Padma Purana — Patala Khanda — Chapter 28
PdP 5 28.1
शेष उवाच। अथ पुत्रं समालोक्य पतितं व्यसुमुद्धतम् । विललाप भृशं राजा सुतदुःखेन दुःखितः
śeṣa uvāca| atha putraṃ samālokya patitaṃ vyasumuddhatam | vilalāpa bhṛśaṃ rājā sutaduḥkhena duḥkhitaḥ
Śeṣa said: Then, seeing his son fallen, lifeless, flung down, the king lamented greatly, pained with grief for his son.
AI translation rendered from the Sanskrit, not a published edition
PdP 5 28.2
मूर्ध्नि संताडयामास पाणिभ्यामतिदुःखितः । कम्पमानो भृशं चाश्रूण्यमुञ्चन्नयनाब्जयोः
mūrdhni saṃtāḍayāmāsa pāṇibhyāmatiduḥkhitaḥ | kampamāno bhṛśaṃ cāśrūṇyamuñcannayanābjayoḥ
Exceedingly pained, he beat his head with both hands, trembling violently and shedding tears from his two lotus-eyes.
AI translation rendered from the Sanskrit, not a published edition
PdP 5 28.3
गृहीत्वा पतितं वक्त्रं चंद्रबिंबमनोरमम् । पुष्कलेषु क्षतासृग्भिः क्लिन्नं कुंडलशोभितम्
gṛhītvā patitaṃ vaktraṃ caṃdrabiṃbamanoramam | puṣkaleṣu kṣatāsṛgbhiḥ klinnaṃ kuṃḍalaśobhitam
Taking up the fallen face, charming as the orb of the moon, drenched with the blood of its wounds, adorned with earrings,
AI translation rendered from the Sanskrit, not a published edition — the model flagged this verse as uncertain
PdP 5 28.4
कुटिलभ्रूयुगं श्रेष्ठं संदष्टाधरपल्लवम् । स चुंबन्मुखपद्मेन विलपन्निदमब्रवीत्
kuṭilabhrūyugaṃ śreṣṭhaṃ saṃdaṣṭādharapallavam | sa cuṃbanmukhapadmena vilapannidamabravīt
with its fine pair of curved brows, its tender lower lip bitten — he, kissing it with his own lotus-face, lamenting, said this:
AI translation rendered from the Sanskrit, not a published edition
PdP 5 28.5
हा पुत्र वीर कथमुत्सुकचेतसं मां । किं नेक्षसे विशदनेत्रयुगेन शूर । किं मद्विनोदकथयारहितस्त्वमेव । रोषोदधिप्लुतमनाः किल लक्ष्यसे च
hā putra vīra kathamutsukacetasaṃ māṃ | kiṃ nekṣase viśadanetrayugena śūra | kiṃ madvinodakathayārahitastvameva | roṣodadhiplutamanāḥ kila lakṣyase ca
"Alas, son, hero! Why do you not look with your pair of clear eyes at me, whose mind is full of longing, O brave one? Why are you thus bereft of talk to divert me? You look indeed as if your mind were flooded by an ocean of anger."
AI translation rendered from the Sanskrit, not a published edition
PdP 5 28.6
वद पुत्र कथं मां त्वं प्रब्रूषे न हसन्पुनः । अमृतैर्मधुरास्वादैर्विनोदयसि पुत्रक
vada putra kathaṃ māṃ tvaṃ prabrūṣe na hasanpunaḥ | amṛtairmadhurāsvādairvinodayasi putraka
"Speak, son! How is it that you no longer address me, laughing? You (used to) delight me with words of sweet, nectar-like savour, dear son."
AI translation rendered from the Sanskrit, not a published edition
PdP 5 28.7
शत्रुघ्नाश्वं गृहाण त्वं सितचामरशोभितम् । स्वर्णपत्रेण शोभाढ्यं त्यज निद्रां महामते
śatrughnāśvaṃ gṛhāṇa tvaṃ sitacāmaraśobhitam | svarṇapatreṇa śobhāḍhyaṃ tyaja nidrāṃ mahāmate
"Take Śatrughna's horse, adorned with white yak-tail whisks, rich in beauty with its golden plate — give up sleep, O great-minded one!"
AI translation rendered from the Sanskrit, not a published edition
PdP 5 28.8
एष प्रतापविशदः प्रतापाग्र्यः परंतपः । धनुर्बिभ्रत्पुरो भाति पुष्कलः परवीरहा
eṣa pratāpaviśadaḥ pratāpāgryaḥ paraṃtapaḥ | dhanurbibhratpuro bhāti puṣkalaḥ paravīrahā
"This Puṣkala, bright with valour, foremost in valour, scorcher of foes, slayer of enemy heroes, stands shining before (us), bearing his bow."
AI translation rendered from the Sanskrit, not a published edition
PdP 5 28.9
एनं वारय सत्तीक्ष्णैर्बाणैः कोदंडनिर्गतैः । कथं त्वं रणमध्ये वै शेते वीरविमोहितः
enaṃ vāraya sattīkṣṇairbāṇaiḥ kodaṃḍanirgataiḥ | kathaṃ tvaṃ raṇamadhye vai śete vīravimohitaḥ
"Hold him back with very sharp arrows shot from your bow! How is it that you lie in the midst of the battle, O hero, senseless?"
AI translation rendered from the Sanskrit, not a published edition
PdP 5 28.10
हस्तिनः पत्तयश्चैव रथारूढा भयार्दिताः । शरणं त्वां समायांति तानीक्षस्व महामते
hastinaḥ pattayaścaiva rathārūḍhā bhayārditāḥ | śaraṇaṃ tvāṃ samāyāṃti tānīkṣasva mahāmate
"Elephants and foot-soldiers and those mounted on chariots, afflicted by fear, come to you for refuge — look at them, O great-minded one!"
AI translation rendered from the Sanskrit, not a published edition
PdP 5 28.11
पुत्र त्वया विना सोढुं कथं शक्तो रणांगणे । शत्रुघ्नसायकांस्तीक्ष्णांश्चंडकोदंडनिर्गतान्
putra tvayā vinā soḍhuṃ kathaṃ śakto raṇāṃgaṇe | śatrughnasāyakāṃstīkṣṇāṃścaṃḍakodaṃḍanirgatān
"Son, without you, how is one able to withstand on the battlefield Śatrughna's sharp arrows, shot from his fierce bow?"
AI translation rendered from the Sanskrit, not a published edition
PdP 5 28.12
अतो मां तु त्वया हीनं को वा पालयितुं क्षमः । यदि त्यक्ष्यसि निद्रा त्वं जयायाहं क्षमस्तदा
ato māṃ tu tvayā hīnaṃ ko vā pālayituṃ kṣamaḥ | yadi tyakṣyasi nidrā tvaṃ jayāyāhaṃ kṣamastadā
"So who is able to protect me, bereft of you? If you will give up sleep, then I am capable of victory."
AI translation rendered from the Sanskrit, not a published edition
PdP 5 28.13
इत्थं विलप्य सुभृशं तताड हृदयं स्वकम् । बहुशः पाणिना राजा पुत्रदुःखेन दुःखितः
itthaṃ vilapya subhṛśaṃ tatāḍa hṛdayaṃ svakam | bahuśaḥ pāṇinā rājā putraduḥkhena duḥkhitaḥ
Having lamented thus most bitterly, the king struck his own breast again and again with his hand, grieved by grief for his son.
AI translation rendered from the Sanskrit, not a published edition
PdP 5 28.14
तदा विचित्र दमनौ स्व स्व स्यंदनसंस्थितौ । पितुश्चरणयोर्नत्वा ऊचतुः समयोचितम्
tadā vicitra damanau sva sva syaṃdanasaṃsthitau | pituścaraṇayornatvā ūcatuḥ samayocitam
Then Vicitra and Damana, each standing in his own chariot, bowed at their father's feet and spoke what was fitting to the occasion.
AI translation rendered from the Sanskrit, not a published edition
PdP 5 28.15
राजन्नस्मासु जीवत्सु किं दुःखं हृदि तद्वद । वीराणां प्रधने मृत्युर्वांच्छितो जायते महान्
rājannasmāsu jīvatsu kiṃ duḥkhaṃ hṛdi tadvada | vīrāṇāṃ pradhane mṛtyurvāṃcchito jāyate mahān
"O king, while we live, what grief is there in your heart? Tell that. For heroes, death in battle, when longed for, becomes great (glory)."
AI translation rendered from the Sanskrit, not a published edition
PdP 5 28.16
धन्योऽयं बत चित्रांगो यो वीर भुवि शोभते । सकिरीटस्तु संदष्टदंतच्छदयुगः प्रभुः
dhanyo'yaṃ bata citrāṃgo yo vīra bhuvi śobhate | sakirīṭastu saṃdaṣṭadaṃtacchadayugaḥ prabhuḥ
"Ah, blessed is this Citrāṅga, who as a hero shines upon the earth, the lord wearing his diadem, with his pair of lips bitten tight."
AI translation rendered from the Sanskrit, not a published edition
PdP 5 28.17
कथयाशु किमद्यैव कुर्वस्ते कार्यमीप्सितम् । शत्रुघ्नवाहिनीं सर्वां हन्व आवामनाथिनीम्
kathayāśu kimadyaiva kurvaste kāryamīpsitam | śatrughnavāhinīṃ sarvāṃ hanva āvāmanāthinīm
"Say quickly what desired task we two are to do this very day. We two will slay the whole army of Śatrughna, which has no protector."
AI translation rendered from the Sanskrit, not a published edition
PdP 5 28.18
अद्यैव पुष्कलं भ्रातुर्वधकारिणमाहवे । पातयावो रथाच्छित्त्वा शिरोमुकुटमंडितम्
adyaiva puṣkalaṃ bhrāturvadhakāriṇamāhave | pātayāvo rathācchittvā śiromukuṭamaṃḍitam
"This very day we two will cut off Puṣkala's head, adorned with its crown, and fell him from his chariot—him who caused (our) brother's death in battle."
AI translation rendered from the Sanskrit, not a published edition
PdP 5 28.19
त्यज शोकं सुदुःखार्तः कथं भासि महामते । आज्ञापयावां मानार्ह कुरु युद्धे मतिं तथा
tyaja śokaṃ suduḥkhārtaḥ kathaṃ bhāsi mahāmate | ājñāpayāvāṃ mānārha kuru yuddhe matiṃ tathā
"Abandon grief; why do you appear so overcome by sorrow, O great-minded one? Command us two, O worthy of honour, and so set your mind on battle."
AI translation rendered from the Sanskrit, not a published edition
PdP 5 28.20
इति वाक्यं समाकर्ण्य पुत्रयोर्वीरमानिनोः । शोकं त्यक्त्वा महाराजो युद्धाय मतिमादधात्
iti vākyaṃ samākarṇya putrayorvīramāninoḥ | śokaṃ tyaktvā mahārājo yuddhāya matimādadhāt
Hearing this speech of his two sons, who esteemed themselves heroes, the great king abandoned grief and set his mind on battle.
AI translation rendered from the Sanskrit, not a published edition
PdP 5 28.21
तावपि प्रतियोद्धारं वांच्छंतौ रणदुर्मदौ । जग्मतुः कटके शत्रोरनंतभटपूरिते
tāvapi pratiyoddhāraṃ vāṃcchaṃtau raṇadurmadau | jagmatuḥ kaṭake śatroranaṃtabhaṭapūrite
And those two, mad with battle-fury, desiring an opponent to fight, went to the enemy's camp, which was filled with countless soldiers.
AI translation rendered from the Sanskrit, not a published edition
PdP 5 28.22
रिपुतापेन दमनो नीलरत्नेन चेतरः । युयुधाते रणे वीरौ प्रावृषीव बलाहकौ
riputāpena damano nīlaratnena cetaraḥ | yuyudhāte raṇe vīrau prāvṛṣīva balāhakau
Damana (fought) with Riputāpana, and the other with Nīlaratna; the two heroes fought in battle like storm-clouds in the rainy season.
AI translation rendered from the Sanskrit, not a published edition
PdP 5 28.23
राजा कनकसन्नद्धे रथे मणिविचित्रिते । रत्नकूबरशोभाढ्ये तिष्ठंश्चापधरो बली
rājā kanakasannaddhe rathe maṇivicitrite | ratnakūbaraśobhāḍhye tiṣṭhaṃścāpadharo balī
The mighty king, bearing his bow, standing on a chariot bound with gold, variegated with gems, rich with the splendour of a jewelled pole—
AI translation rendered from the Sanskrit, not a published edition
PdP 5 28.24
ययौ योद्धुं तु शत्रुघ्नं वीरकोटभिरावृतम् । तृणीकुर्वन्महावीरान्धनुर्विद्याविशारदान्
yayau yoddhuṃ tu śatrughnaṃ vīrakoṭabhirāvṛtam | tṛṇīkurvanmahāvīrāndhanurvidyāviśāradān
—went to fight Śatrughna, who was surrounded by crores of heroes, treating as straw the great warriors skilled in the science of the bow.
AI translation rendered from the Sanskrit, not a published edition
PdP 5 28.25
तं योद्धुमागतं दृष्ट्वा सुबाहुं रोषपूरितम् । पुत्रनाशेन कुर्वंतं सर्वसैन्यवधादिकम्
taṃ yoddhumāgataṃ dṛṣṭvā subāhuṃ roṣapūritam | putranāśena kurvaṃtaṃ sarvasainyavadhādikam
Seeing Subāhu, filled with rage, come to fight, engaged in the slaughter of the whole army and the rest because of the loss of his son—
AI translation rendered from the Sanskrit, not a published edition
PdP 5 28.26
शत्रुघ्नपार्श्वसंचारी हनूमांस्तमुपाद्रवत् । नखायुधो महानादं कुर्वन्मेघ इवाहवे
śatrughnapārśvasaṃcārī hanūmāṃstamupādravat | nakhāyudho mahānādaṃ kurvanmegha ivāhave
—Hanumān, who moved at Śatrughna's side, rushed upon him, with his claws for weapons, making a great roar like a cloud in the battle.
AI translation rendered from the Sanskrit, not a published edition
PdP 5 28.27
सुबाहुस्तं हनूमंतमागच्छंतं महारवम् । उवाच प्रहसन्वाक्यं रोषपूरितलोचनः
subāhustaṃ hanūmaṃtamāgacchaṃtaṃ mahāravam | uvāca prahasanvākyaṃ roṣapūritalocanaḥ
Subāhu, his eyes filled with rage, laughing, spoke a speech to that Hanumān as he came on with a great roar:
AI translation rendered from the Sanskrit, not a published edition
PdP 5 28.28
क्व गतः पुष्कलो हत्वा मत्पुत्रं रणमंडले । पातयाम्यद्य तस्याशु शिरो ज्वलितकुंडलम्
kva gataḥ puṣkalo hatvā matputraṃ raṇamaṃḍale | pātayāmyadya tasyāśu śiro jvalitakuṃḍalam
"Where has Puṣkala gone, having slain my son in the circle of battle? Today I shall swiftly strike down his head with its blazing earrings."
AI translation rendered from the Sanskrit, not a published edition
PdP 5 28.29
क्व शत्रुघ्नो वाहपालः क्व च रामः कुतो भटाः । प्राणहंतारमायांतं पश्यंतु प्रधने तु माम्
kva śatrughno vāhapālaḥ kva ca rāmaḥ kuto bhaṭāḥ | prāṇahaṃtāramāyāṃtaṃ paśyaṃtu pradhane tu mām
"Where is Śatrughna, the guardian of the host? And where is Rāma? Where are the warriors? Let them behold me coming in battle as the taker of their lives."
AI translation rendered from the Sanskrit, not a published edition
PdP 5 28.30
इति तद्वाक्यमाकर्ण्य हनूमान्निजगाद तम् । शत्रुघ्नो लवणच्छेत्ता वर्तते सैन्यपालकः
iti tadvākyamākarṇya hanūmānnijagāda tam | śatrughno lavaṇacchettā vartate sainyapālakaḥ
Hearing that speech of his, Hanumān said to him: "Śatrughna, the destroyer of Lavaṇa, is here as the protector of the army."
AI translation rendered from the Sanskrit, not a published edition
PdP 5 28.31
स कथं प्रधने युध्येत्सेवकेऽग्रे स्थिते नृप । मां विजित्य रणे तं च त्वं गंतासि नरर्षभ
sa kathaṃ pradhane yudhyetsevake'gre sthite nṛpa | māṃ vijitya raṇe taṃ ca tvaṃ gaṃtāsi nararṣabha
"How should he fight in battle, O king, when his servant stands in front? Having conquered me in battle, and him too, you will go on, O bull among men."
AI translation rendered from the Sanskrit, not a published edition
PdP 5 28.32
इत्युक्तवंतं तरसा विव्याध दशसायकैः । हृदि वानरमत्युग्रं पर्वताग्र्यमिवस्थितम्
ityuktavaṃtaṃ tarasā vivyādha daśasāyakaiḥ | hṛdi vānaramatyugraṃ parvatāgryamivasthitam
As he was speaking thus, (Subāhu) swiftly pierced with ten arrows the exceedingly fierce monkey in the breast, who stood like a mountain peak.
AI translation rendered from the Sanskrit, not a published edition
PdP 5 28.33
सबाणानागतांस्तांश्च गृहीत्वा करसंपुटे । चूर्णयामास तिलशः शितान्वैरिविदारणान्
sabāṇānāgatāṃstāṃśca gṛhītvā karasaṃpuṭe | cūrṇayāmāsa tilaśaḥ śitānvairividāraṇān
And catching those (arrows) as they came, arrows and all, in his cupped hands, he ground to sesame-sized bits those sharp, foe-splitting (shafts).
AI translation rendered from the Sanskrit, not a published edition
PdP 5 28.34
चूर्णयित्वा शरांस्तांस्तु निनदन्घनगर्जितैः । पुच्छेनावेष्ट्य तस्योच्चै रथं निन्ये महाबलः
cūrṇayitvā śarāṃstāṃstu ninadanghanagarjitaiḥ | pucchenāveṣṭya tasyoccai rathaṃ ninye mahābalaḥ
But having ground up those arrows, roaring with a noise like thunderclaps, the mighty one wound his tail about (the king's) chariot and carried it high up.
AI translation rendered from the Sanskrit, not a published edition
PdP 5 28.35
तदा तं नृपवर्योऽसावाकाशे स्थित एव सः । लांगूलं ताडयामास शिताग्रैः सायकैर्मुहुः
tadā taṃ nṛpavaryo'sāvākāśe sthita eva saḥ | lāṃgūlaṃ tāḍayāmāsa śitāgraiḥ sāyakairmuhuḥ
Then that best of kings, while still standing (poised) in the air, struck the tail repeatedly with sharp-pointed arrows.
AI translation rendered from the Sanskrit, not a published edition
PdP 5 28.36
स ताडितस्तु पुच्छाग्रे शरैः सन्नतपर्वभिः । मुमोच तद्रथं दिव्यं कनकेन विचित्रितम्
sa tāḍitastu pucchāgre śaraiḥ sannataparvabhiḥ | mumoca tadrathaṃ divyaṃ kanakena vicitritam
And he, struck on the tip of his tail with arrows of smooth joints, released that divine chariot inlaid with gold.
AI translation rendered from the Sanskrit, not a published edition
PdP 5 28.37
स मुक्तस्तेन तरसा शरैस्तीक्ष्णैर्जघान तम् । हनूमंतं कपिवरं रोषसंपूरितेक्षणः
sa muktastena tarasā śaraistīkṣṇairjaghāna tam | hanūmaṃtaṃ kapivaraṃ roṣasaṃpūritekṣaṇaḥ
Released by him, (the king), his eyes filled with rage, swiftly struck him — Hanumān, the best of monkeys — with sharp arrows.
AI translation rendered from the Sanskrit, not a published edition
PdP 5 28.38
हनूमान्बाणविच्छिन्नः सर्वत्ररुधिराप्लुतः । महारोषं समाधत्त नृपोपरि कपीश्वरः
hanūmānbāṇavicchinnaḥ sarvatrarudhirāplutaḥ | mahāroṣaṃ samādhatta nṛpopari kapīśvaraḥ
Hanumān, cut up by the arrows, drenched in blood everywhere, the lord of monkeys conceived a great rage against the king.
AI translation rendered from the Sanskrit, not a published edition
PdP 5 28.39
गृहीत्वा तस्य दंष्ट्राभी रथं हयसमन्वितम् । चूर्णयामस वेगेन तदद्भुतमिवाभवत्
gṛhītvā tasya daṃṣṭrābhī rathaṃ hayasamanvitam | cūrṇayāmasa vegena tadadbhutamivābhavat
Seizing his chariot together with its horses in his fangs, he ground it up with force; that was like a marvel.
AI translation rendered from the Sanskrit, not a published edition
PdP 5 28.40
स्वरथं भज्यमानं तु दृष्ट्वा राजा त्वरन्बली । अन्यं रथं समास्थाय युयुधे तं महाबलम्
svarathaṃ bhajyamānaṃ tu dṛṣṭvā rājā tvaranbalī | anyaṃ rathaṃ samāsthāya yuyudhe taṃ mahābalam
But seeing his own chariot being smashed, the mighty king made haste, and mounting another chariot fought that greatly strong one.
AI translation rendered from the Sanskrit, not a published edition
PdP 5 28.41
पुच्छे मुखेऽथोरसि च भुजे चरणयोर्नृपः । जघान शरसंधानकोविदः परमास्त्रवित्
pucche mukhe'thorasi ca bhuje caraṇayornṛpaḥ | jaghāna śarasaṃdhānakovidaḥ paramāstravit
On the tail, on the face, and on the chest, on the arm and on the two feet the king struck (him), skilled in fitting arrows (to the bow), knowing the highest weapons.
AI translation rendered from the Sanskrit, not a published edition
PdP 5 28.42
तदा क्रुद्धः कपिवरस्ताडयामास वक्षसि । पादेनोत्प्लुत्य वेगेन राज्ञः सुभटशोभिनः
tadā kruddhaḥ kapivarastāḍayāmāsa vakṣasi | pādenotplutya vegena rājñaḥ subhaṭaśobhinaḥ
Then the best of monkeys, enraged, leaping up, struck with his foot with force on the chest of the king who shone among good warriors.
AI translation rendered from the Sanskrit, not a published edition
PdP 5 28.43
स पदा प्रहतो भूमौ पपात किल मूर्च्छितः । मुखाद्वमन्नसृक्चोष्णं श्वासपूरप्रवेपितः
sa padā prahato bhūmau papāta kila mūrcchitaḥ | mukhādvamannasṛkcoṣṇaṃ śvāsapūrapravepitaḥ
Struck by the foot, he fell indeed unconscious on the ground, vomiting hot blood from his mouth, trembling with the surging of his breath.
AI translation rendered from the Sanskrit, not a published edition
PdP 5 28.44
तदा प्रकुपितोऽत्यंतं हनूमान्प्रधनांगणे । अश्वान्वीरान्गजांश्चापि चूर्णयामास वेगतः
tadā prakupito'tyaṃtaṃ hanūmānpradhanāṃgaṇe | aśvānvīrāngajāṃścāpi cūrṇayāmāsa vegataḥ
Then Hanumān, exceedingly enraged, in the arena of battle swiftly ground up the horses, the heroes, and the elephants too.
AI translation rendered from the Sanskrit, not a published edition
PdP 5 28.45
तदा सुकेतुस्तद्भ्राता तथा लक्ष्मीनिधिर्नृपः । उभावपि सुसन्नद्धौ युद्धाय समुपस्थितौ
tadā suketustadbhrātā tathā lakṣmīnidhirnṛpaḥ | ubhāvapi susannaddhau yuddhāya samupasthitau
Then Suketu, his brother, and likewise King Lakṣmīnidhi — both of them, well armed, presented themselves for battle.
AI translation rendered from the Sanskrit, not a published edition
PdP 5 28.46
राजानं मूर्च्छितं दृष्ट्वा प्रपलाय्य गता नराः । इतस्ततो बाणसंघैः क्षताः पुष्कलवर्षितैः
rājānaṃ mūrcchitaṃ dṛṣṭvā prapalāyya gatā narāḥ | itastato bāṇasaṃghaiḥ kṣatāḥ puṣkalavarṣitaiḥ
Seeing the king unconscious, the men fled away, wounded here and there by the masses of arrows rained down in abundance.
AI translation rendered from the Sanskrit, not a published edition
PdP 5 28.47
तद्भज्यमानं स्वबलं वीक्ष्य राजात्मजो बली । दमनः स्तंभयामास सेतुर्वार्धिमिवोच्चलम्
tadbhajyamānaṃ svabalaṃ vīkṣya rājātmajo balī | damanaḥ staṃbhayāmāsa seturvārdhimivoccalam
Seeing his own army being broken thus, the mighty son of the king, Damana, held it fast, as a causeway holds the surging sea.
AI translation rendered from the Sanskrit, not a published edition
PdP 5 28.48
तदा तु मूर्च्छितो राजा स्वप्नमेकं ददर्श ह । रणमध्ये कपिवरप्रपदाघातताडितः
tadā tu mūrcchito rājā svapnamekaṃ dadarśa ha | raṇamadhye kapivaraprapadāghātatāḍitaḥ
But then the king, unconscious, struck in the midst of the battle by the blow of the best of monkeys' forefoot, saw a dream.
AI translation rendered from the Sanskrit, not a published edition
PdP 5 28.49
रामचंद्रस्त्वयोध्यायां सरयूतीरमंडपे । ब्राह्मणैर्याज्ञिकश्रेष्ठैर्बहुभिः परिवारितः
rāmacaṃdrastvayodhyāyāṃ sarayūtīramaṃḍape | brāhmaṇairyājñikaśreṣṭhairbahubhiḥ parivāritaḥ
Rāmacandra, in Ayodhyā, in a pavilion on the bank of the Sarayū, surrounded by many brahmins, the foremost of sacrificers;
AI translation rendered from the Sanskrit, not a published edition
PdP 5 28.50
तत्र ब्रह्मादयो देवास्तत्र ब्रह्मांडकोटयः । कृतप्राञ्जलयस्तं वै स्तुवंति स्तुतिभिर्मुहुः
tatra brahmādayo devāstatra brahmāṃḍakoṭayaḥ | kṛtaprāñjalayastaṃ vai stuvaṃti stutibhirmuhuḥ
there the gods beginning with Brahmā, there crores of universes, with palms joined, praise him again and again with hymns of praise.
AI translation rendered from the Sanskrit, not a published edition
PdP 5 28.51
रामं श्यामं सुनयनं मृगशृंगपरिग्रहम् । गायंति नारदाद्याश्च वीणोल्लसितपाणयः
rāmaṃ śyāmaṃ sunayanaṃ mṛgaśṛṃgaparigraham | gāyaṃti nāradādyāśca vīṇollasitapāṇayaḥ
Nārada and the others, with lutes shining in their hands, sing of Rāma, dark-hued, fair-eyed, holding a deer's horn (in his hand).
AI translation rendered from the Sanskrit, not a published edition
PdP 5 28.52
नृत्यंत्यप्सरसस्तत्र घृताची मेनकादयः । वेदा मूर्तिधरा भूत्वा उपतिष्ठंति राघवम्
nṛtyaṃtyapsarasastatra ghṛtācī menakādayaḥ | vedā mūrtidharā bhūtvā upatiṣṭhaṃti rāghavam
There the apsarases dance — Ghṛtācī, Menakā and the rest; and the Vedas, having taken bodily form, wait upon the Rāghava.
AI translation rendered from the Sanskrit, not a published edition
PdP 5 28.53
यच्च किंचिद्वस्तुजातं सर्वशोभासमन्वितम् । तस्य दातारमखिलं भक्तानां भोगदायकम्
yacca kiṃcidvastujātaṃ sarvaśobhāsamanvitam | tasya dātāramakhilaṃ bhaktānāṃ bhogadāyakam
And whatever sort of object there is, possessed of every beauty — (they wait upon) him who is the giver of it all, who bestows enjoyments upon his devotees.
AI translation rendered from the Sanskrit, not a published edition
PdP 5 28.54
इत्येवमादिसंपश्यञ्जाग्रत्संज्ञामवाप सः । ब्रह्मशापहतज्ञानः किं दृष्टमिति वै वदन्
ityevamādisaṃpaśyañjāgratsaṃjñāmavāpa saḥ | brahmaśāpahatajñānaḥ kiṃ dṛṣṭamiti vai vadan
Beholding such things as these, he attained waking consciousness, his wealth of knowledge destroyed by the brahmin's curse, saying, "What was that I saw?"
AI translation rendered from the Sanskrit, not a published edition
PdP 5 28.55
उत्थाय प्रययौ पद्भ्यां शत्रुघ्नचरणं प्रति । भृत्यकोटिपरीवारो रथकोटिपरीवृतः
utthāya prayayau padbhyāṃ śatrughnacaraṇaṃ prati | bhṛtyakoṭiparīvāro rathakoṭiparīvṛtaḥ
Rising, he went on foot toward Śatrughna's feet, attended by a crore of servants and surrounded by a crore of chariots.
AI translation rendered from the Sanskrit, not a published edition
PdP 5 28.56
सुकेतुं तु समाहूय विचित्रं दमनं तथा । युद्धं कर्तुं समुद्युक्तान्वारयामास धर्मवित्
suketuṃ tu samāhūya vicitraṃ damanaṃ tathā | yuddhaṃ kartuṃ samudyuktānvārayāmāsa dharmavit
But summoning Suketu, and Vicitra, and Damana as well, the knower of dharma restrained them, who were making ready to give battle.
AI translation rendered from the Sanskrit, not a published edition
PdP 5 28.57
उवाच तान्महाराजो धर्मात्मा धर्मसंयुतः । भ्रातःपुत्रौ शृणुत मे वाक्यं धर्मसमन्वितम्
uvāca tānmahārājo dharmātmā dharmasaṃyutaḥ | bhrātaḥputrau śṛṇuta me vākyaṃ dharmasamanvitam
The great king, righteous of soul and joined to dharma, said to them: "Sons of my brother, hear from me a speech in accord with dharma.
AI translation rendered from the Sanskrit, not a published edition
PdP 5 28.58
मा युद्धं कुरुत क्षिप्रमनयस्तु महानभूत् । यद्रामचंद्रवाहं त्वमगृह्णाद्दमनोर्ज्जितम्
mā yuddhaṃ kuruta kṣipramanayastu mahānabhūt | yadrāmacaṃdravāhaṃ tvamagṛhṇāddamanorjjitam
"Do not make war! A great transgression has quickly come about, in that you, mighty Damana, seized Rāmacandra's horse.
AI translation rendered from the Sanskrit, not a published edition — the model flagged this verse as uncertain
PdP 5 28.59
एष रामः परंब्रह्म कार्यकारणतः परम् । चराचरजगत्स्वामी न मानुषवपुर्धरः
eṣa rāmaḥ paraṃbrahma kāryakāraṇataḥ param | carācarajagatsvāmī na mānuṣavapurdharaḥ
"This Rāma is the supreme Brahman, higher than effect and cause, the lord of the world of moving and unmoving things; he is not one who bears a human body.
AI translation rendered from the Sanskrit, not a published edition
PdP 5 28.60
एतद्धि ब्रह्मविज्ञानमधुना ज्ञातवानहम् । पुरासितांगशापेन हृतज्ञानधनोऽनघाः
etaddhi brahmavijñānamadhunā jñātavānaham | purāsitāṃgaśāpena hṛtajñānadhano'naghāḥ
"This indeed is the knowledge of Brahman that I have understood only now, O sinless ones, since formerly my wealth of knowledge had been carried off by Asitāṅga's curse.
AI translation rendered from the Sanskrit, not a published edition
PdP 5 28.61
अहं पुरा तीर्थयात्रां गतस्तत्त्वविवित्सया । तत्रानेके मया दृष्टा मुनयो धर्मवित्तमाः
ahaṃ purā tīrthayātrāṃ gatastattvavivitsayā | tatrāneke mayā dṛṣṭā munayo dharmavittamāḥ
"Long ago I went on a pilgrimage to the sacred fords, wishing to learn the truth; there many sages, the best of the knowers of dharma, were seen by me.
AI translation rendered from the Sanskrit, not a published edition
PdP 5 28.62
असितांगं मुनिमहं गतवाञ्ज्ञातुमिच्छया । तदा प्रोवाच मां विप्रः कृपां कृत्वा ममोपरि
asitāṃgaṃ munimahaṃ gatavāñjñātumicchayā | tadā provāca māṃ vipraḥ kṛpāṃ kṛtvā mamopari
"I went to the sage Asitāṅga with the wish to know; then that brahmin, showing mercy toward me, spoke to me.
AI translation rendered from the Sanskrit, not a published edition
PdP 5 28.63
योऽसावयोध्याधिपतिः स परब्रह्मशब्दितः । तस्य या जानकी देवी साक्षात्सा चिन्मयी स्मृता
yo'sāvayodhyādhipatiḥ sa parabrahmaśabditaḥ | tasya yā jānakī devī sākṣātsā cinmayī smṛtā
"'He who is that lord of Ayodhyā is the one called the supreme Brahman; and she who is his goddess Jānakī, she is held to be consciousness itself in visible form.
AI translation rendered from the Sanskrit, not a published edition
PdP 5 28.64
एनं तु योगिनः साक्षादुपासते यमादिभिः । दुस्तरा पारसंसारवारिधिं संतितीर्षवः
enaṃ tu yoginaḥ sākṣādupāsate yamādibhiḥ | dustarā pārasaṃsāravāridhiṃ saṃtitīrṣavaḥ
"'Yogins directly worship him by means of restraint (yama) and the rest, desiring to cross over the hard-to-cross ocean of saṃsāra to its far shore.
AI translation rendered from the Sanskrit, not a published edition — the model flagged this verse as uncertain
PdP 5 28.65
स्मृतमात्रो महापापहारी स गरुडध्वजः । य एनं सेवते विद्वान्स संसारं तरिष्यति
smṛtamātro mahāpāpahārī sa garuḍadhvajaḥ | ya enaṃ sevate vidvānsa saṃsāraṃ tariṣyati
"'Merely by being remembered, he who bears Garuḍa as his banner removes great sins; the wise man who serves him will cross over saṃsāra.'
AI translation rendered from the Sanskrit, not a published edition
PdP 5 28.66
तदाहमहसं विप्रं कोऽयं रामस्तु मानुषः । केयं सा जानकी देवी हर्षशोकसमाकुला
tadāhamahasaṃ vipraṃ ko'yaṃ rāmastu mānuṣaḥ | keyaṃ sā jānakī devī harṣaśokasamākulā
"Then I laughed at the brahmin: 'Who is this Rāma but a man? Who is that goddess Jānakī, beset with joy and grief?
AI translation rendered from the Sanskrit, not a published edition
PdP 5 28.67
अजन्मनः कथं जन्म अकर्तुः कृत्यमत्र किम् । जन्मदुःखजरातीतं कथयस्व मुने मम
ajanmanaḥ kathaṃ janma akartuḥ kṛtyamatra kim | janmaduḥkhajarātītaṃ kathayasva mune mama
"'How is there birth for the birthless, and what is there here to be done by one who does not act? Tell me, sage, of that which is beyond birth, suffering and old age.'
AI translation rendered from the Sanskrit, not a published edition
PdP 5 28.68
इत्युक्तवंतं मां क्रुद्धः शशाप स मुनीश्वरः । अज्ञात्वा तत्स्वरूपं त्वं प्रतिब्रूषे ममाधम
ityuktavaṃtaṃ māṃ kruddhaḥ śaśāpa sa munīśvaraḥ | ajñātvā tatsvarūpaṃ tvaṃ pratibrūṣe mamādhama
"When I had spoken thus, that lord of sages, enraged, cursed me: 'Without knowing his true nature, you contradict me, base one!
AI translation rendered from the Sanskrit, not a published edition
PdP 5 28.69
एनं निंदसि रामं त्वं मानुषोऽयमिदं हसन् । तस्मात्त्वं तत्त्वसंमूढो भविष्यस्युदरंभरिः
enaṃ niṃdasi rāmaṃ tvaṃ mānuṣo'yamidaṃ hasan | tasmāttvaṃ tattvasaṃmūḍho bhaviṣyasyudaraṃbhariḥ
"'You revile this Rāma, laughing thus, (saying) "he is a man"; therefore you shall become utterly deluded about the truth, a mere filler of your belly.'
AI translation rendered from the Sanskrit, not a published edition
PdP 5 28.70
तदाहं तस्य चरणावगृह्णं सदया युतः । दृष्ट्वा मे विनयं मां तु प्रावोचत्करुणानिधिः
tadāhaṃ tasya caraṇāvagṛhṇaṃ sadayā yutaḥ | dṛṣṭvā me vinayaṃ māṃ tu prāvocatkaruṇānidhiḥ
"Then I took hold of his feet, filled with compassion; and seeing my humility, that treasury of compassion said to me:
AI translation rendered from the Sanskrit, not a published edition — the model flagged this verse as uncertain
PdP 5 28.71
त्वं रामस्य मखे विघ्नं करिष्यसि यदा नृप । तदा हनूमानंघ्रिं त्वां ताडयिष्यति वेगतः
tvaṃ rāmasya makhe vighnaṃ kariṣyasi yadā nṛpa | tadā hanūmānaṃghriṃ tvāṃ tāḍayiṣyati vegataḥ
"'When you, O king, shall obstruct Rāma's sacrifice, then Hanumān will strike you swiftly with his foot.
AI translation rendered from the Sanskrit, not a published edition
PdP 5 28.72
तदा त्वं ज्ञास्यसे राजन्नान्यथा स्वमनीषया । पुराहमुक्तस्तेनैवं तद्दृष्टमधुना मया
tadā tvaṃ jñāsyase rājannānyathā svamanīṣayā | purāhamuktastenaivaṃ taddṛṣṭamadhunā mayā
"'Then, O king, you will know — not otherwise, by your own thinking.' Thus was I told by him long ago, and now I have seen it.
AI translation rendered from the Sanskrit, not a published edition
PdP 5 28.73
यदा मां हनुमान्क्रुद्धस्ताडयामास वक्षसि । तदाऽदर्शं रमानाथं पूर्णब्रह्मस्वरूपिणम्
yadā māṃ hanumānkruddhastāḍayāmāsa vakṣasi | tadā'darśaṃ ramānāthaṃ pūrṇabrahmasvarūpiṇam
"When the angry Hanumān struck me on the chest, then I saw the Lord of Ramā, whose form is the full Brahman."
AI translation rendered from the Sanskrit, not a published edition
PdP 5 28.74
तस्मादश्वं तु शोभाढ्यमानयंतु महाबलाः । धनानि चैव वासांसि राज्यं चेदं समर्पये
tasmādaśvaṃ tu śobhāḍhyamānayaṃtu mahābalāḥ | dhanāni caiva vāsāṃsi rājyaṃ cedaṃ samarpaye
"Therefore let the mighty men bring the horse, richly adorned; and wealth and garments and this kingdom too I shall present (to him)."
AI translation rendered from the Sanskrit, not a published edition
PdP 5 28.75
रामं दृष्ट्वा कृतार्थः स्यामहं यज्ञेति पुण्यदे । आनयंतु हयं मह्यं रोचते तु तदर्पणम्
rāmaṃ dṛṣṭvā kṛtārthaḥ syāmahaṃ yajñeti puṇyade | ānayaṃtu hayaṃ mahyaṃ rocate tu tadarpaṇam
"Having seen Rāma, may I be one whose purpose is fulfilled — thus, at the merit-giving sacrifice. Let them bring the horse for me; the presenting of it pleases me."
AI translation rendered from the Sanskrit, not a published edition