Padma Purana — Patala Khanda — Chapter 42
PdP 5 42.1
शेष उवाच। आह्वयंतं महासैन्यवारिधौ पुष्कलं नृपम् । समालक्ष्य कपींद्रोऽपि हनूमांस्तमधावत
śeṣa uvāca| āhvayaṃtaṃ mahāsainyavāridhau puṣkalaṃ nṛpam | samālakṣya kapīṃdro'pi hanūmāṃstamadhāvata
Śeṣa said: Seeing King Puṣkala challenging (his foes) in that great ocean of an army, Hanūmān too, lord of monkeys, rushed at him.
AI translation rendered from the Sanskrit, not a published edition
PdP 5 42.2
लांगूलमुद्यम्य विशालदेहं । सरावमातत्य पयोदघोषम् । रणस्थितान्वीरवरान्कपींद्रो । जगाम तं वीरमणिं नृपेन्द्रम्
lāṃgūlamudyamya viśāladehaṃ | sarāvamātatya payodaghoṣam | raṇasthitānvīravarānkapīṃdro | jagāma taṃ vīramaṇiṃ nṛpendram
Raising his tail, (his) huge body, stretching out a roar (loud as) the thunder of rain-clouds, the lord of monkeys went past the excellent heroes stationed in the battle toward that jewel among heroes, that lord of kings.
AI translation rendered from the Sanskrit, not a published edition — the model flagged this verse as uncertain
PdP 5 42.3
आयांतं तं हनूमंतं वीक्ष्य पुष्कल उद्भटः । विलोकयामासदृशा वैरिक्रोध सुशोणया
āyāṃtaṃ taṃ hanūmaṃtaṃ vīkṣya puṣkala udbhaṭaḥ | vilokayāmāsadṛśā vairikrodha suśoṇayā
Seeing that Hanūmān coming on, the formidable Puṣkala gazed at him with an eye made deep red by anger at the foe.
AI translation rendered from the Sanskrit, not a published edition
PdP 5 42.4
जगाद तं हनूमंतं पुष्कलः परमास्त्रवित् । मेघगंभीरया वाचा नादयन्रणमंडलम्
jagāda taṃ hanūmaṃtaṃ puṣkalaḥ paramāstravit | meghagaṃbhīrayā vācā nādayanraṇamaṃḍalam
Puṣkala, knowing the highest weapons, spoke to that Hanūmān in a voice deep as a cloud, making the circle of the battlefield resound.
AI translation rendered from the Sanskrit, not a published edition
PdP 5 42.5
पुष्कल उवाच। कथं त्वं समरे योद्धुमागतोसि महाकपे । कियद्बलं स्वल्पमेतद्राज्ञो वीरमणेर्महत्
puṣkala uvāca| kathaṃ tvaṃ samare yoddhumāgatosi mahākape | kiyadbalaṃ svalpametadrājño vīramaṇermahat
Puṣkala said: How is it that you have come to fight in battle, great monkey? How much strength (has he)? This great (force) of King Vīramaṇi is (in fact) small.
AI translation rendered from the Sanskrit, not a published edition — the model flagged this verse as uncertain
PdP 5 42.6
यत्र त्रिजगती सर्वा संमुखे समुपागता । तत्र त्वं लीलया योद्धुं यातुमिच्छसि वा न वा
yatra trijagatī sarvā saṃmukhe samupāgatā | tatra tvaṃ līlayā yoddhuṃ yātumicchasi vā na vā
Where the whole triple world has come together face to face, there do you wish to go and fight in sport, or not?
AI translation rendered from the Sanskrit, not a published edition
PdP 5 42.7
कोयं राजा वीरमणिः कियद्बलमथाल्पकम् । अत्रागमनमत्युग्रं तव वीर न भाव्यते
koyaṃ rājā vīramaṇiḥ kiyadbalamathālpakam | atrāgamanamatyugraṃ tava vīra na bhāvyate
Who is this King Vīramaṇi, and how slight his strength? Your coming here, hero, most fierce (as it is), is not thought fitting.
AI translation rendered from the Sanskrit, not a published edition
PdP 5 42.8
रघुनाथकृपापांगादहं निस्तीर्य दुस्तरम् । क्षणान्निर्यामि कीशेंद्र मा चित्तं कुरु संगरे
raghunāthakṛpāpāṃgādahaṃ nistīrya dustaram | kṣaṇānniryāmi kīśeṃdra mā cittaṃ kuru saṃgare
By the sidelong glance of Raghunātha's grace I shall cross the hard-to-cross and get out (of it) in an instant, lord of monkeys; do not set your mind (on this) in the battle.
AI translation rendered from the Sanskrit, not a published edition
PdP 5 42.9
त्वया राक्षसपाथोधिस्तीर्णो रामकृपाव्रजात् । तथा रामं सुसंस्मृत्य निस्तरिष्यामि दुस्तरम्
tvayā rākṣasapāthodhistīrṇo rāmakṛpāvrajāt | tathā rāmaṃ susaṃsmṛtya nistariṣyāmi dustaram
By you the ocean of the demons was crossed through the onset of Rāma's grace; so I too, remembering Rāma well, shall cross what is hard to cross.
AI translation rendered from the Sanskrit, not a published edition
PdP 5 42.10
ये केचिद्दुस्तरं प्राप्य रघुनाथं स्मरंति च । तेषां दुःखोदधिः शुष्को भविष्यति न संशयः
ye keciddustaraṃ prāpya raghunāthaṃ smaraṃti ca | teṣāṃ duḥkhodadhiḥ śuṣko bhaviṣyati na saṃśayaḥ
Whoever, having met with what is hard to cross, remember Raghunātha — their ocean of sorrow will be dried up, there is no doubt.
AI translation rendered from the Sanskrit, not a published edition
PdP 5 42.11
तस्माद्व्रज महावीर शत्रुघ्नसविधे बलिन् । एष आयामि निर्जित्य भूपं वीरमणिं क्षणात्
tasmādvraja mahāvīra śatrughnasavidhe balin | eṣa āyāmi nirjitya bhūpaṃ vīramaṇiṃ kṣaṇāt
Therefore go, great hero, into the presence of Śatrughna, O mighty one; I here shall come, having conquered King Vīramaṇi in an instant.
AI translation rendered from the Sanskrit, not a published edition
PdP 5 42.12
शेष उवाच। इति धीरां समाकर्ण्य वाणीं पुष्कलभाषिताम् । जगाद वचनं भूयः पुष्कलं परवीरहा
śeṣa uvāca| iti dhīrāṃ samākarṇya vāṇīṃ puṣkalabhāṣitām | jagāda vacanaṃ bhūyaḥ puṣkalaṃ paravīrahā
Śeṣa said: Hearing this steady speech uttered by Puṣkala, the slayer of enemy heroes spoke a word to Puṣkala again.
AI translation rendered from the Sanskrit, not a published edition
PdP 5 42.13
हनुमानुवाच। पुत्र मा साहसं कार्षीर्भूपं वीरमणिं प्रति । एष दाता शरण्यश्च बलशौर्यसमन्वितः
hanumānuvāca| putra mā sāhasaṃ kārṣīrbhūpaṃ vīramaṇiṃ prati | eṣa dātā śaraṇyaśca balaśauryasamanvitaḥ
Hanumān said: Son, do not act rashly against King Vīramaṇi; he is a giver and a refuge, and endowed with strength and valour.
AI translation rendered from the Sanskrit, not a published edition
PdP 5 42.14
त्वं बालः स्थविरो भूपोऽखिलशस्त्रास्त्रवित्तमः । अनेके विजिताः संख्ये वीराः शौर्यसुशोभिनः
tvaṃ bālaḥ sthaviro bhūpo'khilaśastrāstravittamaḥ | aneke vijitāḥ saṃkhye vīrāḥ śauryasuśobhinaḥ
You are a boy, (while) the king is old and the greatest knower of all weapons and missiles; many heroes shining with valour have been vanquished by him in battle.
AI translation rendered from the Sanskrit, not a published edition
PdP 5 42.15
जानीहि पार्श्वे तस्य त्वं रक्षितारं सदाशिवम् । भक्त्या वशीकृतं स्थाणुं सोमं चैतत्पुरिस्थितम्
jānīhi pārśve tasya tvaṃ rakṣitāraṃ sadāśivam | bhaktyā vaśīkṛtaṃ sthāṇuṃ somaṃ caitatpuristhitam
Know that at his side is Sadāśiva as protector: Sthāṇu, subdued by (his) devotion, and Soma too, dwelling in this city (of his).
AI translation rendered from the Sanskrit, not a published edition
PdP 5 42.16
तस्मादहमनेनैव योत्स्ये भूपेन पुष्कल । अन्यान्वीरान्विजित्वा त्वं कीर्तिमाप्नुहि पुष्कलाम्
tasmādahamanenaiva yotsye bhūpena puṣkala | anyānvīrānvijitvā tvaṃ kīrtimāpnuhi puṣkalām
Therefore I myself shall fight with this king, Puṣkala; you, having conquered the other heroes, win ample fame.
AI translation rendered from the Sanskrit, not a published edition
PdP 5 42.17
पुष्कल उवाच। शिवो भक्त्या वशीकृत्य स्वपुरे स्थापितोऽमुना । परमस्याशु हृदयेन तिष्ठति महेश्वरः
puṣkala uvāca| śivo bhaktyā vaśīkṛtya svapure sthāpito'munā | paramasyāśu hṛdayena tiṣṭhati maheśvaraḥ
Puṣkala said: Śiva, subdued by devotion, has been established by him in his own city; (but) the great Lord dwells at once in the heart of the Supreme One.
AI translation rendered from the Sanskrit, not a published edition — the model flagged this verse as uncertain
PdP 5 42.18
सदाशिवोयमाराध्य परमं स्थानमागतः । स रामो मन्मनस्त्यक्त्वा न क्वापि परिगच्छति
sadāśivoyamārādhya paramaṃ sthānamāgataḥ | sa rāmo manmanastyaktvā na kvāpi parigacchati
This Sadāśiva, by worshipping (Rāma), attained the highest station; and that Rāma does not go anywhere, leaving my mind.
AI translation rendered from the Sanskrit, not a published edition
PdP 5 42.19
यत्र रामस्तत्र विश्वं सर्वं स्थास्नु चरिष्णु च । तस्मादहं जयिष्यामि रणे वीरमणिं नृपम्
yatra rāmastatra viśvaṃ sarvaṃ sthāsnu cariṣṇu ca | tasmādahaṃ jayiṣyāmi raṇe vīramaṇiṃ nṛpam
Where Rāma is, there is the whole universe, both standing and moving; therefore I shall conquer King Vīramaṇi in battle.
AI translation rendered from the Sanskrit, not a published edition
PdP 5 42.20
व्रज त्वं समरे योद्धुमन्यान्मानिवरान्नृपान् । वीरसिंहमुखान्कीश मच्चिंतां मा कुरु प्रभो
vraja tvaṃ samare yoddhumanyānmānivarānnṛpān | vīrasiṃhamukhānkīśa macciṃtāṃ mā kuru prabho
You go to fight in battle with the other kings, the best of the proud ones, headed by Vīrasiṃha, O monkey; do not worry about me, lord.
AI translation rendered from the Sanskrit, not a published edition
PdP 5 42.21
वाचमित्थं समाकर्ण्य हनूमान्धीरसेविताम् । जगाम समरे योद्धुं वीरसिंहं नृपानुजम्
vācamitthaṃ samākarṇya hanūmāndhīrasevitām | jagāma samare yoddhuṃ vīrasiṃhaṃ nṛpānujam
Having heard this speech, which the steadfast keep to, Hanumān went to fight in battle with Vīrasiṃha, the king's younger brother.
AI translation rendered from the Sanskrit, not a published edition
PdP 5 42.22
लक्ष्मीनिधिः सुतेनास्य शुभांगदसुसंज्ञिना । द्वैरथेन प्रयुयुधे महाशस्त्रास्त्रवेदिना
lakṣmīnidhiḥ sutenāsya śubhāṃgadasusaṃjñinā | dvairathena prayuyudhe mahāśastrāstravedinā
Lakṣmīnidhi fought a chariot-duel with his son, named Śubhāṅgada, who knew the great weapons and missiles.
AI translation rendered from the Sanskrit, not a published edition
PdP 5 42.23
बलमित्रेण सुमदः स्वप्रतापबलोर्जितः । योद्धुं सशस्त्रः संग्रामं विचचार नृपात्मजः
balamitreṇa sumadaḥ svapratāpabalorjitaḥ | yoddhuṃ saśastraḥ saṃgrāmaṃ vicacāra nṛpātmajaḥ
Sumada, the king's son, made mighty by the force of his own valour, moved about the battlefield weapon in hand, to fight with Balamitra.
AI translation rendered from the Sanskrit, not a published edition
PdP 5 42.24
आह्वयंतं नृपं दृष्ट्वा द्वैरथे युद्धकोविदः । पुष्कलो रुक्मखचिते रथे तिष्ठन्ययौ हि तम्
āhvayaṃtaṃ nṛpaṃ dṛṣṭvā dvairathe yuddhakovidaḥ | puṣkalo rukmakhacite rathe tiṣṭhanyayau hi tam
Seeing the king challenging (him) to single combat, Puṣkala, skilled in war, standing on his gold-inlaid chariot, went at him.
AI translation rendered from the Sanskrit, not a published edition
PdP 5 42.25
राजा तमागतं दृष्ट्वा पुष्कलं युद्धकोविदम् । उवाच निर्भिया वाण्या रणमध्ये सुभाषितः
rājā tamāgataṃ dṛṣṭvā puṣkalaṃ yuddhakovidam | uvāca nirbhiyā vāṇyā raṇamadhye subhāṣitaḥ
The king, seeing Puṣkala, skilled in war, come (at him), spoke in the midst of the battle with fearless speech, being an eloquent speaker:
AI translation rendered from the Sanskrit, not a published edition
PdP 5 42.26
वीरमणिरुवाच। बालमायाहि मां क्रुद्धं संग्रामे चंडकोपनम् । गच्छ प्राणपरीप्सायै मा युद्धं कुरु मे सह
vīramaṇiruvāca| bālamāyāhi māṃ kruddhaṃ saṃgrāme caṃḍakopanam | gaccha prāṇaparīpsāyai mā yuddhaṃ kuru me saha
Vīramaṇi said: Boy, do you come at me, who am angry in battle and of fierce wrath? Go, to save your life; do not fight with me.
AI translation rendered from the Sanskrit, not a published edition
PdP 5 42.27
त्वादृशान्बालकान्भूपा मादृशाः कृपयंति हि । प्रहरंति न चैतान्वै तस्माद्गच्छ रणाद्बहिः
tvādṛśānbālakānbhūpā mādṛśāḥ kṛpayaṃti hi | praharaṃti na caitānvai tasmādgaccha raṇādbahiḥ
Kings like me indeed have pity on boys like you, and do not strike them; therefore go out of the battle.
AI translation rendered from the Sanskrit, not a published edition
PdP 5 42.28
यावत्त्वं न मया दृष्टश्चक्षुर्भ्यां तावदुन्मनाः । सांप्रतं त्वां प्रहर्तुं न मनः समभिकांक्षति
yāvattvaṃ na mayā dṛṣṭaścakṣurbhyāṃ tāvadunmanāḥ | sāṃprataṃ tvāṃ prahartuṃ na manaḥ samabhikāṃkṣati
So long as you had not been seen by me with my two eyes, I was of an excited mind; now my mind does not desire to strike you.
AI translation rendered from the Sanskrit, not a published edition
PdP 5 42.29
यत्त्वया मत्सुतो बाणैर्भिन्नो मूर्च्छीकृतः पुनः । सर्वं मया क्षांतमद्य तवबालधियो महत्
yattvayā matsuto bāṇairbhinno mūrcchīkṛtaḥ punaḥ | sarvaṃ mayā kṣāṃtamadya tavabāladhiyo mahat
That my son was pierced by your arrows and again made to faint — all that has today been forgiven by me, great as it was, because of your childish understanding.
AI translation rendered from the Sanskrit, not a published edition
PdP 5 42.30
इति वाक्यं समाकर्ण्य पुष्कलो निजगाद तम् । पुष्कल उवाच। बालोऽहं त्वं महावृद्धः सर्वशस्त्रास्त्रकोविदः
iti vākyaṃ samākarṇya puṣkalo nijagāda tam | puṣkala uvāca| bālo'haṃ tvaṃ mahāvṛddhaḥ sarvaśastrāstrakovidaḥ
Hearing this speech, Puṣkala said to him: Puṣkala said: I am a boy, you are very old, skilled in all weapons and missiles.
AI translation rendered from the Sanskrit, not a published edition
PdP 5 42.31
क्षत्रियाणां मतं चैव ये बलाधिक्यसंयुताः । त एव वृद्धा भूपाग्र्य न वयोवृद्धतां गताः
kṣatriyāṇāṃ mataṃ caiva ye balādhikyasaṃyutāḥ | ta eva vṛddhā bhūpāgrya na vayovṛddhatāṃ gatāḥ
And this is the view of the kṣatriyas: those who are endowed with superiority of strength, they alone are the elders, best of kings — not those who have attained old age in years.
AI translation rendered from the Sanskrit, not a published edition
PdP 5 42.32
मया ते मूर्च्छितः पुत्रः सशौर्यबलदर्पितः । इदानीं त्वामहं शस्त्रैः पातयिष्यामि संगरे
mayā te mūrcchitaḥ putraḥ saśauryabaladarpitaḥ | idānīṃ tvāmahaṃ śastraiḥ pātayiṣyāmi saṃgare
Your son, proud of his valour and strength, was made to faint by me; now I will fell you too with my weapons in the battle.
AI translation rendered from the Sanskrit, not a published edition
PdP 5 42.33
तस्मात्त्वं यत्नतस्तिष्ठ राजन्संग्राममूर्धनि । रामभक्तं न मां कश्चिज्जयतींद्रपदे स्थितः
tasmāttvaṃ yatnatastiṣṭha rājansaṃgrāmamūrdhani | rāmabhaktaṃ na māṃ kaścijjayatīṃdrapade sthitaḥ
Therefore, king, stand with effort at the head of the battle: no one, even one placed in Indra's station, conquers me, the devotee of Rāma.
AI translation rendered from the Sanskrit, not a published edition
PdP 5 42.34
इत्थं भाषितमाश्रुत्य पुष्कलस्य नृपाग्रणीः । जहास बालं संवीक्ष्य कोपं च व्यदधात्पुनः
itthaṃ bhāṣitamāśrutya puṣkalasya nṛpāgraṇīḥ | jahāsa bālaṃ saṃvīkṣya kopaṃ ca vyadadhātpunaḥ
Hearing this speech of Puṣkala, the foremost of kings laughed, looking at the boy, and then again gave way to anger.
AI translation rendered from the Sanskrit, not a published edition
PdP 5 42.35
तं वै कुपितमालक्ष्य भरतात्मज उन्मदः । जघान शरविंशत्या राजानं हृदि तीक्ष्णया
taṃ vai kupitamālakṣya bharatātmaja unmadaḥ | jaghāna śaraviṃśatyā rājānaṃ hṛdi tīkṣṇayā
Seeing him angered, Bharata's son, excited, struck the king in the chest with twenty sharp arrows.
AI translation rendered from the Sanskrit, not a published edition
PdP 5 42.36
राजा तानागतान्दृष्ट्वा बाणांस्तेन विमोचितान् । चिच्छेद परमक्रुद्धः शरैस्तीक्ष्णैरनेकधा
rājā tānāgatāndṛṣṭvā bāṇāṃstena vimocitān | ciccheda paramakruddhaḥ śaraistīkṣṇairanekadhā
The king, seeing those arrows released by him coming (at him), in extreme anger cut them apart many times over with sharp arrows.
AI translation rendered from the Sanskrit, not a published edition
PdP 5 42.37
तद्बाणच्छेदनं दृष्ट्वा भारतिः परवीरहा । चुकोप हृदयेऽत्यंतं राजानं च त्रिभिः शरैः
tadbāṇacchedanaṃ dṛṣṭvā bhāratiḥ paravīrahā | cukopa hṛdaye'tyaṃtaṃ rājānaṃ ca tribhiḥ śaraiḥ
Seeing that cutting of his arrows, the son of Bharata, slayer of enemy heroes, grew exceedingly angry in his heart, and (struck) the king with three arrows —
AI translation rendered from the Sanskrit, not a published edition
PdP 5 42.38
विव्याध भाले भूपाल पुत्रः पुष्कलसंज्ञकः । तत्र लग्ना विरेजुस्ते त्रिकूटशिखराणि किम्
vivyādha bhāle bhūpāla putraḥ puṣkalasaṃjñakaḥ | tatra lagnā virejuste trikūṭaśikharāṇi kim
the son named Puṣkala pierced the king in the forehead; fixed there they shone — were they the three peaks of Trikūṭa?
AI translation rendered from the Sanskrit, not a published edition
PdP 5 42.39
तैर्बाणैर्व्यथितो राजा जघान नवभिः शरैः । हृदये पुष्कलं वीरं महाकोपसमन्वितः । तैर्वत्सदन्तैर्बह्वस्रं पीतं रामानुजाङ्गजम्
tairbāṇairvyathito rājā jaghāna navabhiḥ śaraiḥ | hṛdaye puṣkalaṃ vīraṃ mahākopasamanvitaḥ | tairvatsadantairbahvasraṃ pītaṃ rāmānujāṅgajam
Pained by those arrows, the king, filled with great wrath, struck the hero Puṣkala in the chest with nine arrows; by those calf-tooth (barbed) arrows much blood of the son of Rāma's brother was drunk.
AI translation rendered from the Sanskrit, not a published edition — the model flagged this verse as uncertain
PdP 5 42.40
सर्पा आशीविषा यद्वत्क्रुद्धास्तद्वपुषि स्थिताः । परमं कोपमापन्नः पुष्कलो भूमिपं पुनः
sarpā āśīviṣā yadvatkruddhāstadvapuṣi sthitāḥ | paramaṃ kopamāpannaḥ puṣkalo bhūmipaṃ punaḥ
Like venomous serpents enraged, they stood in his body; Puṣkala, fallen into utmost rage, again (struck) the king —
AI translation rendered from the Sanskrit, not a published edition
PdP 5 42.41
बाणानां शतकेनाशु बिभेद शितपर्वणाम् । तैर्बाणैः कवचं भिन्नं किरीटः सशिरस्त्रकः
bāṇānāṃ śatakenāśu bibheda śitaparvaṇām | tairbāṇaiḥ kavacaṃ bhinnaṃ kirīṭaḥ saśirastrakaḥ
With a hundred sharp-jointed arrows he swiftly pierced (him); by those arrows his armour was split, and his crown together with its headpiece,
AI translation rendered from the Sanskrit, not a published edition
PdP 5 42.42
रथो धनुर्महत्सज्यं छिन्नं कोपपरिप्लवात् । क्षतजेन परिप्लुष्टो बाणभिन्नकलेवरः
ratho dhanurmahatsajyaṃ chinnaṃ kopapariplavāt | kṣatajena paripluṣṭo bāṇabhinnakalevaraḥ
his chariot, and his great strung bow were cut apart (by Puṣkala) overwhelmed with rage; (the king was) drenched with blood, his body torn by arrows.
AI translation rendered from the Sanskrit, not a published edition — the model flagged this verse as uncertain
PdP 5 42.43
अन्यं स्यंदनमारुह्य जगाम भरतात्मजम् । धन्योसि वीर रामस्य चरणाब्जमधुव्रत
anyaṃ syaṃdanamāruhya jagāma bharatātmajam | dhanyosi vīra rāmasya caraṇābjamadhuvrata
Mounting another chariot, he went up to Bharata's son (and said): "Blessed are you, hero, bee at the lotus-feet of Rāma!
AI translation rendered from the Sanskrit, not a published edition
PdP 5 42.44
महत्कृतं कर्म तेऽद्य यदहं विरथीकृतः । प्राणान्रक्षस्व भो वीर सांप्रतं मयि युद्ध्यति
mahatkṛtaṃ karma te'dya yadahaṃ virathīkṛtaḥ | prāṇānrakṣasva bho vīra sāṃprataṃ mayi yuddhyati
A great deed has been done by you today, in that I have been deprived of my chariot; guard your life, O hero, now that I am the one fighting!"
AI translation rendered from the Sanskrit, not a published edition
PdP 5 42.45
सुलभा न तव प्राणाः कालरूपे मयि स्थिते । इत्युक्त्वा व्यहनद्बाणैरसंख्यैः शस्त्रकोविदः
sulabhā na tava prāṇāḥ kālarūpe mayi sthite | ityuktvā vyahanadbāṇairasaṃkhyaiḥ śastrakovidaḥ
"Your life is not easily kept while I stand here in the form of Death." Having said this, that master of weapons struck (him) with countless arrows.
AI translation rendered from the Sanskrit, not a published edition
PdP 5 42.46
भूमौ दिशि च तद्बाणा नान्यद्दृश्येत तत्र ह । अनेके गजसाहस्रा भिन्ना अश्वाः समंततः
bhūmau diśi ca tadbāṇā nānyaddṛśyeta tatra ha | aneke gajasāhasrā bhinnā aśvāḥ samaṃtataḥ
On the ground and in every direction there were his arrows; nothing else could be seen there. Many thousands of elephants were pierced, and horses on all sides,
AI translation rendered from the Sanskrit, not a published edition
PdP 5 42.47
रथारथियुतास्तेन छिन्ना भिन्ना द्विधाकृताः । शोणितौघा सरित्तत्र प्रसुस्राव रणांगणे
rathārathiyutāstena chinnā bhinnā dvidhākṛtāḥ | śoṇitaughā sarittatra prasusrāva raṇāṃgaṇe
and chariots together with their charioteers were cut, split, and made into two by him; a river with floods of blood streamed there on the battlefield,
AI translation rendered from the Sanskrit, not a published edition
PdP 5 42.48
यत्रोन्मदा हि मातंगा दृश्यंते शैलशृंगवत् । केशाः शैवाललक्ष्यास्ते मुहुः प्राणिशिरः स्थिताः
yatronmadā hi mātaṃgā dṛśyaṃte śailaśṛṃgavat | keśāḥ śaivālalakṣyāste muhuḥ prāṇiśiraḥ sthitāḥ
where maddened elephants are seen like mountain peaks; the hairs, looking like water-weeds, kept clinging to the heads of the creatures,
AI translation rendered from the Sanskrit, not a published edition
PdP 5 42.49
अनेके पाणयश्छिन्ना वीराणां मुद्रिकाश्रियः । दृश्यंते अहिवत्तत्र चंदनादिकरूषिताः
aneke pāṇayaśchinnā vīrāṇāṃ mudrikāśriyaḥ | dṛśyaṃte ahivattatra caṃdanādikarūṣitāḥ
and many severed hands of heroes, splendid with their rings, are seen there like snakes, smeared with sandal-paste and the rest,
AI translation rendered from the Sanskrit, not a published edition
PdP 5 42.50
शिरांसि च भटाग्र्याणां कच्छपाभां वहंति वै । मांसानि पंका यत्रासन्वीराणां महतां ततः
śirāṃsi ca bhaṭāgryāṇāṃ kacchapābhāṃ vahaṃti vai | māṃsāni paṃkā yatrāsanvīrāṇāṃ mahatāṃ tataḥ
and it carries the heads of foremost warriors, resembling turtles; and there the flesh of the great heroes became the mud.
AI translation rendered from the Sanskrit, not a published edition
PdP 5 42.51
एवं व्यतिकरे वृत्ते योगिन्यः शतशो रणे । पपुः पात्रेण रुधिरं प्राणिनां रणपातिनाम्
evaṃ vyatikare vṛtte yoginyaḥ śataśo raṇe | papuḥ pātreṇa rudhiraṃ prāṇināṃ raṇapātinām
When such a havoc had come about, yoginīs by the hundred on the battlefield drank with a bowl the blood of the creatures fallen in battle,
AI translation rendered from the Sanskrit, not a published edition
PdP 5 42.52
मांसानि बुभुजुस्ता वै हर्षकौतुकसंयुताः । पीत्वा तु शोणितं तत्र भक्षित्वा मांसमुन्मदाः
māṃsāni bubhujustā vai harṣakautukasaṃyutāḥ | pītvā tu śoṇitaṃ tatra bhakṣitvā māṃsamunmadāḥ
and they ate the flesh, filled with delight and eagerness; and having drunk the blood there and eaten the flesh, growing frenzied,
AI translation rendered from the Sanskrit, not a published edition
PdP 5 42.53
ननृतुर्जहसुः प्रोच्चैरुज्जगुः प्रधनांगणे । पिशाचास्तत्र समरे प्राणिनां मस्तकानि वै
nanṛturjahasuḥ proccairujjaguḥ pradhanāṃgaṇe | piśācāstatra samare prāṇināṃ mastakāni vai
they danced, laughed loudly and sang aloud on the field of battle; and the piśācas there in the fight (took) the heads of the creatures,
AI translation rendered from the Sanskrit, not a published edition
PdP 5 42.54
धृत्वा कराभ्यां मत्तांगास्तालवद्वादनोद्यताः । शिवास्तत्र महामांसं पतितानां रणांगणे
dhṛtvā karābhyāṃ mattāṃgāstālavadvādanodyatāḥ | śivāstatra mahāmāṃsaṃ patitānāṃ raṇāṃgaṇe
and holding them in both hands, their limbs reeling, set about beating them like drums. The jackals there (fed on) the abundant flesh of those fallen on the battlefield,
AI translation rendered from the Sanskrit, not a published edition — the model flagged this verse as uncertain
PdP 5 42.55
भक्षित्वा व्यनदन्मत्ताः कातराणां भयप्रदाः । कातरास्त्राः समापन्ना गताः कुंजरकोटरे
bhakṣitvā vyanadanmattāḥ kātarāṇāṃ bhayapradāḥ | kātarāstrāḥ samāpannā gatāḥ kuṃjarakoṭare
and having eaten, the frenzied ones howled, striking fear into the faint-hearted; the faint-hearted, overcome with terror, went into the hollows among the elephants.
AI translation rendered from the Sanskrit, not a published edition — the model flagged this verse as uncertain
PdP 5 42.56
भक्षिता योगिनीभिस्ते पापिनां क्वापि न स्थितिः । एतत्कदनमालक्ष्य स्वसैन्यस्य रथाग्रणीः
bhakṣitā yoginībhiste pāpināṃ kvāpi na sthitiḥ | etatkadanamālakṣya svasainyasya rathāgraṇīḥ
They were devoured by the yoginīs — for the sinful there is no standing-place anywhere. Observing this slaughter of his own army, the foremost of charioteers,
AI translation rendered from the Sanskrit, not a published edition
PdP 5 42.57
पुष्कलोऽपि चकारात्र कदनं रणमंडले । भिद्यंते गजशीर्षाणि पतंति मौक्तिकानि तु
puṣkalo'pi cakārātra kadanaṃ raṇamaṃḍale | bhidyaṃte gajaśīrṣāṇi pataṃti mauktikāni tu
Puṣkala too wrought slaughter here in the arena of battle; the heads of elephants are split open and the pearls fall out.
AI translation rendered from the Sanskrit, not a published edition
PdP 5 42.58
दृश्यते लोमभिः पूर्णा ताम्रपर्णीव तन्नदी । पुष्कलप्रहिता बाणा नृणामंगेषु संगताः । कुर्वंति प्राणविच्छेदं वीराणामपि सर्वतः
dṛśyate lomabhiḥ pūrṇā tāmraparṇīva tannadī | puṣkalaprahitā bāṇā nṛṇāmaṃgeṣu saṃgatāḥ | kurvaṃti prāṇavicchedaṃ vīrāṇāmapi sarvataḥ
That river is seen filled with hair, like the Tāmraparṇī. The arrows loosed by Puṣkala, having lodged in the bodies of the men, cut off the lives even of heroes on every side.
AI translation rendered from the Sanskrit, not a published edition
PdP 5 42.59
सर्वे रुधिरसिक्तांगाः सर्वे च्छिन्ननिजांगकाः । दृश्यंते किंशुका यद्वत्सुभटाः प्रधनांगणे
sarve rudhirasiktāṃgāḥ sarve cchinnanijāṃgakāḥ | dṛśyaṃte kiṃśukā yadvatsubhaṭāḥ pradhanāṃgaṇe
All with limbs soaked in blood, all with their own limbs severed, the fine warriors on the field of battle look like kiṃśuka trees.
AI translation rendered from the Sanskrit, not a published edition
PdP 5 42.60
एतस्मिन्समये क्रुद्धः समाभाष्य महीपतिम् । जघान बहुबाणैस्तं रोषपूरपरिप्लुतः
etasminsamaye kruddhaḥ samābhāṣya mahīpatim | jaghāna bahubāṇaistaṃ roṣapūrapariplutaḥ
At this moment, enraged, having spoken to the king, he struck him with many arrows, flooded with a torrent of fury.
AI translation rendered from the Sanskrit, not a published edition
PdP 5 42.61
तद्बाणवेधभिन्नांगो विशीर्णकवचो नृपः । महाबलं तं मन्वानः प्राहरच्छरकोटिभिः
tadbāṇavedhabhinnāṃgo viśīrṇakavaco nṛpaḥ | mahābalaṃ taṃ manvānaḥ prāharaccharakoṭibhiḥ
His limbs split by the piercing of those arrows, his armour shattered, the king — reckoning him to be of great strength — struck (at him) with millions of arrows.
AI translation rendered from the Sanskrit, not a published edition
PdP 5 42.62
तैर्बाणैः कवचान्मुक्तं सुस्राव बहुशोणितम् । वपुर्बभूव रुचिरं शरपंजरगोचरम्
tairbāṇaiḥ kavacānmuktaṃ susrāva bahuśoṇitam | vapurbabhūva ruciraṃ śarapaṃjaragocaram
By those arrows much blood flowed from (his body), stripped of its armour; his frame became lovely (to see), set within a cage of arrows.
AI translation rendered from the Sanskrit, not a published edition
PdP 5 42.63
शरपंजरमध्यस्थो विह्वलीकृतमानसः । शरान्नेतुं च संधातुं न क्षमः स च भारतिः
śarapaṃjaramadhyastho vihvalīkṛtamānasaḥ | śarānnetuṃ ca saṃdhātuṃ na kṣamaḥ sa ca bhāratiḥ
Standing in the midst of the arrow-cage, his mind made distraught, that son of Bharata was not able either to draw forth arrows or to fit them (to the bow).
AI translation rendered from the Sanskrit, not a published edition
PdP 5 42.64
रामं स्मृत्वा धनुर्धृत्वा करे सज्जं महद्दृढम् । मुमोच बाणान्निशितान्वैरिवृंदनिवारणान्
rāmaṃ smṛtvā dhanurdhṛtvā kare sajjaṃ mahaddṛḍham | mumoca bāṇānniśitānvairivṛṃdanivāraṇān
Remembering Rāma, and taking in his hand his great, firm bow, ready (strung), he loosed sharp arrows that ward off throngs of enemies.
AI translation rendered from the Sanskrit, not a published edition
PdP 5 42.65
तैर्बाणैः शरजालं तद्विधूय मुनिपुंगव । शंखं प्रध्माय समरे जगाद गतभीर्नृपम्
tairbāṇaiḥ śarajālaṃ tadvidhūya munipuṃgava | śaṃkhaṃ pradhmāya samare jagāda gatabhīrnṛpam
With those arrows, O best of sages, having scattered that net of arrows, and having blown his conch in the battle, he, his fear gone, spoke to the king.
AI translation rendered from the Sanskrit, not a published edition
PdP 5 42.66
पुष्कल उवाच। त्वया कृतं महत्कर्म यन्मां बाणस्य पंजरे । गोचरं कृतवान्वीर वीरतापनमुद्भटम्
puṣkala uvāca| tvayā kṛtaṃ mahatkarma yanmāṃ bāṇasya paṃjare | gocaraṃ kṛtavānvīra vīratāpanamudbhaṭam
Puṣkala said: A great deed has been done by you, in that you have brought me, O hero, within the compass of a cage of arrows — a formidable (deed), scorching to heroes.
AI translation rendered from the Sanskrit, not a published edition
PdP 5 42.67
वृद्धत्वान्मम मान्योसि सांप्रतं रणमंडले । पश्यमेऽद्य पराक्रांतं राजन्वीरमणे महत्
vṛddhatvānmama mānyosi sāṃprataṃ raṇamaṃḍale | paśyame'dya parākrāṃtaṃ rājanvīramaṇe mahat
Because of your age you are worthy of my honour, now here in the circle of battle; let me see today great prowess (displayed), O king, O jewel of heroes.
AI translation rendered from the Sanskrit, not a published edition
PdP 5 42.68
बाणत्रयेण भो वीर मूर्च्छितं करवै नहि । तर्हि प्रतिज्ञां शृणु वै सर्ववीरविमोहिनीम्
bāṇatrayeṇa bho vīra mūrcchitaṃ karavai nahi | tarhi pratijñāṃ śṛṇu vai sarvavīravimohinīm
O hero, if I do not render you unconscious with three arrows — then hear my vow, which bewilders all heroes.
AI translation rendered from the Sanskrit, not a published edition
PdP 5 42.69
गंगां प्राप्यापि यो वै तां निंदित्वा पापहारिणीम् । न मज्जति महापापो महामूढविचेष्टितः
gaṃgāṃ prāpyāpi yo vai tāṃ niṃditvā pāpahāriṇīm | na majjati mahāpāpo mahāmūḍhaviceṣṭitaḥ
Whoever, though he has reached the Gaṅgā, reviles her who carries away sin and does not immerse himself (in her) — a great sinner, behaving as a great fool —
AI translation rendered from the Sanskrit, not a published edition
PdP 5 42.70
तस्य पापं ममैवास्तु चेन्न त्वां रणमंडले । पातये मूर्च्छया वीर सन्नद्धो भव भूपते
tasya pāpaṃ mamaivāstu cenna tvāṃ raṇamaṃḍale | pātaye mūrcchayā vīra sannaddho bhava bhūpate
let that man's sin be mine, if I do not fell you in the circle of battle by a swoon, O hero; be girded for it, O lord of the earth.
AI translation rendered from the Sanskrit, not a published edition
PdP 5 42.71
इति वाक्यं समाकर्ण्य पुष्कलस्य नृपोत्तमः । चुकोप भृशमुद्विग्नः संदधे निशिताञ्छरान्
iti vākyaṃ samākarṇya puṣkalasya nṛpottamaḥ | cukopa bhṛśamudvignaḥ saṃdadhe niśitāñcharān
Having heard this speech of Puṣkala, that best of kings raged, exceedingly stirred, and fitted sharp arrows (to his bow).
AI translation rendered from the Sanskrit, not a published edition
PdP 5 42.72
ते शरा हृदयं भित्त्वा गतास्ते भारतेर्महत् । पेतुः क्षितावधो यद्वद्रामभक्तिपराङ्मुखाः
te śarā hṛdayaṃ bhittvā gatāste bhāratermahat | petuḥ kṣitāvadho yadvadrāmabhaktiparāṅmukhāḥ
Those arrows, piercing the great heart of Bharata's son, went on and fell down to the ground, as do those who turn their faces from devotion to Rāma.
AI translation rendered from the Sanskrit, not a published edition
PdP 5 42.73
ततः शरं मुमोचास्मै निशितं वह्निसप्रभम् । लक्षीकृत्य महद्वक्षः कपाटतटविस्तृतम्
tataḥ śaraṃ mumocāsmai niśitaṃ vahnisaprabham | lakṣīkṛtya mahadvakṣaḥ kapāṭataṭavistṛtam
Then he loosed at him a sharp arrow with the brilliance of fire, making his target that great chest, broad as the surface of a door-panel.
AI translation rendered from the Sanskrit, not a published edition
PdP 5 42.74
स बाणो भूमिपतिना द्विधा छिन्नः शरेण हि । पपात रथमध्ये स रविमंडलवज्ज्वलन्
sa bāṇo bhūmipatinā dvidhā chinnaḥ śareṇa hi | papāta rathamadhye sa ravimaṃḍalavajjvalan
That arrow was cut in two by the lord of the earth with an arrow, and it fell in the middle of the chariot, blazing like the orb of the sun.
AI translation rendered from the Sanskrit, not a published edition
PdP 5 42.75
अपरं बाणमाधत्त मातृभक्तिभवं ततः । निधाय पुण्यं सोऽप्येष चिच्छेद महता पुनः
aparaṃ bāṇamādhatta mātṛbhaktibhavaṃ tataḥ | nidhāya puṇyaṃ so'pyeṣa ciccheda mahatā punaḥ
Then he set another arrow (to the bow), one born of devotion to his mother, having laid his merit upon it; but this one too (the king) cut apart again with a great (shaft).
AI translation rendered from the Sanskrit, not a published edition — the model flagged this verse as uncertain
PdP 5 42.76
तदा खिन्नः स हृदये किंकर्तव्यमिति स्मरन् । रामं हृदि निजार्तिघ्नं मुमोच परमास्त्रवित्
tadā khinnaḥ sa hṛdaye kiṃkartavyamiti smaran | rāmaṃ hṛdi nijārtighnaṃ mumoca paramāstravit
Then, distressed at heart, pondering "what is to be done", he, the knower of supreme weapons, held Rāma in his heart, the destroyer of his own affliction, and let fly (the shaft).
AI translation rendered from the Sanskrit, not a published edition — the model flagged this verse as uncertain
PdP 5 42.77
स बाणस्तस्य हृदये लग्न आशीविषोपमः । मूर्च्छामप्रापयत्तं वै ज्वलन्सूर्यसमप्रभः
sa bāṇastasya hṛdaye lagna āśīviṣopamaḥ | mūrcchāmaprāpayattaṃ vai jvalansūryasamaprabhaḥ
That arrow, lodged in his heart, like a venomous serpent, blazing with brilliance equal to the sun's, brought him to a swoon.
AI translation rendered from the Sanskrit, not a published edition
PdP 5 42.78
ततो हाहाकृतं सर्वं पलायनपरायणम् । राज्ञि संमूर्च्छिते जाते पुष्कलो जयमाप्तवान्
tato hāhākṛtaṃ sarvaṃ palāyanaparāyaṇam | rājñi saṃmūrcchite jāte puṣkalo jayamāptavān
Then all (the army) cried out in dismay and was intent on flight; when the king had fallen into a swoon, Puṣkala obtained the victory.
AI translation rendered from the Sanskrit, not a published edition