Padma Purana — Patala Khanda — Chapter 22
PdP 5 22.1
सुमतिरुवाच। अथ सर्वं दिनं नीत्वा हरिस्मरणकीर्तनैः । रात्रौ सुष्वाप गंगाया रोधस्युरुफलप्रदे
sumatiruvāca| atha sarvaṃ dinaṃ nītvā harismaraṇakīrtanaiḥ | rātrau suṣvāpa gaṃgāyā rodhasyuruphalaprade
Sumati said: Then, having passed the whole day in remembering and praising Hari, at night he slept on the bank of the Gaṅgā, which bestows abundant fruit.
AI translation rendered from the Sanskrit, not a published edition
PdP 5 22.2
ददर्श स्वप्नमध्ये तु स स्वात्मानं चतुर्भुजम् । शंखचक्रगदापद्मशार्ङ्गकोदंडधारिणम्
dadarśa svapnamadhye tu sa svātmānaṃ caturbhujam | śaṃkhacakragadāpadmaśārṅgakodaṃḍadhāriṇam
And in the midst of his dream he saw his own self four-armed, bearing conch, discus, mace, lotus and the horn bow (śārṅga).
AI translation rendered from the Sanskrit, not a published edition
PdP 5 22.3
नृत्यंतं पुरुषोत्तमस्य पुरतः शर्वादि देवैः सह । श्रीमद्भिः स्वतनूयुतैररिगदांबूत्थाब्जहेत्यादिभिः । विष्वक्सेनवरैर्गणैः सुतनुभिः श्रीशंसदोपासितं । दृष्ट्वा विस्मयमाप लोकविषयं हर्षं तथात्यद्भुतम्
nṛtyaṃtaṃ puruṣottamasya purataḥ śarvādi devaiḥ saha | śrīmadbhiḥ svatanūyutairarigadāṃbūtthābjahetyādibhiḥ | viṣvaksenavarairgaṇaiḥ sutanubhiḥ śrīśaṃsadopāsitaṃ | dṛṣṭvā vismayamāpa lokaviṣayaṃ harṣaṃ tathātyadbhutam
(He saw himself) dancing before Puruṣottama together with Śarva and the other gods; (and saw him) attended constantly, along with the assembly of Śrī, by glorious hosts, the foremost servants of Viṣvaksena, with beautiful bodies and with thousands of bodies of their own, bearing discus, mace, conch, lotus, sword and the rest — and seeing (this) he felt amazement, and a joy going beyond the world and most wondrous.
AI translation rendered from the Sanskrit, not a published edition — the model flagged this verse as uncertain
PdP 5 22.4
ददतं मनसोऽभीष्टं पुरुषोत्तमसंज्ञितम् । आत्मानं च कृपापात्रममन्यत महामतिः
dadataṃ manaso'bhīṣṭaṃ puruṣottamasaṃjñitam | ātmānaṃ ca kṛpāpātramamanyata mahāmatiḥ
(He saw him) granting the heart's desire, him called Puruṣottama; and that great-minded one thought himself a vessel of (his) grace.
AI translation rendered from the Sanskrit, not a published edition
PdP 5 22.5
इत्येवं स्वप्नविषये ददर्श नृपसत्तमः । प्रातः प्रबुद्धो विप्राय जगाद स्वप्नमीक्षितम्
ityevaṃ svapnaviṣaye dadarśa nṛpasattamaḥ | prātaḥ prabuddho viprāya jagāda svapnamīkṣitam
Thus did the best of kings see in the sphere of dream; awakened in the morning, he told the brahmin the dream he had seen.
AI translation rendered from the Sanskrit, not a published edition
PdP 5 22.6
तच्छ्रुत्वा वाडवो धीमान्कथयामास विस्मितः । राजंस्त्वयासौ दृष्टो यः पुरुषोत्तमसंज्ञितः
tacchrutvā vāḍavo dhīmānkathayāmāsa vismitaḥ | rājaṃstvayāsau dṛṣṭo yaḥ puruṣottamasaṃjñitaḥ
Hearing that, the wise brahmin, astonished, spoke: O king, he who was seen by you, who is called Puruṣottama,
AI translation rendered from the Sanskrit, not a published edition
PdP 5 22.7
दास्यते शंखचक्रादिचिह्नितां स्वतनुं हरिः । इति श्रुत्वा तु तद्वाक्यं रत्नग्रीवो महामनाः
dāsyate śaṃkhacakrādicihnitāṃ svatanuṃ hariḥ | iti śrutvā tu tadvākyaṃ ratnagrīvo mahāmanāḥ
Hari will grant (you) his own body, marked with conch, discus and the rest. Having heard that speech, the high-minded Ratnagrīva
AI translation rendered from the Sanskrit, not a published edition
PdP 5 22.8
दापयामास दानानि दीनानां मानसोचितम् । स्नात्वा गंगाब्धिसंयोगे तर्पयित्वा पितॄन्सुरान्
dāpayāmāsa dānāni dīnānāṃ mānasocitam | snātvā gaṃgābdhisaṃyoge tarpayitvā pitṝnsurān
had gifts given to the wretched, as much as their minds could wish; and having bathed at the meeting of the Gaṅgā and the ocean, and offered libations to the ancestors and the gods,
AI translation rendered from the Sanskrit, not a published edition
PdP 5 22.9
गायन्हरिगुणग्रामं प्रत्यैक्षत च दर्शनम् । ततो मध्याह्नसमये दिविदुंदुभयो मुहुः
gāyanhariguṇagrāmaṃ pratyaikṣata ca darśanam | tato madhyāhnasamaye dividuṃdubhayo muhuḥ
singing the host of Hari's qualities, he awaited the vision. Then at the midday hour kettledrums in heaven again and again
AI translation rendered from the Sanskrit, not a published edition
PdP 5 22.10
जघ्नुः सुरकराघात बहुशब्दसुशब्दिताः । अकस्मात्पुष्पवृष्टिश्च बभूव नृपमस्तके
jaghnuḥ surakarāghāta bahuśabdasuśabditāḥ | akasmātpuṣpavṛṣṭiśca babhūva nṛpamastake
resounded, struck by the hands of the gods, sounding out with many sounds; and suddenly a rain of flowers fell upon the king's head.
AI translation rendered from the Sanskrit, not a published edition
PdP 5 22.11
धन्योसि नृपवर्यस्त्वं नीलं पश्याक्षिगोचरम्
dhanyosi nṛpavaryastvaṃ nīlaṃ paśyākṣigocaram
"Blessed are you, you are the best of kings — behold Nīla, come within the range of your eyes!"
AI translation rendered from the Sanskrit, not a published edition
PdP 5 22.12
शृणोतीति यदा वाक्यं नृपो देवप्रणोदितम् । तदा स सूर्यकोटीनामधिकांति धरोद्भुतः
śṛṇotīti yadā vākyaṃ nṛpo devapraṇoditam | tadā sa sūryakoṭīnāmadhikāṃti dharodbhutaḥ
When the king heard this speech, uttered by the gods, then that wondrous one, bearing a radiance greater than that of ten million suns,
AI translation rendered from the Sanskrit, not a published edition
PdP 5 22.13
राज्ञोऽक्षिगोचरो जातो नीलनामा महागिरिः । राजतैः कानकैः शृंगैः समंतात्परिराजितः
rājño'kṣigocaro jāto nīlanāmā mahāgiriḥ | rājataiḥ kānakaiḥ śṛṃgaiḥ samaṃtātparirājitaḥ
the great mountain named Nīla, came within the king's sight, shining all around with peaks of silver and of gold.
AI translation rendered from the Sanskrit, not a published edition
PdP 5 22.14
किमग्निः प्रज्वलत्येष द्वितीयः किमु भास्करः । किमयं वैद्युतः पुंजो ह्यकस्मात्स्थिरकांतिधृक्
kimagniḥ prajvalatyeṣa dvitīyaḥ kimu bhāskaraḥ | kimayaṃ vaidyutaḥ puṃjo hyakasmātsthirakāṃtidhṛk
"Is this a fire blazing up? Or is it a second sun? Or is it a mass of lightning, suddenly holding a steady radiance?"
AI translation rendered from the Sanskrit, not a published edition
PdP 5 22.15
तापस ब्राह्मणो दृष्ट्वा नीलप्रस्थं सुशोभितम् । राज्ञे निवेदयामास एष पुण्यो महागिरिः
tāpasa brāhmaṇo dṛṣṭvā nīlaprasthaṃ suśobhitam | rājñe nivedayāmāsa eṣa puṇyo mahāgiriḥ
The ascetic brahmin, seeing the beautifully shining tableland of Nīla, announced to the king: "This is the holy great mountain."
AI translation rendered from the Sanskrit, not a published edition
PdP 5 22.16
तच्छ्रुत्वा नृपतिश्रेष्ठः शिरसा प्रणनाम ह । धन्योऽस्मि कृतकृत्योऽस्मि नीलो मे दृष्टिगोचरः
tacchrutvā nṛpatiśreṣṭhaḥ śirasā praṇanāma ha | dhanyo'smi kṛtakṛtyo'smi nīlo me dṛṣṭigocaraḥ
Hearing that, the best of kings bowed with his head: "I am blessed, I have accomplished my purpose — Nīla has come within my sight!"
AI translation rendered from the Sanskrit, not a published edition
PdP 5 22.17
अमात्यो राजपत्नी च करम्बस्तंतुवायकः । नीलदर्शनसंहृष्टा बभूवुः पुरुषर्षभ
amātyo rājapatnī ca karambastaṃtuvāyakaḥ | nīladarśanasaṃhṛṣṭā babhūvuḥ puruṣarṣabha
The minister, the king's wife, Karamba and the weaver — these became thrilled with joy at the sight of Nīla, O bull among men.
AI translation rendered from the Sanskrit, not a published edition
PdP 5 22.18
पंचैते विजये काले नीलपर्वतमारुहन् । महादुंदुभिनिर्घोषाञ्च्छृण्वन्तो ह्यमरैः कृतान्
paṃcaite vijaye kāle nīlaparvatamāruhan | mahāduṃdubhinirghoṣāñcchṛṇvanto hyamaraiḥ kṛtān
These five, at a victorious hour, climbed the Nīla mountain, hearing the great drum-blasts sounded by the immortals.
AI translation rendered from the Sanskrit, not a published edition
PdP 5 22.19
तस्योपरितने शृंगे चित्रपादपराजिते । ददर्श हाटकाबद्धं देवालयमनुत्तमम्
tasyoparitane śṛṃge citrapādaparājite | dadarśa hāṭakābaddhaṃ devālayamanuttamam
On its uppermost peak, unsurpassed for its variegated slopes, he saw a most excellent temple set with gold.
AI translation rendered from the Sanskrit, not a published edition — the model flagged this verse as uncertain
PdP 5 22.20
ब्रह्मागत्य सदा पूजां करोति परमेष्ठिनः । नैवेद्यं कुरुते यत्र हरिसंतोषकारकम्
brahmāgatya sadā pūjāṃ karoti parameṣṭhinaḥ | naivedyaṃ kurute yatra harisaṃtoṣakārakam
Brahmā comes and always performs the worship of the Supreme One, and there he makes the food-offering that gives Hari delight.
AI translation rendered from the Sanskrit, not a published edition
PdP 5 22.21
दृष्ट्वाथ तत्र विमलं देवायतनमुत्तमम् । प्रविवेश परीवारैः पंचभिः सह संवृतः
dṛṣṭvātha tatra vimalaṃ devāyatanamuttamam | praviveśa parīvāraiḥ paṃcabhiḥ saha saṃvṛtaḥ
Then, having seen there that spotless, most excellent temple of the god, he entered, surrounded together with his five attendants.
AI translation rendered from the Sanskrit, not a published edition
PdP 5 22.22
तत्र दृष्ट्वा जातरूपे महामणिविचित्रिते । सिंहासने विराजंतं चतुर्भुजमनोहरम्
tatra dṛṣṭvā jātarūpe mahāmaṇivicitrite | siṃhāsane virājaṃtaṃ caturbhujamanoharam
There, having seen (him) shining on a lion-throne of gold inlaid with great jewels, the charming four-armed one,
AI translation rendered from the Sanskrit, not a published edition
PdP 5 22.23
चंड प्रचंड विजय जयादिभिरुपासितम् । प्रणनाम सपत्नीको राजा सेवकसंयुतः
caṃḍa pracaṃḍa vijaya jayādibhirupāsitam | praṇanāma sapatnīko rājā sevakasaṃyutaḥ
attended by Caṇḍa, Pracaṇḍa, Vijaya, Jaya and the rest — the king, with his wife and with his servants, bowed down.
AI translation rendered from the Sanskrit, not a published edition
PdP 5 22.24
प्रणम्य परमात्मानं महाराजः सुरोत्तमम् । स्नापयामास विधिवद्वेदोक्तैः स्नानमंत्रकैः
praṇamya paramātmānaṃ mahārājaḥ surottamam | snāpayāmāsa vidhivadvedoktaiḥ snānamaṃtrakaiḥ
Having bowed to the Supreme Self, the best of the gods, the great king bathed (him) according to the rule with the bathing-mantras spoken in the Veda.
AI translation rendered from the Sanskrit, not a published edition
PdP 5 22.25
अर्घ्यपाद्यादिकं चक्रे प्रीतेन मनसा नृपः । चंदनेन विलिप्यैनं सुवस्त्रे विनिवेद्य च
arghyapādyādikaṃ cakre prītena manasā nṛpaḥ | caṃdanena vilipyainaṃ suvastre vinivedya ca
The king with a pleased mind performed the offering of water for the hands and feet and the rest, and having anointed him with sandal paste and presented fine garments,
AI translation rendered from the Sanskrit, not a published edition
PdP 5 22.26
धूपमारार्तिकं कृत्वा सर्वस्वादुमनोहरम् । नैवेद्यं भगवन्मूर्त्यै न्यवेदयदथो नृपः
dhūpamārārtikaṃ kṛtvā sarvasvādumanoharam | naivedyaṃ bhagavanmūrtyai nyavedayadatho nṛpaḥ
having made the incense-offering and the lamp-waving, the king then presented to the image of the Lord a food-offering, all of it sweet and delightful.
AI translation rendered from the Sanskrit, not a published edition
PdP 5 22.27
प्रणम्य च स्तुतिं चक्रे तापसब्राह्मणेन च । यथामतिगुणग्रामगुंफितस्तोत्रसंचयैः
praṇamya ca stutiṃ cakre tāpasabrāhmaṇena ca | yathāmatiguṇagrāmaguṃphitastotrasaṃcayaiḥ
And having bowed down, he made praise, together with the ascetic brāhmaṇa, with collections of hymns strung together, as far as his understanding went, from the host of (the Lord's) qualities.
AI translation rendered from the Sanskrit, not a published edition
PdP 5 22.28
राजोवाच। एकस्त्वं पुरुषः साक्षाद्भगवान्प्रकृतेः परः । कार्यकारणतो भिन्नो महत्तत्त्वादिपूजितः
rājovāca| ekastvaṃ puruṣaḥ sākṣādbhagavānprakṛteḥ paraḥ | kāryakāraṇato bhinno mahattattvādipūjitaḥ
The king said: You alone are the Puruṣa, the Lord himself, beyond primal nature, distinct from effect and cause, worshipped by the great principle (mahat-tattva) and the rest.
AI translation rendered from the Sanskrit, not a published edition
PdP 5 22.29
त्वन्नाभिकमलाज्जज्ञे ब्रह्मा सृष्टिविचक्षणः । तथा संहारकर्ता च रुद्रस्त्वन्नेत्रसंभवः
tvannābhikamalājjajñe brahmā sṛṣṭivicakṣaṇaḥ | tathā saṃhārakartā ca rudrastvannetrasaṃbhavaḥ
From the lotus of your navel was born Brahmā, skilled in creation; and likewise Rudra, the maker of destruction, arose from your eye.
AI translation rendered from the Sanskrit, not a published edition
PdP 5 22.30
त्वयाज्ञप्तः करोत्यस्य विश्वस्य परिचेष्टितम् । त्वत्तो जातं पुराणाद्यज्जगत्स्थास्नु चरिष्णु च
tvayājñaptaḥ karotyasya viśvasya pariceṣṭitam | tvatto jātaṃ purāṇādyajjagatsthāsnu cariṣṇu ca
Commanded by you, he carries out the working of this universe. From you was born, from of old, whatever in this world is fixed and whatever moves.
AI translation rendered from the Sanskrit, not a published edition
PdP 5 22.31
चेतनाशक्तिमाविश्य त्वमेनं चेतयस्यहो । तव जन्म तु नास्त्येव नांतस्तव जगत्पते । वृद्धिक्षयपरीणामास्त्वयि संत्येव नो विभो
cetanāśaktimāviśya tvamenaṃ cetayasyaho | tava janma tu nāstyeva nāṃtastava jagatpate | vṛddhikṣayaparīṇāmāstvayi saṃtyeva no vibho
Entering it with the power of consciousness, you make it conscious — ah! But for you there is no birth at all, and no end, O Lord of the world; increase, decay and transformation are simply not present in you, O pervading one.
AI translation rendered from the Sanskrit, not a published edition
PdP 5 22.32
तथापि भक्तरक्षार्थं धर्मस्थापनहेतवे । करोषि जन्मकर्माणि ह्यनुरूपगुणानि च
tathāpi bhaktarakṣārthaṃ dharmasthāpanahetave | karoṣi janmakarmāṇi hyanurūpaguṇāni ca
Even so, for the sake of protecting your devotees and for the establishing of dharma, you perform births and deeds, with qualities suited (to them).
AI translation rendered from the Sanskrit, not a published edition
PdP 5 22.33
त्वया मात्स्यं वपुर्धृत्वा शंखस्तु निहतोसुरः । वेदाः सुरक्षिता ब्रह्मन्महापुरुषपूर्वज
tvayā mātsyaṃ vapurdhṛtvā śaṃkhastu nihatosuraḥ | vedāḥ surakṣitā brahmanmahāpuruṣapūrvaja
By you, taking on the body of a fish, the demon Śaṅkha was slain and the Vedas were well guarded, O Brahman, O firstborn of the Great Puruṣa.
AI translation rendered from the Sanskrit, not a published edition
PdP 5 22.34
शेषो न वेत्ति महि ते भारत्यपि महेश्वरी । किमुतान्ये महाविष्णो मादृशास्तु कुबुद्धयः
śeṣo na vetti mahi te bhāratyapi maheśvarī | kimutānye mahāviṣṇo mādṛśāstu kubuddhayaḥ
Śeṣa does not know your greatness, nor does Bhāratī, the great goddess; how much less others, dull-witted ones like me, O great Viṣṇu.
AI translation rendered from the Sanskrit, not a published edition
PdP 5 22.35
मनसा त्वां न चाप्नोति वागियं परमेश्वरी । तस्मादहं कथं त्वां वै स्तोतुं स्यामीश्वरः प्रभो
manasā tvāṃ na cāpnoti vāgiyaṃ parameśvarī | tasmādahaṃ kathaṃ tvāṃ vai stotuṃ syāmīśvaraḥ prabho
This speech, the supreme goddess, does not reach you, nor (does the mind); therefore how could I be capable of praising you, O Lord, O master?
AI translation rendered from the Sanskrit, not a published edition
PdP 5 22.36
इति स्तुत्वा स शिरसा प्रणाममकरोन्मुहुः । गद्गदस्वरसंयुक्तो रोमहर्षांकितांगकः
iti stutvā sa śirasā praṇāmamakaronmuhuḥ | gadgadasvarasaṃyukto romaharṣāṃkitāṃgakaḥ
Having praised (him) thus, he made obeisance again and again with his head, his voice choked with emotion, his limbs marked with bristling hair.
AI translation rendered from the Sanskrit, not a published edition
PdP 5 22.37
इति स्तुत्या प्रहृष्टात्मा भगवान्पुरुषोत्तमः । उवाच वचनं सत्यं राजानं प्रति सार्थकम्
iti stutyā prahṛṣṭātmā bhagavānpuruṣottamaḥ | uvāca vacanaṃ satyaṃ rājānaṃ prati sārthakam
Delighted in heart by this hymn, the Lord, the Supreme Person, spoke a true and purposeful word to the king.
AI translation rendered from the Sanskrit, not a published edition
PdP 5 22.38
श्रीभगवानुवाच। तव स्तुत्या प्रहर्षोऽभून्मम राजन्महामते । जानीहि त्वं महाराज मां च प्रकृतितः परम्
śrībhagavānuvāca| tava stutyā praharṣo'bhūnmama rājanmahāmate | jānīhi tvaṃ mahārāja māṃ ca prakṛtitaḥ param
The Blessed Lord said: By your hymn of praise, O king of great mind, joy has arisen in me. Know me, great king, as beyond prakṛti.
AI translation rendered from the Sanskrit, not a published edition
PdP 5 22.39
नैवेद्यभक्षणं त्वं हि शीघ्रं कुरु मनोहरम् । चतुर्भुजत्वमाप्तः सन्गंतासि परमं पदम्
naivedyabhakṣaṇaṃ tvaṃ hi śīghraṃ kuru manoharam | caturbhujatvamāptaḥ sangaṃtāsi paramaṃ padam
Quickly eat the delightful food-offering (naivedya); having attained a four-armed form, you will go to the supreme abode.
AI translation rendered from the Sanskrit, not a published edition
PdP 5 22.40
त्वत्कृत्स्तुतिरत्नेन यो मां स्तोष्यति मानवः । तस्यापि दर्शनं दास्ये भुक्तिमुक्तिवरप्रदम्
tvatkṛtstutiratnena yo māṃ stoṣyati mānavaḥ | tasyāpi darśanaṃ dāsye bhuktimuktivarapradam
To whatever man will praise me with this jewel of a hymn made by you, to him too I shall grant a vision (of me) that bestows the boon of enjoyment and liberation.
AI translation rendered from the Sanskrit, not a published edition
PdP 5 22.41
इत्येवं वचनं राजा श्रुत्वा भगवतोदितम् । नैवेद्यभक्षणं चक्रे चतुर्भिः सह सेवकैः
ityevaṃ vacanaṃ rājā śrutvā bhagavatoditam | naivedyabhakṣaṇaṃ cakre caturbhiḥ saha sevakaiḥ
Having heard these words uttered by the Lord, the king ate the food-offering together with his four attendants.
AI translation rendered from the Sanskrit, not a published edition
PdP 5 22.42
ततो विमानं संप्राप्तं किंकिणीजालमंडितम् । अप्सरोवृंदसंसेव्यं सर्वभोगसमन्वितम्
tato vimānaṃ saṃprāptaṃ kiṃkiṇījālamaṃḍitam | apsarovṛṃdasaṃsevyaṃ sarvabhogasamanvitam
Then an aerial car arrived, adorned with a network of little bells, attended by throngs of apsarases, furnished with every enjoyment.
AI translation rendered from the Sanskrit, not a published edition
PdP 5 22.43
पुरुषोत्तमसंज्ञं च पश्यन्राजा स धार्मिकः । ववंदे चरणौ तस्य कृपापात्रकृतात्मकः
puruṣottamasaṃjñaṃ ca paśyanrājā sa dhārmikaḥ | vavaṃde caraṇau tasya kṛpāpātrakṛtātmakaḥ
And that righteous king, beholding (the Lord) named Puruṣottama, bowed to his feet, having made himself a vessel of (the Lord's) grace.
AI translation rendered from the Sanskrit, not a published edition
PdP 5 22.44
तदाज्ञया विमाने स आरुह्य महिलायुतः । जगाम पश्यतस्तस्य दिवि वैकुंठमद्भुतम्
tadājñayā vimāne sa āruhya mahilāyutaḥ | jagāma paśyatastasya divi vaikuṃṭhamadbhutam
By his command, he mounted the aerial car together with his wife and went, while (the Lord) looked on, to the wondrous Vaikuṇṭha in heaven.
AI translation rendered from the Sanskrit, not a published edition
PdP 5 22.45
मंत्री धर्मपरो राज्ञः सर्वधर्मविदुत्तमः । ययौ साकं विमानेन ललनावृन्दसेवितः
maṃtrī dharmaparo rājñaḥ sarvadharmaviduttamaḥ | yayau sākaṃ vimānena lalanāvṛndasevitaḥ
The king's minister, devoted to dharma, foremost among knowers of all dharmas, went along by aerial car, attended by a host of women.
AI translation rendered from the Sanskrit, not a published edition
PdP 5 22.46
तापसब्राह्मणस्तत्र सर्वतीर्थावगाहकः । चतुर्भुजत्वं संप्राप्तो ययौ देवैर्विमानिभिः
tāpasabrāhmaṇastatra sarvatīrthāvagāhakaḥ | caturbhujatvaṃ saṃprāpto yayau devairvimānibhiḥ
There the ascetic brahmin, who had bathed in all the sacred fords, attained the four-armed form and went with the gods who travel in aerial cars.
AI translation rendered from the Sanskrit, not a published edition
PdP 5 22.47
करंबोऽपि महाराज गानपुण्येन दर्शनम् । प्राप्तो ययौ सुरावासं सर्वदेवादिदुर्ल्लभम्
karaṃbo'pi mahārāja gānapuṇyena darśanam | prāpto yayau surāvāsaṃ sarvadevādidurllabham
Karamba too, great king, having obtained the vision through the merit of his singing, went to the abode of the gods, hard to reach even for all the gods and the rest.
AI translation rendered from the Sanskrit, not a published edition
PdP 5 22.48
सर्वे प्रचलिता विष्णुलोकं परममद्भुतम् । चतुर्भुजाः शंखचक्रगदापाथोजधारिणः
sarve pracalitā viṣṇulokaṃ paramamadbhutam | caturbhujāḥ śaṃkhacakragadāpāthojadhāriṇaḥ
All set out for the supremely wondrous world of Viṣṇu, four-armed, bearing conch, discus, mace, and lotus.
AI translation rendered from the Sanskrit, not a published edition
PdP 5 22.49
सर्वे मेघश्रियः शुद्धा लसदंभोजपाणयः । हारकेयूरकटकैर्भूषितांगा ययुर्दिवम्
sarve meghaśriyaḥ śuddhā lasadaṃbhojapāṇayaḥ | hārakeyūrakaṭakairbhūṣitāṃgā yayurdivam
All of them pure, with the splendor of clouds, with shining lotuses in their hands, their limbs adorned with necklaces, armlets, and bracelets, they went to heaven.
AI translation rendered from the Sanskrit, not a published edition
PdP 5 22.50
तद्विमानावलीर्दृष्ट्वा लोकैः प्रकृतिभिस्तदा । दुंदुभीनां तु निर्घोषस्तैः कृतः कर्णगोचरः
tadvimānāvalīrdṛṣṭvā lokaiḥ prakṛtibhistadā | duṃdubhīnāṃ tu nirghoṣastaiḥ kṛtaḥ karṇagocaraḥ
Then, when those rows of aerial cars were seen by the people and the subjects, the sound of kettledrums was made by them, coming within hearing.
AI translation rendered from the Sanskrit, not a published edition
PdP 5 22.51
तदैको ब्राह्मणो ह्यासीद्विष्णुपादाब्जवल्लभः । गतस्तद्विरहाकृष्टचेता जातश्चतुर्भुजः
tadaiko brāhmaṇo hyāsīdviṣṇupādābjavallabhaḥ | gatastadvirahākṛṣṭacetā jātaścaturbhujaḥ
At that time there was one brahmin, a lover of Viṣṇu's lotus feet; his mind drawn away by separation from him, he too became four-armed and departed.
AI translation rendered from the Sanskrit, not a published edition
PdP 5 22.52
तच्चित्रं वीक्ष्य लोकास्ते प्रशंसंतो महोदयम् । गंगासागरसंयोगे स्नात्वाऽगुस्तं पुरं प्रति
taccitraṃ vīkṣya lokāste praśaṃsaṃto mahodayam | gaṃgāsāgarasaṃyoge snātvā'gustaṃ puraṃ prati
Seeing that marvel, those people, praising the great good fortune, bathed at the confluence of the Ganges and the ocean and went (back) to their city.
AI translation rendered from the Sanskrit, not a published edition
PdP 5 22.53
अहो भाग्यं भूमिपते रत्नग्रीवस्य सन्मतेः । जगामानेन देहेन तद्विष्णोः परमं पदम्
aho bhāgyaṃ bhūmipate ratnagrīvasya sanmateḥ | jagāmānena dehena tadviṣṇoḥ paramaṃ padam
"Ah, the good fortune, O lord of the earth, of Ratnagrīva of good mind! With this very body he went to that supreme abode of Viṣṇu.
AI translation rendered from the Sanskrit, not a published edition
PdP 5 22.54
राजन्नसौ नीलगिरिः पुरुषोत्तमसत्कृतः । यं वीक्ष्यैव व्रजंत्यद्धा वैकुंठं परमायनम्
rājannasau nīlagiriḥ puruṣottamasatkṛtaḥ | yaṃ vīkṣyaiva vrajaṃtyaddhā vaikuṃṭhaṃ paramāyanam
O king, this Blue Mountain is honored by Puruṣottama; merely by seeing it (people) go straight to Vaikuṇṭha, the supreme refuge.
AI translation rendered from the Sanskrit, not a published edition
PdP 5 22.55
एतन्नीलस्य माहात्म्यं यः शृणोति स भाग्यवान् । यः श्रावयति लोकान्वै तौ गच्छेतां परं पदम्
etannīlasya māhātmyaṃ yaḥ śṛṇoti sa bhāgyavān | yaḥ śrāvayati lokānvai tau gacchetāṃ paraṃ padam
He who hears this greatness of the Blue (Mountain) is fortunate; and he who causes people to hear it — both of them shall go to the supreme abode.
AI translation rendered from the Sanskrit, not a published edition
PdP 5 22.56
एतच्छ्रुत्वा तु दुःस्वप्नो नश्यति स्मृतिमात्रतः । प्रांते संसारनिस्तारं ददाति पुरुषोत्तमः
etacchrutvā tu duḥsvapno naśyati smṛtimātrataḥ | prāṃte saṃsāranistāraṃ dadāti puruṣottamaḥ
And having heard this, a bad dream perishes by mere remembrance (of it); at the end the Supreme Person grants passage across the round of rebirth.
AI translation rendered from the Sanskrit, not a published edition
PdP 5 22.57
योऽसौ नीलाधिवासी च स रामः पुरुषोत्तमः । सीतासाक्षान्महालक्ष्मीः सर्वकारणकारणम्
yo'sau nīlādhivāsī ca sa rāmaḥ puruṣottamaḥ | sītāsākṣānmahālakṣmīḥ sarvakāraṇakāraṇam
And he who dwells there on the Blue (Mountain), he is Rāma, the Supreme Person; Sītā is Mahālakṣmī herself, the cause of all causes.
AI translation rendered from the Sanskrit, not a published edition
PdP 5 22.58
हयमेधं चरित्वा स लोकान्वै पावयिष्यति । यन्नामब्रह्महत्यायाः प्रायश्चित्ते प्रदिश्यते
hayamedhaṃ caritvā sa lokānvai pāvayiṣyati | yannāmabrahmahatyāyāḥ prāyaścitte pradiśyate
Having performed the horse sacrifice, he will indeed purify the worlds — he whose name is prescribed as expiation for the killing of a brahmin.
AI translation rendered from the Sanskrit, not a published edition
PdP 5 22.59
इदानीं त्वद्धयः प्राप्तो नीलेपर्वतसत्तमे । पुरुषोत्तमदेवं त्वं नमस्कुरु महामते
idānīṃ tvaddhayaḥ prāpto nīleparvatasattame | puruṣottamadevaṃ tvaṃ namaskuru mahāmate
Now your horse has arrived at the excellent Blue Mountain; do you, O great-minded one, make obeisance to the god Puruṣottama.
AI translation rendered from the Sanskrit, not a published edition
PdP 5 22.60
तत्र निष्पापिनो भूत्वा यास्यामः परमं पदम् । यस्य प्रसादाद्बहवो निस्तीर्णा भवसागरात्
tatra niṣpāpino bhūtvā yāsyāmaḥ paramaṃ padam | yasya prasādādbahavo nistīrṇā bhavasāgarāt
There, having become free of sin, we shall go to the highest state — by whose grace many have been carried across the ocean of existence.
AI translation rendered from the Sanskrit, not a published edition
PdP 5 22.61
एवं प्रवदतस्तस्य प्राप्तोऽश्वो नीलपर्वतम् । वायुवेगेन पृथिवीं कुर्वन्संक्षुण्णमंडलाम्
evaṃ pravadatastasya prāpto'śvo nīlaparvatam | vāyuvegena pṛthivīṃ kurvansaṃkṣuṇṇamaṃḍalām
While he was speaking thus, the horse reached the Blue Mountain, with the speed of the wind making the circle of the earth trampled.
AI translation rendered from the Sanskrit, not a published edition
PdP 5 22.62
तदा राजापि तत्पृष्ठचारी नीलाभिधं गिरिम् । प्राप्तो गंगाब्धिसंयोगे स्नात्वागात्पुरुषोत्तमम्
tadā rājāpi tatpṛṣṭhacārī nīlābhidhaṃ girim | prāpto gaṃgābdhisaṃyoge snātvāgātpuruṣottamam
Then the king too, following behind it, reached the mountain named Nīla; having bathed at the confluence of the Gaṅgā and the ocean, he went to Puruṣottama.
AI translation rendered from the Sanskrit, not a published edition
PdP 5 22.63
स्तुत्वा नत्वा च देवेशं सुरासुरनमस्कृतम् । जातं कृतार्थमात्मानममन्यत स शत्रुहा
stutvā natvā ca deveśaṃ surāsuranamaskṛtam | jātaṃ kṛtārthamātmānamamanyata sa śatruhā
And having praised and bowed to the lord of gods, saluted by gods and demons, that slayer of foes considered himself to have become one whose purpose was accomplished.
AI translation rendered from the Sanskrit, not a published edition