Padma Purana — Patala Khanda — Chapter 33
PdP 5 33.1
शेष उवाच। गच्छत्सु रथिवर्येषु शत्रुघ्नादिषु भूरिषु । महाराजेषु सर्वेषु रथकोटियुतेषु च
śeṣa uvāca| gacchatsu rathivaryeṣu śatrughnādiṣu bhūriṣu | mahārājeṣu sarveṣu rathakoṭiyuteṣu ca
Śeṣa said: While those foremost of charioteers, Śatrughna and the many others, all great kings furnished with crores of chariots, were going along—
AI translation rendered from the Sanskrit, not a published edition
PdP 5 33.2
अकस्मादभवन्मार्गे तमः परमदारुणम् । यस्मिन्स्वीयो न पारक्यो लक्ष्यते ज्ञातिभिर्नरैः
akasmādabhavanmārge tamaḥ paramadāruṇam | yasminsvīyo na pārakyo lakṣyate jñātibhirnaraiḥ
—suddenly there arose on the road a most dreadful darkness, in which one's own man is not distinguished from a stranger even by kinsmen.
AI translation rendered from the Sanskrit, not a published edition
PdP 5 33.3
रजसा व्यावृतं व्योम विद्युत्स्तनितसंकुलम् । एतादृशे तु संमर्दे महाभयकरे ततः
rajasā vyāvṛtaṃ vyoma vidyutstanitasaṃkulam | etādṛśe tu saṃmarde mahābhayakare tataḥ
The sky was covered over with dust, filled with lightning and thunder; then, in such a crush, which caused great fear—
AI translation rendered from the Sanskrit, not a published edition
PdP 5 33.4
मेघा वर्षंति रुधिरं पूयामेध्यादिकं बहु । अत्याकुला बभूवुस्ते वीराः परमवैरिणः
meghā varṣaṃti rudhiraṃ pūyāmedhyādikaṃ bahu | atyākulā babhūvuste vīrāḥ paramavairiṇaḥ
—the clouds rained blood, and much pus and other filth; those heroes, (though) the fiercest of foes, became greatly agitated.
AI translation rendered from the Sanskrit, not a published edition — the model flagged this verse as uncertain
PdP 5 33.5
आकुलीकृतलोके तु किमिदं किमिति स्थितिः । तमोव्याप्तानि लोकानां चक्षूंषि प्रथितौजसाम्
ākulīkṛtaloke tu kimidaṃ kimiti sthitiḥ | tamovyāptāni lokānāṃ cakṣūṃṣi prathitaujasām
While the world was thrown into confusion, the state (of everyone) was, "What is this? What is this?" The eyes of the people, whose might was renowned, were covered by darkness.
AI translation rendered from the Sanskrit, not a published edition
PdP 5 33.6
जहाराश्वं रावणस्य सुहृत्पातालसंस्थितः । विद्युन्मालीति विख्यातो राक्षसश्रेणिसंवृतः
jahārāśvaṃ rāvaṇasya suhṛtpātālasaṃsthitaḥ | vidyunmālīti vikhyāto rākṣasaśreṇisaṃvṛtaḥ
A friend of Rāvaṇa's, dwelling in Pātāla, well known as Vidyunmālin, surrounded by a troop of rākṣasas, carried off the horse.
AI translation rendered from the Sanskrit, not a published edition
PdP 5 33.7
कामगे सुविमाने तु सर्वायसनिषेविणि । आरूढोऽश्वं तु वीराणां भयं कुर्वञ्जहार ह
kāmage suvimāne tu sarvāyasaniṣeviṇi | ārūḍho'śvaṃ tu vīrāṇāṃ bhayaṃ kurvañjahāra ha
Mounted on an excellent aerial car that goes at will and is furnished with every kind of iron (weaponry), he carried the horse away, striking fear into the heroes.
AI translation rendered from the Sanskrit, not a published edition
PdP 5 33.8
मुहूर्तात्तत्तमो नष्टमाकाशं विमलं बभौ । वीराः शत्रुघ्नमुख्यास्ते प्रोचुः कुत्र हयोऽस्ति सः
muhūrtāttattamo naṣṭamākāśaṃ vimalaṃ babhau | vīrāḥ śatrughnamukhyāste procuḥ kutra hayo'sti saḥ
In a moment that darkness vanished, and the sky shone clear. Those heroes, with Śatrughna at their head, said: "Where is that horse?"
AI translation rendered from the Sanskrit, not a published edition
PdP 5 33.9
ते सर्वे हयराजं तु लोकयंतः परस्परम् । ददृशुर्न यदा वाहं हाहाकारस्तदाभवत्
te sarve hayarājaṃ tu lokayaṃtaḥ parasparam | dadṛśurna yadā vāhaṃ hāhākārastadābhavat
All of them, looking at one another for the king of horses, when they did not see the mount, then there arose a cry of dismay.
AI translation rendered from the Sanskrit, not a published edition
PdP 5 33.10
कुत्राश्वो हयमेधस्य केन नीतः कुबुद्धिना । इति वाचमवोचंस्ते तावत्स दनुजेश्वरः
kutrāśvo hayamedhasya kena nītaḥ kubuddhinā | iti vācamavocaṃste tāvatsa danujeśvaraḥ
"Where is the horse of the horse-sacrifice? By what evil-minded one has it been taken?" — such words they spoke; and meanwhile that lord of the demons
AI translation rendered from the Sanskrit, not a published edition
PdP 5 33.11
ददृशे सुभटैः सर्वै रथस्थैः शौर्यशोभितैः । विमानवरमारूढै राक्षसाग्र्यैः समावृतः
dadṛśe subhaṭaiḥ sarvai rathasthaiḥ śauryaśobhitaiḥ | vimānavaramārūḍhai rākṣasāgryaiḥ samāvṛtaḥ
was seen, surrounded by all his good warriors, standing in chariots, resplendent with valour, mounted on excellent aerial cars, foremost among rākṣasas.
AI translation rendered from the Sanskrit, not a published edition
PdP 5 33.12
दुमुर्खा विकरालास्या लंबदंष्ट्रा भयानकाः । राक्षसास्तत्र दृश्यंते सैन्यग्रासाय चोद्यताः
dumurkhā vikarālāsyā laṃbadaṃṣṭrā bhayānakāḥ | rākṣasāstatra dṛśyaṃte sainyagrāsāya codyatāḥ
Evil-faced, with hideous mouths, with hanging fangs, terrifying — the rākṣasas were seen there, eager to devour the army.
AI translation rendered from the Sanskrit, not a published edition
PdP 5 33.13
तदा तं वेदयामासुः शत्रुघ्नं नृवरोत्तमम् । हयो नीतो न जानीमः खे विमानविलासिना
tadā taṃ vedayāmāsuḥ śatrughnaṃ nṛvarottamam | hayo nīto na jānīmaḥ khe vimānavilāsinā
Then they informed him, Śatrughna, best of the best of men: "The horse has been taken — we do not know (by whom) — by one sporting in an aerial car in the sky.
AI translation rendered from the Sanskrit, not a published edition
PdP 5 33.14
तमसा व्याकुलान्कृत्वा वीरानस्मान्समाययौ । जग्राह नृपशार्दूल हयं कुरु यथोचितम्
tamasā vyākulānkṛtvā vīrānasmānsamāyayau | jagrāha nṛpaśārdūla hayaṃ kuru yathocitam
"Having thrown us heroes into confusion with darkness, he came upon us and seized (the horse). O tiger among kings, do what is fitting."
AI translation rendered from the Sanskrit, not a published edition
PdP 5 33.15
शत्रुघ्नस्तद्वचः श्रुत्वा महारोषसमावृतः । कोऽस्त्येष राक्षसो यो मे हयं जग्राह वीर्यवान्
śatrughnastadvacaḥ śrutvā mahāroṣasamāvṛtaḥ | ko'styeṣa rākṣaso yo me hayaṃ jagrāha vīryavān
Śatrughna, hearing that speech, filled with great fury (said): "Who is this valiant rākṣasa who has seized my horse?
AI translation rendered from the Sanskrit, not a published edition
PdP 5 33.16
विमानं तत्पतत्वद्य मद्बाणव्रजनिर्हतम् । पतत्वद्य शिरस्तस्य क्षुरप्रैर्मम वैरिणः
vimānaṃ tatpatatvadya madbāṇavrajanirhatam | patatvadya śirastasya kṣuraprairmama vairiṇaḥ
"Let that aerial car fall today, shattered by the flight of my arrows; let the head of that enemy of mine fall today by my razor-edged arrows.
AI translation rendered from the Sanskrit, not a published edition
PdP 5 33.17
सज्जीयंतां रथाः सर्वैर्महाशस्त्रास्त्रपूरिताः । यांतु तं प्रतिसंहर्तुं योद्धारो वाजिहारिणम्
sajjīyaṃtāṃ rathāḥ sarvairmahāśastrāstrapūritāḥ | yāṃtu taṃ pratisaṃhartuṃ yoddhāro vājihāriṇam
"Let all the chariots be made ready, filled with great weapons and missiles; let the warriors go to overwhelm that stealer of the horse."
AI translation rendered from the Sanskrit, not a published edition
PdP 5 33.18
इत्युक्त्वा रोषताम्राक्ष उवाच निजमंत्रिणम् । नयानयविदं शूरं युद्धकार्यविशारदम्
ityuktvā roṣatāmrākṣa uvāca nijamaṃtriṇam | nayānayavidaṃ śūraṃ yuddhakāryaviśāradam
Having said this, his eyes red with rage, he spoke to his own minister, a brave man who knew policy and impolicy and was skilled in matters of war.
AI translation rendered from the Sanskrit, not a published edition
PdP 5 33.19
शत्रुघ्न उवाच। मंत्रिन्कथय के योज्या राक्षसस्य वधोद्यताः । महाशस्त्रा महाशूराः परमास्त्रविदुत्तमाः
śatrughna uvāca| maṃtrinkathaya ke yojyā rākṣasasya vadhodyatāḥ | mahāśastrā mahāśūrāḥ paramāstraviduttamāḥ
Śatrughna said: Minister, tell (me) who are to be appointed, set upon the killing of the rākṣasa — men of great weapons, great heroes, best among knowers of the supreme missiles.
AI translation rendered from the Sanskrit, not a published edition
PdP 5 33.20
कथयाशु विचार्यैवं तत्करोमि भवद्वचः । वीरान्कथय तस्यैवं योग्यान्सर्वास्त्रकोविदान्
kathayāśu vicāryaivaṃ tatkaromi bhavadvacaḥ | vīrānkathaya tasyaivaṃ yogyānsarvāstrakovidān
Consider thus and tell (me) quickly; I will act on your word. Tell (me) so the heroes fit for him, skilled in all missiles.
AI translation rendered from the Sanskrit, not a published edition
PdP 5 33.21
एतच्छ्रुत्वा तु सचिवः प्राह वाक्यं यथोचितम् । वीरान्रणवरे योग्यान्दर्शयंस्तरसा नतान्
etacchrutvā tu sacivaḥ prāha vākyaṃ yathocitam | vīrānraṇavare yogyāndarśayaṃstarasā natān
Hearing this, the minister spoke fitting words, pointing out at once the heroes fit for the great battle, (who stood) bowing.
AI translation rendered from the Sanskrit, not a published edition
PdP 5 33.22
सुमतिरुवाच। जेतुं गच्छतु तद्रक्षः समरे विजयोद्यतः । महाशस्त्रास्त्रसंयुक्तः पुष्कलः परतापनः
sumatiruvāca| jetuṃ gacchatu tadrakṣaḥ samare vijayodyataḥ | mahāśastrāstrasaṃyuktaḥ puṣkalaḥ paratāpanaḥ
Sumati said: Let Puṣkala, scorcher of foes, equipped with great weapons and missiles, ready for victory, go to conquer that rākṣasa in battle.
AI translation rendered from the Sanskrit, not a published edition
PdP 5 33.23
तथा लक्ष्मीनिधिर्यातु शस्त्रसंघसमन्वितः । करोतु तस्य यानस्य भंगं तीक्ष्णैः स्वसायकैः
tathā lakṣmīnidhiryātu śastrasaṃghasamanvitaḥ | karotu tasya yānasya bhaṃgaṃ tīkṣṇaiḥ svasāyakaiḥ
Likewise let Lakṣmīnidhi go, provided with a mass of weapons; let him make the breaking of that (demon's) vehicle with his sharp arrows.
AI translation rendered from the Sanskrit, not a published edition
PdP 5 33.24
हनूमान्धृष्टकर्मात्र राक्षसैर्योधितुं क्षमः । करोतु मुखपुच्छाभ्यां ताडनं रक्षसां प्रभो
hanūmāndhṛṣṭakarmātra rākṣasairyodhituṃ kṣamaḥ | karotu mukhapucchābhyāṃ tāḍanaṃ rakṣasāṃ prabho
Hanūmān, of bold deeds, is able here to fight with the rākṣasas; let him, O lord, deal a beating to the rākṣasas with his mouth and tail.
AI translation rendered from the Sanskrit, not a published edition
PdP 5 33.25
वानरा अपि ये वीरा रणकर्मविशारदाः । गच्छंतु तेऽखिला योद्धुं तववाक्यप्रणोदिताः
vānarā api ye vīrā raṇakarmaviśāradāḥ | gacchaṃtu te'khilā yoddhuṃ tavavākyapraṇoditāḥ
And those monkeys who are heroes, skilled in the work of battle — let them all go to fight, urged on by your word.
AI translation rendered from the Sanskrit, not a published edition
PdP 5 33.26
सुमदश्च सुबाहुश्च प्रतापाग्र्यश्च सत्तमाः । गच्छंतु सायकैस्तीक्ष्णैस्तान्योद्धुं राक्षसाधमान्
sumadaśca subāhuśca pratāpāgryaśca sattamāḥ | gacchaṃtu sāyakaistīkṣṇaistānyoddhuṃ rākṣasādhamān
And Sumada and Subāhu and Pratāpāgrya, those excellent ones — let them go to fight those vilest of demons with sharp arrows.
AI translation rendered from the Sanskrit, not a published edition
PdP 5 33.27
भवानपि महाशस्त्रपरिवारो रथे स्थितः । करोतु युद्धे विजयं राक्षसं हंतुमुद्यतः
bhavānapi mahāśastraparivāro rathe sthitaḥ | karotu yuddhe vijayaṃ rākṣasaṃ haṃtumudyataḥ
You too, surrounded by great weapons, standing in your chariot, ready to slay the demon — win the victory in the battle.
AI translation rendered from the Sanskrit, not a published edition
PdP 5 33.28
एतन्मम मतं राजन्ये योधास्तत्प्रमर्दनाः । ते गच्छंतु रणे शूराः किमन्यैर्बहुभिर्भटैः
etanmama mataṃ rājanye yodhāstatpramardanāḥ | te gacchaṃtu raṇe śūrāḥ kimanyairbahubhirbhaṭaiḥ
This is my opinion, O king: those fighters who are their crushers, those valiant ones, let them go into the battle; what need of many other soldiers?
AI translation rendered from the Sanskrit, not a published edition
PdP 5 33.29
इत्युक्तवति वीराग्र्येऽमात्ये सुमतिसंज्ञिके । शत्रुघ्नः कथयामास वीरान्संग्रामकोविदान्
ityuktavati vīrāgrye'mātye sumatisaṃjñike | śatrughnaḥ kathayāmāsa vīrānsaṃgrāmakovidān
When the foremost of heroes, the minister named Sumati, had spoken thus, Śatrughna addressed the heroes skilled in war.
AI translation rendered from the Sanskrit, not a published edition
PdP 5 33.30
भो वीराः पुष्कलाद्या ये सर्वशस्त्रास्त्रकोविदाः । ते वदंतु प्रतिज्ञां वै मत्पुरो राक्षसार्दने
bho vīrāḥ puṣkalādyā ye sarvaśastrāstrakovidāḥ | te vadaṃtu pratijñāṃ vai matpuro rākṣasārdane
"Ho, heroes, Puṣkala and the rest, who are skilled in all weapons and missiles — let them declare their vow before me concerning the destruction of the demons.
AI translation rendered from the Sanskrit, not a published edition
PdP 5 33.31
कृत्वा प्रतिज्ञां विपुलां स्वपराक्रमशोभिनीम् । गच्छंतु रणमध्ये हि भवंतो बलसंयुताः
kṛtvā pratijñāṃ vipulāṃ svaparākramaśobhinīm | gacchaṃtu raṇamadhye hi bhavaṃto balasaṃyutāḥ
Having made a great vow adorned with your own valour, let you gentlemen go, accompanied by an army, into the midst of the battle."
AI translation rendered from the Sanskrit, not a published edition
PdP 5 33.32
इति वाक्यं समाकर्ण्य शत्रुघ्नस्य महाबलाः । स्वां स्वां प्रतिज्ञां महतीं चक्रुस्ते तेजसान्विताः
iti vākyaṃ samākarṇya śatrughnasya mahābalāḥ | svāṃ svāṃ pratijñāṃ mahatīṃ cakruste tejasānvitāḥ
Hearing this speech of Śatrughna, those mighty ones, endowed with fiery energy, each made his own great vow.
AI translation rendered from the Sanskrit, not a published edition
PdP 5 33.33
तत्रादौ पुष्कलो वीरः श्रुत्वा वाक्यं महीपतेः । परमोत्साहसंपन्नः प्रतिज्ञामूचिवानिमाम्
tatrādau puṣkalo vīraḥ śrutvā vākyaṃ mahīpateḥ | paramotsāhasaṃpannaḥ pratijñāmūcivānimām
There first the hero Puṣkala, having heard the king's words, filled with the highest zeal, spoke this vow:
AI translation rendered from the Sanskrit, not a published edition
PdP 5 33.34
पुष्कल उवाच। शृणुष्व नृपशार्दूल मत्प्रतिज्ञां पराक्रमात् । विहितां सर्वलोकानां शृण्वतां परमाद्भुताम्
puṣkala uvāca| śṛṇuṣva nṛpaśārdūla matpratijñāṃ parākramāt | vihitāṃ sarvalokānāṃ śṛṇvatāṃ paramādbhutām
Puṣkala said: Hear, O tiger among kings, my vow made out of valour, most wondrous, while all the worlds listen:
AI translation rendered from the Sanskrit, not a published edition
PdP 5 33.35
चेन्न कुर्यां क्षुरप्राग्रैस्तीक्ष्णैः कोदंडनिर्गतैः । दैत्यं मूर्च्छासमाक्रांतं कीर्णकेशाकुलाननम्
cenna kuryāṃ kṣuraprāgraistīkṣṇaiḥ kodaṃḍanirgataiḥ | daityaṃ mūrcchāsamākrāṃtaṃ kīrṇakeśākulānanam
If I do not, with sharp razor-tipped arrows shot from my bow, make the demon overcome by a swoon, his face disordered with scattered hair —
AI translation rendered from the Sanskrit, not a published edition
PdP 5 33.36
कन्या स्वभोक्तुर्यत्पापं यत्पापं देवनिंदने । तत्पापं मम वै भूयाच्चेत्कुर्यां स्ववचोऽनृतम्
kanyā svabhokturyatpāpaṃ yatpāpaṃ devaniṃdane | tatpāpaṃ mama vai bhūyāccetkuryāṃ svavaco'nṛtam
the sin that belongs to one who enjoys (his own) daughter, the sin that lies in reviling the gods — let that sin be mine, if I make my own word false.
AI translation rendered from the Sanskrit, not a published edition
PdP 5 33.37
यदिमद्बाणनिर्भिन्नाः सैनिकाः सुमहाबलाः । न पतंति महाराज प्रतिज्ञां तत्र मे शृणु
yadimadbāṇanirbhinnāḥ sainikāḥ sumahābalāḥ | na pataṃti mahārāja pratijñāṃ tatra me śṛṇu
If the soldiers of very great strength, pierced by my arrows, do not fall, O great king, hear my vow in that case:
AI translation rendered from the Sanskrit, not a published edition
PdP 5 33.38
विष्ण्वीशयोर्विभेदं यः शिवशक्त्योः करोत्यपि । तत्पापं मम वै भूयाच्चेन्न कुर्यामृतं वचः
viṣṇvīśayorvibhedaṃ yaḥ śivaśaktyoḥ karotyapi | tatpāpaṃ mama vai bhūyāccenna kuryāmṛtaṃ vacaḥ
He who makes a division between Viṣṇu and Śiva, or between Śiva and Śakti — let that sin be mine, if I do not make my word true.
AI translation rendered from the Sanskrit, not a published edition
PdP 5 33.39
सर्वं मद्वाक्यमित्युक्तं रघुनाथपदांबुजे । भक्तिर्मे निश्चला यास्ति सैव सत्यं करिष्यति
sarvaṃ madvākyamityuktaṃ raghunāthapadāṃbuje | bhaktirme niścalā yāsti saiva satyaṃ kariṣyati
All my speech has thus been spoken (with my mind) at the lotus feet of the Lord of the Raghus; the unwavering devotion that is mine — that very thing will make it true.
AI translation rendered from the Sanskrit, not a published edition
PdP 5 33.40
पुष्कलस्य प्रतिज्ञां तां श्रुत्वा लक्ष्मीनिधिर्नृपः । प्रतिज्ञां व्यदधात्सत्यां स्वपराक्रमशोभिताम्
puṣkalasya pratijñāṃ tāṃ śrutvā lakṣmīnidhirnṛpaḥ | pratijñāṃ vyadadhātsatyāṃ svaparākramaśobhitām
Hearing that vow of Puṣkala, King Lakṣmīnidhi made a true vow, adorned with his own valour.
AI translation rendered from the Sanskrit, not a published edition
PdP 5 33.41
लक्ष्मीनिधिरुवाच। वेदानां निंदनं श्रुत्वा आस्ते यो मौनिवन्नरः । मानसे रोचयेद्यस्तु सर्वधर्मबहिष्कृतः
lakṣmīnidhiruvāca| vedānāṃ niṃdanaṃ śrutvā āste yo maunivannaraḥ | mānase rocayedyastu sarvadharmabahiṣkṛtaḥ
Lakṣmīnidhi said: The man who, hearing the Vedas reviled, sits like one under a vow of silence, and he who takes pleasure in it in his mind, is excluded from all dharma;
AI translation rendered from the Sanskrit, not a published edition
PdP 5 33.42
ब्राह्मणो यो दुराचारो रसलाक्षादिविक्रयी । विक्रीणाति च गां मूढो धनलोभेन मोहितः
brāhmaṇo yo durācāro rasalākṣādivikrayī | vikrīṇāti ca gāṃ mūḍho dhanalobhena mohitaḥ
the brahmin of evil conduct who sells liquids, lac and the like, and the fool who, deluded by greed for wealth, sells a cow;
AI translation rendered from the Sanskrit, not a published edition
PdP 5 33.43
म्लेच्छकूपोदकं पीत्वा प्रायश्चित्तं तु नाचरेत् । तत्पापं मम वै भूयाद्विमुखश्चेद्भवाम्यहम्
mlecchakūpodakaṃ pītvā prāyaścittaṃ tu nācaret | tatpāpaṃ mama vai bhūyādvimukhaścedbhavāmyaham
(and he who), having drunk water from a barbarian's well, does not perform expiation — let that sin be mine, if I turn my back (in battle).
AI translation rendered from the Sanskrit, not a published edition
PdP 5 33.44
तत्प्रतिज्ञामथाश्रुत्य हनूमान्रणकोविदः । रामांघ्रिस्मरणं कृत्वा प्रोवाच वचनं शुभम्
tatpratijñāmathāśrutya hanūmānraṇakovidaḥ | rāmāṃghrismaraṇaṃ kṛtvā provāca vacanaṃ śubham
Then, having heard that vow, Hanumān, skilled in war, having called Rāma's feet to mind, spoke auspicious words.
AI translation rendered from the Sanskrit, not a published edition
PdP 5 33.45
मत्स्वामीहृदये नित्यं ध्येयो वै योगिभिर्मुहुः । यं देवाः सासुराः सर्वे नमंति मणिमौलिभिः
matsvāmīhṛdaye nityaṃ dhyeyo vai yogibhirmuhuḥ | yaṃ devāḥ sāsurāḥ sarve namaṃti maṇimaulibhiḥ
My master, who is ever to be meditated on again and again in the heart by yogins, whom all the gods together with the asuras salute with their jewelled crowns—
AI translation rendered from the Sanskrit, not a published edition
PdP 5 33.46
रामः श्रीमानयोध्यायाः पतिर्लोकेशपूजितः । तं स्मृत्वा यद्ब्रुवे वाक्यं तद्वै सत्यं भवष्यिति
rāmaḥ śrīmānayodhyāyāḥ patirlokeśapūjitaḥ | taṃ smṛtvā yadbruve vākyaṃ tadvai satyaṃ bhavaṣyiti
Rāma, the glorious lord of Ayodhyā, worshipped by the lords of the worlds—remembering him, whatever word I speak, that indeed shall come true.
AI translation rendered from the Sanskrit, not a published edition
PdP 5 33.47
राजन्कोयं लघुर्दैत्यो दुर्बलः कामगे स्थितः । कथयाशु मया कार्यमेकेन विनिपातनम्
rājankoyaṃ laghurdaityo durbalaḥ kāmage sthitaḥ | kathayāśu mayā kāryamekena vinipātanam
O king, who is this puny demon, feeble, stationed in a vehicle that goes at will? Tell me at once the task—his overthrow by me alone.
AI translation rendered from the Sanskrit, not a published edition
PdP 5 33.48
मेरुं देवेंद्रसहितं लांगूलाग्रेण तोलये । जलधिं शोषये सर्वं सांवर्तं वा पिबाम्यहम्
meruṃ deveṃdrasahitaṃ lāṃgūlāgreṇa tolaye | jaladhiṃ śoṣaye sarvaṃ sāṃvartaṃ vā pibāmyaham
I can lift up Meru together with Indra of the gods by the tip of my tail; I can dry up the whole ocean, or drink up the waters of the dissolution.
AI translation rendered from the Sanskrit, not a published edition
PdP 5 33.49
राज्ञः श्रीरघुनाथस्य जानक्याः कृपया मम । तन्नास्ति भूतले राजन्यदसाध्यं कदा भवेत्
rājñaḥ śrīraghunāthasya jānakyāḥ kṛpayā mama | tannāsti bhūtale rājanyadasādhyaṃ kadā bhavet
By the grace of King Śrī Raghunātha and of Jānakī toward me, there is nothing on earth, O king, that could ever be unachievable.
AI translation rendered from the Sanskrit, not a published edition
PdP 5 33.50
एतद्वाक्यं मया प्रोक्तमनृतं स्याद्यदि प्रभो । तदैव रघुनाथस्य भक्तिदूरो भवाम्यहम्
etadvākyaṃ mayā proktamanṛtaṃ syādyadi prabho | tadaiva raghunāthasya bhaktidūro bhavāmyaham
If this word spoken by me should be untrue, O lord, then at that very moment let me become far removed from devotion to Raghunātha.
AI translation rendered from the Sanskrit, not a published edition
PdP 5 33.51
यः शूद्रः कपिलां गां वै पयोबुद्ध्यानुपालयेत् । तस्य पापं ममैवास्तु चेत्कुर्यामनृतं वचः
yaḥ śūdraḥ kapilāṃ gāṃ vai payobuddhyānupālayet | tasya pāpaṃ mamaivāstu cetkuryāmanṛtaṃ vacaḥ
Whatever sin belongs to a śūdra who keeps a tawny cow for the sake of her milk—let that sin be mine, if I should make my word false.
AI translation rendered from the Sanskrit, not a published edition
PdP 5 33.52
ब्राह्मणीं गच्छते मोहाच्छूद्रः कामविमोहितः । तस्य पापं ममैवास्तु चेत्कुर्यामनृतं वचः
brāhmaṇīṃ gacchate mohācchūdraḥ kāmavimohitaḥ | tasya pāpaṃ mamaivāstu cetkuryāmanṛtaṃ vacaḥ
A śūdra, deluded by lust, who out of confusion goes to a brāhmaṇa woman—let his sin be mine, if I should make my word false.
AI translation rendered from the Sanskrit, not a published edition
PdP 5 33.53
यद्घ्राणान्नरकं गच्छेत्स्पर्शनाच्चापि रौरवम् । तां पिबेन्मदिरां यो वा जिह्वास्वादेन लोलुपः
yadghrāṇānnarakaṃ gacchetsparśanāccāpi rauravam | tāṃ pibenmadirāṃ yo vā jihvāsvādena lolupaḥ
That liquor by smelling which one goes to hell, and by touching which one goes to Raurava—whoever, greedy for the taste of the tongue, drinks it,
AI translation rendered from the Sanskrit, not a published edition
PdP 5 33.54
तस्य यज्जायते पापं तन्ममैवास्तु निश्चितम् । चेन्न कुर्यां प्रतिज्ञातं सत्यं रामकृपाबलात्
tasya yajjāyate pāpaṃ tanmamaivāstu niścitam | cenna kuryāṃ pratijñātaṃ satyaṃ rāmakṛpābalāt
whatever sin arises for him, let that assuredly be mine, if by the strength of Rāma's grace I do not make what I have promised true.
AI translation rendered from the Sanskrit, not a published edition
PdP 5 33.55
एवमुक्ते महावीरैर्योद्धारस्तरसा युताः । चक्रुः प्रतिज्ञां महतीं स्वपराक्रमशालिनीम्
evamukte mahāvīrairyoddhārastarasā yutāḥ | cakruḥ pratijñāṃ mahatīṃ svaparākramaśālinīm
When this had been said by the great heroes, the warriors, joined together in haste, each made a mighty vow displaying his own prowess.
AI translation rendered from the Sanskrit, not a published edition
PdP 5 33.56
शत्रुघ्नोऽपि व्यधात्तत्र प्रतिज्ञां पश्यतां नृणाम् । साधुसाधु प्रशंसन्वै तान्वीरान्युद्धकोविदान्
śatrughno'pi vyadhāttatra pratijñāṃ paśyatāṃ nṛṇām | sādhusādhu praśaṃsanvai tānvīrānyuddhakovidān
Śatrughna too made a vow there while the men looked on, praising those heroes skilled in battle with "Well done, well done!"
AI translation rendered from the Sanskrit, not a published edition
PdP 5 33.57
कथयामि पुरो वः स्वां प्रतिज्ञां सत्त्वशोभिताम् । तच्छृण्वंतु महाभागा युद्धोत्साहसमन्विताः
kathayāmi puro vaḥ svāṃ pratijñāṃ sattvaśobhitām | tacchṛṇvaṃtu mahābhāgā yuddhotsāhasamanvitāḥ
"I declare before you my own vow, adorned with courage; let the greatly fortunate ones, filled with zeal for battle, hear it.
AI translation rendered from the Sanskrit, not a published edition
PdP 5 33.58
चेत्तस्य शिर आहत्य पातयामि न सायकैः । विमानाच्च कबंधाच्च भिन्नं छिन्नं च भूतले
cettasya śira āhatya pātayāmi na sāyakaiḥ | vimānācca kabaṃdhācca bhinnaṃ chinnaṃ ca bhūtale
If I do not strike his head and bring it down with arrows, split from the chariot and severed from the trunk, onto the ground—
AI translation rendered from the Sanskrit, not a published edition
PdP 5 33.59
यत्पापं कूटसाक्ष्येण यत्पापं स्वर्णचौर्यतः । यत्पापं ब्रह्मनिंदायां तन्ममास्त्वद्य निश्चयात्
yatpāpaṃ kūṭasākṣyeṇa yatpāpaṃ svarṇacauryataḥ | yatpāpaṃ brahmaniṃdāyāṃ tanmamāstvadya niścayāt
the sin that comes from false witness, the sin that comes from stealing gold, the sin in reviling a brahmin—let that be mine this day, for certain."
AI translation rendered from the Sanskrit, not a published edition
PdP 5 33.60
इति शत्रुघ्नसद्वाक्यं श्रुत्वा ते वीरपूजिताः । धन्योसि राघवभ्रातः कस्त्वदन्यो परो भवेत्
iti śatrughnasadvākyaṃ śrutvā te vīrapūjitāḥ | dhanyosi rāghavabhrātaḥ kastvadanyo paro bhavet
Having heard this good speech of Śatrughna, those honoured by heroes (said): "You are blessed, O brother of Rāghava; who other than you could be superior?
AI translation rendered from the Sanskrit, not a published edition
PdP 5 33.61
त्वया वै निहतो दैत्यो देवदानवदुःखदः । लवणो नाम लोकेश मधुपुत्रो महाबलः
tvayā vai nihato daityo devadānavaduḥkhadaḥ | lavaṇo nāma lokeśa madhuputro mahābalaḥ
By you indeed was slain the demon who gave grief to gods and dānavas, named Lavaṇa, O lord of the world, the mighty son of Madhu.
AI translation rendered from the Sanskrit, not a published edition
PdP 5 33.62
कोयं वै राक्षसो दुष्टः क्व चास्य बलमल्पकम् । करिष्यसि क्षणादेव तस्य नाशं महामते
koyaṃ vai rākṣaso duṣṭaḥ kva cāsya balamalpakam | kariṣyasi kṣaṇādeva tasya nāśaṃ mahāmate
Who is this wicked rākṣasa, and where is his slight strength? You will bring about his destruction in a mere moment, O great-minded one."
AI translation rendered from the Sanskrit, not a published edition
PdP 5 33.63
इत्युक्त्वा ते महावीराः सज्जीभूता रणांगणे । प्रतिज्ञां स्वामृतां कर्तुं ययुस्ते राक्षसं मुदा
ityuktvā te mahāvīrāḥ sajjībhūtā raṇāṃgaṇe | pratijñāṃ svāmṛtāṃ kartuṃ yayuste rākṣasaṃ mudā
Having said this, those great heroes, made ready on the field of battle, went joyfully against the rākṣasa to make their vow true.
AI translation rendered from the Sanskrit, not a published edition