Padma Purana — Patala Khanda — Chapter 34
PdP 5 34.1
शेष उवाच। रथैः सदश्वैः शोभाढ्यैः सर्वशस्त्रास्त्रपूरितैः । नानारत्नसमायुक्तैर्ययुस्ते राक्षसाधमम्
śeṣa uvāca| rathaiḥ sadaśvaiḥ śobhāḍhyaiḥ sarvaśastrāstrapūritaiḥ | nānāratnasamāyuktairyayuste rākṣasādhamam
Śeṣa said: With chariots yoked to good horses, rich in splendour, filled with every weapon and missile, and set with various jewels, they went against that lowest of rākṣasas.
AI translation rendered from the Sanskrit, not a published edition
PdP 5 34.2
तान्दृष्ट्वा कामगे याने स्थितः प्रोवाच राक्षसः । मेघगंभीरया वाचा तर्जयन्निव भूरिशः
tāndṛṣṭvā kāmage yāne sthitaḥ provāca rākṣasaḥ | meghagaṃbhīrayā vācā tarjayanniva bhūriśaḥ
Seeing them, the rākṣasa, standing in a chariot that moves at will, spoke in a voice deep as a thundercloud, as though threatening (them) again and again.
AI translation rendered from the Sanskrit, not a published edition
PdP 5 34.3
मायां तु सुभटा योद्धुं गच्छंतु निजमंदिरम् । मा त्यजंतु स्वकान्प्राणान्न मोक्ष्ये वाजिनं वरम्
māyāṃ tu subhaṭā yoddhuṃ gacchaṃtu nijamaṃdiram | mā tyajaṃtu svakānprāṇānna mokṣye vājinaṃ varam
Let the good warriors not come to fight — let them go to their own house! Let them not throw away their own lives; I will not give up the excellent horse.
AI translation rendered from the Sanskrit, not a published edition
PdP 5 34.4
विद्युन्मालीति विख्यातो रावणस्य सुहृत्सखा । मत्सख्युः प्रेतभूतस्य निष्कृतिं कर्तुमेयिवान्
vidyunmālīti vikhyāto rāvaṇasya suhṛtsakhā | matsakhyuḥ pretabhūtasya niṣkṛtiṃ kartumeyivān
I, well known as Vidyunmālī, the dear comrade of Rāvaṇa, have come to make requital for my friend, who has become a departed spirit.
AI translation rendered from the Sanskrit, not a published edition
PdP 5 34.5
क्वासौ रामो य आहत्य सखायं रावणं गतः । तस्य भ्रातापि कुत्रास्ते सर्वशूरशिरोमणिः
kvāsau rāmo ya āhatya sakhāyaṃ rāvaṇaṃ gataḥ | tasya bhrātāpi kutrāste sarvaśūraśiromaṇiḥ
Where is that Rāma who, having struck down my friend Rāvaṇa, went (away)? And where is his brother too, the crest-jewel of all heroes?
AI translation rendered from the Sanskrit, not a published edition
PdP 5 34.6
तं हत्वा निष्कृतिं तस्य प्राप्स्ये रामस्य चानुजम् । पिबन्रुधिरमुद्भूतं कंठनालस्य बुद्बुदैः
taṃ hatvā niṣkṛtiṃ tasya prāpsye rāmasya cānujam | pibanrudhiramudbhūtaṃ kaṃṭhanālasya budbudaiḥ
By killing him, and Rāma's younger brother, I shall obtain requital for him, drinking the blood that wells up in bubbles from the tube of his throat.
AI translation rendered from the Sanskrit, not a published edition
PdP 5 34.7
इति वाक्यं समाकर्ण्य योधानां प्रवरोत्तमः । पुष्कलो निजगादैनं वीर्यशौर्यसमन्वितम्
iti vākyaṃ samākarṇya yodhānāṃ pravarottamaḥ | puṣkalo nijagādainaṃ vīryaśauryasamanvitam
Hearing this speech, Puṣkala, the foremost and best among warriors, endowed with vigour and valour, said to him:
AI translation rendered from the Sanskrit, not a published edition
PdP 5 34.8
पुष्कल उवाच। विकत्थनं न कुर्वंति संग्रामे सुभटा नराः । पराक्रमं दर्शयंति निजशस्त्रास्त्रवर्षणैः
puṣkala uvāca| vikatthanaṃ na kurvaṃti saṃgrāme subhaṭā narāḥ | parākramaṃ darśayaṃti nijaśastrāstravarṣaṇaiḥ
Puṣkala said: Good warriors, men (of worth), do not boast in battle; they display their prowess by showering their own weapons and missiles.
AI translation rendered from the Sanskrit, not a published edition
PdP 5 34.9
रावणो निहतो येन ससुहृत्स्वजनैर्वृतः । तस्य वाजिनमाहृत्य कुत्र गंतासि दुर्मद
rāvaṇo nihato yena sasuhṛtsvajanairvṛtaḥ | tasya vājinamāhṛtya kutra gaṃtāsi durmada
Having carried off the horse of him by whom Rāvaṇa was slain, surrounded by his friends and kinsmen — where will you go, you drunken fool?
AI translation rendered from the Sanskrit, not a published edition
PdP 5 34.10
पतिष्यसि त्वं शत्रुघ्नबाणैः कोदंडनिर्गतैः । त्वामत्स्यंति शिवा भूमौ पतितं प्राणवर्जितम्
patiṣyasi tvaṃ śatrughnabāṇaiḥ kodaṃḍanirgataiḥ | tvāmatsyaṃti śivā bhūmau patitaṃ prāṇavarjitam
You will fall by Śatrughna's arrows that fly from his bow; the jackals will devour you as you lie fallen on the ground, bereft of life.
AI translation rendered from the Sanskrit, not a published edition
PdP 5 34.11
मा गर्ज दुष्ट रामस्य सेवके मयि संस्थिते । गर्जंति सुभटा युद्धे शत्रुं जित्वा महोदयात्
mā garja duṣṭa rāmasya sevake mayi saṃsthite | garjaṃti subhaṭā yuddhe śatruṃ jitvā mahodayāt
Do not roar, wicked one, while I, Rāma's servant, stand here; good warriors roar in battle out of great elation after conquering the enemy.
AI translation rendered from the Sanskrit, not a published edition
PdP 5 34.12
शेष उवाच। एवं ब्रुवंतं तं वीरं पुष्कलं रणदुर्मदम् । जघान शक्त्या सुभृशं हृदि राक्षससत्तमः
śeṣa uvāca| evaṃ bruvaṃtaṃ taṃ vīraṃ puṣkalaṃ raṇadurmadam | jaghāna śaktyā subhṛśaṃ hṛdi rākṣasasattamaḥ
Śeṣa said: As the hero Puṣkala, drunk with battle, was speaking thus, the foremost of the rākṣasas struck him very hard in the chest with a spear.
AI translation rendered from the Sanskrit, not a published edition
PdP 5 34.13
आयांतीं तां महाशक्तिमायसीं कांचनाश्रिताम् । चिच्छेद त्रिभिरत्युग्रैः शितैर्बाणैः स पुष्कलः
āyāṃtīṃ tāṃ mahāśaktimāyasīṃ kāṃcanāśritām | ciccheda tribhiratyugraiḥ śitairbāṇaiḥ sa puṣkalaḥ
That great spear, made of iron and overlaid with gold, as it came on, Puṣkala cut into three with exceedingly fierce, sharpened arrows.
AI translation rendered from the Sanskrit, not a published edition
PdP 5 34.14
सा त्रिधा ह्यपतद्भूमौ विशिखैर्निष्प्रभीकृता । पतंती विरराजासौ विष्णोः शक्तित्रयीव किम्
sā tridhā hyapatadbhūmau viśikhairniṣprabhīkṛtā | pataṃtī virarājāsau viṣṇoḥ śaktitrayīva kim
Split in three, it fell to the ground, robbed of its brilliance by the arrows; as it fell it shone — was it, perhaps, like the threefold power of Viṣṇu?
AI translation rendered from the Sanskrit, not a published edition
PdP 5 34.15
तां छिन्नां शक्तिकां दृष्ट्वा राक्षसः परतापनः । जग्राह शूलं तरसा त्रिशिखं लोहनिर्मितम्
tāṃ chinnāṃ śaktikāṃ dṛṣṭvā rākṣasaḥ paratāpanaḥ | jagrāha śūlaṃ tarasā triśikhaṃ lohanirmitam
Seeing that spear cut apart, the rākṣasa, the tormentor of his foes, swiftly took up a three-pronged pike made of iron.
AI translation rendered from the Sanskrit, not a published edition
PdP 5 34.16
तीक्ष्णाग्रं ज्वलनप्रख्यं राक्षसेंद्रो व्यमोचयत् । आयांतं तिलशश्चक्रे बाणैः पुष्कलसंज्ञितः
tīkṣṇāgraṃ jvalanaprakhyaṃ rākṣaseṃdro vyamocayat | āyāṃtaṃ tilaśaścakre bāṇaiḥ puṣkalasaṃjñitaḥ
The lord of the rākṣasas hurled it, sharp-pointed and like a blazing flame; but he named Puṣkala reduced it, as it came, to sesame-sized bits with his arrows.
AI translation rendered from the Sanskrit, not a published edition
PdP 5 34.17
छित्त्वा त्रिशूलं तरसा राघवस्य हि सेवकः । पुष्कलश्चाप आधत्त बाणांस्तीक्ष्णान्मनोजवान्
chittvā triśūlaṃ tarasā rāghavasya hi sevakaḥ | puṣkalaścāpa ādhatta bāṇāṃstīkṣṇānmanojavān
Having swiftly cut the trident, Puṣkala, the servant of Rāghava, set to his bow sharp arrows swift as thought.
AI translation rendered from the Sanskrit, not a published edition
PdP 5 34.18
ते बाणा हृदि तस्याशु लग्ना रागं बतासृजन् । वैष्णवस्य यथा स्वांते गुणा विष्णोर्मनोहराः
te bāṇā hṛdi tasyāśu lagnā rāgaṃ batāsṛjan | vaiṣṇavasya yathā svāṃte guṇā viṣṇormanoharāḥ
Those arrows, lodged at once in his chest, drew forth red (blood) — just as Viṣṇu's captivating qualities (draw forth) love in the heart of a Vaiṣṇava.
AI translation rendered from the Sanskrit, not a published edition
PdP 5 34.19
तद्बाणवेधदुःखार्तो विद्युन्माली सुदुर्मदः । जग्राह मुद्गरं घोरं पुष्कलं हंतुमुद्यतः
tadbāṇavedhaduḥkhārto vidyunmālī sudurmadaḥ | jagrāha mudgaraṃ ghoraṃ puṣkalaṃ haṃtumudyataḥ
Afflicted with the pain of that arrow-piercing, Vidyunmālī, exceedingly drunk (with fury), seized a dreadful mace, intent on killing Puṣkala.
AI translation rendered from the Sanskrit, not a published edition
PdP 5 34.20
मुद्गरः प्रहितस्तेन विद्युन्माल्यभिधेन हि । हृदि लग्नोसृजच्छीघ्रं कश्मलं तदकारयत्
mudgaraḥ prahitastena vidyunmālyabhidhena hi | hṛdi lagnosṛjacchīghraṃ kaśmalaṃ tadakārayat
The mace flung by him, the one named Vidyunmālī, lodged in his chest and swiftly produced a swoon — it brought that on.
AI translation rendered from the Sanskrit, not a published edition — the model flagged this verse as uncertain
PdP 5 34.21
मुद्गरप्रहतो वीरः कंपमानः सवेपथुः । पपात स्यंदनोपस्थे पुष्कलः शत्रुतापनः
mudgaraprahato vīraḥ kaṃpamānaḥ savepathuḥ | papāta syaṃdanopasthe puṣkalaḥ śatrutāpanaḥ
Struck by the mace, the hero Puṣkala, tormentor of foes, shaking and trembling, fell down on the floor of his chariot.
AI translation rendered from the Sanskrit, not a published edition
PdP 5 34.22
उग्रदंष्ट्रोऽथ तद्भ्राता लक्ष्मीनिधिमयोधयत् । शस्त्रास्त्रैर्बहुधा मुक्तैर्वीरप्राणहृतिंकरैः
ugradaṃṣṭro'tha tadbhrātā lakṣmīnidhimayodhayat | śastrāstrairbahudhā muktairvīraprāṇahṛtiṃkaraiḥ
Then his brother Ugradaṃṣṭra fought against Lakṣmīnidhi (Puṣkala) with weapons and missiles loosed in many ways, such as take away the lives of heroes.
AI translation rendered from the Sanskrit, not a published edition
PdP 5 34.23
पुष्कलस्तत्क्षणात्प्राप्य संज्ञां राक्षसमब्रवीत् । धन्योसि राक्षसश्रेष्ठ महीयांस्ते पराक्रमः
puṣkalastatkṣaṇātprāpya saṃjñāṃ rākṣasamabravīt | dhanyosi rākṣasaśreṣṭha mahīyāṃste parākramaḥ
Puṣkala, regaining consciousness that very moment, said to the rākṣasa: "You are blessed, best of rākṣasas; great is your valour."
AI translation rendered from the Sanskrit, not a published edition
PdP 5 34.24
पश्येदानीं ममाप्युच्चैः प्रतिज्ञां शूरमानिताम् । विमानात्पातयाम्यद्य भूमौ त्वां शितसायकैः
paśyedānīṃ mamāpyuccaiḥ pratijñāṃ śūramānitām | vimānātpātayāmyadya bhūmau tvāṃ śitasāyakaiḥ
"Now behold my own loudly (proclaimed) vow, honoured by heroes: today I shall bring you down from the aerial car to the ground with sharp arrows."
AI translation rendered from the Sanskrit, not a published edition
PdP 5 34.25
इत्युक्त्वा निशितं बाणं समगृह्णाद्दुरासदम् । ज्वलंतमग्नितेजस्कं महौदार्यसमन्वितम्
ityuktvā niśitaṃ bāṇaṃ samagṛhṇāddurāsadam | jvalaṃtamagnitejaskaṃ mahaudāryasamanvitam
Having said this, he took up a sharpened, hard-to-withstand arrow, blazing with the energy of fire and endowed with great excellence.
AI translation rendered from the Sanskrit, not a published edition
PdP 5 34.26
स यावत्तत्प्रतीकर्तुं विधत्ते स्वपराक्रमम् । तावद्धृदिगतोऽत्युग्रस्तीक्ष्णधारः ससायकः
sa yāvattatpratīkartuṃ vidhatte svaparākramam | tāvaddhṛdigato'tyugrastīkṣṇadhāraḥ sasāyakaḥ
While he (the rākṣasa) was exerting his own prowess to counter it, in that very moment the exceedingly fierce, sharp-edged shaft went into his heart.
AI translation rendered from the Sanskrit, not a published edition
PdP 5 34.27
तेन बाणेन विभ्रांतो भ्रमच्चित्तः स राक्षसः । पपात कामगोपस्थाद्भूमौ विगतचेतनः
tena bāṇena vibhrāṃto bhramaccittaḥ sa rākṣasaḥ | papāta kāmagopasthādbhūmau vigatacetanaḥ
Stunned by that arrow, his mind reeling, that rākṣasa fell to the ground from the seat of his will-going (aerial) car, senseless.
AI translation rendered from the Sanskrit, not a published edition
PdP 5 34.28
उग्रदंष्ट्रेण वै दृष्टः पतमानो निजाग्रजः । गृहीत्वा तं विमानांतर्निनाय रिपुशंकितः
ugradaṃṣṭreṇa vai dṛṣṭaḥ patamāno nijāgrajaḥ | gṛhītvā taṃ vimānāṃtarnināya ripuśaṃkitaḥ
His own elder brother was seen falling by Ugradaṃṣṭra, who, fearing the enemy, seized him and brought him inside the aerial car.
AI translation rendered from the Sanskrit, not a published edition
PdP 5 34.29
प्राह चारिं महारोषात्पुष्कलं बलिनां वरम् । मद्भ्रातरं पातयित्वा कुत्र यास्यसि दुर्मते
prāha cāriṃ mahāroṣātpuṣkalaṃ balināṃ varam | madbhrātaraṃ pātayitvā kutra yāsyasi durmate
And in great rage he said to his foe Puṣkala, the best of the strong: "Having felled my brother, where will you go, evil-minded one?"
AI translation rendered from the Sanskrit, not a published edition
PdP 5 34.30
मां वै युधि विनिर्जित्य गंतासि जयमुत्तमम् । स्थिते मयि तव स्वांते जयाशा विनिवर्त्य ताम्
māṃ vai yudhi vinirjitya gaṃtāsi jayamuttamam | sthite mayi tava svāṃte jayāśā vinivartya tām
"Only by conquering me in battle will you gain the highest victory; while I stand (here), turn back that hope of victory in your heart."
AI translation rendered from the Sanskrit, not a published edition
PdP 5 34.31
एवं ब्रुवंतं तरसा जघान दशभिः शरैः । हृदये तस्य दुष्टस्य रोषपूरितलोचनः
evaṃ bruvaṃtaṃ tarasā jaghāna daśabhiḥ śaraiḥ | hṛdaye tasya duṣṭasya roṣapūritalocanaḥ
As he was speaking thus, (Puṣkala), his eyes filled with rage, struck that wicked one swiftly with ten arrows in the heart.
AI translation rendered from the Sanskrit, not a published edition
PdP 5 34.32
स ताडितो दशशरैः पुष्कलेन महात्मना । चुक्रोध हृदि दुर्बुद्धिस्तं हंतुमुपचक्रमे
sa tāḍito daśaśaraiḥ puṣkalena mahātmanā | cukrodha hṛdi durbuddhistaṃ haṃtumupacakrame
Struck by the ten arrows of the great-souled Puṣkala, the evil-minded one raged in his heart and set about killing him.
AI translation rendered from the Sanskrit, not a published edition
PdP 5 34.33
दंतान्निष्पिष्य सक्रोधो मुष्टिमुद्यम्य चाहनत् । व्यनदद्वज्रनिर्घातपातशंकां सृजन्हृदि
daṃtānniṣpiṣya sakrodho muṣṭimudyamya cāhanat | vyanadadvajranirghātapātaśaṃkāṃ sṛjanhṛdi
Grinding his teeth in anger, he raised his fist and struck; he roared, arousing in (Puṣkala's) heart the fear of a thunderbolt's crashing fall.
AI translation rendered from the Sanskrit, not a published edition
PdP 5 34.34
मुष्टिनाभिहतो वीरः पुष्कलः परमास्त्रवित् । नाकंपत विनिष्पेषं वांछंस्तस्य दुरात्मनः
muṣṭinābhihato vīraḥ puṣkalaḥ paramāstravit | nākaṃpata viniṣpeṣaṃ vāṃchaṃstasya durātmanaḥ
Struck by the fist, the hero Puṣkala, knower of the highest missiles, did not tremble, wishing rather the crushing of that evil-souled one.
AI translation rendered from the Sanskrit, not a published edition
PdP 5 34.35
वत्सदंतान्महातीक्ष्णान्मुमोच हृदि सायकान् । तैर्बाणैर्व्यथितो दैत्यस्त्रिशूलं तु समाददे
vatsadaṃtānmahātīkṣṇānmumoca hṛdi sāyakān | tairbāṇairvyathito daityastriśūlaṃ tu samādade
He loosed very sharp calf-tooth arrows at (his) heart; pained by those arrows, the daitya took up a trident.
AI translation rendered from the Sanskrit, not a published edition
PdP 5 34.36
जाज्वल्यमानं त्रिशिखं ज्वालामालातिभीषणम् । लग्नं हृदि महावीर पुष्कलस्य तु दारुणम्
jājvalyamānaṃ triśikhaṃ jvālāmālātibhīṣaṇam | lagnaṃ hṛdi mahāvīra puṣkalasya tu dāruṇam
Blazing, three-pointed, most terrible with its garland of flames, the dreadful (trident) lodged in the heart of the great hero Puṣkala.
AI translation rendered from the Sanskrit, not a published edition
PdP 5 34.37
मूर्च्छितस्तेन शूलेन निहतो धन्विसत्तमः । कश्मलं परमं प्राप्तः पपात स्यंदनोपरि
mūrcchitastena śūlena nihato dhanvisattamaḥ | kaśmalaṃ paramaṃ prāptaḥ papāta syaṃdanopari
Stunned by that spear, that best of bowmen, stricken, fell into deep faintness and collapsed upon his chariot.
AI translation rendered from the Sanskrit, not a published edition
PdP 5 34.38
मूर्च्छां प्राप्तं तमाज्ञाय हनूमान्पवनात्मजः । कोपव्याकुलितस्वांतो बभाषे तं तु राक्षसम्
mūrcchāṃ prāptaṃ tamājñāya hanūmānpavanātmajaḥ | kopavyākulitasvāṃto babhāṣe taṃ tu rākṣasam
Learning that he had fallen into a swoon, Hanumān, son of the wind, his heart agitated with anger, spoke to that rākṣasa:
AI translation rendered from the Sanskrit, not a published edition
PdP 5 34.39
कुत्र गच्छसि दुर्बुद्धे मयि योद्धरि संस्थिते । त्वां हन्मि चरणाघातैर्वाजिहर्तारमागतम्
kutra gacchasi durbuddhe mayi yoddhari saṃsthite | tvāṃ hanmi caraṇāghātairvājihartāramāgatam
"Where are you going, evil-minded one, while I stand here as a fighter? I shall kill you with blows of my feet, you who have come as a stealer of horses."
AI translation rendered from the Sanskrit, not a published edition
PdP 5 34.40
एवमुक्त्वा महादैत्याञ्जघान परसैनिकान् । विमानस्थान्नखाग्रेण दारयन्नभसि स्थितः
evamuktvā mahādaityāñjaghāna parasainikān | vimānasthānnakhāgreṇa dārayannabhasi sthitaḥ
Having spoken thus, he slew the great daityas, the enemy soldiers stationed in the aerial cars, tearing them with the tips of his nails as he stood in the sky.
AI translation rendered from the Sanskrit, not a published edition
PdP 5 34.41
लांगूलेनाहताः केचित्केचित्पादतला हताः । बाहुभ्यां दारिताः केचित्पवनस्य तनूभुवा
lāṃgūlenāhatāḥ kecitkecitpādatalā hatāḥ | bāhubhyāṃ dāritāḥ kecitpavanasya tanūbhuvā
Some were struck down by his tail, some killed by the soles of his feet, some torn apart by the two arms of the son of the wind.
AI translation rendered from the Sanskrit, not a published edition
PdP 5 34.42
नश्यंति केचिन्निहताः केचिन्मूर्च्छंति संहताः । पलायंते पदाघातभयपीडाहतास्ततः
naśyaṃti kecinnihatāḥ kecinmūrcchaṃti saṃhatāḥ | palāyaṃte padāghātabhayapīḍāhatāstataḥ
Some perish, struck down; some, battered together, faint away; and then, stricken by the pain and terror of his kicks, they flee.
AI translation rendered from the Sanskrit, not a published edition
PdP 5 34.43
अनेके निहतास्तत्र राक्षसाश्चातिदारुणाः । छिन्ना भिन्ना द्विधा जाताः पवनस्य सुतेन वै
aneke nihatāstatra rākṣasāścātidāruṇāḥ | chinnā bhinnā dvidhā jātāḥ pavanasya sutena vai
Many exceedingly fearsome rākṣasas were slain there — cut, split, made into two — indeed by the son of the Wind.
AI translation rendered from the Sanskrit, not a published edition
PdP 5 34.44
कामगंतुविमानं तद्भिन्नप्राकारतोरणम् । हाहा कुर्वद्भिरसुरैः समंतात्परिवारितम्
kāmagaṃtuvimānaṃ tadbhinnaprākāratoraṇam | hāhā kurvadbhirasuraiḥ samaṃtātparivāritam
That chariot which goes at will, its walls and archways broken, was surrounded on every side by the asuras crying "Alas! Alas!"
AI translation rendered from the Sanskrit, not a published edition
PdP 5 34.45
हनूमति महाशूरे क्षणं भूमौ क्षणं दिवि । इतस्ततः प्रदृश्येत कामयानं दुरासदम्
hanūmati mahāśūre kṣaṇaṃ bhūmau kṣaṇaṃ divi | itastataḥ pradṛśyeta kāmayānaṃ durāsadam
As the great hero Hanūmān was one moment on the ground, one moment in the sky, the unassailable chariot that moves at will could be seen (now) here, (now) there.
AI translation rendered from the Sanskrit, not a published edition
PdP 5 34.46
यत्रयत्र विमानं तत्तत्रतत्र समीरजः । प्रहरन्नेव दृश्येत कामरूपधरः कपिः
yatrayatra vimānaṃ tattatratatra samīrajaḥ | praharanneva dṛśyeta kāmarūpadharaḥ kapiḥ
Wherever that chariot (went), just there the son of the Wind, the ape who takes on any form he wishes, was seen striking away.
AI translation rendered from the Sanskrit, not a published edition
PdP 5 34.47
एवं तदाकुलीभूते विमानस्थे महाजने । उग्रदंष्ट्रस्तु दैत्येंद्रो हनूमंतमुपेयिवान्
evaṃ tadākulībhūte vimānasthe mahājane | ugradaṃṣṭrastu daityeṃdro hanūmaṃtamupeyivān
When the great host stationed on the chariot had thus been thrown into confusion, Ugradaṃṣṭra, the lord of the daityas, came up to Hanūmān.
AI translation rendered from the Sanskrit, not a published edition
PdP 5 34.48
कपे त्वया महत्कर्म कृतं यद्भटपातनम् । क्षणं तिष्ठसि चेत्कुर्वे तव प्राणवियोजनम्
kape tvayā mahatkarma kṛtaṃ yadbhaṭapātanam | kṣaṇaṃ tiṣṭhasi cetkurve tava prāṇaviyojanam
"Ape, a great deed has been done by you, this felling of warriors. If you stand (here) a moment, I will bring about the parting of you from your life-breaths."
AI translation rendered from the Sanskrit, not a published edition
PdP 5 34.49
एवमुक्त्वा हनूमंतं प्रजघान स दुर्मतिः । त्रिशूलेन सुतीक्ष्णेन ज्वलत्पावककांतिना
evamuktvā hanūmaṃtaṃ prajaghāna sa durmatiḥ | triśūlena sutīkṣṇena jvalatpāvakakāṃtinā
Having spoken thus, that evil-minded one struck Hanūmān with a very sharp trident having the brilliance of blazing fire.
AI translation rendered from the Sanskrit, not a published edition
PdP 5 34.50
तदागतं त्रिशूलं च मुखे जग्राह वीर्यवान् । चूर्णयामास सकलं सर्वलोहविनिर्मितम्
tadāgataṃ triśūlaṃ ca mukhe jagrāha vīryavān | cūrṇayāmāsa sakalaṃ sarvalohavinirmitam
And the valiant one caught in his mouth that trident as it came, and pulverized it entirely, made as it was all of iron.
AI translation rendered from the Sanskrit, not a published edition
PdP 5 34.51
चूर्णयित्वा त्रिशूलं तदायसं दैत्यमोचितम् । जघान तं चपेटाभिर्बह्वीभिर्हनुमान्बली
cūrṇayitvā triśūlaṃ tadāyasaṃ daityamocitam | jaghāna taṃ capeṭābhirbahvībhirhanumānbalī
Having pulverized that iron trident released by the daitya, mighty Hanumān struck him with many slaps.
AI translation rendered from the Sanskrit, not a published edition
PdP 5 34.52
स आहतः कपीन्द्रेण चपेटाभिरितस्ततः । व्यथितो व्यसृजन्मायां सर्वलोकभयंकरीम्
sa āhataḥ kapīndreṇa capeṭābhiritastataḥ | vyathito vyasṛjanmāyāṃ sarvalokabhayaṃkarīm
Struck here and there with slaps by the lord of apes, he, in his distress, let loose an illusion terrifying to all the worlds.
AI translation rendered from the Sanskrit, not a published edition
PdP 5 34.53
तदा तमोभवत्तीव्रं यत्र को वा न लक्ष्यते । यत्र स्वीयो न पारक्यो विदामास जनान्बहून्
tadā tamobhavattīvraṃ yatra ko vā na lakṣyate | yatra svīyo na pārakyo vidāmāsa janānbahūn
Then there came a thick darkness in which no one at all could be made out, in which one's own and the other side (were indistinguishable); (it) tore apart many people.
AI translation rendered from the Sanskrit, not a published edition — the model flagged this verse as uncertain
PdP 5 34.54
शिलाः पर्वतशृंगाभाः पतंति सुभटोपरि । ताभिर्हतास्तु ते सर्वे व्याकुला अथ जज्ञिरे
śilāḥ parvataśṛṃgābhāḥ pataṃti subhaṭopari | tābhirhatāstu te sarve vyākulā atha jajñire
Rocks resembling mountain peaks fall upon the good warriors; struck by them all of them then became bewildered.
AI translation rendered from the Sanskrit, not a published edition
PdP 5 34.55
विद्युतो विलसंत्यत्र गर्जंति जलदा घनम् । वर्षंति पूयरुधिरं मुंचंति समलं जलम्
vidyuto vilasaṃtyatra garjaṃti jaladā ghanam | varṣaṃti pūyarudhiraṃ muṃcaṃti samalaṃ jalam
Lightnings flash there, the clouds thunder densely; they rain pus and blood, they release filthy water.
AI translation rendered from the Sanskrit, not a published edition
PdP 5 34.56
आकाशात्पतमानानि कबंधानि बहूनि च । दृश्यंते छिन्नशीर्षाणि सकुंडलयुतानि च
ākāśātpatamānāni kabaṃdhāni bahūni ca | dṛśyaṃte chinnaśīrṣāṇi sakuṃḍalayutāni ca
And many headless trunks, falling from the sky, are seen, their heads severed, along with their earrings.
AI translation rendered from the Sanskrit, not a published edition
PdP 5 34.57
नग्ना विरूपाः सुभृशं कीर्णकेशाः सुदुर्मुखाः । दृश्यंते सर्वतो दैत्या दारुणा भयकारिणः
nagnā virūpāḥ subhṛśaṃ kīrṇakeśāḥ sudurmukhāḥ | dṛśyaṃte sarvato daityā dāruṇā bhayakāriṇaḥ
Naked, deformed, with hair utterly dishevelled, with hideous faces, the daityas are seen on all sides, cruel, causing terror.
AI translation rendered from the Sanskrit, not a published edition
PdP 5 34.58
तदा व्याकुलिता लोकाः परस्परभयाकुलाः । पलायनपरा जाता महोत्पातममंसत
tadā vyākulitā lokāḥ parasparabhayākulāḥ | palāyanaparā jātā mahotpātamamaṃsata
Then the people were thrown into confusion, agitated with fear of one another; they took to flight and reckoned it a great portent.
AI translation rendered from the Sanskrit, not a published edition
PdP 5 34.59
तदा शत्रुघ्न आयातो रथे स्थित्वा महायशाः । श्रीरामस्मरणं कृत्वा चापे संधाय सायकान्
tadā śatrughna āyāto rathe sthitvā mahāyaśāḥ | śrīrāmasmaraṇaṃ kṛtvā cāpe saṃdhāya sāyakān
Then Śatrughna of great renown came, standing in his chariot, and having made remembrance of Śrī Rāma, he fitted arrows to his bow.
AI translation rendered from the Sanskrit, not a published edition
PdP 5 34.60
तां मायां स विधूयाथ मोहनास्त्रेण वीर्यवान् । शरधाराः किरन्व्योम्नि ववर्ष समरेसुरम्
tāṃ māyāṃ sa vidhūyātha mohanāstreṇa vīryavān | śaradhārāḥ kiranvyomni vavarṣa samaresuram
Then the valiant one, having shaken off that illusion with the bewildering weapon, scattering streams of arrows in the sky, rained (them) upon the asura in battle.
AI translation rendered from the Sanskrit, not a published edition
PdP 5 34.61
तदादिशः प्रसेदुस्ता रविस्त्वपरिवेषवान् । मेघा यथागतं याता विद्युतः शांतिमागताः
tadādiśaḥ prasedustā ravistvapariveṣavān | meghā yathāgataṃ yātā vidyutaḥ śāṃtimāgatāḥ
Then those quarters became clear, and the sun was free of its halo; the clouds went as they had come, and the lightnings came to rest.
AI translation rendered from the Sanskrit, not a published edition
PdP 5 34.62
तदा विमानं पुरतो दृश्यते राक्षसैर्युतम् । छिंधि भिंधीति भाषाभिर्व्याकुलं सुतरां महत्
tadā vimānaṃ purato dṛśyate rākṣasairyutam | chiṃdhi bhiṃdhīti bhāṣābhirvyākulaṃ sutarāṃ mahat
Then in front (of him) a flying chariot is seen, filled with rākṣasas — a very great one, utterly in tumult with cries of "Cut him! Split him!"
AI translation rendered from the Sanskrit, not a published edition
PdP 5 34.63
बाणाश्च शतसाहस्राः स्वर्णपुंखैश्च शोभिताः । पेतुर्विमाने नभसि स्थिते कामगमे मुहुः
bāṇāśca śatasāhasrāḥ svarṇapuṃkhaiśca śobhitāḥ | peturvimāne nabhasi sthite kāmagame muhuḥ
And arrows by the hundred thousand, adorned with golden feather-shafts, fell again and again from the chariot that stood in the sky and moved at will.
AI translation rendered from the Sanskrit, not a published edition
PdP 5 34.64
तदा भग्नं विमानं हि दृश्यते न तदुच्चकैः । स्वपुरी खण्डमेकत्र भग्नांगमिव भूतले
tadā bhagnaṃ vimānaṃ hi dṛśyate na taduccakaiḥ | svapurī khaṇḍamekatra bhagnāṃgamiva bhūtale
Then indeed the chariot was broken; it is not seen aloft (any more): its own city (lay) in fragments in one place, like a body with shattered limbs on the ground.
AI translation rendered from the Sanskrit, not a published edition — the model flagged this verse as uncertain
PdP 5 34.65
तदा प्रकुपितो दैत्यो बाणान्धनुषि संदधे । तैर्बाणैर्विकिरन्रामभ्रातरं चाभिगर्जितः
tadā prakupito daityo bāṇāndhanuṣi saṃdadhe | tairbāṇairvikiranrāmabhrātaraṃ cābhigarjitaḥ
Then the enraged demon fitted arrows to his bow, and scattering those arrows he roared at Rāma's brother.
AI translation rendered from the Sanskrit, not a published edition
PdP 5 34.66
ते बाणाः शतशस्तस्य लग्ना वपुषि भूरिशः । शोभामापुः शोणितौघान्वहंतस्तीक्ष्णवक्त्रिणः
te bāṇāḥ śataśastasya lagnā vapuṣi bhūriśaḥ | śobhāmāpuḥ śoṇitaughānvahaṃtastīkṣṇavaktriṇaḥ
Those arrows, by hundreds, stuck fast in great numbers in his body; sharp-mouthed, streaming floods of blood, they took on a splendour.
AI translation rendered from the Sanskrit, not a published edition
PdP 5 34.67
शत्रुघ्नः परया शक्त्या संयुक्तो वायुदैवतम् । अस्त्रं धनुषि चाधत्त राक्षसानां प्रकम्पनम्
śatrughnaḥ parayā śaktyā saṃyukto vāyudaivatam | astraṃ dhanuṣi cādhatta rākṣasānāṃ prakampanam
Śatrughna, joined with supreme power, set upon his bow the weapon whose deity is Vāyu, which makes the rākṣasas tremble.
AI translation rendered from the Sanskrit, not a published edition
PdP 5 34.68
तेनास्त्रेण विमानात्खात्पतन्तो मुक्तमूर्धजाः । दृश्यंते भूतवेतालसंघा इव नभश्चराः
tenāstreṇa vimānātkhātpatanto muktamūrdhajāḥ | dṛśyaṃte bhūtavetālasaṃghā iva nabhaścarāḥ
By that weapon, falling from the chariot out of the sky with their hair loosed, the sky-goers are seen like troops of ghosts and vetālas.
AI translation rendered from the Sanskrit, not a published edition
PdP 5 34.69
तदस्त्रं रघुनाथस्य भ्रात्रा मुक्तं विलोक्य सः । अस्त्रं च पाशुपत्यं स चापे धाद्दनुजात्मजः
tadastraṃ raghunāthasya bhrātrā muktaṃ vilokya saḥ | astraṃ ca pāśupatyaṃ sa cāpe dhāddanujātmajaḥ
Seeing that weapon released by the brother of the Lord of the Raghus, he, the son of the demon, set on his bow the Pāśupata weapon.
AI translation rendered from the Sanskrit, not a published edition
PdP 5 34.70
ततः प्रवृत्ता वेताला भूताः प्रेतनिशाचराः । कपालकर्तरीयुक्ताः पिबन्तः शोणितं बहु
tataḥ pravṛttā vetālā bhūtāḥ pretaniśācarāḥ | kapālakartarīyuktāḥ pibantaḥ śoṇitaṃ bahu
Then vetālas, bhūtas, pretas and night-roamers came forth, equipped with skulls and shears, drinking much blood.
AI translation rendered from the Sanskrit, not a published edition
PdP 5 34.71
ते वै शत्रुघ्नवीराणां रुधिराणि पपुर्मुदा । जीवतामपि दुर्वाराः कर्तरीपाणिशोभिताः
te vai śatrughnavīrāṇāṃ rudhirāṇi papurmudā | jīvatāmapi durvārāḥ kartarīpāṇiśobhitāḥ
They joyfully drank the blood of Śatrughna's warriors; hard to ward off even from the living, they were adorned with shears in their hands.
AI translation rendered from the Sanskrit, not a published edition
PdP 5 34.72
तदस्त्रं व्याप्नुवद्दृष्ट्वा सर्ववीरप्रभंजनम् । मुमोच तन्निरासाय चास्त्रं नारायणाभिधम्
tadastraṃ vyāpnuvaddṛṣṭvā sarvavīraprabhaṃjanam | mumoca tannirāsāya cāstraṃ nārāyaṇābhidham
Seeing that weapon spreading and shattering all the warriors, he released, to repel it, the weapon named after Nārāyaṇa.
AI translation rendered from the Sanskrit, not a published edition
PdP 5 34.73
नारायणास्त्रं तान्सर्वान्वारयामास तत्क्षणात् । ते सर्वे विलयं प्रापुर्निशाचरप्रणोदिताः
nārāyaṇāstraṃ tānsarvānvārayāmāsa tatkṣaṇāt | te sarve vilayaṃ prāpurniśācarapraṇoditāḥ
That very moment the Nārāyaṇa weapon checked them all; all of them, urged on by the night-roamer, met their dissolution.
AI translation rendered from the Sanskrit, not a published edition
PdP 5 34.74
तदा क्रुद्धो निशाचारी विद्युन्माली समाददे । त्रिशूलं निशितं घोरं शत्रुघ्नं हंतुमुल्बणम्
tadā kruddho niśācārī vidyunmālī samādade | triśūlaṃ niśitaṃ ghoraṃ śatrughnaṃ haṃtumulbaṇam
Then the enraged night-roamer Vidyunmālin took up a sharpened, dreadful, fierce trident to kill Śatrughna.
AI translation rendered from the Sanskrit, not a published edition
PdP 5 34.75
शूलहस्तं समायांतं विद्युन्मालिनमाहवे । सायकैः प्राहरत्तस्य भुजे त्वर्धशशिप्रभैः
śūlahastaṃ samāyāṃtaṃ vidyunmālinamāhave | sāyakaiḥ prāharattasya bhuje tvardhaśaśiprabhaiḥ
As Vidyunmālin came on in the battle with the spear in his hand, (Śatrughna) struck his arm with arrows shining like half-moons.
AI translation rendered from the Sanskrit, not a published edition
PdP 5 34.76
तैर्बाणैश्छिन्नहस्तः स शिरसा हंतुमुद्यतः । हतोसि याहि शत्रुघ्न कस्त्वां त्राता भविष्यति
tairbāṇaiśchinnahastaḥ sa śirasā haṃtumudyataḥ | hatosi yāhi śatrughna kastvāṃ trātā bhaviṣyati
With his hand severed by those arrows, he made ready to kill (him) with his head: "You are as good as dead, be gone, Śatrughna! Who will be your saviour?"
AI translation rendered from the Sanskrit, not a published edition
PdP 5 34.77
इति ब्रुवाणं तरसा चिच्छेद शितसायकैः । मस्तकं तस्य बलिनः शूरस्य सह कुंडलम्
iti bruvāṇaṃ tarasā ciccheda śitasāyakaiḥ | mastakaṃ tasya balinaḥ śūrasya saha kuṃḍalam
As he was speaking thus, (Śatrughna) swiftly cut off with sharp arrows the head of that strong hero, together with its earring.
AI translation rendered from the Sanskrit, not a published edition
PdP 5 34.78
तं छिन्नशिरसं दृष्ट्वा उग्रदंष्ट्रः प्रतापवान् । मुष्टिना हंतुमारेभे शत्रुघ्नं शूरसेवितम्
taṃ chinnaśirasaṃ dṛṣṭvā ugradaṃṣṭraḥ pratāpavān | muṣṭinā haṃtumārebhe śatrughnaṃ śūrasevitam
Seeing him with his head severed, the mighty Ugradaṃṣṭra began to strike Śatrughna, attended by heroes, with his fist.
AI translation rendered from the Sanskrit, not a published edition
PdP 5 34.79
शत्रुघ्नस्तु क्षुरप्रेण सायकेनाच्छिनच्छिरः । प्रधावतो रणे वीरान्सर्वशस्त्रास्त्रकोविदान्
śatrughnastu kṣurapreṇa sāyakenācchinacchiraḥ | pradhāvato raṇe vīrānsarvaśastrāstrakovidān
But Śatrughna cut off his head with a razor-edged arrow, and (the heads) of the heroes skilled in all weapons and missiles who rushed on in the battle.
AI translation rendered from the Sanskrit, not a published edition
PdP 5 34.80
हतशेषा ययुः सर्वे राक्षसा नाथवर्जिताः । शत्रुघ्नं प्रणिपत्याथ ददुर्वाजिनमाहृतम्
hataśeṣā yayuḥ sarve rākṣasā nāthavarjitāḥ | śatrughnaṃ praṇipatyātha dadurvājinamāhṛtam
All the rākṣasas who survived the slaughter, bereft of their lord, went away; then, bowing to Śatrughna, they gave back the horse they had carried off.
AI translation rendered from the Sanskrit, not a published edition
PdP 5 34.81
ततो वीणानिनादाश्च शंखनादाः समंततः । श्रूयंते शूरवीराणां जयनादा मनोहराः
tato vīṇāninādāśca śaṃkhanādāḥ samaṃtataḥ | śrūyaṃte śūravīrāṇāṃ jayanādā manoharāḥ
Then on all sides the sounds of lutes and the blasts of conches are heard, and the delightful victory-shouts of the brave heroes.
AI translation rendered from the Sanskrit, not a published edition