Padma Purana — Patala Khanda — Chapter 38
PdP 5 38.1
सूत उवाच। एतदाख्यानकं श्रुत्वा वात्स्यायन उदारधीः । परमं हर्षमापेदे जगाद च फणीश्वरम्
sūta uvāca| etadākhyānakaṃ śrutvā vātsyāyana udāradhīḥ | paramaṃ harṣamāpede jagāda ca phaṇīśvaram
Sūta said: Having heard this narrative, Vātsyāyana of noble mind attained the highest joy and spoke to the lord of serpents.
AI translation rendered from the Sanskrit, not a published edition
PdP 5 38.2
वात्स्यायन उवाच। कथां संशृण्वते मह्यं तृप्तिर्नास्ति फणीश्वर । रघुनाथस्य भक्तार्तिहारिकीर्तिकरस्य वै
vātsyāyana uvāca| kathāṃ saṃśṛṇvate mahyaṃ tṛptirnāsti phaṇīśvara | raghunāthasya bhaktārtihārikīrtikarasya vai
Vātsyāyana said: There is no satiety for me as I listen to the story, O lord of serpents, of the Lord of the Raghus, whose fame removes the affliction of his devotees.
AI translation rendered from the Sanskrit, not a published edition
PdP 5 38.3
धन्य आरण्यको नाम मुनिर्वेदधरः परः । रघुनाथं समालोक्य देहं तत्याज नश्वरम्
dhanya āraṇyako nāma munirvedadharaḥ paraḥ | raghunāthaṃ samālokya dehaṃ tatyāja naśvaram
Blessed is the sage named Āraṇyaka, a supreme bearer of the Vedas, who, having looked upon the Lord of the Raghus, abandoned his perishable body.
AI translation rendered from the Sanskrit, not a published edition
PdP 5 38.4
ततो राज्ञो हयः कुत्र गतः केन नियंत्रितः । कथं तत्र रमानाथ कीर्तिर्जाता फणीश्वर
tato rājño hayaḥ kutra gataḥ kena niyaṃtritaḥ | kathaṃ tatra ramānātha kīrtirjātā phaṇīśvara
Then, where did the king's horse go, and by whom was it restrained? How did the fame of the Lord of Lakṣmī come about there, O lord of serpents?
AI translation rendered from the Sanskrit, not a published edition
PdP 5 38.5
सर्वं कथय मे तथ्यं सर्वज्ञोऽस्ति यतो भवान् । धराधरवपुर्धारी साक्षात्तस्य स्वरूपधृक्
sarvaṃ kathaya me tathyaṃ sarvajño'sti yato bhavān | dharādharavapurdhārī sākṣāttasya svarūpadhṛk
Tell me all of it truly, since you are all-knowing, bearing the body that upholds the earth, yourself directly holding his own form.
AI translation rendered from the Sanskrit, not a published edition
PdP 5 38.6
व्यास उवाच। इति वाक्यं समाकर्ण्य प्रहृष्टेनांतरात्मना । उवाच रामचारित्रं तत्तद्गुणकथोदयम्
vyāsa uvāca| iti vākyaṃ samākarṇya prahṛṣṭenāṃtarātmanā | uvāca rāmacāritraṃ tattadguṇakathodayam
Vyāsa said: Having heard this speech, with inwardly delighted heart he told the deeds of Rāma, that (telling) which is the arising of the recital of his virtues.
AI translation rendered from the Sanskrit, not a published edition — the model flagged this verse as uncertain
PdP 5 38.7
शेष उवाच। साधु पृच्छसि विप्रर्षे रघुनाथगुणान्मुहुः । श्रुता न श्रुतवत्कृत्वा तेषु लोलुपतां दधत्
śeṣa uvāca| sādhu pṛcchasi viprarṣe raghunāthaguṇānmuhuḥ | śrutā na śrutavatkṛtvā teṣu lolupatāṃ dadhat
Śeṣa said: Well do you ask, sage among brahmins, again and again about the virtues of the Lord of the Raghus, treating what you have heard as if unheard, and holding an eagerness for them.
AI translation rendered from the Sanskrit, not a published edition
PdP 5 38.8
ततो निरगमद्वाहः सैनिकैर्बहुभिवृतः । रेवातीरे मनोज्ञे तु मुनिवृंदनिषेविते
tato niragamadvāhaḥ sainikairbahubhivṛtaḥ | revātīre manojñe tu munivṛṃdaniṣevite
Then the horse went out, surrounded by many soldiers, along the lovely bank of the Revā, frequented by throngs of sages.
AI translation rendered from the Sanskrit, not a published edition
PdP 5 38.9
सेनाचरास्ततः सर्वे यत्र वाहस्ततस्ततः । प्रसर्पंति निरीक्षंतस्तन्मार्गं रणकोविदाः
senācarāstataḥ sarve yatra vāhastatastataḥ | prasarpaṃti nirīkṣaṃtastanmārgaṃ raṇakovidāḥ
Then all the soldiers, wherever the horse went, crept along there and there, watching its path, they who were skilled in battle.
AI translation rendered from the Sanskrit, not a published edition
PdP 5 38.10
वाजी गतोऽथ रेवाया ह्रदेऽगाधजलान्विते । भाले स्वर्णभवं पत्रं धारयन्पूजितांगकः
vājī gato'tha revāyā hrade'gādhajalānvite | bhāle svarṇabhavaṃ patraṃ dhārayanpūjitāṃgakaḥ
Then the horse went into a pool of the Revā, filled with unfathomable water, bearing on its brow the golden plate, its limbs honoured (with worship).
AI translation rendered from the Sanskrit, not a published edition
PdP 5 38.11
ततो जले ममज्जासौ रामचंद्र हयो वरः । तदा सर्वे महाशूरास्तत्र विस्मयमागताः
tato jale mamajjāsau rāmacaṃdra hayo varaḥ | tadā sarve mahāśūrāstatra vismayamāgatāḥ
Then, Rāmacandra, that excellent horse sank in the water; at that all the great warriors there fell into amazement.
AI translation rendered from the Sanskrit, not a published edition
PdP 5 38.12
तैः परस्परमेवोचे कथं हयसमागमः । कोऽत्र गंता जले वाहमानेतुं तं महोदयम्
taiḥ parasparamevoce kathaṃ hayasamāgamaḥ | ko'tra gaṃtā jale vāhamānetuṃ taṃ mahodayam
They said to one another: "How is the horse to be recovered? Who here will go into the water to bring back that (steed) of great splendour?"
AI translation rendered from the Sanskrit, not a published edition
PdP 5 38.13
इति यावत्समुद्विग्ना मंत्रयंते परस्परम् । तावद्वीरशतैः सार्धमाजगाम रघोः पतिः
iti yāvatsamudvignā maṃtrayaṃte parasparam | tāvadvīraśataiḥ sārdhamājagāma raghoḥ patiḥ
While, deeply agitated, they were thus taking counsel with one another, just then the lord of Raghu's (line) arrived together with hundreds of heroes.
AI translation rendered from the Sanskrit, not a published edition
PdP 5 38.14
तान्सर्वान्विमनस्कान्स दृष्ट्वा शत्रुघ्नसंज्ञितः । पप्रच्छ मेघगंभीरवाचा वीरशिरोमणिः
tānsarvānvimanaskānsa dṛṣṭvā śatrughnasaṃjñitaḥ | papraccha meghagaṃbhīravācā vīraśiromaṇiḥ
Seeing them all downcast, he who was named Śatrughna, the crest-jewel of heroes, asked in a voice deep as a cloud:
AI translation rendered from the Sanskrit, not a published edition
PdP 5 38.15
किं स्थितं निखिलैरद्य युष्माभिः संघशो जले । कुत्राश्वो रघुनाथस्य स्वर्णपत्रेण शोभितः
kiṃ sthitaṃ nikhilairadya yuṣmābhiḥ saṃghaśo jale | kutrāśvo raghunāthasya svarṇapatreṇa śobhitaḥ
"Why do you all stand today in the water in a throng? Where is the horse of the Lord of the Raghus, adorned with the golden plate?
AI translation rendered from the Sanskrit, not a published edition
PdP 5 38.16
जले किं विनिमग्नोऽसौ हृतो वा केन मानिना । तन्मे कथयत क्षिप्रं कथं यूयं विमोहिताः
jale kiṃ vinimagno'sau hṛto vā kena māninā | tanme kathayata kṣipraṃ kathaṃ yūyaṃ vimohitāḥ
Has it sunk down in the water, or has it been carried off by some proud (foe)? Tell me that quickly — how have you been bewildered?"
AI translation rendered from the Sanskrit, not a published edition
PdP 5 38.17
शेष उवाच। इति वाक्यं समाकर्ण्य राज्ञो रघुवरस्य हि । कथयामासुस्ते सर्वं वीराः शूरशिरोमणिम्
śeṣa uvāca| iti vākyaṃ samākarṇya rājño raghuvarasya hi | kathayāmāsuste sarvaṃ vīrāḥ śūraśiromaṇim
Śeṣa said: Hearing this speech of the king, the best of the Raghus, those heroes told everything to the crest-jewel of the brave.
AI translation rendered from the Sanskrit, not a published edition
PdP 5 38.18
जना ऊचुः। स्वामिन्वयं न जानीमो मुहूर्तमभवज्जले । निममज्ज ततो नायाद्धयस्तव मनोहरः
janā ūcuḥ| svāminvayaṃ na jānīmo muhūrtamabhavajjale | nimamajja tato nāyāddhayastava manoharaḥ
The people said: "Master, we do not know; for a moment it was in the water, then it sank down, and your lovely horse did not come (back).
AI translation rendered from the Sanskrit, not a published edition
PdP 5 38.19
त्वमेव तत्र गत्वेमं वाहमानय वेगतः । अस्माभिस्तत्र गंतव्यं त्वया सार्द्धं महामते
tvameva tatra gatvemaṃ vāhamānaya vegataḥ | asmābhistatra gaṃtavyaṃ tvayā sārddhaṃ mahāmate
You yourself go there and swiftly bring back this horse; we must go there along with you, O greatly wise one."
AI translation rendered from the Sanskrit, not a published edition
PdP 5 38.20
इति श्रुत्वा वचस्तेषां सैनिकानां रघूद्वहः । खेदं प्राप जनान्पश्यञ्जलसंतरणोद्यतान्
iti śrutvā vacasteṣāṃ sainikānāṃ raghūdvahaḥ | khedaṃ prāpa janānpaśyañjalasaṃtaraṇodyatān
Hearing this speech of those soldiers, the scion of Raghu was grieved, seeing the men (thus) intent on crossing the water.
AI translation rendered from the Sanskrit, not a published edition
PdP 5 38.21
उवाच मंत्रिमुख्यं स किं कर्तव्यमतः परम् । कथं वाहस्य संप्राप्तिर्भविष्यति वदस्व तत्
uvāca maṃtrimukhyaṃ sa kiṃ kartavyamataḥ param | kathaṃ vāhasya saṃprāptirbhaviṣyati vadasva tat
He said to the chief minister: "What is to be done next? How will the recovery of the horse come about? Tell me that.
AI translation rendered from the Sanskrit, not a published edition
PdP 5 38.22
के तत्र शूराः संयोज्या जलेऽन्वेषयितुं हयम् । को वा नयिष्यते वाहं केनोपायेन तद्वद
ke tatra śūrāḥ saṃyojyā jale'nveṣayituṃ hayam | ko vā nayiṣyate vāhaṃ kenopāyena tadvada
Which warriors are to be appointed there to search for the horse in the water? And who will bring the horse back, and by what means? Tell that."
AI translation rendered from the Sanskrit, not a published edition
PdP 5 38.23
इति राज्ञोवचः श्रुत्वा सुमतिर्मंत्रिसत्तमः । उवाच समये योग्यं शत्रुघ्नं हर्षयन्निव
iti rājñovacaḥ śrutvā sumatirmaṃtrisattamaḥ | uvāca samaye yogyaṃ śatrughnaṃ harṣayanniva
Hearing this speech of the king, Sumati, the best of ministers, said what was fitting to the occasion, as if gladdening Śatrughna:
AI translation rendered from the Sanskrit, not a published edition
PdP 5 38.24
स्वामिन्नस्ति तव श्रीमञ्छक्तिरद्भुतकर्मणः । पातालगमने शक्तिर्जलमध्यादिह स्फुटम्
svāminnasti tava śrīmañchaktiradbhutakarmaṇaḥ | pātālagamane śaktirjalamadhyādiha sphuṭam
"Master, glorious one of wondrous deeds, you have the power — clearly the power of going to Pātāla from the midst of the water here.
AI translation rendered from the Sanskrit, not a published edition
PdP 5 38.25
अन्यच्च पुष्कलस्यापि शक्तिरस्ति महात्मनः । हनूमतोऽपि रामस्य पादसेवापरस्य च
anyacca puṣkalasyāpi śaktirasti mahātmanaḥ | hanūmato'pi rāmasya pādasevāparasya ca
And further, the great-souled Puṣkala too has that power, and also Hanūmān, who is devoted to the service of Rāma's feet.
AI translation rendered from the Sanskrit, not a published edition
PdP 5 38.26
तस्माद्यूयं त्रयो गत्वा हयमानयत ध्रुवम् । यतो भवेद्वाहमेधो रघुनाथस्य धीमतः
tasmādyūyaṃ trayo gatvā hayamānayata dhruvam | yato bhavedvāhamedho raghunāthasya dhīmataḥ
Therefore let you three go and surely bring back the horse, so that the horse-sacrifice of the wise Lord of the Raghus may come about."
AI translation rendered from the Sanskrit, not a published edition
PdP 5 38.27
शेष उवाच। इति वाक्यं समाश्रुत्य शत्रुघ्नः परवीरहा । स्वयं विवेश तोयांतर्हनुमत्पुष्कलान्वितः
śeṣa uvāca| iti vākyaṃ samāśrutya śatrughnaḥ paravīrahā | svayaṃ viveśa toyāṃtarhanumatpuṣkalānvitaḥ
Śeṣa said: Having heard this speech, Śatrughna, slayer of enemy heroes, himself entered into the water, accompanied by Hanūmān and Puṣkala.
AI translation rendered from the Sanskrit, not a published edition
PdP 5 38.28
यावज्जलं विवेशासौ तावत्पुरमदृश्यत । अनेकोद्यानशोभाढ्यममेयं पुटभेदनम्
yāvajjalaṃ viveśāsau tāvatpuramadṛśyata | anekodyānaśobhāḍhyamameyaṃ puṭabhedanam
As soon as he entered the water, a city became visible, rich with the beauty of many gardens, an immeasurable market-town.
AI translation rendered from the Sanskrit, not a published edition
PdP 5 38.29
तत्र माणिक्यरचिते स्तंभे स्वर्णमये हयम् । बद्धं ददर्श रामस्य स्वर्णपत्रसुशोभितम्
tatra māṇikyaracite staṃbhe svarṇamaye hayam | baddhaṃ dadarśa rāmasya svarṇapatrasuśobhitam
There he saw Rāma's horse, beautifully adorned with the golden plate, tied to a golden pillar wrought with rubies.
AI translation rendered from the Sanskrit, not a published edition
PdP 5 38.30
स्त्रियस्तत्र मनोहारि रूपधारिण्य उत्तमाः । सेवंते सुंदरीमेकां पर्यंके सुखमास्थिताम्
striyastatra manohāri rūpadhāriṇya uttamāḥ | sevaṃte suṃdarīmekāṃ paryaṃke sukhamāsthitām
Women there, excellent and wearing charming forms, wait upon a single beautiful woman who is seated at ease on a couch.
AI translation rendered from the Sanskrit, not a published edition
PdP 5 38.31
तान्दृष्ट्वा ताः स्त्रियः सर्वाः प्रावोचन्स्वामिनीं प्रति । एतेऽल्पवर्ष्मवयसो मांसपुष्टकलेवराः
tāndṛṣṭvā tāḥ striyaḥ sarvāḥ prāvocansvāminīṃ prati | ete'lpavarṣmavayaso māṃsapuṣṭakalevarāḥ
Seeing them, all those women spoke to their mistress: "These men are small in build and young in years, with bodies well filled out with flesh."
AI translation rendered from the Sanskrit, not a published edition
PdP 5 38.32
भविष्यंति तव श्रेष्ठमाहारस्य फलं महत् । एतेषां शोणितं स्वादु पुरुषाणां गतायुषाम्
bhaviṣyaṃti tava śreṣṭhamāhārasya phalaṃ mahat | eteṣāṃ śoṇitaṃ svādu puruṣāṇāṃ gatāyuṣām
"They will be for you a great reward of excellent food; sweet is the blood of these men whose lifespan is spent."
AI translation rendered from the Sanskrit, not a published edition
PdP 5 38.33
एतद्वचः समाकर्ण्य सेवकीनां वरांगना । जहास किंचिद्वदनं नर्तयंती भ्रुवानघा
etadvacaḥ samākarṇya sevakīnāṃ varāṃganā | jahāsa kiṃcidvadanaṃ nartayaṃtī bhruvānaghā
Hearing this speech of her serving women, the lovely lady, the faultless one, laughed a little, setting her face dancing with (the play of) her brow.
AI translation rendered from the Sanskrit, not a published edition
PdP 5 38.34
तावत्त्रयस्ते संप्राप्ताः सन्नाहश्री विशोभिताः । शिरस्त्राणानि दधतः शौर्यवीर्यसमन्विताः
tāvattrayaste saṃprāptāḥ sannāhaśrī viśobhitāḥ | śirastrāṇāni dadhataḥ śauryavīryasamanvitāḥ
Just then those three arrived, resplendent with the splendour of their armour, wearing helmets, endowed with bravery and valour.
AI translation rendered from the Sanskrit, not a published edition
PdP 5 38.35
ता दृष्ट्वा महिलास्तत्र सौंदर्यश्रीसमन्विताः । प्रोचुस्ते विस्मयं विप्र किमिदं दृश्यते महत्
tā dṛṣṭvā mahilāstatra sauṃdaryaśrīsamanvitāḥ | procuste vismayaṃ vipra kimidaṃ dṛśyate mahat
Seeing them, the women there, endowed with the grace of beauty, expressed their astonishment, O brahmin: "What is this great thing that is seen?"
AI translation rendered from the Sanskrit, not a published edition
PdP 5 38.36
नमश्चक्रुर्महात्मानः सर्वे देववरांगनाः । किरीटमणिविद्योतद्योतितांघ्रियुगास्ततः
namaścakrurmahātmānaḥ sarve devavarāṃganāḥ | kirīṭamaṇividyotadyotitāṃghriyugāstataḥ
The great-souled ones made obeisance, (and) all the divine fair women too, their pairs of feet then lit up by the flashing of the jewels in the diadems.
AI translation rendered from the Sanskrit, not a published edition — the model flagged this verse as uncertain
PdP 5 38.37
सा तान्पप्रच्छ पुरुषान्सर्वश्रेष्ठा तु भामिनी । के यूयमत्र संप्राप्ताः कथं चापधरा नराः
sā tānpapraccha puruṣānsarvaśreṣṭhā tu bhāminī | ke yūyamatra saṃprāptāḥ kathaṃ cāpadharā narāḥ
And she, the best of all, that fair lady, asked those men: "Who are you who have arrived here, and why are you men bearing bows?"
AI translation rendered from the Sanskrit, not a published edition
PdP 5 38.38
मत्स्थलं सर्वदेवानामगम्यं मोहनं महत् । अत्र प्राप्तस्य तु क्वापि निवृत्तिर्न भवत्युत
matsthalaṃ sarvadevānāmagamyaṃ mohanaṃ mahat | atra prāptasya tu kvāpi nivṛttirna bhavatyuta
"My place is unreachable for all the gods, greatly bewildering; and for one who has come here there is no going back anywhere."
AI translation rendered from the Sanskrit, not a published edition
PdP 5 38.39
अश्वोऽयं कस्य राज्ञो वै कथं चामरवीजितः । स्वर्णपत्रेण शोभाढ्यः कथयंतु ममाग्रतः
aśvo'yaṃ kasya rājño vai kathaṃ cāmaravījitaḥ | svarṇapatreṇa śobhāḍhyaḥ kathayaṃtu mamāgrataḥ
"Whose king's horse is this, and why is it fanned with a yak-tail whisk, rich in splendour with a golden plate? Tell (it) before me."
AI translation rendered from the Sanskrit, not a published edition
PdP 5 38.40
शेष उवाच। इति तस्या वचः श्रुत्वा मोहनाचारसंयुतम् । हनूमांस्तां प्रत्युवाच गतभीः प्रहसन्निव
śeṣa uvāca| iti tasyā vacaḥ śrutvā mohanācārasaṃyutam | hanūmāṃstāṃ pratyuvāca gatabhīḥ prahasanniva
Śeṣa said: Hearing this speech of hers, filled with bewildering manner, Hanumān, his fear gone, replied to her as though laughing.
AI translation rendered from the Sanskrit, not a published edition
PdP 5 38.41
वयं वै किंकरा राज्ञस्त्रैलोक्यस्य शिखामणेः । त्रिलोकीयं प्रणमते सर्वदेवशिरोमणिम्
vayaṃ vai kiṃkarā rājñastrailokyasya śikhāmaṇeḥ | trilokīyaṃ praṇamate sarvadevaśiromaṇim
"We indeed are the servants of the king who is the crest-jewel of the three worlds; this triple world bows to that head-jewel of all the gods."
AI translation rendered from the Sanskrit, not a published edition
PdP 5 38.42
रामभद्रस्य जानीहि हयमेधप्रवर्तितुः । प्रमुंच वाहमस्माकं कथं बद्धो वराङ्गने
rāmabhadrasya jānīhi hayamedhapravartituḥ | pramuṃca vāhamasmākaṃ kathaṃ baddho varāṅgane
"Know (him to be) Rāmabhadra, the performer of the horse sacrifice. Release our horse — why has it been bound, O fair lady?"
AI translation rendered from the Sanskrit, not a published edition
PdP 5 38.43
वयं सर्वास्त्रकुशलाः सर्वशस्त्रास्त्रकोविदाः । नयिष्यामो बलाद्वाहं हत्वा तत्प्रतिरोधकान्
vayaṃ sarvāstrakuśalāḥ sarvaśastrāstrakovidāḥ | nayiṣyāmo balādvāhaṃ hatvā tatpratirodhakān
"We are skilled in all missiles, expert in every weapon and missile; we will take the horse away by force, having slain those who block it."
AI translation rendered from the Sanskrit, not a published edition
PdP 5 38.44
इति वाक्यं समाकर्ण्य प्लवङ्गस्य वराङ्गना । विवरस्था प्रत्युवाच हसंती वाक्यकोविदा
iti vākyaṃ samākarṇya plavaṅgasya varāṅganā | vivarasthā pratyuvāca hasaṃtī vākyakovidā
Hearing this speech of the monkey, the fair lady dwelling in the cavern, skilled in speech, replied, laughing.
AI translation rendered from the Sanskrit, not a published edition
PdP 5 38.45
मयानीतमिमं वाहं न कोमोचयितुं क्षमः । वर्षायुतेन निशितैर्बाणकोटिभिरुच्छिखैः
mayānītamimaṃ vāhaṃ na komocayituṃ kṣamaḥ | varṣāyutena niśitairbāṇakoṭibhirucchikhaiḥ
"This horse that has been brought here by me no one is able to free, not in ten thousand years with crores of sharp, flame-tipped arrows."
AI translation rendered from the Sanskrit, not a published edition
PdP 5 38.46
परं रामस्य पादाब्जसैवकी कर्मकारिणी । न ग्रहीष्यामि तद्वाहं राजराजस्य धीमतः
paraṃ rāmasya pādābjasaivakī karmakāriṇī | na grahīṣyāmi tadvāhaṃ rājarājasya dhīmataḥ
"But (since I am) a servant of Rāma's lotus feet, a doer of his work, I will not keep that horse of the wise king of kings."
AI translation rendered from the Sanskrit, not a published edition
PdP 5 38.47
महान विनयो जातो मम नेत्र्याः सुवाजिनः । क्षमताद्रामचंद्रस्तच्छरण्यो भक्तवत्सलः
mahāna vinayo jāto mama netryāḥ suvājinaḥ | kṣamatādrāmacaṃdrastaccharaṇyo bhaktavatsalaḥ
"A great impropriety has been committed by me in leading away the fine horse; may Rāmacandra forgive it, he who is the refuge, tender to his devotees."
AI translation rendered from the Sanskrit, not a published edition
PdP 5 38.48
यूयं क्लिष्टास्तत्पुरुषा हयार्थं तस्य रक्षितुः । याचध्वं वरमप्राप्यं देवानामपि सत्तमाः
yūyaṃ kliṣṭāstatpuruṣā hayārthaṃ tasya rakṣituḥ | yācadhvaṃ varamaprāpyaṃ devānāmapi sattamāḥ
"You, his men, have been troubled for the sake of the horse of that protector; ask a boon unobtainable even by the gods, O most excellent ones."
AI translation rendered from the Sanskrit, not a published edition
PdP 5 38.49
यथा मेमीवमत्युग्रं क्षमेत पुरुषोत्तमः । व्रीडां त्यक्त्वाखिलां यूयं वृणुध्वं वरमुत्तमम्
yathā memīvamatyugraṃ kṣameta puruṣottamaḥ | vrīḍāṃ tyaktvākhilāṃ yūyaṃ vṛṇudhvaṃ varamuttamam
"So that the Supreme Person may forgive this most terrible (deed) of mine — abandon all bashfulness and choose an excellent boon."
AI translation rendered from the Sanskrit, not a published edition
PdP 5 38.50
तस्या वचः परं श्रुत्वा हनूमान्नि जगाद ताम् । रघुनाथप्रसादेन सर्वमस्माकमूर्जितम्
tasyā vacaḥ paraṃ śrutvā hanūmānni jagāda tām | raghunāthaprasādena sarvamasmākamūrjitam
Having heard her excellent speech, Hanumān said to her: "By the grace of the Lord of the Raghus, everything of ours is (already) strong."
AI translation rendered from the Sanskrit, not a published edition
PdP 5 38.51
तथापि याचे वरमेकमुत्तमं । विधेहि तन्मे मनसः समीहितम् । भवे भवे नो रघुनायकः पति -। र्वयं च तत्कर्मकराश्च किंकराः
tathāpi yāce varamekamuttamaṃ | vidhehi tanme manasaḥ samīhitam | bhave bhave no raghunāyakaḥ pati -| rvayaṃ ca tatkarmakarāśca kiṃkarāḥ
"Even so, I ask for one supreme boon: grant me this desire of my heart — that birth after birth the Lord of the Raghus be our master, and that we be doers of his work and his servants."
AI translation rendered from the Sanskrit, not a published edition
PdP 5 38.52
एतद्वचनमाकर्ण्य प्लवगस्य तदांगना । उवाच वाक्यं मधुरं प्रहस्य गुणपूजितम्
etadvacanamākarṇya plavagasya tadāṃganā | uvāca vākyaṃ madhuraṃ prahasya guṇapūjitam
Hearing this speech of the monkey, that lady laughed and spoke sweet words, honoured (as they were) by (their) merits.
AI translation rendered from the Sanskrit, not a published edition
PdP 5 38.53
भवद्भिः प्रार्थितं यद्वै दुर्ल्लभं सर्वदैवतैः । तद्भविष्यत्यसंदेहः सेवकास्तद्रघोः पतेः
bhavadbhiḥ prārthitaṃ yadvai durllabhaṃ sarvadaivataiḥ | tadbhaviṣyatyasaṃdehaḥ sevakāstadraghoḥ pateḥ
"What has been requested by you, which is hard for all the gods to obtain — that shall be, without doubt: you are servants of that Lord of the Raghus."
AI translation rendered from the Sanskrit, not a published edition
PdP 5 38.54
अथापि वरमेकं वै दास्यामि कृतहेलना । रघुनाथस्य तुष्ट्यर्थं तदृतं मे भवेद्वचः
athāpi varamekaṃ vai dāsyāmi kṛtahelanā | raghunāthasya tuṣṭyarthaṃ tadṛtaṃ me bhavedvacaḥ
"Yet still I shall give one boon, I who have committed an offence, for the sake of pleasing the Lord of the Raghus, so that this word of mine may come true."
AI translation rendered from the Sanskrit, not a published edition — the model flagged this verse as uncertain
PdP 5 38.55
अग्रे वीरमणिर्भूपो महावीरसमन्वितः । ग्रहीष्यति भवद्वाहं शिवेन परिरक्षितः
agre vīramaṇirbhūpo mahāvīrasamanvitaḥ | grahīṣyati bhavadvāhaṃ śivena parirakṣitaḥ
"Ahead, King Vīramaṇi, accompanied by great warriors and protected by Śiva, will seize your horse."
AI translation rendered from the Sanskrit, not a published edition
PdP 5 38.56
तज्जयार्थे महास्त्रं मे गृह्णीत सुमहाबलाः । द्वैरथे स तु योद्धव्यः शत्रुघ्नेन त्वया महान्
tajjayārthe mahāstraṃ me gṛhṇīta sumahābalāḥ | dvairathe sa tu yoddhavyaḥ śatrughnena tvayā mahān
"For victory over him, take my great weapon, O you of very great strength; that great one must be fought by you, Śatrughna, in single-chariot combat."
AI translation rendered from the Sanskrit, not a published edition
PdP 5 38.57
इदमस्त्रं यदा त्वं तु क्षेपयिष्यसि संगरे । अनेन पूतो रामस्य स्वरूपं ज्ञास्यते पुनः
idamastraṃ yadā tvaṃ tu kṣepayiṣyasi saṃgare | anena pūto rāmasya svarūpaṃ jñāsyate punaḥ
"When you release this weapon in battle, purified by it he will again come to know Rāma's true nature."
AI translation rendered from the Sanskrit, not a published edition
PdP 5 38.58
ज्ञात्वा तं वाजिनं दत्वा चरणे प्रपतिष्यति । तस्माद्गृह्णीध्वमस्त्रं तन्मम वैरिविदारणम्
jñātvā taṃ vājinaṃ datvā caraṇe prapatiṣyati | tasmādgṛhṇīdhvamastraṃ tanmama vairividāraṇam
"Having known him, he will give back the horse and fall at (his) feet; therefore take that weapon of mine, the render of enemies."
AI translation rendered from the Sanskrit, not a published edition
PdP 5 38.59
तच्छ्रुत्वा रघुनाथस्य भ्राता जग्राह चास्त्रकम् । उदङ्मुखः पवित्रांगो योगिन्या दत्तमद्भुतम्
tacchrutvā raghunāthasya bhrātā jagrāha cāstrakam | udaṅmukhaḥ pavitrāṃgo yoginyā dattamadbhutam
Hearing that, the brother of the Lord of the Raghus took the weapon, facing north, his body purified — the marvellous (weapon) given by the yoginī.
AI translation rendered from the Sanskrit, not a published edition
PdP 5 38.60
तत्प्राप्यास्त्रं महातेजा बभूव रिपुकर्शनः । दुष्प्रधर्ष्यो दुराराध्यो वैरिवारणसत्सृणिः
tatprāpyāstraṃ mahātejā babhūva ripukarśanaḥ | duṣpradharṣyo durārādhyo vairivāraṇasatsṛṇiḥ
On obtaining that weapon, the great-splendoured wearer-down of foes became hard to assail, hard to propitiate, a good goad for the elephant that is the enemy.
AI translation rendered from the Sanskrit, not a published edition
PdP 5 38.61
तां नत्वा राघवश्रेष्ठः शत्रुघ्नो हयसत्तमम् । गृहीत्वागाज्जलात्तस्माद्रेवातीरे सुखोचिते
tāṃ natvā rāghavaśreṣṭhaḥ śatrughno hayasattamam | gṛhītvāgājjalāttasmādrevātīre sukhocite
Having bowed to her, Śatrughna, best of the Raghus, took the finest of horses and came out of that water onto the pleasant bank of the Revā.
AI translation rendered from the Sanskrit, not a published edition
PdP 5 38.62
तं दृष्ट्वा सैनिकाः सर्वे प्रहृष्टांगा मुदान्विताः । साधुसाधु प्रशंसंतः पप्रच्छुर्हयनिर्गमम्
taṃ dṛṣṭvā sainikāḥ sarve prahṛṣṭāṃgā mudānvitāḥ | sādhusādhu praśaṃsaṃtaḥ papracchurhayanirgamam
Seeing him, all the soldiers, their limbs thrilled and filled with joy, praising him "well done, well done," asked about the horse's coming out.
AI translation rendered from the Sanskrit, not a published edition
PdP 5 38.63
हनूमान्कथयामास हयस्यागमनं महत् । वरप्राप्तिं च ताभ्यो वै तेऽपि श्रुत्वा मुदं गताः
hanūmānkathayāmāsa hayasyāgamanaṃ mahat | varaprāptiṃ ca tābhyo vai te'pi śrutvā mudaṃ gatāḥ
Hanumān related the great arrival of the horse and the obtaining of the boon to them; and they too, hearing it, became joyful.
AI translation rendered from the Sanskrit, not a published edition