Padma Purana — Patala Khanda — Chapter 30
PdP 5 30.1
शेष उवाच। अथ तेजःपुरं प्राप्तस्तुरगः पत्रशोभितः । यस्यां पालयते राजा प्रजाः सत्येन सत्यवान्
śeṣa uvāca| atha tejaḥpuraṃ prāptasturagaḥ patraśobhitaḥ | yasyāṃ pālayate rājā prajāḥ satyena satyavān
Śeṣa said: Then the horse, adorned with the plate, reached Tejaḥpura, in which a truthful king protects his subjects with truth.
AI translation rendered from the Sanskrit, not a published edition
PdP 5 30.2
अथ कोटिपरीवारो रघुनाथानुजस्ततः । हयानुगो ययौ तस्य पुरतः पुरधर्षणः
atha koṭiparīvāro raghunāthānujastataḥ | hayānugo yayau tasya purataḥ puradharṣaṇaḥ
Then the younger brother of the lord of the Raghus, with a retinue of ten million, following the horse, went on ahead of it, he the assailer of cities.
AI translation rendered from the Sanskrit, not a published edition
PdP 5 30.3
तद्दृष्ट्वा नगरं रम्यं चित्रप्राकारशोभितम् । कांचनैः कलशैस्तत्र परितः प्रतिभासितम्
taddṛṣṭvā nagaraṃ ramyaṃ citraprākāraśobhitam | kāṃcanaiḥ kalaśaistatra paritaḥ pratibhāsitam
Seeing that lovely city, adorned with variegated ramparts, gleaming all around there with golden pinnacles,
AI translation rendered from the Sanskrit, not a published edition
PdP 5 30.4
देवायतनसाहस्रैः सर्वतश्च विराजितम् । यतीनां तु मठास्तत्र शोभंते यतिपूरिताः
devāyatanasāhasraiḥ sarvataśca virājitam | yatīnāṃ tu maṭhāstatra śobhaṃte yatipūritāḥ
and resplendent on all sides with thousands of temples of the gods — and there the monasteries of ascetics shine, filled with ascetics.
AI translation rendered from the Sanskrit, not a published edition
PdP 5 30.5
वहत्यत्र महादेवी शिखिलोचनमूर्धगा । हंसकारंडवाकीर्णामुनिवृंदनिषेविता
vahatyatra mahādevī śikhilocanamūrdhagā | haṃsakāraṃḍavākīrṇāmunivṛṃdaniṣevitā
Here flows the great goddess (river), who has passed over the head of the flame-eyed one (Śiva), strewn with geese and kāraṇḍava ducks, frequented by throngs of sages.
AI translation rendered from the Sanskrit, not a published edition — the model flagged this verse as uncertain
PdP 5 30.6
ब्राह्मणानां प्रत्यगारमग्निहोत्रभवः पुनः । धूमस्तत्र पुनात्यंग पातकाप्लुतमानसान्
brāhmaṇānāṃ pratyagāramagnihotrabhavaḥ punaḥ | dhūmastatra punātyaṃga pātakāplutamānasān
And again, in front of the houses of the brahmins arises the smoke of the agnihotra; that smoke there purifies, dear one, those whose minds are steeped in sin.
AI translation rendered from the Sanskrit, not a published edition
PdP 5 30.7
उवाच सुमतिं राजा शत्रुघ्नः शत्रुतापनः । तत्पुरप्रेक्षणोद्भूतहर्षविस्मितमानसः
uvāca sumatiṃ rājā śatrughnaḥ śatrutāpanaḥ | tatpuraprekṣaṇodbhūtaharṣavismitamānasaḥ
King Śatrughna, scorcher of foes, his mind filled with joy and wonder arisen from beholding that city, spoke to Sumati.
AI translation rendered from the Sanskrit, not a published edition
PdP 5 30.8
शत्रुघ्न उवाच। मंत्रिन्कथय कस्येदं पुरं मे दृष्टिगोचरम् । करोति मानसाह्लादं धर्मेण प्रतिपालितम्
śatrughna uvāca| maṃtrinkathaya kasyedaṃ puraṃ me dṛṣṭigocaram | karoti mānasāhlādaṃ dharmeṇa pratipālitam
Śatrughna said: Minister, tell (me) — whose is this city that has come within my sight? Guarded by dharma, it gladdens the mind.
AI translation rendered from the Sanskrit, not a published edition
PdP 5 30.9
शेष उवाच। इति वाक्यं समाकर्ण्य शत्रुघ्नस्य महीपतेः । उवाच सुमतिः सर्वं यथातथमनुद्धतम्
śeṣa uvāca| iti vākyaṃ samākarṇya śatrughnasya mahīpateḥ | uvāca sumatiḥ sarvaṃ yathātathamanuddhatam
Śeṣa said: Hearing this speech of Śatrughna, the lord of the earth, Sumati told it all just as it was, without arrogance.
AI translation rendered from the Sanskrit, not a published edition
PdP 5 30.10
सुमतिरुवाच। शृणुष्वावहितः स्वामिन्वैष्णवस्य कथाः शुभाः । याः श्रुत्वा मुच्यते पापाद्ब्रह्महत्यासमादपि
sumatiruvāca| śṛṇuṣvāvahitaḥ svāminvaiṣṇavasya kathāḥ śubhāḥ | yāḥ śrutvā mucyate pāpādbrahmahatyāsamādapi
Sumati said: Listen attentively, master, to the auspicious tales of the Vaiṣṇava, which, having heard, one is freed from sin, even from (sin) equal to the killing of a brahmin.
AI translation rendered from the Sanskrit, not a published edition
PdP 5 30.11
जीवन्मुक्तो वरीवर्ति रामांघ्र्यंबुजषट्पदः । सत्यवान्यज्ञयज्ञांग ज्ञाता कर्ताऽविता महान्
jīvanmukto varīvarti rāmāṃghryaṃbujaṣaṭpadaḥ | satyavānyajñayajñāṃga jñātā kartā'vitā mahān
Liberated while living, he dwells (here), a bee at the lotus feet of Rāma; truthful, devoted to sacrifice and the parts of sacrifice, a knower, a doer, a protector, great.
AI translation rendered from the Sanskrit, not a published edition — the model flagged this verse as uncertain
PdP 5 30.12
धेनुं प्रसाद्य बहुभिर्व्रतैर्यं प्राप तत्पिता । ऋतंभराख्यो जगति ख्यातः परमधार्मिकः
dhenuṃ prasādya bahubhirvratairyaṃ prāpa tatpitā | ṛtaṃbharākhyo jagati khyātaḥ paramadhārmikaḥ
His father, named Ṛtaṃbhara, renowned in the world as supremely righteous, obtained him by propitiating a cow with many vows.
AI translation rendered from the Sanskrit, not a published edition
PdP 5 30.13
गौः प्रसन्ना ददौ पुत्रमनेकगुणसंस्कृतम् । सत्यवंतं सुशोभाढ्यं तं जानीहि नृपोत्तमम्
gauḥ prasannā dadau putramanekaguṇasaṃskṛtam | satyavaṃtaṃ suśobhāḍhyaṃ taṃ jānīhi nṛpottamam
The cow, being pleased, gave a son adorned with many virtues, truthful and rich in beauty — know him to be that best of kings.
AI translation rendered from the Sanskrit, not a published edition
PdP 5 30.14
शत्रुघ्न उवाच। को वा ऋतंभरो राजा किमर्थं धेनुपूजनम् । कथं प्राप्तः सुतस्तस्य वैष्णवो विष्णुसेवकः
śatrughna uvāca| ko vā ṛtaṃbharo rājā kimarthaṃ dhenupūjanam | kathaṃ prāptaḥ sutastasya vaiṣṇavo viṣṇusevakaḥ
Śatrughna said: And who was King Ṛtaṃbhara? For what purpose the worship of the cow? How was that son of his obtained, the Vaiṣṇava, the servant of Viṣṇu?
AI translation rendered from the Sanskrit, not a published edition
PdP 5 30.15
सर्वमेतत्समाचक्ष्व वैष्णवस्य कथानकम् । श्रुतं हरति जंतूनां महापातकपर्वतम्
sarvametatsamācakṣva vaiṣṇavasya kathānakam | śrutaṃ harati jaṃtūnāṃ mahāpātakaparvatam
Relate all this, the story of the Vaiṣṇava, which when heard removes the mountain of great sins of living beings.
AI translation rendered from the Sanskrit, not a published edition
PdP 5 30.16
शेष उवाच। इति वाक्यं समाकर्ण्य शत्रुघ्नस्य महार्थकम् । कथयामास विशदं तदुत्पत्तिकथानकम्
śeṣa uvāca| iti vākyaṃ samākarṇya śatrughnasya mahārthakam | kathayāmāsa viśadaṃ tadutpattikathānakam
Śeṣa said: Hearing this weighty speech of Śatrughna, he clearly related the tale of his (the Vaiṣṇava's) birth.
AI translation rendered from the Sanskrit, not a published edition
PdP 5 30.17
ऋतंभरो नरपतिरनपत्यः पुराऽभवत् । कलत्राणि बहून्यस्य न पुत्रं प्राप तेषु वै
ṛtaṃbharo narapatiranapatyaḥ purā'bhavat | kalatrāṇi bahūnyasya na putraṃ prāpa teṣu vai
Formerly King Ṛtaṃbhara was without offspring; he had many wives, yet by them he obtained no son.
AI translation rendered from the Sanskrit, not a published edition
PdP 5 30.18
तदा जाबालिनामानं मुनिं दैवादुपागतम् । प्रपच्छ कुशलोद्युक्तः सपुत्रोत्पत्तिकारणम्
tadā jābālināmānaṃ muniṃ daivādupāgatam | prapaccha kuśalodyuktaḥ saputrotpattikāraṇam
Then, eagerly and courteously, he asked the sage named Jābāli, who had come by chance, the means of obtaining a son.
AI translation rendered from the Sanskrit, not a published edition
PdP 5 30.19
ऋतंभर उवाच। स्वामिन्वंध्यस्य मे ब्रूहि पुत्रोत्पत्तिकरं वचः । यत्कृत्वा जायतेऽपत्यं मम वंशधरं वरम्
ṛtaṃbhara uvāca| svāminvaṃdhyasya me brūhi putrotpattikaraṃ vacaḥ | yatkṛtvā jāyate'patyaṃ mama vaṃśadharaṃ varam
Ṛtaṃbhara said: Master, tell me, who am barren, the word that brings about the birth of a son — by doing which an excellent child, a bearer of my lineage, may be born.
AI translation rendered from the Sanskrit, not a published edition
PdP 5 30.20
तज्ज्ञात्वा भवतो भव्यं प्रकुर्यां निश्चितं वचः । दानं व्रतं वा तीर्थं वा मखं वा मुनिसत्तम
tajjñātvā bhavato bhavyaṃ prakuryāṃ niścitaṃ vacaḥ | dānaṃ vrataṃ vā tīrthaṃ vā makhaṃ vā munisattama
Knowing that, I shall certainly carry out your auspicious word — gift, vow, pilgrimage, or sacrifice, O best of sages.
AI translation rendered from the Sanskrit, not a published edition
PdP 5 30.21
इति राज्ञोवचः श्रुत्वा जगाद मुनिसत्तमः । सुतोत्पत्तिकरं वाक्यं प्रणतस्य सुतार्थिनः
iti rājñovacaḥ śrutvā jagāda munisattamaḥ | sutotpattikaraṃ vākyaṃ praṇatasya sutārthinaḥ
Hearing this speech of the king, the best of sages spoke, to the bowing man who sought a son, the words that bring about a son's birth.
AI translation rendered from the Sanskrit, not a published edition
PdP 5 30.22
अपत्यप्राप्तिकामस्य संत्युपायास्त्रयः प्रभो । विष्णोः प्रसादो गोश्चापि शिवस्याप्यथवा पुनः
apatyaprāptikāmasya saṃtyupāyāstrayaḥ prabho | viṣṇoḥ prasādo goścāpi śivasyāpyathavā punaḥ
For one who desires to obtain offspring there are three means, lord: the grace of Viṣṇu, and that of the cow, or again that of Śiva.
AI translation rendered from the Sanskrit, not a published edition
PdP 5 30.23
तस्मात्त्वं कुरु वै पूजां धेनोर्देवतनोर्नृप । यस्याः पुच्छे मुखे शृंगे पृष्ठे देवाः प्रतिष्ठिताः
tasmāttvaṃ kuru vai pūjāṃ dhenordevatanornṛpa | yasyāḥ pucche mukhe śṛṃge pṛṣṭhe devāḥ pratiṣṭhitāḥ
Therefore, O king, perform the worship of the cow, whose body is (made of) the gods — in whose tail, mouth, horns, and back the gods are established.
AI translation rendered from the Sanskrit, not a published edition
PdP 5 30.24
सा तुष्टा दास्यति क्षिप्रं वांछितं धर्मसंयुतम् । एवं विदित्वा गोपूजां विधेहि त्वमृतंभर
sā tuṣṭā dāsyati kṣipraṃ vāṃchitaṃ dharmasaṃyutam | evaṃ viditvā gopūjāṃ vidhehi tvamṛtaṃbhara
Pleased, she will swiftly give what is desired, together with dharma. Knowing this, Ṛtaṃbhara, do you perform the worship of the cow.
AI translation rendered from the Sanskrit, not a published edition
PdP 5 30.25
यो वै नित्यं पूजयति गां गेहे यवसादिभिः । तस्य देवाश्च पितरो नित्यं तृप्ता भवंति हि
yo vai nityaṃ pūjayati gāṃ gehe yavasādibhiḥ | tasya devāśca pitaro nityaṃ tṛptā bhavaṃti hi
He who daily honours a cow in his house with fodder and the like — his gods and ancestors are indeed ever satisfied.
AI translation rendered from the Sanskrit, not a published edition
PdP 5 30.26
यो वै गवाह्निकं दद्यान्नियमेन शुभव्रतः । तेन सत्येन तस्य स्युः सर्वे पूर्णा मनोरथाः
yo vai gavāhnikaṃ dadyānniyamena śubhavrataḥ | tena satyena tasya syuḥ sarve pūrṇā manorathāḥ
He who, of good vows, by rule gives the cow's daily portion — by that truth all his wishes are fulfilled.
AI translation rendered from the Sanskrit, not a published edition
PdP 5 30.27
तृषिता गौर्गृहे बद्धा गेहे कन्या रजस्वला । देवता च सनिर्माल्या हंति पुण्यं पुराकृतम्
tṛṣitā gaurgṛhe baddhā gehe kanyā rajasvalā | devatā ca sanirmālyā haṃti puṇyaṃ purākṛtam
A cow tied up thirsty in the house, a girl in her menses in the house, and a deity with faded (offering-)garlands (still on it) destroy the merit formerly acquired.
AI translation rendered from the Sanskrit, not a published edition
PdP 5 30.28
यो वै गां प्रतिषिद्ध्येत चरंतीं स्वं तृणं नरः । तस्य पूर्वे च पितरः कंपंते पतनोन्मुखाः
yo vai gāṃ pratiṣiddhyeta caraṃtīṃ svaṃ tṛṇaṃ naraḥ | tasya pūrve ca pitaraḥ kaṃpaṃte patanonmukhāḥ
The man who drives off a cow grazing his own grass — his forefathers and ancestors tremble, on the verge of falling.
AI translation rendered from the Sanskrit, not a published edition
PdP 5 30.29
यो वै यष्ट्या ताडयति धेनुं मर्त्यो विमूढधीः । धर्मराजस्य नगरं स याति करवर्जितः
yo vai yaṣṭyā tāḍayati dhenuṃ martyo vimūḍhadhīḥ | dharmarājasya nagaraṃ sa yāti karavarjitaḥ
The deluded-minded mortal who strikes a milch cow with a stick goes to the city of the King of Dharma, deprived of his hands.
AI translation rendered from the Sanskrit, not a published edition
PdP 5 30.30
यो वै दंशान्वारयति तस्य पूर्वे ह्यधोगताः । नृत्यंति मत्सुतो ह्यस्मांस्तारयिष्यति भाग्यवान्
yo vai daṃśānvārayati tasya pūrve hyadhogatāḥ | nṛtyaṃti matsuto hyasmāṃstārayiṣyati bhāgyavān
But (as for) him who keeps off the biting flies — his forefathers who have gone below dance (saying), 'My son, the fortunate one, will indeed rescue us!'
AI translation rendered from the Sanskrit, not a published edition
PdP 5 30.31
अत्रैवोदाहरंतीममितिहासं पुरातनम् । जनकस्य पुरावृत्तं धर्मराजपुरेऽद्भुतम्
atraivodāharaṃtīmamitihāsaṃ purātanam | janakasya purāvṛttaṃ dharmarājapure'dbhutam
On just this (matter) they relate this ancient tale, what befell Janaka of old, a marvel in the city of the King of Dharma.
AI translation rendered from the Sanskrit, not a published edition
PdP 5 30.32
एकदा जनको राजा योगेनासून्समत्यजत् । तदा विमानं संप्राप्तं किंकिणीजालभूषितम्
ekadā janako rājā yogenāsūnsamatyajat | tadā vimānaṃ saṃprāptaṃ kiṃkiṇījālabhūṣitam
Once King Janaka gave up his life-breaths by yoga; then a celestial car arrived, adorned with a net of little bells.
AI translation rendered from the Sanskrit, not a published edition
PdP 5 30.33
तदारुह्य गतो राजा सेवकैरूढदेहवान् । मार्गे जगाम धर्मस्य संयमिन्याः पुरोंऽतिके
tadāruhya gato rājā sevakairūḍhadehavān | mārge jagāma dharmasya saṃyaminyāḥ puroṃ'tike
Mounting it the king went, his body borne along by (the god's) servants; on the way he came near the city of Dharma, Saṃyamanī.
AI translation rendered from the Sanskrit, not a published edition
PdP 5 30.34
तदा नरककोटीषु पीड्यंते पापकारिणः । जनकस्यांगपवनं प्राप्य सौख्यं प्रपेदिरे
tadā narakakoṭīṣu pīḍyaṃte pāpakāriṇaḥ | janakasyāṃgapavanaṃ prāpya saukhyaṃ prapedire
At that time the doers of evil were being tormented in the ten million hells; on reaching the breeze from Janaka's body they attained comfort.
AI translation rendered from the Sanskrit, not a published edition
PdP 5 30.35
निरये दाहजापीडा जातैषां सुखकारिणी । महादुःखं तदा नष्टं जनकस्यांगवायुना
niraye dāhajāpīḍā jātaiṣāṃ sukhakāriṇī | mahāduḥkhaṃ tadā naṣṭaṃ janakasyāṃgavāyunā
In hell the pain born of burning became for them a giver of pleasure; their great suffering was then destroyed by the wind of Janaka's body.
AI translation rendered from the Sanskrit, not a published edition
PdP 5 30.36
तदा तं निर्गतं दृष्ट्वा जंतवः पापपीडिताः । अत्यंतं चुक्रुशुर्भीतास्तद्वियोगमनिच्छवः
tadā taṃ nirgataṃ dṛṣṭvā jaṃtavaḥ pāpapīḍitāḥ | atyaṃtaṃ cukruśurbhītāstadviyogamanicchavaḥ
Then, seeing him gone out, the creatures tormented by their sins cried out exceedingly, afraid, not wishing separation from him.
AI translation rendered from the Sanskrit, not a published edition
PdP 5 30.37
ऊचुस्ते करुणां वाचं मा गच्छ सुकृतिन्नितः । त्वदंगवायुसंस्पर्शात्सुखिनः स्यामपीडिताः
ūcuste karuṇāṃ vācaṃ mā gaccha sukṛtinnitaḥ | tvadaṃgavāyusaṃsparśātsukhinaḥ syāmapīḍitāḥ
They spoke a piteous speech: 'Do not go from here, O doer of good deeds! By the touch of the wind from your body may we be happy and untormented.'
AI translation rendered from the Sanskrit, not a published edition
PdP 5 30.38
इति वाक्यं समाकर्ण्य राजा परमधार्मिकः । मानसे चिंतयामास करुणापूरपूरितः
iti vākyaṃ samākarṇya rājā paramadhārmikaḥ | mānase ciṃtayāmāsa karuṇāpūrapūritaḥ
Hearing this speech, the supremely righteous king, filled with a flood of compassion, thought in his mind:
AI translation rendered from the Sanskrit, not a published edition
PdP 5 30.39
चेन्मत्तः प्राणिनां सौख्यं भवेदिह तदा पुनः । अत्रैव च पुरे स्थास्ये स्वर्ग एष मनोरमः
cenmattaḥ prāṇināṃ saukhyaṃ bhavediha tadā punaḥ | atraiva ca pure sthāsye svarga eṣa manoramaḥ
'If from me there comes to be happiness for living beings here, then I shall stay right here in this city — this is (my) delightful heaven.'
AI translation rendered from the Sanskrit, not a published edition
PdP 5 30.40
एवं कृत्वा नृपस्तस्थौ तत्रैव निरयाग्रतः । विदधत्प्राणिनां सौख्यमनुकंपितमानसः
evaṃ kṛtvā nṛpastasthau tatraiva nirayāgrataḥ | vidadhatprāṇināṃ saukhyamanukaṃpitamānasaḥ
Having so resolved, the king stood right there before the hell, his mind full of pity, providing happiness for the creatures.
AI translation rendered from the Sanskrit, not a published edition
PdP 5 30.41
तत्र धर्मस्तु संप्राप्तो निरयद्वारि दुःखदे । कारयन्यातनास्तीव्रा नानापातककारिणाम्
tatra dharmastu saṃprāpto nirayadvāri duḥkhade | kārayanyātanāstīvrā nānāpātakakāriṇām
Then Dharma arrived there at the pain-giving gate of hell, having severe torments inflicted on the doers of various sins.
AI translation rendered from the Sanskrit, not a published edition
PdP 5 30.42
तदा ददर्श राजानं जनकं द्वारिसंस्थितम् । विमानेन महापुण्यकारिणं दययायुतम्
tadā dadarśa rājānaṃ janakaṃ dvārisaṃsthitam | vimānena mahāpuṇyakāriṇaṃ dayayāyutam
Then he saw King Janaka standing at the gate with his celestial car, a doer of great merit, endowed with compassion.
AI translation rendered from the Sanskrit, not a published edition
PdP 5 30.43
तमुवाच प्रेतपतिर्जनकं सहसन्गिरा । राजन्कुतस्त्वं संप्राप्तः सर्वधर्मशिरोमणिः
tamuvāca pretapatirjanakaṃ sahasangirā | rājankutastvaṃ saṃprāptaḥ sarvadharmaśiromaṇiḥ
The lord of the departed spoke to Janaka with a forbearing (i.e. gentle) voice: 'King, whence have you come, you crest-jewel of all righteousness?
AI translation rendered from the Sanskrit, not a published edition — the model flagged this verse as uncertain
PdP 5 30.44
एतत्स्थानं पातकिनां दुष्टानां प्राणघातिनाम् । नायांति पुरुषा भूप त्वादृशाः पुण्यकारिणः
etatsthānaṃ pātakināṃ duṣṭānāṃ prāṇaghātinām | nāyāṃti puruṣā bhūpa tvādṛśāḥ puṇyakāriṇaḥ
This is the place of sinners, of the wicked, of slayers of living beings. Men like you, doers of merit, do not come (here), O lord of the earth.
AI translation rendered from the Sanskrit, not a published edition
PdP 5 30.45
अत्रायांति नरास्ते वै ये परद्रोहतत्पराः । परापवादनिरताः परद्रव्यपरायणाः
atrāyāṃti narāste vai ye paradrohatatparāḥ | parāpavādaniratāḥ paradravyaparāyaṇāḥ
Here come those men who are bent on injuring others, who delight in slandering others, who are intent on others' property.
AI translation rendered from the Sanskrit, not a published edition
PdP 5 30.46
यो वै कलत्रं धर्मिष्ठं निजसेवापरायणम् । अपराधादृते जह्यात्सनरोऽत्र समाव्रजेत्
yo vai kalatraṃ dharmiṣṭhaṃ nijasevāparāyaṇam | aparādhādṛte jahyātsanaro'tra samāvrajet
And whoever abandons, without any offence (on her part), a most righteous wife devoted to serving him — such a man comes here.
AI translation rendered from the Sanskrit, not a published edition
PdP 5 30.47
मित्रं वञ्चयते यस्तु धनलोभेन लोभितः । आगत्यात्र नरः पीडां मत्तः प्राप्नोति दारुणाम्
mitraṃ vañcayate yastu dhanalobhena lobhitaḥ | āgatyātra naraḥ pīḍāṃ mattaḥ prāpnoti dāruṇām
But he who cheats a friend, tempted by greed for wealth — that man, coming here, receives dreadful torment from me.
AI translation rendered from the Sanskrit, not a published edition
PdP 5 30.48
यो रामं मनसा वाचा कर्मणा दंभतोऽपि वा । द्वेषाद्वाचोपहासाद्वा न स्मरत्येव मूढधीः
yo rāmaṃ manasā vācā karmaṇā daṃbhato'pi vā | dveṣādvācopahāsādvā na smaratyeva mūḍhadhīḥ
He who, dull-witted, does not remember Rāma at all — by mind, by speech, by deed, or even out of pretence, out of hatred, by (mere) word, or in mockery —
AI translation rendered from the Sanskrit, not a published edition
PdP 5 30.49
तं बध्नामि पुनस्त्वेषु निक्षिप्य श्रपयामि च । यैः स्मृतो न रमानाथो नरकक्लेशवारकः
taṃ badhnāmi punastveṣu nikṣipya śrapayāmi ca | yaiḥ smṛto na ramānātho narakakleśavārakaḥ
him I bind and, casting (him) into these (hells), I boil — (those) by whom the Lord of Ramā, who wards off the torments of hell, was not remembered.
AI translation rendered from the Sanskrit, not a published edition
PdP 5 30.50
तावत्पापं मनुष्याणामंगेषु नृप तिष्ठति । यावद्रामं न रसना गृणाति कलि दुर्मतेः
tāvatpāpaṃ manuṣyāṇāmaṃgeṣu nṛpa tiṣṭhati | yāvadrāmaṃ na rasanā gṛṇāti kali durmateḥ
Just so long, O king, does sin remain in the limbs of men, as long as the tongue of the ill-minded man in the Kali (age) does not utter 'Rāma'.
AI translation rendered from the Sanskrit, not a published edition
PdP 5 30.51
महापापकरा राजन्ये भवंति महामते । तानानयंति मद्भृत्यास्त्वादृशान्द्रष्टुमक्षमाः
mahāpāpakarā rājanye bhavaṃti mahāmate | tānānayaṃti madbhṛtyāstvādṛśāndraṣṭumakṣamāḥ
Those who are doers of great sins, O king, O great-minded one — those my servants bring (here), being unable to look upon such as you.
AI translation rendered from the Sanskrit, not a published edition
PdP 5 30.52
तस्माद्गच्छ महाराज भुंक्ष्व भोगाननेकशः । विमानवरमारुह्य भुंक्ष्व पुण्यमुपार्जितम्
tasmādgaccha mahārāja bhuṃkṣva bhogānanekaśaḥ | vimānavaramāruhya bhuṃkṣva puṇyamupārjitam
Therefore go, great king, enjoy pleasures manifold; mounting an excellent celestial chariot, enjoy the merit you have earned.
AI translation rendered from the Sanskrit, not a published edition
PdP 5 30.53
इति वाक्यं समाकर्ण्यध र्मराजस्य तत्पतेः । उवाच धर्मराजानं करुणापूरपूरितः
iti vākyaṃ samākarṇyadha rmarājasya tatpateḥ | uvāca dharmarājānaṃ karuṇāpūrapūritaḥ
Having heard this speech of Dharmarāja, the lord of that (place), he, filled with a flood of compassion, said to Dharmarāja:
AI translation rendered from the Sanskrit, not a published edition
PdP 5 30.54
जनक उवाच। अहं गच्छामि नो नाथ जीवानामनुकम्पया । मदंगवायुना ह्येते सुखं प्राप्ताः स्म संस्थिताः
janaka uvāca| ahaṃ gacchāmi no nātha jīvānāmanukampayā | madaṃgavāyunā hyete sukhaṃ prāptāḥ sma saṃsthitāḥ
Janaka said: I will not go, O lord, out of pity for these living beings; for by the breeze from my body these have attained ease and are settled.
AI translation rendered from the Sanskrit, not a published edition
PdP 5 30.55
एतान्मुंचसि चेद्राजन्सर्वान्वै निरयस्थितान् । ततो गच्छामि सुखितः स्वर्गं पुण्यजनाश्रितम्
etānmuṃcasi cedrājansarvānvai nirayasthitān | tato gacchāmi sukhitaḥ svargaṃ puṇyajanāśritam
If, O king, you release all these who are stationed in hell, then I shall gladly go to heaven, the resort of the meritorious.
AI translation rendered from the Sanskrit, not a published edition
PdP 5 30.56
जाबालिरुवाच। इति वाक्यमथाश्रुत्य जनकं प्रत्युवाच सः । प्रत्येकं निर्दिशञ्जीवान्निरयस्थाननेकशः
jābāliruvāca| iti vākyamathāśrutya janakaṃ pratyuvāca saḥ | pratyekaṃ nirdiśañjīvānnirayasthānanekaśaḥ
Jābāli said: Then, having heard this speech, he replied to Janaka, pointing out one by one, repeatedly, the beings stationed in hell.
AI translation rendered from the Sanskrit, not a published edition
PdP 5 30.57
धर्म उवाच। अयं मित्र कलत्रं वै विश्वस्तमनुजग्मिवान् । तस्मादेनं लोहशंकौ वर्षायुतमपीपचम्
dharma uvāca| ayaṃ mitra kalatraṃ vai viśvastamanujagmivān | tasmādenaṃ lohaśaṃkau varṣāyutamapīpacam
Dharma said: This one, friend, went after a friend's wife who trusted (him); therefore I have boiled him on an iron stake for ten thousand years.
AI translation rendered from the Sanskrit, not a published edition — the model flagged this verse as uncertain
PdP 5 30.58
पश्चादेनं सूकराणां योनौ निक्षिप्य दोषिणम् । मानुषेष्ववतार्योऽयं षंढचिह्नेन चिह्नितः
paścādenaṃ sūkarāṇāṃ yonau nikṣipya doṣiṇam | mānuṣeṣvavatāryo'yaṃ ṣaṃḍhacihnena cihnitaḥ
Afterwards, having cast this guilty one into the womb of pigs, he is to be sent down among humans marked with the mark of a eunuch.
AI translation rendered from the Sanskrit, not a published edition
PdP 5 30.59
अनेन परदाराश्च बलादालिगिता मुहुः । तस्मादयं पच्यतेऽत्र रौरवे शतहायनम्
anena paradārāśca balādāligitā muhuḥ | tasmādayaṃ pacyate'tra raurave śatahāyanam
And by this one others' wives were repeatedly embraced by force; therefore this one is cooked here in Raurava for a hundred years.
AI translation rendered from the Sanskrit, not a published edition
PdP 5 30.60
अयं तु परकीयं स्वं मुषित्वा बुभुजे कुधीः । तस्मादस्य करौ छित्त्वा पचेयं पूयशोणिते
ayaṃ tu parakīyaṃ svaṃ muṣitvā bubhuje kudhīḥ | tasmādasya karau chittvā paceyaṃ pūyaśoṇite
But this dull-witted one stole and enjoyed what belonged to another as his own; therefore, cutting off his two hands, I would cook (him) in pus and blood.
AI translation rendered from the Sanskrit, not a published edition
PdP 5 30.61
अयं सायंतने प्राप्तमतिथिं क्षुधयार्दितम् । वाण्यापि नाकरोत्तस्य पूजनं स्वागतं न च
ayaṃ sāyaṃtane prāptamatithiṃ kṣudhayārditam | vāṇyāpi nākarottasya pūjanaṃ svāgataṃ na ca
This one did not, even with a word, offer honour or welcome to a guest who arrived at evening, afflicted with hunger.
AI translation rendered from the Sanskrit, not a published edition
PdP 5 30.62
तस्मादयं पातनीयस्तामिस्रेंधनपूरिते । भ्रमरैः पीडितो यातु यातनां शतहायनम्
tasmādayaṃ pātanīyastāmisreṃdhanapūrite | bhramaraiḥ pīḍito yātu yātanāṃ śatahāyanam
Therefore this one is to be flung into the Tāmisra (hell) filled with smoke; tormented by bees, let him undergo torture for a hundred years.
AI translation rendered from the Sanskrit, not a published edition
PdP 5 30.63
अयं तावत्परस्योच्चैर्निंदां कुर्वन्नलज्जितः । अयमप्यशृणोत्कर्णौ प्रेरयन्बहुशस्तु ताम्
ayaṃ tāvatparasyoccairniṃdāṃ kurvannalajjitaḥ | ayamapyaśṛṇotkarṇau prerayanbahuśastu tām
This one, shameless, kept loudly uttering censure of another; and this one too listened, pricking up his ears, again and again, to that (censure).
AI translation rendered from the Sanskrit, not a published edition
PdP 5 30.64
तस्मादिमावंधकूपे पतितौ दुःखदुःखितौ । अयं मित्रध्रुगुद्विग्नः पच्यते रौरवे भृशम्
tasmādimāvaṃdhakūpe patitau duḥkhaduḥkhitau | ayaṃ mitradhrugudvignaḥ pacyate raurave bhṛśam
Therefore these two, fallen into a blind well, are afflicted with grief upon grief. This one, a betrayer of a friend, in his distress is cooked severely in Raurava.
AI translation rendered from the Sanskrit, not a published edition
PdP 5 30.65
तस्मादेतान्पापभोगान्कारयित्वा विमोचये । त्वं गच्छ नरशार्दूल पुण्यराशिविधायकः
tasmādetānpāpabhogānkārayitvā vimocaye | tvaṃ gaccha naraśārdūla puṇyarāśividhāyakaḥ
Therefore, having made them undergo these fruits of their sins, I shall release (them). You go, tiger among men, ordainer of a heap of merit.
AI translation rendered from the Sanskrit, not a published edition
PdP 5 30.66
जाबालिरुवाच। एवं स निर्दिशञ्जीवांस्तूष्णीमासाघकारिणः । प्रोवाच रामभक्तोऽसौ करुणापूरितेक्षणः
jābāliruvāca| evaṃ sa nirdiśañjīvāṃstūṣṇīmāsāghakāriṇaḥ | provāca rāmabhakto'sau karuṇāpūritekṣaṇaḥ
Jābāli said: As he was thus pointing out the living beings, the doers of sin (who stood) silent, that devotee of Rāma spoke, his eyes filled with compassion.
AI translation rendered from the Sanskrit, not a published edition
PdP 5 30.67
जनक उवाच। कथं निरयनिर्मुक्तिर्जीवानां दुःखिनां भवेत् । तदाशु कथय त्वं वै यत्कृत्वा सुखमाप्नुयुः
janaka uvāca| kathaṃ nirayanirmuktirjīvānāṃ duḥkhināṃ bhavet | tadāśu kathaya tvaṃ vai yatkṛtvā sukhamāpnuyuḥ
Janaka said: How may there be release from hell for these suffering living beings? Tell me that quickly, by doing which they may attain happiness.
AI translation rendered from the Sanskrit, not a published edition
PdP 5 30.68
धर्म उवाच। नैभिराराधितो विष्णुर्नैभिस्तस्य कथाः श्रुताः । कथं निरयनिर्मुक्तिर्भवेद्वै पापकारिणाम्
dharma uvāca| naibhirārādhito viṣṇurnaibhistasya kathāḥ śrutāḥ | kathaṃ nirayanirmuktirbhavedvai pāpakāriṇām
Dharma said: Viṣṇu has not been worshipped by them, nor have his stories been heard by them; how then could there be release from hell for the doers of sin?
AI translation rendered from the Sanskrit, not a published edition
PdP 5 30.69
यदि त्वं मोचयस्येतान्महापापकरानपि । तर्ह्यर्पय महाराज पुण्यं तत्कथयामि यत्
yadi tvaṃ mocayasyetānmahāpāpakarānapi | tarhyarpaya mahārāja puṇyaṃ tatkathayāmi yat
If you would free these, even though they are doers of great sins, then, great king, offer up the merit of which I shall speak.
AI translation rendered from the Sanskrit, not a published edition
PdP 5 30.70
एकदा प्रातरुत्थाय शुद्धभावेन चेतसा । ध्यातः श्रीरघुनाथोऽसौ महापापहराभिधः
ekadā prātarutthāya śuddhabhāvena cetasā | dhyātaḥ śrīraghunātho'sau mahāpāpaharābhidhaḥ
Once, having risen at dawn, with a mind of pure disposition, you meditated on Śrī Raghunātha, he whose name removes great sins.
AI translation rendered from the Sanskrit, not a published edition
PdP 5 30.71
रामरामेति यच्चोक्तं त्वया शुद्धेन चेतसा । तत्पुण्यमर्पयैतेभ्यो येन स्यान्निरयाच्च्युतिः
rāmarāmeti yaccoktaṃ tvayā śuddhena cetasā | tatpuṇyamarpayaitebhyo yena syānnirayāccyutiḥ
And what was uttered by you with a pure mind, 'Rāma, Rāma' — offer that merit to these, by which there may be their falling away from hell.
AI translation rendered from the Sanskrit, not a published edition
PdP 5 30.72
जाबालिरुवाच। एतच्छ्रुत्वा वचस्तस्य धर्मराजस्य धीमतः । पुण्यं ददौ महाराज आजन्मसमुपार्जितम्
jābāliruvāca| etacchrutvā vacastasya dharmarājasya dhīmataḥ | puṇyaṃ dadau mahārāja ājanmasamupārjitam
Jābāli said: Having heard that speech of that wise Dharmarāja, he gave, O great king, the merit accumulated since his birth.
AI translation rendered from the Sanskrit, not a published edition
PdP 5 30.73
यदा जन्मकृतैः पुण्यै रघुनाथार्चनोद्भवैः । एतेषां निरयान्मुक्तिर्भवत्वत्र मनोरमा
yadā janmakṛtaiḥ puṇyai raghunāthārcanodbhavaiḥ | eteṣāṃ nirayānmuktirbhavatvatra manoramā
(He said:) "By the merits accrued in (my) life, arising from the worship of Raghunātha, let there be here for these a delightful release from hell."
AI translation rendered from the Sanskrit, not a published edition
PdP 5 30.74
एवं कथयतस्तस्य जीवा निरयसंस्थिताः । तत्क्षणान्निरयान्मुक्ता जाता दिव्यवपुर्धराः
evaṃ kathayatastasya jīvā nirayasaṃsthitāḥ | tatkṣaṇānnirayānmuktā jātā divyavapurdharāḥ
As he was speaking thus, the living beings set in hell, released from hell that very instant, became bearers of divine bodies.
AI translation rendered from the Sanskrit, not a published edition
PdP 5 30.75
ऊचुस्ते जनकं राजंस्त्वत्प्रसादाद्वयं क्षणात् । दुःखदान्निरयान्मुक्ता यास्यामः परमं पदम्
ūcuste janakaṃ rājaṃstvatprasādādvayaṃ kṣaṇāt | duḥkhadānnirayānmuktā yāsyāmaḥ paramaṃ padam
They said to Janaka: "O king, by your grace we, released in an instant from the pain-giving hell, shall go to the highest state."
AI translation rendered from the Sanskrit, not a published edition
PdP 5 30.76
तान्दृष्ट्वा सूर्यसंकाशान्नरान्निरयनिःसृतान् । तुतोष चित्ते सुभृशं सर्वभूतदयापरः
tāndṛṣṭvā sūryasaṃkāśānnarānnirayaniḥsṛtān | tutoṣa citte subhṛśaṃ sarvabhūtadayāparaḥ
Seeing those men, resembling the sun, come forth from hell, he — intent on compassion for all beings — was exceedingly pleased in his heart.
AI translation rendered from the Sanskrit, not a published edition
PdP 5 30.77
ते सर्वे प्रययुर्लोकं दिवं देवैरलंकृतम् । जनकं तु प्रशंसंतो महाराजं दयानिधिम्
te sarve prayayurlokaṃ divaṃ devairalaṃkṛtam | janakaṃ tu praśaṃsaṃto mahārājaṃ dayānidhim
They all went to the world of heaven, adorned by the gods, praising Janaka, the great king, the treasury of compassion.
AI translation rendered from the Sanskrit, not a published edition