Padma Purana — Patala Khanda — Chapter 32

PdP 5 32.1

सुमतिरुवाच। असावपि नृपः सौम्य सत्यवान्नाम विश्रुतः । निजधर्मेण लोकेशं रघुनाथमतोषयत्

sumatiruvāca| asāvapi nṛpaḥ saumya satyavānnāma viśrutaḥ | nijadharmeṇa lokeśaṃ raghunāthamatoṣayat

Sumati said: This king too, gentle one, renowned by the name Satyavat, pleased the lord of the world, Raghunātha, by his own dharma.

AI translation rendered from the Sanskrit, not a published edition

PdP 5 32.2

अस्मै तुष्टो रमानाथो ददौ भक्तिमचंचलाम् । निजांघ्रिपद्मे यजतां दुर्लभां पुण्यकोटिभिः

asmai tuṣṭo ramānātho dadau bhaktimacaṃcalām | nijāṃghripadme yajatāṃ durlabhāṃ puṇyakoṭibhiḥ

Pleased with him, the lord of Ramā gave him unwavering devotion to his own lotus-feet, hard to obtain by crores of meritorious deeds for those who sacrifice.

AI translation rendered from the Sanskrit, not a published edition

PdP 5 32.3

नित्यं श्रीरघुनाथस्य कथानकमनातुरः । कुरुते सर्वलोकानां पावनं कृपयायुतः

nityaṃ śrīraghunāthasya kathānakamanāturaḥ | kurute sarvalokānāṃ pāvanaṃ kṛpayāyutaḥ

Untiring, and filled with compassion, he daily makes the recitation of the story of śrī Raghunātha, purifying for all people.

AI translation rendered from the Sanskrit, not a published edition

PdP 5 32.4

यो न पूजयते देवं रघुनाथं रमापतिम् । स तेन ताड्यते दंडैर्यमस्यापि भयावहैः

yo na pūjayate devaṃ raghunāthaṃ ramāpatim | sa tena tāḍyate daṃḍairyamasyāpi bhayāvahaiḥ

Whoever does not worship the god Raghunātha, the husband of Ramā, is beaten by him with rods fearsome even to Yama.

AI translation rendered from the Sanskrit, not a published edition

PdP 5 32.5

अष्टमाद्वत्सरादूर्ध्वमशीतिवत्सरो भवेत् । तावदेकादशी सर्वैर्मानुषैः कारिताऽमुना

aṣṭamādvatsarādūrdhvamaśītivatsaro bhavet | tāvadekādaśī sarvairmānuṣaiḥ kāritā'munā

From the eighth year onward until one becomes eighty years old — for that long the eleventh-day (fast) has been made to be observed by him by all people.

AI translation rendered from the Sanskrit, not a published edition

PdP 5 32.6

तुलसी वल्लभा यस्य कदाचिद्यच्छिरोधराम् । न मुंचति रमानाथ पादपद्मस्रगुत्तमा

tulasī vallabhā yasya kadācidyacchirodharām | na muṃcati ramānātha pādapadmasraguttamā

He to whom tulasī is dear, whose neck the supreme garland from the lotus-feet of Ramā's lord never at any time leaves —

AI translation rendered from the Sanskrit, not a published edition — the model flagged this verse as uncertain

PdP 5 32.7

ऋषीणामपि पूज्योयमितरेषां कथं नहि । रघुनाथस्मृतिप्रीतिर्धूतपाप्मा हताशुभः

ṛṣīṇāmapi pūjyoyamitareṣāṃ kathaṃ nahi | raghunāthasmṛtiprītirdhūtapāpmā hatāśubhaḥ

He is worthy of worship even by the sages — how then not by others? — he whose delight is the remembrance of Raghunātha, whose evil is shaken off, whose ill fortune is destroyed.

AI translation rendered from the Sanskrit, not a published edition

PdP 5 32.8

ज्ञात्वायं रामचंद्रस्य वाजिनं परमाद्भुतम् । आगत्य तुभ्यं संदास्यत्येतद्राज्यमकंटकम्

jñātvāyaṃ rāmacaṃdrasya vājinaṃ paramādbhutam | āgatya tubhyaṃ saṃdāsyatyetadrājyamakaṃṭakam

Recognising this supremely marvellous horse of Rāmacandra, he will come and hand over to you this kingdom free of thorns.

AI translation rendered from the Sanskrit, not a published edition

PdP 5 32.9

त्वया यद्गदितं राजंस्तत्ते कथितमुत्तमम् । पुनः किं पृच्छसे स्वामिन्नाज्ञापय करोमि तत्

tvayā yadgaditaṃ rājaṃstatte kathitamuttamam | punaḥ kiṃ pṛcchase svāminnājñāpaya karomi tat

"What you have said, O king, that excellent thing has been told to you; why do you ask again, master? Command, and I shall do it."

AI translation rendered from the Sanskrit, not a published edition

PdP 5 32.10

शेष उवाच। गतोऽश्वस्तत्पुरांतस्तु नानाश्चर्यसमन्वितः । तं दृष्ट्वा जनताः सर्वा राज्ञे गत्वा न्यवेदयन्

śeṣa uvāca| gato'śvastatpurāṃtastu nānāścaryasamanvitaḥ | taṃ dṛṣṭvā janatāḥ sarvā rājñe gatvā nyavedayan

Śeṣa said: The horse, attended by many marvels, went into the interior of that city; seeing it, all the people went and reported to the king.

AI translation rendered from the Sanskrit, not a published edition

PdP 5 32.11

जनता ऊचुः। कोऽप्यश्वः सितवर्णेन गंगाजलसमेन वै । भाले सौवर्णपत्रेण राजमानः समागतः

janatā ūcuḥ| ko'pyaśvaḥ sitavarṇena gaṃgājalasamena vai | bhāle sauvarṇapatreṇa rājamānaḥ samāgataḥ

The people said: Some horse, white in colour, like the water of the Gaṅgā, has arrived, shining with a golden plate on its forehead.

AI translation rendered from the Sanskrit, not a published edition

PdP 5 32.12

तच्छ्रुत्वा वचनं रम्यं जनानां हृद्यमीरितम् । ताः प्रत्याह हसन्भूपो ज्ञायतां कस्य वै हयः

tacchrutvā vacanaṃ ramyaṃ janānāṃ hṛdyamīritam | tāḥ pratyāha hasanbhūpo jñāyatāṃ kasya vai hayaḥ

Hearing that lovely speech of the people, charmingly spoken, the king laughed and replied to them: Let it be found out whose horse it is.

AI translation rendered from the Sanskrit, not a published edition

PdP 5 32.13

ताश्चैनं कथयामासुः शत्रुघ्नेन प्रपालितः । आयात्यश्वो महीभर्तू रामस्य पुरमध्यतः

tāścainaṃ kathayāmāsuḥ śatrughnena prapālitaḥ | āyātyaśvo mahībhartū rāmasya puramadhyataḥ

And they told him: Guarded by Śatrughna, the horse of Rāma, the lord of the earth, is coming from within his city.

AI translation rendered from the Sanskrit, not a published edition

PdP 5 32.14

रामस्य नाम स श्रुत्वा द्व्यक्षरं सुमनोरमम् । जहर्ष चित्ते सुभृशं गद्गदस्वरचिन्हितः

rāmasya nāma sa śrutvā dvyakṣaraṃ sumanoramam | jaharṣa citte subhṛśaṃ gadgadasvaracinhitaḥ

Hearing Rāma's name of two syllables, most delightful to the mind, he rejoiced exceedingly in his heart, marked by a voice choked (with emotion).

AI translation rendered from the Sanskrit, not a published edition

PdP 5 32.15

मयायोध्यापतिर्नित्यं यो रामश्चिन्त्यते हृदि । तस्याश्वः सहशत्रुघ्नः समायातः पुरं मम

mayāyodhyāpatirnityaṃ yo rāmaścintyate hṛdi | tasyāśvaḥ sahaśatrughnaḥ samāyātaḥ puraṃ mama

The horse of that Rāma, lord of Ayodhyā, whom I constantly meditate upon in my heart, has come to my city together with Śatrughna.

AI translation rendered from the Sanskrit, not a published edition

PdP 5 32.16

हनूमांस्तत्र रामांघ्रिसेवाकर्ता भविष्यति । कदाचिदपि यो रामं न विस्मरति मानसे

hanūmāṃstatra rāmāṃghrisevākartā bhaviṣyati | kadācidapi yo rāmaṃ na vismarati mānase

Hanumān too will be there, the doer of service to Rāma's feet, he who never at any time forgets Rāma in his mind.

AI translation rendered from the Sanskrit, not a published edition

PdP 5 32.17

गच्छामि यत्र शत्रुघ्नो यत्र मारुतनंदनः । अन्येऽपि यत्र पुरुषा रामपादाब्जसेवकाः

gacchāmi yatra śatrughno yatra mārutanaṃdanaḥ | anye'pi yatra puruṣā rāmapādābjasevakāḥ

I go where Śatrughna is, where the son of the Wind is, and where the other men are who serve the lotus feet of Rāma.

AI translation rendered from the Sanskrit, not a published edition

PdP 5 32.18

अमात्यमादिदेशाथ सर्वं राजधनं महत् । गृहीत्वा तु मया सार्द्धमागच्छ त्वरया युतः

amātyamādideśātha sarvaṃ rājadhanaṃ mahat | gṛhītvā tu mayā sārddhamāgaccha tvarayā yutaḥ

Then he instructed his minister: Taking all the great royal treasure, come along with me, in haste.

AI translation rendered from the Sanskrit, not a published edition

PdP 5 32.19

यास्येऽहं रघुनाथस्य हयं पालयितुं वरम् । कर्तुं च रामपादाब्जपरिचर्यां सुदुर्लभाम्

yāsye'haṃ raghunāthasya hayaṃ pālayituṃ varam | kartuṃ ca rāmapādābjaparicaryāṃ sudurlabhām

I shall go to guard the excellent horse of the lord of the Raghus, and to perform the service of Rāma's lotus feet, which is very hard to obtain.

AI translation rendered from the Sanskrit, not a published edition

PdP 5 32.20

इत्युक्त्वा निर्जगामाथ शत्रुघ्नं प्रति सैनिकैः । तावत्पुरीमथ प्राप्तो रामभ्राता ससैनिकः

ityuktvā nirjagāmātha śatrughnaṃ prati sainikaiḥ | tāvatpurīmatha prāpto rāmabhrātā sasainikaḥ

Having said this, he then set out with his soldiers towards Śatrughna; and by that time Rāma's brother, with his troops, had reached the city.

AI translation rendered from the Sanskrit, not a published edition

PdP 5 32.21

वीरा गर्जंति प्रबला रथाः सुनिनदंति च । जयशंखस्वनास्तत्र वेणुनादाश्च सर्वतः

vīrā garjaṃti prabalā rathāḥ suninadaṃti ca | jayaśaṃkhasvanāstatra veṇunādāśca sarvataḥ

The mighty heroes roar, and the chariots rumble loudly; there, on all sides, were the sounds of victory-conches and the notes of flutes.

AI translation rendered from the Sanskrit, not a published edition

PdP 5 32.22

आगत्य सत्यवान्राजा मंत्रिभिः सुसमन्वितः । चरणे प्रणिपत्यास्मै राज्यं प्रादान्महाधनम्

āgatya satyavānrājā maṃtribhiḥ susamanvitaḥ | caraṇe praṇipatyāsmai rājyaṃ prādānmahādhanam

King Satyavān, well attended by his ministers, having come and fallen at his feet, gave him the kingdom with its great wealth.

AI translation rendered from the Sanskrit, not a published edition

PdP 5 32.23

शत्रुघ्नस्तं तु राजानं ज्ञात्वा राममनुव्रतम् । तद्राज्यं तस्य पुत्राय रुक्मनाम्ने ददौ महत्

śatrughnastaṃ tu rājānaṃ jñātvā rāmamanuvratam | tadrājyaṃ tasya putrāya rukmanāmne dadau mahat

But Śatrughna, knowing that king to be devoted to Rāma, gave that great kingdom to his son, named Rukma.

AI translation rendered from the Sanskrit, not a published edition

PdP 5 32.24

हनूमंतं परीरभ्य सुबाहुं रामसेवकम् । अन्यान्वै रामभक्तांश्च परिरभ्य महायशाः

hanūmaṃtaṃ parīrabhya subāhuṃ rāmasevakam | anyānvai rāmabhaktāṃśca parirabhya mahāyaśāḥ

Embracing Hanumān, and Subāhu the servant of Rāma, and embracing also the other devotees of Rāma, he of great fame—

AI translation rendered from the Sanskrit, not a published edition

PdP 5 32.25

कृतार्थमिव चात्मानं मेने सत्यसमन्वितः । ननंद चेतसि तदा शत्रुघ्नेन समन्वितः

kṛtārthamiva cātmānaṃ mene satyasamanvitaḥ | nanaṃda cetasi tadā śatrughnena samanvitaḥ

—he who was possessed of truth deemed himself as though his purpose were fulfilled; then, in the company of Śatrughna, he rejoiced in his heart.

AI translation rendered from the Sanskrit, not a published edition

PdP 5 32.26

हयस्तावद्गतो दूरं वीरैः सुपरिरक्षितः । शत्रुघ्नस्तेन भूपेन ययौ वीरसमन्वितः

hayastāvadgato dūraṃ vīraiḥ suparirakṣitaḥ | śatrughnastena bhūpena yayau vīrasamanvitaḥ

Meanwhile the horse had gone far off, well guarded by the heroes; Śatrughna, together with that king, went on accompanied by the heroes.

AI translation rendered from the Sanskrit, not a published edition