṣṭamāgataṃ vairiṇaṃ prati | tāvacchatrughnanāmnā tu tanmuktaṃ mohanāstrakam
That Brahmā-weapon, loosed from his hand, came on against the enemy; and meanwhile the one named Śatrughna released that bewildering weapon.
AI translation rendered from the Sanskrit, not a published edition
PdP 5 45.50
मोहनास्त्रेण तद्ब्राह्मं द्विधाछिन्नं क्षणादिह । लग्नं राज्ञो हृदि क्षिप्रं मूर्च्छां संप्रापयन्नृपम्
mohanāstreṇa tadbrāhmaṃ dvidhāchinnaṃ kṣaṇādiha | lagnaṃ rājño hṛdi kṣipraṃ mūrcchāṃ saṃprāpayannṛpam
By the bewildering weapon that Brahmā-weapon was cut in two in an instant here; fastening at once on the king's chest, it brought the king to a swoon.
AI translation rendered from the Sanskrit, not a published edition
PdP 5 45.51
ते बाणाः शतशो मुक्ताः शत्रुघ्नेन महीभृता । सर्वेपि मूर्च्छिता वीरा गणा रुद्रस्य ये पुनः
te bāṇāḥ śataśo muktāḥ śatrughnena mahībhṛtā | sarvepi mūrcchitā vīrā gaṇā rudrasya ye punaḥ
Those arrows were released by the hundreds by Śatrughna, the lord of the earth; and all the heroes too, who were Rudra's troops, were made senseless.
AI translation rendered from the Sanskrit, not a published edition
PdP 5 45.52
शिवस्य चरणोपस्थे मूढाः पेतुर्महीतले । तदा शिवः प्रकुपितो रथे तिष्ठन्ययौ नृपम्
śivasya caraṇopasthe mūḍhāḥ peturmahītale | tadā śivaḥ prakupito rathe tiṣṭhanyayau nṛpam
Stupefied, they fell to the ground at Śiva's feet; then Śiva, greatly enraged, standing in his chariot, went against the king.
AI translation rendered from the Sanskrit, not a published edition
PdP 5 45.53
शिवेन सहसा योद्धुं समायातो रणांगणे । शत्रुघ्नः सज्जमात्तज्यं धनुः कृत्वा व्ययुद्ध्यत
śivena sahasā yoddhuṃ samāyāto raṇāṃgaṇe | śatrughnaḥ sajjamāttajyaṃ dhanuḥ kṛtvā vyayuddhyata
When (Śiva) came at once to the battlefield to fight, Śatrughna, having made his bow ready with the string drawn, fought on.
AI translation rendered from the Sanskrit, not a published edition
PdP 5 45.54
तयोः समभवद्युद्धं घोरं वैरिविदारणम् । शस्त्रास्त्रैर्बहुधामुक्तैरादीपित दिगंतरम्
tayoḥ samabhavadyuddhaṃ ghoraṃ vairividāraṇam | śastrāstrairbahudhāmuktairādīpita digaṃtaram
A dreadful battle took place between those two, tearing apart the foes, with weapons and missiles released in many ways, the horizons set ablaze.
AI translation rendered from the Sanskrit, not a published edition
PdP 5 45.55
अस्त्रप्रत्यस्त्रसंघातैस्ताडनप्रतिताडनैः । देवानामपि दैत्यानां नैतादृग्रणमंडलम्
astrapratyastrasaṃghātaistāḍanapratitāḍanaiḥ | devānāmapi daityānāṃ naitādṛgraṇamaṃḍalam
With clashes of missile against counter-missile, with strikings and counter-strikings — not even among gods and demons was there such a field of battle.
AI translation rendered from the Sanskrit, not a published edition
PdP 5 45.56
तदा व्याकुलितोऽत्यंतं शत्रुघ्नः शिवसंगरे । सस्मार स्वामिनं तत्र पावनेरुपदेशतः
tadā vyākulito'tyaṃtaṃ śatrughnaḥ śivasaṃgare | sasmāra svāminaṃ tatra pāvanerupadeśataḥ
Then Śatrughna, exceedingly distressed in the fight with Śiva, called to mind his lord there, according to the instruction of the son of the Wind (Hanumān).
AI translation rendered from the Sanskrit, not a published edition
PdP 5 45.57
हा नाथ भ्रातरत्युग्रः शिवः प्राणापहारणम् । करोति धनुरुद्यम्य त्रायस्व रणमंडले
hā nātha bhrātaratyugraḥ śivaḥ prāṇāpahāraṇam | karoti dhanurudyamya trāyasva raṇamaṃḍale
"Alas, lord, brother! The exceedingly fierce Śiva, raising his bow, is taking away my life; save me on the field of battle!"
AI translation rendered from the Sanskrit, not a published edition
PdP 5 45.58
अनेके दुःखपाथोधिं तीर्णा राम तवाख्यया । मामप्युद्धर दुःखस्थं रामराम कृपानिधे
aneke duḥkhapāthodhiṃ tīrṇā rāma tavākhyayā | māmapyuddhara duḥkhasthaṃ rāmarāma kṛpānidhe
"Many have crossed the ocean of sorrow by uttering your name, Rāma; lift me too up, who am in sorrow, O Rāma, Rāma, treasury of compassion!"
AI translation rendered from the Sanskrit, not a published edition
PdP 5 45.59
इत्थं वक्ति यदा तावद्वीक्षितो रणमंडले । नीलोत्पलदलश्यामो रामो राजीवलोचनः
itthaṃ vakti yadā tāvadvīkṣito raṇamaṃḍale | nīlotpaladalaśyāmo rāmo rājīvalocanaḥ
While he was speaking thus, just then there was seen on the battlefield Rāma, dark as the petal of a blue lotus, lotus-eyed,
AI translation rendered from the Sanskrit, not a published edition
PdP 5 45.60
मृगशृंगं कटौ धृत्वा दीक्षितं वपुरुद्वहन् । तं दृष्ट्वा विस्मयं प्राप शत्रुघ्नः समरांगणे
mṛgaśṛṃgaṃ kaṭau dhṛtvā dīkṣitaṃ vapurudvahan | taṃ dṛṣṭvā vismayaṃ prāpa śatrughnaḥ samarāṃgaṇe
wearing an antelope's horn at his waist, bearing the form of one consecrated (for a sacrifice). Seeing him on the battlefield, Śatrughna was filled with amazement.
AI translation rendered from the Sanskrit, not a published edition